مطلقات راديو والافتتاح المباشر

يا اعز الاحباب ويا عيلتنا الجميله المنوره والمتنوره بعقول راقيه وقلوب مزهره

اسمعونا يوم الجمعه الجايه 1 \1 2010 مباشرة فى اول افتتاح لمطلقات راديو على الهوا مباشرة
الساعه 6 من 6 مساء الى 8 مساء برضه

وهنستناكوا تكلمونا وتقولولنا رأيكوا على تليفون الاستديو 0235869769

وممكن تراسلونا على ايميل الراديو info@motalakatradio.com


وهيكون معانا اول حلقات برنامج ابنك على ما تربيه مع د\ وليد هندى مباشر

وهيكون معانا قنوات الجزيره والاخباريه السعوديه والام بى سى والبغداديه بيصورنوا وبيعملوا لقاءات معانا فى اليوم الجميل ده
يا رب نعجبكوا وهنستنا دعمكوا كالعاده لان انتوا خيركوا مغرقنا

ده بانر الراديو يا ريت تدعمونا وتزينوه بأنه يتحط فى مدوناتكوا الموقره
بشكر كيارا حبيبتى قوى قوى قوى على تعبها وذوقها لانها هيا الليى فى ثوانى ضبطتتلى الدنيا دى كلها.....


<a href="http://www.motalakatradio.com/" target="_blank"><img height="300" alt="مطلقات راديو" src="http://photos-f.ak.fbcdn.net/hphotos-ak-snc3/hs063.snc3/13048_202325941957_637056957_3245849_5347642_n.jpg" width="200" border="2" /></a>

اول مره احس انى عايزه اتجوز

مش حب ولاا وقعت فى فارس ماسك لجام هينقذنى من الالالم الماضى ويغمسنى فى سعادة الحاضر الابديه
ابدا ابدا حاشا لله... ولاا حسيت انى لازم اخلق اب لابنى فى حياته ويبقا عنده ابين ويعيش عمره يدعيلى ابدا برضه محصلش انما عشان استخبى وادارا اول مره اخاف واترعش واحس انى عايزه استخبى فى حد وادارى مش من وحش هيكلنى انما من بنئدمين من لحم ودم زيى حد يتصدرلى زى ما بيتقال يبقالى درع يحمينى وميتأسرش ولاا يتخدش ومينجرحش ماانا مش هرضى يحمينى ويتخدش من تحت راسى ..طب مينفعش احنا الاتنيين نحمى بعض طيب.....
من يومين واحده اخدت رقمى من صحبتى وصحبتى اتصلت محلسن فلانه طلبت رقمك واديتهولها انا ليه يا صحبتى عايزاكى فى موضوع مهم وتحللها مشكله
بعدها بيوم فلانه محاس الحقينى انا اضحك عليا واتجوزت واحد ابن تعلب مكار وطلع نصاب
انا يا نهارى يا ابله فلانه خير.. ليه ..فين ..معلش ..لا حول ولاا قوة الا بالله ...تتعدل
فلانه وهو من عندكو وانا لازم اروح اعرف مراته وافضحه و و و .. انا..بس بس بس مليش فى الفضايح وللاسف معرفوش ومعرفش حد هنا اصلا لانى متربتش هنا عشان اعرف الناس وعائلاتهم ولما فهمت منها الموضوع اصلا نرفزتنى اكتر لانها بمنتهى البرود غلطانه وام اعصابها فى فريزر ميهمهاش الا اشباع غرائزها وكل واحد من ولادها فى حته وطبعا كلامى معجبهاش ولاا رايى يعنى قبل ما تتجوزى لنفسك اتجوزى لولادك هاتيلهم اب واحد مناسب مش متجوزه واحد من سن ابنك الكبير بالضبط وتخيلوا انتوا بئا زيجه بالمنظر ده واحساس الولد ومامته متجوزه واحد بالضبط من سنه
المهم الجوازه فى السر وجاتلى ابله فلانه بالجوزازه الليى فى السر وهيا تحكى وانا اتصدم واغلط فيها وفى الاخر بعد كل ده لمجرد انها متجوزه فى السر وانها معروف عنها انها سيده مزواجه وعادى مغلطهاش انها بتحس بغريزه وبتشبعها طالما بطريقه شرعيه انما صدمتى بعد ما نزلت من عندى كلمت كذا حد وناس كتير
لا لا محاسن عارفه الموضوع محاسن ماشيه فى الجوازه السر دى محاسن تعرف الراجل ابو سلوك بطال ده الليى اتجوزها ااقصد العيل اللى نصب عليها واخد فلوسها
انا اعرف مين وايه ده وكانى مديرة مكتب دعاره شرعى ...وهلما جرا فى سلسلة الاتهامات وفتحالباب لكل انواع الخيالات ..عقول بشر بئا
...صدمتى جت من موقف الست جايز وعدم احساسها باموتها او بالاحرى مراعاتها لراغباتها على حساب امومتها
ارجع ااقول انا مش زى غيرى وغيرى مش زيى
انما صدمتى معقوله من اتهامات الناس ليا ..لا لا لا لا
ايه ده وانا من امتى بعمل حساب لكلام ولغط الناس ده مش من مبادئ ولاا عمرى كنت بالضعف ده انا بس بعمل حساب لليى خلقنى ومبئذيش غيرى وكفى دى سياستى
طب مالى الكلام جرحنى وزعلنى ووجعنى ليه يمكن انا بتلكك ولاا انا اتصدمت من بجاحة الناس وبشاعة نفوسهم طب ما انا متعوده والمفروض طبيا ابقا اخدت مناعه
ولاا لانى بصيت ولقيت انها قعدت مع متجوزات ورجاله واتكلمت وادخلوا ومحدش اتقال فى حقه بم لمجرد انهم مدرعيين الستات بالجواز والرجاله بكينونتهم الذكوريه ولاا انا عشان كل ما اتعامل بسذاجه ودهوله مع البشر واسامح واطنش وارجع ااقول خلاص قلبوا على نفوس بيضا اهه ارجع اشوف نفوسهم بالوان غامقه تانى
لا لا انا الليى شكلى خلاص الصحه صبحت على قدها وبقيت بتلكك وطاقتى نبضت وشموخى بذاتى اتعوج على جنب شويه شكلى الخوف والوحده لما ابنى بيغيب عنى والوحشه بدأو ياخدوا منى حاجه بدأو ياخدونى من نفسى وشكلى هبقى حد عادى قابل للتطلطيش من البشر والبعزئه من الحياه ...شكلى هموت لوحدى ماشى اموت بس ادفن جنب ابويا بس هموت لوحدى برضه
طب استنى شويه افرح بالواد الليى فرحتنى بيه الدنيا ولاا يا ترى مخبيه ايه لسه...
لا شكلى بهيس وبهبل وشوية التعب الليى وجعونى الفتره الليى فاتت ومرمطونى وراهم هما الليى لخبطوا نفسيتى المتلخبطه اساس
لا لا الدوا دى اعراض الجوانب الاخرى من الدوا

يا امه فرحت فينا الأمم

هقول رأيى ببساطه كده وعلى بلاطه ومن غير كلام مكلكع
ورأيى لا هيعجب اليى فى مصروصوتهم بالثأر وصل المدى ولاا هيعجب الجزائريين اليى برضه صوتهم بالثأر والغضب وصل لسابع سما .....
بصوا يا اخوانى االيى عمل الكارثه دى قله واليى اتخانقوا معاهم فى مصر قله فمينفعش نحاكم شعب بحاله بسبب قله
ده شق الشق التانى احنا متهببين على عنينا عرب كلنا زى بعض لا هما دمهم اخضر ولاا احنا دمنا بنفسجى كلنا من ارض وطين واحد يعنى نتنيل على عنينا ونفوق لنفسنا وللفتنه اليى اتجرينا فيها نقولها تتفضل تروح فى حته تانيه وافكركوا بحديث الرسول الكريم...الفتنه نائمه لعن الله من ايقظها..صدق رسولنا الكريم
اما غير كدا احنا امه مستهدفه وعندنا عدو متربع وسطنا وماسكنا من شعرنا وبدل ما نتحد ونتشطر عليه بنتشطر على نفسنا اسمحولى احنا شعوب هايفه قوى لما سيبين العراق والاقصى سايحيين فى دمهم وجايين احنا كمان نسيح دم بعض
وفوق ده كمان كرامة المصريين اليى اتضربوا فى ماتش كوره او بسبب ماتش كوره واجعاكم قوى وكرامة المصريين اليى اتجلدوا فى الكويت واليى بيتعذبوا وبيتهانوا فى السعوديه واليى بيغرقوا فى بحور ايطاليا واليى محدوفيين فى سجن ابو غريب واليى متبعزئيين فى دول اوربا بيموتوا من الغربه والبرد مش واجعاكم ولاا اثرت فيكوا
وحاجه كمان مسأرتوش ليه لكرامة المصريين اليى ماتوا فى العباره اليى اكلهم سمك القرش ولاا لكرامة المصريين اليى اتسمموا بأكياس الدم الفاسده ولاا لكرامة المصريين اليى بيوتهم بقت قبورهم فى الدويقه
والاهم والاهم والاهم واجيبلكوا من الاخر احنا ياما قطعنا فى بعض وفى الاخر لما بتحصل حاجه جامده هتلاقينا نجرى نضحى بروحنا عشان بعض وهذا ما اتمناه على الاقلل.. كفايه دول زى اوربا مفيش بينهم رابط الا اللون يتحدوا واحنا اليى بينا رابط الحضاره والاصل والدين والدم واللغه مش عارفين نتحد حتى على ماتش كوره
اتمنى اننا نفوق لنفسنا لان بسم الله ما شاء الله احنا مش ناقصيين تقطيع من اعدائنا عشان نقطع فى بعض وطبعا عارفيين مين اعدائنا ومش محتاجه ااقلكم
وبعدين بالحرب اليى انا شايفاها دى ما بينا تقدروا تقولولى لو اسرائيل ولاا امريكا مثلا راحت شنت حرب على الجزائر مثلا احنا كدا هنلم بعض هيله بيله ونروح نحارب مع اسرائيل ..وحياة ابنى ساعتها دم كل واحد فيكوا هيغلى وهيجرى يدافع عن الجزائر ويفتح بيته لاهله ولاا افكركم بايام حرب العراق والكويت استقبلنا اخواتنا العرب اليى برضه بيضربونا وبيهنونا ازاى فى بيوتنا
سيبكوا انتوا من كل ده والله المصرى ما فيه احن ولاا اطيب من قلبه ولاا اكرم منه ولاا يستحمل على اخوه العربى قرصة نموسه احنا بس بنقطع فى بعض غل كل واحد قرفان من عيشته ومن ضغوط حياته فلاقاها فرصه يفش غله

وطبعا طبعا الاخوه المصريين اليى بينادوا من زمان بأن مصر تنسلخ من كينونتها العربيه واننا فراعنه مش عرب طبعا فرحانيين ومزئططين باليى بيحصل وناسيين اننا برضه عرب متفرعنيين

وبعدين اليى بيقول قطع علاقات مع دوله عربيه والنبى مش مكسوف على دمه الاحمر اليى ما قطعنا العلاقات مع الدنمارك فى اهانة رسولنا الكريم وقلنا حرية رأيى ونددنا وشجبنا وهو مين رسولنا ولاا قطعناها مع اسرائيل فى البنت اليى رسمت رسومات مسيئه وقلنا بينا معاهده ولاا قطعناها مع امريكا وقلنا ست العالم والراس الكبيره

نيجى نحتد قوى ودمنا يغلى وعايزين نقطعها مع دوله عربيه ولاا دى اليى قدرنا عليها

عارفه ان برأيكم المحتد ده هتزعلوا منى فاليى عنده طوبه فيكوا اهلا وسهلا يحدفها فى وشى
والسلام عليكم يا امة محمد وعيسى وداؤد .. يا امة الاديان

ما بين الليل وسواده خطوط بيضا

ما بين تنهيده وأخرى يزداد هجوم الليل عليها وبأزدياد اشتياقها لحضنا دافئ منه يزداداد الليل سوادا وتتسارع ساعاته لتقارب الفجر تنظر لنفسها بالمرآه فهى لا تتطلع اليها الا كل صباح حيث تنمق شعرها الاسود المائل للبياض من آثار المشيب العالقه على بعض من خصلاته وهى لم تتعدا عامها الخامس والعشرون بعد وتضع ما تيسر لها من حلى ثم تضع زفيرين من عطرها المفضل والمكون تركيبه من زيوت عطريه وورد واشجار فهى دائما تفضل هذه الروائح التى تؤكد لديها انها مازالت حيه ومازالت تدب بأوصالها الحياه..هذا عن نظرتها الاولى فى المرآه اما النظره الثانيه قتكون عند عودتها من عملها وهى تخلع ما عليها من حليها وزينتها وتنظر لنفسها نظرة الحسره اليوميه من خلال المرآه ففى هذا الوقت كانت ستعد له الغداء وتتزين بحب بأفضل ما لديها من ثياب وسيكون شغلها الشاغل كيف تزيح عنه عناء يوم العمل الشاق وترتب له جوا سعيدا ومنظما يقضيه مع صغيرهما لكى يشرب منه حنان الابوه هذا المشروب الذى سيعينه علىمواجهة الحياه ....تطول نظرتها لنفسها فى المرآه وتركز فى عينيها وما بدا عليهما من عناء ثم ما تلبث ان تفيق ماما ..ماما انه ميراثها الباقى لها من الحياه صغيرها فمقابل كل ما اخذ منها يبقى هو العوض الوحيد الذى اعطتها لها الحياه ينظر اليها تلك النظره المداعبه الباسمه فمن خلال هذه النظره هو يدعوها لتشاركه عالمه البرئ المكون من بيوت من المكعبات وعربات تسير بمحرك الزمبلك واسود ونمور و حيوانات مفترسه ولكنها لا تقوى على ابداء اى نوع من الخطوره وعالم فيه البشر صامتون لا يتحدثون ويكتفون بالصمت والاستماع على غير العاده .. تطيل النظر اليه وتمسك بيديه تقبلها بكل حب الدنيا الذى اختزل بداخلها ثم تقبل رأسه وتداعبه فى شعره ذو الخصلات الناعمه الصفراء متشائله كالعاده من اين لك بهذا اللون الغربى وتتعالا ضحكاتهم ومزاحهم المفعم بكل لحظات الحنان والالفه والود وكأن هموم الدنيا اصبحت تحت اقدامهم ..تفكر مليا يا قرة عينى اعطيك كل لحظات عمرى وافنى ساعاته تحت قدميك اهتمام ورعايه وحب فأنت صغيرى وحيد بلا أب.......

حالة المطلقه النفسيه زى حروف الهجاء مختلفه فساعات بتكون حالتها على ده الحال وساعات ساعات بتبقا على حال غير الحال
يعنى المطلقه او الارمله او الست اليى اختفى من حياتها الراجل بتحس ولسه حس الاحساس والاحتياج عندها فيه نبض ..يعنى مش كتلة بودرة تلج زى ما بعض الناس بتقيم وتحس....
وعند اغلبنا ده لو مش كلنا اولادنا فى مكانه خاصه اقدامهم فوق رؤسنا كلنا وعشانهم بنحس بقيمة سنيين عمرنا....

شهر كريم يا ريت نكون كرماء زيه

دنيا بتلف بينا فى سلسلة ايام
ايام شايله سعاده
وايام تشيل اوهام
وفيها ايام مباركه بنستناها كل عام
نغسل فيها ذنوبنا ونتوب ونغير توبنا
ونقول حلو الكلام.........

كل رمضان وكل مدونى المعموره بالف خير وسلام وكل قراء ومتابعى مدونى المعموره بكل خير وسلام

ربنا يتقبل منا ومنكم فيه صالح الاعمال..
ان شاء الله بعد الشهر الفضيل ده هرجع تانى وهعلن توبتى عن كسلى التدوينى
وان شاء الله الراديو نازل بعد العيد مباشرتا ببث مباشر وعلى سايت كبير كبير قد الدنيا وببرامج تانيه وناس تالته حلوين قوى
انا بتمنالكوا كل خير وبتمنالكو شهر فضيل وكريم علينا جميعا
وببارك من قلبى كده لاخونا المدون الرائع ادم صاحب الاجنحه المتكسره على خطوبته ..الواد اخويا الصغير ده فضل ساكت ساكت لحد ما ربنا كرمه بملاك بجد..
ربنا يحميهم لبعض ويباركله فيما رزقه

رمضان كريم على كل الاحباب وشهر فضيل على احيائنا وامواتنا
اللهم انزل الرحمه على امواتنا وجازيهم عنا خير...
( بابا وحشتنى قوى وببوس التراب اليى انتا نايم عليه ربنا يتغمدك برحمته الواسعه ويجازيك عن تربيتنا كل خير)

مطلقات راديو..شوفوا الحياه بنظره مختلفه

عمر الحياه قصير ولاا حتى طويل
شكل الحياه وردى ولاا ازرق تقيل
هفضل انا عايشه عمرى الحلم الجميل
طول ما انا بفكر وعقلى بيقول اكتر
وفى قلبى خد الجميل
...
ده بيرو يعنى

الراديونزل اخيرا يا رجاله ااقصد يا ستات طب يا جماعه
اللينك على اليمين اضغط الصوره وادخل بودنك اليمين.....
اه والنهارده هكون فى القناه التانيه الارضيه على التلفزيون المصرى فى برنامج زينه
الساعه واحده ظهرا....
وهرجع بئه على بيوتاتكوا اليى وحشانى كل واحد وواحده يسيبلى المفتاح فى الباب ..ولاا ادخل من الشباك ااقصد صفحة التعليقات..
...ومبروك لدودو عاشقة الرومانسيه على الخطوبه السعيده وكنت هروح بس كان فيه ظروف انشغاليه ..مبروك يا دودو يا قمر
ومبروك لسالى ..حاجات جوايا..لجواز اختها الجميله وعبال دوده وكل حبايبها
ومبروك لريمان ..ملائكيه على تخرجها اخيرا الملاك البلوجرى ده اتخرج
ومبروك لدعاء افتتتاح مدونتها الجديده مش عايزه
ومبروك مبروك لكل حد حصلتله حاجه حلوه
ومعلش لاى حد حصلتله حاجه مش ظريفه وربنا يعوض الجميع خير ان شاء الله

كلام حلو لناس احلى ..وتحديث بآخر الاحوال.تانى

تحديث اخر وليه لا.....
النهارده الساعه 9 ونص بالليل هكون فى برنامج على قناة المحور اسمه 48 دقيقه
يا رب رؤيتى لو شفتونى تسعدكوا ...

خبر مهم شويه بسيطه...انا النهارده الساعه 1 ونص ظهرا هبقا على قناة الساعه فى برنامج اسمه ساعه مع حوا
يا رب يكون كل شئ حلو وكويس
اسيبكوا على خير....
من بين الوف الورد
جرح النسيم ورده
مالت بخوف عل الارض
خافت من الوقعه
حضنها كف حنين
كانت ايديه ناعمه
باسها برقه خطفها من ارضها الناعمه
بكت بحسره الورده
قالت دى مش نعمه
ازرعنى تانى فى ارضى ده فى بعدها بعما
ازرعنى تانى وعمرى هستحمل الوقعه
......................
الكلام ده لكل حد بيحب الكلام الحلو احنا هنا مبيطلعش من بئنا الا ..كل كلمه طيبه حلوه
لقاء العربيه اليى كان هيبقى على الهوا امبارح ملحقنهوش العربيه جاتلى الشرقيه متأخر وطبعا صلاح سالم وزحمته الصبح فطبيعى ملحقناش الهوا بس التقرير اليى سجلوه معايا من يومين قبلها اتذاع

بشكر احمد بيجاتو اليى كان على اعصابه من وقت خروجى من الشرقيه لحد ما الفقره راحت بصراحه معد رائع وانسان قمه فى الخلق وخفة الدم ..وانا قلتله لازم لازم يعمل مدونه ويبقا مننا وعلينا كما يقال
.........
ويشكر مصطفى اليى فضل يعتذر عن التأخير وبرغم انه عارف انه ممكن بتأذى فى شغله من التاخير ده
الا انه اصر يعزمنى على الفطار وطبعا انا مبفطرش فأصر يجيبلى قهوه وطبعا انا مبقلش للقهوه لا

بصراحه انا عماله امر بتجارب جميله بتمتعنى وبتثرينى انسانيا بجد
.................
شموسه وحشتينى ووحشتينا كلنا ويا رب تكونى بأفضل حال ومستنينك تنورى مصر
وانتوا ومدوناتكوا وحشتونى جدا استعدو للهجوم الملئ بالحب والشوق لكتابتكم منى
......
اه يا جماعه الراديو راديو المطلقات نازل اول 8 اليى حابب ينورنا ويشاركنى بأى فكره ليها هدف يشرفنى ويقلى
ده راديو لينا كلنا مش للمطلقات بس
انا جايلكم بئه ممكن سكه
وممكن قهوه بلاش شاى...
.....................
بنائا على طلب ماما اموله ودودو عاشقة الرومانسيه وحبايبنا الكتير كتير المحترمين والاخوه الافاضل فهحذف الشات بوكس عشانهم ووالله ما هعمل كده الا عشان بس طلبهم وبالذات عشان الناس اليى اتشتمت فيه
هرجع من الشغل الدنيا ان شاء الله ..اسيبكوا فى رعاية الله وامنه..