الاثنين، 18 أغسطس، 2008

زنوبه لبستنى السلطانيه..تاج الجزيره..



انا كل ما ادخل مدونه الاقى تاج ..تاج.فمعرفش الا من الاسئله ان تاج عباره عن اسئله




تاج كويتشن او كويتشن تاج يعنى.فعليه النهارده وانا بألقى نظرتى الصباحيه على بلوجتى ومهجتى الصغيره لقيت فى وشى تاج مش على راسى ومن مين من زوزه صاحبة




البحث عن زنوبه ماشى يا ست زنوبه وبتقول الفضول هيقتلها قال يعنى انا غامضه غموض ديفيد كوبر فيلد...ماشى يا زوزه برغم انى مبحبش الاسئله الكتير بس عشان تاجك بس هجاوب وانا ااقدر اعمل حاجه غير كده..على فكره التاج فى دماغى بيفكرنى بالسلطانيه ...وعليه ..


السلطانيه الاولى..اذكر خمسة احلام تخص ماضيك وتحلم فيها بتغيير اشياء ؟




1. مسبش مكان على الارض رجلى متتحطش عليه يعنى الف العالم كله وامنية حياتى انى اوصل للمحيط القطبى الشمالى يعنى لنهاية الارض وافضل ماشيه ماشيه لحد ما اجيب اخرها واروح كل مكان اثرى فى العالم من تل العمارنه لمدينة البتراء لاهرامات المكسيك لاماكن وجود الهنود الحمر يعنى معتقش مكان فيه ريحه قديمه ما اروحوش.


2.ايام حرب الشيشان كنت هموت واروح اجاهد مع المجاهدين لدرجة انى قدمت على دورة تمريض بالرغم انى لو شفت نقطة دم ركبى بتخبط فى بعض وبطلع اجرى ..بس كنت متعاطفه جدا مع القضايا الاسلاميه وكنت هموت واموت شهيده الكلام ده وانا فى تانيه جامعه على ما اتذكر من زمااااان بقه.


3.كان نفسى ابقى مخرجة افلام تسجيليه واعمل الافكار والحاجات اليى فى بالى ومسيطره على كيانى يعنى ابين واوضح صورتنا صح للغرب اصل اغلب اليى كنت بقابلهم فاكرينا بنركب جمال وبنقتل فى بعض فعايزه اوريهم مصر يا عبله.


4. زمان كنت هموت واحضر حفله ل ستينج ولما ستينج جه مصر قولت هاااا اخيرا هاحضرله حفله فقولت لماما قالتلى انتى اتجننتى اغانى وحفله واجنبى كمان فخفت انى ازعلها بس هو مين اتصلت بالمتعهد وكان سورى وحكيتله الحكايه لدرجة انى حسيت انه هينام منى وجاوبت على اسئلة المسابقه اليى بخصوص ستينج باستفاضه كمان وكان طلبى انى مش هقدر احضر الحفله فاحضر البروفه بتاعة الحفله وطبعا بعد ما الحيت والحيت والحيت واصريت ودوشته الموضوع متمش ومرحتش الحفله عشان مش ازعل ماما وستينج غنى ومشى وما ما مزعلتش بس زعلت انا نفسى بس مش مشكله .وحاجه تانيه كنت بحب قوى الرقص المسرحى الحديث اه والله وحاولت اشوف اى مكان التحق فيه بس لقيته كله مختلط قلت وعلى ايه مع نفسى احسن هو اشبه برقص الباليه بس بحركات عشوائيه على قد وصفى بس اليى متأكده منه انه بيطلع طاقه مخزونه جوه الانسان بشكل او باخر ..بس دلوقتى برقص على السلالم وانتوا عارفين الباقى.


5.كنت مبحلمش انى اتجوز الا لما احقق ذاتى وكل اليى بحلم بيه بعدين امعنت التفكير وامعنت التفكير وقولت دى تبق الحاجات دى حلوه لو مع حد بحبه وفيه بينا تفاهم فتمنيت انى اتجوز واحد مش حيلته ولا مليم وكل حاجه نعملها سوا ونبتدى من لا شى عشان لما نعجز ونكبر يبقى بينا ذكرى جميله وتاريخ او جغرافيا وكان نفسى يبقى عندى اطفال كتير كتير مع احترامى لتنظيم الاسره.بس ده الحلم الى صراحه قلب كابوس .




السلطانيه التانيه..اذكر خمسة احلام تخص مستقبلك؟


1.اربى ابنى بالطريقه اليى بتمناها احفظه القرأن كله زى بابا الله يرحمه ويلعب رياضه ويرتبط بيها قلبا وقالبا واعلمه لغتين وهو صغير الصينى والانجليزى طبعا واعمل منه انسان بجد بكل معنى الكلمه يكون مصدر فخر وحب لاى حد بيعرفه وتبقا معرفته معرفة خير لاى شخص حتى لو قطه فى الشارع.


2.احس انى انتصرت فى معركتى واخد حقى بالقانون نفسى اخده بالقانون عشان احس انه لسه فيه قانون فى البلد بيطبق اوامر قالها المولى عز وجل .


3.اصحى حلمى القديم بخصوص اخراج فيلم تسجيلى ودراستى فى المدرسه العربيه للسينما تجيب همها واعمل معرض صور فوتغرافيه عن المهن اليدويه انا كنت مصوره مجموعه حلوه قوى بس مش معايا دلوقت اللهم رد عليا ضالتى.


4.اعمل عمره فى رمضان واحج انا وابنى انا وابنى وازور الاثار الاسلاميه المتعلقه بالانبياء قبورهم والاماكن اليى عاشو فيها...وحاجه مهمه مهمه نفسى ابقى سبب فى ان شخص مش مؤمن بسيدنا محمد يشهر اسلامه وربنا يهدى اليى فى بالى..اه كنت هنسا حلم ربنا حقق نصه انا مغرمه بقراءات واصوات الشيخ مشارى راشد والصوت الملائكى ابو بكر الشاطرى وكان نفسى اصلى وراهم مره ربنا حققلى نص الامنيه وصليت المغرب ورا الشيخ مشارى كان فى نادى الصيد فى الاحتفال بالمولد النبوى والنادى يومها كان امم زى يوم الحشر بس كنت مبسوطه ان مشايخنا بقه ليهم شعبيه فاهمين قصدى طبعا كده باقى مين الشيخ الشاطرى اللهم حققهالى..


5.للمره اليى مش عارفه عددها نفسى الف العالم كله سفر تثقيفى واشوف معالم الدنيا وتشوفنى واحضر حفله لبراين ادامز واحضر مسرحيه من مسارح بردواى وبالاخص شبح الاوبرا اليى د. نور عارضه منها جزء فى مدونتها صعبان عليا حالنا.واشوف واتكلم مع يوسف اسلام كات ستيفنز سابقا وفيدل كاسترو ونتكلم عنه وعن جيفارا واشوف حسن نصرالله واشوف اشوف اشوف الخير كله....وفان جوخ اه هو مات من قبلى بكتيير كتيير خالص بس بحبه حب كان نفسى اشوفه قوى ..وبيبرس انا بحترم الشخصيه دى جدا وبيبرس مقتلش قطز ده افتراءات عليه..طبعا دول فى العالم الاخر انا بس كنت عايزه ااقول انى كان نفسى اشوف الناس دى ممكن فى زمن اخر ..انا مقولتش الصحابه والرسول ولا حد من الانبياء لان الحمد لله ربتنا نولهالى فى الحلم اه والله وانا فى ثانوى وانا متجوزه كمان فالحمدلله على ما اعطانى وعقبالكو ان شاء الله .واشوف كل المدونيين بقه واشوف الاطفال اليى مرميه فى الشارع ليها دار سكن ادميه تتطلع منهم اجيال مفيده وتحافظ على ما تبقى من ادميتهم..




السلطانيه التالته..اذكر شخصين على الاقل متواجدين فى حياتك الان كنت تود وجودهم قبل الان بزمن؟


1.عبد الرحمن ابنى وازاى معرفش بس كل يوم بيعدى بقول ياه يا ريت ربنا كان رزقنى بيه من زمان مع انى متاكده ان الرزق باوان ربنا محدده بعدين كان هيجى ازاى بخرف انا.


2.كل حد كويس عرفته وبيعرفنى وبيحبنى فى الله زى الناس المميزيين اليى هما انتوا ايها المدونون اليى معرفش عنهم غير معلومات يا عالم حقيقى ولا لا بس اعرف كويس انهم بيدونى نصيحه لوجه الله وبيدعولى دعوه بظهر الغيب هحتاج ايه تانى...اكتر من كده طمع.




السلطانيه الاخيره..لمن تهدى هذا التاج؟


لكل حد بيحب التاجات والاسئله دى سئلتها لاتنين معايا فى الشغل لقيت اجابات هايله..


ومش عايزه افرضها على حد مدون يمكن يكون مبيحبهاش بس ممكن تبقى مناسبه لمدونيين ومدونيين تانيين لا فحاسه انها مناسبه لي..


الريم صاحبة مدونة الوشاح


قررت اكون عانس ..هما مش انا


حاجات جوايا مع انها بتقول انه جالها قبل كده


د.نور صعبان عليا حالنا وحالى


رادار مدونة رادار واوعى المخالفه


الاغلبيه المخروصه لصاامته
سيبو فى حاله لو عجبك التاج خده مش عجبك مش هقولك سيبو فى كمل انتا بقه.

رصيف فريد شوقى رصيف نمره خمسه
do not prees f1 اتفضلى برس وجاوبى بقه
blue wave ادينا اجوبه شاعريه
نضال فلسطين ..حاسه ان التاجات مش لونك بس لو حابب تغير جو
اوريجنال هارت..ادينا اجوبه فى الصميم
ابن مصر..لا انا شفت فى مدونتك بتحب التاجات اتفضل يا ابن المحروسه
قصاقيص حبيبه ..اتفضلى قذقذى فى السؤالين دول بدال القصقصه
الاساتذه ..عصفور المدينه .ابو خالد.الطائر الحزين.الباحث عن الحقيقه .الجده فصيحه ...اهديكوا عنيه بس اعتقد ان التاج مش مناسب لحضراتكم وخايفه اسبب لكم ازعاج ....ومش مناسب يعنى سن حضراتكم ووقاركم بيناسبه تاجات اعوص من دى بكتيير اما الاخوه اليى فوق دول فرافير زى حالاتى ..ربنا ما يحرمنا من بركتكم وتشريفكم لينا و..يا رب ما ابقا عكيت الدنيا ...وكل رمضان وحضراتكم جميعا بالف خير ..
وشكرا يا زينب على السلطانيه الواسعه دى ويا رب يبقى فضولك شبع وجاتله تخمه كمان شكرا يا زوزه على اهتمامك يا قمره...


المعصوره من الاسئله واليى عايزه تتطلق محاسن..

كل حبايبى واخوانى واخواتى المدونيين بتأسف لاى حد مش ذكرت اسمه انا والله لو ااقدر اكتب اسامى بلوجاتكم فى سلسله واعلقها فى رقبتى ...ربنا وحده يعلم اى انسان بيشرفنى بزيارته وبتعليقه الكريم بيضفلى نفسيا ومعنويا بشكل غير عادى وبحمد ربنا ان لسه فيه محبه لوجهه من غير اى مصالح ناس بتدى اراء ومقترحات وبتخاف وبتدى نصايح الناس عمرها ما شافتها الحمدلله احنا كل واحد عنده مدونه يعرف انه فى نعمه كبيره ..واى شخص بيشرفنى فى مدونتى المزعجه ااقله ان حضرتك وحضرتك على دماغى من فوق بدون مبالغه ..ارجو انى مكنش دايقت حد ولا ازعجت حد ولا حد يتأثر سلبا بأى كلمه اكتبها او ااقولها ولو دايقت حد بأى شكل انا اسفه من هنا لكوكب المريخ بحبكم فى الله وكل رمضان وانتم بألف خير..وادام الله عليكم صفاء القلب وراحة الحال ودوام العافيه والوصول للسعاده ...اللهم امين ....




















هناك 152 تعليقًا:

mohamed ghalia يقول...

الحمد لله أنا أول رد
أنا عايز بس فى البداية أقولك
كل سنة وإنتى طيبة فى سعادة وهنا وسرور
وكمان كل سنة وعبد الرحمن طيب
ربنا يحققلك كل أحلامك ويساعدك إنى عبدالرحمن يكون زى ما بتحلمى ليه ويكرمك فيه وكمانتعملى عمرة فى رمضان ده
تقبلى تحياتى
دومتى بود وفى خير حال
ياريت تشوفى موضوعى عن الإستعداد لرمضان

A.SAMIR يقول...

الف شكر ليكي يا محاسن على اهداء التاج دة
بس للاسف انا سبقتك وجاوبت ع التاج دة من ييجي ى4 او 5 شهور
هتلاقي اجاباته عندي في المدونة
هدية مقبولة
تحياتي

mahasen saber يقول...

mohamed ghalia...
ايه توارد خواطر المدونيين ده انا لسه بضبط فى البوست الاقى الاخوه الاعزاء تعليقاتهم الجميله فى انتظارى نورتنى جدا وجزاك الله كل خير على الكلام الحلو قوى ده ربنا يكرمك ويباركلك فى اسرتك وحياتك وطبعا هدخل اقرا البوست هو انا ااقدر اتاخر عن استاذنا محمد كل رمضان وانتا بالف خييروبكامل الصحه والحياه...تقبل تحياتى الخالصه اختك محاسن ..

mahasen saber يقول...

a.samir..

منورنى يا استاذنا الكبير الصغير سمير حاجه كده زى الطويل الرفيع طبعا كبير مقاما صغير سنا ...انا اصلا اتحطيت فى موقف محرج يعنى اهدي لمين اسئله واستفسارات هيا دى حاجه تهدا ما علينا فضلت افكر مناسب لرح مين جيتوا على بالى ..انا كان نفسى اهاديك بحاجه احسن من كده ااقولك هدعيلك اظن مفيش هديه احلا من كده كل سنه ورمضان وانتا بالف خير وربنا يعودها عليك وعلى اسرتك بالف خير والف مبروك على الجواز ربنا يجعلكم لبعض قرت اعين فى الدنيا والاخره وازواج فى الدارين ويرزقكم بالذريه الصالحه اللهم امين ..الف شكر على مرورك الجميل فى رعاية الله وامنه..

blue-wave يقول...

ياااااااااااة
اد ايه فيه الم فى كل كلمه فى كلامك
بجد ياريتنا نقدر نشيل ولو جزء من الألم اللى جواكى دا
واد ايه احلامك جميله بجد
وشكرا على اهداء التاج
واسف لأنى حليته قبل كدا
تقبلى تحياتى

عاشــــــ النقاب ـقــــة"نونو" يقول...

اللهم ياذا الجلال والاكرام
يا رب العالمين يحققلك كل ما تحبيه ويقربك من الله يارب امين

Sometimes يقول...

ازيك يا قمر
ايه تاج الجزيرة الجميل ده
ربنا يحققلك احلامك يا رب
وشكرا على سؤالك بجد
بس معلش انا مستنيه نتيجتى على ما يحنوا علينا بس وتظهر لاحسن انا خلاااااااااااااص على اخرى منهم
ربنا يعديها على خير

كل سنه وانتى بألف هنا

dodda يقول...

لايق عليك التاج يا جميل

واحلامك لذيذه جدا ..ربنا يكتبلك الخير

ويا بختك انك صليتى ورا مشارى راشد انا بحب قراءته جدا ربنا يفتح عليه ويكرمك ويبقى عبد الرحمن زيه

وهو عامل برنامج فى رمضان يعلم الاطفال القراءه بس لسن اكبر شويه

الطائر الحزين يقول...

كل عام انت بخير
ورمضان كريم

وفقك الله لما فيه رضاه وكما يرى وليس كما ترين
دعواتك

رصيف نمره خمســــــه يقول...

ازيك ياميمووو

ايه السلطانيات الواسعة دى

واجاباتك جامدة جداااا بص بقولك ايه السلطانية بتاعتى كبيرة عليا ايه الاسئلة دى كلها

ربنا يقدرنى واقدر ارد عليها اوووووك

كل سنة وانتى طيبة وبالف خير
رمضان كريم

سلااااام

نونو يقول...

اية يا بنتى الشخصية العثل دى
انا لية الشرف بمعرفتك
ربنا يحقللك كل احلامك
دومتى عسولة
وسلامى لابنك

Zanooba (Zeinab sab9n) يقول...

ههههه آه و الله يا محاسن جالي تخمة خلاص :) و ربنا يجبلك حقك بالقانون عشان نحس إننا عايشين فيها قانون بيحترم و ربنا يخليلك عبد الرحمن و يباركلك فيه إنشاء الله تشوفيه حاجة تشرف و أتمنى أن المرارة اللي حساه في كلامك تروح ربنا قادر ....و على فكرة أنا زيك أوي في موضوع السفر.....يعني مسرح برودواي و الحركات دي ....ربنا يحققلك أحلامك يا رب مكنش تقلت عليكي بالسلطنيات دي .....

السلام عليكي

Do not Press F1 يقول...

السلام عليكم
بصى انا كنت كل ما ادخل اى مدونة والاقى تاج اروح على طول من قبل ما ابص على اى كلمة اروح اطلع من الصفحة عدل لانى مش بحب التاجات
لكن مش عارفة ليه فى التاج بتاعك حبيت اقراه
بصراحة لقيت فى حاجات كتير كأنها منى مع ملاحظة اختلاف بعض الحاجات المحببة ليا.
اجاباتك انا حسيتها وحسيت بالامومة فيكى لما قولتى انك اهم حاجة فى الدنيا دى انك تربى ابنك وانك تخليه افضل شخص
واللى عحبنى اكتر فى شخصيتك اصرارك على انك تكملى حياتك من غير ما تبصى لورا.
حسيت من كلامك انه مش معنى ان الواحدة تنفصل يبقى كدا اخر الدنيا بلا لا دا ممكن يكون اتفتح ليها بداية حياة جديدة تعيشها.
___________
بالنسبة للتاج ارجوكى اقبلى عذرى لانى شايفة انى لسه قدامى وقت كبير على ما اقبل اى تاج.
واشكرك جدا انك فكرتى تمررى ليا التاج .
ولتانى مرة بكرر اعتذارى
سلام

mahasen saber يقول...

blue wave....
قد ايه انتا اليى انسان راقى ومحترم ودمث الخلق عشان تقول الكلام الجميل ده انا شاكره ليك كلامك الرقيق ده بس ااقولك ايه يا عمرو مش غريبه عليك ربنا يديم عليك رقة الاحساس نعمه ويرزقك بكل خير جزائا لروحك الراقيه وشخصيتك الطيبه شاكره زيارتك جدا جدا وكل رمضان وانتا بالف خير...

mahasen saber يقول...

عاشقة النقاب نونو...
اللهم امين انا وانتى وجميع المؤمنين والبشر اجمعين جزاكى الله كل خير وااقولك ردى على دعائك الطيب ده ...ولك مثله..ده الرد اليى الملايكه رديته عليكى وانتى بتدعيلى ربنا يصلح حالك وحال اسرتك ويجعلكوا دائما من احسن لاحسن ان شاء الله..وكل رمضان وانتى بالف خير..

mahasen saber يقول...

sometimes...
منورانى دايما مش احيانا ..ربنا يطمنا عليكى ونباركلك كلنا على النجاح بتفوق ان شاء الله بس انا مش عارفه ايه موضوع النتايج المتأخره دى فعلا النتايج اتاخرت بشكل غير عادى ولا يهمك واخرجى من دايرة الانتظار عشان صعبه بالاخص فى موضوع النتايج ماشى يا جميله ..وكل رمضان وانتى بالف خير وسعاده واطمئنان وهزورك طبعا عشان اتطمن على النتيجه..فى رعاية الله وامنه..

mahasen saber يقول...

dodda...
ازيك يا دوده منوره الكومنتس كلها عارفه انا كنت مقموصه قمصه صغيره كده شبه البرجل من جراء تعليقك على عايزيين يتجوزوا بس مجرد ما كتبت الرد ووضحت الصوره خلاص مبقتش شبه البرجل قلبت منقله..بس خلاف للراى عمره ما يفسد للحبفى الله قضيه نورتينى يا قمره واذاكانت احلامى حلوه فلانها زيك حلوه وجميله شاكره مرورك الجميل يا دوده وطمنينى عليكة ...كل رمضان وانتى بالف خير فى رعاية الله ةامنه..

mahasen saber يقول...

الطائر الحزين...
اخيرا هنا انا مش مصدقه المدونه وصاحبتها فى قمة السعاده ان اخيرا طائرنا الجميل هبط بجناحيه عندنا ..كنت فين قلقنا عليك عارف فكرة اعلق عندك فى المدونه اليى على الوردبرس عشان ترد وتطمنا عليك بس رجعت قلت اكيد مصيف او فى مشاكل اخرى..نورتنى وشرفتنى يا طائر الكناريا الرقيق وبلاش تتطول فى الغيبه كده بنقلق عليك...كل رمضان وانتا بالف خير..فى رعاية الله وامنه..

mahasen saber يقول...

الطائر الحزين...
اخيرا هنا انا مش مصدقه المدونه وصاحبتها فى قمة السعاده ان اخيرا طائرنا الجميل هبط بجناحيه عندنا ..كنت فين قلقنا عليك عارف فكرة اعلق عندك فى المدونه اليى على الوردبرس عشان ترد وتطمنا عليك بس رجعت قلت اكيد مصيف او فى مشاكل اخرى..نورتنى وشرفتنى يا طائر الكناريا الرقيق وبلاش تتطول فى الغيبه كده بنقلق عليك...كل رمضان وانتا بالف خير..فى رعاية الله وامنه..

mahasen saber يقول...

رصيف نمره خمسه...
قدها وقدود يا رصيف يا جامد بقه الجميا بيقول على سؤالين عمى كتيير هو جرا ايه فى البلد الاسمنت مغشوش يا رصيف الحكاوى الشيقه ..على العموم انا طرحة التاج والاسئله وعارفه انك قد التاج واسئلته يا قمر...ونورتينى جدا جدا جدا وكل رمضان وانتى بالف خير ..وصومى بقه..سلام يا قمره يا بريئه..

mahasen saber يقول...

نونو...
انتى اليى شخصيه جميله عشان تقوليلى كده وانا اليى ليه الشرف بمعرفتك وشكرا على ذوقك وكلامك الرقيق وشعورك الراقى الف الف شكر ..ونورتينى جدا يا حبيبتى..فى رعاية الله وامنه..

mahasen saber يقول...

zanooba...
زوزه الجميله اخبار الفضول ايه بس على فكره انا مكنتش بحب التاجات بس خليتينى يا زوزه بجد احبا فعلا دردشه عن النفس ..شاكره ليكى يا قمر اهتمامك وخلىبالك من نفسك يا جميله اما بخصوص الاسئله فها كده ارتحت يا قمر ...نورتينى واسعدتينى شكرا يا حبيبة قلبى..فى رعاية الله وامنه..

mahasen saber يقول...

do not press f1...
انتى قولتى الكلام اليى مقدرتش ااقوله لزنوبه اصلى خفت تزعل بعدين النبى قبل الهديه..بس لوقريتى التاج هتلاقينى ذاكره انى مكنتش بحب الاشياء دى وكنت احب الهدوء الفعلى بس معرفش شكله التاج ده فيه عدوه ولا حاجه بقى نفسى راحت للتاجات بطريقه غريبه ...فيا برس نورتى المدونه وشرفتينى يا حبيبتى وربنا يكرمك ويكرمنا جميعا بكل خير...فى رعاية الله وامنه

mahasen saber يقول...

do not press f1...
بريس الكلام الحلو ده كتير عليا وان فيه بينا جوانب مشتركه ده من حسن حظى ...وعذرك طبعا طبعا قابلاه مقدما يا حبيبت قلبى انا ااقدر ازعلك ولا ادايقك ..الف شكر يا حبيبتى ..فى رعاية الله وامنه..

momken يقول...

تاجك جميل
وشكلك كده مصدقتى جالك تاج قلتى كل حاجه

ربنا يحقق كل احلامك
ويفرح قلبك بكل الى تحبيه وتتمنيه

تحياتى

mahasen saber يقول...

momken...
اه فعلا شكلى ما صدقت وكأن حد قالى فضفضى مع ان اول ما جالى قولت لا مليش دماغ وهقعد اكتب واقول ومبحبش اكشف نفسى كده لان مش هعرف اكدب مش عشان ملاك لا عشان مليش نفس ..هههههه فقولت اهه لما ادردش ومبسوطه انه عجبك لو جالى تاج تانى ههديه ليك ولا تزعل نفسك ..دى اول زياره لمدونتى فنورتنى وشرفتنى جدا جدا وكل رمضان وانتا بألف خير ربنا يعودها عليك بالف خير..نورتنى كمان مره فى رعاية الله وامنه..

Habiba يقول...

محاسن حبيبتى
السلام عليكم
ازيك ياحبيبتى عامله ايه؟
اسفه انى اتاخرت عليكى فى التعليق بس الظروف بقى
اولا عجبنى قوى حلم الافلام التسجيلى دى علشان تبينى للغرب اننا مش شويه
الحاجه التانيه ربنا يحققلك احلامك للمستقبل يارب ويعوضك خير فى ابنك ويخليهولك يارب

بوسيهولى بقى علشان اكيد هو عسول زيك

ميرسى على التاج ياحبيبتى بس بعتذر لانى جاوبته قبل كده من زماااااااااان

وطبعا هعتذر ليكى اعتذار رسمى فى مدونتى

دمت بخير ياحبيبتى

الريم يقول...

بودى بقى زى القمر كده زيك انتى واضح انك شخصية زى العسل بس انا والهى لسه لابسة تاج قريب اوى حتى لو دورتى شوية تلاقيه

mahasen saber يقول...

habhba...
منورانى يا جميله وبتسعدينى بوجودك سواء بتاج او من غير بس اضحكك كل واحد ابعتله التاج يطلع كان مجاوبه قبل كده مع انى قريت مدوناتكم كلها بس انا بنسا بسرعة الفانتو ثانيه ..يعنى مبلحقش افتكر حاجه اصلا ...وبعدين الكلام الجميل ده يا حبيبه كتير عليا وانا وصلت البوسه وقولت لبيرو من طانت حبيبه قالى مين طانت حبيبه قولته اكيد يوم هتشوفها ان شاء الله اشوفك على خيريا قمر..وبتسعدينى وبتنورينى يا حبيبه فى اى وقت شكرا على ذوقك واخلاقك العاليه وروحك الجميله ..وكل رمضان وانتىبالف خير ..فى رعاية الله يا حبيبتى..

mahasen saber يقول...

habiba...
شوفتى من لهفتى عليكى وعشان ارد على تعليقك بسرعه اتلخبطت فى كتابة الاسم اعذورينى بقه يا قمره اسفه جدا..بس دى توابع الزهايمر عدم التركيز...

mahasen saber يقول...

الريم....
يا ريمو ولا يهمك يا قمر اما عبد الرحمن بقه مقولكيش يا ريم على جماله ووسامته اليى يشوفه ميقولش القمر ده ابن الوحاشه دى...اقربلك الشبه شويه هو يشبهقوى براين ادامز على رونان كيتنج على ديفيد بيكهام على مهند بتاع مسلسل نور اليى اصلامشفتوش الا لما واحده قالتلى البطل شبه ابنك ...شوفتى بقه يا ريم ربنا بيحبنى ازاى ...طبعا ابنك حتى لو شيتا بيبقا قمر 14 فى عينك بس فعلا ربنا اكرمنى فى ابنى قوى بكل الصور الحمدلله وربنا يباركلى فيه بعدين انا بفكر احط صور بتسجل لحظات شقاوته ولعبه وبرائته فى المدونه بس انتى ايه رأيك احطها ولا كده بانتهك خصوصيته وحريته...شكرا على زيارتك يا حبيبتى ومنورانى دايما وقوليلى رأيك فى موضوع الصور...سلام يا ريموووو يا جميله..

oRiGiNaL HeArT يقول...

السلام عليكم ورحمة الله وبركاته

اول حاجة والله التاجات بتفكرنى انا كمان بالسلطانية
ههههههه

وبعدين اجاباتك عاقلة اوى
مش عارفة ليه حسيت بكدة
بس بجد رغم انى كنت قررت اقاطع التاجات متابعة واجابة وقراية
الا ان التجا بجد بيوضح للباقى ولو جزء من شخصية اللى بيجاوب
ربنا يحققلك كل اللى بتتمنيه يااااااارب ويسعدك دايما ويجازيكى خير على اللى نويته ومقدرتيش تحققيه
وربنا يكرمك ويبراكلك فى عبد الرحمن ويجعله من الشباب الصالحين وتفرحى بيه وتشوفيه عريس-حتة من عند ماما -ههههه
وشكرا على التاج هدية مقبولة وجميل هردهولك ان شاء الله ههههههه
وكل سنة وانتى وعبد الرحمن طيبين :)

mahasen saber يقول...

original heart...
ازيك يا اوريجنال منوره يا حبيبتى يعنى طلعنا متفقين فى موضوع السلطانيه ...كويس وكويس كمان انك قبلتى الهديه...وربنا يكرمك على الدعوات الجميله اليى دعيتيها لابنى ربنا يتقبل ويبارك فيكى وفى عمرك ويحققلك كل اليى بتتمنيه ان شاء الله ....شاكره ليك ذوقك قوى يا اوري وكل رمضان وانتى بالف خير يا جميله الف الف شكر كمان مره..فى رعاية الله وامنه.

نور الدين يقول...

السلام عليكم
...............
مرورى الاول وان شاء الله لا يكون الاخير .
....
لفت نظرى حاجتين فى مدونتك بشكل عام وفى التاج بتاعك بشكل خاص
وهو الصدق مع نفسك والوضوح فى رؤيتك لنفسك اولا واللى حواليكى ثانيا
...
كمان لفت نظرى شوية التناقض ..انت متناقضة ودة مش عيب ابدا بالمناسبة
وكم ابهجنى شعورك بجراح الامة ومن زمان جدا مسمعتش بنت بتقول نفسى فى الشهادة لان هذه الكلمة اصبحت غريبة فى قاموس استسلامنا
...
اسال الله ان يحفظك وولدك
وان يهبك واقعا رحيما وحقيقة مأمولة
تحياتى
........
نور الدين محمود

la Princesa ... WHiSPeR يقول...

انا جه

الله يا جميله
اجاباتك تحفه وهادفه جدا جدا
ربنا معاكي وتحققي كل احلامك
ولو شوفتي براين سلميلي عليه هههههههه

صحيح هو انا كنت معتقده اني خلاص كبرت وعقلت بس بعد اما قارنت اجابات التاج ده بالتاج اللى لسه منزلاه من دقايق تقريبا
اكتشفت اكتشاف ساحق
انا لسه طــــــــــفــــــــلـــــــــه
ولكني احبذ الطفوله

ربنا يخليلك عبد الرحمن :)
ورمضان كريم

حبارير - السعادة - انطلاقة يقول...

السلام عليكم
أم عبد الرحمن
ربنا يرضى عنك
لو رحت القطب الشمالي خدي معاك بلوفر
عشان البرد
كل رمضان أنت بخير

أكون او لا أكون يقول...

السلام عليكم...
ليه يامحاسن التعذيب ده اللون الاحمر جاب العمى... حرام عليكي عاوزه اقرا الاجوبه بتاعتك...
تقبلي مروري...

بنت الاسلام يقول...

انتي جميلة قوي يامحاسن بجد

حاسة في كلامك رقة غير عادية

وطيبة قلب


مثقفة قوووووووووي

معتدلة


ربنا يحقق لك كل احلامك

وياريت لو قدرتي تحققي حلم الدوران حول العالم تاخديني معاكي

حلمي انا كمان


ربنا يخليلك عبد الرحمن وتشوفيه حافظ لكل القران وربنا يعوضك بيه وفيه كل الخير


تحياتي لرقة قلبك وحسن خلقك

وكل سنة وانتي طيبة وبالف صحة وسلامة

mahasen saber يقول...

نور الدين محمود...
حضرتك شرفتنى جدا واسعدتنى جدا ان المدونه حازت على اعجاب حضرتك وفعلا انا شخصيه فى حاجات كتير متناقضه بس تناقض ايجابى مش فى حاجه وحشه والحمدلله وتخيل حضرتك التناقض ده فى الاكل كمان طبيعى لواكلت حاجه حلوه لازماكل وراها حاجه مره او حادقه بس اختلاف وتناقض لا يخلف لشخصيتى قضيه ..بس اهم حاجه انى عايشه حياتى باعتدال والحمدلله وربنا واسس الدين طريقى الثابت اليى ماشيه عليه...وربنا يكرمنا جميعا حضرتك نورتنى جدا واسعدتنى الزياره وشاكره التعليق الجميل جزاك الله كل خير..وكل رمضان وحضرتك طيب..

mahasen saber يقول...

la princasa whisper...
هو فيه احلى من الطفوله يا قمر البرنسيسات بعدين انا قريت اجاباتك اكتر من رائعه عارفه ليه؟لانها شخصيتك انتى يا قمر ..بس سيبك انتى كل ما بتنورينى فى المدونه بفتكر الفلامنكو ohla مش هيا كده برضه ههههههه نورتى يا جميله وكل رمضان وانتى بالف خير نبطل فلامنكو فيه بقه...الجميله الصغيره نورتينى وبتنورين وهتنورينى علطول ..سلام يا قموره.

mahasen saber يقول...

حبارير_السعاده_انطلاقه...
حللت اهلا وحضرت سهلا ..ده انا كل ما بشوف صور للقطب الشمالى وناس فيه بقول يا ربى هما مش متلجيين بس اعتقد البدل فيها تدفئه حراريه والله ده اليى انا بتمناه...شكرا على النصيحه بس اعتقد البلوفر لا يسمن ولا يغنى من برد..بس اكيد اكيد هعرفكوا كلكم يا سلام والدعوه عامه كمان ..اسعدتنى بالنصيحه والزياره فى رعاية الله وامنه..

mahasen saber يقول...

اكون او لا اكون...
سلامت عنيكى من العمى وابقى انا السبب يا مصيبتى..لا انا غيرت الون قبل ما ارد على التعليقات عشان خاطر عنيكى وانتى نورتينى يا قمر بروح هاملت اليى بتنورفى الاسم ..بس ان شاء الله هتكونى وهتكونى حاجه حلوه كمان نورتينى واتفضلى ااقرى براحتك يا جميله..

mahasen saber يقول...

بنت الاسلام...
انتى الجميله عشان كده شوفتينى كده ..وبعدين انا هلاقى صحبه اجمل من كده عشان الف معاها العالم دا انتى تنورينى يا قمر وزيارتك وكلامك يا بطوطه اسعدتنى جدا جدا جدا بس قوليلى مين القمر اليى فى الصوره ربنا يحمى ويحفظ ويبارك اللهم امين ..الف شكر على ذوقك وشاكره ليكى كلامك الجميل يا جميله ورمضان كريم..

أكون او لا أكون يقول...

كل سنه وانتي طيبه يامحاسن
ايه الاجوبه ده؟؟؟... ماشاء الله شخصيتك قويه... وقلبك طيب...ربنا يحقق لك كل امنياتك يارب...

أكون او لا أكون يقول...

شكرا على تغيير اللون...

mahasen saber يقول...

اكون او لا اكون...
ده من ذوقك وكرم اخلاقك بتقولى كده..الف شكر على ذوقك يا جميله وكل رمضان وانتى بالف خير شاكره ليكى فوق الوصف زيارتك الجميله دى ...فى رعاية الله وامنه..

RiddleR يقول...

تعليق خارج الموضوع
ممكن مراجعة الرد علي تعليقك هنا؟
اكتب وانشر مجانا

mahasen saber يقول...

riddler.
مش فاهمه قصدك ايه مع انى قريت تعليقك عن المسابقه اسفه جدا جدا على بطء فهمى..فى رعاية الله..

ana ga3an يقول...

حقيقي احلام جميلة
وبالرغم من تعقيد بعضها وبساطة اخري
الا ان كل شيء قابل للتحقيق
استشف في شخصيتك العند والاصرار
اعانك الله

momken يقول...

انا جاى اعيد عليكى

واقولك كل سنه وانتى بالف خير

تحياتى

طارق الغنام يقول...

السلام عليكم
كل سنه وانتى بألف خير
ويارب يحقق كل امنياتك
قريت احلامك وكم تدل على روعه شخصيتك
ربنا يعطيكى على اد نيتك
ماشاء الله عليكى رائعه
اشكرك لمرورك بمدونتى المتواضعه
وادعوكى لقراءة جديدى
وجودك بالمدونه يسعدنى
تقبلى تحياتى
ودمتى بحفظ الله

ذو الوجه المبتسم يقول...

تحياتى لك
كل عام وانت بخير
رمضان كريم

اجندا حمرا يقول...
أزال المؤلف هذا التعليق.
اجندا حمرا يقول...

عزيزتي
اتفقنا في اجابات كتيره زي الحلم بزياره حول العالم و كان نفسي برضه اطلع مخرجه
استمتعت بقراءه بقيه اجاباتك و اتعرفت علي شخصيتك اكتر و بتمنالك تقدري تحققي كل اللي نفسك فيه و تشوفي ولادك احسن ناس

تحياتي ليكي عزيزتي و اسفه لحذف التعليق السابق لوجود بعض الأخطاء الاملائيه به

mahasen saber يقول...

ana ga3an...
شاكره ليك ذوقك وكلامك الجميل انا اتشرفت بزيارتك واتشرفت بزيارة مدونتك حاجه قمه فى الجمال ..كل رمضان وانتا بالف خير وفرح وملك وزوجتك بالف الف خير ربنا يباركلكم فى بعض..

mahasen saber يقول...

momken....
كل رمضان وانتا بمليون خير يا اجمل ممكن ومستحيل فى الدنيا ..اسعدتنى بتهنئتك الرقيقه..

mahasen saber يقول...

طارق الغنام...
انا اليى بشكر حضرتك على زيارتك الدائمه لمدونتى ده شئ بيسعدنى وبيشرفنى وبيضفلى وانا من الزوار الدائمين لمدونة حضرتك ده شئ بيسعدنى وبيفيدنى لانها مدونه اكتر من رائعه وجميله شاكره لحضرتك الزياره الكريمه والتعليق الجميل..فى رعاية الله وامنه..

mahasen saber يقول...

ذو الوجه المبتسم...
ده احلى وجه مبتسم ممكن الواحد يشوفه فى الدنيا وابتسامه فشر الموناليزا ودىنيرو ..انا بتكلم طبعا على القمر اليى فى الصوره ربنا يحمى ويبارك وكل رمضان وانتا بالف خير والوجه يفضل مبتسم علطول ...شرفتنى جدا والاسم رسم الابتسامه على وشى..فى رعاية الله وامنه..

mahasen saber يقول...

اجندا حمرا...
ده شئ يسعدنى انى بلاقى حد احلامه زى احلامى ربنا يقدرنا كلنا ونحققها جميعا ..وايه رايك اقترح عليكى اقتراح اليى ربنا يحقق حلمه ويشتغل مخرج ياخد التانى مساعد مخرج ماشى اظن اقتراح معقول..وبالنسبه لمسح التعليق شكرا لتوضيحك لانى كنت لسه هاخد لفه حوالين روحى واقول اتمسح امتى وليه وفين واهم حاجه عشان ايه فشكرا جزيلا على التوضيح ...وشرفتينى واسعدتنى زيارتك جدا جدا وكل رمضان وانتى بالف خير..

هانى زينهم يقول...

انا والله تعليقى هيبقى عى اسم المدونة بجد عبقرى عايزة اتطلق؟! ومين مش عايز بس بجملة الاحلام اللى ما بتحصلش هيفضل حلم.. عموما كل سنة وانتى طيبة بمناسبة الشهر الكريم وتحياتى

mahasen saber يقول...

هانى زينهم...
ليك كده هو الطلاق مش حاجه امله يعنى بس اهه وجهت المضطر وبعدين الاحلام بتتحقق بالسعى والسعى والسعى متحققتش يبقى نصيبك كده بقى نعمل ايه...نورت يا استاذ هانى وكل رمضان وانتا بالف خير ..فى رعاية الله وامنه..

نهر الحب يقول...

بصراحة سمعت عن مدونتك من بابا ابو خالد
وقالى بنت جميلة جداا ومهمومة جداا
قلت ادخل اشوفك
من حظى كان التاج او السلطانية زى ما سمتية
وفعلا فيه اجابة عن بعض ما اريد ان اعرفة
وفقك الله ومدونة حلوة
تحياتى

ريمان يقول...

السلام عليكم

انا لفت نظرى اوى اسم مدونتك

عايزه اطلق...

ومش عارفه ليه حسيت ان فى حاجه بتربطنا ببعض

اتمنى اننا نكون اصحاب
ودى اول زياره ليا فى مدونتك

وان شاء الله طبعا مش هتكون اخر زياره

انا اختك ريمان ويا ريت نبقى اصحاب يا قمر

واتمنى انك تنورينى

وسلم لى على ابنك العسول الصغيور

حسام وريمان فى هاكونا مطاطا يقول...

السلام عليكم

انا تانى

ريمان

حبيت اعرف على مدونتى التانيه

يا ريت انتى وابنك الصغيور العسول تشوفوها فيها قصص مضحكه وجميله اوى

mahasen saber يقول...

نهر الحب....
انا شاكره اولا لبابا ابو خالد جزاه الله كل خير انه بيقول عليا الكلام الجميل ده وشاكره ليكى جدا وزيارتك لمدونتى اسعدتنى جدا جدا جزاكم الله كل خير ومبسوطه ان التاج كشفلك عن حاجات عنى دلوقتى عرفت اهمية التاجات سعيده جدا قوى بالزياره يا نهر وكل رمضان وانتى بالف الف خير ...وتكون معرفت خير ان شاء الله..

mahasen saber يقول...

ريمان....
انا اليى يسعدنى ويشرفنى اننا نبقى اصحاب ده شئ يسعدنى جدا فوق ما تتخيلى ومبسوطه ان فيه حاجات مشتركه بينا اما هاكونا ماطاطا فسمبا بقه من افلام ابنى المفضله فواثقه ان المدونه هتعجب عبد الرحمن شاكره لزيارتك جدا نورتينى واسعدتينى جدا جدا وفوق الوصف وكل رمضان وانتى بالف الف خير...

مصري بالغربة يقول...

كل سنة وانت طيبة يا اللي عايزة تطلقي

وباهنيكي على اجابتك على الاسئلة وان شاء الله تزوري كل الاماكن اللي عايزه تزوريها بس ارشحلك في الاول او اول مكان هو مكة وتعملي حج ان شاء الله وعمره وتزوري الرسول الكريم ( ص ) وبعد كده لفي بقى زي ما نات عايزه ان شالله تروحي القطب الشمالي ومنه الى القطب الجنوبي كمان

انا على فكرة قريت تعليقك عند مهندس مصري وان انت فاكراني هوه للاسف انا مش هوه وللاسف معنديش مدونة

وحاكتب لك ايميلي لو تحبي
mhmorsy@yahoo.com

واتمنى لك دوام التوفيق
وانك تحصلي على الطلاق

باهزر طبعا

mahasen saber يقول...

دا انا دخت على مدونتك وفى الاخر مفيش اصلا مدونه تصدق كده بقه ازعل بهزر طبعا دا انا دخت ولفى فى البلوجر وجوجل وجعلى ركبى بس خلاص اتضحت الؤيه الحمدلله على كل حال ونورتنى جدا والله وبجد اسعدتنى زيارتك وبسطنى تعليقك قوى انى اخيرا لقيتك بعد ما كنت لم يستدل على عنوانه اما لف الدنيا هو الف يبقى لف قبل ما ائدىفرضى واجبى واكحل عينى بمكه وتراب مكه ربنا ينولهالنا جميعا...كل رمضان وانتا واسرتك بالف الف خير ويستحسن تعمل مدونه اكيد فيه عندك الكتير اليى عايز تقوله ..نورتنى نورتنى بسطنى اخيرا ..فى رعاية الله وامنه..

yoyo يقول...

كل سنة وانت طيب رمضان كريم عليكى وعلى عبد الرحمن ربنا يخليه ليكى يارب
اجابتك فى منتهى الجمال ربنا يقدرك وتحققى كل احلامك يارب
حاسة انى اتاخرت اوى فى زيارتى لمدونتك الاكثر من رائعة
تقبلى احترامى وتحياتى
يويو

mahasen saber يقول...

yoyo....
ايه الكلام الجميل ده ربنايكرمك دا انا لو فتحت عكا مكنش حد قالهولى الف مليون شكر على الكلام الجميل اليى اسعدنى ده وجزاك الله كل خير وداانا اليى واضح انى اتاخرت فى زيارتى لمدونتك..جزاك الله كل خير وكل رمضان وانتا فى افضل حال ..

دعوة الفردوس يقول...

انا لفت نظري اسمك في المدونات
استغربته شويتين
ولما دخلت مدونتك حسيت بحد محترم بجد


ربنا يسسرلك الاحوال
ويارب ماتبقاش اخر زياره
وان شاء الله مش هتكون

بنت سيناء يقول...

رمضان كريم عليكم جميعا...غايزة اتطلق..ان شا الله يحققك امانيكى قريبا ولا تقولى كابوس ابدا..وللعلم الكابوس متى ما فقنا منة بيروح لحالة صح؟؟وان شا الله يحققلك كل امانيكى المتعلقة بزيارة الاثار الاسلامية وابنك يكبر ويصير من الاتقياء يا رب..

mahasen saber يقول...

دعوة الفردوس...
انا قبل ما ارد على تعليقك الجميل ده دخلت مدونتكالجميله وطبعا سبت تعليقى ورايي ربنا يكرمك وشاكره كلامك الجميل ده اسعدنى جزاكى الله كل خير وكل رمضان وانتى بالف خير...فى رعاية الله وامنه..

mahasen saber يقول...

بنت سيناء...
نورتوا يا جماعة الخير والتعبير مقتبساه منك طبعا عامله ايه يا حبيبتى ان شاء الله تكونى فى افضل حال ومقلتليش قريبك قدم فى كلية ايه بعد صدمته الكبرى وصدمتنا كلنا بصراحه ربنا يصلح حاله وحالنا ويقدرلنا جميعا الخير...نورتى يا جميله..وفى رعاية الله وامنه..

norahaty يقول...

السلام عليكم ورحمة الله وبركاته
انا جيت
الحمد لله الف حمد
وشكر معلش متأخرة
شوية سماح النوبه دى
وحاقولك زى اللى قال
تاج تانى اه يانى يانى يانى
حاضر ياست الكل محاسن ناخد التاج
ونحطه مع اخواته فى الخزنةالحديد المصفح
ونحفظه فى الحفظ والصون لحين ما تحين اللحظه الحاسم واحطهم كلهم ادامى وانزل اجابات فيهم هم هم هم هم هم هم هم
كل سنة وانتى طيبة وبصحة وعافية ونشاط كمان وكمان ويطمنك ويرضيكى ويحفظ لك ابنك وكل كل كل حبايبك يارب
مرة تانية وتالتة وخمستاشر كمان متشكرة متشكررررررررررررررررررة

mahasen saber يقول...

norahaty...
انتى نورتى المدونه يا اجمل دكتوره وبعدين دى بيتك تزوريه وقتما شئتى وشوفتى بقه التيجان ده اول تاج يجيلى فمش هبخل بيه عليكى يا جميله ..كل رمضان وانتى بالف الف خير وربنا يتقبل منا فيه صالح الاعمال اللهم امين ..نورتى يا نور.واسيبك فى رعاية الله وامنه..

ريمان يقول...

السلام عليكم

محاسن

اسعدنى دخولك مدونتى وبحد نورتينى والله

وبجد فرحت اوى لما لقيتك قراتى كل البوستات بتاعتى

وانا كمان والله عملت كده قرات موضوعاتك عشان اتعرف عليكى اكتر

انا سعيده بيكى يا قمر

انا شوفت تعليقك على مدونه هاكونا مطاطا وقولتى انى مش بحب الهزار ازاى وعامله المدونه دى اللى كلها ضحك

انا يا محاسن بحب الهزار بس اللى مع البنات بس او الاطفال
ولما قولت انى بكره الهزار كان قصدى هزار الرجال وبس لانى بصراحه بستتقل دمهم ومش بتقبل منهم اى هزار ابدا
وكمان اما قولت انى مش بحب الهزار كان قصدى برضه انى مش بحب الهزار التقيل

ده كل قصدى يا قمر

سلميلى كتييييير على عبد الرحمن

واسال الله ان يباركلك فيه

انا عارفه انه كل حياتك ودنيتك الوقتى
انا كنت بتمنى انى اخرج من تجربتى المؤلمه دى بطفل اعيش عشانه بس برجه اقول فى نفسى لو كان عندى طفل منه كان ممكن اكره ابنى بسببه لانى لما بكره حد بكره كل حاجه تيجى منه

الحمد لله على كل شىء
خلى بالك من نفك يا قمر ومن عبد الرحمن العسل

mahasen saber يقول...

اختى وحبيببتى بصدق فعلا ريمان...
انا بحمد ربنا انى بقيت سبب فى سعادتك وانك اتبسطت بزيارتى لمدونتك ده شئ اسعدنى انا وشرفنى انى اتعرف على اخت جميله زيك بس صدقينى يا ريمو الحاجه الوحيده اليى مبنقدرش نكرها الاطفال تخيلى بقه لما يكون ابنك انتى بتنسى ان الملاك ده كان فيه وحش سبب فى وجوده ولو فيه بصيص ذكرى حلوه بتحتفظى بيها اكراما لخاطر ابنك فالا الامومه والا الاطفال بس انا بحمد ربنا ان ربنا مرزقكيش باطفال وده لان سنك صغير فربنا حب يمسح التجربه من جذورها اما انا فدلوقتى فى ال29 ولما انفصلت عنه كان عمرى حوالى 25 وبالنيبه ليا جواز يعنى اطفال ملهاش حل تانى فحتى لما انفصلت نهائى فى المشاكل الاخيره فضلت فتره مكتئبه ان ابنى وحيد ملهوش اخوات وكان نفسى قوى ان يبقى معايا على الاقل 3 اطفال وده كمان لانى متاكدهانى كنت هقدر اتحمل مسئوليتهم ...طولت عليكى يا ريمووو انما خلاصت القول الحاجه الوحيده اليى مش بتقدرى تكرهيها الاطفال ما بالك لو ابنك ...ربنا يرضيكى ويرزقك بزوج صالح بجد يعوضك خير ويكون ليكى عون فى الدنيا والاخره صدقينى لسه فى ناس كويسه الرسول الكريم قال ...لا زال الخير فى امتى ..فطبيعى بقه يبقى لسه فيه رجاله كويسه ...ولاا ايه يا قمر يا ماطاطا..

نونو يقول...

والله عثل ومرسى على مروك
صفاتك حلوة اوى
ربنا يحقللك كل احلامك
انا حاسة انى علقت على البوست دة قبل كدة
ربنا معاكى ويسعدك
رمضان كريم
كل سنة وانتى طيبة

نور الدين يقول...

يارب تستفادى من مدونتى دى

http://noureldens.maktoobblog.com

Pragmatic يقول...

ايه السلطانيات ديه كلها

mahasen saber يقول...

نونو...
تنورى فى اى وقت وتشرف يا قمر انتى والتمن بنات ...وكل رمضان وانتى بالف خير

mahasen saber يقول...

نور الدين...
ينفذ فورا ان شاء الله...

mahasen saber يقول...

pragmatic...
شكرا على الزياره وااقولك ايه اتفضل واحده..كل رمضان وانتا بالف خير..

جنّي يقول...

السلام عليكم

ما شاء الله مدونة جميلة وواعدة اهلا بيكي في عالم التدوين ..

احلام جميلة ربنا يحقق كل امنياتك ( ممكن سؤال هم مين ستينج ده !!)

وربنا يكتب لك الحج والعمرة ان شاء الله ( لو تريدين مشاهدة صور من الحرم النبوي في المدينة وأحد وقباء وصور للحرم المكي شرفينا في مدونة جنّي )

شكرا

أكون او لا أكون يقول...

ازايك يامحاسن؟؟؟

أبو خالد يقول...

أبنتي الغالية /محاسن
كل يوم جديد و أنتي و عبد الرحمن بخير
السلام عليكم و رحمة الله و بركاته
أحلامك جميلة و ممكنة أدعو الله أن يحققها
لك خاصة حلم الحج و العمرة
اللهم يا مالك الملك بارك في عمر محاسن و عبد الرحمن و حقق لها كل ما تتمني
و أجمعها و أياي علي حوض نبيك محمدا صلي الله عليه و سلم
دمتي لي أعز الناس

عايزه اتطلق و يقول...

ابى الغالى ابو خالد...
زيارتك تاج فوق راسى وكلام حضرتك بيرفع من شانى جزاك الله عنى كل خير وادام حبى وتقديرى لحضرتك فى الله وادام الله عليك حب الناس نعمه ودليل على حبه عز وجل لك ادام الله عليك الصحه والعافيه ومتعنا بحنيتك واحتوائك جزاك الله كل خير واتركك فى رعاية الله وامنه..ابنتك الباره محاسن..
يا احن اب للمدونيين كلهم..

mahasen saber يقول...

جنى ...
حضرتك شرفتنى بالزياره وستنج ده مطرب بريطانى بس ليه اغانى تحمل معانى ساميه ونبيله وهو من اشد المتعاطفين مع القضايا العربيه وحفلته اليى كانت فى مصر خصص جزء من اجره للقضيه الفلسطينيه بجانب انه لبس الكوفيه الفلسطينيه تعبير عن تضامنه مع القضيه ...حضرتك شرفتنى بالزياره واسعدتنى..كل رمضان وحضرتك بالف الف خير ..فى رعاية الله وامنه..

mahasen saber يقول...

اكون او لا اكون...
ازيك انتى يا صديقتى الجميله اخبارك ايه ان شاء الله تكونى فى افضل حال ..ثوانى وجايه ازورك ولا تزعلى نفسك..

انا ودماغي يقول...

بجد احلامك كلها جميلة أوى و ربنا يا رب يحققهالك كلها...على فكرة أنتى كمان مدونتك حلوة اوى و أسلوبك أحلى..ربنا يوفقك

مجموعة حياة يقول...

كم هي جميلة كينونتك يا محاسن
فعلا احيانا نحتاج الى تاج ليعكس لنا جمال ذوات اصحاب المدونات التي نختبئ خلفها او نظهر من خلالها احيانا اخرى

كل التحية لك
وحقق الله جميع احلامك

mahasen saber يقول...

انا ودماغى...
نورتينى وسعيده ان المدونه حازت اعجابك انتى ودماغك..وكل رمضان وانتى بالف خير..

mahasen saber يقول...

مجموعة حياه...
نورتنى وشرفتنى وشاكره ليك الكلام الجميل ده ...ده من ذوقك وصفاء نيتك بتقول الكلام الجميل ده جزاك الله كل خير وكل رمضان وانتا بالف خير..وفعلا انا حبيت التاجات قوى حسيت انها بتخلى الانسان يفتش جوه حاجات حلوه جواه وبيتبينه لنفسه على حقيقته...مليون شكر على الزياره وفى رعاية الله وامنه..

NIDAAL PAL يقول...

احلامك لذيذة كدة وخفيفة وكل حلم فيهم فيه متعة معينة ويا بخت حضرتك صليتى ورا الشيخ/مشارى راشد بس انا بجد بعشق صوت الشيخ/ابو بكر الشاطرى عارفة الواحد بيطير معاه من على الارض الكئيبة دى و بيعييييش و شكراً لتمرير التاج لى بس انا جاوبته قبل كدة البوست باسم نضال المتوج ..ساعة حرب الشيشان انا طبعاً كنت لسة صغير و عبيط ومش فاهم حاجة لكن لما كبرت وقريت عن الشيشان و شامل باساييف و الى عمله و مواجهتهم لجيش كامل >>>>

اجندا حمرا يقول...

عزيزتي محاسن

طبعا ياجميل انا موافقه علي اقتراحك اول واحده فينا تقدر تحقق حلمها انها تبقي مخرجه تاخد التانيه وياها
:)

تصدقي اني برضه بقعد ألفلف حوالينا نفسي و اسأل نفسي ليه و ازاي و فين لما بلاقي تعليق محذوف
:)
لا شكر علي واجب ياجميل
و رمضان كريم و أسعد الله كل اوقاتك

NIDAAL PAL يقول...

وكيف واجه 11 فرد كتيبة كاملة من الجيش و أبادوها تماماً ألا بعض ممن تركوهم ليكونوا شهود عيان امام قاداتهم ووسط زملائهم فتنيت انى كنت ابقى ساعتها كبير علشان اروح هناك بس بسرعة فوقت وقولت يا ما الاسخن من كدة جاى .
ادعو الله ان يوفقك فى كل احلامك المستقبلية و يعوضك عن الماضية وربنا يخلى لحضرتك أبنك ويحفظه ويجعله من حفظة القران الكريم اللهم آآمين آآمين آآمين

رادار يقول...

تصدقي ....
الابتسامة كانت في وشي لما دخلت وقرأت الموضوع ....
يمكن علشان كانت فيه نكهة غير اللي اتعودنا عليها في المدونة ، ويمكن دي بتعكس الشخصية الحقيقية ليكي ...

الحلم التاني ، هو اللي استوقفني شوية ، بتاع الشيشان ، غريب فعلاً ...
يعني أنا جاء في بالي واحدة شايلة كلاشنكوف و فوق على الدبابة ... :) ...
هو طبعاً أنا كنت وقتها هاموت واروح انا كمان ، لكن والدتي كانت بتقولي ، جاهد في امتحاناتك .... أأقرب :)

إن شاء الله هاحله في أقرب فرصة ...

في آمان الله
رادار

mahasen saber يقول...

niddal pal...
نضالى المناضل اضحك بقه من قلبك كل ماامرر التاج ده لحد يقولى جاوبته قبل كده برغم ان اى حد بزور مدونته بفرزها وبقراها كلها بس طبعا الاجابات دى ان دلت فبتدل على مستوى ذاكرتى اليى انحدر للصفر وان مخى بيلعب فى الوقت بدل الضايع..وعلى فكره ايام حرب الشيشان انا كنت اصغر منك بكتييييير وماما قالتى نفس الكلام جاهدى فى مذكراتك بس طبعا استسلمت ووصفك بقه للشيخ الشاطرى هو ده الوصف الملائم للرجل الملائم..اما انتا بقه تعالالى هنا انا حاسه تجاهك احساس غريب انك اخويا الصغير برغم فرق السن اليى يدوبك شهرين بس انتا فعلا شخص الواحد يحس ناحيته بقرب عائلى ااقولك ايه ربنا يكرمك ياابنى ويبارك فى عمرك ويفرح مامتك بيك واشوف ابنى لما يكبر يبقى شايل قضيه وليه هدف زيك..ربنا يحميك انتا واليى زيك برغم اختلافى معاك فى حاجات كتييييييير..كل رمضان وانتا طيب يا نضال..اختك الكبيره

mahasen saber يقول...

اجندا حمرا....
نورتينى يا قمرة المكتبات اليى بيتباع فيها الاجندات وكده خلاص اتفقنا والاتفاق اصبح مبرم بيننا وعلى من يخالفه تقديم فرخه بكشك اعتذار للزميل الاخر ايه رايك ...كل رمضان وانتى بالف خير انا سعيده بمعرفتك جدا والله..

mahasen saber يقول...

رادار.....
الوحشه اليى هيا انا بتقولك اسفه جدا انا مقصره فى زيارتك فاسفه اسفه اسفه جدا يا رادار وبعتذرلك مليون مره وزيارتك دى تاج على راسى ومبسوطه انك ابتسمت يعنى مدونتى كانت نكد الاول ماشى يا رهدار اردهالك فى البوستات ...بس انتا تقول اليى انتا عايزه دا انتا من اوائل المعلقين والقارئين لمدونتى شوفت بقه غالى عندى ازاى ..ربنا يوفقك وكل رمضان وانتا بالف الف خير..

saso يقول...

السلام عليكم يا اهل الدار:

انا جيت وشكلى اتاخرت اووووووووووى خااااالص

عموما حضرتك زورتى مدونتى صدفه وانا رزت مدونه مع سبق الاصرار والترصد

مدونه جميله مليئه بالجراح والامانى التى تبدو لكى ورديه في حين ان لونها الاصلي اسود

ولكن ما دامت تفيد فلا عليك...

اللهم وفقك واهداكى الطريق السليم ان شاء الله

بالنوسبه بقه للاجابات : هى حلوه بس مخيييييييييفه اوى احلامك جامده خالص عاوزه تروحى اماكن بعيده

وانا كل حلمى اروح الاهرامات
اه والله مش مصدقه اصل انا مش من القاهره انا من ام الدنيا (قاره المنصوره) وصحيح نزلت القاهره كتيييييير بس عمرى مرحت الاهرامات تيجي تودينى وينوبك فيه ثواب

بس لو وافقتى عندى شرط : مش هركب المترو انا قلتلك اهو مش عايزه ابكي تانى من الكسوف

هبقي احكيلك حكايه المترو بعدين بقه اصلي طولت عليكي اوى

عموما ربنا معاكى ...

واتمنى دوام التواصل

د. موني يقول...

اول مرور ليا فى مدونتك
حسيت انك انسانة بجد وجواكى خير كتييييير
ربنا يوفقك وينصرك فى معركتك لو خير ليكي
ويخليلك عبد الرحمن وتشوفيه عريس
ههههههههه
معاكى عشرة جنيه بقي؟؟؟؟
تحياتي ليكي

NIDAAL PAL يقول...

شهادة حضرتك دي تاج فوق راسى ووسام على صدرى وبدلة بحالها مليانة نياشين لابسها..و بصراحة لسانى وتفكيرى واقفين مش عارف اقول لحضرتك ايه غير ان نفس الشعور موجود بجد
ونفسى بقى أعرف حضرتك مختلفة معايا فى ايه ؟.. يهمنى بجد اعرف علشان لو حاجة غلط ومش واخد بالى الغيها من حياتى فوراً

أكون او لا أكون يقول...

كل سنه وانتي بصحه وسلامه ياحبيبتي... ربنا يعيدوا عليكي , وعلى وابنك وابو ولادك ...وكل الوطن العربي ... بالفرح... والخير...وراحة البال واهم شئ رضى مغفره من ربنا...

yoyo يقول...

ازيك أم عبد الرحمن يارب تكونى بالف خير انتى وبيدو
كل سنة وانت بالف خير وصحة يارب
رمضان كريم عليك وعلى الامة الاسلامية كلها يارب
تحياتى
يويو

عتبة واحد يقول...

كل سنه وانتي بصحه وسلامه ياحبيبتي... ربنا يعيدوا عليكي , وعلى وابنك وابو ولادك/وراحة البال (اكون او لا اكون)

وبكده نبقى فى البلكونة فى السيدة زينب


انا كنت فاكر اسم المدونة عايزة انطلق لكن كده اسم المدونة كده مستفز الا اذا كنت انا مش فاهمه

(احمد سكر ) يقول...

السلام عليكم

كل عام وحضرتك بخير

كل عام وعبد الرحمن بخير

احلامك قربتنا كتير من شخصية حضرتك

ربنا يكتبلك يارب زياره بيته
انما الحلم اللى تلفى فيه العالم دا

صعب اوى


تحياتى

وكل عام وانتى بخير

احمد سكر

عروسة ننوسة يقول...

كل سنة وانتى طيبة
مبروك التاج واجاباتك متميزة جدا

mahasen saber يقول...

saso...
اهلا ببنات المنصوره الجميلات الفاتنات نورتينى يا قمر وزيارتك دى احلى سبق اصرار وترصد فى الدنيا بس ايه حكاية المترو هستناكى تحكيهالى سواء هنا او فى بوست ايه رايك تكتبيها بوست عندك ونقراه كلنا ...كل رمضان وانتى طيبه يا قمر المنصوره وزيارتك اسعدتنا قوى خالص جدا..

mahasen saber يقول...

د.مونى...
دا انا اديكى عمرى مش عشره جنييه مش دعيتى لابنى خلاص ميغلاش عليكى حاجه ..الف شكر على ذوقك ورقتك وكلامك الجميل دا انتى اليى انسانه جميله عشان تقولى كده وكل رمضان وانتى بالف خير وصحه وزيارتك يا مونى على دماغى من فوق ونورتينى جدا الف شكر ومليون كمان لذوقك ورقتك واخلاقك العاليه..

mahasen saber يقول...

niddal pal...
نضال انا كنت بهزر بعدين احنا بشر لازم وحتما ولابد نبقا مختلفين وانا بتمنا ابنى لما يكبر يبقى زيك عايز حاجه بقا اكتر من كده ربنا يحميك ويبارك فى عمرك دا انتا اليى فوق دماغى كمان وكل رمضان وانتا طيب يا نضال فلسطين والامه بحالها ولا تزعل نفسك..ال حاجه غلط ال انتا يا ابنى ربنا يحميك مش هقولك غير كده..

mahasen saber يقول...

اكون او لا اكون...
كل رمضان وانتى بالف الف خير يا جميله وان شاء الله ربنا يحققلك كل اليى بتتمنيه فى رمضان ان شاء المولى عز وجل ..

mahasen saber يقول...

yo yo....
ازيك انتى يا قمر وكل رمضان وانتى بالف خير ومدونتك بالف بوست وبوست ربنا يتفبل منا صالح الاعمال ان شاء الله وشكرا على التهنئه الجميله..سباقه انتى بالخير.

mahasen saber يقول...

عتبه واحده..
يعنى حضرتك كنت فاكر اسم المدونه عايزه انطلق والله اسم كله حماس بس للاسف الاسم هو عايزه اتطلق و يعنى الاسم المستفز اليى انتا شايفه كده بس على العموم نورتنا بالزياره واسفه جدا لو الاسم مدايقك بس معلش ده مش اعتباطا ده بيعكس حاله معينه وعلى العموم شرفتنا بالزياره وكل رمضان وحضرتك بالف خير..

mahasen saber يقول...

احمد سكر...
يعنى يا استاذاحمد يبقى حضرتك شغلك فى الطيران وتقولى حلم السفر حول العالم صعب قوى طب تيجى ازاى دى ده فيه ناس بيلفوه بالعجله مابالك لو لفيته بالطياره اليى مش خاصه طبعا..حضرتك نورتنى وشرفتنى بالزياره بس انا رديت الزياره قبل ما ارد على تعليقك هنا دى بقت عادتى ارد الزياره والتعليق الاول وبعدين ارد على التعليق فى مدونتى ..بس فعلا شرفتنى جدا جدا وكل رمضان واسرتك واولادك وحضرتك بالف خير وصحه.

mahasen saber يقول...

عروسه ننوسه..
الله يبارك فيكى وكلرمضان وانتى بالف خير والف شكر على ذوقك يا جميله..

mahasen saber يقول...

عروسه ننوسه..
الله يبارك فيكى وكلرمضان وانتى بالف خير والف شكر على ذوقك يا جميله..

أكون او لا أكون يقول...

ايه ده ايه ده... انا شايفه النجوم كلها سهرانه الليله... ازايك يا قمر
عامله ايه؟؟؟... جهزتي ايه لرمضان ان شاء الله...

mahasen saber يقول...

بجهز نفسى بالاستعداد لزيادة العباده وزيارة الاقارب وصلة الرحم بزياده برضه وبعيد على حبيلبنا اليى زيك يا قمر

أكون او لا أكون يقول...

ان شاء الله...

mahasen saber يقول...

اكون او لا اكون...
عارفه يا كونه انا كنت حزينه دلوقتى قوى بس خلاص اصل كان فيه حد زار مدونتى فزورة مدونته وسبت تعليق تخيلى بيرد عليا يقولى ايه بمنتهى عدم الاحساس والاكتراث بمشاعر غيره بيقولى بصى يالى عايزه تخربى بيتك..متتخيليش اتجرحت ازاى وشويه كده قولت ارد ااقوله ان تعليقه دايقنى قولت الاحساس مبيتشحتش قولت طب ااقولك انتا دخلت مدونتى وعلقت ومفكرتش تقراها عشان تعرف فحواها ايه زى ما كل الناس بتعمل قولت برضه لا افضل حاجه قولت حسبى الله ونعمالوكيل ..وخلاص لا اعيره اهتماما فمش كده صح يا كونه ولا ايه والحمدلله على كل حال..

أكون او لا أكون يقول...

حسبنا الله ونعم الوكيل...
اكيد صحيح ان لاتعيريه اي اهتمام...
ماتزعليش...
فيه ناس كتير بتجرح... من دون اي مداراه لمشاعر الناس...
خلاس متهتميش ولا تسيبيش رد... لانه حيرجع يرد عليكي...

mahasen saber يقول...

الحمدلله وخلاص ماشى اتفقنا المهم بقه كل رمضان وانتى بخيروشوفتى بقه احنا اصحاب ازاى ..اه على فكره زورتى مدونة ريمان قبل كده دى بنت كويسه قوى قوى انا مش واخده بالى هيا بتزورك مدونتك ولا لا بس زورى مدونتها هتعجبك قوى يا كونه وشكرا على تواصلك يا جميله بس ايه رايك فى اسم الدلع ..

أكون او لا أكون يقول...

هههه كان فيه واااحد اسمه ابو كونه... كان معروف في الحي بائع متجول يبيع قهوه وهيل... فكرتيني بايام الطفوله... بس على فكره انا اسم الدلع في البيت قمر... وانتي لما تنادي ياقمر ... انا ببتسم هههه ... كانك بتعرفي

mahasen saber يقول...

لا ده يبقى توارد خواطر بجد ..بس حاجه تسعدنى جدا ومبسوطه انى بسطتك قوى يا كونه يا قمر.

أكون او لا أكون يقول...

ان شاء الله انا بحضر بوست جديد... بس انتي ايه اللي مسهرك... ولا انتي فايقه عشان الصلاه...

أكون او لا أكون يقول...

http://www.tvquran.com/Abdulbasit_Mojawwad_4.htm

ده رابط فيه mp3 قران كريم...
فيه قران كريم تقدري تتصفحيه... عشان المدونه.

mahasen saber يقول...

ماشى يا قمر انا بسهر يوم الخميس عشان اجازتى الجمعه والسبت من الشغل فبفضل بئه ارد الزيارات لحبايبنا المدونيين واشوف البوستات الجديده وممكن ادخل معاهم كام موقع بس تصدقى بقه انتى باعتالى رابط موقع للقران الكريم وانا كنت لسه هشغل الشيخ الشاطرى ..شوفتى توارد احلى من كده يا قمر ويله خلصى البوست عشان ااقراه واكتب اول تعليق ان شاء الله.

جنّي يقول...

السلام عليكم ورحمة الله وبركاته

كل عام وأنتم بخير
كل عام وأنتم صائمون
كل عام وأنتم مصلون
كل عام وأنتم قائمون
كل عام وأنتم قانتون
كل عام وأنتم متصدقون
كل عام وأنتم مغفور لكم
كل عام وأنتم معتمرون
كل عام وأنتم قائمون ليلة القدر
كل عام وأمتكم الإسلامية منتصرة

اللهم بلغنا رمضان وأهلّه علينا بالسلامة والإسلام واليمن والبركات والنصر والتمكين ..

أخوكم
سعيد

mahasen saber يقول...

جنى...
اللهم امين ..اللهم امين
ربنا يتقبل دعاء حضرتك الجميل ده وده بصراحه من احلى المعيدات برمضان اليى جاتلى فى حياتى ربنا يكرمك ويباركلك ويعوده على اسرتك الكريمه بالخير والبر ان شاء الله..اختك محاسن.

مـجـنـووون يقول...

ربنا ينولك كل إلي في بالك ، وكل سنه وأنتي بألف خيررر
تقبلي مروري
مجنووون

norahaty يقول...

السلام عليكم ورحمة الله وبركاته
استاذة محاسن انت وحشتينى
وحشتينى وحشتينى وحشتينى
مش حاقولك غير كده
و ح ش ت ى ن ى
اوى اوى اوى
ويارب كل لحظة
وانتى وعبد الرحمن
وكل كل كل كل
احبابك بخير

The Führer يقول...

كل عام وحضرتك بخير .
وإن شاء الله أحلامك كلها تتحقق وأحلامنا معاكي.
تخيلي أنا أمنية حياتي إني ألف العالم مشيا علي الأقدام ولو الحكاية دي أخدت مني شهور وسنين مش مهم .
كمان اتمنيت كتير أني أجاهد في فلسطين والشيشان والبوسنة والسودان والفلبين والعراق وأي مكان فيه ظلم للمسلمين.
عجبني أوي إعجابك بفيلم شبح الأوبرا لأني باعشقه ومعظم التراكات بتاعته معايا دايما ع الموبايل .ونادرا ما ألاقي حد بيحبه ، فعلا علي رأي عادل إمام "إحنا في زمن المسخ"
برجاء تقبل مروري المتواضع ورمضان كريم.

يوميات نائمة في الأرياف يقول...

كل سنة وانتي وعبد الرحمن ابنك طيبين
ويارب تشوفية في احسن حال
ودايما تحققي احلامك في اي حاجة تتمنيها
وابنك كمان يحقق احلامة
كل سنة وانتي بألف خير
اختك رنا

NIDAAL PAL يقول...

انا مش هقول غير _ العفو
وكل رمضان وحضرتك طيبة و بالف خير و صحة وسلامة و ربنا يبارك فى ابن حضرتك و يكرمه و يبارك فى عمره و تشوفيه كما تريدين ان شاء الله .
ويارريت راي حضرتك فى البوست الاخير الى وصلت لان عسكرى هو الى يضرب بنت و فيه جملة انا مش فاهمها بجد : ال حاجه غلط ال انتا يا ابنى .. يعنى ايه ؟؟

NIDAAL PAL يقول...

معلش انا غبى بس بجد مش فاهمها خالص الجملة دى

Habiba يقول...

انت يابنتى
الوووووووووووو
انت يابنت حطيتى التاج ونسيته؟؟
فين جديدك

والنب تدخل تنفضى بس التراب من على المدونه اصله بهدلنى وانا داخله

رمضان كريم ياقلبى

عايش ولكن يقول...

احلامك بسيطه اوى يارب تتحقق كلها
بس حكاية تلفى العالم كله حته حته دى ربنا يعينك فيها بقا هههههه
كل سنه وانتى طيبه ورمضان كريم

mahasen saber يقول...

مجنون..
حضرتك نورتنى وزدتنى شرف وجنون على فكره انا زرت مدونتك بعد ما قريت رسالتك فؤجئت انك عاقل جدا ...انتا اسعدتنى بالزياره وكل رمضان وانتا بالف خير.

mahasen saber يقول...

norahaty...
يا حبيبتى كل رمضان وانتى واسرتك بالف خير وسلام انتى اليى وحشانى جدا وزيارتك بتسعدنى جدا جدا وبتزيدنى شرف ...نورتينى يا د. نور وكل رمضان وانتى بالف خير يا ام الانوار كلها.

mahasen saber يقول...

thefhrer....
يعنى متفقين فى احلام كتير بس انك لف العالم على رجلك مش هياخد شهور ده عايز مليون سنه ماشى بس يستاهل مع انه عالم مليان مشاكل بس يستاهل...اما شبح الاوبرا فانا بتكلم عن المسرحيه انتا بتتكلم عن الفيلم اليى كان من بطولة باتريك سوازييه وديمى مور والممثله السمرا الذيذه دىنسيت اسمها هيا خدت اوسكار احسن ممثله مساعدهعن دورها فى الفيلم ده انا نسيت اسمها تماما هفتكره ان شاء الله ..انتا نورتنى واسعدنى بزيارتك الجميله وكل رمضان وانتا بالف الف خير وافتكرت الاسم ووبى جولدبرج اخيرا خدت عن الفيلم ده احسن ممثله مساعده بس الشبحين المسرحيه او الفيلم تحفه طبعا ...

mahasen saber يقول...

يوميات نائمه فى الارياف...
رنا الجميله هنا يا اهلا وسهلا بيها وب ويلسون كل رمضان وانتى بالف الف خير يا حبيبتى والف شكر على كلامك الجميل ده ربنا يكرمك ويسعدك زى ما اسعدتينى وكل رمضان وانتى بالف الف خير كمان مره بس ايه رايك تخليها يوميات رنا فى الارياف ..تصدقى الاسم بيفكرنى ب رحلات جيلفر..

mahasen saber يقول...

niddal pal....
نضال نضال نضال انا اليى غبيه عشان بكتب كلام مش مفهوم بعدين انتا اطيب ولد فى الدنيا دى والف شكر على كلامك الجميل وذوقك ده انا دخلت المدونه وقريت البوست وعلقت قبل ما ارد على تعليقك هنا فمش هقول غير ربنا يلطف بينا بس كل بوستاتك صاروخيه وفى الهدف كده علطول ربنا يوفقك وينجحك وتبقى من كبار صحفيينا ان شاء الله ...انا سعيده بيك جدا يا نضال والله سعادتى بابنى او اخويا الصغير..

Desert cat يقول...

بصراحة التاج طويل اوى وانا نفسى اتقطع فى النص
معلشى حكم السن بقى
كل سنة وانتى طيب

mahasen saber يقول...

habiba...
حبيبتى الصغيره حسستينى ان مدونتى دى صندره ومركونه ومليانه تراب حاضر حاضر حاضر هعمل بوست جديد عارفه المشكله ان انا عندى كشكول مليان مواضيع عايزه احطها فى المدونه بس انتى عارفه المشاغل بقه بعدين عندى موضوع اسمه بشر فى المحكمه هتحفكم بيه خديلك كده 3 شهور مواضيع من العينه دى مستعده ...عشان تحرمى تقولى بوست جديد..كل رمضان وانتى بالف الف خير يا قمر وقوليلى هما الاخوه المدونيين بتوع الزقازيق مش عايزيين يشوفوا بعض ولا ايه..

mahasen saber يقول...

عايش ولكن...
شرفتنى جدا واسعدتنى بالزياره وعلى فكره الكل بيعلق على السفر حول العالم وده دليل قاطع على ان كلنا عندنا نفس الرغبه بشكل او باخر...كل رمضان وانتا بالف الف خير ..واسعدتنى الزياره قوى.

mahasen saber يقول...

desert cat.....
اول مره اعرف ان القطط نظرها ضعيف ...قطة الصحراء الجميله نورتينى بالزياره بعدين البوست مش طويل ولا حاجه الخط بس اليى كبير انما لو اتضغطت هتلاقيه حته قد كده هوه صغير خالص انا مش عغاويه رغى ...طبعا واضح ..كل رمضان وانتى بالف الف خير يا قمر واسرتك فى اسعد حال ..

بنت سيناء.. يقول...

اية يا محاسن..انتى جعتى وكلتى التعليق بتاعى امبارح وللا اية؟؟طيب ممكن اعرف السبب؟؟

وبعدين انا زعلانة منك يعنى مش حاطة مدونتى فى القائمة عندك؟طيب ساهلة ياستى
وبشكرك جدا على اخبارى بمدونة شريف بس وين اللينك تبعها؟

mahasen saber يقول...

بنت سيناء....
والله يا حبيبتى مش انا اليى عامله الريدر ده
محمود مصرى بالغربه ومحطليش مدونات كتير وعلى فكره كتير برضه زعلو من كده وانا مقدرش على زعلكوا فهضبطه ان شاء الله
ولينك شريف بعد الفطار هجيب الينك واجيبهولك لحد عندك يا قمر
اما التعليق مش عيب برضه اكل وانا صايمه
والله يا بيه ما شفته ولا اعرفه...

will يقول...

情趣用品,情趣,情色,成人,A片,自拍,情趣用品,情趣,色情,成人影片,色情影片,免費A片,情趣用品,情趣,成人網站,A片下載,日本AV,做愛,情趣用品,情趣,美女交友,A片,辣妹視訊,情色視訊,情趣用品,情趣,色情聊天室,聊天室,AV,成人電影,A片,情趣用品,情趣用品,情趣商品,情趣,情趣

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

情趣用品,A片,aio,av,av女優,a漫,免費a片,aio交友愛情館,a片免費看,a片下載,本土自拍,自拍,愛情公寓,情色,情色貼圖,色情小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,色情影片,情色網,色情網站,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人小說,成人電影

情趣用品,情趣,情趣商品,自拍,UT聊天室,聊天室,豆豆聊天室,哈啦聊天室,尋夢園聊天室,080聊天室,080苗栗人聊天室,H漫,A片,AV,AV女優,A漫,免費A片,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,SEX,微風成人,嘟嘟成人網,成人,18成人,成人影城,成人圖片,成人貼圖,成人圖片區

情趣用品,情趣用品,情趣,情趣,情趣商品

غير معرف يقول...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘