الجمعة، 13 فبراير، 2009

اللحظه الأخيره وسرير من الأمومه


     الحمد لله انا حاليا لو هكتب حاجه مش هتكون ااقل من ..وحياة قلبى وافراحه..
اليومين اليى فاتوا كنت بموت قلبا وقالبا وكنت مدمره نفسيا ودى من الحالات القليله اليى بتحصلى لانى مش بالساهل بوصل لمرحلة التعب النفسى اليى بتقلب بعضوى وضغط واغماء والحاجات العبيطه دى انا اليى عجنى فى بعضى كده ان بيرو راح الخميس القاهره جده اخده وانا راجعه طول الطريق لبيتنا حسيت انى غريبه يعنى مفيش على لسانى الا شويه ادعى وشويه ااقول هو الخميس والجمعه ويجى السبت الصبح الخميس الجمعه ويجى السبت الصبح وبعدين حسيت انى جاتلى لوسه عقليه اسمها الخميس الجمعه ويجى السبت الصبح بس بعد كده كنا يوم الجمعه باليل وبكلمه وبكلم باباه فعرفت انه ممكن ممكن يجى الاحد الصبح وعليها من الاحد ومن ممكن دى ربنا ما يحرم حد من قرة عينه انا اصلا وانا عارفه هو هيجى امتى كنت ممنوعه من النوم والاكل والتركيز اه عايشه تمام بس مش زى الفل بس جه يوم الاحد ده واحساسى انه ممكن يغيب عنى اكتر من ما احتمل هو الولد عايش فى جو جميل وحب واهتمام يعنى ده بيرو مين يقدر ميحبش بيرو بس انا مقدرش على البعد ده وعليها قلت لياباه متتعبش نفسك انا هنزل القاهره اخده بكره يا بنتى خليه هجيبه انا ...لا لا مش قادره وعليه كنت فى المقطم 8 الصبح بالضبط طبعا مع احترامى لكمان نص ساعه كمان نص ساعه.. فاهمانى يا كيارا طبعا انتى وضد .. اكتشفت ان ممكن المواصلات تقهر وسرعة العربيه تتضاعف فى سبيل فلذة كبدى المهم شفته وقريت نظرى بيه وحسنت نظرى كمان برؤيته وقضينا نص اليوم انا وهو وباباه ومرات باباه مع بعض واتمشينا شويه فى المقطم وقابلت بالصدفه اعز أصحابى فى المقطم وبصراحه رؤيتها كملت اليوم الجميل برؤية بيرو واطمن عليها واخدت حبيبى فى حضنى واستخبينا من الدنيا وطرنا بعيد درجه اولى للشرقيه انا بصراحه خدت استراحه عند اختى ونمنا عندها انا وبيرو وصحينا على الشرقيه انا مش عارفه اغيب عن بيرو ازاى ولاا ده عشان اول مره ولاا الخوف من انه ممكن يقعد مده اطول من كده
انا فرحت قوى ان ربنا عدى ازمتى النفسيه على خير وان عينى اتكحلت برؤية ابنى تانى وانه قضى وقت حلو وممتع مع اهله وباباه وانهم فرحوا بيه وهو فرح بيهم كمان بس انا ساعات بخاف هو استجابة ربنا لدعائى رضا منه عليه ؟ ولاا والعياذ بالله كاره انه يسمع صوتى ؟ من لحظة ما لمحة ابنى من بعيد ولمسته وانا بقول يا رب يكون استجابتك لدعائى حب مش حاجه تانيه
اه انا وحشه وحشه وحشه واوحش ما اكون وابغض البشر فعلا وقولا بس بحاول اكون زى ما امرتنى على قد ما ااقدر
......................
انا هرد على تعليقاتكوا وحبكوا واهتمامكوا ربنا ما يحرمنى منكم ولاا يحرمكوا من فلذات ارواحكوا وهزوركوا وطبعا مش هقول حضروا القهوه وخلوها مضبوط وبلاش بن محوج

التفت يمينا وشمالا ..واماما ووراء
لأجد نفسى فى منتصف شئ ما
بدأ لى يتراءى تتضح رؤياه
انه يأتى مقتربا

وكلما اقترب كلما اصبح اكثر وضوحا
يا له من وسيم برغم ..كل ما سمعت عنه
يبدو وديعا
قد جاء وحانت اللحظه
وخاب كل الرجاء
فى ان يخلد بشرا فى دار فناء...

يا ترى امتى ؟
كل شويه عمرى بينقص ثانيه
.......................................
عندما يجعل ذراعى وسادته
وقلبى غطائه
عندها احس بأهميتى
وبأن منه عطائى
فهو مصدر قوتى ودفئ ان وجد وحياتى
وليدى الصغير الذى
سيظل عمرى فدائه
واظل احيا انا
رمال تحت اقدامه
....................
اهه الكلام اليى فوق عندى مرتبط ارتباط وثيق بالكلام اليى تحت انا بموت وبتقطع ..اكتر موت مؤلم مع انى مجربتش اموت قبل كده هو بعدك عن من تحب

هناك 217 تعليقًا:

‏1 – 200 من 217   ‏›أحدث   ‏أحدث»
كيــــــــــــارا يقول...

اوووووووووول تعليق

كيــــــــــــارا يقول...

وتااااااااااانى تحليق مالك يابت

كيــــــــــــارا يقول...

تالت تحليق عشان الحبايب بقي وانا وانت :)

كيــــــــــــارا يقول...

عااااااااااااااااااااااااااا

مالك يابت انتي

mahasen saber يقول...

كيارا انا بموت او فى الطريق اليه

esraa يقول...

بعد الشر عنك ياحبيبتي
ليه كده بس
قلقتيني عليكي اويييييييييي

ABOALI يقول...

فكرتينى بفيلم انى اغرق تحت الماء

خير اللهم اجعله خير

هاعلق تانى

ضد التيار يقول...

مالك ياقمر بعد الشر عنك

طمنينى عليك ):

romansy يقول...

يا نهار ابيض
من زياره واحده لمصر ولشمس وكيارا وضد

يحصلك دا كله

خلاص بقى متروحيش تانى

خليكى زى ما انتى

ربنا معاكى

هانى زينهم يقول...

بعد الشر ليه ده كله لا فى حاجة تستاهل ولا حد يستاهل . هم بس شوية اكتئلب على احباط ودى ما بقيتش امراض جامدة دى بقت حاجات زى البرد والصداع فى الايام اللى ما يعلم بيها الا ربنا دى .علاجها شوية دفا فى حضن عبده وشوية قرب من ربنا وشوية تغيير وليكن الاصحاب على خروجتين تلاتة مع كيارا وبقية الشلة بتاعتكو دى وانتى تبقى زى الفل . الدنيا مش مستاهلة صدقينى وكله بيعدى بس ما تقليقناش عليكى تانى .

ABOALI يقول...

ظهور الشعر الابيض علامة من علامات البلوغ نعم
ولكنه ايضا علامة للحكمة
فلا تحزنى سيدتى
فنقصان العمر هو علينا مكتوب
وان شاء الله الخير قادم

اظن انتى شوفتى شعر ابيض مش كده
ولالالالالالالالالالاايه

كيــــــــــــارا يقول...

مش تقلقي ياحبيبتي واللي جاي هيكون خير ان شاء الله

موناليزا يقول...

نفهم من كده ان بيرو عند باباه ولا ايه؟
طمنينا عليكى ويارب تكونى بخير

ماما أمولة يقول...

ام عبد الرحمن

استبشري خيرا فإن ابنك رسالتك

وانت حبيبتي لاتعلمين الغيب فربما يكون خيرا ان شاء الله

احس بما بداخلك

فرج الله همك وابله سعادة اللهم امين

روقي حبيبتي

ماما أمولة يقول...

وابدله سعادة ان شاء الله

معلش الدال وقعت

سلام

جنّي يقول...

السلام عليكم

كلماتك جميلة ومعبرة ..

اكتبي لتخففي عن نفسك وربنا يجمعك دايما بعبد الرحمن وما يفرقكم عن بعض ابدا ..
ويمد الله في عمرك حتى ترينه رجلا وتنعمي بأولاده واولاد اولاده ان شاء الله ..


وبعدين ايه حكاية كيارا .. احنا استريحنا منها البوست اللي فات ..
ماشي خليها تلعب براحتها زي بيتها برضه ..

جنّي يقول...

هوني على نفسك اختاه واستعيني بالصبر والصلاة ..

Nabil يقول...

السلام عليكم....
اختى الغاليه.

ان شاء الله بكره احسن بس انت اتفائلى شويه وبصى لقدام ومتياسيش ابدا

يارب تبقى احسن قريب .

وطمنينا عليكى فى اسرع وقت ممكن


وان شاء الله اسمع منك اخبار كويسه

تحياتى وتمنياتى بالسعاده

mahasen saber يقول...

esraa.......

اطمنى يا ساره انا كويسه وزى العفريت اهه بس ناقصلى حد اخوفه

جزاكى الله كل خير على سؤالك يا ساره يا غاليه

mahasen saber يقول...

aboali.......

انا بغرق فوق الارض يا ابو على
مش محتاجه ماء

mahasen saber يقول...

ضد التيار......

مفيش يا ضد الحمد لله يا حبيبتى

بخرف على روحى كالعاده

mahasen saber يقول...

romancey.........

يا ريتهم معايا يا دسوقى كان الحمل خف شويه عنى

فى الحزن دايما بتحب تفضفض لقلوب صافيه او تخبط دماغك فى الحيط

princess يقول...

ليه بس كده
اللهم فك كربها ان شاء الله

mahasen saber يقول...

هانى زينهم........

ابوملك لما الامر يتعلق باليى لينا فى الدنيا
تبقى ساعتها تستاهل وقوى كمان

mahasen saber يقول...

aboali.......

شفت يا ابو على شعر ابيض وايام عكسه بكتير

ربنا يبيض ايامنا كما الشعر الابيض
المتوسط الطول

mahasen saber يقول...

كيارا.......

يا رب يا حبيبتى
دعواتك يا كوكه زى ما قلتلك

mahasen saber يقول...

موناليزا......

انا مش واخده على بعده خالص يا مونا

اربع سنيين مبينمش الا فى حضنى

ده مش حب تملك انما قهر من البعد ولو لساعات مش ليله

mahasen saber يقول...

ماما اموله......

امنا الغاليه ارجوكى ادعيلى

انى مشفش الم فراق فى ابنى ابدا

انا مقدره ان حضرتك حاسه بيا لانك ام

ارجوكى ادعيلى
ارجوكى

mahasen saber يقول...

جنى.......

اخويا جنى دعواتك ارجوك ويا رب ربنا يتقبل دعائك

هيا الحياه سلسله من الفراقات والبعد والالام اة كان السبب
بس مبيخففهاش الا القرب من ربنا

بس الفضفضه بتريحنا كتير وبتشيل عننا هم الموت كمدا

smilyrose يقول...

محاسن يا حبيبتى

مالك بس

يابنتى بس

ربنا يطمنى عليكى يارب

وحشتينى قوى


smilyrose

روح الحب الصادق

mahasen saber يقول...

nabil.......

اخويا الغالى ربنا يصلح حالك
وميحرمنيش من سؤال اخويا الصغير عليا وعلى ابن اخته

ازيك يا نبيل
عملت ايه فى امتحاناتك

يا رب دايما فى افضل حال

mahasen saber يقول...

princess.......

يا رب يا برنسيستى يا رب ادعيلى

ربنا يصلح الحال
ويطمن القلب اليى بيغلى ده من الخوف والقلق

mahasen saber يقول...

smilyrose.......

يا حبيبة قلبى وحشتينى ازيك انتى يا سمايلى

الحمد لله يا حبيبتى انا كويسه

انتى اليى اخبارك ايه

اسفه لو بغيب فى السؤال عنك يا حبيبتى

هــــــــــــايدي يقول...

اكتر موت مؤلم مع انى مجربتش اموت قبل كده هو بعدك عن من تحب
fبجد دى اصعب حته فى البوست كله

صبرني يارب يقول...

طب يعنى عامله زي الى بتقول بريء يا بيه ليه كده

ربنا يخليه لكى يارب يا جميل ويسعدك دايما ويكتبلك كل خير

marmar يقول...

محاسن حبيبتي انا قلبي كان حاسس انك مضايقه ومخنوقه ولله العظيم عشان كده بعتلك عل بوست اللي قبل ده
معلش يا ميسو ده حاجة لازم تحصل ولابد منها وحتى لو لدقايق بسيطه
لازم يروح عند نصفه الاخر
وانتي اكيد لما هو يكون فرحان ومبسوط بالمقابله البسيطه دي اكيد انتي هتفرحي لفرحه اكتر منه
متضايقيش يا ملاك بجد ومتخليش اي حاجة حتى لو كبيره او صغيره تضايقك
ربنا كبير وموجود يا ميسو
والكل واقف معاكي وجمبك ولله
ومرمر اختك اولهم

Habiba يقول...

بصى والله مش فهمت اوى

بس حاسه ان كلامك فيه الم
مش عارفه ليه الالم ده

ارجو مايكونش الالم يرتبط ببيرو

ويارب تكونى كويسه
انا كمان تعبانه اوى
وبتألم اوى
وكارهه الدنيا اوى
لكن هحاول اكلمك ربنا يخرب بيت موبايلى
اديعلى اغيره
اقولك هستلف موبايل الواد اخويا واكلمك :)

يارب تبقى كويسه بسرعه مايبقاش انا وانتى

marmar يقول...

يلا اضحكي بقى والنبي ده احنا في الفلانتين داي ههههههههههههههه
طب اقولك نكته
اسمعي يا ستي
بيقولك مره صعيدي بالغلط دخل متحف للفن الحديث
توقف ادام لوحة وبيسأل حد من المنظمين جنبه
ايه الشكل المرعب ده، هو ده بقى الفن اللي بتسموه حديث؟
قلو المنظم : دى مراية يا أستاذ انت عبيط ههههههههههههههههههههههه
اضحكي بقى

mohamed ghalia يقول...

أم بيرو
مالك بس فيه ايه
أنا قلقت قوى عليكى
أرجوكى طمنينى عليكى
حصل ايه؟
دمتى بكل الود أختى

غير معرف يقول...

اختي الغاليه جدا والعزيزه ام عبد الرحمن خير ان شاء الله انا حاسس من كلماتك ان فيه حاجه معكننه عليكي كلنا فرحنا لما انتهي موضوعك علي خير
ولا...لما انتهت الحرب بينكم حاسيتي بفراغ قلتي لما احزن واحزن الناس شويه...
الف الف الف سلامه عليكي هو عبد الرحمن بعيد عنك ولا ايه العباره..صدقيني من يوم ما تابعت مدونتك عمري ما اتاثرت بهذا الشكل اتمني واطلب من الله ان يكون موضوع بسيط ويعدي علي خير
مع تمناتي لك بان يفرج الله عنك هذه الكربه ويسعدك بعبد الرحمن
faresfoly2000
هذا اميلي علي الياهو
ولكني لم اجرؤ علي طلب اميلك
ياتري عرفتي مين انا

غير معرف يقول...

اكيد عرفتي انا حاسس ان ذكائك عمره ما يخونك.. ومن ناحيه تانيه انا مخفف عليكي الموضوع شويتين

EMMY BABY يقول...

محاسن

بجد يا حبيبتى بعد الشر عليكى

يارب القطة الوحشة

مالك بس يا قمر حد يزعل وهو معاه ابن زى القمر وصحبة بتخاف عليه وعيلة بتحبه

متزعليش واتركى الاحزان

اضحكى بقى

مش هسيبك الا لما تضحكى

طب اقلك نكتة

مرة واحد

اتنين تلاتة

مش عايزة تضحكى يعنى

اضحك انا

محاسن لو شفتينى مش هتزعلى تانى ابدا ههههههههههههههههههههههههه

مش هشوفك بقى

امممممممممممواة

ايمى

radarblog يقول...

فيه قول مأثور بيقول " اعمل لدنياك كأنك تعيش أبدا ، واعمل لآخرتك كأنك تموت غدا ... "

العمر بيجري ، والأيام بتعدي ، وزي مافيها وحش هنلاقي فيها الحلو ...

يارب يجعل أيامك كلها سعادة ...

في آمان الله

محمد فارس يقول...

الاخت الغاليه محاسن ام عبد الرحمن
انا اسف جدا ولله العظيم كان قصدي اخرجك من اللي انت فيه لكن الظاهر انا اللي ذكائي خني انا اسف جدا جد جدالاني دخلت غير معرف وكنت فاكر انك هاتعرفي اني محمد فارس
ارجو ان لايكون هذا التصرف اغضبك

مسدس صغير يقول...

لا موت يأتى بالارادة فلنتركه يأتى متى يشاء ..

Hossam يقول...

سلام عليكم
وحشتينى اوى وحاولت اوصلك بس مش قادر
وقلقانى عليكى اوى وبعد الشر عليكى من كل الم ربنا يطول فى عمرك كمان وكمان ويخليكى لابنك
وارجوكى طمنينى عليكى لانى بزعل اما بلاقيكى كده

maryooom يقول...

شوفي كلامك بكاني
كتير كتير كتير
ربنا يساعدك

الازهرى يقول...

اكتر موت مؤلم هو بعدك عن من تحب
صدقينى اقدر تلك الكلمات كثيرا
فهى تعنى عندى الكثير
حاولى ان تفرغى ما بداخلك الى من هو قريب منك فسيخفف ذلك عنك الكثير
وليعنك الله على تجاوز ما انت فيه على خير
تحياتى ودعائى

yoyo يقول...

بعد الف مليون شر عليكى يا محاسن
هونى على قلبك يا حبيبتى
ان شاء الله ربنا مش يبعدك عن احبابك ياااارب و ان شاء الله تشوفى بيدو عريس زى القمر

مش تقلقينى عليك يا محاسن
خلى بالك من نفسك يا قمر وبلاش الاكئتاب دا
ربنا موجود
تحياتى
يويو

ريمان يقول...

محاااااااااااسن

فى اييييييييييييه


ايه يا بنتى مالك

مالك حبيبتى


؟؟؟؟؟؟؟؟؟؟؟؟؟؟


بيرو كويس

؟


طمنينى عليكى حبيبتى

تامر علي يقول...

الموت في حد ذاته ولو إنه شيء مكروه لكنه راحة وعلى أي حال له وقت محدد ومكتوب وإلى أن يحين هذا الوقت يجب أن ننجح في كل الإختبارات (الالهية) حتى نكون جديرين بجوائز مابعد الموت .... الأمومة شرف ونعمة من الله .... الحياة شرف ونعمة من الله .... في كل لحظات الضيق عندما ننظر الى السماء نعلم أن هناك أرحم الراحمين .

الطائر الحزين يقول...

ولا ينبيك عن خلق الليالى كمن فقد الأحبة و الصحابَ

Heba Sayed يقول...

مالك يا محاسن

؟؟؟؟؟

خضتينى يابنتى

أحــوال الهـوي يقول...

لا تقلقي
انه احساس الفراغ الذي اطلق براثنه و طوق مخيلتك
بعد ان انتهت اوجاع السنين و انتهي التفكير في موضوع كان شغلك الشاغل يملا حياتك و يسيطر علي يومك
فجأه عم الصمت و صفير الفراغ ينعق

انها مرحلة سوف تنتهي و تملئ حياتك مرة اخري لكن هذه المرة بالسعادة و الفرح

و ابنك سوف يحتل مساحة اكبر من تفكيرك و نصيحتي اليك
لا تنسي ان تتذكري نفسك و حياتك في وسط هذا التغيير

مع امنياتي لك بشريك يقدرك و يعوضك خيرا فانت شخصيه جديرة بالمحبة و خصوصا من نفسك ثم من من حولك

تحياتي

أحــوال الهـوي يقول...

عزيزتي
اعتذر عن البوست الماضي نظرا لسفري و لكني قرات عن لقاء السحاب بينك و بين الرائعة شمس النهار التي اراها بعيون الاخرين نموذج للسيدة الكامله المحترمة المحبة للجميع

ادام الله محبتكم وودكم جميها

تحياتي

طوبة ذهب وطوبة فضة يقول...

ربنا يخليهولك يارب ومايحرمهوش منك ولا يحرمك منه

انا ودماغي يقول...

بعد الشر عليكى

فى إيه و الله قلقتينى

موجة يقول...

سيدتى الفاضلة تقبلى مرورى فى مدونتك جذبنى اسم المدونة "عايزة تتطلق" خصوصا انى كنت عاوزة اتطلق والحمد لله اتطلقت
على فكرة انا سمعت عنك كتير من حبيبة وحبيت اشوف مدونتك
تحياتى اليكى وتمنياتى لكى بالسعادة

nour shahen يقول...

احساس مرير فعلا انك تبعدى عن حد بتحبيه فتشبثى بالحياه حتى يأذن الله بالرحيل
بس متقلقيش ربنا سبحانه وتعالى هيكون جنبا
لما تخافى علي حد بتحبيه قوى قوليله استودعك الله الذى لا تضيع ودائعه
ومتزعليش على شيء ربنا يحفظك ويخليكى لكل الناس اللي بتحبك
واعملى اللي عليكى ومتشغليش بالك بالمستقبل
ما بين طرفة عين وانتباهتها يغير الله من حال الى حال
ربنا يصلح ليكى الاحوال

تحياتى

Sometimes يقول...

سنسن حبيبى مالك يا قمر
ده انا كنت فرحانه اوى وانا بقرأ لقاء الحسناوات:)
والنص ساعه نص ساعه نص ساعه
روقى واستهدى بالله
وارمى حمولك عليه
الحمد لله رب العالمين

dodda يقول...

ربنا يخليهويك ويباركلك فيه

انتى
ج

م

ي

ل

ه

dodda يقول...

يا رب ماتشوفى فراق
ولا تدوقى اللوعه والاشواق

ربنا ما يبعده عنك ابدا
ويبارك فيه
امين


ممكن تدعيلى؟؟

نهــــــــــار يقول...

محاسن أختي ...
الله يهون عليكي ...
وميحرمكيش من إلي بتحبيهم...
ويحفظلك عبدالرحمن..
...
كان الله في عونك..
دمتي بخير

الجواز و سنينه يقول...

بنا يرجعهولك بالسلامه
و ما يبعدكوش عن بعض
و ربنا يخليكوا لبعض

Soul.o0o.Whisper يقول...

سنسننننننننننننن

إزيك يا قمرى؟؟
معلش آسفة ع التأخير


البوست رقيق اوى
بس ماثر أوى


أنا خمنت من الأول انك بتتكلمى عن بيرو
ربنا يخليهولك يارب و مش يحرمك منه


بس معلش ..
عاوزة أقولك على حاجة يا سنسن
و معلش يعنى لو فيها تدخل
أو يمكن مش تقبليها مش عارفة

جميل ان يكون لدينا أحاسيس و مشاعر راقية تجاه من نحبهم
و جميل أن نشعرهم بحبنا و حناننا عليهم
و جميل أن نكون مظلة تحميهم من عواصف و أمطار الحياة

لكن ليس من الشفقة و لا الاحسان أبدا و نحن نعلم أننا قد نفارقهم فى لحظة من اللحظات - بعد طول عمر ان شاء الله - أن نتركهم كلتة من الاحاسيس و المشاعر و كيان لين لم تصقله تجارب و مواقف الحياة

مش عارفة فهمتى قصدى و لا لا
أتمنى يكون وصلك ..

و بردوا دى وجهات نظر ،
و الاختلاف فى الرأى .....
أيوا هو دا :)




سلام يا قمرى

حاجات جوايا يقول...

سنسن يا جميلة
مالك يا حبيبتى بعد الشر عليكى
بيرو عند باباه ولا ايه ؟؟
يا حبيبتى ما انتى عارفة ان ده هيحصل ولازم هيزور باباه ويبات عنده مش هيكتفى بزيارة اسبوعية كام ساعة فى اليوم
مش ده اللى انتى عايزاه ؟؟
عايزة ابنك يتربى بين اب وام فى حياة طبيعية
مش ده فى مصلحة بيرو يا حبيبتى ؟؟
أنا عارفة انك فاهمة ومقدرة بس مش قادرة تستحملى بعده عنك
وهو كمان اكيد مفتقدك جداااااااا بس برضه اكيد مبسوط انه مع باباه واهله ولو ليوم واحد
أنا حاسة بيكى جدا والله لأنى لغاية دلوقت مش قادرة انيم دودو فى اوضته لوحده
معلش يا حببيتى ليلة وتعدى وان شاء الله عما تقرى تعليقى ده يكون فى حضنك بإذن الله
روقى بقى وهاتى بوسة
اموووووووه

اسامه عبدالعال يقول...

صباح الفل
محدش عارف بكره جايب ايه وعشان نحب حياتنا لازم نتمنى ان بكره جايب حاجات احلى
وان شاء الله هيبقي احلي

momken يقول...

ان شاء الله المستقبل بيجى وهو حامل كل الخير

ربنا يمتعكوا ببعض ويجعله قره عين لك
ويجعله باراً بامه التى نشهد انها من اجله ضحت بالكثير

البوست حلو بس مؤلم اوى

تحياتى

momken يقول...

برضو حاسس كده ان كيارا مقصره معاكى فى التعليقات هى مش بتيجى عندك ليه D:

تحياتى

سمكه واحده يقول...

متهيلقي البوست ده يتغير بقي
ولا ايييييه؟
يارب ديما يفضل جمبك وفي حضنك وميحرمكيش منه ابدا ابدا
وميبعدش عن احلي واطيب واجمل ام في الدنيا
هاتي بوسه بقي ولا ايه؟

عاشقه الفردوس يقول...

ليه كده ليه


سلامتك وربنا يخليلك ابنك يارب

قيس بن الملووووح يقول...

"عندما يمضي بنا قطار العمر تسقط منا الكثير من التفاصيل الصغيرة التي قد تحول حياتنا الي براكين في الوقت التي لا تتحمل فيه الهزات البسيطة"

المـــفـــــــقــــــــوعـــــة مــرارتـهــا يقول...

الف بعد الشر عليكي ان شالله العو الوحش
بصي بقي فيه موضوع عنك في مجلة علي صوتك الالكترونية ابقي زوريها من اللينك اللي علي الجنب عندي
سلام

«۩AhMeD 3LLaM۩» يقول...

الاول يارب تكوني بخير بجد
الثاني بلا حب بلا بتاع
الثالث معلش بقي انا قررت محبش غير مراتي وان حصل حاجه
هابقي اطلقها ☺هههه☺
تحياتي ياست الكل

حاجات جوايا يقول...

إيه يا جميل
ايه الاخبار ؟؟
طمنيناااااااااا

مصطفي ريان يقول...

طمنينا عليكي
يارب تكوني بخير

عاشقة القمر يقول...

ازيك تركي لي رقم تلفون بتاعيك في ايمل دخلي مدونه اهتعرفي انا اهنزل مصر متي

عاشقة القمر يقول...

ماليك يابنت بلدي ربما يفرج هنيك كروبتك

محمد فارس يقول...

الاخت الغاليه محاسن ام عبد الرحمن
الف حمدا لله علي سلامتك وعلي سلامة بيرووربنا ما يحرمكيش منه ويفرحك بيه
ياااااااارب

شهرزاد يقول...

محاسن الجميلة
شكرا لسؤالك عني حبيبتي
والله أنت إنسانة جميلة جدا ودافئة وكلك حنان وحب للناس
ربنا ما يحرمك من بيرو ولا يحرمو منك
ربنا يخليكو لبعض ويفرحك به
لا تفكري عزيزتي في شيء الآن فقط عيشي يومك وحياتك وربنا هو الذي يسير الأمور ويقدرها بما هو خير لنا

وألف تحية

Abu ShoSho يقول...

إلى الأستاذة أم عبد الرحمن
إلى أمي و كل أم
يا من في رضاها جنتي

أحنّ إلى خبز أمي

و قهوة أمي

و لمسة أمي

و تكبر في الطفولة

يوما على صدر يوم

و أعشق عمري لأني

إذا متّ،

أخجل من دمع أمي!

خذيني ،إذا عدت يوما

وشاحا لهدبك

و غطّي عظامي بعشب

تعمّد من طهر كعبك

و شدّي وثاقي..

بخصلة شعر

بخيط يلوّح في ذيل ثوبك..

عساي أصير إلها

إلها أصير..

إذا ما لمست قرارة قلبك!

ضعيني، إذا ما رجعت

وقودا بتنور نارك..

وحبل غسيل على سطح دارك

لأني فقدت الوقوف

بدون صلاة نهارك

هرمت ،فردّي نجوم الطفولة

حتى أشارك

صغار العصافير

درب الرجوع..

لعشّ انتظارك!

http://music.6arab.com/marcel..ommi.ram

تحياتي

marmar يقول...

هيا مين اللي وحشه وحشه وحشه دي وابغض البشششششر !!
مظنش انك بتتكلمي عن ميسو صابر حبيبتي الرقيقه معتققققدش ابدا
انتي اطيب واحن واجمل ما يكون
الحمدلله بيرو رجع لدفئ حضنك وطيبه قلبك ربنا ما يحرمكم من بعض ابدا
يا اطيب بنوته وام في مصر كلها
وحشتيني

Sweet Violet يقول...

الحمدلله انه رجع حضنك ياجميلة و ارتاحتى

ربنا يخليكى ليه و يخليه ليك يارب

المهم انك دلوقتى بخير

و كمان انتى مش وحشة انتى جميلة بقى هه بس

و يااااااااااااارب تتخلصى من النص ساعه و الزمن الفظيع بتاعك ده

و تبقى زى الزمن العادى امييييييييييييييييين

على فكرة التحديث للأسف مابيظهرش عندى على الريدر انا داخله بالصدفه لقيت الكلام

لو سمحتى يعنى ياقمر تبقى تكتبى على العنوان تحديث علشان اخد بالى منه فى التعليقات اللى على الاميل (:

بوسه كبيرة ليك و لماما و بيرو

امااااااااااااااااااااانة ماشى ؟

المـــفـــــــقــــــــوعـــــة مــرارتـهــا يقول...

اللينك اهوه عشان مش تتوهي

http://3allisotak.net/apages.php?pids=972&ids=do

حاجات جوايا يقول...

ألف حمدا لله على السلامة يا حبيبى ليكى ولبيرو
ربنا ما يحرمكوا من بعض ابدا ابدا ابداااااااا يارب
الحمد لله انك بقيتى احسن وقريتى عينك به يا جميلة
الحمد لله حمدا كثيرا طيبا مباركا فيه

حنان الشافعي يقول...

اولا اسفه عالتاخير
ثانيا ربنا يصبرك ويكون في عونك انا مقدره جدا اللي انت فيه ربنا معاكي يا رب
والحمد لله ربنا رجعهولك بالسلامه ويارب يخليلك اصحابك يارب
تحياتي

SemSem يقول...

ان مع العسر يسرا
تأكدى تماما بان العسر فى الامر مرتبط باليسر فلم تكن الاية ان بعد العسر يسرا ولكنها مع العسر يسرا
فتأكدى تماما بأن لحظة الكرب التى يعيشها أى انسان سيأتى فى وقت هذا الكرب فرجا من عند الله

ربنا يخليلك ابنك ويكون من المدافعين عن دينهم بكل قوة

تحياتى بكل ود

شمس النهار يقول...

الحمد لله ان ربنا قر عينك وقلبك بقرب ابنك
ربنا مايحرمك منه ابدا
وانتظري جوائز السماء صدقيني لكل صابر محتسب لله جائزته

Soul.o0o.Whisper يقول...

سنسنننننننننن


حمدلله على سلامة بيرو
و ربنا ما يحرمك منه يارب


فعلا احساس البعد صعب اوى
بس يا سنسن لازم - بالرغم من مشاعرك و تعبك النفسى - إنك مش تحسسيه بدا

عشان بعد كدا ما يحسش إن مرواحه لباباه بيتعبك نفسيا فيقوم ما يبئاش عاوز يروحله بعد كدا


خلى بالك من نفسك


و خالص ودى
بوسة كبييييييييييييييرة :)

Habiba يقول...

حمد الله على سلامه بيرو ياستى
ياشيخه خضيتينى افتكرت حصل حاجه كبيره
طلعتى انتى اللى قلبك خفيف وماستحملتيش بعاده يومين
امال لما انا اتجوزه واخده يعيش معايا فى البيت هتعملى ايه؟ :)

maxbeta3zaman يقول...

الحمد لله ان التحديث أزال ماسبق ..نفهم طبعا لهفة الأم على وليدها ..ولكن لا بد من تهيئة النفس لبعض الابتعاد الوقتى ثم العوده.. سيحدث ذلك كلما كبر..هناك دراسة ومدرسة ثم عمل ثم زواج وأسرة ..لايمكن أن نستبقى أولادنا تحت ناظرينا للأبد ..اجعلى من فترات غيابه عن عينك فرصة لشحن بطاريات المحبة والحنان والرعاية (دونما قلق )..وربنا يديم الهدوء والسكينة على حياتكما

م/ الحسيني لزومي يقول...

الف سلامة ومتعك الله بالصحة والعافية ودوام السعادة انت وابنك وربنا يطرح فيه البركة

غروب يقول...

محاسن يا قمر

وحشتينى اووووى

انا حاسه بيكي اوى والله وكلامك هزنى

ياااااارب يخليلك ابنك ويخليكي ليه

وانتى انسانه جميله واكيد استجابه ربنا لدعائك شئ كويس ورضا باذن الله

elsha3er يقول...

ربنا يخليكى لابنك ويخليه ليكى ويطرحلك فيه البركة ويطلع شاعر كبير

ولا بلاش شاعر


بس اية الكلام الجميل اللى تحت دة بجد كلمات حلوة يمكن عشان بصدق

تحياتى


على فكرة احنا معندناش اصلا سكر ولا شاى عشان نعملك القهوة بتاعتك



احمد الشاعر

EMMY BABY يقول...

محاااااااااااااااااااسن فينك وحشانى جداااااااا

حمد الله على سلامة بيرو حبيبى وخطيب المستقبل

والحمد لله انك بقيتى كويسة اكيد طبعا بعد لما قريتى النكتة قلتى مش هزعل ابداااا لحسن ايمى تقلى نكت تانى تبقى مصيبة ههههههههههه

على فكرة انا مظهرشى عندى تحديث علشان كدة مشفتش الموضوع انا جيت اطمن عليكى لاقيته بالصدفة

بعد اذنك يعنى انا ضفت ايميلك لو معندكيش مانع

تحياتى

ايمى

Don_Lochy يقول...

ربنا يخليهولك ويستر عليه من بلاوي الزمن والناس
وربنا يخليكي ليه ويزيد من محبتك عليه
تحياتى

fashkool يقول...

ام عبد الرحمن
هو عبد الرحمن مش معاكى
احس ما بداخلك
ربنا يكون فى عونك
الابناء فلذات اكبادنا .. لا .. فلذات قلوبنا تمشى على الارض
ربنا معاكى
تحياتى

عاشــــــ النقاب ـقــــة"نونو" يقول...

يا الله
هو فيه اغلى منهم في الدنيا
دة اللي حصلك دة الطبيعي
عارفة حصلي كام حاجة كدة مع العيال ما كنتش جربت الا وقتها ازاي تكون غلاوتهم
عارفة طيرت في الهوا وانفصلت عن العالم وبيتهيالي اتجننت وبعدين لما اطمنت عليهم عقلت
عارفة انا لسة شايفة حلم النهاردة العيال كانوا محوره اتجننت اصلا في الحلم لحد ما لميتهم وبعدت الخطر عنهم
ربنا يقرعيننا كلنا بولادنا ولا يحرمنا ابدا منهم يارب
ربنا يبارك لك في بودي ولا بيرو ويعوضك خير يارب العالمين
تحياتي

احمد علام يقول...

طب الحمد لله مدام فيها حليم وكمان ضحك ولعب وامومه وعبد الرحمن
يبقي تمام كده والحمد لله
ربنا يسعدك

صوت من مصر يقول...

بما انى صاحب التعليق رقم 100
احب اقولك كلمه
انا قررت عدم الجواز

kalamfady يقول...

ربنا يخليلك ابنك بيرو

المحارب المتيم يقول...

السلام عليكم

أولا بشكرمتابعتك فى فترة السجن اللى قضيتها اليومين دول ربنا يعدى السنة اللى مع الشغل والنافاذ على خير يارب

ثانيا

انتى عارفة فى اغلب النساء حاسة الحنان

كبيرة وواضحة قوى مهما حاولوا يكونوا أقوي
وخصوصا لما يتعلق الحنان ده بالابناء
ربنا ما يحرمك منه يارب ويفرحك بيه

تحيتى وتقديرى

نهر الحب يقول...

هونى عليك محاسن
ان شاء الله خير
وتذكرى قول الله تعالى فإن مع العسر يسراً*إن مع العسر يسراً*فإذا فرغت فانصب*وإلى ربك فارغب
وان شاء الله تتحسن حالتك النفسية وتكونى احسن ان شاء الله
ويقر عينك بأبنك

قيس بن الملووووح يقول...

لمذا لا تزويننا ونحن في امس الحاجة لخبراتك واراءك

غروب يقول...

محاسن

فينك اتاخرتى علينا ليه ؟؟؟؟؟؟؟؟؟؟؟

ومش رديتى؟؟؟؟؟؟؟؟؟؟؟؟؟

وحشتينى

اصحى يا مصر : اسلام ديو يقول...

الف سلامة عليكى يا ميس محاسن ولله العظيم تلاتة وحشانى وكنت عايز اسأل عليكى لأن المدونة مكنش فيها بوستات جديدة فتخضيت ونصيحة لما تكونى فى اى مكان اذا كان معروف او غريب اقرأى ايه الكرسى فهى بتزيل التعب وبتدى راحة نفسية رهيبة

mahasen saber يقول...

هايدى.......

وبجد انتى نورتينى يا هايدى دى اعتقد اول زياره ليا وده شئ يسعدنى بالاخص كمان انك حسيتى بكلامى قوى

نورتينى وشرفتينى بزبارتك الكريمه وباحساسك العالى يا جميله

mahasen saber يقول...

صبرنى يا رب......

صبرنى الحبيبه ده انا كنت بغنى ظلموه
بس رحمة ربنا بينا واسعه قوى قوى
يا حبيبتى

نورتينى يا صبرنى وبعدين يا جميله ما انتى حاسه بغلاوتهم المفاعيص بتقطعنا ازاى

ربنا ما يحرمك من اى غالى عليكى ابدا يا حبيبتى

بحبك ياكيارا يقول...

صاحبة خطيبتي عامله ايه

mahasen saber يقول...

marmar........

حبيبتى الغاليه الغاليه اختى الصغيره او بنتى البيبى البرئ
دايما حاسه بيا بدرجه
ربنا ما يحرمنى من حبك ولاا احساسك العالى يا مرمورتى
بس الفراق صعب صعب صعب مع بيرو حتى ولو لساعه
انا كنت بموت يا مرمر
يا ربى الفراق صعب قوى قوى

ربنا ما يحرمك من اى حد بتحبيه يا حبيبتى
بس الشئ الوحيد اليى صبرنى شويه هو ان بيرو مع باباه وجده واهله لانى ببقى سعيده بانه يحس ويشعر بحبهم واهتمامهم واحتوائم ليه
برضه فلذة قلبى حتى ولو سعادته على حساب قلبى

المهم مش ناويه تضيفينى على الماسينجر بئه عشان اكلمك واتطمن عليكى
انا مستنيه منك اضافه او ابعتيلى ميلك
وده طبعا لو سمحتيللى يا قمر

mahasen saber يقول...

habiba.......

حبيبتى الحبيبه وخطيبة فلذة روحى السابقه طبعا عشان ريمان متزعلش
مالك مالك خير

يا احباطاتك وزعلك واهاتك
مالك يا بنتى هيا لمابتيجى فيكى بتيجى فيا انا كمان

هحاول اكلمك انا جاتنا نيله فى موبايلتنا
وخلى بالك على نفسك وبلاش هم ده انا كنت لو وافقت على استمرار الخطوبه كنتى نكدتى على الواد كل شويه

بس خدى بوسه امممممممممممممموه ودى طبعا عشان فسخنا الخطوبه

روقى يا هندسه كده واستهدى بالله

mahasen saber يقول...

marmar........

على فكره ضحكتينى بجد
ربنا يسعدك وميحرمنيش منك ابدا ابدا ابدا
يا مرمورة الروح والقلب

مع اعتذارنا لاخوانا الصعايده المدونيين طبعا
احسن دول كتير قوى يا مرموره وحبايبنا جدا جدا وقوى قوى قوى كمان
ومش عايزين نزعل حبايبنا

mahasen saber يقول...

mohamed ghalia.......

محمد انا كويسه الحمد لله
وبعدين اخويا الصغير يتطمن علسا ومبقاش كويسه ده اسمه دلع بئه

انا الحمد لله تمام طول ما انتا ومامتك واختك بخير يا اخويا الغالى
وابنى البار كمان

mahasen saber يقول...

غير معروف.......

يعنى ازعل منك يا محمد ولاا اعتذرلك انا اسفه فهمت هزارك غلط واتخضيت قلت مين ده هو انا نائصه
اسفه جدا جدا على عدم استيعابى للمزحه

واسفه لو عدم فهمى دايقك
انتا اخ غالى ربنا ما يحرمك من بنتك ويباركلك فيها وفى مامتها وميحرمكوش من بعض ابدا

دعواتك يا محمد
واسفه يا اخويا الكبير على بطء استيعابى مقدرتى على الفهم معدومه اعمل ايه بئه

mahasen saber يقول...

emmy baby.......

يا حبيبة قلبى يا ايمى كل ده عشان سعادتى اضحك
ربنا يسعدك يا حبيبتى يا رب

طب انا روحى اليى ضحكت واتبسطت من محاولاتك المستميته لاضحاكى دى

ولو شفتك هتبسط انبساط ما بعده انبساط بس مااوعدتكيش انك هتحسى بنفس الابساط
اصل رؤيتى مش مبهجه قوى

ربنا ما يحرمك من احبابك يا بيبى يا رب
ولاا يحرمنى منك ولاا من حبك الصادق ده
ها هشوفك انا بئه

mahasen saber يقول...

radarblog........

يا رب يا محمد يا رب

بس الحكم دى بتطلع وانتا قاعد على الابتوب بس ولاا ايه

والله مفتقده الكلام معاك جدا يا دكتورنا الكبير فى السن قوى
طمنى عليك وعلى الضفادع طبعا

mahasen saber يقول...

محمد فارس.......

انا اليى اسفه على بطء فهمى يا محمد وعلى عدم قدرتى على استيعاب هزارك
وبعدين انا خيبت ظنك انتا قلت ذكائى واديك جبته لنفسك وعرفت مقدار ذكائى
عشان متعشمش فى ذكائى تانى ابدا

اسفه يا محمد يا اخويا الغالى قوى كمان

mahasen saber يقول...

مسدس صغير......

طبعا الجمله دى مش غريبه على مسدس يقولها

منورنى يا مسدس ويا رب تكون دايما فى افضل حال بس مش متعمر

mahasen saber يقول...

hossam........

يا ربى على البراءه والطيبه والحنيه بتزعل لما بتلاقينى كده يا ربى
ايه يا حس الطيبه دى
يا رب يكون ابنى زيك يا رب

يا حبيبى ربنا يبارك فى عمرك ويباركلك فى مامتك وميحرمكش ابدا من كل من تحب

وانا كويسه طول ما انتا ومامتك واخواتك بخير

وطمنى انتا عليك اخبار المسابقه ايه يا رب خير ان شاء الله
وانا اليى عايزه اتطمن عليك وعلى مامتك ممكن تطمنى عليها

كلاكيت تانى وتانى يقول...

بطلى يا بنت يا شرقاوية زىى انتى دلع ويالا ساعدينا ننشر الايفنت دة على الفيس بوك وعلى المدونات ادخلى عندى على المدونة خدى الغلاف وانشرية عندك بلاش دلع ونتقابل فالحفلة برغم ان بينى وبينك شارع وحارة بس بتقابلى اللى فالقاهرة واحنا لسنا متعرفناش هههه يالا اشوفك بخير نمرتى مع احمد مهنى لو حبيتى تكتئبى معغ واحدة شرقاوية زيك اتصلى انا تحت امرك يا جميل كونى بخير وبطلى دلع انتى قوية وهتفضلى ........
ارجو نشر الايفنت لديك على مدونتك او جروبك والدعوة لحضور الحفل بين كل المدونين واصجقائكم على الفيس بوك وذلك لتأييد المدونات المشاركات فالحدث ويشرفنا حضورك
حفل توقيع العدد الثالث من سلسلة مدونات مصرية للجيب
كتاب "أنا انثى " ..لمجموعة من المدونات النساء

أول كتاب يناقش اهتمامات المرأة بقلم مجموعة من النساء ويطرح القضايا للنقاش

ضيفة شرف الحفل ..(غادة عبد العال ) صاحبة مدونة ..عاوزة أتجوز..والتي صدر لها كتاب بنفس العنوان عن دار الشروق

ومن المشاركات في كتاب ..أنا أنثى
نوارة نجم
اسر ياسر
ايناس لطفى
نرمين البحطيطى
شمس الدين
د . رشا عبد الرازق
بيلا شريف
مكسوفة
بسمة عبد الباسط
مريم الغنيمى
إيمان نادى
زهراء امير بسام
آية الفقى
مروة السيد
أميرة محمد محمد محمد
فاتيما
مذكرات عانس
نرمين البحطيطى
سلمى أنور
انجى سمراء النيل
سارة ابراهيم على
سمر مجدى
مروة النجار
شيماء حسن
نسرين عبد النعيم
د.مرام محمود
ايناس لطفى
نجلاء الشربينى
محاسن

يصاحب الحفل عرض فيلم قصير و==================================
المكان
المركز الثقافى الدولى
17 ش السد العالى ميدان فينى الدقى
الشارع المقابل لشيراتون الجزيرة
اقرب محطة مترو انفاق محطة الاوبرا
الزمان
يوم 3 مارس الساعه 4.30 عصرا

mahasen saber يقول...

maryoom..........

شوفى يا مريوم يقطع كلامى اليى بكاكى من جذوره ولاا تزعلى ولاا تبكى يا جميله

نورتينى يا حبيبتى وشرفتينى بزيارتك الكريمه والجميله دى
واسفه ان اول زياره تكون فى البوست المحزن ده

بس نورتينى يا حبيبتى قوى قوى وكتير كتير كتير كمان

mahasen saber يقول...

الازهرى.......

الحمد لله يا ازهرى عملت زى ما قلت وفتره وعدت وراحت لحالها
بس بعد ما دمرت جزء غير هين من نفسيتى

هو البعاد بس اليى مؤلم وقوى كمان

ربنا ما يحرمك من احبابك يا ازهرى

ABOALI يقول...

خير خير خير
ان شاء الله كل امرنا خير
كل شيىء وراءه حكمة
اكيد كلها خير خير
فكونى للتفاؤل عنوان"
يعرف الخير لك عنوان"
ولا تتضل البسمه طريقا" لك


تحياتى

محمد فارس يقول...

الاخت الغاليه
محاسن ام عبد الرحمن
يااااااااااااااااااااااااه
اخييييييييييييييييييييييرا
ارحتيني نفسياعارفه انا قد ايه تضايقت من نفسي وقلت طيب ترد عليه
وتقولي انا غلط في ايه واعتذر لها وبعد كده اللي يحصل يحصل لكن الحمد لله
ولا داعي للاسف انا اللي ما عرفتش اختار الوقت المناسب
لكن الحمد ةلله حصل خير
واشكرك جدا لدعواتك لي ولابنتي وزوجتي
مع احترامي وتقديري لك

يوميات نائمة في الأرياف يقول...

حبيبتي محاسن
طبعا مش هقدر اقولك اانتي وحشتيني قد اية؟
بجد وحشتيني جدا
ربنا يخليلك عبد الرحمن وتشوفيه احسن انسان في الدنيا
وابقي اسألي
رنا

mahasen saber يقول...

yoyo........

يويو حبيبتى الحمد له يا غاليتى انا بقيت كويسه الواد بيرو افندى نام فى حضنى من يوم السبت اليى فات فبقيت من لحظة ما شفته وانا فى كامل الصحه والخير والامان وراحة البال

ربنا ما يحرمك من احبابك يا يويو يا حبيبتى
ويطمنك على كل عزيز عندك

طمنينى انتى على اخبارك واخبار شغلك ايه
يا رب دايما فى افضل حال

mahasen saber يقول...

ريمان........

ريمو الحبيبه الحمدلله يا حبيبتى خطيبك فى اتم صحه وحال وحماتك كمان
وبالعند فى حبيبه

الحمدلله يا ريمو كل شئ تمام
المهم انتى اليى كويسه وتمام
يا رب تكونى بافضل حال يا حبيبتى
يا ملاك

ايوشة يقول...

ربنا يحفظه يارب ويخليهولك ومش يحرمكم من بعض ابدا

mahasen saber يقول...

تامر على........

كلماتك فى منتهى العقلانيه والرقى
وفيها سمو روحانى عالى قوى قوى

معرفش ده نتاج تجربه ولاا الحكمه دى هبه من المولى عز وجل ليك

شرفتنى واسعدتنى بكلماتك الراقيه

ربنا يكرمك فى كل من تحب
ويباركلك فيما وهبك

mahasen saber يقول...

الطائر الحزين........

واه من فقد الاهل والصحاب

ازيك يا طائر شرفتنى يا اخويا الكريم
واسفه انا مقصره فى زيارتك
اعذرنى ارجوك مشاغل والله بس بنشغل وفى ابنى ليس الا
فاسفه على تقصيرى فى متابعة جديدك وارجو منك سعة الصدر لقبول اعتذارى
اختك ام بيرو

mahasen saber يقول...

heba sayed........

بعد الشر عليكى من الخضه يا حبيبتى

الحمدلله يا هبه انا تمام وبرد على التعليقات اهه
يعنى لسه عايشه الحمدلله

شكرا يا حبيبتى على اهتمامك ورقتك دى
ربنا يبارك فيكى وفى روحك الجميله دى

mahasen saber يقول...

احوال الهوى.........

استاذنا الغالى والبار بينا جدا احوال الهوى
اولا مفيش اى اعتذار بينا ده انا اليى بعتذر عن بطئى فى الزياره وحرمان نفسى من التمتع بجديدكم والاستمتاع بما تبدعون
فاسفه انا جدا جدا عن التقصير الفادح ده

انمابالنسبه ليا ابدا الموضوع مش فراغ بتاتا مع احترامى لراى حضرتك
انما انا بتألم لما بفقد ورقه قديمه عندى اتكتبت فيها جمله ما من حد عزيز عليا ما بال حضرتك انى افقد وافتقد عمرى وفلذة روحى ليومين بحالهم
اربع سنيين وشى فى وشه كل يوم وحضنه فى حضى كل يوم وفجأه ابقى فى دنيتى يومين بحالهم من غير ما المسه واشوفه قدامى من غير ما اتأكد انه كل وشرب ومتغطى كويس ودفيان وفرحان ولاا زعلان

استاذ احوال ده اليى كان تاعبنى ومكهربلى حياتى ليس الا
الفراق بس وربنا ما يكتبه على حد هذا الفراق مع انه شئ ملازمنا زى الهواء ومن الصعب والمستحيل اننا نعيش من غير ما ندوقه حتى ولو مره

حضرتك نورتنى وشرفتنى جدا بزيارة حضرتك الكريمه
وشموسه اليى انا وكيارا وضد كتبناه فيها من ااقل ما يتكتب فيها لانها ارقى واروع من كده بكتير قوى

mahasen saber يقول...

طوبه ذهب وطوبه فضه........

اللهم امين يا حبيبتى

ربنا يباركلك فى روحك الجميله اليى الهمتك بالدعاء الجميل ده ليا ولابنى
ربنا يباركلك فى كل من تحبين
اللهم امين يا حبيبتى
اللهم امين

mahasen saber يقول...

انا ودماغى.......

الحمدلله يا ايه خير كل شئ خير وتمام
انتى طمنينى عليكى اخبارك ايه
والدراسه عامله ايه
ربنا يوفقك يا حبيبتى يا رب
خلى بالك من نفسك ومذاكرتك والدولاب
وطبعا فاهمه

mahasen saber يقول...

موجه........

يا حبيبتى يا مليون اهلا وسهلا بيكى ونورتينى وشرفتى مدونتى المتواضعه بزيارتك الكريمه

ووواضح يا موجه ان اغلب ستات مصر مشتركين فى الحلم ده انهم يتطلقوا وده للاسف طبعا
لان خراب البيوت من اقهر واصعب ما يكون

ربنا يعوضك خير يا حبيبتى
وتقبلينى ضيفه عليكى فى مدونتك وده طبعا لو مش يدايقئك
نورتينى واسعدتينى بالزياره الكريمه يا حبيبتى

mahasen saber يقول...

nour shaheen.......

يا حبيبتى ربنا يكرمك يا نور على النصيحه وفعلا بتحسى ان ربنا بيحصن اليى بتذكريه بالدعاء ده

دعواتك يا نور لبيرو وادعى ان ربنا يكرمنى فيه

نورتينى يا حبيبتى يا غاليه
ودايما جميله وطيبه يا نور ودايما روحك جميله كما اسمك

mahasen saber يقول...

sometimes.......

مهى الدنيا يا منى اوقات اوقات ولاا ايه يا جميله

وحشانى بشكل عمرك ما هتتخيلى قد ايه
يا رب تكونى بافضل حال وصحه
وزوجك يكون بافضل حال يا حبيبتى

ربنا يطمنا عليكى دايما يا غاليه

mahasen saber يقول...

dodda.........

انتى الاجمل والارق والارقى يا دوادا يا غاليه

وربنا عالم يا حبيبتى بحبك ازاى فيه وبدعيلك انه يكرمك ازاى
وده لانك روحك ورقتك واحساسك بالبشر فوق الوصف

ربنا يباركلك يا حبيبتى فى كل من تحبين

mahasen saber يقول...

نهار........

يا حبيبة قلبى يا غاليه يا بنت بلدى الروحى كمان

ولاا يحرمك ابدا من اى عزيز عندك يا حبيبتى

ربنا يباركلى فى روحك الجميله زيك يا نهار يا رب

mahasen saber يقول...

الجواز وسنينه......

اللهم امين يا حبيبتى

ربنا يباركلك فى كل من تحبين يا غاليه

انتى وحشتينى جدا جدا فينك يا حبيبتى يا رب كل شئ يكون تمام وبخير معاكى يا حبيبتى

mahasen saber يقول...

soul000..whisper.......

اممممممممممممممم اعمل ايه فيكى وفى كلامك يا سولو

كلامك منطقى جدا وعقلانى
وانا وقلبى بقول اه ياانى

بيرو يا سول عمرى كله فيه وحياته بتدور فى فلكه فطبيعى بحاول اعمله الافضل وافك طوق خنقتى عنه
بس مهما عملت هيفضل جوايا احاسيس ام ممكن احجمها بس مقدرش اسيطر عليها

اعمل ايه فيا بئه

بس كلامك رائع كما روحك وعقلك الراقى يا سولو

وخدى بوسه من قلبى ليكى اممممممممممممممموه عشان انتى بنت جميله ورقيقه

mahasen saber يقول...

حاجات جوايا.......


اه يا سالى فهمتى اليى جوايا وحاسه بيا ام بئه زى حالاتى
نعمل ايه فى قلبنا الرهيف ده يا سالى

ربنا ما يحرمنا منهم ابدا
ويباركلنا فى اعمارهم

اللهم امين
ربنا يباركلك فى ابنك وميحرمكيش ابدا من دودو ولاا من ابوه ولاا من اى حد بتحبيه يا حبيبتى يا غاليه يا جميله القلب والقالب

mahasen saber يقول...

اسامه عبد العال.........

صباح ورد التيوليب والياسمين الابيض

ايه الصباح ابو ريحه حلوه ده

كلامك يا فيلسوف ادانى جرعة امل ونشاط روحى غريبه

يا رب فيلسوفنا دايما صباحه وصباحاته مفعمه بالفل والنشاط الروحى دايما

mahasen saber يقول...

momken........

ممكن لا لا لا دايما ظالم الغلبانه كيارا معاك
ارحم البنيه شويه اصل تقلب عليك سيرا
وانا مليش دعوه

والمستقبل طبعا اجمل يا ممكن مش بيرو بئه فى حضنى يبقى اجمل واجمل واجمل كمان

ربنا ما يحرمك من اى حد بتحبه
ويباركلك فى كل من تحب
اللهم امين
يا ممكن يا اخويا الغالى قوى قوى
وسيبك من كيارا انا بحذرك لمصلحتك
مرداش لاخويا الاذيه

mahasen saber يقول...

سمكه واحده.......

طب ارد على التعليقات واغيره يا سمكمك
ولاا ايه يا جميله

بس من غير ما احلفلك يا سمكتى
انا يا بنتى بحبك حب
سبحان الله ربنا يكرمك يا سمكمك على جمال روحك ده يا قمرى انتى

mahasen saber يقول...

عاشقة الفردوس......

اللهم امين يا حبيبتى

دعواتك الباره وبظهر الغيب ربنا يكرمك يا رب

ونورتينى يا حبيبتى
ربنا ميحرمكيش ابدا من من تحبين
يا رب

mahasen saber يقول...

قيس بن الملوووح.......

قيس وحياتنا اصلا واقعه فى فوهة بركان وماشيه برحمة ربنا بس

نورتنى واسعدتنى بالزياره الكريمه دى

وفرحت قوى لما لقيت لسه فيه قيس فى الدنيا

ربنا يباركلك فى كل من تحب

mahasen saber يقول...

المفقوعه مراراتها.......

سحر الغاليه الحبيبه الجميله اليى انا مقصره معاها لا بزورها ولاا حطيت باتر كتابها ابنها الصغير عندى فى المدونه
سامحينى اختك الكبيره وغلطت

وحشتينى يا جميله وحاضر هشوفه

واعذرينى انى اتاخرت فى انى احط باتر الكتاب فى مدونتى
انا اسفه يا حبيبتى ليكى ولكل مدون زميل لينا نزله كتاب

mahasen saber يقول...

ahmed 3alam.......

اولا اخويا الصغير واحشنى جدا جدا جدا وعامل ايه فى مذاكرته

ثانيا هتحب ولادك غصبن عنك وعن مراتك واكتر منها كمان
ثالثا حد يسيبنى على علام ده عشان اضربه علقئه خلص مذاكره الاول وبعدين تشوف موضوع قراراة الحب دى يا عبقرينو

بس مجرد بس تواجدك عندى بيسعدنى وبينورنى يا نائب رئيس ونائب زعيم جمهورية الشرقيه للدخان
ده على اساس انك من اسماعيليه يا رئيس جمهورية المانجه

mahasen saber يقول...

حاجات جوايا.....

سالى حبيبتى الحمد لله يا جميله
وبرد على التعليقات اهه
شكرا على سؤالك يا غاليه اختى بجد فعلا

mahasen saber يقول...

مصطفى ريان.......

الحمد لله يا درش بقيت تمام وفى افضل حال

انتا اليى اخبارك ايه وعملت ايه فى حياتك

ربنا يسعدك ويباركلك فى كل من تحب
اللهم امين

mahasen saber يقول...

عاشقة القمر.......

اختى الحبيبه بنت بلادى الغاليه

انا بعتلك الرقم على الماسينجر واى حاجه تحتاجيها انا تحت امرك يا جميله

تنورى مصر وهتقعدى معايا فى بيتنا
انا انتى فخليكى معايا التيون اتفقنا

mahasen saber يقول...

محمد فارس...........

اللهم امين يا اخويا الكريم
وربنا ما يحرمك من قرة روحك ابدا
ويباركلك فيها وفى والدتها

mahasen saber يقول...

شهرزاد......

شهر الرقيقه المبدعه الكريمه فى مشاعرها تجاه الغير

مليون شكر من قلبى لكرم اخلاقك وكلماتك الطيبه دى يا شهروزه

ربنا يكرمك ويسعدك بروحك الحلوه دى
والروح دى مش غريبه على مبدعه زيك

ربنا يديم محبتنا فيه وتحت ظله
ونورتى بيتك وبيت اختك يا اجمل شهور السنه

mahasen saber يقول...

abo sho sho.......

اممممممممممممم المره دى مارسيل خليفه
طب هايل لانى بحبه جدا

وبعدين اى شئ من اخونا ياسر بيبقى ليه طعم ومدلول راقى كما روحه بالضبط

ربنا يباركلك فى روحك الراقيه
ويباركلك فى ملايكتك ويحفظك لكل من تحب

....
بس هو فيه حد تانى بيغنى الاغنيه دى اعتقد ..غيرى طبعا..

mahasen saber يقول...

marmar.......

يا مرموره انتى شايفانى بعيون ملايكه
انا عارفه نفسى عايز بير بترول واترمى فيه هههههههههه

بس تسلميلى يا مرمر يا غاليه
يا حبيبتى ربنا يجعلنى دايما عند حسن ظنك
واشوفك على خير نفسى نفسى اشوفك على خير
ان شاء الله
اممممممممممممممممموه لقلبك الطيب

mahasen saber يقول...

sweet violet.........

يا ضد يا ضد ارجع كما كنت احسلك

انا زعلانه انا عايزه ضد وقد قال اليى عنده انا اهه

ولو عايزانى اخلص من النص ساعه ترجعى لضد كما كانت
وانا اريحك من النص ساعه على بعضها وامشى معاكى كما بج بن

اتفقنا ولاا كلام ناس ساعتها وزمانها ملخبط
ناس بئه مش انا

mahasen saber يقول...

المفقوعه مرارتها........

سحر الجميله شوفتها ايه الجمال ده وانتى اليى كاتباها كمان
انا معتقدش انك تكونى اليى كاتباها

يا حبيبتى تسلملى وتسلم موهبتك وذوقك ورقتك
انا مش عارفه ااقولك ايه بصراحه
انا جايه عندك اشكرك فى عقر دارك
وبعدين هنزله على المدونه فى ااقرب فرصه
شاكره لذوقك وكرم اخلاقك وروحك الجميله قوى قوى يا سحوره

mahasen saber يقول...

حاجات جوايا......

اجمل وارق واطيب سالى فى الدنيا مش فى دمياط بس

ربنا يباركلك فى دودا يا حبيبتى
ويباركلك فى كل من تحبين

الحمد لله يا حبيبتى ربنا كرمه واسع ومطولش الم الفراق الحمدلله

المهم انتى وملاكك بخير
يا رب دايما يا سالى فى افضل حال يا غاليه يا حبيبتى

mahasen saber يقول...

حنان الشافعى.......

اولا ده بيتك وبيت اختك يا حنونه فمفيش اى اعتذار بين الاخوات
وتشرفى وقت ما تحبى يا حبيبتى

وكفايه تشريفك ليا ده شئ يسعدنى وفى اى وقت يا حبيبتى

ونرتينى وشرفتينى برقتك وبزيارتك الكريمه

mahasen saber يقول...

sem sem.......

ونعم بالله يا سمسم وجزاك الله كل خير
اشارتك للايه الكريمه بتدى تطمئنينه وراحة نفسيه عجيبه

جزاك الله كل خير

وشاكره اهتمامك وذوقك وكرم اخلاقك
نورتنى وشرفت المدونه يا سمسم

mahasen saber يقول...

شمس النهار.......

الحمد لله يا شموسه ويا رب ربنا يكرمنى فى بيرو

وكرم ربنا واسع واسع واسع وفوق ما نتخيل فعلا او عقلنا الدنيوى يستوعب

دوشتك انا وقلقتك بالموضوع ده انا عارفه بس انتى كده مريحه وطيبه وبتحتوى اليى بيكلمك ودايما نصايحك فى الصميم
فلازم لازم ابوح وافضفض مع شموستنا الرقيقه
بس ليكى عندى يا جميله فنجان قهوه للصداع وبوسه لروحك الجميله
اممممممممممممموه

mahasen saber يقول...

soul000 ..whisper.......

سول الجميله يا حبيبتى تسلمى وروحك من كل شر

بس انا واخده بالى من النقطه دى ومقدره كلامك فيها

ربنا يفرحه بباباه وجده واعمامه واهله الجداد ويفرحنى بيه ويفرحه بكل دنيته ويبارك فى عمره
اللهم امين

نورتينى يا حبيبتى يا جميله
يا سولو يا رقيقه

mahasen saber يقول...

habiba..........

ههههههههههههه يا ربى على الناس اليى لسه معشمين

ماشى يا هندسه اتصرفى مع معجباته

وحشتينى يا جميله
الحمد لله يا حبيبتى
وبعدين يا حب عشان تعرفى لو ليكى نصيب فى الواد ان حماتك قلبها ارق من ورق السجاير

Hossam يقول...

hey ma frind
i really feel discomfort for you,and i can not contact with you.ur topic as usual buzzed me positively.hope hear from you soon
عايز ابقى اشوفك فى حفل توقيع كتاب انا انثى
تحياتى سلام حبيبة قلبى وبوسيلى عبد الرحمن

Hossam يقول...

محسان بليييييييييز طمنينى عليكى انا بجد قلقان بطريقة غريبة كلامك وردك على التعليقات مش مطمنى خالص
بجد حاولى تطمنينى حتى لو بمسج

mahasen saber يقول...

maxbeta3zaman.......

استاذنا الغالى ياه انا سعيده ان حضرتك بقيت بتنور المدونه بزيارتك الكريمه بجد افتقدناك جدا جدا فى البوستات قبل الاخيره بس الحمد لله وكمان اليى زاد الافتقاد انى كنت معتقده ان حضرتك مش بتكتب جديد فى مدونتك
منه لله الريدر اليى معندوش ضمير ولاا تحديث

اما فيما يخص بيرو فكلام حضرتك سليم ومقدرش اجادل فيه وبالذات انه من اب ليه باع وخبره مع اولاده ربنا يبارك فى اعمارهم
بس هو الموضوع كله زى ما حضرتك قلت قلب الام ولهفته على اولادها
بس هحاول مخنقوش بحبى لان زى ما حضرتك قلت فيه دراسه وعمل وزواج واصحاب ورحلات وحياه تانيه قدام ربنا يبارك فى عمره لازم يعيشها من غير وجودى معاه وفى وشه

ربنا يسعده ويبارك فى عمره ويجعل حبى ليه طوق نجاه مش حبل مشنقه

حضرتك نورتنى وشرفتنى بزيارة حضرتك واهتمامك اليى فوق دماغى وجوه قلبى كمان

mahasen saber يقول...

م/الحسينى لزومى.......

اللهم امين
وجزاك الله كل خير يا مهندسنا الكبير والكريم

وااقولك زى ما الملايكه هتقول
ولك مثله

ربنا يبارك لحضرتك فى كل من تحب
ويبارك لاحبابك فيك

بحبك ياكيارا يقول...

قوللها وحشانى وواحشنى شقاوتها

mahasen saber يقول...

غروب.......

غروبتى الجميله وحشتينى يا حبيبتى

ازيك يا جميله
ها هلف وراكى تانى

ربنا يكرمك على حسن ظنك يا غروب ده من كرم اخلاقك وروحك العاليه ليس الا

نورتينى يا حبيبتى واتمنى اشوفك على خير
واتمنى ملفش تانى وراكى فى البلوجر
اصل البلوجر واسع قوى ورجلى بتوجعنى

mahasen saber يقول...

elsha3er..........

هههههههههه يا ساتر يا رب ايه البخل ده ولاا ااقول الفقر اختار حاجه يا احمد منهم
خلاص ليك بالذات هاجى بالسكر والقهوه والميه كمان واوعى تقلى معندكش كوبايات يتشرب فيها

ربنا يكرمك يا احمد
وبعدين يا رب يكون فيه حس الشعراء العالى وروحهم الساميه انا اطول

نورتنى يا شاعرنا الكبير الصغير فى السن الجميل الطيب البخيل او الفقير اليى يختاره بئه

mahasen saber يقول...

emmy baby........

يا حبيبتى يا ايمى ده انتى تضيفينى على بعضى مقدرش ااقولك حاجه
انا نفسى اكلمك جدا واعرفك عن قرب كمان لانى بحبك جدا جدا وبحس بالبراءه بمجرد ما بلمح اسمك وبقرا تعليقاتك وبوستاتك

بس قوليلى نكت تانى هههههههههههه اصلى مبتبش
نورتينى يا جميله

mahasen saber يقول...

don lochy.........

اللهم امين

نورتنى جدا وربنا يبارك فيك وفى دعائك الجميل ده

الاسم حلو قوى كاسم مع انى جاهله ومعرفش المعنى بس ده ايطالى انا اخدت كورسين ايطالى ومش فاهمه المعنى كارثه ليطلع حاجه تانيه

بس الاعتراف بالجهل مش خطيئه

نورتنى واسعدتنى بالزياره الكريمه جدا جدا جدا وفوق الوصف كمان

mahasen saber يقول...

fashkool.........

استاذى الغالى وعمى الاغلى والكبير قوى قوى
هو معايا الحمدلله يعنى هو هيروح منى فين بس انا قلبى قلب خسايه ومستحملش يومين يباتهم بعيد عنى
ده كل الموضوع اليى كهربنى وقطعلى اوصالى من جوه كمان

نورتنى يا عمى الغالى وربنا يباركلى فى حضرتك ويباركلك فى فلذات قلبك واولادهم
اللهم امين

mahasen saber يقول...

عاشقة النقاب نونو.........

يا حبيبتى يا نونو ربنا يباركلك فيهم اللهم امين

انا مكنتش اتخيل ان الامومه بتخلى الانسان ضعيف وقلبه مش فيه كده
بس والله نعمه ما بعدها نعمه ربنا يرزق اليى ممعوش اولاد
عارفه انا بحمد ربنا كل يوم على النعمه اليى انا فيها حتى ايام المحاكم كنت ااقول سبحان الله لو مش معايا ابنى مكنتش دخلتها ولاا كنت حاربت على شئ ولو مش معايا ابنى مكنتش هحس انى عايشه اصلا ابنى هو حياتى يعنى من غيره انا مكنش غير صفر على الشمال وملوش اى لازمه طبعا

ربنا يبارك فى اعمارهم وميحرمناش منهم ابدا ويقدرنا على تربيتهم يا نونو

mahasen saber يقول...

احمد علام........

علام علام علام الحمد لله اصله بات بعيد عنى يومين نص شعرى شاب فيهم وصحتى نزلت النص التانى
الامومه بئه يا سى علام باشا

اخبارك ايه يا علام يا رب تكون بافضل حال
والدراسه بدات عندك ولاا فيه فرق توقيت

انا جايه اتطمن عليك ممكن توسعلى

mahasen saber يقول...

صوت من مصر.........

يعنى اتعقدت منى ولاا ايه ههههههههههه

بس البوست ده عن الامومه يعنى المفروض تكون قررت عدم الخلفه ههههههههههه

على العموم نورتنى وشرفتنى وانا كفيله اخليك تغير الفكره والقرار اه اصلى مش هعيش بذنبك

mahasen saber يقول...

kalamfadey..........

اللهم امين
ويخليك لكل من تحب
ويباركلك فى كل من تحب
نورتنى وشرفتنى واسعدتنى وشرحت قلبى بالدعاء الجميل ده

mahasen saber يقول...

المحارب المتيم.......

يعنى ااقول كفاره ههههههههه الناس هتفتكر انك كنت مسجون صحيح
هو الجيش بالنسبه ليكوا حبس انفرادى ولاا ايه على كده الستات فى نعمه

حمدالله على السلامه وسؤالى عليك ومتابعتى ده واجب
احنا اخوات وطبعا انتا الكبير وانا الصغيره
متنكرش

نورتنى وشرفتنى جدا وحمدالله على السلامه وتعيش وتأدى خدمه غيرها لبلدك يعنى

mahasen saber يقول...

نهر الحب........

ايناس الحمد لله يا حبيبتى انا تمام الحمد لله
اصله نام يومين بعيد عنى بس الحمد لله رجع لاحضانى سالما

ربنا يبارك فى عمره انا مش معترضه على انه يبات مع والده بس قلب الام اربع سنيين وشى فى وشه وفجأه كده فى يومين بحالهم مشمش ريحته الا فى هدومه بس

ربنا ما يحرم ام من ابنها ابدا
ويباركلنا فيهم ويقدرنا عليهم

mahasen saber يقول...

قيس بن الملووووح.........

والله تأخيرى فى الزياره على عينى بس انا برجع من الشغل العب واذاكر مع ابنى ولما بدخل النت مبلحقش ساعه او غيرها وبنام علطول
اسفه على تأخيرى والله بس المشاغل فاسفه جدا جدا

بس متتعشمش قوى يا قيس فى خبراتى وارائى دايما مش فى محلها
بس يشرفنى ازورك انتا وليلى طبعا اهه نحس ان الدنيا لسه فيها خير ورومانسيه

mahasen saber يقول...

غروب........

غروبتى حبيبتى حبيبتى لسه بقول لقيس اهه وبشرحله المشاغل والله يا غروب ومبلحش ادخل النت بتاتا

بس جايه يا حبيبتى على عينى تأخيرى عليكى
والله على عينى
اممممممممممممممموه لحد ما اجيلك

mahasen saber يقول...

اصحى يا مصر..اسلام ديو........

ديو البكاش انا زعلانه منك عشان معرفش بتغيب عنى فين هو انا ياابنى كنت قتلتلك قتيلا بسال عليك كل الشرقاوه وبقلهم يبلغوك سلامى ومعرفش بيوصل ولاا كرم الشرقاوه بيوصلوه لحد تانى فى السكه

انتى اليى وحشنى جدا جدا يا ديو والله واخبارك ايه واخبار دراستك يا فنان
عايزين معرض قريب ولاا انتا مفكرتش فى كده

ربنا يوفقك دايما ركز فى دراستك ومستقبلك ربنا يعينك ويفرح مامتك وووالدك بيك
قول اللهم امين

وحاضر بقراها وهقراها وجزاك الله كل خير يا ديو

mahasen saber يقول...

كلاكيت تانى وتانى.........

لا لا لا انا دوخت عليكى حرام تظلمينى
قافله التعلقات ومعرفتش اوصلك وااقرى رسايلى فى الشاتبوكس عندك
وحشانى جدا جدا والله
ويا رب تكونى بالف خير واولادك فى اتم صحه يا حبيبتى

ايميلى فى البروفيل يا ريت تبعتيلى رقم تليفونك فى ميل وانا هكلمك وااقابلك علطول
تبقى فى محافظه واحده وبلد واحده ومش عارفين نقابل بعض طب ازاى

mahasen saber يقول...

aboali..........

طالما ابو على بيتكلم يبقى لازم التفاؤل يكون فى الموضوع طبعا

الحمد لله يا ابو على الدنيا جميله ووردى وبيضا وكل الالوان المبهجه طالما قلبك مستريح على من تحب وبمن تحب

نورتنى يا اخويا الغالى
وشرفتنى واسعدتنى دايما بالزياره
بيت اختك بئه

mahasen saber يقول...

محمد فارس........

انا اليى اسفه كمان مره وكمان عشان قلقتك عليا

ومفيش بين الاخوات قلق اصلا
المهم يا رب تكون انتا كويس وملاكك الصغير بالف خير
وزوجتك الصالحه فى اتم صحه

ربنا يباركلكوا فى بعض وميحرمكوش من بعض ابدا ابدا
اللهم امين

نورتنى يا اخويا الغالى واسفه على اليى سببتهولك من قلق يا محمد اسفه جدا
اختك بتعتذر

mahasen saber يقول...

يوميات نائمه فى الارياف.........

رنا رنا رنا يا حبيبتى وحشانى وحشانى وحشانى
يا حبيبة قلبى يا رب تكونى بافضل حال
انا اتاخرت فى زيارتك والاتطمئنان عليكى انا عارفه
اعذرينى يا حبيبتى انتى شايفه اهه لسه برد على التعليقات

المهم انتى كويسه وبخير
يا رب تكونى فى افضل حال يا حبيبتى يا رب

mahasen saber يقول...

ايوشه.........

يا حبيبتى اللهم امين
ربنا يكرمك ويباركلك يا ايوشه فى كل من تحبين

نورتينى يا حبيبتى وشرفتينى بزيارتك الكريمه

mahasen saber يقول...

hossam.........

حسام حسام حسام حس الغالى اخويا الصغير وابنى الاصغر

انا كويسه يا حسام الحمد لله اتطمن انا وبيرو فى افضل حال الحمد لله

انتا اليى عامل ايه واخبارك ايه والمسابقه عملت فيها ايه

هحاول اوصلك بالماسينجر واتطمن عليك

ربنا يبارك فى عمرك ويوفقك ويكرمك فى مستقبلك يا ابو دماغ راقيه وحس ارقى واعلى كمان
وسلامى الجامد لمامتك اليى طلعت انسان عقله راقى كده ربنا يباركلك فيها

وخلى بالك من نفسك
ولو رحت اكيد هشوفك ان ربنا اراد
وشكرا على اهتمامك يا حس اخويا الصغير يا ناس
يا رب اشوف بيرو زيك ولو حتى فى جزء بسيط زى ثقافتك وعقلانيتك

عمرو يقول...
أزال المؤلف هذا التعليق.
عمرو يقول...
أزال المؤلف هذا التعليق.
عمرو يقول...

يا أم عبد الرحمن كلما ضاقت بك الأحوال تذكرى قول الله المولى العلى القدير
(( قل لن يصيبنا اٍلا ما كتب الله لنا هو مولانا و على الله فليتوكل المؤمنون ))
و الحمد لله أن الأزمه مرت على خير و لكن كونى حريصه فى المرات القادمه
حفظك الله أنتى و اٍبنك و أبعد عنكما كل شر

marmar يقول...

ميسوووووووووووووووووو
اسفففففففففففففه
اسسسسسسسفه اني مشوفتش تعليقاتك هنا
ولله الدراسه والمذاكره والكليه برجع منها تمانيه وسبعه بليل ولله
معلش يا ميسووووووووو يا قمري
بصي يا حبيبتي بالنسبه للميل اكتبهولي في البلوج عندي عشان مش عارفاه انا ودورت عليه مش لقيتوا
ومش هنزل التعليق بتاعك عشان الميل
اوكي يا جميله
لا اله الا الله

mostafa rayan يقول...

ربنا يحفظك ليه ويكون قرة عين لك

غروب يقول...

محاسن وحشتينى اوووووووووووووووووووووووووووووى والله

طمنينى عليكي

وربنا يشفي محمد احمد سكر يااااااااااااااااارب

والله زعلت جدا لما عرفت

ربنا يقومه بالسلامه لوالده ووالدته

zainab يقول...

عزيزتى محاسن

أولا ربنا يشفى محمد

ثانيا يارب كمبيوتر كيارا يتصلح هههههههه

ثالثا ربنا يخلى لكى بيرو و يجعله الإبن البار بك يارب اللهم أمين

تحياتى

شخـا بيــط مـحـجـوب يقول...

الف الف مليون سلامة

ربنا يطمنك

طمنينا عليكى يااختى

تحياتى ليكى

Nabil يقول...

السلام عليكم...

الف سلامه والحمد لله انك بقيتى بخير

يارب تفضلى بخير دايما

واسف انى شوفت التحديث متاخر بس بداية الدراسه معلش

المهم طمنينا عليكى وعلى بيرو دايما

تحياتى ليكى

Habiba يقول...

ياخبر
هو انا قد انك تيجى تقوليلى انى وحشتك؟!

ربنا يخليكى ياقلبى وادعيلى بقى ربنا يتم الترم ده على خير علشان اخلص

والله موبايلى مدمر ولسه مش غيرته

صحيح بيتهيألى انتى نازلك حاجه فى انا انثى صح؟

طيب يارب اقدر اجى حفل التوقيع علشان اقابلك هناك
يارب تكونى تمام
وبوسيلى خطيبى

Habiba يقول...
أزال المؤلف هذا التعليق.
‏«الأقدم ‏‹أقدم   ‏1 – 200 من 217   ‏›أحدث ‏أحدث»