السبت، 10 يناير 2009

حتى لا تكونى لصة اندروير

المقهوره والندله على باب شقتها اليى هيا مطروده منها واليى واخداها تمكين (بالنص يعنى هو حيطه وهيا )

مقهوره:ازيك يا علان ؟
الندله: انتى جايه عايزه ايه؟
مقهوره : هيا الشقه دى مش تمكين بينى وبين جوزك انتى اليى المفروض بتعملى ايه هنا بس معلش مش عايزه ارميكى فى الشارع كفايه عليكى علان هديه من ربنا بصراحه تكفير ذنوب
علان :هيا ليها فى الشقه زى ما ليكى ؟
مقهوره :فى قانون مين انا فاهمه القانون كويس بس انا سايباها وسايباك لما اخد ورقة طلاقى هيطلعكوا القانون مش انا
علان :خلى القانون ينفعك اديكى فى محكمة الاسره عملتلك ايه ولا حاجه
..وبعد كلام يحرق الدم واحنا اكيد دمنا محروق طبيعى من حال غزه والعراق ومنتظر اليى مش عارفين عنه حاجه..فنقصر ونكمل
مقهوره : وهيا مذهوله ايه ده هدومى ( ممسكه بقطعه شديدة الخصوصيه ) قميص نوم واندروير يا لهوى
قميص نومى بيعمل ايه هنا (بصوت عالى) مقهوره بئه
الندله :دى مش حاجتك دى حاجتى انا (زى ما اسرائيل بتعمل كده ارضى انا وربنا كتب عليهم الشتات اصلا)
مقهوره :ازاى افهم واكسسواراتى يا ربى الاندروير حتى انتى مبقرفيش
الندله : الحاجات دى حاجتى ومنتيش واخده حاجه
مقهوره : بموجب اى قرار سياسى .. علان دى حاجة مين (سكت شويه حاجتك)
مقهوره : وهيا مذبهله ان الدنيا فيها بشر كده ..طب ازاى تقبلى على نفسك تغتصبى حاجتى وتغتصبى كرامتى على بعضها تسرقى حاجتى وادق خصوصياتى كمان انا مش زعلانه على الهدوم والاندروير دى حاجات بتدوب وبتنتهى زى أعمارنا انا زعلانه على البشر اليى بتلبس الاندروير اليى مش بتاعها
الندله : ملكيش دعوه وامشى اطلعى بره قبل ما اتبلى عليكى
مقهوره : سبحان الله اعترفتى اتبلى عليكى انتى مش حاسه ان اليى بتعمليه فيا وفى ابنى ده حرام مش حاسه انك بتساعديه على ظلمى
الندله : لا طبعا انتى اليى مش عايزه تتنازلى يعنى غاويه مشاكل
مقهوره : ااقولك حاجه الدنيا بتلف بسرعه زى عقرب الثوانى كلها مش اكتر من سنيين معدوده ده لو مكنتش سنتين بالكتير وهتتعاد الكره فيكى وسيناريو محدث ومضاعف وبعدين يا بنتى ده مطلقنى شرعا هو اليى مش عايز يدينى حقى
الندله :بنظرات شرانيه وغلانيه زى نظرة نظرة جنود المرتزقه للشعب العراقى ملكيش دعوه
مقهوره : ربنا يهديكى وينورلك بصيرتك واه نسيت حسبى الله ونعم الوكيل اصلك تستاهلى الدعوه دى قوى
يا حرامية الاندروير حاجه تكسف لا تقرف

اوعى تكونى يوم من الستات اليى بتسرق الملابس الجونايه لست تانيه بمعنى لو قدرلك بشكل ما انك تكونى زوجه تانيه على زوجه طبعا او زوجك المغوار يكون متجوزك على طليقته شرعا اليى طبعا مطلع عنيها ومبهدلها واكيد اكيد ام اولاده (شوفتى الوفاء اتعظى) شوفى يا ستى وما ستك الا جدتك اوعى تبقى السلاح اليى بيحاربها بيه وحطى نفسك مكانها وانك فى يوم ممكن تكونى زيها او نقول ده اكيد فمتجيش تتقمصى دور اللص الندل وتدعبسى فى خصوصياتها وتسرقى محتويات ما كانت شقتها والاربع حيطان بتوعها يعنى عيب قوى تسرقى هدومها الشى اليى بيبقى لازق فيها يعنى ده شئ فاق النداله والوضاعه بمراحل
ولو انتى قدرلك انك يتقدملك بشكل ما برضه راجل متجوز او عايز يتجوزك على مراته بدون علمها او ليه طليقه مجرجرها فى المحاكم اوعى اوعى اوعى (تلاته اوعى ) وحذارى انك تكونى سبب فى خراب بيت حد ..اوعى تسرقى زوج واحده تانيه لان دى زى سرقة الاندروير بالضبط
.. الموضوع ده انا شفته حصل فعلا والعبره مش فى الهدوم دى ماسافة ما بتتلبس بتبقى باله زى ما بيتقال العبره هنا فى السرقه المعنويه وان ست تناطح ست فى حقها وتكون سلاح للزوج يضرب طليقته بيه
ثانيا الشقه مش الكفاح عليها عشان ثروه ما الشقه بالنسبه للمطلقه وقف حال يعنى مش من حقها تستنفع بيها الا للحياه فيها فقط ولو اتجوزت بتروح منها للزوج فتخيلوا الست بتضحى بحياتها ومستقبلها وعمرها عشان تضمن لاولادها مسكن اربع حيطان ابوهم مستخسرهم فيهم ..
ثالثا انا مش مصدقه نفسى انى فى الداشبورد وبكتب انا كنت غايبه وغيبتى طولت بس كان غصب لان كان عندى مشاغل لا حصر لها ومشاكل للركب يا دنيا والنت كمان كان مغمن عليه والدنيا كانت مبهجه قوى كالعاده بس الحمدلله بس الغيبه دى اكدت لى ان انا مليش حياه مثاليه واوكسجين نضيف استنشقه الا هنا فى عالم التدوين والمدونه حصلها حاجات حلوه قوى كتابيا فى الصحف وانا هنزل الموضوعات دى تباعا
بس والله وحشتونى بشكل مش هعرف اعبر عنه وبجد ربنا يبارك فى العالم ده وميخصسوش البلوجر يا رب
والناس اليى سالت عليه مش عارفه ااقدرهم ازاى بس يكفى انى كل ما اشوف تعليق او استقبل مكالمة تليفون من حد بدعى لصاحبها بالغيب ودعوه من قلبى لان ده هو الحب فى الله فعلا ربنا يكرمكم ويسعدكوا جميعا فى اولادكوا وحياتكوا ويبعد عنكوا شياطين الانس اليى غلبوا فى مكرهم شياطين الجن
..........................................

تحديث تحديث تحديث واحنا لسه بنقول يا هادى

يا جماعه مش انا اليى اتسرقت انا كنت شاهد عيان فقط

وبالنسبه للناس اليى صدمها كلمة الاندروير فى البوست يا جماعه مكنش ينفع انى اكتب الموضوع من غير ما اكتبه بصورته الفعليه لان الانحطاط وبشاعة ووقاحة الموضوع مش هتبان ويظهر مداها الا بكده بصورتها الفعليه

فللى شعورهم اتجرح انا اسفه بس شعور الست اليى حصلها كده اتجرح واتقطع اكتر وطرنشات كمان

واسفه لو الكلمه مش حلوه او انتوا مش اتعودوا منى انى اكتب كده بس واقع موضوعات الحياه ومقالبها اكثر جرئه من الكلمه نفسها

اسفه كمان مره لو مشاعركوا اتجرحت

وللمره التالته برضه مش انا صاحبة الموقف ده او مش بالضبط (سامحنى يا رب ) ههههههههه ااقول ايه معلش استحملوا بقى




هناك 188 تعليقًا:

Unknown يقول...

محاسن ازيك
بصى حرامية الاندر ورير دول اكتر من الهم على القلب بس الاسباب والتبريرات مختلفة
يعنى المراة اللى تحب تاخد الرجل من زوجة اخرى او خطيبة اخرى دا شئ للاسف موجود ساعات بتكون فى صورة زوجة اخرى او صديقة او عشيقة
وتبريرات موقفها هى كتير اما انك متستهليش او معرفتيش تحافظى على الراجل او مش مرياحة او مش فهماه وهلم جرى
محاسن للاسف الخيانة والافتراء دا مش بيكون وليد لحظى
لا دا بيكون شئ متاصل فى الدم شئ موجود فى شخصية وتكوين تلك اللصة
فزى ما قبلت بما يحدث لك من مهانة واذلال هى كمان لازم يكون لها دور فعال وبناء فى تلك العملية عشان تفخر بنفسها وترضى ساديتها وتشعب رغبتها فى تدمير النفوس الطيبة


ربنا يوفقك ويعينك

بنت الغربة يقول...

محاسن ياحبيبتى
الاخلاق انعدمت من عند ناس كتيييير
وايه يعن سرقة الاندروير؟؟؟ماهى سرقة جوزك
وماتزعليش بكره يدوب ويبهت ومايبقاش صالح للأستعمال (انا قصدى جوزك مش الاندر)
على فكرة انا رديت على سؤالك عن اختى عندك
شفتيه ولا لأ
تحياتى ليك

princess يقول...

كما تدين تدان الدنيا هتلف تلف وحد يعمل فيها كده او حد من اولادها يحصله كده برده:)
متبقيش تتاخرى كده ولما النت يغمن عليه ابقى حطيه على جهاز تنفس صناعى هههههه
وحشانى يا ام عبد الرحمن

Mony يقول...

سبحان الله

الناس اللي بتقعد تتخانق و تاخد في حاجات مش بتاعتها غصبا و عدوانا دول ناس مغيبين

دول عايشين عيشة وقتية

مش عاملين حساب ليوم ما يقابلوا ربنا


سيبك من ان كما تدين تدان

هيقولوا لربنا ايه لما يقابلوه هترد علي ربنا بمبرر ايه
وقتها بأه ماينفعش المبررات الي واخداها لبانه طول النهار و الليل


ربنا يسترها علينا


و عليهم

Mina يقول...

معلش يامحاسن
اصبري
بكرة ربنا يعوضك

وبعدين ياما ناس بتسرق
اللي معفن وبيسرق ادروير
واللي باشا وبيسرق حاجات تانية والناس بتسقفله
والخير كتير والحمد لله خلي الحرامية تشبع
يالله ماحدش واخد منها حاجة

أحمد (زوج مخنوق ). يقول...

ربنا يصبرك يا محاسن
بصي طبعا زي ما قلتي حاجة معفنة قوي انها تسرق حاجة خاصة زي كده
بجد مقرفة
بس المشكلة انك انتي ساويتي بين سرقة الاندر وير و بين الجواز
يا محاسن الجواز الشرعي عمره ما كان سرقة و الا ما كانش ربنا حلله للناس
بل بالعكس انه كتير جدا بيبقى حل لمواقف كتير بدونه كانت هتتحل بما يغضب الله
و كمان و نهر الحب في ردها ساوت بين الزوجة الثانية الشرعية و بين العشيقة و الصاحبة
يا اخواتي الجواز الثاني مش حرام
انما السرقة و الصحوبية و العشق هما اللى حرام
مقدر جدا شعورك
و محتقر قوي غباء الندلة
و صدقيني قريب هي نفسها هتعاني من اللي هي عملته
زي ما بيقولوا
لو دامت لغيرها ما كانتش وصلتلها

تحياتي

"عبير النجار "نيجار يقول...

وحشتيني جدا جدا جدا
وبجد مش عارفه أقولك إيه
بس كما تدين تدان ، ويوم ليك ويوم عليك
والصبر حلو وجميل برضه ،
وبكره نقعد جنب الحيطه ونسمع الظيطه ،
شفتي حكايه بجد مليانه عبر وامثال شعبيه بس بجد من الغباء ان واحده تآمن لواحد عمل كده في واحده تانيه بس أقولك الطيور على أشكالها تقع ،
إضحكي بقه عقبال ما أعرف اتلم عليكي
سيبتلك اوفلاين ومش عارفه شفتيه ولا لا وموبايلك جنني بجد حليهالي انتي يا سنسنتي ولا أجيلك أصالحك يله فكري وانا مستعده اجيلك ان شالله آخر الدنيا بس والنبي إضحكي
:)

Empress appy يقول...

وانتى تتقهرى ليه ده اندر وير لا طلع ولا نزل وطبعا طبقى الكلمه على الشخصيتين
يعنى على اللى خدته واللى بيدافع عنها الاتنين ميختلفوش عن اند وير مرمى على الرصيف باتنين جنيه
ولسه هنشوف كتير

SHAPE YOUR LIFE (ABOALI) يقول...

مش عارف اعلق باءى طريقه
بس احنا عندنا واضح جدا
دعارة فى العقول
وتشمل دعارة فكريه وكلاميه وثقافيه وسياسيه وانسانيه وهكذا

ماحدث سيدتى هو بيع عقل بطريقه فعلية
المسؤل عنها ادم زوج الست
فلا عيب على حواء حراميه الاندر
ولكن العجب ممن من سمح بهذا
فاءن كنا نتكلم عن قوامة الرجل
فهنا نتكلم عن ماذا نفعل عن قوامة حيوان فى صورة انسانيه تربيا" واخلاقا

الحوار الذى تم بين المقهور والندله
ما كان يجب ان يتم وحتى يطرح على السطح
لاءنه على مبدء كيد العوزال وتمكن الانحلال الاخلاقى
ماذا كنتى تنظرى من سيدة سمحت لها نفسها ان تتلفظ بما كان فى الماضى يعتبر
حياء وحمرة خجل
تصب علينا اللعنات تباعا" لمثل هذه التصرفات
ولكنها هى الحياه تعرضنا لكل الالوان
لتمحصنا وتزيل من قلوبنا تراب الايام

ليكون هناك جزاء اعظم

سيدتى احيانا الصمت اصدق تعبير عن الكلام
فاصمتى كثيرا" وتكلمى قليلا" فى الوقت الحالى

ولنا جميعا العزاء فى القيم
لم اكن اتصور انى سئقرء بوست عنوانه هكذا

لا تعليق

romansy يقول...

اولا انا مش هعلق على البوست
انا جاى اطمن عليكى
واقولك حمد الله على سلامتك
ايوه كده نورتى
زى لمبات توشيبا
واكتر كمان
دا انتى نورتى قد كهربا السد العالى كلها

متغبيش تانى علينا

كل سنه وانتى طيبه

prince4ever يقول...

ازيك يا استاذتي
حمد الله عالسلامه
والله حضرتك كنتي وحشاني اوي و عاوز اطمن عليكي و على عبده ...أصلك غبتي فتره برده..
يا رب تكوني كويسه و مبسوطه و تكون مشاكلك كلها اتحلت يا رب
معلش مقرتش الموضوع بس ان شاء الله هاجي تاني عشان اقراه..انا قلت بس اعدي اسلم و اطل دلوقتي
كل سنه و انتي و عبده العسل بخير
سلام

أميرة يقول...

حمد الله علي سلامتك :)

مش هعرف اعلق بحاجة علي كلامك غير انك تفتكري قول الله في الحديث القدسي عن المظلوم : وعزتي وجلالي لانصرنكم ولو بعد حين.

وقسم الله حق و لابد محقق .. ربنا يكفيكي واهلك كل سوء يارب

غير معرف يقول...

ازيك
انا عارفه انك زعلانه منى لانى مش سألت

بس انا كنت فى دنيا غير الدنيا
وانتى برضه مش سألتى
ردك على تعليقى زعلنى اوى
كده مش باقيه عليا للواد؟

اسفه بعيش فتره صعبه اوى
سامحينى وحمد الله عل سلامتك
ولو زورتى بلوجى هتعرفى انى بقالى زمان مش دخلتها

momken يقول...

ههههههههههههه

شر البليه ما يضحك

اولاً : الف ميلون حمدالله على السلامه
منوره المدونه وبلوجرز والنت كليله
فعلا والله وحشنا كلامك جداً جداً


وكل سنه وانتى طيبه بمناسبه راس السنه الهجريه والميلاديه وعاشورا وكل الحجات

بالنسبه للبوست
انا طعباً ومن غير حلفان مش واحده من الى انتى موجهه ليهم كلامك

لكن عندى نصيحه لكل واحده قلقانه يتسرق منها (الانجيرى) بتعها عنوة او غصباً واقتدراً

انتوا ياجماعه ممكن تستعملوا لانجيرى كلينكس يعنى بعد ما نستعمله ممكن نطبقه ونرميه
او تماما زى البامبرز بس طبعاً هيكون اشكال وانواع وبرضه هيكون له قيمه وماركات سينيه

والله عيشنا وشوفنا حد ممكن ياخد ملابس حد الخاصه
بركره حد ياخد نضاره حد او ياخد لبانه حد غيره مضغها

اعتقد مناظمه حقوق الانسان منعت جمع الانجيرى فى الملابس القديمه التى يريدون منحها لبعض الدول الفقيره
لان مش من الانسانيه او التحضر او حتى النظافه ان حد يلبس الحجات دى مكان حد

ياله النفس الى تقبل
بس معتقدش ربنا هيبارك فى اى حاجه هتحصل وهى بالهدوم دى طبعا مفهوم

سورى على التطويل

تحياتى

Sweet Violet يقول...

كما تدين تدان

و زى ماقولتى الدنيا بتلف و ربنا موجود و عادل

و كل واحد بيحاول يبرر لنفسه عامله و هو عارف كويس انه خطأ

و خصوصا لو كان بيفرق مابين الناس

ربنا قادر يوقعوا فى شر اعماله . و اللى بيساعد على شئ غلط زى اللى عامله بالظبط

ربنا يعينك و يوفقك ياقمر

نورتى بلوجر من جديد ياجميلة

و بلاش التأخير دا

انا حره يقول...

حمد الله عالسلامه ياقمر

منوره بلوجر والله

غير معرف يقول...

ما اكدبش عليكي ، أنا تعبت أوي علشان اقرأ كلمة "اندروير" ، قرأتها حاجة تانية ...

أنا مش متصور إن فيه ست ممكن تقبل تتجوز راجل ، وهي عارفة إنه مبهدل زوجته التانية ، أكيد مش معقول !!!!

طبعاً قبل سلاح ضد الزوجة التانية ، فهي بتضر نفسها قبل أي حد تاني ...

طولتي أوي أوي ،

حمدلله على السلامة

في آمان الله

محمد ( رادار )

إبن مصر يقول...

السلام عليكم


حمدالله على السلامه يا أم عبدالرحمن

وطبعا انا هعتبر انى الدعواااااات الكتير الحلوه دى من نصيبى لأنى كنت بسأل عليكى وانتى كنت بتقولى انك هنا وانتى مش هنا بس كنت مطمئن انك على الأقل متابعه البلوج

مش هعقب على البوست لأنه حريمى اوى
:)

وحشتينا يا أم عبدالرحمن

ضــى القمــر يقول...

يا اهلا بالغائبه محاسن ..
وحشتينا يا بنتى جدااا جدااا .
ورجعوك كان ببوست غريب جداا بصراحه .
واعتقد أن الموضوع وصل للنداله فى المعامله .. يبقى هيوصل للنداله فيما اكثر من ذلك .
محاسن اتمنى لكِ كل الخير .
وكفايه انفعالات وحرقة دم علينا وعليكى من مشاهد غزة زى ما قولتى .
حاولى تفوقى وترجعى لينا ببسمتك اللى اتعودنا عليها يا محاسن . ولو ماكنش علشانا يكون علشان خاطر عبد الرحمن :)

سلميلى عليه .. وربنا يخليه ليكى يارب

متغبيش تانى علينا كده .
اجمل تحيه ود من قلبى لكِ يا قمرى .

kalamfady يقول...

جوزك يطير...وبعدين الاندر وير...على العموم الاتنين ما يفرقوش عن بعض كتير..اغلب الرجالة كده عايزين يتولعوا وبعدين يترمو فى بير....ومعاهم شويت ستان كتيييير.....
بس ارجع واقولك الدنيا لسه بخير....

Soul.o0o.Whisper يقول...

محاسن حبيبتىىىىىىىىىىىىىى

حمدلله عالسلامة يا قمر ..
نورتى بلوجر كله .


محاسن حبيبتى

بصى مش هأعلق على النادلة و الندالة
و لا على علان

لكن بجد عجبنى ايمانك ،
و يقينك ان الحياة دوراة
و إنها تانى هتلف عليها ...

الحياة ماهى إلا رحلة نتعلم فيها ،
و الشاطر صح .. اللى بيتعلم منها أوى

يكفى بس إن ربنا مارضاش ليكى انك تكملى حياتك مع واحد مايستهلكيش
دى لوحدها نعمة ..

و اللى هو بيعمله دا ، مش شئ يعيبك
دا بيعيبه هوا ...
وهو اللى هيشرب منه




صحيح ألم المشاعر صعب قوى ... بس بيقوى قوى ...
ربنا يعينك و يقويكى يارب


خالص ودى ،
و ماتغبيش كدا تانى
:)

مجلة الأم الصغيرة يقول...

حمدالله على السلامة يا جميلة
و أنا بقول بلوج سبونت نَوَّر ليه؟؟
يا رب ماتغيبيش عنا تاني أبدا

أما عن البوست
فشر البلية ما يضحك :)

mahasen saber يقول...

نهر الحب.....

ايناس الجميله منوره يا حبيبتى
وتحليلك مضبوط يا ايناس بس كان غايب عنى لانى بفتكر ان الامور دى بتبقى مستجده على الانسان يعنى كنت بعتقد ان الخيانه والسرقه وليدة الظروف بس واضح زى ما بتقولى يا نوسه ان الانسان بيبقى عنده دافع ليها فعلا

تحليلك وتعليقك اجمل من بوستات مدونتى كلها

mahasen saber يقول...

بنت الغربه.....

ههههههههه بنت الغربه ازيك يا حبيبتى
اولا انا جوزى متسرقش لانى مطلقه شرعا يعنى مش متجوزه بخلاف وجهة نظر القانون فى ذلك

بس انا بتكلم فعلا عن الست اليى تقبل انها تسرق جوز واحده تانيه وهيا عارفه انها بتهد كيان اسره
او تكون بتساعد رجل ما على ظلم ست تانيه

اما اختك فانا رديت عندك برده يا حبيبتى وبقلك قليلها انا تحت امرها فى اى حاجه ويسعدنى معرفتها لو معرفتها بيا ممكن تخليها تفضفض وتطلع شويه من اليى هيا فيه وتتخطى الازمه على خير لانى مريت باليى هيا مرت بيه بالضبط وكتير للاسف
فيعنى انا حاسه بيها جدا
ربنا يكون فى عونها ويعينها ويقويها

منورانى يا حبيبتى

mahasen saber يقول...

princess......

برنسيستى الجميله ازيك يا حبيبتى منورانى وحاضر لما يغمن عليه هعمله انا تنفس صناعى ههههههههه ده جننى

وفعلا يا برنسيستى كما تدين تدان دى انا مؤمنه بيها مليون الميه وعندى ثقه فى المقوله دى جامد عشان كده بحسب خطواتى كويس قبل اى تصرف مخافة انى ااقع فيه بعد كده او يحصل لابنى او حد عزيز عليا

منورانى يا حبيبتى يا برنسيس يا جميله

mahasen saber يقول...

mony......

الله يا مونى حلوه قوى مغيبين دى من اجمل التعبيرات اليى سمعتها بصراحه

بس اعتقد ان ربنا ادانا عقل نفكر صح ومشاعر نستفتيها لو الامور قدامنا مش واضحه بس سعاتكتير الناس بتلغى الجزئين دول فيبقوا زى ما قلتى يا حبيبتى مغيبين فعلا

منوره دايما يا مونى..الا البنوته الجميله دى بترسم ايه على الرمله..

mahasen saber يقول...

manamino......

ههههههههههه مش انا اليى اتسرقت انا بتكلم عن موقف شفته بام عينى
بس انا مجراليش لسه الموقف ده
وربنا يصبر الجميع يا رب

بس البشوات بيسرقوا ايه يا منامينو ها ههههههههه
والله منوره ومشرفه كمان البلوج وانا على بعضى

mahasen saber يقول...

احمد (زوج مخنوق سابقا......

اخويا احمد وانا والله اخويا اسمه احمد فعلا انا مش بقول ان الجواز تانى مش حلال والعياذ بالله ازاى هتكلم فى شئ ربنا شرعه بس انا بقول رساله للست اليى ممكن تتجوز راجل بالظروف دى وعلى مراته او مطلع عين مطلقته فى المحاكم ..بقولها اتقى ربنا اولا لو متجوز متجوريش على حقها وخليكى دايما بوصله ليه فى انه يتقى ربنا فيها حتى ولو فكر يحيد واوعى تفتكرى ان خراب بيتها فيه سعادتك لان الايام دول بين الناس
ولو جوزك مطلع عين مطلقته فى المحاكم خلى نفسك سبب فى انه يكرمها ويكرم اولاده ويديها حقوقها
دى رسالتى يا ابو فاطمه مش اكتر ولا ااقل بس ممكن الامور منجحتش انا فى ايضاحها بالشكل المناسب

منورنى ومشرفنى جدا
بس فين حبيبتنا الجميله ام روح حلوه ام فاطمه
ارجو تبلغها سلامى ربنا يسعدكوا ويباركلكوا فى بعض

mahasen saber يقول...

نيجار.....

نيجا نيجارتى حبيبتى اختى الغاليه وصديقتى الصدوقه انا بناغشك يا قمر
معقول انا ازعل منك ولاا انتى اصلا بتعرفى تزعلى حد يا بنتى ده انتى فاضلك جناحين وتبقى ملاك

انا كنت بهزر فى موضوع الزعل بس انما تليفونى ده بيرسم على جنانى لا مش هظلمه الشبكه اليى ضعيفه ههههههههه
والله وحشتينى يا نيجار بشكل ووحشنى الكلام معاكى جدا
بس اخبارك ايه لسه بتشربى قهوه من غيرى ولسه عند وعدك هشرب فنجان قهوه من ايدك

مستنياكى على الماسينجر يا جميل
نقوليا رب
وبعدين مش دايما الطيور على اشكالها تقع يا نيجار هههههههههه ها احم احم افهمى بئه قصدى على ايه ههههههههههه
انا مسخسخه من الضحك اهه

mahasen saber يقول...

appey......

ابى الجميله الجدعه وصلت هههههههههه يعنى اخرتهم يا قمر ب اتنين جنيه انا بس عايزه اوصل رساله وعبره يا ابى للست اليى متجوزه راجل متجوز او اليى متجوزه واحد وهيا عارفه انه مطلع عين ام اولاده فى المحاكم
بس الحكايه مش كقيمه ماديه وانما كحدث وشئ معنوى
بس والله يا ابى كلامك مضبوط

منوره يا حبيبتى يا جميله

mahasen saber يقول...

aboali......

ابو على انا حاسه انى بعنوان البوست سببت ليك احباط ولاا خدشت حيائك بجد انا حاسه بتأنيب ضمير وانى عملت مصيبه
انا بتكلم عن شئ حصل ولازم انقل الموضوع بحذافيره لان وضاعته وانحطاطه بيكمن فى الشئ المسروق
يعنى ان واحده تسمح لنفسها انها تسرق شئ رخيص وهايف وشديد الخصوصيه كده هبرز انا وقاحة الفعل ازاى الا اذا نقلته زى ما هو

انا اسفه لو تسببت فى احباطك
او ازعجت عنيك او فكرك وانتا بتقرا بجد اسفه لانى بحترمك جدا وفوق ما انتا تتخيل ومتخيلش انى اجرح حيائك او ااذى مشاعرك بأى شكل

تقبل اسفى واعتذارى لو انا تسببت فى مدايقتك اسفه جدا
وقوى كمان

mahasen saber يقول...

romansey.....

بئه انا نورت زى لمبات توشيبا ههههههههه طب كويس اصل توشيبا دى مش تبع قايمة المقاطعه
منورنى انتا يا رومانسى
وميتحرمش البلوج ابدا ابدا من سؤالك عليه

منور يا ساهر

mahasen saber يقول...

prince4ever.......

رامى الجميل دكتورنا الرائع ازيك يا رامى منور البلوج ومشرفنى بالزياره حتى من غير تعليق على البوست
كفايه تشريفك ليا بس

والله يا رامى انتا اليى ليك افتقاد جامد ونفسى اتطمن عليك واعرف اخبارك يا رب تكون بافضل حال
واعتقد انتوا عندكوا امتحانات دلوقتى ربنا يعينك ويوفقك
انا هجى ازورك واتطمن عليك بس اروح اى مدونه
جهز القهوه فى الاتنين
منور يا برنس

mahasen saber يقول...

اليس فى بلاد العجائب.....

يا حبيبتى نورتى وشرفتى البلوج
اخبارك ايه يا رب تكونى بافضل حال
واخبار سيف ايه مش سيف برضه ربنا يعافيه ويكمل شفائه على خير

بجد انا سعيده بزيارتك يا حبيبتى
ربنا يطمنك على كل من تحبين

mahasen saber يقول...

habiba......

مالك يا مقروضه انتى كمان فى دنيا غير الدنيا بتروحى وبتسافرى لعالم تانى من غير اذن ابنى وعايزانى مش افض الخطوبه

مالك يا قمر هو انا ااقدر ازعل منك يا هندسه
وبعدين لو فسخ خطوبة بيرو هيعمل فيكى كده انا ارجعها علطول وفوقها بوسه كمان
لا ادونى انتوا البوسه وانا اجيبلكوا حاجه حلوه هديه

روقى يا قمرى وشدى حيلك فى المذاكره احسلك يعنى فاهمه
وانا هجيلك اشوف اخبارك ايه
وحشتينى يا حبوبه

mahasen saber يقول...

momken.......

ممكن الا ممكن منورنى والتعليقات تحت امرك ترغى فيها كيفما تشاء
بس تصدق اول مره اعرف المعلومه دى

بس جزئية البامبرز دى ممكن يا ممكن لو سمحت اضربك عليها ههههههههه
منورنى يا ممكن
ومشرف المدونه دايما بالزياره الجميله

mahasen saber يقول...

ضد التيار.....

والله كنت هكتب ضد الجميله فوق فى العنوان بس اكتبها هنا ضد الجميله القمر يا حبيبتى
الله ينور عليكى مفهوم كلامى وصلك المساله ان اليى بيعمل شئ النهارده وبيساعد حد على ظلم حد ميفرحش وميتغرش فى الدنيا لانها دواير وفى ثانيه بنتحط فى نفس الاماكن والاوضاع والمواقف اليى اتسببنا بيها فى ان غيرنا يعانى منها

منورانى يا حبيبتى
وربنا يسعدك يا شيكو ويرزقك بابن الحلال وبكل خير يا حبيبتى يا رب

mahasen saber يقول...

انا حره.....

الله يسلمك يا قمر
منورانى انتى يا حره يا ام اسم بحبه
وبعدين بلوجر منور بمدوناته واصحابها

بس شكرايا حبيبتى يا قمر

mahasen saber يقول...

radarblog......

دكتور محمد دكتور محمد وأأكد على دكتور عشان عارفه انها بتنرفزك هههههههههه
ازيك يا محمد منورنى منورنى واسعدنى وجودك جدا جدا فوق ما تتخيل
وبجد اتبسطت انك قطعة تذكرة سفر وجيت من الوردبرس لهنا اصلى عارفه المسافه بعيده ومتعبه

كلامك صح يا محمد بس مين يفهم بئه

انا مش هغيب ان شاء الله تانى
وانتا شرفنى علطول
تمام كده

mahasen saber يقول...

son of egypt......

ابن مصر البار ناجح طبعا الدعوات من نصيبك ونصيب كل حبايبى
انتا عامل ايه وياسمينا اخبارها ايه بقت كام سنه كده ربنا يباركلها فى عمها

طمنى عملت ايه فى مشكلتك يا رب تكون اتحلت على خير مينفعش اسال بس انا هجى اتطمن بنفسى
ربنا ما يحرمنى من سؤالك الكريم عنى يا اخويا البار

وبالنسبه للبوست ااقراه تانى يمكن تطلع بشئ مفيد
وممكن تحس انه حصل لحد تعرفه مش قصدى على السرقه يعنى ههههههههه قصدى على الزوجه التانيه

سلامى لياسمينا الجميله

ريمان يقول...

يالهووووووووووووووووووووووى


ااااااااه يا قلبىىىىىىىىىى


حسسبى الله ونعم الوكييييييييييييل


ايه ده

ايه يا ربى ده

مكنتش اصلا اعرف ان طليقك ده متجوز

اااااااه ولا على باله بقه

وغرقان فى العسل معاها

ومش همه حقوق حد ولا بيفكر فى حساب ربنا اصلا

اقول ايه بس

مش عايزه اشتم

بس بجد الندله دى او الواطيه دى قليله الادب اوى اوى

اخصصصصصصص على دى ستات

اخصصصصصص

واله يا قلبى ما تزعلى نفسك ابدا

يحرقوا كلهم بجاز مش نضيف

يا رب تخلصى من المشكله دى بقى

ويعديها على خير

وربنا يخلى ليكى بيرو ويقر عينك بيه ويملى عليكى الدنيا دى كلها

وما تتحرمى منه ابدا ابدا

اه ياااانى لو اشوف البت دى هى وطليقك والله اكلهم باسنانى

لانى محبش حد يزعل حيببتى محاسن ابدا

mahasen saber يقول...

ضئ القمر......

حبيبتى ضئ الجميله انتى اليى منورانى يا حبيبتى ومجرد ما اشوفك فى البلوج والله قلبى بيتطمن وبفرح يا حبيبتى
بس فعلا انا حاسه ان غرابة البوست فى الاسم انا اترددت فى كتابة الاسم بس قلت ده واقع وحصل ابقى اغير فى حقيقته ليه
وحسيت ان الموضوع مش هيوصل بالقدر اليى انا شايفاه يعنى شئ حقير كده هيطلع ازاى ليكوا او هتحسوا الاحساس اليى انا عايزه اوصله ازاى الا لما انقل الامر بواقعيته المخزيه

وحشتينى يا حبيبتى
وبعدين انا سعيده ومبسوطه والحمدلله على كل حال كفايه قوى انى عايشه وابنى فى حضنى دى نعمه الحمدلله عليها
وبعدين عندى حبايبى ناس ملايكه زيكوا كده ابقى ازعل ليه بئه
دى تبقى قلة ادب منى لو زعلت هههههههه

يا حبيبتى تعيشى وتنورينى دايما

mahasen saber يقول...

kalamfady.......

ههههههههه والله جوزى متطرش انا مطلقه طبيعى بس معرفش بفعل فاعل ولاا لا يعنى كان فيه واحده اخرى ولا لا بس انا بتكلم عن الزوجه التانيه يا جماعه
مش موضوع يخصنى يعنى
وعايزه اوصل رساله ما واوضح نقطه مهمه وشكل الزوجه التانيه ودورها فى تنغيص عيشة المطلقه او الدره زى ما شفنا
ونعيش ونشوف غيرها

بس نورتينى نورتينى وايه الملاك اليى فى الصوره ده
ربنا يحمى ويبارك يا رب ويجعله قرة عين لاهله وبار بيهم
نورتينى وشرفتينى كمان مره

mahasen saber يقول...

soul000..whisper......

يا حبيبة قلبى منورانى ونورتى تانى انتى مش كنتى فى اجازه يا قمر
انا عارفه ان قلبك رهيف وهنوحشك وهترجعى علطول
بجد وحشتينى ونورتينى يا سولو يا قمر

والواحد يا جميله لو مفكرش فى الدنيا كده هيفترى ويطغى بجد فلازم يحط الحاجات دى قدامه عشان تبقى حواجز وسدود ليه عن اى شر ممكن يعمله ويأذى بيه حدتانى

نورتينى يا حبيبتى
ومنورانى ومشرفانى علطول
ربنا ميحرمنيش من سؤالك عليا ابدا

غير معرف يقول...

ههههههههههههههههه
الظاهر ان الموضوع خااااااااااص جداً
طب نعلق نقول أيه ؟
بس الملاحظة الوحيدة ان أسم ندلة ده هو اقل ما يمكن تسميتها بيه
هى وصلت للأندروير كمان
على كدة كل واحد بعد كدة يخلى باله و يعلم على أندرويره

mahasen saber يقول...

قطرات من شؤاطئ الحياه.....

يا حبيبتى تعيشى يا قطره يا نقيه يا جميله
سؤالك عليا مش عارفه بيسعدنى ازاى
وبيفرح قلبى فعلا
ربنا يسعدك ويكرمك يا حبيبتى
ومنحرمش من سؤالك عليا ابدا
انتى المهم كويسه واخبارك ايه فى المذاكره شدى حيلك
الامتحانات اهى

ربنا يكرمك ويسعدك اللهم امين

mahasen saber يقول...

ريمان ......

هههههههههه ريمو مش انا مش انا مش انا يا كسوفى الموقف ده مش اتعرضله انا انما انا شفت الموقف كنت شاهد عيان يعنى
ههههههههههه
بس ابو ابنى يس يس متجوزفعلا من حوالى سنه ونص كده يا ستى ربنا يسعده ويهديه ليها ويهنيهم ببعض

بس انا مش فى الموقف ده خالص خالص خالص
ههههههههههههههه
بس فعلا يا ريمو اخص على دى ستات
ستات تجردوا من معنى الاخوه النسائيه صح ايه رايك فى التعبير ده يا قمر

منورانى يا حبيبتى

mahasen saber يقول...

صوره ومعنى......


ههههههههههههه مش بالضبط كده
بس بالنسبه للاسم ده فعلا ااقل ما توصف بيه اى ست تتجرد من مشاعر الانسانيه وتنخلع من كينونتها كست وتعامل ست تانيه متأكدهانها مظلومه بالوقاحه والشراسه دى

منورانى يا صوره ومعنى
ومشرفه المدونه
ويا الف اهلا وسهلا بالزياره الكريمه

شهرزاد يقول...

محاسن الجميلة
الحمد لله على عودتك سالمة
إن اللصوص في حياتنا ينتشرون بشكل كبير وهم يتدرجون من سرقة الأشياء المادية إلى سرقة الأشياء المعنوية
وكم تهون سرقة الأشياء المادية عن سرقة حاجاتنا المعنوية التي نحتاج إليها لنكمل درب الحياة كسرقة الامان والحب .. ولكن لكي نحافظ على حياتنا من سطو اللصوص علينا تحصينها جيدا وأخذ الحيطة والحذر.. والتوكل على الله والصبر على ما ليس لنا يد فيه
ربنا يحميك من اللصوص ويملأ حياتك حبا وأمانا وسعادة

تحيتي

أمل حمدي يقول...

ازيك يا حبيبة قلبي وحشتيني

ربنا معاكي يفرج همك اللهم امين

ها اقولك حاجة

البر لا يبلى والذنب لا ينسى والديان لا يموت,افعل ما شئت فكما تدين تدان

اصبري ومتتنازليش عن حقك وربنا ها ينصفك ان شاء الله

وحشتيني حبيبتي

سلام

marmar يقول...

حبيبتي محاسن
مش عارفه ارد اقولك ايه غير بجد حسبي الله ونعم الوكيل على الناس الي للاسف مفروض منطلقش عليهم لقب بشر دول اشباه الحيوانات لانهم يملكون عقل ولا يعرفوا كيف يفكرون
يملكون قلب ولا يعرفوا كيف يشعرون
يملكون أعين ولا يعرفوا كيف ينظرون
أعلمي شئ واحد هو ان الله سبحان وتعالى رحيم بعباده وقريبا سوف يرحمك من شر عذابك المتكرر وحرقة قلبك واعصابك على هولاء اشباه الحيوانات
وحقك سوف يرد اليك قريبا كما سيرد حق لكل فلسطيني عراقي او عربي حقه في ارضه وفي وطنه
الله لا يترك حق احد في الدنيا وفي الاخره وحقوقك جميعها سوف ترد اليك معززة مكرمة في حفظ الله وحب جميع الناس لكي ولكن صبرا جميلا يا سنسن رساله اوجها لكل امرأه خائنة:
أتق الله في افعالك التي تفعليها وسرقاتك وهدك لكيان اسره لا تفتخري بما تعمليه لان اليوم او غدا سوف تموتين وما ابشع ان تموتي وانتي خائنة تسرق وتفخر بما تعمله.
اتقي الله



وحشتينا اوي ومنوره اوي اوي وبحبك اوي اوي اوي

Nabil يقول...

السلام عليكم.....

مستنين موضوعاتك ده من زمااااااان

فعلا شر البلية ما يضحك

ايه ده.......هو فى كده؟؟؟؟!!!!!!!!!

سبحان الله

بجد مستغرب جدا وبضحك جدا

فى كده بجد؟؟؟
بس سيبك انت "كما تدين تدان"
ومقهوره دى حسبها الله ونعم الوكيل

ارق تحياتى الف سلام

وردشان smilyrose يقول...

اختى الغالية محاسن

والله يابنتى الواحد بعد اللى بيشوفه

من الندلة وشلتها دى

حاجة تخوف ربنا يستر

وبعدين المفروض انها تلتزم بالأخلاق

ايه دا مش عارف انا

المهم اسلوبك جميل قوى يا سونة

ربنا يديم عليكى الموهبه دى يارب

بس بلاش البنت الندلة دى

اصل اسلوبها يعنى


هههههههههههههههه

smilyrose

روح الحب الصادق

Unknown يقول...

أنا كويس الحمدلله بس أخباري مش ولا بد اليويمن دول أزمات عاطفية طاحنة يلا خير ربنا ييسر
هأستناكي تاني
سلام

عمرو يقول...

اٍزيك يا محاسن و حمد لله على سلامتك
الحقيقه أنها سرقت أتنين أندروير
اللى بيتلبس و الراجل اللى يقبل هذه المهازل تحصل لزوجته أو لطليقته أو حتى لصاحبته و العياذ بالله
ربنا يا بنتى يفك ضيقتك و يفرج كربك و أصبرى يا محاسن و أحتسبى عند الله ما تلاقيه من هم فكل ده فى ميزان حسناتك اٍن شاء الله و صدقينى و الله ربنا حيعوضك فى اٍبنك و حياتك خير عوض
اللهم فرج كرب و أجبر بخاطرها يا رب

dreem يقول...

حمد الله على سلامتك يا محاسن

dodda يقول...

يا حفيظ ..هي وصلت لكده؟؟؟
بجد تخيل الموضوع يصيبنة بالغثيان!!!


------------

ازيك ياللى نسيتينى ؟؟؟؟
مع انك بطيبتك وحنيتك وحشتينى

حاسوباتيه يقول...

وحشتينا قوي قوي بجد وماتغبيش كده تاني ابدا وحمد الله على السلامه على رجوعك لينا وان شاء الله المشاكل تكون اتحلت يارب

بالنسبه للبوست طبعا يعني الي تقبل تخرب بيت حد دي في يوم هيتخرب بيتها برضو واصلا يعني من قله الرجاله راحه تختار واحد مجوز دي ماعندهاش دم بصراحه ولا اخلاق ولا هو كمان يستاهل اصلا ولا هو كمان اصيل ربنا معاها يارب

حاجات جوايا يقول...

أخيراااااااااااا ظهرتى
حمدا لله على السلامة يا جميل
وحشتنا تدويناتك ووحشتينا جداااااااااا يا سنسن والله

بصى يا حبيبتى اللى من طبعه السرقة ممكن يسرق اى حاجة
واللى من طبعه الخيانة ممكن يخون حتى نفسه
احتسبى الله فيما ضاع منك
وسيبدلك خيرا منها بإذن الله

عارفة والله انك بتعملى كده
ربنا يعوضك خير يارب العالمين ويجعل ابنك خير سند ليكى فى الدنيا

وحشتينى يا جميلة
سالى

موناليزا يقول...

تعرفى يامحاسن مكنتش ناوية اعلق بس احتراما لاعتذارك على استخدامك هذه الكلمة غيرت رايى

بصى ياجميلة فى مقولة بتقول عتاب الندل اجتنابه ودى بجد احسن حل للتعامل مع هؤلاء
وتأكدى ان حسبى الله ونعم الوكيل هتجيبلك حقك هتجيبه وقريبا ان شاء الله
وعلى قد ما دمى اتحرق من الموقف على قد مابدعيلهم ان ربنا يسلط عليهم ضميرهم
ربك كبير ياسونا وحقك هيرجع وهتشوفى بنفسك انتقامه منهم
وتذكرى دائماقول الله تعالى فى الحديث القدسى"انا عند ظن عبدى بى فليظن بى ماشاء فان خيرا فله وان شرا فله"
تمنياتى لكى ودعائى الدائم بأن ينصر الله المظلومين ويفك كرب المكروبين ويفرج هم المهمومين..اللهم امين

شمس النهار يقول...

يانهار ابيض
تتدرجه دي يصل العند
صحيح العند يولد الكفر
محاسن زي ماقلت لك في التليفون
احتسبي عند الله وفوقي قبل فوات الاوان
انت دلوقتي عندك قضيه اهم من ده كله
افضي عشان تقدري تعمليها

أنت...وأنا يقول...

المظلومه فى مصر تروح تشتكي لمرات حسني مبارك تجيب لها حقها مهى ام المظاليم ربنا يخليها ويخلى جوزها وعيالها والحاشيه بتاعتهم وكل واحد بيزمر ويطبل لهم

ahmed_k يقول...

أولا إزيك يا محاسن
وحشتينا ووحشتنا موضوعاتك وكتاباتك
والخيانه أمر موجود ولا مفر من لقياه
فولا وجود الخيانه لما عرف للوفاء ميزة وحسنا ,
وأشد ما تكون للخيانة وقع مؤلم على النفس حينما تصدر من الصديق أو القريب الذي لا غبار عليه وعلى أمانته ووفائه ,
ففي الحالة التي ذكرتيها ليست المرأة الثانية فقط هي السارقه
بل الزوج هو السارق الأول
فلولاه لما تمكنت تلك الزوجة من السطو على أدق ممتلكات الزوجة السابقه
وهنا نترحم على تلكم رجال
ونترحم على النخوه والقيم
التي أهدرناها وبإهدارنا لها سنلاقي من الويلات الكثير
نسأل الله العفو والعافيه
ولكن لنأمل في الله خيرا
فالله لا يرد دعوة المظلوم
فقد أقسم جل في علاه من فوق سبع سماوات
مخاطبا المظلوم بقوله تعالى في الحديث القدسي
(وعزتي وجلالي لأنصرنك ولو بعد حين)


وفي الختام متتأخريش كتير عننا تاني
وكل عام وحضرتك بألف خير

Unknown يقول...

محاسن لا والله
ولا تحليل ولا شئ دا وليد التجارب
اللص لص جينى مفيش لص وليد اللحظة هم بيبقوا كدة بيحلموا ويلهثوا على اللى فى ايد غيرهم مش اللى لهم
ودول كتيررر
انا شفت بنت انسة يعنى والله والله تقول انا مش بحب اعرف غير الرجال المتزوجين ؟؟
لما سمعتها بتتكلم التفت اليها لاعرف ما تقول ولماذا
بس اقولك اية خلال فى التربية
حسبنا الله ونعم الوكيل



ممكن تردى على سؤالى فى المدونة بليزز
لانى مستعجلة

غير معرف يقول...

سلام عليكم الأول
بصي يا محاسن انا شايف ان الزاج الثاني اوحتى الرابع دة شيئ عادي
لأن دةشيء ربنا حلله وشرعه لينا وهو اكيد اعلم بمصلحتنا مننا
ولان كمان الزوج دةراجل كبير وفتهم هو بيعمل ايه كويس مش عيل صغير حد بيضحك عليه وبيخطف بيته ومراته منه
لكن زي مانتي قولتي في التعدد يجب على الزوجة الثانية ألا تكون سلاحا تحارب به الزوجةالأولي
والصح اصلا انه مايكونش فيه حرب من اصله فالحياة الزوجية اما امساك بمعروف او تسريح باحسان
دمت بكل الخير يا اختي الفاضلة
..............
- اه بخصوص التكة هقولك ان شاء الله في الأيميل

من غير عنـــوان يقول...

شر البلية ما يضحك
اسلوبك جميل ساخر
وحكايتك مفجعه حزينه
والأخلاق راحت في خبر كان

أمنياتي بغد أفضل

Mina يقول...

ست محاسن
للمرة التالتة باين ولا الرابعة مش فاكر باجي اعلق عندك وتردي عليا علي اني بنت
والله العظيم انا مش بنت
هههههههههههههههههههههه
هو الاسم يمكن شوية يدي علي بنانيتي بس انا في شهادة الميلاد ذكر
هههههههههههههههههههههههههههه
هي اه دلوقتي يمكن بقت حاجة تكسف شوية ان الواحد يبقي ذكر
انما نعمل ايه بقي
خلقة ربنا
هههههههههههههههههههههههههه

Heba Sayed يقول...

مدونة رائعة

وكل اللى هقوله كا راى فى البوست ده افعل كما شئت كما تدين تدان


وبجد بوست رااااااائع

zainab يقول...

ازيك يا محاسن

هو صحيح انااتفاجئت بالكلمه و استغربت بس قلت لازم أكمل الموضوع لقيت وراه حاجات كتير

عندك حق يا محاسن أنا بصراحة مش عارفه ايه نوع الستات اللى بيرضوا ياخدوا راجل من مراته و من ولاده

حسبنا الله و نعم الوكيل

تحياتى

سمكه واحده يقول...

الف الف حمدالله علي سلمتك يا سنسنه
ونورتي المدونه من جديد ويارب متغبيش تاني كده لانك وحشتينا بجد ووحشتنا كتباتك وكلامك
ثانيا بقي
الموضوع ده بيوحي ان فعلا الاخلاق انعدمت بس مش انعدمت اوي في قله قليله مهببه الدنيا
هو في حجات كتير انعدمت واتسرقت ياريت جت علي اد كده
عارفه في الوضع اللي احنا في ده والايام السوده دي الواحد يصدق كده واكتر من كده ولسه ياما نشوف بس كل واحد ياخد باله بقي
تحياتي معلش بقي في كلام كتير بس الواحد مضايق من الوضع اللي احنا فيه مش عارف يقول ايه ولا يلاقيها منين
تسلميلي ياقمر

أحــوال الهـوي يقول...

ازيك

وحشتينا ثم صدمتينا
و فكرت ممكن تكون فيه ناس بالانحطاط ده
والي اي مكسب يسعون ايه
زوج خرج بيت بيبحث عن المشاكل مع زوجه اولي و مطلع عنيها و الندله مش حاسه ان ممكن يكون عليها الدور

و الا قلة الزواج و فلسفة ضل حيطه

المهم حمد الله علي السلامة يا بلدياتي العزيزة
و يارب تكون فترة انشغالك عدت علي خير
شفتي انت شعبيتك قد ايه
انا لا احسد 380 تعليق
ربنا يكتر حبيبك

تحياتي

فارس القمر يقول...

السلام عليكم

مش عارف اعلق اقول ايه

لكن هقولك حمد لله على السلامه بموجب انك كنتى بعية شويه عن المدونه والنت

واللى هتعمليه النهاردة فى حد

هتلف تلف الايام ويتعمل فيكى

انا طبعا على حراميه البتاع بتاع البتاع

لسى ياما هنشوف ونسمع فى لدنيا دى حاجات كتير مدام بعيد عن ربنا

يبقى لسى بلاوى هنسمع عنها

تقبلى مرورى

فارس

صبرني يارب يقول...

على رايك دي حاجه تقرف يا اختي

وايه يعنى لما قولتي اندر وير مش فاهمه عملوا فيا كده برضه مره

باقولك ايه قولي يا بنتى اندر وير ولا يهمك مشاعرنا مستنيله اصلا مش الاندر وير الى هايجرحها ياا ختي

نورتي بيتك ومطرحك يا جميل ووحشااااااااااااااااااااني

الازهرى يقول...

مش عارف اقول ايه
الناس اتكلموا بما فيه الكفاية بجد

لكن انا عايز اقول ان نصيحة نيجار كويسة جدا وهى انك تضحكى

وعلى فكرة ده موضوعى النهاردة وان شاء الله اكون خلصته قبل الفجر وتقريه

تحياتى دوما

مهرة سالم يقول...

السلام عليكم ...
إزيك يا أختي أم عبدالرحمن...
بحب جدا إسم عبدالرحمن...
لأذكر نفسي ومن حولي بأن هنالك رحمن رحيم علينا فلا يهمنى البشر ...
......
أندروير ....
بجد إيه القرف ده ....
بس فعلا سبحان الله هو يستاهلها وهي كده تستاهلو ...
بلا قرف عافانا الله..
............
الزوجه الثانيه ليست حرام ولاكن الحرام بأن نأخذ نصف الدين ونطبقه ونتجاهل النصف الثاني....
إعذريني على ما سأقول أختي...
من يكون له ذات الموقف مع أخينا إلي في الرساله فهو ليس برجل وما أكثر أنصاف الرجال ...
..........
دمتي بخير ..

غير معرف يقول...

محاسن العزيزة

طالما أن الموضوع ليس مقصودا فى حد ذاته فلابأس .. لأنه مقصود فى ايحائه بالخسة التى ذكرتيها

دعواتى لك دائما بأن يحفظك الله .. ويوفقك فى الحصول على كل حقوقك ويبارك فى عبد الرحمن

واخيرا يحقق لك السعادة التى تستحقينها ويعوضك

همس يقول...

ازيك يا سونسن

تتاسفى ليه ... عادى جدا

وبعدين انا لا مستغربه ولا حاجه

من الست المقرفه دى عادى ياما فى الدنيا بلاوى وقرف

ومعلشى انتى تحمدى ربنا ان كيس الجوافه دا ربنا خلصك منه

ايه القرف اللى بشوفه دا


هيا اجوزتة عريانه ولا ايه

حاجه تشل




ربنا يسترها علينا والله

عاشــــــ النقاب ـقــــة"نونو" يقول...

حسبي الله ونعم الوكيل
قوليلها ما تزعلش وفداها
ودائن تدان
الف حمد الله على سلامتك
انتي كمان وحشاني اوي

عالم حبيب يقول...

الله المستعان وربنا يصلح حال بيوت المسلمين

Unknown يقول...

اللقاء يوم الجمعه 16/1
عدد الجرحى فى الاسماعيلية 19 حالة
بعد ان توفيت شابه هذا الصباح
منهم سيدة تبلغ من العمر 58 عام
وشابة فى العناية المركزة عندها 17 سنة
والباقى رجال من سن 17 عام الى الاربيعنيات
ومازالت المستشفى تستقبل المزيد
محتاجين تبرعات مالية
وبعض الملابس
رقم تلفونى هو 0188047779

Ahmed Mohamed يقول...

علي رأي ياسمين عبد العزيز
في فيلم تمن دستة اشرار
وهيجالها نفس تلبسه ازاي!!!!

...دلو كان مسروق من غير استعمال فمبالك لو كان مستعمل ...

اساسا مفيش اخلاق مفيش دين لاء وكمان فيه اعتراف بالباطل لما تقول هتبلي عليكي وارمي جثتي عليكي يعني من الاخر
شغل حرامية دا الحرامي لما بيسرق اللقمه من فم الطفل الغلبان مبيحسش بأي ندم
فامتسأليش عن الضمير ومتسأليش بردو
هيجلها نفس تلبسه ازاي .؟!

حمدلله بالسلامه يا محاسن هانم

Ahmed Mohamed يقول...

بالمناسبه هوه انتي تقربي
لأدهم صبري
او ادهم الشرقاوي
علي اساس انك من الشرقيه
ههههههههه

Unknown يقول...

ولله يا مس محاسن الوضع العام بيقول

الطيبون للطيبات
ثانياً لازم يكون فى توافق
وجزاكى الله خيراً

عاشقة القمر يقول...

ازيكيامحاسن انتي اهتجي علي شهركم
انا اهنزل شهر3
بس اهقولك اهو لو عايزه تنزيل نبزل علي شهر 7 لان بيكون خريف ام 3456بيكون حره بصي اخذي ايملي من ابي او همس او زهرهاو همس الاحباب

مـجـنـووون يقول...

انا اول ما قريت الموضوع قولت الحمد لله اخدتي حقك واخدتي تمكين من الشقة

بس لما لقيت في اندروير قولت يا رب متكنش هي هههههههههه

وطبعا مش هتفرق كتير سواء أنتي الي سرقتي او اتسرق منك لأن المشكله مش في كده المشكله في الاندروير هههههههههه


اصعب حاجه بتقابل الواحد موضوع التمكين ده بتبقي لحظة صدمه وذل للزوج واهله ولحظة انتصار للزوجة

يا رب ينولك كل حقوق

تقبلي مروري اخي الغاليه
مجنووون

KHALED يقول...

أندر أية ............ !!!!؟؟؟؟؟

KHALED يقول...

أةةةةةةةةةةةة
أندر ويرررررررررر

حلو البوست دة

ههههههههههههههههه

بقيتى صاحبة أشهر أندروير مسروق عالنت ...
كدة يا سنسن مش عيب
عموما ان متخيل الخلفية النفسية للموضوع ربنا معاكى

حروف يقول...

موضوع واقعي
حسبي الله ونعم الوكيلفي كل مغتصب حق
ممكن تكبري الخط
دمتي بالف خير

blue-wave يقول...

والله ما عارف اقولك ايه
انا بالذات الحاجات دى بتخرسنى
دى تالت مرة اقرأ البوست وبرضه مش لاقى تعليق مناسب
حسبى الله ونعم الوكيل
وكما تدين تدان

غروب يقول...

سنسن حبيتبى وحشتينى اوووووووووووووووووووووووووووووووووووووى

عندك حق والله يا سنسن خطافات الرجاله كترت بس يمكن ده بسبب ارتفاع نسبه العنوسه

ههههههههههههه

ربنا يهدى عبيده

تسلم افكارك وربنا يكفينا شر حراميه الاندرويرز هههههههههه

موووااااااااااااااااااااااااه

أكون أو لا أكون يقول...

السلام عليكم محاسن الحبيبه...
البوست حزين... والدنيا فيها العجب... بس هي كويس جت على الملابس... فيه زوجات "نمبر توو "بيستولوا على الأولاد... أولاد الزوج من زوجته الأولى... وبتربيهم على أساس إنها أمهم وهم ياعيني مش فاهمين حاجه. خليها على الله...
أنا مش بتكلم على الزوجه التانيه خالص... بس ده حكايات واقعيه... وبكل حاجه فيه الصالح والطالح.

أنا ماوصلنيش أي مسج أوف لاين... أبداً....
وأنا بعت لك كتير... بس قلت يمكن مافيش نت علشان كده تأخرتي علينا...
حمداً لله على السلامه...
في أمان الله ورعايته.

حروف يقول...

تصدقي اني بقرا كومينتاتك باسم محاسن صابر كتير ولما دخلت هنا مكنتشاعرف انك صحبتها بس مبوسة انها طلعت بتعتك لاني كان نفسي ادخل عندمحاسن صابر علي فكرة سيرة الجواز مش رفحيلالا انا كاتبة ملاحظات وحكاية ناس كتير افتكرت اني بتجوز هههههه
نورتيني بجد ويارب دايما ومتكنش زيارة وعدت
دمتي بالف خير

غير معرف يقول...

زعلان منك جدا

ومش حعلق

وانت عارفه ليه

غير معرف يقول...

زعلان منك جدا

ومش حعلق

وانت عارفه ليه

طوبه فضه وطوبه دهب يقول...

ازيك ياحبيبتى نورتى المدونه والتدوين كله والف حمد لله على السلامه ويارب ديما فى وسطينا ومنورانا وانا عايزه اميلك بجد لانى نفسى اتكلم معاكى شخصيا لو مايضايقكيش تحياتى وعبد الرحمن عمل ايه فى العصافير

سمكه واحده يقول...

ايوه يا جميل معلش يا سنسنه تعليقك غصب عني اتحذف بجد اسفه انا اضيقت جدا معلش مش عارفه ايه اللي حصل كنت بصلح حجات المهم
انا الحمد الله بخير ربنا يخليكي وتسلميلي بس لسه شويه دعواتك معايا بقي
وان شاء الله كلنا نقاطع بجد عشان ده اللي هينفع معاهم بجد وهيأثر جدا
وبوسيلي بيرو كتير

غير معرف يقول...

معسكر القسام
واجبات عملية
لقد قمت بترجمت كلمات الأخ الكريم أبو خيري " كلمة حق " إلي واجبات عملية نعمل بها إلي أن نكون في معسكر القسام كمدونين خصوصا ومن أراد أن يعرف واجباته العملية كفرد عادي دون تخصص المدونين عليه أن يرجع إلي"
1: علي كل مدون أن يدعوا إلي فتح باب الجهاد فورا ويضع له ما يعبر عن هذا في مدونته.
2: علي كل مدون يريد أن يكون في معسكر القسام أن يضع علي الشريط الجانبي دعوة إلي المقاطعة ويصمم بنر أو شعار لهذه المقاطعة ويضعها علي مدونته.
3: علي كل مدون أن يدعوا الجميع إلي الجهاد بالمال وذلك أيضا عبر مدونته.
4: علي كل مدون أن يدعوا إلي فتح معبر رفح وذلك عبر مدونته.
5: علي كل مدون أن يدعوا الجميع إلي قولة الحق والغضب علي هذه الأنظمة الفاسدة.
6: علي كل مدون أن يدعوا الجميع إلي العودة إلي الإسلام مرة أخري.
7: علي كل مدون أن يدعوا إلي معرفة القضية معرفة جيدة ومعرفة تامة.
هذا وبالله التوفيق

ريمان يقول...

محاسن حبيبتى

وروح قلبى

واطيب واحده شوفتها ع النت وفى الدنيا كلها


وارق انسانه

واحلى حما فى الدنيا كلها

ازيك يا حماتى يا صغيره

بموت فيكى وفى ابنك والله

ونفسى اتجوزه بقه عشان محدش ياخده منى انا عارفه المعجبات كتير والله


والله بدعى ربنا انه ما يحرمنى منك ابدا

خلى بالك من نفسك يا قمر

وسلمى على بيرو كتير وبوسيه كمان تلات بوسات او ممكن سبعه

ده لو مش عندك مانع يعنى

ههههههه

وعلى فكره بالنسبه للتحديث كلمه اندروير عاديه والله خالص مفيهاش حاجه حبيبتى

بحبك اوىىىىىىىىىى

اموااااااااااااااه

dalia يقول...

مش عارفه اقولك ايه انسى كل حاجه وارمي الكلام الخيبان ده ورا ظهرك خليكي اقوى من اي حد وثقى في الله انه حيكون معاك ، اكيد النصائح ديه ممكن تفيد بنات كتير لان مفيش حد بيرضى انه يكون نذل بالدرجه ديه الا كانت نفسيتها مش ولا بد
تحياتي وربنا معامك

Asmaa Fathi يقول...

الدنيا مبدومش على حال

وبعدين احنا محتاجين إعادة تأهيل

أو تحديث للقيم والمفاهيم المغلوطة والتى تشبعت بها ثقافتنا

تقبلى تحياتى

****جنـــــــــــــــى****

*^*AL.7aAzZeEnN*^* يقول...

السلام عليكم

كل سنه وانت طيبه و عقبال مليون سنه ههههه

موضوع جميل اووووي و مميز

كلمات ذهبيه و معبره على اشياء كثيره

تحياتي

*************

القلب المنكسر

*****************

دمتي بكل خير و سعاده

*****************

اتمني زيارتك الي مدونتي المتواضعه

*********************

و السلام عليكم و رحمه الله و براكاته

نور الدين (محمد الجيزاوى) يقول...

مش عارف أضحك من من طريقة الاسلوب الساخر ولا أزعل من الموقف السخيف
على كل إذا كان الرجل لم يراعى ربنا فى حق زوجته ومصر ميديهاش حقها فقطعا يتوقع منه أى شيء لا لوم على الزوجة الثانية لأن رب البيت فاسد
وإن كان هذا لا يبرر موقفها الغاية فى الحقارة
لكن بصراحة يامحاسن انا كل ما اجى عندك أخاف من الجواز وسنينه
ربنا يستر
تحياتى لك
نور الدين محمود

غير معرف يقول...

محاسن

رغم انى مش عارف الانروير بتاعكو ده

صعيدى بقى استحملى

بس بجد

أحقر خلق الله اللصوص

وميستهلوش اى كلمة تتقال بخير عليهم

والموضوع نفسه غاية الاهمية

ولكن للاسف المجتمع كل يوم نازل لتحت

تحيتى وتقديرى

هانى زينهم يقول...

محاسن :
صاحب المدونة قفلها وراح على المدونة التانية اللى اللينك بتاعها موجود فى البوست واسمه استراحة برضه http://hanyzenhomahmed.blogspot.comحمد الله ع السلامة .

أنت...وأنا يقول...

انا تركت لك تعليق عندى لو حابه تقريه

Beram ElMasry يقول...

عزيزتى . mahasen saber
بتلبس الاندروير اليى مش بتاعها
الندله : ملكيش دعوه وامشى اطلعى بره قبل ما اتبلى عليكى
سبحان الله يبدو ان هذا هو سمة العصر فى الدول والافراد ، واضح جدا التطابق بين سلوك الندلة واسرائيل
ويوجد تحذير فى موقع قلم رصاص ينبه على وجود فيروس جديد ارجو زيارة مدونة قلم رصاص
لك تحياتى

خديجة عبدالله يقول...

لوجود أمثال تلك الندلة وهم كثر نتراجع بل نتحول لأسوأ
أعرف صديقة لى حدث معها ما يشبه ذلك ولكن الله من عليها وأذله هو ونذلته

قولى يا أختى لصديقتك لا تحزن ولتستعن بالله بكرة الندلة تعرف وهوة يعرف
دعوة الظلوم أثرها ايه

مرحبا بعودة حضرتك وربنا يعينك وتكونى معانا دايما فى الخير
تقبل تحياتى واقبلينى أخت لكِ وأرجوكِ ادعيلى زى ما بتدعى للى بتحبيهم وأنا كما دعيتلك وهدعيلك :)

فشكووول يقول...

بنتى العزيزه محاسن
تصدقى وانا اقرأ البوست بتاعك مستغرب من التفاؤل اللى انت فيه ده بالرغم من مشاكلك اللى بالكوم ..
.. طبعا انا قريت بعد التحديث وعرفت ان الموضوع ده رمزى او مش بتاعك .. مش عارف ليه يا محاسن ويمكن تدينى الحق ده او ما تديهوش لى وهل هو تدخل منى فيما لا يعنينى ولا انا حشرى .. لكن عايز اتكلم معاك اب لبنته يعنى انت يا دوب اكبر من الهام بنتى بسنتين او تلاته يعنى مش كبيره قوى على عمك فشكول .. بس ازاى .. مش عارف
تحياتى

mahasen saber يقول...

شهرزاد......

شهر الحبيبه الغاليه
فعلا كلماتك صح مليون الميه
الاهم واليى بيوجع سرقة الاشياء المعنويه زى الامان والحب

منورانى دايما يا اجمل شهر فى البلوج كله
لا وفى السنه كمان

mahasen saber يقول...

ماما اموله.....

ام البلوجر الجميله الطيبه الحنونه

حضرتك مجرد دخولك عندى المدونه بيشرفنى
ما بال حضرتك بئه لما بتدخلى التعليقات

ربنا يكرم حضرتك ويباركلك فى كل من تحبين

انا بستنى تعليق حضرتك لانى دايما بخرج منه بحكمه وراحة قلب

مشرفانى دايما ومنوره يا ماما اموله الحنونه

mahasen saber يقول...

marmar......

والله يا مرمر بعد الكلمات الجميله المفعمه بالحب دى
والله يا حبيبتى ما حد منور الا انتى

وبجد كلماتك اثلجت صدرى وطمنتنى

منورانى يا حبيبتى
وتواجدك بيزيدنى شرف وسعاده

ربنا يكرمك ويباركلك فى كل من تحبين
يا حبيبتى

mahasen saber يقول...

nabil......

نبيل اخويا الصغير النبيل الطيب

ايه السعاده اليى حطة على نافوخى دى بئه بتستنى موضوعاتى
شوف يا هندسه انا كده مش هعرف اكلم حد
ولا هعرف اكلم نفسى حتى

بجد منورنى يا نبيل
ومشرف ومنور البلوج
يا شرقاوى يا بلديات

mahasen saber يقول...

smilyrose......

شوفتى يا سمايلى ده عشان معندهمش حب صادق

لاخوانهم البشر
ولا حب واحترام لادميتهم وادمية غيرهم

بس لو ياخدوا منك حبة حب وروح حلوه كانت الامور اتغيرت يا جميله

منورانى يا حبيبتى
يا روح الحب الصادق

يا قمره كمان

mahasen saber يقول...

كاتب مصرى.....

ايه يا كاتب المستقبل
ازمات ايه وطاحنه كمان لا ده انتا
كده تقلقنا عليك

ركز شويه كده وبلاش ازمات من النوع ده دلوقت
يستحسن يعنى

mahasen saber يقول...

كاتب مصرى.....

ايه يا كاتب المستقبل
ازمات ايه وطاحنه كمان لا ده انتا
كده تقلقنا عليك

ركز شويه كده وبلاش ازمات من النوع ده دلوقت
يستحسن يعنى

mahasen saber يقول...

عمرو.......

استاذنا الحكيم عمرو
فعلا زى ما حضرتك بتقول هيا فى الغالب بتسرق الاتنين

بس العبره مش فيه لوحده لا دى فى الاتنيين

الجواز التانى مش حرام بس نهب حقوق الناس واخدها عنوه ده اليى حرام وحرام


حضرتك منورنى ومشرف المدونه

mahasen saber يقول...

dreem.....


الله يسلمك يا احلى دريم فى البلوجر بحاله

منورانى يا ام اجمل انانيس
ربنا يحميهملك ويباركلك فيهم
اللهم امين

mahasen saber يقول...

dodda......

انا مقدرش انسى حبايبى واخواتى وعشرة قلبى وصحاب روحى
بغم انى مش شفتهم فى الحياه الواقعيه

بئه انا انساكى يا دودو
تقولى كده مش عيب
يا اختى الغاليه والحبيبه
طب روحى صفحات التعليقات فى مدونتك وهيا ترد عليكى بئه

بس بجد نورتى نورتى نورتى البلوجر
وشرفتى اختك ونورتيها
يا حبيبتى الغاليه

mahasen saber يقول...

حاسوباتيه......

حاسوبه الجميله يا حبيبتى ربنا ما يحرمنى من رقتك
وكرم اخلاقك وذوقك

وكلامك موزون زى الكمبيوتر كده يا جميله
فعلا اليى بتخرب بيت حد النهارده الدنيا بتستنا وتردهالها فى البيت المناسب

منورانى يا قمر الحاسوبات بحاله

وكلامك ورقتك دى اسعدتنى
ربنا ما يحرمنى من ذوقك يا قمر

عاشقة القمر يقول...

00249911169113
00249914129121 00249154922550

رابطة هويتي اسلامية يقول...

شارك معنا في حوارنا
غزة في قلب مدون
مع المهندس : الحسيني لزومي
الحوار موجود علي الرابطة شارك معنا في الحوار
كن إيجابيا وحاول المشاركة في إنشاء بلوجر فعال
حوارنا مستمر مع المهندس
متي دخلت سجل تعليقك بسؤالك أو إستفسارك بالنسبة للمهندس
مع تحيات
رابطة هويتي إسلامية

الطائر الحزين يقول...

من يرتضى لنفسه الظلم لا ننتظر منه أن يهتم بامور كهذه حتى ولو كانت الاندروير

رؤية يقول...

والله ما عارفة اعلق اقول ايه؟!!
بس الظلم طعم مر
وفى الحالة دى احساس مقرف!!

من قلبى ادعوا لها ان ينصرها الله
وبعدين مش كفاية ارض العراق وفلسطين
كمان ال...وير!!

سبحان الله..!

mahasen saber يقول...

حاجات جوايا.....

سالى الجميله قمر التدوين بحاله

انتى منورانى ومنوره البلوج كله يا حبيبتى

وربنا يكرمك فى كل من تحبين وميحرمنيش منك ابدا

وكلامك طبعا صح يا سالى شكلها عاده عند اليى متعود على كده
وللاسف الشديد

ربنا يغفرلنا ما تقدم من ذنوبنا
ويجعل ما نكابده فى الدنيا تخفيف ذنوب وثواب فى الاخره
اللهم امين

منورانى يا حبيبتى
وخلى بالك من ابنك وبوسيهولى

mahasen saber يقول...

موناليزا.......

مونا الحبيبه ام ابتسامه حلوه
طبعا الكلمه مش بمزاجى احطها انما كانت زى ما تقدرى تقولى شر لابد منه
عشان توضح حقارة الموقف من عدمه

بس على فكره يا قمرى مش انا انا كنت شاهد عيان
اه انا حصل معايا ما شابه بس مش انا

لا مش انا اليى اتسرق كده ههههههههه

بس نورتينى يا مونا وبعدين يا حبيبتى دعواتك كده لانى محتاجه انا وغيرى فى طريق المحاكم ده كل دعوه صادقه
وبالذات بضهر الغيب

ربنا يكرمك يا حبيبتى ويسعدك
فى كل من تحبين

mahasen saber يقول...

شمس النهار.......

شموسة البلوج الدافئه

والله بزعل لما حضرتك بتقولى عند والله العظيم ما عند
انا بحارب على حقى اعند ليه وفى ايه
غيرى بتحارب على حقها تعند ليه وفى ايه يا شموستنا بس

انما كلام حضرتك ليا فى التليفون تمام وزى ما قلت لحضرتك فى تعليقى بعد كده

وبقولها للمره المليون انا متهنش فى الجواز واتنازل عن حقوق ربنا شرعهالى فيه
واتنازل عن حقوق ربنا شرعهالى فى الطلاق طب ايه هيبقالى متنازلش عليه
اعيش عشان مبدأ بئه
بس كلام حضرتك اقنعنى وبخلاف ان الامور مش هتسفرعن افضل من كده
وبخلاف ان بابا الله يرحمه متوفى وهو نفسه وامله فى كده

بس زى ما حضرتك قولتى هتكون بدايه لشئ اكبر

شموستنا الجميله
انا مقدره كل كلمه حضرتك بتقلهالى لانها خارجه من انسانه صادقه وام واعيه ومدركه
يعنى انا جنب عقل وحكمة حضرتك مجبش حتى صفر على الشمال

دعوات حضرتك بس وربنا ييسرها من عنده

منورانى وبتنورى الدنيا كلها

والف حمدالله على سلامة حضرتك
وان شاء الله الحج الجاى نكون سوا

mahasen saber يقول...

انت وانا......

يعنى ااقولها تروحلهم

وعلى ضمانتك

انتى بس زعلانه ليه انا نفسى افهم ايه يا جميله مالك
انا رديت عندك على التعليق وبعدين المفروض نحترم اراء الغير وحريتهم الشخصيه فى مين يحبوه او يكرهوه حتى لو هيحبوا ابو جهل

دى حريه شخصيه والاسلام كفلها لكل شخص
الرسول نفسه مقلش ابدا لحد يحب مين ويكره مين

وبعدين هو الواحد لازم يلعن جذور اى صاحب سلطه عشان يبقى شجاع

للمره المليون بحبك برضه يا دى نيرو
ومنورانى ومنورانى كمان فى اى ركن او صفحه تحبيها فى المدونه

وحاضر هقولها تروحلهم

mahasen saber يقول...

ahmed k.......

يا منورنى يا غردقاوى

يا الف مليون اهلا وسهلا
شمه ريحة جمبرى وسمك فى ايدك وشوربة سى فود كمان مكلف نفسك ليه بس

غردقاوى بستنى تعليقك زى ما بستنى السى فود فى الجوكر

بجد كلامك طبعاموزون وفى الصميم

بس انا عايزه منك طلب يا احمد بما انك من معشر الرجال

اى راجل تلاقيه بيظلم مراته نبهه واكسب فيه وفيها ثواب

وانا متأكده انك بتعمل كده بالفعل لانك غردقاوى صعيدى اصيل

منورنى وبتسعدنى بتواجدك يا اخويا العزيز
حتى من غير لا سى فود ولا تعليق ولا حاجه خالصصصصصصصصصصصصص

mahasen saber يقول...

نهر الحب........

ياه يا نوسه يعنى بتتكلمى عن شئ واقعى وعن شبه تجربه شفتيها قدامك

المعايير اختلت يا نوسه وكأن حد ضربها على دماغها بطوبه
ربنا ينورلنا بصيرتنا

وحاضر من عنيه
جاوبته واجاوبه تانى عشان خاطرك يا قمر

mahasen saber يقول...

مصطفى ريان......

اه شكلك يا درش بترسم على زواج تانى وانتى لسه مرسمتش الاولانى اه

ركز كده يا درش مره واحده تكفى ههههههههههه بس المهم الانسان يعيش سعيد
ويتقى ربنا فى الامانه اليى معاه

وانا مش بعترض على الجواز التانى لا سمح الله
ازاى اعترض على شئ ربنا احله

بس منورنى يا درش

والتكه بصراحه عجبتنى اوى اوى
وفرحنالك بشكل

ربنا يوفقك ويكرمك ان شاء الله يا ريان

mahasen saber يقول...

من غير عنوان......

حضرتك شرفت المدونه واسعدتنى بجد

ومبسوطه طبعا جدا ان الموضوعات بتعجب حضرتك
وان الاسلوب كمان حضرتك معجب بيه

انا سعيده جدا وببقى فخوره قوى لما الاقى حد بعقلية حضرتك معجب بموضوعات المدونه

حضرتك نورتنى واسعدتنى جدا بالزياره الكريمه
بجد نورتنى جدا

mahasen saber يقول...

manamino........

مانمينو هههههههههههه اعمل ايه يا ربى بس

الاسم بذمتك انتا قلتها بنفسك بيوحى انه انثوى يعنى بيديك انطباع انه اسم لبنت

يعنى انا بريئه من اى تهمة بانى معترضه على كينونتك

بس منورنى يا منامينو بجد سواء ولد ولا بنت ههههههههههههه


بس مش تهمه ابدا ابدا انك تبقى ولد طبعا
لاحظ ان ابنى ولد برضه

بس منورنى واعذرلى جهلى

mahasen saber يقول...

heba sayed.....

اهلا اهلا بيكى يا هبه ومنوره المدونه وشرفتينى بالزياره
يا حبيبتى

وبجد انتى اليى رائعه عشان تشوفى البوست والمدونه كده

بجد نورتينى واسعدتينى بالزياره جدا جدا يا حبيبتى
والمدونه منوره ورائعه بوجودك

mahasen saber يقول...

zainab elmosalmey......

زينب الرقيقه منوره وبعدين انا كنت عامله التحديث عشان كده
عشان اليى يقرا يكمل للاخر مش يستعجل

وزى ما قلتى يا حبيبتى بالضبط
وكمان الكارثه على اليى يسمح انه يهين ام اولاده واولاده ويبهدلهم بالشكل المهين ده

بجد منورانى يا زوزه
ومشرفانى جدا جدا يا حبيبتى
وخطوه عزيزه قوى

mahasen saber يقول...

سمكه وحده......

سمكمك حبيبتى حبيبتى الجميله
ايه النور ده ايه الروح الحلوه دى منورانى يا حبيبتى

صدقتى يا جميله بس نطلب الرحمه من ربنا

وونتمسك بقيمنا وتعاليم دينا عشان حياتنا تستقيم شويه

منورانى يا سمكمك ومشرفانى حتى وانتى زعلانه يا قمر
بس روقى كده عشان خاطرى انا يا قمر
لو ليا خاطر يعنى

mahasen saber يقول...

احوال الهوى.......

احوال الغالى احسد براحتك المال مالك والمدونه مدونتك فمحدش بيحسد ماله هههههههههه

منورنى جدا جدا
اخبارك ايه واخبار الغربه ايه معاك
بس قولى بلديات ايه
انتا من انه بلد بالضبط

يعنى بلدياتك شرقيه ولاا رشيد ولاا مواليد السودان زى حالاتى حدد بسفى كلتا الحالتين يشرفنى اننا نبقى بلديات طبعا
يا سلام ده ابقى انا مبخته

بس اليى متعتبرش من ظروف غيرها اعتقد يبقى مخها واخد اجازه زى ضميرها
والكلام سواء لراجل او ست

منورنى ويا رب متتصدمش تانى
يعنى اصدم بلدياتى ازاى انا مش فاهمه

كفايه عليك الغربه
ربنا يعينك ويكفيك شرها

mahasen saber يقول...

فارس القمر......

ههههههههههه يا اهلا بابو الفوارس تخيل انا بئه اليى اتصدمت واتخضيت قلت انا
انا عملت حاجه فى حد
والله ما سرقت يا بيه ههههههههههه
بس طبعا كملت وعرفت انى مش المقصوده

طول ما احنا عايشين هنشوف حاجات يا فارس منتخيلش انها موجوده
ولاا نصدق فيها الا برؤيتنا ليها فعلا
او من حد بيحكيها اهلا للثقه
وبعدين الدنيا فى ثانيه بتتساب غبى قوى اليى يستموت عليها

منورنى وشرفت المدونه
واسعدتنى جدا جدا بزيارتك الكريمه يا فارس القمر الشجاع

mahasen saber يقول...

صبرنى يا رب......

صبرنى القمر الجميله ام العيال وحششششانى انتى قوى

يعنى الكلمه عاديه شايفاها كده
ده انا حسيت بانى قلت حاجه سوقيه وكل ما ادخل المدونه ااقول اتشق يا بلوج وابلعنى لاكون قلت حاجه غلط

بس طالما قلت كده خلاص يا قمر
طالما مجربه قبل كده

منوره بيتك يا جميله يا غاليه

mahasen saber يقول...

الازهرى.....

وما احلى نصيحة نيجار ونصيحة اخونا الازهرى

وماشى اعمله وضحكنا وابسطنا من الهم اليى احنا اتزرعنا فيه ده يا ازهرى
زرع بصل وحياتك

منورنى ومشرف بيت اختك يا ايها الازهرى العزيز

mahasen saber يقول...

نهار......

اختى ابنة الامارات الغاليه

مشرفانى يا حبيبتى
ومنوره بيتك

وكلامك صح طبعا جزء مش ممكن نغفله ان الزوج ليه دور فعال فى عنجة الزوجه التانيه

وطبعا الزواج التانى مش جريمه ده شئ ربنا محلله بس المهم يكون قايم على اساس مش على حق مغتصب من الزوجه الاولى
وكمان مرمطه من الاتنيين فيها

بجد يا نهار منورانى يا حبيبتى
انا بحب كل ما هو اماراتى والدى عاش فى الامارات 25 سنه وعمرنا ما شفنا منها ولا من اهلها الغالى الا كل خير

ربنا يبارك فيكم انتوا فعلا زى ما بابا كان بيقول نبت طيب

منورانى يا غاليه يا حبيبه

mahasen saber يقول...

sherif.....

استاذنا المبجل الوقور الغالى
استاذ شريف حضرتك مشرف المدونه بزيارتك الجميله دى

وبعدين حضرتك فهمت قصدى فعلا ده كان هدفى والحمد لله انه وصل

بس شفت يا استاذنا القيم انحدرت لايه
والاخلاق بقت على المزاج والهوى

حضرتك نورت المدونه وشرفتنى جدا جدا قوى موت بالزياره الكريمه دى

mahasen saber يقول...

همس......

هههههههههههههه هموسه يا قمر
مش انا
انا شفت بس انما محصلتش معايا

بس بجد دمك شربات وهو محروق
يعنى اتجوزته عريانه هههههههههه

روقى يا جميله
الدنيا ياما ياما فيها
انا مبقتش بستغرب حاجه خلاص
يعنى لو قلت ياه دى بتبقى كده على سبيل المجامله

منورانى يا هموسه الجميله
والله انتى سكر

mahasen saber يقول...

عاشقة النقاب نونو.....

نونو مش انا يا قمر
بس انا طبعا بقول حسبى الله ونعم الوكيل
وهيا كمان اكيد بتقولها هو احنا لينا وكيل غيره

وانتى اليى وحشانى اكتر يا حبيبتى

اخبار ولادك ايه
ربنا يفرحك بيهم وميحرمكوش من بعض ابدا يا حبيبتى

mahasen saber يقول...

عالم حبيب.....

اللهم امين يا اخونا الغالى

دعواتك لكل من يمر بكرب يا حبيب

الانسان فعلا عن تجربه بيبقى محتاج لكل دعوه بظهر الغيب

ربنا يبارك فى عمرك واسرتك

mahasen saber يقول...

نهر الحب.....

لا اله الا الله

ربنا يرحم الجميع برحمته يا ايناس
وربنا ييسرها خير ان شاء الله يا حبيبتى

mahasen saber يقول...

ahmed 3lam......

انتا افضل قلى كده محاسن هانم وملكة جمهورية الشرقيه للدخان
لما هتجيبلى انقلاب يقصف اجلى ههههههههه

ازيك يا علام
منورنى يا باشا ايه رايك فى دى
اخبار الامتحانات ايه

وعلى رايك ده اليى بيعمل كده فى طفل مبيهموش ما بالك باليى بيعمل كده مع حد شحط كبير
مش ده قصدك يا لمض

منورنى برضه يا احمد
تعيش وتنور المدونه

mahasen saber يقول...

ahmed 3lam......

برضه هههههههههه ده استنصاد بئه

mahasen saber يقول...

اسلام ديو..اصحى يا مصر.....

افهم يا اسلام ده معناه ايه
انها يعنى تستاهل اليى جرالها ولاا ايه

فيه برضه مقوله تانيه ان اكثر الناس بلاءا الانبياء ثم الامثل فلامثل

وبعدين لما زوجة سيدنا لوط عليه السلام كانت شريره
وزوجة سيدنا صالح برضه

ينفع هنا نقول الطيبون للطيبات
الامور مش بتتقاس كده خالص يا اسلام

اسلام منورنى ومشرف المدونه طبعا
واصحى للدنيا شويه يا ديو ولاا ااقول اصحى يا مصر

بس انا مدياك عذر انك لسه مخضش اى تجارب حياتيه بالشكل ده

بس منورنى يا بلديات والله

mahasen saber يقول...

عاشقة القمر......

حبيبتى الغاليه انا لسه مش عارفه امتى بالضبط

بس حاضر هحاول اخده منهم
واميلى موجود فى المدونه لو عرفتى تضيفينى وانا ااقبل طبعا يبقى كتر خيرك

بس مصر بحالها هتنور فى شهر 3

يا حبيبتى يا غاليه يا بلدياتى الحبيبه

mahasen saber يقول...

م/الحسينى لزومى......

علم وينفذ

بس كل ما بقاطع ببقى خايفه على اخونا اليى بيشتغلوا فى المصانع دى ليسرحوهم عماله زايده ولاا يأذوهم فى اكل عيشهم
ونكون جينا نكحلها عميناها

بس حاليا لا مفر منها

mahasen saber يقول...

مجنون........

اخويا الغالى مش بالصعوبه اليى انتا فاكرها
لما الزوجه تلاقى بلطجيه وبلطجه واستقبال حافل كده من الزوج او اهله هيبقى انتصار ليها ازاى بس

لما تبقى الكوسه معموله بالبشاميل والمحضر واكل فلوس لما مش عارف يهضم هيبقى انتصار للزوجه ازاى بس
والنبى يا مجنون يا اخويا سيبنى مكتومه وساكته

ودعواتك انتا بس
وانا واخده تمكين بقالى حوالى سنه ونص بس هقدر اعمل بيه ايه

حسبى الله ونعم الوكيل تكفى وتشفى غليلى قوى

mahasen saber يقول...

khaled......

ههههههههههه اترجم وير
نوع من انواع الملابس

mahasen saber يقول...

khaled.......

هههههههههه تعالى هنا بئه انا قلت مش انا يعنى مش انا
انتا مصر على احراجى ليه ها

ههههههههههههههه بس كويس انك قدرت الخلفيه اليى اتبنى عليها البوست يا فنان

وننتظر لوحه عن الملحمه دى ههههههههه

مشرفنى يا فنان
وفينك من التدوين من زمان

mahasen saber يقول...

حوف (دلو مره ثانيه (وجرح تانى سابقا.....

حاضر يا حبيبتى هكبره

وبعدين هيا الدنيا فيها بشر باخلاقهم من كل نوع

منورانى يا حبيبتى
وشرفتى واسعدتى المدونه يا جميله

الا صورة وينونا رايدر دى

mahasen saber يقول...

blue-wave.......

دكتور عمرو بعد الشر عنك من الخرس
ان شالله هما
وكل الوحشين

بس ده من فرط حساسيتك وروحك العاليه
طبيعى تصدمك وقاحات بالشكل ده
ولاا عشان اتظلمت قبل كده فى موضوع الاغنيه

ربنا يبعد عنك كل شر ويسعدك يا دكتورنا الغالى

وسلامى لمامتك جدا جدا ومن قلبى
انسانه محترمه وفاضله اليى ربت حد زيك

ادم المصرى يقول...

استاذه محاسن

خلى الى يسرق يسرق وانتى حسباتك عند الله تذيد وييجى يوم الحشر وتلم

حسباتك وتزودى حسناتك قولى حسبى الله ونعم الوكيل

وما هوا عند الله ابقى اتمنى ميكنش الموضوع مزعلك زياده عن حقو واتمنى زيارتك

momken يقول...

انتى فين يا محاسن

راجعى يا محاسن ومتخفيش محدش هيعملك حاجه

عاوز ادخل المره الجايه الاقيكى منوره بلوجرز

تحياتى

mahasen saber يقول...

غروب.......

غروبتى الجميله اليى اخيرا ريسية على قاره ..قصدى على بلوج من بلوجاتها اليى زاحمين ومنورين البلوجر

انتى يا قمر حللتى العنوسه فى كده لا يا جميله ده يبقى العنوسه هتتحل كده كل واحده مش متجوزه تخطفلها واحد متجوز
معادله هايله بس متكنش على حساب حد اهم حاجه

تغور السعاده اليى تيجى على قفا ناس ملهاش ذنب

ولاا ايه يا قمرى
منورانى يا حبيبتى

واخبار الدراسه ايه

mahasen saber يقول...

اكون او لا اكون.....

كونتى الحبيبه الغاليه
انا كل رعبى من اليى قلتيه ده يا كونه اصل انا مليش الا ابنى فى الدنيا
وخايفه الطمع والجشع يحصله كمان
ربنا يستر وميورنيش فيه اى حاجه وحشه

بس يا حبيبة قلبى انا صوابعى دابت من الماسجات اليى بعتها
ازاى وكيف وليه وماذا متتبعتلكيش
هو الماسينجر قصده يعذب صوابعى ولاا يبعدنا عن بعض

وحشتينى يا حبيبتى
يا اختى الغاليه

وخلى بالك من نفسك يا بنت وطنا الغالى

mahasen saber يقول...

حروف دلو (مره ثانيه وجرح ثانى سابقا.....


تصدقى بئه ان انا حصلى الشرف والسعاده بالصدفه السعيده دى
وبجد نورتينى وشرفتينى جدا

وانا بشكر اسمى واسم المدونه اليى قادك لتشريفنا هنا
يا اختنا العزيزه دلو والاسم طويل قوى بصراحه

بس البوست فى الاول يحسس انك اتجوزتى فعلا
على العموم عبال ما يبقى حقيقى
ونحضر فرحك ونباركلك كلنا

mahasen saber يقول...

afew good men.....

زعلان ليه
زعلان ليه
زعلان ليه

انا مش بحب اكلفك يا عمنا الكبير انتا
انتا تتقمص منى بئه عشان ايه
وبحاول اكلمك والشبكه معصلجه فى ايدى

اوعى
اوعى
اوعى
وحسك عينك تزعل منى حد يزعل من اخته الصغيره
ومشيها الصغيره عشان خاطرى
يا ابو اجنحه متجبره

فشكووول يقول...

ست محاسن صابر .. تحياتى
ربنا يخلى عبد الرحمن وام عبد الرحمن وتشوفيه عنده ملك واحمد ومحمود ودسته عيال وتبقى قاعده عجوزه زى كدا والعيال يركبوا فوق كتفه وتلعبى بيهم ولا انتى حاسه بأى تعب ولا حاجه
تحياتى يا ستنا

mahasen saber يقول...

طوبه ذهب وطوبه فضه......

يا حبيبة قلبى ده شئ يسعدنى وايميلى متاح فى البروفيل
وبعدين ده انتى اليى يسعدنى ويفرحنى جدا
انى اتكلم معاكى يا حبيبتى

وبيرو قاهر العصافير هههههههههه
لا هو بيحب الطيور والحيوانات جدا جدا
لدرجة انه مش بياكلها والله مبيكلش لا لحوم ولا اسماك الا بالتحايل عليه
يعنى بخبيهم وسط الاكل

بهستنى اضافتك ليا
وهقبلها وانا قلبى بيرقص طبعا

منورانى دايما يا ملاك الرحمه
يا حبيبتى

mahasen saber يقول...

سمكه واحده.........

لا لا لا يا سمكمك انا تعليقى يتحذف
انتى عملتيلى انا كمان مقاطعه ههههههههههه

لا عادى يا حبيبتى بتحصل فداكى مليون تعليق وفداكى مدونتى على بعضها

بس انا مدايقه ان مودك مش مضبوط
صدقينى ربنا هيصلح الحال عاجلا ام اجلا
ان شاء الله

mahasen saber يقول...

غير معروف.........

طب الموضوع فيه قيمه
ومش وحش ونبيل

ليه بئه بتعلق بغير معروف

يا غير معروف نحب نعرفك
واليى ما يعرفك يجهلك

mahasen saber يقول...

ريمان..........

ريمو الكلام ده كله فيا ههههههههه
اه شكلك راسمه على الواد فعلا
طب خلاص بعد الكلام الحلو ده اوديهولك لحد دمياط

وطبعا كده مفيش حبيبه ههههههههههه

يا حبيبة قلبى ده من ذوقك وكرم اخلاقك
وقلبك الطيب انتى عشان كده شايفانى انا كده

ربنا يسعدك يا ريمو
ويفرحنى بيكى
اللهم امين

mahasen saber يقول...

dalia.........

يا حبيبة الرقيقه منورانى يا داليا

بس فيه كتير نفوس وحشه زى ما فيه نفوس احلى بكتير
بس على فكره الموضوع انتى فهمتيه فى المجمل صح يا جميله
بس انا بريئه من السرقه دى
مش سيادتى اليى اتسرق ههههههههههه
انها ضحيه اخرى
مع ان انا حصل معايا ما شابه بكتتتتتتتير

منورانى يا داليا
يا جميلة جميلات الجامعه
اخبار الجريده ايه
ربنا يوفقك دايما ان شاء الله

mahasen saber يقول...

gana magde..........

مين يفهم ويحس ويفكر ويتدبر يا جنه

الدنيا بتنجح كتير فى انها تسحب اصحاب النفوس الضعيفه فى دوامتها
ربنا ما يجعلنا منهم

منورانى يا جميله
واسعدتنى زيارتك جدا جدا
ودايما دايما مشرفانى بالزياره الكريمه

mahasen saber يقول...

القلب المنكسر.........

اليى لسه صغير اصلا على الاسم ده
يعنى 16 سنه اتكسرت امتى ربنا ما يكتب كسرت القلب عليك يا حبيبى
ويبارك فى عمرك ويسعدك فى كل مراحل حياتك

وبعدين انا زرتك وهزورك تانى وتالت وعلطول
ده يحصلى الشرف يا غردقاوى

mahasen saber يقول...

نور الدين.........

هههههههههه ليه كده بس تخاف ليه هو انتا من اياهم ده انتا نور الدين يعنى ابدا ميصدرش منك ما يسئ لحد

وبعدين اليى يفهم الامور كده ويعلق التعليق الراقى والتحليل المنصف ده ميتخافش على حد معاه ده يتخاف عليه

منورنى يا زنكى ومشرف المدونه دايما
يا ابو عقل راجح يا نور

mahasen saber يقول...

المحارب المتيم........

هههههههههه اجدع ناس ولاد بلدنا الصعايده ومحدش يقدر يقول بم او بم بم حتى

صدقت والله احقر خلق الله هما الصوص لانهم بيسرقوا اشياء ماديه ومعنويه وبعدين بيستحلوا اعمارنا ويسرقوها بالمره

منورنى ومشرفنى يا محارب
يا متيم

mahasen saber يقول...

هانى زينهم........

لا لا لا بلغ صاحب التعليق والمدونه والاستراحه
انى زعلانه ومقموصه ونفسيتى معوجه من ناحيته

يعنى دى كانت معرفة اتوبيسات دى
يعنى لو مت مش هتسأل عليا هيا دى الاخوه يا ابو ملك

زعلانه وواخده على خاطرى الي ابد الابدين او حتى عقد صلح

mahasen saber يقول...

انت وانا.........

قريته يا حبيبتى وانا اليى سبتلك رد عليه
روحى مدونتك وااقريه يا قمر

mahasen saber يقول...

berm elmasrey........

استاذنا الغالى بيرم
اولا شكرا على التنبيه وحاضر وكتر الف مليون خيرك وخير قلمنا الرصاص

وبعدين التشبيه ده بيدى للندله حقاره فوق حقارتها بس بصراحه تستاهل

حضرتك منورنى ومشرف المدونه دايما

mahasen saber يقول...

خديجه عبد الله.......

والله يا حبيبتى دعيتلك وربنا يستجيب ان شاء الله

وبعدين انتى اخت عزيزه ويشرفنى ده ويسعدنى كمان

وفرحت قوى ان ربنا اكرم صاحبتك
وقادر يكرم كل انسانه او انسان اتظلم

اللهم امين

منورانى يا حبيبتى
واسعدتنى زيارتك وتشرفيك جدا جدا
يا اختى العزيزه

mahasen saber يقول...

fashkool.....

عمى الغالى والغالى قوى قوى كمان

حضرتك بتدينى شرف كبير لما بتشبهنى بالهام ده شرف فعلا عظيم ليا
وتاج فوق راسى
ربنا يباركلك فيها وفى محمود وفى احمد الحفيد الجميل

وبعدين حضرتك تكلمنى وتشخط فيا وتضربنى كمان لو حبيت وانا مقدرش افتح بقى ببنت شفه او كلمة اى حتى
وده لان حضرتك انسان عزيز وغالى عليا جدا جدا
ومكانة حضرتك كبيره جدا عندى
وده شئ يعلمه المولى عز وجل

شرف ليا انى ابقى زى الهام ومحمود

mahasen saber يقول...

عاشقة القمر........

يا حبيبتى تسلمى تسلمى
وربنا ما يحرمنى من الاخوه الجميله دى

ماما فرحت قوى قوى

mahasen saber يقول...

رابطة هويتى اسلاميتى........

حاضر حاضر واكيد ده هيبقى حوار هايل
يا ابو فاطمه

بس للاسف احنا تعبنا من كتر الكلام
بس شكله ده اليى فى ايدينا

mahasen saber يقول...

الطائر الحزين.........

فعلا صدقت القول يا طائرنا العزيز

حضرتك من فتره كنت منقطع عن التدوين

وانا كنت لامسه حزن حضرتك على والدك

ربنا يرحمه ويرحم والدى
واموات المسلمين جميعا

اللهم امين

حضرتك شرفت المدونه تانى
ودى بيت اختك يعنى بيتك وبلوج ومطرحك

mahasen saber يقول...

رؤيه.......

شفتى يا رؤيه نوع من انواع السرقه غريب بس ممكن تقولى زى سرقة حبل غسيل كده

واهى قيمه من ضمن القيم اليى اتمسحت باستيكه

ربنا يعافينا ويكفينا شر لصوص الحياه

منورانى يا حبيبتى

واسعدتنى زيارتك جدا جدا
وبجد شرفتينى بالزياره الكريمه

mahasen saber يقول...

ادم المصرى.........

اولا اهلا اهلا وسهلا باول زياره اعتقد

شرفتنى ومنورنى جدا جدا بالزياره الكريمه دى يا ادم

وطبعا اكيد اليى عند الله افضل بكتسير

شرفتنى يا ادم
ويحصلى الشرف والسعاده بزيارتك طبعا

mahasen saber يقول...

momken.........

ههههههههه وان مرجعتش

لا انا رجعت اهه لقيت الاختباء مش هيدارينى
ولاا الكسل هينفعنى
فجيت على ملا وشى اهه
ايه ملا وشى ده

وهكتب بوست جديد يا ممكن وايه تسلم ايدى مقدما شكله هيشيط منى


شكرا من قلبى على سؤالك الغالى عنى
اعمل ايه يا ربى على الناس الطيبه دى
ادعيلها وسع والله لادعيلك

mahasen saber يقول...

fashkool.......

اللهم امين يا رب
ده يبقى ربنا ارادلى السعاده بجد
لس تفتكر يا عمنا الجميل والقدير ان انا ممكن اعجز
يعنى انا حاسه ان مقصوفة العمر دايما مش عارفه ليه هههههههههه

طبعا لكل اجلا كتاب

بس يا رب افرح باحفاد ابنى بجد
والاهم نفسى قوى وبدعيها من ربنا ان محدش يربيه غيرى ابدا ابدا
لان محدش هيستحمل شقاوته وغلاسته وعفرته وزنه احيانا غيرى

زمحدش هيعرف انه بردان من غير ما يقول غيرى برضه

ربنا ما يحرم اى حد من اى حد عزيز عليه

وحضرتك منورنى دايما

والله المدونهوانا وبلوجر بنبقى فى قمة السعاده بزيارة حضرتك

ربنا يباركلك فى محمود والهام واحمد وكل من تحب

أحــوال الهـوي يقول...

شرقاوي
زجازيجي

تحياتي

أم بتول يقول...

محاسن عنوان البوست صادم ، بس لى تعليق بسيط على الموضوع وهو أننا ما نساوى بين الزوجة التانية و العشيقة ، الزواج التانى ربنا حلله ومش معنى أن واحدة توافق على أنها تتزوج من راجل متزوج قبلها او كان ، معنى كدة أنها حرامية ، ليه الست تقبل أنها تعيش مع الراجل وهى عارفة انه له علاقات نسائية فى الحرام كتير جدا ، ومع ذلك عندما يتزوج فى الحلال ترفض أن تعيش معاه ، أنا مش بتكلم عن الحالة الى حكيتى عنها بس أنا بتكلم على واقع نعيشه عموما و موجود بينا بكثرة ، تعليقى على حكايتك أن الى توافق على انها تتزوج من رجل متزوج أو كان فلا تكون مساعدة و معين له على ظلم أختها ، و سرقة حقوقها بل بالعس لازم تساعده و تعينه على أنه يعطيها حقها علشان ربنا يبارك لهم فى حياتهم ، لأنها ببساطة عمرها ما ها تعيش مرتاحة و هى سارقة وواخدة حاجات مش بتاعتها ، ها تلاقى دايما عندها حساسية و ارتكاريكا كل ما تلبسها لأنها مغتصبة لحق مش ليها ، عمرها ما ها تشعر بالراحة و الأمان أبدا وهى لابساها . السرقة شيئ و حلال ربنا شيئ تانى .
محبتى و احترامى .

mahasen saber يقول...

Abu ShoSho......


ابو عائشه الاخ العزيز .. كلامك اعطى للبوست رقى ولمغزاها الف معنى ومعنى

خالص مودتى وتقديرى وشكرى على مرورك الغالى

mahasen saber يقول...

أحــوال الهـوي ......


خالص مودتى يا بلدياتى الغالى ...

mahasen saber يقول...

أم بتول ......


حبيبتى الغاليه ام بتول ... اختى الغاليه والحبيبه ابدا مقصدتش فى البوست انى اصنف العشيقه بمكانة الزوجه التانيه او الضره زى ما بيطلق عليها
ابدا ابدا مفيش اى وجه شبه بين الاتنين ... ممكن بس حضرتك فهمتى بين سطور البوست بشكل خاطئ او انا اسأت اللميح او التعبير

وتعرفى بئا انتى وحشتينى جدا جدا ودايما مرورك وآرائك غاليه قوى عندى