الأربعاء، 30 سبتمبر 2009

ما بين الليل وسواده خطوط بيضا

ما بين تنهيده وأخرى يزداد هجوم الليل عليها وبأزدياد اشتياقها لحضنا دافئ منه يزداداد الليل سوادا وتتسارع ساعاته لتقارب الفجر تنظر لنفسها بالمرآه فهى لا تتطلع اليها الا كل صباح حيث تنمق شعرها الاسود المائل للبياض من آثار المشيب العالقه على بعض من خصلاته وهى لم تتعدا عامها الخامس والعشرون بعد وتضع ما تيسر لها من حلى ثم تضع زفيرين من عطرها المفضل والمكون تركيبه من زيوت عطريه وورد واشجار فهى دائما تفضل هذه الروائح التى تؤكد لديها انها مازالت حيه ومازالت تدب بأوصالها الحياه..هذا عن نظرتها الاولى فى المرآه اما النظره الثانيه قتكون عند عودتها من عملها وهى تخلع ما عليها من حليها وزينتها وتنظر لنفسها نظرة الحسره اليوميه من خلال المرآه ففى هذا الوقت كانت ستعد له الغداء وتتزين بحب بأفضل ما لديها من ثياب وسيكون شغلها الشاغل كيف تزيح عنه عناء يوم العمل الشاق وترتب له جوا سعيدا ومنظما يقضيه مع صغيرهما لكى يشرب منه حنان الابوه هذا المشروب الذى سيعينه علىمواجهة الحياه ....تطول نظرتها لنفسها فى المرآه وتركز فى عينيها وما بدا عليهما من عناء ثم ما تلبث ان تفيق ماما ..ماما انه ميراثها الباقى لها من الحياه صغيرها فمقابل كل ما اخذ منها يبقى هو العوض الوحيد الذى اعطتها لها الحياه ينظر اليها تلك النظره المداعبه الباسمه فمن خلال هذه النظره هو يدعوها لتشاركه عالمه البرئ المكون من بيوت من المكعبات وعربات تسير بمحرك الزمبلك واسود ونمور و حيوانات مفترسه ولكنها لا تقوى على ابداء اى نوع من الخطوره وعالم فيه البشر صامتون لا يتحدثون ويكتفون بالصمت والاستماع على غير العاده .. تطيل النظر اليه وتمسك بيديه تقبلها بكل حب الدنيا الذى اختزل بداخلها ثم تقبل رأسه وتداعبه فى شعره ذو الخصلات الناعمه الصفراء متشائله كالعاده من اين لك بهذا اللون الغربى وتتعالا ضحكاتهم ومزاحهم المفعم بكل لحظات الحنان والالفه والود وكأن هموم الدنيا اصبحت تحت اقدامهم ..تفكر مليا يا قرة عينى اعطيك كل لحظات عمرى وافنى ساعاته تحت قدميك اهتمام ورعايه وحب فأنت صغيرى وحيد بلا أب.......

حالة المطلقه النفسيه زى حروف الهجاء مختلفه فساعات بتكون حالتها على ده الحال وساعات ساعات بتبقا على حال غير الحال
يعنى المطلقه او الارمله او الست اليى اختفى من حياتها الراجل بتحس ولسه حس الاحساس والاحتياج عندها فيه نبض ..يعنى مش كتلة بودرة تلج زى ما بعض الناس بتقيم وتحس....
وعند اغلبنا ده لو مش كلنا اولادنا فى مكانه خاصه اقدامهم فوق رؤسنا كلنا وعشانهم بنحس بقيمة سنيين عمرنا....

هناك 201 من التعليقات:

‏1 – 200 من 201   ‏›أحدث   ‏أحدث»
أحــوال الهـوي يقول...

احاسيس مختلطه ما بين برودة الحياة و دفئ ترياقها
برودة الحياة من التخلي عن رتابة اعتادتها و صخب الفته و قد تكون سويعات جميلة عاشتها ثم تبدل الحال الي صمت و سكون و هدوؤ

و لعل النجاة من ملل الايام نبت منها يترعرع بين ضفاف قلبها و يسقي بدمها ووقتها و اهتمامها

هذا النتاج يدق نواقيس التحذير لمن لا يري الوجه الاخر للانفصال

فتمهل قبل ان تلفك لحظات تشعر فيها بالندم

تحياتي

طوبه فضه وطوبه دهب يقول...

yah balk fatra ghayba wlma rg3ty abkteny da el 7al lakn bokra el tafl yakbr wbmr7o wgmalo wb3dha nga7o wzogto wawlado hy3edo 3leha el donya tany wtazakry anho ma akhz mnky ela lyo3teky fhwa el 7nan el raof el ra7em

الازهرى يقول...

صدقينى فعلا اذا قلت لك انها من المرات القليله التى اعجز ان اجد فيها كلمات تعبر عما اريد
فبالطبع لم اجرب الطلاق
ولكن الانفصال والفراغ والاحساس بالضياع جربته كثيرا وبعنف شديد
ويا ريت الناس بتعتبرنى بودرة تج وبس انا واحد قال فى لحظه انى اسطورة البرود فى العالم من كثرة ما تعودت ان اخفى الصراع فى داخلى ولا ادعه يخرج اليهم
لا احد يعلم عن النار امتقدة والمتأججه غيرى تلتهمنى وعلى شفتى ابتسامة زائفة لحياة زائفة
ولكن لتحمد الله تعالى ان بقى لها قرة لعينها تعيش على امل ان تصنع له مستقبلا يعيشان معا فيه وتتمتع بنجاحها من خلاله
فغيرها لم يبق لهم شى ء وتائهون فى الحياة بلا امل حقيقى

تحياتى واعتذارى

عاشقه الرومانسيه يقول...

ونعم الام يامحاسن
ربنا يبارك لك فى ابنك
هو فعلا عوضك من الدنيا
وحشتينى موووووووووووت

بيرو صحته عامله ايه دلوقتى؟
وانتى كمان اخبارك ايه؟
يارب تكونى بخير

جايه اللقاء ولا لأ ياهرابه؟
نفسى اشوف بيرو بقى

رحلتنا في الحياة يقول...

ازيك ياقمر انا هحجز تعليق بس وهرجع اقرا بعد العشا بقى :)

ريمان يقول...

تفتكرى حال المطلقه اللى ليها طفل وعايشه عشان تسعده احسن ولا حال المطلقه اللى مش لحقت اصلا تتهنى وتجيب طفل يبقى قره عينها



فعلاكل حال مختلف عن التانى يا محاسن


الحمد لله على كل حال


وحشانى حبيبتى


طمنينى على بيرو بعد ما يعمل العمليه

ربنا يقومه بالسلامه يا رب


ويتمم علاجه على خير


بحبك اوى اوى يا محاسن

انتى وبيرو بموت فيكم

yoyo يقول...

صباحك سكر يا محاسن

وحشتينى اوى اوى اوى
ويارب تكونى بالف خير انتى وبيرو يارب

عارفة يا محاسن المشاعر اللى انتى وصفتيها دى فيها كمية من الالم و التضحية و الحنان فى نفس الوقت

المجتمع دايما فيه نظرة قاسية للمراة المطلقة ولو انها ضحية لظروف مجتمع واحيانا اختيار خاطىء من الاسرة

وحملت لقب امراة مطلقة وهى فى ريعان السباب و مسئولة من طفل صغير هو كل حياتها وسندها فى مواجهة الحياة القاسية
هى بتكون حاملة رسالة انها تكبر ابنها و تشوفه احسن الناس

ربنا يسعدك و يسعد قلبك يارب
وان شاء الله تشوفى بيرو فى احسن حال يارب
تحياتى
يويو

Abu ShoSho يقول...

المحسنة الصابرة أم عبد الرحمن
الحمد لله على سلامتك و عود حميد

شكرا يا أستاذة

تحياتي 

adel يقول...

واله ياجارتي العزيزة مش عارف ااقولك ايه
احسنتي التعبير و اللغة
ولا ما اروعك ام
ولا ايه ؟؟؟

بجد ربنا يخليكوا لبعض و بس :)

أمل حمدي يقول...

جميلة يا محاسن

صادقة مع نفسك متصالحة مع روحك رغم ألمك

تأكدي ان الله سيعوضك كل الخير

وهذه الخطوط البيضاء التي بين الليل وسواده ستصبح شمسا ونهارا مضيئا ينير حياتك ان شاء الله

تقديري لك حبيبتي الغالية وسلامي الخاص لبيرو وماما الغالية

دمت بحفظ الله

صبرني يارب يقول...

لا انا معترضه يا فندم

مين قالك ا لتعبير الخاطيء

انا ولادي رجلهم على راسي لي ولامؤخذه يعنى

ده انا كنت نيمتهم على السلم

لا طبعا مش على راسنا ولا حاجه

ونقدر نعيش وفى نفس ذات الوقت نربي عيالنا برضه

هاتضربي يا محاسن

عمرو يقول...

و الله يا أم عبد الرحمن مش شرط أبدا أن المطبقه أو الأرمله هى اللى بس تشعر بهذا الفراغ اللى تركه فراق الزوج لأى سبب لآن ياما فيه أزواج الحقيقه قلتهم زى عدمهم و لا يشكلوا أى معنى للفراغ فى حياة زوجاتهم و عيالهم و هذا للأسف الشديد ..
ئىء من التفاؤل ..
شىء من التفااااؤل ضرورى للتغلب على قسوة الحياه و سخافاتها ..
تقبلى تحياتى و تقديرى ..

شبــ اون لاين ـــاب يقول...

محاسن طبعا انتى مش غريبه علينا

كلامك فعلا جميل

لكن يمكن مش قادر احسه بنسبه 100%

لانى مش فيه ... و يمكن بحاول احسه و بفشل

لكن انا متأكد من انه احساس صادق


اعذرينى لغيابى


------------------------
كان معكى من امام الكيبورد
واحد مخه لاسع شويه
شبـــ اون لاين ــاب
الاسكندريه
------------------------

هانى زينهم يقول...

جميل التعبير اوى وبيعبر عن احياة وبرودتها احيانا بس ده مش حال المطلقة بس ممكن كمان يكون حال ازواج عايشين مع بعض فى مكان واحد وكل واحد منهم فى وادى . كل سنة وانتى طيبة وعبده كمان ربنا يخليه ليكى ويعوضك بيه عن كل حاجة .

عاشقة القمر يقول...

ازيك حمدالله علي سلامه
منوره مدونتكي
عبدالرحمن عامل ايه

حاسيس مختلطه بين اخرواخر
المشاعر اللى انتى قولتها صعب جدا
لانها فيها الالم و التضحية و الحنان
بس عارفه يامحاسن في ناس متزوجين بس حياتهم كلها مشاكل حتي الاودهم اتمنو انو امه وابوها يكون مطليقن يقول بيكون كده احسن
ياستي ربنا يعوضك في عبدالرحمن يارب تشوفي عريس

تامر علي يقول...

نحن في هذا الوقت كل منا له نصيب وافر من المعاناة فالحالة التي تصفيها ولاشك تحمل من الألم ما تحمل لكن على الأقل يبقى الأمل في وجه الله يحمل في الغد ما قديكون فيه العزاء عن سوء ما تقدم ... لذلك فالملاذ الوحيد هو الله فبيده تصاريف الأقدار .... كذلك قد تجدي من هم أحسن حالاً من الناحية النظرية مثل من لها زوج وأولاد وحياة غير منقوصة ولكنها تئن تحت وطئة التعاسة بسبب آخر قد يتمثل في زوج نكدي أو ابن عاق أو ما شابه لذلك أرى أن يسعى الإنسان على أي حال في محاولة لتحصيل نصيبه من السعادة بأي حال ويترك القدر لمصرف الأقدار ... نعم هناك صعوبات ومنغصات لكن بالاستعانة بالله تسهل كل عسير

تحياتي وتقديري دائماً :)

akeed يقول...

بصراحة ان مش لاقى كلام يعبر عن الاحساس الذى شعرت به عندما قرأت هذه الكلمات التى كل كلمة منها انما هى صرخة من الام التى اصبحت وحيدة مع طفلها بدون زوج و من هنا ادعوا كل زوج او زوجة ان يراجعوا انفسهم جيداً قبل هذا القرار الذى له عواقب كبيرة ممكن ان لا يشعر بها الطرفين الا بعد مرور مدة و على فكرة اكيد نفس الشعور عند الرجل الذى كان ياتى كل يوم للبيت فيجد زوجتة و هى متزية فى افضل حال و المنزل مرتب ومنظم والطفل يلعب كم هى من سعادة يشعر بها الرجل و يشعر انه فى مملكة من الحب و المشاعر و عند هذا القرار الصعب يتحول كل هذا الى سراب و تُظلم الحياه من حوله و من حولها فادعوا الطرفين اذا كانت هناك فرصة فى الرجوع ان يتنازل اى منهما لكى تستمر هذه الاسرة و يسعد هذا الطفل .


بوست مؤثر جداً

تحياتى و تقديرى

وبارك الله لكِ فى ابنك

أحــوال الهـوي يقول...

يمكن الكلام اللي كتبته الاول كنت في حاله مختلفه و لكن نفس الكلام الذي تشعرين اعيشه بالفعل بكل كلماته بل حروفه و انا في غربتي و كاني اخترت حياة بارده برود القبر

اراجع شريط حياتي لعلي اجد يوم سعيد و لكن السعادة خافته

ااسف لما كتبت ولانني رايت نص و لم اتعمق في الانسان

و حينما قراته كنت انا هذا الانسان

قلوبنا و احده وان اختلفنا

غريب عايش ما بين الصمت و الصورة
بنيت من الوهم في حكاياتي اسطورة
اشوف احلامي تتحقق عدم زايل و مكسورة
تونسني حروف الكلمة جواي و مقهوره


تحياتي

Magi Mostafa يقول...

بنظره تانيه
تعود هى من عملها متخوفه من وقت عودته وعدم رضاه التام عن كل ما تفعله من اجله اهمال تام لطفليه وتدور هى فى محاولات لا تفيد لارضاؤه والعنايه بطفليها تذهب باحدهم الى المستشفى بينما الاخ عمره شهر واحد تتركه مع بعض اقاربها وزوجها لا يهتم فالاطفال ليسو مسؤليته ولا يعنيه امرهم فى شئ اما زوجته فهى مجرد اداه لتنظيف المنزل واعداد الطعام
قصه حقيقيه جدا

اكيد وجود شريك للحياه ليه مميزاته بس احيانا وجوده بيبقى اسؤ من عدم وجوده

حاجه تانيه مش معنى ابدا ان تجربه اولى منجحتش انك خلاص تنسى الموضوع ده من حياتك ومكانه الاولاد مش هتتأثر او اى شئ طالما نحافظ عليهم ونربيهم صح

غير معرف يقول...

ربما حان الوقت لتعيدي تخطيط القادم من حياتك

ولا ايه؟

فشكووول يقول...

السلام عليكم ام عبد الرحمن

مش عارف اقول ايه

ربنا يخلى لك عبد الرحمن فهو لك ملح الدنيا وكل الدنيا

تحياتى

رحلتنا في الحياة يقول...

طبعا انا قولت احجز تعليق وارجع روحت اتعشيت والعشا كبس
بس رجعت قريته دلوقتى بوست حزين جدا مين اللى قال ان الست المطلقة ولا الاراملة ولا حتى اللى متجوزتش اصلا كتلة باردة
مجتمعنا مش بيظلم غير الست فى كل حالاتها ومش قادرين يقدروا انها انسان زيها زى الراجل مشاعر واحاسيس وقلب
ربنا يخليلك بيرو يارب وتفرحى بيه ويقر عينك دايما بيه اللهم امين يارب العالمين

AHMED SAMIR يقول...

مسا النور و الهنا ع الموجودين هنا
بلدياتي محاسن هانم
كل سنة و انتي طيبة و عيد سعيد و كعك لذيذ كمان
بالنسبة لي
انا لي رأي....ان المطلقة لو شالت من دماغها انها مطلقة و شالت فكرة انها مختلفة من دماغها
عمرها ما هتحس انها مختلفة عن اي واحدة تانية
تحياااااتي

Remas يقول...

محاسن اللى وحشانى موت موت

ازيك يا قمر واخبار بيرو ايه

المطلقة اكيد بتحس بكل المشاعر واكيد مهما كانت تعبانة بتتذكر ولو دقايق حلوة في حياتها السابقة وحتى لو كانت متأكده ان قرارها صح

ومش لازم تنسى نفسها ومشاعرها ابدا حتى وان كانو اولادها اغلى ما في الوجود

ربنا يخلي لك بيرو يارب
طمنينى عليكى باستمرار ياتوتة

أنا يقول...

بحترم دايما المطلقة اللى رفضت تعيش ف كدبة و تعيّش غيرها معايا

بحترم الأنسانة فيها اللى عفرت و تحدت و ثارت عشان حريتها

بحترمها لكونها نفسها ف مجتمع لا يرحم

مودتى

أبو العريف يقول...

استاذه

لا املك امام هذا الكم من الاحاسيس

والماشعر التي لمست قلوبنا

الا ان اقول

بارك الله لك في ابنك

واسعد الله اوقاتك بكل خير

تقبلي مروري

*همسة حب * زوزو يقول...

سونة حبيبتي وحشتيني

على فكرة انا ضفت اميلك ان شاء الله نتواصل في اقرب وقت

اما بالنسبة للبوست فمش عارفة اقول ايه

الله المستعان

ربنا يسعدك ويسعدنا جميعا

انا الطالبة عفو و الله و زينب مزوز دة اسمي و لي هو باسم المدونة الجديدة

Soul.o0o.Whisper يقول...

محااااااااااااااسن

حبيبتى الجميلة
والله يا محاسن وحشانى ، و زعلانة من نفسى و محرجة منك جدا

عشان مقصرة فى حقك جامد

...................

كلامك حسيته اوى

عارفة ....
الواحد دايما بيشتاق للنعمة ، و يفضل يدعى يارب يارب ، و يزعل لو اتأخرت عليه ...

بس لما بيدوق النعمة و تروح منه ، بيكون الاحساس أصعب ...

و كلا الامرين خير ، لأن أكيد ربنا عارف اى االمرين الخير لينا ،
لكن أنا قلت كدا لأن مش بس مطلقة ، لا كمان اللى ربنا بيرزقها بولد مثلا و بعدين مش يقدر له الحياة ، أو أى أمر تانى

فياحبيبتى مش تزعلى ، و لا تقولى ان دى نهاية الحياة ، ان شاء الله ربنا هيكرم الكل

لأنه أكيد كاتب لكل واحد فينا نصيبه من السعادة و الفرح زى ما كاتب له نصيبه من الحزن



يارب دايما بخير يا جميلة
و سلميلى على الواد بيرو كتييييير

SHAPE YOUR LIFE (ABOALI) يقول...

سبحان من قال
وربطنا على قلبها

فهاهى ام سيدنا موسى تلقى بيدها ابنها فى اليم
وهى تتألم ويكاد قلبها ينطق ابنى
وتاءتى مشيئة رب الكون العالم الخبير

باءن يربط على قلبها ويقويها


ما ذكرتيه سيدتى

لون من الوان الحياه التى تعرض علينا
ويميل اللون الى البنفسج الذى يتاءرجح بين الفاتح والغامق

جعل الله هناك بعض الحلول

منها الزواج مرة ثانية والبدء من جديد فى حياة الفه جديده
يكون النضج فيها عنوان رئيسى
وهناك من يجمع الله قلبه فى بذرة من بذور حياته السابقه
فينمى فيها ويرعاها ويسهر عليها
ويراها تنمو وتنمو وتنطق باءسمى عبارة يحب المرء سماعها ماما او بابا

ولكن

اختلاف الوان الحياه
يبعث الشجن احيانا
واحيانا يبعث رياح تتدعو الى النسيان

وهناك انوار هناك تتلالاء تتدعو الى النظر الىىىىىىىى بعيد
حيث الحياه الاصليه والجزاء الاعظم


بوستك له شجون وله علامات ضياء

ادعو الرحيم الرحمن ان يربط على قلبك
ويمتعك بالضياء


تحياتى

Ahmed Mohamed يقول...

ازيك يا ست الكل
عامله ايه
ربنا يسعد ايامك

صوت من مصر يقول...

اتختلاط المشاعر والاحاسيس شىء طبيعى

romansy يقول...

عندما نفقد الاحاسيس بالحب والمشاعر وتضيع منا فى تلك الحياه قد لا نستطيع ان نميز الاشياء فقد تاهت منا المشاعر تاهت منا كل حروف الحب والامنيات تاهت منا ولا نعرف لها طريق فقد اختطلت كل المشاعر بببعضها ولكننا قد نستطيع وما علينا ان نحاول فقط ان نجعل اولادنا هما شمعه تنير لنا الطريق

Mohamed يقول...

المدونة اتغيرت شكلها ومضمونها ، الدنيا كلها اتغيرت ...
ياااااه من زمااان الواحد ماجاش هنا ، بقت زحمة أوي عن آخر مرة وناس كتير اول مرة اشوفها...
عموماً مبروك يامحاسن و إن شاء الله نجاح اكبر واكبر

تحياتي

محمد(رادار)

الحــ ــزين يقول...

الحــ ــزين
اولا انا مش عارف من حقى ولا لاء انى اسالك بس عندى فضول سامحينى
ياترى ليه بس عاوزة تطلقى؟
وليه موضيعك كلها كدا ؟
وليه انتى بس مش سعيدة؟
انا فعلا زعلان منك وعليكى!!بس مش عارف ليه لانى مش فاهم
بس حرام عليكى.,
اتمنالك السعادة لغاية لما أفهم
دا لو انتى عاوزة تفهمينى

طـائر الليــل الحـزين يقول...

بصراحة انتى فى كلامك بتكونى بتعبرى عننا كلنا حتى ولو كنا ممرناش بحالة طلاق
لكن اكيد كلنا عشنا حالة انفصال عن قصة حب مثلا وحسينا بالمرار اللى بيكون فيه
فما بالك بقى بحالة الطلاق
تسلم ايدك يا محاسن وتعيشى دايما وتكتبى عننا وتوصفنى مشاعرنا بحلوها ومرها
تحياااااااااااااتى
انتى وحشاااااااااانى قوى

micheal يقول...

مش حقولك غير ربنا يكرمك في ولادك ويباركلك فيهم يا محاسن لأن ده أجمل إحساس ف الدنيا
تحياتي

سمكه واحده يقول...

اخيرا
حمدالله علي سلمتك
منوره مدونتك ياستي
ربنا يباركلك في بيرو وتفرحي بيه
ويبعد عنك كل حزن
مهو مندا وده والدنيا كده مش عايزه كلام مش عاايزه كلااااااااام
الدنيا كده
مش الست بتقول كده بردو؟!!!
عارفه ربنا مسبب الاسباب
اي حاجه بتحصل خيييييير خييير ونعمه من رب العالمين حتي لو في ظاهرها انها مش ماشيه في اتجاهنا او زي ما بنتمني بس خير ان شاء الله
ربنا يجعل ايامك كلها سعاده

V.Hayat يقول...

تحياتى

همس الاحباب يقول...

كل سنة وانتى طيبة
واحاسيس صعبة
تعجز الكلمات عن وصفها او التعليق عليها
تحياتى

كيكى عوووووو يقول...

ع فكرة فى ناس مش مطلقين وعايشين مع بعض وحاسين الاحساس دة واسوء كمان!!!!!
ربنا يحفظنا

مطلق يقول...

مش كلهم يا محاسن

او كلهم الا فيرجينيا الله.....ولا بلاش احسن

MOHAMMED ELBANNA يقول...

محاسن صابر
من زمان وكان نفسي ازور مدونتك
بعد شهرتك الواسعه بين المدونين
وها قد اتيت وبالفعل كانت مدونتك عند حسن ظنى .
مدونة جميله
تقبلي مروري
محمد البنا
طريق النجاح

طهر فؤادك يقول...

السلام عليكم ورحمة الله وبركاتة
ياريت تساعدينى فى حملتى "مدونتك هتنقذ طفللك"وهى فكرة بسيطة بس ان شاء الله خيرها كبير وانا عارف ان الى بيحترموكى ويقدروكى كتير فياريت تشاركينى

وكل الى يحب فى الحملة دى ومش هتاخد غير دقيقة واحدة وعن فكرتها وكل حاجة عنها فى اللينك دة ورجاء تدخلى وتشفيها امانة وجزاكى الله خيرا والمسلمين

.http://rasoulallah1.blogspot.com/2009/09/blog-post_23.html

عالم حبيب يقول...

اولا يارب ييسر لكل من يعيش في الظلام أن يرى النور يارب العالمين

ثانيا هناك حديث للنبي صلى الله عليه وسلم في رواية لمسلم : (( إن المرأة خلقت من ضلع ، لن تستقيم لك على طريقة ، فإن استمتعت بها استمتعت بها وفيها عوج ، وإن ذهبت تقيمها كسرتها ، وكسرها طلاقها )) ـ

آخر الحديث يمثل الحالة النفسية بعد الانفصال .. على فكرة ليس للمرأة فقط وإنما للرجل أيضا وإن حاول أن يمثل التصبر والتجلد .. إنه شعور الانكسار وإن حاولت هي أيضا أن تظهر عدم المبالاة وأنها لا زالت هي المرأة الصامدة

والطلاق ليس هو نهاية العالم .. وهو ليس شر باطلاق وإلا لما شرعه الله عزوجل .. وقد يكون هو الحل الوحيد عندما لا تفلح كل الأدوية في التئام الجرح وعندها آخر الدواء الكي

المطلقة والمطلق انسان وانسانة لهم أن يبدأوا الحياة من جديد .. ولا أدري لماذا تتحول كل البيوت الى صراعات ومشاكل بعد الطلاق .. لو فهمنا ديننا بطريقة صحيحة لأستمرت العلاقة بين الشخصين والأسرتين أحسن مما كانت عليه اثناء الزواج

دمتم بخير

مهرة سالم يقول...

السلام علليكم..
إزيك يا أختي ان شاء الله بخير ...
....
طبيعي رغبة المرأه بالإستقرار ...
والأهم لديها هو إستقرارها بالأمومه ...
الله يعف جميع نساء ورجال المسلمين..

....
في أمان الله

rovy يقول...

احساسك رائع و مشاعرك الجميله تفيض حبا و حنانا و منتهى الانسانيه و الرقه .. برغم احساسى بما تعانيه من الم الوحده كأنثى فى ربيع عمرها و وحشه الفراغ العاطفى القاتل احيانا الا انكى استطعتى ان تجدى فى عيون طفلك الصغير الامل للتمسك بالحياه و المضى فيها بمنتهى التحدى و الثقه ..

ارجوا ان تتقبلى مرورى

خالص تقديرى و تحياتى

Yasmine يقول...

احساس مؤلم اوى يا محاسن..وصفتيه بطريقة وجعتنى حقيقي..بس فعلا ربنا ما بيظلمش حد..و المطلقة اللى ربنا رزقها بطفل بيتهيالى بيبقى اهون عليها بكتير من اللى اتطلقت و لقت نفسها ما طلعتش باى حاجة من الجواز..ربنا بيعوض حاجة بحاجة..و مين عارف يمكن احساسها بعدم الامان دا يخليها تزرع فى ابنها اللى يخليه راجل و سند ليها و يمنعه من انه يكرر تجربتها دى لما يبقى هو اللى مسؤول عن بيت و اسرة

قيس بن الملووووح يقول...

"لو كان الطلاق رجلا لقتلته"
قيس بن الملوووح

تأثير الفراشة يقول...

أكيد المطلقة قبل أى شىء انسانة ،
و انا باتعجب من اللى ممكن يظن إنها متبلدة المشاعر، بالعكس، هى هتكون حساسة أكتر

وصفتِ المشاعر باسلوب سلس و حساس ، أثّر فى جدا جدا

ربنا يعين كل أم بتربى أولادها فى غياب والدهم، و تكون لهم نِعم الام ،و تكون هى قبل ذلك نعم الانسانة

ربنا يوفقك دائما لكل خير

جزاك الله خيرا

mostafa rayan يقول...

صدقينى يحتاج كل منا لم يشعر به ويبادله الاهتمام والطلاق ليس نهايه العالم سواء كان رجل اوامرأه
لك كل الامنيات الطيبه من اخ محب لك

Zika يقول...

el 5awater el wa7eda el monzama elli ba2raha fi bloggers
bravo fe3lan

غير معرف يقول...

كلماتك رائعة ومؤثرة

معك حق بالي قولتيه والمراة مهما كانت قوية بتجيها لحظات تكون محتاجة لحنان الرجل

ربنا يخليلك ابنك يارب ويصبرك

كل واحد بياخد نصيبه

اعذريني على تقصيري معك

وحشاني والله

دمتي بحفظ الرحمن

آه وكفى يقول...

اكيد طبعا هى المطلقة دي مش بني آدمه و بتحس بالوحدة والألم انها بعد كده مش هتلائيه معاها مهما كان سبب الطلاق اكيد كان في ذكرى ممكن توجعها وتقول ليه مكملناش زي ماساعات بيكون في ذكرى بنت تيييييييت بتقول يحرق اليوم اللي شوفتو فيه
بس سواء كده او كده اهو كان في احساس في صخب


تحياتي

نور الدين (محمد الجيزاوى) يقول...

الاخت الكريمة وصديقة القلم العزيزة جدا محاسن
والله يعلم الله كم أكن لك من احترام وتقدير وقطعا لست وحدى فهاهم كل قرائك يشاطرونك مشاعرك
....
كلماتك أتعبتنى نفسيا للغاية اعرف ذاك الشعور جيدا
اسأل الله ان يكتب لك الخير وأن يعوضك بما هو اهل له فهو اهل الكرم
....
كلماتك تدل على نبل نفسك وحفظك للوفاء وهى ليست ضعفا بل نفس صادقة تنظر فى المرءاة ولا تخادع ولا تضع الاقنعة الزائفات
...
ربنا يعوضك بابنك ودى مش نهاية العالم انت بتخوضى معركتك بشرف وربنا هيكرمك بالخير باذن الله
كل تحياتى واحترامى وتقديرى لك ايتها الاخت النبيلة
................
نورالدين محمود

أم بتول يقول...

أولادنا هى خطوطنا البيضاء وسط سواد الحياة ، بل هى هالات النور التى تجعلنا نتشبث بالحياة ، تضيئ لنا دنيتنا ، تبث فينا الأمل من جديد أنه مازل لنا مستقبل نحلم به نعيش على أمله ، أنه القادم أجمل .

Unknown يقول...

وحشتني المدونة جدا وحشني الي فيها ووحشني المكان واصحابه

ازيك أنا جي أسلم وأمسي ع السريع وليا عودة للقراءة

بس ده إعلام لكي يعني اني رجعت لمدونتي تاني بعد فترة طويلة من الإهمال بسبب ظروف خاصة

هرجع هنا وهكون موجود علطول بإذن الله

دمتي بكل ود

تحياتي

فشكووول يقول...

ازيك يا محاسن هانم يا بنتى

مش عارف انا ليه بابقى فرحان لما بشوف تعليقك عندى اصل انتى بتنورينى وتشرفينى دائما بزيارات فى فشكول
اشكرك على التعليق

الحــ ــزين يقول...

الحــ ــزين
متعرفيش انا سعيد قد ايه بزيارتك ليا ..بس برده انتى ليه مصرة مترديش..مش مهم ,,دومتى بكل خير

Unknown يقول...

ازيك يا محاسن وحشانى جدا ووحشنى فطيرك اللى مكلتوش
سبحان الله الطلاق ابغض الحلال لما يتبعة من مشاكل لكلا الطرفين والاولاد
عشان كدة الواحد لازم يتريث

princess يقول...

هيا احاسيس متلخبطة زى حياتنا بالظبط بس الواحد لازم يبقى ذكى ويحاول الاحاسيس الجميلة على اد ما يقدر والمشاعر السلبية يتخلص منها بسرعة:))
وحشانى كتير

Atef Shahin يقول...

الطلاق ليس نهاية العالم

زى الهوا يقول...

:(


ربنا يعينك

ويخليلك ابنك

ويصبرك

ويهدى الناس

فكرة من الزمن ده يقول...

كل مواقف حياتنا كتلة من المواقف والمشاعر المركبة وينبغي ان نتعايش معها جميعا
الدفء والبرد والليل والنهار والجمال والقبح
لكن في النهاية الطلاق ليس النهاية قد يكون بداية موفقة جداا افضل من استمرار حياة بالا حياة
احسنت تحياتي

momken يقول...

سيدتى

جميعنا يحن لذاك الاخر

كلنا نحتاج الى كف اخرى انعم او اقوى
فكل رجل يحتاج الى الكف الانعم والكلمه الانعم والبسمه الانعم والنفس والارق والروح الارقى

وكل امرأه تحتاج الى كف ادفأ وكلمه اكثر جرأه وجزماً...وبسمه ملئها الرضا
ونفس ملؤه الرجول وروح كلها مشئوليه

جميعنا هذا الشخص
ولكن اذا ضن الزمان بما نحتاج
فعلينا ان نجد العوض فى انفسنا
وفى دواخلنا

ففى كلا منا جينات الجنس الاخر بنسب متفاوته...ما علينا الا استعدئها وتقويتها...حتى يرزقنا الله بمن نستحق وبمن يستحقنا ويقدر كنز الله فينا

بارك الله لك فى ولدك
وابدل الله كل مطلقه امن فى قلبها واستقرار فى عقلها

تحياتى

fares يقول...

علي فكرة انتي مجنونة خالص بجد يعني

mimi يقول...

أحاسيس المرأة عموما بتختلف من وقت لوقت .. مش مرتبط بحالة اجتماعية ..
وانتي يا محاسن بصراحة أبدعتي في وصف حالة من حالات الأنثي الي ممكن تمر بيها

تحياتي

mimi يقول...

انا علي فكرة حملت كل حلقات أنباء الفراخ
وبدور لك علي الحلقة بتاعتك

معلش علي الـتأخير ..
سلميلي علي ابنك الأمور ده كتيررر جدا

بنت الأسلام يقول...

أسفة للتعليق خارج الموضوع
توفى إلى رحمته الله تعالى والد المدون (أبو صهيب ) تغمدة الله برحمتة واسكنة فسيح جناتة.
فى ختمة فى مدونة أبو صهيب أرجو المشاركة بها
http://miikha.blogspot.com/

Zika يقول...

اوعي تكوني ماشيه بمبدا بوست كل شهر
فين الجديد

r يقول...

اعتقد ان الاحتياج هنا مش للرجل السابق
لان ألامنا منه ستكون اقوى من الحنين اليه
ولكنه حنين لاخر يعوض السابق ويكمل دائما النصف الناقص كما اعتقد

الطفل فى حياه السيده الوحيده وصفتيه باجمل وصف
قره عين
ربنا يحفظه لك

دمتى بخير

MaNoOoSh يقول...

انا جاية اسلم عليكي يا ماسي
وحشتيني جداااااااا ياقمر

micheal يقول...

في إنتظار بوست جديد يا محاسن
تحياتي

غير معرف يقول...

بسم الله الرحمن الرحيم

السلام عليكم

أنا جديد في عالم التدوين

دي مذكراتي بأكتبها بعد معاناة طويلة مع العادة السرية ,, المرة دي بجد نفسي أبدأ حياة جديدة ,, ربنا يثبتني

خطر على بالي إن دي تكون فكرة مدونتي , إني اشارككم أفكاري وذكرياتي , علشان الاقي حد يقويني ويشجعني , وكمان علشان اللي لسة هايبدأ يغرق في البحر اللي أنا غرقان فيه يلحق نفسه قبل فوات الأوان

أتمنى انكم تقبلوني وسطكم في عالم التدوين

اقصوصه يقول...

الانثى دوما ما تعاني

فطبيعتها الرقيقه والحساسه

تجعلهاقابله للخدش

والكسر احيانا

وقل في هذا الزمن

من يتقن معاملة القوارير

لذلك دوما ما نجد حواء مجروحه

او تشكو من قسوة الحياه

ربما لاننافي هذا الزمن

لم يعد الكثير يميز

بين رقة الانثى

وقسوة الحياه!

تدوينه موفقه :)

marmar يقول...

احلى واجمل وارق ميسوو في الدنيا كلها عامله ايه يا حبيبتي ولله وحشتيني مووووووووووووووووت
انا اسفه بجد على اهمالي بس ولله انا قلت اني مش هينفع اشوفك واكيد هتكوني مشغوووووله مع بيرو الجميل
بس اعمل ايه انا اسفه بجد وفي اقرب وقت هنزل فيه مصر هكلمك واقولك يا حبيبتي
يارب يسعدك ويريح قلبك ويبعد عنك الوساويس والتفكيرات الوحشه
طمنيني عليكي يا حبيبتي عامله ايه وبيرو الجميل عامل ايه
اموااااااااااااااااااااااااااه بحبك يا ارق ميسووو في الدنيا

momken يقول...

رجعتى ولا لسه

تحياتى

همس يقول...

بجد انا كفايه عليا حساكى من كل كلمة كتباها

ومعنديش كلام اضفهو

بجد الله يقويك

ويفرح ويطمن قلبك

ويعوضك خير فى الدنيا والاخره

رابطة هويتي اسلامية يقول...

وكما وعدناكم بأن تستمر حملتنا وتأتي بكل جديد

ضيف حوارنا هذه الرسالة :::

الأستاذ معتز شاهين - باحث تربوي

صاحب مدونة إحنا وهما

وهي مدونة تهتم بالإستشارات التربوية

نتمني منكم المشاركة معنا في الحوار لمزيد من الإستفادة ولمزيد من الإفادة

مع تحياتنا

أسرة رابطة هويتي إسلامية

زى الهوا يقول...

فين جديدك؟

سمكه واحده يقول...

اذيك يا حاجه
فينك من زمااااان
خلاص انا موفقه ان بيرو يجي يسمع الحدوته بس هتبقي حدوته رجالي بقي
ايه رايك تبقي ام لحيه
بس ده يصح بردو
نبقي نتخرعله حدوته عشان خاطر عيونه ياستي
ثم هو احنا نطول بس يجي بس
ربنا يبارك فيه
عاوزه اشوف جديد في مدونتك

مـجـنـووون يقول...

مسااااااااء الخير

معلش علي التأخير

بالنسبه لموضوع المطلقات الله يكون في عونها
بس بعتقد أن عيشة الوحدة أرحم من عيشة الاستبداد والمشاكل ووجع القلب

وعلي فكرة هي فرصة أنها تبدأ حياة جديدة

تقبلي مروري
مجنووون

MaNoO يقول...

حالة طبيعية ومنطقية انا عارف وانتى بتشرحيها باحساس اوى بس عارفة فكرى كدا انك تغيرى الحالة دى بايدك تعمليها حالة تانية مختلفة من غير حسرة ومن غير حتة الحزن البسيطة دى نجرب نعمل الاختلاف يمكن برده نلاقى فيه السعادة مش شرط نعيش احاسيس مكررة عشان نبقى مبسوطين
تقبلى احترامى وبوست رائع

Aиgel يقول...


مساء / صباح الورد

أستاذة محاسن ..

شعرت بكل كلمة من كلمات حضرتك
ووصفك لما تشعرين
لأن أي شكوى تخرج من القلب تصل إلى القلب

ربنا يريح قلبك يارب ويسعدك

وربنا يحفظلك ابنك (: وتفرحي بيه ويعوضك عن كل ما فات ويصبح قرة عين كِ

سعدت بمروري الأول هنا وإن شاء الله ليس الأخير

Angel love

غروب يقول...

اكيد طبعا كلامك صح يا سنسن

مفيش حد ايا كانت ظروفه بتتجمد مشاعره

وما بالك بالانثي

انتى وحشانى مووووووووووووووووووووووت

عاشق الجنة من الإخوان صلى على النبى يقول...

اولاً : ربنا يهدي المسلمين ويصلح حال كل الأزواج والزوجات ويارب يؤلف بينهم ويجمع بينهم في خير
ثانيا : بصراحة موضوع الطلاق موضوع شائك ومحتاج كلام كتير قوي بس من وجهة رغم تحمل الرجل العبء الاكبر من مئوليته وان الرجل له القوامة لرجاحة عقله وقوامته علي المرأة
إلا إني اري المرأة هي السبب الرئيسي
صلي علي النبي

hosam4u2004 يقول...

الاخت العزيزه/ محاسن
انا ممكن اسال سؤال
انتى محسسانى ان المطلقات ملؤ الكون وان معدش فيه مشاعر ولا احاسيس فى هذا الزمان
واسمحيلى اقولك انتى شاعره بالبرد بسبب ضعف الامان اللى جواكى وكمان انا اعتقد ان مهما تعملى من برامج فى الراديو والتلفزيون ومهما توصلى ولو لاعلى المنطق والمناصب والدرجات برضه حتحس بالبرد عارفه ليه ؟
لانكن بنات حواء ضعيفات ..... كل امراة تحتاج الى من يحميها ويكون هو الدرع الواقى لها وهو مفتاح دفئها فالرجل لا غنى عنه ولا يعوضه شىء فى الحياة . عليك ان تفكرى قليلا .... قبل كل شىء الحياة لا تتوقف عند تجربة وانما الحفرة التى اقع فيها ولا تكسرنى تزيدنى صلابه وحرص للامام
اختى الحبيبه اتمنى ان تعيدى التفكير مرة اخرى فى حياتك وتحاولى ان تجدى الشخص الذى يقدرك ويرعاكى
وساعتها فقط ستشعرين بدفء الحياة لانها تلك هى سنة الحياة
اتمنى ان لا تنزعجى من كلماتى وكذلك اقول لكى هناك اناس لا يهمه ان يقدموا النصيحه ولكن
رب اخ لك لم تلده امك
اتمنى لك التوفيق ولنا احاديث اخرى

جارة القمر يقول...

عرف جيدا كن هو صعب علىلمطلقة ان تحيا بقلب خالي من هموم قاتلة

ماذنبها لماذا يلقى على عاتقها الذنب بماذا أجرمت لتلقى كل ذلك

ليست هي المسئولة عن فشل علاقة قد يكون هو السبب فب فشلها

ماذنب فتاة صغيرة لا تتجاوز العشرين عاما لتحيا مع طفل أبرأت أبوه من كافة حقوقها للتتطلق منه


أحييكي على موضوعاتك الرائعة

رابطة هويتي اسلامية يقول...

السلام عليكم ورحمة الله وبركاته


شاركونا الإحتفال بمرور عام على تأسيس رابطة هويتى إسلامية

كما يسعدنا أن نقدم لكم كشف حساب سنوى عن جميع أعمال الرابطة

بأنتظار زيارتكم الكريمة

أسرة الرابطة

micheal يقول...

حفضل أزن كتير
عاوز بوست جديد
:)

Magi Mostafa يقول...

غايبه بقالك كتير كده ليه مينفعش كده بقى عايزين بوست جديد:))

Ahmed Mohamed يقول...

ايه يا ست الكل انتي عايزه تشوفي غلاوتك عندنا ولا ايه
لاء طمنينا عليكي بجد ماشي
ويارب تكوني بخير

shoshta_ joker يقول...

السلام عليكم.....
وحشانى بجد اوى يا محاسن مجتش عندك من زماااااااان ......اما عن البوست بمن رايى علىر غم صغر سنى وصغر حجم خبرتى فى الحياة عموما الاحتياج والوحدة احساس غبى جدا........دومتى بخير...حستنى زيارة منك عندى....فى رعاية الله.
shemo

hasona يقول...
أزال المؤلف هذا التعليق.
ســـــــهــــــــــر يقول...

اقولك سر
بعض المتزوجات ايضا يمارسون هذه الطقوس


محاسن
شكرا على لحظاااااااااات من الوجع الخالص هنا
بس بجد ليكى اسلوب ادبى جميل و صورك و تعبيراتك وقفتنى كتير

Unknown يقول...

تحياتي لكل المطلقات والأرامل والمتعذبات تحياتي لكل اٍمرأة على وجه الأرض .. تحياتي للأمهات
مش هقول حاجة إلا انه
الله يخليلك ابنك ويفرحك فيه امين يارب
مدونة رائعة
تحياتي لك

" مثلية اردنية "

اقصوصه يقول...

الحياه بكل اوجهها صعبه

ولولا فسحة الامل

لاصبحت مستحيله :)

جارة القمر يقول...

ميرسي ياقمر على زيارتك



باقة ورد لكي

غير معرف يقول...

وحشتيني ياقمررررر

يارب تكوني بالف خير

:)

شبــ اون لاين ـــاب يقول...

الرجاء الدخول علينا


...


و اتمنى تحديد موقفك من القضيه

غير معرف يقول...
أزال المؤلف هذا التعليق.
غير معرف يقول...

وبين كل تنهيده واخرى يطول بها الانتظار .. انتظار الحضن الدافئ .. يتخلل ذالك الانتظار احساس بالحرمان الالم الاشتياق والايمان والقناعة بما قدرة الله من ابتلاء لنا في الدنيا ..

مما يمنحنا المزيد من الصبر والاحتساب

عند الله

لحظات انتظار يملؤها بعض من خصلات شعر بيضاء يفترض ان لا تكون موجوده في خصلات شعر امراة لم تتجاوز ربع قرن من الزمن .. والا ايه رأيك .. ؟

وتعود من عملها وهي تخلع ؟؟ يعني خالعه في السكه ؟؟!!

من حلي وزينه انتي طلعه فرح يا بنتي ؟

( هــــه)

لاتتحسري فما فات مات وعليكي بما هو ات ..

وعسى ان تكرهوا شيئا ويجعل الله فيه خيرا كثيرا

الحياة لا تتوقف عند تجربة .. فهي محطات لا تعرف التوقف الا لمن اراد ان يتوقف به قطار الحياة


لحظات لا يجب ان نسلمها للحزن والحسره والندم على مافات ..فلا نحن ارحنا انفسنا ولا احنا عملنا لمستقبلنا فلا يجب ان نسلم انفسنا لليأس لانه لا حياة مع الياس .. كنتي بحاجة لعلاج و كان علاج تلك الحسرةفي عيون صغيرك رحمة يربط بها الله سبحانه على قلبك ..

ولكن سيدتي ..

ها انتي تطرحين نتائج زواج وعلاقة لم يكتب لها النجاح

ولم تطرحي الاسباب .. التي ادت لهذه النتائج ...


لماذا الغياب ولماذا تركها وحيده في تلك الزاوية الضيقة من الحياة لماذا ترك لها حملا كبيرا على عاتقها هو دور الام والاب في نفس الوقت دون التفكير في تحمل ادنى مسؤولي ..

عندما يتخلى البعض عن مسؤوليته امام الحياة فهذا نتيجة خلال في بيته الاجتماعية .. اسأل الله ان ياجرك في مصيبتك ويخلفك بخير منها .. وان يرزقك الزوج الصالح ويحفظ لك حبوبي الصغير وتفرحي بيه يا رب

دمتي كما يحب الله

محمد المعيوف

مشرف عام منتديات نبراس العربيه

مراسل حملة خلوها تصدي

http://www.arabnbrs.com

http://www.mywf.blogspot.com

mostafa rayan يقول...

محاسن ازيك يارب تكونى بخير دايما

mahasen saber يقول...

احوال الهوى.....

فعلا يا دكتور هو عظه لمن يرى فى الانفصال حل لمشكله بسيطه اما مشاكل الحياه والموت فمبيفدش فيها اى ندم لان الخلاص فيها بالطلاق بيبئا ميلاد جديد لصاحب التجربه


كعادتك دوما اسعدتنى وشرفتنى وادخلت السرور على قلبى يا اخويا الغالى

mahasen saber يقول...

طوبه فضه وطوبه دهب .....

يا حبيبتى عذرا فى انى تسببت فى بكاكى بس ده من رقة حسك وشعورك الطيب انك تتعايشى مع البوست بالشكل ده

خالص محبتى يا حبيبتى

mahasen saber يقول...

الازهرى.......

تحياتى ليك انتا يا زهر على قوة كلماتك المفعمه دى

خالص تقديرى ليك يا زهر وبنستمد منك التفاؤل دايماوالنشاط فى الحياه بجد

mahasen saber يقول...

عاشقة الرومانسيه ......

دودو انتى جميله قوى قوى وتسلميلى يا جميله يا حبيبتى يا جدعه

mahasen saber يقول...

آيوشه .....

آيشه حبيبتى الصعيديه الغاليه

mahasen saber يقول...

ريمان .....

كلا بحاله أصعب ... عارفه يا حبيبتى كل شخص بيشوف همه الاكبر ومشكلته الاعوص لانها كدا مقدار طاقته على الاحتمال والاستيعاب للمشكله كدا
بس زى ما المثل بيقول الليى بيشوف مصيبة غيره
... ربنا يعينا على التعايش مع ما رزقنا به من مصائب واحزان

بحبك يا ريمان يا حبيبتى

mahasen saber يقول...

yoyo ......

للاسف يا يويو كل ما مجتمعاتنا العربيه بتتقدم فى الزمن من احدث لاحدث بتزيد رجعيتنا ودونيتنا فى النظره للمرأه بشكل عام والمطلقه والغير متزوجه بشكل خاص طبعا

يعنى شوفى نظرة المجتمعات العربيه للمرأه فى صدر الاسلام وزهوة حضارته معتقدتش هنلاقى النظره الدونيه دى

خالص مودتى وحبى ليكى يا يويو يا غاليه

mahasen saber يقول...

abo shosho .....

ابو شوشو اخويا الغالى .. دايما بتأسرنى بلطفك ودماثة خلقك وكلماتك الطيبه

بارك الله لك فى زوجتك وابنائك وكل من تحب

mahasen saber يقول...

adel.....


جارى الغالى شكرا لكلامك الطيب وده من كرم اخلاقك وروحك الطيبه مش اكتر

mahasen saber يقول...

ماما اموله ....

كلماتك كأنها حرير من الجنه ناعمة الملمس على الروح وجميله زى قلبك الجميل يا ماما اموله

دمتى بخالص الود والحب ودايما بتثرينا بوجودك الغالى

mahasen saber يقول...

صبرنى يا رب .....


صبصب بالنسبه ليا هما كدا بس ده ميمنعش ان اعتراضك ده على راسى يا صبصب وعجبتنى فكرة السلم دى


نورتينى يا صبصب يا حبيبتى

mahasen saber يقول...

عمرو .....

رحمة الله عليك اللهم ابدله دار خيرا من داره واهلا خيرا من اهله اللهم تغمده برحمتك واشمله بعطفك ورضاك وانظر اليه ولامى ولابويا ولآبائهم بنظرة رضا
واغفر لهم واعفو عنهم يا عفو واغفر لهم يا غفار

واللهم صلى وسلم وبارك على سيدنا محمد وعلى آله وصحبه وسلم

mahasen saber يقول...

شباب اون لاين .....

يا محمد متمناش ابدا ليك انك يوم تكون فيه ربنا يسعدك ويهنيك بخطيبتك وتكونوا لبعض خير سنه فى الدنيا والاخره

دمت بكامل الود

mahasen saber يقول...

هانى زينهم ......

اكيد طبعا يا استاذ هانى الحاله دى مش حكر على المطلقات فقط ولا الارامل وانما فى حالات كتير بتكون من نصيب بعض الازواج والزوجات كمان


خالص الود والتقدير ليك يا استاذى .دايما مرورك بيسعدنى

mahasen saber يقول...

عاشقة القمر .....

يا حبيبتى يا سوما منورانى يا حبيبتى ..واكيد طبعا اتفق معاكى فى ان فى حالات كتير بيكون ساعات الانفصال والطلاق نعمه ونجاه للاولاد وللازواج والا مكنش المولى عز وجل رخصه لينا

دمتى بكامل الود يا سوما يا حبيبتى

mahasen saber يقول...

تامر على .....

استاذى العزيز واخى الكريم بحق لا فض فوك وسلمت يمينك فكلامك اكثر اكثر من رائع ويحمل الكثير من معانى التفائل والامل وحسن الرجاء

سلمت وسلمت وشاكره ليك بود حضورك الغالى وكلماتك الطيبه

mahasen saber يقول...

akeed.....

بالتأكيد يا استاذى الغالى المشاعر الانسانيه ليست حكر على جنس دون الآخر ولم يستأثر بالاحساس المرأه عن الرجل او العكس فجائز وطبيعى ان الوحده يان منها الجميع حتى الحيوان

وأأوكد لك يا سيدى الغالى انه لو كان من البدايه بادرت امل لما وصل الزوجان الى قرار ان يصبح كل منهما اجنبى عن الآخر ولربما فى ذلك رحمه لا يعلمها غيرهما وخالقهما فلولا ما فى الطلاق من رحمه لما رخصها المولى عز وجل لنا فى الدنيا

خالص خالص مودتى وتقديرى يا استاذى الفاضل

mahasen saber يقول...

احوال الهوى .....

اخى الغالى وبلدياتى دكتور عصام فى الغربه وحده ووجع كما فى احوال كتير مختلفه فى الحياه

كلمات حضرتك دايما وآرائك معبره وفى محلها فى اى وقت وعلى اى موضوع

خالص تقديرى واحترامى يا اخى العزيز

mahasen saber يقول...

magi .....


اهه النظره التانيه دى بتكون فى حالات كتير سبب من اسباب الطلاق فى مجتمعنا يا ماجى يا حبيبتى .. احسنتى بجد

الله يزيدك فطنه يا ماجى ونورتينى زى عادتك دايما يا حبيبتى

mahasen saber يقول...

اسامه عبد العال .....


ربما يا اسامه ربما

mahasen saber يقول...

فشكوووول .....

ربنا يكرمك يا عمنا الغالى ويباركلك فى احفادك واولادك وكل احبتك

mahasen saber يقول...

آيوشه ........


مجتمعنا يا آيوشه .. جيبتى المفيد باين العشوه كانت مفيده مش تقيله جيبتى بعدها الكلام الخلاصه


بالف هنا وعافيه يا حبيبتى ونورتينى يا يوشا زى عادتك دايما

mahasen saber يقول...

A.Samir.......

تفتكر يا بلدياتى .. يعنى الناس هتبطل تبص فى بطاقتها وتسال عن الأسباب لو فى مصلحه حكوميه بتخلص مصلحه ما
او جيرانها ومعارفها والمحيطين هيبطلوا يفكروها بالذكرى السنويه للحدث ويوبخوها من تحت لتحت بتوجيه مباشر او غير ومينسوش طبعا يركزوا على انها السبب وزوجه فاشله بتصنيف ست ... تفتكر يا بلدياتى

نورتى طبعا وخطوه عزيزه دايما بالشرقيه واهلها

mahasen saber يقول...

reem......

ريمو حبيبتى الغاليه وحشانى انتى اكتر يا حبيبتى يا ام الملايكه الغاليين
وكلامك بيجانبه الصواب طبعا يا غاليتى


بوسيلى الملايكه الحلوين زى مامتهم الغاليه

mahasen saber يقول...

انا ......


وانا بحترم الليى بيحترم المطلقات وبيقدر احاسيسهم وظروفهم والضغط الاجتماعى الليى وصلوا ليهم
انا بحترمك جدا يا عزيزتى وشاكره ليك تشريفك الغالى ووجهة نظرك الايجابيه

خالص مودتى وتقديرى

mahasen saber يقول...

ابو العريف .....


استاذى الغالى .. دومت بكامل الود ولك وافر الأحترام وبارك الله لك فى كل احبتك واولادك واسرتك الغاليه


دومت بكامل الود والاحترام

mahasen saber يقول...

zaineb mazouz ......


يا حبيبتى يا زينب يا غاليه اسمك على اسم الغاليه امى ... حاضر يا حبيبتى نتواصل اكيد يا غاليتى

دومتى بكامل الود يا حبيبتى

mahasen saber يقول...

Soul.o0o.Whisper .....


يا حبيبتى تسلميلى يا ويسبر بس ليه حسيتى انى زعلانه يا حبيبتى انا ااقصد بالبوست التعبير عن حاله ما اكيد بتمر بيها المطلقه زى الارمله زى اى ست بتعجزها شويه المشاعر

تسلميلى على ذوقك ورقتك يا ايه يا حبيبتى

mahasen saber يقول...

ABOALI .....

له ضياء ...دايما بستمد من تعليقاتك يا ابو على الكثير دايما بين طيات كلامك افكار وافكار

خالص تقديرى لفهم العميق لما اكتب

دمت دائما بكامل كامل الود

mahasen saber يقول...

AhmeD 3llaM .....


ربنا يعزك ويسعد ايامك ويزيدك دايما دايما من فضله

دمت بكل الود والذوق ودماثة الخلق يا احمد

mahasen saber يقول...

صوت من مصر ......


اكيد يا كيمو اكيد

mahasen saber يقول...

romansy ....


واختلاف المشاعر ده يا رومانسى من اختلاف مراحل الحياه وحالتنا الاجتماعيه والنفسيه فيها .. اكيد بستان الحياه ياما فيه زهور


خالص مودتى وتقديرى

mahasen saber يقول...

Mohamed......


منورنى يا رادار منورنى جدا مبسوطه ان الشكل الجديد نال اعجابك

تسلم يا صديقى الغالى ...
دمت فى كامل الود

mahasen saber يقول...

الحــ ــزين ....

يعنى انتا حزين عليا يا حزين عشان عايزه اتطلق ؟؟ طيب ليه بس اعتقد المفروض تحزن عليا اكتر لو فضلت متجوزه وعايشه عيشه والسلام... فكر كدا شويه يا صديقى اذا كان الافضل للست الطلاق ام العيشه فى زواج دائما على حافة الطلاق
وبعدين لو الطلاق بيحزن علينا كدا مكنش شرع لينا ولا كان بنات الرسول (صلى الله عليه وسلم ) طلقوا

فى كل الاحوال شاكره ليك مشاعرك الطيبه فى كل الاحوال

دومت بكامل الود والاحترام برغم الاختلاف فى وجهة النظر

mahasen saber يقول...

طـــائر الليــــل الحـــــزين.....


انا مبسوطه قوى قوى بكلامك ده بجد شاكره ليك رأيك وكلماتك الليى ادخلت السرور على قلبى

مبسوطه قوى انك شايف ما اكتب بيعبر عنك حتى لو انتا ممرتش بنفس المرحله

دومت بكامل الود اخويا الغالى

mahasen saber يقول...

micheal ......


ربنا يكرمك يا مايكل بس ده ولد واحد مش ولاد كتير

شكرا على ذوقك ودعمك الجميل

دومت بكامل الود

mahasen saber يقول...

سمكه واحده......

يا سمكمك تسلميلى يا جميله وربنا يرحم الست وفعلا الدنيا كدا وكدا

تسلميلى يا حبيبتى ومنوره دايما بيكى المدونه

mahasen saber يقول...

همس الاحباب ......


خالد ابو همس منورنى يا اخويا الغالى

دمت بكامل الود يا ابو همس

mahasen saber يقول...

حياة ......

خالص مودتى يا ايهاب وتقديرى

mahasen saber يقول...

كيكى عوووووو .......


كلامك صح يا كيكى بيوت كتير فى حالة زواج على حافة الطلاق ... للاسف طلاق المشاعر بين الزوجين شئ مرير

دمتى بكامل الود يا حبيبتى

mahasen saber يقول...

مطلق ......


اكيد مش كلهم يا كريم واكيد مش كل الرجاله كمان
احنا بشر ربنا خلقنا مختلفين اكيد فى المشاعر والصفات

ربنا يهدى ليك طليقتك ويهديك ليها وتشوف بنتك لانها للاسف الضحيه الليى فى النص

mahasen saber يقول...

MOHAMMED ELBANNA .....

انتا نورتنى يا محمد ومبسوطه ان المدونه طلعت عند حسن ظنك


دمت بكامل الود على تشريفك الكريم

mahasen saber يقول...

طهر فؤادك ......


عذرا جدا جدا انى مشفتش التعليق الا الايام دى


اتمنى ليك كامل التوفيق وخالص مودتى وتقديرى يا اخى الكريم

mahasen saber يقول...

عالم حبيب .......


الله ينور عليك يا حبيب فعلا لو فهمنا دينا صح فى كل شئ الطلاق ومعاملة المرأه والمعاملات فعلا هنريح ونستريح

جزيت خيرا وخالص مودتى وتقديرى

mahasen saber يقول...

نهــــــــــار ......


اللهم امين يا نهار يا عزيزتى وكمان مين بشر على الارض مش من طبيعته الاستقرار والالفه والود


خالص مودتى وتقديرى يا حبيبتى

mahasen saber يقول...

rovy .......


غالبا نحن معشر النساء بنحس ببعض قوى لاننا بندور فى نفس الدوائر المغلقه


تسلميلى يا روفى على ذوقك وكلماتك الطيبه
دومتى بكامل الود يا حبيبتى

mahasen saber يقول...

انا حرة......


تسلميلى يا حبيبتى بس يا حره مفيش حد مبيطلعش من الجواز بحاجه يعنى حتى لو ربنا مجعلهاش رزق فى الاطفال فاكيد هستفاد من التجربه وتشيل خبراتها لتجربه تانيه وكلنا متفقين طبعا ان كل شئ خير للانسان بس يصبر نفسه بالرضا

دومتى بكامل الود يا حبيبتى يا حره وشاكره لذوقك جدا جدا

mahasen saber يقول...

قيس بن الملووووح ......


ليه بس

دومت بكامل الود

mahasen saber يقول...

تأثير الفراشة ............

دومتى بكامل الود يا حبيبتى شاكره لذوقك ولكلماتك الطيبه دى

وللاسف مجتمعاتنا مليئه بالتصنيفات والاوصاف الغريبه الليى بتتجبر علينا

نورتينى يا عزيزتى

mahasen saber يقول...

mostafa rayan ........


اكيد طبعا يا درش حد يقدر يقول او يؤمن بغير كدا

نورتنى يا اخويا الغالى

mahasen saber يقول...

Zika ......


طبيعى يا زيكا بلوجر صنع للفضفضه وعرض التجارب والبوح

دمت بكامل الود يا زيكا

mahasen saber يقول...

ঔღঔ نـــوارة ঔღঔ .........

يا عزيزتى يا نورا تسلميلى يا حبيبتى على مشاعرك الطيبه وكلماتك الجميله دى

دومتى بكامل الود والمحبه يا نورا

mahasen saber يقول...

آه وكفى ......


ههههههه ربنا يسعدك ضحكتنى بجد على ذكرى بنت تيت دى

كلامك فى محله طبعا ...
دومت بكامل الود

mahasen saber يقول...

نور الدين .........

اخى العزيز نور الدين محمود

(الاخت الكريمة وصديقة القلم العزيزة جدا محاسن
والله يعلم الله كم أكن لك من احترام وتقدير وقطعا لست وحدى فهاهم كل قرائك يشاطرونك مشاعرك )

كلماتك الطيبه دى تاج على راسى وتكفينى تلك الكلمات الطيبه والمشاعر الايجابيه الكريمه انها تمدنى بطاقه ايجابيه كل ما تغمسنى مشاكل الحياه فى وجعها

خالص خالص تقديرى وشكرى على دماثة خلقك وكلماتك الطيبه

mahasen saber يقول...

أم بتول ......


صدقتى القول يا عزيزتى ام بتول .. الامومه نعمه كل ما بتذوقها بتمنى ربنا ينعم بيها على كل ست تتمناها

خالص مودتى وتقديرى يا ام بتول ..حفظ الله لكى اولادك وكل احبتك

mahasen saber يقول...

كاتب مصري ......

المدونه دى بيتك تنوره اى وقت تحب ..اتمنى تكون ظروفك احسن ودايما فى احسن حال

خالص مودتى وتقديرى

mahasen saber يقول...

فشكووول ......

(ازيك يا محاسن هانم يا بنتى

مش عارف انا ليه بابقى فرحان لما بشوف تعليقك عندى اصل انتى بتنورينى وتشرفينى دائما بزيارات فى فشكول
اشكرك على التعليق)

عمى وابويا الغالى الكلام ده كتير قوى قوى قوى عليا بس اسعدنى جدا جدا ان شخص بقدر حضرتك يحسنى على المحمل ده ويشعر انى بنته
زيارة حضرتك لمدونتى وتعليقك على ما اكتب تقدير وشرف كبير عندى

دومت حضرتك بكامل الود

mahasen saber يقول...

الحزين .......

انا الأسعد بكلامك الطيب ده وبشعورك الجميل ده .. واعذرنى انا رجعت ارد اهه بعد التعليق بسنيين شفت الوقت


خالص مودتى وتقديرى واحترامى اخى الكريم

mahasen saber يقول...

نهر الحب ........

تسلميلى يا نوسه يا حبيبتى وتعالى نورينى وانا ااكلك احلى فطير

الانسان لازم يتريث فى كل شئ يا نوسه الحياه متحتملش اى مجازفات بالذات لو فى رقبتك ارواح محتاجه تنشئه وتربيه

خالص مودتى يا نوسه يا حبيبتى

mahasen saber يقول...

princess ......

تسلميلى يا برنسيس يا حبيبتى وفعلا لازم الانسان يستخلص من كل احاسيسه ما يعينه على الاحاسيس الاخرى

دومتى بكامل الود والالفه يا حبيبتى

mahasen saber يقول...

Atef Shahin .......

اكيد طبعا يا استاذ عاطف الطلاق مش نهاية العالم ... مفيش نهايه للعالم الا الموت لانه بيكون بدايه لعالم آخر


خالص مودتى وتقديرى يا استاذى

mahasen saber يقول...

زى الهوا ......


تسلميلى يا حبيبتى تسلميلى ..دايما بتأسرينى بذوقك وكرم اخلاقك

دمتى بكامل الحب والود

mahasen saber يقول...

فكرة من الزمن ده .....


كلامك فى محله طبعا يا فكره

نورتينى برأيك السديد ..دومتى بكامل الود والالفه يا عزيزتى

mahasen saber يقول...

momken ......

نجد العوض فى انفسنا ...فعلا يا ممكن الامر الاول العوض فى النفس وتتعكز عليها وبيها وبعدين نلتمس العوض فى ما حبانا الله به من نعم اخرى


دمت بكامل الود والسعاده

mahasen saber يقول...

fares ......


يلا بيقولوا على الجنون فنون


دمت بكامل الود

mahasen saber يقول...

mimi .....


شاكره ليكى يا ميمى يا حبيبتى قوى ..مبسوطه ان الحاله اللى بيوصفها البوست وصلك الاحساس بيها

وبخصوص حلقة الفراخ متتعبيش نفسك يا ميمى بس تسلمى بجد على مجهودك ووقتك يا حبيبتى

تسلملى يا حبيبتى على ذوقك واهتمامك

mahasen saber يقول...

بنت الأسلام .....


لا يا عزيزتى مفيش اسف وتغمده الله بواسع رحمته


دمتى فى كامل الود

mahasen saber يقول...

Zika .....


زيكا مبدأ بوست كل شهر انا ماشيه بمبدأ بوست كل ما الحاله تيجى


نورتنى يا زيكا

mahasen saber يقول...

بسنت .........


الاحتياج لشئ مفقود وفراغ محتاج اوقات يتملى مش اكتر


نورتينى يا بسنت يا عزيزتى

دومتى يا حبيبتى بكامل الود

mahasen saber يقول...

MaNoOoSh ......


تسلميلى يا حبيبتى وشكرا لذوقك ولسؤالك الغالى واهتمامك يا مانوش يا حبيبتى تسلميلى


دومتى بكامل الود والرضا

mahasen saber يقول...

micheal .....


شكرا يا مايكلاتو على اهتمامك ..شكرا لذوقك بجد


دمت بكامل الود

mahasen saber يقول...

مذكرات مدمن عادة سرية ( تائب ) .....


شئ جميل بجد ان الواحد يطرح حتى افعاله الغير راضى عنها ويناقش تجاربه مع غيره من البشر

ان شاء الله تلاقى فى التدوين سلوى ليك

دمت فى كامل الرضا

mahasen saber يقول...

اقصوصه ......


بالفعل يا اقصوصه يا عزيزتى كلامك فى محله يا عزيزتى


بجد سعدت جدا بفهمك الجميل للبوست ده

دمتى بكامل الود يا اقصوصه يا عزيزتى

mahasen saber يقول...

marmar........


يعنى يا مرمر بعد الكلام الجميل ده والمشاعر الحلوه والاهتمام اللطيف ده بيا وعايزه يبئا عندى وساويس وحشه ده انا ميبئاش عندى دم هههههه وحشتينى يا حبيبتى
اتمنى تكونى دايما بافضل حال وصحه يا حبيبتى انتى وكل من تحبين

دايما بأفضل حال يا مرمر يا حبيبتى

mahasen saber يقول...

momken ......

رجعت يا ممكن شكرا على كرم اخلاقك وسؤالك الغالى


دايما فى افضل حال يا ممكن

mahasen saber يقول...

همس ......

يا حبيبتى يا همس ...شكرا لكلامك الطيب يا عزيزتى
وتسلمى يا حبيبتى انتى وكل من تحبين

دمتى بكامل الود يا همس يا عزيزتى

mahasen saber يقول...

رابطة هويتي اسلامية .....

اعلان غير مدفوع الاجر ههههه

mahasen saber يقول...

زى الهوا .....


يا حبيبتى يسلملى سؤالك .. منحرمش من ذوقك ابدا يا حبيبتى

mahasen saber يقول...

سمكه واحده .......


يا حبيبتى يا سمكمك تسلميلى ويسلملى سؤالك الغالى يا حبيبتى
وبعدين حلوه قوى حدوتة ام لحيه دى ههههه مبدعه يا سمكمك

بحبك يا حبيبتى

mahasen saber يقول...

مـجـنـووون ......


العاقل جدا فى دنيا مجانيين كلامك صح طبعا

منورنى جدا ..دمت بكامل الود والعقل

mahasen saber يقول...

MaNoO ......


يا منونتىدى حاله من الحالات مفيش انسان سعيد علطول ولا حزين علطول واكيد اكيد مفيش حد بيختار يبئا تعيس

اسعدتينى يا منونتى الغاليه
دمتى بكامل الود يا حبيبتى

mahasen saber يقول...

Angel .......


تسلميلى يا انجل يا عزيزتى واتمنى تستمدى من مواضيع المدونه تجارب تنورلك وتفيدك فى حياتك

خالص تقديرى يا حبيبتى
نورتينى

mahasen saber يقول...

غروب ......


الانثى دى كتلة مشاعر يا غروب دى رحم الانسانيه ومفيش رحم بارد

انتى وحشتينى اكتر يا حبيبتى
اتمنى تكونى دايما بأفضل حال ونعمه

mahasen saber يقول...

عاشق الجنة من الإخوان صلى على النبى ....


المرىه هى السبب انتا شايف كدا ..لا بجد صلى فعلا على النبى (عليه افضل الصلاة والسلام) وأقرأ فى سيرته كويس وشوف ازاى حكم بالطلاق لصحابيات وازاى بناته صلى الله عليه وسلم طلقوا وازاى نفسه عليه افضل الصلاه والسلام تزوج من مطلقه


دمت بكامل الود برغم عنصريتك ضد المرأه

mahasen saber يقول...

hosam4u2004 .......


كلامك فيه جانب كبير من الصواب وجانب كبير من الخطا بس فى الآخر فعلا كلام من اخ عزيز

دمت بكامل الرضا والود

mahasen saber يقول...

جارة القمر .....

يا جارة القمر الغاليه حاساكى حسيتى بالبوست قوى

تسلمى يا حبيبتى واسعدتينى

دمتى بكامل الود والالفه

mahasen saber يقول...

KHALED .....


شفت الدعوه متأخر بس بالتوفيق دايما يا خالد


دمت بكامل الرضا

mahasen saber يقول...

micheal ......


تسلم يا مايكلاتو على اهتمامك
شكرا لذوقك بجد



بتسعدنى بجد

mahasen saber يقول...

magi .......


تسلميلى يا ماجى ويسلم اهتمامك يا حبيبتى


mahasen saber يقول...

AhmeD 3llaM ......


والله سؤالكو الغالى ده واهتمامكم بأنى اكتب جديد شئ يريح القلب التعبان

شكرا لذوقك يا احمد ودمت دايما اخ غالى

mahasen saber يقول...

shemo ......

يا حبيبتى يا شيمو يا رب ابدا ميخطرش على قلبك اى احساس بالوحشه او الوحده

تعيشى دايما يا حبيبتى فى سعاده ورضا

mahasen saber يقول...

ســـــــهــــــــــر.....

السر فى بير يا سهوره وواضح ان كتير متجوزين يعنى عدد لا بأس به باح بنفس السر


اسعدتينى يا حبيبتى

mahasen saber يقول...

RAWAN ......


شكرا لذوقك يا روان يا عزيزتى


دمتى بكامل الرضا

mahasen saber يقول...

اقصوصه ......


لا بلاش اوجاعها دى ربنا ميكتبش على اى قلب او روح اى وجع يا اقصوصه صدقينى يا حبيبتى

ربنا يكتبك من سعداء القلب والروح يا عزيزتى

mahasen saber يقول...

جارة القمر ......

تسلمى يا جاره يا حبيبتى ده من ذوقك بس

mahasen saber يقول...

ঔღঔ نـــوارة ঔღঔ......

تسلميلى يا نورا يا حبيبتى ويسلملى سؤالك الغالى
الحمد لله انا بكل خير

بجد شكرا على ذوقك واهتمامك الغالى بالسؤال يا حبيبتى

mahasen saber يقول...

شبــ اون لاين ـــاب .......


هههههههههههههه حاضر علم

mahasen saber يقول...

المعيوف ......


حضرتك قريت البوست وعلقت واضفيت تحليل على كل جمله ..بجد اسعدتنى جدا

حضرتك نورتنى بالزياره الكريمه

دمت بكامل الرضا والود اخى الكريم

‏«الأقدم ‏‹أقدم   ‏1 – 200 من 201   ‏›أحدث ‏أحدث»