الاثنين، 20 أكتوبر، 2008

هو وهي والفالنتين ثالثهما

دخل المفعوص فلذة كبدها عليها البيت وماسك فى ايده دبدوب فيه برائة زى طفولته وفى أيده التانيه حاجات حمراء وورود وقلوب وحاجه كده خلتها تحب على روحها هي : يحيى ايه اليى فى ايدك ده ولمين جايبلى قلوب يا يوحا
يحيى : ايه يا ماما ده لكنزى صاحبتى
هي : وامك يا يحيى
يحيى : لسه بدرى على عيد الام
هي : عيد الام يله يعنى هلاقى بختى فيكوا كنت لقيتوا مع اليى جابكوا
وبعدين مع نفسها كده والحاجات الحمرا لسه ضاربه فى شرايين قلبها وحاسه بنغششه فى مشاعرها
هي : واد يا يحيى
يحيى : ماما ما اسميش واد
هي : وانا امك أأقالك اليى احب اأقوله وبعدين انتا ابنى ولاا مش ابنى انا ااقولك اليى عايزه ااقوله
وله النهارده ايه
يحيى : الاتنين
هي : لا الهديه لايه (بتزغرله )
يحيى : عيد الحب الفالنتين
هي : اما اشوف ابوك هيجيبلى ايه وقعته سوده لو جاب اليى فى بالى (فى سرها )
بعديها وهيا على نار الشوق والأنتظار وقاعده فى نفسها تكلم يا ترى هيفتكر ولاا لا هيفتكر ويطنش
شويه ومش كتيره داخل عليها بكيس جوافه وكيلو موز
هو : نجوى امسكى منى الشنط دى
هيا : (امسكى منى) أيه جوافه موز انتا مجبتش بصل اخضر ليه (وهيا بتتريق من هول الصدمه)
هو : خلاص المره الجايه
هي بتكدب فى روحها لا هو مخبى الهديه او اضعف الاحتمالات هو هيجى يقلى كل عيد حب وانتى حبيبتى اكيد اكيد
شويه وهيا داخله عليه الاوضه محمد محمد محمد هو النهارده ليه الدنيا كلها احمر
هو: يمكن ماتش للاهلى
هي : هو انتا ليه بتيجى من الشغل تسلم على السرير قبل ما تسلم عليا
هو : تعبان يا حبيبتى وببقا زهقان من المواصلات والتعب
هي : اه طب نرجع للاحمر
هو : ماله الاحمر يا حبيبتى (وهو تعبان لا هلكان )
هي : طيب انتا مقولتليش ليه كل سنه وانا طيبه
هو : لسه بدرى على عيد ميلادك
هي : وفرحانه من جواها قوى ...ده فاكر عيد ميلادى يا حبيبى بس برضه الفالنتين اشمعنى البت كنزى صاحبة المقروض ابنى
هي : لا لا لا مش عيد ميلادى آهى آهى آهى يا ميلة بختى
هو : طب انام ساعه و اصحى اعدلك بختك المايل
هي : عمرك ما قولتلى كلمه حلوه ..عمرك ما دخلت عليا بهديه ولاا حاجه فى ايدك ولاا دلعتنى فى يوم وعشتنى بره هو انا ايه مش ست مش مراتك ..خدتنى لحم وبترمينى فى البيت عضم..
هو ينظر اليها فى دهشه وعنيه بتقول يا قطه (يالى بتاكلى وتنكرى )
هو : خلصتى الموشح الندبى الاندلسى ده
هى : آهى آهى آه يله (وبتلم فى روحها وماشيه من الاوضه )
هو : انا عمرى ما قولتلك كلمه حلوه
هي : اه (و تلتفتله بوشها )
هو : مين من شويه قايلك اعمليلى عصير جوافه يا حبيبتى
هي : انتا وقولت حبيبتى اه بس عشان الجوافه
هو : انا عمرى ما جبتلك هديه مش من سبع شهور فاتوا جايبلك قميص نوم هديه
هيا : آه بس عشان رغباتك
هو : وانا عمرى ما دخلت عليكى بحاجه انا مش داخل من شويه بكيس جوافه وكيس موز
هى : آه بس عشان بطنك وعيالك
هو : وطب مش دخولى انا عليكى من الشغل بالسلامه وانا كويس ومش فيا تعويره ولاا معايا مصيبه اكبر هديه
هي : ( صمت وسكون ووداعه ) آه يا اخويا ربنا يخليك لينا
هو : ومش ولادنا حوالينا ماليين علينا الدنيا بشقاوتهم وطلباتهم ومشاكلهم دى اكبر هديه ممكن اسيبهالك او اجيبهالك
هي : الكلمتين اليى عن دخوله بالسلامه وعن العيال لعبوا فى قلبها قوى وحركوا مشاعر الوداعه والحنيه جواها وبصتله كده وهي بتهرش فى دماغها وقالتله ..بس نفسى برضه تجيبلى حاجه حمرا ..
هو : حط ايده تحت المخده وطلع ورده بلدى وقالها زى كده مثلا
هي : الفالنتين
هو : انتى ناسيه ان فى اوان الورد البلدى بدخل عليكى كل يوم بورده
هي : لا مهو عشان قصارى الزرع بتاعتك
هو : بصلها بحب آه هيا مخها ضارب بس الله يكون فى عونها اكيد من حرارة المطبخ
هي : بصتله بحب وقالت ما كفايه صحيح هو والولاد عليا وجودهم فى دنيتى احلى فالنتين فى حياتى
وبسسسسسسسسسسسسسسسسسس.
( انا بقه على فكره مبطقش حاجه اسمها الفالنتين )
(انا بئه بتكلم بس مش فى سرى )
انا مكنتش عايزه انزل البوست ده بس محمود مصرى بالغربه هو اليى طلب منى انزله وانا محمود بالذات مقدرش اتنيله كلمه ولا اكسفله طلب وده لانه فعلا اخويا بالغربه وعزيز عليا جدا وكفايه حتى تعبه فى الريدر اليى تسببلى فى زعل حبايبى منى كلهم انتى مش حاطانى فى الريدر ليه ..مع انهم بمدوناتهم مكتوبين فى قلبى قبل ما يتكتبوا فى صفحات المدونه ...فشوفتوا محمود غالى ازاى ..امشى فى فرحك يا محمود يا رب
..بعدين انا النت فاصل عندى من امبارح واحتمال ياخدله اسبوع دلع ومياصه وميرجعش قبل يوم الاحد احتمال وعليه انا دخلت سيبر وبكتب البوست ده منه وعليه برضه حبايبى اعذرونى هتاخر عن زيارتكم شويه وهتاخر عن متابعة جديدكم ارجو المعذره ..ولا اراكم الله قطعا فى نتا لديكم...
.....

.. اليى بيقولوا عليه تحيث ..
يظهر ان حد دعالى بظهر الغيب النت لسه راجع حالا بسلامة الله فى الساعه الثامنه ونصف الحمد لله كده هبطل اضرب اخماس فى اسداس ....

هناك 135 تعليقًا:

~*§¦§ Appy §¦§*~ يقول...

امممممممممم يا محاسن
انا لا عترف بالفالتنتيم انا بعتبر اى لحظه حلوة بين اتنين واى حنيه واى لمسه وهمسه حب بينهم هى عيد
وبعدين هبقى اجيب لكى دبدوب لما اشوفك ومتزعليش ابدا هههههههههههههه

osama يقول...

انا مع ابي فى عدم الاعتراف بالفالنتين او بمعنى اصح مش يوم محدد فى السنه عشان ننعش فيه مشاعر الحب والا يبقى بنضحك على نفسنا عارفه لما نبقي طول السنه كويسيين ونيجي كمان يوم الفالنتين نعمل حاجه اكوس اكيد الحياه هيبقي لونها بمبى

مهندس مصري يقول...

أنا حبيت المشاعر و الأحاسيس اللي في البوست ده

ABOALI يقول...

هو و هى
كل بنى ادم يعشقون بنى حواء
رمز كل ماهو جميل فى حياتهم
تخيلى بيت من غير حواء
حواء خلقت بعد ادم لاسعاد ادم والعكس
شوقها للرجل اكثر ولكن يمنعها الحياء
وشوق ادم لحواء كبير
سر حواء فى اذنيها
وسر ادم فى عينه
اذا عرف كل منهما سر الاخر
فلن نحتاج فالنتين
تخيل انت عارف كيف تحب ولا تفعل ما يحبه الاخر
قديما قالوا
حواء كالعود ان لم تعزف عليها
اسمعتك انكر الالحان

مع تحفظى على المثل
لانها عود ريحان ومسك فى البيت
ولكن نشتم من المثل
الكلام الطيب الجميل المراد به حفز الحب


همس وهمسات
ليه مش فى جمله
اسمعها منك
قولى بحبك
قولى انتى نور حياتى
انتى الحب بل كل الحب
انتى الود بل كل الود
انتى الروح بل كل الروح
قول بس بصدق
وقربنى منك
فى كل وقت تلاقينى
احرسك برموش عينى
وتنام فى حضن عنيا
واخليك فى قلبى
واضمك ليا
صدرى ليك سكن
وروحى ليك روح
ماهو انت حبيب الروح
بس قول
بحبك

تحياتى على البوست الجميل الرائع فى المعانى والاحساس

سيبك انتى
انتى احلى ما فى البوست

A.SAMIR يقول...

الا قطع النت دة يا محاسن
بيبقى هم والله
وبعدين بتحسي ان الدنيا بتتشال وتتهبد وانتي معزولة عن الدنيا والعالم
يالا معلش....فكي الكيس وهاتي ليكي وندوز اصلي واشتركي في الدي اس ال
بالنسبة للفالنتاين...انا باعترف ب 2 فالانتاين بصراحة
المصري والمستورد
هو احنا لينا غير الفالانتاين؟

mohamed ghalia يقول...

وطب مش دخولى انا عليكى من الشغل بالسلامه وانا كويس ومش فيا تعويره ولاا معايا مصيبه اكبر هديه
كفاية عليها قوى كده هههههههههههه
لذيذ قوى الأسلوب ده فى الحوار وفعلا واصل لينا إلى عايزة تقوليه كويس قوى.
مطوليش غيابك عنا وحاولى تشوفى حل للنت أبعتلك خط dsl من هنا ولا إيه.
تقبلى تحياتى
دمتى بود
سلميلى على عبد الرحمن

مـجـنـووون يقول...

ترجعي بالسلامه أختي الغاليه

والله يشفي النت ويرجعه بالسلامه

تقبلي مروري
مجنووون

esraa يقول...

مالراجل طلع بيجيب ورد احمر اهو
(:

صبرني يارب يقول...

بصي انا باكره الفالنتين ده برضه
عشان باشوف فيه هبل كتير اوي

لكن بينى وبينك فى اي مناسبه تانيه لما بينسى بازعل اوي اوي
مش باعمل مشكله بس باخدها فى نفسي شويه

تحياتي ليكى على البوست الجميل

والف سلامه على النت يا اختي كلنا لها

م/ الحسيني لزومي يقول...

الاخت العزيزه
اسمحي لي هذه المرة ان اخرج بالتعليق عن الموضوع واطلب منك ومن كل المدونين الوطنيين ان يشاركوا في نشر حملة القيد بالجداول الانتخابية من علي صفحات مدوناتهم....
تكرمي بزيارة مدونتي للتعرف علي الموضوع.....
ارجوا المعزره للخروج عن الموضوع

ضد التيار يقول...

مش عارفه ليه محددين ان الحب يكون فى يوم واحد

سيبك انتى بجد الحب اللى فى البوست دا حلو مووووت

و بلاش الحقد اللى بان على كنزى هههههههههههههههههههه

لا بجد بوست حلو قوى

و ربنا يرجعك لينا بالسلامه و النت يرجع عشان تكونى معنا

و تحياتى لمحمود مصرى فى الغربه اللى اقنعك تنزلى البوست اللى فيه مشاعر حلوة دا

(:

كـــيــــــــارا يقول...

فلللللللللللللل ياسنسنتي

الراجل بيحبها وداخل يقولها ياحبيبتي

نعمل ايه في الستات المفتريه الشوريره

بوست عسسسسسسل زي سنسنتي

عاشقة القمر يقول...

بوست جميل اوي رائعه بس انا دايما بقول المراء وشطارتها تعرف تكسب رجل بحبها لم تعمل كده وكل يوم بجب دخال باشي حلو
مش تزعلي هبقى اجيب لكى ثوب سوداني

موناليزا يقول...

هههههههههههه
عاجبتنى اوى لما قالها مش كفاية انى جتلك بالسلامة ومن غير مصيبة بجد تحفة
البوست جميل اوى ودمه خفيف جدا
وتعرفى جسدتى اغلبية النساء مع ان الحل فى السعادة سهل اوى لو هو مفتكرش مناسبة معينة افتكرى انتى واحرجيه بذوقك المهم تفرحى وتفرحيه معاكى
ربنا يرجعلك النت بالسلامة ياقمر
وهنستناكى

radarblog يقول...

جميل أوي البوست دا ، طريقة سردك زي العسل ...

النت فاصل !!!!
كان فاصل برده عندي بقا له حوالي 5 أيام ، لكن الحمد لله لسه راجع من شوية

ربنا يفك زنقة النت ، ويرجعه بالسلامة وماتتحوجيش للسيبر ..... اسأليني أنا :)

في آمان الله

رادار

نبض الروح يقول...

فعلا رائع
أسجل إعجابي الشديد بما قرأت
كل الشكر لك

جنّي يقول...

جميل ان الاب مش زي ابنه وجايب هدايا لصحبته ..

وبعدين الراجل ها يعمل ايه لو جاب هدية تبقى علشان رغباته ولو وردة تبقى من قصاري الزرع .. لا كدا عاجب ولا كدا عاجب .. نعمل ايه علشان ترضو عنا ؟!!

ممكن سؤال هو فالنتين يقرب لنفتالين ولا تشابه اسماء ؟

جميل الوفاء بالوعد لمحمود ( بس مش عارف ازاي تمشي في جوازته هي جوازة ولا ؟

معلش حاسس ان التعليق خفيف النهاردة
كفايانا كآبة ..

سلام

عصفور المدينة يقول...

:)

الحب كما ينبغى أن يكون يقول...

موضوع جميل ورائع يجسد واقعا من حياتنا فعلا وانا أتفق معكى بخصوص الفلانتين ليه يخلوا للحب يوم واحد فى السنة لابد أن يكون الحب فى كل أيام السنة كفاية تقليد للغرب عندنا ثقافتنا ومشاعرنا الخاصة .... على فكرة أنا نشرت النهارده أول بوست فى الحب كما ينبغى أن يكون أتمنى أن تقرأيه وتعطينى رأيك بصراحة

انا حره يقول...

دا انا تنحت لما لقيته بيقولك ياحبيبتى وهوا داخل من بره ياناكره الجميل

بس ثبتك تثبيته جامده وكل بعقلك حلاوه ياخاااااايبه عشان ينسيكى الهديه الحمرا وانتى وقعتى فالفخ ونسيتى

اشمعنى البت كنزى هه اشمعنى هيا هيا زياده عنك ايد ولا رجل

ههههههههههههه انا بس جايه اهدى النفوس

elsha3er يقول...

البوست رائع لكنى اتفق مع رأيى المدونين على الفالنتين بس بجد الاحساس عالى جدا

احمد الشاعر

أكون أو لا أكون يقول...

ههههههه حسونه بوست هايل... طب إذا أحكيلك إيه يعملوا المراهقين في عيد الحب بيعملوا إيه... أنا وصاحباتي بنعد نضحك... على بعض البنات... بيروحوا يشتروا ورد على اساس إن حبيبهم جابها لهم... وهم ولا حد معبرهم..."وبيبقى شكلهم "مسخره" هههههههههههههههههه

حلو جداً البوست...

حسام وريمان فى هاكونا مطاطا يقول...

ههههههههههههه

محاسن

ههههههههههه


بجد بوست دمه زى العسسسسسسل

جميل بجد

بس انا عمرى ما احتفلت بالفالنتين

ههههههههه

بختى مايل بعيد عنك

هههههههههههههههههههههههههههه

سلمى على بيرو عريسى حبيب قلبى

هو ده اللى هيجيبلى الهديه بتاعه الفلانتين

اموااااااااه

حسام وريمان فى هاكونا مطاطا يقول...

مع تحياتى

ريمان

حاجات جوايا يقول...

السلام عليكم حبيبتى

وحشتينى يا سنسن ووحشتنى خفة دمك وروحك الطيبة المرحة وضحكتينى بجد ربنا يكرمك ههههههه

اما عن الفالانتاين .. فحرام الاحتفال به
الفتوة دى انا آخداها وبصبر نفسى بيها عشان بس متعبش هههههههه

بوست جميل يا حبيبى

تسلمى يا سكر
وشكرااااا جداااااا لسؤالك عنى وآسفه انى قلقتك
أموووووووووه

nona يقول...

بس و الا كلمة كانت داخلة حامية و قولت هتاخد حقها فى الاخير ياكل عقلها بكلمتين حلوين
هو صحيح كلنا بيتاكل عقلنا بكلمتين حلوين بس برضة كانت تتمسك بموقفها ههههههههههههههههه
بوست جميل و رائع المشكلة ان الرجالة ساعات بتنسا ان الست كل ماتحتاج الية اسلوب و كلام حلو و انت تقدر تخليها اسعد امراءة فى الكون و حجات بسيطة و تعتبر هايفة ليك بس ليها مفعول السحر بالنسبة ليها
و سيبك يا اختى احنا كبرنا على الكلام دة هههههههههههههههههههههه
سلميلى على عبد الرحمن و قولى للنت اوعى تقطع تانى بدل ما اجيلة

a7wal el Hawa يقول...

عندك مقدرة علي السرد و حبكة السيناريو فشر و حيد حامد تعرفي نفس الحوار بيتكرر في كل بيت في المناسبة اللي دايما بتقلب بغم في بيوت المصريين
الغريبة ان الست دايما بتتلكك علي موضوع الهدايا و هي نفسها اللي عمرها ما بتفتكر جوزها بباكو لبان
لكن ما اكدبش عليك انت دمك شربات

بركاوى يقول...

جميل الموضوع
وبيتكرر كتير المواقف إلى فيه

ربنا يملئ بيوتنا بالحب ويغمرها بالسعادة

momken يقول...

تصورى والله انا كمان مش بحب الفالنتين

مش متخيل ان الغباء خلاهم يحيزوا الحب فيوم
ومع الوقت يصبح الحب يومين فى السنه اتنين نوفبر واتنين فبراير
زى عيد الام ويوم اليتيم
وطول السنه ننسى الام وننسى اليتيم والمصيبه لا ننسى الحب
وبعدين زى ماحصل فعلا تم اختصار الحب فى دبدون احمر او قلب او خدديه حمرا
وبكده بالفلحوس عبر للفلحوسه عن حبه
والفلحوسه فرحت اوى وعمله تديله ميسدات من سعتها
وبتغيظ صحبتها بالهديه

وهو ده الحب
على طريقه ماريا ودانا وهيفا وتافهه وهبله

اعتقد ان الحب يستحق عام او اعوام لنحتفل به
كما ان الحب ليس فقط شخص وصحبته ولا حبيبته
الحب اكبر واشمل واعم من كده بكتير

البوست حلو وانا بنضم ليكى فى رفضى ليوم الحب

تحياتى

momken يقول...

اه نسيت

هابى فلانتين تو يو
هابى هلانتينز داى

شمس النهار يقول...

اولا مبروك علي القائمه
ثانيا الموضوع لطيف قوي والراجل طلع جايب ورده اهو
بس لازم يطلع عينها الاول نظرية ماحدش بياخدها بالساهل
ياستي يطلع عينها بس يجيب ورد
علي فكره يامحاسن انا بحب الورد جدا
واعتبره لغه للعقول والقلوب والروح

قلب مصرى يقول...

انا نفسى بحضر لليوم ده من قبلها مش علشان هو الفالنتين لكن علشان هو نفس اليوم اللى قلت لمراتى فيه بحبك (لأول مرة) وهى هزت راسها وهى مكسوفة علشان كده بحب اليوم ده قوى

زهرة الياسمين يقول...

ليه يوم واحد بس فى السنه نحب بعض
ليه ما نحبش بعض كل يوم
و بعدين ليه الحب لازم يكون فى ورده و لا فى حاجة حمرا على رأى هيا
ليه ميكونش فى كلمة طيبة
فى نظرة حنينة
فى معاملة رقيقة
فى اهتمام و احساس بالمسئولية
فى خوفه عليكى
فى حرصه على راحتك
فى تقديره لكى و لكل حاجة بتعمليها عشانه؟؟؟

afew good men يقول...

شايف التفاؤل مالي الناس
حب طول السنة

وحب طول الاسبوع

وانا عايز اقول خلونا منطقيين

والله لو حب يوم في الاسبوع لنمل منه

عموما يا محاسن

هو وهيا عايزين حاجات كتير علشان يتظبطوا

اولها

يكونوا ورق شفاف قصاد بعض

يعني الحقيقة تكون هي حياتهم

اما الحاجات التانية اللي انا عارفها وانتي عارفاها


خليها في سرك منهم لله الرجالة افترو علي الحريم

تحياتي وكل سنة وانتي ططيبة


انا مش مجروح ولا حاجة انا بكتب حقايق الناس كلها عشتها

مش لازم نطبطب علي بعض او تستني حد يطبطب عليكي

المفروض تواجه نفسك

تحياتي

نيجار يقول...

محاسن حبيبتي
والله بوست جميل يا محاسن
بس انتي عارفه دايما يا أختي ان الرجاله ما بيخدوش بالهم من الحاجات الهايفة دي وعندهم زهايمر في التواريخ أو ممكن يكونوا بيتناسوا يعني عاملين نفسهم ناسيين برضه علشان ما يدبسوش نفسهم في هدايا وكلام فاضي .
بصي انا نفسي اتكلم معاكي والله انتي بس اللي مش بلاقيكي على النت حتي اسألى نشوي أنا بكلمها على طول
انا اقدر انساكي ياحبيبتي
وسلام يا قمر

هانى زينهم يقول...

كالعادة اسلوبك تحفة يا محاسن وبيناقش قضايا صاحية يعنى بنحس بيها كلنا بس الرجالة بطبعهم ما لهمش فى الفالنتين ولا فى 6 اكتوبر حتى !!
لان الضغوط اللى بيشوفوها بقت اكبر بكتير من وردتين حمر ودبدوب وان كان ولا بد ممكن لو افتكر عيد الجواز بعد مشقة وجاب وقية كباب يبقى خير وبركة وان ما افتكرش يبقى ليس على المجنون حرج !!وطبعا اى راجل اتجنن يوم ما اتجوز !!
حمد الله على سلامة النت ويا رب ما يقطع تانى .

princess يقول...

انا جييييييت
اتشو:)
بصى كل لحظة تعدى على الواحد مع اللى بيحبع عيد اه والله ده مش كلام افلام ده بجد
فمش مهم الفالانتين يعنى كايوم:)
بس هجبلك دبدوبة فى الفالانتين يا سوسو:)وعلى فكرة بتوصفى المواقف الزوجية بواقعية شديدة اوى:)
تحياتى

آخر العنقود يقول...

الحب والتعبير عنه مالوش وقت ومالوش يوم محدد
جميل اوى المشاعر اللى اتكلمتى بيها
وياسلااااام لو الستات تفكر تسعد نفسها بنفسها ومش تعكنن عليها وعلى الراجل كده

ليك وحشة يا سونة سلامى لعبوود
سلام ياقمر

tarek alghnam يقول...

الرائعه محاسن
والله احنا ماعندنا وقت للفناننتين
انا بس اللى بيعجبنى فى الاجانب ان تلاقى الرجل والمراءةعدوا السبعين
وماشيين حطين ايدهم فى ايدين بعض
عندنا لو شوفنا المنظر دة نقول شوفوا الناس الكبارعاملين فى نفسهم ايه
عموما بستمتع بكتاباتك
مع ارق تحياتى

tarek alghnam يقول...

الرائعه محاسن
والله احنا ماعندنا وقت للفناننتين
انا بس اللى بيعجبنى فى الاجانب ان تلاقى الرجل والمراءةعدوا السبعين
وماشيين حطين ايدهم فى ايدين بعض
عندنا لو شوفنا المنظر دة نقول شوفوا الناس الكبارعاملين فى نفسهم ايه
عموما بستمتع بكتاباتك
مع ارق تحياتى

شهرزاد يقول...

محاسن
بوست جميل معبر جدا
وفي كل بوست تنقلين لنا صورة واقعية عن الحياة العائلية والزوجية بطريقة رااااااائعة
فعلا كتاباتك مميزة
واتمنى لك التوفيق دائما
تحياتي وما تتأخريش علينا

ღღAhMedღ3LaMღღ يقول...

هههههههه
طيب انا لما والدتي كانت تقولي واد يا احمد اقولها نعم يا بنت يا ماما

بالنسبه لعيد الحب
اي مناسبه انشالله لو عيد الفراخ لازم الاتنين يجيبو هديه لبعضهم وخصوصا الولد وينهار ابيض لو البنت هيه الي جابت والولد مجبش الولد بيفضل فاكرها ليها طول العمر بس شرط يكون احمد بك علام عشان يعمل كده هههههههه

علي فكره البوست ضحكني من قلبي ربنا يكرمك يارب

M.K يقول...

السلام عليكم....
طبعا الحب بين الأزواج مختلف عن الحب قبل الزواج..
فالزوجه يكفيها أنها ترا زوجها سالما معافا..
وابنائهما حولهما ...
لتشعر بسعاده لا توصف....
والهدايا بينهم مهما كانت صغيره وليس باللون الأحمر ...
تظل صادقه وتستمر طوال العام ليس في يوم واحد...
ليس لديننا به صله..
فيكفي أن يأتي بالفاكهه التي تحبها..
هو هنا يثبت لها أنه يحبها ولازال يتذكر ماتحب وما تكره...
(لست أقصد هذه القصه بل عموما)

(والراجل أهو بيجيب ورد أحمر ...
وموز ..ما نبطرش بقا...)
والبت كنزي لها يوم...فا ماتتفقعيش منها...
............
تحياتي

حبيبه يقول...

بصي اي لحظة حلوة هي عيد حب جميل مش لازم يعني الفالنتين علشان نبين الحب دة
تحياتي لكي

Son of Egypt يقول...

ازيا محاسن

اولا انا لا احب هذه المناسبه خالص ممكن تقولى معقد ممكن تقولى اى حاجه انما انا رأى اى لحظه حلوه ممكن تجمع اتنين وفيها حب ولوعه وشوق ولحظه دافيه بعتبرها عيد للإتنين
اما الحوار اللى عملتيه ده فطسنى من الضحك وخصوصا حوار الراجل طب انام ساعه و اصحى اعدلك بختك المايل

ههههههههههههه
مت على نفسى من الضحك من القفشه دى
بس عايز اسألك سؤال هو فى الفلنتين دى اشمعنا الدباديب والمحروس اللى بيجب الدبدوب ده بيجيبه من جيبه ولا من جيب ابوه اللى جايب كيس الجوافه
تحياتى ودمتى متألقه وحمدالله على سلامة النت

mostafa rayan يقول...

محاسن
انتي حد جميل قوي بجد

خواطر ليست عابرة يقول...

الفالنتين ده تقاليع فاضية
يمكن بقول كدة عشان لسة شاب محبيتش مخطبتش ويمكن لما أحب هيكون كل يوم عندي فالنتين هههه
شكرا علي هذا البوسط وهذا الحوار بين الولد صاحب الدم الخفيف والام الجميلة حبيبة الجميع

ahmed_k يقول...

أنا من زمان بشوف إسمك في التعليقات
بس من سوء حظي مدخلتش عندك قبل كده
بس لو كنت أعرف مدونتك زي العسل كده
مكنتش فوتلك بوست واحد
بجد القصه جميله ويشكر محمود لتحفيزه ليكي عشان تنزليها
والست اللي في القصه دمها سكر
وبنت مصؤيه بحق بشقاوتها ودلعها لإبنها وطيبة قلبها وحنيتهاعلى بيتها وجوزها

متعتينا يا محاسن بالقصه الجميله دي
وتقبلي خالص تحياتي

سمكه وحده يقول...

سمسومه
اذيك وحشتيني يا قمر

الكلام جميل بس الست هبله واضحك عليها كانت المفروض تجيبه من افاه وتمضيه علي ورق ابيض

وتعرفي احلي حاجه في الست ايه قلبها ابيض وينضحك عليها انا عن نفسي معرفتش ان في حاجه اسمها عيد حب غير من قريب والله كمان بحس بنوع من الهبل او الهطل لما الاقي حد شايل حجات كتير كده وحمره وخضره

كمان المفروض ميبقاش عيد حب عيد ام
ده طول السنه مش يوم

اقلك سيبك منهم وحشتيني وعامل ايه يا جميل وكلامك زي العسل ذيك اي والله وماليكي عليا حلفان
سمكه

prince4ever يقول...

التعليق الخمسين
كلهم بيكتبوا اول تعليق وبيفرحوا بيه اوي...انا بتاع التجديد و هفرح بالخمسين...
لا ما هو انا استشيخت على راي اصحابي السطحيين فمش هتكلم عن الفالنتين... كنتي نزليه ست اشهر قبل كده كنت هتكلم عنه حبتين...لكن الحمدلله ربنا تاب علينا
بس والله ستات كتير مخها صغير وبتحب كلمة دلع او كل سنه وانتي طيبه
امي زعلانه مني عشان عيد ميلادها جه امبارح و انا المعروف بالحنيه مقلتلهاش كل سنه وانتي طيبه... واخويا ((اسمه كريم)) المعروف بالقسوه والملقب بخليفة نيرون افتكرها وهو في غربته وبعتلها ماسيج وهناها بعيد ميلادها...
والله مش جحود بس انا في دوااااااامه و تقريب امبنامش ومرهق وطول النهار بره البيت بالعشر ساعات...مالدرس ده لده و بنرجع نذاكر و ايام جميله اوي بعيشها...عشان كده تايه حتى اتاخرت عليكي اوي في التعليق
ان شاء الله كله هيتسستم و هظبط نفسي و كله هيرجع فل ان شاء الله
بالحق صحيح... انا عندي مدونه تانيه عمرك ما شفتيها ما تبصي كده وتقوليلي رايك... حاجه رومانسيه كده بمناسبة الفالنتين... وباعتبارك ملهمتي وقدوتي... انا عاوز اغير اطار المدونه الرومانسي واخليه اي حاجه تانيه يا ترى ينفع؟....
طولت عليكي اوي كالعاده و هتقولي الواد ده لكاك...بس ده من عشمي...
سلااااااااااااااام
على الله في الفتره دي ميكونش حد علق واخسر التعليق الخمسين
سلااااااام

مختار الجندى يقول...

مع كرهى الشديد لهذه الاعياد الدخيله وياريت كلنا نعرف مين فلانتينو ده بس وعمل ايه ولا افضل التقليد الغير مفيد
،ولكن وجهتى لى رساله حلوه جدا من خلال هذا البوست وهو انه فى ناس بتستنى مننا كلمة شكر او حنيه او حب واحنا بنحرمها من كده وبنتأخر عليها خالص ،الكل يقول بحبك لكن الذى يستحق الحب هو من لاينسى هذا الحب مع مرور الزمن

طوبة ذهب وطوبة فضة يقول...

جميل اوى كلامك بجد انا بحس انها مسلسل او بيحصل قدام عنينا ومش انتى بس اللى مش بتحبى الفالنتين انا كمان مش بطيقه وببقى نفسى اليوم دا ما انزلش من البيت حفاظا على شويه الدم اللى اتبقوا عندى ما يتحرقوش من الاستفزازتحياتى تسلم ايدك

Nabil يقول...

السلام عليكم

شكرا علي سؤالك الغالى جدا عنى.....انا كويس الحمد لله
هو بس الدراسه بدات تدخل فى الغميق وانا اجازتى يوم واحد فى الاسبوع

البوست حلو جدا الحقيقه

وبردو نهايته سعيده وده حلو....

والاشخاص طيبين جدا وقلبهم ابيض يعنى ده كمان كان فى البوست اللى فات
يعنى اكيد ده تصور واحد قلبه ابيض زى اختى الكبيره.mahasen

تحياتى ودعواتى

EMMY BABY يقول...

ههههههههههههههههههههههههههههههه

طب والله انا بحس ان الستات دول طيبين وممكن كلمة واحدة تخليهم ينسوا الدنيا

لو الرجالة تفهم مكنتش حصلت مشاكل

ربنا يهدى سر المسلمين يارب

انا هعوده بقى ان حياتنا كلها فالنتين وادبسه كل يوم فى وردة حمرا


اسلوبك جميل فى الحوار لعلمك

تحياتى

ايمى

م/ الحسيني لزومي يقول...

الاخت/ام عبد الرحمن
موضوع الانتخابات نحن الذين افقدناه الاهمية والمصداقيه ..انظري الي بعض الدوائر الانتخابية التي فرضت مرشحها علي الحكومة رغما عنها انظري الي ما فعلته المستشارة العظيمة نهي الزيني الذي تحرك ضمير القاضي فيها ففضحت النظام من خلال الانتخابات ...التزوير ياتي من احجامنا عن ممارسة حقنا في اختيار ممثلينا....علي اسوء الفروض سوف نكون قد زرعنا الفسيلة قبل قيام الساعة.
اختي الفاضله علينا السعي وليس علينا ادراك النجاح...... وان لم يكن صندوق الانتخاب الطريق لاحداث التغيير فلا بديل له سوي الدم او الاستسلام للطغيان والي الابد

د / مصطفي النجار يقول...

دائما اجد نفسي
هنا لا استطيع التعليق
لروعة ما أقرأ
وتأثيره العميق في نفسي كأنسان
دمتي بخير
وشكرا لسؤالك

د/ رامي شهاب الدين يقول...

حمد الله على سلامة النت

وهابى فالنتين داى

تحياتى

عاشــــــ النقاب ـقــــة"نونو" يقول...

السلام عليكم
محاسن حبيبتي المعنى العام جميييييييييييل جدااا
انما الفالنتين نفسه انتي فاهمة بقى
لكن انا عن نفسي يوم الحب بالنسبة لي ممكن يكون اي لحظة اي كلمة اي حاجة يعني هههههههههههههههههههههههههههه
تحياتي حبيبتي

أبو أسامة - مدونة كباية شاي يقول...

قصة حلوة على فكرة
واتوقع أنها بتحصل كتير بين كل اتنين متجوزين
وغالبا لا تنتهي بنفس النهاية وإنما بنهاية أخرى تعتمد على طبيعة شخصية هو وهي .
يعني لو هو حمش هتكون النهاية :
هو : اتخمدي بقى علشان أنا راجع من الشغل تعبان ومش ناقص دوشتك .

ولو هي من الستات إياهم هتكون النهاية كالتالي :
هي : انت يا راجل ... هو أنا مش بكلمك ... قوم كلمني بدل ما أجيبلك الشبـ.. وحياة امي الغالية لخلي سنينك طيـ... بقى الواد يجيب لصاحبته هدية وانت سايبني من غير هدية ... كان يوم أسو... يوم ما اتنيلت على عيني وقبلت بيك ( وبعد ذلك الموشح المحفوظ بتاع دا أنا كان معروض عليا عرسان ياما وكل واحد منهم كان رئيس جمهورية مرة واحدة ومبيركبش أقل من طيارة هليكوبتر ... )

بجد
قصة جميلة
تحياتي

عصفور المدينة يقول...

السلاتم عليكم أخبار النت عندك؟ يارب يكون مظبوط
أنا طبعا كنت باقرأ من الموبايل والتعليق مش بيساعد أوي

بس لقيت التعليق بتاعي حيبقى مكرر زي ناس كثير
فالابتسامة مع إثبات الحضور متهيأ لي مش محتاجة تكون مدح أو ذم وخاصة مع احترامي لقلمك وشخصك بارك الله فيك
:)
برضه

حـــــ الــجــنــة ـــــور يقول...

سلاااااااام يا أحلى محاسن
ياااه كنزى ويحي فاضيين قوي الله المستعان ههه
بجد أنا عمري ما إعترفت بالفلانتين ده بالرغم من إن صديقاتي بيجيبو حلويات وشكولا وبيجوني للشغل بيحتفلو بيه أما أنا عيد الحب عندي كل يوم الحمد لله وده بوجود والديه بصحه وخير وكمان أخواتي وصديقاتي
ربنا يديم علينا الفرح والسعاده
بوست حلو زيك يا قمر
والنت مش لازم يفصل لأن حد جميل زيك حرام يغيب علينا
يا بخت الكيبورد بتاعك وأصابعك بتتفسح على أزرارو
بجد سلمت يمناك وتقبلي تحياتي

dodda يقول...

البوست حلو اوى وشكرا لمحمود اللى كان السبب فى انك تنزليه..
واضح ان هيا مصريه اوى اوى
وهو كمان اوى اوى

انا عن خيبة الفالنتين واللى بيحصل فيها فلا حول ولا قوة الا بالله ربنا يهدى
انا شايفاها هيافه متناهيه
والحب بين الازواج فى كل وقت اما غير الازواج فبرضه ربنا يهدى

الف سلامه على النت..

جبهة الدفاع عن العمدة حزين يقول...

ايه ده كله ( مش ار ولا حسد دا نأ بس ) كل دول علقوا قبلي

الحق يا عمده السيده المذكوره في "من انا" الست محاسن بتقول ان النت بيفصل امال انا بكتب ازاي دلوءتي " زكاء حاد لدي شيخ الغفر " هو ايه ده يا واد يا جبيصة " ولا انت راخر يا جبيصة حتقولي متقلش يا واد اخرس يا ...ولا بلاش " هو ايه ده اللي كتباه جنب هو وهيا و (( في الهاف تيم ))الله ينور عليا هو ده التعليم ولا بلاش ......


بارك الله فيك محاسن ووفقك الي ما يحب ويرضي

فرحان جدا من تنبيهك علي كرهك للهاف تيم وفعلان لا عيد عندنا يسمي بهذا الاسم كل يوم هو عيد بذاته وكيانه..

مرة اخري جزاك الله خيرا لا لا دي المرة الاولي


ابو فاطمة من امام محلات ابو حزين واولادة لبيع .....

ايه ده سيبني يا ابني يا حبيبي انا ..................اي اي اي لا لا خلاص كفاية

نأسف لقطع الارسال . . . . . .

حياتنا الزوجية يقول...

السلام عليكم ورحمة الله وبركاته

رسالة رائعة


جميلة جدا مبحبش الفالنطين

فعلا نحتاج الي الوقوف علي مشاعر الاحساس جيدا لأني احتاج ان اراك من رؤية افضل وتراني من مكان افضل


حياتنا

fashkool يقول...

الاخت محاسن : يا كريمه زى بلدك : على فكره انا عارف حكاية عزومة القطر دى .. كانت فى رمضان اما القطر اتعطل .. مش كدا .. الكلام بتاعك بتاع الفالنتايم .. يعنى ايه فالنتايم .. نقول عيد الحب وخلاص .. انا من هنا وجاى حاخد بالى واجيب هديه لمراتى فى هذه المناسبه .. وبعدين انا حاجيب لمين ولا مين ولا مين .. الكل عايز .. انا الوحيد اللى ما حدش بيسأل عنى .. نريد المساواه بالمرأه ,, تحياتى

mahasen saber يقول...

appy....
ابى منورانى والزياره الجايه لو مش فى ايدك دبدوب هزعل ...
...بس انا كمان يا رحاب والله مش بطيئه بس وضحت فى اخر البوست على فكره

mahasen saber يقول...

osama .....
مهو دى مشطكلة الناس يا اسامه عايزين بس يوم فى السنه يضحكوا بيه على بعض انما لو طول السنه حب واحترام وتقدير هيفرق ايه بئه يوم فلانتين من يوم البيئه.
...
منورنى يا اسامه

mahasen saber يقول...

مهندس مصرى.....
وانا اتبسطت انه عجبك يا محمد وربنا يرزقك بالزوجه اليى تخلى حياتك كلها حاجات حمرا ..من الحب يعنى..

mahasen saber يقول...

aboali.....
والله احلى ما فى البوست تحليلك انتا وتعليقك وكلماتك الفياضه بالمشاعر والاحساس وكرم الخلق
....
منورنى دايما يا ابو على

mahasen saber يقول...

a.samir...
ما انتا لازم تعترف يا بلديات لسه عريس جديد انما اصبر بعد خمسين سنه جواز ونشوف بئه هتعترف على نفسك بايه
.......
ربنا يسعدك ويهنيك يا احمد
اما قطع النت ففعلا مشكلة المشاكل بالذات للي بقئه واخد جزء لا باس به من حياته.

mahasen saber يقول...

mohamed ghalia....
موافقه مبدئيا على الخط هههههههه بس برضه كفايه دخولك التعليقات عندى يا محمد شئ بيسعدنى وبيشرفنى كمان
......
دمت بكل الود

mahasen saber يقول...

مجنون..
اهلا وسهلا بيك وانا رجعت بمنتهى السرعه باين دعائك استجاب
....
منورنى دايما

mahasen saber يقول...

esra....
ههههههههه انتى كمان عايزاه بعد ده كله ميجبش ورد احمر امال قصارى الزرع بتاعته تبور
....
منوره يا جميله

mahasen saber يقول...

صبرنى يا رب.....
المهم فى الزعل مفيش اهى اهى ويا ميلة بختى ههههههههه
ربنا يسعدكوا ويصلح حالكوا ويرضيكوا ببعض ومينساش ابدا المناسبات اليى بتحبيها
...

mahasen saber يقول...

م\الحسينى لزومى...
المدونه مدونة حضرتك وتخرج وتطلع وتدخل فى التعليق كيفما تشاء
ده مجرد تواجد حضرتك فى المدونه شرف ليا
.........

mahasen saber يقول...

ضد التيار....
الله على احساسك يا ضدحسيتى بالحب المستخبى ورا النقار بتاعهم ..
..
وبعدين محمود انا شكلى هكتبله جواب شكر وابعتهوله هههههههه باغربه بئه ولازم نرفع معنوياته
.......
والنت رجع يا جميله

mahasen saber يقول...

كيارا.....
ماشى يا قمر بئه الستات مفتريه ماشى يا جميل اى حاجه مقبوله منك يا كيارتى
.......
بس اهى اتضحك عليها بكلمه فى الاخر
ههههههه دول بقوا ستات عبيطه بس قلبهم زى الفل

mahasen saber يقول...

عاشقة القمر...
حبيبتى الجميله بلدياتى منورانى
طب انتى بتقولى فيها والله عندى توب سودانى فعلا بقاله كده عند ماما 29 سنه وبحاله وماله وعندى صوره لماما وهيا متصوره بيه وبقنعها البسه مره مش راضيه بتقولى لما تروحى السودان ابقى البسيه ..يرضيكى كده..
حبابك عشره يا قمر

mahasen saber يقول...

موناليزا ....
حبيبة قلبى الجميله ام ابتسامه حلوه ..
مهو لازم يصلح العلاقات عشان يعرف ينام الساعه اليى مش عارف ينامها وبعدين عارف مدخلها كلمه حلوه ودمتم
..
منورانى يا جميله ويا رب كل الرجاله تعرف الحاجات اليى ستاتها بتحبها وتعملها
..

mahasen saber يقول...

radarblog....
منورنى يا دكتور وانتا شكلك جربت السايبرات قبل كده ههههههه بس اكتر حاجه بتعجبنى فى السيبر العيال الصغيره بتبسط ان الكمبيوتر بئه من اهتمامهم حتى ولو بيلعبوا عليه جايمز
........
منورنى يا دكتور

mahasen saber يقول...

نبض الروح....
اهلا وسهلا بيكى وباول زياره ونورتينى واسعدنى حضورك جدا
...

mahasen saber يقول...

جنى.....
انا هلكت من الضحك ربنا يسعدك بس هما مش قرايب ولاا ااقولك ممكن ده بيحافظ على الهدوم من العته وده بيحافظ على الحب من الملل عند البعض يعنى ...
..
بس ملقش على جوازة محمود بس يتجوز هو بس وتشوف هعمله ايه ههههههههه بوست بحاله
..

mahasen saber يقول...

عصفور المدينه
.....
استاذ محمد منورنى ومشرفنى حتى من غير ولاا كلمه

mahasen saber يقول...

الحب كما ينبغى ان يكون....
بعد طول انتظارالبوست نزل انا يشرفنى طبعا انى ااقراه ويشرفنى ان حضرتك تستنى رايى
من عنيه
.....

mahasen saber يقول...

انا حره........
ههههههههههه هو لو سمعك بتقوليلها كده مش هيسكتلك
.......بس مهيا برغم غيظها من كنزى اقتنعت بالكملتين شوفتى الستات قنوعين ازاى
.....
منوره يا قمر

mahasen saber يقول...

alsha3er.....
لو الاحساس حلو ميجيش من بعد احساسك
.......
اما الفالنتين انا كمان مش بحبه والله
منورنى يا شاعر المستقبل

mahasen saber يقول...

اكون او لا اكون.....
كونتى حبيبتى وحشتينى جدا جدا قوى
وبعدين انتى قلتى بوستجميل يبقى هو كذلك
بس الفالنتين فى لندن اكيد غير غير ده فى بلده بئه هههههههه
....
منورانى يا قمر

mahasen saber يقول...

حسام وريمان فى هاكونا ماطاطا....
.
ولا انا عمرى احتفلت بيه يا ريمو ولا عمر حد عبرنى فيه اشمعنى انتى الواد بيرو هيجبلك حاجات حمرا ده انتوا وقعتكم واقعه معيا
.
منورانى يا قمر

mahasen saber يقول...

ريمان........
.....
كمان مع تحياتك ده انتى قاصده تغيظينى بئه هههههههههه
منورانى يا حبيتى وبعرفك طالما هتفتكرونى معاكوا خلاص مش هعكنن عليكوا
انا بعرفكوا بس
.................
ريمو انا كتبت كذا تعليق فى مدونتك واجى ابعتله مبيتبعتش وبرضه جربت ااقولك الكلام ده فى هاكونا ونفس المشكله حصلت مش عارفه فيه ايه فى التعليقات
كنت عايزه ااقولك وحشتينى يا قمر واعلق على ردك على تعليقى...
بس ربنا بيحبك بئه

mahasen saber يقول...

حاجات جوايا....
....
كله يقف احترام سالى القمر الجميله احلى حاجه فى دمياط رجعت البلوج يا مدونيين
.
عودا حميدا يا قمر ونورتى الدنيا كلها واسعدتينى لما لقيتك رجعتى يا حبيبتى كان ليكى وحشه جامده جامده
.....
اما انتى اليى يعيش معاكى تبقى كل ايامه فالنتين ربنا يسعدكوا ويهنيكى يا حبيبة قلبى يا ام اجمل قلب ومشاعر فى الدنيا
..........
نورتينى يا حبيبتى

mahasen saber يقول...

nona....
نونتى الجميله احنا مكبرناش على الكلام ده احنا عجزنا بس هههههههه ربنا يسعدك ويهنيكى ويرضيكى ويفرحك بمن تحبين
.......
بس يا ريت الرجاله تعرف وتقدر الست اليى بتطيب كلمها كلمه ...

mahasen saber يقول...

a7wal alhawa....
...........
وحيد حامد حته واحده ده انا احجز مقعدى من السينما بئه ههههههه
بس والله فيه ستات بتفتكر ازواجها فى كل لحظه ولما بتنزل تيجيب لبس لولادها بتلاقيها بتشترى لجوزها كمان عايزين ايه يا رجاله تانى ههههههه
...انتى واحوال هواك نورتنى واسعدتنى بالزياره

mahasen saber يقول...

بركاوى....
اولا حصلتلى انا البركه ولمدونتى التشريف
الموضوع طبيعى بيتكرر بس المهم مينتهيش نهايه غير محموده ويختم بشئ من تحت المخده
.......

mahasen saber يقول...

momken....
مهو عيد الحب محدشبيحتفلبيه يا ممكن يا اخويا الا الفحاليس بس هههههه
الا ايه الفحليس دى يا ممكن ....
بس فعلا المشكله بقينا بنحرم نفسنا من السعاده طول السنه ونخزنها فى يوم واحد من عيد الحب ليوم اليتيم
..صدقت يا ممكن
.....بس مين يسمع ومين يعمل بكده

mahasen saber يقول...

momken.....
عيدك مبارك ههههههه
انا بحب الكلمه دى قوى
ولو حد قالى زى ما قلت هابى فلانتيز هقوله وانتا من اهله ههههههه منورنى يا ممكن

mahasen saber يقول...

شمس النهار....
اجمل شموس الدنيا حضرتك نورتى والله يبارك فى حضرتك بس القايمه قدمت شويه بس اى شئ مقبول من حضرتك...
.....
اما الورد انا عرفت كده حضرتك بتحبى ايه وليكى عندى لو شفت حضرتك اجيبلك ورده ولو مقدرتش سامحينى عشان مااشيلش ذنب الوعد
.........
بس يا مدام شمس هو طلع الورده عشانيرحم نفسه ويريحله ساعه
حضرتك نورتينى

mahasen saber يقول...

قلب مصرى....
.
بسم الله ما شاء الله ربنا يسعدكم ويهنيكم ويديم عليكم نعمة الحب والرضا والاستقرار.....
.كلامك يفرح والله ربنا يكتر من امثالكوا..ويباركلكوا ويحفظكوا لبعض

mahasen saber يقول...

زهرة الياسمين.....
هياالكلمه الطيبه فى حد ذاتها ليها مفعول السحر والمعامله الحسنه بالدنيا واليى فيها بس الستات بئه ساعات نفسها بتهفها على الدلع والمياصه ههههههه يعنىمن ريحة نفسها
بس برضه فى الاخر مش بياثرها الا الكلمه الحلوه اليى من القلب...
.....

mahasen saber يقول...

afew good men....
...ادم لو انتا مش مجروح امال مين اليى متعور انا ههههههههه ده انتا والله سكر ودماغ عاليه قوى
وكلامك صح بس نجيب الورق الشفاف منين ما انتا شايف النفوس يا ادم بقة سلطة فواكه
.......
بس انتا منورنى والخانه دى بتسعدنى قوى
مشرفنى وبتسعدنى دايما بتواجدك...

mahasen saber يقول...

نيجار.....

حبيبة قلبى..بس الرسول قال ..تهادوا تحابوا..صلى الله عليه وسلم
فلو الزوج او الزوجه اتحفوا بعض بهديه ومش شرط فى يوم محدد اظن بشده ان ده هيجدد الحب بينهم
وربنا يسعد الجميع
..
اما النت يا قمر والماسينجر انتا الغائب الحاضر دائما على صفحات الياهو
ههههههه ايه رايك وحشتينى يا نيجا
.

mahasen saber يقول...

هانى زينهم.....
بس يا هانى يا اخويا لو دخل بوقاية الكباب والله هتفرح عارف ليه عشان خاطر العيال ههههههه
اصل الستات كده حنينين بالفطره ..
بس طغوض الحياه متمنعش من كلمه حلوه ترد الروح او باكو لب يسليها
.......
نورتنى وبتنورنى دايما يا ابو ملك

mahasen saber يقول...

princess.....
اتشى يرحمكم الله هههانتى لسه دور البرد مكلبش فيكى يا جميله طب دخلتى ينا بكيسين برتقال ولا شوية لمون...بلاش طب شوية مضاد حيوى لزوم المناعه
ماشى يا قمر المهم سلامتك ومناخيرنا فداك ههههههه
.....
بس طبعا كل لحظه حلوه فى حد ذاتها معنى من معانى الفرح والسعاده بس فيه ناس كتير يا برنسيس مش بيقدر كده
منورانى يا جميله ياليى عندك برد اتشىىىىى وانا كمان
.......

mahasen saber يقول...

اخر العنقود.....
ازيك يا قمر يا عاقل انتا كلامك مضبوط بس لو الست والراجل كلا منهم عرف ازاى يسعد الاخر هيا دى السعاده المنشوده
....انهم يسعدوا بعض ويخافوا على بعض مش من بعض
.
منوره يا جميل

mahasen saber يقول...

طارق الغنام.....
الله ينور عليك والله كلامك مضبوط ووجهة نظرك صح فعلا بتلاقيهم فى ادق تفاصيلمعاملاتهم لبعض بيعبروا عن حبهم بذكاء وبشياكه
...
نورتنى يا استاذنا واسعدنى تواجدك حضرتك
وشكرا على ذوقك وكرم اخلاقك
....

mahasen saber يقول...

شهر زاد....
الله يكرمك وشكرا يا شهر يا حبيبتى على ذوقك وكرم اخلاقك
.....وطالما البوست عجبك ده شئ يسعدنى وجدا كمان
نورتى يا حبيبتى

mahasen saber يقول...

احمد علام.....
عيد الفراخ ههههههه وبعديه نعمل عيد للانفلونزا بتاعة الفراخ ...
يا احمد باشا علام سيادتك لسه على البر التانى انما لو تمعمت وتعايشة فى واقع وقواقع الحياه الزوجيه الامر هيختلف خالص مالص
....
بس سايب مذاكرتك وعمال تجيب هدايا ادينى مامتك ااقولها واخليها توريك ههههههه عشان تحرم تجيب حاجه حمرا تانى
.....

mahasen saber يقول...

m.k.....
ههههههه يعنى انتى شايفه ان كنزى ليها يوم طب احمدك يا رب...
بس فعلا لو كل واحد منهم ناول التانى كوباية مايه بحب ده فى حد ذاته قمة السعاده والاهتمام
ومش شرط تبقى الكوبايه حمرا خالص ه
نورتينى واسعدنى تواجدك جدا جدا
واهلا بكل ما هو اماراتى

mahasen saber يقول...
أزال المؤلف هذا التعليق.
mahasen saber يقول...

حبيبه...
والله يا حبيبه ياما نشوف من تقاليع بس لو الزوج والزوجه بصوا بس لبعض بحب ده فى حد ذاته حلى فالنتين فى الدنيا
...
نورتينى واسعدتينى بزيارتك الكريمه يا جميله
.......

mahasen saber يقول...
أزال المؤلف هذا التعليق.
mahasen saber يقول...

son of egypt...
انا سعيده ان البوست رسم على قلبك الفرحه كده
..
بس انا كنت بشوف العيال الصغيره المفاعيص دى بتجيب الهدايا الحمرا من مصروفهم على شويه من جيب الوالد اليى جاب كيس الجوفه ههههههههههه
ده احنا كنا خناشير مش عيال
.....
منورنى دايما وبيسعدنى وجودك يا ابن مصر البار

mahasen saber يقول...

mostafa rayan.....

والله انتا اليى حد جميل ومحترم يا مصطفى وشكرا من قلبى على ذوقك
.......

mahasen saber يقول...

خواطر ليست عابره.....

انتا عشان لسه يعنى على البر هههههه ربنا يسعدك ويبقا البر زى البحر مليان سعاده وتفاهم ان شاء الله
....
بس نصيحه منى عامل مراتك بانسانيه تحطك فى عنيها وتقفل عليك
.
نورتنى واسعدتنى جدا جدا بالزياره الكريمه

mahasen saber يقول...

ahmed k.....

ده انا اليى شاكره ليك كلامك الجميل ده اليى بصراحه على دماغى من فوق..وسعيده قوى بوجهة نظرك وبذوقك وكرم اخلاقك
وسعيده اكتر ان زيارتك عرفتنى بيك وبمدونتك الجميله اليى اكيد راقيه من رقى صاحبها
نورتنى واسعدتنى جدا
ربنا يكرمك ويسعدك
.......

mahasen saber يقول...

سمكه واحده...
سمكمك الجميله ااقولك ايه بس ..يا مدلعنى..ههههههه متتخيليش بتبسط بكلامك ازاى فعلا بتضحكى عليا بالكلام الحلو ده ههههههههه شوفتىيا سمكمك قولت نقطة ضعفى كده خليتينى اعترف
..
الحب لو موجود تبقا الدنيا فى عنيهم ورود ودباديب وحاجات حمرا
.
منورانى يا قمر يا حبيبة قلبى من جوه
.....

mahasen saber يقول...

prince 4 ever.....
لا يا رامى شوف انا فرحت بكلامك ليا قوى واسعدتنى جدا بس زعلتنى قوى لما قلتلى انك نسيت تقول لمامتك حتى كل سنه وهيا طيبه عارف لو بيرو هيعمل كده معايا انا هتقئمص موت
......
لا انا زعلت يا راى بس عارف لو بوست ايديها ودماغها هتروق وتنسى علطول وبعدن انتا ناسى ان الرسول الكريم قال تهادوا تحابوا
.......
ها صالحها وهاتلهاهديه ده انا بقول عليك للناس ناقصله جناحين ويبقى ملاك
..........

mahasen saber يقول...

محتار الجندى.....
فعلا ساعات مبنقدرش الناس اليى تستاهل التقدير واليى بتفنى عمرهم عشانا
.انا فعلاسعدت بتحليلك للبوست
.......وانتا نورتنى واسعدتنى بزيارتك جدا جدا فوق الوصف
.......

mahasen saber يقول...

وبه ذهب وطوبه فضه.....
.
يا جميله هو كتر اللون الاحمر يومها والحاله الغريبه الغربيه اليى الناس بتبقا عايشاها بتبقا فعلا مستفزه قوى
.....
لا وحتى لوسبتىالشارعع ومنزلتيش هتلاقى التليفزيون مولع احمر
يبقا الحل ايه بئه
....انا شخصيا شايفه تحت السرير مخبأ حلو هههههههه
نورتينى يا جميله يا ام روح حلوه

mahasen saber يقول...

nabil.....

هعدى الكبيره دى بس بمزاجى مش بحكم الزمن ههههههههه
منورنى يا نبيل وشد حيلك كده فى المذاكره وفعلا هما طيبين عشان نهايتهم متوصلش لابعد من باب شقتهم
ربنا يهديهم لبعض كده علطول
.......

mahasen saber يقول...

emmey baby....
انتى اليى جميله لعلمك ومنورانى دايما يا قمر يا بيبى انتى
.....
بس المعامله الطيبه بتولد اكتر من الحب والاخلاص بتولد جنه فى البيت
نورتى يا حبيبة قلبى وانتى اليى يشوفك يتسعد ما بالك اليى يتجوزك
.....

mahasen saber يقول...

م\الحسينى لزومى.....

انا مقدره كلام حضرتك جدا بس انا كان قصدى ان الناس مشاغل الدنيا واهتمامتهم الشخصيه غطت عللىالكلام ده عندهم
.........

mahasen saber يقول...

د\ مصطفى النجار.....

الكلام ده كتير على مدونتى قوى ..
الف شكر على ذوق حضرتك وجزاك الله كل حير
ونورتنى جدا جدا وفوق الوصف
....

mahasen saber يقول...

عاشقة النقاب نونو.....

ما انا بايدك فى كده يا نونو قال فلانتين واحمر وكلام من ده فعلا زى ما قالها دخولهبالسلامه عليها بالدنيا وهيا معاه عايشه راضيه بالدنيا برضه
.....
وولادهم بخيرده اول الدنيا واخرها
....
ربنا يسعدك ويكرمك ويهنيكى يا نونو يا رب
.....

mahasen saber يقول...

ابو اسامه مدونة كباية شاى.....

عجبنى تصورك التانى للقصه وكان هيعجبنى اكتر لو انا محاميه ههههههههه
انتا نورتنى واسعدتنى جدا جدا وبتفاعلك مع البوست كده
.........
بس قولى انا حاولت ادخل مدونتك كتير ومفتحتش معايا لعل السبب خير ولاا انا اليى النت وصل لنهايته معايا
.....

mahasen saber يقول...

عصفور المدينه.......

استاذ محمد استاذ محمد ...حضرتك كفايهتواجدك بس هنا ده فى حد ذاته شرف وكرم يغنى عن اى شئ تانىبس تصدقنى ومتضحكش عليا انا فعلا مكنتش عارفه القوس ده معناه ايه ده لما حضرتكقولت ابتسامه جالى ازبهلال
........
انا اسفه على عدم فهمى وادراكىلمعنى القوس ده
.....
بس السطر الاخير فى كلام حضرتك انا هاخده كوبى وبيست واعلقه على الحيطه
بجد شخص بحجم حضرتك يكون رايه كده فى مدونتى ده شئ احمد ربنا عليه جدا
.......

mahasen saber يقول...

حور الجنه.....

يا حبيبة قلبى ده انا الف الكيبورد فى ستان احمر واجيبهولك هديه يا جميله
........
شكرا على ذوقك وكرم اخلاقك
اما الفلانتينده انا برضه وغلاوتك ما بتطيقه ولا عمرى احتفلت بيه سيبك انتى كلمه حلوه بالدنيا وما فيها
...
زى كلامك الحلو كه ربنا يسعدك ويكرمك يا حبيبةقلبى
.........

mahasen saber يقول...

dodda.......

لا محمود ده مقلكيش يا دودا افضاله مغرقانى ده انا عايزه حد ينقزنى هههههه
لا بجد هو انسان يستاهل كل خير
.......
اما الفلانتين صدقتى يا دودا ده يكفى نظره بحب وصدق ويكفى كلمه طيبه صدقه زى ما الرسول قال
ويكفى هديه فى وقت غير الفلانتين حتى ولو كيلو فراوله
ربنا يسعد ويهنى الجميع
ويسعدك يا حبيتى دنيا واخره
..........

mahasen saber يقول...

جبهة الدفاع عن العمده حزين.......

ياادى النور ياادى النور ..شيخ الغفروعمدته هنا يا لهوى قصدى يا اهلا وجيبين ايه فى ديلكوا كده ناس من اليى بيضربوا لا شكرا مليش نفس اتضرب النهارده
متقعدوا نشربكوا حاجه ولعى على الشاى يا بت واوعى تولعى فى الدار
........
منورنى منورنى وتعليقك دايما بيفرحنى وبيضحكنى يا ابو فاطمه
.....
بس انتا طلعت راسمالى اهه وعندك محلات شكلى هجوز الواد ابنىللبت فاطمه اهه زيتنا على دقيقنا ونعملها بقلاوه
.....منور منور

mahasen saber يقول...

حياتنا الزوجيه......

وعشان يشوفوا بعض كويس ويوصلوا للرؤيهدى يوقفوا فين ....احتاج ان افهم ههههههههه
بس الحياه فى ظل المعامله الحسنه احلى عيد فى الدنيا

منورنى دايما واهلا بحياتنا الزوجيه السعيده بس
..........

mahasen saber يقول...

fashkool.....

اهلا وسهلا بحضرتك نورتنى جدا جدا وشرفتنى كمان
.........بس حضرتك بس قدم اسبت هتلاقى بقيت ايام الاسبوع قدام حضرتك هههههههه وبعدين كفايه بس تفتكروا ذكرياتكم السعيده ده احلى عيد ليكوا
بس حضرتك نورتنى جدا جدا بس الشرقيه مش كلها كرمه على فكره ههههههههههه
.
وانا نصى رشيدى ونصى شرقاوى ومسقط راسى السودان يعنىمغرفش بالضبط احدد انا ايه ههههههههه
..............
اهلا وسهلا بحضرتك والمدونه نوت فعلا
.....

mahasen saber يقول...

د\ رامى شهاب الدين.....

الله يسلمك ...وانتا من اهله ههههههه
ولاا بيترد عليه بايه حاجه كده تو يو
...
انتا نورتنى جدا واسعدتنى بالزياره الكريمه
اهلا اهلا وسهلا
..........

maxbeta3zaman يقول...

فى مرة جمعتنى الظروف مع شخصية هامة وتليفيزيونيه على إذاعيه على صحفيه ومن الذين يستضيفوهم فى برنامج العشرة مساء ...هو من يجيدون الكلام والتحدث خصوصا مع السيدات ..وبسرعة كانت جميع السيدات حوله يستمعون لحديثه الجذاب ...وكنت أنا خارج الحلقة ولكنى كنت اسمع الحديث وخرمت أذنى عباراته وهو يقول " يعنى أنا مثلا كل يوم عاصبح اقول لمراتى شكرا على اليوم البديع ده اللى صبحتينى فيه بالفطار والشاى والجريده والبسمه ووو ويعدد شكره وامتنانه على كل بند من بنود الحياة ...هذا فى الصباح ...وتردد السيدات فى آن واحد واو يابختها بيك يا حظنا فى بعولتنا
فيستطرد فى باقى الاسطوانه العاطفيه وهو يقول لها باى باى على باب البيت وكذا على السلم وربما من الشباك (إذا كانت شقته على الشارع ) و الحريم يكاد أن يصفقوا له طربا ...أما أنا فقد انسحبت من لسانى وقلت له : بس يا دكتور انت موش شايف ان دى تبقى اسطوانات (لم تكن السىدىهات قد انتشرت بكثرة) يعنى كتير قوى ألف ميرسى فى اليوم الواحد كفايه خمسميه ده حتى الست تزهق من كتر الشكر ...نظر الكل لى فى استغراب وبادرنى هو : مين الأخ ده؟؟...وأصبحت من أعدقاءه اللدوددين ,,,ولم يوصله حلو كلامه لكرسى الوزارة للآن ..فهو مرشح لها فى كل مرة تعدل فيها الوزارات ...الكلام الطيب قليله مفيد وكثيره نفاق ..وعدمه شقاق

mahasen saber يقول...

maxbeta3zaman...

مهو الوزاره مش مراته ههههههه ..المهم مش الكلام قد الفعل يعنى ايه معنى ان زوج يفضل يسمع مراته حلو الكلام والفعل عكسى تماما ..
انا اعرف رجاله تقول لمراتها شعر كل يوم بس بيمشى مع ستات من وراها بخلاف الاعيبه التانيه بخلاف ان كلامهالحلو ده بيستدرج منها فلزسها يعنى بالعربى بيسرقها بالكلام الحلو ..يبقى ايه فايدته بقه
..........
حضرتك نورتنى بعد طول غياب

will يقول...

情趣用品,情趣,情色,成人,A片,自拍,情趣用品,情趣,色情,成人影片,色情影片,免費A片,情趣用品,情趣,成人網站,A片下載,日本AV,做愛,情趣用品,情趣,美女交友,A片,辣妹視訊,情色視訊,情趣用品,情趣,色情聊天室,聊天室,AV,成人電影,A片,情趣用品,情趣用品,情趣商品,情趣,情趣

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

情趣用品,A片,aio,av,av女優,a漫,免費a片,aio交友愛情館,a片免費看,a片下載,本土自拍,自拍,愛情公寓,情色,情色貼圖,色情小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,色情影片,情色網,色情網站,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人小說,成人電影

情趣用品,情趣,情趣商品,自拍,UT聊天室,聊天室,豆豆聊天室,哈啦聊天室,尋夢園聊天室,080聊天室,080苗栗人聊天室,H漫,A片,AV,AV女優,A漫,免費A片,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,SEX,微風成人,嘟嘟成人網,成人,18成人,成人影城,成人圖片,成人貼圖,成人圖片區

情趣用品,情趣用品,情趣,情趣,情趣商品

غير معرف يقول...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘