السبت، 11 أكتوبر، 2008

هو وهي وحاجات مستخبيه

نبدأ ب هى ..هي تعانى من داء الهسهس منذ سنوات ولا علاقة لهذا الداء بالصمت نظرا لان الهسهس تقال لمن نريد منه بعض الصمت وهو..يعانى من داء الأستبحس ولا علاقة لهذا الأستبحس بما يسمى الجنون فلكلا منهم هسهس واستبحس فى علاقتهما العاطفيه وهذه الأمراض ليست معديه وعليه فالتعامل بينهما لا يستوجب الحيطه والحذر ....
انما هسهسها هو مرض مشتق من ثورة الشك لام كلثوم فاذا تكلم هو فهى فى انتظار غلطه او ان يتلفظ بأسم غيرها حتى تصبح واقعته سوداء اللون معدومة الملامح كأيامها معه ..وتظل تسمع وتسمع وتنتظر وهو وبرغم دائه الاستبحسيى الا انه يظل يتكلم ويتكلم ولا يمل من الكلام....
هو : شوفتى جارتك فلانه عامله ايه لجوزها (ويقصد بهذا اذلالها )هو :شوفتى اختى مخليا بيتها جنه (ويقصد بهذا اذلالها برضه )هو : شوفتى مرات حاتم صاحبى محافظه على رشاقتها أزاى (اه اخدها لحم ورماها عضم وقصده طبعا هز صورتها قدام نفسها)
هو : وراء كل راجل عظيم امرأه اعظم منه (فاصل توبيخ ويقصد اغماسها فى الأحساس بالفشل ما هى  الشماعه اليى بيعلق عليها هدومه وفشله )
وبعد شايفه وشايفه وشايفه وهو ناسى ان نظرها ضعيف وانها بحاجه ماسه لعملية تصحيح نظر وهذا واضح من اختيارها له كشريك حياه النص بالنص والارباح هو المستفيد بيها..وناسى بأن له دور بارز فى مرضها الهسهس الفعال ....

وتتعالا نبضات قلبها لتصل عنان السماء وترتجف يديها لتسقط كوب الماء الذى كانت ستتناول به المهدئ اليومى من حباية لمون مقشره ببذرها تاخدها بعد كل موجة هياج لمرضه الأستبحسيى واذا بها تغلى دماء الأنوثه فى عروقها وتتذكر ما كانت عليه فى ماضيها السعيد وكيف انها كانت تقول لملكة جمال الكون هاتى يا بت اللقب والتاج ده ده ميستاهلش دماغ حد غيرى ..ووسط كل هذه الصور والفلاشات من الذكريات التى كانت مغلفه بالسعاده وعليه زاد عندها حس الحسره والندامه واصبحت على شفا ارتكاب مصيبه فى وجهه الوسيم سابقا ...واذا بهوجة موجة الهسهس واذا بها بصوت جهورى ولاا ماريا كالاس فى اعظم اداء لها بالاوبرا...


هي : جارتى فلانه عامله ايه لجوزها شوف جوزها الأول وبعدين اتكلم نسمه داخله البيت ونسمه خارجه منه صوته بيساعدها على الأسترخاء انفاسه موسيقى كلاسيك (قصدها تقوله صوتك انكر الأصوات وزعيقك خرملى طبلة ودانى )
هي : اختك مخليه بيتها جنه لانه مينفعش يبقا غير كده واحده جوزها بيخاف تحط ايديها فى المايه ل ظوافيرها تبوض واحده جوزها لو لقى فى بيته غلطه بيجرى يصلحها وبيهتم بقفص العصافير وحوض السمك كأنهم ولاده عايز بيت فيه راجل زى ده يبقا جهنم
هي :ومرات صاحبك مرات صاحبك حاتم ده لانه فعلا حاتم ولاا الطائى نفسه كان عمل كده مع مراته لو تخنت تمن كيلو يشتركلها فىى جيم ومركز تجميل يبقى عيب على اهلها لو مغلبتش نيللى فى رشاقتها (وقصدها تقوله يا بخيل يا جلده استسمر فيا 250 جنيه وهبقا قمر )
هي : وورا كل راجل عظيم ست اعظم منه ده لانه عنده استعداد للعظمه وعنده الشجاعه انه يبقا عظيم وبيسعى لكده مش يروح الشغل ينام فيه تلات تربع الشهر....

.. بعد شويه مش كتير يعنى نقدرنقول فى نفس اللحظه ...
هو : اخد الجاكت وبصلها بأحتكار واشمئزاز و كأنه بيبص لكيس زباله وراح واخد بعضه كده على بعضه ورازع باب الشقه وراه
هي : علامات الغل المشوبه بأنتصار انها اخيرا نطقت وفرغت شحنة الغضب اليى جواها وراحت داخله الليفنج اوضة المعيشه يعنى تشقر على العيال


.. هو على القهوه مع صاحبه وصاحبه بيحكيله عن مرات صاحبهم اليى رفعت قضيه نفقه على صاحبهم ..
هو: هو طلقها
صاحبه :لا رفعتها وهما متجوزين مهو ينفع الست ترفعها وهي لسه متجوزه
هو: ليه مبيصرفش عليها
صاحبه :لا بيصرف وكل مصاريف البيت على دماغه بس خناقه زى كل الخناقات على مصروف البيت
هو: ياه ده انا مراتى اتخانقت ياما معايا على مصروف البيت وعمرها ما عملتها ياه ده انا سايب فى البيت ملاك (فى سره طبعا)
.هي :.شويه سمعت صوت جارتها وجوزها بيتخانقوا وكانهم فى مدبح و آي و طاخ يا سيد( البواب يعنى ) والله لاقتلك ..
هي : يا لهوى بيضربها وبيقلها ااقتلك انا جوزى عمره ما عملها يا حبيبى داانتا ابن ناس قوى (وفى سرها برضه)


..هو يفتح باب الشقه بشياكه غير معهوده ويدخل الشقه برجله اليمين وبهدوء مش متعوده مراته عليه ...
..هي تطلع جرى عليه..
...ابتسامه على وشه وابتسامه على وشها ..تجرى وتترمى فى حضنه يسبقها على حضنها ...
هو :حبيبتى انتى كنتى بتعملى ايه
هي : شكشوكه للعيال
هو : بحبك بكل بصلك وتومك يا اكثر نساء الأرض انوثه بس ميمنعش تحطى شوية ميك اب ومزيل بصل ارحمونا ..فى سره برضه)
هي :بحبك يا اوسم رجال الأرض حتى لو كرشك كبر شويه وحتى لو شديت فى البيت حبتين بس ميمنعش انك تدينى 250 جنيه اروح ال اسبا.. فى سرها برضه).....

هناك 215 تعليقًا:

‏1 – 200 من 215   ‏›أحدث   ‏أحدث»
سمكه وحده يقول...

انا اول تعليق يا حلولي يا حلولي شكلنا كده هنبقي اصحاب بجد

هقري وارجع

سلام
يا عثل

سمكمك

كلام حسام يقول...

هو : شوفتى جارتك فلانه عامله ايه لجوزها (ويقصد بهذا اذلالها )
هو :شوفتى اختى مخليا بيتها جنه (ويقصد بهذا اذلالها )
هو : شوفتى مرات حاتم صاحبى محافظه على رشاقتها أزاى (اه اخدها لحم ورماها عضم وقصده طبعا هز صورتها قدام نفسها)
هو : وراء كل راجل عظيم امرأه اعظم منه (فاصل توبيخ ويقصد اغماسها فى الأحساس بالفشل مهيا الشماعه اليى بيعلق عليها هدومه وفشله )

************
لا لا لا يا مدام محاسن ده حضرتك قديمة اوي اوي
الكلام ده كان ايام زماااان ايام الابيض والاسود وافلام روتانا زمان كانت بنص فرنك في السينما
هو راجل يا ضنيا يقدر يقول كلمتين من دول دلوقتي
ده بنات اليومين دول تصحي وتنام علي كلمة واحدة كرامتي ... كرامتي من غير ما يعملها حاجة
يتأخر في الشغل كرامتي قدام الناس ياستي المواصلات الطريق ... ماليش دعوة كرامتي ...يفكر بس مجرد يفكر كده انه صوته يعلي هسة تقولي كرامتي كرامتي ...
المصيبة بقي لو تعبان يوم ونام الضهر ولا حاجة
ترمي لي اي عيل بيعيط في حضنه
والعيال متدربين اليومين دول بيعيطوا يقوولوا
واااء كرامة ماما

سمكه وحده يقول...

اممممممممم عم حسام علق بس مش مهم انا بردو كتبت اي حاجه الاول هههههه

ربنا يسعدك ويخليكي لينا ويشيل الهم عنك
ايوه كده هاتي ربع جنيه بقي
تسلم ايدك

سمكمك

كيارا يقول...

بصي الاجمل ان كب واحد يحس التاني ومش يحث انه واخدا التاني تخليص حق

والتافهم بينهم هيبقي جميل

كيارا يقول...

وحشاااااااااااااااااااااااني ياسنسنتي

مصري بالغربة يقول...

ايه الجمال ده يا ام عبد الرحمن

كويس طلعتي من مود النكد

احسن حاجة انهم في النهاية ما طلعوش متخاصمين ولا كل واحد معور التانيد النكد

اهو كده

بس انت المفروض تاخدي كورسات في الاملاء شوية

لانك ضعيفة في الاملاء
ههههههههههههههههههههههههههههههه

وهو يعني ايه الاسبا ده

معلش اصلي مش من هنا ( وفي سري اصلي انا من هناك ) ههههههه

لك تحياتي

نيجار يقول...

أيوه كده ده انا اكتئبت لما لقيتك مكتئبه أيوه كده ارجعي خلينا نطلع من اللي احنا فيه بس برضه زعلانه منك
سلاااااام

الباحث عن الحقيقة يقول...

قال وانا اللى جاي بسرعة علشان احجز
منه لله هو الريدر اللي بيخلي الناس تسبقنا
اقرا بقى على مهلي
انا كنت مستعجل علشان راجع القاهرة الصبح وهيبقى صعب اتابع مدونات
اقرا وارجع ثواني

الباحث عن الحقيقة يقول...

جميل اوي يا محاسن هو ده الكلام
بوست رائع اوي من اجمل واظرف ما قرأته لمحاسن النكديه
وعموما زي ما البوست كده بيوضح لو كل طرف من الزوجين بس لمزايا الطرف التاني قبل عيوبه هيعرف انه عنده نعمه غيره بيحسده عليها
بس هو الهدووووء يا محاسن وكل حاجه هتيجي بالهدووووء
عجبتني نهاية الحدوتة انا كنت هعيطيا محاسن
مش من البصل يا شيخه لا ما تبقيش ظنانه
من المشاعر الدافئة اللي في مشهد النهاية
يا ريت تحوشيلي حتة شكشكوكة على جنب لغاية مارجع

dreem يقول...

تعرفى المشكلة فايه يا محاسن ؟
ان كل واحد متربص للتانى مع انهم المفروض شركاء .. يعنى الحسنة بتعم وبرضه السيئة بتعم
بس مع الاسف اتربوا غير كده ومش هيعرفوا يبقوا غير كده ومش هيسمعوا لحد يقولهم كده ما ينفع
تحياتى يا اوختى

هانى زينهم يقول...

والله يا محاسن لو هو فى وسامة يوسف وصبر ايوب وحكمة لقمان وعدل عمر ورحمة محمد ما هيعجبها ولو هى فى جمال زليخة وحنان خديجة وعقل عائشة ما هتعجبه !!
دى مووايل زرقا ما يعلم بيها الاربنا وما بتتفضش من ايام ادم لقيام الساعة .حكمته بقى اعترضى ؟!

حـــــ الــجــنــة ـــــور يقول...

السلام عليكم
حمد لله على السلامه ياقلبي فرحتيني ببوستك الجميل ده والصلح خير جوه الرومانسيه دي من البصل والثوم والتشنجات الهاجسيه
بجد ربنا يسهل لكل المتزوجين ويساعدهم على تحمل بعض ههههههههه
بجد كل مابشوف مدونتك أو إسمك بيجيني تسارع في النبض وإرتجاف في اليدان وتهليل
في العينين بجد أحبك في الله يا أحلى محاسن وشرف ليا إنك تزوري مدونتي المتواضعه
بس لماتفكري تباتي في المدونه جيبي بطانيه معاكي على البرد ربنا مايحرمني منك
كل لحضه ونحن من الله أقرب
دامك الله أخت وصديقه تقبلي تحياتي وياريت تبوسيلي نفسك ياقمر
سلااااااااااام

The Führer يقول...

ههههههههههه
أيوة كدة يا شيخة طلعينا من مود التراجيدي ، وكويس حضرتك بتدينا كورسات في الحياة الزوجية ، وأهو الواحد لما ينوي الجواز يبقي مستعد ومجهز أسلحته الدفاعية وأنظمة الردع تحسبا لأي خرق لاتفاقية "الزواج السعيد"

دمت بكل الخير
تحياتي

ABOALI يقول...

ضحكت حتى ضحك الضحك
وتبسمت حتى ابتسمت الابتسامة
وانفرجت اسرارى وجهى
تحبث عن سلمى وسلامة
هما
حواء وادم
بانوراما سماويه
فى حياه اندماجية
وضع الرحيم القانون
مودة ورحمة وسكن وسكون
ان احببت فود
وان اسئت فرحم
وان كرهت فأسكن
تعيش عيشة الملوك
ولن تكون عيشة الحيارى
لن تسمع فيها
هذا رايى ؟
انا الكل فى الكل
وستسمع
كلنا انسان
نحيا ونحب
تحت سماء
من اراد الحب


تحياتى
على تلك المشاعر العابقة بكل جميل
المزدهرة بكل خير

~*§¦§ Appy §¦§*~ يقول...

يا نهار
مشاكل مشاكل بس من شاف مصايب الناس هانت عليه مصيبته
بصى العلاقه بين اتنين صعبه اوى يعنى لو مفيهاش توازن شويه او فهم يبقى ملهاش لازمه الخناقات دى بس اللىى بالعقل بتكون كويسه علشان بتوصل لحل

Beram ElMasry يقول...

محاسن هانم
..فى سره برضه)
سرها برضه
هذا حال الدنيا
بيرم شرقاوى المولد والاهل

شهرزاد يقول...

محاسن صابر
بوست جميل وواقعي وعجبني جدا اسلوبك في العرض
والله اللي عرضتيه حضرتك واقعي جدا ومن حياتناوأي حد مش متجوز أكيد هيقول الحمدلله بعد قراءة البوست وانا واحدة منهم... ههههه
الحمد لله الحمدلله بشكرك يا رب

غرباء يقول...

جميل جدا تعبيراتك
بس أري أن سبب العلاقات الهادية ليست الخوف من المحاكم والنفقة
ولكن أري انها المودة والرحمة
التى جعلها الله بين الأزواج
ويجملها جو التسامح الذي يخلقوه

..غرباء..

Arabic ID يقول...

محاسن الرائعة
-------
ينظرون بعين أخرى غير التى اختارت وأحبت ، رغم أن القلب والعقل لم يتغيرا

ولكن المقارنة ما بين أحوال الناس وبعضها تورث الفشل والأحساس بالنقص مما يجعل العدوانية أمرا طبيعيا لشعوره بظهور الضعف عليه قبل حتى أن ينطق

=========
تحياتى لك محاسن

Arabic ID يقول...

فكرتينى بأسلوبك بقصة كتيتها أسمها " كلمات جوانية "

osama يقول...

الطرح جميل جدا والمشكله لا تزال قائمه وشكلنا لازم نقرا كتاب كيف تكون زوجا سعيدا
اول مرور ليا وليس الاخير

ضد التيار يقول...

الحياه مابتفضاش من المشاكل

لكن لو كل واحد بص للجانب الحسن فى التانى المركب هاتمشى وهايشوفه احسن الناس كمان

لكن للأسف الكل دلوقتى بيبص للجانب الوحش و نسى ان هو كمان ليه جانب وحش

دايما لازم نشوف مشكله الناس عشان نرضى باللى ربنا ادهولنا

ربنا يهدى الجميع

mohamed ghalia يقول...

الأجمل فى كلامك إننا فعلا بيكون فى حاجات كويسه كتير فى الزوجين بس أحيانا هما بيشوفوا لبعض المساوء أكتر
لو اتعلمنا اننا نشوف المزايا أكتر من العيوب حقيقى بيوتنا هتبقى هنا.
الحمد لله انك رجعتى للأسلوب الذيذ ده وبلاش نكد تانى ربنا يكرمك.
يلا وأدينى بتعلم من كلامك لما انجوز هحاول بجد يكون عينى دايما على المزايا أكتر.
أدعيلى بقى أتجوز ههههههههه.
تحياتى وإعجابى بالموضوع الرائع

مهندس مصري يقول...

طول ما الناس بتبص لغيرها مش حتستريح

و لعلمك البصل و التوم مفيد للصحة
إنما الكرش لأ
:)
و بصي عندي بسرعة

EMMY BABY يقول...

ههههههههههههههههههههههههههه

حلو اوى الحوار ده والله

هو كدة الانسان مبيحسش بالنعمة اللى فى ايده

ودى اخرة مقارنة البيوت ببعضها

مفروض كل اتنين يشغلوا نفسهم ببيتهم وبس ميقعدوش يقارنوا وبدل الوقت اللى هيضيعوه فى المقارنة يستغلوه فى تصحيح عيوبهم

بجد ابدعتى بالاستبحيس ده والهسهوس هههههههههه

تحياتى

ايمى

بنت سيناء يقول...

ازيك يا محاسن
انا بشكرك على سؤالك لى الدائم وانا بجد حبيتكو كلكم لانكم كنتم اخواتى واخوانى ((يعنى من الاخر كدة::جماعة خير(:))
ــــــــــــــــــــــــــــــ
انا بخير والحمدلله وان اراد الله هقابلكو تانى وان لم يرد فلاحول ولا

هتابعكم فى صمت

تحياتى وسلامى للجميع

princess يقول...

مشاكل الحياة الروتينية اللى علطول بيحصل
ده سيناريو قريب للواقع جدا وان اختلفت التفاصيل بس يا ريت كل طرف يعرف حقوقه وواجباته كويس مش هيبقى فى مشكلة
تحياتى

زهرة الياسمين يقول...

اللى يشوف بلاوى الناس تهون عليه بلوته

عصفور المدينة يقول...

وعين الرضا عن كل عيب كليلة
ولكن عين السخط تبدي المساويا

أبو أسامة - مدونة كباية شاي يقول...

والله يا أبلة محاسن
لما قريت النص الأول من القصة
فكرت أكتب التعليق ده :

أهو أنا دلوقتي عرفت ليه حضرتك عايزة تتطلقي .

إنما بصراحة

دلوقتي مش عارف أقول إيه

بس فعلا كلنا بيكون في إيدينا كنوز كتير بس مش بنحس بقيمتها إلا لم نشوف بلاوي غيرنا
تحياتي بشدة
والسلام عليكم ورحمة الله وبركاته

انا ودماغي يقول...

البوست حلو أوى و بيعبر عن حالات كتير
على رأى هيثم دبور فى تامر و شوقية
بحبك بسلاطاتك و بابا غنوجك

محدش بيحسن بقيمة الحاجة إلا لما يشوف غيره مش لاقيها

و أى 2 متجوزين الحياة بتاخدهم و بيخليهم ينسوا كل حاجة جميلة كانت بينهم فلازم يكون فى رفريش فى الحياة




بس بجد طلعتينى من مود الرومانسية أول ما مراته قالتله بعمل شكشوكة للعيال
و جت سيرة البصل و الكرش




بس برضه بوست زى العسل زى صحبته
مووووووووووووه

جبهة الدفاع عن العمدة حزين يقول...

هه بسم الله

دستور

ياللي هنا

هو مفيش حدهنا ولا ايه

يا محاسن يا محاسن هانم

علي العموم ياللي جوه العمدة بعتني اقولكم انه مبسوط منك و الحمد لله ان الشمل اتلم تاني يا سلام يا ولاد علي الحنان. هي دي الخناقات ولا بلاش


بارك الله فيكي ووفقك الي ما يحب ويرضي الي الامام دائما

ابو فاطمة نائب العمدة

حياتنا الزوجية يقول...

جزاك الله خيرا ووفقك الله

الفكرة جميلة واوحت لي بفكرة جديدة في مدونتي الموضوع مهم بجد وممكن استعين بالموضوع بتاعك في قادم الاوقات ان تم السماح لي بذلك




حياتنا



ملحوظة اتمني استبدال كلمة الطائي لانه لا يجوز ان نتوقع من امثال هؤلاء الصالحين الا الخير

ماما أمولة يقول...

ههههههههههههههههههههه

الانسان دايما كدا تهون عليه مصيبته لما يشوف مصايب غيره
ربنا يحفظك ويحفظنا
انت عسل وقصتك عسل
وتسلم ايدك يارب

ماما أمولة يقول...

ههههههههههههههههههههه

الانسان دايما كدا تهون عليه مصيبته لما يشوف مصايب غيره
ربنا يحفظك ويحفظنا
انت عسل وقصتك عسل
وتسلم ايدك يارب

mostafa rayan يقول...

بصي هقولك كلمةواحدة كلامك صح
الراجل هو اللي بيمشي الست مش العكس على فكرة وهو لو طلب منها انها تاخهد بالها من نفسها وتهتم بأنوثتها بطريقة جميلة بلطف هتعمل كل اللي تقدر عليه لأنها هتبقي عايزة تسعده وتحققله رغباته
الراجل ومراه المفروض يكون شيئ واحد واحد لايقبل القسمة على اتنين ابدا

mostafa rayan يقول...

ملحوظة لحياتنا الزوجية
حاتم الطائي كان كافرا ولم يلحق الإسلام

prince4ever يقول...

سلام عليكم
ايوه كده..بوست فيه فكره و بيعرض حدوته و قضيه بس مفرفش كده و مش حزايني... وكويس انك خرجتي مالحاله المزاجيه المش تمام
بوست زي العسل
مممممم...انا زعلان ):
ليه..ممممم... مدونات مصر كلها عندك فالقايمه وانا لأ... طيب.. ):
و انا اللي كنت فاكر اننا نعمل حساب لعشرة ارنست هيمنجواي..طب حتى عشان خاطر جيفارا
مممم...لأ زعلان
ههههههههه
سلام

radarblog يقول...

مش عارف أقولك إيه ...
أنا بالعافية قريت البوست ، مش علشان حاجة ، لكن علشان قلبي وجعني من أول كلمتين

طيب دول كلمتين قرأتهم وتضايقت منهم ، أمال الحياة هتمشي ازاي كل يوم بينهم

الله المستعان

nona يقول...

العلاقة الزوجية شى غريب و صعب فهمة بسهولة و كل انسان فاكر ديما ان زوجة صديقة افضل امراءة على الاطلاق
و دائما تنظر المراءة ان الراجل الاخر يقدر زوجتة و يعتبرها ملكة
لكن لو نظرنا هنلاقى اننا ممكن نكون اسعد اتنين و لو افتكرنا اننا قضينا ايام جميلة مع بعض و ان الاى بينة شى مش سهل
بس هو لحظة الغضب الانسان بينسا كل شى
ربنا يسعد كل اتنين و يبعد عنهم الغضب و النكد
بس سيبك انتى دول الفلفل و الشطة امال الطبخة تبوظ من غير بهارات هههههههههههههههههههههه
ربنا يسعدك و يبارك فى عبودى

عاشــــــ النقاب ـقــــة"نونو" يقول...

ههههههههههههههههههههههه
والله انتي عسل
بس تصدقي النماذج دي بنشوفها والله
وبينطلق عليها اقوال شعبية ماثورة
المفترض بقى ان التدوينة تبعت رسالة نبيلة جدا وقيمة جدا مفادها
احمد ربنا على اللي معاك وما تبصش للي في ايد غيرك
وبدل ما تلعن الظلام يا ابن النا اوقد شمعة
ربنا يبارك لك يارب ويعزك ويخلي بيدو ابنك وتفرحي بيه ويروق بالك بفارس همام يعوضك يارب امين

yoyo يقول...

هههههههههههههه
الحمد لله بقى على العزوبية ههههههههه اه والله كدا أحسن الواحد عايش ملك زمانه وميت فل وعشرة بقى

بس والله يا محاسن هى دى سنة الحياة لما الانسان يبدا يشوف مشاكل غيره يلاقى مشكلته بسيطة ومش بيحس انه معاه جوهرة كدا الا لما يبدا تروح من ايده

عرضتى الفكرة باسلوب حلو اوى ولذيذ يا محاسن والله الحياة الزوجية دى عاملة زى الحياة بين القط والفار ههههههههه دايما فى شد وجذب بقى هييييييييه دنيا هنعمل ايه بقى

ربنا مش يحرمنى منك ابدا يا قمر ولا من سؤالك الشغل بقى هنعمل ايه مش حد بياكلها بالساهل ههههههههه
مستنية تعليقك على البوست الجديد يا قمر اهوا مش اتاخرت انت بس تأمرى

تحياتى
يويو

صبرني يارب يقول...

يعنى ياريت يكون فعلا لما واحد يسمع مساويء الغير يعرف قيمة الى عنده

مش بس يعرف لا ويحافظ عليها بقى ويصلح نفسه

الا انه كان ممكن يقول بكل بساااااااطه كلهم ستات هم زيهم زي الى عندي ويعامل الى عنده بمنطلق انها يوما ما هاتوصل للنهايه الى شافها

وهى كذلك بنفس المنطق

وعلى فكرة اذا بدأو الزوجين بعد مزايا الغير لازم يتوقعوا من الطرف التاني انه يعمل زيهم
ما حدش كامل طبعا

تحياتي لك على البوست الجميل

راعى الناقه يقول...

لابد ان يتحمل كل منهم الاخر هى وهو لان الحياه من غير مشاكل ملهاش طعم بس لما يكون فيه رحمه بين الاتنين المشاكل بتبقى حلوه يعنى بتجدد العلاقات العاطفيه واى حاجه في الدنيا فيها مد وجذر فمش لازم نكبر المواضيع زي ما بيحصل بين الازواج الايام دى والكل بيبقى واقف لصاحبه على سن ورمح مستنى بس غلطه علشان يشمت ويشمت الجيران وبكدى بتبقى الحياه جحيم وبيضطر الزوج يدور على زوجه تانيه وتالته وربنا يستر
وبارك الله فيك يا ام عبد الرحمن

Sometimes يقول...

عندك حق يا محاسن
طريقه عرض الموضوع تحفه
وتصدقى بالله انتى بجد اخت
وكلامك دايما ونصيحتك بتيجى فى وقتها
ربنا ما يحرمنى منك ابدا ويصلح لكى الحال يااااااااارب
سلمليى على عبد الرحمن
ربنا يبارك لك فيه

م/ الحسيني لزومي يقول...

مشكلتنا اننا لا ندرك قيمة الاشياء التي نمتلكها الا عند فقدانها ونصبوا الي ما نفتقده ولو كان اقل قيمه.
يقولوا ان (العادة تقتل الاشياء) وهذا هو الداء القاتل للحياة الزوجية لا تجديد في رتم الحياة من ناحية الزوجين وكلا منهم يعتبر ان الآخر هو المطالب بإحداث هذا التغيير في رتم الحياة وهم بهذ الانتظار وعدم الاقدام علي إحداث التغيير يتركون الفرصة لشياطين الانس والجن لإحداث التغيير الأسوأ.

حبارير يقول...

أم عبد الرحمن

بجد تسلم ايدك

المهم الحكومة ما تفرضش ضريبة على

الحوار بين الزوجين

هذا رابط منتدى حارة زعتر ها يعجبك جدا بإذن الله

ياريت تشتركي فيه

http://www.z3tr.arrawan.com/

ايه رأيك

حاولي تزوري المنتدى

جربي

مش ها تخسري

سلام

أكون أو لا أكون يقول...

mahaseen habibty....
ana bakalamek men aljam3a...
ana gareet alt3leek beta2k....
wahshteny jedan jedan
ana asfa .... l2ny tawlt aleeky....
bs aj3 albeet 7b3tlek resala
m3 alsalama

أكون أو لا أكون يقول...

wkra2 albost alided ...en sha2 allah

prince4ever يقول...

يااااااااااه
هو انا اقدر ازعل منك برده
ده انتي بالنسبه لي قدوه و مثل اعلى والله العظيم
طب والله كنت بهزر... و ربنا يعلم اللي في القلوب... و متقوليش عاوزه عبد الرحمن يبقى زيي... ان شاء الله يبقى احسن مني مليار مره و تشوفيه يا رب احسن واحد في الدنيا و يسعدك فيه القمر ده
عيب...زعل ايه وكلام فارغ ايه
الف شكر على كلامك الجميل في حقي
سلاااااااااام يا استاذتي واشتاذة الجميع

Nabil يقول...

عموما الحمد لله ان النهايه كانت سعيده

وحلوه جدا "بحبك بكل بصلك وتومك" جمله كلها طبيخ...هههههههه

والله موضوع حلو ودمو خفيف واتعرفنا فيه علي امراض مكناش نعرفها

وفعلا ساعات الواحد ميعرفش قدر اللى معاه غير لما يفقده...!!!
تحياتى ودعواتى

شمس النهار يقول...

برافوا عليكي يامحاسن
جميله جدا
لخصتي الخناقات الهايفه كلها في كلمتين
بس نسيتي رضينا بالهم والهم مش راضي بينا عشان تكمل
ضحكتيني من قلبي
لو كل واحد رضي باللي هو فيه وقدر نصه التاني واتقي الله فيه ماكنش بقي فيه خناق اصلا
كان هيبقي في مناواشات علي الطاير كده

ريمان يقول...

هههههههههههههههههههههههههههههههههههههههههههههههههههههههههههههههههههههههههههههههههههههههههههه


ايه ده يا قمر

مكنتش اعرف ان دمك عسسسسسسسل اوى

بجد بوست جميل

وده حال كتير من البيوت والله اليومين دول

اخبارك ايه وحشانى والله
معلش جت متاخره لانى والله جهازى كان بايظ

بس انا بقى فكرتك هتسيبيلى رسايل كتير

لكن ملقتش خالص

انا بجد زعلانه منك

وكمان انا سيبتلك اميلى وقولت لك منظره اضافتك وانتى مش عبرتينى

ينفع كده؟

Hossam يقول...

حبيبة قلبى
شكرا شكرا بجد لاهتمامك والسوال عليا
انا بجد تعبان اوى ومتوتر جدا
امتحانى يوم السبت وهموت
وكل ويم فى القاهرة بروح وبرجع كل يوم عشان الكورسات متبهدل جدا وامتحانى على فكرة فى الAUC والله لو ينفع نتقابل يبقى قشطة
سلام حبى

romansy يقول...

ههههههههه
دى حاجه تضحك كل دا يحصل
تنفعى اديبه
بوستك جميل

طهقان يقول...

ما قلنا من الاول

يا ام بدوووي بلاااش

البنات مسروعة على الجواز
والعيال مسروعة هي كمان

لا دي عندها خبرة
ولا هو بيعرف

طيب

فين دور الاسرة في التربية الاسرية لتوعية الشباب والبنات بالعلاقات الزوجية


فأحسن

خلينا ساكتين

تحياتي

afew good men يقول...

بصي ياستي

عندما تكون هذه هي طريقة الحوار بينهم


ففي النهاية

لا بد ان يكون الانفصال

لانهما بمجرد ان يفيقا من البنج الموضعي ويجدوا انفسهم في دوامة الحياة

سيلعناها وهي ستلعنه

لانهما بكل بساطة

فقدوا دائرة الحب المغلفة


الحكيم من ينسحب لانه دائما يبقي الحال علي ماهو عليه

انا مستبد

وهي بتنفذ اللي في دماغها

اكيد فاهماني

انا اتكلم

هي ترد وتناقش

اانا اجيب سيرة مراة فلان

هي تجيب سيرة مراة علان


واصلا سبنا مشكلنا واتكلمنا عن الناس

وانا اتحدي ان يكون هناك زوجان سعداء

لانهم بكل بساطة

يرتدوا تلك النظارة التي تري باتجاهان

اتجاه الجمال والأنوثة فقط في غرف النوم ولحظة الاحتياج


واتجاه االملل والقرف لحظة المال ومتطلبات الحياة وانهم اتهموا انفسهم بالعمي

ماهي كانت الملكة

وهو كان البرنس

في النهاية وصل بيهم الحال الي جواري وخدم

يارب تكون وصلت المعلومة

ibn nasser - ابن ناصر يقول...

لأ ومش الجارة بس
يبدأ يقول بنت عمي وبنت خالي مهناي جوزها ..وشوية يبتدي يقول انهم كانو عاوزين يجوزوهالو بس هو موافقش قلة عقل بقي !!!!
هههه تدوينه لطيفة
تحــياتي

barbie girl يقول...

لو كل واحد يستحمل التانى بس

قلب مصرى يقول...

لو كل واحد بص الأول لحسنات شريك حياته الدنيا هاتبقى أحسن بكتير.

esraa يقول...

هههههههه

يادي سره وسرها

ربنا يسعد الناس كلها يارب

dodda يقول...

ربنا يكفينا شر الهسهسه وتوابعها

الاستبحس كمان

الربان يقول...

تحياتي

- اشكرك كل الشكر علي مواساتك الكريمة ، جزاك الله خيرا و لا اراكم الله مكروهل في عزيز لديكم.

- البوست دعوة جميلة لكل منا ان يعيد النظر و يري نصف الكوب الممتليء بدلا من رؤية النصف الفارغ منه.

- ان يري كل منا عيويه...و سلبياته
و يغيرها الي مزايا و ايجابيات...

- الا يتصيد كل منا اخطاء الاخر...بل يلتمس له الف عذر....


تحياتي و تقديري

Manamino يقول...

ليكي عندي تاج
الحقيه قبل مايبرد

saso يقول...

بجد بجد حلوه اوووى

رغم ان الكلام واخد صوره الكوميديا الا انك وصلتى من خلاله معانى حلوهاووووووووووووى لازم كل المتجوزين يعرفوها

ضحكت ...وفهمت ...

استمتعت بجد والله

ربنا يخليكي وتسلم افكارك واسمحى لي بقه اضيف مدونتك عندى يا قمر

رئيس التحرير يقول...

الموضوع جميل ويتناول مشاكل نحياها جميعا وحتي لو كانت فكرته قد تناولها الكثيرن الا انها هنا قد عرضت في ثوب آخر ...اطيب الامنيات ...وفي انتظار المزيد.

مخنوق كيك يقول...

انا مليش دعوة بالكلام ده كله

مين اعمل ايه في مين وليه وامتي وازاي ؟

انا عايز 250 جنيه

تقبلي تحياتي ومستني الفلوس

جنّي يقول...

اذن من شاف بلاوي الناس هانت عليه بلوته ..

والنهاية برضه ما فيش فايدة كل واحد بيكلم في سره وعايز ..

تعرفي ان من الكذب المباح ان يكذب الرجل على زوجته او العكس كما حدث في النهاية السعيدة فلو كانت مقشولة يقولها انتي ولا مارلينمونرو ( مع الاعتذار للقصري الله يرحمه )

لابد من ان يتنازل كل منهما شوية ..

بس كويس خروجك من البوست السابق الحزايني لهذا البوست المرح الجميل ..
سلام لعوبد مخصوص

manmona يقول...

ههههههههههههههههههههه
جميل اوى البوست بجد .....
المشكله كلها ان محدش بيحس بالنعمه اللى فى ايده

على فكرة البوست ده حسسنى ان اللى حصل معاهم زى (اللى بيشوف بلاوى الناس تهون عليه بلوته)

سلام:)

tarek alghnam يقول...

العزيزة محاسن
ربنا يكرمك يارب
بدخل مدونتك ببقى مش عاوز اخرج
بجد اسلوبك رائع
تعرفى المشكله ان الناس مش فاهمه يعنى ايه زواج ويعنى ايه التزمات الكل بينادى بحقوفه وبينسى واجباته
انا بستمتع بكتاباتك الرائعه وكمان بشخصك الكريم
ربنا يكرمك يارب
وفعلا رب اخت لم تلدها امى
مع تحياتى وامنياتى لكى بحياة هانئه

ღღAhMedღ3LaMღღ يقول...

لو كل واحد اتنازل شويه الدنيا هتحلو
غلط غلط غلط
ياما ناس اتنزلت وكان مصيرهم اتهامهم بالضعف وقلة الحيله والتمادي بالحاق الضرر النفسي والمعنوي بيهم

بقول لكل اتنين متجوزين قبل اي خناقه فكر اذا كنت انت الي غلطان ولا الطرف التاني قبل ما تحط نفسك في حلبة مصارعه مع شريك حياتك كل واحد منها يريد ان يثبت للاخر انه الاقوي انه الاصح الذي لا يخطئ
ومجرد التفكير قبل الخناق هوه التنازل الحقيقي مش بعد ما تتخانق تتنازل
........
معلش يا محاسن هانم خادتني الجلاله شويه اصل شوفت مشاكل من النوع ده لما الدنيا خربت عندي وبعدين اعزريني علي عدم متابعة المدونه لظروف خاصه ممله وكئيبه

مصري بالغربة يقول...

البوست خلل خلاص انتي مش حتكتبي غيره ولا ايه؟

نيجار يقول...

محاسن حبيبتي
وحشتيني جدا جدا
وازي بيرو عامل ايه
يا رب تكونوا مبسوطين
سلام يا قمر

نور الدين يقول...

ازيك يا محسنة
اتمنى تكونى بكل خير

بيعجبنى فى كتاباتك دايما انها من الواقع وبتتكلمى عن مشاكل كل الناس عيشاها

ارجو تكونى فى رحمة من الله دائما ورضى
ولك جزيل الشكر على سؤالك عنى

تحياتى
..............
نور الدين محمود

oRiGiNaL HeArT يقول...

حماتىزز
ازيك عاملة ايه
وحشانى والله
بوست جامدطبعا زى العادة
كان نفسى اضحك على حاجات كتير واعلق على حاجات اكتر
بس للاسف انا ممنوعة عنى الابتسامة السنادى:((((((((((
دعوااااتك ليا بقى

المـــفـــــــقــــــــوعـــــة مــرارتـهــا يقول...

اللي يشوف بلاوي الناس تهون عليه بلوته
ده فعلا بيحصل

اهالينا زهقوا يربونا يقول...

مهو ده نقصه تربيه من الاتنين يجوا يشوفوا عندنا التربيه الصح عشان يتعلمواويستفيدوا

بس على فكره اسلوبك جاااااامد طحن

سلامووووووووز

الحب كما ينبغى أن يكون يقول...

فعلا هذه القصة متكررة كثيرا بين الازواج وحلها من وجهة نظرى اظهار الحب بصفة مستمرة وهذا كفيل بالمحافظة على العلاقة بينهم وكذلك التركيز على المميزات وترك العيوب...... بس قصة جميلة فى أسلوبها جزاكى الله خيرا ...على فكرة لدى بحث عن الحب كما ينبغى أن يكون أنشره حاليا على مدونتى

دعوة الفردوس يقول...

لا حول و لاقوة الا بالله

انا اللي جالي الهسهس

الصراحه انا شكلي مقربه اتعقد من الجواز
ده اذا مكنش حصل
:(

Son of Egypt يقول...

السلام عليكم محاسن

طبعا هى وهو غلطانين
ايوه غلطانين عايه تعرفى ليه مش ده اللى وصى امصطفى الزوجين عليه ولو تحبى تشوفى الوصايا من الكتاب والسنه اتفضلى عندى واتعبى شويه وخليهم يقروا موضوع اسنه(( وصايا لزوجين ))

تحياتى على الموضوع اللى كان كله ضرب وطاخ طوخ وفى الأخر قلب ضحك وهزار

بجد موضوعك حلو

دومتى متألقه

ريمان يقول...

حبيبتى محاسن

ازيك يا قمر
انتى كمان وحشانى خالص والله

انا بروح الكليه وطبعا احلى حاجه انى بشوف اصحابى وساعات بطنش المحاضرات

بس مش عارفه ليه الدكاتره بدأين جد اوى وحاسه ان السنه دى سنه تقيله شويه

انا فى كليه تربيه قسم رياض اطفال
وطبعا بروح تربيه عملى بروح الحضانه وبصراحه برجع تعباااااااااانه جدا من العيال وشقاوتهم

بس برضه بموت فيهم
ابقى قوليلى انتى بتقضى يومك ازاى واخبار بيرو ايه وطمنينى عليكى يا قمر

محمد فارس يقول...

الاخت محاسن ام عبد الرحمن
ايه الجمال ده انتي اديتي امل لكل المتزوجين واديتيهم درس كمان ان كل واحد يبص للجانب الحلو اللي في شريك حياته وبكده هاتبقي الحياه حلوه
ربنا يحلي دنيتك
ويسعدك بعبد الرحمن
ان شاء الله

الحشرى - سيد يونس يقول...

إذا أردت فاطمة فكن عليا

هذا هو المضمون

أحمد سلامــة يقول...

لا لا
دمك سكر والله
انا اول مرة اجي معلش على ما وصلت من هناك بقى
بجد انتي كاتبه حاجة زي السكر وليها لازمة جدا
سعيد اني جيت هنا
:)

محمد يقول...

تصدقى
لو الاتنين فهمو أن الكلمه الطيبه هى الاهم عمر ما فى مشكله هتدوم بينهم

المحمدي يقول...

دعوة لمعرفة صفات الزواج الناجح المبني
على أساس سليم في الإختيار الموفق بعد تحري أسباب الإختيار والتي أرشدنا إليها
النبي صلى الله عليه وسلم وذلك من خلال موضوع الزوجة الغالية وقريبا إنْ شاء الله الزوج الغالي عبر مدونة هل تريد الجنة ؟!

mahasen saber يقول...

سمكه وحده...
سمكمك سموك من غير اول تعليق انتا يا جميل من اول ما حطيتى رجلك على عتبة المدونه خلاص بقينا اصحاب واخوات كمان
منورانى يا جميله...

mahasen saber يقول...

كلام حسام .....
لا والله انا مش قديمه ولا حاجه ده انا عندى 29 سنه بس هجيب القدمان منيين بس يا ربى وبعدين ده انا حتى لسه مش كملتهم ....
حسام هو فين الراجل ده اليى بتتكلم عليه والنبى لو شفته ابقا عرفنى بيه
وبعدين كرامتى كرامتى معلش اعذرنى اصلها مكنتش معايا طول التلات سنيين جواز
...بس متفقين لو لقيت الراجل ده تقولى وهجيبله مليون عروسه وهتصدله فى الجواز بقلب ولا قلب الخسايه..

mahasen saber يقول...

سمكه وحده.....
يعنى عشان دعوتين تاخدى ربع جنيه مخروم بحاله شكلك داخله المدونه على طمع
ماشى انا اديكى عيونى بس ملكيش دعوه بشنطتى واليى فيها
....انتى منوره يا جميله
يا سمكمك انتى حلاوتك وانتى معموله كمونيه...

mahasen saber يقول...

كيارا....
كيارتى مهو ده الافضل والمفروض يا قمر بس الجواز والمتجوزين وسنينهم بقه يا كيا نعمل ايه فى لعب العيال بتاعهم ده
...

mahasen saber يقول...

كيارا ....
كيارتى انتى اليى وحشانى وحشانى ولسه بتوحشينى كمان
....ربنا ما يحرمنى من سؤالك عليا يا اصيله يا بنت الاصله ولا تمرت فيكى عشرة البلوج يا حبيبتى...

عالم حبيب يقول...

ما شاء الله .. وكأني بالزوجين كل منهما يهمس بينه وبين نفسه .. اللي يشوف بلوى غيره تهون عليه بلوته .. المشكلة بين كثير من الأزواج أنهم بعد الزواج يتعاملون وكأنهم لا زالوا شخصيتين مستقلتين .. مع أنه من المفترض بعد الزواج تذوب الحواجز ويصبحوا شئ واحد .. عقل واحد وقلب واحد

ربنا يصلح أزواج المسلمين .. ويهدي سرهم

mahasen saber يقول...

مصرى بالغربه....
محمود محمود لم اليله اه انا برضه ضعيفه فى الاملاء انا بكتب كل كلمه وانا عايزه اكتبها بالشكل ده والمعنى فى ايد كيبورد صاحب المدونه...
بعدين انا من امتى مودى مود نكد فيه ناش صحابنا فى السعوديه نفسهم لما ينزلوا مصر يضربوا ولا ايه
انا ورايا ولد ياكل الضلط...
الا قولى لقيت الحماره ولا لسه..

mahasen saber يقول...
أزال المؤلف هذا التعليق.
mahasen saber يقول...

نيجار.....
انا نيجا تزعل منى نيجا حبيبتى الجميله تزعل منى لا لا لا
انا مقدرش على كدا ده انتى غاليه عليا بالذات وانتى عارفه
طب عارفه الدليل انك قولتى برضه مود النكد وانا سكتلك ومقولتش حاجه بالك انتى بصى على التعليق اليى فوق وشوفى مصرى بالغربه هيتعمل فيه ايه
اصل برضه مش اة حد يقول نكد وبعدين ده راجل يعنى يا نيجار هوا اليى جابه لنفسه انما انتى كتكوته لا تقارنى بوحشيته...

mahasen saber يقول...
أزال المؤلف هذا التعليق.
mahasen saber يقول...

الباحث عن الحقيقه....
ملكش دعوه بالريدر ومدسلوش على طرفعشان ده هو اليى خلانى اعرف انتوا بتكتبوا ايه وفين وامتى
وبعدين طلعت عين مصرى بالغربه الغلبان فيه تيجى انتا تدعى عليه ماشى يا احمد
وبعدين بطل بحث وركز فى المدونات شويه..

mahasen saber يقول...

الباحث عن الحقيقه....
انا فيه كلمه كده مش هركز عليها ههههههه ايوه محاسن والصفه اليى جنبيها
بعدين مهم لو اتعاملوا بالهدوء انتوا هتشتغلوا ازاى هتقضوها جنائى جنائى ده يبقا شغل ناشف قوى
..وان كان على الشكشوكه اتاكلت اصل حلاوتها وهيا سخنه
اه اه الله يكرمك اعيش واكل غيرها صح
الا اخبار المذكوره رجلك ايه

mahasen saber يقول...

dreem....
حبيبتى الجميله ام الانانيس هما ممكن يكونوا نشئوا فى بيئه كده الاب والام طول اليوم فى جدال وجدل ومعايره وتعيير لحد ما الصوره بتنطبع فى دماغهم ان هيا دى العيشه وممكن لا تكون طبيعتهم اليى كدا مش راضيين باليى فى ايدهم..

mahasen saber يقول...

هانى زينهم....
اخويا هانى واستاذى هو انا ااقدر اعترض ولا ااقول بم على كلمه تقولها وفعلا حوا وادم فى صراع الي يوم الدين بس احنا بندعى بالهدى ونقول يا هادى...

كباريه يقول...

ملعون ابوهم كلهم أندال

mahasen saber يقول...

حور الجنه....
يا حبيبة قلبى ايه الكلام الجميل ده
بقه بيجيلك الرجفه وكل ده لما بتشوفى اسمى ده انا اضربنى لو من حبك ليا حصلك كده
والله منورانى وبتنورينى علطول والشرف ليا انا بزيارتى لمدونتك
اما استبحس وهسهس المتجوزين ففيه منهم كده وفيه منهم غير كده خالص ختالص خالص
نسمات وطايره فى البيت بس دول بسمع عنهم فى الحكايات ...

mahasen saber يقول...

the fuhrer....
منورد يا دكاتره ومشرفنا دايما
ويعنى معترف انك خدت درس طب حط ايدك فى جيبك وطلع المعلوم
وقف للمدرس كمان يله هات الابيج ...
بس الحياه الزوجيه من اجمل ما يكون لو الزوجين قبلوا بعض قلبا وقالبا..
وبس

mahasen saber يقول...

aboali.....
وانا اتبسطت حتى انبسط الانبساط منى بقه اليبوست اسعد ابو على كده لا لا ده شئ يشرفنى ويسعدنى ويطيب بخاطرى
وبستنا انا الشعر اليى بتكتبه وابو على وتعليق ابو على
ربنا ما يحرمنا من زيارتك الجميله للمدونه واليى بتبسطنى وبتسعدنى انا ..

mahasen saber يقول...

appy.....
مهيا يا جميله الدنيا كلها مشاكل مشاكل بس هيا الفرق بس فى درجاتها وتصنيغها يعنى مشاكل ممكن تعدى زى المشكله دى ولا مشكله لا يمكن تعدى الا وواخده فى ايديها البيت وخرابه
...وربنا يسعدك ويهنيكى يا جميله ويبعد عنك وعن خرفانك المشاكل
منوره يا قمر....

mahasen saber يقول...

berem almesry....
اهلا اهلا اهلا بحضرتك (بس مش فى سرى
بيرم شرقاوى المولد او المنبع او المصب المهم انه مصرى وعربى وبس ده المهم
...

د / مصطفي النجار يقول...

تحفة بجد

أكون أو لا أكون يقول...

حسونتي الحبيبه... اعتذر عن التاخير ياقلبي...
قصه جميله جدا... والنهايه حلوه...
وسرد رائع...
تسلم الانامل اللي نسخت لنا الكلام ده...
إن شاء الله ربنا يهديهم على طول... ههههههههههههه

prince4ever يقول...

سلام عليكم يا استاذتي
يا رب تكوني بخير
انتي عاجبك اللي بيحصل ده؟!!
البلوجراويه بيقعوا واحد ورا التاني فريسة للاحباط والاكتئاب... دلوقتي كل واحد يروح يأنتخله شويه و يبرر ده بالزعل... مدونه عزيزه زي حبيبه وقعت ضحيه لكده وريحت...مدون زي حسام يحي انتخ.. مش عارف مين مقاطع ..مش عارف مين عاوز يقفل المدونه خالص
الحكايه دي زي ما تكون مرض
الاخ المدون المحترم مختار الجندي عامل تحليل اكثر من ممتاز على هذه الظاهره اللي اطلق عليها حسام يحي بيات شتوي... وصراحة تحليل مختار دقيق جدا و عنده حق في كل كلمه قالها... قد يكون غياب الاطار الواحد للمدونه دافع للتشتت و التوهان.. في ناس برده بعد فتره تقول طب وده هيعود عليا بايه في الاخر... للاسف في كتير فاهم التدوين غلط...فاهمه تعليقات و تحيه و سلام و بس... في اخ مدون انا بحبه جدا اسمه دكتور بهدوء... الراجل ده صديق شخصي ليا على ارض الواقع وبحبه جدا بجد.. كنت كل ما ادخل مدونته استغرب...اقول الواد ده بيعمل ايه... يعني فين التدوين اللي بيدونه...ايوه يعني بيكتب ايه...طب والله العظيم مره قريت موضوع ليه اكترمن اربع مرات بس عشان اعرف ليه موضوع زي ده جاب اكتر من مية تعليق...مهواش حسد والله بس بجد استغربت.. حسيت ان المجاملات بتلعب دور كبير في الحكايه...حاليا هو مقاطع مدونته اكتر من شهر... و لما سالته مابداش اسباب... مره كنا قاعدين في درس باطنه من اسبوعين... فالدرس ممل كعادة كل حاجه قهريه... فراح مديني ورقة وقالي يالا اكتب بوست عشان اشوف بتكتب بوستات ازاي...ضحكت اوي...زي ما يكون الكتابه دي طبيخ وقت ما اعوز اكتب بكتب.. ده انا بجد بتعب جدا عشان اعمل حاجه يحترمها الناس اللي بتقرالي ... وكلام حد زيك يا استاذتي بيبقى وسام ليا و عبء عليا اني معملش حاجه اقل من اللي قبلها.. عشان كده انا مدايق من اخر قصه ليا لانها مش عالمستوى المنشود... فالموضوع مش زي ماكتير من المدونين فاهمين...ممكن انزل حاجه كل شهر بس تكون قيمه... حاجه تحترم ثقافة الناس الي وثقت فيا ودخلت تقرالي الجديد بتاعي...
الاخ المدون مختار الجندي بجد عامل تحليل متميز لو عند حضرتك وقت ممكن تقريه لان الراجل ده فكره عجبني
http://mokhtaralgendy.blogspot.com/
انا حاسس اني طولت اوي وقلبت دماغك...سورري... بس انا بكلم من العشم...خايف ييجي يوم و الاقي حد رائع زيك يقع فريسه للهموم دي و يتوقف او يريح هو كمان و نبقى خسرنا كتييييييير اوي
ربنا يبعد عنا الضيق و الهم ويا رب يفرج كروبنا
اللهم امين
سلاااااااااام

prince4ever يقول...

عشان ما اتفهمش غلط
مقصدش ان حبيبه ريحت يعني ريحتنا لا سمح الله انا اقصد ان هي اللي استريحت..
او مش استريحت بالمعنى الدارج قصدي يعني ابتعدت شويه عن العالم
سورري يا حبيبه اوعي تفهميني غلط

mahasen saber يقول...

شهرزاد....
شهر يا جميله انا مش معاكى ان الواحد يحمد ربنا على عدم الجواز ..هو الحمد ليه عز وجل فى السراء والضراء..
بس الجواو نعمه كبيره من نعم ربنا يكفى انك مبتبقيش لوحدك وفيه روح تانيه المفروض بتشاركك كل افراحك ونجاحاتك وبتخفف عنك احزانك لوجودها جنبك ده الجواز اليى كلنا بنتمناه وبعدين كل شئ فيه الجانب المشرق والجانب العتمه
وربنا يجعل نصيبك فى الجواز زوج تخافى عليه من الهوا الطاير..يعنى من كتر حبك فيه
..جميله انتى يا شهر ورقيقه قوى..
ربنا يسعدك ويباركلك

mahasen saber يقول...

غرباء.....
هو المفروض الموده والرحمه بس انا اعرف ناس من الشغل كانوا مطلعين عين زوجاتهم ومردعهمش عن افتراهم ده الا دخول الزوجه المحاكم مشيوا معاها زى حرف الالف ..عمرك شوفت حرف الف معووج..
حضرتك نورتنى جدا جدا وشرفتنى بالزياره واعتقد دى اول مره حضرتك تزورنى
ارجو متكنش الاخيره...

mahasen saber يقول...

اليى غرباء...
هيا مدونة حضرتك مقفوله ولا ايه
انا للاسف مش عارفه ادخلها بيقولى البلوجر حاجه عن ملف التعريف
ارجو ارجو الافاده
واسفه على الازعاج ولك جزيل الشكر...

mahasen saber يقول...

arabic id.....

اولا والله ما حد رائع الا انتا ..
ثانيا كلامك فعلا صح العين اليى اختارت فى البدايه نظرها بيضعف بعد الجواز فمش بيشوفوا بعض بعده بنفس نقاء الصوره قبل الجواز
منورنى منورنى يا اجمل هويه...

mahasen saber يقول...

arabic id....
ده شرف لياان اسلوبى يفكرك بحاجه او قصه كتبتها ...
تعرف انتا كده بتمدحنى يعنى انا اسلوبى الكتابى وصل لاسلوب كاتب عبقرى زيك
الله يكرمك انتا بتسعدنى بالكلام ده
جزاك الله كل خير..
ومنورنى دايما يا اجمل هويات الدنيا الهويه العربيه...

mahasen saber يقول...

osama.....
اهلااهلا باول مرور ليك شرفتنى ونورتنى يا اسامه بزيارتك الكريمه
وعجبنى ان الطرح عجبك بس بالنسبه للكتاب اتفضل ااقراه انتا انا خلاص مليش فيه بس ممكن اجيب نسخه لابنى مستقبلا
..بس عارف يا اسامه اجمل وافضل كتابتقراه فى الزواج السعيد بجد ومش مبالغه هيا السنه النبويه وتقرا وتحس ازاى الرسول الكريم كان بيعامل زوجاته ..صلى الله عليه وسلم..
تصدق انا كانت امنية حياتى ان اتجوز حد يعاملنى بالرقه والسمو ده..

mahasen saber يقول...

ضد التيار....
مهى المشكله يا جميله انهم مش بيبصوا لمزايا بعضهم بعد الجواز
وبتقلب معاهم عتمه ونور قاطع علطول ومش بيبقوا فاضيين غير انهم يخبطوا فى بعض
...بس ربنا يهدى
لان الحياه الزوجيه ارق من ده بكتير وللاسف الصراعات والخناقات والمشاكل بتصدعها وبتحدث فيها شروخ عميقه...

mahasen saber يقول...

mohamed ghalia....
منورنى يا محمد وادعيلك من عنيه تتجوز ومن قلبى كمان وانتا ادهيلى اخد ورقة طلاقى ونبقا كده خالصين
..انما انتا يا محمد بعقلك الكبير واسلوبك الراقى اعتقد انك هتبقا زوج محترم وهتقدر تعمل حياه زوجيه سعيده
وانا بتمنالك كده وحاسه انك هتقدر تعمله ..يله انتا بس خلص الكليه ودورعلى شغل واشتغل قيمة عشر سنيين ولا عشرين سنه ..عشان تكون نفسك يعنى
وبعدين همشيلك انا فى موضوع الجواز ملكش انتا دعوه

mahasen saber يقول...

مهندس مصرى....
مهو اليى تاعب الدنيا ان الناس عنيها مفتحه بس على غيرها ومحدش عاجبه حاله
ربنا يهدى الجميع
وانتا هتقولى يا هندسه على فايدة البصل والتوم
وحاضر جايه فى الطريق جهز فنجان القهوه ولا انتا زياراتك ناشفه...

mahasen saber يقول...

emmy baby...
يعنى هو الاستبحس والهسهس بيجى منشويه يا ايمى مهو من بصصانهم لبرالما عنيهم بتطلع ماله جوه انا مش عارفه ده لو فيه كرسى مكسور فى بيتهم وصلحوه سوا بالدنيا وما فيها
بس مين يفهم بقه يا قمر الكلام ده
منورانى يا جميله بس انتى لسه بدرى عليكى قوى على ما توصلى للهسهس والاستبحس وربنا ما يكتبه عليكى...
كل ما بتدخلى المدونه بحس بشقاوتها...

mahasen saber يقول...

بنت سيناء....
والله انا اليىبحبك فى الله وكلامك ده عز عليا قوى ووجعلى قلبى ليه ليه تسيبينا وتابعينا بصمت ..
مدونتك جميله وانتى شخصيه محبوبه ويكفى انك من ريحة مكان عزيز علينا كلنا ....
اتمنا انكترجعى عن قرارك وانك ترجعى لمدونتك تانى انا بقول الكلام ده وقلبى موجوع على فراقك
طب اجيبلك البطه وتغيرى رايك ده انا اجبلك بط الدنيا كله بس ترجعى عن قرارك
...فكرى كده البطه متتفوتش

mahasen saber يقول...

princess....
كل واحد يعرف حقوقه وحقوق التانى ويديهاله ويحترم التانى فى قوته وفى ضعفه
اه يا برنسيس نقول لمين بقه...
ربنا يرزقك بالزوج الصالح وتكونى زوجه اصلح منه....
منوره يا جميله
وبتدينى شرف ملكى كل ما بتدخلى هنا...

mahasen saber يقول...

زهرة الياسمين....
واليى يشوف بلاوى الناس هيحمد ربنا على الكوارث اليى هو فيها
الحمد لله فى السراء والضراء...
شرفتينى واسعدتينى بالزياره يا ام ريحه حلوه..

mahasen saber يقول...

عصفور المدينه.....

وحبيبك يبلعلك لضلط وعدوك يتمنالك الغلط ..
وواضح ان اغلب المتجوزين بيتمنوا لبعض الغلط.....
حضرتك منورنى ومشرفنى فى المدونه ربنا يباركلك ...
وطبعا طبعا البيت بيتك فى وجود حضرتك انا اليى ضيفه

mahasen saber يقول...

ابو اسامه ..مدونة كباية شاى....

انا مش عارفه الناس بتفهمنى غلط ليه ههههههههه يعنى حضرتك قولت كده وبرضه كان شخص فاضل سابلى تعليق بيقولى ..اول ما قريت اسم مدونتك كنت داخل ااقولك انتى طالق بالتلاته بس بعد ما قريت المحتوى بقولك ربنا يوفقك هههههههههه اعمل انا ايه بقه ..
منورنى يا اخونا الفاضل واى حاجه منك حلوهوكفايه بس وجودك فى المدونه ده بيسلطنها بكوباية الشاى طبعا...

mahasen saber يقول...

انا ودماغى....
مهو الرفرش ده واضح انه مبيجيش الا بالخناق هههههههه بس علاقة الجواز علاقه ربنا بيراقبها من فوق انا مره قريت ان ..الشئ اليى بيبسط المولى عز وجل تعالى وعظمة اسمائه ان اتنين متجوزين يبصوا لبعض بحب ..تخيلى نظرة زوج لزوجته او زوجه لزوجها بحب بتعمل ايه شفتى قد ايه القدسيه اليى ربنا مشرف بيها علاقة الجواز
بس نقول لمين ربنا يهدى الجميع...
وانتى اليى عسل وقمر يا جميل يا ابو دماغ روشه
عامله ايه فى الحضانه قصدى المدرسه قصدى الجامعه الجامعه...
اخبارك مع الدكاتره ايه...

mahasen saber يقول...

جبهة الدفاع عن العمده حزين....

يادى النور يادى النور ولعى فى الشاى يا بت هههههههه ..ده من اظرف التعليقات اليى ضحكتنى مشرفنا يا ابا الحاج والمدونه قادت من الفرحه وولعت فى بعضيها من السعاده
..واحنا بنقولك بلغ العمده اننا سعدا خالص انه جنابه مبسوط وسعيد كده من البوست آلهى ربنا يسعد ايامه وينورها ...
الا هدخلوا الكهربا عندنا فى الكفر امتى
...نورتنى يا ابو فاطمه ربنا يسعدك ويكرمك ويفرحك بيها..

mahasen saber يقول...

حياتنا الزوجيه....
اهلا واهلا وسهلا كمان وطبعا طبعا المدونه وبوستاتها تحت امرك طالما حضرتك عملتلى اعتبار واستئذنتنى
ومشرفنا دايما وربنا يسعدك ويكرمك من كرمه العظيم...

بس حاتم الطائى للاسف مماتش مسلم لانه مات قبل نزول الدعوه بس الرسول الكريم ..صلى الله عليه وسلم..قال عنه انه راجل تحلى بصفات الاسلام وده لما اسرت بنته فى غزوه من الغزوات والرسول اكرمها اكرامنا لصفات ابوها...
فللاسف للاسف مكنش مسلم وبعدين انا مسخرتش منه بالعكس ده من اكتر الشخصيات اليى بحبها من التاريخ وبيتهيالى كل الستات بتحبه
وطبعا معروف ليه
حضرتك منورنى ومشرفنى دايما..

mahasen saber يقول...

ماما اموله....
والله حضرتكاليى عسل ووجودك هنا بيشرفنى وبيسعدنى وهو اليى بيخلينى عسل كده
...وفعلا المفروض الواحد لو واقع فى بلاعه حتى يفتكر اليى بيقع فى بحر وتاكله سمك القرش ويحمد ربنا ...
منورانى يا ماما فوق الوصف...

mahasen saber يقول...

mostafa rayan....
هيا يا درش مش مسألة مين هيمشى مين مفيش حد فيهم بيمشى بالريموت كنترول بس الموضوع هو زى ما قلت لو كل واحد وجه التانى بحب وبشياكه
يعنى مش شرط الزوجيعاير الزوجه عشان يعرفهاانها بتعمل حاجات غلط
ومش لازم الزوجه تحرج الزوج وتنخص عليه عيشته عشان تبينله انه فيه حاجات فيه مش بالعاها
...بس سيبك انتا انتا منورنى ومنور المدونه بحالها....

mahasen saber يقول...

mostafa rayan...
انا وضحتله وجزاك الله كل خير على المعلومه ..
الف شكر يا مصطفى على اهتمامك بالتعليقات كده الف شكر ..لالا مليون شكر
كلك ذوق وقوة ملاحظه..

mahasen saber يقول...

prince4ever....

يا خراشى يا خرابى يا نصيبتى انا دكتور رامى بكل ذوقه ورقته وكرم اخلاقه وثقافته يزعل منى ده انا اشيل لينك مدونتك واحطه فوق دماغى ..لا لا متفهمنيش غلط مش هسرح بيه واقول بجنيه يا بوست لا هحطه فوق دماغى زى تاج ملكات الجمال كده
..وبعدين انتا حلفتنى بالغاليين كده وتشى كمان بالذات معزته من غلاوة ناصر فمقدرش اتكلم ولا فيدل كاسترو يا حبيبى اموت انا فى الديكتاتوريه المحبوبه دى واليى على هدف...

mahasen saber يقول...

radarblog.....
دكتور محمد قولى ايه فى البوست يوجع القلب خلتهملك صالحو بعض ولا اجدعها فيلم رومانسى وجريوا على بعض ولا احمد ومنى ...ايه بقه اليى زعلك وبعدين اتعلم بكره الحياه قدامك يا بطل وبعدين عشان متقولش لمراتك شوفى وشوفى وشوفى وتراعى ان نظرها ضعيف ماشى
منورنا يا دكتور وممعكش حاجه للبرد...

mahasen saber يقول...

nona....
يا حبيبة قلبى المشكله ان ساعات الطبخه بتتحرق وتبوظ زى حالاتى كده
او يضطروا ياكلوها ويجيلهم تخمه واحتمال تسمم
بس والله اليى معاها زوج بيحترم ادميتها ومبيمدش ايده عليها تبوس ايديها وش وظهر عليه وتحمد ربنا على كرمه
واليى معاه زوجه محترمه امكانياته الماديه والنفسيه والاجتماعيه ومقدراه وصايناه هو واسرته يبوس ايده وش وظهر وقفا عليها ويبوس دماغها وهو خارج من البيت وهو داخله كمان
...
ربنا يسعدك يا نونتى يا جميله ويباركلك فى حياتك وتكونى انتى وزوجك سببب لدخول بعض الجنه
اللهم امين...

mahasen saber يقول...

عاشقة النقاب نونو.....

والله يا نونو للاسف قليل لما تلاقى بيت بيخلو من النماذج دى انا مش عارفه ازاى اتنيين يعيشوا مع بعض وكل واحد بيعاير التانى بناس تانيه
طب لو فرضنا ان الزوج او الزوجه حد فيهم مرض وعييى تفتكرى يا نونو بالشكل ده هيشيلوا بعض
الله اعلم
...انتى منورانى يا جميله واخبار ملايكتك والمدارس ايه ربنا يعينك يا حبيبتى يا رب ويحفظهملك ويجعلهم ذريه صالحه
ويباركلك فى زوجك ويجعلكوا لبعض ازواج الدنيا والاخره...
اللهم امين
بوسيلى اولادك على ايديهم الجميله اصلى بحب ابوس بيرو كده...

mahasen saber يقول...

yoyo.....
قط وفار يا يويو الحمد لله ان عبدالرحمن مش سمعك كان شبط دلوقتى هههههههه
بس يا جميل لما ربنا يرزقك بالزوج الصالح والراجل اليى بجد راجل قلبا وقالبا هتقولى الحمد لله على نعمة الجواز
وان شاء الله ربنا يرزقك بالشخص الطيب والرومانسى زيك كده والحنين
واليى كل ثانيه فى حياتك معاه تكون ترجمه لكلمة السعاده
...منورانى يا قمر وانتى هتقوليلى على الشغل يااختى طلع عينى وكسرلى رجليه ونفسى كمان
...اممممممممو خلى بالك من نفسك يا جميل
وانا فى الطريق لقراءة البوست حضرى حاجه حلوه بقه..

mahasen saber يقول...

صبرنى يا رب....
مهو محدش طبعا كامل ولو كل واحد فيهم بص لمزايا التانى يعنى كل عيب فى الانسان اكيد وراه مزايا تانيه ...فاعتقد ان محدش يوم هيوصل لانه يعاير التانى بحد تانى غريب
وبعدين طالما العيوب مش قاتله خلاص الاتنين يعيشوا ويمشوا مركب الحياه سوا...

mahasen saber يقول...

راعى الناقه....
منورنى والله واسعدتنى باول زياره
ويا اهلا وسهلا بجماعة الخير وسيناء وكل حد غالى من سيناء وتراب سينا كمان...

بس ليه ليه يتجوزيعنى التانيه والتالته ويكملهم بالرابعه ليه ميوصلش معاها لكافة سبل التفاهم والاقناع ولا هو لازم الراجل يجرى يقتنص حقه على حساب الست اليى معاه
طب لو هيفكر يتجوز يسيبلها حرية الختيار وتتجوز هيا كمان واحد غيره ويله تبقى الحياه بقه بزرميط وسلطه
..التفاهم التفاهم وتقدير المشاعر...

بس منورنا يا اخونا الكريم بس الصوره مفيهاش اى ناقات لازم تحط صوره للناقه لان كده بقة راعى ...الدبابه..

mahasen saber يقول...

sometimes.....
منى منى حبيبتى الجميله وحشانى يامنمونه....
انتى اليى طريقة عرضك لمواضيعك تحفه وده ميجيش من بعد بوستاتك الجميله والمفيده
وانا سعيده انك حاسه ان احنا فعلا اخوات ومبسوطه قوى ان نصيحتى بتيجى فى محلها
الله يكرمك يا منى اسعدتينى وبسطينى بالكلام ده....

mahasen saber يقول...

م\ الحسينى لزومى.....

فعلا زى ما حضرتك تفضلت وقلت لو مش بدأو هما بالتغيير بنفسهم شياطين الانس والجن هيا اليى هتغيرهم وطبعا للاسوأ
..ربنا يبارك لكل زوج وزوجه فى بعض وينور بصيرتهم على مزايا وحسنات بعض...
حضرتك مشرفنى ومنورنى فى المدونه وجودك بيزيدنى شرف وسعاده....

mahasen saber يقول...

حبارير.....
حاضر من عنيه هزور زعتر والبهارات والاعشاب كلها ..
واليى حضرتك متعرفوش بقه ان الزعتر من اعشابى المفضله ودايما بحشره فى اى اكل بعمله لدرجة ان ماما مبقتش بتدخلنى المطبخ عشان كده ..اصلها مش غاوياه قوى ..شوفت بقه فوايد الزعتر بالنسبه ليا
هاجى ان شاء الله شكله منتدى ريحته حلوه وطعمه لذيذ..
ومنورنى يا حبارير انتا والسعاده ومدوناتك كلها.

mahasen saber يقول...

اكون او لا اكون....
كونتى انا اتخضيتقلت ايه اليى حصل لكونتى اربع سنيين فى لندن تعمل فيها كده هههههههههه بس لما قلتى الجامعه عرفت معندهمش كيبورد عربى شفتى يا كونه مش عاملنلنا اعتبار ازاى
...انتى حبيبة قلبى منورانى دايما ووحشتينى قوى قوى والماسينجر مش هشوفك عليه بقه...

mahasen saber يقول...

اكون او لا اكون....
كونتى انا فخمتو الكمله دى بالعافيه
بس لما فخمتها قلت لازم عليا ااكلها انى برافو عليا كتير انى فخمتوها
..يا حبيبة قلبى والله وحشتينى جدا وقلبى اليى بيقولها قبل الكيبورد ما يكتبها...

mahasen saber يقول...

prince4ever.....
ياه يا رامى انتا الكلام ده كتير عليا انا انتى بتقولى كلام فوق ما استحق بمراحل انا قدوه ليك لحد زيك انتا كمان بكمية العقل والثقافه والاخلاق دى كلها ..ربنا يكرمك
ويسعدك زى ما بتسعدنى بكلامك الحلو ده
وبعدين ابنى لو بقه زيك بس ده كفايه عليا فعلا ربنا يبارك لمامتك فيك ويحميك ليها ويقدرك انك تسعدها وتكون ابن بار ليها وانا متأكده انكابن بار
ربنا يحميك ويباركلك فى عمرك ومستقبلك...
اللهم امين

mahasen saber يقول...

nabil.....
المهم ان الموضوع عجبك وبعدين حلاوته فى تومه وبصله هههههههه
امال هنحبشه ازاى
منورنى يا نبيل ومبسوطه ان البوست عجبك كده...
وربنا يبعد عنك الامراض دى ومتشفهاش فى جوازك ابدا لا عليك ولا على مراتك
ولا على الجيران حتى....
منورنى دايما...

mahasen saber يقول...

شمس النهار.....
مهى دى كانت عا الطاير اه كانت هتقلب بكارثه عاالطاير برضه بس الحمد لله الطاير هبط بسلام
...حضرتك طالما قلتلى برافو عليا يبقى برافو عليا علطول ههههههههه
حضرتك منورانى والله واسعدنى وجود حضرتك جدا جدا
....وربنا يسعد الجميع..

mahasen saber يقول...

ريمان......

انا مش اضيفك ازاى بس ان شاالله اتشك فى الماسينجر بتاعى وافقده يا رب بواحد احدث ...حاولت اضيفك والماسينجر يقولى لا ااقوله اعقل يقولى لا وهو شكله حاس بغلاوتك عندى فعايز يوقعنا فى بعض
انا برضه ااقدر يا ريموووو بس بجد حاولت كذا مره ومعرفش الماسينجر ماله اصل انا فعلا نسخة الويندز عندى فى السلام فممكن من كده
بس انا قلت لحسام خلى ريمان تعملى اضافه وانا ااقبلها وشكله مش بلغك شكله عايز يضرب علقه
ايه رايك....
هحاول تانى ولو لسه زعلانه منى ارفضينى واطردينى ومتقبليش اضافتى وراضيه باى حاجه منك يا قمر
....يا حبيبة قلبى من جوه...

mahasen saber يقول...

hossam.....
حسام المثقف الواعد ازيك يا حس والله انا بزورك وبتطمن عليك لانى فعلا بحبك وانا شكلى اى حد مثقف بلزق فى مدونته علطول
منورنى يا حسو وبعدين شد حيلك وذاكر كده وبعدين حتة امتحان فى الجامعه الامريكيه يعمل ى حسام كده
عشان تعرف قيمة جامعة عين شمس ههههههه
بهزر طبعا شد حيلك وربنا يوفقك
واحنا يا جميل نشوف بعض فى ااقرب اجتماع للمدونيين
ده شئ يسعدنى جدا جدا فوق ما تتخيل
على فكره هبقا شايله بكويه ورد احمر وبريحه حلوه...
عشان تستدل عليا..

a7wal el Hawa يقول...

ممكن اكون اخر تعليق
لكن الامراض اللي ذكرتيها خلاص لقوا ليها علاج دلوقت نفس السلوك و التصرفات بينزلوها من ع النت دون لوود لما البنت بتتجوز
و تلاقي في الاخر الستات المصريات يموتوا في النكد و الفوز بتنغيص عيشة اللي جابوا الاستاذ
لان السيناريو متكرر في كل البيوت فيه بروجرام ضد الزوجات ممكن ينزلوه الازواج من موقع تلوث دوت كوم

شرقاوي كريم عظيم
تحياتي

mahasen saber يقول...

romansey....
يا اهلا اهلا بالرومانسيه وبكاظم الساهر والله اسعدتنى بهذا الفارس العراقى والاسم الجميل
ونورتنى بالزياره الجميله واسعدتنى جدا
وشكرا على رايك وذوقك
وشرفت المدونه واسعدتها برومانسيتك......

mahasen saber يقول...

طهقان....

اه دور الاسره مهم ومهم جدا لاناليى بيتزرع فى الصغر بيتحصد فى الكبر...
بس المشكله الرئيسيه فى الشخص نفسه لو هو فعلا من جواه مقدر اليى قدامه ومقدر وحاطط فى اعتباره ان كل حد فيه الكويس والوحش وان الحياه الزوجيه اكبر من جاره وجارتها واخته واختها
اعتقد ده المهم ان كل واحد يقدر من جواه قيمة وقدسية العلاقه دى
..
وبعدين بقه وده المهم بالنسبه ليا انا يا اهلا اهلا وسهلا حضرتك نورت المدونه ويا ريت البوست يكون فك طهقك شويه
والله اسعدتنى ونورتنى بالزياره جدا جدا..

mahasen saber يقول...

afew good men.....
هيا وصلت بالسلامه وفهمت كويس قوى وجهت نظرك بس يا ادم فيه جوازات كتير ناجحه والله جوه وبره اوض النوم ..
وحتى مع وقفهم لبعض على الواحده انما بيبقا وقوف بحب وتفاهم والمركب بتمشى بسلام
انما النماذج اليى اتكلمة عليها اه موجوده فى حياتنا فعلا بس ايه المانع تبقا موجوده ويعيدوها ويستحملوا بعض
انما انفصال وطلاق وحياه كل واحد منهم تبقا لوحده
لا لا مش معاك ده شئ صعب قوى
الطلاق ده ميجيش الا للحالات الميئوس منها والقلوب المكسوره والاجنحه المتئصئص ريشها ..
وفاهمنى طبعا هههههههه
منورنى منورنى ومنورنى
واخيرا عرفت اعلق عندك على البوست المشكله راحت والريدر رجع لعقله..شفت فيه مشاكل ممكن تتحل زاى..

mahasen saber يقول...

ابن ناصر....
اهلا اهلا بابن الغالى ...وفعلا مهو ده موشح اخر بس من نفس عينة باقى الموشحات
هو هيجرا حاجه لو هو شافها زى ما كانشايفها قبل الجواز
وهيا شافته زى ما كانت بتحلم بيه قبل الجواز
....نورتنى ومنورنى جدا جدا
وانا بعلق على ثوار لان مدونة ابن ناصر مش فيها تعليقات...
طب شوف كده...

mahasen saber يقول...

barbie girl....
يا اهلا اهلا باربى جيلر وفريق اكوا بحاله...
ولو كل واحد استحمل التانى وعرف انه كل واحد يستاهل شهادة تقدير على انه استحمله اعتقد محاكم الاسره هتحال للتقاعد ..وده اليى نفسى فيه
شرفتينى ونورتينى واسعدتينى بالزياره يا باربى ...

mahasen saber يقول...

قلب مصرى....
ده لو لو لو كان ...
كانت اكيد الامور اختلفت اختلاف جذرى وكلى ....
ربنا يهدى كل ازواج الدنيا لبعض ويروحوا الاخره يلاقوا بعض برضه ازواج لبعض فى الاخره..يعنى يدخلوا الجنه زمرا...

mahasen saber يقول...

esraa....
يادى الهنا ويادى السرور ( بس مش فى سرى ) منره يا سرسوره
وربنا يسعدك ويرضيكى بالزوج الصالح ومتزعلوش بعض فى سركوا خالص
بصوت عالى كده ودوشه عشان تعرفى ان فى سركوا احسن...
منورانى يا جميله ومشرفانى بالزياره الكريمه...

mahasen saber يقول...

dodaa....
حبيبة قلبى دودا الجميله ربنا يبعد عنك وعن الجميع الهسهس وعن ازواجكم يبعد المدعو الاستحبس
ويسعدك يا دودو ويرضيكى
والله وحشتينى بشكل ربنا وحده اليى عالم ومطلع انتى ةحشتينى ازاى
..ربنا يسعدك ويرضيكى ويهنيكى ان شاء الله يا جميله...

mahasen saber يقول...

الربان....
ربنا يكتبها اخر الاحزان ان شاء الله ويسكنه هو ووالدى وجميع موتى المسلمين فسيح جناته
....
وحضرتك شرفتنى بالزياره واسعدتنى وسعيده ان البوست نالاعجابك ورضاك..
جزاك الله كل خير وربنا يكرمك ويسعدلك ايامك...

mahasen saber يقول...

manamino....
تاج وسلاطين واسئلتا اخرى انا جالى استبحس مهسهس ....
بس مقدرش غير انى ااقبل الهديه بس انا لسه عندى تاجين ماجلاهم ومش فاضيه اجاوبهم
بس من عنيه بس عارفه انا بقول دلوقتى (فى سرى ...يا رب يطلع متجاوب قبل كده
ههههههههه ايه رايك بس هديه مقبوله...

mahasen saber يقول...

saso.....
مدونتى يحصرلها الشرف والسعاده لما تضيفيها عندك يا جميله ومبسوطه ان البوست نال اعجابك كده والاهم انه اسعدك وعلمك وبسطك
...انتى كده هتشجعينى انى اكتب بقيت السلسله والمواضيع اليى كاتباها فى الامور الزوجيه دى
نورتينى يا ساسو يا قمر
واسعدتنى زيارتك جدا جدا....

mahasen saber يقول...

رئيس التحرير.....
اهلا بحضرتك وكلامك اسعدنى ان حضرتك شايف انى تناولت الموضوع فى ثوب وشكل جديد...الله يكرمك
دى شهاده اعتز بيها وبالاخص من رئيس التحرير
حضرتك نورتنى واسعدتنى جدا...

Abu ShoSho يقول...

الأستاذة أم عبد الرحمن
ها هي حاملة المسك قد عادت توزع نفحة من روحها على كل زائر فيفوح من مدونة الحب عبق تهفو إليه عقول و أفئدة المحبين. ليس حب إحسان و قلمه فيه الفارس المتوج. بل "وَالَّذِينَ آمَنُوا أَشَدُّ حُبًّا لِلَّهِ". فاللهم ارزقني حبك و حب من يحبك. و يا أحبابي إني بينكم جد سعيد.

"وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُم"ْ

قد كانت تكفيني تلك الآية تعليقا على حوار هوا و هيا قبل أن أعود إلى المصحف لأتثبت من حفظي فتعالوا معا نقرأ الآية بتمامها "كُتِبَ عَلَيْكُمُ الْقِتَالُ وَهُوَ كُرْهٌ لَكُمْ وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لا تَعْلَمُونَ" فرغم عموم اللفظ القرآني لربما كان الاستشهاد بآية البقرة في غير موضعه.

و إذا مضينا قدما في صحبة التنزيل تستوقفنا آية النساء "وَعَاشِرُوهُنَّ بِالْمَعْرُوفِ فَإِنْ كَرِهْتُمُوهُنَّ فَعَسَى أَنْ تَكْرَهُوا شَيْئًا وَيَجْعَلَ اللَّهُ فِيهِ خَيْرًا كَثِيرًا "

فإن كان قتال في سبيل الله و فوز بإحدى الحسنيين فيه خير، فإن صبرك على نبت ضلعك و حسن عشرتها فيه خير كثير. و إن أحببتها - أو ما سكتت عنه الآية الكريمة - فهي حسنة الدنيا أهداها الله إليك.

أحبتي هذا مبلغ فهمي فأرجو ممن كانت عنده إضاءة تعيننا علي رؤية أعمق ألا يبخل بها علينا.

تحياتي

mahasen saber يقول...

مخنوق كيك....
قولى الاول هتعمل ايه بالفلوس يا شقى هتروح الاسبا ههههههههههه
منورنى منورنى واسعدتنى بزيارتك
وعلى فكره فيه اسبا للرجاله كمان
...لا لا مش الاتوبيس فى الشارع بس الشوارع اليى معملها ريلكسيشن ونظافه علطول
منورنى يا مخ وربنا يفك خنقتك على خير بقه عهشان استريح انا بقه....

mahasen saber يقول...

جنى.....
ده احلى كذب فى الدنيا بس متبقاش عامله مصيبه ويسالها وتنكر او هو يبقا عمل مشاكل او خد قروض من البوك وتساله يقولها والله ما انا....

بس الحياه الزوجيه مليانه امواج ودوامات بس بايد الزوجين انهم يستمتعوا بامواجها ودواماتها مع بعض
..وميخرجوش من الدنيا الا وهما مرتبطين ببعض اسما ومضمونا...
نورتنى يا جنى واسعدتنى بالزياره قوى
وبعدين انا كده حبه كده وشويه كده
مودى زى البحر المالح...

mahasen saber يقول...

manmona......
مهو يا جميل ده المطلوب اثباته انهم لو هيشوفوا بره بيتهم يبقا يشوفوا المصايب بس والبلاوى عشان يحمدوا ربنا على بعض
وعلى نعمة انهم ازواج....
نورتينى يا منمونه يا جميله...
وعجبانى الصوره قوى ده وضع الهجوم ولا الاستعداد للدفاع عن النفس...

mahasen saber يقول...

tark alghnam.....
استاذ طارق واخويا الكريم ايه الكلام الجميل ده ده وسام شرف ليا وللمدونه
وشئ اسعدنى جدا جدا ان دى وجهة نظر حد زيك كده فى مدونتى
...
انا مش عارفه ااقولك ايه بجد على اطرائك الرائع ده ربنا يكرمك ويديم بينا الود والمحبه فى وجهه الكريم
....
حضرتك بتنورنى وبتشرفنى وبتسعدنى بزيارتك يا بورسعيدى
ويشرفنى طبعا انى ابقا اختك
...

mahasen saber يقول...

ahmed 2alam.....

محاسن هانم بتقولك تعالا هنا مالك وايه نظرة الحزن والتشاؤم الغريب اليى فى كلامك
...ايه اليى مدايقك كده وايه اليى شفته خلاك تحكم على الامر كده
...انتا يا ابو تسعتاشر عشرين سنه مالك
انا مش عايزه احسك بالحزن ده ابدا متتخيلش انا حزنت ازاى وزعلت عليك قد ايه
يا ريت تطمنى عليك واعرف مالك يمكن ااقدر اساعدك او اخفف عنك
وتشبس بربنا واهدا كده وروق ....قال احمد متشائم قال عشنا وشفنا...
...
بعدين المدونه دى مدونة اختك بيت اختك تزوره وقت ما تحب وتتاخر عنه برضه وقت ما تحب
هو فيه حد بيعتذر لاخته لما بيتاخر فى الزياره
متزعلنيش منك اكتر ما انا زعلانه عليك
وطمنى عليك ...اسيب لياقة الجاكت بقه...

mahasen saber يقول...

مصرى بالغربه.....

اظن بلاش انتا بالذات تتكلم عن البوستات المخلله ....
اكمل ولاا كده كفايه
...انتا شكلك عجبك البوستات المخلله وقلت احسن من المون المخلل
محمود ارجع يا ابنى لمدونتك وبلاش فضايح مش عايزه اسيح اكتر من كده
ربنا ستار حليم بقه
...قال انا انا عندى بوستات مخلله
...اه متنساش وانتا داخل مدونتك تاخد حاجه تشيل بيها العنكبوت والتراب
....

mahasen saber يقول...

نيجار.....
نيجا حبيبتى والله انتى اليى وحشانى
يا جميله وقوليلى انتى اخبارك ايه
انا والمقروض بيرو كويسين الحمد لله وعايشين وبنتعايش وبنفوت فى الحديد المهم انتى طمنينى عليكى
وحشتينى قوى يا نيجار ووحشنى الكلام الجميل وطيبتك وروحك الحلوه
ربنا يصلح حالك ويسعدك وييسرلك امورك
....وبتوصلك الاوف لاين ماسيج ولاا لا...
اوعى تقولى لا..

mahasen saber يقول...

نور الدين....
الله من زمان مسمعتش اسم محسنه ده كانت واحده عزيزه عليا دايما تقوله وانا ابصلها كده بعين رضا يعنى وااقولها توفيق ..يعنى محسنه توفيق
الله يكرمك اسعدتنى
وبعدين شئ يسعدنى ان رايك كده فى كتاباتى ربنا يعزك ويكرمك
....
ولو مسألتش على نور الدين زنكى اسال على مين يعنى ...
ربنا يسعدك ويكرمك ومتغبش تانى مواضيع مدونتك قيمه ومتستهلش الغيبه...

mahasen saber يقول...

original heart....
اوريجنالتى ايه بعد الشر عليكى مالك
يا بنتى من اولها نكد انا كده اخاف على ابنى يااختى ومش هجوزهولك..
اه انا ناقصه الواد يكتئب ده متربى على النكت والفرح والسعاده وولعت يا وله...
لا لا عودى الي قواعدك سالمه وبعدين اليى يسمعك كده يقول البت واخده قرض وجابوها من قفاها من المنفى ..قصدىلندن
مكنتش سنه دراسيه دى اليى تعمل فيكى كده
اما دلع بنات صحيح....
امممممممممممو منى ومن ابنى وبنقولك ذاكرى ذاكرى وبطلى دلع..

mahasen saber يقول...

المفقوعه مرارتها.....
اه طبعا بس للاسف يا جميل فيه كتير مبيشفش او بيحاول ميشفش بلاوى غيره يشوف بس الحسنات اليى عنده ..مع انه لو ركز شويه هيلاقى نفسه او نفسها فى نعمه لو فضلوا للصبح يشكروا ربنا عليها مش هيوفوه حقه...
نورتينى واسعدتينى بالزياره الجميله
...وخطوه عزيزه وبعد الشر عنك عن فقعة المراره...

mahasen saber يقول...

اهالينا زهقوا يربونا....
انتوا اليى باين عليكوا جامدين موت وروشين طحن ...
بس يه نظام التربيه اليى عندكوا دلونى ....
انتوا نورتوا يا قمرات وشرفتوا المدونه
....
وسلاموززززززز عليكوا وسلامزززززززز لاهاليكوا ربنا يعينهم ويعينى انا كمان..على تربية ابنى يعنى.. لتفهمونى غلط ولا حاجه
...

mahasen saber يقول...

الحب كما ينبغى ان يكون....
انا قريت الاسم قلت الله ايه الجمال ده
وبعدين لقيت كمان فيه ابحاث ودراسه للموضوع ..قلت لا مبدهاش بقه ده اكيد موضوع مهم فى مدونه قيمه
اسعدنى زيارتك ومرورك جدا جدا
وشاكره لذوقك وكرم اخلاقك
...
وان شاء الله اجى ااقرا البحث ..اكيد راقى زى اليى كتبه...

mahasen saber يقول...

دعوة الفردوس....
ليه بس كده طب انتى لسه بدرى عليكى لما يجيلك اليى بعد الشر عليكى منه الهسهس...
وبعدين تتعقدى من تجربه لسه مش مريتى بيها ازاى كده افهم بقه
ربنا يسعدك وتكون تجربه جميله عليكى وربنا يرزقك بالزوج الصالح فى الدنيا والاخره
ومش عايزه اسمع اتعقدت دى بنات اخر زمن صحيح
...الا قوليلى كتبت بوست غير المبه ولا اجيى ااقطع من عندك النور بقه واخلص
...منورانى يا قمر
ومش عايزاكى متشائمه بتاتا ربنا مبيشيلش الا الخير حتى ولو احنا شايفينه غير كده....

mahasen saber يقول...

son of egypt.....
مهما غلطانيين طبعا بس ربنا غفور رحيم بقه لانهم عرفوا غلطهم اخيرا
وخلاص كلوا الشكشوكه مع العيال بالهنا والشفا ....
وفعلا صدقت والله لو كل زوج وزوجه اتبعوا تعاليم المصطفى مش هيكون ابدا ابدا فيه خلاف بينهم
...يعنى المصطفى الكريم ..كان بيساعد زوجاته فى اعمال المنزل ..صلى الله عليه وسلم
وبياخد رايهم زى ما اخد رايى السيده عائشه فى الحلق
..وكان بيداعب زوجاته وبيمازحهم زى ما كان بيسابق السيده عائشه
وكان وفى بذكراهم لو توفت احداهن زى صلته لرحم السيده خديجه بعد وفاتها اكراما لذكراها وتقديرا ليها
..وكان وكان وكان ااقول ايه بس ربنا يرزق كلبنات المسلمين بازواج ك محمد ..صلى الله عليه وسلم ..
ويجعل بنات المسلمين زوجاتكعائشه وخديجه واسماء وفاطمه
..الله يكرمك فتحتلى نفسى على الكلام
ومنور يا ابن مصر البار..

mahasen saber يقول...

ريمان......
انتى يا جميله اليى وحشانى قوى قوى جدا
..وحلو اليوم ده قوى واليى عاجبنى اكتر ان ملاك بيدرس مع ملاك يعنى بتبقا قعدة ملايكه يا ريمان يا ملاك يا برئ انتا...
اما يومى فليه الفضايح بس...انا يا ستى بصحا بدرى وفى الغالب الغالب بيبقا الفجر اصلى واخلص الفروض واقعد عى النت شويه ده لو نايمه قبل الفجر ولو الفجر جه عليا بصلى وبعدين انام ساعه الصبح بتفينى وبس احضر الفطار افطر انا وبيرو يلبس وانا كمان اشمعنا هو
ويفضل يطلع عينى بيرو سيد قراره لا مش هلبس ده وهلبس دى وفى الغالب بلبسه على مزاجى وهو بيلبسنى على مزاجه وبنبقا خالصين
وبس يا ستى اوديه الحضانه وبناخدها مشى لانها قريبه لينا ونفضل ناخدها لعب او رغى عن ابداعاته فى الحضانه وبيدوشنى لما يقلى غنىسبرت ..اغانىالفيلم اصله يا ريمان كا ما ابدا اغنيه تقولى مش دى قال يعنىبيعرف انجليزى
وبتنتهى فى الاخر غالبا وانا فى حضن ماما..ده النشيد الاسرى بتاعى انا وهو وهو من تاليفىوتلحينه
وبس هو ووصلة النصب والاحتيال فىالحضانه وانا اروح الشغل
وارجع يكون الباس جابه عليا فى الشغل الساعه اليى بتفضل بنقضيها سوا وبنروح ساعات كتير مشى عشان انا بموت فى المشى وهو كمان واحنا قاعدين فى مدينه بس غالبها ارياف فبيبقا المشى ممتع قوى معاه وبنتفرج على الشجر وبيبقا فيه مواضيع كتير بنتكلم فيها
لانه دايما دايما ماما ايه دى وبتاعة ايه وليه ومبينغصش المشى الا لما تقفل بايس كريم سايح بس علطول معايا قزازة الميه وبتتحل ..
وبعدين نروح البيت بنصلى وهو بيصلى ودايما عاملنى سجادة الصلى بتاعته..
وبنتغدا وبعديها بفضل على النت وهو فى حضنى بيشخبط فى كراسه ومقتنع انه بيرسم ولو زهق بنقوم نكمل عك ودوشه فى مكان تانى
وساعات بخرج انا وهو باليل بس لقرايبنا وساعاتلصحباتى وساعات باخده لو زهقنا لف لفه كده تفاريح واعزمه على عصير وهو يشرب العصير بتاعى وتههى الدنيا ماشيه
بس غالبية ايامنا متغيره مش على وتيره واحده
يعنى فيه ايام باخدها اجازه من شغلى وانزل انا وهو الزقازيق ازور جيرانا القدام وصحباتى وساعات بنزل بس اعزمه علىالغدا وافسحه شويه وفسحه يعنى جنينة الحيوانات المصغره فى الزقازيق او اى مكان فيه مراجيح
وبس يا ريمان انتى اليى عايزه تدعبسى فىيومياتى اشربى بقه....
...بس الحياه فى حضنه جميله جميله ربنا ما يحرمنى منه...
ويرزق كا حد محتاج ..

mahasen saber يقول...

محمد فارس....
الله يكرمك يعنى انا كده هاخد ثواب ...
قول يا رب ...
انا مبسوطه قوى من كلام حضرتك ومبسوطه اكتر ان البوست عجب حضرتك
حضرتك نورتنى واسعدتنى جدا جدا جدا...

mahasen saber يقول...

الحشرى -سيد يونس....
الله ينور على حضرتك ما قل ودل ..
فعلا العبره فى ان كل واحد يقدم السبت عشان يلاقى باقى ايام الاسبوع قدامه
...الله يكرمك ونورتنا يا استاذ سيد...
وجزاك الله كل خير...

mahasen saber يقول...

احمد سلامه....
يا اهلا اهلا اهلا وسهلا بالزقازيق وحبايبنا اليى فى الزقازيق
منورنا يا سلامه وخطوه عزيزه
وبعدين لسه واخد بالك ان دمى خفيف ههههههههه هو انا كنت فى القاء مكشره ولا حاجه....
ده اظن محدش كان فاتح بقه الا انا هههههههه
نورتنى يا سلامه ومبسوطه قوىان البوست وموضوعه عجبك
...بجد بجد نورتنى قوى بالزياره...

mahasen saber يقول...

محمد....
الكلمه الطيبه صدقه ولو فهموا وعرفوا ان تبسمك فى وجه اخيك صدقه برضه
....نورتنى بالزياره الكريمه واسعدنى بتواجدك الكريم...

mahasen saber يقول...

المحمدى....
عليه افضل الصلاة والسلام ...طالما سيرة النبى الكريم فيها يبقا اكيد موضوع هايل
...ودعوه مقبوله ان شاء الله
طبعا يسعدنى الزياره
وشرفتنى جدا جدا واسعدنى بالزياره الكريمه....

mahasen saber يقول...

عالم حبيب....
اخويا الفاضل يا اهلا وسهلا بيك يا حبيب وكلامك قد ايه جميل فعلا المفروض بعد الجواز بيبقوا من اتنين لواحد
ويا بختهم لو عرفوا يدخلوا بعض الجنه
ياه يبقا ربنا كرمهم دنيا واخره...
نورتنى يا حبيب ويا رب تكون فى افضل حال ويا رب اقرباء قريبك اليى اتوفا يكونوا بافضل حال ويكونوا صابرين ومحتسبين
شرفتنى ونورتنى يا حبيب بالزياره
زيارة اخ كريم على قلبى...

mahasen saber يقول...

كباريه....
ليه كده بس والله فيهم ناس كويسه مفيش رجاله وحشه خالص ولا فيه ستات حلوه خالص ...زى ما فيه تنوع فى النوع راجل وست
فيه تنوع فى الاخلاق راجل اخلاقه حلوه وست اخلاقها وحشه والعكس
وبعدين انا عن نفسى شايفه حواليه نماذج رجاله كتير ربنا يبارك فى اعمارها ويسعدهم باولادهم ويخليهم لزوجاتهم يتحطوا فعلا على الجرح يطيب..ربنا يبارك ويحميهم
ويجازيهم خير...
...
فمش كل الرجاله وحشه يعنى منهم ابويا واخويا وابنى وابن خالتى وابن عمى وجوز عمتى فمش وحشين خالص ولا ايه

نورتينى بالزياره برغم ان شكلك مدايقه
...سيبيها على الله كله خير..

mahasen saber يقول...

د\مصطفى النجار....

دكتور مصطفى هنا يا مرحبا يا مرحبا والله المدونه والتعليقات ازدادوا شرف واتزينوا بالسعاده
الف الف شكر على الزياره الكريمه
ومبسوطه ان البوست عجب حضرتك
....

mahasen saber يقول...

اكون او لااكون.....
كونتى الجميله انتى فى بيت اختك يعنى بيتك متعتذريشعن حاجه ده انتى لو كسرتى كل بوستات البيت ودشتشتى الريدر والكاونتر اليى طلع عين شريف والصباغ ومصرى بالغربه فيهم مش هقدرااقولك بم وهخليهم يعملوها تانى هههههههههه ايه رايك دبستهم
منورانى يا كونه وطالما القصه عجبتك يبقا خلاص استعنا على الشقا بالله عز وجل واكمل بقه بقيت المواضيع اليى كاتباها فى الاتجاه ده

...نورتينى يا حبيبتى واتمنا ااقابلك بقه على الماسينجر...
خلى بالك من نفسك...

mahasen saber يقول...

prince4ever....
معلش يا رامى كل واحد اعلمبظروفه وبمدى احباطاتته وهما طالما خدوا القراربالانسحاب لفتره يبقى اكيد هما متاكدين ان ده انسب شئ ليهم
..ربنا يعدى ازماتهم على خير وبعدين فيه منهم بيفضلعشان الدراسه زى الجوهرى قال يعنى هيجيب الديب من ديله
وحبيبه برضه كانت مكتئبه بس الدراسه ليها عامل كبير..
اما حسام فانا بتابعه فى مدونته التانيه مش صوت الحريه ومعرفش قراره ده الا منك
....
بس اتطمن انا مليش ملجأ ولا مخبأ حرب الاالبلوج بستخبى فيها انا وابنى من الدنيا وقساوتها
...
بس انتا اخر قصه مش وحشه زى ما بتقول فرق لما انتا تشوفها كده ولما احنا نقراها ونشوفها بشكل تانى بعدين يا رامى بقولك فكرتنى الكوابيس بعذاب القبر وتقولى وحشه ازاى بقه فهمنى ...راينا احنا المهملان احنا المتلقى مش انتا القصه وكتاباتك كلها جميله
اما رايك فلا خليه ليك انا عن نفسى عاجبانى جدا جدا القصه واليى فيها كمان...
..انتا بقه تطول وترغى معايا زى ما تحب انتا اخويا الصغير وانا يسعدنى انك تحب انك تتكلم معايا
وانا دخلت قريت فعلا زى ما قلتلى ودخلت اولا عشان خاطرك انتا لانك شوقتنى وطلبت منى فمقدرش ااقولك لا
....
ربنا يكرمك ويسعدك يا رامى ولاا ااقول دكتور رامى
ربنا يصلح حالك ان شاء الله...

mahasen saber يقول...

prince4ever.....
انتا يا رامى جيت تكحلها يعنى مش قصدك انها ريحتنا قصدك انها استريحت من الدنيا واليى فيها ههههههههه
اهه التعليق ده اليى ممكن يرجع حبيبه يا رامى عشان ترد عليك
بجد ضحكتنى جدا جدا
ربنا يسعدك
ولا هيافهمت انتا عايز تقول ايه وانا كمان فهمت....

mahasen saber يقول...

a7wal elhawa.....
ليه كده بس يعنى هوفيه حد غاوى نكد
ولا فيه ست عايزه تعيش دايما فى قلق ومبسوطه بعلو نسبة الادرينالين فى جتتها
...لا معتقدش والله
بس انتا الدخله الاولى قولت ليقيوا للامراض دى علاج فرحت لقيتك داخل بامراض جديده
...ها وآدى احوال الهوا
نورتى وشرفتنى واسعدتنى بالزياره
....
واتطمن لا مش اخر تعليق ان شاء الله
والاولكما الاخير كلكوا حبايب واخوه افاضل
ويا اهلا اهلا اهلا وسهلا
بحضرتك وبزيارتك الكريمه....

mahasen saber يقول...

abu shosho....

لا ده يتقال حضرتك اليى رجعت بكلامك
الجميل والمشجع تانى ...
الله يكرمك على كلامك الطيب ورقتك وكرم اخلاقك وذوقك....
انا والله بأسعد سعاده بتعليقك وبقية حاسه انى بستناه
فعلا فعلا الكلمه الطيبه صدقه
...
وبالنسبه لراي حضرتك اليى ااستدليت بيه بايات من القران فمقدش اعلقك تعليق بعد كلام ربنا
غير الدعاء لجميع خلقه انهم يتفقهوا ويتدبروا فى اياته لان اكيد فيها سعادة الدارين الدنيا والاخره
....
الف الف الف شكرا لحضرتك ونورتنى واسعدتنى بالزياره
زى كل مره بتنورنى وبتسعدنى
....
زيارة حضرتك وكلامك على دماغى من فوق.....

Abu ShoSho يقول...

الأستاذة أم عبد الرحمن
لم أكن أود أن يكون استشهادي بآي القرآن قاطعا للنقاش بل بداية له. و أي محاولة للقراءة و الفهم و التدبر مأجورة و إن لم تصب. و ما أبدعته في حوار هوا و هيا لم يخرج عن تفصيل لما أجملته الآية. و إن اتفقت المعاني فإن الطريق إلي العقول و القلوب كثيرة. شعر و قصة، صورة و كتاب، مسرح و أغنية .... و هذه التدوينة سيدتي هى انفعال نفس زكية بمعنى راق وقر في القلب.

تحياتي

mahasen saber يقول...

abu shosho.....
انا مش قصدى بتاتا ااقفل النقاش ابدا
لان مجرد ان حضرتك بتسيب تعليق هنا بينيرلى عقلى وبصيرتى ...
فما بالك بان حضرتك تفتح باب للنقاش حول الموضوع فتخيل كم الفايده النفسيه والعقليه اليى هتعود عليا وعلى زوار المدونه السعداء
...
انا سعيده بحضرتك وبكلامك وبفهمك للامور والمدونه مدونتك تفتح وتقفل عليها ما تشاء
يكفينى شرف تشريفك ليا فيها
واهتمامك بما اطرحه فيها...
جزاك الله كل خير....

طوبة ذهب وطوبة فضة يقول...

ياه هى فعلا الحياه الزوجيه بتكون بالنكد والخنقه دى وعلى ايه ما احنا قاعدين فى بيت اهلنا معززين مكرمين وبلاش منه خالص بجد برافو عليكى انا كانى كنت قاعده معاهم وناقص اقوم احوش او اسقف لهم فى الاخر وهى فى حضنه تحياتى على اسلوبك الرائع وقصصك الواقعيه وسامحينى على التاخير

mahasen saber يقول...

طوبه فضه وطوبه دهب.....
منورانى يا جميله وبعدينليه التشاوئم ده ماانتى شفتى النهايه عامله ازاى وكنتى هتدخلى تصقفيلهم
....
ربنا يسعدك ويكرمك ويرزقك بالزوج الصالح ويهنيكى دنيا واخره
...منوره يا جميله ومفيش تاخير ولا حاجه البلوج بلوجك...

مركز خدمة المدونين العرب يقول...

مررت فأعجبتنى المدونة فتركت لكم بصمتى وأيضا
دعوة من الأنسة منى مشرفة مركز خدمة

المدونين العرب لخدمة نشر المقالات على العالم ودعوة للعضوية فى مراسلتنا ونشر مقالاتكم أمام أشهر مدونة عربيةوتسجيلكم لدينا وتبادل البنر ولا تبخلو بالرد

قوس قزح يقول...

اللى يشوف بلوت غيره تهون عليه بلوته

بس فى الاخر كلها بلاوووى
هههههههههههههههههه

Hosam Yahia حسام يحى يقول...

حضرتك تصدقى انى مش لاقى وقت اقرا البوست بتاع حضرتك بالكامل

بجد انا اسف انا هارجع اقراه تانى

بس شكله جميل

:)


ربنا يحفظك لعبد الرحمن ولنفسك يااااااارب

دعواتك

الثانويه شردتنا بجد بمعنى الكلمه

Khaled يقول...

موش هاقدر أمنع نفسى من متابعة ما تكتبين .......
تقبلى مرورى

elsha3er يقول...

البوست رائع جدا انا اسف جيت متأخر بس كلى املى انى الاقى مقعد

احمد الشاعر

mohamed ghalia يقول...

أستاذتى الغالية والعزيزة
والى بقالها كتير مش معبرانى ههههههههههه
بقا عايزانى أشتغل عشرة عشرين سنة أجهز نفسى دا أكون عنست ههههههههه
والحمد لله إنى ماما مسمعتكيش بقالى سنة بقنع فيها إنها تخطبلى أول ما أخلص الكلية واستلم وظيفة ماشى يا أستاذة محاسن ههههههههههه.
بس بجد ميرسى قوى على كلامك الجميل إلى قولتيه فى حقى وإنى هكون زوج مثالى بجد دعواتك.
وشدى انتى حيلك بس وشوفيلى عروسة بس
بسرعة .
وربنا يسعدك دايما وإن شاء الله ورقة طلاقكك هتوصلك قريب قوى .
تحياتى
دمتى بود وفى سعادة يا أم عبد الرحمن

‏«الأقدم ‏‹أقدم   ‏1 – 200 من 215   ‏›أحدث ‏أحدث»