الخميس، 23 أكتوبر 2008

اوقات بحتاج ..كابوس ومصحتش منه..

أوقات بحتاج كتير ..لألف لمسة ايد
غيرك تمسنى
أوقات بحتاج كتير ..لألف حضن وغير
غيرك يضمنى
منك ياما قاسيت ..منك ومن عنيك
وازاى هتهمنى
بعد السنيين الطوال ..والايام الصعاب
خلاص بحاول انسى
كل ما عملتلى

......................
اولا : دى اغنيه انا كتبتها ووديتها لعمرو مصطفى ايام ما كنت بكتب اغانى وبعافر عشان اوديها لملحنين...
ثانيا : لو ست حاسة الاحساس ده او الشيطان بيفكر يضحك عليها كأنها مهرج او يلعب فى دماغها بقلم روج ..تفتكرربنا وتفتكره كويس قوى وتعرف انها ممكن تكون بين ايداه فى أاقل من الفانتو ثانيه
ثالثا : لو راجل اتقى ربنا فى الأمانه المربوطه فى رقبتك عشان عمرها ما توصل للأحساس ده ..املا عنيها قلبا وقالبا وكحل عنيها برؤيتك وأكسر شيطانها بمعاملتك الطيبه........

...................
( تحفيز او اليى اسمه تحديث )
نبيل وجهة نظرك احترمتها وعشان كده غيرت العنوان ولو مش متفقه مع وجهة نظرك قوى يكفينى يكفينى اهتمامك بيا وخوفك من ان حد يفهمنى غلط ...فعلا اخ مش من ابويا وامى..... وربنا عالم معزتك وغلاوتك كانت عندى ازاى وبقت عندى ايه دلوقت
.....
اما استاذ هانى ابو ملك وجهة نظرك يا هانى من البدايه فى محلها يعنى كل اليى قلته على الاغنيه لقيته فعلا فى التعليقات ....شكلك يا ابو ملك بتقرا الفنجان ولاا بتفتح المندل بعد الشغل.....
بس برضه اخويا وعزيز عينى كمان بس نقسم الارباح بالنص..

هناك 143 تعليقًا:

هانى زينهم يقول...

انا هاحجز بس لغاية ما اقرا براحتى ويا رب ابقى اول تعليق

هانى زينهم يقول...

تجربة غاية فى الواقعية الانسانية . بجد يا محاسن جرس انذار لكل زوج وزوجة عشان يتقوا ربنا قى بعض . وكمان عشان نصحى شوية ونفهم ان كتر الاسية ممكن يولد افكار شيطانية مش من طبيعة صاحبها .
دمتى مبدعة ودام قلمك وتعبيرك . وصدقينى الكلام ده اكبر من عمرو مصطفى للى بيفهم

صبرني يارب يقول...

لو راجل بقى يا بنتى

هما فين ؟؟

انتى عارفه انهم شاحين

هههههههههههههههههه

حقيقى الرجوله عادت قليله

وهو لو راجل حقيقى هايعمل كل ده

وعلى راي الاخ لمبي

الرجوله ادب مش هز كتاف

وعلى راي بتوع تنظيم الاسره الراجل مش بس بجزمته الراجل برعايته لبيته واسرته

نفسي كل راجل يحط قدامه شوية الاحاديث دول

رفقا بالقوارير

واستوصوا بالنساء خيرا

وان احبهااكرمها وان لم يحبها لن يظلمها

وخيركم خيركم لاهله وانا خيركم لاهلي

وبعد كده يبقى يحفظها احاديث الطاعه ويفسرها على مزاجه انهاتكون طاعه عاميه وطارشه وعارجه

وتحياتي ليكى يا جميل

سمكه واحده يقول...

بصي بجد مش هقدر اقول علي البوست ده بجد



الله الله الله عليكي يا سمسومه بجد والله
في الجون
هو ده الكلام
يارب يارب يكرمك ويسعدك ويهدينا اجمعين

بصي مش عارفه اعلقك اقول ايه بجد من كتير الروعه كلام مختصر بس فيه كل حاجه
بحبك في الله
سمكه

Sweet Violet يقول...

بجد انتى جبتى الخلاصه كلها

لو كل واحده تقربت الى الله و خافته ستنتصر على شيطانها

و لو كل راجل اهتم بمراته استحاله هايجلها الشعور دا

تحياتى

mido يقول...

عمرو مصطفى مرة واحدة
:)

طب شاف اللحن ولالأ؟

AHMED SAMIR يقول...

محاسن ازيك؟
سيبك انتي من الكلام دة.....عمرو مصطفى عمل ايه في الجواب اللي بعتيه ليه؟
بس بما اني ما سمعتش الاغنية دي حد بيغنيها يبقى ممكن اخمن مصيرها

mohamed ghalia يقول...

يا نهار ألوان إمتى كتبتى الكلام ده
لالالالالالالالالا وكمان بعتيه لعمرو مصطفى هههههههههههههه
جميلة قوى النصيحة إلى وجهتيها للنساء والرجال
بس نسيتى الشباب هههههههههه
تقبلى تحياتى
أستاذتى الغالية

موناليزا يقول...

تسلم ايدك
صدقتى

كـــيــــــــارا يقول...

لولولوللولولوووووولي

مبروك ياسنسنتي علي التجربه

اخيرا سومعتي الكلام

بس ماشاء الله عليكي

نيجي بقي لمناقشه الكلام

بجد برغم جماله الا اني حزنت ان ممكن واحده تفكر التفكير ده زي ماقلتي ربنا يبعد التفكير ده عن الستات

اول اما قريته افتكرت فيلم سهر الليالي والبت جيهان فاضل

علطول احساس مر اوي لما تلاقي حد كده
ومش هتبقي سعيده لان القلب مش يساع الا واحد بس

SHAPE YOUR LIFE (ABOALI) يقول...

الست لما تحتاج
اكيد مش هاتقول
بس هاتعبر

قالوا زمان
تموت الحرة لا تاكل بثدييها
بس فى زمن قل فيه الزوجات
وكثرت الاناث
وقل فيه الرجال
وكثرت فيه الذكور
فحدث كما شئت

ولكن سيدتى ان كنا نتحدث عن العلاقة الحميمه بين ادم وحواء
فلابد ان نعترف بوجود فجوه فى تلك العلاقة
اصبحت متتطلبات حواء غير طبيعة
وقناعة ادم غير اداميه
فحدثت الفجوه
طب الحل ايه ؟
نفك الاشتباك
نقعد مع بعض نفكر بعقلانية

نحلل بعضنا وننظر لانفسنا من خلال منشور
علشان احنا فى النهاية كيان واحد
نتكلم بصراحة نواجة بعض بما نحتاج اليه
فى حاجة خطيرة نقع فيها اسمها
الافكار المسبقة
يعنى يكون عند البعض تفكير
باءن الاخر فاهم كويس والعكس
ونقعد نفترض افتراضات
وننسج حلول على افتراضات
بس لو بحبة استيضاح هانفهم

هاضرب مثل واقعى
مريض راح يكشف عن طبيب الرمد على عينه
الدكتور قال هى كويسه ولما تستوى هانشوف تانى
المريض ركز على انها كويسه وترك كلمة تستوى ولم يسئل
وهايروح بيته وهو مطمئن
مع انه بحبة استيضاح هايفهم
انى معنى تستوى انه عنده ميا بيضاء
الدكتور مستنى تتجمع علشان العملية

البعض هايقول الدكتور لازم يوضح
اكيد
بس الدكتور بحكم طبيعة العمل العبارات دى بيقولها الاف المرات
ففهم هو الاخر انى المريض فاهم
شفتى
اننا محتاجين ضمات بعض ازاى
نزود بس التناسق بينا
وبلاش نتعامل اننا فى حرب
لاننا روح واحد وكلنا انسان

اما عن النصائح اكيد جميلة بس لازم خطوات قبلها ربنا بيحب اللى يفكر فى حل مشاكله مش يعقدها


ليه بوست قديم اسمه فى الشر يكمن الخير
شوفى من خلاله سيدتى الزوجة كانت ايه
وهى حاليا ايه
هو شهر مايو تقريبا
تحياتى على حروف كلماتك العطرة

أختكم فى الله يقول...

عندك حق والله

ربنا يعصمنا من الشيطان يا رب

م/ الحسيني لزومي يقول...

كما قلت سابقا ان العادة تقتل الاشياء وهذه الاشياء هي التي تقلب حياتنا راسا علي عقب فعلينا بالتجديد في كل تفاصيل حياتنا حتي في اماكن الاثاث في المنزل.
الزوج يتصور انه بعقد الزواج ملك الزوجة قلبا وقالبا فيتصور ان غير مطالب بانه يعاملها كملهمه اوحبيبة.
الزوجة تري ان الصيد وقع في الشباك وانها ليس في حاجة الي ان تجعله يسهر تحت البلكونه في انتظار طلعتها البهية.
الزوج يري انه بعد الزواج لا وقت للحب وان متطلبات الحياة لا تدع له حتي البسمه.
الزوجه تري انها كانت عايشه معززة في بيت ابيها اللي بيجيبلها لبن العصفور ومنذا ان تزوجت شهر عسل وعمر بصل......

وهكذا وهكذا ولا مانع من هكذا ولكن لتكن هناك بعض النسمات بين الزوجين التي تطفئ قيض المطالب الحياتية ولتكن هناك بعض النغمات التي تجري جداول الحب في الحياة وقبل هذا وذاك ليكن البعد الديني والاخلاقي فإن احببتها اكرمها وان كرهتها لاتظلمها ولتعلم الزوجة ان بين يديها امانة فلا تفرط فيها خاصة انها ليست في حاجة الا ان تعامل هذا الزوج كابن وزوج وخاصة ان الله قد منح المرأة طاقات اكبر من الرجل في الصبر والتحمل.

شهرزاد يقول...

ما اجمل تلك الكلمات صديقتي
وما أجمل إحساسك
كثيرا ما نحتاج إلى الحنية وخصوصا المراة فهي بأمس الحاجة إلى حضن يضمها ويحميها من غدر الزمان
ولكن إن لم تجد ذلك الحضن في من هم حولها يجب ان تصبر وتحتسب ذلك وأن لا تتبع اهواءها وشيطانها لتخسر بعد ذلك الكثير الكثير..
ربنا يصبرك ويصبرنا وينصرنا على من ظلمنا
ألف تحية وسلام

عاشــــــ النقاب ـقــــة"نونو" يقول...

افلا يعقلون
دة انتي كمان بتشعري وانا ما اعرفش
يلا اكتبي
بارك الله فيكي
كلمات رقيقة وواقعية
تحياتي

Nabil يقول...

السلام عليكم...
اختى العزيزه

الموضوع مضمونه كويس لازم طبعا الاهتمام من الطرفين... والوفاء والوفاء
لان الخطأ لا يبرر...

بس لانك اختى الكبيره ممكن اقول لحضرتك ان انا عندى تحفظ علي عنوان الموضوع
وافتكر انه لا يليق بطريقة حضرتك...هو صحيح مقصدك منه التعبير عن الموضوع بحسن نيه...بس لو ممكن نفوت فرص التاويل والفهم الخاطىء يبقى افضل

ده راى اخ وحضرتك ليك مطلق الحريه "اختلاف الراى لا يفسد للود قضيه" وخاصه ان كان ما بين اخوات

تحياتى...ودام الود

princess يقول...

اهم حاجة الطرفين يتقوا ربنا والمعاملة والعشرة الطيبة يبقوا هما الاساس
تحياتى ياام عبدالرحمن:)

غروب يقول...

سنسن وحشتينى خالص بجد

الكلام حلو اوووووى بس بصراحه مش قصدى على الاغنيه اقولك ليه ؟؟؟

انا لما باكتب دايما ببعد عن معنى ان الست هى اللى تكون خاينه لان الست بطبيعتها قلبها مش بيسكنه غير واحد

ومش معنى كلامى انها لو حبت مره وباظت هتعيش طول عمرها في الحب ده ومش هتحب تانى لالالالالالا انا اقصد ان اللى بيحتل قلبها في فتره زمنيه بيكون هو لوحده يعنى قلبها مش هينفع يساع اتنين وده عليى عكس الراجل اللى ممكن يجمع بين اربعه على حسب الشرع وممكن كمان يحبهم هما الاربعه ودى حكمه ربنا

وعشان كده حسيت في كلمات الاغنيه ظلم للست اكتر من كونه ظلم واقع عليها فهمااانى؟؟؟؟؟؟؟؟؟

لكن بقه التعليق اللى تحت الاغنيه جميل جدااااااا بجد فعلا لو كل راجل عامل الله في مراته مفيش ست هتشتكى والله

نفسي الشباب يفهموا كده ومش لازم اللى يكونوا بينفذوا شرع الله في زوجاتهم هما بس اللى مربيين دقنهم لالالا كل الشباب ...........يعنى ابقي روش واعمل كل حاجه بس مش تبقي خاين وعامل مراتك كويس وحسسها انك دنيتها وانها دنيك

انا اسفه على الاطاله بس بجد الموضوع بتاعك عايز مقالات مش مجرد تعليق

تسلم ايدك يا حبيبتى

الباحث عن الحقيقة يقول...

ازيك يا محاسن
الست لما تحب جوزها ..جوزها يحبها
الست لما توفر الدفء في عشها جوزها يلبد فيه زي القرد البردان
انا ما شوفتوش بس متخليه
ههههههه

اخبار بيرو ايه
قوليله خالك احمد بيسلم عليك
ابقى هاتيه يوم التبرع بالدم بتاع خيخيخ
ما تخافيش احنا مش هنتبرع احنا هنقف مع اللي هيغمن عليهم بس

غير معرف يقول...

عارفة يا محاسن

انتي بتلمحي للخيانة بس مشقادرة تتكلمي

انا كنت كاتب تعليق عن كوشيا في الموضوع دا ياريت تقريه حيفيدك
دي حاجة


تاني حاجة

تفتكري حياتنا خلاص بققت محتاجة

لمسة ايد

وحضن

احساس بالاهتمام

ننسي اللي فات
==================

عزيزتي

الخيانة لا تحتاج سبب

لان من يذهب اليها لا يرضي باي شيء

تعلمي جيد ربما اكون ابذل قصاري جهدي وتقارن بيني وبين

احمد ذكي أو احمد عز في دور في فيلم

الفرق الوحيد من وجهة نظري

هو حالة ايمان

ان الست والراجل يفهموا خلاص

ان الحياة اتفرضت عليهم

لازم هما يخلقوا السعادة

وفاء
اخلاص
مدي الحياة
حتي اذا ماتت

اعرف ناس بتخلص حتي بعد الخيانة ربنا يصبرها

شمس النهار يقول...

تسلم ايدك يامحاسن
بس هو ماغناهاش ليه

KHALED يقول...
أزال المؤلف هذا التعليق.
انا حره يقول...

احيانا الظروف والضغوط بتبقى صعبه جا على الست وبتحتاج زى ماقلتى بس بتفرق ف ايه بقى فى ست بتبقى عارفه ربها وبتخافه وعمرها ماترضى نفسها وتغضبه ابدا عشان كدا بتيجى على نفسها وتموت احتياجاتها وتكمل وفى ست تانيه نفسها اهم ورغباتها اولى انها تلبيها من انها تخاف ربها ودى اخرتها معروفه

ربنا يعافينا ويبعدنا عن اى حاجه فيها غضب ليه

EMMY BABY يقول...

بجد والله كلامك جميل

فعلا لو كل راجل خلى مراته دى هى الملكة فى حياته هو هيرتاح وهى كمان هترتاح وهتفضل مخلصة ليه طول عمرها

وبينى وبينك حتى لو مريحهاش الست الملتزمة بتفضل برضه مخلصة لجوزها وبتحاول ترضى ربنا فيه

موضوع جميل يا محاسن

ربنا يكرمك يارب

تحياتى

ايمى

شخـا بيــط مـحـجـوب يقول...

مدونتك جميلة وكمان البوستات بتعتك جميلة اوى وفعلا اهم حاجة هو تقوى الله لو كل واحد اتقى ربة هيكون مرتاح ويريح غيرة ولازم الواحد يشوف نفسة فى موضع غيرة اى انة لو يقبل انيكون احد يخصة فى هذا الوضع هيكون مبسوط ولا لا

تحياتى ليكى وياريت تقبلينى صديق لمدونتك واتمنىزيارتك لمدونتى

شخابيط mahgoub

اهالينا زهقوا يربونا يقول...

سنسن :

انتى معزومه يا قمر عندنا على عيد ميلاد سمكه

التفاصيل في البوست الحالى

إيمان قنديل يقول...

ماهو لو الناس كلها أتقت ربنا هايفلس الشيطان

Beram ElMasry يقول...

الاخت الفاضلة ، mahasen saber
السلام عليكم ورحمة الله وبركاتة
لم ولن اعمل بالسياسة ، وما اكتب هو ردة فعل لما تفعله الحكومة لصالح الغير ، لا لصالح الشعب الانهزامى المستأنس وان شئت دقة الوصف لقلنا الداجن ، وغضبى من الشعب اكثر
السياسى قد تحكمة معاهدة اواتفاقية ، ولكن غير السياسى ولكنه مسئول بشكل او باخر عندما يدعو للسلام بين اطفال فى الوقت اللذى يكتب فيه اطفال اليهود رسائل على رؤس الصواريخ لاطفال لبنان ، ما الهدف نتعلم الخنوع ويستاسد الخنزير
هل ينكر احد قتلانا برصاص القناص اليهودى لمدنين وعسكر دون ردة فعل ، اليس هذا خنوعا ومذلة
اليس من المعيب ان يطلق صراح عزام عزام الجاسوس بينما ايمن نور مريض السكر لا ينال هذا العفو السلطانى
هل نسينا الجندى الشرقاوى اللذى قتل العاهرات من اليهود فقتلتة اسرائيل داخل السجن شنقا فى ارض مصر وحراسة عسكرها الهمام ، من سمح بدخول القتلة ومن وافق وبكم ، ونعلن انه انتحر ، ابعد هذا السخف سخف
معذرة سيدتى ، والحمد لله على نعمة النسيان كالبهائم

Beram ElMasry يقول...

الاخت الفاضلة ، mahasen saber
السلام عليكم ورحمة الله وبركاتة
لم ولن اعمل بالسياسة ، وما اكتب هو ردة فعل لما تفعله الحكومة لصالح الغير ، لا لصالح الشعب الانهزامى المستأنس وان شئت دقة الوصف لقلنا الداجن ، وغضبى من الشعب اكثر
السياسى قد تحكمة معاهدة اواتفاقية ، ولكن غير السياسى ولكنه مسئول بشكل او باخر عندما يدعو للسلام بين اطفال فى الوقت اللذى يكتب فيه اطفال اليهود رسائل على رؤس الصواريخ لاطفال لبنان ، ما الهدف نتعلم الخنوع ويستاسد الخنزير
هل ينكر احد قتلانا برصاص القناص اليهودى لمدنين وعسكر دون ردة فعل ، اليس هذا خنوعا ومذلة
اليس من المعيب ان يطلق صراح عزام عزام الجاسوس بينما ايمن نور مريض السكر لا ينال هذا العفو السلطانى
هل نسينا الجندى الشرقاوى اللذى قتل العاهرات من اليهود فقتلتة اسرائيل داخل السجن شنقا فى ارض مصر وحراسة عسكرها الهمام ، من سمح بدخول القتلة ومن وافق وبكم ، ونعلن انه انتحر ، ابعد هذا السخف سخف
معذرة سيدتى ، والحمد لله على نعمة النسيان كالبهائم

نبض الروح يقول...

فعلا رائع جدا
الشيطان يجري من ابن آدم مجرى الدم ,,,
والنفس أمارة بالسوء ولكن يبقى الخوف من الله هو من يمنعنا من اتباع الشيطان ,,,
سلمت أناملك

دعوة الفردوس يقول...

لولا التوضيح اللي بعد اول كلمتين كنت هيبقى ليا رأي تاني

التفكير ده فعلا يودي في داهيه
ربنا يعافينا

فعلا أعتقد ان الكلام والمصارحه بالاحتياجات بين الزوجين مهمه جـــــدا


وبتحل أكثر من نصف مشاكلهم

Unknown يقول...

والله مش عارفة اقولك
غير ان الناس مش بيحسوا ببعض كويس
حتى الازواج
للاسف الامن رحم ربى
احساسك صعب اوى
000
شاكرة لك سؤالك على

forbidden zone يقول...

سلام كلامك صح جداً....عذراً لأني ما رديتش زيارتك ليّ على طول..أكيد نسيتي مدونتي عشان كده يا ريت ترجعي تزوريها تاني وتسيبي تعليقات جديدة...
سلام
إسراء

أمل حمدي يقول...

بصي يا محاسن

انا مش ها اقولك كلام انشا
الدنيا مليانة بالغلط وعلشان كدا اسمها دنيا ودا مش معناه اننا نعالج الغلط بالغلط
وفيها الابتلاءات وعلشان كدا ربنا قال(ولقد خلقنا الانسان في كبد)
وقال( وبشر الصابرين)
ربنا يهدي كل الازواج والزوجات
موضوع مهم
تسلمي يا ام بيرو

د. محمد رضا يقول...

يا عيني يا عيني

كلمين ورد غطاهم

حاجه من الاخر


تحياتي ليكي يا فنانه

غير معرف يقول...

أ يا من احب رجلاً فى زمن الجهلاء
لا تغضبي ان كان لا يعرف شيمه النبلاء
قولى للحياه اقبلى فللداء دوما دواء
وان كان لعمرك بقيه فكفاكى منى البكاء
واري العالم ضحكتك وعيشي عيشه السعداء

تحياتى

Ahmed Mohamed يقول...

اول ما قريت عنوان البوست
افتكرت اغنية
الست لما لما لما ههه بتاعت محمود اليثي

بس لما كملت زعلت عشان في ناس كتيره كده
ربنا يهدي الكل

هوه الباشا بيكتب اغاني كمان
اال ال دا محدش هيعرف يكلم حضرتك تاني
الاغنيه جميله واحساسها عالي بس قصيره فين باقيتها

تحياتي

عالم ماريونت يقول...

عزيزتي محاسن:
عوده مرة تانية انا البوست اللي فات كتبت لك تعليق مش عارفة اذا كان وصل ولا لا لأن النت فصل ومش عارفة اية حكايتك معايا
بجد عارفةاني اتأخرت عليكي وكمان بصراحة معنديش دم اني مش سألت عليكي الفترة اللي فاتت دي مع انك على طول بتسألي
معلش بقى انتي الكبيرة
وان شاء الله هنزل بوست بكرة لو ربنا قدرني
ــــــــــــــــــــــــــــــــــ
نعلق بقى:
الفكرة الشيطانية دي بصراحة مش عاجباني حتى لو مجرد فكرة في دماغ صاحبتها
معلش يا محاسن بس انا شايفة ان مهما حصل مش ينفع الافكار دي حتى تيجي في دماغ الواحدة
بس خليني اقولك اني حتى معرفش يعني اية حب عشان اعرف اقولك بس ده رأيي
بجد ميرسي ليكي على ذوقك وسؤاالك
دايما صاحبة قلم متميز وافكار مبدعة
رنا

elsha3er يقول...

الكلمات جميلة جدا جدا

الى الامام بكل توفيق

احمد الشاعر

yoyo يقول...

فى الاول كدا وحشانى موووووووووووووووت يا محاسن والله اعمل ايه بقى فى الشغل والبرد اللى بجد مش عارفة اعمل فيه ايه عامل زى الحبيب اللى لزق ليا خلاص والله خايفة يكون دا نصيبى والبرد هو حبيبى هههههههه آه يا انا اه

اعذرينى بقى على التاخير يارب تكون بالف خير انت وبيدو يارب

الكلمات حلوة اوى وواقعية بس ياترى هى وصلت للكلام دا ليه العيب مش من الراجل وبس يعنى لازم الطرفين يراعوا مشاعر واحاسيس بعض لو ست بالفعل محرومة من كل المشاعر والحنان وهى مع راجل مش حاسس بيها ممكن تقع فى الغلط لو مش قريبة من ربنا

كلماتك دى جرس انذار لحالات كتير اوى موجودة بين على ارض الواقع

مشاء الله عليك اللهم لا حسد يعنى بتكتبى اغانى كمان ايوه كدا يا رافعة رايتنا

دمتى دائما وابدا مبدعة و متألقة

تحياتى
يويو

غير معرف يقول...

حلوه اوى

واقعيه جدااا

انسانيه مووت

dreem يقول...

محاسن ازيك
بصى حبيبتى شيطان الانس اقوى من شيطان الجن والست مهما جرالها من جوزها او مع جوزها لمابتصون وبتحترم مش بس بتصون وبتحترم الراجل اللى هى متجوزاه ..دى فالاساس بتصون بتحترم نفسها وابوها واخوها وولادها وقبل دا كله بتحترم تعاليم ديننا الحنيف .. ودا الفرق بين الست المتربية والمؤمنة وغيرها
تقبلى تحياتى

ahmed_k يقول...

الله ينور عليكي يا محاسن
فعلا الراجل المحب لأهل بيته المتقي الله فيهم بيعفهم وبيصونهم
بس للأسف في ناس عينها فارغه ميملهاش إلا التراب دولا مينفعش معاهم أي حاجه
ربنا يهديهم سواء نساء أو رجال

وتقبلي خالص تحياتي

الجواز و سنينه يقول...

و الله احسااااااااااااس احساس احساس
المشكله مش فى الشيطان
المشكله في اللى بيخلى التانى يوصله الاحساس ده حتى لو مش هايحطه فى موضع التنفيذ و هايتمسك بالله
بس بيفضل جواه الاحساس انه نفسه فى كل احضان العالم إلا هذا الشخص العجيب
احيييييييكى

كلام حسام يقول...

مدام محاسن
المرأة ان لعب برأسها الشيطان ليس الملام دوما الرجل والعكس صحيح
لكن جنس الرجال والنساء احترفوا تبادل الأتهامات وتناسي كل منهم دوره

"عبير النجار "نيجار يقول...

طبعاً كلاماتك أخر جمال
طلعي الرومانسيه المستخبيه
بس ماشي لما أشوفك
كده تبيعيني علشان فنجان قهوه
وتروحي تنامي انتي وكيارا
لما أشوفك بس
سلام

Purplewaves يقول...

في ناس كتير نفوسها ضعيفة وممكن يضعفوا قدام الشيطان اللي بيوسس لهم لكن اللي بيقرب من ربنا بيقويه وأي واحدة لازم تعرف ان لحظات الضعف بتيجي بعدها ساعات وساعات من الندم الذي لا ينفع صاحبه


تحياتي

محمد فاروق الشاذلى يقول...

نصيحة ممتازة لكل من الرجل والمرأة
اتمنى ان تجد من يستمع لها

momken يقول...

ربنا يكرمك كلام فى الصميم

وعندك حق فى كل حرف كتبتيه

فخيانه اى مراءه لا تتحمل وزرها وحده بل معاها رجلان

رجل اهملها ونسى حقها عليه

ورجل استغلها ونسى حق الله عليه

كلمات الاغنيه كمان حلوة اوى

سلمت يداكى

تحياتى

محمد فارس يقول...

الاخت الغاليه جدا جدا محاسن ام عبد الرحمن قرأت تعليقك وعجبني سؤالك واحساسك بالقلق واللي زاد من سعادتي
ان فيه ناس حسه بوجودي
اولا اشكرك جدا علي سؤالك
ثانيا انا بطمأنك انا في احسن حال والحمد لله ولكن بدايه العام الدراسي+الاعيب الكمبيوتر والنت هما السبب الرئيسي في بعدي عنكم انا هافضل اشكر فيكي من هنا لغاية ما اتمكن من كتابة البوست الجديد
ان شاء الله
قرأت اخر ما كتبتي ورغم وضوح الياس
فيها من شخص معين الا ان الكلمات جميله
جدا لكن اللي عجبني اكثر من كلمات الاغنيه توجيهك لمن اراد الشيطان التسلل الي قلبه وعقله بالعوده الي الله
واليك هذه الكلمات
ايها الحامل هما ان هما لايدوم
مثل ماتفني المسرات كذلك تفني الهموم
بصراحه مش عارف انا كل ما احب اعلق علي مدوناتك اوحتي ارد علي تعليقك باحس اني باطول عليكي قوي وعذري اني مش لاقي الكلمات اللي اعبر بيها عن سعادتي بان هناك ناس مثلك في تلقائيتك وعفويتك وحسن اختيارك
لكلمات رغم بساطتهاالا انها معبره جدا متهيالي اني وجعت دماغك كفايه كده؟؟
عموما اتركك في رعاية الله متمنيا لك ولعبد الرحمن حياه مليئه بالسعاده
ان شاء الله

حبيبه يقول...

بصي مش الرجل بس هو السبب في ان زوجته تخونه اوقات بيكون الرجل بيحب اوي بس الست الشيطان ملكها اكتر
وانتي قلتي الحل ان كل واحد يفكر في ربنا ويتقي ربنا بجد
تحياتي لكي

ojg يقول...

ممكن فعلا أحتاج لغيرك
مادمت انا بهون عليك كده
يمكن مش هخونك
بس يقتلني اني افكر كده
:(

مجلة الأم الصغيرة يقول...

نصائحك أصابت الهدف !!!!
و الطريقة اللي ختمتي بيها البوست أكثر من رائعة

تقبلي مني أسمى التحية !

Unknown يقول...

محاسن
ان شاء الله لقاء بورسعيد هيكون يوم 14/11 ويكون عمل خيرى الصبح وبعدين هنقعد مع بعضنا شوية ياريت تشرفينا

أكون أو لا أكون يقول...

أختي محاسن الحبيبه...
برغم حزن البوست... إلا أني أنفجرت من الضحك على... " لو ست حاسة الاحساس ده او الشيطان بيفكر يضحك عليها كأنها مهرج او يلعب فى دماغها بقلم روج...

درر ياحسونه درر...

الكلام ده فكرني بشخص قريب ... كان دايما بيقولنا الكلام ده ههههههههههههه... ودايما بيقول: الوحده لما بتسى شخصيتها ونفسها ونعيش علشان رجل وبس... ببتحول لمهرج... وبعد مايحولها لمهرج ... يبتدي يضحك ويضحّك الناس عليها...

سبحان الله...

بنت مصريه يقول...

انت لى حق
فعلا قسوه الزوج لاتبرر الخيانه
ولكن تولد الكره والنفور
احييكى عالاغنيه

غير معرف يقول...

رجل يحب بجد +اخلاص +يتقى ربنا فيكى =
رجل من كوكب تانى غير كوكب الارض

سمكه واحده يقول...

اه سمسومه صحيح

كلاماتك جميله
الاغنيه كلامتها حلوه

كمان ياريت كل انسان يتقي ربنا بجد ويخافه ويعامل اللي معاه بما يرضي ربنا الدنيا هتبقي حلوه كميله خالث ربنا يهدينا اجمعين
هاتي حاجه حلوه بقي

سلاااااااام
سمكمك

أحــوال الهـوي يقول...

هذا احساس يراود كل البشر انثي او ذكر في اوقات ضعفه او ضجره من الحبيب و الرادع دوما مخافة الله او الانجراف لما يندم علي فعله دائما
لكي نتخلص من هذا الاحساس لابد ان نتخلص من بشريتنا و ضعفنا و لن نفلح
فقط يجب الا نترك الزمام لعنفوان الانتقام ان يتملكنا و يقود زمامنا لان الندم حينها سوف يكون من الصعب التخلص منه
لا يجب ان يكون منظور الانسان من زاوية واحدة لكل الامور فلا نلقي كل اللوم علي الطرف الاخر و نعشق دور الضحية انما نري الامور من كل الزوايا وجهة نظرنا و ايضا الطرف الاخر و نعطي بعض العذر لشريك او شريكة الحياة فنهزم شياطيننا و ننتصر لانفسنا قبل الانتصار علي شريك عمرنا


تحياتي

ريمان يقول...

محاسن يا قمرررررررر

وحشاااااااااااانى

ايه البوست الجامد ده والاغانى الجامده دى

يا واد يا واد

سيدى يا سيدى

مكنتش اعرف انك بتالفى اغانى جميله كده

وعجبتنى اوى الكلمه اللى انت قولتيها للرجاله دى

ايوة كده
لان ساعات هما اللى بيكونوا السبب فى انحراف زوجاتهم

مش كده ولا ايه

احم احم
بصراحه بتكسف اتكلم فى الحاجات دى

ههههههههه

وحشانى خالص
وسلميلى على بيرو حبيبى
وانا ضيفت اميلك يا قمر

امواااااااااااااه

كلام على بلاطة يقول...

j
حاول تكتب اغانى كتير
والله الموفق

حاجات جوايا يقول...

ههههههههه
مش شايفة ان الف لمسة دى كتير شوية ؟؟
هتقف فى استاد دى ولا ايه ؟؟؟
هههههههههههه

أعوذ بالله ربنا يحفظنا ويثبتنا يارب

كلمات جميلة يا سنسن
ايه المواهب دى كلها ماشاء الله

دمتى مبدعة يا سكر

DR.HAMAS يقول...

أكتر حاجة عجبتنى


نصيحتك للبنات بالثبات ع الحق




د.حماس

maxbeta3zaman يقول...

البلوجوكليب محاسن صابر
يا شرين عبوهاب ويا أصاله تعالو عندها وهاتو معاكم ياسر عبد الرحمن والملحنين الجامدين ...ويا استار أكاديمى فايف والا سفن باين ...تعالو وخدوها بدل الواد قماح بن الفلاح بن الشيخ عيد .. ايه ده كله

mahasen saber يقول...

هانى زينهم.....

اهلا اهلا باول تعليق اخويا الكبير هانى
وحما ابنى...

mahasen saber يقول...

هانى زينهم.....

فعلا القسوه بتولد الكره والكره بيولد الكفر والعياذ بالله والمفروض فعلا نفوق لانفسنا قبل وقوع المكروه والمنهى عنه
.....
بتنورنى وبتفدنى بكلامك يا هانى اليى بعتبره بوست لوحده
...

mahasen saber يقول...

صبرنى يا رب.....
لا والله فيه رجاله كتير بس اليى يدور هههههههههه المشكله انهم فى الغالب يقولون ما لا يفعلون وتاتقيه يامرها ويطلب منها الاهتمام وهو فى المقابل معها لا يصدقها فى ما يقول
........
ربنا يهدى الجميع ويسعدهم
منوره يا جميلة المنصوره
...

mahasen saber يقول...

سمكه وحده.......
حبيبة قلبى ااقولك ايه على كلامك الجميل ده ...
بس انتى بتقولى مش عارفه تعلقى تقولى ايه وانا بقولك مش عارفه فعلا اشكرك ازاى على مقدار حبك ده
........
ربنا يديم المعرفه والحب فيه

mahasen saber يقول...

ضد التيار.....
وبتفل لو هيا مربط الفرس
ربنا ينور للجميع بصيرته ...ونورتينى يا قمر

mahasen saber يقول...

mido....
ميدو ميدو يا ميدو مشاكل انتا ..
هو مين اليى هيشوف اللحن انا ولا هو واللحن الايام دى بيتشاف ولاا بيتسمع
...
عارف لو مكنتش غالى عليا كنت عملت معركه دلوقت بس ااقول ايه متعب زى مدونتك ما هى مغلبانى كده
.......
منور يا ميدو ويا ادهم

mahasen saber يقول...

a.samir...
بلدياتى شوفلك حته فى الزقازيق عشان اضربك فيها هههههههه انا بقالى كده 3 سنيين نفسى اسمع حد بيغنيها ههههههه
.........
ماشى يا احمد بس انا مبعتلوش جوابات انتا عايز الناس تقول عليا دقه قديمه
.....

mahasen saber يقول...

mohamed ghalia.......
مهو لو كل الشباب زيك مش هيحتاجو نصيحه لانك اللهم لا حسد واللهم بارك احسبك على خير
........
ربنا يسعدك ويكرمك يا محمد

mahasen saber يقول...

موناليزيا....
تسلمى يا ام ابتسامه حلوه ونورتى يا حبيبتى
.....

mahasen saber يقول...

كيارا.......

كيارتى الجميله ...شخصية جيهان فاضل فى الفيلم كانت وقحه ووضيعه ست جوزها بيعاملها كويس وهيا اليى بتفترى على النعمه بعيد عنك هههههههه انا سمعت الفيلم مره واحده بس معجبتنيش الشخصيه دى خالص
........
بس منورانى يا حبيبتى
..
يله روحى اعليلى فنجان قهوه وانتى عارفه طبعا

mahasen saber يقول...

ABOALI....
دايما تعليقك وكلماتك بوست تستاهل تكون بوست بحاله وده من قيمتها العاليه
.......
واساس الزواج مش العلاقه دى فقط انا بتكلم عن الاحتواء اليى افتقدناه كتير فى بيوتنا وكانهم ولاا يعرفوا حاجه عن مكنونات بعضهم الداخليه
........
نورتنى وطبعا هقرا البوست لانه اكيد رائع طالما من احاسيسك وفكرك وايديك
........

mahasen saber يقول...

اختكم فى الله....
اللهم امين بس انا مؤمنه ان شيطان الانس اقوى من شيطان الجن وان النفس الاماره بالسوء اكبر من الاتنين مع بعض
.......
نورتى يا حبيبتى

mahasen saber يقول...

م\الحسينى لزومى.....
فعلا الحياه الزوجيه لازم من كسر روتينها اليومى حتى لا تصاب الاسره بالملل ولازم درجات الحب والاهتمام تعلى مش تقل عشان طاقة الحياه الزوجيه والاسريه تستمر
.....
حضرتك نورتنى ودمت مشرف المدونه

mahasen saber يقول...

شهرزاد.......
اللهم امين يا شهر ..وده اليى انا بقوله ان اتباع الاهواء والشهوات مش هو الحل لان عواقبه اسوأ من متعة فعله والعياذ بالله
يكفى ان الشخص بيتطرد من رحمة المولى عز وجل
.....
وما احلى الابتلاء مع الصبر
نورتينى يا حبيبتى

mahasen saber يقول...

عاشقة النقاب نونو....
منورانى يا حبيبتى ..وبعدين انتى اليى مبدعه ورائعه فى كل شئ ربنا يكرمك ويفرحك فى اسرتك واولادك
.........
منورانى يا نونو يا حبيبتى

mahasen saber يقول...

نبيل.....
رايك علىدماغى من فوق وفهم وجهة نظرك واليى انتا عايز تقوله بس انتا اولا اخويا الكبير مش الصغير وده مبدئيا عشان ميحصلش مشاكل بينا ...
.......
بس انا قصدى انتا رديت على نفسك وقلت قصدى اعبر عن الموضوع وبحسن نيه طبعا بس ممكن برضه وليه لا ومن عنيه هغيره اكراما لرايك واحترامك لما اكتب
....
تسلم يا نبيل يااخويا الكبير هههههه

mahasen saber يقول...

princess....
تحياتى يا حبيبة قلبى ازيك ..والدين المعامله مابالك بين الزوجين
.......
نورتينى يا برنسيستى

mahasen saber يقول...

saso.....
ساسو حبيبة قلبى الدنيا فيها الخير والشر وطبيعى زى ما فيه ست كويسه يبقى فيه ست وحشه
.....
وفيه ستات بتخون ازواجها زى ما فيه العكس ..وانا مظلمتش الست ابدا بقه انا اظلم ست برضه بس بتكلم عن موضوع بيحصل فعلا والا مكنتش كتبت عنه ومكنتش اتعرضله هنا
.........
بس نورتينى يا حبيبة قلبى

mahasen saber يقول...

الباحث عن الحقيقه.....
احنا هنقف نتفرج ..هههههههده عشمى برضه ازيك يا باحث يا خال الوله منور ..
ايه اخبار رجلك والتانيه ...قصدى اتطمن بس
........
بس كلامك طبعا مضبوط بس ان شاء الله هتشوف القرد ده لما تتجوز ولاا على ايهانتا مش بتشوفه فى المحكمهمنورنى يا باحث
.....
يا رب تلاقى اليى بتدور عليه

mahasen saber يقول...

afew good men....
اه يا ادم بلمح للمذكوره بس والله وقلبى بيتقطع طرنشات زى البصل الابيض اصلها حاجه مش محبوبه طبعا وسيرتها غير عطره خالص
...........
بس ااقولك طول ما كل واحد حاطط ربنا قصاده فى اى تصرف بيفكر يقدم عليه وتحت اى ضغط ...
ايد اكيد حالنا هيتغير للاحسن والمذكوره نسبتها هتقل واكيد هتنعدم
ولاا ايه يا ادم
.....
منورنى دايما

mahasen saber يقول...

شمس النهار......
وتسلمى يا حبيبة قلبى يا شموسة الدنيا
بس انا لو اعرف بس مغناهاش ليه كنت جاوبت حضرتك هههههههه
..........
حضرتك بتشرفينى دايما

mahasen saber يقول...

التعليق المحذوف.......
شكرا يا ابو تعليق محذوف
يا سوسه هههههههه

mahasen saber يقول...

انا حره.....
الله يكرمك بالفعل توضيحك مضبوط وربنا يجعلنا جميعا على طريقه
.....
نورتينى واسعدتينى جدا

mahasen saber يقول...

emmey baby.....
كل شئ غلط ليه بدايه يا ايمى والبدايه دايما عند الراجل لان الست استحالهه تخون وتوصل للمرحله البشعه دى الا اذا افتقدت فعلا فى جوزها الكثير
.........
نورتينى يا بيبى يا جميله

mahasen saber يقول...

شخابيط محجوب......
طبعا حضرتك خلاص بقيت اخ وصديق عزيز
وده شرف ليا ....
........
وفعلا تقوى الله ولو كل واحد التزم بيها واتقىربنا فى التانى عمرهم ما هينجرفوا للتيار والسكه دى
........
نورتنى واهلا بحضرتك وبزيارتك الكريمه

mahasen saber يقول...

اهالينا زهقوا يربونا.....
كل سنه وهيا بالف خير والف خير كمان منعندى بس اعفونى من هدية الزياره هههههههه
حلوه عزومة حفلة البلوج دى

mahasen saber يقول...

كباريه....
بس بزمتك مش نفسك يفلس ويشهر افلاسه وميلقيش حد يديله قرض كمان
.....
الله يخرب بيته ههههههه بس النفس الاماره بالسوء غلبته يا كباريه ومسحته باستيكه
.........
منوره يا جميله اخبار الامارات ايه

mahasen saber يقول...

berm almesry......
لا عذر على تعليق واهلا بحضرتكوبتعليقك وبفضفضتك وبكل اليى عايز تقوله
بس كل ده عشان قلت بس حضرتك بتكتب سياسى ....هههههههه ثائر دائما يا استاذ بيرم
اهلا وسهلا بحضرتك
ودايما منور

mahasen saber يقول...

نبض الروح......
ولان احما ااتخلقنا بقدرته وعودتنا اكيد ليه فلازم لازم نتقيه
.......
نورتينى يا نبض واسعدتنى زيارتك

mahasen saber يقول...

دعوة الفردوس.....

هههههههه مهو انا عشان عارفه انى ممكن اتفهم غلط فكتبت التوضيح ده مخصوص والله ومن غير بهارات كمان
.......
والمشكله فعلا ان كتير منالازواج مش بيصارحوا بعض باليى مزعلهم ومدايقهم وبالتالى حياة كل واحد بتمشى عكس حياة التانى ..والعياذ بالله
..........
نورتى يا دعوه

barbie girl يقول...

بوست جميل من مدونة جميلة.. عندك حق .. بيتوتنا هتتصلح لو كل واحد عرف اللى ليه زى ما عرف اللى عليه

عايش... ولكن !!!! يقول...

محااااااااااااااسن
ازيك يا ام بيروووووو
يعنى كمان كنتى بتبعتى اغانى لعمرو مصطفى :)
بس سيبك الحل بعيييييد جدا عن تخيلك وتخيلى لأسباب كتييييير اولها ان كلنا متمسكين برأينا ومحدش عاوز يطلع هو الغلطان
بس كلماتك فى الجون بصراحه
جبتى الزتونه :)
طمنينى على حبيب قلبى

Nabil يقول...

محاسن...

هو انت فاكره ان ممكن حاجه زى كده تعمل مشاكل بيننا؟؟؟

ده مستحيل..وبعدين انا رديت علي نفسى علشان انا عارف محاسن كويس..ومتاكد من تفكيرها وموضوعتها اللى بتعجبنى دايما وده كمان والله عاجبنى جدا

بس انا قولت علشان محدش يئول الكلام علي مزاجه ويفهمك غلط...بس

وشكرا علي الاهتمام...
وعلي فكره لو رفضتى انا ابدا مش هازعل ولا هابطل اقرا كلامك ..انا بجد والله اقصد ان ناس كتير حوالينا دلوقتى بتتصيد فحبيت انبهك..اما علي المستوى الشخصى انا فاهمك كويس بدليل انى رديت علي نفسي

ارق تحياتى...

فشكووول يقول...

يا خبر دا انت امم متحده او على الاقل جامعة دول عربيه شرقاويه ..رشيديه .. سودانيه .. بس انت هايله وشعرك هايل وان شاء الله حنسمع كل المطربين بيغنوا لك ..

جنّي يقول...

السلام عليكم

فعلا على الرجل دور كبير جدا في عدم ايصال زوجته إلى هذا الحد ..

ولكن على كل زوجة ان تتقي الله والا تغضب الله بسبب زوجها او تجاهله لها ..

فعلى كل منهما دور

mahasen saber يقول...

نهر الحب.......
اولا سؤالى عليكى لما تغيبى يا نوسه ده ااقل حاجه اعملها وده واجب وبحب كمان...
..اما احساسى فده مش احساسى والله ده كان مجرد كتابة اغانى اصلى كنت ناويه احترف ..مش انحرف
..يله ملهمش نصيب يغنوا من ايدى

mahasen saber يقول...

imagine....
لا عذر على تطنيش ههههههه لا طبعا ما انا بنسى وكتير بننسى مفيش عذر ولاا حاجه بعدين انتى اسم مدونتك بحبه قوى اصله اسم اغنية ايماجن الشهيره لجون لينون مش لينون برضه نسيت الاسم التانى هههههههه شفتى بئه عادى خالص
....
نورتى يا جميله ومن عنيه ازورك واجيب فى ايدى كيس جوافه ومعاه شوية لب ولا تزعلى نفسك

mahasen saber يقول...

ماما اموله.......
نورتى يا ماما وفعلا كلام الانشا مش بياثر قد الاحساس بالحب والخوف والرهبه من المولى عز وجل
.....
وبعدين لو كل انسان ضعف قدام ظروفه جهنم هيجيلها تخمه من كتر اليى هيشرف فيها
ربنا يحفظنا ويسبتنا على هداه

mahasen saber يقول...

د\محمد رضا ..هل ترانى...
اولا شخصيه عامه راحت فين وبعدين لما انا اابقا فنانه انتا تبقا ايه يا شاعر الجيل والمستقبل....
منورنى يا ملك الاحساس واخ الكلمه الصادقه
.......
اخبار صحتك ايه يا دكتور انا قلت باب الدكتور مهنج

mahasen saber يقول...

osama.....
الله يا اسامه انا عجبنى الشعر ده قوى قوى
الله يكرمك اسعدتنى
.....
منورنى يا اسامه يا ملك السفريات
متفتحلك مكتب يا اسامه بطوطه
والله انتا رائع

mahasen saber يقول...

احمد علام.....
ههههه الست لما طب اعرف المطرب الاول مين وبعدين بقيتها تحت المخده يمكن اصحا الاقيها قصيده ههههههه بقيتها مش فاكراه وكسلت ادعبس فى الورق القديم واطلعها فنزلتها كده من مخى
.......
وبعدين سيبك انتا انا اول ما هعدى هدوس على نفسى هههههههههه ومش هكلمها خالص المتعبه المزعجه دى
.......
ازيك انتا يا اسمعلاوى اخبارك ايه يا ازهرى

mahasen saber يقول...

يوميات نائبه فى الارياف.......

رنا انا اليى هيقولى كبيره دى تانى هديله شكولاته ههههههههه ..
يا حبيبة قلبى انا بسال ومش مستنيه مقابل لان اليى بحبه بجد مش هستنا منه غير انه يفضل كويس زى ما عرفته وانتى فعلا اختى الصغيره فطبيعى اسال عليكى يا جميله
.......
اما الفكره دى فطبعا طبعا دى فكره وشعور ورغبه تودى فى قاع جهنم وانا كاتبه البوست ده عشان اهاجمها مش اروج لها
........
منورانى وبتسعدينى دايما يا رنا الجميله وربنا يرزقك بالزوج الصالح اليى يبقا اخ وزوج واب وابن وتدخلى فيه الجنه
.....

عاشقة القمر يقول...

أولا: الثقة :


عندما يكون موقف المرأة انفتاحيا وتقبليا نحو الرجل يشعر بأنه

موثوق به ، والثقة عند الرجل تعني الاعتقاد بأنه يبذل أقصى جهد لرعاية وخير المرأة

وعندما يكشف رد فعل المرأة الإيجابي في قدرات رجلها ونياته

تكون أولى حاجات الحب الأولية قد أشبعت ويكون

اكثر رعاية وانتباها لمشاعر زوجته وحاجاتها التقدير:

حين يقدر الرجل يشعر بأن جهده لم يذهب سدى وبالتالي يكون متمكنا

أن يعطي اكثر وبصورة آلية محفزاً إلى احترام شريكته اكثر.

الإعجاب:


مثلما تحتاج المرأة إلى تفاني الرجل فالرجل يحتاج أن يشعر بإعجاب

المرأة والإعجاب الذي يريده الرجل من المرأة هو أن تنظر إليه بإكبار وابتهاج

واستحسان سار وأن تكون مسرورة من خصائصه الفريدة ومواهبه والتي

يمكن أن تتضمن الفكاهة والقوة والإصرار والاستقامة والأمانة

والغرام واللطف والحب والتفهم والتفوق والنجاح والكرم والشهامة

والتفاني في رعاية الأسرة وغيرها من الفضائل وحين يشعر الرجل

بأن المرأة معجبة به يشعر بالأمن إلى درجة تجعله ينذر ينذر نفسه لأسرته وزوجته ويهيم بها.

الاستحسان:


كل رجل يريد في أعماقه أن يكون بطل امرأته أو فارسها

في درع لامع ودلالة أنه نجح في اختباراتها هو استحسانها

وموقف المرأة الاستحساني يعترف بالطيبة في الرجل ويعبر

عن الرضا الشامل به ( تذكري بأن بذل الاستحسان لرجل لا

يعني موافقته دائما)ً والموقف الاستحساني يركز على المواقف

ونوايا الخيرة والإيجابية في أعمال الرجل وعندما يتلقى الرجل

الاستحسان يكون من السهل عليه أن يصادق على مشاعر المرأة.

التشجيع:


يحتاج الرجل إلى التشجيع من المرأة والتشجيع يعني التعبير عن الثقة

بقدراته وشخصيته وهذا يعطي الأمل والشجاعة للرجل، ويشجع

على إظهار كل إمكانياته، أن التشجيع الدائم من المرأة

للرجل يحفزه إلى أن يقدم اطمئنانا لطيفً هي بحاجة إليه.

(قاعدة هامة )


يظهر الخير والحب في الرجل عندما تشبع حاجات الحب الست الأولية لديه

ولكن حين لا تعرف المرأة ماذا يحتاج إليه

الرجل أساسا وتعطي حب رعاية بدل من حب ثقة، يمكن دون علم أن تخرب علاقتهما


(قاعدة هامة )


يظهر الخير والحب في الرجل عندما تشبع حاجات الحب الست الأولية لديه

ولكن حين لا تعرف المرأة ماذا يحتاج إليه

الرجل أساسا وتعطي حب رعاية بدل من حب ثقة، يمكن دون علم أن تخرب علاقتهما

mahasen saber يقول...

yoyo......
يا حبيبتى انتى اليى وحشانى قوى قوى والف الف سلامه عليكى بس عشان انتى جميله البرد ماسك فيكى ومتبت مش عشان مناعتك ضعيفه هههههههه ..
اما البوست فكلامك صح يا يويو فعلا حالات التجاهل اليى بيعيشها الازواج على بعض بقت تودى لكوارث والمشكله انهم بالغالب مش بينبهوا بعضولاا بيشوفوا الضوء الاحمر اليى بينورلهم من بعيد
.........
ربنا يعافينا جميعا
ومنورانى يا حبيبتى يا ملكة الاحساس وربنايوفقك فى شغلك وكل خطوات حياتك

mahasen saber يقول...

magnolia.....

ما قل ودل ههههههه تعليق منتهى الجمال ...
منوره يا ماج كنتى فين وحشتينى يا شيخه

mahasen saber يقول...

magnolia.....

ما قل ودل ههههههه تعليق منتهى الجمال ...
منوره يا ماج كنتى فين وحشتينى يا شيخه

mahasen saber يقول...

dreem.....
ايه ده كله كل الكلام ده مضبوط وسكر زياده كمان بس الاهم من الشيطانيين النفس الاماره بالسوءدى اليى غلبت ابليس نفسه يعنى الست والراجل المفروض يهذبوا ويربوا النفس دى عشان متوصلهمش لجهنم وتوصلنا للزعل عليهم
..........
منورانى يا دريم واليى بيحترم ويصون بيحترم ويصون نفسه لا ابوه ولا اخوه ولا ملايكة الرحمه لان محدش بيتحاسب وبيبقا قدام ربنا فى القبر الا هوا يعنى اليى يعمل يعمل عشان اليوم اليى هيبقا فيه وحيد فى القبر مع عمله بس
.......
منورانى يا دريم يا جميله

mahasen saber يقول...

ahmed k.......
الله يكرمك وصلت بينا للمهم الراجل لو صان بيته والست برضه لو صانت بيتها هيوصلوا للحياه الزوجيه الكامله
اليى ترضى ربنا وتوصل بينا لمجتمع متزن
الله ينور عليك انتا
ويسلم عقلك ونورتنى وشرفتنى يا k

mahasen saber يقول...

الجواز وسنينه......

اصل النسان لو اتبع احاسيسه ورغباته الجامحه واطاع نفسه وشيطانه مش هيشرف الا فى البعيده عننا ان شاء الله المذكوره جهنم
.....فتقوى الله وتهذيب النفس اهم حاجه بس لو الاسباب اتقضل عليها من البدايه هيبقا مفيش اى مشاكل
.....يعنى لو واحده زوجها مهتم بيها وبيعاملها بما يرضى الله تفكر فى غيره وتحس بالبعد عنه ليه الا اذا كانت ست مش محترمه ومش حاسه بالنعمه والكرم اليى ربنا اغدقه عليها
.......
منورانى يا جميله وشكرا على ذوقك

mahasen saber يقول...

كلام حسام.....

الله ينور عليك يا حسام والمشكله بعد ما يخلصوا من توزيع الاتهامات مش بيفوقوا الا على وقوع الكارثه
ربنا يصلح حال الجميع

mahasen saber يقول...

نيجار....

هههههههه حد قالك تعملى قهوه وتشربيها لوحدك واحنا قاعدين ده حتى كان نفسنا فيها هههههههه بس انا قمت عشان الشغل واصحا فايقه عشان موال الصبح اليى بموت فيه والحضانه والسندوتشات اليى باكل نصها وكده
..........
ومتزعليش هنقابلك تانى واعمل انا القهوه واغيظكوا وتسبونى وتنامو ونبقا خالصين ....
بس كان بجد وقت ممتع ممتع ممتع
.......
اما الرومانسيه فبلاش انتى ها عشان انا جنبك راجل بشنبات ههههههه

mahasen saber يقول...

purpelwaves......
ما ده اليى بنقوله عشان منرجعش نقول فى القبر يا ريت ما كان حصل كده يا رب رجعنى تانى وشوف هعمل ايه
.....
ربنا يرحم الجميع برحماته الواسعه ويهدينا جميعا وينور بصيرتنا
........
نورتنى يا وافز

mahasen saber يقول...

قليب مصرى.....

بس الاهم من النصيحه العمل بيها
والاحساس الصادق باليى فيها ...
نورتنى يا قلب مصر الطيب
وربنا يباركلك فى كل من تحب
....

mahasen saber يقول...

momken.......

الله ينور عليكى انتا يا ممكن ....وانا واحنا جميعا......
....فعلا قلت المفيد دايما كده بتنورنى بفكرك وفهمك العالى والراقى ربنا يكرمك ويصلح حاالك
.....
ولو الانسان اتلسع من النار مره هيعرف ان مفيش حاجه فى الدنيا تستاهل والله يا ممكن يوم حر فى عز شهر اغسطس كفيل انه يعرفنا ان الدنيا ورغباته وكل ما فيها ما تستاهل
........
ربنا يرحمنا جميعا ومنورنى يا اخى الممكن

mahasen saber يقول...

محمد فارس.......

اهلا اهلا اهلا وحمدالله على السلامه ايوه كده طمنا عليك غيبه طويله وبعدين مكتبتش اى بوستات جديده فده اليى كان قالقنى جدا عليك ....
بس الحمد لله وعودا حميدا يا فارس
...
بس على فكره تعليقك اجمل من الشعر اليى كتبته فعلا تحفه
نورتنى يا محمد يا اخويا ومليون عوده حميده
...

mahasen saber يقول...

حبيبه....

هو الست والراجل لو نفوسهم ضعيفه طبيعى بيبقوا لعبه بزمبلك فى ايد الشيطان وربنا يرحم الجميع
.....
يعنى مش معصوم من كده لا راجل ولاا ست لان فيهم الكويس وفيهم الوحش
...
وربنا يعافينا
ونورتى يا حبيبه واهلا بزيارتك الجميله

mahasen saber يقول...

ojg.....

فعلا يا وزه ممكن تكون الست جعجاعه وثرثاره ومش تملك من الدنيا الا بس الكلام وانما فى الفعل تلاقيها فاكره ربنا ومتذاكراه فى كل خطواتها والراجل برضه نفس الشئ
........
نورتى يا جميله واحمدك يا رب انى مش بحب الوز كان زمانى كلتك ههههههه منوره يا قمر

mahasen saber يقول...

قطرات من شواطئ الحياه....

اهلا وسهلا يا قطره نورتينى يا جميله وشاكره ذوقك وجمال البوست وختامه من جمال عنيكى اليى قرت ليس الا
........
منورانى يا حبيبتى وشرفتينى قوى بالزياره

mahasen saber يقول...

نهر الحب.......

يا حبيبتى الف شكر على ذوقك وعلى الدعوه الجميله ودعوه زى دى على دماغى من فوق ...
وهحاول ان شاء الله يا رب ااقدر

mahasen saber يقول...

بنت مصريه....

وقسوة الزوجه برضه بتولد عند الزوج نفس الشئ يبقا ميقسوش احسن
ربنا يهدى الجميع لبعض
.....
ومنورانى يا حبيبتى وشرفتينى
..يا مصريه

mahasen saber يقول...

a7wal alhawa.......

الله يكرمك فعلا كلامك فى محله الصحيح ومعرفة الله حق المعرفه واتقائه هيا الحل لامور فى بيوتنا كتير
.........
منورنى دايما ومبدع فى تعليقاتك

mahasen saber يقول...

ريمان.......

ضفتنى يا قمر وانا مقدرش غير انى ااقبل الاضافه وعلى راسى كمان ...
منورانى يا حبيبتى
...وبعدين مفيش خجل ولا حاجه انا مجبتش صور فاضحه ههههههه انا بس بتكلم فى موضوعمهم
منورانى يا مرات ابنى يا حبيبتى

mahasen saber يقول...

على بلاطه.....

حاضر هحاول وانا فعلا بكتب كتير وعندى اكتر لانها من هواياتى برضه قوى
........
منورنى حضرتك قوى واسعدنى تشريفك

mahasen saber يقول...

حاجات جوايا.....

سالى يا حبيبة قلبى تحبى اخليهم خمسمايه ههههههه نورتينى يا جميله
ودى مجرد اغانى بس والله حاطه فيها مشكله ومفهوم
.......
نورتينى يا حبيبتى ووحشتينى قوى
...

mahasen saber يقول...

dr.hamas......

اهلا اهلا بحضرتك وبزيارتك الاولى للمدونه حضرتك نورتنى وشرفتنى جدا جدا
....
وومبسوطه ان البوست نال اعجابك
..شئ يشرفنى جدا

mahasen saber يقول...

maxbeta3zaman......

اهلا اهلا بعد غيبه حضرتك اتاخرت عن مدونتك وعن مدونتى لعله خير اهم شئ
اهلا اهلا وسهلا
....
بس كل دول امال مش لاقيه حظى ليه هههههه

mahasen saber يقول...

barbi girl.....

انتى اليى جميله وفعلا كلامكصح لو صلحنا نفسنا احنا من جوه صح اكيد هتبقا قلوبنا صح ..واصح من الصح نفسه
........
نورتينى جدا يا جميله

mahasen saber يقول...

عايش ولكن.....

ليه يا عايش بعيده مهو لو اتقينا ربنا خلاص الموضوع كده اتحل مفيش فيه اى لبث
....
يعنى كل طرف يتقى ربنا فى الطرف التانى ويشوف النيجه اكيد اكيد خير
.....

mahasen saber يقول...

nabil.....

شكرا على اهتمامك انتا وذوقك وفعلا يا نبيا انا اقتنعت بوجهة نظرك ولانى بحبك برضه ولانه عمر ما حد هينصح حد الا اذا كان بيحبه
.......
الف الف مليون شكر على اهتمامك وذوقك وكرم اخلاقك
........

mahasen saber يقول...

فشكول .....

الكلام ه كتير عليا الف شكر بس المطربين المشهورين يغنوا من كلماتى يا رب
....وليه لا ههههههه
حضرتك منورنى ومشرفنى دايما

mahasen saber يقول...

جنى.......
الله يكرمك وينور عليك فعلا كل واحد فيهم ليه دور بس المهم محدش ينسى الدور ده واهميته
.......
نورتنى جدا يا اخويا الكريم
.........

mostafa rayan يقول...

والله العظيم كلامك صح جدا
الراجل لو عامل مراته حلو هتديله عنيها عن طيب خاطر
الله ينور عليكي بجد

...........
- ممكن سؤال
انتي ازاي وصلتي لعمرو مصطفي واديتيله الأغنية
لأني بكتب اغاني ونفسي اعرف اقابله واعرض عليه شغلي
لو عارفة تليفونه او طريق يوصل ليه ياريت لو تقوليلي عليه

تحياتي لك ودمت بخير

elsha3er يقول...

اتأخرتى علينا

احمد الشاعر

mahasen saber يقول...

mostafa rayan.....

اهلا يا درش ازيك يا مصطفى وازى اخبارك ...
وكلامك وتحليلك انتا اليى صح الصح بئه ونقيسه كمان على الست يعنى الاتنين المفروض يدوا بعض عنيهم ويعيشوا عمى ..يعنى بامان وعلى الفطره مع بعض
..................
اما موضوع الاغانى عنيه بئه ليك شوف اسيبلك اى حاجه عايزها ازاى ااقولك هشوف ايميلك على مدونتك وهبعتلك
.........
ربنا يوفقك يا مصطفى لانها سكه عايز اليى مستموت على النجاح فيها ويا رب ااقدر اعملك حاجه ده شئ يخلينى طايره من الفرح

mahasen saber يقول...

alsha3er.....

انا اتاخرت عليك ده انا اكسر كيبورد رجلى وايدى ولاا اتاخر على شاعر المستقبل بتاتا
.......
انا جايه ااهه على عينى كمان وجايبه فى ايدى هديه
...ده تواجدى فى مدونتك شئ يسعدنى وجدا كمان

elsha3er يقول...

على فكرة انا قصدى اتأخرتى علينا انتى فى كتابتك

احمد الشاعر

mahasen saber يقول...

alsha3er.......

برضه استيعابى لسه بطئ ههههههه بس برضه اتاخرت عليك يا احمد ...
واتبسطت انك قلتلى كده على فكره لان ده بيدل على الهتمام والتقدير
ربنا يكرمك ويسعدك

طارق هلال يقول...

محاسن الرائعة
عذرا لتأخرى
لا يوجد لها ما يبررها إن هى فعلت ولا يكون رجلا من يهدر كرامة زوجته أو يسئ إليها

يكفى أسوتنا برسولنا دليل

تحياتى لك محاسن

mahasen saber يقول...

arabic id.......
ياه والله مدونتى وحشها وجودك فيها قوى وبعدين لا عذر بين الاخوات مدونتك مدونتى والمثل مدونتى مدونتك ومفيش فرق ومفيش داعى للاعتذارات
.......
وكلامك صحيح لو كل من الزوجين اتخذ الرسول قدوه ليه اعتقد ان الامر هيفرق كتير وللاحسن
....
منورنى دايما وبيسعدنى تواجدك وبيشرفنى