السبت، 24 يناير، 2009

امتى نقول للمطلقه مبروك

ده مش تحديث ده اعتذار.......

بعتذر بشده عن تقصيرى فى زيارتكم او تكملة الرد على التعليقات ..امبارح هاجمتنى موجة برد غريبه اول مره تحصلى تكسير غريب فى العضم مع اعتلال ملحوظ فى الصحه انا قلت هدوس على نفسى وارد على التعليقات بس والله مش قادره والبوستات الجديده عينى اليى عماله تحرقنى دلوقت هتطلع عليها عشان ااقراها واتابع جديدكم
انا اسفه والله وخجلانه جدا جدا منكم ..حتى حاولت ازور مدونات مقدرتش هيا مدونة مرمر وكنت هأغمن على روحى

وحاجه كدهمهمه قوى استاذ ابو شو شو حضرتك نورت المدونه تانى وتالت ونفسى الاقى لحضرتك مدونه مفتوحه
اتمنى فعلا ...وبعدين انا مش عارفه لينك الفيديو اليى حضرتك بعته بتاع ايه هو عامتا مش بيفتح بس يا ريت تكون حاجه حلوه واكيد هو حاجه حلوه طالما من حضرتك....
اسفه والله وارجو محدش يزعل من تقصيرى ارجوكم ارجوكم
وادعولى بيرو مياخدش البرد ده منى اصل الحكايه مش ناقصه دى بالذات
...تحديثاتى زى وشى عايزه تجميل ....اسفه كمان مليون مره بس انا التعب مبهدلنى فعلا

تحديث وتحفيز وبينهما خبر.....
.................
السلام عليكم ازيكم يا جماعة الخير بجد انا لسه راجعه من القاهره حالا واول ما دخلت البيت على المدونه علطول بجد انا مبسوطه بتعليقاتكم وفرحتكم ارآكم قوى قوى

فقرة امبارح من برنامج كل ليله كانت من اروع ما يكون انا كالعاده اتبسطت قوى قوى استاذ شعبان يوسف اليى كان معايا فى الفقره من اروع ما يكون هو اديب وليه اهتمام خاص بالمدونات وكان شريك من افضل واروع ما يكون فى البرنامج ....والحوار وموضوعه كان حلو قوى
حتى المذيعين من اجمل واظرف ما يكون اسامه منير واضح جدا ان مش صوته بس اليى مميز لا وروحه كمان شخصيه متحدثه وودوده جدا جدا
وهبه الاباصيرى من ارق ما يكون ولا تقل ود والفه وروح حلوه عن اسامه يعنى بجد حلوه من بره وجوه

والاستاذتين الرائعتين الجميلتين الظريفتين المميزيتين.. هو الجمع ده تانيث اعتقد..
هما على العموم معدتتين فى البرنامج استاذه وفاء الرائعه واستاذه محاسن الجميله ام قصة شعر حلوه وام اسم على اسمى ..... الاتنين من اروع واجمل ما يكون
شكرا ليكم جدا على كرم اخلاقكم وذوقكم معايا
انا يا جماعه بجد اتبسطت قوى قوى من الفقره الذيذه دى ويا رب اليى شافنى تكون عجبته
.....................
انا هستريح شويه وهرجع علطول ازوركم واشوف جديدكم وارد على حبايبى وكلامهم الجميل فى التعليقات ..اذا حييتم بتحيه ...

اشوفكم ان شاء الله على خير كمان شويه ........
وشموسه شوفى عرفت اعمل التحديث اهه ...يموت المدون وايده على الكيبورد بتلعب..




آه انا ملخبطه ومتلخبطه ومش عارفه ابتدى الكلام ازاى ولا على اى شاكله ... بس اليى هعرف ااقوله

لما تبقى الست قضت جزء غير هين من عمرها فى جو حضرت المحكمه وتكون عاشت على اعصابها سنوات فى انتظار حكم يعوض ما فات وتستنى وتستنى عشان يتحقق المراد اليى بيعجزه بعد كده طريق تانى فرعى ورئيسى اسمه استئناف ولما يكون بان قدامها من وسط طريق الضباب شعاع بسيط بيقول ممكن نغير الاتجاه ونسلك طريق اخر فى سبيل اشياء اخرى ...تبقى غلطانه لو ما مشيتش وجريت ورا هذا الشعاع حتى ولو سراب

واتكلم بوضوح بدل المتاهه اللغويه اليى انا عملاها دى

يا جماعه انا بعد المشوار الطويل نفسى اتقطع ومش ضعف لا انا صحتى ولا صحة تايسون ابو عضلات انما لان انا مشيت فى الطريق لاثبات حق ما وعشان اضمن حق ابنى وما انقصش من حقه شئ ممكن اتحاسب عليه فيما بعد قدا ربنا ولانى كنت عايزه احقق شئ ربنا بغضه بس حلله الا وهو الطلاق للضرر

بس لقيت ان فيه بادرة خير ومعاهدة سلام ولاا كامب ديفيد ولقيت ان سكة المحكمه مش هتوصلنى لشئ الا لو نويت انى احتفل بعامى الثمانيين فيها ..وبرضه هيفضل الدافع لانى احقق شئ مش مستمتع بلا شئ الا وهو ابنى ..فلقيت ان ممكن بشوية تنازل كتير او بسيط منى اضمن لابنى انه يعيش حياه مستقره فيها حب من عاتلتين ورعايه من بشر كتير اعمام وجدود واب مكنش يعرف شكله ايه واخوات من ابوه يحبهم ويبقى قدوتهم واخوهم الكبير ولقيت انى ممكن اخد ورقة طلاقى وانعم برؤية ابنى فى جو ناعم وخالى من المشاحنات وعليه انا اتطلقت فعلا يوم الثلاثاء الماضى وده نصر ليا مش هزيمه وعرفت انه نصر بعد ما ابنى قضى يوم الجمعه مع والده واعمامه وجده وجدته شفت فرحه فى عين ابنى وحسيت بحب ليه

يبقى ليه اكابر واحارب على شئ فى النهايه ممكن اوصله بطريق تانى وليه احارب على حق ابنى وهو اكيد الحب والرعايه والحنان اليى هيشوفه اهم اهم بكتير

.............

انا حاليا وفى الظروف دى مقدرش اشجع واحده على انها تفضل مستمره فى طريق المحاكم ده اليى تقدر على انها تاخد حقها من غير الطريق ده تاخده

وثغرات القانون مش هسيبها انا وراها والطريق طويل فيه خطابات شجب ..حلوه شجب دى زى تصريحات القمم العربيه .. وادانه بالمره

وفيه وقفات ستتزامن مع وقفات عيدى الاضحى والفطر للمطالبه والتحفيز على سد الثغرات القانونيه دى ومسح المعاناه المريريه عن كاهل ستاتنا الغلابه والمساكين والدعاء صدقه لينا

وطبعا هعلنكمبكل جديد وسأخطركم باليى هيحصل اولا باولا



...............

حته على جنب

....

على فكره وانا فى الطريق ورايحه بابنى اول زياره لبيت جده كنت حاطه امل كبير فى ربنا وبدعى كتير وكانكل همى اننى امسح لى شؤائب متبقيه من سكة النزاع اليى فاتت دى فقولت ايه يمسح كده غير انى ارجع اعمل زى ما كنت بعمل زمان الحاجات البسيطه اليى كانت بتحسسنى انهم اهلى وعليه

اول ما شفت جدى ابنى ميلت على ايده عشان ابوسها زى زمان لنه برضه فى مقام والدى

وبوسة دماغ جدة ابنى وقلتلها ماما تانى بعد ما كنت بقول طانت

وبكده اكون كسرت حدة وعنفوان النفس الاماره بالسوء عندى

وزوجة ابو ابنى بوستها ورغيت معاها لما صدعتها لانها برضه هتبقى ان شاء الله ام اخو او اخت ابنى فمينفعش يكون فيه اى ضغائن تجاهها

وابو ابنى بقئه بمثابة اخ لانى الحمد لله دى تالت طلقه وفعلا يسعدنى جدا انه يكون اخ وبار كمان



انا كنت يوم الجمعه بسعادة عبد الرحمن فى قمة واوج سعاتى

وبان الامور ماشيه كما ارجو من الله سبحانه وتعالى فى قمة افرست بحالها من الرضا والسعاده

وحسيت ان اى شئ راح واتنازلت عنه سعادة ابنى باهله وبيوم زى ده لا يعوضه اى شئ وفداه كل شئ



الستات اليى فى المحاكم والله ما هتخلى عنكم ولا عنى لان فيكم مستقبلا وبعد الشر يعنى اى حد عزيز عليا واليى هقدر عمله وقفات ووقفات لما يجيلى دوالى ساقين كمان عشان نعدل شئ فى قانون الاسره

وربنا عالم ان نيتى خالصه لوجه انا كده مليش مصلحه زى ما عمرو حبشتكنات وشموستنا كانت قالت انك حتى محدش هيقول دى بتحارب عشان نفسها..شموسة النهار او ملاك النهار بالاحرى



........................

معلش الكلام ملخبط والبوست غير متزن بس انا مستعجله ومرتبكه النهارده فيه ليا لقاء فى برنامج اسمه كل ليله على النيل للمنوعات الساعه 9 انا قلت للمعده هما اكيد اتصلوا عليا غلط فيه مدونيين كتير افضل منى فهيا قالت عشان المدونه قلت ماشى يمكن نعرف نعمل حاجه

انا قلت مع انى مبحبش ااقول اصل بصراحه شكلى بيبقى وحش فى التليفزيون انا فى ارض الواقع ااقرب ما اكون لصوفيا لورن بس وهيا كبيره

كل اليى بيسألوا عليا ربنا يكرمكم من كرمه الواسع وانا اسفه انا غبت انا شكلى اتعملى عمل مع كل بوست جديد يحصلى حاجه ومشاغل واغيب عنها عن التدوين بس راجعه ان شاء الله للزيارتكم ودوشتكم تانى وهرد على تعليقات البوست اليى فات

بس بعد بكره ان شاء الله

دعواتكم واسفه لو صدعت حد او خيبت امل حد فيا

انا طول عمرى وحشه وتصرفاتى هوجاء وعمياء وغبيه انا اسفه جدا ليه ولمين وعشان ايه الله اعلم بس اسفه وخلاص

آ ه صحيح خلاص ايه وعليه لما تكون الامور انتهت بالصوره المريحه دى او على الاقلل لحد كده يبقى نقدر نقول للمطلقه مبروك ويا ريت متشوفيش غيرها

بس المدونه واهدافها مستمره لحد ما اروح المكان اليى متر فى متر ..لا لا مش السجن ..القبر قصدى القبر فاتطمنوا ستظل عايزه اتطلق و هيا عايزه اتطلق و

ويمكن فى يوم اكون سبب ما فى راحة بال واحده فى يوم كانت معاناتها زى معاناتى

شموسه انا حاولت انقل التحديث من تحت لفوق زى ما قلتيلى معرفتش خالص مبيتاخدش كوبى بتاتا فايدى اخدتنى لبوست جديد وخلاص ...اصل متعرفيش دماغى نصها حشو فاضى وساعات كتير مبفهمش فى التكونولوجيا ولاا ابجدياتها حتى فاسفه معرفتش اعمل اليى وعدت حضرتك بيه
اسفه جدا جدا كمان

هناك 109 تعليقات:

BA5MA يقول...

بسم الله
دة اول تعليق ليا فى المدونه دى وبإذن الله مش الاخير
اسعدنى مرورى على مدونتك
تحياتى
بسمة

كاتب مصري يقول...

مبوك على انتصارك والله فرحتلك قوي ع الأقل ترتاحي من وجع القلب ده
تحياتي ولو إني بجد مش عارف بأنهو وش قلتلك مبروك
ربنا معاكي
مودتي

اسامه عبدالعال يقول...

مبروك واعيدي ترتيب الاوراق المبعثره

marmar يقول...

مبرررررررررررررررروك يا احلى سنسن
بجد فرحنالك من كل قلبي لانك بجد تستهلي كل خير بجد ياقمرة
يارب بقى نخلص من اي حاجة تضايقك ياااااارب

صبرني يارب يقول...

هااااااااااااااتي بوسه كبيره يا محاسن

تصفيق حاد جداااااااا

برافو عليكى يا محاسن احسن حاجه عملتيها والله

حقيقى نفسي ان الطلاق لو تم يتم كده بالروح دي

عشان العيال ما تتبهدلش فى النص فعلا

مبرووووووووووووووووووووك مبرووووووووووك

مش مبروك الطلاق مبروك الصوره الجميله الى انا شوفتها النهارده

ومبروح حياتك الجديده

ويا ستى سدي ثغرات القانون براااحتك بس ده ما يمنعش ان الصلح خير

وكمان ما يمنعش ان زي ما في ستات مظلومين فى كمان رجاله مظلومين قدام المحاكم

ربنا يوفقك يااااااارب وانا فرحانه اوي بجد

romansy يقول...

بالرغم من قسوه القرار طالما انتى سعيده خلاص

Mohamed Hamdy يقول...

بجد مبروك عليكى حياتك الجديده الجميله يا محاسن

وداعا لايام المحاكم الطويله

تحياتى ليكى

أكون أو لا أكون يقول...

حبيبتي محاسن... الحمد لله إن إنتي مبسوطه وده الأهم...
أنا ضد التنازل... لكن صدقيني لو كنت مكانك كنت من زمان إتنازلت... ويمكن لا رفعت قضيه ولا تحديت... بس لو شفت حد بيعمل اللي أنا مابقدرش أعمله بأعحجب بقوة عزيمته وإصراره...
إنت قاومتي كتير... وتحملتي كتير... والفتره اللي عدت أكيد قوتك... وعلمتك... وهو ده الإنتصار الحقيقي... (زي إنتصار عزه يعني)... ممكن الناس مش بتشوفه... لكن هو إنتصار روحي مش يحس بيه إلا اللي عاشه اللي هو صاحب القضيه.

ربنا يجعل أيامك كلها أفراح... ويعوضك بالخير ...عن كل ليله قضيتيها دمعتك على خدك...



وربنا يصلح حال المحاكم.

انا حره يقول...

مبروووووووك يامحاسن

يارب تكونى مرتاحه من جواكى يارب

mohamed ghalia يقول...

اختى العزيزة محاسن
اسعد الله ايامك دائما وأعانك على تربية ابنك تربية تقر عينيك وجعله الله زخرا لكى .
حقا انتى صاحبة قلب كبير وعقل راجح
استطعتى ان تجمعى شمل الأسرة رغم الطلاق
وهذا شىء كبير واستطعتى ان تتغلبى على وسوسة النفس وتستمرى للنهاية
إن كان هذا غرضك المحافظة على لم شمل الأسرة فقد اصبتى الحق واعطيتنى انا شخصيا درس لأنى كنت من المنادين بالإستمرار فى سكة المحاكم أما الأن وبعد أن تحقق هدفك السامى فما فعلتيه هو الصح والحمد لله على أن وفقكى الى الصح
دمتى بكل الود
فى حفظ الله

dreem يقول...

انا لله وانا اليه لراجعون
محاسن قولى : اللهم اجرنى فى مصيبتى واخلفنى خيرا منها
تحياتى

ماما أمولة يقول...

الحمد لله
الحمد لله
الحمد لله

مبروك عليك راحة البال وهدوء النفس التي قرأتها بين كلماتك
بجد انا سعيدة جدا ربنا يصلح حالك اللهم امين
ويخلف عليك الخير ان شاء الله
مبروك يا حبيبتي

princess يقول...

مش عارفة اقولك ايه بس طالما كل الاطراف مرتاحة يبقى الحمد لله
وانتى بجد حد كويس اوى وان شاء الله ربنا هيكرمك فى ابنك ويجازيك خير
تحياتى:)

ghorBty يقول...

الحمد لله علي كل حال

وربنا يعوضك بالخير الكثير

احلي حطه في البوست لما حكيتي ازاي كان معاملتك مع اهل ابو ابنك بجد ربنا يبارك لك ويجزيكي خيرا ودا اكيد من حسن اخلاقك

وكل شئ بقبول من الطرفين بيكون ليه طعم تاني والله دا عين العقل واهم شئ ان ابنك هيكون في حال افضل كدا ان شاء الله

ربنا يبارك لك فيه ويجعله ولد بار وصالح لك ويعوضك فيه خير

غربتي

أبو أسامة يقول...

والله إذا كان ده شعورك فعلا
وإذا كان هذا هو تصرفك بعد حصولك على ورقة الطلاق فأنا وبكل فخر
أحييك
وبكل ثقة
أقول لك : ألف مبروك
ربما يكون الطلاق خسارة ... ربما
ولكن بالتأكيد أن تحصلي على ثقتك بنفسك بهذا الكل فهذا مكسب ... بكل تأكيد

smilyrose يقول...

الاخت الغالية محاسن صابر

اراح الله قلبك واعانك على حياتك

وعوضكى خيرا فى ابنك

ورزقكى ان شاء الله بخير سلف

ووهبك عقل وقلبا صادقا

خير ما فعلتى عند زيارتكى لهم

فالمودة خير سبيل لاصلاح الامور

دمتى حبيبتى الغالية

ياريت نغير اسم المدونة بقى

خلاص الطلاق تم

نخلى فيها امل

ههههههههههههه

دمتى حبيبتى

smilyrose

روح الحب الصادق

ahmed_k يقول...

أولا حمدالله على السلامه
وربنا يوفقك في لقاء قناة النيل

وألف مبروك على إنتصارك المسالم
في معركتك لنيل حقوقك و حريتك
والطلاق وإن كان أبغض الحلال فهو ليس
نهاية الطريق بل هو نهاية مرحله
وبداية مرحلة أخرى
ربنا يكرمك بالإنسان المحترم اللي يعرف قدرك ويحقق لك السعاده والأمان

دمتي في رعاية الله

هانى زينهم يقول...

هو فعلا البوست ملخبط ومش عارف اقول مبروك ولا كدة كويس ولا ايه بالظبط فهاستنى لما تخلصى انشغالك وبعدين توضحى شوية فى ايه .
بس مبدأيا مبروك يا محاسن وكدة انتى كدة لازم تغيرى اسم المدونة بقى لان الاسم ده ما بقالوش معنى دلوقتى .

جنّي يقول...

السلام عليكم

ربنا يكتب لك الخير دايما ..

تغيير رهييب وفي الطريق الصحيح ..

ربنا معاكي

سلام

ريمان يقول...

ايه ده


لااااااااااااء


مش مصدقه

مش مصصصدقه


لولولولوولولولىىىىىىىىى


لولولولولووللىىىىىىىىىىىىى


مبروووووووووووووووووووووووك

الف الف مبروووووووووووك

اخيرررررررررررررررررررررررااااااااااا

اخيرا الحمد لله


فوقى لنفسك بقه وعيشى حياتك

بجد انا حاسه انك مرتاحه اوى


الحمد لله
وبجد سعيده بكلامك ده

ربنا يطمنى عليكى حبيبتى

غيرى بقه اسم المدونه دى

لانك خلاص اخدتى حريتك

الف مبروك يا حبيبه قلبى

عقبال ما تفرحى بيا انا وبيرو بقه

زهرة الجنة يقول...

بجد انتي انسانة هايلة
وفرحانه بيك وبتفكيرك جدااا
انتي بكده اثبتي للجميع انك عاوزة حياة كريمة لأبنك
مش مجرد مشاكل وبس
المتضرر الوحيد من المشاكل هو الأبناء
وده بسيب اثر سيء جواهم

اتمني لك حياة جديدة وجميلة ومليانه سعادة

وبجد نفسي كل الستات يكون تفكيرهم زيك كده يشوفوا فين مصلحة اولادهم بعيد عن المشاكل

انا متأكده انك حصلتي علي احترام جميع اسرة والد ابنك

مش عارفة اقولك ايه بس بجد سعيدة بعقلك وتفكيرك جدا

تحياتي ومودتي وأحترامي

zainab elmosalamy يقول...

حبيبتى محاسن

ربنا يسعدك و يهنيكى ويعوضك خير ان شاء الله

عارفه يا محاسن أحسن حاجه عملتيها معاملتك لأهل ابنك ربنا يخليه ليكى و يبارك فيه

بجد انتى تستاهلى كل خير

تحياتى

ABOALI يقول...

البسمة التى صنعتيها على وجه ابنك وفرحته
هى التى تستحق ان نقول لها مبروك
اخلاقك الراقيه وسمو نفسك وانتصارها على شوشو هى التى نقول لها مبروك
احاسيسك الفياضه ورقة فؤادك الجميلة هى التى نقول لها مبروك
تواضعك واحترامك للجميع رغم ماحدث
هى التى نقول لها مبروك


سيدتى انتى لم تخسرى او تفقدى شيىء
بل اكتسبتى قبعات الاحترام وافضل من ذلك كله
كسبتى نفسك وففككتى اسرها الى حرية الرقى والسمو

لك كل التحية وهى قليله فى حقك

تحياتى

آخر العنقود يقول...

مبروك وربنا يرضيك ويرضى عنك يا حبيبتى
وحشتنينى بجد
فينك وليه مختفية كده ؟؟
يارب تكونى بخير وسعادة دايما
وابقى طمنينى عليكى
واوعى تكونى نسيتينى
:)
سلام ياقمر

ضد التيار يقول...

مدام انتى سعيده و مرتاحه يبقى الف مبروك ياجميلة

وربنا يوفقك فى امورك التانيه

و ان شاء الله المدونه تحقق اهدافه ياجميلة

بوسة ليكى ياقمر كبيرة و لبيرو و ماما

محمد فارس يقول...

الاخت الغاليه محاسن ام عبد الرحمن
مش عارف اقولك الف مبروك علي الطلاق ولا علي تصرفك اللي تعدي حدود البشر انا لما قرأت الموضوع تجاه جد عبد الرحمن وجدته وكمان امراءة ابيه غلب عليا الظن البشري زي ما بيقولوا واعتبرت اللي حصل منك تمكاحيك سامحيني
لخبطة موضوعك وعدم التركيز في ذكر ما حدث جعلني اظن هذا الظن ولكن لما عرفت انها الطلقه الثالثه وانه ليس هناك رجعه لوالد عبد الرحمن وان كل تصرفاتك
ما بعد الطلاق جعلتني احكم بانك اقوي من كل من قدم اليك النصائح
عموما عودة عبد الرحمن لاهل والده والعيش بينكم في سلام هو اكثر ما اسعدني اسف ان كنت طولت او اسأت الظن
مع تمنياتي لك ولعبد الرحمن بحياه سعيده
دائما ان شاء الله

Soul.o0o.Whisper يقول...

سنسننننننننننننننننننننننن


اولا : بجد مش تتخيلى سعادتى بسعادتك اد ايييييييييييييييييييييه

بجد ربنا يكرمك يارب و يحقق لك كل اللى تحبيه ... ((بوسة كبيييييييييييييييرة

ثانيا : أفضل شئ إنك تفهم الشخص اللى قدامك مفتاحه منين .. هتستريح جدا ..

لأن اللى ينفع دا .. ماينفعش على غيره،
و ما ينفعش نعمم ..

و لما كان الطريق الودى هو مفتاح أهل .. مش عاوزة أقول طليقك ، لكن هأقول أخوكى الجديد .. " و لا تنسوا الفضل بينكم "

و اهم شئ هى راحة بيرو

ربنا يخليهولك يارب
و تشوفى احفاد احفاده كمان




ثالثا بئا : ليكى عندى تاج
عدى خديه بئا ...





خالص ودى يا قمر

نهــــــــــار يقول...

السلام عليكم أختي أم عبدالرحمن..
والحمدلله أن وفقكي الرحمن لماإرتاحت له نفسك ونفس إبنك..
.....
وجزيتي خيرا على معاملتك الطيبه لأهل إبنك..
وفقكي الله لما يحب ويرضاه...
ويعينك في ماتحاولين إيصاله..
وبارك الله لكي بإبنك...
.....
فرحنالك من قلبي يا عسل
دمتي بخير دوما

عاشــــــ النقاب ـقــــة"نونو" يقول...

السلام عليكم
حبيبتي الف مبروك وربنا يهدي الحال يارب وربنا يكملك بعقلك ويخلي ابنك يارب وتفرحي بيه ويعوضك خير
والف مبروك الحلقة وبعدين انتي احسن من ميت صوفيا لورين
احبك في الله
تحياتي

أحمد المسلم يقول...

السلام عليكم ورحمة الله وبركاته .

أختي محاسن ، أحمد الله أنك حصلت على ما ترغبين ، وبسهولة وتيسير من رب العالمين ، وأكثر ما أسعدني أن ابنك عبد الرحمن خرج من هذه التجربة عنده أبوه وأمه ، وكلامهما يحترمه ويحبه ، وهذا ما يجب أن يكون عليه الطلاق ، فلا يفقد الابن أو البنت الإحساس باحترام الأب أو الأم ، فإن حدث ذلك أصيبوا بخلل نفسي .

أود أن أنبهك لأمر هام ، وهو ألا تشجعي المتزوجات على الطلاق ، فقد تكون زوجة في مشكلة مع زوجها ويمكن حلها بغير الطلاق ، فانتبهي لهذا حتى لا تقعين في الوعيد الذي أخبرنا به النبي صلى الله عليه وسلم فقال ( ليس منا من خبب امرأة على زوجها أو عبدا على سيده ) .

أسأل الله أن يكتب لك الخير ، ويبارك لك في ولدك ، والسلام ختام .

mony يقول...

مبروك يا محاسن و الله

مبروك ليكي و لابنك اي حاجة تريحك و سعدك انتي و ابنك


و ربنا يكتبلك كل الخير يا رب

kareem يقول...

مش حقول مبروك بس اديكي خلصتي من المشاكل و عقبالي

انا بقالي سنه و نص ماشفتش بنتي الي هى اصلا عمرها سنتين

و عندي شويه قضايا من محاضر تعرض لمحاوله خطف الي 3نفقه و واحده رؤيه

كلام حسام يقول...

يارب المسالة ما تكونش محسوبة انتصار او هزيمة هي مش حرب اساسا دي علاقات انسانية وابنك مش ارض متنازع عليها ده انسان له كيانه وحقوقه
ربنا يبارك لك في حياتك وحياة ابنك وتشوفي كل الخير ان شاء الله

Manamino يقول...

الف مبروك يامحاسن
كان نفسنا نقولهالك في ظروف احسن من كدة بكتير
انما الحمد لله علي كل شيء
ويارب نقولهالك كتير بعد كدة في نجاحات عبد الرحمن ويوم ماتفرحي بيه وتجوزيه الانسانة اللي تسعده وهو يسعدها
ماتنسيش تعلميه ازاي يحترمها ويحبها
وربنا معاكي ومعاه

أحــوال الهـوي يقول...

اختي العزيزة
لو رجعت لردي علي موضوعك السابق

كل واحده ونص وواحد يحطوا نفسهم مكانى لا مكانها

ممكن تلاقي راي مثل ما فعلت
و نعم التصرف و قلت لك من قبل انك انسانه محترمه و عاقله و ما فعلتيه يؤكد حقيقة
لن اقول مفردات التهنئه و لكني سأتمني لك كمال العقل و نفاذ البصيرة و دعائي الي الله ان يعوضك بزوج يستطيع ان يسعدك و يقدرك كانسانه و اعيه و قويه
وهذا الانسان لابد ان يتقبل و جود سيدة لها مثل حنكتك و تفكيرك فيشاركك طموحك و يستوعب تفكيرك
انسان يري فيك الصديقة قبل العشيقه
سيدتي انحني اليك معظما لتصرفك النبيل في حق ابنك لكي يستشعر وجوده بين ذوىه
اريد ان اطيل لاني فرح سعيد لانك و صلت الي مأربك بعد صبر


تحياتي

blue-wave يقول...

ياااااااااة يا ام عبد الرحمن
اد ايه انتى حد جميل
واد ايه ربنا هايكرمك
لأنك تستاهلى كل خير بجد
مبروك اختنا الكبيرة

NIDAAL .R يقول...

مبرووووووووووووووووووووك
مبروووووووووك ... مبرووووك
بصراحة مش عارف أقول ايه تانى .. بس انا فرحتلك جداً بجد وربنا العالم انا هطير من الفرحة . ليه مش عارف بس هو كدة وخلاص
وصوفيا لورن مين . بقى حد يبص للصورة و سيب الاصل
بعاكسك زى ما بعاكس آآآآبى
ماحدش احسن من حد

مهندس مصري يقول...

و لو إن الموضوع ملخبط و مش واضح
بس اللي فهمته إنك إتطلقتي و توصلتي لتفاهم كويس مع أبو عبد الرحمن

ألف مبروك

الطائر الحزين يقول...

وفقك الله ويسر لك الخير حيث كان

سمكه واحده يقول...

الف مبروك يا سنسنه وربنا يعملك اللي فيه الخير
ووحشتيني جدا جدا

marmar يقول...

محااااااااااااسن انا مضايقه اوي وزعلانه كمان اهو "وش زعلان"
امبارح عارفه انك هتيجي واتفرجت عل برنامج ومش لقيتك وقلت لصحبتي عل نت تشوف القناه عشان كنت بتكلم عل نت مع ناس وقالتلي اه انك جيتي واتفرجت عليكي ورحت اشوفك لقيتك مشيتي
مليش دعوة بقى لازم تقوليلهم يعيدوا البرنامج
بس اكيد اكيد اكيد كنتي زي القمر كالعاده يا قمرررررررره
بحبك وحشتيني

فتافيت يقول...

ده اول تعليق ليا على المدونة
وللاسف ماكنتش اعرفها الا انهاردة مش علشان انا من عالم تاني.. بس لاني دخلت عالم المدونات من اسبوع بس
المهم مدونة رائعة طبعا .. ماقولتش جديد يعني .. والحمد لله اني في اول مرة ادخل الاقي بوست ايجابي.. ومبروك يا ست الكل مادمت راحتك في كدا
تقبلي مروري

mahasen saber يقول...

ba5ma......

يا اهلا اهلا وسهلا بيكى يا جميله وبأول تعليق
وان شاء الله متكنش الزياره الاخيره

وشكرا يا حبيبتى على زيارتك الكريمه
نورتينى جدا جدا جدا يا بسومه

mahasen saber يقول...

كاتب مصرى......

بأنه وش يا كاتب المستقبل ..بانه وش ..
بوش مبتسم طبعا لان ده الاصلح لكلينا ولانه شئ مش محرم ولاا عيب

نورتنى نورتنى وبجد بيفرحنى سؤالك عليا
نورت يا كاتبنا الموهوب

mahasen saber يقول...

اسامه عبد العال.....

اسامه هقولك الله يبارك فيك على اساس انها مباركه لبداية مرحله فى الحياه جديده وآمنه ان شاء الله

واكيد هعيد ترتيب الاوراق وغسلها وكيها كمان

منورنى يا ابو دماغ رايقه
وقولى عملت ايه فى الباتر ..زى ما بيقولوا وش مطلع لسانه..

mahasen saber يقول...

marmar.....

يا ربى على الجمال والحب اليى حاساه من تعليقك ده يا مرمر
بجد يا حبيبتى ربنا يكرمك ويسعدك على روحك الجميله دى وشعورك الطيب

يا ارق ارواح البشر
نورتينى يا حبيبتى وربنا يسعدك زى ما بتسعدينى بحبك ده

عصفور المدينة يقول...

صحححححححححححححححححححححح

صححححححححححح يا أستاذة بارك الله فيك


وقل لعبادي يقولوا التي هي أحسن

كيــــــــــــارا يقول...

مبروك ياسنسنتي

وكنتي في كايرو ومش قلتيلي ماااااااااشي

زحلانه منك

موناليزا يقول...

اولا :الف مبروك على استرداد حريتك وبما انك عملتى ده عن اقتناع تام يبقى على البركة
ثانيا:ليه مش بتنوهى على ظهورك فى برامج عشان نتابعك قبلها بفترة؟
ثالثا:اسم المدونة عايزة اطلق و عايزة اعرف بقى الواو الاخيرد بتاعة ايه؟
رابعا: وده المهم احييكى على روحك دى جدا وعلى اللى عملتيه وانتى فى الزيارة مع ابنك
خامسا:ربنا يوفقك فى حياتك الجديدة وتكون ليكى عوض عن كل اللى قاسيتيه سابقا

mahasen saber يقول...

صبرنى يا رب.......

حبيبتى حبيبتى حبيبتى اليى وحشانى ربنا يكرمك يا صبرنى ويفرحك باولادك وبكل من تحبين

والثغرات زى ما قلتى بأذن الله هتتسد هتتسد بس بالراحه يظهر كده وبعدين طبيعى مش الستات مظلومه على طول الخط ولاا الرجاله ظالمه على طول الخط برضه

ربنا يكرمك يا حبيبتى ويسعدك ويفرحك بكل من تحبين
ومنورانى يا جميله يا ام الملايكه

mahasen saber يقول...

romancey.......

انا سعيده لان الامور يا ساهر انتهت كده وبالشكل ده يا دسوقى ولاا انتا ايه رايك

منورنى يا احمد بارك الله فيك

mahasen saber يقول...

mohamed hamedy.........

محمد المبدع ازيك يا محمد اخبارك ايه

وبجد انتا نورتنى يا محمد وفعلا فعلا حياه اكيد جديده طالما فيها راحه نفسيه يبقى اكيد كده

ووداعا للمحاكم وعبال كل ستات مصر
نقول يا رب

ومنورنى يا حمدى فوق ما تتخيل

mahasen saber يقول...

اكون او لا اكون.......

كونتى كونتى اخيرا كونه ظهرت
يا حبيبتى ده انتى وحشانى بشكل متتخيليش

بس انا زعلانه بجد مش بتطمنينى عليكى ليه يا كونتى
انا زعلانه
وانى زعلانه جدا كمان

بس كونتى سعادة ابنى عندى اكبر انتصار
صفاء الجو مع اهل ابو ابنى وابو ابنى انتصار ليا

والطريق ماانتهاش انا هكرس كل اليى ربنا يقدرنى عليه من طاقه لتعديل الثغرات يا كونه مش هقول وانا مالى وكفايه كده
ابدا والله ما هعمل كده لان كل هم ست هو همى لانى احس بوجيعة غيرى قوى

اسبوعين بالكتير وهتشوفى يا كونتى حمله لتغيير وتعديل الثغرات

بس ايدك معانا بس
وبرضه زعلانه ..صالحينى بئه..

ووحشتينى يا كونه قوىىىىىىىىىىىىىىىىى

mahasen saber يقول...

انا حره.......

ايوه يا حبيبتى بجد مرتاحه سعادة بيرو مريحانى قوى قوى

ووحشتينى يا جميله
ومرتاحه برضه عشان مشرفانى ومنورانى هنا

princess يقول...

محاسن:)
عاشقة قمر من السودان بتقولك هيا هتروح الخرطوم لو عايزة حاجة قوليلها
هيا مش عارفة تدخل المدونة عندك فقلتلى ابلغك

mahasen saber يقول...

mohamed ghalia.......

اخويا محمد الغالى

منورنى يا محمد وانا عارفه انتا رايك كان ايه وكنت مقتنع بايه ومتتخيلش سعادتى حاليا باقتناعك باليى عملته

ربنا يكرمك يا محمد يا غالى يا اسم على مسمى فعلا
وبعدين خلص دراسه بسرعه عشان احضر فرحك بئه

mahasen saber يقول...

dreem......

اللهم امين

الحمد لله على كل شئ ومحدش عارف الخير بيبقى فين

ويا عالم هكون فين بعد كده فوق الارض ولاا تحتها اللهاعلم
ربنا يكرمنى فى ابنى ويحفضه ويبارك فيه
ويمد فى عمرى انى ااقدر اربيه زى ما اتمنى وافرح بيه وهو عامل شئ مفيد فايد بيه غيره

بجد يا دريم ادعيلى ان ربنا يبارك فى العمر وانى ااقدر اربى ابنى زى ما اتمنى واغرس فيه حاجات كويسه

نورتينى يا حبيبتى
يا ام اجمل بنات فى الدنيا ربنا يباركلك فيهم ويفرحك بيهم
اللهم امين

mahasen saber يقول...

ماما اموله......

الله يبارك فى حضرتك وبجد سعيده بكلام حضرتك قوى قوى
لان راى حضرتك دايما بيهمنى

ربنا يبارك فى حضرتك وفى كل من تحبين

وارجو من حضرتك انك تدعيلى ان ربنا يباركلى فى ابنى وميحرمنيش منه ابدا وانى يبارك فى عمرى لما اربيه واوقفه على رجليه
ارجو من حضرتك مش تنسينى بالدعاء ده

وحضرتك شرفتى ونورتى المدونه بخطوة وزيارتك حضرتك الكريمه يا مامتنا الجميله

mahasen saber يقول...

princess.........

يا حبيبتى ربنا يكرمك ويجازيكى خير

والحمد لله على كل حال

ومنورانى يا برنسيستى يا رقيقه انتى

بس دعواتك ربنا يكرمك
متنسينيش من صالح دعاكى يا برنسيس بجد
ارجوكى يا حبيبتى

عاشقة القمر يقول...

اخيرااااااااااااااااااااااااا
دخلت
مدونه
والله مش عارفه اد خل زي
قولت لي برنيس ادخلي انتي فعلا مش قصرت
اول الحمدالله ربنا نصرك
كويس جدا انيك فكرت تعيش بدون مشاكل اهم بجد انتي الانسان رائعه بس بعد داه فكير في ابناك حياتي جديد و تحاول مش تفكير في ماضي
*********
انا مشافر الخرطوم لو ارقام مش دخلت معاكي ولا عايزه وصيه قولي لي
انا اضافتك في ايملي انا مسافرها بعد بكرها
فرح بنت خالي عقبال تفرحي باعبدالراحمن

mahasen saber يقول...

ghorbty.......

غربتى انا بجد لما حطيت جزئية المعامله فى البوست وموقفى تجاه اهل ابنى مش تفضل عليهم ولاا استعراض اخلاق انما لانى حابه ادى ضوء اخضر ومثال لأى واحده بتمر بنفس ظروفى وحابه اعرفها ان بحاجات بسيطه ممكن نهزم داء العظمه جوانا ونقدر نعمل اليى فيه الخير لليى بنحبهم وبيهمونا
يعنى التسامح بيصفى القلب فعلا

بجد ربنا عالم بالنيه وانا سعيده بتعليقك الجميل ياغربه وبزيارتك الاجمل

غربتى نورتى المدونه وشرفتيها بجد

mahasen saber يقول...

ابو اسامه ......

اولا منورنى يا ابو اسامه
ثانيا فين كوباية الشاى ...بجد منورن المدونه

والحمد لله ان ربنا وهبنى الاحساس والقوه انى ااقدر اعمل كده
ده من فضله وكرمه بس عز وجل انما لو عليا كنت خربتها وبوضت الدنيا

نورتنى بجد يا ابو اسامه وشرفت المدونه

mahasen saber يقول...

smilyrose......

حبيبتى الجميله البريئه روح الحب الصادق

يا حبيبة قلبى يا جميله فعلا زى ما قلتى مفيش غير الموده اصلى ممكن اسيب الدنيا فى ثانيه يبقى اسيبها وانا مش كارهه حد او ورايا اى خلافات احسن

وبعدين يا سمايلى اسم المدونه ده زى اسمى الشخصى لا يمكن تغييره ده تلات سنيين من الهموم وبعدين اسم بيحمل قضيه ولا يمكن الاستهانه بيها ولاا ايه يا قمر

نورتينى نورتينى وبجد بحس فيكى بالبرائه والصدق

ربنا يكرمك ويسعدك يا حبيبتى ويرضيكى بكل الخير ان شاء الله تعالى

mahasen saber يقول...

ahmed k......

غردقاوى دايما كلامك رزين وفى محله
ومبعرفش ارد عليه ااقول ايه

بس السطر الاخير ده ربنا يكرمك بلاش منه ههههههههههههه
نورتنى يا احمد

ومجرد تواجدك بيسعدنى ما بالك بتعليقك بئه

mahasen saber يقول...

هانى زينهم ......

هانى راجع يزعلنى
هانى راجع يزعلنى ابو ملك اسم المدونه ليه معنى فى الماضى والحاضر والمستقبل

ده عمر وقضيه وكل حرف بيمثل شهر او يوم او سنه من فتره من فترات العمر لا يمكن الاستهانه بها بتاتا
وبعدين طالما ده الاصلح ليا ولابنى يبقى ااقولك الله يبارك فيك وفى ملك وفى كل من تحب

وبعدين انا مقدرش ازعل من اخويا الكبير اليى اكبر منى بيجى تلاتين اربعين سنه بس انا بستعبط من العشم

منورنى يا هانى وعاش من شافك فييييييييينك

mahasen saber يقول...

جنى.......

اخويا الكريم سيد منورنى واخبار صحتك ايه دلوقتى يا رب احسن دايما

والحمد لله هو فعلا تغيير للاحسن وفعلا ده متأكده انه الطريق الصح على الاقلل لابنى

حضرتك منورنى ويا رب تكون دايما فى احسن حال

mahasen saber يقول...

ريمان.......

ريمو حبيبتى ريمو ملاكى الجميل
وحبيبتى الغاليه واختى الصغنططه

استعدى هتتضربى منى علقه كبيره هههههههه
انا قلت محدش يجى جنب اسم المدونه بتاتا منعا باتا يعنى يا ريمو ارمى تلات سنيين من عمرى كده فى التراب يعنى اتخلى عن قضيه كده هباء يعنى اغير الاسم يبقى معناها عندى تخلى عن تعديل ثغرات القانون
طب بذمتك انتى ترضيلى انى اكون وحشه قوى كدعه تكون مصلحتى اتقضت وخلاص ميهمش اليى ورايا
حرام يا ريمو ده انا حاسه بكل واحده فيهم كويس قوى

بس بحبك بحبك بحبك ومبقدرش ادايق منك
حدبيدايق من ملاك يا ناس ولاا هو انتى اصلا بتعرفى تدايقى حد

نورتينى يا ريمو يا جميل
ووحشتييييييييييييينى قوى يا حبيبتى

mahasen saber يقول...

زهرة الجنه......

يا حبيبتى الله يكرمك ده من كرم اخلاقك

وربنا ينور بصيرة الجميع للصالح والخير ان شاء الله

ونورتينى يا زهره انا سعيده بيكى جدا جدا وفخوره بكلماتك الرقيقه دى قوى قوى

جزاكى الله كل خير على كلماتك الطيبه والجميله والمريحه دى

mahasen saber يقول...

zainab elmasalamey.......

زوزه الجميله انتى اليى جميله ورائعه كمان
وبعدين انا معملتش المستحيل انا عملت اليى اى واحده فى مكانى ممكن تعمله

نورتينى يا حبيبتى وبجد زيارتك اسعدتنى جدا جدا يا حبيبتى

ربنا يكرمك ويسعدك دايما بكل من تحبين

mahasen saber يقول...

aboali......

ياه الكلام الجميل ده والكتير عليا قوى قوى ده خلانى احس برعشه غريبه ده كله فيا ومين بيقول كده ابو على يعنى انسان راقى وواعى ومدرك بكل حرف بيكتبه
انا بجد مش هقدر انكر سعادتى الكبيره والكتيره بالكلمات الجميله واليى تبعث طاقه فى الروح لا يستاهن بها

وبتمنى انها تكتب فى ميزانى وميزانك وان رايك ده يكون سبب فى دخولى الجنه

ربنا يكرمك ويسعدك يا ابو على كما اسعدتنى واكرمتنى بكرم اخلاقك الفياض ده

فعلا كل مدى بتأكد ان الكلمه ليها مفعول السحر فى تطيب النفوس وان الكلمه الطيبه صدقه

نورت المدونه ومجرد تواجدك فيها بيزيدها بريق وشرف

اختك ام عبد الرحمن

mahasen saber يقول...

اخر العنقود......

انا مقدرش انسى حبايبى ابدا ابدا

منورانى يا نونه يا قمر
ووحشتينى يا قمره

انتى اليى بتروحى تغطسى فين كده قوليلى

mahasen saber يقول...

ضد التيار......

ضد الحبيبه حبيبة قلبى وحشششششششششششتينى يا جميله

وده الخير يا ضد لبيرو
ولماما وليا كمان

والحمد لله على كل حال

وحششششششششششتينى ووحشتينى كمان يا حبيبتى
ويا رب تكونى بالف خير
ولسه متفقين على مشوارنا

mahasen saber يقول...

محمد فارس......

استاذى واخويا الكبير محمد
حضرتك تسئ الظن كما يحلو لك
وتتكسر دماغى كمان لو حبيت انا مقدرش ااقول لحضرتك بم

حضرتك ورأيك وكلماتك دايما محل ترحيب و وسعاده لا يمكن اغفالها
ولحضرتك مكانه فى المدونه لا يمكن الاعتراض على اى كلمه فى تعليق حضرتك تقولها
يعنى خلاصة القول اى اى اى شئ من حضرتك مقبول وحتى لو شتيمه هههههههههه
حضرتك مجرد تواجدك فى المدونه بيشرفنى وبيسعدنى كمان

ربنا يبارك لحضرتك فى زهرتك وملاكك الصغير

شوكت يقول...

احنا مجموعة شباب بنجهز لفريق فلسطين بيهدف الى استمرار دعم القضية الفلسطينية بكل الوسائل الممكنة و لمزيد من التفاصيل ادخلوا الى هذا الجروب
http://www.facebook.com/group.php?gid=45759123030#/group.php?gid=45759123030

ياريت تشاركونا في فريقنا

marmar يقول...

بصي بقى انا قريت تعليق احمد الغردقاوي وتعليقك وانا بقى معاه جداااااااااااااااااا في اخر سطر
لازم نشوف نفسنا بقى احنا بقينا احرار وقمرات اكتر ما احنا قمرات
لازم ندور بقى واكيد ربنا هيكرمنا باحسن انسان في الدنيا عشان انتي بنوووووتة هايلة جدااااااااااااا
وطيبه جدا وعسل وسكر وقمره ولازم بجد تعملي برأي احمد بدل ما انا اجي انفذهولك بجد "وش بيضحك بس بيتكلم بجد"
سلميلي على بيرو كتير اوي واديلو دي اموااااااااااااااااااااااااه
بحبك يا قمره

حاجات جوايا يقول...

ياربى عالبيات الشتوى اللى انا فيه ده
ولا كانى فى الدنيا خالص
الف مبروك يا حبيبتى الف مبروك عليكى راحة بالك ورجوع ابتسامتك واشراقك

جميل اوى الجو العائلى اللى عملتيه ده بصراحة ومش عارفة اصلا قدرتى تعملى كده ازاى بس واضح انك عاقلة يا سنسن اكتر مما اتخيل ما شاء الله عليكى .. ربنا يرزقك على اد نيتك بجد ما شفتش حد طيب اوووووى زيك كده ربنا يكتبلك كل الخير والهنا والرضا والفرح انتى وبيرو وتفرحيبه يارب ويقر عينك به

مبروك يا جميل ويارب دايما فرحانة بكل حاجة حلوة ونفرح بك ان شاء الله مع الانسان اللى يستحقك ويستاهلك

هاتى بوسة وحضن بقى يا شيخة
ايه ده
أمووووووووووووووه

حاجات جوايا يقول...

يوووووووه
نسيت اباركلك عالبرنامج

بس انا عايزة اشوفه بقى مليش دعوة
اتصررررررررررفى وهاتى اللينك بتاعه

مستنياه اهه

لسه مجيبتيهوش ؟؟؟

~*§¦§ Appy §¦§*~ يقول...

مبروك يا حبيبتى معرفت شاشوفك فى القناه
يا رب بقى تبداى حياه كويسه
جديده

«۩AhMeD 3LLaM۩» يقول...

أزيك يا مدام محاسن عامله ايه يارب تكوني بخير
بصي بالنسبه للزوجه الي بيكون واقع عليها ضرر واخيرا اخيرا تطلق
مش بنقول مبروك بس
بنقول
غمه وانزاحت

معلش الامتحانات وخداني انتي فاهمه

Son of Egypt يقول...

السلام عليكم

ردا على سؤالك امتى نقول للمطلقه مبروك"؟؟

نقولها لما تكون فرحة بالطلاق ده محاسن لا تتخيلى سعادتى وانتى بتكتبى بالسعاده دى
دلوقتى لازم اقولك الف مليون مبروك للطلاق وكمان لفرحتك بسعادة عبدالحمن وكمان لإنتهائك من المشاكل
وعايزه اتطلق و ممكن نغيرها اطلقت والحمد لله
:) تحياتى اختى محاسن
بس لى عتاب بسيط فاكره فى بداية المدونه كنتى تتمنى ان والدك يكون ظهر ليكى وانا قولتلك انه هيكون خير عون ليكى فاكره ؟؟؟
مش بالكلام اكيد والدك فرحان جدا لأنه اكيد ارشدك للطريق ده علشان تخلصى ولو بروووحه

تحياتى اختى والف مليون مبروك ويلا بقا علشان تفضى شويه للتلفزيون والإعلام يا نجمتنا :)

تحياتى

my dream يقول...

محاسن
حبيبتي بجد بجد كنت زي القمر
وكان نفسي اعلق بعد الحلقه على طول بس كان عندي دور برد جامد موت والله كنت هتجنن وادخل اعلق بس لما دخلت قريت الخبر الجميل ده ان انت حافظتي لبيرو على عيله كبيره يكبر في وسطيها جو ربنا يحرسه فيه ويصونه لابد من توفره لطفل زيه وبكده انت كمان صدقيني هتكسبي كتير ومش هتخسري حاجه
ربنا يديم عليكي راحة البال يارب
مبروووووووووووووووك ياجميل
ويارب بجد يقدرك تقفي مع غيرك
وتكوني خير معين ليهم
مع حبي
مروه

Abu ShoSho يقول...

الأستاذة أم عبد الرحمن
http://www.youtube.com/watch?v=FVhrIfaPKxw
تحياتي

حاسوباتيه يقول...

مبروووووووك بجد فرحت جدا جدا للخبر الجميل ده وربنا يوفقك في حياتك بعد كده يارب ويسعدك ويعوضك خير بازن الله والف الف مبروك يا حبيبتي

momken يقول...

طالما فكرتى كويس انا متاكد انه قرار حكيم

انتى اكتر حد تعب فى الموضوع واتمنى انك ترتاحى اخيراً تكونى سعيده واباركلك مرتين

مره بنهايه فتره صعبه
ومره ببدايه حياه جديده سعيده مليانه حب لانك تستحقيها

تحياتى

بنت الاسلام يقول...

ماما محاسن

مبرووووووووووك علي الطلاق

واجمل حاجة حقيقي انتي عملتيها

انك بعدتي عن طريق المحاكم

واخترتي طريق التسامح والغفران

واختارتي كمان مصلحة ابنك

انه يعيش في جو هادي مستقر بعيد عن خلافات هو مالوش ذنب فيها

جميل قوي احساسك باهل زوجك بجدو وجدته

حقيقي انتي انتصرتي علي نفسك اللي اكيد دايما كانت بتوهمك ان الحل الوحيد هو المحاكم

المحاكم كتير بتكون حل

لكن في طفل مالوش ذنب يشوف مشاكل هو مالوش ذنب فيها

ابدئي حياتك من جديد

بروح جديدة


وثقي ان ربنا هيعوضك خير في كل حياتك

تحياتي ليكي ولعبوووود الصغنوووون

سمكه واحده يقول...

فينك يا سنسنه تعالي احكلنا بئي
ربنا يسعدك ياجميل

elsha3er يقول...

انا بقى اللى جاى اعتزر عن التأخير بس والله غصب عنى عشان الامتحانات

احمد الشاعر

Hossam يقول...

حبىىىىىىىىىىىىىىىى
ازيككككككككككككك
بجد وحشتينى جدا جدا والف مليون سلامة عليكى وانشاالله اللى يكرهوكى يا رب
وحمدالله برده عل السلامة وايوة كده عايزينك حيوية ونشيطة كده دايما.على فكرة انا محتاج اكلم معاكى بجد على الاميل
لو
عشان كده ممكن تبعتيلى ميلك او اى معلومات تقدر تخليكى اتصل فيكى.
سلام حبى
باى

Nabil يقول...

اختى العزيزه....

اولا الف الف سلامه ليكى.

دايما تفوتنى الاحداث المهمه بسبب الامتحانات.......
برده مشوفتش االحلقه دى لسه): ...اعتذارى

المهم مبروك على حياتك الجديده واتمنى لحضرتك كل الهدوء والاستقرار وراحة البال اللى اتمنيتهوملك دايما ليكى لابنك

معلش على التاخير عن الحدث المهم ده تانى مره.

ارق تحياتى وسلامى ليكى.

صحيح هو اسم المدونه هيفضل كده؟ ^_^

كلام على بلاطة يقول...

منورة التليفزيون يا محاسن

مصطفي ريان يقول...

محاسن الجميلة
انااسف على التاخير في زيارتك لكن انتي اكيد مقدرة الحوارات الكتير اللي انا فيها دلوقتي
مبروك مش بس لان ابنك هيتربي في جو نفسي سعيد ولكن كمان لاانك حفظتي نفسك وكرامتك من يهدلةالمحاكم والاعيب الممحاميين
ربنا يكرمك يا محاسن وزي ماقلولك بعد الطلاق ممكن نبدأ حياة جديدة
حياة انتي ممكن تخططي ليها تمشي ازاي بس بلاش تظلمي نفسك تاني اوتيجي عليها
دمت بكل الخير يا اختي الجميلة

Habiba يقول...

مبروك الانتصار وان كانت المباركه متأخر بس انا كنت ف دنيا تانيه

وسلامتك من التعب والبرد ومعلش مش هقدر اطمن لانى موبايلى مدمر :((

وكده تطلعى تانى ومع اسامه منير ومن غير مااعرف ؟
اخس
ماعلينا يلا هنيالك
ومن نجاح لنجاح ياقمرى
وبوسيلى خطيبى

l0ma يقول...

سونة وحشتينى موووووووت وبيرو وحشنى جدا انا صحيح مشفتوش غير مرة واحدة بس دايما على بالى نفسى اصاحبو واعد احكيلو فى حواديت :] انا بجد مبسوطة اوى عشانك ويارب حالة السلام دى تستمر للابد وهينيكى يارب انتى وبيرو ربنا عالم انتى تعبتى قد اية
انا عارفة انى مقصرة ومبزوركيش كتير بس من هنا ورايح مش هفوت بوست
بالمناسبة حلوة اوى حكاية صوفيا لورن دى :]:]

الازهرى يقول...

اختى الغالية
محاسن
فى البداية الف حمد لله على سلامتك من البرد

وباذن الله بودى يكون بخير دايما

طبعا انا لا املك من كلمات الاعتذار عن التأخر فى التهنئة سوى ما تعرفين من الامتحانات
فالف مليون مبروك


بالمناسبة
فاتك اهم حته فى موضوع البسمة بسبب الاستعجال

شهرزاد يقول...

مجاسن الجميلة
شكلك مشغولة جدا اليومين دول
ربنا يوفقك ويحفظلك ابنك
وأهنئك على اختيارك وزي ما قولتك ان الحياة اختيارات والمهم اننا نختار ونحن راضيين عن اختيارنا وسعداء به
ربنا يعوضك كل الخير ان شاء الله
مع أجمل الامنيات بالسعادة وبالتوفيق
أرق تحياتي

هى فوضى يقول...

الف سلامة عليكى
من البرد
والف مبروك على الحرية

بنت الغربة يقول...

متأخره طبعا كالعاده
معلش ظروفى وحشه والله
الف الف الف الف مليووووووووووون مبروووك على الطلاق
وربنا يعوضك خير ....صدقينى اللى عملتيه ده قوة مش ضعف...
المهم ابنك اولا واخيرا...
تحياتى ياقمره

EMMY BABY يقول...

محاااااااااسن

وحشتينى جدا

الف الف الف سلامة عليكى وربنا يشفيكى ويقومك بالسلامة يارب

اما بالنسبة للبرنامج بجد كان نفسى اشوفك ان شاء الله تتعوض

نيجى للبوست نفسه مهما برضه حصل مش هقدر اقول مبروك بس بجد السلم احسن بكتير وعجبنى جدا تصرف مع عيلة ابو بودى

ربنا يارب يريح بالك دايما وتشوفى بودى علطول سعيد وهو فى حضنك

تحياتى

ايمى

طوبة ذهب وطوبة فضة يقول...

الف سلامه عليكى والف الف مبروكربنا يخلى لك ابنك ويعوض صبرك خير فيه

Beram ElMasry يقول...

الاخت العزيزة . mahasen saber
السلام عليكم ورحمة الله وبركاته
معذرة لا اتفق معك على الاطلاق ، اليهودى شر كله وهذه جبلتة ، ونفاهم عمر رضى الله عنه
لك تحياتى والسلام عليكم ، ولا سلام مع اليهود

اسماء جمعه بنت الشمس يقول...

الف الف الف مبروك يا محاسن انا فرحتلك جدا
وكان نفسى اشوفك واشوف الفرحه فى عينيكى الى دايما كانت مليانه قوه ورغبه فى الصمود
والحمد لله واحسن حاجه عملتيها انك ركنتى كل الى فات على جمب وفتحتى صفحه جديده
وابتدى بنفسك رسم حياتك الجديده بفرشه السعاده
ويارب اعيش واشوف دايما الابتسامه
والحمد لله ان مشكلتك اتحلت
ويا رب يا رب
ربنا يسعدك ويقدرك على اداء الامانه
ودايما تكونى قريبه مننا
وميبعدكيش عننا ابدا
واتمنالك كل خير

وان شاء الله اشوفك قريب
والله ما بنساكى بس انتى اكيد عارفه ظروف الامتحانات

dodda يقول...

1000000
سلامه
على ام بيرو
وبعد الشر على بيرو

فارس القمر يقول...

الف الف الف سلامه عليكى

كمان الف الف الف مبروك وربنا يخليلك ابنك يتربى فى عزك وماتتحرموش من بعض ابدا

عايش... ولكن !!!! يقول...

اولا وحشانى جدااااااااااااااا
ثانيا بقا الف مبروك ويارب يتحققك كل اللى بتتمنيه
طمنينى على بيرو اخباره ايه

انتى ليه مش فاتحه الميل

mohamed ghalia يقول...

أنا قولت أجى اسلم على الناس الى مش بتسأل على أخواتها الصغننين
هههههههههههههههههههههه
طمنينى عليكى

قوس قزح يقول...

مبروك يا محاسن

مش مبروك للطلاق و حل المشاكل و بس

لكن مبروك انك قدرتى على نفسك و حكمتى عقلك و مسيبتيش نفسك للعند و الكبر
و ده من اكتر الحاجات اللى ممكن تحطم الانسان من غير ما ياخد باله

ربنا يسعدك دايما و يعمل لك الخير لكى و لابنك

انا ودماغي يقول...

أهلا بعودتك مرة تانية أنتى وحشانى أوى على فكرة




ألف ألف مبرووووووووووووك
أنتى كدة تفوقى بقى و ترتبى ورقك تانى و إن شاء الله اللى جاى أحسن

maxbeta3zaman يقول...

الحمدلله الذى رسى سفينة هى "الأسرة " على بر سلام.. وهذه كانت دائما دعوتى لك ..يمكن كل البطء والتعطيل والعناد اللى كان يقابلك ده كان مقدمه لأن تتنزل على الجميع سكينة ورضى بقبول حل ..كالحلول السياسية ..الجميع فائزون ...والحمد لله الذى لا يحمد على مكروه سواه

will يقول...

情趣商品,情趣用品,情趣用品,情趣,情趣,情趣用品,情趣商品,情趣用品,情趣,情趣,情趣用品,情趣商品,情趣用品,情趣,情趣,情趣用品,情趣用品,情趣用品,情趣用品,情趣用品.情趣,情趣,情趣,情趣,視訊聊天室

麻將,台灣彩卷,六合彩開獎號碼,運動彩卷,六合彩,遊戲,線上遊戲,cs online,搓麻將,矽谷麻將,明星三缺一, 橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,電玩快打

情趣用品,情趣,A片,AIO,AV,AV女優,A漫,免費A片,情色,情色貼圖,色情小說,情色文學,色情,寄情竹園小遊戲,色情遊戲,AIO交友愛情館,色情影片,情趣內衣,情趣睡衣,性感睡衣,情趣商品,微風成人,嘟嘟成人網,成人,18成人,成人影城,成人圖片,成人貼圖,成人圖片區,UT聊天室,聊天室,豆豆聊天室 ,哈啦聊天室,尋夢園聊天室,聊天室尋夢園,080苗栗人聊天室,080聊天室,視訊交友網,視訊

借錢,黃金,黃金回收,黃金價格,黃金買賣,當舖

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍