الخميس، 7 أغسطس 2008

دنيا وحدووووووه



حاجات تفوت ..اشخاص تموت

بيوت تقع

اشجار شوارع ..مطر وشمس

فى نهار زحل

دنيا ساعات ..

تضحك وتبكى..

وبالقديمه تضرب وتجرى..

ما هى ..دنيا فانيه

ودا العجب..

هناك 16 تعليقًا:

الباحث عن الحقيقة يقول...

حاجات تفوت اشخاص تموت
بيوت تقع
اشجار شوارع مطر وشمس
ف نهار زحل
ديا ساعات تبكي وتضحك
وبالقديمة تضرب وتجري
ماهي دنيا فانية ودا العجب

اول مره احفظ قصديه لحد
فعلا من بساطتها تحسي انها كلام كلنا بنقوله
بس انتي عرفتي تطلعي من الكلام العادي ابداع حقيقي
جميل جدا يا محاسن
ملحوظة : انا صاحب المدونتين الصحيفة الكاشفة واستراحة الكاشفة ومعي شريك وزميل فيهمااا هو الاخ ابن حجر العسقلاني ..بس انا المؤسس :)

Desert cat يقول...

ده ايه كم التفاؤل اللى فى كلماتك ده
ده انا حتى فى الوقت ده بالذات حتطير من الانبساط
يلا اهى كملت

Pragmatic يقول...

مش فاهم حاجة
ايه الكلام الغريب ده !!!!

mahasen saber يقول...

الباحث عن الحقيقه..منورنى دايما ومشرفنى وجزاك الله خير على ذوقك انا ددوخت لما وصلت لمدونت الباحث بس انا فهمت كعادتى طبعا من اول ما قريت البروفيل ان الصحيفه تبعك بس بسم الله فيها مجهود مش هقولك جبار والكلام ده هقوبلك يا رب يبقى معاك فى قبرك وربنا يجعله لك فى ميزان حسناتك ....اما حفظك للقصيده انتا اليى عبقرى وذاكرتك حلوه ...انا شاكره ليك مرورك جدا جدا جدا والف سلامه على دور البرد جايه متأخره ..الف شكر كمان مره وجزاك الله كل خير ...اسيبك فى رعاية اللعه وامنه.

mahasen saber يقول...

قطه وصحرا مش تموت من العطش هناك ..شرفتينى بأول زياره وبجد جالك تفأؤل واتبسطى من الكلام ده دى حاجه تسعدنى جدا بس قفلت اهى كملت دى حاسستنى بغير كده ...نورتينى يا قطه فى اول زياره وشرفتينى جدا ..انا هخلص الكومنت وهروح ازورك فى المدونه جهزى القهوه وورينى كرم الضيافه..شرفتينى جدا جدا جدا ..فى رعاية الله وامنه .

mahasen saber يقول...

pragmatic..مش فاهم حاجه ليه امال لو مكنتش فى هندسه وبتفهموها وهيا طايره ولا العاميه عندك ضعيفه شويه ..انا زعلت قوى انك مش فاهم حاجه والله ..ومحتاره مش عارفه اعملك ايه عشان افهمك بس هيا عن الدنيا بوصفها فده وصف فيها ..انا هروح دلوقتى على مدونتك واما اشوف يمكن انا كمان هناك مفهمش حاجه ..بس على العموم نورتنى جدا جدا جدا وشرفتنى كمان ده لو ركنا الفهم على ناحيه ولو متركنش كمان..خطوه عزيزه جدا جدا جدا وشرفتنى ..وارجوك تكررها ..تركتك فى رعاية الله وامنه..

الطائر الحزين يقول...

وهذه هى طبيعتها مع انها فانية
تعطينا بالقديمة و ونجرى وراها

mahasen saber يقول...

اخى الطائر الحزين..سبحان الله انا لسه كنت فى مدونتك الشيقه وسبت تعليق على بين ذراعيها وخرجت من مدونتك لمدونتى القيك مسجل دخولك بالتعليق الرقيق ده ..جزاك الله كل خير ..وشكرا على مرورك..تركتك فى رعاية الله وامنه.

أبـو رغــد يقول...

اخذت نظرة سريعة على المدونة وبصراحة

كم "الإحساس الراقي" فيها هايل جداً ..

بهنيك بصدق و بنصحك تجتهدي أكثر و أكثر

عشان تبقي في يوم زي ما انت عايزة :)

mahasen saber يقول...

ابو رغد..اهلا بزيارتك الكريمه واهلا بكل ما هو عراقى حصلى الشرف وشكرا على تعليقك الرقيق والجميل ده جزاك الله كل خير عنه وكمان مره شرفتنى جدا جدا جدا واين كانت مدونتى فطبعا لا تقارن بمدونتك الاجمل جزاك الله كل خير ..تركتك فى رعاية الله وامنه..

عصفور المدينة يقول...

رائعة
بس عايزة يضاف ليها برضه ضد الحاجات السيئة لأنها ساعات فيها حاجات حلوة

أشخاص بتموت وأشخاص بتتولد
بيوت بتقع وبيوت بتقوم وتتبني
وزي مافيه أيام زحل فيه أيام سعيدة

mahasen saber يقول...

استاذى عصفور المدينه..الف شكر على ذوقك ومبسوطه قوى انها عجبتك ..انا متفقه معاك ان الدنيا فيها الشئ ونقيضه بس انا للاسف فى الحظه اليى كتبتها فيها مكنتش حاسه الا بالبيوت اليى بتقع ..بس كاتبه حاجات تانيه فيها تفاؤل زالله مش كل المناخ عندى كده...جزاك الله كل خير على ذوقك وتعليقك الجميل ويكفى بس انك منورنى ومشرفنى فى المدونه بس ..انا اكتفى بهذا الشرف..جزاك الله كل خير وتركتك فى رعاية الله وامنه..

أبـو رغــد يقول...

على فكرة أنا مش "عراقي" بس باعتز بانتمي للعراق من منطلق قومي زي انتمائي لمصر أو أي ساحة عربية و عروبية ، أما معلوماتي فكنت كتبتها في الرد على سؤالك وهي موجودة في المدونة أصلا" .. شكرا على الإطراء الجميل.

mahasen saber يقول...

ابو رغد..تخيل من كتر ما مدونتك واخده الطابع العراقى حتى النشيد الوطنى للراق فبديهى انى اعتقد انك عراقى بس لما اتضحت الرؤيا دلوقتى زاد احترامى ليك اكتر واكتر واكتر لانك بكده بتحقق حاجه ياما حلمنا ونادينا بيها كتير الا وهيا تعزيز القوميه العربيه ...ربنا يكتر من امثالك ويجازيك خير ويباركلك ..والف شكر على زيارتك الكريمه ودمت فى رعاية الله وامنه.

مجلة الأم الصغيرة يقول...

life is like a piano >> it depends on you how to play it !!1

good post but it seems pessimistic
i really enjoyed passing by your blog .. go on

mahasen saber يقول...

قطرات من شواطئ الحياه...
فعلا الحياه زى البيانو ممكن تتطلع لحن حزين زى ما ممكن تتطلع لحن سعيد وفى الغالب الموضوع ده يعتمد علينا فى نوع الحن بس برضه القدر هو المايسترو الرئيسى...سعدت جدا بتعليقك وبسكنى قوى فعلا ممتع جدا وشرفتنى بالزياره وكل رمضان وانتا بالف خير..