الثلاثاء، 28 أكتوبر، 2008

هفضل كده ..وابقا ااقابلنى لو حاجه عدله حصلت

هفضل كده كتير

برضه مفيش تغيير نفس المشوار الممل

نفس الطريق الكئيب بدور فيه على حق

بحارب فيه على شئ

جلسه فى اعلان مرافعه توهان

فى سرداب طويل ضلمه

نفسى فى طاقة نور

اشوف بئه الشمسه

يقول اتحجزت للحكم

افرح انا شويه

ويجى بعده الحكم ازعل بئه شويه

ما بعده استئناف للحكم

وطريق طويل تانى

لاموت انا هناك

لأحيا حياه تانى
البوست ده قديم بس حبيت انزله لانه اكتر شئ معبر عنى دلوقتى ولان نفس الاحساس اليى كتبته بيه جالى تانى وانا لو كنت نزلته امبارح كنت هنزله بلون اسود لانى كنت فعلا حزينه بشكل وبرغم انى فضلت احمد ربنا بشكل هستيرى من جوه وابص فى وش ابنى الا ان برضه حالة الحزن كانت اقوى منى وبشكل بشع..بس دلوقتى ااقدر اتكلم وانا الحمدلله كويسه شويه لا باس بها
..اولا : انا كان عندى قضيه امبارح وكل المحامين اليى فى القاعه اقسمولى انها اكيد هتتحجز للحكم ماشى هايل ربنا يسهل وانا طبعا من جوايه بقول يا رب هو العمر مبقاش فيه كتير واخلص من اسمه المربوط فى رقبتى مش يبقا محسوب عليا عافيه بس ..وعليها خير هايل المحامى يا مدام خلاص انا خلاصين بس ربنا يسهل.......
تانى يوم ....المحامى بيتصل بيا فى الشغل يا مدام يله وراكى جلسة طاعه دلوقت ولو مرحتيش هيتحكم عليكى فيها انا مقولتليش من امبارح ليه ما انا كنت فى المحكمه طيب طيب زى كل شئ طيب....انا اتصلت باخويا وده لانى ممعيش عربيه ومش هيلحق بالمواصلات ومش هينفع اخلى حد يوصلنى اتصلت باخويا وخدنى وطبعا من السرعه كنا هنعمل حادثه وزى الافلام العربى وصلت المحكمه وسبته بيركن عربيته وجرى على جوه ولسه بدخل برجلى الاتنين لقيت صوت الحاجب الجهورى بينادى اسمى والمحامى بيشاورلى وبس ادخل الاقى عندى 7 قضايا طاعه والمحامى بيحاول يا عينى يلمهم على بعض
7 قضايا والمفروض ان اصلا قضيت طلاقى بقالها 3 سنيين وفيها مستندات تودى فى داهيه وتطلقنى من المحكمه بالتلاته مش من طليقى بس ...3 سنيين ونقول حوالى تسع قضايا اسره
اما ثانيا ....ماما داخله المستشفى النهارده هتعمل عمليه وانا هفضل معاها وان شاء الله ربنا يشفيها على خير انا امبارح كان المود كامل وفول اوبشن فكان موضوع العمليه مكمل البرواز النكدى الحزينى ده ولانى بعد وفاة بابا حسيت ان جزء كبير منى ومن ابنى اتيتم فخايفه افقد امى اه الموت حق بس الفراق صعب قوى وبيقطعلى قلبى وفعلا بيحسسنى انى هفقد عقلى من الحزن........
انا بس فيه مشكله بتواجهنى فى المستشفى رافضين وجود ابنى معايا مع انها مستشفى خاص يعنى يخف التحكمات شويه بس انا على عمرى مقدرش اسيب ابنى ليله واحده وبالذات فى الشتا يا حبيبى ده لازم اتطمن انه متدفى فى قلبى ااقوم ابعد عنه استحاله بس شكلها هتصفصف على حجز اوضه لينا انا وهو شكل ماما هتعمل عمليه فى فندق مش مستشفى
......انا عكيت ورغيت وثرثرة بس لو مش مدونتى استحملتنى اروح فين يعنى اروح العباسيه افضفض هناك.
بس الحمد لله على كل حال وربنا يشفى ماما ويباركلى فى ابنى واهه ماشيه الدنيا ويا عالم
.........بعتذر قوى انى مش قادره اتابع جديدكو ا بس بعد ما هرجع هتابع كل المواضيع والبوستات ان شاء الله وبعدين انا عارفه مدوناتكم بيوتى مفتوحه ليا فى اى وقت.
....واسفه كمان مره انى مش تابعت بوستاتكم بس لو مش استحملتونى مين يستحملنى طليقى مثلا...

.........

هناك 164 تعليقًا:

كلام على بلاطة يقول...

انت كده ميه ميه
تحياتى

mahasen saber يقول...

كلام على بلاطه.....

هايلقوى بس مش فاهمه قصد حضرتك ميه ميه على ايه بس تعليق يشرح القلب
......
انا مجهزه حاجتى وحاجة ابنى وهنمشى اهه كمان ربع ساعه اعتقد دعواتك

عاشقة القمر يقول...

معلش يامحاسن انا مش عايزه ادخل بس ياربت لو صبرتي عشان ابنك
ىن دايما بيقع في اضار بناكم
بس لو مش تفدري ربنا يسلعدك ويخليك ابنك
ربنا يشفي امك يجعليك في خطواه خير ويسعدك

Beram ElMasry يقول...

الاخت . mahasen saber
تحية وسلام
اذن انت معى ، ولا بد ان نتغير من الداخل ، ونعمل بالمثل القائل ( يا واكل قوتى يا نا وى على موتى ) ونعمل بة مش نحكيه
ونرفض بيع اراضى سينا للغير ، او بيع اراضى توشكا المشروع الفاشل ، لانه فى بيعها الخراب العاجل ، لان المشرع الغبى عندنا سيلزم الحكومة بتوفير المياة الازمة لهذه الحفرة الجفرة ، يعنى مية البحيرة واحنى نبقى نتيمم
تحياتى لك وشكرا على التعليق
هل من حقى ان اختلف مع من اعلق عليه واظهر الخطا ان وجد ام المطلوب الاطراء والمديح فقط ارجو افادتى حتى لا اخسر الاصدقاء وكل من احب

~*§¦§ Appy §¦§*~ يقول...

يا حبيبتى بس بقى علشان بجد نكدتينى من الحقير ده بس امممممممممم عندى افكار جوهنميه ليكى بس بس هفكر وهقولك الاول
عموما ربنا يشفى ماما يا رب ويطمنك عليها معلش اعذرى المستشفى ده نظام علشان المرضى والقلق غصب عنهم معلش فيه حالات كتير مش بتتحمل الدوشه
ربنا معاكى ويطمنا عليكى وعلى ماما

قلب مصرى يقول...

إن شاء الله القضايا تخلص قريب (ولو دى حاجة حلم فى مصر) بس ربنا يسهل
ويارب يارب يارب ماما تخف وتبقى بخير قريب قوى
وربنا يطمنك على ابنك دايما ويكون احسن واحد فى الدنيا

مـجـنـووون يقول...

الف سلامه يا غاليه وربنا يشفي ماما ويخليلك أبنك وما يحرمكم من بعض


بالنسبة لموضوع القضية الي انتي فيها

موضوع قضايا الأسرة ديما بتأخد وقت طويل لأنهم بيحولوا مرة واتنين وتلاتة أنهم يصلحوا بينكم

ولو معرفوش يصلحوا بينكم بينتق الموضوع بعد كده للمحاكم وأنتي عرفه طبعا أن يوم المحكمة بسنة وااقل تأجيل ممكن يوصل لثلاث شهور



وعلي فكرة حكايات الطلاق بيبقي فيها لعب كتير قوي ومداخل ميعرفهاش غير المحامي الشاطر إلي يعرف يجيب من الأخر .

لو تقوليلي أيه المشكله الي مقبلاكي ممكن افيدك بما اني نصاب قصدي محامي هههههههههه


تقبلي مروري سيدتي
مجنووون

سكر يقول...

السلام عليكم

ازيك ياام عبد الرحمن

معلشى كل شىء بالصبر بينتهى

والايام الصعبه دى ان شاء الله

لما تحققى اللى بتتمنيه

هتكون دافع ليكى فى ايام اصعب

والف مليون سلامه لمامتك

تمنياتنا جميعا ليها بالشفاء

اخيكى

سكر

ABOALI يقول...

يا صاحب الهم ان الهم منفرجوا
تنام عيون المخلوق
وعين الخالق لا ينام

فرج الله همك
وابدلك فرحا
وبشر الصابرين

تحياتى

صبرني يارب يقول...

ربنا يشفي ماما يا جميل ويطمنك عليها

والانسان المريض الى واقف قصادك ده ربنا مش هايسيبه

انا ما اعرفش قصتك كلها

لكن احيانا الواحد يحب شتري راحة باله وينفد بجلده

ومش هايتهنى باي حاجه ظلمك فيها صدقينى
هاتلاقي عند ربك العوض

prince4ever يقول...

يااااااه ...انا بجد ادايقت عليكي جدا والله العظيم...ده انتي بتعاني بجد يا استاذتي و من قلبي بدعيلك وبقول ربنا ياخد بيدك و يهونها عليكي يا رب... ده انتي بجد في دوامه...هتلاقيها منين ولا منين بس...ربنا يكون في عونك ويطمنك على والدتك يا رب و يوفقك في قضيتك يا رب... و متقلقيش على عبد الرحمن...عبده راجل و يقدر يتحمل المسؤوليه...ربنا يشرح قلبك بيه يا رب يا استاذتي و يوفقك ويريح بالك...
متعتذريش على حاجه مدوناتنا مفتوحه ليكي في اي وقت و فضفضي زي ما انتي عايزه..ده احنا كلنا اهلك
يالا و ربنا معاكي
سلام

a7wal el Hawa يقول...

كنت اتساءل لماذا تكتوبين عنوان مستفذ مثل عايزه اتطلق؟
اليوم فقط عرف ان الموضوع حقيقي
لست ادري لماذا يعشق بعض الرجال مخالفة شرع الله في سورة الطلاق قال تعالي فَأَمْسِكُوهُنَّ بِمَعْرُوفٍ أَوْ فَارِقُوهُنَّ بِمَعْرُوفٍ
ثم وعد الله من عتي عن امر ربه بالعذاب النكير
سيدتي اصبري و احتسبي الي الله ففرج الله قريب وان مع العسر يسرا
شفي الله و الدتك و متعها بالصحة و العافية و هدي الله زوجك الي ما فيه خيرك و فرج همك و اذكري الله كثير الا بذكر الله تطمئن القلوب
عفوا لا املك غير الدعاء تقبل الله مني ابتهالي و دعائي

تحياتي

dreem يقول...

ربنا يشفى امك يا محاسن ابقى طمنينى
وربنا يتمم شفائها على خير
هاتيلى ابنك يقعد معايا كام يوم لغاية ما تتطمنى على ماما يا محاسن ودا كلام بجد مش عزومة وما تخافيش انا ام قديمة اوى زى ما انتى عارفة
هدعيلك
تحياتى

princess يقول...

يا حبيبتى ربنا يشفيلك والدتك ان شاء الله وتقوم بالسلامة وتنور حياتك وميحرمكيش منها ابد ابدا
اما بخصوص زوجك ربنا يهديه يارب وينور قلبه عشانيعرف اللى بيعمله ده ميرضيش حد
الف سلامة على مامتك يا جميل
تحياتى

momken يقول...

ربنا يفك كربك انشاء الله
ويمن عليكى بشفاء امك انشاء الله

بس كويس جداً الحمد لله انتى متماسكه جدا ربنا معاكى

تحياتى

هانى زينهم يقول...

" وَنَبْلُوكُم بِالشَّرِّ وَالْخَيْرِ فِتْنَةً وَإِلَيْنَا تُرْجَعُونَ }
ده كلام ربنا عشان نفتكر فى وقت الضيق ان ده اختبار من ربنا لايمانا وصبرنا ويا بخت اللى يصبر ويحتسب .
يعنى تتحفينا باغنية البوست اللى فات تقلب الاوساط التدوينية ويبقى كل ده جواكى لوحدك ؟!
انتى بجد انسانة اوى يا محاسن وصدقينى اللى زيك ربنا ما بيضيعش صبرهم والا النا تتفتن لان فى غيرك كتير ممكن يتخلوا عن ضناهم ويعيشزا لنفسهم فلو ربنا ما نصركيش الناس العادية دى هتتفتن بجد .
عموما ربنا يشفيلك ماما ويطمنك على عبده وينصرك فى قضيتك ويحققلك كل امنياتك وترجعيلنا قريب وتتحفينا تانى بحاجاتك الحلوة .

شمس النهار يقول...

يامحاسن يابنتي انا بخبرتي في الحياه بقولك اخلعيه صدقيني المحاميين والقضاه مابيهمهمش الكلام ده
والاانهيارك ومرمطتك في المحاكم
دول ليهم دهاليزهم
ليه واحده صديقه فضلت في المحاكم 4سنين
ولما تعبت راحت عامله قضيت خلع
اول ماجاله الاعلان
طلبها شتمه وبعت لها ورقتها عشان كرامته ماتسمحلوش يقف امام القاضي واصحابه والناس انه بيتخلع
لكن يمرمط ام عياله اه
وقال لها اسمي انا برضه اللي طلقتك وعشان الغضب والعنجهيه اتعمي عن الحق طلقها غيابي وكانت التالته فكان من حقه تاخد كل حاجه شفتي ربنا
قلبي عندك وبدعياك وبدعي لماما ربنا يقومها بالسلامه وترجع بيتها سليمه معافاه

SemSem يقول...

اول زيارة لى فى المدونة اللى عجبتنى جدااا لسرد صاحبها مشاكله وهمومه وفضفضته
اصل الواحد لو مطلعش اللى جواه ممكن يموت فعلا

الاول ربنا يشفى الوالده باذن الله وترجع لبيتها بالف سلامة
ثانيا ربنا يجعلك الخير باذن الله فى قضية الطلاق

تحياتى
واتمنى زيارتكم لحواديت

Abu ShoSho يقول...

اللهم صل و سلم و بارك على من صبر على البلاء و استرجع عند نزول القضاء. فياربنا كما هديتنا إلى معرفتك ندعوك يا رحمن أن تفيض برحمتك علي أمتك المحسنة الصابرة و أن تفرج كربها و و تيسر لها أمرها و ترد لمن أحبت عافيتها.

* وَلَنَبْلُوَنَّكُم بِشَيْءِ مِنْ الْخَوْف وَالْجُوع وَنَقْص مِنْ الأَْمْوَال وَالأَْنْفُس وَالثَّمَرَات وَبَشِّرْ الصَّابِرِينَ * الَّذِينَ إذَا أَصَابَتْهُمْ مُصِيبَة قَالُوا إنَّا لِلَّهِ وَإِنَّا إلَيْهِ رَاجِعُونَ * أُولَئِكَ عَلَيْهِمْ صَلَوَات مِنْ رَبّهمْ وَرَحْمَة وَأُولَئِكَ هُمْ الْمُهْتَدُونَ *

بالمناسبة أجابل حضرتك وين؟

elsha3er يقول...

يارب يفك كربك ويزيح همك يارب ويشفى الحاجة الوالدة



احمد الشاعر

آخر العنقود يقول...

ربنا يصبرك ياسونة يارب
وباذن الله ربنا مش هيضيعلك حقك
ويبارك لك فى ابنك ويعوضك بيه خير يارب
والف الف سلامة على والدتك
وان شاء الله تقوم بالسلامة
شفاها الله وعفاها
ويارب نطمن عليكوا قريب

مهندس مصري يقول...

ربنا معاكي
و يسهل لك ما فيه الخير و يشفي مامتك يارب
بس هو مش الخلع اسهل من الطلاق ؟

يوميات نائمة في الأرياف يقول...

حبيبتي العزيزة محاسن:
حقيقي مش عارفة اقولك اية؟
انا فعلا زعلانة عشانك اوي اوي
حقيقي الراجل اللي يبقى عارف ان مراته مش طايقة تشوف وشه وبيذلها عشان يطلقها يبقى مش راجل أصلا ويستاهل الشنق
بجد قلبي معاكي ومتبقيش تتأخري علينا كتير انا فعلا بحبك اوي وبدعيلك ربنا يطلعك من الازمة دي على خير
ودعواتي لمامتك بالشفاء العاجل يارب
وانتي بس متبطليش تدعي ربنا واتأكدي ان كرمه اوسع من كل شئ
أختك رنا

موناليزا يقول...

ياحبيبتى ربنا يشفى مامتك ويقومها بالف سلامة يارب
حاسة بكل معاناتك بس نصيحة وعن تجربةخليكى مع ربنا الزمى الدعاء طول الوقت وتأكدى انه مش هيخذلك حتى لو الموضوع اتاخر شوية بس ان شاء الله كل الامور هتتظبط
حبيبتى قلبى معاكى وياريتنى كنت اقدر اعمللك اى حاجة
بصى انا بهديكى الموضوع ده اقريه عشان خاطرى
http://monaliza110.blogspot.com/2008/04/blog-post_11.html

Son of Egypt يقول...

السلام عليكم محاسن

طبعا احنا نستحملك طبعا ومش هنقدر نخزلك ونقفل بيوتنا فى وجهك اقصد مدوناتنا
وعايز اقولك اثبات لكلامى شوفى انتى منزله البوست ده من قد ايه والناس اللى متابعه برضه قد ايه يثبتلك ان الناس متعاطفه معاكى جدا وقبل كده قولته فى نفس البوست القديم ده ان ربنا هو اللى معاكى وهو اللى هيحلها من عنده وما داقت الا ما فرجت بعدها بقليل ولكن قولى يارب

وان شاءالله ماما تقوم بالسلامه
وسلام ليها وقولى ليها ان ابن من ابناء مصر بيسلم عليكى يا ست الكل

تحياتى لكى ولإبنك وللحاجه وربنا يفك كربكم جميعا على خير مايرام

mohamed ghalia يقول...

محاسن
أختى العزيزة
أولا بالنسبة للقضية
اسأل الله العظيم رب العرش العظيم أن يفرج همك
وتنتهى هذه القضية كما تريدين بالطلاق
ثانيا بالنسبة لوالدتك ربنا يشفيهالك ويجمعكم دايما فى خير وبسعادة
وربنا يعينك وتربى عبدالرحمن تربيه صالحة.
أما بقى بخصوص تقصيرك فى التعليقات فأكيد عمرنا مهنزعل منك أبداااااا
وأكيد بنلتمسلك العزر
تحياتى
دمتى بود وفى سعادة

بنوتة مصرية يقول...

ربنا يكون فى عونك وربنا قادر فى ثانية يحل دة كلة
ادعى بس
ويارب يشفيلك طنط يارب
ولو على بودى انا ممكن اخليية معايا بجد
سلامتها 1000 سلامة

بنوتة مصرية يقول...

اه صحيح غيرى العنوان دة مش هتفضلى كدة ان شاءالله لان حرام طبعا نفضل طول عمرنا عايشين فى هم ونكد
ربنا يعوض علينا
ويفك عننا

اسامه عبدالعال يقول...

انا اسف يامحاسن
اسف لانى راجل
واسف لانى مصري
واسف عليكى

حبيبه يقول...

الف سلامة علي مامتك وان شاء الله كل المشاكل دي هتخلص وخلي عندك ثقة في ربنا والفرج باذن الله قريب

mostafa rayan يقول...

يعني ايه يقولك ( انفدي بجلدك ) هو ماسك عليكي زلة لاء دي كدة قلة ادب
ربنا يفك كربك دة وبجد ان واحدة تكون 26 سنة وتتبهدل البهدلة دي يبقي كتير قوي ربنا يشفي مامتك ويقومها بالسلامة
وطبعا احنا مدونتنا بيتك تيجي في اي وقت
وبجد ياريت لو في طريقة نقدر نساعدك بيها اكتر من مجرد المدونة
ربنا يعينك بجد يا محاسن والف رحمة على والدك وكل اموات المسلمين
__________

بخصوص موضوع الأغاني انا بعتلك ايميل يارب يكون وصلك
وشكرا ليكي لأنك مش متأخرتيش عن مساعدتي
ربنا يكرمك يا محاسن

Manamino يقول...
أزال المؤلف هذا التعليق.
Manamino يقول...

محاسن
هاقولك حاجة صغيرة
فيه حاجة حلوة جدي كان دايما بيقولها
اشتدي ياضيقة علشان تفرجي
اي ضيقة او مصيبة ليها قدر معين ربنا محدده وكل لما بتقرب من حدها الاقصي بيكون حلها قرب
كل لما الدنيا تضيق في وشك قوووووي افرحي وافتكري ان كدة الحل ببقرب اكتر
ربنا معاكي
وتحياتي

nona يقول...

بجد حاجة تحزن و تحرق الدم
لما يكون فى رجالة بالشكل دة يبقا فعلا الرجالة ماتت فى 73 و لا عزاء للسيدات
ربنا يعينك يا بنتى و انا عارفة ان مشوار المحكمة طويل و اليوم بسنة فيها
بس عايزكى بعد ما تقعدى و تروقى كدة احسبيها مع نفسك و لو لقيتى ان الخلع ممكن تخسرى فية شوية بس هتكسبى ان سنين عمرك تضيع بين المحاكم احسبيها و توكلى على الله
وربنا يتمم شفاء والدتك على خير و يرجعها بيتها بالسلامة يا رب
ادعى كتير يا محاسن لان الدعاء بيرفع البلاء و ربنا يستجيب منك
والمدونات كلها مفتوحة ليكى فى اى وقت بس ابقى طمنينا عليكى و على مامتك باستمرار

الباحث عن الحقيقة يقول...

أطمني يا محاسن
:)

FreeKiller يقول...

معلش يا محاسن
إن الله إذا أحب عبدا ابتلاه
و بعدين الضربة اللي متكسرش الضهر بتقويه
ربنا معاكي يا رب و إن شاء الله كله هيروح لحاله ف أقرب وقت
ربنا يشفيلك مامتك و يخليلك بودي
كلنا بندعيلك ترجعيلنا ف أحسن حال

FreeKiller يقول...

معلش يا محاسن
إن الله إذا أحب عبدا ابتلاه
و بعدين الضربة اللي متكسرش الضهر بتقويه
ربنا معاكي يا رب و إن شاء الله كله هيروح لحاله ف أقرب وقت
ربنا يشفيلك مامتك و يخليلك بودي
كلنا بندعيلك ترجعيلنا ف أحسن حال

كلام حسام يقول...

انا بصراحة مش عارف والله ازاي علاقة بين اتنين تتحول للقضايا وحرب في محاكم
ده احنا بشر
وبينك وبينه شئ مشترك ربنا يحفظه لكم ان شاء لله
هي النهايات الجميلة
النهايات الشريفة
بنشوفها في الافلام الامريكية بس ولا ايه

كـــيــــــــارا يقول...

عارفه اني فتحت البوست كذا مره ومش قادره اقول حاجه لانك حتي وانتي بتقوليلي علي الميل بجد مش متخيله ايه ده ازاي يبقي في كده

ربنا يطمنا عليكي وعلي مامتك وان شاء الله خير

Nabil يقول...

الحقيقه الكلام صعب قوى ومشكلتك رغم انها ازليه فى مصر بس ولسه مش عارفين نحلها
علشان الناس بقت غريبة الاطوار...بلا اخلاق ولا قيم((انا طبعا مقصدش حد معين بس الموضوع بيعكس حاجات كتير جدافى المجنمع))

يقول تعالى: (وَلا تُمْسِكُوهُنَّ ضِرَاراً لِتَعْتَدُوا وَمَنْ يَفْعَلْ ذَلِكَ فَقَدْ ظَلَمَ نَفْسَهُ...)...بس

ياريت الناس تبقى شويه علي العشره والايام مش بس الازواج كمان الاصدقاء والاخوان...اول مشكله بيتحولوا الد الاعداء حتى بستخسروا الفراق الهادىء.

تحياتى ويارب ايام احسن

عايش... ولكن !!!! يقول...

افتكرى تعليقى زمااان اول ما دخلت مدونتك كده لما قريتها من اولها
كنت قولت عليكى انك مريتى بازمات كتير وقدرتى تخرجى منها ومش بس كده واتعلمتى منها كمان
دايما بتمر علينا لحظات بنحس فيها ان الدنيا ضيقت الخناق علينا اوى بس صدقينى بتفضل فتره وبعد كده بتتفتح من وسع
ودايما ربنا لما بيبتلينا بشىء ونصبر عليه بنلاقى كل خير جاى وراه

محاسن شدى حيلك ودعواتنا كلنا معاكى وربنا يوفقك للى فيه الخير ليكى ولبيرو حبيبى
ومحدش عارف الخير جايله منين

habiba يقول...

يااااااااه مش عارفه اقولك ايه؟
ده انا كنت بكلمك النهارده صدفه ومش قريت اى حاجه من اكلام ده
انا مش عارفه اقولك ايه غير ربنا يقويكى عل اللى انتى فيه
وانا وراكى ومش هسيبك لحد مااطمن عليكى
ربنا يفك كربك يارب

طوبة ذهب وطوبة فضة يقول...

بجد قلوبنا معاكى وخليكى واثقه ان الظلام لما بيشد او بيبقى من بعده فجر جميل ولما تتكحل اوى اعرفى ان النور قرب وهان كل اللى انتى فيه ابتلاءات واحمدى ربنا على اجمل امل ادهولك ابنك نور عينك فرغم كل الصعاب دى ربنا بيبعت لك بارقه امله فتشبثى بها وكلنا هندعيلك وانتى فعلا عرفتينى قيمه ان ربنا يبعت للزوجه زوج طيب وان الواحده لازم تفكر كويس جدا قبل ما ترتبط بانسان او تفكر تحمل اسمه تحياتى ليكى وربنا يرجعك لينا بالف سلامه ويعينك ويجعله فى ميزان حسناتك على كل ما بلاكى

العراف يقول...

معبره قوى مدونتك على احساسك انا اول مره ازور المدونه بتاعتك بس بجد حلوه واتمنى التواصل مش هتكون زيارتى الاخيره يشرفنى زيارتك

أنا إنسان يقول...

ماتصدقش
1\11
مؤتمر القلة المندسة
على الانترنت
مؤتمر موازي لمؤتمر أكاذيب الحزب الوطني
مؤتمر القله المندسه
ردا على اكاذيب الوطنى
ماتصدقش
كل سنه بيقولوا نفس الكلام
كل سنه بيكذبوا نفس الكذب
بقالهم سنين بيكرروا نفس الكلام عن الفكر الجديد و العبور للمستقبل و الرخاء اللى احنا عايشين فيه
و الرفاهيه اللى مش حاسسين بيها
المره دى جايين يعرضوا معجزاتهم اللى حققوها
من تشغيل كل العاطلين و حل جميع المشاكل و رفاهيه و نعيم
و مشروعات و ديمقراطيه غير مسبوقه فى تاريخ العالم
و تعليم ايه و صحة ايه و محاربة فقر و كمان فساد
احنا بقى اللى هانرد عليهم و نفضحهم فى العالم كله بأراء و أرقام و احصائيات
و نعرف كل الناس اللى مش عارفين انهم كذابين ..
وان كنا نشك ان فيه لسه ناس مش عارفين كذبهم
هانفضح كذبهم
و نفضح فشلهم
فى الصحه و التعليم و التنميه و محاربة الفقر و محاربة الفساد
و نعرف كل الناس إن الاصلاح الحقيقى ضد مصالحهم..
و إن الفكر الجديد ما هو إلا خدعه و كذبه جديده يضاف لكذبهم
من 28 سنه
احنا اللى بيقولوا علينا القله المندسه..
رغم اننا الشعب ..
الاغلبيه
مؤتمر الحزب الوطنى..
.ماتصدقش
تابع معانا مؤتمر القله المندسه الالكترونى...
أول مؤتمر افتراضى فى مصرفى الايام 1 و 2 و 3 نوفمبرعلى الموقع
www.anti-ndp.com
برعاية شباب 6 ابريل
تسجيلات حيه
لقاءات جريئه مع كبار المفكرين و العلماء
بيانات للرد على الحزب الوطنى من جميع القوى و الحركات السياسيه الوطنيه
استمع لرأى الناس فى الشارع يردون على اكاذيب انجازات الحزب الوطنى
موقع المؤتمر
www.anti-ndp.com
أو مدونة المؤتمر
http://anti-ndp.blogspot.com/
........................................................................
ملحوظة هامة
ليس هذا إعلان
ولكنه دعوة للحضور والمشاركة
شاركنا في
مؤتمر القلة المندسة
شباب 6 أبريل

نبض الروح يقول...

بوست رائع ,,, متابعة لكِ دوما
أمنياتي لك بالتوفيق والسعادة

الحب كما ينبغى أن يكون يقول...

ربنا يوفقك لما فيه الخير ولكن أقول لك نصيحة لوجه الله
أنا طبعا لا أعرف شيئاً عن ظروفك الزوجية ولكن اذا كان هناك أمل للتعايش يكون أفضل خاصة لو كان هناك أطفال فالافضل لهم ان يعيشوا بين والديهم حتى لو بينهم خلافات أفضل من أن يعيشوا مع زوجة أب أو زوج أم هل تفهمينى

ماما أمولة يقول...

حبيبتي محاسن

ربنا يسلم ماما ويشفيها اللهم امين

اصبري يا محاسن ولك الجنة

والتزمي قول الله تعالى ( لا اله الا انت اني كنت من الظالمين)

وان شاء الله سيفرج همك وكربك بإذن الله

ربنا معاكي

بنوتة مصرية يقول...

انتى فين قلقانى عليكى بجد

__—¤¤AhMeD.3LaM¤¤—__ يقول...

ربنا يكون في عونك انتي تلاقيها منين ولا منين ربنا يقدر وادعي من قلبلك وخليها تجي من عند الي مبيحبش الظلم
وربنا يشفيلك والدتك ولازم تكوني جمبها عشان دي والدتك حتي لو كنتي هتسيبني ابنك معلش بردو والدتك اولي بيكي في الوقت ده ربنا يخليلك ابنك ووالدتك وتقوم بالسلامه

ahmed_k يقول...

أولا أسأل الله أن يتم على الواده بالشفاء العاجل شفاء لا يغادر سقما
وأن يكون طهور بإذن الله
وبالنسبه لقضايا الطلاق هي فعلا بتاخد وقت بس ليه ملجئتيش لمحاكم الأسره
وتقدمتي بطلب خلع
أنا من وجهة نظري التنازل عن المستحقات أفضل من الحياه بإسم
زوجه مع وقف التنفيذ
أنا طبعا عير ملم بأبعاد الموضوع
بس بتمنالك من كل قلبي أن يتمملك ربي
ما فيه إسعادك وإسعاد إبنك

ومنتظرين عودتك للإطمئنان على الوالده
والإطمئنان عليكي

دمتي ياأختي بكل خير

Beram ElMasry يقول...

عـــين الشــــمس عيانـــــة ومعصوبــــه بشـــال الليـــل
وفــــــــاس الحـــــزن منكـــودة ومرفوعـــة تهـد الحيـل
هجمـــت علينـــــــا عصابــــة زى الطوفــــان والســـيل
خلــــــــوا شبابنــــــا منكســــــر راضــــى يكـون الذيـل
باعـــــــــوا علينـــــــــا وهمهــم ووفـوا من دمانا الكيل
ولا خلـــوا فى البلـــد فــــارس ولا حتــى حداهــا خيــل

أليس في بلاد العجائب يقول...

السلام عليكم

ممكن تطمنينا علي مامتك ان شاء الله تكون بقت احسن .. ربنا يشفيها ويشفي مريضي و جميع مرضي المسلمين يارب العالمين

الله يفرج كربك ويزيح همك و يفتح لك وعليكي دنيا واخرة يارب

Abu ShoSho يقول...

الأساتذة الفضلاء أحباب أم عبد الرحمن

إن كان منكم من يستطيع الإتصال بأم عبد الرحمن أو زيارتها في المستشفي و الإطمئنان على والدتها فليفعل و له الشكر الجزيل و ثوابه عند الله مدخر.

Sherif يقول...

عزيزتى محاسن
===========

قلبى معك .. وهى كلمة ضئيلة جدا فى مقابل ماتواجهينه من ظروف ..

أقل القليل اننا كلنا من حولك .. والافضل لو نستطيع شيئا .. فاسألينا ربما كان فى مقدورنا ..

دعواتنا الى الله ان يزيل همك ويشرح صدرك

اللهم آمين

ضد التيار يقول...

ربنا يصبرك يارب و ان شاء الله هاتتحل

و ترتاحى من البنى ادم دا

ربنا يطمنك على والدتك و يشفيها ليكى يارب

اسامه عبدالعال يقول...

ياريت بس تطمنينا عليكى مش اكتر

esraa يقول...

سبيه يظلم كمان عشان حسابه يتقل

مش عارفه ليه كل ظالم ومفتري مش بيفكر ان ربنا اسمه الحق والعدل

معرفش الناس دي ليه دايما بتنسي ان مهما الوقت طال ربنا هيخلص حقوق الناس منهم

ربنا معاكي يارب ويصبرك ويجبر بخاطرك

Khaled يقول...

مش صعبان عليا غير إبنك ....
هوا محور الخلاف إللى بيدور حوالية
وهوا مالهوش زنب غير إنة إبنكم
ربنا يهديلكم الحال و يجيب الخير
و يريح جميع الأطراف

حاجات جوايا يقول...

ربنا معاكى يا قلبى
قادر يفرج همك ويريح بالك ويشفى والدتك يارب
ياريت تطمنينا على اخبارها .. زمانها عملت العملية مش كده ؟؟
ربنا يخليهالك وتقوم بالسلامة يارب

وضاقت فلما استحكمت حلقاتها فرجت .. وكنت اظنها لن تفرج

ربنا معاكى يا محاسن ومع ومامتك
منتظرين تطمنينا

سلام يا حبيبى

prince4ever يقول...

طمنينا عليكي و على صحة والدتك بس... يا رب تكونوا كلكم بخير
ويا رب يكون بالك ارتاح دلوقتي يا استاذتي

Soul.o0o.Whisper يقول...

السلام عليكم و رحمة الله و بركاته

الغالية / محاسن

يمكن أول مرة ازور مدونتك
بس صدقينى مش عارفة اقولك ايه

مش عاوزة أقولك كلمات مواساة لأنك إن شاء الله و بالله مش ضعيفة

فقط أتمنى أن تكونى بخير
و كذلك والدتك
و خلى بالك من عبد الرحمن

و تأكدى إن ربنا ماخلق شئ عبثا
و إنه بإيده تصريف الأمور
و بإيده رفع البلاء دا عنك
لكن هو بس بيشوف صبرك على اختباره
هتصمدى و لا لا


إن شاء الله ربنا يكتب لك الخير



خالص تحياتى

blue-wave يقول...

بجد مش عارف اقولك ايه غير ربنا معاكى ودعواتنا كلها ليكى
ربنا يعينك يارب

FreeKiller يقول...

يا رب تكوني بخير يا محاسن
و يا رب تكون مامتك و بودي كمان بخير

كيلر

ابن الناس الطيبين يقول...

بكرة تفرج ويعيش كل الناس سعداء
مش احلام ده الواقع

Charisma Queen يقول...

بجد مش عارفه اقولك ايه
بس يا رب يا رب
اشوفك في الجنه علي صبرك ده
بس مفيش كلام تاني

radarblog يقول...

بالنسبة لأولاً ...
فيه مثل بيقول " العيار اللي مايصيبش يدوش " ، الجدع دا عاوز كده يدوشك ، أي واحد تاني لو شاف سبع قضايا قدامه كان سلم على طول "نقلاً عن والدي ، لانه محامي"
عاوزك تسدي ودانك ...

بالنسبة لثانياً ....
مافيش عندي غير إن أدعيلك إنتي ووالدتك ، ربنا يخفف عنها ويشفيها
بإذن الله ترجع أحسن من الأول

في آمان الله
رادار

fashkool يقول...

ما علهش يا بنتى .. فيه رجاله وحشين كدا وربنا يفرجها عليكى وكمان ربنا يشفى والدتك وتعمل العمليه وتقوم بالسلامه .. ودا مشوار كل الناس ماشيه فيه مادام ربنا رزقها رزق على قده .. ربنا يفرج كربك ومستنيينك بعد ربنا ما يشفى لك والدتك

afew good men يقول...

ان مع العسر يسرا
ان مع العسر يسرا

تعرفي دا معناه ايه

مع كل عسر ربنا بيفتح لنا طريقين مش طريق

لكل عسر واحد يسر ويسر

ربنا كريم يا محاسن
طمنيني عليكي ربنا معاكي

حسام وريمان فى هاكونا مطاطا يقول...

محاسن حبيبتى

حبيبه قلبى

والله قلبى يعتصر من الالم لاجلك

سلامه ماما الف الف سلامه

ربنا يشفيها يا رب

بتمنى ليها الشفاء من كل قلبى

وبالنسبه لطليقك ده انا اتخنقت منه

يا رب انت ع الظالم والمفترى

مش عارفه هيستفيد تيه من المحاكم ووجع االقلب ده

ما يخلص الموضوع بقه بالحسنى وبالتراضى

مش عارفه ايه الرجاله دى

انتى عارفه انا كنت برضه همشى فى سكه المحاكم دى

بس انا رفضت وقلت لبابا لاء اى سكه غير السكه دى

الحمد لله شوفنا سكه تانيه

خلى بالك من نفسك ومن ماما ومن بيرو

ومش تزعلى عشان خاطرى بالله عليكى

والله كان نمفسى اعرف رقمك عاشن اتصل بيكى اطمن عليكى

ريمان

الجواز و سنينه يقول...

ربنا يشفى مامتك
و يطلعك من الحاله اللى انتى فيها دى
و ينصفك على اعدائك
و يعوض عليكى
طمنينى عليكى فى اقرب فرصه

همس يقول...

ايه دا اول مره ادخلك المدونة الاقى

الكلام دا كلو

الله يكون فى عونك

لو انا منك كنت روحت قتلته واريح دماغى

اما بخصوص مامتك الف سلامه عليها وربنا يخرجهالك بالف سلامه



وربنا يباركلك فى ابنك ويحفظهولك

bea* يقول...

في ناس لذتها في الحياة تعقيد حياة غيرهم..لا أستغرب وجودهم ..انما استغرب تفنن البعض في ظُلْمِهم !!

الله يفكك منو يارب ويهّون عليكِ وعلى ابنك بقدرته..

و ربي يشفي الماما يارب ..

لكِ الله ..فصبراً ..

اسماء جمعه بنت الشمس يقول...

ربنا معاكى بجد حاسه بيكى ربنا يعلم ونفسى اقدر اساعدك
قوليلى اعمل اى حاجه وانا هعملها
صدقينى انا تعبت بسبب البوست ده
ربنا يشفى والدتك
ويخليهالك ويخليلك بيرو
وتفرحى بيه وبتحررك من طليقك ده
ربنا معاكى يا محاسن

كباريه يقول...

اولا ربنا يشفي ماما وتقوم بالسلامه

ثانيا معلش أصبري وشوفي ايه اللي هايجرى له من ربنا

أختكم فى الله يقول...

الف سلامة على والدة حضرتك ربنا يشفيها وتخف وتبقى فى احسن حال

ojg يقول...

ان شاء الله خير
ربنا لن يضيمك
بجد انا كرهت طليقك ده

ربنا يقوم والدتك بالسلامة
ويفك كربك
ويصلح حالي وحالك
قولي آمين

طمنينا عليكي اول ما تقدري

م/ الحسيني لزومي يقول...

مش عارف ايه خللاني افتكر اسأل عن عبد الرحمن يا تري ايه اخباره هو احنا ما نفتكرش نسأل عنه غير في العيد...عموما ربنا يبارك فيه وينبته نباتا حسنا ويمتعكما بالصحة والعافية.

سمكه وحده يقول...

اسفه اسفه علي التأخير بجد
والف سلامه لمامتك يارب يقومها بالسلامه وربنا يكرمك وتخلصي من الازمه دي علي خير ويفك كربك بجد انا مضايقه علشانك اوي
بس اصبري والله خير ان شاء الله عارفه لما بضيق اوي بتفرج علي طول
استغفري كتير وربنا هيكرم ان شاء الله
طمنيني عليكي ياقمر بجد عايزه اطمن عليكي في اقرب فرصه والله نفسي اخد ايميلك ابقي علي اتصال بيكي علي طول
ربنا يعملك اللي فيه الخير يارب
وحشتيني بجد وعايزه اطمن يارب يصلح الاحوال ياقمر
سمكمك قلقانه عليكي

mahasen saber يقول...

عاشقة القمر.....
ازيك يا سوميه الموضوع دايما من جوه اكبر من بره والضاهر غير الباطن فانا مدركه للامر كويس
.....
بعدين وحشتينى اويك وازى اهل السودان

mahasen saber يقول...

berm almesry.....
الخلاف فى الراى لا يفسد للتدوين قضيه
منورنى يا استاذ بيرم

mahasen saber يقول...

appey.....
يا حبيبة قلبى والله تعبت من التفكير ومن الافكار فعلا يا رحاب 3 سنيين محاكم تمسح مخ اى حد باستيكه
...
منورانى يا حبيبتى بس بيرو اخدته يا رحاب الحمدلله

mahasen saber يقول...

قلب مصرى.....
اللهم امين ربنا يستجيب منك شاكره دعائك واهتمامك ...
ربنا يكرمك
وفعلا القضايا تخلصفى مصر شئ بعيد المنال

mahasen saber يقول...

مجنون........
يعنى متفق معايا فى ان اهم القضايا فى مصر واليى هيا الاسره بتعتق فى المحاكم المصريه
يعنى مستقبل اسره وكيان انسان بيبقا مرهون برول محكمه وشخص بعينه
........
منورنى يا مجنون وشاكره اهتمامك
ربنا يكرمك

mahasen saber يقول...

احمد سكر.......
اكيد يا سكر بس تخلص الايام دى بس واشوف غيرها
منورنى يا ابو محمد
وربنا يكرمك فى اولادك وزوجتك
ويسعدك فيهم

mahasen saber يقول...

aboali........

دايما كلماتك بتدخل تطيب القلب وتريح البال
وتهنى الخاطر
الف شكر يا ابو على على روحك وفكرك العالى

mahasen saber يقول...

صبرنى يا رب.....

اللهم امين يا حبيبتى
بس عارفه بئه عندى هاجس وخوف على اى بنت بتتجوز جديد بخاف لرجليها لا قدر الله تدوس على عتبة المذكوره المحكمه
.....
بس كل شئ ليه نهايه واكيد ربنا مقدر الخير

mahasen saber يقول...

prince4ever....
ياه يا رامى منورنى قوى
بس يا رامى هو كده دايما الضحكه وبشاشة الوش بتلاقى وراها بلاوى بس الحمد لله على كل حال
........
انتا المهم كويس وعامل ايه فى دراستك
وجبت الهديه لمامتك
هزعل لو قلت لا
مش رامى اليى ينسى كده

mahasen saber يقول...

a7wal al hawa....

دايما الكل بيظن ظن السوء بسبب الاسم ليه هههههههه يا جماعه والله حتى لو ست مفيش مشاكل مع جوزها مثلا بس حاسه انها خايفه متتقيش ربنا فيه من حقها تقول الكلمه دى احنا ناسين كمان ان ربنا حلل للمراه الخلع
بس للاسف حاليا اغلب الرجال اليى بيظلموا ستاتهم هم من لابسى ثوب الوقار
وكان ربنا فى المسجد فقط
ربنا يهدى الجميع
وشرفتنى واسعدتنى باهتمامك
.......

mahasen saber يقول...

dreem.....

يا حبيبتى ربنا ما يحرمنى منك ولاا من احساسك الطيب ده ويشرفنى ان ابنى يقعد عندك وتربيه لو ساعه لانك اكيد هتخلقى فيه حاجه حلوه
الف الف ومليون شكر من قلبى على احساسك الرقيق يا حبيبةقلبى الف الف شكر يا دريم

mahasen saber يقول...

princess.....

يا حبيبتى ازيك يا جميله وحشتينى هيا ماما الحمد لله على كل حال
اما ابو ابنى فوالله مش عايزاله الا الهدايه وان ربنا يكرمه بكرمه ويعرف الحق

mahasen saber يقول...

momken....
يعنى يا ممكن يبقى مشاكل ومفيش صبر كمان دى تبقى خل خالص
فلازم الواحد يصبر ويصبر ويصبر على قد ما يقدر وربنا يوفق الجميع ويتقبل منا
مشرفنى ومنورنى دايما يا ممكن

mahasen saber يقول...

هانى زينهم.....

اهه كلامك ده يا ابو ملك اليى يرفع معنويات اكثر محبطين الارض
ويدخل على قلبهم السعاده
كل شئ هيبقى كويس طالما ربنا بيعرف الواحد بناس كويسه زيك كده
....
سلملى على ملك

mahasen saber يقول...

شمس النهار.........

يا مدام شمس انا مش عايزه اخلعه عشان الماديات ولا الكلام ده انا صرفت على المحاكم اكتر من اليى هاخده منها
انما اليى غايظنى انى لو عملت كده وخلعته هعمل اليى اهله عايزينه ويبقى نفز كلامه واتجوز وطلق ومحسش بحاجه
فلا انتا اهنتى وبهدلتنى واخدت منى كل شئ يبقى احارب على اغلى شئ وهو كرامتى
.....
كفايانى لوى دراع وكسر خاطر
بس يا مدام شمس دى الحكايه
بس شاكره اهتمامك

mahasen saber يقول...

semsem....
يا اهلا وسهلا بحواديت وصاحب حواديت
حضرتك شرفتنى بالزياره الكريمه
واسعدتنى ان المدونه عجبتك ويشرفنى طبعا زيارة مدونتك
.....
زى ما شرفتنى واسعدتنى زيارتك

mahasen saber يقول...

abu shosho.....

انا نفسى اشوف حضرتك النهارده قبل بعد بكره ...
انا مستغربه كمية الاهتمام والتقدير من حضرتك ليا وحاسه ان كلمات حضرتك دايما كتيره عليا بس لانك انسان فاضل فبتقولى كده لان ده اسلوبك وطبيعتك الاخلاقيه الدمثه
........
اى تجمع مدونيين لو تيسرت الظروف يسعدنى انى اشوف حضرتك فيه وده هيكون شرف ليا انى اشوف اخ كريم وعزيز زي حضرتك
.......

mahasen saber يقول...

alsha3er.....
الله يكرمك يا احمد وشكرا على كرم اخلاقك واهتمامك واسفه لو غبت عنك شويه زى ما انتا بتقول
......
لانى اصلا عمرى ما اغيب ولاا اتاخر عن مدونتك يا شاعر المستقبل والجيل الجديد

mahasen saber يقول...

اخر العنقود.......

يا حبيبة قلبى وحشتينى يا نونا عامله ايه
شاكره اهتمامك ودعاكى يا حبيبتى
واسفه انا حاسه انى مقصره معاكى
ارجو انك تكونى فى افضل حال
.......
وشكرا يا حبيبتى على اهتمامك

mahasen saber يقول...

مهندس مصرى.....

الخلع بئه الفرج لكل زوج مفترى يقول لمراته ببساطه مش عاجبك اخلعينى ..وده زى اليى بيتعمل معايا بالضبط وانا ياما اتنازلت وضعفت فمش عايزه اضعف عن حق ابن واتنازل قبل ما اضعف عن حقى
عارف يا محمد يعنى ايه تدافع عن حق ابنك ...
لما يبقا عندك ابن هتعرف
.......
بس نورتى يا باشمهندس وشكرا على ذوقك

مهندس مصري يقول...

طيب انا موجود على الماسنجر دلوقتي

و بالنسبة للخلع انتي بتردي له المهر و تحصلي على الطلاق
لكن ده لا يعني مطلقاً التنازل عن حقك في حضانة الطفل او نفقته لإنهم شيئين مختلفين تماماً
انتي ساعتها بتتنازلي عن حقك انتي بس
لكن لا يمكن تتنازلي عن حق ابنك
ده ملوش دعوة بالخلع اصلاً و ده اللي انا اعرفه

اسامه عبدالعال يقول...

بطلوا خناق حروح اجيب عصايا :)

mahasen saber يقول...

يوميات نائمه فى الارياف.....

رنا الحمدلله على كل حال بس للاسف كتير بيقسى على الست وبيحس ان قسوته شئ طبيعى وحق مكتسب
.....
منورانى يا حبيبتى وشرفينى يا رنا يالزياره واسعدتينى
وعلى فكره انا لسه فاكره التاج وهجاوبه والله
بس صبرا شويه

mahasen saber يقول...

موناليزا....
هديه مقبوله يا حبيبتنى
والحمدلله على كل حال وكل مصاب هو خير فى داخله
نورتينى يا مونا وشكرا على اهتمامك يا حبيبتى

mahasen saber يقول...

son of egypt.....

دايما كريم بكلامك الطيب شاكره ذوقك وكرم اخلاقك وده مش غريب ابدا عنابن مصر
.......
فعلا فعلا كلامكاسعدنى وبسطنى وفرحنى من جوايه قوى
.......

mahasen saber يقول...

mohamed ghalia......

عارفه يا محمد يا باحث عن السعاده انك عمرك ما هتزعل منى وده من اخلاقك العاليه وسريرتك الطيبه
.......
منورنى يا محمد بكلامك اليى يبعث على السعاده

mahasen saber يقول...

بنوته مصريه.......

يا جميله انا عارفه انك عايزه بيرو معاكى النهارده قبل بكره
بس انا ابنى ميبتش مع بنات حلوين ابدا
شكرا يا حبيبتى

mahasen saber يقول...

بنوته مصريه.....

العنوان ده بيمثلى 3 سنيين وعمر من العذاب وبعد ما كنت بكرهه من قسوته حبيته جدا وارتبطت بيه واعتقد انى لو اخدت ورقة الطلاق هسيب نفس الاسم لانه بيمثل حرقة عمر لاحلى فترات حياتى سن العشرينات اليى ضاعت فى اروقة المحاكم
يعنى عايزه اتطلق و زى عايزه اعيش واتنفس كده بالنسبه ليا
........
سلام يا جميله

mahasen saber يقول...

اسامه عبد العال........

وانا يا اسامه محبكش تكون اسف على شئ ملكش ذنب فيه
وانتا بالذات ليك غلاوه عندى وتقدير وحب فلا تاسف من اى شئ طالما انتا بتتكلم وبتتناقش مع اختك محاسن ..نقول الصغيره يا اسامه..
نقول الصغيره اختك الصغيره ام بيرو...يعنى مكنوش خمستاشرسنه اليى بينا
منورنى يا اسامه

mahasen saber يقول...

حبيبه......

الله يكرمك بكرمه شكرا على كلامك الدافع الجميل ده
.....
جزاكى الله كل خير

mahasen saber يقول...

mostafa rayan.......

الحمد لله على كل شئ يامصطفى ويكفى بس احساسكوا ده صدقنى اقوى من اى شئتانى
.......
اما الاغانى انتا وايميلاتك غلبتونى يا مصطفى انا بعت على الايميلين وبسباس ومن غير سباس بس هبعت تانى وهحاول كمان والمشكله يا درش انه بيقولى ان الرساله اتبعتت نفسى اعرف اتبعتت لمين بس
.......
انتا تامرنى ويا رب بس الحاجات دى تساعدك وتعرف تحقق امنيتك وتبقى كاتب اغانىكبير قوى انا هبعتلك تانى وربنايوفق للخير
...
درش ولو مش كده ممكن تضفنى على الماسينجر واسيبلك الحاجات اوفلاين
.......
يا رب ااقدر اساعدك بحاجه
وربنا يوفقك يا مصطفى لانك تستاهل كل خير فعلا

mahasen saber يقول...

manamino.......

ياه يا منمونه جدك فعلا حكيم تصدقى كلام اسيادنا الكبار دايما بيطيب فعلا القلب والروح يعنى انا تيته بالنسبه ليا ولاا الدكتور النفسانى ولما بتدعيلى دعوه انا وابنى بحس بمنتهى الرضا والسعاده اعتقادا ان الدعاء ان شاء الله هيقبل
ربنا يباركلك فى عمر جدك ويبارك فيكى
والف شكر يا حبيبتى على كلامك الطيب وعلى اهتمامك ده شئ يرفع معنوياتى جدا
.....
مليون شكر يا منامينو كمان مره

mahasen saber يقول...

nona.....

صوابعنا مش زى بعضها يا نونا وزى ما فى رجاله وحشه فيه رجاله كويسه ونفس الكلام على الستات
....
بس انا فاهمه كلامك وعارفه مغزاه ايه يا جميله
بجد يا نونا بفرح لما بشوفك فى المدونه وانا قلتلك الكلام ده قبل كده وبقولهولك تانى
.......
منورانى دايما يا حبيبتى

mahasen saber يقول...
أزال المؤلف هذا التعليق.
mahasen saber يقول...

الباحث عن الحقيقه....

مطمنه يا باحث
ربنا يطمن قلبك ...ويبعد عن رجلك الكسر
وشكرا على اهتمامك يا احمد وسؤالك عليا
فعلا خال الواد بيرو

mahasen saber يقول...

freekiller......

لا لا انا مش مصدقئه نهال هنا نهال رجعت للبلوجر تانى
نورتى نورتى نورتى
انا كده سعيده وفرحانه قوى قوى
وحشتينى يا جميله
والحمد لله على كل شئ والحمد لله انك كويسه
انا مبسوطه بوجودك قوى يا نهال

mahasen saber يقول...

كلام حسام.....

النهايات الجميله والشريفهبنشوفها فىالاخره يا حسام اما الدنيا والبشر اليى فيها فالوضع مختلف كليا وجزئيا ونفسيا ومعنويا
........
ومش عشان اعمل نهايه جميله اضعف واسيب حق ابنى وحقى ..انا كده ابقى مخرجه فاشله

mahasen saber يقول...

كيارا.......

والله يا كياراتى احنا اليى رغينا فيه على الميل ده بلاوى وحاجات تقطع قلب الخسايه طرنشات سواء من اليى انا قلته او من اليى انتى حكتيه
.....
امتى يا قطه الجنس الاخر يعاملنا صح بئه
بس سيبك كله له كله خير
والحمد لله يا كيارتى

mahasen saber يقول...

nabil......

اهه الناس بتيجى عند الآيه الكريمه دى وتعمل نفسها بتنسى ولما تناقشهم يطنشوا ويسحبوا روحهم لعالم تانى ويجمدوا مشاعرهم فى تلاجه ويرموا بالقيم فى بير النسيان
.......
اعطنى بشر يفهموا القرآن صح اعطيك مجتمع مثالى

mahasen saber يقول...

عايش ...ولكن....

ايوه يا علاء انا فاكره كلامك كويس وكويس قوىلانه ساعتها اثر فيا جدا
وانا عايشه بئه على جملة محدش عارف الخير فين
هيا المسكن اليومى على كل شئ
بس الحمد لله اكيد اكيد فيه خير ورا روالات المحاكم
.......
ليك وحشه جامده يا علاءعامل ايه فى المذاكره والمحاضرات خلى بالك من مستقبلك والا انتا عارف هسحب ورقك وعلى معهد امناء الشرطه عدل
.........
منورنى يا علاء قوى وربنا يكرمك ويبارك فى مستقبلك
والسلام وصل لبيرو ما انتوا اصحاب بئه
وانا العدو الشرير

mahasen saber يقول...

habiba.....

مهو عشان تعرفى ان القلوب بحس ببعضها انتى كلمتينى على التليفون ومكنتيش تعرفى حاجه بس حسيتى انى مش فى المود التمام
.....
لا بجد يا حبيبه خلاص هجوزك الولد وخلى آدم يطير بالاجنحه بتاعته بعيدبئه
...
شكرا على سؤالك يا حبيبتى

mahasen saber يقول...

طوبه فضه ووبه ذهب....

متتخيليش كلامك ده فرحنى واسعدنى ازاى
انك تقولى ان مدونتى عرفتك واهدتك لشئ هام كده فى اختيارك لشريكك فى حياتك الزوجيه فده شئ احطه تاج فوق دماغى وكلامادعى ربنا انه يجعله فى ميزان حسناتى وحسنات والدى
........
الله يكرمك الله يكرمك
والف الف شكر لكلامك الدافع لمعنوياتى ده
فعلا رسمتى الفرحه على قلبى

mahasen saber يقول...

العراف......

اهلا اهلا بيك وبزيارتك الكريمه
نورت مدونتى وشرفتنى
والحمد لله ان المدونه عجبتك
وزيارتك شرف ليا وزيارتى لمدونتى شئ يسعدنى وينورلى عقلى
........
بس ممكن سؤال ليه حاطط صورة توم كروز
بالذات
بس برضه نورتنى واسعدتنى بالزياره

mahasen saber يقول...

انا انسان.....

اعتبر ده اعلان مدفوع الاجر طب فينالاجر
اهلا بيك على كل حال
مع انى بطلت اهتم بالسياسه عشان اعصابى
معلش بئه فى رقبتى روحى وعايزه اربيه
بس اهلا بيك يا انسان

mahasen saber يقول...

نبض الروح.....

شكرا على متابعتك يا نبض ده شئ يسعدنى ويشرفنى اهتمامك ببوستات وجديد المدونه
منورانى يا حبيبتى
واسعدتنى زيارتك

mahasen saber يقول...

الحب كما ينبغى ان يكون.....

مع احترامى لحضرتك ولوجهة نظر حضرتك فده كلام خاطئ لان الحالات اليى كده بتخلق ابناء فى الغالب فاشلين وزوج ضال وزوجه بتفقد عقلهاوبتعيش فى طور الجنون
........
يعنى ايه ابن يكبر فى بيت مش فيه امان ويشوف ابوه رمز الحناناسلوبه مع امه الضرب والاهانه وكل جو البيت خوف ومشاحنات وكره
ممكن حضرتك تقولى ازاى انشئ واعيش طفل فى الجو الثالى ده
لو مصلحة الابناء زى ما حضرتك بتقول مكنش ربنا حلل الطلاق ولا كان الرسول تزوج مطلقه
.........
وبرغم كده حضرتك شرفتنى برضه

mahasen saber يقول...

ماما اموله.....

ربنا يكرمك فعلادعاءسيدنا يونس بيريح القلب وبحس انه باب من ابواب الفرج
نورتينى ياماما وشرفتينى بتواجدك جدا
ربنا يكرمك
ويباركلك فى من تحبين

mahasen saber يقول...

بنوته مصريه.....

نانا انا اهه والحمد لله كل شئ تمام برغم كل شئ
بس انا مكنتش اعرف ان انتى اليىبعتيلى عايزه رقم تليفونى يا نانا
بس حصل خير
شكرا على سؤالك ياحبيبتى

mahasen saber يقول...

احمد علام......

الحمد لله يا علام كل شئ خير والحمدلله ربنا اكرمنى وعبدالرحمن وانا كنا مع ماما فى المستشفىوبجد كان مطيع ورائع وهادئ والممرضات حبوه جدا
دنجوان ابنى فىكل مكان
بس اصل الموضوع يا احمد انى مش بقدر اسيب ابنى لازقه فيه بغرا ولازم كل شويه اطمن عليه بنفسى وعينى تتكحل برؤيته
بكره تخلص جامعه وتتجوز وربنا يرزقك باطفال وتعرف وتقدر
منورنى يا علام
ويا رب تكون فى افضل حال

mahasen saber يقول...

ahmed k......
الموضوع كبير يا احمد وفوق الخلع والطلاق للضرر المسألة مسألة حد بيغتصب حقك وحق ابنك فلو هتتنازل عن حقك عمرك ما تتنازل عن حق ابنك

بس شاكره اهتمامك يا احمد
ودايما دايما منورنى بزياراتك الجميله

mahasen saber يقول...

berm al mesrey.....

رائعه يا استاذ بيرم الكلمات العاميه دى
بس اليى فهمته انها عن اوضاع المجتمع مش عن حاجه تانيه ولاا انا فهمت غلط

بس كل كلماتك وقصايدك العاميه رائعه وجميله
كما الكاتب

mahasen saber يقول...

اليس فى بلاد العجائب......

الحمد لله يا اليس ماما بئت كويسه وصحتها بعد العمليه بتتحسن وربنا يتمم شفاها على خير

وانا الحمد لله برضه كويسه وتمام
اما انتى بئه شرفتينى وبالزياره الكريمه دى
واسعدتينى بسؤالك الرقيق عن ماما
الله يكرمك
والف شكر على ذوقك وكرم اخلاقك

mahasen saber يقول...
أزال المؤلف هذا التعليق.
mahasen saber يقول...

abo shosho......

الاهتمام ده كتير عليا والتقدير ده فوق ما استحق

جزاك الله كل خير

mahasen saber يقول...

sherif......

جزاك الله كل خير على تعاطفك وتقديرك لمشكلتى انا شاكره لحضرتك ان حد بقيمة شخصك الكريم يقولى كلام داعم بالشكل ده

جزاك الله كل خير
والف شكر للمدونه اليى بتعرفنى بقلوب نقيه بالشكل ده

mahasen saber يقول...

ضد التيار.....

ازيك يا حبيبتى ربنا يكرمك شكرا يا ضد على سؤالك عنى
جزاكى الله كل خير
وبجد والله نورتينى يا حبيبتى

mahasen saber يقول...

اسامه عبد العال.....

انا كويسه يا اسامه الحمد للهوشكرا على اهتمامك
وسؤالك عليا
اخ لم تلده امى بجد

mahasen saber يقول...

esraa.....

والله يا اسراء انا نفسى ربنا يهدى الامور بس وبتمناله كل خير من قلبى لانه ابو ابنى اولا
وكنا واخدين بعض عن حب ثانيا
فمش بتمناله الا كل خير
وهو من البدايه كان عايز يدينى حقوقى بس دخول طرف تالت لخبط وعقد وفشفش الامور

شكرا على اهتمامك وسؤالك وادعيله بالهدى وادعيلى بصلاح الحال
وجزاكى الله كل خير يا حبيبتى

mahasen saber يقول...

khaled.....

اللهم امين
وابنى لو بيصعب على الدنيا كلها فهو بيقطعلى قلبى
وطبعا كنت اتمناله حياه مستقره افضل من كده
بس اليى احنا فيه اكيد افضلهبكتير
ومحدش يعرف قدى

شكرا يا فنان على سؤالك
وعلى اهتمامك

mahasen saber يقول...

حاجات جوايا.....

سالى حبيبتى الحمد لله على كل حال
وربنا اكيد هيعدل الامور للاحسن ان شاء الله
بس انتى المهم كويسه
شكرا يا سالى على اهتمامك وسؤالك يا حبيبتى
ودعواتك

mahasen saber يقول...

prince4ever.....

الحمدلله يا رامى الامور على خير ما يرام
والحمد لله على كل حال
وشكرا على اهتمامك ده يا رامى وسؤالك عليا
ربنا يكرمك ويباركلك
وتبقى انجح دكتور فى بر العالم العربى كله

وشد حيلك فى المذاكره

mahasen saber يقول...

soul.0o0. whisper....

الله يكرمك عاى ذوقك وكرم اخلاقك
وشكرا على اهتمامك وسؤالك فعلا اسعدتينى بكرمك اخلاقك ولطفك ده

وبشكرك اكتر على زيارتك الكريمه واليى شرفتنى وادخلت السرور على قلبى

نورتينى واسعدتينى وشرفتى مدونتى بكلماتك

mahasen saber يقول...

blue-wave.....

الله يكرمك يا دكتور عمرو وشكرا على سؤالك
واهتمامك
جزاك الله كل خير
وعارف يا عمرو ساعات فعلا الكلمات الطيبه بتبقى مخدر بيمحى ولو لثوانى الآلآم الحياه

شكرا يا شاعر الرومانسيه الطبيب

mahasen saber يقول...

freekiller.....

الحمدلله يا نهال بيرو بخير وماما كويسه دلوقتى
وكل شئ بفضل الله كويس
انتى اليىى كنتى قلقانى عليكى
وحشتينى جدا يا حبيبتى
وشكرا على اهتمامك يا كيلرايتى
الف شكر يا حبيبتى
بجد من قلبى يا كيلرايتى

mahasen saber يقول...

ابن الناس الطيبين.....

مهو دوام الحال من المحال وكل شئ قابل للتغيير ولا يدوم الا وجه الخالق عز وجل

والحمد لله على كل شئ
شاكره زيارتك الكريمه وكلكاتك الرقيقه
فعلا ابن ناس طيبين

mahasen saber يقول...

charisma queen....

الحمدلله على كل حال ويا رب بس تكون المشاكل تخفيف ذنوب اصل الانسان محتاج فعلا المشاكل والكوارث دى عشان يغسل نفسه من ذنوبه ويطهرها من الوانها الغامقه

نورتينى يا حبيبتى
والف شكرا على زيارتك الكريمه وكلماتك الرقيقه دى يا كوين

mahasen saber يقول...

radarblog.....

ده ايه النصايح دى يا دكتور محمد ده انتا شربت المهنه بئه من الوالد
بس كلامك تصدق فى محله شكلى هستشيرك وهعملك فى الميزانيه اتعاب

شكرا يا محمد على اهتمامك وبقالى فتره مشفتكش يا رب يكون خير
الف شكر يا محمد انتا عارف كويس قد ايه انتا غالى عليا يا اول تعليق فى المدونه ويا اخويا الصغير
منورنى ومشرفنى دايما فى بيتك

mahasen saber يقول...

fashkool.....

ياه كلاتمك طيبلى قلبى فعلا او انا اليى بقيت بحن لكلمة بنتى بشكل غريب

ربنا يكرم حضرتك ويباركلك فى كل من تحب
وانا ازور حضرتك على عينى وبكل السرور والسعاده اليى فى قلبى
جزاك الله كل خير
وحضرتك شرفتنى ونورتنى بزيارتك الكريمه
وكلماتك الطيبه

FreeKiller يقول...

الحمد لله انك طمنتينا عليكي و على مامتك يا محاسن
ربنا ما يحرمك منها و لا من بودي أبدا

تسلميلي و الله يا قمر
انا بخير بس انتي عارفة بقى
خامسة دي طلعت هم ما يتلم
دعواتك

mahasen saber يقول...

afew good men.....

ونعم بالله يا ادم
ربنا ابدا مبيقدرش للانسان شئ وحش حتى ولو الشئ كده فعلا لان اكيد ورا الشئ اليى احنا شايفينه مش فى مصلحتنا اكيد مستخبى خير وراه
....
الحمدلله انا كويسه
وشكرا على سؤالك يا ادم مع ان بين الاخوات مفيش شكر جامد ولاا فيه

mahasen saber يقول...

حسام وريمان فى هاكونا ماطاطا....

ريمو احنا ظروفنا مختلفه تماما يا حبيبتى يعنى انا خلاص عمرى فى العد التنازلى وعجزت ومعايا ابنى مينفعش اسيب حقه
اما انتى يا قمر فلسه صغيره حرام حرام حرام المحاكم لحد زيك وفى سنك

ولاا ايه يا جميله
ربنا يكرمك يا ريمان بالانسان اليى يستحقك الدنيا مليانه رجاله كويسه بس مبيمشوش فى سكتنا احنا بس
بس ربنا اكيد هيكرمك ان شاء الله
بحبك يا حبيبة قلبى
ويا عروسة ابنى ولا تزعلى نفسك لتقولى دى مستخسره فيا الولد ولا حاجه

mahasen saber يقول...

الجواز وسنينه....

الله يكرمك يا حبيبتى وجزاك الله كل خير على اهتمامك
بس ده اليى بسميه الطلاق وسنينه هههههه ربنا يسعدك ويهنيكى بمن تحبين
قلبى بيشكرك على سؤالك عليا

mahasen saber يقول...

همس.....

كده يا همس ااقتله حته واحده اليى ما عملتها واحنا متجوزين اعملها دلوقت لا يا ستى سكة ربنا احسن
بعدين ده برضه عزيز عندى ده ابو ابنى وكان فى يوم جوزى وعن حب كمان فلو فيه مصايب وحشه فيه حاجات حلوه برضه يكفينى عبدالرحمن

ربنا يهدى الامور ما بينا ويدينى حق ابنى وحقى ويرزقه باطفال كتير يبقوا اخوات وعزوه لابنى
اسمع منك امين بئه

ونورتينى يا حبيبتى
والف شكر على الزياره الكريمه دى واسمحيلى اردهالك وده شئ يسعدنى ويشرفنى

mahasen saber يقول...

bea*.....

بس اكيد بندعى بالهدى للظالم وبنصرة المظلوم
شاكره اهتمامك
وبشكرك من قلبى على كلامك ودعائك ليا وعلى زيارتك الكريمه
منورانى يا بنت العزيزه عندى الامارات
شفت اسمك افتكرت بابا وايام من اجمل ايام حياتنا

mahasen saber يقول...

اسماء جمعه بنت الشمس.....

ايه يا سمسم هو انا يعنى اابقا عايزه افرحك واخرجك من مود الكآبه تقلب معاكى بنكد
ايه يا بنتى انا مليش دعوه بزعلك بئه بعلن عدم مسئوليتى عن المود ده

شكرا يا حبيبتى على اهتمامك ورقتك
وربنا يهدى الامور
واشوفك بئه يا بنت الشمس منوره دايما زيها كده

mahasen saber يقول...

كباريه.....

كباريه فعلا قدام اى حد بيمر بمشكله طرق عده ليصبر ليصبرليقنت من رحمة الله والعياذ بالله وانا بفضل الطريقين الاولينيين
بس ربنا يتقبل
وتفريج الكرب يجيى براحته
جزاك الله كل خير
وبسعدك بزيارتك الجميله يا اغرب والذ اسم مدونه

mahasen saber يقول...

اختكم فى الله.....

الله يكرمك يا حبيتى ويسلمك من اى شر
شكرا على اهتمامك وزيارتك الجميله
وليكى وحشه جامده
عامله ايه فى دراستك ومذاكرتك
شدى حيلك ربنا يوفقك

mahasen saber يقول...

ojg.....

امين يا وزه امين
ربنا يكرمك وجزاك الله كل خير على سؤالك واهتمامك
ربنا يكرمك
بس يا وزه ادعيله بالهدايه ده ابو ابنى يعنى برضه حاجه عزيزه عليا
بس برضه انا من قلبى بشكرك وبدعيلك من قلبى ان ربنا يكرمك ويسعدك
وشكرا على اهتمامك وزيارتك الجميله دى يا وزه
ومش غريبه اسلوب الود والالفه ده على وزه
ربنا يكرمك يا حبيبتى

mahasen saber يقول...

م\الحسينى لزومى.....

ياه ااقول لحضرتك سألت علي حضرتك كل الحاجات والاخبار والاشياء المفرحه والحلوه فى الدنيا
بجد اى حاجه فيها سيرة عبدالرحمن بتفرحنى
ويا سلام لو شخص كريم زى حضرتك كده بيسأل عليه

حضرتك نورتنى وشرفتنى بسؤالك عن ابنى
جزاك الله كل خير
واسعدك بمن تحب

mahasen saber يقول...

سمكه وحده......

سمكمك حبيبتى الحبيبه انا بخير يا حبيبتى
وبعدين قلنا كتير قبل كده مفيش اعتذار على التاخير انتى تيجى وتمشى وقت ما تحبى
دى بيتك
ولا نسيتى

وحشتينى يا سمكمك
والحمدلله انا بخير يا حبيبتى
ومن كل اعماق اعماق محيط قلبى بشكرك يا سمكمك على اهتمامك وسؤالك يا جميله عليا علطول
الف الف شكر يا حبيبتى

mahasen saber يقول...

مهندس مصرى....

محمد محمد يا هندسه انا قلت ايه ربنا يرجعك لمصر بالسلامه
قلت دلوقتى الراجل يمرمط مراته ويبهدلها وفى الاخر لو مش عاجبك اعملى خلع
حلو كده وكانها شئ استعمله ورماها
فمش الراجل يساوم طليقته وتسكتله ابدا ابدا ابدا
حقوقنا ربنا هيسئلنا عليها يوم الدين
بس شاكره اهتمامك يا محمد
ومنورنى دايما

mahasen saber يقول...

اسامه عبد العال.....

لا ولاا خناق ولا حاجه يا اسامه ده مجرد نقاش سيفضى اليى علقه كبيره
بس معرفش مين هيضرب مين
واذا كان اسامه طرف فى العلقه ولاا لا

بس هعتبرك يا اسامه محضر خير
.....
منورنى يا اسامه

mahasen saber يقول...

freekiller....

كيلرايتى الحبيبه ايه يا جميله انا كويسه وانا اليى قلقانه عليكى طمنينى دايما عليكى يا حبيبتى

وبعدين هيا كيلر يهما خامسه ولاا عاشره حتى ده انتى كيلرايتى قاهرة جامعة الزقازيق
يله فرحينى بيكى وبتخرجكك
انا قاعده من سنه خامسه طب بستنى اهه
ربنا يوفقك يا حبيبتى
ويفرحنى بيكى
يا نهال يا حبيبة قلبى وعزيزة عينى
عارفه مهندس محمود مصرى بالغربه
دايما كان بيسالنى عليكى

will يقول...

情趣商品,情趣用品,情趣用品,情趣,情趣,情趣用品,情趣商品,情趣用品,情趣,情趣,情趣用品,情趣商品,情趣用品,情趣,情趣,情趣用品,情趣用品,情趣用品,情趣用品,情趣用品.情趣,情趣,情趣,情趣,視訊聊天室

麻將,台灣彩卷,六合彩開獎號碼,運動彩卷,六合彩,遊戲,線上遊戲,cs online,搓麻將,矽谷麻將,明星三缺一, 橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,電玩快打

情趣用品,情趣,A片,AIO,AV,AV女優,A漫,免費A片,情色,情色貼圖,色情小說,情色文學,色情,寄情竹園小遊戲,色情遊戲,AIO交友愛情館,色情影片,情趣內衣,情趣睡衣,性感睡衣,情趣商品,微風成人,嘟嘟成人網,成人,18成人,成人影城,成人圖片,成人貼圖,成人圖片區,UT聊天室,聊天室,豆豆聊天室 ,哈啦聊天室,尋夢園聊天室,聊天室尋夢園,080苗栗人聊天室,080聊天室,視訊交友網,視訊

借錢,黃金,黃金回收,黃金價格,黃金買賣,當舖

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

غير معرف يقول...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘