لملمت احزانى وحضنت احلامى
ومشيت بيها بعيد
وحيد هعيش تانى ..وغريبه فى مكانى
قدرى وما عنه هغيب
صدمه وألمتنى لطمه ووجعتنى
فى خيبة ظنى فيه
احساس وياما خنى وصديق وضاع منى
وطريق وتايه فيه
ايام بقضيها وسنين بعيش فيها
نصيبى وهعمل ايه
حياه ويحليها بس النظر فى عنيه
ابنى وهعيش عمرى
بأسمه انادى عليه
واصحى وانام برضه جوه فى حضن عنيه
وصدمه تجيب لطمه
وغربه ومعاها فرقه
مرار عايشه عليه
لكن مفيش فايده
غير ان ايدى فى ايديه
نعبر طريق واحد
نمشى فى مصير واحد
ويا رب ما نضيع فيه
هناك 65 تعليقًا:
بارك الله لك فيه و أقر عينك به
=========
صعب الطريق بدون يد تحمى وقلب يشعر
=========
لا تحزن ان الله معنا
اجعلى الله أمامك هو ملاذك وامانك
دعواتك
=============
تعليقك فعلا لم يصل!!!!!
لكن وجدت ايميل يقول ان هناك تعليق جاء منك ووجدتة على مدونتى الاحتياطية على wordpress
==========
تقريبا هناك مشكلة فى البلوج سبوت
عموما عملت اى تعليق يكتب ياتى على الميل بحيث استطيع وضعة فى المدونة
العزيزة محاسن
اشكرك على دعوتي لزيارة مدونتك.. التي سأحرص على الدوام لمتابعتها.. فقد أمتعتني كتابتك.. سعيدة بالتواصل
تحياتي
رانية الجعبري
مبرووك المدونة الجديدة يا أستاذة
في لوحة تحكم بلوجر
الإعدادات
ومنها اختاري
التعليقات
ومنها حتلاقي
إظهار التحقق من الكلمات للتعليقات؟
ظبطيها على لا عشان الناس بتتضايق من التحقق في التعليقات هي طبعا مش بتظهر لك بس بتظهر للناس التانية
ولما تيجي تعلقي في الشات بوكس حطي اسم الموقع بتاعك بدل الإيميل
ولما تيجي تعلقي في التعليقات كلمة السر هي نفس كلمة السر اللي بتدخلي بيها على بلوجر
اخى الطائر الحزين..جزاك الله خير على دعائك وااقولك اليى الملايكه قالته وانتا بتكتب الدعاء ولك مثله جزاك الله كل خير ...والف مليون شكر على الزياره الجميله تعليقاتك بتسعدنى وبتضفلى معنويا جدا...الف شكر كمان مره وشرفتنى جدا وجزاك الله كل خير على السعاده اليى ادخلتها فى نفسى بدعائك الجميل..تركتك فى رعاية الله وامنه..
الاخت العزيزه رانيا..مدونتك اليى جميله فعلا واذا كان يه حد سعيد بالتواصل فهوا انا شرفتينى وشكرا على ذوقك ورقتك ..وشرفتينى مليون جدا جدا وارجو تكرار الزياره الفاضله...تركتك فى رعاية الله وامنه..
الاستاذ الكبير قوى المحترم قوى المخلص لغيره جدا.اليى شرفنى بالزياره جدا جدا جدا.الاستاذ عصفور المدينه..مبروك عليا انا زيارتك لمدونتى وخطوتك العزيزه جدا جدا جدا مش قادره اوصفلك كم سعادتى وفرحتى بشريفك ليا دى مدونتك قبل ما تكون مدونتى ولحضرتك الفضل فيها اولا واخيرا حضرتك اليى قولتلى انشئ مدونه على البلوج وحضرتك صاحب اول زياره فى مدونتى اليى فاتت وحضرتك الشخصيه المحترمه الكريمه دمثت الخلق اليى برده مبخلش عليا بخبرته وسابلى تعليق مليان معلومات مفيده ..سرعة البديهه نعمه من عند ربنا جزاك الله كل خير على اهتمامك وصدقك ونقائك واحترامك لنفسك وللاخرين ...ومهما قولت ومهما طال التعليق عمرى ما هاقدر اوفيك حقك..جزيل جزيل ووافر الشكر والتقدير والاحترام والدعاء لشخصك الكريم ووفقك الله وبارك لك فلى اولادك واسرتك...تركتك فى رعاية الله وامنه..
بارك الله فيك
:D
استاذى عصفور المدينه بارك الله فيك وجزاك الله كل خير ويا رب دعائنا يتقبله الله عنده بظهر الغيب فى هذا الشهر المبارك والايام الصالحه ..اللهم امين ..ااقول لحضرتك على حاجه لما لقيت فى اخوه مدونين افاضل بيعلقوا عندى تعلقات جميله وبيزورو مدونتى والمولى عز وجل دعاة لحضرتك مع اول تعليق وزياره جاتلى بعديها لقيت ناس محترمه وواعيه زى الطائر الحزين والباحث وجدتى فصيحه وغيرهم افاضل كتير بيعلقوا عندى وبيزورونى قولت بس دى بركات استاذ محمد ونفحاته ..جزاك الله كل خير ووفقك لصالح الاعمال ..تركتك فى رعاية الله وامنه..
انا بلاقى تعليقات لحضرتك على مدونة
sadbrd.wordpress.com
انت بتعلقى فيها ولا مدونتى على بلوج سبوت؟؟
السلام عليكم..انا اصلا حاولت ادخل مدونتك كتير بس مش بعرف فعملت سيرش وملقيتش فيه الا الورد برس بس حاجه غريبه كل ما اضغط على النك بتاع مدونتك المكتوب فى اى مدونه ميدنيش الا صفحة البروفيل فرضيت بقه بالورد برس تعرف تشوفلى حل ليها بقه ..انا بقول لو عملت قايمه باسامى المدونات الى بحبها وبدخلها هيكون اسهل بس المشكله ليدينى صفحة البروفيل برضه..يعنى مثلا مدونة مصرى بالغربه لغاية دلوقتى مش عارفه ادخلها وعملت سيرش ودوخت وهو مفيش غير البروفيل بتاعة استاذ اسمه محمود مصرى الاسكندرانى لو تعرف تفيدنى فيها وفى مدونتك يبقلى ليك الاجر والثواب ..وبلاش حضرتك دى فرق السن بسيط يعنى طبيعلى انا اختك الصغيره ..فى رعاية الله وامنه واسفه لو تعليقى فى الورد برس بيدوشك ولا حاجه..
كان الله في عونك سيدتي
ربنا يباركلك في ابنك وتعرفي تكملي طريقك بيسر وسهولة
أتمنى لك من قلبي الراحة والسعادة
ياريت تشرفيني المدونة دي هتنور بيكي
كل ودي
كاتب مصرى ..جزاك الله كل خير على دعائك والف شكر وشكرا جزيلا كمان على زيارتك الكريمه لمدونتى المتواضعه وان شاء الله هرد الزياره ..الف شكر كمان مره ..تركتك فى رعاية الله وامنه..
السلام عليكم
ربنا يهون لكى كل الصعاب
وبجد انتى حتة سكرة وعجبنى فيكى الصبر اواى اوى اوى
ربنا ينولك كل اللى فى بالك ويكون الخير اللهم امين
وكويس انك عملتى مدونة لانها بصراحة من احد الاسباب للصحة النفسية
عايزة اقولك انى قرأت كل بوستاتك وكمان التعليقات بتاعتها
يمكن انا لسه شايفة الحياة وردى بس ان شاء الله الامل فى ربنا كبير
عجبتنى كمان الاهتمامات اللى فى البروفايل بتاعك
وانا ماشية على حاجه دلوقتى وهو سكة الدعاء ربنا يكرمنا ان شاء الله
وفرصة رمضان خلاص هيجى اهو استغليه صح بقى وزودى الدعاء اوى اوى
ربنا يكرمك يا جميل
القصيدة على الرغم من حزنها إلا أنها جميلة ومؤثرة جداً
توقفت عند الكلمات اللي ذكرتي فيها ابنك ، الحياة قاسية على الكبار ، فما بالك بهؤلاء الصغار
يارب يحفظه ويكون سبب سعادتك في الدنيا
في آمان الله
رادار
ازاى بس تقولى دوشة؟؟؟!!!
انا بس مستغرب
1-* هتدخلى على موقع
blooger.com
2-تكتبى ايميلك و كلمة السر
3-layout
4-add a page elements
5-link list
title : مدونات
new site url
http://sadbrd.blogspot.com/
new site name
الطائرالحزين
===========
ثم
add link
ثم save
عن فتح مدونتك ستظهر تحت قائمة مدونات
وهكذا لباقى المدونات
ربنا يخليكم لبعض
ويبارلك في عبد الرحمن
السلام عليكم ورحمة الله وبركاته
ربنا يبارك لكِ في ابنك ويحفظه ويجعله بار بكِ ويجعله خلف صالح لنفسه ودينه وأمته
ربنا رحيم جدًا بجد
لما الواحد يسمع ويشوف ناس وقع عليهم إبتلاء من الله سبحانه وتعالى وقربهم منه وخلاهم يفهموا حكمته ويقربوا منه ولا يصدر منهم تصرف ينم عن نقمة على الله وحكمه في الخلق بيفرح جدًا
بفرح بنعم ربنا على عبيده
وبدعيلك ولينا كلنا
ربنا يثبتنا على طاعته
ويثبتنا على الصبر .. الصبر الجميل
آمين يارب العالمين
دمتِ في رعاية الله
sometimes الله يكرمك على ذوقك ورقتك وكلامك الجميل ده ربنا يجعله فى ميزان حسناتك ويصلح حالنا جميعا وفعلا رمضان والايام المباركه اليى احنا فيها فرصه حلوه للدعاء ربنا يتقبلنا عنده جميعا بقبولا حسن واسمحيلى ازور مدونتك اليى اكيد لن تقل جمال فى المضمون والكلمه زى صاحبتها جزاك الله كل خير فى رعاية الله وامنه ونورتينى واسعدنى كلامك جدا جدا .
لفت نظرى اوى اسم المدونة
اممم عايزة تطلقى
بس عايزة تطلقى و ايه؟؟؟
رادار اخيرا هنا يا مرحبا يا مرحبا انتا عارف الاسم ده الناس مش بتحبه فى مصر من زمان ما بالك دلوقتى بعد قانون المرور الجديد والله انا قلقت عليك معرفش ليه عندى احساس انك اخويا الصغير المهم نورت المدونه للمره التانيه ومبسوطه ان القصيده عجبتك ووقفت عند الكلام اليى فيه عبد الرحمن عشان دى احلى حاجه فى القصيده يا محمد..ربنا يكرمك نورتنى جدا واسعدتنى فى رعاية الله وامنه.
الطائر الحزين ..امممممم ايميل وباسوورد دى المشكله انى كل ما اعمل باسوورد انساها ربنا يسهل وافتكر واعمل علطول القايمه دى مش عارفه اققول قايمه وافتكر قايمة شندلر او قايمة العفش المهم هعمل زى ما قولت ان شاء الله جعله الله فى ميزان حسناتك ..عشان حتى ارحمك شويه من التعليق فى الوردبرس انا اسفه كمان مره شرفتنى جدا جدا فى رعاية الله وامنه.
الباحث عن الحقيقه..منورنى فى اى بوست ومشرفنى جزاك الله كل خير واللهم امين ويخلى كل طفل لاهله وميترباش طفل بعيد عن امه وابوه لو فيه مصلحه للتلاته وفايده ربنا يكرم الجميع فى رعاية الله وامنه..ونورتنى جدا جدا جدا ..
جدتى فصيحه..منوره المدونه ومشرفانى فوق الوصف وجزاك الله كل خير على الكلمات الجميله دى ويا ريت ابقا كده وكلنا ربنا يكرمنا بفضله ويصبرنا على اى بلاء يبتلينا بيه وانا شاكره لحضرتك جدا جدا مرورك وتعليقك والله بتذدينى شرف وسعاده جزاك الله كل خير وتقبلنا عنده جميعا بقبول حسن ان شاء الله ..جدتى شاكره لحضرتك زيارتك وتعليقك جدا جدا وجزاك الله كل خير ..تركتك فى رعاية الله وامنه..
قررت اكون عانس.اهلا وسهلا شرفتينى بالزياره وانا برضه شدنى اسم مدونتك وكنت ناويه ادخلها النهارده بس واضح ان القلوب التدوينيه عند بعضها وواضح انك سباقه بالخير شرفتينى ونورتينى جدا جدا اما و..فدى عايزه بوست بحاله وهقولها تانى عشان خاطرك وخلاص وحقى ومش حرام ولا عيب وسيبونى بحالى ..مش انتوا طبعا.. وكده وهكتب بوست هيا خلاص لازملها و دى بوست بس قولت مقتطفات كده عشان خاطرك بس ..نورتى المدونه وصاحبتها وشرفتينى جدا جدا وجزاك الله كل خير..اتركك فى رعاية الله وامنه..
السلام عليكم
اولا
اهنيك على مدونتك مع انها جات متأخر.
ثانيا.
كلامك وانا بقراه فكرنى باغنية شيرين
لازم اعيش
وخصوصا مقطع
لازم اعلم قلبى انا يقسى ولازم ينسى ولازم اعيش.
وربنا يخلى ليك ابنك ويقدرك انك تكملى الرحلة.
وتربى ابنك احسن تربية ان شاء الله
وان شاء الله هيكون ليك خير الجزاء عند الله.
سلاموز.
do not press f1..نورتينى واتبسطت بدعائك اللهم تقبل اما شرين ماشى هعديها عشان نصر محروس هو اليى كاتب الكلمات اصلى مش من المغرمين بيها قوى المهم اهه ده الكلام اليى بيتطلع من الستات اليى على شاكلتى بعيد عنك وعن القارئيين طبعا ..ربنا يسعدك يا بنوته يا لذيذه ولقيتى اسم للقصه ولاا لسه ربنا يوفقك ونورتينى وشكرا جزيلا على الزياره الكريمه دى.اتركك فى رعاية الله وامنه.
السلام عليكم ورحمة الله وبركاته
من غير تكرار ولا إعادة لكلام من سبقنى فى التعليقات عندك فأسم المدونة طبعآ هو الجاذب الاول لىّ بصراحة
فقلت لنفسى اشوف الست دى عايزة تتطلق ليه مع ان البنات كلهم (حيموتواعلى الجواز واولهم بنت اختى!!)وقلت اكيد عندها من الاسباب ما يدفعها لذلك ولقيت ردك وجوابك على بابك
( عندما ينعدم الامان فى الحياه الزوجيه وتصبح الطمآنينه حلم بعيد المنال عندها فأهلا بأبغض الحلال )صح وصح الصح كمان لان الزواج اصلا سكن ومودة زى ما قال ربنا وحيجوا ازاى من( غير امان ولا طمأنينة)
والله ياأستاذة ياما بيوت مقفوله على اصحابها من غير امان ولا طمأنية بس هناك العيال وعدم وجود مكان اخر للجوء اليه وعدم وجود مورد منفصل للرزق كل دول واسباب اخرى بيمدوا فى ايام العيشه واهى عيشه والسلام....
تحياتى ليكى ولكلامك وابياتك(ولو المعنى حزين وللاسف الشديد)كلامك حلو اوى يأستاذة وموزوووووووووووون على الاخر
وربنا يخليلك ابنك ويباركلك فيه ويبعد عنه شياطين الانس والجن امين يارب العالمين
مرة اخرى تمنياتى ودعواتى لكى ولابنك ولمدونتك الجديدة بالخير دايما.
ولى عودة إن شاء الله للكلام والتعليق على كل جديد.
norahaty شرفتينى فعلا وبصدقك القول كلامك فرحنى قوى قوى واتبسطت انى لقيتك قريتى البوستات بتفهم كده وجزاك الله كل خير على زيارتك الكريمه الجميله دى وفعلا زى ما قولتى فيه بيوت كتيره مقفوله وفين بركان جواها اسمه انعدام الطمأنينه والرابط الوحيد زى ما قولتى الجؤ المادى وعشان كده بيخرج بنات وولاد كلهم عقد ودى حالات اكيد كلنا اصطدمنا بيهم بشكل او بأخر..كمان مره شرفتينى جدا وقوى كمان واسعدنى تعليقك قوى قوى ..جزاك الله كل خير.فى رعاية الله وامنه..
ان شاء الله مش هتضلو الطريق :)
أحيانا بيكون الخير كل الخير فى الطلاق قال تعالى (وعسى أن تكرهواشيئا وهو خير لكم وعسى أن تحبوا شيئا وهو شر لكم)
أعانك الله وحفظك
دومتى بود وفى أسعد حال
mohamed ghalia ..شكرا على الزياره الكريمه واسعتدنى بتعليقك وشرفتنى بزيارتك جزاك الله كل خير ..فى رعاية الله وامنه.
la princes..اللهم امين بس يا ريت توضحى مغزى الدعاء ان شاء الله يكون خير ونورتى المدونه يا جميله واسبانى وفلامنكو انا بموت فى الاسبانى من اول ما قريت شعر سيزر باييخو وحاولت اتعلم اسبانى بس ملقيتش فى الزقازيق الا ايطالى ..على العموم نورتينى جدا جدا ..فى رعاية الله وامنه.
انتي تكتبين شعرا غنائيا مثيرا للأعجاب
اتمنى لكِ التوفيق
جودت
جودت حسن..شكرا على ذوقك ورأيك الجميل ده وشرفت مدونتى ونورتنى بالزياره جزاك الله كل خير فى رعاية الله وامنه.
الف مبروك على المدونة بجد مدونتك غرقت فيها وكلامك حلو اوىىىى عامة
لازم الانسان يفكر كويس عشان يلملم نفسه كويس وميرجعش للتوهان تانى
تحياتى على كلماتك
اه نسيت اقولك ان احنا بلديات وشرقاوية زى بعض شوفتى الصدف
ربنا يباركلك فى ابنك يارب
سلاااااااااام
رصيف نمره خمسه ..نورتى المدونه وشرفتينى ومتشكره جدا على ذوقك وكلامك الرقيق وانا مبسوطه قوى انك شرقاويه زيى ..على فكره انا والدتى اليى من الشرقيه وبابا من رشيد وانا مواليد السودان ايه رأيك بقه ..نورتينى جدا يا حبيبتى ولو فيه فرصه لتجمع مدونى الزقازيق قوليلى يسعدنى انى اتعرف عليكو شخصيا.فى رعاية الله وامنه..
رصيف نمره خمسه ..نورتى المدونه وشرفتينى ومتشكره جدا على ذوقك وكلامك الرقيق وانا مبسوطه قوى انك شرقاويه زيى ..على فكره انا والدتى اليى من الشرقيه وبابا من رشيد وانا مواليد السودان ايه رأيك بقه ..نورتينى جدا يا حبيبتى ولو فيه فرصه لتجمع مدونى الزقازيق قوليلى يسعدنى انى اتعرف عليكو شخصيا.فى رعاية الله وامنه..
ادعوك لزيارة مدونتى المتواضعة والمساهمه بتعليقاتكم
www.eyuon.blogspot.com
وشكرا
عاوزة اتطلق أنا سعيده أوي أني لاقيت البلةج بتاعتك لأنها مميزة بجد و لفت إنتباهي بجد ...البوست جميل أوي...و كلماتك معبرة و أفكارك مرتبة
السلام عليكي
أختى الحبيبة
أسأل الله لك فى هذه الأيام المباركة ان يؤلف بين قلبك وقلب زوجك وان يهديه لكى ويهديكى له ويقر أعينكما بابنكما والله ولى ذلك والقادر عليه
قال تعالى :
"وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا-أُولَئِكَ يُجْزَوْنَ الْغُرْفَةَ بِمَا صَبَرُوا وَيُلَقَّوْنَ فِيهَا تَحِيَّةً وَسَلَامًا- خَالِدِينَ فِيهَا حَسُنَتْ مُسْتَقَرًّا وَمُقَامًا
صدق الله العظيم
الفرقان 74 : 76
كامل ودى وعظيم احترامى
سالى
المهاجر الى الله ..شرفتنى بالزياره وان شاء الله هزور مدونتك القيمه وده واضح من عنوانها..فى رعاية الله وامنه.
zanooba(zeinab sab9n)..اسعدتنى زيارتك قوى وشاكره الكلام الجيل والرقيق ده وانا اتشرفت بزيارتك جدا جدا وسعيده برأيك الجميل فى المدونه..الف شكر يا حبيبتى وجزاك الله كل خير .فى رعاية الله وامنه.
حاجات جوايا..
الدعاء جميل قوى قوى وجزاك الله كل خير عليه بس ممكن ينفع غيرى لانى يا سالى مطلقه شرعا النزاع بس على الطلاق القانونى فأسفه خيبت ظنك بس جزاك الله كل خير على نيتك الصادقه والجميله دى ربنا يكرمك ويجازيكى خير..اتركك فى رعاية الله وامنه.
حاجات جوايا..الاخت سالى
انا زرت مدونتك زجميله جدا وسبت تعليق لقيته اتكتب انه اتبعت بس مش لقيته فبعت واحد تانى متبعتش برضه فحبيت اعرفك انى اهتمات ورديت الزياره وشرفتينى كمان مره وانا لو كنت اعرف اساعدك فى مشكلة التعليقات كنت ساعدتك بس للاسف ما زلت جديده فى عالم التدوين ...تركتك فى رعاية الله وامنه.
نفس الحالة احنا جاتلنا شوطة كلنا
ربنا معاكي
سيبيها علي الله ربنا يكرمك
afew good men..شرفتنى بالزياره الكريمه ونورتنى وشاكره ليك التعلق الجميل والدعاء الاجمل بس ايه شوطه وكلنا معلش مش واخده بالى ..اتركك فى رعاية الله وامنه.
يافندم ليه كدة؟؟
الحياة مليئة بالبهجة والجمال
حتى داخل القبح ستجدين جمالا ونوع بهجة
عموما سعدت بالقراءة لحضرتك
وأسعدك الله وشرح صدرك
آمين
على فكرة..باعتبر الأطفال قطعة من الجنة معانا في الدنيا
السعاده..
شكرا على الزياره وشاكره ليك التعليق الجميل بس ليه كده ايه؟انا مش مكتئبه ولاا حاجه الظاهر حضرتك قريت البوست ده بس لو حضرتك قريت باقى البوستات هتلاقى مفيش ليه كده خالص...نورتنى بالزياره وجزاك الله كل خير على زيارتك وذوقك ..فى رعاية الله وامنه.
أختى الحبيبة
تشرفت بزيارتك لمدونتى المتواضعة
و آلمنى توضيحك لما خفى عنى
كل ما اتمناه ان يرزقك الله بكل الخير أيا كان ويقر عينك بابنك ويجعله لكِ ذرية صالحة تملأ حياتك وتسعد أوقاتك
وفقك ِ الله أختى الحبيبة
سالى
-------------------------
بالنسبة للتعليقات أنا شوفت تعليقك ورديت عليه بس مش هيبان الا لما الدور ييجى عليه .. لان عندى مشكلة عملت لى اخفاء للتعليقات الموجودة والتعليق الجديد بيظهر تعليق قديم ومش بيظهر الا لما الدور ييجى عليه
نورتينى بجد يا جميل
حاجات جوايا..
شرفتينى يا سالى بالزياره والله انتى اليى جميله ورقيقه ربنا يسعدك ويهنيكى ويباركلك فى زوجك وابنك ويجعلهم قرة عينك اللهم امين ..وكل رمضان وانتوا بالف خير ودعوه بظهر الغيب تقبل ان شاء الله الهم امين ..شرفتينى ونورتينى جدا جدا ..فى رعاية الله وامنه.
مبروك حضرتك على المدونة الجديدة
و ان شاء الله نكون من المتابعين ليكى
ربنا يبارك لك فيه
ويبعد عنك الشرور
بوست رائع ولكنه ادمى قلبى
تقبلى تحياتى
واتمنى التواصل
ودمتى بود
جيداء...
نورتى المدونه وشرفتينى انا زرت مدونتك وسبت تعليق وجزاك الله كل خير على ذوقك..اتمنى تشرفينى تانى ده شئ يسعدنى جدا جدا ..فى رعاية الله وامنه
طارق الغنام..
جزاك الله كل خير وشرفت ونورت المدونه انا سعيده جدا بالزياره الكريمه ..وانا زرت مدونتك وعجبتنى جدا وتركت انطباعى فى التعليق اليى سبته شاكره ذوقك وكلامك الطيب..فى رعاية الله وامنه.
السلام عليكم
اولا مبروك المدونه وسعيده بمتابعتى ليها من الاول كده الا انى حزنت قوى على احساسها واللى بتقوليه فيها
مش عارفه ليه الياس والاحباط ده
عموما مش قادرة اقولك غير ربنا يباركلك فى ابنك ويعوضك خير فى وفى باقى عمرك يارب
ويارب ماتضيعى ابدا
دمت فى رعاية الله
habiba..
نورتينى وشرفتينى جدا وشكرا على الزياره الكريمه يا حبوبه بس مفيش يأس ولاا اى حاجه فى المدونه انا بس برصد ظاهره وحاله ما اه هيا كتير حالتى بس عادى مش متنكده خالص هو فىه حاجه تدعو لكده لا سمح الله ..نورتى يا حبيبه وشكرا على تعليقك الجميل ..فى رعاية الله وامنه.
ابنى وهعيش عمرى
بأسمه انادى عليه
واصحى وانام برضه جوه فى حضن عنيه
وصدمه تجيب لطمه
وغربه ومعاها فرقه
مرار عايشه عليه
لكن مفيش فايده
...................
صدمة تقتل
وصدمة تخليني أأقوي
وقصة ترحل
وقصة تخليني أهوي
طول ما في ايد في ايدي
هافضل بالحنية ضاغط عليها
لحد ما تخط وتغلبني تجاعيدي
طالما في عين انام واصحي عليها
هيكون هناك تمن لانفاسي وتنهيدي
شملولى ابن سحلولى...
منور المدونه وايه التعلق الجميل ده فعلا اسعدتنى وشرفتنى جدا جدا جزاك الله كل خير وعلى فكره اعتقد ان صدمتى خلتنىاقوى زى ما انتا بتقول ان فيه صدمه بتخلى الواحد اقوى ...نورت المدونه جداوكل عام وانتا بخير..فى رعاية الله وامنه.
امييييييييين
ان شاء الله كل فتره هخش اقلب فيها شويه
ميرسي ليكي يا ست الكل
مش لاقية كلمة توصفلك شعورى...!!
ربنا يعيييييييينك ويقدرك وينصفك
تقبلى مرورى ودعواتى
اختك مونى
دا انا اليى مش لاقيه كلمه اوصفلك بيها سعادتى بيكى نورتينى جدا وشرفتينى بكلامك الجميل دهوكل رمضان وانتى بالف خير يا اجمل اخت فى الدنيا.
كلمات جميله جدا والموسيقى رائعه كاني باسمع اغنيه
بجد المدونه كلها مسليه وقيمة
وكمان انتي دمك خفيف جدااااااااااا في عرضك للافكار بصراحه لو مثلتي هتقعدي الفنانين في بيوتهم ههههههه
سلامي ليكي واتمنى لك التوفيق من كل قلبي ياقمر
haninalshaera.....
الله يكرمك ايه الكلام الحلو اليى يرفع المعنويات لفوق ومش ينزلها تانى...
الله يكرمك على ذوقك ورقة تعليقك..
وزيارتك شرفتنى واسعدتنى جدا ..
وسعيده ان مدونتى ادخلت البسمه على قلبك ربنا يسعدك دايما ومنورانى برقتك..
رمضان كريم ..وفى رعاية الله وامنه.
إرسال تعليق