السبت، 21 نوفمبر، 2009

يا امه فرحت فينا الأمم

هقول رأيى ببساطه كده وعلى بلاطه ومن غير كلام مكلكع
ورأيى لا هيعجب اليى فى مصروصوتهم بالثأر وصل المدى ولاا هيعجب الجزائريين اليى برضه صوتهم بالثأر والغضب وصل لسابع سما .....
بصوا يا اخوانى االيى عمل الكارثه دى قله واليى اتخانقوا معاهم فى مصر قله فمينفعش نحاكم شعب بحاله بسبب قله
ده شق الشق التانى احنا متهببين على عنينا عرب كلنا زى بعض لا هما دمهم اخضر ولاا احنا دمنا بنفسجى كلنا من ارض وطين واحد يعنى نتنيل على عنينا ونفوق لنفسنا وللفتنه اليى اتجرينا فيها نقولها تتفضل تروح فى حته تانيه وافكركوا بحديث الرسول الكريم...الفتنه نائمه لعن الله من ايقظها..صدق رسولنا الكريم
اما غير كدا احنا امه مستهدفه وعندنا عدو متربع وسطنا وماسكنا من شعرنا وبدل ما نتحد ونتشطر عليه بنتشطر على نفسنا اسمحولى احنا شعوب هايفه قوى لما سيبين العراق والاقصى سايحيين فى دمهم وجايين احنا كمان نسيح دم بعض
وفوق ده كمان كرامة المصريين اليى اتضربوا فى ماتش كوره او بسبب ماتش كوره واجعاكم قوى وكرامة المصريين اليى اتجلدوا فى الكويت واليى بيتعذبوا وبيتهانوا فى السعوديه واليى بيغرقوا فى بحور ايطاليا واليى محدوفيين فى سجن ابو غريب واليى متبعزئيين فى دول اوربا بيموتوا من الغربه والبرد مش واجعاكم ولاا اثرت فيكوا
وحاجه كمان مسأرتوش ليه لكرامة المصريين اليى ماتوا فى العباره اليى اكلهم سمك القرش ولاا لكرامة المصريين اليى اتسمموا بأكياس الدم الفاسده ولاا لكرامة المصريين اليى بيوتهم بقت قبورهم فى الدويقه
والاهم والاهم والاهم واجيبلكوا من الاخر احنا ياما قطعنا فى بعض وفى الاخر لما بتحصل حاجه جامده هتلاقينا نجرى نضحى بروحنا عشان بعض وهذا ما اتمناه على الاقلل.. كفايه دول زى اوربا مفيش بينهم رابط الا اللون يتحدوا واحنا اليى بينا رابط الحضاره والاصل والدين والدم واللغه مش عارفين نتحد حتى على ماتش كوره
اتمنى اننا نفوق لنفسنا لان بسم الله ما شاء الله احنا مش ناقصيين تقطيع من اعدائنا عشان نقطع فى بعض وطبعا عارفيين مين اعدائنا ومش محتاجه ااقلكم
وبعدين بالحرب اليى انا شايفاها دى ما بينا تقدروا تقولولى لو اسرائيل ولاا امريكا مثلا راحت شنت حرب على الجزائر مثلا احنا كدا هنلم بعض هيله بيله ونروح نحارب مع اسرائيل ..وحياة ابنى ساعتها دم كل واحد فيكوا هيغلى وهيجرى يدافع عن الجزائر ويفتح بيته لاهله ولاا افكركم بايام حرب العراق والكويت استقبلنا اخواتنا العرب اليى برضه بيضربونا وبيهنونا ازاى فى بيوتنا
سيبكوا انتوا من كل ده والله المصرى ما فيه احن ولاا اطيب من قلبه ولاا اكرم منه ولاا يستحمل على اخوه العربى قرصة نموسه احنا بس بنقطع فى بعض غل كل واحد قرفان من عيشته ومن ضغوط حياته فلاقاها فرصه يفش غله
وطبعا طبعا الاخوه المصريين اليى بينادوا من زمان بأن مصر تنسلخ من كينونتها العربيه واننا فراعنه مش عرب طبعا فرحانيين ومزئططين باليى بيحصل وناسيين اننا برضه عرب متفرعنيين
وبعدين اليى بيقول قطع علاقات مع دوله عربيه والنبى مش مكسوف على دمه الاحمر اليى ما قطعنا العلاقات مع الدنمارك فى اهانة رسولنا الكريم وقلنا حرية رأيى ونددنا وشجبنا وهو مين رسولنا ولاا قطعناها مع اسرائيل فى البنت اليى رسمت رسومات مسيئه وقلنا بينا معاهده ولاا قطعناها مع امريكا وقلنا ست العالم والراس الكبيره
نيجى نحتد قوى ودمنا يغلى وعايزين نقطعها مع دوله عربيه ولاا دى اليى قدرنا عليها

عارفه ان برأيكم المحتد ده هتزعلوا منى فاليى عنده طوبه فيكوا اهلا وسهلا يحدفها فى وشى
والسلام عليكم يا امة محمد وعيسى وداؤد .. يا امة الاديان

هناك 129 تعليقًا:

شبــ اون لاين ـــاب يقول...

كلامك صح

و فعلا الواحد كان بيتكلم فى الموضوع و قلبه موجوع

لكن كلامك فعلا صح

ربنا يهدى الجميع ويرجع حقنا


----------------------
معكى واحد مخه لاسع شويه
ليس الجوكر من دعاكى للتحاور
لكن كلنا واحد

mahasen saber يقول...

شباب اون لاين.....

ميا مليون اهلا وسهلا بيك وبالجوكر وبكل الشباب الاون لاين

متتخيلش انا سعيده ازاى انى قدرت اوضحلك صورة شئ كان غايب عنك بحكم انفعال الموقف ليس الا

انا سعيده قوى قوى قوى انى قدرت اعمل حاجه كويسه

وسعيده اكتر بموضوعيتك وصدقك

بشكرك من قلبى يا شاب من اخواتى الاون لاين

عاشقة القمر يقول...

تصدقي كمان داه راي كمان قبل متش الكره كنت متغاظه جدا علي عدد هائله بفترج الكره عدد الامن بتاعتا 15 الف عسكريه قولت بدل متش عدد داه كان حرر فلسطين

عاشقة القمر يقول...

انا فرحت انو ثاني تعليق

أنت...وأنا يقول...

صحيح والله هيه لعبه كوره صار فيها استدعاء سفراء وبلاوي هيه بالاخير لعبه ... الصراحه انا بديت اكتاب من كل حاجه تلاقي بدايتها لعبه تقلب حرب،، سعاده تقلب نكد .. الله المستعان
صحيح محاسن انا سمعت باذاعه بسوريا بيتكلموا عن الراديو تبع المطلقات وقالوا اول اذاعه للمطلقات انشاتها محاسن صابر انا اتبصت كتير قلت والله وبقيتي مشهوره يا حسونه..
بالاخير انا اقترح يبطلوا لعب كوره لان لمه لعبو المره الي فاتت وعملوا نتايج ترفع الراس طلع لنا صاحب هيفاء وهبي الي اسمو اديب ونكد علينا الله ينكد عليه عموما في مشروع انا اقترحه انا كنت عايزه انفذوا علي نفسي وقلت بعد الخطوه هذي بس غلطت واجلته وانشالله راح اطبقه من اللحظه هذي وهو: اني ما اخطي اي خطوه للامام ولا اشارك في اي عمل ولا اعطي رايي في اي مشروع او موضوع لان كله يرد عليك بالهم والبلاوي والحزن.. فعشان كدا بقول لو يبطلو لعب كوره كمال ويريحو نفسهم لان احنا كل مالنا ونزيد علي نفسنا يكفي الي يجينا من الدنيا نجيب لانفسنا شي من ايدينا ليه؟؟
معلش متشائمه بس لو تفكري تلاقي كلامي حقيقه ...
يعني لو الاثنين صعدوا كان واحد فيهم جاب لنا الكاس؟؟؟؟

Manamino يقول...

بصي يامحاسن
انا طبعا معاكي وانت اكيد عارفة رأيي في اللي حصل قبل كدة
واني كنت اصلا مستهبل الناس اللي فرحانين فرحة مبالغ فيها يوم الماتش الاولاني
ولما المنتخب اتغلب في السودان اه زعلت شوية بس عادي وقلت للناس المتعصبين اللي كانوا معايا وقلتلهم انا شمتان فيكم والله
بس تعالي بقي نتكلم بجد في اللي حصل
لما يطلعوا مساجين بطيارات حربية ورحلات شاملة الاقامة ومصاريف شراء الاسلحة البيضا والسكاكين والمطاوي
لما يعملوا معسكرات حوالين الاستاد وعندهم هدف واحد انهم يدبحوا المصريين سواء كسبوا او خسروا
وكل شهود العيان ناس محترمين جدا انا لا اكذب واحد فيهم كلهم قالوا انها ميلشيات عسكرية منظمة بقيادة كتايب من القوات العسكرية المنظمة اللي كانت قائمة في معسكرات عسكرية فعلا
دول مش قلة يامحاسن
دول مش قلة
ده فكر منظم
جريمة منظمة
ده اعتداء رسمي علي شعب كامل
اعتداء علي بلد بسيادته
فاضل ايه علشان كانوا يقولوا انه حرب؟
لازم يستخدموا مسدسات ومدافع بدل السكاكين علشان يبقي حرب؟
معلش يامحاسن لما الستات يضطروا يقلعوا هدومهم ويمشوا عريانين في الشارع علشان مايعرفوش انهم مصريين
وتقوليلي قلة؟
لما شاب زي الورد في العشرينات يشيل علم الجزاير ويمشي معاهم يشجع فريقهم علشان يعرف يعدي منهم ومايعرفوش انه مصري وتقوليلي قلة؟
معلش
مش معني اني اتنازلت عن حقي في مكان ما يبقي انا مطالب اني اتنازل عنه في كل الاماكن
مش علشان اتخليت عن كرامتي في العبارة ولا في السعودية ولا في الكويت يبقي معني كدة اني مطالب اني اتخلي عنها هنا كمان

وبعدين انت لو لو بتقارني بين دي وغيرها فمافيش وجه للمقارنة
الباقي ده كله فرديات
حتي العبارة وعددها الضخم
فدي كان القرار فيها للقضاء
وكون القضاء قال كلمته اللي ماعجبتناش فده ذنبنا احنا لان القاضي ده واحد مننا
قطع العلاقات مش معناه اني باتخلي عن شعب الجزاير
بس فيه قيادة سياسية لبلد غلطت وهانت المصريين واهدرت كرامتهم ولازم يبقي فيه رد سياسي وشعبي وعلي كل المستويات
العرب علي دماغي من فوق بس لما يحترموني
العرب علي دماغي من فوق لما يحافظوا علي كرامتي
مش علشان انا الاخ الكبير هاسيب اخواتي الصغيرين يضربوني علي قفايا وانا ساكت
مش هاقتلهم لكن علي الاقل امنعه من اهانتي
ولو لزم الامر أأدبه علشان يحترم نفسه
معلش طولت عليكي
تحياتي

حاجات جوايا يقول...

محاسن حبيبتى
كلامك 100 100
وكنا بنقوله لنفسنا ولبعض قبل اللى حصل منهم فى السودان
دى دولة كاملة بقيادتها العسكرية بتعتدى علينا
اللى حصل ده مقصود مش عشان ماتش كورة لا
غلبنا هنموت .. اتغلبنا هنتضرب
طول عمرنا بنلعب .. وطول عمرهم بيلعبوا
بنغلب ونتغلب ويغلبوا ويتغلبوا
ايه الجديد
دى تسميها ايه ؟؟؟
انا متفقة مع كلام منامينو فى كل كلمة

بالنسبة لكلامك عن اسرائيل لو حاربتهم وموقفنا منهم .. فاكيد اكيد اكيد هنكون متعاطفين معاهم ولو اضطرينا نحارب معاهم مش هنتأخر .. حتى بعد اللى حصل .. لانهم مهما حصل اسمهم عرب ومسلمين ومسيحين وقبل كل ده لاننا احنا مصريين والمصرى طيب و شهم وعنده نخوة وكرامة وعزة ويحب لاخيه ما يحبه لنفسه ويكره لاخيه ما يكرهه لنفسه

بس تفتكرى لو اسرائيل حاربتنا احنا هما هيتحركوا ... والله ما يعملوها لان جواهم سواد كبير ناحيتنا وهيقفوا يضحكوا علينا ويشمتوا فينا ويقولولنا تستاهلوا عشان رفعتوا علمهم على ارضكم وعشان قفلتوا المعبر وعشان عملتم معاهم معاهدة سلام وعشان وعشان وما اكثر الاسباب اللى هيشمتوا بيها .. المهم كده كده هيشمتوا


يمكن الشيطان دخل بينا .. بس صعب نسامح كده لوحدنا بعد اللى حصل من غير ما يراضونا ويعتذرولنا اعتذار رسمى قدام العالم كله ويصلحوا ما افسدوه من الممتلكات المصرية وما آذوه من الكرامة المصرية

للاسف احنا عارفين ان اسرائيل فرحانة وشمتانة فينا وده مناها .. بس كرامتنا الجريحة صعب تسامح الا بعد رد الاعتبار
والحقيقة انى مش شايفة اى بوادر حسنة النية منهم

وما اعتقدش ان القلوب ممكن تصفى تانى


ربنا يصلح الحال
يارب

mohamed ghalia يقول...

أنا موافق على كل كلامك يامحاسن ومقتنع بيه من زيك بالظبط

حياة يقول...

بدون تعليق لانه مش عجبانى

تحياتى

mahasen saber يقول...

عاشقة القمر.....

يا سومه يا حبيبتى هو فيه مكان لفلسطين فى دماغنا اصلا
للاسف الكوره استعمرت ما فينا من مخ ويا ريت بأيجابيه


...انتى تنورى يا سومه تانى تعليق اول تعليق صفحة المدونه بيتك ومطرحك

mahasen saber يقول...

انت وانا......


مهو للاسف مفهومنا يا عرب للرياضه وللروح الرياضيه دايما مختلف وده بيبنبثق من كونا شعوب فوق العاده
وبنتفنن فى اننا نلفت نظر العالم لينا ونفرجه علينا

نورتينى يا حبيبتى واخيرا اتطمنت عليكى

اما الراديو انتظريه بعد العيد فى شكل جديد ورائع كما اتمنى انا وكل اليى معايا

mahasen saber يقول...

manamino......

اغنيلك اغنية يا اهلا بالمعارك يا بخت مين يشارك ههههههههه وانتا عارف ليه طبعا

وهقلك زى ما قلنا قبل كدا وانا عارفه رأيك وانتى متأكد من رأيى

ولكن يا منامينو دول مش الجزائر كلهم زى ما المصريين اليى اتخانقوا معاهم وهما هنا مش المصريين كلهم وبعدين احنا اليى سمحنا للاعلام يشعلها فتنه وسيبناها تشتعل وتشعلل كدا

وكمان بعدين بئا والاهم والاخطر صحيفة الشروق الجزائريه دى قالوا فى قناة دريم انها النسخه العربيه من صحيفة معارييف فى الجزائر واليى صرح بكدا قال ما يدل ويؤكد على ذللك

وبعدين معرفناش ناخد حقنا من الغرب جايين ناخده من نفسنا

ايه يا منامينو ايه ده احنا امه اتجننت رسمى

mahasen saber يقول...

حاجات جوايا.....

سالى الحبيبه والغاليه بذمتك مش شامه ريحة اليى متتسماش فيها
طب بذمتك مش حاسه ان التخطيط اليى قلتى عليه ده وراه ايد هدفها نبعزئنا وتقعد علينا تتفرج وتستنا اللحظه الحاسمه وتنقض علينا واحد واحد
اشمعنا نظرية المؤامره مش واخديين بيها المره دى


طب عارفه وحياة اليى خلقنا من اصل واحد وجعلنا وحده بلسان واحد السحابه دى هتفضل تغمئق تغمئق زى السحابه السودا بتاعة القش وهتروح فى ثوانى علطول

عيب علينا كدا قوى ده اليى بينا اكتر واكبر من المهاترات دى بكتير

mahasen saber يقول...

mohamed ghalia.......

محمد الغالى وانا فرحانه لما بلاقى حد موافق ومقتنع مش لانه كلامى لا لانى بحس وبتأكد ان روح اخوتنا ووحدتنا العربيه لسه موجود

نورتنى يا غاليه ويا رب تكون بأفضل حال يا اخويا الغالى

mahasen saber يقول...

حياة.....

يا مليون الف اهلا وسهلا بأيهاب ورأيه المعارض

عارفه انه مش عاجبك واتمنى ان نظرتك للامور تاخد منحنى اكثر هدوئا وتوسع وعقلانيه

يعنى خد نفس عميق وفكر فى الكلام اليى انا بقوله كدا واستحضر نظرية المؤامره وصورة العدو الغاشم فى نافوخك وهتعرف ليه بقلك اكثر هدوئا وعقلانيه


نورتنى يا ايهاب كعادتك دايما

ABOALI يقول...

جميل الكلام وله معنى رائع وكمان ناضج
كل شيىء فى الدنيا له سلبياته و ايضا له ايجابياته

ولما تحصل مصيبة
فى ناس متخصصة بتقعد وتحلل علشان تشوف اسبابها وكمان لو في ايجابيات فيها ولا لاء

اهم الايجابيات اللى حصلت

هى معرفة انى في حاجة اسمها كرامة ودى مهمة لاى كيان
الكرامة دى لازم تنتشر فى كافة نواحى الحياه مش ناحية واحدة
تانى حاجة اتعرفت من الايجابيات
اننا فى يوم واحد وبحاجة واحدة نقدر نتحد ونتعاون ويكون صوتنا عالى

ثالت حاجة
انى كشفنا نعرات كاذبة وسعرات حرارية تغذى بها شعب وكتمها فى نفسه وفى لحظات عبر عنها وانفجر وكان نار لا تبقى ولا تذر

تحرير القدس
تحرير العراق
تحرير فلسطين
وكل قوائم التحرير

دى كلنا متحدين عليه
بس لما يترك الحرية للكلام فيها مثلما ترك الحديث وابداء الاراء فى الكورة
هاتشوفى ناس تانية برضوا قلوبها واحدة

اللى احنا محتاجينة بس هو ردود فعل متوازنة
نحافظ بيها على ماتبقى من الكرامة
ولا نكون مثل الارانب مسالمين طيبين
فاءذا كنا نحن الكبير كما يقولون فالكبير له هيبة


اشكرك على بوستك النابض

Sherif يقول...

لك حق ياسيدتى

لكننا للأسف فى الزمن الردئ .. حيث تاهت كل المعانى والقيم ..

أيام جمال عبد الناصر ساعدنا الجزائر ضد فرنسا بما كنا نملك وباللى حيلتنا وقتها .. وانصهرنا حتى أن أجمل فيلم قامت به ماجدة هو جميلة .. وقد نال جوائز عالمية عديدة وقتها ..

كما اننى شخصيا لاأنسى ان فصيلة فنية جزائرية كانت معى فى حرب أكتوير 73 .. غير طائرات وغيرها .. هذا وقت بومدين

كان هذا أيام الزعماء الشرفاء الذين يصنعون تاريخا ليبقى .. ويعرفون معنى العروبة الحقيقية .. الآن ليس هناك أى شئ غير ناس على جميع المستويات تفرغوا لمعايرة بعض .. والتراشق والتطاحن الى حد التدمير ..

دعينا من مباراة لكرة قدم كانت اى نتيجة فيها ولا تزال ان يدخل فريق عربى كاس العالم كديكور لينهزم ويخرج مبكرا .. لكنها كانت كالقشة التى قسمت ظهر البعير ..

واى من هؤلاء ليس من ورائه لافكر ولا عمق ولا احساس بمسئولية ولا بما يقول ..

وكما تقولين الكرامة لاتتجزأ .. اين هم من العبارة والدويقة والذين يجلدون فى الخارج ؟ وصدقينى نحن أعجز من فعل أى شئ .. وحتى الآن .. فكيف نطلب الكرامة من آخرين اذا كنا فقدنا العزة فى بلادنا؟

ليحفظ الله مصرنا .. وجزائرنا أيضا .. وليعد الينا من هم على شاكلة ونبل وشجاعة عبد الناصر وبن بيلا وجميلة وبومدين ..

لنا الله

reem يقول...

محاسن حبيبة قلبي

وحشانى جدا ياقمر وواحشنى بيرو العسول

وياريت يا محاسن اشوفك قريب زى ما قلتى في القاهرة بجد بتمنى اشوفك اوى اوى


بالنسبة للبوست كلامك صح ومقنع جدا بس بصراحة قبل الواقعة اللى حصلت في السودان

هما يا محاسن اللى ابتدو تقدرى تقوليلى ليه مش في ولا حد منهم طلع قال كلمة زى اللى قلتيها دى ولو حتى من باب التهدئة

احنا لازم ناخد حق المصريين مش بس من الجزائر لا من كل من اهان مصريا او تسبب في ايذائه

لازم بئا يكون لنا كرامة وثمن ادام كل البلاد والا هانفضل كدا ناخد على راسنا ونوى ونقول كمان

معلش انا بجد متنرفزة من اللى حصل

يا محاسن خطيب اختى كان هناك راجع نفسيته تعبانة من اللى شافه
ومن المعامله اللى اتعاملوها

انا عارفه ان نيتك خير وكلامك مظبوط بس مش مع دول

لان للاسف اعتبرو الاحترام والادب ضعف

Appy يقول...

مع احترامى لسعادتك والكلام الجميل ده بس الموضوع اكبر لما يدخل رئيس دوله فى تحريك ناس وجيش وصيع ناحيه دوله تانيه يبقى الموضوع اكبر من الكورة

جارة القمر يقول...

فعلا حسب الله ونعم الوكيل باللي كان السبب بالمهزلة دي


وكاننا أصبحنا لغمة سائغة في أفواه الجميع

جارة القمر يقول...

فعلا حسب الله ونعم الوكيل باللي كان السبب بالمهزلة دي


وكاننا أصبحنا لغمة سائغة في أفواه الجميع

Sweet Violet يقول...

طب انا مش هجيب طوب و احدف بيه
هو انا اى نعم مش متفقه معاك لكن بردو فى الاول و افى لاخر حماتى
ماقدرش اتكلم معاها
^_^

بس ياسنسونتى الكلام ده كان ممكن نقول ماشى عليه لو اللى حصل فى السودان ماكنش تم
يعنى ايه دولة انتى بتقولى انها شقيقة تبعت ناس بلطجية بطائرات حربية علشان يشجعوا بلدهم
و نمشيها يشجعوا فى الاول
بصى من الماتش الاول و انا فى خناق انا و منامينو على نفس معنى كلامك
و كان اعتقادى ان اصلا ماينفعش حد يختزل دولة ليها اسمها علشان ماتش كورة و ماينفعش نكست للكلام ده
و اهو مش مشكله الرد يكون بنفس التفكير و اللى بيه اننا نكسب الماتش و خلاص
و بسبب اللى حصل فى الجزائر بعدها
الكل كان بيدعى ان المنتخب يخسر فى السودان علشان اهلنا فى الجزائر و السودان يرجعوا بسلام
تخيلى بقى لما تكون ارواح نااااااااااااااااااس واقفه على نتيجة ماتش
و قولنا ماشى مش مشكلة دول قله و احنا الاخت الاكبر و الكلام الجميل اللى احنا اتربينا عليه للأسف

لكن حتى مع الخسارة يحصل كده ده يبقى مش علشان ماتش
يبقى هنا معلش نركن على جنب القومية العربية و الاخت الاكبر و الكلام اللى بجد مابسمعهوش الا عندنا
و نشوف بقى فى ايه .. اولا و بعتراف الجزائرين ان اللى رايح الماتش مش صفوة المجتمع
و اللى رايح ناس لا ليها شغله و لا مشغله و ناس ليها فى الاجرام و همج
"و على فكرة ده كلامهم لان زى ماانا قولت عندى انا بحترم الشعب ده فعلا لانه فعلا مابيضحكش على نفسه بكلام مالهوش اساس "
الناس دى راحت السودان بطائرات حربية ياترى راحوا ازاى ؟؟؟
سرقوا مثلا الطائرات و ضربوا التأشيرة و التذكرة للسودان و فلوس شراء الاسلحة البيضة ؟؟
نهيك بقى عن الاقامة الشاملة اصلا كام يوم فى السودان .. كل ده و هنقول قله
ده على اساس ان قيادتهم السياسية قله ؟؟

و كمان انت بتقولى احنا ليه ماتحركناش فى الاهانات التانية
مين قال كده ؟؟ هاتى اى حادث من اللى انتى ذكرتيه ماحدش اتحرك فيه
هو اى نعم مش الشعب كله و ده لان شعب بلدك مش كلهم بيكون مهتم بالسياسة
مش كلهم بيتابع الاخبار و بيعرف ايه حصل مش هقول بره بلده لا ده بره منطقته
اما الكورة فكل الشعب البسيط بيتابع علشان كده هتلاقى ان كل الفئات بتقول عايزين الكرامة
غير كده مدام ماحدش بيتحرك فى الاهانات امال المدونات و الجرائد اللى ليل نهار بتسب و تلعن فى الحكومة كان ليه ؟؟

يامحاسن بالله عليك ياشيخه اول بلد بتقف مع اى شعب عربى مين ؟؟
و بعد كده ايه بيحصل بتتهان و يتقال انها مش عملت حاجة اصلا
ايام غزة الشعب المصرى فى منه اتسحل علشان واقف مع اهل غزة ..
دلوقتى بيقولوا اننا متحركناش ولا عملنا حاجة لكن اتحركنا فى اهانة بلدنا احنا و بس
ياريت يكون المعنى وصل .. علشان بتقولى العراق و الاقصى دمهم سايل و احنا هايفين علشان بنقول كرامتنا

و كمان مدام احنا بنقول اننا شعب واحد ليه بقى معترضين على اسرائيل انها تكون معانا
هو مش بردو احنا ولاد عم ؟؟؟؟؟؟؟؟؟؟ يبقى ليه كمية العداء اللى احنا فيه ده
و ليه رافضين السلام معاهم و بنشتم حكومتنا و بنقول عليها عميلة علشان عملت السلام مع اسرائيل؟؟

بالله عليك ابقى جاوبينى على الاسئلة يامحاسن
بس بعيد عن كلمة كل ده علشان ماتش
لانه مش كده فعلا

هانى زينهم يقول...

الظاهر يا محاسن الاضواء والفضائيات غيرتك وبقيتى تتكلمى زى الديبلوماسيين ومقدمى البرامج اللى بقيتى معاشراهم .

romansy يقول...

الموضوع يا ام بيرو
مش موضوع ماتش كوره
ممكن تكون دى بدايه اننا نتجمع ايد واحده ونعمل المستحيل علشان نخللى بلدنا احسن بلد بس قطع العلاقات مش المقصود منه انننا نتخلى عن اخواتنا بس غصب عننا الجرح صعب قوى

magi يقول...

انا اساسا زهقت من الكوره وسنين الكوره والى بتعمله فى الناس
وانا معاكى فى كتير من الى قولتيه مش هناخد شعب بحاله بسبب تصرف اهوج من حكومته وبعض البلطجيه وفى مصريين عايزين الدبح لما بيردوا على الى حصل بيردوا بقله ادب متناهيه وبشتيمه لا يمكن لدرجه انهم بيعارو الجزايرين بالاحتلال يعنى خيبه ما بعدها خيبه
لكن رغم كل ده الرد الرسمى من الحكومه المصريه مطلوب وكويس انهم بدؤا يبصوا لكرامه المصريين فى الخارج
مهو مينفعش نسكت ومصريين زينا بيتجرى وراهم بالسكاكين بس لانهم مصريين

ابو على يقول...

الموضوع مش موضوع عرب وجاميكا الموضوع ان فيه استخفاف بعقولنا باللى حصل
وعلى فكره الموضوع اكبر من ماتش كوره الثوره الى حصاله دى لو تقدرى تحصريها هاتحصريها ف عقول مفكرينا اللى بنسمعهم كل يوم ع الفضائيات فيه اللى مهتم وفيه اللى بينكر وفيه اللى بيقول حقائق وفيه اللى بيزيف لكن الكل اجمع ان الجنسيه المصريه متهانه ف كل حته ع الارض ولما نقول مصرى هانقول مسلم ومسيحى ويهودى
لكن الحقيقه ان المسلم متهان ف كل مكان متهان ف ارضه ومتهان ف غربته
لكن لما وصلت ان صفوه المصريين يتهانو السياسى والممثل والاعلامى بيجرو زيهم زى الفقير او الغلبان الكل غضب وازاى وليه واحنا لازم ناخد بتارنا لكن محدش بيشوف للمصريين اللى بيتعزبو ف ليبيا ولا المصريين اللى بيسافرو عشان لقمه العيش وبيرجعو ف توابيت من ايطاليا وجنوب افريقيا
ف الاخر وف الاول احنا متهانين ف كل حته هنا ف ارضنا وبره ارضنا المسلم متهان من أأمه المسلمين ومشايخها الى هما شيوخ الحكومه واكيد بره متهان
يعنى ريحو دماغكو هيا بايظه بايظه

المعيوف يقول...
أزال المؤلف هذا التعليق.
المعيوف يقول...

يا امة ضحك من جهلها الامم

هذه الضوضائيه والغوغائية ... التي اثبتت اننا نحن العرب ظاهرة صوتيه .. فقاعة صابونيه لا تلبث ان تختفي مع اول نسمه ..

سيدتي تعجبني طريقتك العفويه بالتعبير وكانك جالسه مع صحابك وتحكي من حرقه .. تعجبني حميتك لابناء بلدك باسلوب بعيد عن المبالغة ووو ..

لي عودة اوضح لك فيها كل ما تتحديثين عنه في سطرين

دمتي كويسه ويا اختنا العربيه اكتبي بالفصحى .. اصلي غلبت وانا بقرا كلامك بالهجة المصرية ههههههه

دمتي كما يحب الله

مسلم عربي

ريمان يقول...

والله يت محاسن معاكى حق

انا عمرى ما كنت بتابع الكوره


بس بجد لفت نظرى اوى الهمجيه اللى حصلت الايام اللى فاتت دى

مكنش ماتش
كان حرب


مش عارفه والله اقول ايه بس

ريمان يقول...

المهم انتى وحشانى

وبيرو عامل ايه
؟


يا رب يكون بالف خير


ربنا يباركلك فيه يا رب



وكل سنه وانتى طيبه يا قمر

ريمان يقول...

خلى بالك من نفسك يا قمر


ومن بيرو


ربنا يسمعنى عنكم كل خير


امين يا رب

ويكون عيد سعيد عليكم


امواااااااااااااه

مي يقول...

اولا وحشتينىىىىىىىىىىىىىى خالص مالص واتاخرتى ليييييه بقى
المهم اننا اتطمنا عليكى والاهم بيرو عامل ايه ربنا يخليهولك وتفرحى بيه
احنا طبعا معاكى ياست الكل بس متتاخريش تانى مااااشى
تحياتى لابداعك

عاشقه الرومانسيه يقول...

تصدقى صح
والله كلامك صح يامحاسن
انتى ياست انتى تغيبى تغيبى
وترجعى ببوستات
ضرب نار يابنتى
(:
يسلم نوفوخك

بس احنا بنحب بلدنا بزياده شويه وعلشان كده انفعلنا قوى
ربنا يصلح الاحوال ويعدى السحابه دى على خير

كيــــــــــــارا يقول...

بصي ياسنسنتي لاول مره مش هقول انا متفقه معاكي

وعلشان كده هيبقي ردي

نو كومنت

والظاهر انى هنزل بوست عن رايي في الموضوع ودا انا مش مرحبه بيه

لا تـــشـــتــــاق يقول...

طبعا انسان متخلف الى ميتفقش معاكى في كلامك
كلامك منطقي وعقلانى جدا
وربنا يهدى الجميع وعساها رساله توصل للكل
ان شاء الله

كيــــــــــــارا يقول...

لا تشتاق

اظن ان من العيب اننا نتهم حد بالتخلف لو مخالفين وجهه نظره لكن القاء التهم والكلام سهل اوي

وانا بقي من المتخلفين اللي مش متفقين علي الكلام وشكرا

آيوشة يقول...

عين العقل ياام بيرو هنقول ربنا يهدى النفوس بس برضو لازم نتعلم حاجة من الموقف ده اننا نحافظ على كرامتنا بقى من الاول مش هى ضايعة من سنين ونيجى دلوقتى نقول كرامتنا ضاعت
ومعنى كلامك يثبت فعلا اننا شعب طيب ومش بنعرف نكره ولا نغل

عاشــــــ النقاب ـقــــة"نونو" يقول...

معاكي مية في المية طبعا
كل عام وانتم بخير يا احلى محاسن

همس الاحباب يقول...

بالعكس
تسلم ايديكى
حقا ما قولتى والحق تقولين

جزاكى الله خيرا
وكل سنة وانتى طيبة
وعيد سعيد عليكى باذن الله
تحياتى

إبن مصر يقول...

وعليكم السلام ياام عبدالرحمن

بصى يا ام عبدالرحمن
انا معاكى فى كل كلمه انتى بتقوليها وكتبتيها وقصدتيها ومن غير طوب ولا حاجه

انا هقولك على حاجه هو معنى اننا وقفنا موقف سلبى قبل كده ومش اخدنا حقنا ولا حق دينا فى الإساآت دى كلها يبقى نظل دايما على غلط
طيب لما نتحد ونحاول نبين للعالم كله اننا مش بننضرب على قفانا ونسكت ولو لمره مش المفروض ان ده شئ يسعدنا
احنا قصرنا مع غزه كحكومه وليس شعب عارف
قصرنا مع عدم مقاطعتنا للدانمارك كحكومه انا عارف
قصرنا وقصرنا وقصرنا
لكن معنى كده اننا نفضل مقصرين فى حق نفسان وفى حق عروبتنا لمجرد اننا عرم ودمنا احمر كلنا
ماااااااااااشى معاكى يا ستى نتنازل وكل مره ومش مهم اللى انضربوا لكن كمان لدرجة ان حكومة الشعب تساعد الشعب على ده اهو ده اللى صعب علينا
لدرجة ان حكومه دوله تخرج بلطجيتها لشعب رايح بشياكه يشجع فريقه اهو ده اللى صعب
لدرجة ان حكومه دوله تخرج طيارتها الحربيه لمقابله كرويه والغرض منها الفتك واخذ الثأر من شعب لم يفعل شئ

اختى محاسن لو هذه الحكومه لم تعتذر فهى لا تستحق التعامل ولا تستحق منا اى تعاطف الا فى حالة الحرب مع العدو الدائم الى يوم الدين العدو الصهيونى الذي وصفونا بوصفه كشعب صهيونى وليس مصرى عربى
نعم بطبيعة الحال لو ذهبت اسرائيل للمساس بالأرض الجزائريه سنقف كعادتنا بجوار الأرض العربيه
المثل المثرى بيقول ( انا واخويا على ابن عمى وانا وابن عمى مش طيقين بعض خالص
هههههههههه
معلش القافيه حكمت
ولكى منى كل التقدير والإحترام على رأيك واسف لو كان فيه طوبه خرجت منى :)

اخوكى ناجح

كيكى عوووووو يقول...

انتى بس كلامك جه على الجرح عشان كدة فى ناس مختلفه معاكى

مخنوق كيك يقول...

اولا احييكي علي دماغك الجامده
انتي تلاقيكي بس شاربه نسكافيه ومتفرجة علي قناه الحياه .
او الاخ العزيز بيرو كسر الفازا اللي في المطبخ عشان كده دخلتي متعصبة علي شعب مصر

ثانيا وهي المفاجاة اني متفق معاكي تماما وحتي كنت ناوي اعمل جروب علي الفيسبوك دفاعا عن الجزائريين
هههههههههههه تخيلي

واحد مصري لقيط قالها قبلي " دي هوجه وهتنتهي لما اللحمة تخلص وكل عيد وانت طيب "

اخر موضوع في المدونة بتاعتي عن كرامة الشعب المصري . اوعي تيجي تشوفيه
انا بقول اهو

ومن غير سلام كمان

تامر علي يقول...

القصة مش قصة عرب خالص
"لافضل لعربي على أعجمي إلا بالتقوى"
والعرب ليسوا هم المعنيين بأي قضية تمس الأمة دون غيرهم العامل المشترك الحقيقي ليس العروبة فالعروبة هي عامل مشترك وهمي تم زرعة اثناء فترة عبدالناصر ليكون بديلاً عن الاسلام بعد سقوط الخلافة وما تلاها من فترات تحول تاريخي كما تم رزع القومية في تركيا واوروبا الشرقية وتقسيم تركة المسلمين على باقي الدول القوية آنذاك

لكن للأسف كلنا أكلنا الطعم واتربينا عليه واصبح كل صراعنا حول العروبة فطاشت كل سهامنا لأنها موجهة نحو هدف وهمي :)
القضية قضية تفاهة مشتركة وعنتريات لاتظهر الا بيننا فقط وصدق من قال اننا تحولنا لظاهرة صوتية :)

TWEETY يقول...

ازيك ياطنط
انا صراحة مفهمتش حاجة
بس جاية اقولك كل سنة وانت طيبة
وكمان انا اخت شهادة تقدير من المدرسة

أليس في بلاد العجائب يقول...

السلام عليكم ورحمة الله وبركاته

ازيك يا ام عبد الرحمن :)

ان شاء الله تكوني بخير

كل عام وانتم جميعا بخير و في احسن حال

وعيد سعيد علي المسلمين جميعا مجموعين تحت راية لا اله الا الله سيدنا محمد رسول الله طالبين الجنة ونعيمها و سايبين الدنيا لاهل الدنيا
ربنا آتنا في الدنيا حسنة وفي الاخرة حسنة وقنا عذاب النار

الله يهدي من يفتن الناس

أ / أحمد عبد المنعم يقول...

كل عام وأنت بخير
وإلى الله أقرب

Tamer Nabil يقول...

بجد عندك حق

سبنا كل حاجة مهمة

ومسكنا فى الكورة

ياريت كلنا بنقف كدة فى كل الازمات اللى بنمر بيها ماكانش دة بقى حالنا

كل سنة وانتى طيبة

عيد سعيد

مع خالص تحياتى

romansy يقول...

كل عام والمسلمين فى مصر والعالم الاسلامى بكل خير ومحبة وسلام لكل الانام

عيد اضحى سعيد

اعاده الله على الجميع بالامن والاستقرار

والسرور والتسامح

قيس بن الملووووح يقول...

كل عام وانتم الي الله اقرب
وعلي طاعته ادومِِ

نـــــــــــــور يقول...

كل سنة وانتى طيبه ياام بيرو انتى وبيرو وكل اللى بتحبيهم
وعيدك سعيد ياجميله:)

أكون أو لا أكون يقول...

كل سنه وانتي بـألف خير يا حسونتي ياقلبي.... تلفونك مش شغال فيه ايه ياسنسن هو خلاص غيرتيه وله فيه ايه...؟

مستنيه رد منك ضروووووري

KHALED يقول...

عيد مبارك
كل سنة و انتي طيبة و عيد سعيد

كيكى عوووووو يقول...

(`'·.¸ (`'·.¸*¤* ¸.·'´) ¸.·'´)
♥*** happy feast ***♥
(¸.·'´ (¸.·'´*¤* `'·.¸) `'·.¸)
*************************

The illusionist يقول...

كل سنه وانتى طيبه ياستى

كل سنه وانتى بخير
اول تعديه بتهنئه
سلالالالالالالالامو عليكم

Tamer Nabil يقول...

كل سنة وانتى طيبة


عيد سعيد عليكى وعلى اسرتك الكريمة


مع خالص تحياتى

ابو على يقول...

كل سنه وانتى طيبه

ঔღঔ نـــوارة ঔღঔ يقول...

كل سنة وانتي طيبة ياقمر

عيد سعيد عليكي وعلى احبابك

ربنا يجعل ايامك كلها اعياد

الحــ ــزين يقول...

الحــ ــزين
كل سنة وانتى طيبة ياقمر
وبجد متشكر جدا على السؤال
دومتى بكل خير ..نفسى أعرفك أكتر ممكن معلش اذا كنت متطفل بس انا متأكد ان انتى حد جميل جدا

micheal يقول...

أولا..كل سنة وأنتي طيبة وعيد سعيد
ثانيا..أهلا بعودتك للكتابة..أنا كنت فقدت الأمل خلاص
:)
ثالثا: اللي حصل في الماتش ده كله شغل سياسة من النظامين لإلهاء الشعبين بواسطة إعلام موجه يقوده حفنة من المرتزقة
تحياتي

ahmed_k يقول...

بالعكس كلامك صح مليون في الميه
بس مين يفهم
وأنا لي موضوع حول هذا الأمر لكوني كنت غارق فيه منذ شهرين
الله المعين

بعبعه يقول...

ازيك يا محاسن فينك

عندي استطلاع راي يا ريت تيجى تشرفينى ونتجاوبيه

بنوتة مصرية يقول...

اية ياسنسن دة
لالالالالالالالالالا
انتى بتاخدى افكارى مش معقول دة نفس البوست اللى كتباة فى الاخر ونزلتة فى مجلة رؤية
مش بقولك فينا من بعض كتير
رايي
ان الموضوع واخد اكبر من حجمة عارفة الحجم الكومبو اوى
هو دة اللى حصل
انا مش عارفة اية الكلام اللى عال يتقال من عندنا والاهانات اللى اشتغلت
بمجرد ان علاء مبارك طلع وقال راية
كل الشعب بدا يشتم بزيادة
طب كنا فين لما المصريين بيتهانوا فى كل بلد بيشتغلوا فيها
ولا فين لما الظباط والعساكر ماتوا على الحدود وهما بيشتغلوا ومخدناش حقهم
وفين لمايسافر المصرى يشتغل برة ويعاملوة اسوا معاملة ويسحبة منة جواز السفر
كل دة مش اهانة للمصريين

واحد من العمال يقول...

حاجه تكسف والله
حته ماتش فضحنا كعرب فى العالم كله
نيجى فى الهايفه ونتصدر
وبعدين كرامه ايه اللى محموقين عليها
من أمتى يعنى
مش لما يكون لنا كرامه وقيمه فى بلدنا الأول نبقى ندور على كرامه المصرى فى الخارج . وكان فين علم مصر قبل كده كان كالح وأكلته الشمس ولاحد فكر يغيره
والمشكله الأساسيه ان اعلامنا واعلامهم متروك على الغارب فى أيدى المراهقين فكرياً واللى فاكرين ان الوطنيه هى سب واحتقار الأخر
والأخر ده مين عربى مسلم
كل أجهزه الدولتين شاركوا فى هذه الخيبه اللى بالويبه وشعللوها ارضاءً للمتعصبين الفارغين من جوه
أنا كنت فاكر أن مصر لوحدها اللى عيانه طلع العرب كلهم عيانين
وربنا يشفى
ودمتِ بخير

عالم حبيب يقول...

السلام عليكم ورحمة الله وبركاته

اولاً كل عام وحضرتك بخير

سبحان الله فعلا وصلنا " كأمة " ليس كمصريين أو جزائريين فقط .. وصلنا إلى درجة تحت أوي أوي في التفكير .. وسطحية في تدبر الأمور .. وده أقل ما يمكن أن يحدث بين المسلمين طالما المتحدثين الرسميين ومن يتولون الإعلام على شاكلة الموجودين حالياً .. كتبت رأيي في نفس الموضوع أتمنى أن تقرأيه إن شاء الله

بس ملاحظة بسيطة بسيطة بسيطة :::: ربنا يارب يخلي ابن حضرتك بس ما ينفعش نقول وحياة ابني .. بس نحلف بالله .. معلش تقبليها مني نصيحة

جزاكِ الله كل خير

blue-wave يقول...

يا اختى الكبيرة العزيزة
بغض النظر عن اى كلام عن تحريض وتقليب وكلام فارغ
هما غلطوا ولا لأ؟؟؟
يبقوا يستاهلوا يتربوا ولا لأ؟؟؟

momken يقول...

شوفى ياستى

ازيك الاول
ومتشكر جداً على سؤالك عنى الفتره الى كنت مسافر فيها

ولو انه واجب عليكى,,,,بس طيبه قلبى بتخليى اشكرك


انا شايف ان الفن والرياضه والادب والفلسفه
ادوات لزياده التواصل والترابط بين الشعوب
فان لم تقوم بهذا الدور فلا داعى لوجودها اصلا
اما ان قامت بدور عكسى _ بمعنى انها قطعت الروابط والصلات بين الشعوب فلاغائها من الحياه واجب وضرورى_

قال تعالى
(وجعلناكم شعوبا وقبائل لتعارفوا)
وقال تعالى
(وان فئتان من المؤمنين اقتتلوا فاصلحوا بينهم)

كل ده كويس وتمام

ولكن مع ذكر الفراعنه والتفرعن
يبقى لما حد يغلط نسمحوا ويغلط تانى ونسمحوا
ويغلط تالت يبقى لازم ناخد معاه موقف علشان يعرف اننا بنسامح من موقع قوة وحلم مش ضعف وقله حيله

يبقى العلم بتبهدل ويتقطه وتدوس عليه السيارات ..ده اسمه عيب
انا عمرى ما شوفت عدو بيعمل كده فى علم عدوة يدوس عليه بكوتش العربيه

انتى شوفتيها من اى حد
لما اهلينا هناك فى الجزائر يتبهدلوا ويتهانوا ويتروعوا يبقى عيب

شوفى انا معاكى اننا نبقى كويسين لكن حافظين كرامه بعض

انا مفتكرش عمرى جيبت سيره الجزائر بالخير او بالشر خالص الا فى دروس الجغرافيا

يعنى مش شيلين منها اى حاجه فى قلوبنا
لكنى فؤجئت انهم شيلين مننا اوى

على العموم ياستى سماح
العفو من شيم الكرام
وعفا الله عما سلف


تحياتى

ذو الوجه المبتسم يقول...

السلام عليكم
اولا كل سنة وانتى طيب
ثانيا ربنا يتقبل دعواتى اللى دعتها لك فى الحج

ثالثا بخصوص موضوع البوست
وبدون تفاصيل كتير
مصر مكروهة من الغير
ليه ؟؟؟؟؟؟ اكيد فيه اسباب كتير لا داعى لذكرها
الجزائر او غيرها من العرب شايفيين المصريين بصورة غير اللى احنا شايفيين نفسنا بها

تحياتى

حلم بيعافر يقول...

لاء ازاى يعنى؟
طب والبهايم اللى ماليين الفضائيات تبقى شغلانتهم ايه؟!!

لجين أبو الدهب يقول...

هو فعلا احنا امة فرحت فينا الامم التانية

كله كده التطمن ونام ان مهما حصل لسه اودمنا كتتتتتتير اوى عقبال ما نحس بعروبةووحدة والكلام ده

برافو علينا اننا طمنهم حقيقى

فعلا بقيت حاجة تسد النفس

البلياتشو يقول...

كرامة مصر منحصرة في كرامة الإله المبارك وجماله وعلائه ..

ســـــــهــــــــــر يقول...

ينفع اقولك برافو بجد
و النعمه صح

Guevara يقول...

الاخت العزيزة : محاسن صابر

أولاً انا معجب بتوحهك الايجابي في الحياةYour positive approach بس عندي سؤالين لكي
1- لية الايجابية دي مظهرتش في حياتك الزوجية،دة كان ممكن تفرق كتير

2- الدراسات الاجتماعية بتقول إن المطلق شخص أناني ومعظم الدراسات الاجنبية أكرر الاجنبية بتقول إن عماد البيت بيرتكز على الزوجة . واضح إن عندك مشكلة نفسية انتي مش عاوزة تعترفي بيها وده أكبر مصيبة
Regards

mahasen saber يقول...

aboali....

ردودو فعل متوازنه
ردود فعل متوازنه

الله ينور عليك يا ابو على دايما قى الصميم ارائك

mahasen saber يقول...

sherif....

استاذ شريف استاذى الغالى مجرد دخول حضرتك لمدونتى شرف بيسعدنى انى بحظى بيه

واتفاق حضرتك مع ما اطرح بيزدنى من الشرف والفخر اكثر مما استحق واحتمل

بحيى حضرتك جدا جدا على رأيك العميق الملئ بعبق وحرارة اصالة عروبة الماضى

mahasen saber يقول...

reem....

ريم يا حببتى يا غاليه انتى الليى وحشانى فوق ما انا وحشتك
وعارفه ليه لانى حابه الحب فى الله ده والصداقه الليى من غير ما نشوف بعض دى
والله وحشانى يا ريمو فوق ما تتتخيلى وبرغم اختلاف الاراء الا اننا لن نختلف طبعا
وفتره وهتدى وهتعدى الامور وهتشوفى

mahasen saber يقول...

appy....

ومع احترامى لسعادتك ورأيك يا ابى ده الا اننا ليه فى دى ممسكناش فى خناق نظرية المؤامره
ولاا بنمشى فى موجة الغضب وخلاص

بس اختلاف برئ برضه فى وجهات النظر يا جميله

mahasen saber يقول...

جارة القمر....

فعلا يا جاره يا حبيبتى بقينا امه عربيه ولقمه سائغه للجميع

بحييكى على تعبيرك ووصفك فى الصميم

mahasen saber يقول...

sweet violt.....

بعد كل ده ولسه بتقولى حماتى واد يا بيرو هات المأذون يا ولد

برغم كل قائمة الاعتراضات دى والاختلافات اختلفى براحتك يا ضدتى

فلن يحدث خلاف انما الاختلاف فى الراى واجب وشر لابد منه

بيرو رجع المأذون بئا

mahasen saber يقول...

هانى زينهم.....

الله يسامحك ههههههههههههه

هانى عارف ان دايما كلامك ورأيك على قلبى زى العسل بالرغم من اختلافى معاك فى بعض الاراء لا فى كتير منها
انما حما الغالى بئا

mahasen saber يقول...

romancey.....

كدا يا احمد حتى انتا يا شاعر يا جميل هتقلى جرح هيا مش من صفات الرومانسيه برضه التسامح

ومش دول اخواتنا برضه ومش ده وطنا العربى الليى اما حفظونا اغانيه واحنا صغيرين

ولاا ايه يا رومانسى

قول ايه يا احمد

mahasen saber يقول...

magi......

ماجى الحبيبه الغاليه هنقول يا جميله كلامك مضبوط فى حتة كرامة المصريين انما يا ماجى مهو اسمه ايه اسماعيل بتاع العباره هرب برضه متجابش ليه للبلد ولاا اللى راحوا دول لاسماك القرش من معدومى الكرامه

ها نفكر كده فيها يا جميله

mahasen saber يقول...

ابو على .....

متهانيين ...متهانيين بالضبط ده مربط الفرس للاسف اهانتنا فى كل مكان

بس صعوبة الاهانه ووجعها لما تكون فى بلدك وبين ناسك يا ابوعلى ولاا ايه

بحييك على رأيك وحاسه بالوجع والمرار اليى فيه

mahasen saber يقول...

المعيوف......

يا الهلا وسهلا بمدونا الزميل العربى الليى مستصعب كلامى عشان عامى

ارجوك اعذرنى بس اسلوبى فى الكتابه بعبر تبع الحاله الليى بحسها فبتالى هيا الليى بتفرض اكتب عامى او فصحى

لحضرتك جزيل الشكر على الزياره الجميله
ويشرفنى تشريفك دايما

mahasen saber يقول...

ريمان.....

الملائكيه
الملائكيه
الملائكيه

ايوه هو ده احساس الملايكه وارائهم الساميه
يا حبيبتى متتخيليش وحشانى ازاى


انا وبرو بخير ونتمنى تكونى يا ريمو بافضل حال

ربنا يطمنى عليكى يا حبيبتى ويفرحنى بيكى بئا

وحشاننننننننننننننننى وخلى بالك من نفسك يا ملاك يا صغير انتى

mahasen saber يقول...

مى.....

يا حبيبتى يا حبيبتى كل الكلام الجميل ده ليا ولبيرو

طب انتى الليى وحشتينى بئا
ومعلش اعذرينى على الغيبه بتبئا غصب مش اختيار يا مى

منورانى يا حبيبتى

mahasen saber يقول...

عاشقة الرومانسيه....

لا لا لا دودو قالت صح دودو غيرت وجهة نظرها ده انا عملت انجاز

يا سلام فتاه عقلانيه واتسع صدرها وفكرها للراى الاخر

فرحتينى يا دودو

ووحشتينى قوى يا حبيبتى

mahasen saber يقول...

كيارا.....

يا اهلا يا كوكو يا جميل ينو كومنتاتك واى شئ منك يكفى

وحشانى وحشانى وهستنى البوست لو هينزل

mahasen saber يقول...

لا تشتاق.....

لا تشتاق اهلا وسهلا بيك نورت المدونه بزيارتك الكريمه

ورأيك ده وسام وتاج على رأسى

شرفتنى جدا جدا بزيارتك الجميله

mahasen saber يقول...

لا تشتاق......

بس عذرا مع احترامى لحضرتك كل الليى مختلفيين معايا فى الراى اخواتى ونقول اسيادى فى التدوين كمان

فعذرا الوصف لا يليق بيهم ولاا باى حد يختلف فى الراى مع حد

معلش عذرا بس وجب الايضاح

mahasen saber يقول...

كيارا.....

كوكو على راسى
اهدى

mahasen saber يقول...

آيوشه.....

يا حبيبتى احنا فعلا شعب طيب ومبنعرفش نكره وده الليى بتثبته السنيين التاريخيه اللى كلها حب ومساعده لاخواتنا العرب

ويا ريت غمه وتروح يا يوش وهيحصل كدا بسهوله ان شاء الله

نورتينى يا حبيبتى يا غاليه

mahasen saber يقول...

عاشقة النقاب نونو....

يا حبيبتى
يا حبيبتى وحشانى جدا جدا وبتغيبى كتير يا نونو
يا رب تكونى بالف خير وسلام

ويا رب كل ايامك يا حبيبتى مباركه وسعبده

mahasen saber يقول...

همس الاحباب.....

ابو همس رأيك ده تاج على راسى

ربنا يكرمك ويبارك فى اخلاقك العاليه وايام مباركه على كل احبابك واسرتك الجميله

mahasen saber يقول...

ابن مصر.....

طب انا اعمل ايه فى كلام ابن مصر البار ده شوف اخر كلامك بيقول ايه

عارف يا ناجح ده بيثبت قد ايه اننا واحد كيان واحد وعمرنا ما هنعرف ننخلع من بعض

منورنى يا ابن مصر الغالى

ويا اخويا الصغير والغالى قوى قوى كمان

mahasen saber يقول...

كيكى عووووووووو.....

سيبك من كل ده انتى نورتينى وشرفتينى بزيارتك الجميله يا كيكى

نورتينى يا حبيبتى

mahasen saber يقول...

مخنوق كيك.....

يخرب عقلى
يخرب عقلى

ويا نهارى انا على اجمل مخنوق فى عالم التدوين كله

تعالى هنا انتا بتروح فين ولاا انا الليى مدونتك فين ندى تعالى ده انا عايزه املص ودانك عشان انتا متعرفش انا بعزك ازاى

وبعدين بيرو يكسر زى ما يكسر اطلع منها انتا بس ويا ريت تاخده فى ايدك عشان اهدى شويه ههههههههههههههههه

واحشنى يا مخنوق جدا يا اجمل اخ صغير فى الدنيا

mahasen saber يقول...

تامر على......

تامر اخويا العزيز اهلا وسهلا بك وبزيارتك الكريمه

مع اختلافى مع بعض ما ذكرته الا ان رأيم من اقوى الاراء الليى طرحت على الموضوع ده

واعتقد انه فريد فى جزئية العروبه والوحده

mahasen saber يقول...

tweety......

يا حبيبتى يا جميله مدونه صغيره عندنا يا حبيبتى

ربنا يحميكى ويبارك فى عمرك
ومليون مبروك على الشهاده يا بنوته يا جميله

شكلك شاطره وطيوبه

نورتينى وشرفتينى وفرحتينى بزيارتك الجميله قوى قوى قوى زيك دى

mahasen saber يقول...

اليس فى بلاد العجائب.....

يا حبيبتى اليس ازيك يا غاليه

يا حبيبتى وحشانى جدا جدا

واللهم امين ربنا يتقبل دعائنا ويحقق وحدتنا

وايام مباركه عليكى يا حبيبتى وعلى كل من تحبين يا جميله

نورتينى يا اليس قوى بزيارتك الجميله

mahasen saber يقول...

ا\ احمد عبد المنعم.....

ايام مباركه على حضرتك وعلى كل احبابك يا استاذ احمد

mahasen saber يقول...

tamer nabil....

يا ريت يا تامر ده الليى بنادى بيه

بس الخوف اننا نفضل نقول يا ريت كتير


ايام مباركه على كل احبابك يا تامر
نورتنى يا اخويا الكريم

mahasen saber يقول...

romancey.....

ايام مباركه عليك يا احمد وعلى كل احبابك

mahasen saber يقول...

قيس بن الملووووح....
وحضرتك بكل صحه وخير وستر وسلام

ايام مباركه على كل من تحب

mahasen saber يقول...

نور........

نور نور حبيبه الليى وحشاننننننننننننننى

ايامك كلها جميله يا حبيبتى يا غاليه

mahasen saber يقول...

اكون او لا اكون.......

كونتى الغاليه الغاليه الغاليه والحبيبه

وحشانى يا حبيبتى جدا جدا

ولاا مغيرتوش بس ممكن شبكه

انا بفكر فيكى علطول يا كونه وبدعيلك كتير بظهر الغيب يا حبيبتى

وحشانى يا اجمل واطيب كونه فى الدنيا

mahasen saber يقول...

khaled........

ايام مباركه عليك يا خالد وعلى كل احبابك

mahasen saber يقول...

كيكى عوووو.....

ايام مباركه عليكى يا حبيبتى

mahasen saber يقول...

the illusionist.......

وعليكم السلام....

ويا سيدى وانتا بكل خير وسلام

نورتى وشكرا على ذوقك والعيديه

mahasen saber يقول...

tamer nabil......

ايام مباركه عليك وعلى كل احبتك يا تامر

mahasen saber يقول...

ابو على ....

ايام مباركه عليك وعلى كل من تحب يا ابو على

mahasen saber يقول...

نواره....

يا حبيبتى ايام جميله ومباركه عليكى يا نواره وعلى كل من تحبين يا حبيبتى

نورتينى يا جميله

mahasen saber يقول...

الحزين......

اكيد انتا الاجمل واكيد ده من ذوقك وكرم اخلاقك وانا الليى يسعدنى ويشرفنى معرفتك جدا جدا

واتمنى دايما انك تكون فى افضل واحسن حال
ان شاء الله

mahasen saber يقول...

michel.......

ايوه كده مايكل ابو دماغ عاليه
مايكل عصارة خبرة الانتروفيهات
مايكل المثال الحى النابض لكل شاب مصرى داخ وداخ معاه حلمه فى البحث عن وظيفه

تعرف انك نورتنى وشرفتنى واسعدتنى بتعليقك جدا جدا

ويا رب كل ايامك جميله ومباركه يا مايكلاتو

mahasen saber يقول...

ahmed k......

غارق فيه من يومين والغردقه خييييير يا غردقاوى

اكيد لازم ااقرا البوست واشوف ايه اسباب الغرق فى هذا الموضوع

نورتنى يا احمد ويا رب دايما فى افضل واحسن حال

mahasen saber يقول...

بعبعه.......

نورتينى يا بعبعه الله يسلمك يا حبيبتى من كل شر

وعلم وينفذ

mahasen saber يقول...

بنوته مصريه......

ده شرف ليا يا نشوى لما يبقا فينا من بعض

وهسينى من الموضوع وهقلك وحشانى وحشانى وحشانى

ومتتخيليش ازاى نفسى اشوفك واتطمن عليكى يا حبيبتى

mahasen saber يقول...

واحد من العمال.....

اهلا وسهلا اولا بزيارة حضرتك الكريمه

وده شرف كبير ليا

وفعلا اجهز الاعلام ساهمت فى هذه الكارثه بس ان شاء الله فقاعة هوا وهتروح لحالها

حضرتك نورتنى واسعدتنى برأيك القوى

mahasen saber يقول...

عالم حبيب......

حبيب اخويا الغالى اكيد هقراه وهستمتع وهستفيد بقرايته كمان

وملاحظتك صحيحه وان شاء الله هغير الجمله من البوست

وجزاك الله كل خير
ربنا يكرمك

mahasen saber يقول...

blue-wave.......

اخويا الاصغر الغالى عمرو

لا مش هما لوحدهم الليى غلطوا وبعدين راح فين التسامح فين
قلى يا عمرو راح فين

mahasen saber يقول...

مممكن......

بئا من طيبة قلبك امرى لله الليى تشوفه


وبعدين التعليق الطويل ده لو مكنش انتهى بلفظ التسامح كانت هتقلب بخناقه وده من احترامى للرأى الاخر وجزاء طيبتك

يا طيب
بس والله بتغيب فعلا بشكل عجيب وبيبقى نفسى اتطمن عليك

mahasen saber يقول...

ذو الوجه المبتسم.....

يا الله
سبحان الله معقول دعتلى بظهر الغيب هناك ربنا يكرمك ويباركلك فى كل احبابك ده شئ غالى عندى قوى قوى انك تفتكرنى هناك بدعوه غاليه بظهر الغيب كده

ده معرفش ااقول جميل عمرى ما هنساه هعمرى ولاا ااقلك ولك مثلى زى ما الملايكه ردت عليك وقالت

كل الليى هقوله ربنا يكرمك ويباركلك فى كل احبابك

غمرت قلبى بالفرحه يا اخويا الغالى

mahasen saber يقول...

حلو بيعافر.....

مش عارفه تيجى نفكرلهم فى شغلانه تانيه

نورتنى يا حلم مازال بيعافر
حلم جميل

mahasen saber يقول...

لجين ابو الدهب.....

فعلا صح يظهر انه باقى كتير علينا فعلا لما نعرف ونحقق كلمة وحده وعروبه


تحيه على رايك وزيارتك الجميله

mahasen saber يقول...

البلياتشو......

هههههههههه ده كرامة مين دى

mahasen saber يقول...

سهر......

ينفع ااقولك انا انك نورتينى وشرفتينى بزيارتك الجميله

وشكرا على ذوقك ورايك الجميل يا سهر

mahasen saber يقول...

gueara.....

اولا اهلا وسهلا بجيفارا وثوريته وبفيدل كاسترو كمان

ويا ريت يكون فعلا توجهى فى الحياه ايجابى وفعال كدا

انما توجهاتى ملهاش اى علاقه بطلاقى
طلاقى اتبنا على اننا مقدرناش نستحمل عيوب بعض بالنسبه لينا ليس الا ووده مش معناه ان حد فينا عنده مشاكل او سلبيات ما

ولو فيه حد عنده مشاكل وسلبيات فاكيد انا وده شئ اكيد لو موجود لازم اعالجه مفيش مفر من ذللك

شكرا ليك يا جيفارا على ايضاحك وتحليلك ومعلوماتك

ونورتنى بالزياره الكريمه دى

ظل السماء يقول...

السلامُ عليكُم
أولاً أنا بهنييييكي عن جد على عقلك الحلو و النضييييف و بقوللك إني شوفتك عال تي فيي من هووون من أمريكا:)))
و أُعجبت جداً بكلامك عن الطلاق بشكل عام و عن نفسك بشكل خااااص
و ما كُنت لسه زايره المُدونه بتاعتك:) بس برضو سمعتك و انتي بتحكي عنها في المُقابله:)
آآآآآآني وااي
هادا مش موضوعنا:)
أنا بس حابه أحكيلك إنو كلامك هادا صحححححح و والله والله والله ما سمعتش من قبل هيك لا من مصر و لا من الجزائر كلام يُدخل الدماااغ زي ما بتقوله:) إلا كلامك:)))

و أنا معاااكي
عشان أنا كُنت بقول لأشخاص أعرفهم مصريين و جزائريين تقريباً زي ما حضرتك قولتي بس للأسف ما كان حدا بياخد الموضوع بحياديه
أغلبهم كانوا بيقولوولي : آه طبعاً مهو عشان انتي فلسطينيه مش هامك حااااجه!!!!
و كنت بتغاااااظ جداً عشان هما بيفكروا كده!
يعني و الله عييييب هوَ عشان أنا فلسطينيه لا يُسمح لي إني أقول رأيي في أييي شي في الدُنيا??
وإني مجبوره كفلسطينيه إني أحكي فقططططط عن قضيتي و عن إسراااائيل???


و صباح الخييير يا عرب:)
سلااااام ...

mahasen saber يقول...

ظل السماء.....

يا عزيزتى ويا غاليتى اهلا وسهلا بيكى ورأيك الرائع ده وسام وتاج على راسى
وشرفت بيكى وبزيارتك لمدونتى وشرفت برأيك فى ما تحدثت عنه فى التى فى

شاكره ليكى ذوقك جدا جدا وسعيده بيكى وبرأيك
وبالنسبه لنظرة ولرؤية آه اصلك فلسطينيه ومش حاسه بحاجه فده يا اختى الغاليه ما هو الا اكمالا بل برواز للصوره الخايبه الليى رسمت لامتنا فى السنوات الاخيره ... تفكك وبعد بعد ما كنا امه واحده لا فرق بين مصرى وفلسطينى وخليجى كله زمان كان تحت رايه واحده
اللهم اعد الينا مثل هذه الايام ومجدها
نورتينى واسعدتينى جدا جدا

Uouo Uo يقول...



thx

شركه تنظيف