الاثنين، 9 فبراير 2009

الملايكه يسكنون الأرض احيانا

الملايكه.. مش دايما غير مرئيين ولاا دايما مش عايشين معانا ملاصقين لينا ولارواحنا ومصاحبين انفسنا كما الظل
البشر..مش كلهم وحشين فى المجمل ولاا كلهم حلويين روعتهم فى رقيهم بأنفسهم واختلافهم فى تهذيب ارواحهم والسمو بيها
وتبقى من المبختين والمرضى عنهم لو صادفت فى حياتك بشر على نفس الشاكله الملائكيه
انا هتكلم عن انسانه فى عذوبة نهر النيل وفى جمال السما الصافيه وفى رقى السيده سكينه وحكمتها وخبرتها ولاا اعتى حكماء الصين
انا بتكلم عن شمس النهار كلكوا تابعتوا المواضيع عن اللقاء فى مدونات اخواتى الصغيرين اليى عايزين الضرب ضد المفعوصه واختها ام مصاصه كيارتى وشموسه طبعا افردت للحديث عن اللقاء مساحه فى مدونتها
انا كنت ومازلت هتجنن عشان اشوف البنانيت الاختين الصغيرتين كيارتى وضدتى بس الظروف والوقت قطموا وسطى لانى كان المفروض اودى بيرو لباباه عشان يقضى اليوم معاه وانا كنت جايه من الشرقيه والمفروض اطلع الولد المقطم لباباه وذوقيا مبرداش اخلى ابو بيرو ينزل ياخده من ااقرب مكان بقول برضه لما اسيب الولد مع باباه فى البيت ووسط الفه عكس ما اسيبه فى الشارع ويستغرب الجو وانى هسيبه وامشى المهم الضريبه دفعتها كاش وملحقتش البنات عشان اشوفهم بس تتعوض وهما انتقموا لنفسهم شر انتقام شركونى شركونى بس منهم اى حاجه مقبوله انا الكبيره بئه وبعدين يتصلوا يقولولى فى التليفون على التشريكه وانا اضحك اضحك لحد ما شفت البوستات فمش بطلت اضحك لا كنت هفطس من كتر الضحك ..المهم التاخير ده قلت عليه لازم اروح لشموسه واختم اليوم الشاق ده بحاجه حلوه فخدت بيرو ورحت لشموسه وبعد وصف للبيت وخلافه يا دوب طلعت من الاسانسير ذهلت من اليى شفته انا شفت ليدى قدامى مديتهاش اكتر من 28 سنه وقلت يمكن بنتها اه والله واكدب فى روحى حتى بعد ما سلمت عليا وفضلنا نتكلم ااقول لا اكيد شموسه هتسطع كمان شويه ذهلت يا جماعه من جمالها ورشاقتها وشكلها ليدى فى العشرينات ليس الا بس بعد ما فقت تأكدت انى على اعتاب الستين جنبها ..بسم الله ما شاء الله طبعا عليها.. فعلا جمال الروح بينطبع اكيد على الشكل
وبعدين شفت ملايكتها من ارق ما يكون ومن شابه امه فعلا ما ظلم ادب.جمال.دماثة خلق..الفه وود فى مقابلتهم حسيت انى مع بنات اختى وشموسه الكلام معاها متعه ما بعدها متعه الحكمه والاحتواء والصدق والحب مش سهل انك تلاقيه فى شخص واحد دلوقت انا حسدت نفسى اليوم ده على معرفتى بيها فعلا وخرجت من عندها ادعيلها بظهر الغيب زى دعواتها ليا فى الحج
اليى يعرف انسانه بالشكل ده والرقى ده يمسك فيها بكل ما اوتى من قوه وده اليى انا وضد وكيارا هنعمله اكيد
...وبعد شويه واحنا بنتكلم ومن موضوع ممتع لموضوع اكثر امتاعا كلمنا عمرو بدر المفكر والمبدع والراقى والمثقف جدا جدا وصاحب الحبشتكنات انا اتشرفت بمعرفته كمدون بس ذهلت من عذوبة كلامه ودماثة خلقه وذوقه العالى جدا جدا ومكنتش عارفه اشكره ازاى على اهتمامه انه يكلمنا انا وكيارا وضد عنده رقى وسمو غريب حسيت انى بكلم لورد انجليزى او كونت من كتر ما حسيت برقى فى اسلوب كلامه..
انا استمعت واتبسطت قوى بمعرفة النماذج البشريه الراقيه دى وبعتذر لاخواتى الصغنطتين بس ده ميمنعش ان مفيش مصاصه المقابله الجايه وفيه ضرب بس ضد وكيارا حبايبى وهيضربوا برضه
شموسه مش هيوفيكى اى كلام حقك بيتك من اكثر البيوت الفه وود واليى ممكن ادخلها فى حياتى
عمرو بدر لو كل الرجاله برقيك ده كانت محكمة الاسره اتقفلت
ملايكة شموسه عندكوا اجمل وارق ام ربنا يباركلكوا فيها
انا استنيت يا شموسه لما تخلصوا بستاتكم واتكلم انا واعبر بئه عن احساسى بيكوا
................................

هناك 120 تعليقًا:

رئيس جمهوريه نفسى يقول...

يارب متجمعين فى الخير دئما يارب انا مسبقش ليه الحديث مع حد فيهم الا من خلال التعليقات بس بثق فى رائيك يا محاسن

يارب دائما متجمعين فى الخير ان شاء الله

شمس النهار يقول...

كل ده العبده الفقيره لله انا
ده كتير عليا يامحاسن انت اللي انسانه جميله قول وفعل فتآلفنا وتفاهمنا
وحسيتك زي بنوتاتي بالظبط
ونورتينا فعلا والبنات حبوكي وطبعا مستر بيرو اللي قررنا ان ناخده عندنا ونخطفه
انت ام فعلا بالفطره
وبيرو لما يكبر هيفتخر بيكي جدا
انسانه واعيه متصالحه مع نفسك عارفه بتعملي ايه
انت حوريه يامحاسن ولكي حضور لطيف جدا
شكرا علي كل كلمه وحرف كتبتيه في حقي ده من زوقك ياحبيبتي

غير معرف يقول...

لو مفيش ملايكه على الارض هنعيش ليه مع الشياطين بس وعلى فكره كلنا جوانا خير وشر بس المهم ايه اللى يغلب علينا

وعوداً حميدا

غروب يقول...

ازيك يا سنسن وحشتينى جدااااا

انا جيت بس اسلم عليكي يا قمر

انا الحمد لله خلصت الامتحانات

بس للاسف المدونه اتنقلت من مكانها

معلش بقه انا عارفه انى دوختك معايا

بس دونت وورى

المدونه كما هى بنفس الاسم وكله لكن المكان بس اللى اتغير

متزعليش بقه

باى يا قمر وبوسي القمر الصغير

romansy يقول...

يا بختك
مين يقدر مش يحب شمس
بخفه دمها وطيبتها
اومال بقى لو قعدنا معاها هنعمل ايه

اكيد هنحبها اكتر واكتر
ربنا يخليكوا لبعض

Sweet Violet يقول...

لاااااااااااااااااااااا بقى كده فى اعتراض انا قولت انى انا اخر واحده تنزل بقى

عاااااااااااااااااااااااا

ماشى ماشى .. بس لما اشوفك

و كمان ضرب ايه بقى انا مالى انا هو انا قولت حاجه ايه الظلم ده

كل شويه تهديد بالضرب تهديد بالضرب )):

*****
بجد بقى

انا فعلا كنت هتجنن و اشوفك ياجميلة

اما بقى شموسه الجميلة بجد انا سعيدة جدااا انى عرفتها عن قرب

لانها فعلا شخصيه حبوبه و جميلة قووووى

غير معرف يقول...

الله عليكى و على بوستك الجنان ده

بجد وصفك لشمس النهار خلانى نفسى اشوفها اوى بس قبل ده كله كلامك عنهم يدل غن روحك حلوة اوى و إنك بتحبى كل الناس زى ما كل الناس بتحبك برضه



مجتمعين فى الخير دايما يا رب عقبال ما أشوفكم انا كمان

محمد فارس يقول...

السلام عليكم ورحمة الله وبركاته اولا انا اسف جدا علي تعليق البوست اللي فات
يااخت محاسن ياام عبد الرحمن والحمد لله انك لم تقرأيه وحتي لوكنتي قرأتيه وتجاهلتيه ولو اني اكره التجاهل ولكن خوفي علي زعلك كان اكثر عموما شكرا علي تقديرك لمن يستحق التقدير
اما ثانيا فاخليها المره الجايه

مهندس مصري بيحب مصر يقول...

اصل بنات الحلال زيك لازم ربنا يوقعهم في اللي زيهم
:)
ربنا يسعدكم كمان و كمان

SHAPE YOUR LIFE (ABOALI) يقول...

للانسان خبايا واسرار لم نعلمها نحن وعلمها الواحد القهار
خلقه وقربه واعطاه التكريم فى البر والبحر
فاءن صان التكريم ارتقى وارتفع وعلا وهام

فكما تعرفى سيدتى ان الانسان روح وشهوة
والحيوان شهوة
والملايكة روح
فاءن غلبت الشهوة الروح كنا مثل الحيوان
وان غلبت الروح الشهوة كنا ملايكة


لذا جاءت الانبياء عنوانا" لتكريم الله
ترشد وتضع المنهج حتى نتبعه


كما ذكرت سابقا"
لكل علاقات حدود
الا الصداقة والحب فى الله

ليس له حدود

جمع الله بينكم فى الخير دائما


تحياتى

marmar يقول...

ايه ده بقى
انا غرت
انا عايزه زي ده بقى :(
ههههههههههه
ربنا يوقفلك كل ولاد الحلال والناس الكويسه لانك اصلا بنوته سكره وتستاهلي كل الناس تحبك ولله بجد
يلا بقى اعمليلي بوست زي ده حلو بقى عشان دخله على دراسه وهغيب عن النت شوية صغيرين بس طبعاااااااا هزورك كل ما تنزلي بوست وارخم عليكي شوية
ههههههههههههههههههههههه
خلي بالك من نفسك يا ملاك

mahasen saber يقول...

رئيس جمهورية نفسى......

اللهم امين يا محمود

وبعدين انا مش قد الثقه الغاليه دى الريس بحاله بيثق فيا

بس هما فعلا يا ريس من اروع وارقى ما يكون
ربنا يديم الحب فيه

نورتنى يا ريس
وشرفت المدونه بالزياره الجليله دى

mahasen saber يقول...

شمس النهار.......


شموسه ده ااقل ما يقال فيكى ودى شهادة الجميع فيكى
ربنا يكرمك ويباركلك فى روحك الجميله دى وفى كل من تحبين
اللهم امين

وبعدين الكلام الجميل اليى كاتباه عنى هو اليى كتير عليا يا ريتنى فيا جزء بسيط منه منت مبقاش على الارض خالص

مجرد وجودك بس بيعطى للمدونه دفء وبيسعدنى وبيشرفنى يا اجمل وارقى خلق الله اليى اتعرفت عليهم فى حياتى

mahasen saber يقول...

اسامه عبد العال......

اسامه باشا صاحب االتدوينه السوداء
ومبدع الافكار الاكثر رقيا بلاش سوادا احسن تزعقلى ههههههههههههه

بالضبط يا فيلسوف زى ما قلت بس العبره فعلا فى اليى يكبح جماح نفسه ويروضها للخير دايما

منورنى يا فيلسوف البلوجر
وعودا حميدا ليك انتا بئه هه

mahasen saber يقول...

غروب ........

غروبتى اخيرا ظهرت يا ربى اخيرا
احمدك يا رب
فينك يا جميله امتحانات ايه يا بكاشه ده احنا فى اجازه
تعالى هنا هاتى بوسه وحشتينى اممممممممممممموه كنتى فين يا بكاشه يا وحشانى قوى

واستنى صحيح يعنى ايه انتقلت من مكانها مش قادره استوعب النقطه دى يعنى خدت تاكس ولاا حجزت طيران راحت فين وازاى افهم

انا صوابعى دابت على الكيبورد من اللف وراكى يا غروبتى
انا كده صوابعى اليى هيحصلها غروب

امرى لله وحده
ابعتيلى اللينك الجديد قصدى العنوان الجديد ويا رب متعزلوش تانى

بس سيبك انتى وحشانى موت موت موت

mahasen saber يقول...

romancey......

ايه يا دسوقى هنئق ولاا ايه بالضبط هههههههههه
ساهر معرفش عنك كده

هيا فعلا من اجمل وارق البشر اليى قابلتهم يا احمد
وان شاء الله فى مره جايه وتقابلها شخصيا واحنا نشوفك كمان ولاا ملناش نفس يعنى

بس عارف لو شفت شموسه هتكتب عنها زى ما انا كتبت واكتر كمان

منورنى يا ساهر دايما

mahasen saber يقول...

ضد التيار.....

ضد انا معرفش حاجه عن الاتفاقيه دى هههههههههههههههه والله ما اعرف انتى كنتى عايزه تنزلى اخر واحده طب انتى مش شايفه ان فيه كائن رابع معاكوا مكنش لسه نزل حاجه هههههههههههههههههه

ضد العلقه هتبقى علقتين باين والضرب حيبقى للركب ههههههههههههههه

وكمان بتقوليلى طيب لا شموسه ولاا كيارا ولاا عمرو بدر نفسه هيخلصوكى من عصايتى ههههههههههههه اه كيارا ايه دى ليها نصيب الاسد من الضرب صحيح هههههههههههههههه

بجد يا ضد مكنتش اعرف حصل خير وانا مبيجيش من ورايا الا البدع بصراحه ههههههههههههه

بس اليوم مكنش ناقصه حاجه غير انى اشوفك انتى وام مصاصه بس شفتوكوا فى الموبايل وانتوا مش شفتونى هاها هههههههههههههه والله يا ضد نفسى اشوفكوا فعلا يا حبيبتى

اما شموستنا زى ما قلت احنا نتعلم منها يا بنات ربنا يباركلنا فيها

وهاتى بوسه امممممممممممممموه بس هتضربى برضه

Kiara يقول...

قبل اما ادخول شومال

وصفك لشموستي بجد بجد قليل علي اللي شفته انا مش متخيله ان في انسانه زيها موجوده علي وجه الارض انسانه نقيه نقيه وفي منتهي الرقه بجد

***********

تحاليلي بقي ياسنسن

بقي مش في مثاثات طب مش هاجي بقي الا لو في مثاثه هه بس واشرد بلاحتي بقي

دا انا كنت هكتب بوست التشريد دا لوحديه والمقابله لوحديها بس قلت لا كفايه عليها الكلمتين دول


اي اي وكمان فيه ضرب

يامظلوووووومه ياني

*******

بجد احرجتيني ياسنسنتي بس برده حاوزه مثاثتي انتي مش ثفتي صورنا انا وضد عااااااااااااااااااااااااااااااااا

واحنا مث ثفنا حاكه بقي

عاااااااااااااااااااااا

***********

بالنسبه لاستاذذ عمرو بجد انسان في منتهي الاخلاق والذوق حاجه كدا مش موجوده خااااااااالث

mahasen saber يقول...

انا ودماغى ......

حبيبتى ام دماغ عاليه وحشتينى يا جميله
اخبارك ايه والدراسه الاجازه هتخلص اهى يا حبيبتى

شموسه يا ايه جميله جدا وفوق ما تتخيلى يا حبيبتى وان شاء الله اشوفك قريب انا كمان وبعدين الكلام الحلو ده من ذوقك يا قمره

وحشتينى يا حبيبتى قوى قوى قوى ومتعديش من كتر ما انتى وحشانى يا حبيبتى

موناليزا يقول...

متجمعين فى الخير دايما
وادام عليكن المحبة فى الله

غير معرف يقول...
أزال أحد مشرفي المدونة هذا التعليق.
mahasen saber يقول...

محمد فارس.......

ازاى ازاى ازاى ازاى ازعل من اخويا ازاى

ابدا والله العظيم ما زعلت ابدا ابدا منك وحتى لو شتمتنى كمان عمرى ما ااقدر ازعل من حضرتك
انا بس تعليقات البوست اليى فات انشغلت ولسه مردتش عليها انما هرد لانى عمرى ما بسيب تعليقات مردش عليها وابادل اصحابها نفس الاهتمام ونتناقش فى ما طرح من افكار

بعدين وجهة نظر حضرتك تحترم وعلى دماغى من فوق

اخ محمد انتا اخ عزيز عليا وغالى كمان وانا مقدرش ازعل منك بتات ولاا ااجرو على كده اصلا

تحياتى لزوجتك المصونه اختى الغاليه
واخبار بنوتك وملاكم الجميل ايه يا رب تكون بافضل حال
وربنا يقر عيونكم بيها

بس انتا مبتكتبش بوستات جديده ليه الريدر عندى مش جايب اى مواضيع جديده لمدونتك

حضرتك نورتنى وشرفت المدونه وصحبتها بكلامك

هانى زينهم يقول...

عشان انتى طيبة وما تتخيريش عن اللى وصفتيهم بتشوفى الناس كدة .ربنا يجمعكوا فى الخير على طول ويديم صداقتكم دى .

mahasen saber يقول...

مهندس مصرى.......

الله يكرم اصلك يا محمد ويباركلك يا ابن الاصول

وربنا يجعل دخولك الجنه بسبب حلاوة لسانك وطيبة كلماتك

ربنا يكرمك ويوفقك يا اصيل وياابن الاصول على ذوقك ده

منورنى يا هندسه ومستنينك لما تنزل مصر بالسلامه

mahasen saber يقول...

aboali.......

لا مش ابو على بس ابو الاحساس الصادق ابو الكلمه الطيبه ابو الجمله الراقيه ابو الفكره المحترمه ابو ايه تانى انا مش عارفه اوفيك حقك من الكلام ومن الوصف

انتا من ارقى العقول التدوينيه اليى بقرالها بصراحه وبعدين حتى الرقى واصل لتعليقاتك كل تعليقه بقراه ليك فى مدونتى او اى مدونه تانيه

بيحمل رقى فى المعنى وسمو فى الفكره ومناقشتها غريب

بجد انتا رائع فعلا وربنا عالم ان دى مش مجامله

بالنسبه للتعليق على البوست انا استمتعت من قرايته زى كل تعلق بقراه ليك بس ارد وااقول ايه بعد كلامك

غير ربنا يكرمك يا ابو على يا رب ويا رب فعلا
معرفتنا بالبرنسيسات الجمال والراقيين دول تفضل على خير

واللقاء الجاى تنورنا وتشرفنا ان شاء الله

نورتنى واسعدتنى وشرفتنى بوجودك كالعاده يا ابو على يا اخونا الفاضل

Heba Sayed يقول...

السلام عليكم ورحمة الله

وحشانى يا محاسن ووحشانى كتاباتك الجميلة الرائعة

طبعا فى ملايكة على الارض زى ما فى شياطين بالضبط

وفعلا كل شخص فى الخير والشر

لكن بنسب وبمقادير وكل واحد حسب اللى ربنا كتبهوله ورايده عليه

(انك لا تهدى من احببت والله يهدى من يشاء)

ربنا يهدينا جميعا الى ما يحبه ويرضاه

والسلام ختام

NIDAAL .R يقول...

ربنا يخليكم لبعض دايماً
ومايحرمكمش من بعض ابداً ابداً

مافيش أحلى من النقاء وصفاء الروح

ولازم طبعاً الصفات دى تظهر على وجهه البنى آدم

ربنا يكرمكم فى بعض

Sweet Violet يقول...

ثواااااااااااااااااااانى كان فيه ايه ؟؟؟

لالالا قولى كده تانى ههههههههههههه انتى ناسيه الزمن بتاعك ولا ايه

انتى عايزانى ازييييييف فى الحقائق ياسنسن تؤتؤتؤتؤتؤتؤتؤ

لااااااااااااااااااااا ينكن ابداااااااااااااااااااااااااااااااااااااا

انتى تعرفى كده بردو عن ضد حبيبتك

و كمان بقى انا كلمتك كام مره ليه ماقولتليش هه

و كمان بقى حرام و ظلم علقتين ليه و كمان للركب

عاااااااااااااااااااااااااااااا

طب بصى بقى اهم حاجه ماتوصلش للانكل بتاع الرجل علشان الواحد يعرف يجرى و يقول يافكيك

و كمان انا قولت حاجه .. ده ايه الناس اللى عايزة تضربنى و خلاص دى

عااااااااااااااااااااااا

و كمان انا واثقه ان شموستى حبيبتى هتدافع عنى هى و عمرو D:

بس على فكرة بقى انا شوفتك فى الحلقه قبل ماتشوفينى عند شموسه نياهاهاهاهاها شريرة انا

خدى انتى كمان بوسه بقى بعياط كمان علشان الضرب

اممممممممــــــ عااااااااااااااااااااااااااااااا ـــــممممموة

غروب يقول...

سنسن يا قمرايتى

اللينك اللى بكلمك منه هو ده اللينك الجديد

mahasen saber يقول...

marmar.......

يا حبيبتى ده انا اكتب فيكى قصايد لو ده يسعدك

يا ناس يا هو اعمل للبت القمر دى ايه بس عشان انا بموت فيها وفى رقتها معايا

ربنا يكرمك يا حبيبتى ويسعدك يا مرمور يا ام قلب طيب انتى

وهشوفك يعنى هشوفك اى لقاء هبلغك عشان نشوف بعض

وبعدين دراسة ايه يا مرمر ده انتى قدها وقدود
طب ااقولك تحبى اذاكرلك

امممممممممممممموه لاحلى مرموره فى البلوجر كله

EMMY BABY يقول...

شوقتونى انى اشوفها

ربنا يخليكم لبعض يارب

تحياتى

ايمى

همس يقول...

يارب يديم الود بنكم

وتتجمعو فى الخير وعلى الخير ديما

mahasen saber يقول...

كيارا........

جت كيارتى وحلت اهلا وحضرت سهلا وهيا اليى جابته لنفسها ههههههههههههههههه

تعالى هنا بتقولى ايه مش سامعه

ولاا نخلينا الاول فى شموستنا عشان راينا احنا التلاته متفق على جمالهاورقتها عارفه انا حاسه اننا هنحسدها من غير ما نقصد طبعا طبعا عينى بره اللعبه ههههههههههههههههه


اما بئه الشمال يا ام شمال تعاليلى هنا

اه مفيش مصاصه وهكلم مامتك تمنعها من البيت كمان

وبعدين كنتى كمان عايزه تفردى بوست تشريد لوحده وتقوليلى يا مظلومه يانى هههههههههههههههههههههه
مين بذمتك الاستك دى اليى مظلوم

وبعدين الضرب للركب بس يوم ما اشوفك وطبعا هتيجى من بدرى لانى هبات فى المنطقه استعدادا للضرب قبل ما يكون احتفالا باللقاء هههههههههههههههه

والله يا كيارتى نفسى اشوفك موت موت انتى وضد افندى اليى برضه هتضرب ونفسى اشوفك هتمسكى مصاصه ازاى قدام بيرو ه هياكلك قبل ما ياكل المصاصه هههههههههههههههههه
وطبعا مش هحوش بس هشجع ابنى طبعا

هشوفك قريب يا جميله ان شاء الله

امممممممممممممممممممممموه ليكى من قلبى بس هتضربى برضه

mahasen saber يقول...

موناليزا.......

مونا يا حبيبة قلبى
اللهم امين يا جميله

ونفسنا نشوفك برضه يا جميله
تصدقى انا نفسى اشوفك جدا والله واشوف بئه ام ابتسامه حلوه

منورانى يا حبيبتى
يا غاليه

mahasen saber يقول...

هانى زينهم.........


اخويا الغالى هانى هنا يا مرحبا يا مرحبا
اصحا يا بيرو استقبل حماك

ازيك يا هانى يا غالى يا ابو الغاليه ازى ملك وام ملك يا رب تكونوا فى افضل حال

متغبش كده يا هانى المدونه بتفتقدك وانا بحس ان اخويا مسافر بره ومتغرب اه والله

وبعدين انتا اليى طيب وخلوق فشايفنى كده
ربنا يصلح حالك ويباركلك فى كل من تحب
يا اخويا يا غالى يا حما عمرى كله

mahasen saber يقول...

heba sayed.......

يا حبيبة قلبى فينك يا جميله واخبارك ايه انتى اليى وحشانى جدا جدا

يا رب تكونى بافضل حال يا حبيبتى

طمنينى عليكى يا هبه

بعدين البشر الملايكه موجودين حوالينا كتير يا هوبه بس لودورنا عليهم كويس

وحشتينى يا هبه بجد والله

وربنا ما يحرمنى من سؤالك يا حبيبتى يا رب

mahasen saber يقول...

nidal.r.....

الله يكرمك يا محمد

واليى انتا بتقوله ده هو اليى فيك كمان

ماانتا باين عليك الصفاء والطيبه والجدعنه والماضه ههههههههههه واخد بالك من الاخيره طبعا

هس اسكت اختك الكبيره وبتتكلم بعدين مش الكبيره قوى يعنى
انا اليى جبته لروحى

نورتنى يا نضال وانتا فى بيت اختك يعنى فحاسب على الكهربا

mahasen saber يقول...

ضد التيار........

يا بنتى هيحصلى حاجه من الضحك
اضرب فى اى حته الا الانكل عشان الجرى هههههههههههههههههههههه ارحمنى يا رب شكلى هتضرب انا فى قلبى

يعنى كل الهوليله دى عشان متضربيش
طب مش هضربك وهعفو عنك بس بشرط وخطه
استنى البت كيارا مش هنا صح

مش هنا الحمد لله
بصى نضربها سوا اسيبك ههههههههههههههه

ايه رايك طبعا ده اقتراحك انتى مش انا

وخدى بوسه كمان اهى امممممممممممممممموه عشان توافقى هههههههههههههههههههههه

mahasen saber يقول...

غروب......

غروبتى الجميله علم وابوس ايد مدونتك الجديده واخواتها السابقات
بلاش لينكات جديده

توهتينى يا غروب وبعدين همشى زى المجنونه فى البلوجر الف عليكى يرضيكى كده هههههههههههههههههه
نورتينى برضه يا حبيبتى

mahasen saber يقول...

emmy babey........

ويخليكى لينا يا جميله

ايمى الجمله اليى فوق فهمتها زى كلام البيبهات بالضبط ممكن تفسير اصلى عجزت على الغه دى خلاص ههههههههههههههه

طب قوليلى هشوفك قريب ولاا مش ناويه تسعدينى برؤيتك يا جميله

منورانى يا حبيبتى يا غاليه
منوره دايما يا ايمى يا رقيقه
يا بيبى

mahasen saber يقول...

همس ......

اللهم امين يا هموسه

وحشتينى يا قمر فينك يا جميله

يا رب تكونى بالف خير ان شاء الله

نورتينى ياغاليه يا جميله

Ahmed Mohamed يقول...

طيب ياستي ربنا يكثر من محبيكي
واكيد في ناس حلوه قوي قوي وتستاهل كل خير ومن ضمنهم حضرتك طبعا وكل الي قلتي عليهم
ربنا يوفقك لما يحبه ويرضاه

ريمان يقول...

بتغيظينى يعنى؟



عاااااااااااا
طب انا نفسى اشوفك بقى


ماليش دعوه

اتصرفى

اشمعنى هما شافوكى وانا لاء

عااااااااااااا

هعيط بجد

ومش هعلق ع البةست بقى

هه

مزاجى بقه


عشان انا هفرقع من الغيييييييظ

اااااااه يا قلبى

ahmed_k يقول...

ربنا يجمعكم على الخير دايما
ويحبب فيكي خلقه كمان وكمان
إنت إنسانه مهذبه وراقيه
ولابد للي يتعرف بيكي يبادلك
نفس الصفات

دمتي بكل خير

hasona يقول...

السلام عليكم

فعلا هن شردوكي و مش بطلوا كلام عنك طبعا- وانت مش في ايدك حاجة الا انك - تُدبري لهن علقة كويسة وكل واحدة تاخد نصيبها من الضرب بقي

بس بلاش أقسام الشرطة- علشان الشرطة بتخدم الشعب جامد قوي

،،،،،

عندما نري ونتأكد أن من ركبوا معنا في قطار حياتنا من أروع الشخصيات ((روعتهم فى رقيهم بأنفسهم واختلافهم فى تهذيب ارواحهم والسمو بيها)) وقتها فقط نشعر بقيمة كبيرة لحياتنا

فالصداقة المبينة علي الحب والايخاء تصبح نبراس ومنارة تضئ الطريق للأخرين

وكلامك عن هذا اللقاء أضاف لمفهوم الصداقة أشياء كثيرة

ربنا يخليكم لبعض ويجعلكم في زيادة
ويسعدكم ويكرمك ويكرمنا ويكرم كل المسلمين بكل شئ يحبوه ويرضي عنه الله
،،،
تقبلي مروري
وتحياتي

Sweet Violet يقول...

بعد الشررررررررررر عنك ياجميلة

مين ده اللى يضربك فى قلبك و انا موجوده

لالالالالالا هو مش عارف ان ده تخصصى ولا ايه ههههههههههههههه

لا بجد بعد الشر عنك ياقمر

و كمان ايه هو انتى كنتى ناويه تضرب عنده ولا ايه

كمان مش عايزانى اجرى

عااااااااااااااااااااااااااااااااااااااااااااااا

اممممم نضرب كيارا

اللى هى كيارا بتاعت ضد ياضد دى

امممممممممممم

جت الفرصه اللى انتقم فيها منك ياكيارا

بس لالالالالالالا دى كيارا بردو يامحاسن

خلاص خلاص هضرب و امرى لله )):

بس براحه بقى .. و ياريت بقى لو الضرب زى الرشوة اللى انتى اديتهالى دى علشان اوافق (:

امممممممممممممممممموة لالالالا دى ليكى مش الرشوة D:

princess يقول...

لا بجد touch wood
ما يحسد اى حاجة الا صحابها:)
ربنا يكرمكم كلكم يا رب

tarek alghnam يقول...

السلام عليكم
مش عارف اقولك ايه
انا متشكر اوى على الدعاء والعزاء
وفعلا بتثبتى كرم الشراقوة رغم انى من مدة مدخلتش مدونتك
ربنا يكرمك يارب
وليه عودة تانى لقراءة البوست
مع تحياتى وشكرى

ghorBty يقول...

ما شاء الله

ربنا يديم عليكم الحب والصداقه

ويجمعكم دايما علي خير

ويجمعكم تحت ظل عرشه ان شاء الله

وربنا يبارك لك في ابنك ويعوضك بالخير الكثير

غربتي

dodda يقول...

ربنا بيألف بين القلوب

الحمد لله...

marmar يقول...

حبيبه قلبي هتذاكرلي مره واحده ياااااااااااااي
كده هطلع الاولى ولله
ربنا يخليكي ليا يارب يا ارق بنوته مش في البلوج بس لا في الكون كله ولله
انا ف الامارات يا سنسن مقيمة هناك وبنزل القاهرة كل صيف و اول ما انزل لااااااااااااااااااازم بقى اشوفك بجد
انتي وبيرو حبيب قلبي طبعا
ادخلي عندي واكتبيلي رقمك لو مش يضايقك وانا اكلمك ارخم عليكي شوية واسلم عليكي يا حبيبتي يا سكرة انتي
خلي بالك من نفسك ومن بيرو
لا اله الا الله

AHMED SAMIR يقول...

محاسن هانم بلدياتي
ازيك واخبارك ايه؟
عارف والله اني مقصر في المتابعة ولكن كلما تسنح الظروف هتلاقيني مرمي في المدونة ان شاء الله
طبعا الناس دي كلها فوق مستوى الاحترام
والملائكة هتفضل موجودة دائما وابدا ان شاء الله فوق الارض
تحياتي

david santos يقول...

Excellent work!!!!
Congratulations!!!!!

إيمان قنديل يقول...

والله أنت اللي روحك حلوه وبجد ملاك

Abu ShoSho يقول...

الأستاذة أم عبد الرحمن
واحدة من أرق التدوينات و أكثرها إبداعا، رقة في الشعور و إبداع في الإحساس. جزاكم الله خيرا. شكرا للفارسة مولان و الساطعة دائما شمس النهار و المتدفقة ضد التيار و الصامدة أم بيرو، فمشاركتكم إيانا لهذه الصحبة الطيبة تبعث الأمل أن ما زال الذين آمنوا أشد حبا لله.

ما أضحكك يا سيدتي أبكاني و إني لأراكم في جنة المتحابين في الله تتضاحكون في حديقة المثاثات العملاقة. أدعو الله أن يجعل هذا الحب الصادق في جنابه و أن يديمه ناميا مثمرا إنه سميع قدير.

لي عتاب سيدتي من باب النصح و ليس التشريد!!! عندما أردت مدحا للأستاذ الكريم الفيلسوف صاحب الحبشتكانات - الذي لا أعرفه إلا من متابعة دكانه - و شبهته ب (لورد إنجليزي) و هو عندي أرقى و أزكى من مجلس اللوردات بكامله. بل إن فلاح بسيط يصحو قبل الفجر متوكلا على الزارع إلي حقله ساعيا على رزق عياله تفوح منه رائحة العرق عزيز بفقره شامخ حتى في ضعفه، هذا المصري في الميزان عندي يعدل ألف لورد.

عذرا أستاذة
تحياتي

عايش... ولكن !!!! يقول...

ازيك يا محاسن
اخبار بيرو ايه
زى ما فى ع الارض شياطين فى ملايكه وزى ما جوانا شر جوانا خير وكلنا جوانا الاتنين بس ايه اللى بيغلب ع الشخصيه
التربيه ليها الجزء الاكبر فى تنميه الشخصيه سواء ع الشر او ع الخير
اعتقد انك من اكثر المحظوظين لمعرفتك بهؤلاء
شكلى كده هحسدك :)
بس هحسد نفسى الاول انى عرفت حد زيك
بوسيلى بيرو

EMMY BABY يقول...

هههههههههههههههههههههههههههههه

ماشى يا محاسن

هتبقى انتى والمدونين عليا

حسستونى انى بيبى اوى (وش مكسوف )

هترجملك حاضر

بقلك

شوقتونى (يعنى خلتونى مشتاقة )

هههههههههههههههه قاموس متنقل اهو

انا على فكرة نفسى اشوفكم اوى والله

بس انا حتى معنديس اى وسيلة اتصال بيكم (وش زعلان منكم بقى هه )

مهرة سالم يقول...

السلام عليكم ...
إزيك أختي محاسن ..
أن شاء الله تكوني بأحسن حال..
......
جزيتي خيرا لما تعملين لصالح إبنك..
أسأل الله أن يجزيكي خير الجزاء ويجعل إبنكي بارا بكي...
.........
جميل أن تلتقي أناس من عالم التدوين ...
والأجمل أن يكونو مميزين ..
الله يحفظكم لبعض يارب..
....
دمتي بخير

من غير عنـــوان يقول...

وبعدين يا جماعة... شوقتونا لرؤية الملاك الليدي الأميره...
عموما... هما كده أهل اسكندرية.. ما لهومش في الطيب نصيب...

يارب تتجمعوا تاني على خير دايما..

أمنياتي لكن بالسعاده

maioya يقول...

ربنا يديم الود بينكم
وتشوفوا بعض كلكم تاني
قريب :)
قليل اوي اللي يلاقي
فعلا ناس تستاهل
ربنا يخليكو لبعض

yoyo يقول...

ربنا يديم المحبة والمودة بينكم يارب
ومش يحرمكم من بعض ابداابدا

هو فى حد يعرفك ومش يحب يا محاسن انتى بجد قمر والله

تحياتى
يويو

جنّي يقول...

السلام عليكم

يا بختهم بيكي .. ربنا يسعدكم ويجمعكم على الخير دايما ..

KHALED يقول...

أتيت لألقى تحية محملة بعبير الزهور البرية و بس ...

أكون أو لا أكون يقول...

ياااااه... انا جايه مشتاقه جدا... الاقي بوست عن لقاءات... ومقابلات... ياسلام ياسلام...
ياريتني كنت معاكم...
يارب يديم صداقتكم... ومحبتكم... يارب...

Shimaa Esmail يقول...

الأستاذة الفاضلة/ محاسن
صاحبة مدونة/ عايزة أتطلق و
اعتذر عن الخروج من موضوع التدوينة، لقد أرسلت لك دليل العمل (صفحتين) والجزء الأول من الاستمارة (8 صفحات) ، أرجو منك إرسال رسالة توضح أن الجزء قد وصلك وأنه ليس هناك مشكلة في إرساله أحالت وصله لسيادتك .
تحياتي وتقديري
شيماء إسماعيل
باحثة بالماجستير- كلية الآداب جامعة القاهرة.

سمكه واحده يقول...

اذيك يا سنسنه
انتي اللي وحشتيني اكتر
وبعدين عشان انتي ملاك وزي العسل ربنا بيوعدك بناس حلوين وملايكه زيك
ربنا يكرمك ديما يارب ويجعل كل ايامك جميله انتي تستهلي كل خير
ولازم اللي يعرفك يبقي زي العسل زيك يا جميله
وديما متجمعين في الخير ان شاء الله
فعلا والله احيانا ملايكه بيكونوا علي الارض

أسوور يقول...

اولا شكرا لوقفتك معايا

ثانيا انا اول مرة اجى المدونة عنك
مدونة من النوع التقيل اللى بيعجبنى

واكيد دة مش هتبقى اخر مرة

الازهرى يقول...

بجد وصفك اكتر من رائع عن شموسة وعمرو
وبعيد عن السامعين الناس التانية بدون ذكر اسماء
من كتاباتهم وكتاباتك فعلا ناس زى العسل وعقليات جميلة اتمنى ان اجلس نتحادث يوما

واحب اقول لك
الطيور على اشكالها تقع
وانتم فعلا طيور جميلة

قيس بن الملووووح يقول...

عندما يمضي بنا قطار العمر تسقط منا بعض التفاصيل الصغيرة التي تحول حياتنا الي براكين في حين انها لا تتحمل هزات بسيطة

قوس قزح يقول...

انا لما قابلت شمس مكنش فى فرصة اننا نتكلم كتير لكن حسيت انها انسانة جميلة و بتهتم باللى بتعمله و بتعمله عن فهم و حب

ربنا يديم بينكم الحب و الخير

الرابطة وبناء الأمة يقول...

السلام عليكم ورحمة الله وبركاته
دعوة
أخي يا من رفضت سياسة مبارك عليك أن تكمل معنا الطريق حتي لا تكون دعواك دعوة إفتراء دون إثبات
دعوي مرفوعة ضد مبارك بنص ".........................."
أول جلسة
نتمني منك أخي المدون الحضور للجلسة
مع تحياتنا لك بالتوفيق
الكتيبة السياسية

Tamer Nabil Moussa يقول...

شىء جميل اننا نقابل بعض

ربنا يكرمك ويوفقك


ويسعدك كمان

تحياتى

marmar يقول...

حبيبتي الجميله اللي منوره البلوج والدنيا كلها ميسووو القمرر
قلقت عليكي في غيبتك الطويلة شوية دي في حاجة يا حبيبتي؟؟
يييي نسيتيني اقولك
هااااااااااااااااابي فلانتين داي
وكل ايامك حب في حب يا اجمل بنوته يا ارق أم في الدنيا ويخليلك بيرو العسسسل وتجوزيه عروسه سكره زيك كده بس طبعا طبعا طبعا لو لفيتي مصر كلها مش هتلاقي ربعك اصلا ولله
كل سنة وانتي طيبه يا حبيبتي
خلي بالك من نفسك يا رقيقه البشر

عمرو يقول...

أعذرينى يا أم عبد الرحمن للتأخير فى التعليق على البوست الرائع ده لأسباب كتير أهمها أنى ماكنتش بأدخل على المدونات من فتره كبيره بسبب اٍنشغالى فى اٍعداد برنامج سيذاع فى رمضان اٍن شاء الله على قناه فضائيه
بجد يا محاسن أنا بأشكرك جدا بل أنى عاجز عن الشكر لمدحك فى شخصى و أرجو أن أكون فعلا هذا الشخص اللى يستحق كل هذا الثناء
بارك الله فيكى و ده بعض ما عندكم و الله لأنك فعلا على خلق عالى جدا و سيجزى أبويك عنك خير جزاء باٍذن الله
أدام الله المعروف و بارك لك فى اٍبنك و ملأ حياتك بهجه و سرور و محبه

عمرو يقول...

Abu ShoSho
أشكرك يا عزيزى على ما أسبغته على من صفات حسنه أدعو الله أن أكون من مستحقيها بالفعل
و أحييك على اٍعتزازك بالفلاح المصرى و ده ما أثلج صدرى حقيقة
فألف ألف شكر

mahasen saber يقول...

رئيس جمهورية نفسى


تسلم يا ريس على ثقتك الغاليه

mahasen saber يقول...

شمس النهار

ايه يا شموستنا كلامك اللطيف ده تسلميلى يا حبيبتى يا غاليه

mahasen saber يقول...

اسامه عبدالعال

فعلا يا اسامه كلنا جوانا الخير والشر احنا بشر

mahasen saber يقول...

غروب


تسلميلى يا غروب يا حبيبتى ربنا يسلمك انتى وكل احبتك من كل شر

mahasen saber يقول...

romansey


فعلا يا احمد ان شاء الله تقابلها فى يوم ما

mahasen saber يقول...

ضد التيار


اليوم كان محتاجك بجد

mahasen saber يقول...

انا ودماغى


تسلميلى يا حبيبتى

mahasen saber يقول...

محمد فارس

(خوفا من ان اى حد يظن انى والعياذ بالله بتجاهله فعشان كدا برد على التعليقات حتى لو بعد سنيين )


رحمة الله عليك

mahasen saber يقول...

مهندس مصرى

ربنا يعزك ده من اصلك الطيب بس يا باشمهندس

mahasen saber يقول...

ABOALI

يعنى يا ابو على افهم من كدا انى خانى تسمية البوست
بس الاحساس الليى قادنى اكتب عنوان البوست كدا

mahasen saber يقول...

marmar


تسلميلى يا مرمر يا غاليه

mahasen saber يقول...

۩AhMeD 3LLaM۩»


تسلم يا علام ده من ذوقك بس

mahasen saber يقول...

ريمان


ريمو ان شاء الله يجى اليوم الليى اشوفك فيه على خير يا حبيبتى

mahasen saber يقول...

ahmed_k


اللهم امين يا غردقاوى

mahasen saber يقول...

hasona


فعلا الصداقه يا حسونه من اعز الاشياء واندرها ان صدقت

mahasen saber يقول...

ضد التيار


ضدتى الحبيبه

mahasen saber يقول...

princess


تسلمى يا برنسيس يا حبيبتى وتاتش وود ليه لا

mahasen saber يقول...

tarek alghnam

ربنا يكرمك ويعزك ده ااقل واجب

mahasen saber يقول...

ghorBty

اللهم امين ولكى مثله يا غربه يا حبيبتى

mahasen saber يقول...

dodda


فعلا يا دودو يا حبيبتى

mahasen saber يقول...

marmar


ياه يا مرمر وحشانى جدا يا حبيبتى اتمنى تكونى بالف خير وسعاده دايما

mahasen saber يقول...

A.SAMIR


احمد سمير بك بلدياتى تنورنى فى اى وقت طبعا

mahasen saber يقول...

david santos

thanks alot

mahasen saber يقول...

GHARAM


ده من ذوقك بس يا استاذتى

mahasen saber يقول...

Abu ShoSho


مش عارفه ااقول ايه على كلامك الجميل ده يا ابو شوشه اتمنى تفتح مدونتك تانى يا ريت

mahasen saber يقول...

عايش ولكن

انا الليى بحسد نفسى على معرفتك ومعرفة المدونيين الرائعين دول

mahasen saber يقول...

EMMY BABY


ايمى يا حبيبتى انتى بنوتة التدوين الجميله

mahasen saber يقول...

نهار

اختى الاماراتيه العاليه شكرا على ذوقك واخلاقك العاليه وكلماتك الطيبه وده اكيد من اصلك الطيب يا عزيزتى

mahasen saber يقول...

من غير عنوان


اهل الاسكندريه ليهم فى كل الطيب كل النصيب يا باشمهندس

mahasen saber يقول...

maioya


وانتى كمان تستاهلى كل خير اكيد يا مايويا يا غاليه

mahasen saber يقول...

yoyo

تسلميلى يا يويو يا حبيبتى ده من كرم اخلاقك بس

mahasen saber يقول...

جنى


ويا بختى بيكوا يا جنى والله وبيهم كان

mahasen saber يقول...

khaled


حييت بتحيه افضل منها يا خالد كلك ذوق

mahasen saber يقول...

اكون او لا اكون

اتمنى فعلا ااقابلك فى يوم من الايام يا كونتى يا غاليه

mahasen saber يقول...

shimaa esmail

اتمنى تعرفينى عملتى ايه فى رسالة الماجستير والاستبيان ساعدك فى ايه

mahasen saber يقول...

رابطة هويتى اسلاميه


اتمنى يكون نقاش هادف

mahasen saber يقول...

سمكه واحده


سمكمك الغاليه تسلميلى يا حبيبتى

mahasen saber يقول...

اسوور


تنورينى يا اسوور ولا شكر على واجب

mahasen saber يقول...

الازهرى


انتا فى اساسيات الدايره دى يا زهر

mahasen saber يقول...

قيس بن الملووووح

فعلا يا استاذنا

mahasen saber يقول...

قوس قزح

فعلا يا دولى زى ما وصفتى وهى جميله قلبا وقالبا بجد

mahasen saber يقول...

ارابطه وجراح الامه


يا ثوره ما تمت

mahasen saber يقول...

tamer nabil


كلك ذوق يا تامر دمت بكامل الود

mahasen saber يقول...

marmar


تسلميلى يا غاليه ايه يا مرمر الكلام الطيب ده تسلمى يا حبيبتى

mahasen saber يقول...

عمرو


رحمة الله عليك ربنا يغفرلك ويعفو عنك انتا ووالدى ووالدتى وجميع امواتنا