الأربعاء، 10 سبتمبر، 2008

البلوج ما بين الريدر والفيد والكاونتر وسيبو فى حاله

انا مليش اى علاقة موده بينى وبين اى اكواد فى الدنيا ولما ابو ابنى سافر لندن شهر اتفقت معاه اشغل وقتى فى حاجه مفيده فقولت لما اجرب اهزم ضعفى واخد كورس من الكورسات العويصه بالنسبه ليا زى الفيجوال بيسك او الداتابيس حته واحده مش حتيتين والبدايه والنهايه كانت مع كورس html لانى خدت الكورس بجداره وتانى يوم نسيته بنفس المستوى من الجداره ناهيكم بقه ان كتر التفكير عجزلى مخى والزهايمر ضربنى فى الصميم ده بجانب ارتفاع خط الغباء فى عقلى واليى واخد مساحه وافره لا يمكن اغفالها ...المهم كنت عايزه اغير شكل المدونه واحمدك يا رب انى بعرف أأقرا واكتب وعليه عرفت اغير شكل القالب لوحدى من غير مساعده من حد ..جينا بقه للأهم كنت بتكلم مع زميل مدون من فطاحل المدونيين خالو احمد الصباغ وتتطرقت لانى بحاول ادخل ريدر وكاونتر واخلى المدونه ليها شكل ولون كده فقالى ممكن اساعدك وقد كانت الطامه الكبرى وهو اليى جابه لنفسه بصراحه او ممكن دى ساعة عدم رضا من امه عليه فضل المسكين يقول ويعيد ويلف فى دواير مغلقه معايا يقولى حاجه اعمل عكسها اعملى كليك يمين واسحبى الكود
انا:اسحبه ازاى يعنى من ايده ولا ا من شعره

الصباغ:يا ستى عندك بيانات امليها

انا:وايش ضمنى ان الموقع ده امين وموثوق منه انتا واثق فيه(ده على اساس انى عملت الفيد من مدونة الصباغ)

الصباغ:زى ما واثق انى هتجنن

انا:طب اصبر كده شويه(طبعا اصبر دى بتاخد بتاع عشره خمستاشر دقيقه على النت)

اليى اعمله مره اكرره عشره وفى الاخر فشل ذريع

الصباغ:انتى هنا ولا موتى

انا:لا موتت الكود بتاع الفيد مش عارفه اسحبه

الصباغ:صمت رهيب لاما الهدوء الذى يسبق العاصفه او جاتله هارت اتاك

انا:يا صباغ زهقت مش عارفه اعمل ايه

الصباغ:لا اله الا الله (احنا كده منعرفش ربنا الا فى الزنقه)

ووسط مناقشاتى المفيده اليى هيا متعداش صلب الموضوع واليى برضه مقدمتش ولا اخرت (لا لا انا عارفه نفسى فاشله مش عارفه اعمل الكود حتة كود مش عارفه اسحبه )

الصباغ:معلش بس هيا حاجه سهله ركزى وهتفهمى علطول

انا :اه اه الفيد عندى

الصباغ:مذهول فين

انا:فى المدونه ومنور اهه بس ده جه ازاى دا انا مش عارفه انقل كوده ولا اسحبه

الصباغ:مش عارفه جه ازاى

انا:لا ولو اعرف كنت سالتك

الصباغ:احمدى ربنا واسكتى

انا:لا لا لا لازم اعرف ولا ااقولك على ايه انا عبقريه بس ساعات مبخادش بالى من قيمة مخى (اوعى اوعى تحسدنى)

يا صباغ الا الفيد ده بتاع ايه ومهمته ايه

الصباغ:صمت الحملان ولا كلمه طبيعى توقعت اليى حصله..

...تانى يوم بقه على نفس الماسينجر لقيت رساله حد بيقولى ازيك

انا:مين حضرتك وحضرتك مدون

هو:ايون شريف سيبو فى حاله

انا:استعنا عل الشقا بالله يا ضحاياكى يا سونسن

شريف:عامله ايه واخبار ابنك ايه

انا:الحمدلله وبيبوس ايدك

شريف:ههههههههههههه

انا:بعد شوية رغى لما دوشته ..بقلك انا بضبط فى مدونتى تساعدنى

شريف:تحت امرك شئ يسعدنى(شكله متربى)

انا:بص انا من امبارح مش عارفه اعمل ريدر وهموت واعمل ريدر عشان بلف لما صوابع ايدى بتورم على المدونات عشان اعرف الجديد والريدر هيسهلى المساله دى

شريف:انا للأسف مبعرفش اعمله

انا:(شكله ربنا بيحبه)

شريف:ممكن اساعدك فى اى حاجه تانيه ممكن تعرفى اكتر ناس بتعلق عندك

انا:لا مبحبش احرج حد اليى يعلق يعلق براحته كلهم حبايبى

شريف:ليه ده حلو قوى

انا:لا مش بالنسبه لى (وبتشرط كمان)

شريف:فيه الشات بوكس

انا:ايه الشات بوكس ده مهمته ايه

شريف:ده اليى مش ليه مدونه او عايز يستسهل ويسيبلك رساله

انا:ياه ماشى حلو ليه لا

شريف:طب افتحى الصفحه وبعتلى لينك املى البيانات وكوبى وبيست

انا:استنا استناانا فاتحه صفحة الكاونتر بعمل كاونتر

شريف:الشات بوكس الاول

انا:الكاونتر

شريف:الشات بوكس الشات بوكس الشات بوكس

انا:الكاونتر الكاونتر الكاونتر

شريف:سحبتى كود الكاونتر عندك

انا:لا مش عارفه اسحبه

شريف:افتحى المدونه الداشبورد بعدين اضافة اداه بعدين

انا:ايوه ايوه

شريف:اعملى كوبى وبيست وهيتحط

طبعا عملت الكوبى والبيست وانا واثقه انه مش هيتحط زى اليى قبله او تطلع معايا كده زى اليى قبله برضه

شريف:ها عرفتى

انا:اه وصل لا لا انا فى قمة سعادتى

شريف:طب اعملى okوشوفيه عندك فى المدونه

انا:اكيد طبعا واضح ان مفيش حاجه صعبه عليا ..بفتح المدونه عشان اشوف الكود ابو نجوم البحر اليى انا حطاه الاقى الكود بحاله وبرموزه عندى فى المدونه اه والله الكود مش النجوم ااقول يمكن تظهر كمان شويه ابدا

انا:يا شريف الكود بحاله عندى فى المدونه

شريف:صمت تام زى اليى كان بيحصل مع الصباغ

انا:شريف شريف ونفس القلق اليى كان على الصباغ حرام لسه شباب وفى عز شبابهم أأذيهم كده

شريف:انا معاكى متقلقيش بس مذهول من اليى بتقوليه افتحى الصفحه وانا افتح صفحة الكاونتر

انا:ماانا مليت البيانات وجبت الكود

شريف:طب بصى اعملى معاينه..انا منيين دى ..شريف من نفس صفحة html..انا فين منيين وليه وفوق ولا تحت

شريف :سيبك من الكاونتر وتعالى نعمل الشات بوكس

انا:لا ازاى الكاونتر ينتصر عليا لازم اعمله الاول

شريف:اسمعى كلامى الشات بوكس

انا:لا ال.............ماشى الشات بوكس..بس ازاى لا لا قلبى مش مطاوعنى الكاونتر الاول

شريف:اديلى الباسوورد واليوسروانا هضبطلك المدونه واديهالك على المفتاح

انا:ههههههه سلمه القط مفتاح الكرار

شريف:مش واثقه فيا انا امين

انا:لا انتا شريف سيبو فى حاله

شريف:اسف انا كنت عايز اساعدك بعدين انا امين مش انسان وحش ولا حرامى

انا:انا مش قلقانه منك ولا من حاجه يعنى هيا عليها اسرار عسكريه انا بس محرجه منك يعنى هتضيع وقتك عشان تضبط مدونتى كتر خيرك وفاض

شريف:لا هضبطهالك فعلا واديهالك عل المفتاح

انا :ماشى بس بشرط

شريف:اامرى (مش قولتلكو شكله مؤدب) تعمل الكاونتر تحت وفوقه الشات بوكس وفوقهم المدونات وفوقهم كلهم الفيد

شريف:بس كده حاضر بس الشات بوكس الاول
انا:لا لا لا زى ما قولتلك لاما بلاش
شريف:لاحظى ان انا اليى هساعدك
انا:هههههه(بسحب ناعم ماانا متشكره خالص وجدا وخجلانه والله)
شريف:هاتى بقه الباسوورد واليوسر
انا:اتفضل كا كا كا كا كا لى لى لى لى
شريف:شوفى بقه هعمل ايه
انا:ايدى على قلبى وعقلى لشوية الفهم يطيروا..بص انا هقوم اصلى العصر عبقال ما تخلص
شريف:وانا مليش نفس اصلى
انا:وانا قلتلك متصليش انتا هتركبنى ذنب ياابنى
شريف:طب بصى كده
انا:على ايه
شريف:على مدونتك
انا:طب وسع كده..ايه ده لا لا استحاله ايه ده الشات بوكس اه هو ده الشات بوكس ماانا بعلق عند مدونيين زملاء فيه بس محطتش فى بالى الاسم
شريف: اهه هو ده
انا: الف شكر يا شريف انا محرجه منك بس مش قلنا الكاونتر الاول
شريف: اصبرى على رزقك شوفى الشكل ده
انا: اه الكاونتر تفاح لا انا عايزه نجوم البحر
شريف: فين دى وريهالى ..وبعد مهاترات من عينة اهه تحت البط ..لا مش عايزه كاونتر التفاح .. مبحبش التفاح وبعد انا عايزه نجوم البحر وبعد ما شريف فقد نص عقله وكان فى طريقه لفقد النص التانى اتعمل الكاونتر
انا: شكرا شكرا شكرا جزاك الله كل خير آلهى ربنا يكرمك (بس انتا كويس)
شريف :انتى بتشكرينى على ايه انا معملتش حاجه بعدين احنا اخوات
انا: انتا انسان محترم حتى لو كنت مش هتساعد انا هشكرك فى بوست دى ااقل حاجه وااقل شكر كفايه الشلل اليى سببتهولك بعدين انا فعلا شاكره لوقتك اليى ضيعته فى مدونتى
شريف: يا ستى ولا يهمك المهم سعادتك
انا:الله يكرمك سعادتى مبسوطه خالص انتا سهلت عليا المهمه بالك انا كان ممكن انجز الامور دى بس كانت هتاخد منى وقت يعنى قرايه وفهم وانا معنديش استعداد لتشغيل مخى فى الحاجات دى مشغلاه فى حاجات تانيه
شريف: واضح ولا يهمك

اعزائى واحبابى وعزيزاتى وحبيباتى دى كانت القصه الخفيه وراء تضبيط العالم الاخر ليا بلوجتى ومهجتى ..طبعا كلكم بتدخلوا على مدوناتكم اى شئ بسهوله ااقولكم الذكاء نعمه حافظو عليها
(هههههه لا والله انا مش غبيه حرام اتهم نفسى كده بس اى حاجه فيها رياضه او اكواد مبحبش اشغل مخى فيها خالص ومخى كتابه وقرايه بس بعيده عن التكنولوجيا والرياضه والحمدلله انى خلصت نحو الاميه)
بس البوست ده كتبته لسبب انى حبيت اشكر شريف على اولا: ادبه الجم معايا وثانيا : تعبه معايا والمجهود المضنى فى المدونه .ثالثا : انا بحب لما اشكر حد اشكره بأفاضه واستفاضه وده بيبقى بحب فعلا ومن داخل اعماق قلبى لانى اصلا بحب ااقدر الناس كلها الكويس والوحش فما بالك الكويس بقه ...فيا شريف الف شكر ومليون كمان يبقى الف ومليون شكر على ذوقك وربنا يكرمك ويوفقك فى البنت اليى تسعدك وتتقوا ربنا فى بعض والغى من دماغك فكرة الغاء مدونتك حرام تسيب العالم ده وبعدين مدونتك تحفه ده كفايه بوست البطيخه...

وسلسلة الشكر طويله ...خالو احمد الصباغ خدلك الف ومليون شكر كمان على ذوقك واحترامك وعلى فكره انا والصباغ واحنا بنتكلم هلكنا من الضحك وحسيت انى اعرفه من زمان فعلا فعلا تحس انه ابن البلد دى وتحس ان كل شئ بيشع منه مصرى فى مصرى بس هو زعل واتقمص من شئ ما يا صباغ هو انا حد يزعل منى ولا بعرف ازعل حد يا ظالمنى....بس بحترمك بقه لانك رجعت قولت مفيش حاجه انا فهمت غلط بحترم اليى بيعترف بغلطه..

والف ومليون شكر كمان وشكر واجب ودائم لاستاذ محمد عصفور المدينه لانه هو اليى قالى اانقل مدونتى من البلوج للبلوج سبوت وكل ما بلاقى تفاعل فى مدونتى بحس بعرفان جامد تجاهه الف شكر يا استاذ محمد وحاجه تانيه كنت بعلق عنده فى الشات بوكس بالايميل بتاعى فقلى لما تعلقى فى الشات علقى بلينك المدونه مش بالايميل بتاعك ..عادى يا استاذ محمد مش حاجه مهمه ده ايميل مش تليفون بيتنا ..وبعدين الحمدلله كل اليى اتعاملت معاهم لحد الان من افاضل الناس وقمه من قمم الاخلاق بس شكرا على المعلومه.
..وشكر حار ومليون شكر كمان للطائر الحزين لانه عرفنى ازاى اعمل قايمه باسم مدوناتى المفضله مع انى مش كملتها عشان عجبنى الريدر ..استاذ طائر الف مليون شكر عارف الطريقه اليى قولتلى عليها علطول عملت غيرها وطلعت معايا برضه .شاكره ليك المعلومه المفيده جدا جدا واحترامك وذوقك

اما بقه كل التشكرات اليى فى الدنيا وكل العرفان والاحترام والتقدير فعلا وحب ابنى فىقلبى بجد بشكر وبدعى بالخير لكل مدون بيزور مدونتى وبتعليقه بيمدنى بقوه نفسيه وشجاعه ادبيه عجيبه ..اه كلام البوستات كلام والتعليقات كلام بس الكلام اليى بيمد الانسان بالحياه واليى بتحس ان كل حرف فيه بيطول العمر والشئ الخفى ورا اى تعليق هو الاهتمام ان حد ياخد من وقته ولو مساحة دقيقه عشان يقرا بوست ويسيب تعليق يمد بيه حد بالقوه او ينورله بصيرته او يهديه لحاجه كويسه وينهاه عن شئ مش سليم من غير ما نتعامل فى الحياه الواقعيه ونحتك وجها لوجه....
فعلا هو ده الحب فى الله وفعلا برغم الظروف الوحشه دى علامه من العلامات اليى بتقول للانسان ابتسم واحمد ربنا ربنا بيحبك وراضى عنك......
انا لو مريضه بزيارتكم بخف ولو حزينه بيها بفرح ولو يومى كله فى المحاكم لما بشوف تعليق من القلب بنسا همومى ورايا وكأن اتحكملى فى القضايا كلها وودعت المحكمه بالتلاته
فمن قلبى اليى بحاول طول عمرى انه يبقا نقى وربانى وماشى على تعاليم ربنا واليى واجعنى ومودينى فى داهيه برضه لا مانع واليى بقه اسود خفيف ومش عاجبنى ...بقول لكل حد نورنى وبينورنى جزاكم الله كل خير والف شكر من قلبى على زيارتكم ودعمكم ويا رب ما تشوفوا حد عزيز عليكم فى نفس مشكلتى ولو عندكوا حد فى نفس المتاهه ربنا يفك كربه وكربها على خير
شكر الدنيا كله لاخوات واحباء فى الله بجد ..انا كتبت اسامى ومسحتها حسيت انى نسيت كتير ومش عايزه ازعل حد ومحمود وكونه عارفين كده...
انا طولت بس انا رغايه بالفطره ولازم ااقول واعبر عن اليى جوايا ليحصلى حاجه وحاجه تانيه انا مكسوفه وانا بكتب كده لان مدونتى لا شئ بجانب مدوناتكم وانا ااقل المدونيين كفاءه فى الكتابه بس والله ولفظ الجلاله العظيم ده كل كلمه فى البوست مكتوبه ومغموسه فى جردل حب واحترام وتقدير ربنا وحده يعرف مقداره...
رمضان كريم فى رعاية الله وامنه وربنا يطول روحكم على البوست ده


العزيزه sometimes البوست الجاى هيكون اجابة التاج اليى على راسى وهديه مقبوله
واخوانا اليى ههديلهم التاج يستعدوا وبالذات خطيبة ابنى وهيا عارفه روحها( ابنى بيتخطب يا رجاله)


..اه نسيت انا عايزه اعمل ريدر ألا مفيش حد عايز يساعدنى..

.




هناك 226 تعليقًا:

‏1 – 200 من 226   ‏›أحدث   ‏أحدث»
أكون او لا أكون يقول...

محاسن الحبيبه...
انا من مبارح مستنيه وكمان واثقه ان البوست حيكون جميل وزي العسل ... بس كا تصورتش انه بالجمال ده... خفة دم رائعه...
اما السيناريو... انا بجد ضحكت من اعماق قلبي...
عفويتك وطيبة قلبك تميزك يامحاسن...
ربي يوفقك... وتخلصي من كل المشاكل اللي مقلقه حياتك...
لي عوده ثانيه ان شاء الله...

princess يقول...

هههههههههه
اول زيارة وتركتى انطباع زى الفل هههههه
لا بجد ساعات المدونة بتعلق وتعلن العصيان والواحد ميعرفش يظبط حاجة فيها
عموما مبروك على الاضافات وعقبال متوسعى المدونة
تحياتى:)

FreeKiller يقول...

و الله بوست جميل
دمه خفيف و زي العسل


عموما لو عاوزة أي خدمه ف تركيب اي حاجة تاني
انا موجوده
اينعم انا مش بريمو قوي بس اهو ممكن اساعد

انا لسه امبارح كنت قاعده بتاع اربع ساعات بعلم واحده صحبتي عالمسنجر ازاي تغير شكل المدونة

فالصبر عندي ملوش حدود
:)

مهندس مصري يقول...

حضرتك علقتي عندي قبل كده
:)
و من بختي الحلو اني جيت في البوست الجميل ده
الصباغ حبيبي عموماً و شكلي بآجي على سيرته
كل سنة و انتي طيبة و بخير

ABOALI يقول...

الحقيقة انى ادركت الان سبب اسم المدونه
عايزة اتطلق
فعلا عاوزة تتطلقى علشان تنطلقى
الى دنيا الكلمات من غير حدود على الاطلاق
بوست محتاج داوين
وانا واثق انى لسه فيه كمان ديوان
ربنا يعطيكى الصحة
واحنا كمان اكيد


بس فى النهاية من لم يشكر الناس لم يشكره الله
تحياتى

شمس النهار يقول...

شفتي بقه الجمال ليه ماتكتبيش كل يوم
كنت حرمانه من الحوار الجميل ده
ومبروك النيو لوك
عقبال المدونه الميلك

يوميات نائمة في الأرياف يقول...

ههههههههههههههههه
اية يا محاسن
انتي تغيبي تغيبي وترجعي ببوست تحفة كدة؟
على فكرة
انا كمان معرفش في الاكواد خاااالص
ونفسي اغير في المدونة بتاعتي بدل ما هي سادة كدة
بس يلا بقى
ربنا يكرمني بحد ياخد مدونتي ويسلمها لي على المفتاح زيك(بأرر عليكي)
كل سنة وانتي طيبية
اختك رنا

عاشــــــ النقاب ـقــــة"نونو" يقول...

السلام عليكم
والله هلكتيني من الضحك يا ستي انا كمان كنت في الاول كدة
ولاني لساني دلدل مع زوجي علشان يساعدني وللحق الراجل ما بيفضاش قررت اتعلم وحبة حبة فهمت
وربنا يكرمك يارب
وعقبال اللوك الجديد
ورمضان كريم يا سونسن

أبو خالد يقول...

أبنتي الغالية محاسن
جزاك الله عني خيرا
أضحك الله سنك
صدقيني خفة دم بلا حدود
و مبروك علي التغييرات و الشكل الجديد للمدونة
بارك الله في عمرك و عمر عبد الرحمن
بدأت أيام المغفرة فأرجو ألا تنسيني من
صالح دعائك لي بظهر الغيب
دمتي أغلي الناس
أبتك أبو خالد

عالم حبيب يقول...

السلام عليكم

أولا مبروووك على الاضافات الجديدة في المدونة .. بكل صراحة ما لحقتش اقرأ كل اللي كتبتيه لأن الوقت متأخر يادوب الواحد ينام ساعتين قبل السحور .. بكرة ان شاء الله اقرأ بالتفصيل .. بس اللي فهمته من ملخص الكلام انه عن المدونة والتجديدات والعمرة اللي عملتيها :) فبأقولك مبروووووك .. وأي مساعدة ان شاء الله حاضرين .. اصلا كنت بافكر في مدونة للتصميم وكذا لمساعدة المدونين ممن يريدون تصاميم او اشياء زي كده .. ربنا ييسر

دعووووووووووووواتكم

د. موني يقول...

هههههههه
ايه ياسنسن كاكاكا لى لى لى لى دى؟
موتينى من الضحك لانى برضه بعمل زيك كده لما حد يساعدنى كده من بعيد .... ولا من قريب حتى
هههههههه
المهم ان البلوج جمييييييل وكفاية بقي كده مش عايزين ضحايا
هههه

عصفور المدينة يقول...

بارك الله فيك باعلق م الموبايل قلت لك تعلقي باسم مدونتك عشان الدعاية لمدونتك :) انا شارح الريدر عندي بتدوينة عنوانها
Rss تاني

هانى زينهم يقول...

وعلى ايه يا ستى الغلبة دى كلها ؟؟ شرا العبد ولا تربيته!! انا دورت على حد يعمل لوك جديد لقيت بنت كانت عندى فى المدرسة وبقت مشروع دكتورة قد الدنبا وعاملة مدونة دخلنا معمل الاوساط وعملتلى اللوك الجديد وهم كلهم جوز جنيهات جبت بيهم كونو وكلته وبس
عموما بجد الله يكون فى عونك انت والغلابة اللى تعبوا معاكى دول وبجد تعبك طلع بفايدة والمدونة بقت تحفة ناقص البوستات الجديدة بقى ... مستنيين ...

mahasen saber يقول...

اكون او لا اكون...
كونه الجميله قولتلك امبارح بكتب فيه من طوله نمت ..اه والله دخلت اشوف بيرو لقيت نفسى نمت جنبه بس مبسوطه انه عجبك ومبسوطه اكتر انى ضحكتك بعدين ..اهه انتى اليى جميله وعفويه بقه يا كونتى الجميله..

mahasen saber يقول...

princess...
الحمد لله على الانطباع ابو ريحه حلوه ده بس يا ريته يدوم ويدوم وينتشر ويتوغل ...تصدقى بقه انتى اليى شكلك كده شخصيه لذيذه انتى شرفتينى بالزياره بس انتى جايه بعد الفطار اجهز سحور بقه ...كل رمضان وانتى بالف خير ووسعيلى كده عشان جايه ازورك جهزى الشربات..

mahasen saber يقول...

freekiller....
هو ليه الانسان بيحب يرمى نفسه فى التهلكه يعنى بعد ده كله عايزه تساعدينى روحى يا بنتى ربنا يكرمك بس يمكن يا كيلرايه عشان الدم بيحن يعنى بنات محافظه واحده ...
بس الف شكر يا جميله على عرض المساعده بس انا مرضلكيش البهدله..
سلام يا قمر ..

mahasen saber يقول...

مهندس مصرى...
حضرتك شرفتنى بالزياره وفعلا انا كنت فاكره حضرتك مهندس محمود الاسكنرانى ..مصرى بالغربه..بس سؤء فهم جميل لانه عرفنى بمدونه راقيه وعجبنى قوى صور العمره ربنا يكتبهالنا جميعا انشاء الله ...
حضرتك نورتنى وانا اليى من بختى الحلو ان البوست عجب حضرتك...
وكل رمضان وحضرتك بالف خير..

mahasen saber يقول...

aboali...
اهلا وسهلا بحضرتك عجبتنى قوى الجمله الاخيره دى هو حضرتك كده علطول بتقول درر ده تعليقات حضرتك اليى عايزه ديوان ...
وربنا يرزقنا بنعمة الصحه جميعا ومنورنى وبتسعدنى دايما بالزياره الجميله ةوالتعليقات الراقيه دى...
فى رعاية الله وامنه..

mahasen saber يقول...

شمس النهار...
شموستىالمليئه بتالنور والدفء ازى حضرتك داانا لازم اكتب بوست فى اخلاق حضرتك ودعمك وسؤالك الرقيق عنى جزاكى الله كل خير يا استاذه شمس وانا جاوبت الفزوره عشان خاطر حضرتك بس والله قريت البوست ومخدتش بالى شوفتى حضرتك الزهايمر...
استاذه شمس الف شكر على اهتمام حضرتك وتشريفك لمدونتى اليى بتجمليها بزيارتك..

mahasen saber يقول...

يوميات نائمه فى الارياف....
رنا انتى بالذات متتكلميش عن الغيبه فينك يابنتى ابتديت اصدق انك نمتى كنت عندك من يومين امبارح باين ولقيت نفس البوست قولت هيا رنا اتاثرت بالاسم طب حد يصحيها طب نيلسون طيب....
ومبسوطه قوى ان البوست عجبك ويا رب يكون عجب نيلسون برضه ورفع من شبكته وعلى بطاريته اللهم امين...
نورتينى يا جميله وانا جايه اشوف البوست الجديد وعارفه لو ملقيتش هاخد ويلسون منك ..رنا هو اسمه نيلسون ولا ويلسون نسيت يا بنتى..

mahasen saber يقول...

عاشقة النقاب نونو...
يعنى خدت ثواب ادخال السرور على قلب مسلم طب الحمد لله ...بس الجميل انك عذرتى جوزك وخدتى خطوه ايجابيه واتعلمتى آدى الستات الصح ربنا يكرمك ويباركلكوا فى بعض ويباركلك فى ولادك يا نونو وبنتك الجميله ...
بس اللوك الجديد اعمله فى شعرى بقه هههههه..

FreeKiller يقول...

هو ليه الانسان بيحب يرمى نفسه فى التهلكه
************
ربنا عاوز كده بقى

****************
يعنى بعد ده كله عايزه تساعدينى روحى يا بنتى ربنا يكرمك بس يمكن يا كيلرايه عشان الدم بيحن يعنى بنات محافظه واحده ...
***************
هو انا يعني
مش من الزعزع قوي
انا من ميت غمر
دقهلاوية متطفلة
***********
بس الف شكر يا جميله على عرض المساعده بس انا مرضلكيش البهدله..
سلام يا قمر ..
***********

العفو
بس برضه انا موجوده
ممكن يوم تتزنقي و متلاقيش غيري



سلام يا عسل

mahasen saber يقول...

ابو خالد....
ابى الحنون ابو خالد...
انا سعيده ان البوست رسم البسمه على قلب حضرتك وكنت مستنيه رأى حضرتك ...
وبارك الله فى عمر حضرتك وفى اسرتك الجميله وفى بورسعيد كلها اليى ليها تفخر ان فيها حد زى شخص حضرتك...
جزاك الله كل خير وبارك فى عمر حضرتك وتقبل صالح الاعمال..ابنتك الباره محاسن.

FreeKiller يقول...

بس بجد بجد
الموضوع بتاعك دمه خفيف جدا
بيفكرني بشبابي ايام ما كنت بكتب مواضيع فكاهيه
من واقع الحياة اليومية

mahasen saber يقول...

د.مونى ....
مونى الجميله مهى كا كا كا لى لى لى كلمة السر بس بالاكواد هههههه...
بعدين انا مسالمه مش بحب يبقى فيه ضحايا فى الموضوع بس واضح ان خلقهم ديق فبيطقو منى ..مع انى وديعه بس مش فى بنك ...
نورتينى يا مونى يا قلب الاسد طبعا بعد بوستك الاخير لازم نقول كده..

mahasen saber يقول...

عصفور المدينه....
استاذ محمد اهلا اهلا ووسهلا كمان بحضرتك حضرتك شرفتنى ...رمضان كريم ..
ومهو حضرتك قصدك كده انا بقه فهمتها كده مش قولت انا فهمى على قدى....بس انا لازم ااقرا البوست ده جعله الله فى ميزان حسناتكم...
بس حضرتك ادعيلى انى اعرف اطبق يعنى قرايه هقرا وشرح هفهم بس التطبيق ده الازمه..
حضرتك شرفتنى كالعاده ...فى رعاية الله وامنه.

mahasen saber يقول...

عالم حبيب...
الله يبارك فيك يا اخ حبيب والحمدلله ان الجديدات نالت اعجاب حضرتك ..
بس فكرة المدونه جميله واحتسب النيه وربنا يجعلها فى ميزان حسناتك ان شاء الله...
وحضرتك تشرف المدونه فى اى وقت بس انا وانا بكتب البوست كنت قلقانه من طوله وحاولت اشيل منه بس حسيت ان المعنى هيروح فربنا يقدر حضرتك على قرايته واسفه على طوله..وعرضه..

mahasen saber يقول...

هانى زينهم...
استاذ هانى ما انا لو كنت مدرسه كنت لقيت حد من ابائى التلامذه يساعدنى بس انا مبديش كونو كونو لحد انا لسه موصلتش لمرحلة الكرم دى ....
بس كويس ان التعديلات عجبت حضرتك بس مدونة حضرتكوتعديلاتها تحفه واكثر من رائعه قليل عليها كونو واحد دى كانت عايزه الشركه حالها او كيس شيبسى جنبه...بس انتا بتسعدنى يا استاذهانى بالزياره علطول..

mahasen saber يقول...

freekiller...
خلاص يا كيلارايه انتى اليى جبتيه لنفسك وانا بأخلى مسئوليتى من اليى هيحصلك زى ما بنخلى الفرخه البانيه من العظم ...اللهم بلغت.
بعدين بيفكرك بشبابك يا نهارى دا انا فى عز شبابى على كده ..بقه انتى يا بنت ال23 بتقولى شبابى بتفكرينى ليه بس يا كليرايه هبتدى اصدق انك كيلر هههههه..
ماشىيا قمر منوره وطالما مصره خلاص هفكرلك فى فكيره ...صبرك عليا..

مصري بالغربة يقول...

بصراحة بوست هايل يا ام بوكا

وانا كنت مستنيه من امبارح وسهران للصبح وبردوا منزلش الا متاخر

وعموما انت ضحكتيني جدا

بس انا عايز اعرف حاجة قالقاني جدا جدا


هو فين خالو احمد الصباغ دلوقت

انا بصراحة خايف عليه جدا الا يكون حصله حاجة كده ولا كده

حد يطمنى عليه او هو يدخل للمدونة ويعلق

مش واجب بردوا تطمنينا عليه انت يا ام بوكا

Habiba يقول...

حبيبتى حماتى
ازيك
ضحكتينى يخرب بيت عسلك
انا مبسوطه قوى لانك جبتى اسمى مفى بوستك
اتبسطت لانى حسيت انك بتحبينى بجد
وانا والله ياقلبى
وبعدين انا قلتلك اسلوب بسيط تعرفى بيه التدوينات الجيده اللى نزلت من قايمه المدونات لانى بجد مش عارفه الفيد ده لازمته ايه؟

الحاجه التانيه يعنى ايه ريدر اصلا لانى بجد ممكن اكون عارفاه لكن مش عارفه ان اسمه كده
وبعدين عيب تاخد كورس htmlوماتعرفيش تغيرى شكل البلوج
هى سهله بس ماينفعش تتحفظ انت بس لازم تعرف ازاى تستخدم الاكواد وخلاص

عموما مبروك التعديلات
كلك زوق يابنت بلادى
بجد بحبك فى الله

A.SAMIR يقول...

محاسن هانم بلدياتي
ازيك وايش اخبارك
ايه المجهودات الجبارة دي من اجل تحيث مدونتك الجميلة
يا فندم يكفي ان انتي بتكتبي فيها
بالتوفيق ان شاء الله
تحياااتي و احترامااااتي

FreeKiller يقول...

فكري و مخمخي على رااااح راحتك

ملاحظة بسيطة بس:
انا عندي 20 سنة
آه الست متحبش تكبر أبدننننننننننن
و كلمتك هتنزل المرة دي يا حنفي

mahasen saber يقول...

مصرى بالغربه....
انتا عاصرت البوست من بداياته يا محمود بس هو ده البوست اليى دوشتك انتا وكونه عليه ...
زمبسوطه انه عجبك يا هندسه ..بس بتسأل عن الصباغ ليه .خليك فى اكلك عيشك يفضل يعنى وانتا فاهم وانا بالعافيه بفهم هههههههه.

mahasen saber يقول...

habiba...
شوفتى حماتك دمها خفيف يعنى مش ست عقد ولا نكديه داانا يا حبوبتى هبسطك اخر انبساط مش هتعملى انتى وجوزك اليى هقولكم عليه خلاص تتبسطوا ..
بس انتى ليه بتحرجينى كده ده احترامك لحماتك انا اعرف برضه يعنى ايه ايه فيد ولا ريدر حلو قوى انى عارفه يعنى ايه مدونه..
بعدين يا حبيوبتىانتى اسمك فى البوست نوره داانا كنت فى حيره عايزه ااقول كلا الاسامى وكتبت فعلا اسامىكتير بس حسيت انى ممكنازعل حد فقولت لا الطيب احسن انا مقدرش على زعل حبايبنا...
بس انتى تقوليلى يا حماتى مش بنت بلادى منورانى يا اجمل حبيبه فى الدنيا واطعم زقزوه شوفتها فى حياتى ..
انا بقه بموت فيكى وفى خفت دمك بجد ربنا يسعدك ويرزقك بواحد احسن من ابنى هههههههه..
انتى منورانى يا حبوبتى...

mahasen saber يقول...

a.samir...
عريس المدونيين اهلا اهلا خطوه عزيزه نورت المدونه ...
بس انا عرفت انك جاى زياره واحتمال تجيب المدام معاك عشان تخوفها ولا حاجه فقولت لتشوف الون الاسود يجرالها حاجه فقولت مبدهاش جبت علبة بويه وعكيت واتعكيت...منورنا يا استاذنا الغالى يا ابن محافظة الكفاح المشرف من اجل زراعة الرز...
بس شكرا على ذوقك يا احمد يااخويا ..قال يكفى انى بكتب فيها ..آلهى ربنا يكرمك ويطعمك ما يحرمك..هات خمسه جنيه بقه..
اه يا احمد طبعا لو عايز اى مساعده فى بلوجتك انا موجوده موجوده وانتا عارف هحطلك كل خبرتى فى كرتونه..
الف شكر على الزياره يا عريس وربنا يسعدكوا دنيا واخره.ويهديكوا لبعض.

mahasen saber يقول...

freekiller...
يقطعنى وانا اليى كبرتك تلات سنيين بحالهم معلش يا كليرايه العتب على النظاره متزعليش انما اعملى حسابك المره الجايه مش هجبلك سيرة السن من اساسه...
بعدين يرضيكى تنزلى كلمتى الارض ايه يعنى لما تجاملينى فى تلات سنيين..
بس منورانى يا اجمل كيلر فى الدنيا وشكرا على اهتمامك..
اه بقولك انتى بعتيلى اضافه اصلى جيت ااقبلها بينها طارت اعمل ايه كنت صاحيه من النوم ونظرى كان مدغشش.لو انتى يا قمر ابعتيها تانى اصل الاسم كيلر فاستشفيت انه انتى ..ولا السفاحين كتروا وانا مش واخده بالى الحق استخبا..

FreeKiller يقول...

يا سلام
ده احنا نجاملوكي ف ستين سنة يا شابة
مش تلاتة بس

نورك و الله الله يخليكي

بس انا لاقيتك فعلا ضفتيني
معقوله انا بقى اللي كنت صاحيه من النوم و نظري مدغشش و مختش بالي
خصوصا ان انا و الحمد لله عندي قصر نظر قزم قوي

بس حلوة كلمة استشفيت دي
بتحسسني بالشفافية
بس مش شفافية زي بتاعت الحكومة طبعا
:)

اجندا حمرا يقول...

الجميله محاسن

سلامتك من كل وجع الدماغ ده
علي فكره مش لوحدك
انا برضه في الأول كنت مش عارفه حاجات كتيره وواحده واحده اتعرفت علي كل حاجه بتتعمل ازاي
شوفي اهم حاجه تعمل الحاجه مره او مرتين و صدقيني المعلومه بتثبت و حاولي تكتبي في نوته الخطوات انا بحاول اعمل كده عشان الزهايمر انتي عارفه السن بقه
:)

انشاء الله دايما متميزه و دايما موضوعاتك جميله و دايما تنوري الدنيا كلها
تحياتي ليكي ياجميله و مبروك علي اللايف فيد
:)

شهرزاد يقول...

عايزه اتطلق
بوست جميل جدا.. وبحسك بتتكلمي بعفوية وصدق وكأنك بتكلمي أقرب الناس ليكي..
مبروك النيو لوك الجديد للمدونة
جميل جدا
ربنا يوفقك ويحميكي
تحياتي

بنوتة مصرية يقول...

بقئة كدة يامحاسن مش تجيبى سيرتى خالص فى البوست
بس اما قلتى خطيبة ابنى فرحت اوى
مانا عارفة انك حاطة عينك علية لبودى حبيب قلبي وانا طبعا موافقة
وعلى فكرة انا بردة زيك عايزة اظبط حاجات كتييييييييييييييييير فى البلوجر بس طبعا عشان انا ذكية جدا مش عارفة اعمل اى حاجة
وعموما دى دعوة من واحدة بمنتهى الذكاء بتطلب المساعدة من اى شخص عشان تعرف تظبط البلوجر
عندها

Ahmed Al-Sabbagh يقول...

ههههههههههههههههههههههههههه

ههههههههههههههههههههههههههههه

لالالا ده انا كدة هشرق واموت شهيد فى رمضان

لالالا شكر على واجب

لالالا اوعى تجيبى لى هدية عشان ساعدتك

لالا

اوعى تدينى فلوس بتاع خمسة وعشرين جنية كدة لالالا

احنا اخوات مفيش بيننا عزومات على الفطار عشان ساعدتك ولا انك تجيبلى لى موبايل هدية

هههههههههههههههههههههههههه


والله انتى عسل وسكر

وماكنتش متخيل انك هتعملى البوست ده كدة

مصري بالغربة يقول...

ايه ده هو اللي بيساعد حد ف الزمن ده لازم ياخد موبايل او يتعزم ع الفطار

ده كده بقه انا لي موبايلات كتييييييير

وعزومات عل الفطار كتييييييييير

تكفيني رمضانات ل 3 او 4 سنين جاييين كده

هههههههههههههههههههههه

ولا ايه يا خالو صباغ

أكون او لا أكون يقول...

حسونتي...
ازايك؟ أنا نزلت بوست جديد...

ريمان يقول...

هههههههههههههههههه

هههههههههههههههههههههه

هههههههههههههههه

ضحتينى يا محاسن بجد

ههههههههههههههه

ما هو خلاص بقى الزمن ده بقى كده اللى يساعد حد لازم ياخد مقابل

انا ياما طلبت مساعدات كتييييييير

بس الحمد لله محدش طلب منى اى حاجه

ربنا يبسطك دايما يا قمر

سلمى على عبد الرجمن كتير كتير

واعطيله البوسه دى

امواااااااااااااااااه

عايش ولكن يقول...

هههههههههههههه
يالهوىىىى كل ده حرام عليكى دول صبروا صبر ايوب :))
ده بقا اليوزر والباس كا كا كا كا كا لى لى لى لى هههههههه
ده على اساس ان فراخ هيا اللى بتدخل المدونه ههههه

انا دبستك فى تاج عندى ابقى جاوبيه بقا مع التاج الى ناويه تجاوبيه ده :))
دمتى موفقه
علاء

انا ودماغي يقول...

هههههههههههههههههههههههه
على فكرة المدونة بقت زى العسل و دمها خفيف اوى ....عقبالنا يا رب لما نتعلم كدة....بصى انا قعدت بتاع أسبوع كدة عمالة ألف حوالين نفسى عشان أعرف أحط صورة و فى الآخر عرفت إزاى أعملها بس قبل ما اعمل save روحت اكلم مرات خالى اسألها لأنى بجد كنت خلاص وصلت لمرحلة أنى قررت أتخلى عن نشوفية الدماغ و اسأل و معملش فيها فتوكة و أقول لا أنا اللى حعمل بس بصراحة إحساسى أنى لو عملت save تانى و ملقتش حاجة أو لقيت الصورة كلام تانى كنت حتجنن فقلت أسأل مرات خالى عشان بس مشوفش الفشل حقيقة قدام عينى و قلت لو فشلت بقى حسألها و امرى لله بس الحمد لله طلع صحححححح..أنا دلوقتى بعافر عشان أجيب شكل جديد خالص للمدونة مش أجيب من اللى موجودين جاهز و كمان أحط موسيقى و ربنا يستر انا حاسة إن المدونة كرهتنى بجد من كتر التجارب اللى بعملها فيها

كلام حسام يقول...

فيه لمسات كتير لما حد بيعملها لحد مش بيبقي عارف يشكره ازاي علي رأي اعلانات سامح ومنة بنقرب لبعض ولما نكون جنب بعض بتكوني قريبة مني واكون قريب منك ونكون قريبين لبعض وكله يهون علشان مدام محاسن مش مصراوي وعموما محدش شرب الكوكا وحرق دمك عليها والكوكا مش هتقب للركب والحمد لله الموقف عدي علي خير وعلبة الكوكا المتشبرة لسه عندك في التلاجة تقدري تشربيها وانتي جاية زيارة لمدونتي غير اني معنديش ديك علشان تفرميه ولا حاجة ولا هاقولك قناة الراي قمرنا وانا بستني شرف فتح الباب كل يوم وانتي اذاي ما ادخلتيش وسايبهم يجيبوا مسلسل ينكد علي خلق الله بالشكل ده
ما علينا
بجد انتي انسانة جميلة ومن الشخصيات اللي كلمة حلوة بترفعها للسما وكلمة وحشة بتأثر فيها اوي

ساسو يقول...

والله انتي عسل
انت عرفه فكرتيني بنفسي والله يوم اما غيرت شكل المدونه
كان يوم اسود ولغايه الوقتي مش عرفه اتعامل مع الاكواد وعيزه احط حاجات كتير ومش عرفه واما لقيتك بتقولي انك اتعلمتي htmlقولت خلاص لقيت اللي يساعدني بس لقيت الحال من بعضه
بس شريف ده مدونته فين؟ دانا عيزاه
ياريت تدليني عليه
(الوقتي اما يعرف هيبطل التدوين ويخلع من البلد دي)

Abu ShoSho يقول...
أزال المؤلف هذا التعليق.
Abu ShoSho يقول...

الأستاذة أم عبد الرحمن
أشكرك بحق على روح التفاؤل و الإيجابية التي تفيض من مدونتك على كل ضيوفك الأفاضل

مـجـنـووون يقول...

السلام عليكم ورجمة الله وبركاته

علي فكرة الي بيحصل معاكي ده ناس كتيرة من المدونيين مر بيه

والله يكون في عون الناس الي كانت بتعملك

وأن شاء الله تظبطي المدونة وتخليها أجمل مدونة

تقبلي مروري
مجنووون

طارق الغنام يقول...

اختى مجاسن
اولا ازيك يارب تكونى بخير
ثانيا ضحكت من قلبى وانا بفرا البوست
وبعدين يامحاسن البوست طويل اوى بتجيبى صبر للكتابه منين
اللى يخليكى عتدك الصبر دة كله يخليكى تتعلمى بسرعه
بس ربنا يبعد عنك الزهايمر
وسنينه
تقبلى تحياتى
ومتعك الله بالحب والعافيه
ويارب يحقق كل امالك واحلامك
اخوكى طارق

رصيف نمره خمســــــه يقول...

سون سون حبيبتى

ايه ده هههههههههههههههههههههههههههه

انتى هلكتينى من الضحك مش معقول

دى كانت حرب وراح ضحيتها اتنين الصباغ وشريف

على الله بقة تعميلى هدنة الفترة اللى جاية وتسيبهم فى حالهم هههههههه

بس عارفه اان قعدت اعمل فى مدونتى التامبلت ده يومين متواصلين لحد لما ضربت دماغى فى الجهاز وقدر الله ما شاء فعل ونزل الحمد لله

الف ملوين مبروك على اللوك الجديد لوك كده فرايحى ولطيف زيك زى روحك الجميلة دى

سلام ياسون سون

mahasen saber يقول...

السلام عليكم...ورمضان كريم.

اولا انا لسه فاتحه المدونه حالا من اخر بوست شرفنى واسعدنى ورديت عليه ..
لانى كنت عند اختى يومين كده فى القاهره يعنى تقدروا تقولوا ضحايا جدد وكنت هتجنن وادخل المدونه .ده على اساس انى عاقله...بس لما شفت التعليقات اسعدتنى جدا جدا وفرحتنى قوى ان البوست عجبكم كده على غير توقعاتى لانى كنت شاكه فى طوله بس الحمدلله..
انا سعيده بالتواصل الجميل ده الله يكرمكم ويوصلكم كل مقطوع وتتعذموا عند اخواتكم باليومين زيى كده ..
وهرد على التعليقات تعليق تعليق لان كل واحد فوق دماغى قبل ما يكون فوق صفحة المدونه ..
بس اعمل فنجان قهوه عشان مشربتهاش النهارده واجى هوا وطراوه كمان...
انا يا جماعه والله فعلا مبسوطه بيكم قوى انا عندى يقين انى بعيش لحظات من لحظات سعادتى ربنا يسعدكوا كما اسعدتونى..

Sourah يقول...

يا الف نهار ابيض يا الف نهار مبروك ..

اه الحلاوة دي يا ست محاسن ..

فعلا ورا كل عمل عظيم :) ، ايدي عظيمة و عرق وجهود و اعصاب بتتحرق ، و دم بيتجلط ، و ناس بتتفرس ، عشان يطلع بالعظمة دي :))

((شريف:صمت تام زى اليى كان بيحصل مع الصباغ

انا:شريف شريف ونفس القلق اليى كان على الصباغ حرام لسه شباب وفى عز شبابهم أأذيهم كده ))


بشكر شريف و الصباغ على المحاولات المستمية و اللي انتهت بالبلوج الجميل ابو كاونتر بنجوم البحر :)

و الاروع من ده كله اسلوبك الجميل الفكاهي ..

ربنا يجعل العتبة الجديدة دي فتحة خير عليكي كمان و كمان ..


و اخر الكلام سلااااااام !!!

Nabil يقول...

القصه طبعا كانت جميله وعجبتنى جدا جدا
بس المهم ان الاعمال تقاس بنتائجها والمدونه بقت جميله جداجدا
تحياتى
وكل عام وانتم بخير

نيجار يقول...

محاسن والله يا أختي كل الكلمات إللي إنت قولتيها في البوست بتاعك أنا ما فاهمه منها حرف واحد وبجد لسه إمبارح بقول لأخويا أنا عملت مدونه قام قاللي مين اللي عملهالك قولتله أنا قام بصلي من فوق لتحت وسابني ومشي طبعاً مصدقش إني ممكن أعرف أعمل مدونة وطبعاً ده لإنه عارف عبقريتي الفذه في الكمبيوتر ده أنا حتى الساعة اللي كل الناس عاملينها في مدوناتهم مش عارفةأجيبها منين إطمني والله حالتك أحسن من حالتي أقولك على حاجة ومتضحكيش عليا أنا ما أعرفش يعني إيه ماسنجر .

mahasen saber يقول...

freekiller...
ما انا يا كليرايه ضفتك اه بس كنت عايزه اتاكد بس واتاكدت الحمدلله...
بس تجاملينى فى ستين سنه يا بنتى هو العمر بعزئه انا مااجملش ابنى فى ست شهور...
نورتينى وهتنورينى وبتنورينى كمان وكمان....
بس يا كليرايتى بلاش سيرت الحكومه عشان بتعملى هرش..

mahasen saber يقول...

اجندا حمرا...
اجندتى الجميله مهو انا مشكلتى الكتابه لو كتبتشئ بنسى كتبته فى ايه وحطيته فين ده شق الشق التانى انا ميفعش معايا كتابه ولا شرح..
طب ااقولك على سر زمان زمان فى اول بس مش اخر دورة كمبيوترخدتها فى حياتى اليى كان بيدينى الدوره بيقولى ان الكيبورد بيتكتب عليها بالايدين الاتنيين انا بقه معنديش الكلام ده طول عمرى بكتب على الكيبورد بايد والتانيه بشيل بيها الكيبورد عشان يبقا على فوف الراحه..
انا بس حبيت ااقولك انى مباسرش فيا كتابه ولا شرح ولا تمرين ولا عظه ولا حاجه واليى بيتعامل معايا فى الحاجات دى ربنا يصبره..او يبعده عن طريقى فى ما يتعلق بالتكنولوبيا بس..
بس انتى يا قمر تعاليلى هنا ايه البوست الرائع اليى كنتى كاتباه ده ..عارفه يا جندتى ده من احلى الموضعات اليى قريتها عن موضوع الادمان فعلا تحفه تحفه ويكفى خلوه من الفذلكه بجد موضوعاتك قيمه جدا جدا..
بتنورينى وبتشريفى دايما بزيارتك الجميله يا اجندا..
ربنا يسعدك ويهنيكى ويفرحك بكل حد بتحبيه..

mahasen saber يقول...
أزال المؤلف هذا التعليق.
mahasen saber يقول...

شهرزاد...
ماانتوا فعلا ااقرب الناس ليا ...
انتى اليى جميله يا شهر فشايفه البوست جميل وحلو زيك...
انتى دايما تعليقاتك بتبقه رقيقه كده ربنا يكرمك ويسعدك ويهنيكى يا شهر يا رب وتفضلى جميله كده علطول ..
لان مش مهم الوصول للجمال قد ما مهم المحافظه عليه..مش بتفكرك بحاجه الجمله دى..

mahasen saber يقول...

بنوته مصريه...
يتقطع لسانى ودى تيجى طب بكره همسك ودان حد مدون واجيب واودى فى سيرتك لما ااقول سامحنى يا رب..
بعدين هو الواد ابنى خطابه كتروا كده ليه لتكونو بتتقابلو من ورايا..
بس انا اطول اجوزه بنوته قمر كده من غير ما اشوفها بس نوها منور اهه فى التعليق ..بس جهزى وشيلى يا بنوتى انتى وخطيبته الاولينيه حبيبه..واقولكوا بقه زى اخوانا السوريين ..اصطفو..
بس اتكلم جد نورتينى وانا مبسوطه بمعرفتى بمدونتك قوى قوى ..رمضان كريم يا بنوتى مصر بحالها..
ومنورانى دايما يا جميله..

(¯`'·.¸AhMeD.3LaM¸.·'´¯) يقول...

نفس الي حصل معايا بس انا الي كنت الضحيه هههه واخدت الباس ورد في الاخر
...
http://boxstr.com/files/3525057_fcyn4/New Rich Text Document.rtf

.....Download Now!
الكلمات هنا علي قد ما قدرت ياريت تعجبك .

mahasen saber يقول...

خالو احمد الصباغ...
طب كويس انا شايفه المبلغ ارتفع عن الاتنين جنيه ونص شوفت انا محبتش اسيح بس تيجى على فلوسى انتا عارف انا محلتيش محفظه اصلا..
بعدين عيب عليك قوى كده تبقى خال قد الدنيا وعايز رشوه علنى طبعا هتقول دى مش رشوه ..
هقولك..
رشوه وحرام عشان تشرق وتموت شهيد الواجب فى رمضان...
صباغ شكلى كده برسم على هبلك بس ده شئ يتعسنى جدا والله اصلك عقليه فذه بالأخص فى الاكل ده انا بعد بوست الاكل ده قررت اباشر الصوم الى ما بعد مضان ..
بعدين انتا مش ملاحظ ان خروجهم من المنزل وسايبانه ليك ممكن يكون وراه دافع اقوى ومغزى اهم مما يجى على بالك ..
راجع دافترك وشوف عملت ايه لمامتك قبل كده فى المطبخ..

mahasen saber يقول...

مصرى بالغربه...
محمود بيتهيألى بلاش انتا يا باشمهندس تتكلم عن العزومات ..انا مش هأفصح اكتر من كده..
لا لا يا محمود خد راحتك وبراحتك كان طالما لا هتقلى فلوس ولا موبايل ..
انتو فاكرينى ايه حفيدة اوناسيس..
ها يا اسكندرانى هتحط الفيديو يستحسن تقول اه..
منورنى يا محمود علطول علطول علطول ...

mahasen saber يقول...

اكون او لا اكون....
كونه الجميله ..
علم وينفذ...بعدين ايوه كده خليكى معايا اول باول ولا عشان انا معنديش ريدر يبقا خلاص ..سلام يا كونتى..

mahasen saber يقول...

ريمان....
انا اليى خدت البوسه دى ومش هديها لحد بس تعتبر وصلت عبدالرحمن...
منورانى يا ريمووز واليى بسطنى قوى قوى انى ضكتك يا سلام ده فى حد ذاته انجاز..
ربنا يسعدك يا ريمووو دنيا واخره..
ويكرمك بكل خير ان شاء الله ..
وخلاص البوسه هتوصل لصاحبها يعنى مش رايحه بعيد على خدى التانى بس ههههههه
فى رعاية الله يا ريممووووو يا قمر.

mahasen saber يقول...

عايش ولكن ...
ربنا يبسطك زى ما ضحكتنى تعليقى وقعنى من الضحك...
والف شكر على الهديه الجميله دى هديه مقبوله ان شاء الله..
وكويس انك عارف الظروف..منورنى يا عايش والله ربنا يطول فى عمرك كمان وكمان..بس منغير ولكن..

mahasen saber يقول...

انا ودماغى.....
يعنى عجبك الشكل الجديد يا قمر انتى ودماغك ....حلو قوى
بس انا الحمدلله تخطيت مرحلة السيف بمراحل ..
بس ااقولك ايه يا بنتىقابلينى على الماسينجر واساعدك خايفه اليى عملته فى الناس يطلع عليا ولا يهوك هحاول اشوفلك مساعده...
بس قوليلى اخبار الريجيم ايه احنا فى رمضان ها..
مش هقول حاجه تانيه ورسيتى على كلية ايه يا ب تبقا اليى فى بالك مش اليى فى بال التنسيق..
منورانى يا جميله وخلى بالك من نفسك..

ضى القمر يقول...

هههههههههههههه

ايه ده يا بنتى ... وايه اللى صبرك على العذاب ده .. جايز حبيتى تنتقمى من الصباغ وشريف .. فقولتى اغلبهم معايا ..
وفى الآخر تنزلى بوست تمويه وتشكريهم .. علشان تكملى عليهم مرة تانيه ..

بجد الله يكون فى عونهم .. طيب حصل كلام بينكم بعد كده ولا لأ ؟؟
يعنى الماسنجر بقه مقفول على طول ولا ايه ؟؟ هههههههههههه

بس بجد ألف الف الف مبروووووووك
مجهودك وتعبهم جه بفايده كبيرة .
وعملتى اللى فى بالك ..

مبروك حبيبه قلبى .. ومن جمال لجمال فى المدونه دايما ..

وبالنسبه لمتابعة جديد المدونات التانيه .. انتى ممكن تضيفى المدونات عندك بطريقه عرض جديد المدونات .. وبكده تشوفى مين اللى نزل موضوع جديد أول ما ينزله .. اعتقد ده هيرحك من اللف على المدونات دايما .

أجمل تحيه .. لصاحبه أخف دم :)

مصري بالغربة يقول...
أزال المؤلف هذا التعليق.
مصري بالغربة يقول...

يا فاضحاني وسط المدونين . . . يا ام بوكا

قصدي يا مشرفاني طبعا

هههههههههههههههههههههههههه ههههههههههههههههههههههههههه

ديه مقطوعة ضحك متواصل وطبعا انت عارفه ليه

عموما مدونتك كن احب المدونات عندي بعد

بنتي ( اللي هي مدونتي يعني ) ما انت عارفه ان انا لسه في مرحلة البحث عن شريكة المستقبل

وعموما , انا حاعمل باصلي بردوا و, والجدعنة المعروفة عن الاسكندرانية , ومش حتكلم بردوا

عن المساعدات الفظة بتاعتي

وسلامي لبوكا جونيور كتير جدا ولا هوه اسمه ايه النهارده

mahasen saber يقول...

ايه يا حسام انتا متغاظ من المسلسلات ليه ده حتى بيقولك النكد مفيد للصحه ..
بس ايه الكلمتين الحلوين اليى فى اخر التعليق دول فعلا بقه ودونى للسما السابعه بس الحمدلله رجعت بسلام...
الف شكر يا حسام على ذوقك وعلى رقتك وبعدين ده لا يقارن ببركان الاحاسيس اليى فى مدونتك..

mahasen saber يقول...

ساسو.....
يا سلام ده يوم المنا انى ابعت زباين لشريف بعدين خدى راحتك وجننيه على كيفك الولد مؤدب ومحترم...
مدونتة سيبو فى حاله ..سيبو ايه فى حاله ..خليكى فاكره الاسم ده كويس..
بس يا ساسو يا ريت مش تقوليله انك جايه من طرفى الحكايه اصلها مش ناقصه..
بس على فكره بقه انتى اليى عسل مش انا ولو قولتيلى كده تانى هقولك يا سكر كمان ..ههه

mahasen saber يقول...

abo shosho...
الله يكرمك حضرتك نورتنى والله بس تصدق حضرتك فيه ناس بتقولى ان المدونه نكد نكديه يعنى انا بقه زى حضرتك مش شايفه اى نكد فى الموضوع..
كل رمضان وحضرتك واسرتك بالف خير وشاكره كلام حضرتك الجميل ده..
بارك الله فيك ..وفى رعاية الله وامنه.

mahasen saber يقول...

مجنون......
المشكله الواحد لما بيبقى فى مشكله بيحس انه هو لوحده اليى كده ...
يعنى انا كنت معتقده انى انا بس اليى كده وان كل المدونيين نازلين لدنيا التدوين وهما بيلعبوا بالاكواد لعب...
بس كلامك طمنى ربنا يطمن قلبك..
وشكرا على زيارتك الجميله دى ..
ورمضان كريم..

mahasen saber يقول...

طارق الغنام...
استاذى الفاضل واخويا العزيز البورسعيدى اليى بجد استاذ طارق..
الله يكرمك على كلامك الجميل ده ..بس على فكره البوست اتكتب على مراحل وخد يومين لانى على الجهاز ابطء من الباندا وفى الحياه عموما اسابق السلحفاه فى سباق البطء..
انا سعيده بزيارةحضرتك قوى قوى ومبسوطه ان البوست رسم البسمه على قلبك..
ربنا يسعدك دايما ويفرحك بكل من تحب..يا بورسعيدى.

mahasen saber يقول...

رصيف نمره خمسه...
ايمى الجميله وحشتينى يا رصيفووو..
انتى بقه مين قالك ان فيه هدنه ده شريف بشكره لقيته بيقولى لسه فيه حاجات كتير ممكن اعملهالك شوفتى خليكى شاهده هو اليى بيعرض المساعده..
انا بريئه من ذنبه ..بس انا قلت من البدايه الواد ده مؤدب..
بس النيولك الجاى بقه هعمله فى دماغى .لا لا مش هقطعها هقص شعرى..
بتنورينى دايما يا ايمى يا اجمل رصيف فى الدنيا..

mahasen saber يقول...

sourah....
يا حبيبتى يا جميله ايه الطعامه دى دا انتى اليى تعليقك وقعنى من الضحك شوفتى بقه اليى حصل ...
بس على فكره يا صوره الانباء الماسينجريه بتقول ان الضحايا بيتمتعوابصحه جيده مع ارتفاع بسيط فى نسبة السكر..يعنى يا صوره لسه عايشيين مجرلهومش حاجه..
وطبعا نقول الحمدلله..
منورانى يا جميله وبعدين لو فيه جمال فى المدونه لا يقارن بجمال مدونتك ..
ويكفى انه جمال من غير ضحايا..
نورتينى يا قمر بنورك مش بفلاش الكاميرا..

mahasen saber يقول...

nabil...
الحمدلله ان النتائج بانت على المدونه
ومبسوطه ان النيولوك عجبك بس القصه دى مش شايف انها كانت تنفع برنامج .
حدث بالفعل...
نورتنى يا نبيل وشكرا على تشريفنا بالزياره ..
رمضان كريم..

mahasen saber يقول...

نيجار...
نيجار يا حبيبتى متعرفيش يعنى ايه ماسينجر يبقى كأنك بتقولى معرفش يعنى ايه كلمة وطن...
بس انا مبسوطه انك افضيلى بالسر ده واوعدك اوعدك ان مفيش حد نوهائى هيعرف بيه حاجه...
بس لما يبصلك اخوكى كده بصيله انتى كمان اكتر من كده .وقوليله يكفينى كونى مدونه..
انا بهدئ النفوس بس واحنا فى شهر كريم
فخلو اخركم النظر بس ..
نورتينى يا نيجارو وعارفه القالب بتاع مدونتك ده كان الوش القديم بتاع مدونتى بس والله كان حلو ..
بس انا جاتلى حمى التغيير اشمعنى نجمات السيما والفيديو كليب..

mahasen saber يقول...

ahmed 3alam...
بس يا احمد تأكدت ان ربنا بيحبنى وموقعتش فيك..
هو اليى بتساعده بتاكل عليه الباسوورد يا ستار يا رب..
طب يا ترا القصيده مصيرها ايه شكلى هاولول عليها وااقول يا حبيبتى..
بس فداك ولا يهمك تعيش وتاكل غيرها
بس بقولك افتح باب التعليقات فى مدونتك ربنا يفتحها فى وشك..
ملوش لزوم انك تقفله ..

mahasen saber يقول...

ضئ القمر...
انا بعتبر ده عرض منك لمساعدتى يعنى بتقدمى نفسك فداء للمدونه الغلبانه دى ربنا يكرمك يا بنتى ..
بس اطمنك يا قمرى هما فى افضل حال ودلوقتى بيقولو البعد عن الناس غنيمه ..
بس اوعدك مش هيحصلك زيهم كده ممكن اسوأ وممكن اميحصلش حاجه خالص ..
بس كويس ان النيولوك عجبك والله انتى جميله وفعلا اسم على مسمى ضى يعنى ضى فعلا.
نورتينى يا حبيبتى المنوره وما زال العرض مستمرا ولا لا..

ضى القمر يقول...

العرض مستمر طبعاوكلى فداكِ يا قمر ..
أو فداء المدونه أقصد ...ههههههههه

قوليلهم البعد عن محاسن مستحيل يكون غنيمه .. يا ابنتى دى انتى كتابتك موتتنا من الضحك .. مابالك بالكلام معاكِ ..هههههههههه

عامة انا فى انتظار أو أمر أو طلب منك .. هتلاقينى فورا معاكِ بجد ..

وبجد مش عارفه اشكرك ازاى على رقة كلامكِ ده.. وبجد النيولوك جميل جدااا

أجمل تحيه .. لأجمل محاسن :)

la Princesa ... WHiSPeR يقول...

انا جه انا جه
لولولولي
مبروك على الشكل
طيب بما ان عيني وجعاني بقى مش قريت كل الكلام ده
بتكتبو كتير كده ليه
يلا عامة انا جيت اسلم علشان مش تزعلي مني
واقولك انا رجعت اهو
هاجي مره تاني ان شاء الله
بس اروح اذاكر بقى
تشااااااااااااااو

mahasen saber يقول...

مصرى بالغربه....
محمود انتا شكلك كده ربنا بيحبك بعد ماقريت تعليقك كتبتلك رد على التعليق طويل طويل وببعته الكمبيوتر فصل ....
ااقولك بقه الموشح اليى كنت كاتباه تانى ولاا اتعظ من فشل ارسال التعليق..
عموما هقول كلمه واحده محمود منورنى دايما يا اسكندرانى بس انتا شايل اسامى دلع بوكا على دماغك ليه ..
محمود الواد حيله..سيبو فى حاله.
بعدين بنات الحلال مليين الدنيا قرر بس وسيب الباقى على القدر.

nona يقول...

بجد البوست تحفة و يموت من الضحك
اية كل خفة الدم دية يا بنتى انا اول مرة ادخل عندك و شكلى هبات هنا و مش مروحة بيتنا هههههه
بس بينى و بينك عارفينى على شريف دة اصل اختك ما تفهمش فى البتنجان حتى قاعدة سنة على ما عرفت الناس دول بيقولوا اية و بيعاملوا اية
كل سنة و انتى طيبة و عبد الرحمن بخير

mahasen saber يقول...

ضى القمر.....
لا لا انا مش متعوده على الدلع ده ..ايه الكلام الجميل والذوق والطعامه دى ...
لا بجد انا كنت نسيت ازاى اتبسط بالكلام الحلو ...بس ايه يا ضى اسعدتينى الله يسعدك..بس يا بنتى انا مش عايزه ازعجك ولا ااذيكى يا التانيين رجاله ويستاهلو انما انتى بنوته بريئه حرام..
بس حلو قوى يا ضى البعد عن محاسن مستحيل يكون باطل ..
شكلى هعمله شعار المدونه باطل باطل ..
مع شوية شعل وحاجات كده..
انتى يا ضى يا اجمل ضى حروف مليون شكر لذوقك وكرم اخلاقك يا اجمل ضى حروف وقمر فى الدنيا.

mahasen saber يقول...

la priencesa...whisper...
اهلا اهلا اهلا اهى جات يا ولاد اهى جات يا ولاد....
نورتى يا سمو الاميره وشرفتى ايه الغيبه دى يا اميره انتى يا اميره ..
وحشانى جدا بس مش تخلصى مذاكره الاول وبعدين نتكلم بس مذاكرة ايه دلوقت هو مش العام الدراسى لسه ماابتداش ولا انا فى غيبوبه..
طب فوقينى وليكى الثواب..بس وحشتينى وحشتينى وحشتينى ونورتينى كمان يا اسبانيولا اولاى ..مش كده برضه..

mahasen saber يقول...

nona.....
تشرفى يا نونتى بس شكلك كده راسمه على سحور بتحبى البيض محروق بأيه...
شرفتينى بأول زياره واقعدى براحتك البلوج بلوجك ولو حد دايقك قوليلى ومش هقولك عل اليى هعمله عشان متخافيش منى...
وزباين شريف كترو هقولك عليه ده يبقى اخونا البار شريف..مدونة سيبوفى حاله ..بس قوليله يدينى نسبه بالذوق يعنى افضله..
زكل رمضان وانتى يا نونا يا جميله بالف الف خير ..
وشكرا زيارتك الجميله وتعليقك الاجمل...

مصري بالغربة يقول...

اجمل تحية لاجمل محاسن

ايه الكلام الجميل ده ,

انا بدأت احسدك يا محاسن على فكرة

أصلي معنديش حد بالمدونة يقولي الكلام الجميل ده

mahasen saber يقول...

مصرى بالغربه...
اجمل سلام لاحسن اخ فى الدنيا بس هومن اسكمدريه وانا من الشرقيه..
تعالالى هنا احنا داخلين نقر على بعض مهو لازم ربنا يخلى حد يدلعنى ويحبنى ويقولى كلام حلو والاقى ناس زيكوابتنورنى لاما كان جرالى حاجه..
يرضيك يا اخويا يجرالى حاجه وابنى يتشرد وبعدين هو عنده استعداد للتشرد..
اسكندرانى خمسه وخماسه يبقوا كام...

la Princesa ... WHiSPeR يقول...

لا يا حبيبتي انتي مش فى غيبوبه انا اللى عندي فراغ عاتفي فبذاكر فى الاجازه تقولي ايه بقى ههههه


ادعيلي كتيييييييييييير
وبعدين فين الفانوس بقى رمضان خلص خلاص

mahasen saber يقول...

la prencesa... whisper..
فراخ عاتفى متقوليليش بس نا مبعملش نفسى بذاكر ليه مع انى خدت كورس ايطالى لا لا ارجع اذاكر فى الكورس احسن وألحق اول مركب رايح يغرق فى ايطاليا..
بخصوص الفانوس باقولك عبدالرحمن عنده فنوسين اسربلك واحد ومش تقوليله ..
بس بتمنه...
وبدعيلك من قلبى ربنايسعدك ويجعل نصيبك فى الجواز احسن منى يا بنتى ..
عايزه دعوه احسن من كده ..

كيارا يقول...

جيت اطمن عليكي ياقمر


لقيت بوست

هههههههههههههههههههههههههههههههههههه


بجد موتييييييييييييييييني من الضحك بجد انتي لذيذه اوي اوي وربنا يعلم غلاوتك عندي

يارب تكوني بخير دايما

اختك الصغنونه كيارا

اممممممممممممممموه

مصري بالغربة يقول...

خمسة وخميس يبقوا 43 مش كده بردوا ولا انا غلطان

وبعدين اللهم لا حسد , احنا مش نحسدوا احنا بنقر بس مش اكتر

لا والله تستاهلي كل خير طبعا

وبعد الشر على عبد الرحمن من التشرد لا سمح الله

وسلامي ليه كتير جدا

وعلى فكرة انا نزلت البوست الجديد يا رب يعجبك بس

انا ودماغي يقول...

هههههههههههههه
لا أخاف عليكى لو كلمتك على الماسنجر لأن أنتى بالنسبة لى رحمة أنا ممكن أصلا أفتح صفحة تانية غير اللى حتكلمينى عليها و أبقا شغالة معاكى مية مية و أحس إن الموضوع خلاص قرب يخلص و فى الآخر أكتشف إنه أنتى فى الشرق و أنا فى الشمال الغربى الكولارمبولى


أنا الحمد لله دخلت تجارة إنجلش بمزاجى لان مجموعى جاب سياسة و إقتصاد و ربنا يستر بقا و أعرف أتفوق فيها أدعيلى يا حبيبتى

مصري بالغربة يقول...

لا تطعن في ذوق زوجتك, فقد اختارتك أولاً!.

حكمة اليوم

ana ga3an يقول...

اعتقد الجماعة اللي ساعدوكي في تظبيط المدونة والمذكور اسمائهم سلفا
يجب ان يعاملو معاملة اهل الدويقة المنكوبين
روحي يا شيخة ربنا يوقفلك ولاد الحلال

عايش ولكن يقول...

عايزانى اغير ولكن
صعب
لما احس انى بقيت بجد عايش بس
ولمايكون مفيش حد بينغص عليا حياتى ومش عارف اقوله تلت التلاته كام
وقتها هتلاقينى غيرتها

بالنسبه للتاج خدى راحتك فيه وحليه على اقل من مهلك بس متطلعيش خايبه ومتحليهوش :))
هستناه اكيد

أنا إنسان يقول...

بسم الله ماشاء الله
اللهم لاحسد
كده المدونة اتظبططت
بس لسه برده مش عاوزة تحطي صور في السايد بار
!!!!!!!!!!!!!!!
انا عندي فكرة حلوة لحضرتك
كل ماتعوزي تعملي حاجه وماتعرفيش
قوليلي
هاعملهالك صور وارسلهالك على الايميل
وتتبعي الصور

ريمان يقول...

محاسن حبيبه قلبى

ازيك يا قمر

وحشانى والله انتى اكتر

انا فرحانه والله انك اتعرفتى على حسام

بجد بجد انسان مهذب ومحترم ومثقف جدا

انا ان شاء الله قريب هنزل بوست مش تقلقى يا قمر

وهتككونى انتى اول تعليق ان شاء الله

اموااااااااااه

البوسه دى لعبد الرحمن عريسى

انا خلاص اختارته عريسى خلاص بقى

موافقه؟

(¯`'·.¸AhMeD.3LaM¸.·'´¯) يقول...

دا الحمد لله وربنا بيحبني قوي اني موقعتش فيكي اصل كان هيجيلي جلطه او اولع في الكوبميوتر .

انا بقوووووووووول ان شخص حاولت اساعده وافهمه ومقدرتش فاخدت الباس ورد باتع البلوجر بتاعه عشان اظبطه وظبطته وبقي علي سنجة عشره وعلي المفتاح ولعلمك لسه الباس ورد هوه هوه ومتغيرش وفي ثقه متبادله لحد الان


.............
بخصوص الكلمات او القصيده
انا كتبتها علي طول بس كان في ظروف اخرتني
علي الرغم اني سيبت لحضرتك لينك تحملي منه الاغنيه في الكومنت الي فات
وبكده هضطر اكتبها هنا وخلاص ..
..........
هوه الصوم بياثر عليكي كده (وش محبط)

mahasen saber يقول...

كيارا....
القلوب عند بعضيها يا كيا..
وربنا عالم انا اليى بحبك يا جميله .
ومبسوطه قوى بقه انى عرفت ابسطك واضحكك كده..
والحمدلله انا كويسه انتى اخبارك ايه تمام
وانا سعيدهانى ليا اخت صغنونه جميله كده..
امممممممممموه دى بقه من عبدالرحمن ليكى..

mahasen saber يقول...

يبقوا 43 محمود اعتقد مستقبلك فى خطر..
وبعدين بوست ايه اليى انتا جايه تقول عليه ما انا شوفت البوست وعلقت عليه قبل ما ينزل فى المدونه ...
واليى متعرفوش انى علقت عليه اول ما لمحت انه نزل ..
ايوه كده عايزين بوستات جامده ..
ومستنيين الفيديو التانى يا اسكندرانى..
ربنا يوفقك دايما ان شاء الله وانتا اليى انسان كويس يا محمود ولو انتا فيك ذرة شئ مش مريح مااعتقدش ان معرفتنا كانت هتتحول لاخوه كده..
ربنا يوفقك وافرح فيك بقه ..
اشوفلك عروسه..

mahasen saber يقول...

انا ودماغى ...
اولا الف مبروك يعنى دخلتيها بمزاجكك ده المفرح فى الموضوع ..
لان مفيش ديمقراطيه فى التنسيق..زى ما كلنا عارفيين..
بس بعد اليى قولتيه انا اخاف على الماسينجر مننا احنا الاتنيين ...
تنورينى فى اى وقت ومبروكعليكى المرحله الجديده..
ربنا يسعدك فيها ويحققلك اليى بتتمنيه..

mahasen saber يقول...

مصرى بالغربه...
انا فضلت الف حوالين روحى محمود باعتلى الحكمه دى ليه ليه ؟
ولسه بلف على فكره فعرفنى عشان ابطل لف حوالين روحى ..

mahasen saber يقول...

ana ga3an...
امال انا اعامل معاملة ايه ..
مجرمى الحرب..
هما اليى نصيبهم كده بس اطمنك لسه بكامل قواهم العقليه ..
الصباغ كويس وتغلب على الموضوع وبيتعايش.
اما شريف كلمنى تانى يوم والتالت فصل شبكه ..مش عندى امكانية الجى بى اس عشان احدد مصيره فين دلوقت ..
بس منورنى من بلاد الغربه يا استاذ اسلام ..

mahasen saber يقول...

عايش ولكن....
خليك براحتك كل ده شايله فى قلبك..
ياابنى انا خايفه على شبابك ..
بس كلامك منطقى ..
طب ايه رايك انا بقه اغير اسمى واخليه..
عايزه اتطلق ولكن..
بس التاج اليى عاجبنى قوى انك مقدر..

mahasen saber يقول...

انا انسان ...
استاذ احمد اليى على دماغى من فوق ..
ثوانى اضبط حاجه راحت عن بالى فى البوست بفعل الزهايمر وارجعلك..
وادعيلى ربنا يشفينى منه.

mahasen saber يقول...

انا انسان...
انا بقه وحشه وحشه وحشه ..
جدا جدا جدا كمان ..
انا اسفه قوى قوى ..
حضرتك ساعدتنى وقولتلى على معلزمات مفيده انا اسفه انا فعلا والله بنسا بسرعة الصاروخ..
ومش بهزر لما ااقول زهايمر..
انا اسفه يا استاذ احمد اسفه جدا ..
ارجوك سامحنى ومتزعلش منى..
بس تصدق انتا متربى واحسن منى ..

saso يقول...

ههههههههههه على فكره فكرتينى بنفسي انا كمان مكنتش عارفه اغير القالب وزهقت ناس كتييييير بغباءى كان منهم المدون الشاعر ( محمد فكرى) بس هو بصراحه استحمل معايا قوووى

وطبعا ماما اموله اللى كل ماعوز انيل حاجه جديده يا عينى هى اللى بتتحط فيها .....هههههههههه

واخيرا وبدون مساعدات فضلت يوم كااااااااااامل الف وادور واحااااااااول لحد معرفت ازاى احط قالب غير المتاحين هنا

بس اللى لسه مش عرفاه هو انى بعد م حطيت القالب الجديد ....لما بدخل على التخطيط ( الاولان والخطوط) عشان اغير الاحجام وكده بلاقي المربع اللى فيه اسماء الحجات اللى عايزه اغيرها فاااااااااض

محدش هنا يعرف يساعدنى

والنبي لو كنتى عرفتى النقطه دى تقوليهالى

وكل سنه وانتى طيبه وامى بتسلم عليكي وبتقولك لو عرفتيها قوليهالى ...

نهر الحب يقول...

ياخبر ابيض
:(
معليش ياقمر بس كل شئ فى الاول صعب المهم انك تعرفى تعمليه
تحياتى لك ياقمرة

mahasen saber يقول...

ريمان...
ريموو والله انتى اليى حبيبة قلبى ..
وبحبك من اول تعليق ..ووقعت فى صاقتك من تانى زياره هههههههه
بقالك يا قمر انتى جاده فى عرضك ده
مستعده تضحى ببقيت اعصابك السليمه وتتجوزى ابنى ..
بس الواد ده خطابه كتروا يا ريمووو قوى امال لو عرضت صورته ده مش هلاقيه بقه..
منورانى وسبتلك كلمتين من قلبى فى الملائكيه شوفيهم كده..
فى رعاية الله يا حبيبتى الجميله..

mahasen saber يقول...
أزال المؤلف هذا التعليق.
mahasen saber يقول...

ahmed ....3alam..
جاى تحمد ربنا دلوقت ..بعد ايه بعد ايه ...
مش انتا اليى عرضت تساعدنى طب افرض مثلا انى كنت وافقت كان هيجرالك ايه يا مسكين ...
بس فهمت ثقه متبادله طب ما انا وشريف فيه ثقه متبادله ومغيرتش الباسوورد بس بعد كلامك ده هخلى شريف يغيرهالى ...
بقالك انتا فتحت باب التعليقات ولا اجيب نجار ونفتحهولك..
منورنى بزيارتك يا احمد دايما ..يا اسمعلاوى..

mahasen saber يقول...

saso....
ساره اختيارك غير موفق بقه يابنتى يا حبيبتى بعد البوست ده ..اليى بيشهر عن حالة معلوماتى البلوجيه تسألينى انا عن المعرفش ايه كده الخطوط..
ماشى يا ساره سألت عليكى العافيه..
بس هشوف لو حد يعرف هقوله يدخل مدونتك ويقولك انتى تأمرى بس انا ااقدر ااقول بم ولا بم بم حتى..
بس نورتينى يا سوسا واسعدنى تعليقك قوى ...
وسلميلى على مامتك وقوليلها تدعيلى ربنا يرزقنى بحبتين ذكاء قبل الاكل وبعده..

mahasen saber يقول...

نهر الحب....
تحياتى ليكى انتى يا حبيبتى وحشانى جدا جدا ..قوى كمان .
اخبارك ايه ان شاء الله تكونى فى افضل حال ..انا تابعت التجمع الخيرى الجميل ..
تجمع ابو الريش ..ربنا يجعاه فى ميزان حسناتكو وان شاء الله اكون معاكو المره الجايه ويبقى العدد اكبر بكتير..
شاكره زيارتكالجميله يا نهر ومنورانى دايما يا حبيبتى..
بارك الله فيكى وفى كل من تحبين..

ذو الوجه المبتسم يقول...

السلام عليكم
معلش انا قريت شوية فى البوست ومكملتهوش
اصله طويل قوووووووى
بس عاجبنى سردك للحوار
على فكرة الانسان اللى عاوز يتعلم بيتعلم واللى عاوز يعمل شئ بيعمله المهم يكون عنده هدف ويسعى لتحقيقه

كل سنة وانتى بخير
تحياتى

اجندا حمرا يقول...

الغاليه محاسن

عامله ايه ياقمر؟يارب تكوني بخير

مرسي علي الكلام الحلو بخصوص الموضوع بتاع الادمان
انا بحب لما اتكلم عن موضوع احب اتكلم بطريقه سهله و من غير فزلكه عشان العمليه مش محتاجه تعقيد و استعراض عضلات
تسلمي ياجميله علي الكلام الحلو و يارب دايما اللي بكتبه يعجبك و مستنيين ياقمر موضوعاتك الجديده و انشاء الله من تقدم لتقدم في عالم البلوجز و جايما منوره البلوج سبوت و الدنيا كلها بروحك المرحه
تحياتي ليكي ياقمر

Hosam Yahia حسام يحى يقول...

فين بوستات حضرتك

:)

مستنينها


كل سنه وحضرتك طيبه

Beram ElMasry يقول...

ان كنت ممن يتذوقون الشعر العامى والزجل ، ارجو زيارة مدونتى والتفضل بالنقد والتعليق ، فالنقد كالنصح ، والدال على الخير كفاعله

بنت سيناء.. يقول...

محاسن..بلله لما تلاقى حد يساعدك فى الموضوع دة ابقى قوليلى
انما السيناريو روعة اية دة دة انتى تنفعى فى عمل مسلسلات وحوارات

فين البطة بئة؟؟

بنت سيناء.. يقول...

بقولك اية..انا عايزة اغير شكل القالب كلة لان كل حاجة طارت من عندى يا خسارة

كاتب مصري يقول...

سيدتي الكريمة
كل ودي لك
أنا بأشكرك جدا انك جيتي تاني وعادي جدا والله تأخيرك ده صحيح أنا كنت زعلان جدا عشان هأفقد وحدة من متابعي مدونتي بس الحمد لله رجعتي يبقى خير وأنا مش زعلان ومسامح بس متكرريهاش ممكن
وأنا كمان مفياش دلوقتي أقرا حاجة حاسس اني خلصت بعد الفطار هأقرا البوست بتاعك وأعلق عليه إن شاء الله
ربنا يكرمك يارب
كل ودي

عالم الحب يقول...

هااى انا بجد اسف لانى كنت مشغول اوى معلش انا مكنتش فادى الايام الى فاتت معلش انا بجد كان نفسى اكون اول واحد يعلق عندك بجد انا اسف وكنت اتمنا زالك تحياتى معلش جد متئخر

أنت...وأنا يقول...

السلام عليكم شكرا على مرورك وترك الكلمات الجميله وعلى بوستك الاخير انا درست سنتين تجاره والله معرفش اطبع رساله لشركه بتبيع لبان دى خيرات الزهايمر والبلاوى الى شفناها فى حياتنا... ربنا يفرجها ... اشوفك على خير يارب بوسه لابنك ربنا يخليه ليكى.

طارق الغنام يقول...

اختى العزيزة محاسن
مررت للتحيه والسلام والسؤال عنك
ربنا يكرمك يارب
دائما تنورى مدونتى
وكلمه اخى تسعدنى جدا
وفعلا رب اخ لم تلدة امى
اتمنى لكى كل سعادة
ويارب اشوفك اسعد انسانه فى العالم
تحياتى لشخصك الكريم
ودمتى بحفظ الله

Sometimes يقول...

تعرفى انك هونتى عليا كتير بالبوست ده
ربنا يكرمك يارب
فى انتظار اجابتك يا حبيبتى

بنت مصريه يقول...

عارفه يا محاسن الحمد لله ان اميلى مش معاكر والا كنت هتمرمط زى الصباغ وشرييف
هههههههههههههه
اوعى تزعلى انا بهزر
مرسى لمرورك يا سنسن وكل سنه وانتى طيبه

بنت مصريه يقول...

عارفه يا محاسن الحمد لله ان اميلى مش معاكى والا كنت هتمرمط زى الصباغ وشرييف
هههههههههههههه
اوعى تزعلى انا بهزر
مرسى لمرورك يا سنسن وكل سنه وانتى طيبه

حياتي كلها لله يقول...

السلام عليكم
المدونة جميلة و البوست كمان
بما إن ده أول مرة أزور مدونة حضرتك فبجد أنا عايزة أعرف ليه مسمية المدونة كده ..معلش أنا عارفة انه تطفل ...لو تسمحسلي نكون أصدقاء
منتظراك
تحياتي
د/سلمي

انا ودماغي يقول...

إزيك يا حبيبتى



بقولك إيه
أنا كتبت بوست جديد و عايزة رأيك فيه
معلش لسة مبتدئة بقى

ريمان يقول...

محاسن يا ام عريسى

انا نزلت بوست جديد

انتى فيييييييين

Hossam يقول...

هاااااااااااااااى
وحشتينىىىىىىىىى بجد بجد بجد
ومتشكر جدا لاهتمامك بمدونتى واتمنى تنيكى كده على طول
انا يا ستى دخلت على موقع باريس ماتش ذات نفسه وعرفت انها فرنسية مش ايطالية وانا كنت غلطان
كويس انك نبهتينى عشان اصلح الموضوع عندى
وده الموقع بتعها
parismatch.com
ممكن مش يفتح معاكى ومعتسالنيش ليه عشان معرفش
----------------------------------
وموضوعك لذيذ جدا جاد جدا خصوصا انه مع حد زى احمد الصباغ اللى لو شفته ههريه بوس
بس عندى ملاحظة
الموضوع كل ما كان اقصر كل ما كان احسن اقصد يعنى خير اكلام ما قل ودل
عشان كمان اللى بيقرا مش يزهق
ووالله مقصدش حاجة اكيد مش بعدل عليكى يعنى بس ده رايى
وكفاية كده عشان كتبتلك كومن صفحة اساسا ولسه بقولك خير الكلام ما قل ودل قال
اشوفك قريب حبيبتى سلام

Job يقول...

ما شاء الله
136 تعليق قبلى

دا انتى غلبتى الصباغ ، أنا التعليقات عندى ما عدتش الثلاثين أو الأربعين بردودى

علشان بس تعرفى ان أهم حاجة هو الصدق ولما تتكلمى من قلبك هتلاقى الناس كلها حواليكى

=======
تحياتى لكى

Arabic ID يقول...

على فكرة التعليق اللى قبلى ده أنا بس باميل الشغل

sebofy7alo يقول...

أية دة؟؟ مش ممكن ... مكنتش فاكر أنك تعملي كدة .. والله أنت رائعة جدا .
بس أمة لاإلة إلا الله عرفوا بالحوار اللي دار بنا. ههههههههههههههههههههههههههههه
سيناريو لذيذ وضحكت عليةوممكن أبطل شغل الهندسة وأفتح مكتب تصميم وترميم البلوجر .
هههههههههههههههههههههههههههه
سلاماتي ليكي ولعبد الرحمن
ملحوظة: النت عندي بيقطع والكهرباء بصفة دائمة وعلشان كدة مبقتش بدخل على النت وقريبا حكون موجود.

قررت أكون عانس يقول...

هههههه لا والله انا مش غبيه حرام اتهم نفسى كده بس اى حاجه فيها رياضه او اكواد مبحبش اشغل مخى فيها خالص ومخى كتابه وقرايه بس بعيده عن التكنولوجيا والرياضه والحمدلله انى خلصت نحو الاميه)

ههههههههههههههه
الحمد لله انى مش لوحدى
انا زيك اوى فى حكاية الارقام والرياضة بس اكتر شويات
مبروك النيو لوك

اول برنامج اذاعى عن النت والمدونات من ماسبيرو يقول...

سرنا مشاركتكم معنا فى اول برنامج أذاعى عن النت والمدونات فى الشرق الأوسط
ننتظر تعليقاتكم فى مدونتنا وزيارة موقعنا
المدونه
http://netonradio.blogspot.com
الموقع
http://dear.to/cairo

17 سبتمبر, 2008 04:31 م

mahasen saber يقول...

حسام يحى....
منورنى يا حسام يا اعقل مراهق شفته
فى حياتى يا رب ابنى يبقى عاقل زيك كده..
اما البوستات فمش مكفيك 19 بوست يا حسام داانا لسه بقول ااعقل مراهق..
براحتك ...انتا تامرنى وما عليا الا كتابة البوست من غير نقاش ..
ومنورنى دايما ربنا يحميك ويبارك فى عمرك..

mahasen saber يقول...

beram almasrey...
ده شئ يشرفنى وبعدين اكيد مونه حلوه
ده باين من الاسم ان شاء الله يكون لزجلك نصيب منه..

mahasen saber يقول...

بنت سيناء...
حبيبتى السيناويه..علطول ما ينفعكيش الا شريف ايه رايك احنا نقعده من شغله ويضبطلنا مدوناتنا...
لا ولا يهمك انا لو ااقدر اساعدك هساعدك من غير ما افتح بقى بس التضبيط ده عايز شريف هقوله يا حبيبتى واكيد مش هيتأخر اديكوا شوفته ذوقه...
انما تغيير القالب سهل قوى داانا عملته..
لوحة التحكم او الداش بورد وبعدين التخطيط واختر قالبجديد ثم معاينه ثم اوكيه...
بعدين البطه قولتلك اعملك عزومه زى المراكبيه كده وانتى اليى مش راضيه...
نورتينى يا قمر وهبلغ شريف..

mahasen saber يقول...

كاتب مصرى ...
يعنى احساسي كان صح طب الحمدلله
انى لحقت روحى ولميت الموضوع ...اصل انتا مش عارف انا لا ااقدر ولا ااستجرى ازعلك وده تيجى منى برضه...
ربنا يكرمك ويوفقك ويصلح لك حالك ..
بس خليك انتا الكبير ولقتنى غبت اسأل عليا يمكن اكون اجننت ولا حاجه...
بس زعلك وانتا ومدونتك علىراسى من فوق..

mahasen saber يقول...

عالم الحب...
لا داعى لكمية الاسف دى كلها
انتا اتعديت منى ولا ايه...المدونه مدونتك تشرفها فى اى وقت ...
ومفيش اى داعى للاعتذارات دى كلها مفيش بين الاخوات المدونيين فرق وجمايل واعتذارات ابتا..

mahasen saber يقول...

انت...وانا...
الف شكر على بوسة عبدالرحمن الاول وتوصل ان شاء الله..البوس امانه لعبدالرحمن بس...
بعدين انتى منورانى وبعدين عايزاكى تتفاعلى قوى مع عالم التدوين صدقينى
هتحسيه عالم حلو قوى قوى بس جربى مزيد من التفاعل ...
نورتينى يا دا نيرو.

mahasen saber يقول...

طارق الغنام...
مجرد دخول حضرتك لمدونتى شئ بيشرفنى جدا جدا ويشرفنى ان يبقا ليا اخ زى حضرتك...
وزيارتى لمدونة حضرتك بتسرينى فكريا جدا بموضوعاتها القيمه...
الف شكر لحضرتك وذوقك ورقة كلامك...
اختك محاسن..
بس على فكره سمو الاخلاق ده شئ مس غريب على البورسعيديه..ربنا يكرمك.

mahasen saber يقول...

sometimes....
عارفه من اكتر الحاجات اليى بتزعلنى يا منى لما بحسك زعلانه..
او جواكى لطشة حزن زى ما انا
حاسه فى التعليق دلوقت...
ربنا يسعدك ويرضيكى ويريح قلبك ويهديلك جوزك وتتجوزا فعلا على خير وينورلكوا طريقكم...
ومبسوطه انى نجحت انى اهون عليكى..
اختى الحبيبه..

mahasen saber يقول...

بنت مصريه...
انا لا ابحث عن ضحاياى هما اليى عملهم
بيوقعهم فى ماسينجرى...
بس انتى شكلك بس ربتا بيحبك..
نورتينى يا جميله وعارفه انك بتهزرى ..
عارفه لو مش بتهزرى كنت خدت ايميلك علطول...

mahasen saber يقول...

حياتى كلها لله...
اهلا بيكى يا سلمى ومفيش تطفل ولاحاجه
لا سمح الله ...بس انا متطلقه شرعا وكل اليى بدور وبحارب عليه ورقة طلاقى الرسميه بس والموضوع ده لازمله بوست .
عشان مطولش عليكى...
بس نورتينى واسعدتينى بالزياره ويسعدنى ويشرفنى طبعا اننا نبقا اصحاب..

mahasen saber يقول...

انا ودماغى...
تطلبى رايي فى البوست ده شرف
كبير ليا وشئ يسعدنى ..
حاضر يا حبيبتى من عنيه..

mahasen saber يقول...

ريمان....
ريمووو اخيرا يا قمر يا ملاك..
علم وينفذ يا حبيبتى البريئه..

mahasen saber يقول...

hoosam...
يا اهلا اهلا وسهلا ايه الكلام الجميل ده اللخه يكرمك انتا كلك ثقافه وذوق..
انما موضوع طول البوست انا كنت خايفه منه بس اخدنت راى مدونيين زملا وقالو عادى ورحبوا بالموضوع الا الصباغ تعب قلبى وقالى لا قصريه..
بس بما انى مبسمعش كلامه فطولته..
بس المهم انه عجبكوا ...
بس انتا منورنى واسعدتنى بكلامك قوى...

mahasen saber يقول...

arabic id....
اهلا وسهلا بيك انا اليى بيسعدنى فى التعليقات انها جسر للتواصل بينك وبين حبايبك من المدونيين...
بس عجبنى جزئية الصدق..كلامك مضبوط ربنا يكرمك..
نورتنى بالزياره..واسعدتنى

أكون او لا أكون يقول...

حســـــــــــــــــــــــــونتي...
محااااااااااااااااااااااااسن...
انتي فيـــــــــــــــــــــن...

la Princesa ... WHiSPeR يقول...

الفانوس بتمنه !!
ليه الشر ده
مانا لو كان معايا فلوس كنت اشتريت لنفسي غريبه اووى هههههه
وبعدين ازاى تاخدي كورس ايطالي مش تاخدي اسباني علشان اذاكرلك

وربنا يخليكي وتدعيلي على طول

oRiGiNaL HeArT يقول...

ههههههههههههههههه
انا سعيدة جداااااااا
لانى قريت فى مدونتك بوست يموت من الضحك كدة
يارب دايما بعد كدة كل البوستات تبقى سعادة وضحك
وطبعا الريدر عندى من اول لما قريت البوست وانا قولت لاااااااااااااااااازم اعملك الريدر
بس بالله عليكى بلاش تعملى فيا اللى عملتيه فى الضحايا السابقيين
ههههههههههههههههههه
وبعدين ليه بتدبسينى فى التاج يا حماتى العزيزة
مش انا خطيبة بودى بردو
ولا شاف حد غيرى الخاين :))))

Mohamed Hamdy يقول...

بوست رائع

وانا كنت داخل اعرض مساعدتى على اساس انى انسان بتنفس اتش تى ام ال وبستنشق بى اتش بى وعايش فى لغات البرمجه

بس لما قريت حوارك مع خالو الصباغ عرفت اد ايه ربنا بيحبنى

طبعا كلامى السابق هزار وبجد لو احتجتى اى حاجه تانيه راسلينى وانا هكون سعيد انى اساعدك

تحياتى

mahasen saber يقول...

شريف سيبو فى حاله....
يا اهلا اهلا وسهلا انا كنت خلاص بدأت احس بالذنب تجاهك وقولت شكلى جبتله
البرى برى ..بس الحمدلله مازلت عايش وبتتعايش..
ايه اخبارك شوفت ابداعاتك خلت المدونه ازاى انا بحسد نفسى على ان ربنا وقعنى فيك ...
وطبعا اكيد انتا بتحسد نفسك اكتر منى بكتير...منورنى يا باشمهندس شيكو..
وبعدين انا ااؤيد انك تسيب الهندسه وتضبطلنا مدوناتنا ..فعل الخير ملهوش مقابل ..
واستعد هبعتلك زملا عايزين المساعده اتوصا بقه ..ماانتا كده كده جالك السكر فخلاص بقه مش فارقه..
بس والله مليون والف شكر يا شريف على مجهودك..
روح يا شيخ آلهى يعمر بيتك ..
ويرزقك ببنت الحلال وبلاش اليى بالى بالك بلاش..

mahasen saber يقول...

قررت اكون عانس...
يا ساتر على الانسان بيفرح لما يلاقى
حد معاه فى نفس المصيبه..
ماشى يا آيه مبسوطه قوى اننا زى بعض..طب ااقولك بقه ما تيجى نعمل مدونة قررت اضبط المدونه لوحدى ...
او قررت اهزم الاكواد..
منورانى يا جميله لا يا جميلتين
والله يبارك فيكوا اباركلكو فى فرحكم ان شاء الله..

mahasen saber يقول...

اول برنامج اذاعى ...
اولا تشرفنا ..
بعدين بشوف اسمكم كتير فى الكومنتات شئ هايل وقبل كده الفضول دفعنى اشوف ايه اليى عندكوا وعجبنى مواضيع حلوه..
بالتوفيق وربنا يوفقكوا ويوفقنا..

mahasen saber يقول...

ذو الوجه المبتسم...
اسفه جدا ان طول البوست مدايقك..
بس حضرتك نورتنى يا شرقاوى ..
وكلامك مضبوط اليى عايز يتعلم حاجه بيتعلمها بس تقول لمين بقه..
رمضان كريم عليك وعلى ابنك القمر اليى فى الصوره..
ربنا يحمى ويبارك..

mahasen saber يقول...
أزال المؤلف هذا التعليق.
mahasen saber يقول...

اجندا حمرا...
منورانى يا جميله وبعدين اصل موضوع
الادمان زى ما قلتلك جه على الوجيعه..
بس انتى مواضيعك جامده وبتحمل مضمون ..
بس انا لسه مدعبستش فى بوستاتك القديمه
اسلوبك الكتابى بيعجبنى قوى ..
وحتى لو اختلفنا فى الراى لا يفسد للود ابدا اى قضيه..
منورانى يا جميله وبيسعدنى زيارتك ليا وبيسعدنى زيارتك كمان..
البلوج بلوجك يا جميل ..

mahasen saber يقول...

اكون او لا اكون..
حبيبتى كونه انا من ابحث عنكى
وحشتينى وحشتينى بس احنا لسه متقابلين من ساعه كده..
معلش قريت التعليق متأخر بس كان من سعد لحظات يومى انى قابلتك النهارده..
اخيرا الماسينجر بقه ليه لازمه..
بس عارفه الحضانه مش عجبتنى وهشوف غيرها.

mahasen saber يقول...

la princesa whisper...
يعنى مش عاجبك المعامله الانجليزى
ماشى يا برنسيسه..
بس انا كنت هموت واخد اسبانى بس ملقتش كورسات اسبانى فى الزقازيق فى الوقت ده..بس ملحوقه تيجى تذاكريلى فى البيت احسن..
منورانى يا برنسيستى ولو عايزه فلوس اسلفك ..وكله بحسابه برضه..

mahasen saber يقول...

original heart...
ازيك يا قمر القلوب كلها ..
انتى عملتى انتى فيروس لنفسك قولتى حماتى فاستحاله اائذى مرات ابنى..
مش عشان خاطرها عشان خاطر ابنى ..
بس انتى من اصل طيب بعد ده كله ومصره
برضه تساعدينى ..
لا لا دا انا اكيد ربنا بيحبنى ..
ااقابلك فين بقه عشان اديكى الباسوورد
منورانى يا جميله والله وحشتينى قوى قوى
وبعدين تعيشى وتتدبسى.

mahasen saber يقول...

mohamed hamdey...
شكلك طيب ومش وش بهدله ..
انفد بجلدك من العرض اليى عرضته وانا بحلك منه انا فى رمضان ومصايبى كترت قوى
اروح فى العشر الاواخر فين بس يا ربى..
انتا نورتنى وشرفتنى بالزياره دى اكيد اول مره ..اتمنا متكنش الاخيره ولو الاخيره هعذرك..
شرفتنى يا محمد حمدى ..عارف كان زمان فيه مذيع فى البرنامج الموسيقى اسمه محمد حمدى كان بيقدم برنامج عن المسرح العالمى وكان برنامج تحفه كنت بستناه كل احد..الله يرحمه بقه..
كمان مره نورتنى نورتنى وشرفتنى بالزياره الكريمه..

appy يقول...

كل دول بيردو و بيساعدوكي
لانك كاتبة عايزة اتطلق
اكيد مفهوم عايزين منك اية
ما تطلقي وترحمينا
احنا مالنا

maxbeta3zaman يقول...

أهلا بك فى عالم الزهايمر ...يعنى انت موش عارفه تدخلى تحسينات على البلوج ..وزعلانه انك موش عارفه!!!(لطم خفيف على الخدين مع لوى البوز يمين وشمال)...طب تقولى إيه بقى فى اللى عمل بلوج وتاه منه وماعرفشى يفتحه تانى ؟؟؟ العبد لله ضاع له بلوج انشأه له الصديق شريف برضه ولكنه شريف بتاعى أنا موش بتاعك ..وبعد ماكتبت بوسطين تلاته ...ماعرفتش أدخل عليه تانى!!!نسيت كل حاجه كل مايسألنى سؤال ...أفيص واقول موش فاكر تنى على كده جمعتين ..ومن زهقى عملت لى بلوج جديد هوه ده ..فمايهمكيش دانتى لسه فى بدايات الزهايمر ..احنا ملوك الزهايمر ...ابقى اتفضلى ..الدكان ميتوهشى بجوار محل عصير فخفخينا مباشرة

mahasen saber يقول...

appy...
اسفه ان دى وجهة نظرك...
واسفه جدا انك فاهمه الامور بالصوره دى

(احمد سكر ) يقول...

السلام عليكم ورحمة الله وبركاته

ازى حضرتك

اولا قبل مااعلق ع البوست

عاوز حضرتك تروحى عند اابى

اابى الحقيقيه مش الاسم اللى دخل علق من شويه


مش التعليق قليل الذوق اللى اتقال

وبعد كدا انا هعلق على البوست

بس عاوزك تروحى عند اابى الحقيقه

ودا اللنك
http://appyplant.blogspot.com/

ولما حضرتك تروحى وترجعى تقولى شفتى ايه

انا هرد ع حضرتك

لان عندها الرد على الشخص اللى عامل لينك زى بتاعا بالضبط

تحياتى

خالى بالك

لسا فى التعليق ع البوست

احمد سكر

mahasen saber يقول...

maxbeta3zaman...
نقول ايه ربنا يشفينا منه..
النسيان ده زاد عن حده وعمال يلطش فينا كده من غير حساب هو فاكرنا خلاص ملناش ذاكره تصده...
بس حالة حضرتك مشابهه لايميلاتى والكام بلوج القديم اليى انشئتهم قبل البلوج ده ..فالحال من بعضه..
بس انا بتعشم دايما فى جملة دوام الحال من المحال...يمكن فى يوم نلاقى ذاكرتنا كمبيوتر يا رب..
حضرتك نورتنى وشرفتنى بالزياره جدا ورمضان كريم على حضرتك وعلى كل من تحب..

mahasen saber يقول...

احمد سكر....
جزاك الله كل خير على توضيحك للامور
واسمحلى ااقول لحضرتك انك انسان فعلا
خلوق ومحترم انك توضح شئ يخص مدونة زميله ليك وتهتم انك تبرء صفحتها ..
اليى زى حضرتك قلو ربنا يبارك ليك فى عمرك وعمر اولادك واسرتك وكل من تحب
شاكره تشريفك لمدونتى جدا وفعلا فعلا حصلى الشرف..
فى رعاية الله وامنه.

Appyplanet يقول...

اسفه ان يكون اول تعليق ليه عندك بالشكل ده بالفعل انا معرفكيش ولا اعرف اي حاجه عنك فاكيد مش هقول الكلام ده خالص
انا بعتذر وكده انتى فهمتى الفرق بينى وبين اللى واخد اسمى وهتعرفى من البروفيل طبعا لانى بتاعى قديم وهوو لسه جديد
معلش بقى على اخر الزمن ربنا وجد ليه قرين بس طلع قرين اهبل هههههههه لان كل الناس عارفين مين هى ابى الحقيقيه واسلوبى
كل سنه وانتى طيبه وانا هسيب تعليقك عندي كمان علشان بس فرحت انك فهمتى الحقيقه
انما احمد سكر ربنا يكرمك يا رب انه وضخ لكي
ميرسي خالص ليكي وعموما انا مش هعمل له حاجه هسيبه كده مختفى تحت اسمي وعلى فكره انا وونواره نجم معملومين فينا نفس المقلب

يوميات نائمة في الأرياف يقول...

محاسن
ليكي تاج عندي
تعالي خدية

مصري بالغربة يقول...

ايه الخناقات والمشاجرات اللي بتحصل عندك ديه

مش قولتلك قبل كده خليكي ماشية جنب الحيط

ايه تغير الاسامي والبلوجات والبروفيل والكلام الكبير ده

انا حاسس اني في معركة جواسيس مش في بلوج
ههههههههههههههههههههههههههه

كاتب مصري يقول...

ها انت غيبتي وجيت أسأل يا ترى رحتي فين
كل ودي

رئيس جمهوريه نفسى يقول...

السلام عليكم ورحمة اللة وبركاته
اولا قبل التعليق على البوست ليه توضيح انى بضم صوتى لصوت احمد سكر فى انى صاحب او صاحبة التعليق اللى باسم appy مش هى لانى اعرفها معرفة وثيقة ومش دى وجهة نظرها اكيد
موضوع المساعدة ده احسن ما عجبنى فى التدوين انى كل واحد بيحاول يساعد اللى قدامة لوجة اللة وعلاقات قائمة في الاول والاخر على اساس الحب فى اللة مش المنفعة
كل سنة وانتى طيبة ورمضان كريم

oRiGiNaL HeArT يقول...

هههههههههههههههه
انا اعدت ارد على البوست اللى فات واتلغبطت اخر حاجة
المهم انتى هتدينى الباس ورد ولا ايه
دانا هشرحلك الطريقة شفوى
على العموم يلا مدام وافقتى بقى وبقيتى حماتى يبقى ولا يهمك كله يهون عشان خاطر الحب
ههههههههههههههههه
هبعتلك ايميلى وضيفينى وانا ان شاء الله هعملهالك اول ما اخد العد
قصدى البيانات
هههههههههه

مصري بالغربة يقول...

بظهر الغيب بقه

هه

والا انت عارفه

د / مصطفي النجار يقول...

فعلا انا حاولت نفس المحاولات
دي مع صحاب ليا
وكلها باءت بالفشل
وتأكدت اني لازم اعطي العيش لخبازه
دمتي بخير

كلام على بلاطة يقول...

كل عام وانت بخير

كلام على بلاطة يقول...

كل عام وانت بخير

mahasen saber يقول...

appyplant....
اولا حصل خير وربنا يحللك الموضوع ده على خير
ثانيا نورتى المدونه تحت اى ظرف من الظروف
اليى بعد كده بقه زى ما قلتلك فى التعليق انا كانت صدمتى اننا مش نعرف بعض وانتى مش تعرفينى فليه تقولى كده ده على اساس انه كان انتى ..
بس خلاص الحمدلله وكويس انك كتبتى بوست عن الموضوع ده ونواره برضه ومعلش واحد الصيام اثر عليه سلبا ربنا يهدى او يهدى ...
نورتى يا آبى واحسن حاجه التجاهل للنوعيه دى من البشر ...
ربنا يهدى بس ايه الحكايه كل شويه يطلع واحد لمدون يستلمه ربنا يجعل كلامنا خفيف قوى عليهم..

mahasen saber يقول...

يوميات نائمه فى الارياف....
رنا امال التاجين اليى عندى دول ههديهم لمين...
جاوبتيهم مش جاوبتيهم لما احلهم هتيجى تاخديهم ...
بس هديه مقبوله يا قمر..
انا جايه اهه...

mahasen saber يقول...

مصرى بالغربه...
بقه انا عندى خناقات ومشاكل يا باشمهندس
داانتا بقه متعرفنيش انا المشاكل بتشفنى ومابتعرفنيش خالص..
ده كان سؤء اخلاق من واحد ادى لسؤء فهم مع حد تانى خالص وبس..
يله بقه كملى الريدر ..عشان ادعيلك
آلهى ربنا يرزقك ب وب وب و وب حاجات كتيره قوى ...
لو كملتلى الريدر..ولو مش كملته يا محمود ماشى ..ولا دعوه بعد كده هتسمعها منى..

mahasen saber يقول...

كاتب مصرى...
انا لسه جايه من عندك اهه ..
هو انا ااقدر ازعل كاتب المستقبل منى.
بس ربنا يكرمك على السؤال ااقولك ايه سألت عليك العافيه..

mahasen saber يقول...

رئيس جمهورية نفسى ...
محمود مشرفنى ومنورنى فى مدونتى ده شرف عظيم..سعادة الرئيس...
بخصوص اللبس ده اتحل..
انما بخصوص المساعده والحب لوجه الله
فانتا من اكتر الناس اليى بتعمل بده
وانا جمايلك عليا وافضالك لا حصر لها
ويكفى انى لما بفتكر ذوقك بدعيلك بظهر الغيب وااقول ربنا يكرمه...
شرفتنى ونورتنى يا محمود بالزياره اسعدتنى جدا جدا..
فى رعاية الله وامنه....

mahasen saber يقول...

original heart...
طب وحياة صلة النسب المستقبليه
اليى ما بينا مينفعش تظفينى انتى وتكسبى فيا ثواب هههههههه..
حما بقه وبدلع ..بقولك يا قمر الاسكندرانى المصرى اليى فى الغربه..
هو حطلى الريدر ومن زمان وهو بيقولى بس نا كنت عايزه اخلص زمتى من ربنا فسبته لما خلاص كل شويه كان بيعرض المساعده قولت خلاص هو فى كامل قواه العقليه ساعدنى بقا يا محمود انتا حر..
بس معرفش يا اوريجنالتى شويه كده حسيت ان مستقبله فى خطر...
على العموم خليى مستعدك اكيد هحتاجك فى اى لحظه...
ده ايه البنات المطيعه دى يا ربى يا بخت يا ابنى..
سلام يا قمر..

mahasen saber يقول...

مصرى بالغربه...
محمود لا مش عارفه ..
كمله الاول وانا ادعى لاما انتا عارف هدعى على الوش التانى...
والله انا شاكره ذوقك يا حمود يعنى وراك شغل متلتل زى التل يعنى وبرضه مصر تساعدنى...
ربنا يقعدهالك فى صحتك وعافيتك ياابنى يا رب واشوف ابنى زيك...
كفايه البوقين دول هتعمل زى ما انا عايزه بقه..

mahasen saber يقول...

د\ مصطفى النجار...
بس دول مبيكلوش نصه ...
انا سعادتى الكبيره اليى اكبر من تضبيط البلوج هيا معرفتى بالناس المحترمه دى ...
اخوات فعلا بالرغم من اختلاف البطاقه..
اهلا وسهلا بحضرتك ونورتنى بالزياره
ورمضان كريم على حضرتك وعلى اسرتك وعلى كل من تحب..

mahasen saber يقول...

كلام على بلاطه...
وحضرتك طيب وبالف خير..
شرفت بالزياره..

engy يقول...

كل سنه وانت طيبه بجد بوست رائع
ربنا معاك فعلا حلو اوى

نيجار يقول...

محاسن
معلش أنا إتأخرت عليكي في إسم الدكتور بس والله كنت مسافرة مصر ورجعت النهارده
تحياتي

انى احبكم فى الله يقول...

ماشاء الله المدونه جميله وعلى فكرة الناس ماشاء الله بتتدخل مدونتك علشان انتى تستاعلى المواضيع جميله والمدونه جميله تحياتى ليكى وتقبلى مرورى

رئيس جمهوريه نفسى يقول...

يكفينى بجد دعاكى بظهر الغيب ولكى المثل من عندى ان شاء اللة

The Führer يقول...

إيه الحلاوة دي
أولا أحب أباركلك ع الإضافات الجميلة للمدونة اللي صاحبتها أجمل .
وبعدين بلاش الكاونتر علشان بسم الله ماشاء الله ح ينفجر تاني يوم من كتر الزيارات "اللهم لا حسد" وح تلاقي بدال الأرقام اتكتبتك كلمة" والنبي شيليني أنا تعبت " ههههههه

والبوست جميل جدا وبجد حضرتك مدونة عملاقة فعلا مش مجاملة

أسف علي التأخير وسلامي الحار لرامو ومتنسيش تدعيني علي حفل الخطوبة ، ههههههههه

دمت بكل خير ورمضان كريم

ريمان يقول...

محاسن

حبيبتى وحماتى الطيبه الجميله وام عريسى

اخبار عريسى ايه

خلى بالك منه اوى

وسلمى عليه كتيييييييييييير

ودايما كده ابقى طمنينى عليكى

‏«الأقدم ‏‹أقدم   ‏1 – 200 من 226   ‏›أحدث ‏أحدث»