الجمعة، 1 أغسطس 2008

الأرغام


عندما تأتى الدنيا مرغما وتتعايش مع مشاكلها

رغما عنك وتندمج فى موجاتها...وتأخذك للقاع فأنت

حقا حقا فى مصيبه يا .... كوارثى التى تأتى تباعا

هناك 18 تعليقًا:

غير معرف يقول...

الأخت محاسن ...
على الرغم من إني صغير شوية ، لكن برده هاكتب ...
الحياة على قد مافيها من السوء ، فيها جانب كويس ..
ممكن نعيش الجانب السئ ، ونبكي فه على طول ،
وممكن نعيش الجانب الحلو ، ونحمد ربنا ، أما الجانب السئ ، فهو مجرد حاجة اتعلمناها ، و..... خلاص
أنا معاكي في إن الظلم صعب التغاضي عنه ، لكن مش لدرجة إننا نخلي حياتنا كرب بسببه ...
على فكرة الضحك أحلى بكتير من البكاء

في آمان الله

رادار

mahasen saber يقول...

hاخ محمد شكرا على تعليقك وموضوعى جدا الكلام اليى بتقوله بس والله انا مش عايشه فى مشكلتى بالشكل اليى فى المدونه ده اليى بيعرفنى وبيحتك بيا مش بيصدق اصلا اليى انا فيه وده لان الابتسامه مصحاباها والضحك وروح الدعابه شئ اساسى فى حياتى بعدين انا عندى ابن معقول هفضل منكده فى وشه وعليه دا انا ام وام عيله كمان وبعدين انا عمرى ما بياس من رحمة ربنا وتعليقى مع اى حد بيحكيلى مشكله عنده احمدى ربنا ان احنا فوق الارض مش تحتها وبعدين كله بسوابه يعنى هصبر هالاقى خير ان شاء الله انما المدونه انا عايزه اوصل بيها مفهوم وفكره وطلرح قضيه ما لما ربنا ادا للست حقوق ليه الرجاله بتعترض على عطاء ربنا وحكمه..والف شكر ليك كمان مره اخ رادار

الباحث عن الحقيقة يقول...

مدونة جميلة مليئة باحاسيس انسانه
احترامي لمدونتك وللانسانه اللي بتكتب كلماتها
وتحياتي لهذا البوست واؤكد ما جاء فيه ..ما حذف كلمة يا لهوىىىىىىي
انا صعيدي ..يطخوني في البلد يا بوىىىىى لو سمعوني بقول يا لهوي

غير معرف يقول...

جزاك الله كل خير على ذوقك وتعليقك الرقيق..انا بقه من ساعة ما اقريت التعليق وانا بقيت الباحثه عن المدونه بتاعتك تخيل دوخت فى المدونات ومش لاقياها ده حتى دخلت من البرفيل على مدونة الكاشفه عشان الاقى الرابط بتاع مدونتك ومش لقيته برضه ارجوك ارجوك ابعتللى رابط المدونه عشان اققدلر اضيفها وادخلها الشئ الطريف بقه ان النهارده جالى ايميل من اخت اردنيه بتطلب منى رابط مدونتى عشان تدخلها وانا قلت لنفسى مهو مكتوب فى الكومنت معلشى جديده بقه فى التدوين اهه دلوقتى عرفت قيمة الرابط فارجوك ابعته بسرعه عشان اققدلر ادخل مدونتك ومعلشى على يالهوى دى القافيه النسائيه حكمت..هستنا الرابط وجزاك الله خير على ذوقك كمان مره.معلش انا طولت ست بقه يعنى فيا لطشة رغى.

مصري بالغربة يقول...

انا قريت مدونتك بس تسامحيني لي بعض الملاحظات

عايز اقولك ان الحياة مش حتقف عند الطلاق نهائيا بس نظرة الناس بتختلف للست المطلقة وعلى فكرة ديه حاجة طبيعية وانت نفسك قبل الجواز ممكن يكون قابلك نماذج كده ونظرتك للست ديه اختلف اكيد

ثانيا لازم تتعايشي مع الواقع

mahasen saber يقول...

اخويا المصرى الف شكر لزيارتك الكريمه وتعليقك وملاحظتك الاكرم انما انا عمرى ما قيمت اليى قدامى من مطلق متجوزه او مطلقه او ارمله سواء قبل الجواز او بعد وده لسببين اولا ان الطلاق مش عيب ولا المطلقه عملت جريمه وانا عمرى ما هقيم الانسان الا من خلال سلوكه ومعاملته ليا يعنى بتتقى ربنا فيا وفى معرفتى بيها ولاا لا..اما ثانيا ان احنا بننظر للمطلقه نظره فيها ريبه وبننسى ان بنات اشرف الخلق الرسول الكريم طلقوا فلو كان الطلاق شئ مشين معتقدش ان المولى عز وجل كان هيصيب بيه بنات حبيبه المصطفى والرسول الكريم تزوج من مطلقه ..فالمطلقه مش مرض معدى ولا شئ مشين لا يمكن الاقتراب منه...واليى انا عايزه اوصله من خلال المدونه بس شكله كده لازمله بوست ان انا بتكلم عن الستات اليى حقها فى حياه كريمه مش عارفه تاخده وحقها اليى شرعه لها ربنا مش عارفه تطوله يعنى انا مطلقه شرعا بقالى حوالى سنتين ومش عارفه اخد ورقة الطلاق طليقى بيحاربنى فى حقى وحق ابنى بيلوى دراعى عايزه حريتك القانونيه وورقة طلاقك اتنازلى عن حقوقك وحقوق ابنك فا نا عايزه اوصل رساله معينه انما مش عايزه مثلا واحده جوزها بيتقى ربنا فيها تقول عايزه اتطله ده يبقى افترا وخراب بيوت انما انا بتكلم عن البيوت المخروبه طبيعى ولا يمكن اصلاحها لتتهد بعد كده...وعموما الف شكر على تعليقك الكريم وربنا يجيبك بالسلامه وارجو انى اكون عرفت اوصل وجهت نظرى وارجو انى اكون كسبت اخ جديد..فى رعاية الله وامنه

bastokka طهقانة يقول...

قرات كل مقالاتك لان اسم المدونة شدني
عجبتني
و حاسة ان عندك اكتر تقدري تكوني اقوى و احسن
الى الامام
اوروفوار

mahasen saber يقول...

الاخت الطهقانه الف الف الف مليون شكر على ذوقك وتعليقك الرقيق متتخيليش اسعدتينى قد ايه بمرورك وتعليقك على المدونه وفعلا انا عندى افكار وبوستات كتير عايزه احطها فى المدونه وانا بالفعل كاتباهم من زمان بس ان شاء الله هحطهم وهحاول اوضح وجهة نظرى اكتر لان فيه ناس فاهمه المدونه غلط ...اما بخصوصك اختى الطهقانه الكريمه فاتمنى ان زيارتك تدوم ليا علطول لان كل ما بتزورينى اكيد اكيد هتبسطينى ربنا يكرمك زى ما اكرمتينى بالزياره الكريمه ...وان شاء الله اكون كسبت اخت وصديقه امينه ..فلى رعاية الله وامنه

الـجـدة فـصـيـحـة يقول...

السلام عليكم ورحمة الله وبركاته

عندما تأتي الدنيا مصطفى من مخلوقات الله بأنك بشر
عندما يكون لديك الإختيار في في أن تسلك اي طرق الحياة فأنت مخير
عندما تسخر لك جميع المخلوقات فأنت مستخلف عليها

فأنعم وعندما تكون حياتك و ابتلاءاتك أصلها كلها خير

فأنت حقًا حقًا منعم
فأشكر ربك الذي خلقك


دمتِ في رعاية الله

mahasen saber يقول...

ولما ربنا يرزقك بأبن زى ابنى فاشكر ربنا ولما ربنا يبتليك بمشاكل تخفف ذنوبك فدى نعمه ولما ربنا يصطفيك ويخليك تفكر في مشاكلك وتحللها صح ويرشدك انك تحاول تعمل حاجه تنبه الرجاله ان فيه عصيان لاوامر ربنا فربنا بيحبك انه يخليك ويهديك انك تعمل كده...ولما المولى عز وجل والرسول الكريم ارشدونا ان المؤمن القوى خير من المؤمن الضعيف وعليه فبواجه مشاكلى وهمومى من المدونه دى بقوه مكانتش موجوده قدام جوزى فده دليل على ان ربنا بيحبك وبيحبنى وانا بحمد ربنا على حياتى بكل ما فيها كل نفس باخده بيسبح بحمد ربنا على اليى انا فيه .. يكفى انى فوق الارض وسط ناس بحبهم وتحت رحمة اله مقدرش املك امامه الا الحمد والاستغفار ..الجده فصيحه مرورك على المدونه على دماغى من فوق وارجو من حضرتك تقلريها كلها هتعرفى انى مش انا تلك الانسانه البائسه اليى فاتحه مدونه عشان تندب حظها والله ما انا دى ولا اعرفها ...مرورك على المدونه شرفنى شرفنى شرفنى جزاك الله كل خير ..فلى رعاية الله وامنه.

Soooo يقول...

هي الدنيا كده
ساعه فرح وساعة ترح
الشاطر اللي يقدر يلعب صح .. ووقت الفرح يفرح من قلبه .. ووقت الترح .. يقول يارب
قولي يارب


ملحوظه
الباحث عن الحقيقه بيكتب في المدونتين .. الصحيفه الكاشفه .. واستراحه الكاشفه .. الصحيفه عباره عن طرح للمواضيع الدينيه بشكل مبسط وسهل عالناس تستوعبه .. اما الاستراحه دي بقى عاملها هو والصبي بتاعه ابو العساعيس .. عشان يقولو مواضيع الحياه ونهزر فيها ونقضيها مراجيح .. وبيعزمو كل اللي بيدخلو عندهم في الاستراحه على مشاريب ببلاش .. واي خدمه .. عمال ادبسكم اهو يا باحث انت وابو العساعيس




سلامووووووووووووز

mahasen saber يقول...

سووووو ىا سووووووو ايه الخطوه العزيزه دى محتاره اعمل ايه اققيد الشموع ولا اققيد فى المدونه..انا سعيده بجد سعاده بالغه هحضرةت اهلا وحللت سهلا انا لسه قبل ما اروحالشغل لقيت شوية وقت يجى ست دقايق فقلت ابص على المدونه اكمل البوست اليى كنت بكتبه اققوم الاقى سو عندى يا سلام ايها العجوز الشباب التخين الرفيع نولرتنى نولرتنى نورتنى وربنا ميجعلهاش اخر زياره انا باليل كنت فى مدونتك ومعرفتش ادخل على مدونة اخونا الباحث على الحقيقه الا من عندك ودخلت على كام مدونه كمان انا بدخل بصراحه ومببقاش عايزه اطلع ...الف شكر على المرور الكريم الف الف شكر وجزاك الله كل خير ويجعلها مش اخر زياره ..اما الحياه فانا بشبهها بالوان الميه يوم فاتح ويوم غامق ويوم تسيح على بعضيها ..اما بقه اليى شاطر اليى يصبر بجد ويعرف انه كونه فوق الارض فدى نعمه ميحسش بيها الا اليى تحت الارض ...شكرا شكرا جزيلا جزيلا..وشرفتنى واسعدتنى الله يفرحك..فى رعاية الله وامنه.

مجلة علّي صوتك يقول...

ربنا يصبرك علي مابلاكي
وعموما الفضفضة هاتشيل كتير من همومك وألمك وحزنك

mahasen saber يقول...

ربنا يصبرنا جميعا على انفسنا اهم حاجه ...انا دخلت المجله وكنت زرتها قبل كده مجله رائعه وفيها مجهود جميل وعجبنى موضوع الشاعر فاروق جويده ولقاء الصباغ انا مكنتش دخلت مدونته قبل كده فاكيد هزورها دلوقتى شاكره جدا التعليق الكريم والاحساس السامى بالاخرين جزاكم الله كل خير ..وارجو بتكرار الزيارات الكريمه دى ..الف شكر كمان مره..فى رعاية الله وامنه.

الـجـدة فـصـيـحـة يقول...

السلام عليكم ورحمة الله وبركاته

لاحظت في ردك أنك قد تكوني تضايقتي من التعليق او اعتبرتي تعليقي نقد على انك تفضفضي باللي جواكي وعلى فكرة انا كنت قريت التعليقات وعرفت انك بتحمدي ربنا لكن انا بعتبر التعليق على اي موضوع غير موجه فقط لكاتب المدونة ولكن للمارين عليها ولكل من يقرأ التعليقات ولذلك أحببت ان ارد رد يوضح نصف الكوب الأخر للذي قدمتيه فبهذا يحدث تكامل ويحدث ليس فقط تبادل تعليقات ولكن كلمات أدبية أيضًا قد يكون فيها فائدة لمن يمر عليها
ارجو أن يتسع صدرك لتعليقي وتسامحي كلماتي لو سببت لكِ أي ضيق فهذا أبعد ما كنت أود أن أوصله او اجلبه عليكِ

------

ملحوظة على جنب بقى
ياريت تكبري خط البوست الجديد
لأني هاقدر اقراه بشكل الصغنن ده


دمتِ في رعاية الله

mahasen saber يقول...

اولا انا اكبر وااقول الله اكبر على ذوقك واسلوب حضرتك سواء الانسانى او السلوكى اليى واضح من طريقة الكتابه وانا يبقى مخى ورقه بيضه لو فكرت انى ازعل او افهم تعليق حضرتك غلط ..انا بنحنى احتراما قدام اى شخص يفوقنى خبره ما بال حضرتك بقه خبره وسنا ومقاما ..جدتى الحبيبه انا سعيده بمرور حضرتك جدا جدا جدا جزاك الله كل خير على مرورك الكريم وردودك الاكرم ..وبالنسبه للخط ده انا اكبره حتى لو انا مش عايزه كده انا ااقدر ازعل حضرتك ..جزاك الله كل خير..فى رعاية الله وامنه.

أبو الفـــداء يقول...

مدونة تغص بمشاعر...

أغلبها حزينة...

أعانك الله وقواك...

mahasen saber يقول...

ابو الفداء...
شاكره ليك الزياره الكريمه بس انا مش شايفه اى نكد فى المدونه ولا انا اليى بيتهيألى..الف شكر على الزياره الكريمه وكل رمضان وانتا بالف خير..