الأربعاء، 4 فبراير 2009

بشر فى المحكمه( ريهام ومحاكم التفتيش)

اما ريهام.. فحكايتها من واقع سجلات الدنيا مش غريبه انما كبنت يحصلها كده حاجه صعبه قوى ..خطيبها اليى هو ابن عمها اليى هما الاتنين كاتبين كتابهم وهيتجوزوا (يعنى خلاص الرباط المقدس او الحزام حتى ) ..بيغير عليها ماشى يغير انما يشك زى الدبوس لا يحرقها اهه ده اليى مش ممكن ابدا يولع فيه وفى امثاله نار جهنم ...
ازاى احرق بنى ادم ازاى ائزى حد بالدرجه دى المهم الاستاذ ساديزم بعد ما ولع فيها وقبلها كان ضاربها فى الشارع رافض يطلقها ( صحيح ويطلقها ليه هو هيلاقى حد اغلب من كده يطلع فيه كل العقد والكلاكيع البشعه اليى فيه)
المهم واتعمله قاعده عربى وافرنجى كمان انما هو راجل راجل راجل ازاى يطلق بنت عمه لحمه ودمه هوا يحرقها بس


......ام وليد والطفس

ام وليد (وهيا اصلا معندهاش ولاد وعندها 3بنات جه منين وليد ده معرفش؟) هيا فى الخمسينات كده بالتقريب وطبعا انا مقدرش ااقول فى وشها كده وعندها 3 بنات وبعد عشرة عمر طويله بينها وبين جوزها فكر بدل ما يستر واحده من بناته يستر روحه راح اتجوز وساب العيال وامهم من حوالى 10 سنه وهيا لما خلاص يأست انه يطلقها او يصرف على بناته لجأت للمحكمه فشغاله الله ينور ويعينها من القضايا ما لذ وطاب المهم انها ست على باب الله كما يقال معندهاش دخل ثابت والحياه صعبه والحمل تقيل بالتلات بنات والاسعار تفطس (مش من الضحك) بس الغريبه بئه انها رافعه قضية الطلاق مش عشان تتجوز تانى ولاا عشان تخلص من اسمه المربوط فى رقبتها لا دى رفعاها عشان تاخد الورقهويتصرفلها بيها معاش تأمينى زى مساعده للمطلقات
..شفتوا الست بتعمل ايه والرجاله بيعملوا ايه ( مش كلهم برضه ولاا كلهن برضه )

هناك 112 تعليقًا:

الازهرى يقول...

اول تعليق

الطائر الحزين يقول...

امساك بمعروف وتسريح باحسان

الله المستعان

الازهرى يقول...

تتعدد الامثلة وكلها نراها فى واقع الحياة امامنا
وتنتشر بزيادة الانهيار المجتمعى الذى يزداد يوما بعد يوم

ما زلت اذكر عندما عين عمر بن الخطاب رضى الله عنه انه لبث سنتين لا يأتيه متخاصمين

د/ رامي شهاب الدين يقول...

ربنا معاهم ويتولاهم برحمته


وألف مبروك على الحرية وعلى رأى ماما شمس : صبرتى ونلتى يامحاسن


دمتى بكل الود .. تحياتى

mahasen saber يقول...

الازهرى......

يا الف اهلا وسهلا بالازهرى وباول تعليق

فين الفرخه
وانتا عارف قصدى ايه

mahasen saber يقول...

الطائر الحزين.....

ياه اهلا وسهلا بحضرتك نورت المدونه من جديد
يا رب حضرتك تكون بافضل حال وصحه

وزى ما تفضلت وقلت لا يوجد بعد تعليق حضرتك تعليق اخر

نورت المدونه واسعدتنى بالزياره الكريمه جدا جدا والله
وكفايه انى اتطمنت على حضرتك من جديد

mahasen saber يقول...

الازهرى......

الانهيار المجتمعى ومسح القيم باستيكه يا ازهرى
والدين الدين الناس بقت بتاخده مظهر فقط مش قيم وتعاليم ابدا

ربنا يرحمنا برحمته الواسعه عز وجل
نورت يا ازهرى وشرفت المدونه
بارائك الحكيمه

mahasen saber يقول...

د/رامى شهاب الدين.....

اللهم امين يا دكتورنا الغالى
وحمدالله على العوده الحميده وكويس قوى انك مغبتش كتير
عشان بنستمتع بمواضيعك الممتعه بصراحه

وربنا يبارك فى عمرك
الحمد لله باين كده ربنا رايدلى اطلع من الدنيا من غير مشاكل

الحمد لله على كل حال
نورتنى وشرفتنى بزيارتك الكريمه يا دكتورنا الغالى

صبرني يارب يقول...

تيته كانت دايما تقول يا محاسن

ياما سايع فى ملكه

ريمان يقول...

اااااااااااااااااااه

محروووووووووووق دمى

محروق دمى ودم اللى خلفووووووووونى

يا ربى على الرجاله دول

ايه ده يا ناااااااس

ريهام دى بجد صعبانه عليا جدا

ده لسه مكتوب كتابها امال بقى لو دخلت بيته هيعمل فيها ايه

يحرقها ازاى يعنى

طب حرقها ازاى

؟
فى ايه يا ناس ايه ده

وطبعا بالنسبه لام وليد والله يا محاسن فاكره اما كتبت فى البوست عن الرجاله الناقصه العواجيز

الواحد من دول بدل ما يستر بناته يجرى على حل شعره يدور على موزه

حسبى الله ونعم الوكيل بجد

انتى وحشانى اوى

فى مشاكل فى الياهو عندى مش عارفه ادخل عليه كويس وبيعلق جامد

سلمى على بيرو حبيب قلبى

أميرة يقول...

ولسه ...

وما خفي كان اعظم وابشع كتير ..

اللي مستخبي ورا الابواب اسوء بكتير اوي ..

الله يلطف بعباده يارب ويجبر كسر كل كسير ويقصم كل ظالم باذن الله

كملي لعل وعسي حد يتعظ .. لا قريب نافع ولا غريب نافع !!!

مين بيلم لحم مين !!





لما تيجي القاهرة تاني ابقي قوليلي :)

mahasen saber يقول...

صبرنى يا رب.....

صبرنى يا غاليه قصدك سايع ولاا صايع
افهم للعلم بس

نورتينى يا حبيبتى
ونوعية الرجاله دى اهو ساعات اشرف بيتلطش وبيبقى زيهم او شويه شبههمنهم
ولاا انا ظلمته

mahasen saber يقول...

ريمان......

ريمو حبيبتى الدنيا ياما فيها يا جميله

انتى بس عشان روحك ااقرب ما تكون لملاك بتتفزعى بس لما بتسمعى عن الحاجات دى

فيه ستات يا ريمو بتموت فى اليوم اكتر من ميت مره وهيا لسه حيه

الحمد لله وربنا يفك كرب الجميع

ووحشتينى وحشتينى وحشتينى يا ملاك التدوين يا قمر

mahasen saber يقول...

اليس فى بلاد العجائب......

اليس الحبيبه يا حبيبتى انا عارفه انك فيكى اليى مكفيكى بس على رايك ممكن القصص دى تبقى عبر لناس تانيه
والاهم ان اليى عندى مشكله وبيشوف المشاكل دى اكيد بيحمد ربنا على ما اصابه

منوره يا حبيبتى
وربنا يفك كرب كل مظلوم ويطمنك على سيف ان شاء الله تعالى

اعتقد انى هنزل القاهره علطول يعنى اكيد ومحتمل كل جمعه

ويسعدنى طبعا قوى قوى قوى انى اشوفك يا رقيقه
خلى بالك من نفسك ومن سيف وسلامى الحار ليه

ربنا يطمنا عليه
ويكرمك يا حبيبتى بكل خير ان شاء الله يا جميله فعلا من جوه واكيد من بره كمان

أميرة يقول...

تسلمي يا رب من كل سوء

ان شاء الله اوصله السلام بس لما يسمحوله يتكلم

بالنسبة لتنويرك القاهرة المحروسة .. شوفي كده وقت يناسبك وقوليلي و ان شاء الله تتم بخير :)

عايزة اقولك حاجة .. كل واحد فيه اللي مكفيه اه وساعات بيشوف نفسه مصيبته دي اكبر حاجة في الدنيا بس لما تبصيلها من فوق هتلاقي انا نقطة في بحر هموم الناس وآلامهم.. اه لو اتنين تلاتة لموا همومهم علي بعض يعملوا فرق في هم مجمع .. بس صدقيني اللي قال اللي يشوف بلاوي الناس تهون عليه بلوته صدق فعلا

كمان ربنا بيدي الابتلاء قدر الاستطاعة .. هو بعلمه عارف ان عبده دا يقدر يتحمل الابتلاء دا و بيستني يشوف أيشكر ام يكفر !!

ربنا يجعلنا من الشاكرين دايما ونحمد يارب علي كل قضائه فهو كله خير ان شاء الله

متنسيش باه :)

ahmed_k يقول...

إزيك يا محاسن
بالنسبه للقضية الأولى فأنا تقريبا سمعت عن القصه دي أو مشابهة لها
طبعا الفعل بشع وجريمه بكل ما تحمل الكلمه من معاني
وأظن أن في الأمر شيئ غير معلوم وإلا فلماذا يقدم شخص على حرق زوجته
هذا الفعل يدل أن الشخص قد فقد عقله تماما
ورغم ذلك فلكي يصل الأمر للحرق هو أمر مرفوض تماما
وبالنسبه لأم وليد هي بالتأكيد كان نفسها تجيب ولد وتسميه وليد فجاتلها وليده
ربنا يعجل لها بالخلاص

بس يا محاسن كل قصه من دول عايزالها بوست لوحده
وشوية إفراد لملابسات القضيه يعني مثلا الأسباب اللي أدت بالقاتل للإقدام على مثل تلك الفعله الغريبه عن مجتمعنا وثقافتنا

المهم نورتي المحكمه
وسلميلي على عبد الرحمن
في أمان الله

جنّي يقول...

السلام عليكم

امال فين كيارا ؟؟؟؟؟؟؟؟؟

الحمد لله .. اكيد حد قرأ آية الكرسي .. ( ما تزعليش يا كيارا بهزر معاكي انتي زي اختي الصغيرة )..

كيف حالك اخت محاسن وسلميلي على عبد الرحمن ..

ناس كتير هاجموا المحاكم الشرعية حتى تم الغائها بدلا من تطويرها بما يواكب مقاصد العصر .. وطالبوا بالقوانين الوضعية .. ولكن للاسف لم تحل مشاكل الاحوال الشخصية بل زادت تعقيد بتفنن المحامين والدخول في ثغرات القوانين ..

بس لو الراجل تخلى .. اليس للبلد راجل عامل نفسه كبيرنا في رقبته كل هؤلاء النسوة ..

واذا اذنبت المرأة( فرضا ) فما ذنب بناته الثلاثة .. هذا العتل ليس له دين ولا عقل ..

ربنا يتولاهم ويحنن قلب الناس الخيرين عليهم

تحيتي

Tamer Nabil Moussa يقول...

السلام عليكم

لو ماحصل توفيق بعد الجواز او حصل اى مشكلة وحلاص يعنى يبقى الطلاق

ولاداعى للحرق والضرب واللى بنسمع عنة دة

بس فى الغالب الناس دى بيكون عندها نقص

ربنا يكرمك

تحياتى

غير معرف يقول...

حياة يا محاسن

واللي يعيش ياما يشوف

ربنا يفرج كرب كل مكروب اللهم امين

سلام حبيبتي وشكرا على سؤالك

دمتي بحفظ الله

zainab يقول...

حبيبتى محاسن

تعرفى ان عينى دمعت و انا بقرأ حكاية التلات بنات

انا متخيله شعورهم و ابوهم رايح يتجوز و يسيبهم كمان من غير مصاريف ده ايه الإفتراء ده

مش عارف حضرته ان دول بنات محتاجين لحض أب و عمر ما امهم هتقدر تقووم بالدورين أكيد هتقصر فى دور منهم أو هتحاول تقوم بالدورين بس أكيد هيكون فيه خلل

و الله أنا حزينه عليهم

تحياتى

Soul.o0o.Whisper يقول...

محاسن سنسن

ايه الحاجت الغريبة دى؟؟؟

يعنى بجد مش قادرة اربط ...



ربنا يشفى بجد


و يصبر كل ذى بلوى على بلواه





دمتى بود يا قمر

kalamfady يقول...

معلش انا غايب من زمان الجهاز طلع عين اهلى..بس من الكلام كده عرفت انك بقيتى حره وحصلتى على الطلاق...ألف مبروك


ريهام......هو فيه بنى اّدمين كده
الحاجه التانيه....من ده كتيييييييير
..........
ياريت تخفى على الرجالة شويه انا معاكى ان اغلبهم مفتريين..بره البيت ولا لهم لازمه وعلى زوجاتهم مستقويين..والستات فى الغالب متبهدلين...بس برده فيه ستات عامله مظلومه ومستعبطين......
تحياتى

Ahmed Mohamed يقول...

فيلم اريد حلا (او طاسه)بيعجبني قوي
اتفرجتي عليه

تامر علي يقول...

والله نحن في زمن رضي فيه الناس بالدنيا واستغنوا بالماديات عن الاخلاق وبناء عليه هتلاقي مئات حالات الانحراف الانساني من الطرفين وان كنت الوم الرجال اكثر لأن اخر وصية للرسول قبل وفاته كانت ان يتقوا الله في النساء وكذلك جعل الله عقدة النكاح في يد الرجل ولكن احنا مبقناش عارفين المصايب جايه من انهي جهه من كترها ...ربنا يهدينا ويهدي الجميع .

من غير عنـــوان يقول...

الحياة بها كل النماذج..
واللي يعييش ياما يشوف

أمنياتي

momken يقول...

ازيك يا محاسن

شوفى يا ستى

بالنسبه لاعتراضك على تعليقى على البوست الى فات
هو ياستى اعتراض مقبول وابداً غلاوتك متتهزش عندى
ومش هناقش اختلاف وجهات نظرنا لكنى محترم جداً وجهه نظرك رغم عدم ايمانى بيها
لانى بحترم رائيك جداً

نيجى بقى لبوست انهارده

اما موضوع ريهام ياستى
برضه انا مش موافقك على طريقتها
المفروض الانسان معندوش اغلى من نفسه يبقى الحيوان الى معاها اذاها جسدياً يبقى تحبسه تعمل له محضر
وتتطلق منه غصب عنه للضرر
وهو يبوس ايدها علشان تتنازل عن قضيه محاوله القتل العمد او الشروع فى القتل
لكنها بعد ما اذاها هانت عند روحها فبتالى هانت على جوزها
وسيبك من ابن عمها ولا ابن جزمه ده مش بنى ادام
ازاى ههى تعرفه طول عمرها وعارفه طبعه وابوها عارفه نتيجه القرابه ويوافق يديله لحمه علشان يهينه
حسبنا الله ونعم الوكيل


اما موضوع ام وليد الى مش عارفين جه منين وليد ده

فى هنا كذا حاجه
الراجل من حقه يتنيل يتجوز اذا كان مسلم لكن عليه واجبات لازم يكون ادها ....لان الرجول مش هى المقدره على الجماع لكن الرجوله تكمن فى الاحترام وتحمل المسئوليه
دى حتى الحيوانات مش بتسيب ضناها علشان شهوتها....

الحكايات بتعتك هتعقدنى فى الجواز
هو الرجاله بتتحول بعد الجواز وبتبقى شريره
الغريب انى الحمد لله عمرى ما قبلت راجل بيهين الست بالشكل ده ....يمكن علشان عمرى ما روحت محاكم الاحوال الشخصيه لكنى عرفت ان الدنيا فيها بلاوى كتير


تسلم ايدك

تحياتى

Asmaa Fathi يقول...

هناول ايه
غير على رأى المثل يامأمنه للرجال
معلش اول مره احفظ مثل بس اصلها حاجه تغيظ
هنول ايه
لا حول ولا قوة الا بالله
تحياتى

Beram ElMasry يقول...

الاخت العزيزة . mahasen saber
السلام عليكم ورحمة الله وبركاته
محاسن هانم عزيزة وغالية
اللى يشيل قربة مقطوعة تخر على دماغه ، اراك تشنين حربا على الرجل وهو صنيع النساء ، تربيه طفلا وتادبه بكل الطرق ، بالحب كعطاء والعقاب كحرمان ونكد
تنصب له الفخاخ لصيده ، فاذا رضينا به اقام ، والا فالنفور والخصام ، واذا حاول الخلاص فهو مارق واذا استرد بعض حقه فهو سارق ، ونزرع الشوك بدلا من الفرش والنمارق
على فكرة الرجالة زى اليهود يخاف مايختشيش
لك تحياتى والسلام عليكم ، ولا سلام مع اليهود

شمس النهار يقول...

للأسف ان كل دي نماذج موجوده واكتر في مجتمعنا
عمري ماقابلت شغاله والا ويكون جوزها سايبها هي والعيال وهي بتشتغل وتصرف عليهم
ومش كده وبس لا من حين للتاني
يرزل عليها وياخد منها فلوس كمان
الرجاله بعدوا عن الدين
والمحاكم تستاهل الحرق
مره كنت في عشاء موجود فيه قاضي وبالمناقشه معاه قال انا ببقا عارف ان الست مظلومه وعايز اولع في الزوج بس انا مالييش غير الاوراق والشهود والقانون

marmar يقول...

حبيبتي محاسن الجميله كالعاده

ايه ده ؟؟
هو انا عايشه في دنيا اكيد غير الدنيا البشعه دي :(
ايه الاب البشع ده وايه ابن عمها الابشع وابشع ده
ليه كده
ليه مش كل واحد يتعامل بحسن طيبة وبمعروف ونية صافيه
يارررررربي
قلبي وجعني على المصايب والبلاوي دي كلها ولله
ربنا ينتقم من كل ظالم




المهم
انتي وحشاني جداااا يا جميلةةةة
وسلام كبيييييييييييييييييييييييييير لاحلى بيرووو في الدنيا
خلي بالك من نفسك
اختك ريم

غير معرف يقول...

يا باى على صنف الرجالة دول ...إيه ده هما عاملين كدة ليه


لا ياختى أنا أفضل قاعدة فى بيتنا معززة مكرمة و عايشة حياتى

إيه أصله ده

فشكووول يقول...

ازيك يا محاسن
بالنسبه للموضوع الاول .. لازم عشان نحكم نسمع وجهة النظرالاخرى
اما الموضوع التانى واضح للعيان والست الله يعينها وحتى لو كانت غلطانه وتستاهل انه يتجوز عليها كان لازم يخاف على ولاده ويروح يتهبب زى ما هو عايز بس ما كانش يسيبهم من غير مصاريف ولا حاجه كدا والله اعلم بيهم وممكن العيات وخصوصا انهم بنات يتحرفوا ولا حاجه ..
موضوع الهيكل يا محاسن .. حاضر فى نهاية السلسله ان شاء الله .. بس بحاول اجمع الماده العلميه بتاعته ..
تحياتى

انى احبكم فى الله يقول...

ربنا معاهم وشكرا على حرصك على امتعنانا بمدونتك وشكرا ..

NIDAAL .R يقول...

صح .. مادام ابن عمها بقى يحرقها بس
انتى ماسمعتيش جرب نار الغيرة ولا ايه ؟
رجالة .. او بلاش نقول عليهم رجالة لأن اللقب ده حاجة مشرفة جداً وكبيرة جداص عليهم .. الجنس الى مش معروف له نوع ده مش عارف ايه كمية الغل الى جواهم ده ..
هما شكلهم (الرجالة) قبل ما يتجوزوا فاكرين ان الزواج هو المتعة الجنسية فقط ولكن بتصدموا بمصاريف الاولاد و المدارس والبتاع .. فبيخلعوا من غير ما يخلعوا
مافيش ادنى نوع من المسؤولية .. طب حتى يسيبه من مراته الى مثلاً مثلاً خنقاه .. ولاده دول .. هو راضى انه يشوفهم بيتبهدلوا كدة ... أتفووووو على ده جنس غير معلوم المصدر
وزى ما انتى قولتى ( مش كلهم ولا كلهن )

Unknown يقول...

الموضوع صعب بجد

يعني ايه يمد ايده علي مراته اصلا لا في الشارع ولا في البيت

ازاي يجيله قلب يمد يده علي الست الي هي شريكة حياته ازاي يقدر ياخدها في حضنه تاني و هو اهانها

و الاخ التاني ازي مش بيصرف علي ولاده طيب نسي مراته نسي كمان انه اب

ربنا يرحمنا

mohamed ghalia يقول...

أنا جييييييييييييييييييت
لسه جاى حالا قولت ادخل اسلم
أخبارك ايه يااختى الغالية
واضح إنى المحاكم جواها حكاوى
ربنا يسعدك دايما
دمتى بكل الود

مصري بالغربة يقول...

ازيك يا ام عبد الرحمن ان شاء الله تكوني بخير

اسف جدا لغيابي وانا عارف انك اكيد سالتي علي

بس كانت ظروف

واتمنى لك كل توفيق

مهندس / محمود مرسي

الرابطة وبناء الأمة يقول...

السلام عليكم ورحمة الله وبركاته
نتقدم بدعوي لك أخي ( أختي ) المدون بمناقشة
محاكمة عادلة
مبارك بين التأييد والرفض
ملف يناقش ويحلل ويضع الحلول
رائيك يهمنا جدا
مع خالص تحياتنا الكتيبة السياسية

شهرزاد يقول...

محاسن..
الذي يرى مصائب الناس تهون عليه مصيبته
تعرفي أنا لم أتزوج حتى الآن ولكن عندما أسمع مثل هذه القصص أقول الحمد لله
فمن الواضح أن الرجولة قد اختفت ملامحها في عصرنا هذا ..
ولم يعد ظل راجل ولا ضل حيطة صحيحا أبدا
بل أحيانا يكون ظل الحيطة أفضل بكثير في الحالات التي ذكرتيها
الحقيقة أن قرار الزواج قرار هام في حياة الإنسان وعليه أن يدرسه جيدا
قبل أن يقدم على هذه الخطوة
وعلى الفتاة أن تكون مؤهلة علميا أو مهنيا علشان إذا جارت عليها الدنيا بظل رجل كالحالات التي ذكرتيها تكون قادرة على أن تعيل نفسها وعيالها
وتقدر تلاقي حيطة تستند عليها من ظلم الدنيا والناس
وطبعا في النهاية كل واحد بيأخد نصيبه والمكتوب على الجبين لازم تشوفه العين
ولا حول ولا قوة إلا بالله

غير معرف يقول...

مفيش تنويه عن بكره ولا اى مصلحه ده اى الاصحاب دي ههههههه

محمد فارس يقول...

الاخت الغاليه محاسن ام عبد الرحمن
ارجوك رجاء خاص بأن تبتعدي بعض الشئ عن المشاكل الزوجيه وكأن الحياه ليس بها سوي مشاكل الازواج وكأن كل الرجال لا هم لهم سوي خلق المشاكل مع زوجاتهم كنا نقرأ مدونتك ونتعاطف معك احيانا ونتعلم منك احيانا الكثيروالكثير وكانت
درس لكل امرأه لم تحسن الاختيار،ولكني ا لان لااري فيها سوي الهجوم العاصف علي الرجال وكانهم شياطين انا لا الومك ولكن كل خوفي ان تفكر بعض ممن تقرأن مدونتك
بالعزوف عن الزواج و مشاكله وبهذا تكوني كمن تصنع المشاكل ولا تبحث لها عن حل وارجوك ان تكتبي مره في مدونتك عن ازواج سعداءفي حياتهم اوحتي عن زوج مظلوم في حياته مع زوجته ولم يصبره عليها سوي خوفه علي اطفاله ان افترق عنها وهم كثيرون ولكنك لا تري الا بعين
المرأه انا اسف جد جدا جدا لانك اخت غاليه وعزيزه وهذا ما دفعني للتعليق
علي موضوعاتك الاخيره بعدما فكرت كثيرا

ومره اخري انا اسف جدا
مع تمنياتي لك بحياه يملاءها التفائل والامل والسعاده لك وللابن الغالي عبد الرحمن

Empress appy يقول...

انت بجد تنفعي تبقى كاتب مشاكل اقولك حلى للناس دي مشاكلها حتى تبقى شغلتى نفسك اتبنى مواضيعهم يمكن تقدري تسعدي الناس دي
على فكره انتى كمان وحشانى وكنت جايبه فى سيرتك مع نضال ابقى كلمينى اطمن عليكي علشان قالى جبتى رقم جديد وبوسي ليه بودي خالص

Nabil يقول...

السلام عليكم......

اختى الغاليه الجميله
اخبارك ايه؟؟
يارب كله تمام

اللى بقى اتجهت المشاكل اللى هاتعقدنا دى .....
لاننا مش عارفين نعمل ايه

ربنا يستر من القصص دى انا عارف انها كتييييييييير

ربنا معاهم ومعاكى ومعانا

وايه الليه رايح يتجوز ده كمان الناس جرالها ايه؟؟!!

تحياتى ليكى والف سلام

Nabil يقول...

السلام عليكم......

اختى الغاليه العزيزه الرقيقه الجميله
اخبارك ايه؟؟
يارب كله تمام

اللى بقى اتجهت المشاكل اللى هاتعقدنا دى .....
لاننا مش عارفين نعمل ايه

ربنا يستر من القصص دى انا عارف انها كتييييييييير

ربنا معاهم ومعاكى ومعانا

وايه الليه رايح يتجوز ده كمان الناس جرالها ايه؟؟!!

تحياتى ليكى والف سلام

غير معرف يقول...

ياريت ما ننساش التدوينه السوداء بكره حدادا على ضحايا غزه
http://osamalife.blogspot.com/2009/01/blog-post_9457.html

أحــوال الهـوي يقول...

لو ذهبنا وراء كل قضية طلاق سوف نجد العجب
انها الرجولة التي يثبتها هؤلاء علي ضحاياهم من النساء
مثل القوة المفرطة التي تمارسها اسرائيل و امريكا علي الضعفاء

تحياتي

Hanan Elshafey يقول...

اول زياره لتلك المدونه الرائعه
اسعدني وجودها
سأظل متابعه جيده باذن الله
تحياتي

yoyo يقول...

صباحك سكر يا محاسن
و الله وحشانى جدا جدا جدا

حاول اخرج من المود اللى انا فيه وابدأ انتظم على المدونات تانى ان شاء الله

شوفى بقى يا ستى فى رجالة( مش كلهم بق ) بصراحة يعنى لا تمت بصلة للرجولة يعنى ايه واحد يتعامل بالشكل المتخلف دا امال فين ( حروق ) حقوق الانسان و الكلام اللى كله شعارات وبس
بس برده ارجع وقول كتب الكتابة من بدرى غلطة كبيييرة اوى و بيكون عواقبها كبيرة

الحالة التانية تحرق الدم اكتر والله
راجل ايه دا بقى والنبى اللى عاوز يروح ينيل على عينه و فى فى رقباته 3 عرايس محتاجين مصاريف و رعاية ماشى اتجوز و بس راعى بيتك الاول ولا الرجولة انهم يتجوزوا و يسيبوا الحريم تصرف و تتبهدل

اللى يعيش ياما يشوف و الله ربنا يصبر الجميع

تحياتى
يويو

maxbeta3zaman يقول...

أذا أردت أن تعرف الحياة ومآسيها فاذهب الى المحاكم ..أو اجلس بجوار نوبتجى المحاضر فى القسم ..أو اقرأ بريد الجمعة فى الأهرام ...هناك من "البشر " من يسعد بإيلام الغير ..وتأخذه العزة بالإثم ويركب فرس العناد لينتقم ممن شاركه فى يوم لقمته ومسكنه وربطهما معا ميثاق غليظ ...ظهرت من جديد يا أم بيرو والعود أحمد ..الرابط الذى عندك هو الرابط القديم الخاص بمدونتى الأولى التى تاهت منى ولم أعثر عليها وعملت الجديدة من أغسطس 08 واللرابط السليم هو
http://maxbta3zaman.blogspot.com/

أ / أحمد عبد المنعم يقول...

بسم الله الرحمن الرحيم
الأخت الفاضلة : محاسن صابر
لا أذكر أهذه الزيارة الأولى أم أننى زرت مدونتك من قبل
لكننى اليوم جئت بدعوة من " أكون أو لا أكون "
مميزات المدونات أنها تعلمنا التعايش مع الغير حتى وإن كان مضادا لنا فى الفكر والحياة
وهو ما يسمى قبول الآخر وهى متعة فكرية رائعة يستمتع بها المثقفون
لذا اسمحى أختى الفاضلة أن أعارضك فى أحاديثك
فكل نظارة يرتديها الإنسان تجعله يرى الكون من خلالها وكل زاوية ينظر إليها الإنسان تجعله مربوطا بها مقيدا بمحتواها
لكن الجمال الدنيوى لا يكون إلا فى المغايرة
فعند اشتداد الحزان يصنع الإنسان فى نفسه واحة من الزهر والنسيم ليشعر بهدوء النفس وراحتها حينها يستطيع أن يواجه الهموم والآلام بنفس طلقة
لذا يلجأ الناس إلى زيارة الحدائق والمتنزهات والرياض الندية ليستنشقوا عبير الحياة الصافية ويشموا أريج السعادة خاصة إن كانوا يفتقدونها فى ثنايا حياتهم العادية
اسمحى لى أن أقول :
علينا أن ننظر إلى جوانب المحاسن فى الحياة أذكر قصة رجل من القاهرة أحب زوجته حبا كبيرا فمع مكانته السياسية والعلمية فى المجتمع كان لا يلقى أحدا من الناس فى الوقت الذى حدده للحديث إلى زوجته ومناقشتها فى أمور الحياة وشرب عصير المانجو معها .
حتى أنه بعد وفاتها يرفض احتساء المانجو منتظرا لقاءها فى الجنتة ليتبادلا الحديث الأخروى والشراب الربانى
"" لقد أطلت "" لكن للحديث بقية إن رغبت

صوت من مصر يقول...

للاسف بما ان القاضى مصرى يبقى نسمع فيروز وهى بتقول ؟
يا سيدى القاضى بدى تكون راضى

مهرة سالم يقول...

السلام عليكم أختي محاسن...
بيقولوا إلي يعيش يا ما يشوف..
.....
خارج الموضوع ..
على جنب يعني ..
ماشاء الله عليكي ..
ربنا يحفظك يارب ...
(لازم ترقي نفسك كل يوم )...
كنت بتفرج على التليفزيون وحطيت قناة دريم 2 وأنا مش واخده بالي المهم إنه في حاجه تتكلم جنبي وبكمل إلي كنت بعمله وإذا بيجيبو فسيرتك المدونه عايزه أطلق وأنا بكمل لهم (و) وبيقولوها تاني مره عايزه أطلق وبقول(و) ..هي (و) صعبه عليهم كده مش عارفه ليه ...
.....
دمتي بخير..

maxbeta3zaman يقول...

تعليق تحديثى لم أكن قد قرأت البوست الذى يوضح نهاية العناد والوقوف فى المحاكم والقلق ..يظل رأييى دائما ان المهم والفائز الأوحد فى هذه الملحمة هو الأسرة بكل أعضائها كل يكسب ما يعتبره انتصارا من وجهة نظره

غير معرف يقول...

محاسن
انا جاي اسلم عليكي
واطلب منك انك تسامحيني لوكنت مش بدخل الفترة اللي فاتت
بس بجد كنت مشغول قوي
يارب تكوني بخير
وفي احسن صحة وحال

بنت الغربة يقول...

معلش يامحاسن ياحبيبتى
دايما اجيلك متاخره بس ظروفى اللى منعانى والله...وحشتينى قوى
بصى ياحبيبتى مش كل الرجاله زى بعضها ده اكيد ...بس مش زى بعضها فى ايه؟؟؟ان فى بعضهم بيحبوا ولادهم قوى وبيفضلوا مع مراتاتهم بس علشان العيال...او لو طلقوهم واتجوزوا عليهم لازم يصرفوا على ولادهم...مش حبا فى الزوجه ....لالالالالالا علشان العيال بس
انا عمتى من حوالى 36 سنه جوزها طلقها ورماها هى وابنها...لان الشقه بتاعته...وماكانش فيه وقتها محاكم عدله زى دلوقتى....
بابا الله يرحمه هو اللى تولى انه يصرف عليها (مع انه وقتها كان دخله محدود ومش متجوز)
ولما سافر السعوديه واتجوز وخلف 4 بنات... قرر انه يجيب لكل واحده شقه يتاعتها منفصله عن شقة الزوجيه...والزوج مالوش دعوة بيها
والله يرحمه من 7 سنين...وانا لغاية دلوقتى محتفظه بالشقه انا واخواتى
محدش فينا قرر يبيع شقته ابدا..
مع ان كل واحده فينا متجوزة (ماعدا اصغر واحده )..وعايشه فى بيت جوزها ومش محتاجين الشقق..
بس من كتر رعب بابا علينا ...جالنا رعب احنا كمان ...
وبقت ثقتنا كل سنه بتقل فى جوازتنا
مع ان ولادنا بتكبر ...بس دايما ااقول الاحتياط واجب
معلش دايما باطول عليك وباصدعك...
تحياتى ياقمر

مطلق يقول...

سيبك من بشر في النحكمه و تعالي اقري كريف في اول ميعاد رؤيه

فشكووول يقول...

ابنتى العزيزه ام عبد الرحمن
تحياتى
اشكرك على التعليق
ربنا يبارك فيكى
سلامى الى عبد الرحمن
تحياتى

SHAPE YOUR LIFE (ABOALI) يقول...

ام عبد الرحمن

الحقيقة من فترة وانا شايف بوستك على الريدر
ودخلت وقرائته بس كنت مش عارف اعلق
لاءنى امام تلك الاحداث اقف صامتا" واسئل نفسى لماذا نغتال انفسنا ونضيع اعمارنا
بس هى طبعا حقيقه واقعة للاسف
خصوصا" اذا كانت تلك الاحداث من صنع ايدينا
وشاغلين تعذيب فى بعض
اختلال المنظومة الاجتماعية من خلال ما نثرتيه فى بوستك
دليل واضح اننا نحتاج نوبات من الصحيان

نستفز فينا قيمة الانسان فينا
وندرك اننا لسنا فى غابات او احراش الغابات


لا ادرى سيدتى
لما لا نغوص فى البحر
فنستخرج منه اللؤلؤ والياقوت والمرجان
بدل ان
نغوص فنستخرج
اسماك القروش والثعابين السامة

فعلا
لله فى خلقة شئون


المهم
اسعدنى جدا" اللقاء الذى حدث بين الحاجة شمس النهار و كيارا وضد

ومن خلال انطباعاتكم عن هذا اللقاء
كم كنت سعيد على تلك الروح والمحبة فى الله
التى جمعت بين القلوب

يحكى ان شخص دخل الجنة فقط
لاءنه كان يعرف عنوان احد اصدقائه

فما بالك بمن تلاقى وتحاب وعبر

تحياتى لك دوما ولشخصك الكريم

غير معرف يقول...

يارب تستفادى من مدونتى دى هاتفيدك جدا

http://noureldens.maktoobblog.com

EMMY BABY يقول...

بجد والله دى مهازل

ربنا يرحمنا من اللى بقينا فيه ده

ربنا يهدينا يارب

عبد الحميد محمد يقول...

لا اعتقد ان هناك من سيتعاطف مع الزوج في حالة ريهام
سمعت قصص مشابهة و ربما اكثر سادية
حين سمعت عن اب قتل ابنته تعذيبا لكن هذا ليس موضوعنا

زيارة اولى اعد ان لا تكون الاخيرة
فالمرء كما تعرفين يحتاج لمعرفة لماذا تريد النساء ان تطلق من حين لأخر
:D

hosam4u2004 يقول...

اولا : الدنيا ليست كلها رجال بهذا الغباء لو اتبعنا دين الله لنهجنا نهج المحب لله وعملنا بكتاب الله وهم "" امساك بمعروف او تسريح باحسان.

ثانيا :اختى العزيزه الدنيا كلها عناء .... وليس لنل اختيار


ثالثا : إن جاء يوما واسترحت من المنى ......فخبرينى كيف اسدلت الستار .... فالى متى ستظل اوهامنا ... ونظن ان الشمس ضاقت بالنهار .

واخيرا : فلقا}نا قدر ..... وهل يجدى مع القدر..... الفرار

(احمد سكر ) يقول...

ايه يا ام بيرررو

انتى شركتى الرجاااله كلهااا

ههههههه

الامثله كتير فعلا

ولو قعدتى تعدى مش هتحصيها

عارفا ليه ؟؟

علشان غاب الدين

وغابت معاملته

ربنا يرحمنا برحمته

دمتى بكل الود


احمد

بسنت صلاح الدين يقول...

بالله عليكم محدش بس يقول رجاله دول انصاف رجاااااال،،،اللى يضرب او يفترى على ست يبقى راجل ازاى بس،،،لما يبطل يصرف أو يتجنن و يضربها و يهينها يفقد حقه فى القوامه والاحترام

mahasen saber يقول...

اليس فى بلاد العجائب

ليك وحشه جامده يا حبيبتى اتمنى تكونى بكل خير

mahasen saber يقول...

ahmed-k


غير معلوم ايه بس يا احمد .. راجل بيشرب بيدخل البيت يطلع الشرب على دماغ مراته كلمه فى التانيه ببرود يرمى عليها سولار ويحرقها قولى ايه فى الدنيا يدى الحق لحد انه يحرق حد
وفى اى شرع ودين ان تعامل الراجل مع الست يكون بالشاكله دى

mahasen saber يقول...

جنى


القوانيين الوضعيه مليئه بالثغرات وهى دى الدايره الليى بيشتغل فيها المحاميين كل محامى بيلعب على ثغره ما وفى النهايه الست والاسره الضحيه

mahasen saber يقول...

tamer nabil


فيه اشباه رجال معدومى الانسانيه بيشوف انه ملك الست بصك ملكيه وان الصك ده اداله الحق انه يعمل فيها ما بدا له حتى لو الحرق وللاسف ما يساعد امثاله على المضى فى افعاله المشينه هو القانون بثغراته

mahasen saber يقول...

ماما اموله

فعلا يا ماما اموله حياه وفيها ياما

خالص مودتى ومحبتى

mahasen saber يقول...

zainab

للاسف فيه رجاله معدومى الرجوله وآباء نزعت من قلوبهم رحمة واحتواء الابوه وعلى الاطفال وامهم التعامل والتعايش مع هذه النماذج من البشر

mahasen saber يقول...

Soul.o0o.Whisper


دنيا المحاكم دنيا غير الدنيا يا سولو يا حبيبتى فيها نماذج من تصرفات البشر وافعالهم غريبه بحق

mahasen saber يقول...

kalamfady



انا ابدا مبجيش على طرف ضد الاخر لان لاحظ ان الراجل منعدمش من حياتى اخويا وابنى وابويا فازاى اجى على الرجاله بس بعرض الواقع والواقع مرير زى ما انتا شايف كدا

قلى نعملوا ايه بئاااااا

mahasen saber يقول...

۩AhMeD 3LLaM۩


الليى زى ريهام تريد رجلا بمعنى الكلمه مش فيلم تتفرج عليه اكيد

mahasen saber يقول...

تامر على


الله ينور عليك كفيت ووفيت

mahasen saber يقول...

من غير عنوان


فعلا والنماذج المؤلمه هى الليى بتعلم للاسف

mahasen saber يقول...

momken


انتا اتعقدت من الجواز من النماذج دى اما الراجل فى مجتمعنا يقول كدا امال الست تعمل ايه

بالنسبه لريهام فيه ستات خط الفقر كاسرهم يا ممكن والفقر بيذلهم ذل فوق ذل ازواجهم
فمبيبقاش فى ايديهم الحلول الكتير والمتاحه لمشاكلهم الكتير والصعبه

mahasen saber يقول...

gana magde


ياما فيه اشباه رجال يا جنى وفيه رجال بمعنى الكلمه كمان منقدرش ننكر وجود الكينونتين فى حياتنا

mahasen saber يقول...

Beram ElMasry


ههههه ماشى يا استاذنا يبئا الستات زى الاراضى المحتله على كدا

mahasen saber يقول...

شمس النهار


فعلا يا شموستنا ودى للاسف نماذج اعدادها لا بأس به فى مجتمعاتنا

mahasen saber يقول...

marmar


يا ريم يا حبيبتى الدنيا ياما فيها كل ما تحتكى اكتر بنماذج بشريه بتشوفى الاصعب
وهى دى الحياه بالبشر الليى فيها مختلفين اختلاف الليل والنهار

mahasen saber يقول...

انا ودماغى


لا لا لا مش كلهم كدا خليكى موضوعيه بئا زى ما فيه الوحش فيه الكويس اكيد

mahasen saber يقول...

fashkool


ماشى يا عمنا الغالى على الجزئيه التانيه انما بخصوص الاولى تتحرق ازاى بس

mahasen saber يقول...

انى احبكم فى الله

شكرا على ذوقك ودماثة خلقك

mahasen saber يقول...

NIDAAL .R


والله يا نضال نغمة ابن عمها وبيربيها جوزها وبيأدبها اخوها وليه ضرب عليها
دى الليى موديانا فى داهيه نغمه بتدل على ان الست وجسمها مباح لاى حد يلطش فيها طالما من دايرة الاسره الكريمه

مجتمعاتنا اصابتنا فى مشاعرنا بالهلع

mahasen saber يقول...

emy


لا ازاى دى متتسألش يا ايمى يا حبيبتى دى نماذج بشريه نشئت روحها الملوثه على كدا وما يزيد الطين بله انهم بيكونوا شايفيين نفسهم على الطريق الصح والتصرف السليم

يا ابله اصل انا بربيها ... تخيلى لما تسمعى الجمله دى من راجل حرق مراته

mahasen saber يقول...

mohamed ghalia


المحاكم جواها ملحمات حربيه يا غاليه

mahasen saber يقول...

مصرى بالغربه


دمت بود يا محمود ربنا يكرمك على ذوقك دايما

mahasen saber يقول...

شهرزاد


للاسف يا شهرزاد مش كل المستويات مؤهل ليها التأهيل العلمى والسلوكى وغيره والجواز اذا توافر فيه عنصر الامان والموده والسكينه هيتجاوز اى مصاعب اخرى ماديه كانت او اجتماعيه

بس العبره فى كيفية تعامل الراجل مع الست وجزئية انه بيعاملها على انها صك ملكيه مباح له اى تصرف معها حتى لو الحرق

mahasen saber يقول...

اسامه عبدالعال


كان ايه يا اسامه

mahasen saber يقول...

محمد فارس


رحمة الله عليك

mahasen saber يقول...

§¦§ Appy §¦§*


تسلميلى يا ابى يا حبيبتى ده من ذوقك بس يا جميله

mahasen saber يقول...

nabil


شوف من بعيد وخفت وحسيت برهبه ازاى امال الست الليى عايشه الموضوع ومغموسه فيه دى تعمل ايه

mahasen saber يقول...

اسامه عبدالعال


افتح مدونتك بس

mahasen saber يقول...

احوال الهوى


بالضبط كدا من اجمل التشبيهات والاسقاطات بصراحه على الموضوع ده

mahasen saber يقول...

حنان الشافعى


ده شرف كبير ليا وتنورينى دايما عزيزتى

mahasen saber يقول...

yoyo


الليى يعيش ياما يشوف يا يويو بالذات لو عاش جوه المحاكم هيشوف اكتر واكتر يا حبيبتى

انتى كمان وحشانى جدا جدا يا غاليتى

mahasen saber يقول...

maxbeta3zaman


فعلا يا استاذنا هناك من البشر من يسعد بايلام الغير وهناك العكس

mahasen saber يقول...

أ / أحمد عبد المنعم


منقدرش نقيم الحياه يا استاذ احمد ونتعامل معاها من جانب واحد الحياه مختلفة الجوانب وكذلك البشر مختلفى الطباع وبسبب الاختلاف ده بتكون الحياه يا استاذنا

mahasen saber يقول...

صوت من مصر


جيبت الكوبليه بالضبط على البوست يا كيمو

mahasen saber يقول...

نهار



ههههههههههه يا نهار يا حبيبتى اسعدتينى والله مش بأن المدونه محط موضوع فى برنامج تلفزيونى لا مش ده بس انما الاهم وا الليى كنتى بتكمليها ..تسلميلى اختى الغاليه
حبيبتى انتى يا نهار بجد يا بنت الامارات الغاليه

mahasen saber يقول...

maxbeta3zaman


من تجربتى يا استاذنا الخسران الوحيد فى سكة المحاكم الم والاطفال الست بوجه عام ام الرجل فحتى لو مهزوم بيخرج منتصر

mahasen saber يقول...

مصطفى ريان

الله يسلمك من كل شر يا درش

mahasen saber يقول...

بنت الغربه


يا حبيبتى يا غاليه طبعا عمر ما كانت فيه قاعده بتصنف البشر زى بعض ابدا الاختلاف ده رحمه من المولى عز وجل وربنا خلق الدنيا مختلفه البلدان والاشكال والالسنه فم بالك بالناس وطباعهم

والدك وتصرفه رحمة لله عليه من النماذج الخيره والرجاله بحق وحقيق يا حبيبتى

mahasen saber يقول...

kareem

ماشى يا كريم

mahasen saber يقول...

fashkool

عمنا الغالى فشكول لا شكر على واجب وده شرف ليا انى ازور مدونة حضرتك

mahasen saber يقول...

ABOALI


بالضبط يا ابو على فيه اختلال فى المنظومه الاجتماعيه وثغرات قانون الاسره وتعطيل القضايا دى فى المحاكم من ما يزيد من تعقيد هذه المنظومه المعقده

mahasen saber يقول...

غير معروف

ان شاء الله ده شئ يشرفنى

mahasen saber يقول...

emey baby


فعلا يا ايمى يا حبيبتى ربنا يلطف ويرحم

mahasen saber يقول...

عبدالحميد محمد


فعلا يا استاذ عبدالحميد والدنيا للاسف مليئه بالمآسى للاسف معشر البشر توحشنا على بعضنا البعض

mahasen saber يقول...

hosam4u2004


اكيد طبعا يا حسام لا الدنيا ولاا البشر بيمشوا على وتيره واحده ربنا خلقنا بنعمة الاختلاف وزى ما فيه رجل سئ فيه رجل صالح والعكس

mahasen saber يقول...

احمد سكر


مقدرش اشرك الرجاله طبعا يا احمد لان فيه رجاله محترمين زى ما فيه سيئين وفيه ستات كويسين زى الوحشيين كمان

طول ما فيه اختلاف منقدرش نجور على حد دون الاخر

mahasen saber يقول...

بسنت صلاح الدين


فعلا يا بسنت المفروض نخرجه من المنظومه البشريه على كدا افضل