السبت، 30 أغسطس 2008

زنقة الستات

اشمعنا زنقة الستات بس ؟؟؟؟لان احنا بنتولد مزنوقين من اهالينا وافكارهم وخوفهم اليى يخنق لانه بيقلب غلط
ومزنوقين من المجتمع اليى بتقالييده بتخنقنا لدرجة الموت
ومزنوقين لما نتجوز اى مشكله زوجيه اكيد انتى السبب فيها ...
ويا سلام بقه لو اتطلقنا او اترملنا بنتزنق زنقه ملهاش لزوم ..عشان كده دى زنقتنا احنا بس ..ربنا يفك زنقتنا جميعا..

مين فى الحياه متزنقش فيها
ومين مااتخادش من نظرة عنيها
ومين ما اتشبكش واتكلبش فى مشاكلها واهاليها
مزنوقه مخنوقه ومتطره اكون موجوده
ومش باختيارى اعيش
لكن باختيارى اصبر
وعشانه ابنى هعيش
وكمان عشانه هصبر
واحارب مليون جيش
لو عنه راح ابعد
امومتى وعشانها هكون
وانوثتى وفى الارض تكون
لو عنه راح ابعد....
عارفين يعنى ايه ام كل شويه تسمع جملة يا ستى ارميله ابنه واتجوزى ..الحمدلله مسمعتهاش من اهلى انما من المحييطين وكأن دى الجمله التقليديه لاى ام مطلقه او معلقه زى حالاتى ...فى الغالب الست ومشاعرها واحاسيسها فى الارض فى مجتمعنا يعنى اليى يفكر انه بيعمل معروف او بيجامل بالجمله دى يفكر الف مره قبل ما يطلعها من بقه لانها بتألم قوى قوى قوى ...والحكايه طبيعى مش ناقصه....

ورمضان كريم عليكم كلكم ..على اليى بيفرحنا واليي بيجرحنا
على اليى حاسسنا واليى مطنشنا ...واليى مدينا حقنا واليى ظالمنا
على ابو ابنى واهله واقرايبه على كل حد جرحنى واذانى وزعلنى

وعلى اجمل مدونيين العالم كلهم بلا استسناء ..مش هقدر ااقول اسامى عشان منساش حد
بس ايه رايكم فى تهنئه متأكده الكل عايز يهنيها لابو المدونيين كلهم ابو خالد ..كل رمضان وحضرتك بالف خير

هناك 245 تعليقًا:

‏1 – 200 من 245   ‏›أحدث   ‏أحدث»
نـــــور يقول...
أزال المؤلف هذا التعليق.
نـــــور يقول...

من غير مااقرا
ولا قادره دلوقت
روحى شوفينى وانت بتكتبيلى تعليق كنت بنزل ايه؟

ادعيلى ياحبيبتى
محتاجه دعاكى

كلام حسام يقول...

ارمي له ابنه واتجوزي!!!!
هي فيه ناس كده
ربنا يصبرك علي اللي حواليكي
بقولك ايه سيبك انتي ربنا ان شاء الله يبارك فيكي وفي ابنك وبكرة يفتخر بأمه
بقولك ايه تاني احسن انا نسيت اقول في الاولاني
هي مش زنقة الستات دي بتاعة ريا وسكينة
بصراحة انا دايما بفتخر بريا واختها
اصلهم كان بيقتلوا الستات بس
ههههههههههههههههههه
بيفهموا
رمضان كريم عليك وعلي ابنك وكل اسرتك ان شاء الله

أكون أو لا أكون يقول...

السلام على محاسن الرقيقه... ازايك ياقمر... يابدر منور...
ايه الرقه ده... انتي عاوزه تبكينا ولا ايه... انا كنت اقرأ ارشيف مدونتك... وكان لدي احساس كبير اني سأجد بوست جديد مجرد ان اعود للرئيسيه... وفعلا... وجدتك مشعله فانوس رمضان الجميل...
بس الاهداء... حزيـــــــــن... وترددت دمعتي بين الاستسلام والمقاومه... لكنها ابت... لا ان تكابر...
بس بعد ان قرأت الارشيف... ياسلام ياسلام... قررت العنوسه...
انا بكل الاحوال كنت مقرره مسبقاً... حين رايت الحال البائس الذي تعيشه اعز صديقتان لي... على العموم بزواج او عنوسه... الحال واحد.


تحياتي...

جبهة التهييس الشعبية يقول...

اوختشي مين ابو خالد ده؟

ده ابو المدونين؟ ولا عمري سمعت بيه

المهم
معلش ممكن اعرف يعني مين اللي ما عندوش دم ده اللي بيقول لك ارمي له ابنه؟
لا انا باتكلم بجد
اللي بيقول لك كده ما تعرفيهوش تاني
ده مجنون يعني وللا بيستهبل وللا ايه؟
من امتى فيه امهات بترمي عيالها واصلا اصلا لو حبيتي ترميه الناس ح تاكل وشك

ولا زنقة ولا حاجة الله يعينك
الستات والرجالة مزنوقين
ثم رجالة ايه يا شيخة
احنا كلنا ولايا في البلد دي

كـــيــــــــارا يقول...

مش عارفه اقولك ايه بس بجد انا عارفه احساس ازاي ان ابن بعيد عن امه

ان ام ابنها بعيد عنها ومش بتشوفه وبتشتاق تسمع نبراته

موضوعك خلاني ابكي بجد مش للي قريته اد من اللي افتكرته من موضوعك

تحياتي

وكل عام وانتي بخير ورمضان كريم

أكون أو لا أكون يقول...

انا لا استغرب ان يقول لك احد ارمي ابنك...
لان الدنيا مليئه بالاشرار... ولو لم يكن هتالك بشر تفكر بهده الطريقه لما وجدنا اطفال في الشوارع ليس لهم اهل... فلا تستغربي ان اقترح احد عليك الموضوع... بل توقعي ان يكون صاحب هذه المشوره نيه ابعادك عن ابنك... بسبب غيظه من قربكما من بعض... ولا استبعد ان يكون لمن طرح هذه المشوره المنيله... ابن ينام على الطرقات يبحث عن لقمة بين القمامه... يبحث عن دفئ... بحاجه لقلب حنون يرتمي في احضانه بعد يوم شاق... كل شئ جايز...وإلا لما يقدم النصائح السوده...

محاسن ... لاتوجعي راسك بكلام اساسه غلط...

بكره يكبر عبودي... ان شاء الله وتفرحي به... وبأولاده يارب...

.........

dr. Ahmed Sakr يقول...

كل عام وأنتم إلى الله أقرب وعلى طاعته أدوم

مدونتك رائعة سلمتى أختى من كل سوء

الربان يقول...

تحياتي

أقدر مشاعرك كأم و كسيدة لم يُكتب لزواجها النجاح....و نظرة المجتمع...لكن المجتمع الان تغير الي حد كبير
و لم يصبح الطلاق سبه...و قد يكون الطرفين مثالا للادب و الكمال...لكن انتهت الحياةالزوجية بينهما...

احرصي كل الحرص علي ابنك...فالاب مهما
كان قدرته علي رعاية الابناء ضعيفة
و قد اوكل الله سبحانه و تعالي الي الام
هذه المهمة العظيمة الكبيرة...و لهذا
جعل الجنة تحت اقدامها....

تحياتي و تقديري و احترامي...بارك الله لك في نفسك و في ابنك...و عوض الخير كله.

أبو خالد يقول...

أبنتي الغالية /محاسن
كم أنتي متسامحة و تملكين قلب جميل تتمنين الخير للجميع :
"ورمضان كريم عليكم كلكم ..على اليى بيفرحنا واليي بيجرحنا
على اليى حاسسنا واليى مطنشنا ...واليى مدينا حقنا واليى ظالمنا
على ابو ابنى واهله واقرايبه على كل حد جرحنى واذانى وزعلنى
وعلى اجمل مدونيين العالم كلهم بلا استسناء ..مش هقدر ااقول اسامى عشان منساش حد "
إلي هنا و يظهر كم الرحمة في قلبك أن تخصيني بالتهنئة أجرت دموع عيني و أشعر بمدي معاناتك جعلها الله في ميزان حسناتك ووهبك القوة لأستمرار عطائك
أبنتي الكريمة النفس محاسن جمعني الله و أياك في جنته صحبة نبيه أفضل الخلق سيدنا محمدا صلي الله عليه و سلم..
ملحوظة أبلغي الغالية نواره بنت الغالي أحمد فؤاد نجم أني من أكثر المدونين متابعة لجبهتها و أتمني لها المزيد من الشهرة و أنا عبدا فقير إلي الله من بورسعيد ..
دمتي أبنة غالية و كل عام و أنتي بخير أنتي و أبنك الكريم جعله الله من حفظة القرآن الكريم.

عاشــــــ النقاب ـقــــة"نونو" يقول...

السلام عليكم
رمضان كريم حبيبتي
اسمعي كلام قلبك واحاسيسك
الامومة دي حاجة مش ممكن الاستغناء عنها خاصة بعد الواحدة ما تذوقتها
سيبك من كلام اللي يقولك ارميله ابنه
الله يسامحه
ربنا يبارك لك في ابنك ويجعله بار بيكي
كل عام وانتي بالصحة والسلامة
ورمضان كريم
على فكرة اهلا بمناقشاتك في اي شيء نختلف فيه
اللي يهم اننا نوصل للحقيقة
تحياتي

أحمد (زوج مخنوق ). يقول...

أختى محاسن
الموضوع مش زنقة و لا حاجة
كلنا في الهوا سوا
الزنقة للرجال زي ما هي للستات
بس كل واحد بيتزنق على مقاسه و على حسب طبيعته
حافظي على أبنك و ما تحرميهوش من ابوه في نفس الوقت
خليكي انتي الاحسن و لو اني شايف ده اصلا بأرسالك التهنئة له و لأسرته
و نيجي بقى لعمنا أبو خالد
اللى هو فعلا أبو المدونين
و على فكرة
المدون الوحيد اللى ضايفه عندي في الفيس بؤ
أخونا الكبير أبو خالد
كل عام و انت بخير
و رمضان كريم

غير معرف يقول...

««((¯`·«AhMed•3LaM»·´¯))»»

مين فى الحياه متزنقش فيها
ومين مااتخادش من نظرة عنيها
ومين ما اتشبكش واتكلبش فى مشاكلها واهاليها
....
دي جميله قوي لو مع شوية تظبيط
تبقي رائعه
لاكن جواها مضون رائع بجد
بس انا عندي اعتراض كبير علي كلمة
مزنوقه

رمضان كريم وكل عام اونتم بخير

mahasen saber يقول...

كل رمضان وانتوا بالف الف خير ومشرفينى ومنورين مدونتى دايما دايما..
بس نفسى اعرف مين مسح التعليق...مين المؤلف ده...فليفصح عن هويته التدوينيه لانى هتجنن....وشاكره جدا.

mahasen saber يقول...

حبيبه...
ربنا يغلفك برحمته قلقتينى وفزعتينى عليكى ان شاء الله ربنا يسعدك ويرضيكى بعدين احنا داخلين على الشهر الكريم فمفيش حد بيزعل فيه خلاص كلنا بنطلع كبتنا فى العباده ملجأنا الوحيد ..ربنا يطمنى عليكى.

mahasen saber يقول...

شملولى بن سحلولى...
كل رمضان وانتا بالف خير وشكرا على ذوقك ....بس ريا وسكينه دول مش ستات دول شواذ القاعده بعدين اههم ضحكوا علينا شملولى بس قولى هنا اليى بيكتب الشعر الجميل والرقيق بيحب ريا وسكينه ازاى افهم ولا ده وجه شملولى الاخر...

mahasen saber يقول...

اكون او لا اكون...
اولا انا لا اريد ان اكون سبب فى انك تحسى بلحة حزن واحده...بعدين تقررى العنوسه ليه كل شئ وحش ليه نقيضه الحلو فمش كل الجوازات فاشله ولا كل الرجاله وحشين..بعدين دى تجربه لازم تخوضيهالان الدنيا متنفعش من غيرهم ولا من غيرنا...

رئيس جمهوريه نفسى يقول...

اوعى تفكرى فى لحظه من اللحظات فى موضوع انك ترمى ابنك ليه الضنا غالى ومحدش بيعرف قيمته غير الام ولو فى اللى بيقولوا ليكى كدة امهات اسالهيم تاخدو كام وترموا ولادكم بس ولو ابهات كمان اساليهم نفس السوال
كل سنة وانتى طيبه وتنعاد عليكى الايام بخير

mahasen saber يقول...

جبهة التهييس الشعبيه...
اوختشى نواره منورانى جدا واسعدتينى بالزياره وكل رمضان وانتى بالف خير..بس انا مش هقولك مين ابو خالد ولا مكانته عندى انا وغيرى ايه وليه بس هقولك يا قمر ادخلى مدونته اسمها ذكريات ابو خالد وهتعرفى انا وغيرى بنحبه وبنقدره وبنقول عليه كده ليه.
اما اليى انا كاتباه ده فمش عن تجربه شخصيه بس انما اى ست مطلقه اتكلم معاها تقولى انها اتعرضتت لنفس الجمله .هاحكم انا رغايه بدخل المحكمه مبتسدش وهاتك يا رغى واسجل اليى بيحصل واشوف اليى بيحصل ده للستات كلهم ولا ناس ناس طلع كله قلقاس وسلطه..بس ايه تلاقى اليى بيتكلم بيكلمك كانك حيوانه او بوهيميه معندكيش حاجه فى الدنيا الا رغباتك واشباعها وانتى ترمى ابنك وهو يرمى ابنك وفى الاخر تطلعى الشارع تلاقيه مظلم بالوشوش البريئه اليى متمرمطه فيه..بس انتى قصدك زنقة الرجاله الاسعار يعنى اههى دى بقه لا تفرق بين عربي ولا اعجمى ولا حتى عيل هههههه..وبعدين اشتركنا مع الرجاله فى حاجه تانيه بيقولى امين شرطه ضرب بنت فى الشارع يعنى قلة الادب بقة على الستات والرجاله سواء ..شوفتى بقه فيه ذنقات مشتركه الخبر ده فى مدونة نضال فلسطين..ورمضان اكرم مننا كلنا.

mahasen saber يقول...

كيارا...
اولا ربنا يخفف عنك ويجمعك على خير بمن تحبى انا اسفه انى قلبت عليكى المواجع انا استشفيت انك فى مشكله ما كيارا انا اسفه وحاسه بمراره فى كلامك ربنا يريح قلبك وبالك وانا اسفه ولو ااقدر اخفف عنك باى شئ ده شئ يسعدنى احنا فى ايام كريمه وملناش سلاح الا الدعاء ادعى وانا هدعى ليكى ..ربنا يجمعك بمن تحبى على خير ان شاء الله ..وانا اسفه جدا كمان.

mahasen saber يقول...

اكون او لا اكون...
انا الموضوع كان مش فى دماغى بس لما لقيت ستات كتير بتتعرضله فقولت لا مبدهاش اكتبها بوست بس الدنيا يا كونه فيها وفيها وطبيعى انك تلقى حد يقولك حاجه كويسه عايز بيها خير ليكى وحد نفسه يشيلك ويغطسك فى مصيبه والنوعيه التانيه كبرت وكترت وتشعبت.

mahasen saber يقول...

الحشرى_سيد يونس...
كل رمضان وحضرتك بالف الف خير والف شكر على ذوقك.

أكون أو لا أكون يقول...

ياحبيبتي...انا اسيبك تخلصي الردود وبعدين اقولك ايه حصل لي اليوم

mahasen saber يقول...

الربان...
انا اليى بقدر كلام حضرتك الجميل ده جزاك الله كل خير بس للاسف نظرة المجتمع هيا هيا وانا شفت الحالات دى فى مستويات مختلفه ويا ريت الاور كانت بالصوره النبيله اليى حضرتك قولتها كان الحال اختلف كليا ده مكنش هيبقا فيه اصلا عايزه اتطلق و ..اما ابنى فلما المولى عز وجل يقول ..المال والبنون زينة الحياة الدنيا ..وانا معنديش المال بس عندى اليى اغلى وانقى منه ابنى فتتخيل حضرتك هيبقا حرصى عليه وعلى حياته ازاى ..ربنا يكرمك على كلامك الجميل بس على فكره الردود الراقيه دى مش غريبه على حضرتك كل رمضانوحضرتك واسرتك بالف خير..

mahasen saber يقول...

الربان...
انا اليى بقدر كلام حضرتك الجميل ده جزاك الله كل خير بس للاسف نظرة المجتمع هيا هيا وانا شفت الحالات دى فى مستويات مختلفه ويا ريت الاور كانت بالصوره النبيله اليى حضرتك قولتها كان الحال اختلف كليا ده مكنش هيبقا فيه اصلا عايزه اتطلق و ..اما ابنى فلما المولى عز وجل يقول ..المال والبنون زينة الحياة الدنيا ..وانا معنديش المال بس عندى اليى اغلى وانقى منه ابنى فتتخيل حضرتك هيبقا حرصى عليه وعلى حياته ازاى ..ربنا يكرمك على كلامك الجميل بس على فكره الردود الراقيه دى مش غريبه على حضرتك كل رمضانوحضرتك واسرتك بالف خير..

mahasen saber يقول...

ابو خالدابى الكريم..
اولا انا شاكرهلحضرتك الكلام الجميل ده وده فوق ما انا استحق بكتير جزاك الله كل خير وجعله فى ميزان حسناتك..وبعدين ابى الغالى انا حبيت اهني حضرتك التهنئه الخاصه تعبيرا عن حبى وتقديرى واحترامى لشخص لم اره فى حياتى قط ولكنى عرفت كم هو انسان راقى ..ابى الكريم كل رمضان وحضرتك بالف الف خير..
اما نواره فاكيد هيا مدخلتش مدونت حضرتك فطبيعى مسمعتش عنها ..

mahasen saber يقول...

عاشقة النقاب ...
اختى الكريمه اهلا بالخلاف فى الراى لو مع ناس واعيه ومدركه باهمية الاختلاف زى اهمية الاتفاق على راى ما..وانتى بتسعدينى سواء اتفقنا او اختلفنا اما يا نونو انا عمرى ما فكرت فنتو ثانيه انى اتخلى عن ابنى ده انا جاتلى حالة اكتئاب بعد الانفصال انى معايا طفل واحد ملوش اخوات فكان نفسى يبقى عندى اطفال كتير بس الحمدلله على كل حال فتخيلى بقه عبدالرحمن عندى ايه دلوقت...كل رمضان وانتى واسرتك واولادك بالف خير يا نونو ورمضان كريم.

mahasen saber يقول...

زوج مخنوق...
ما انا هقولك حاجه انتوا يا رجاله لما بتخوضو مشكلة الطلاق المجتمع مش بينظرلكم نفس النظره بالعكس بيحطكم فى مرتبة الضحيه فانتوا بالذات متجبوش سيرة الزنقه..بس استاذنا الغالى ابو خالد فالراجل ده بحترمه وبقدره وبكنله محبه من غير ما اشوفه اصلا جعلها الله فى ميزان حسناته..
ورمضان كريم عليك وعلى اسرتك وان شاء الله نفحات الشهر الكريم تقربكم لبعض وتصلح حالكم وبعد رمضان الاقى اسم مدونتك اتغير وبقت زوج طاير من الفرح..

مـجـنـووون يقول...

السلام عليكم ورحمة الله وبركاته

أولا كل سنه وانتي بالف خير ورمضان كريم

ثانيا / كلمة طلاق مذكورة في القرآن ، يعني من الأخر مش حاجه عيب ولا غلط ، وربنا قال في ما معناه ( يا تعاشروهن بمعروف يا تفرقهم بالمعروف )

طبعا كل واحد ادري بالمشاكل إلي هو فيها ، وهو الوحيد إلي يقرر أزاي يتعامل معاها ، بس علشان متحسيش بالذنب أدي لنفسك فرصه واديله فرصه أنكم تصلحوا إلي أنكسر ما بينكم ، ولو مش علشان خطره يبقي علشان خاطر أبنك

ثالثا : ودي أهم حاجه في الكلام إلي حقوله ، لو أنتي فكره الحكاية بتاعت جحا وابنه والحمار ، الي كان راكب هو وأبنه علي الحمار والناس قالت عليه مفتري ، فنزل أبنه وركب هو قالوا عليه راجل مفيش في قلبه رحمه ، فركب ابنه ونزل هو ، قال شوف الولد العاق راكب هو وومشي ابوه ألخ .......

يعني من الأخر الناس مبيعجبهاش العجب ولا الصيام في رجب ، تعرفي تصدري الطرشه لكلام الناس ، والي يغلط قدامك او يزعلك اديله علي دماغه علشان يحرم يتكلم تاني

تقبلي مروري

مجنووون

عالم ماريونت يقول...

عزيزتي محاسن:
بعد كل سنة وانتي وعبد الرحمن طيبين
انا مع المجنون اللي فات
انتي لازم تصدري الطرشة
تعرفي تعملي نفسك مبتسمعيش ولا مؤخذة؟
اه والله
ولااااااااااا كأنك سامعه حاجة خالص
كوووووووووول
واللي عنده حاجة اكيد هيسكت بعدها
تحيه جامدة جدا ليكي
اختك رنا

mahasen saber يقول...

احمد علام....
كل رمضان وانتا بالف خير ده اولا اما ثانيا بقه ضبتها وابعتها بجد هبقا مبسوطه لمل اشوف وجهة نظرك الفعليه وده شئ يسعدنى ..اما اعتراضك على الكلمه فمليش دعوه اعترض على الشارع اليى فى اسكندريه..كل رمضان وانتا بالف خير وزيارتك بتسعدنى جدا ..

mahasen saber يقول...

رئيس جمهورية نفسى...
محمود يا اخويا المولى عز وجل قال ..المال والبنون زينة الحياة الدنيا ..صدق الله العظيم وانا معنديش المال بس عندى اليى اغلا وانقى من بكتير ابنى فتتخيل ممكن استغنى عنعمرى زينتى دنيتى جنتى على الارض ابنى مش انا مش انا ولو انا كده كنت خليت حد ولع فيا ...بس سيبك انتا من اى تعليقات انتا منور المدونه وصاحبتها وكل رمضان وانتا واسرتك بالف الف خير يا رئيس نفسك ..والله زيارتك اسعدتنى جدا تقولش وقعت على كنز.

mahasen saber يقول...

اكون او لا اكون...
كونه ايه اليى حصل خير ان شاء الله ...انا التعليقات برد عليها بالعافيه من افعال النت الوحشه معايا فكتبت مليون تعليق ويطيرو لما جالى اسبهلال وانا قاعده...مستنياكى على احر من الجمر عشان اطمن سواء هنا او عندك ..فى بيتها يعنى.

mahasen saber يقول...

مجنووووون....
اخى المجنون العاقل جدا كل رمضان وانتا بالف خير ..انا اديت نفسى ستين الف فرصه فى اليوم على مدار اربع سنيين وعمرى ما كنت اتمنا ان الامورتوصل لكده بس لما خلاص مليت وزهقت من الاسيه صليت استخاره كل يوم ااقول يا رب لو فيه خير ليا ولابنى فى دنيتنا واخرتنا اهدينا لبعض ولو فيه شر لابنى وليا ابعدنا عن بعض وسبحان الله يطلقنى ويتفق معايا على كل شئ واحنا فى رمضان وفى العشر الاواخر منه فتاكدت ان دى ارادة ربنا فالحمد لله ..انما خدها منى كلمه مفيش ست فى الدنيا عايزه تبقى شئ مهمل ومنسى ومحطم ومصدوم ده الاحساس الاولانى لصدمة الطلاق بس بعد كده خلاص ببتبقا شئ جميل اتولد من جديد..اما الناس فانا عارفه لا يمكن ارضاؤه دول عذبوا الانبياء يبقا مش هيغلبونا احنا كمان بس انا بعمل بالنصيحه دى من زمان على فكره بس انا كنت عايزه احط ضوء بسيط على شئ مقلق ومحبك بتتعرضله المطلقه ليس الا انما انا متعرفنيش اخر حاجه بفكر فيها الناس طالما بتقى ربنا فيهم ومبغتبهمش ولا بـأزيهم خلاص لا هما ليهم الا المعروف عندى وانا مليش الا المعرف عندهم ولو مش اتقوا ربنا خير برضه احسن حسنات عل الجاهز...كل رمضان وانتا بالف خير طولت انا...

mahasen saber يقول...

يوميات نائمه فى الارياف...
تصدقى وانا بكتب الاسم كنت هكتب يوميات جميله فى الارياف..منورانى يا رنا كل رمضان وانتى بالف الف خير واهل المنصوره كلهم فى احسن حال بس اعرف وينفذ وعلم والتحيه الكبيره ليكى انتى يا رنا على ذوقك ورقتك ربنا يكرمك بكل خير ان شاء الله ...نورتينى يا قمر وكل رمضان وانتى بالف خير.

yoyo يقول...

عزيزتى محاسن

كل سنة وانت طيبة وكمان بيدو طيب وبالف خير
يارب رمضان كريم عليكم

بس يا حبييبتى مش احنا اللى بنختار نصيبنا بايدينا دا قدر ومكتوب عند ربنا لو كان كل انسان بيختار حياته ويرسمها مش كانت اى جوازة فشلت بس سبحان الله

والله كبرى دماغى مشكلة المجتمع اللى احنا عايشين فيه دا بقى انه دايما بيظلم الست اللى فى الوضع دا طيب هى ايه ذنبها كبر تعش تنتعش ياريت نقدر نعمل كدا

دمتى بكل خير
تحياتى
يويو

mahasen saber يقول...

yoyo...
الله حلوه قوى قوى كبر تعش تنتعش ده لازم يتاخد مبدأ يحتذى ويحتفا بيه والله رائع ...كل رمضان وانتى بالف خير يا قمر ودعوه خالصه ربنا يكرمك بكل خير زوج صالح وحياه سعيده وتحجى او تعملى عمره واهلك يبقوا راضيين عنك ...كل رمضان وانتى بالف الف خير يا اجمل يويو فى الدنيا..

أكون أو لا أكون يقول...

محاسن فيه كمان طنش تعش... هههههه

نـــــور يقول...

ااااااااااه ياختى
قريت كلامك
مسيتى الجرح
مش هقدر اعلق واقول رايى ف حكايتك زى كل مرة
بس جيت اقلك
انا عايشه
بحاول اضحك
اطمنى
لسه موجوده ف دنيتى

بس محتاجه دعاكى
ماتبخليش على اختك بيه

محتاجاه بجد

نـــــور يقول...

نسيت اقولك
انا اللى مسحت التعليق لانى مكنتش شايفه اكتب كويس وكتبت كلام هجائى غلط
ماتزعليش منى

كـــيــــــــارا يقول...

انا رديت عليكي عندي

ربنا يريح قلبك وبالك
*****
امين يارب وللمسلمين اجمعين

شمس النهار يقول...

الاخت محاسن
ربنا يقويكي علي تربيته التربيه الصالحه
وبعدين احنا المصريين كده
نحب نفتي في اي حاجه بلا وعي
ترمي ابنك ازاي يعني
هو ذنبه ايه
هو اللي قالك حبي ابوه واتجوزيه
هو مااختارش انه يجي للدنيا
انت ملتزمه تجاهه
ده ابنك ضناكي وماحدش بيحس
بالنار اللا اللي كابشها
بس انا
مش فاهمه
هو ما فيش حد خالص مرتاح في الجواز
وسعيد

شمس النهار يقول...

غايزه اقول كمان
ان السعاده دي شئ نسبي
ماحدش سعيد علي طول
والاحزين علي طول
ده يبقي ملل
ياريت الناس اللي سعيده
تكتب لنا تجربتها
وعملوا ايه عشان يعيشوا مرتاحين
وانا واثقه
ان اغلبهم هيكون الاتنين وليس واحد منهم منفرد
اتقي الله في الاخر

The Führer يقول...

كل سنة وإنتي طيبة وإن شاء الله ينولك كل ما بتتمنيه ببركة الشهر الكريم.
مش عارف أرد علي البوست ، لأنه مكتوب بمرارة شديدة ، ربنا يكون في عونك ، ويصبرك .
حضرتك مش الوحيدة اللي عندها مشاكل ، كتير أوي غيرك ،بس الذكية هي اللي تقدر تطلع بأقل الخسائر الممكنة ، مش قصدي الخسائر المادية لأنها بسيطة ،إنما الأهم هي الخسائر المعنوية .فكري إزاي تخلي حياتك تستمر كما لو أن شيئا لم يكن ، أو حاولي تلغي تأثير المشاكل دية علي رتم حياتك. وتأكدي إنك ربنا مش ح يتخلي عنك أبدا .
إحنا دلوقتي في رمضان وعايزين ضحكات وابتسامات حتي علشان ابنك يحس باحساسنا واحسنا صغيرين لما كان أهالينا بينسوا كل مشاكلهم في رمضان ودة حببنا في الشهر الكريم.
دمت بكل خير وسعادة
تحياتي

ذو الوجه المبتسم يقول...

بشعور يملؤه الحب ...
اجمل التهانى بحلول شهر رمضان المبارك
كل عام وانتم بخير
بالنسبة لتعليقى على البوست
جميل وواقعى ومميز
وخفة دمك باينة فى الكلمات
اتمنى من الله السعادة لك
ولكل المؤمنين والمؤمنات
تحياتى

mahasen saber يقول...

اكون او لا اكون....
برضه لسه مستنياكى تقوليلى على اليى كنتى عايزه تقوليه امباح ..

mahasen saber يقول...

habiba....
الف لا بأس على حالتك النفسيه ومودك المزاجى ايه يا حبيبه مالك روقى كده بعدين للمره المليون قولتلك قوليلى ايه الموضوع عشان اعرف ده فعلا شئ يدعو لكل الحزن ده ولا شئ عابر ..عشان خاطرى وخاطر الشهرالكريم ده روقى وروقى كده ...
اما بخصوص حذف التعليق فانا كنت شاكه برضه ههههههه... روقى بقه ربنا يشيل عنك ويكرمك بكرمه ان شاء الله.

mahasen saber يقول...

كيارا....
اه يا حبيبتى فهمت كده اتضحت الرؤيا انا قريت التعليق ربنا يكون فى عونها ويصبرها ويكرمها وابنها يقدرها ويحبهاوميبقاش حانق عليها ولو للحظه واحده ارجوكى بلغيها سلامى وانى بدعليها مع انى مشفتهاش بس حاسه بيها...

انا دماغى كان راح فى اتجاه وبرضه كنتبقول استحاله انتى صغيره خالص..ربنا يكرمك ويكرمنا جميعا وسعيده بيكى دايما يا كيارا..بس متنسيش تبلغى سلامى.

mahasen saber يقول...

شمس النهار...
الله ينور عليكى هيا دى لو كلواحد اتقا ربنا فى الاخر فعلا هنوصل للسعاده وراحة البال المرجوه بس انتى صدقتى احنا شعب بنحب نفتى ايا كان وقع الفتىى والاحكام دى على غيرنا انما ابنى انا ولا ثانيه واحده موضوع التخلى عن ابنى بيجيى على بالى اتخلى عن ابنى يعنى بتخلى عن حياتى بحالها فده شئ ولا موجود من اساسه عندى..اما اى حد بيخبطنى الجملتيين الرسمييتيين لاى مطلقه فبقوله ربنا ادانى امانه يبقى لازم احافظ عليها ناهيكى عن الصمتلان ساعات كتير الناس دى احسن شئ تقابليه بيهم الصمت مع انه مش من عاداتى الصمت ده خالص..اما السعاده فطبيعى زى ما حضرتك قولتى هيا نسبيه بس انا على فكره علطول سعيده زاغلب اليوم فى سعاده مطلقه ولو حزنت شويه بروق على طول مينفعش لحظه ابنى يشوفنى مكشره بعدين عايشه وبتنفس وابنى فى حضنى وتحت قلبى وعينى ولسه بحلم وبحاول احقق احلامى ولسه بقابل ناس وحشه وناس كويسه قوليلى حضرتك بقه مبقاش فى سعاده مطلقه ليه ..ده لو حزنت يبقى افترا ..حتى مشوار القضايا والمحاكم ساعات بيفرحنى واقول ثواب وتخفيف ذنوب وبعدين اثقل تجربتى فى الحياه وخلانى اشوف ناس عمرى ما شوفتهم قبل كده واسمع قصص عن مشاكلهم لو شفتها فىمسلسل هقول بيبالغوا اه والله فحتى سكة المحكمه كان فيها خير..اما بقه سؤال حضرتك عن الراحه والجواز فلا فيه ناس بس مش كتير عشان منبالغش مرتاحه فى الجواز والله بس الناس دى اليى هيا عارفه ربنا حق معرفته مش سجاده وسبحه وخلاص وبعدين الناس الادميه اليى مؤمنين انهم بيتعاملو مع ادميين زيهم مش درجه ااقل ......
طولت انا بس حضرتك نورتينى انا قريت تعليقات حضرتك فى جبهة التهييس ومن الى فهمته ااقول لحضرتك جواز سعيد وربنا يسعدكوا اكتر واكتر واكتر وكل رمضان وحضرتك بالف خير ...وكمان مره شرفتينى جدا جدا قوى موت.

mahasen saber يقول...

the fuhrer...
رمضان كريم عليك اولا وثانيا اما ثالثا بقه فانا والله فى مستوى عالى قوى منالسعاده بس المواقف والمواضيع اليى بكتب عنها هيا اليى منكده كده ...اما انا الحمدلله احسن من غيرى بكتير على الاقل ابنى فى حضنى وبحاول اعمل الشئ اليى يرضى ربنا على قد ما اققدر والحمدلله نوعا ما بكامل صحتى واحبابى واصحابى بخير وبتعرف على ناس محترمه فخلاص الحمدلله السعاده موجوده ...بعدين ااقولك على حاجه كمان انا عمرىما بحاول اكشر فى وش عبد الرحمن بالعكس انا بحفظ سيناريوهات افلام الكارتون اليى بيحبها وبنمثلها مع بعضفتقولى اكشر ازاى يا فهرر ده مش انا خالص...
بس نورتنى جدا ورمضان كريم عليك وعلى كل اليى بتحبهم انا سعيده بتواجدك وزيارتك جدا جدا...

mahasen saber يقول...

ذو الوجه المبتسم...
كل رمضان وانتا واسرتكوكل من تحب بالف خير وسلام ..اما رايك فى البوست فده شئ هايل الله يكرمك ..وتمنياتى ليك بالسعاده كما تمنيتها ليا وبراحة البال والفؤاد جزاك الله كل خير ..ورمضان كريم.

قوس قزح يقول...

يارب
كلما طرق هذا العبد بابك
أفتح له كنوزك
و سخر له عبيدك
و ابسط له رحمتك
اللهم اجعله من الصائمين القاثمين
الركع السجود
و بارك له فى شعبان و بلغه رمضان
فى يسر و سلامة و امان
اللهم امين

كل سنة و انت الى الله اقرب

mahasen saber يقول...

قوس قزح....
اللهم امين ..الله يكرمك على الدعاء الجميل ده وااقولك ولك مثلى جزاك الله كل خير ونورتينى ببهجة وفرحة دعائك الجميل ...
رمضان كريم عليكى يا قوس وعلى كل اسرتك ان شاء الله..

أكون أو لا أكون يقول...

محاسن... الحكايه اللي قولت لك عليها... هي موقف حصل.. بس كان تنبيه من ربنا سبحانه وتعالى... وانا حبقى اعمله بوست بعد رمضان ان شاء الله... وحبقى اقولك ان هو اده الموضوع اللي قولت لك عليه...
بس ماتقلقيش هي حاجه عاديه... بس انا شفتها كبيره ... لاني كنت افكر بيها قبل ماتحصل...

غير معرف يقول...

بجد ربنا يصبرك و يصبرنا كلنا من الأفكار الغلط اللى كبرنا و لقينا إننا لازم نتقبلها عشان المجتمع و الناس وووو...

يعنى إيه بقا ارمى ابنك دى دول ناس معندهمش إحساس

اللى أنتى شايفة أنه فى صالحك أعمليه و أى كلام تسمعيه أرميه وراضهرك و لا حتى تفكرى فيه لأن الكلام اللى ملوش لزمة عدم سمعه أفضل

د. مونى يقول...

عارفة؟
كنت واخدة قرار متكلمش فى حياتي الخاصة خااااااااالص
لكن لما دخلت مدونتك ابتديت اعيد النظر... لاني حسيت انها وسيلة مريحة جدا لتبسيط الامور ووضعها فى نصابها
انا عندى هموم كتير وحياتى متقلبة جدااا عاملة زى البحر وانا مش بحب اشكى ومبعرفش اعلن عن ضعفى ودمعتى رغم انها قريبة لكن عزيزة اوى اوى عليا
بقوللك كده علشان تقدرى كلمتى لما اقوللك انى لما بدخل عندك بحس قد ايه الدنيا دى فعلا ....
حبيبتى:
هى الدنيا... لا سلم يدوم بها ولاحرب
فلا يغرك ما منحت.... فإن عطاؤها سلب
لكن دايما زى مابقول لنفسى بعد ما افتكر كل ده( ربنا موجود ... واملنا فى الله وثقتنا فيه حاجة من اهم الثوابت اللى المفروض ندعمها جوانا
يارب يارب يارب تتطلقى وتعيشى حياتك صح ويخليلك عبد الرحمن
لا تنسنى من صالح دعائك

شمس النهار يقول...

شكرا علي ردك
واتمني ان يكون في تواصل بينا وتشرفي مدونتي المتواضعه لنتواصل
وربنا معاكي
انت فيكي شئ جميل وهو الصبر علي البلاء
والرضا وده له جزاء من الله كبير
بقولها عن تجربه
ربنا بيكافئ عبده الشكور الراضي بقضائه
والا احنا نفضل نقول بحبك ياربنا
ولما يعمل لنا اختبار حب
نسقط فيه
لا ياهناه اللي ينجح في هذا الاختبار
والاجابه هي الصبر والرضا والشكر
كل سنه وانت راضيه وشاكره وصابره

Unknown يقول...

أسأل الله الذي لن تطيب الدنيا إلا بذكره
ولن تطيب الآخرة إلا بعفوه
ولن تطيب الجنة إلا برؤيته
أن يديم ثباتك ويقوي إيمانك وصحتك
ويرفع قدرك ويشرح صدرك
ويسهل خطاك لدروب الجنة
وأن يجعلك من عتقائه من النار
ومبروك عليك شهر رمضان

mahasen saber يقول...

اكون او لا اكون ..
كده طمنتينى الهى يطمن قلبك وهستنا برضه البوست عشان اعرف ...نورتى يا كونه وصليتى التراويح فين..

mahasen saber يقول...

انا ودماغى ...
رمضان كريم يا جميله يا صغيره وعارفه كلامك مضبوط لا واحسن طريقه الواحد يعملها يبقى هو ودماغه عشان يقدر يكمل فى الحياه وهو عاقل...
كل رمضان وانتى بالف خير يا جميله وبتسعدينى بزيارتك وان شاءالله رزق وحظك فى الحياه يبقى غير كده خالص خالص..

mahasen saber يقول...

د.مونى...
ربنا يخفف عنك ويحققلك السعاده اليى بتتمنيها الدنيا دى دار بلاء بسلو الواحد قيم مشاكله بطريقه فيها شوية امل وحط فى قرارة نفسه انه احسن منغيره بكتير وانه بيحتسب كل ده لوجه الله بيتهيألى هيستريح قوى وهيوصل لمرحلة انه يتعود على همومه ويتعايش معاها...
انا بدعيلك بقلب خالص ان ربنا يخفف عنك لانى فعلا بحس بمراره فى كلامك وده شئ بيحزنى فعلا عليكى ..ربنا يسعدك ويباركلك ويكرمك انا فعلا بحبزيارتك جدا ومبسوطه انك عندى بتحسى بشئ ما دا شرف ليا ..رمضان كريم عليكى ان شاء الله ...
ونفسى لو عايزه تفضفضى معايابحاجه دا شئ يسعدنى لانى حاسه معاكى برابط ما وحاسه بان جواك كتير مدايقك ومفرحك ايميلى موجود لو احتجتى اى شئ انا يسعدنى انى اكون تحت امرك...اختك محاسن.

mahasen saber يقول...

شمس النهار...
انا اليى شكرا على زيارتك الجميله وتعليقاتك الجميله والمفيده معرفت حضرتك شئ يسعدنى جدا ويشرفنى التواصل مع حضرتك جدا وانا زرت المدونه ولقيتها فعلا السهل الممتنع...
جزاكى الله كل خير ورمضان كريم.

mahasen saber يقول...

نهر الحب...
اللهم امين ..كل رمضان وانتى بالف خير وجزاكى الله كل خيرعلى الدعاء وربنا يتقبل ..انا سعيده بزيارتك قوى وبدعائك الجميل الواحد لما بيصدق ان حد يدعيله الله يكرمك ويجعلك من الخير كما تتمنيلى ..
شاكره ليكى كرم اخلاقك ربنا يباركلك وان شاء الله تكونى دايما فى افضل حال ..ومضان كريم عليكى وعلى من تحبين ان شاء الله.

abeermedhat يقول...

حلو قوي
زياره سريعه عالماشي
:)))

غير معرف يقول...

عزيزتي محاسن

الحياه مليانه اختبارات و زنقات و الذكي هو اللي يعرف يتغلب عليها
رمضان كريم و كل سنه و انتي طيبه و ينعاد عليكي بالخير و يجعل كل ايامك فيها بركه و سعاده

Desert cat يقول...

كل سنة وانتى طيبة وربنا يبارك لك فى ابنك

هانى زينهم يقول...

مين اللى قال ان الرجالة ما بيزنقوش ؟؟ ده ما بيتزنقش الا الرجالة !! بس الستات احلى عشان كدة قالوا زنقة الستات وبعدين والله ما عارف مين اللى مظلوم من التانى الرجالة ولا الستات ماهو الراجل مش مفترى قوى كدة هى بس حركات عشان قال يعنى الواد غدنفر!!
كل سنة وانت طيبة وما تسمعيش كلام المحيطين بيكى واعملى اللى فيه صالح ابنك اولا وانت ثانيا الناس كدة كدة ما وراهاش الا الكلام .

mahasen saber يقول...

bira...
نورتينى بالزياره سواء عل الماشى او القاعد ...وعارفه كان ليا واحده صحبتى اسمها عبير وكنت بناديها بيره وهيا كانت منقبه فتخيلى وقع الاسم عليها الله يكرمها بكل خير كنت بحبها قوى ومازلت....
كل رمضان وانتى بالف خير واسعدتينى بالزياره...

mahasen saber يقول...

اجندا حمرا....
رمضان كريم عليكى وعلى اسرتك وعلى كل من تحبين ..
وكلامك مضبوط مقدرش اختلف ولا اعترض عليه بس المشكله ان الناس بقت بتفتى وفتيها ده بياذى غيرها وبيجرحها وعادى عادى عادى جدا ان اى حد بقا يجرح اى حد فربنا يهدى ..
نورتينى وربنا يكرمك ويسعدك ويباركلك فى اسرتك ونفسك وكل من تحبين..اللهم امين..

mahasen saber يقول...

desert cat...
كل رمضان وانتى بالف الف خير وسعاده ومنوره ومنونوه دايما ..عامله ايه ان شاء الله تكونى فى احسن حال وربنا يتقبل دعاكى ...
جزاكى الله كل خير ورمضان كريم وناووو..

mahasen saber يقول...

هانى زينهم....
استاذ هانى رمضان كريم عليك وعلى اسرتك وكل من تحب ان شاء الله ...
ودافع براحتك مقدرش الومك يعنى هتعادى جنسك بس الستات بيتزنقوا اكتر عشان مكسورين الجناح على اساس ان احنا عصافير..بس الحمدلله على كل شئ بس الناس انا عارفه مبيعجبهمش العجب مش الناس دول اليى كفروا بالله والناس دول اليى غلبوا الانبياء وتعبوهم يبقى اتقائم احسن وتطنيش بشاعاتهم احسن...مع ان مش كل الناس وحشه والله فيه ناس فعلا بتعامل معاهم ومبملكش غير انى ادعيلهم ان يبقى مثواهم الجنه ورضا ربنا من كتر ما هما فعلا كويسين...
كل رمضان وانتا بالف خير والا قولى مصر لسه امك ولاا مرات خالك..كان بوست جميل ..

Unknown يقول...

احنا اخوات
ومافى داعى ابدا للشكر
كل رمضان وانتى بخير

بنت سيناء.. يقول...

عايزة اتطلق..الست فى المجتمع مسكينة وحقها مهضوم بس احنا بقينا نعرف بجيب حقنا
خلاص راح زمن سى السيد
وبعدين مش ارميلى عيالة واتجوزى لا (اخلعية واتجوزى) (:
كل سنة وانتى وابنك بخير وان شا الله ربنا يعوض فيه

أكون أو لا أكون يقول...

ربي يسلمك ياحبيبتي... انا بخير الحمد لله...
وحضرتك عامله ايه... ان شاء الله كل شي تمام...

غير معرف يقول...

تفتكري بقي لو الراجل اللي مزنوق

مشتبقي صعبة شوية

عموما

مافيش حد بيحس بحد لان كل واحد فيه اللي مكفيه

ولازم نعيش

لاننا بنحب الحياة

((مشطايقينها بس بنقنع نفسينا ))


لا يستطيع احدا ان يقدر احاسيسك الداخلية ونبضات قلبك الا انت

Sourah يقول...

دي اول مرة ادخل مدونتك يا محاسن ،بس عارفه يا محاسن ، انا جربت بأه احساس الولد اللي بيسمع كلمة ارميله الواد و اخلصي ، احساس خوف عظيم ، و احساس اني هموت في اي لحظة ممكن تضحى ماما فيها بينا ، و فضلت على الاحساس ده لغاية اما خلفت ..
عرفت اد ايه انها من غير ماتقولنا ماتخافوش ، اد ايه هيه مش هتفرط فينا ، هيه محتاجانا زي ما احنا محتاجنلها بالضبط .

ربنا يباركلك في عبد الرحمن - اغلى اسم عندي في الدنيا - و تشوفي فيه العوض عن ايام تألمتي فيها ,,

و رمضان كريم


و اخر الكلام سلاااام ..!!

mahasen saber يقول...

نهر الحب...
الله يكرمك ده شئ يسعدنى وفعلا احنا اخوات ...بس الشكر واجب لاى حد كويس ويستاهله زيك كده .جزاك الله كل خير..

mahasen saber يقول...

بنت سيناء...
كل رمضان وانتى بالف خير وسينا كلها بخير ..يعنى انتى شايفه ان احنا بقينا بنعرف نجيبحقنا امال اليى عتقو فى محاكم الاسره زى حالاتى دول جم منيين بعدين اخلعيه واتجوزى ماشى يا جماعة الخير ..مقبوله..
بس قوليلى رمضان فى سيناء مظاهره ايه ولاا ااقولك اكتبيهابوست لو فيه عادات سيناويه احنا منعرفهاش ..ماشى ..سلام ياسيناويه.

mahasen saber يقول...

اكون او لا اكون...
الحمدلله انا كويسه يا كونه والف شكر على سؤالك كلك ذوقك واخلاق عاليه...
جزاكى الله كل خير يا حبيبتى..

mahasen saber يقول...

afew good men...
ليه مفيش حد بيحس بحد امال احنا بنئدمين ليه بعدين اليى مش بيحس بحد خلاص يسيبه فى حاله مش يعكنن عليه ويجرح ويقطع ويشخبط فى مشاعره..بعدين احنا بنقنع نفسنا ان الدنيا حلوه ما هيافعلا حلوه بس احنا اليى وحشين..
بس سيبك انتا كل رمضان وانتا بالف خير وان شاء الله تكون فى احسن وافضل حال..ومتقوليش منيين ..اتفقنا الدنيا حلوه بس احنا اليى وحشين..
رمضان كريم..

mahasen saber يقول...

sourah...
اولا رمضان كريم ..وثانيا نورتينى وشرفتينى بالزياره وان شاء الله متكونش الاخيره...
ثالثا واليى وجعلى قلبى قوى كلامك فعلا لما ام تسمع الكلام ده هتتماسك وتتعايش وتطنش انما لما طفل اليى يسمع فعلابتخلق نوع من عدم احساسه بالامان ..بس مبسوطهانك تخطيتى التجربه دى بعد ما بقيتى ام ...بس امك تستاهل منك تتحط فى عنيكى وتغليفيها بقلبك ربنا يجزيها خير...
سعيده بزيارتك قوى وكل رمضان وانتى واسرتك وزوجك وكل من تحبين بالف الف خير..

المنافق يقول...

الزنقة سببها ايه؟ الآخرين ولا احنا ولا نمسحها في الظروف..

لو عايزة تبقي مزنوقة ممكن ولو عايزة ما تبقيش مزنوقة ممكن برض..الانسان وما يختاره هو لا ما يختاره الآخرين له..

تحياتي

mahasen saber يقول...
أزال المؤلف هذا التعليق.
mahasen saber يقول...

السلام عليكم..ورمضان كريم..
كلامك ان الانسان هو اليى بايده يخلى نفسه سعيد او تعيس...
النسان لو تمسك بوجود الله وان لا اله الا الله ..
ولو طبق تعاليم سيدنا محمد صلى الله عليه وسلم ..اليى بهرت الغرب قبل الشرق واليى من سمو تعاليمه وسنته قال عنه جورج برنارد شو اديب ايرلندا الشهير..لو وجد محمد فى العالم الان لما وجدت حروب ولا صراعات ولاصبح العالم قطعه من الجنه...
فلو توفرت الصفات دى فى الانسان اكيد بايده وبرضا ربنا عنه هيوصل قطعا للسعاده...
كل رمضان وانتا بخير اسمع الادان وبص بعنيك حواليك هتلاقى قدرة ربنا ودلائل وجوده موجوده حتى جواك فى قلبك ولسانك واعصابك ومخك كل شئ فى الدنيا بينطق وبيشهد على وجود الخالق عز وجل ...
زرت مدونتك وللاسف اشفقت عليك لانى شوفت فيها انسان مش لاقى طريق يمشى فيه مع ان طاقة النور موجوده جواه ..وجود الخالق عز وجل ..مش هقول غير بدعيلك فى الايام الكريمه ان ربنا يهديك وينور بصيرتك ويهديك للحق ولطريقه وتحبه وتدوب فيه زى ما كلنابنحبه وبندوب فيه ..الله الذى لا اله الا هو الحى القيوم..
انا عايزاك بس تفكر فى الجمله دى كويس..
..لا اله الا الله محمد رسول الله..
ومملكش غير انى ادعيلك بالهدايه وراحة القلب لان انتا فى الاول والاخر انسان وروح كرمها المولى عز وجل حتى لو والعياذبالله كفرت به..
ربنا ينور بصيرتك ويهديك..السلام عليكمورمضان كريم..

أكون أو لا أكون يقول...

محاسن... ازايك؟؟؟ ...
ازاي رمضان معاكي؟؟؟... كله تمام؟؟؟
ازاي عبد الرحمن؟؟؟... بس ماسالتكيش هو عنده كم سنه...؟

mahasen saber يقول...

اكون او لا اكون..
تصدقى بقه كنت لسه ريحالك عشان ااقولك تقرى تعليق الاخ المنافق وتزورى مدونته وتقوليلى رايك ايه فى المدونات اليى كده..
بس بيرو عنده 3 سنين ونص بس ايه يا كونه قمر زيك كده بالضبط ..

أكون أو لا أكون يقول...

ياحياتي هو عبودي... (يقبرني ويطلع على قبري ههههه) زي مابيقول اخوانا السوريين..

ربي يخليه ويحفظه... امين...

نـــــور يقول...

ياحبيبتى ياقلبى انا بقيت كويسه
مش عارفه اقولك ايه على سؤالك ده

بس ده واجب عليكى اصلا ههههههههه

والله الحمد لله

نفسيتى بقت احسن بدعواتك بقى
وماتخافيش هحاول ارد على حوالى 70 تعليق مكومين عليا انهارده

والله ربنا يقوينى

تسلميلى ياقلبى ويسلملى سؤالك

وقوم يابت يالا من النت جهزى الفطار

يلاااااااااااا

بحبك ف الله

أكون أو لا أكون يقول...

استغفر الله الستغفر الله... ماهذا... انا بس شفت الصور الفضيحه هربت هربت هربت... الحق حالك قبل خيالك هههههههههههههههههههههههههههههههههههههههههههههههههههه... هي عن ايه بالضبط... لاني مش هقدر اشوف... انا نخيلتي واسعه... يعني اخاف الصور تلزق بدماغي... ومش حتتنسي بسهوله ههههههههههههههه...

mahasen saber يقول...

حبيبه ...
ده على اساس انك هتفطرى معايا والله فطستينى من الضحك ايوه كده يا شرقاوى روق وابتسم كده وكده انا اتطمنت عليكى خلاص الحمدلله ..
بقولك ايه انا هسك على الفطار وقومى انتى شوفيلنا مائدة رحمن ناكل عليها هههههه.. والله نورتى وفرحتينى..

أكون أو لا أكون يقول...

ربي يتقبل منكم الصيام... امين... احنا لسه باقي ثلاث ساعات على الفطار...

mahasen saber يقول...

اكون او لا اكون..
القبر ده بعد عمر طويلان شاء الله انما يقف فى فرحك ان شاء الله يا كونتى المصريين بيعملو اعلا واجب فى الافراح مقولقيش هخليكى تشوفى بنفسك..وسعيلى يا كونه عشان انا جايالك دلوقت عايزه ااقولك على حاجه سر ...

mahasen saber يقول...

اكون او لا اكون...
كونه انتى هنا وانا عندك سايبالك تعليقين روحى وهتعرفى عن ايه وبقالكم 3 ساعات ليه انتى فين فى لندن هههههههه اصل بينا وبين لندن 3 ساعات بس فى الساعه تصدقى معرفش يا كونه انتى منيين انا من مصر انتى من اى حته عزيزه فى وطنا الغالى انا حاسه العراق اليى قلبى هيموت عليه ...قوليلى انتى بقه يعنى عايزه اعرف اختى عايشه فين بس..

mahasen saber يقول...

اكون او لا اكون...
بس كونه وقعتينى من الضحك ايه الحق حالك قبل خيالك دى ...دا انتى طلعتى دمك شربات ..

أكون أو لا أكون يقول...

ايوه ايوه انا هنا...

أكون أو لا أكون يقول...

وقريت تعليقك عندي ومحتاره صراحه... بس تعرفي هم ليه علقوا عندك... فكري وانتي تعرفي.... هههههههههه

أكون أو لا أكون يقول...
أزال المؤلف هذا التعليق.
mahasen saber يقول...

ههههههههه يعنى لما كنت بهزر واقول 3 ساعات بينا وبين لندن كان بجد انتى هناك لا لا لا الحاسه اليى بينى وبينكدى مش معقوله عايزين ندرسها

mahasen saber يقول...

اه بس انا كنت متأكده انك من العراق الشقيق عشان لهجت الكتابه العراق ده جرح جوه قلب كل عربى ربنا يفك كربه...المهم انا هدعيلك وانا بفطر وانتى ادعيلى وانتى بتفطرى بقلك ايه يا كونه ايه رايك احط لعبدالرحمن صوره فى المدونه ...

mahasen saber يقول...

لا عارفه ليه علقوا عندى بسقولى انتى ولو زى ما فى بالى هنبقا خلاص سول مات..بهزر ما احناكده طبعااخوات وحبايب كمان ..بس قولى انتىورينى قرايت الافكار..انا هروح بقه عشان افطر وهرجعلك نتقابل بقه فى مدونتك عشان نتكلم على بوستك الاخيربس هدخل النت الساعه 12 بتوقيت مصر عشان بيفصل الفتره اليى قبل دى ماشى يا قمر..
سلام يا كونتى..

أكون أو لا أكون يقول...

هما عايزين يقولوا ان ليه انتي زعلانه طالما ان فيه حل... والحل برأيهم هو تبقي زي حالهم... الهباب المنيل اللي شفناه بخرابتهم...
ههههههههههههههههههههههههههههههههههه...
وكتير بيظنوا ان الحريه ان الواحد يتجرد من دينه... من مبادئه... من قيمه... عاداته وتقاليده... ماعرفوش ان تمسكنا بكل ده يعني تمسكنا بهويتنا... تمسكنا بكرامتنا...
حتى لو كان في العادات والتقاليد بعض المساوء لكنها بشكل عام اطلاقا لا تقارن بالضلال اللي هم فيه...

ماعرفوش ان اللي بيخسر ربنا بيخسر دنيا واخره... ومش حيتهني بشئ... وهو الخسران...

يا أختي يامحاسن ... ده كانت دعوه للضياع ... ههههههه
استغفر الله العظيم...
ربنا يهدي الجميع...
الحمد لله على دين الاسلام... دين العز والكرامه...دين النصر أولاً واخراً

رصيف نمره خمســــــه يقول...

كل سنة وانتى طيبة ياسوسو وابنك بالف خير

رمضان كريييييييييييم

mahasen saber يقول...

اكون او لا اكون...
كونه حللتيها صح وصح الصح كمان بس انا قولت دول ممكن افتكرونى منحرفه ولا حاجه عشان بقول عايزه اتطلق هههههه..
الحمدلله على الاسلام نعمه وكفا بها نعمه..
والحمدلله على معلافتى بيكى يا كونه يا قمر بغداد..

mahasen saber يقول...

رصيف نمره خمسه...
منوره المنطقه يا رصيييفو ايه اخبارك يا جميله..كل رمضان وانتى واسرتك وكل من تحبين بالف الف خير..

مصري بالغربة يقول...

السلام عليكم

كيف حالك يا محاسن واخبارك ايه ان شاء الله تكوني بخير

وايشلون عبد الرحمن ابنك , ان شاء الله من العايدين برمضان وكل عام وانتم بخير

وعلى فكرة فيه سوق عندنا باسكندرية اسمه زنقة الستات وانا دخلته ودرسته حتة حتة

وانا مجبر ومضطر طبعا , لان انا وانا في الكلية كان اتطلب مننا دراسة عمرانية وتطوير المنطقة ديه

اصل انا قسم عمارة , وعشان كده نزلنا كلنا للسوق ده وعملنا له تطوير والمنطقة ديه من اقدم المناطق باسكندرية على فكرة

مع دوام التوفيق والنجاح

mahasen saber يقول...

مصرى بالغربه...
رمضان كريم ..منورنى ومشرفنى دايما اخبارك ايه ان شاء الله تكون فى افضل حال والحمدلله انا وابنى كويسين وحامدين المولى عز وجل ...
بس زنقه عن زنقه تفرق بس انا نزلت اسكندريه كتير ومرحتش الزنقه قبل كده لا اعتقد رحتها مره مع واحده عشان قالتلى دى الزنقه فاستغربت وقولتلها اليى بسمع عنها ياه ..بس اسكندريه وكل ما فيهل تحفه واكيد الشغل اليى عملته ده كان من اروع مايمكن عشان تعاملك مع شوارع ومبانى وطوب قديم...
اصل انا بعشق كل ما هو قديم ...رمضان كريم عليك وقولى مش ناوى تعمل مدونه بقه...
كل رمضان وانتا واسرتك وكل من تحب بالف الف خير وسلام..

Unknown يقول...

ربن ما يزنقنا بين الستات أبدا ده أنا لو وقعت في ايد وحدة منهم رحت فيها..
ميفوتكيش بأه الجديد بتاعي رواية بس ايه هتعجبك قوي ان شاء الله غير الأولى خالص..وربنا معاكي
صياما مقبولا وإفطارا شهيا
كل ودي

غير معرف يقول...

مدونه جميله

ماشاء الله

كل سنه وحضرتك طيبه

:)

رمضان كريم

مصري بالغربة يقول...

شكرا على ردك الجميل والسريع بنفس الوقت يا ام عبد الرحمن

من ناحية المدونة انا بافكر فعلا اعمل مدونة بس باتعلم الاول من اسلوبكم الجميل ده واخد شوية خبرة كده وبعد كده اعمل مدونة

وبافكر اسميها بادور على عروسة ايه رايك

لاني بقالي فترة هنا بالسعودية ونازل عن قريب ان شاء الله ادور على عروسة ايه رايك بالفكرة ديه كاسم للمدونة

مع اني من كتر ما قريت عن الجواز ومشاكله ومتاعبه خايف اغير راي

واعمل مدونة خليني عازب احسن

هههه . . . ولا انت ايه رايك

Mona Shereif يقول...

كل سنة وانتى طيبه يا حبيبتى
ويارب تكونى حاسه بروحانيات رمضان لانه فعلا شهر الخير
لانى بحد ما قابلتش حد الا وقالى انا مش حاسس برمضان
ادعيلى

mahasen saber يقول...

كاتب مصرى...
كل رمضان وانتا بكل خير وان شاء الله هحاول اتابعها بس اكيد هزورك يعنى احنا عندنا كام كاتب فى سنك ندعمه...
رمضان كريم ومتتزنقش بين الستات تانى بكره انتا تكبر وتخربش..

mahasen saber يقول...

حسام يحى..
رمضان كريم عليك وشاكره ذوقك العالى وكلامك الرقيق...كل رمضان وانتا ومن تحب بكل خير..

mahasen saber يقول...

مصرى بالغربه...
اولا الكلام الجميل ده والشكر ده كتير عليا انا مستاهلش كل ده ..ثانيا انك تاخد رايى فى اسم المدونه فده شرف كبير ليا يا رب ابقا قده..
ثالثا بقه مش المدونات دى المفروض بتعبر عننا وعن اليى شاغلنا خلاص ..انتا شاغلك موضوع البحث عن عروسه وحاسس ان الموضوع ده واخد مساحه لا بأس بها من عقلك ومشاعرك خلاص اعمله وسميها زى ما انتا عايز وبعدين اسم حلو قوى بس المهم حضر محتوى حلو واكيد طبعا مش هيطلع منك غير موضوعات حلوه..
مره كمان شكرا على ثقتك الغاليه وذوقك ورمضان كريم عليك ان شاء الله..

Ahmed Al-Sabbagh يقول...

ربنا يكرمك

اعتقد لو على الزنقة مفروض يسموها زنقة البشر

كل سنة وانتى طيبة

مدونتك رائعة بحق

تقديرى ومحبتى

احمد

mahasen saber يقول...

sometimes...
بدعيلك بظهر الغيب من غير ما تقولى لانى بحبك فى الله..وكل رمضان وانتى واسرتك بالف خير .وعلى فكره انا حاسه بروحانيات الشهر من ليلة الرؤيا ده شهر احساسه بيطغى على الكل ..

mahasen saber يقول...

احمد الصباغ...
رمضان كريم عليك وعلى حبايبك ان شاء الله وشرفتنى بالزياره واسعدنى قوى ان المدونه عجبتك ده شئ يسعدنى فعلا ...
كل رمضان وانتا بكل خير واولاد اخواتك فى افضل حال ان شاء الله ..
وعلى فكره كنت قريت لقائك فى على صوتك ومنه دخلت مدونتك ربنا يوفقك وجهودك واضحه وملموسه ...جزاك الله كل خير ..ورمضان كريم..

طارق هلال يقول...

أعتقد أنه لا أحد يحق له أن يفرق بين الأم وابنها
السؤال .. هل يمكنك اثبات عدم أهليته لحضانة ابنه؟ هل سترتاحين لفكرة أن تفرقى بين الولد وأبيه؟ هل تعتقدين أنه سيهتم أصلا أو مجرد النكاية فيكى ستجعله يحاول منعك من ابنك؟
أكيد فكرتى فى كل ذلك وأعتقد أن هذا سبب صبرك الحقيقى
أنا أعتقد أن الله سيهديه يوما ما ويعود إليك معتذرا نادما
ربنا يهديه ليكى يارب ويصلح ما بينكما ويجمعكم فى الخير دائما ويبعد عنكما شياطين الأنس والجن...
-----
كل سنة وانتى طيبة

mahasen saber يقول...

arabic id...
كل رمضان وانتا واسرتك وكل من تحب بكل خير ...
ثانيا عمرى ما ابقا جاهده وامنع ابنى من انه يشوف ابوه او اهله امال هعلمه صلة الرحم ازاى...
بس شاكره زيارتك وتشريفك ورمضان كريم ..

مصري بالغربة يقول...

شكرا ليكي يا محاسن على ذوقك

وان شاء الله اوعدك عن قريب اعمل مدونة

بس افضى شوية لاني في مرحلة دلوقت صعبة حبتين

وباحضر نفسي عشان انزل مصر واشوف والدي ووالدتي واخواتي لانهم وحشوني جدا جدا

بس الاول اروح اعمل عمرة رمضان وبعد كده انزل ان شاء الله

مع خالص تحياتي

الريم يقول...

محاسن ازيك

كل سنة وانتى طيبة

مش لازم ترمى ابنك طبعا عشان تتجوزى

بس ممكن تلاقى انسان كويس


ويكون اب لابنك


ويعوضك عن اللى شفتيه فى حياتك

أكون أو لا أكون يقول...

السلام عليكم... انا جيت يا محاسن الغاليه...
ازايك؟

أكون أو لا أكون يقول...

هههه انا ماشفتش التعليق... لانك سبتيه على البوست اللي قبل الاخير..

بنت الاسلام يقول...

كل سنة ونتي طيبة يا ست الكل

معلش الحياة كلها زنقة لكن بكرة تفرج وتروق وتحلا وادينا ماشين راضيين صابرين طامعين في الجنة ونعيمها

وكل سنة وابنك بخير واوعي تيمعي كلامهم وترميهوله

هو اللي ليكي

ودنيتك كلها

اللي باقيالك

تحياتي

عايش... ولكن !!!! يقول...

عندك حق
نظرة المجتمع للمرأه المطلقه ياريت تتغير
بس هو مين ده اللى معندوش دم اللى بيقول ارميله ابنه؟
ده شخص معدوم الاحساس
عموما ربنا يصبرك
بس على فكره مش الستات بس الى مزنوقه الرجاله بقت مزنوقه هيا كمان فى كل حاجه هههه لا وكمان بتتلخلخ قصدى بتتخلع هههههههه
كل سنه وانتى طيبه
علاء

عالم حبيب يقول...

الله يعينك يارب .. ويوفقك لكل خير .. وعسى أن تكرهوا شيئا وهو خير لكم .. ان شاء الله ربي يعينك وتكملي الطريق بتربية ابنك تربية سليمة ويكون هو سبب دخول الجنة ان شاء الله

جميلة اوي الكلمات دي

"مين فى الحياه متزنقش فيها
ومين مااتخادش من نظرة عنيها
ومين ما اتشبكش واتكلبش فى مشاكلها واهاليها
مزنوقه مخنوقه ومتطره اكون موجوده
ومش باختيارى اعيش
لكن باختيارى اصبر
وعشانه ابنى هعيش
وكمان عشانه هصبر
واحارب مليون جيش
لو عنه راح ابعد
امومتى وعشانها هكون
وانوثتى وفى الارض تكون
لو عنه راح ابعد...."

رمضان كريم

على فكرة ده اول مرور ليا بعد النقاش في مدونة بنت سيناء :) .. الاختلاف في الرأي لا يفسد الود .. أسعدكِ الله

أنت...وأنا يقول...

السلام عليكم
رمضان مبارك... هذى اول زياره لى لاول مدونه اكتب فيها تعليق... شدنى الاسم عايزه اطلق.. وزنقه الستات حقيقى زنقه.. اما عن ابنك الصغير فالى قالك ارميه لابوه وتجوزى بكرا راح يقول رمته وراحت تتزوج الناس شغلتها الكلام لا تتاثرين بكلام الناس هذى هديه الله لكى احتفطى بها والله المستعان على هالناس والظروف والزنقااااااااات....

mahasen saber يقول...

مصرى بالغربه...
تيجى بالف سلامه ان شاء الله وربنا يطمنك على اهلك ويطمن اهلك عليك ...
بس هتعمل عمره يبقا تدعيلى انا وعبد الرحمن والمسلمين وان ربنا يرحم والدى وموتا المسلمين..والملايكه هتقول ولك مثله..
ربنا يتقبل منك وتشرف بلدك بالسلامه ولا شكر على واجب انا مبعملش حاجه..

mahasen saber يقول...

الريم....
بلاش احنا نتكلم فى موضوع الجواز ده هههههه..وانتا عارف ليه يا قمربعدين الاولا بالجواز واحده قمر زيك مش انا اليى على اعتاب السبعين وكسر ...
يا ريموووو دا انا لو ربنى كرمنى فى عبدالرحمن هبقا مسكت النجوم بايديه..
وحشتينى قوى يا قمر وكل سنه وصاحبتك طيبه وانتوا مغلف صداقتكم الصدق والامانه ان شاء الله..

mahasen saber يقول...

اكون او لا اكون...
كونه انا ادخلانتى تطلعى انااطلع انتى تدخلى كده مينفعش لا يجوز حد فينا يضيفالتانى على الماسينجر افضل ولا ايه رايك ...
خلاص يا كونتى يا ستى عشان حتى يبقى فيه تواصل وخصوصيه ايش بتقولى ..

mahasen saber يقول...

بنت الاسلام....
كل رمضان وانتى بكل خير يا بطهورمضان كريم عليكى وعلى كل من تحبين ...
بس واضح انك مقريتيش البوست اليى فىعبدالرحمن وكنتى هتقدرى تعرفى انا من نوع الستات اليى بترمى ابنها ولالا...
انا ارمى نفسى فى شلالات نياجرا ولا اتخلى عن ابنى يا نهارى حد يرمى روحه طب هيعيش ازاى..
نورتينى يا بطوطه يا جميله..

mahasen saber يقول...

عايش ولكن...
رمضان كريم عليك ان شاء الله ..
بس الخلع ده جه علىمزاج الرجاله قوى يبقا مطلع عين مراته ويقولها مش عاجبك اخلعينى فمش زنقه بالنسبه ليكوا ولا حاجه...
وعنك حق المجتمع نظرته للمطلقه نظره مريبه وانها خربت بيتهامن غير ما يعرفوا ظروفها ..
نورتنى وكل رمضان وانتا عايش وبالف خير يا عايش ولكن..

mahasen saber يقول...

عالم حبيب....
اولا يشرفنى زيارتك جدا وتسعدنى قوى ويسعدنى النقاش مع عقليه راقيه ومتثقفه وموضوعيه بالشكل الجميل ده فعلا انتا وطريقة نقاشك بتدى مثال رائع للمسلم كما يجب ان يكون فى النقاش...
اما ابنى فادعيلى ان ربنا يكرمنى فيه وااقدر اربيه زى ما بتمنا ان شاء الله ويكون مصدر فخر لدينه ونفسه واى حد يعرفه...
اما اعجابك بكلماتى المتواضعه دى فربنا يكرمك حسستنى انى سعاد الصباح ..جزاك الله كل خير وشرفتنى بالزياره ونورتنى كمان..
وكل رمضان وانتا واسرتك وكل من تحب بكل الخير اليى فى الدنيا كلها..

mahasen saber يقول...

انت وانا.....
رمضان كريم عليك بكل خير ان شاء الله..
بس ايه الشرف الكبير ده اول تعليق لاول مدونه تزورها لا لا الشرف ده كبير عليا ده لو ينفع كنت اعلقه فى المدونه ...والله انا فعلا سعيده ان اول تعليق لاول مدونه من المدونات دى كلها اليىهيا افضل نمنى بكتير بكتير ..فتخصنى انتا بشرف التعليق نورتنى وشرفتنى ..
اما كلام الناس ففعلا انسب حاجه لوصفهم قصة جحا وابنه والحمار..
نورتنى وشرفتنى جدا وزيارتك وتعليقك عزاز عليا قوى ..كل رمضان وانتا بكل خير..
وفى رعاية الله وامنه..اه كنت هنساانا بموت فى ممثل اسمه روبرت دى نيرو فالاقيك حاطط صورته لا وهوصغير كمان ياه ممثل ااقل وصف يتقال عليه انه عبقرى عبقرى عبقرى ...انتا تعرف دا اخرج وانتج كمان ومتجوز واحده سمرا مش عندنا هنا لازم تبقا بيضه وعنيهاملونه...
ياه رائع رائع فعلا..اه وبيعانى من السرطان ربنا يشفيه ويشفى كل انسان مريض...

أكون أو لا أكون يقول...

محاسن... ازايك... انتي موجوده؟

أكون أو لا أكون يقول...
أزال المؤلف هذا التعليق.
ساسو يقول...

أسأل الله الذي لن تطيب الدنيا إلا بذكره
ولن تطيب الآخرة إلا بعفوه
ولن تطيب الجنة إلا برؤيته
أن يديم ثباتك ويقوي إيمانك وصحتك
ويرفع قدرك ويشرح صدرك
ويسهل خطاك لدروب الجنة
وأن يجعلك من عتقائه من النار
ومبروك عليك شهر رمضان

ساسو يقول...

ليكي زياره بعد رمضان علي رواقه
رمضان كريم

مصري بالغربة يقول...

على فكرة يا ام عبد الرحمن انا سمعت كلامك

وتشجعت ولملمت فرائسي ( مع اني مش عارف يعني ايه الكلمة ديه ) ههه

واخيرا عملت مدونة واتمنى تعجبكم

dodda يقول...

كل سنه وانت بخير
وقلبك الطيب بالف خير
يارب تفضلى بطيبتك كده وادعى دايما بالخير وربنا الكريم حيديكى كل خير

mahasen saber يقول...

اكون او لا اكون...
كونه روحى ااقرىالتعليق اليى سبتهولك عندك واعملى اليى فيه مينفعش كدهمش عارفين نتكلم واحنا فى عصر التكنولوجيا والتطور ..يا كسوفنا وخسوفنا..سلام يا قمر.

mahasen saber يقول...

ساسو...
جزاكى الله كل خير ولك مثل ما دعيتيلى ان شاء الله ...
نورتى المدونه وصاحبتها وشرفتينى وكل رمضان وانتى واسرتك وكل من تحبين بكل خير ان شاء الله ...
بس قوليلى مين القمر البرئ اليى فى الصوره دى ربنا يحمى ويبارك ان شاء الله ...
وهستنى اليى بعد رمضانعلى رواقه زى ما بتقولى نورتينى ورمضان كريم ...

mahasen saber يقول...

مصرى بالغربه...
اخونا محمود عمل مدونه يا مرحبا يا مرحبا ..انا زورتها اقبل ما اكتب الرد على تعليقك وسبتلك كوم تعليقات روح افرزهم ..انا مبسوطه ليك بشكل ومستنيه موضوع جامد ..تصدق يا محمود احلى شئ من التدوين انك بتحس ان بقه ليك اخوات وصحاب مشفتهمش فىالحياه الرضيه بس بتحس انهم ليك افضل من اشخاص تعرفهم بقالك 60 سنه .انتا طبعا عشان انا معنديش السن ده..
مستنيه موضوع جديد ..ربنا يكرمك ويسعدك ويهنيك ويرزقك ويكلبشك ويشكنلك فى بنت الحلال ان شاء الله..

mahasen saber يقول...

dodda...
والله انتى اليى قلبك طيب وجميله عشان كده بتقولى عليا كده ...
ربنا يكرمك ويسعدك فى اسرتك ان شاء الله ونبقا من المغفور لينا والمعتوقين من النار فى الشهر الكريم والفضيل ان شاء المولى عز وجل ...اختك محاسن..

كـــيــــــــارا يقول...

انا كيييييييييييت

كيت اسم واقولك وحشتيني اوي

ووصلت لسلامك لخالتو

mahasen saber يقول...

كيارا...
نورت يا قمر رمضان كريم اخبارك ايه...
وشكرا على توصيلك السلام ااقزليلهابقه كل رمضان وهيا بالف خير انا بدعيلهاربنا يطمن قلبها ويصبرها..

نوسه وريمان فى هاكونا مطاطا يقول...

السلام عليكم

ازيك يا محاسن

انا عارفه انى اتاخرت عنك اوى بس والله غصب عنى كنت تعبانه شويه

بجد انتى وحشتينى اوى اوى

وكل سنه وانتى طيبه

ورمضان كريم

وربنا يتقبل مننا يا رب العالمين
وينتقم من كل ظالم
وبجد مش تسمعى كلام الناس التانيين اللى بيقولولك ارميله ابنك

لاء طبعا

ابنك ده نور عينك

اوعى تتخلى عنه ابدا مهما حصل

حتى لو طليقك ده اجبرك على انه ياخده منك

اوعى تستسلمى

ربنا يفرج ضيقتنا كلنا يا رب

وينتقم من الظالم

مع ارق تحياتى

ريمان

عايزه اطمن عليكى

مش تنسى

ريمان

mahasen saber يقول...

حسام وريمان فى هاكونا ماطاطا...
ازيك يا ريمووو وحشانى قوى كل رمضان وانتى بكل خير يا جميله...
هو فيه ام تستغناعن قلبها يا ريموو عبد الرحمن انا ينفع اسيبنى واروح على فين طيب...
نورتينى ياريمووو والحمدلله برضه على نعمة السمع واليى يقول يقول للصبح نحن لا نتأثر ولا نتغير بالكلمات ولا الصدمات ...
الحمد لله..ورمضان كريم عليكى وعلى حسام وعلى هاكونا وعلى ماطاطا كمان اشمعنا هو..

Nabil يقول...

كل سنه وحضرتك طيبه
تقديري وتحياتى علي المدونه الجميله اللى تقطع القلب
تحياتى

شهرزاد يقول...

عايزة اتطلق
كل سنة وأنت طيبة
وربنا هيفك زنقتك وهيفرجها إن شاء الله
بس انتي ادعيله وهو قريب وهيجيب إن شاء الله
انا اسفة أني مقصرة معاكي والله
بس الحقيقة الفترة دي مزنوقة أوي... هههه
ألف تحية وكل سنة وأنت طيبة
ورمضان كريم

Unknown يقول...

الفاضلة

محاسن

كل عام ونحن جميعا بكل خير

رمضان كريم

لى سؤال فى بداية زيارتى الاولى لك

لماذا هذا العنوان

انا عاوزة اطلق و ..

اظن هذا ما لفت نظرى وشدنى للدخول

اتمنى ان نتواصل وكل عام وانت بكل خير

عصفور المدينة يقول...

كل عام وأنت بخير أستاذة محاسن وبارك الله فيك

كلام حسام يقول...

السلام عليكم
انا جاي بس اتطمن علي صحة حضرتك الكريمة
يارب تكوني بخير
وكل رمضان وكل يوم وانتي وابنك الغالي بخير

mahasen saber يقول...

nabil...
كل رمضان وانتا بكل خير ورمضان كريم عليك وعلى كل من تحب...
ونورتنى بالزياره ...بس لا تقطع القلب ولا حاجه هو اليى متقطع طبيعى..

mahasen saber يقول...

شهرزاد...
كل رمضان وانتى بالف خير يا جميلة وحشتينى جدا...
بس بعدالشر عليكى من الزنقه احنا عايزين ستات تكسر القاعده ...نورتينى ومفيش غيبه ولا حاجه تنورى فى اى وقت والبيت بيتك ...
ورمضان كريم عليكى وعلى شهريار كمان...

mahasen saber يقول...

حسن محمد توفيق....
كل رمضان وحضرتك واسرتك وكل من تحب بكل خير...
وحضرتك شرفتنى ويسعدنى التواصل طبعا مع حضرتك بس الاسم ده حكايه طويله...
مجمل القول..انا مطلقه شرعا بس فيه نزاع على ورقة الطلاق الرسمى اتنازل عن حقوقى ااخد الورقه ...
بس ده مفهوم الموضوع...
حضرتك شرفتنى ويا ريت اكون قدرت اريح بالك...فى رعاية الله وامنه..

mahasen saber يقول...

عصفور المدينه...
حضرتك نورتى وكل رمضان عليك وعلى الاسره بكل خير يا استاذ محمد...
وجزاكم الله بكل خير...

mahasen saber يقول...

شملولى بن سحلولى...
خطوه عزيزه حضرتك تنور فى اى وقت وشكرا على ذوقك ومرورك الجميل ...
ونورتنى كمان مره ...ورمضان كريم..

مصري بالغربة يقول...

صحيح يا ام عبد الرحمن

عايزة اطلق , ديه وعرفناها

طيب و .... ديه لايه بالظبط

انا ممكن افسرها ب

وعايزة اتجوز

صح ولا انا مش صح

تحياتي ليكي ول عبد الرحمن

tarek alghnam يقول...

اختى الكريمه
كل عام وانتى بخير
كل عام وانتى الى الله اقرب
فرصه
انه رمضان تخشعه فيه القلوب
ارفعى اكف التضرع الى الله ليحقق لكى كل امالك واحلامك
فهو القادر
تقبلى تحياتى
ومتعك الله بالسعادة والعافيه

mahasen saber يقول...

مصرى بالغربه...
ماشى يا بشمهندس محمود مش هقولك و ايه بس هقولك غير طريقة ارسال التعليق عندك خليها مفتوحه عشان انا ناسيه الباسوورد بتاعت الجوجل واحتمال اليوسر وكويسه انى فاكره نفسى ...
غيرها عشان انا كنت كاتبالك كلمتين للزمن بس معرفتش ابعتهم يظهر الوالده دعيالك...
منور يا محمود فى مصر حتى وانتا فى الغربه سرك باتع..

mahasen saber يقول...

طارق الغنام...
جزاك الله كل خير على النصيحه انتا دايما كده يا استاذ طارق بتدى النصيحه فى محلها ووقتها المناسب ...
جزاك الله كل خير مره تانيه ..وجعله فى ميزان حسناتك ..
بس عايزه ااقولك حاجه هوجروب المدونيين البروسعيديين الشراقوه ملهماش فيه نصيب هههههه مش احنا زاقين نفسنا معاكوا فى مدون القناه بالدراع يعنى ...
ربنا يوفقك ان شاء الله بورسعيد محافظه جميله وناسها اجمل بكتير وجدعان ..

Zanooba (Zeinab sab9n) يقول...

محااااااااااسن و الله و ليكي وحشة أنا عارفة إني أتأخرت أوي في الرد والله رقبتي بقت قد السمسمة ...فعلاً البنت في بلادنا العظيمة دي بتتولد و تعيش في زنقة المجتمع اللذكوري المجتمع بيتعاطف و يبرر للراجل لكن مش بيرر للست بيقولوا الراجل مبعبوش إلا جيبه و الراجل هو اللي بيصرف لكن في الزمن ده الست بقت بتصرف و بتربي و بتتهان مش معناها إن الراجل وضعه زي الفل بس الست وضعها أصعب و عارفة الناس اللي بتقول أرميله أبنه دول لو أنت عملتي كده حيقولوا قليلة الأصل يعني إزاي ولد يتبعد عن أمه ممكن الواحد يعيش بعيد عن أبوه لكن الأم أستحالة ...و عجبني أوي لما أنت بتقولي أنك عشان إبنك تحاربي جيوشك ...هما دول أمهاتنا يا محاسن بيفضلوا يحضنونا و يحمونا لأخر نفس ربنا يخليهولك يا رب و تفرحي بي و تشوفي حاجة تفرح

كل سنة و أنت طيبة و رمضان كريم

mahasen saber يقول...

zanooba....
يعنى انتا يا قمر كنت فين وحشانى قوى قوى متقولكيش قد ايه ...كل رمضان وانتى بالف خير يا زوزه..
بس ايه القرايه المتعمقهللبوست ده انتى حللتيه وقولتى رايك ولا خبير اجتماعى انتى بتدرسى اجتماع من ورايا ...قوليلى عامله ايه فى الشهر الكريم ان شاء الله تكونى فى افضل حال ..
بعدين ما عاش ولا كان اليى يصغر رقبتك الجميله انتى تزورينى فى اى وقت اتاخرتى او مااتاخرتيش مفيش فرق بت انتى يا بنوته يا حلوه احنا اخوات فمش معقول هزعل من اختى الصغيره عشان بقالها شويه مسالتش يمكن مشحنتش التليفون...
اوعى تقولى كده تانى انتى على الرحب واسعه وجوه قلبى اختى الصغنطوطه الجميله...
سلام يا زوزه..

غير معرف يقول...

(¯`'·.¸AhMeD.3LaM¸.·'´¯)

طب الحمد لله
اصلي افتكرت ان في خناقه ولا حاجه
لما شوفت عدد الكومنت ربنا يزيد ويبارك والله ماسك الخشب اهو

بخصوص الاغنيه اكيد هظبتها وابعتها ان شاء الله

حاسوباتيه يقول...

كل سنه وانتي طيبه وان شاء الله ربنا يحققلك الي عايزاه عاجبني كلامك جدا واصرارك على الصح وحافظي على ابنك وربنا معاكي يارب

مصراوى يقول...

هااااى كل عام وانتم بخير انا صديق جديد انا لو مفيش ازعاج ممكن اشاركك رايك فى كل بست تكتبية بس انا لكيت ميدونتك بل ستفة فدخلت فعجبتنى اوى بجد اتمنا ابكا صديك جديد ويارت متنسيش ان تزرى مدونتى

mahasen saber يقول...

ahmed 3lam...
ايه احنا فينا من كده لا امسك الخشب احسن...نورتنى فينك ده كله بتضبط فيها امال لو كانت معلقه كنت هتعمل ايه ...
بس اتطمن انا معنديش خناقات هنا مبحبش المشاكل الواحد مش ناقص بس انا اليى ربنا بيحبنى عشان تزورنى ناس كويسه ومحترمه كده ..
اصل ربنا مش بيدى البلاء فى كل حاجه لازم يسيب حاجه حلوه تفرح الواحد..
نورتنى يا استاذ علام ومستنيه الاغنيه بعد التعديل...

mahasen saber يقول...

حاسوباتيه...
رمضان كريم عليكى يا تكنولوجى وحشانى جدا جدا انشاء الله تكونى فى افضل حال ...
وشكرا على كلامك المشجع وقرايتك للبوست بامعان كده الف شكر يا حبيبتى ونورتينى ...ورمضان كريم..

mahasen saber يقول...

عالم الحب...
ايه العالم الحلو ده ده على اى كوكب ده ...نورتنا بالزياره وكل رمضان وانتا وعالمك فى منتهى الحب...
واكيد لازم ازور المدونه الرومانسيه دى اهه الواحد يريح اعصابه شويه..
ليه لا...رمضان كريم..

أكون أو لا أكون يقول...

حسونتي... ازايك؟؟؟
فينك يابنت... مختفيه عن الانظار... يبدو اني اضافتي ماوصلتتش... او يمكن عملتيلها الغاااااااء... هع هع هع .... ههههههههااااااي... وقولتي ياااه ايه اللزقه ده ...هههههههه...
ماشي يامحاسن.... حردهالك ...

Mona Shereif يقول...

محاسن ليكى تاج عندى يا قمر
ياريت تقبليه
هستناكى

غير معرف يقول...

الواحد على ماوصل لنهاية الصفحة ، بقى عامل زي اللي واقف في طابور العيش من كتر التعليقات ..... هههه ربنا يزيدك ، مش بـحسد والله ...

عموماً ، أنا بـحييكي علشان ماسمعتيش اللي بيقولوا " ارميله ابنك " ... ليه هو ابنك دا طوبة وهترميه ، يعني لو كان ابنهم هما كانوا قالوا كده ...

كل سنة وانتي طيبة ، رمضان كريم ، ماعتقدش هتلاقي أيام أفضل من أيامه علشان تنسي الماضي وتشوفي مستقبلك ومستقبل ابنك ....

بالمناسبة .... هو اسمه إيه ؟؟؟

في آمان الله

رادار

mahasen saber يقول...

اكزن او لا اكون...
مجتليش اضافه بعدين انا ااقدر ارفض اضافتك ...طب ضيفينى تانى يا كونه ولو مش استقبلتك استقبال الفاتحين مبقاش انا اليى بيقولو عليا انا...
ماشى يا كونتى يله قومى ضيفينى دلوقت اهه ...

مصري بالغربة يقول...

يا ام عبد الرحمن انا عملت اللي انت طلبتيه مني خلاص

على موضوع التعليقات

طيب ايه موضوع الاضافات ده

احنا ملناش فيه ولا ايه؟

باهزر طبعا

mahasen saber يقول...

sometimes....
يا سلام يا سماسم هديه مقبوله ومردودالك فى الكمونتات ان شاء الله ...
خلاص اول ما اضبط المدونه دى واروقها كده هجاوب علطول حتى يبقى افتتاح لشكل المدونه الجديد ان شاء الله ...
شكر يا جميله وهديه مقبوله يا حبيبتى بس شكلى هاخد على التاجات ولا ايه الموضوع بدء يعجبنى ...
مليون شكر كمان مره ...وسلام مؤقت يا جميله..

mahasen saber يقول...

مصرى بالغربه...
يا سلام داانتا تنور الماسينجر بحاله ايميلى موجود لو حبيت تضفنى على الماسينجر..
انا كنت قاصره الكلام على الماسينجر اولا زمان تشات مع 7افراد بالضبط اجانب وعرب وبعدين فصلته خالص وبعدين رجعت تانى بس لاتنين صحباتى بنات بس ..بس بعد التدوين كنت مطنشاه وبعدين لقيت انه فرصه كويسه لو عايزه اتكلم او اتناقش مع حد مدون فبقا شئ بيسعدنى جدا حتى اى حد دلوقتى تانى سؤال بعد التحيه هو حضرتك مدون..
وكونه بالذات انا وهيا بناقش بعض كتير وبنرغى بس على المدونه فالامر مرهق فقولتلها تضفنى على الماسينجر هيبقى افضل لكلينا...
وشكرا جزيلا على انك غيرت التعليقات وبعدين احنا اخوات تشرفنى فى اى وقت مدونه او ماسينجر البيت بيتك..

Zanooba (Zeinab sab9n) يقول...

مرسي على سؤرالك عني يا محاسن أنا كنتمسافرة عند أهلي في قطر و لسه راجعة و مرسي أوي إنك مس\تنية جديدي أنا شوية كده و حنزل بوست و مستنية رأيك فيه :) الحمد لله الواحد بيحاول يجاهد نفسه في رمضان أدعيلي يا محاسن في حفظ الله و سلميلي على حبيبي الصغنطوط

أختك زينب

mahasen saber يقول...

رادار...
محمد هنا انا مش مصدقه صفحة الكومنتات فينك ان شاء الله تكون فى افضل حال ورمضان كريم انا سبتلك تهنئه فى مدونتك من فتره ..
ايه اخبار اخويا الصغير ان شاء الله بخير والصيدله اخبارها ايه ...يا رب تبقا فى افضل حال وربنا يفتحها عليك وتخترع لنا دوا للنسيان حد يلحق الزهايمر خلى دماغى فى خطر ماشى يا محمد..
اما بيرو ماما ابنى فاسمه حبيب قلب امه ونين عنين اليى جابوه ..عبد الرحمن..
بس كنت هموت واسميه يحيى بس الكل اعترض فقولت خلاص الاسم مكتوب عند ربنا فبقا عبد الرحمن وبدلعه بوكا جونيور..بوكى ..اتكا..ابن عوف..يعنى كل شويه ليه اسم دلع مختلف وهو برضه كل شويه يوقلى اسم دلع مختلف لما غزالته بتبقا رايقه..
بس يا سيدى انتا اليى عايز تعرف الاسم ..نورتنى نورتنى نورتنى يا محمد..
ورمضان كريم..

mahasen saber يقول...

zanooba...
زوزتى الجميله حمدالله على السلامه نورتى مصر كلها...ويشرفنى ويسعدنى ويبسطنى انى استنا جديدك يا ضغنطوطه يا جميله ومستنيه البوست الجديدان شاء الله ..
وبعدين يا زوزه الاخوات مفيش بينهم وبين بعض فرق ماشى يا قمر..
وهوصل سلامك لعبد الرحمن ان شاء الله ..
ديرى بالك على حالك..ابه رايك فى الحته السورى دى..
سلام يا حبيبتى فى رعاية الله..

مصري بالغربة يقول...

ده شرف لي يا ام بوكا

ولا انا افضل اقولك يا ام عبد الرحمن احسن بصراحة

ههههههههههههههههههههه

انا على فكرة الشرف يكون لي لما اضيف اختي محاسن عندي بالماسنجر

عموما انا ضفتك ومنتظر الرد منك او القبول او الرفض

mahasen saber يقول...

مصرى بالغربه...
دا شرفه ليا انا طبعا انا هفتح الماسينجر حالا وبصراحه كده يا محمود يااخويا انتا اليى جبته لنفسك بقه...
اصلى رغايه...

tarek alghnam يقول...

اختى محاسن
مررت لتحيتك ولشكرك على التواصل معى بمدونتى المتواضعه
ولأتابع مدونتك التى اعتبرها من اروع المدونات
تقبلى تحياتى
ودمتى اخت لى ولجميه زوارك الذى المس فيهم الحب الكبير لكى
ودمتى بحفظ الله

mahasen saber يقول...

طارق الغنام...
اولا زيارتى لمدونة حضرتك شرف ليا وشئ بيسعدنى بالتواصل مع شخص محترم زى حضرتك ..
وجزاك الله كل خير على كلام حضرتك ده وهما لو بيحبونى فده لان هما قلوبهم بيضا ونقيه ومن سمو اخلاقه ..انا تاكدت ان ربنا بيحبنى لانه عوضنى بناس افاضل واخوات محترمين وانقياء كده يعينوا الواحد على متاعبالحياه...
استاذ طارق جزاك الله كل خير وكمان مره الشرف ليا انا وتشريف حضرتك ليا شرف كبير ليا ولمدونتى ..
دومت فى رعاية الله وامنه..

مصري بالغربة يقول...

انا دخلت على الماسنجر ومش لاقيكي يا ام عبد الرحمن

اقبلي الدعوة اللي انا عملتهالك

غير معرف يقول...

كل سنه و انتى طيبه

اول مره ازور المدونه

ربنا يفك كربك

و يبقى معاكى

سلامات :)

براحتك بقى يقول...

انا مدونة جديدة عندي 16 سنة وعايزة اعرف رأيك

غير معرف يقول...

حسبي الله ونعم الوكيل فى كل رجل ظالم
ويارب يستجيب منى
يارب يكرمك ويسعدك ويعوضك خير فى ابنك
ربك يمهل ولا يهمل
وانا حاسة بيكى جدا وانك اتظلمتى جامد فى زمن وحش اوى
وعموما دة طبع معظم الرجالة
حسبي الله ونعم الوكيل

Hossam يقول...
أزال المؤلف هذا التعليق.
Hossam يقول...

hello
ur blog is awesome
موضوعك مهم بجد مع ان ناس كتير ممكن تفكر انه تافه
على فكرة فى بنات كتير جدا مخهم اكبر وانضف من الولاد كتير
واذا كان فى حته هم سموها زنقة الستات المفروض يعملوا حته تانيه اسمها خيبة الرجالة
اتمنى نكون اصدقاء
سلام

mahasen saber يقول...

magnolia...
شرفتينى بالزياره ونرتينى ويا رب ما تكون الاخيره ...ورمضان كريم عليكى وعلى كل من تحبين...
ويا رب ربنا يتقبل دعائك ويفك كربنا جميعا ويرحمنا برحمته التى وسعت كل شئ...
نورتينى كمان مره ..ورمضان كريم..
فى رعاية الله وامنه..

mahasen saber يقول...
أزال المؤلف هذا التعليق.
mahasen saber يقول...

براحتك بقى...
اولا اكيد هتبقا مدونه جميله وحيويه زى سنك الجميل ده ..
اماالشرف ليا انك تقولى ااقول رايى الله يكرمك هو مهم قوى كده...
من عنيا ورمضان كريم عليك وعلى كل من تحب..

mahasen saber يقول...

بنوته مصريه...
الله يكرمك يا حبيبتى على كمية التعاطف والمؤازره دى اسعدتينى فعلا...
بس على فكره انتى لسه بنوته حلوه على النظره اليى انتى واخداها عن الرجاله والله كلهم مش كده ده فيه رجاله تتحط على الجرح يطيب ..
ربنا يكرمك ويسعدك ويهنيكى وشرفتينى بالزياره ...
ورمضان كريم عليكى وعلى كل من تحبين...
فى رعاية الله..

mahasen saber يقول...

بعد اذنكوا يا جماعه ارجوكم...
مين مسح التعليق وليه ..

م/ الحسيني لزومي يقول...

انها ابتلائات ويابخت من ابتلي في الدنيا ولم يبتلي في الاخره

سارة درويش يقول...

مش عارفة ليه الناس بتنسى ان الولد دا ابنك زي ماهو ابنه .. وانه كمان يوجعك اكتر ما يوجعه .. ربنا يكرمك وتاخدى حريتك وربنا ينصرك يارب

رصيف نمره خمســــــه يقول...

السلام عليكم

ازيك ياميمو شو اخبارك؟ زى اهرامك
ايوه ياعم ايه الحلاوة دى والتجديدات الجامدة ولونا وعملنا الوان فاتحة
طيب دى خطوة حلوة اوىىىىىىى

ابقى تعالى شوفى رد تعليقك ياقمررر

سلااااااااااام

مصري بالغربة يقول...

انا مختلف مع بنوتة مصرية

في ان ده طبع معظم الرجالة

لا طبعا فيه رجالة كتير جدا محترمين

زي ما فيه ستات بردوا مش كويسين

فده ميدنيش الحق اني اقول معظم الستات مش كويسين يا ريت نغير الفكر ده

غير معرف يقول...

لك يابشمهندس انك تختلف معايا فى الراى
بس انا معممتش ان الرجالة كلها وحشة
لكن للاسف دلوقتى معظم الجالة مابقوش زى زمان
انا نفسي بضايق لما بقوول الكلام دة
بس
فعلا الزمن اتغير جدا
والرجل مابقئاش زى زمان
معرفش احنا كبنات السبب ولا الزمن بقئة كدة
يمكن كتير من الشخصيات الللى بقئيت اشوفها فى الحياة
بس نرجع للمشكلة الاساسية
ربنا يوفقك وانا لو مكانك هاخد ابنى فى حضنى وهرضى بنصيبى دة
ومش هفكر فى اى جواز تانى
طبعا انتى لك رايك واكيد مهما كان مختلف عنى لة احترامة
وممكن تلاقى فعلا انسان تانى خالص غير الاولانى ويكون منتهى الاحترام
بس دة رايي

بنت مصريه يقول...

هههههههههههههه
صدقينى احنا اللى نقدر نحولها من زنقه الستات
لفسحه الستات ههه
بوست جميل احييكى

‏«الأقدم ‏‹أقدم   ‏1 – 200 من 245   ‏›أحدث ‏أحدث»