الجمعة، 27 مارس 2009

بربش وفريحه ومش كل يوم طريحه

......تحديث وحاجه مهمه .....

الوالد الكريم بيرم المصرى والاخ العزيز الحسينى اليى معتقد ان حدودى اخرها الشرقيه للاسف الشديد رد حضرتك فى موضوع اليهود ازعجبنى جدا جدا انا لا بحب اليهود ولاا حتى عمرى وافقت على التطبيع كل الموضوع استاذ بيرم بيقول قتل اليهودى صدقه وده معناه انى لو ماشيه فى شوارع المحروسه مثلا ولقيت يهودى اهبده بطوبه فى نافوخه او ارميه فى بلاعه ...انا قلت نعاملهم زى ما الرسول الكريم عاملهم فى الحرب والسلم الاسلام ادا الامان لكل اهل الكتاب وفيه يهود ضد اسرائيل زى اينشتين مثلا عالم النسبيه واليى قال ان ربنا كتب عليهم الشتات ولازم يقبلوا عقاب الله يبقى واحد زى ده لو عايش ورايه كده لما اشوفه فى الشارع اعمل فيه ايه ااقتله ولاا اديله الامان اليى دينى فرضه عليا تجاهه طالما مبيتعداش عليا ولاا على اخوانى ....انا حزينه حزينه ان حضراتكوا تأواى فكرى ورايى على مزاجكوا وتحسسونى بكلامكوا انى لا قدر الله مؤيده لليهود والصهيونيه الدين السماوى شئ والصهيونيه شئ وانا ضد التطبيع وضد اسرائيل ولاا اعترف بيها اصلا انما ااقتل انسان لمجرد اختلافنا فى الدين معتقدش ان ربنا امرنا بكده
ارجو اكون عرفت اوصل وجهة نظرى واسفه قوى قوى قوى انى اتفهم كده ومن حضراتكوا بالذات لانى بكنلكوا كمية احترام وتقدير وحب لا توصف


بربش عبد الله عبد من عباد الله بس ابعد ما يكون عن طريق الله سلوكه محتاج اعادة تأهيله واخلاقه سقطت من كيانه كأنسان وضميره ضميره ضميره وقع فى بلاعه من اليى كانت مفتوحه فى ارجاء المحروسه زمان
وعليه هذا الكائن البشرى الشبه شبه انسان ..هو هيكله بشرى بس داخله يكاد يكون على سلوكيات ابن آوى

بربش عبد الله العبد من عباد الله اكرمه الله سبحانه وتعالى بزوجه تجيب من حلاوتها الثماله ومن فرط ذوقها تحس انها عامله فى سلوكها ولاا فوارس الخياله
اتجوزت بربش من اول نظره ووقعت فى غرامه القاتل كسم الزعاف من اول بربشه على الطريق واهداهم الله ذاك الشئ البرئ كائن صغنن انما من فرط برائته شئ عجيب عجيب ..
وبعد مفيش تلات سنيين من الاهانه والامتهان والضرب تحت الحزام وشد الشعر كمان شافت ان الحياه استحاله وان العيشه ممات برغم وجودها فوق الارض مع الاحياء حيث انها فى سنوات زواجها الثلاث عانت ما لم تعانيه نمله فى بير وكان كل يوم بيمر عليها ياخد فى طريقه شعره بيضاء تصيغ على خصلات شعرها السوداء ووشم من نفس هذا اللون على قلبها المفعم باليأس والحزن
وعليه لقيت فريحه ان الحياه بقت ايحه والدنيا قلبت قبيحه ومفيش لحظة امان ولاا بتشتاق لحضنه كمان وبعد ما كان الخوف من قطع الكهرباء دافع للاحتماء والاختباء فى حضنه المليئ بالاشواك وجدت لها بديل فى حضن تانى خطير ..تحتمى تحت ملة السرير..اى نعم تحت ملة السرير حيث الامان المحفوف بالمخاطر من مله على دماغها تخاطر وتكسرها نصين وتعيش ما بين البنيين انها تبقى بدماغ مكسوره كما العفريته ام رجل مسلوخه او تعيش مشكشكه من اشواك حضنه المتعبه وعليه هذه الفريحه قالت مش كل يوم طريحه نفسى احس بالامان واستخبى فى حضنه كمان وانام جنبه واغمض عينى ومحسش ان بكره هيطلع عينى..

وعليه خدت القرار وكان عليها صعب الاختيار وقالت حياتى مره هتتعاش لاما حلو لاما بلاش
فكان قرار الانفصال حيث انها تبغى العيشه الحلال ورجل يحتويها حتى لو على الحميد تعيش طالما المجيد رزقها بصاحب الخلق القويم
وعليه طلعت فى البلكونه واخدت نفس عميق ودخلت تانى من البلكون على زوجها المجنون واخبرته بانها ....
بربش اريد الطلاق حيث ان العيشه هباب وببكى على كرامتى فى اليوم الف بكاء وبكاء وحيث ان الرحمن امر بحسن العشره والعشيره ..فارجوك ارجوك اطلق سراحى بهدوء وكما فى هذه الحالات يقول الدين نفعل ما احقه لنا الرحمن بكل ود وحنان
وعليه ثارة ثائرته كأنه اختل به الميزان وطردها شر طرده من مسكن الزوجيه كمان وكأنه على تلفظها بهذه الكلمه كان يقول يا رب تقولها وانا ااقول كمان وكمان
صدمت لما رأت المسكينه فقد طردت توا من مسكن قلما احست فيه بالسكينه بل هو ااقرب لسكينه وعليه قالها طلاق تتنازلى عن كل شئ اديكى اغلى شئ ورقه وفيها الطلاق اما تقولى حقى ملكيش غير المحاكم وطريق من اتنيين يا حاكم يا سكه طويله ضلمه يا سكه اطول وبرضه ضلمه..

لملمت اشلاء روحها وقالت لا ومطلعتش روحها وفضلت تروح وتيجى فى جو المحاكم المنعش لدرجة خلت منها حد بجد منتج وجالها كتير اكتئاب وجالها كتير تفاؤل
وقالت محاربة الظلم فرض والجهاد على الحق واجب هجاهد واكافح واتور وهثبت انى جسوره ولاا يهمنى المعموره طالما مع الرحمن هقول طلقنى وادينى حقى
وعليه فى البوست القادم هنرغى فى حالة بربش بعد ما بربش ل فريحه اداها فى المحكمه الطريحه
..ااستنوا معانا وشوفوا بربش وفريحه واوشو...
اوشو دى زوجة بربش التانيه ذات الصفات القاتمه ..والروح الغريبه والعقل المغيب فى انها يا عنيه مش عارفه ان المساعده على الظلم ظلم وان اليى تعمله النهارده اكيد اكيد هيتعمل فيك بعد بكره
..............................................
البوست ده كتبته من زمان وكان مركون فى الرسايل المحفوظه قلت افرج عنه يفرج عنى ربنا
واهه اهداء منى لكل ست لسه فى اجواء المحكمه او تعانى من داء المرمطه من جانب جوزها ......
اه وعلى فكره فاكرين بوست تعديل ثغرات القانون انا كنت مخططه انى اعمل وقفه احتجاجيه كل شهر مره قدام المجلس القومى للمرأه بس طبعا بعد موافقة الامن الغذائى حيث انى بخطط برضه اربى الواد مش تربيه مرات اب وعليه هبعت جوابات للجهات المختصه بتعديل هذه الثغرات او على الاقلل النظر فيها وبعد كده تيجى الوقفه وطبعا مدعو ليها الستات والرجاله لانها فى الاخر بتصب فى مصلحة المجتمع بحاله مش الست برضه عماد المجتمع يبقى عماد المجتمع يعيش متبهدل كده فى المحكمه ..
وخبر كمان انا نويت اعمل اذاعه على النت وهسميها برضه عايزه اتطلق وهتكون برضه للستات قبل الرجاله والرجاله قبل الستات يعنى اذاعة الجنسيين بس لسان حال جنس واحد ..........

انا كنت عايزه انزل بوست تانى بس مش مركزه


هناك 162 تعليقًا:

هانى زينهم يقول...

لو ده اول تعليق هاحجزه وارجع عشان يبقى انتى اول واحدة فى تاريخى النتاوى اعلق عندها اول واحد

هانى زينهم يقول...

والله يا محاسن اى علاقة فى الدنيا ما ينفعش يتحكم عليها بالحكاوى لاننا ما نعرفش الاتنين حتى وان ظهرت الست ملاك والراجل شيطان .
اما بخصوص الاذاعة فوالله فكرة ممتازة بس ابقى عرفينا التفاصيل .

صوت من مصر يقول...

احجز الثالث

صوت من مصر يقول...

دى جكايه حلوه جدا بس بربش بربش عينه لطريحه عشان يطرح عليها سؤاله لجوازها
تسلم ايدك استاذه ؟

غير معرف يقول...

محاسن شدي حيلك

مش خايف انا غير من ثورة يا نساء العالم اتحدوا
ربنا يستر

من غير عنـــوان يقول...

حكاية مفيده

أمنياتي

Nabil يقول...

السلاااااام عليكم.....

اختى الغاليه جدا جدا جدا جدا
ازيييك عامله ايه؟؟

والله مبدخلش ع النت كتير معلش معلش انا مقصر فى السؤال

القصه اسلوبها رااااائع جدا جدا

وبالنسبه للافكار فالفكره الاولى بالله عليكى متاخديش اى خطوه من غير موافقة الامن زى ما انت فكرتى كويس انك واخده بالك من الموضوع بس عشان تبقى فى السليم ويبقى معاكى القانون

والاذاعه دى طبعا فكره حلوه جدا

المهم سلميلى على بيرو كتير

وارق تحياتى وسلامى

hasona يقول...
أزال المؤلف هذا التعليق.
SHAPE YOUR LIFE (ABOALI) يقول...

ياما فى الجراب يا ام بيرو

بربش وابو رجل مسلوخة
ياااااااااسلام على الانسانية الراقيه
فعلا التعاملات البشرية اصبحت مثل برميل طرشى
والناس حسوا انى مافيش ولا جنة ولانار

المشكلة انهم
لو ماتوا وعرفوا انى فيه نار وهما مدعوين يبقوا الضيوف
هايعملوا ايه
المفروض اننا نعمل حبة اعمال كويسة
على اساس اننا ممكن نلاقى فى نار هناك

لا حول ولاقوة الا بالله


الموضوع الاهم سبيك من النكد الاسرى ده

الاذاعة
فكرة رائعة
انا قولتك قبل كده
انك ممكن تفتحى مكتب ارشاد
اسمه ارشارادت ماقبل الطلاق
بس ملوش علاقة بالاخوان المسلمين
موضوع الاذاعة ده هايخليكى عالمية
وها تبقى ليلة

ياااااااا عينى عليك يا كبير اقوووووووى

عمرو يقول...

بيعجبنى فيكى اٍصرارك و تفانيكى و اٍخلاصك فى خدمة مبادئك ..
كتير أوى يا أم عبد الرحمن أصيبوا بالخمول و الكسل الفكرى بعد أن حصلوا على بغيتهم و نسوا أو تناسوا القضيه الأساسيه اللى كانت شغل حياتهم الشاغل و قليلون من هم مثلك ..
بارك الله فيكى و ربنل يفرج هم كل مكروب ..
أسلوبك فى البوست ده حلو أوى :)

عصفور المدينة يقول...

السلام عليكم ورحمة الله وبركاته

كيف حالك أستاذة محاسن
أعجبني تعليق الأستاذ هاني زينهم جدا وأوافقه الرأي

masry يقول...

انا اول مره ازور المدونه و اكتر حاجه استغربتها اسم المدونه
على فكره انا الى حد كبير معترض على اى طلاق طالما فى امكانيه فى التفاهم
لكن لما ينعدم التفاهم يبقى ممكن يكون هناك طلاق

اتمنى ان الحكايه ماتوضاش للطلاق

Mohamed يقول...

هو انتي كنتي بتكتبي في ألف ليلة وليلة ؟؟؟!!!
مش عادتك تقسمي الكلام على مرتين ، أنا هاستنى الباقي علشان أأقول رأي ...

هتعملي إذاعة؟؟؟؟
بجد دي حاجة جامدة جامدة ، وهتبقي تطلعي كدا وتقولي " هنا محاسن ، الساعة الآن العاشرة , وخمس دقائق " زي هنا القاهرة
هههه ، بضحك طبعاً ....

ربنا يوفقك وييسر أمورك

محمد ( رادار)

مسدس صغير يقول...

الواحد مش عارف يقول ايه ؟
الحكاية حلوة بس محزنة فى نفس الوقت
ربنا يفك كربك وتتطلقى يا شيخة.
ههههه
عمرك شفت حد بيدعى لوحدة تتطلق؟؟
انا بقى
ربنا يكرمك ان شاء الله ويحقق لكى اكثر مما تتمنيه من الخير
احييكى على البوست

mohamed ghalia يقول...

محاسن واضح إنى جواكى كتير من المحاكم والعيشه
فى إنتظار البقية
دمتِ بكل الود

مطلق يقول...

اذاعه مره واحده

طب ما تستضيفي الاذاعه بتاعتي احسن بنت الجزمه فيرجينيا شكلها حتاخد الشقه و حقفل الاستوديو بتاعي

لجين أبو الدهب يقول...

لا حول ولا قوة الا بالله ..

يعينى ولا سايبها فى حالها ولا عايز يطلقها ..

ده كائن نوعه ايه !!!

واحدة محترمة ومتربية احسن تربية واتبهدلت على ايده اللى مفروض يكون له الامان والسند وابسكن فى الدنيا بعد اهلها ..

والغريب انه ثار برغبة طلاقها كأنه حيوان او جماد يعمل اللى عايزه ومش عايزها تنطق ..

ربنا يرحمنا من هذا الكائن ومن أمثال وخسارة ان يطلق عليه كلمة رجل ..

فى انتظار الجزء الثانى لما نشوف مراته التانية عملت ايه ؟؟

يارب تكون طلعت عينيه..

وفى انتظار الاذاعة جدا جدا ..

انا كنت بستمع لاذاعة بنات وبس كانت ظريفة جدا وشبابية وكلها بنات ..

ربنا يُعينك ..

دمتِ بخير ..

momken يقول...

طبعاً واضح ان بربش ده ميعرفش لا دين ولا اخلاق ولا رجوله ولا حتى نخوة

الحقيقه ان الواحد يبيع هدومه ويبعد عنه

بس فى سؤال

الرجاله بتتحول بعد الجواز كده ؟ من غير اسباب؟

يعنى الراجل الجدع ابن الحلال الراقى جداً...الى بيروح يتقدم لواحده...واهلها يسألوا عنه , ويكتشفوا ان سمعتوا كويسه وابن ناس طيبين ومحترم ومش بتاع مشاكل فيوافقوا عليه ويدوة لحمهم...ايه الى بيغير الصفات دى
اكيد فى مثير ....او باعث على السلوك ده

قصصك عقدتنى فى الجواز خايف حد يشوفنى جده وبدل متكون زوجتى سبب فى عفتى ودخولى الجنه تكون قيد فى رقبتى يدخلنى النار

ربنا يهدى كل المسلمين

على فكره طريقتك فى البوست ده جميله اوى اوى اوى
كنتى عفريته زمان..(وقت ماكتبتى البوست يعنى)

تحياتى

وردشان smilyrose يقول...

عارفة يا محاسن

كل ما الواحد بيعرف ويسمع المشاكل


الموجودة بيخاف من اى نوع من انواع

الارتباط وزاد دا كمان اللى اتعرضله

قلبى من جرح وانكسار

وهو على وشك الانهيار


توهه مش عارفة اخرها ما بين اهلى وبين

حبيب مش قادر يحدد هو عاوز ايه

وبقيت انا وقلبى الضحية


مش عارفة احنا ليه بنعذب نفسنا

بنفسنا طب احنا لو اتمسكنا بالحب اللى

بينا مش هيبقى فيه ازمات

اختك


smilyrose

وردشان

روح الحب الصادق

طـائر الليــل الحـزين يقول...

بجد الدنيا بقت غريبة واللى بنشوفه فيها اغرب
ليه كده بيحصل كل ده
ليه دايما بيكون فيه خلل فى الحياة الزوجية
ليه دايما حد فيهم بيكون مش كامل وفاهم الحياة الزوجية غلط
سواء الراجل زى ما حكيتى
وكمان برده بنشوف عينات ستات تفرس
واضح انها فعلا بقت معادلة صعبة
بس بجد يا محاسن انا بستمتع جدااا وانا بقرى الحكايات اللى بتقوليها اكيد بتخلينى اخد بالى الدنيا عاملة ازاى من حوالية
فى انتظار البوست القادم

ريمان يقول...

مهو انا كرهت المحاكم وكرهت اللى بيجوزوا اصلا

هههههههههههههههههههههه

ايه الحكاوى دى


ربنا يحفظنا يا رب

محاسن

جميله اوى فكره الاذاعه

ربنا يعينك يا قمر

خدى دى ليكى

امواااااااااااااااه

ودى عشان بيرو

اموااااااااااااااااااااااااااااااااااااااااااااااااااااااااااااااااااااااااااااااااااااااااااه

بتاعه بيرو طلعت كبره شويه وانتى عارفه ليه

ههههههههههههههههههههه

خلى بالك من نفسك يا حبيبتى

بس ايه الالوب الجديد اللى بتحكى بيه ده

بجد عسل اوى يا محاسن

صبرني يارب يقول...

طيب هانستنى الباقي

بس انا لا اثق فى الى ماسكين البلد والقانون حاليا

وكل قانون جديد بيزيد الموضع تعقيدا وظلما للطرفين

انا نفسي نفسي يبقى عندنا حاجه زي الى بره الى بنشوفها فى الافلام الى هو مجرد حكم مش قاضي ونقول نرضى لحكمه ونروح نقف احنا الاثنين انا اقول وهو يقول والراجل ولا الست تحكم فى ثانيه بحكم ودي ونوافق عليه احنا الاثنين وتخلص

انما الهبل الى بيحصل ده مجرد اكل عيش للمحاميين فعلا

تحياتي ليكى يا جميل
وانا هاجي ازورك فى الاذاعه بس من غير ما اكون عاوزه اطلق
ههههههههههههههههههههههه

أكون أو لا أكون يقول...

هههههههههه ايه الاسلوب الحلو المرح ده...
جميل جدا البوست حسونتي...
ومستنيين التكمله...
ايه الأخبار الحلوه ده؟ إذاعه؟ إزاي؟
وحيكون الكلام مباشر يعني؟
ولا تسجيل؟
شوقتينا... ممكن تفاصيل....


أنا مشاقه لك كتير... وبقالنا زمان ما تكلمنااااااااش
مع السلام ياقلبي...

أم فريده يقول...

اذا استدعتك قدرتك على ظلم الناس فتذكر قدرة الخالق

هو البنى ادم اييييييييييه؟

فاكر انه هيعيش ويخلد فيها
ناسى ان فى ربنا وانه فى يوم هيقف قدامه ويقوله ربنا انت ظلمت فلان
يا ترى هيقوله ايييييييييه

هيقدر ساعتها يأوح ولا حتى يرد


حسبى الله ونعم الوكيل

ربنا معاكى فى الاذاعة اناعايزة اعرف باقى التفاصيل

وانا دخلت على الفيس بوك

انا اول مرة ادخله عند عايزة اعرف التفاصيل ولو ينفع اشاركك واييدك

تحياتى

همس الاحباب يقول...

وعسى ان تكرهوا شىء وهو خير لكم
ربنا معاكى
قادر على كل شىء
احسنتى اختى العزيزة فى سردك للقصة والاحداث
دمتى بكل ود

ahmed_k يقول...

أيه ده
ما انتي بتكتبي زجل أهوه
خليتي الحكايه أشبه بحواديت
ألف ليله وليله
مع القافيه والتنسيق في الخوار والسرد القصصي ههههههه
ربنا يفك كرب كل مظلوم ومتمرمط في المحاكم سواء رجل أو ست
آه طبعا مهو زي ما في رجاله مفتريه
برضو في ستات مفتريه ههههههههه

مفيش قصه كده بتحكي مأساة رجل من مراته أصل كل القصص بتظهر الرجل كوحش
والحقيقه مش كده خالص
لكل قاعده شواز وأمثال هؤلاء هم الشواز

وبخصوص الإزاعه انا مؤيد الفكره تماما
ولو مطلوب أي شيئ نساعد بيه جاهزين


في أمان الله

حاجات جوايا يقول...

صباح الهنا على عيونك يا قمر

إزيك يا حبيبتى أخبارك ايه ؟ وازاى بيرو الجميل ؟ راح حضانته ؟
يرجعلك بألف سلامة يارب

بربش ده للأسف فيه منه كتير فى زمننا

وعليه خدت القرار وكان عليها صعب الاختيار وقالت حياتى مره هتتعاش لاما حلو لاما بلاش

عين العقل والله .. بس مش كل ليلى تقدر تبقى فريحة .. ربنا يقويها عاللى جاى

فى انتظار التكملة
جميلة أوى طريقة السرد .. ولا حكايات ألف ليلة وليلة هههههههههه

حاجات جوايا يقول...

مبروك يا ست الكل على مقال جريدة الدستور

قلبى حاسس يا سنسن ان الثغرات هتتسد على ايدك ان شاء الله

ربنا يعينك ويقويكى
معاكى قلبا وقالبا

بس ايه حكاية الاذاعة دى ؟؟ هتبقى مدونة تانية جماعية ولا ايه ؟

أيا كانت هتبقى جميلة .. الفكرة حلوة والهدف سامى

ربنا يبارك فيكى يا حبيبتى ويرزقك بكل الخير ويفرحك بنفسك وببيرو يارب

leeno يقول...

مش عارفة اقللك ايه

اصرارك اكيد مصاحبه عذاب و كمية الم رهيييييبة

بس ربنا معاكي و ينشلك من كل شر و يختارلك كل خير الدنيا و الاخرة

و يارب تختلف نظرتنا للامور دي للاحسن

عالم ماريونت يقول...

عزيزتي محاسن:
قصتك رقيقة جدا ودمها خفيف اوي

انتي اخبارك اية يا محاسن؟
مش الحمد لله كويسة
؟؟؟؟؟؟
نفسي اجوزك وافرح بيكي بقى


طمنيني عليكي يا حبيبه قلبي
رنا

عالم ماريونت يقول...

نسيت اقولك

في انتظار الاذاعة بتاعتك

:)

hasona يقول...

السلام عليكم

هكذا الدنيا
نحب نعشق نحلم نفوق
قد يختلف ما حلمنا به
عن واقع نعيشه
حتي يصبح لا نصبر حتي نموت داخل هذا الواقع

،،،،،
فريحة حلمت كتير بحب وبهجة وفرحة

لكن أتت الرياح بما لا تشتهي العبارة

خوف ومهانة وحرب ابادة

أين السلام والحب والوئام

،،،
حتي الشرع قال

نتجمع بأحسان ونفترق باحسان

ودارت الايام
بعضها بين المحاكم والاقسام

،،،
لعل هذا البوست يكون فضفضة
وتكون النفس أخرجت بعضا مما بها
،،،،

والكل يتعلم سواء زوج أو زوجة


لكن في خضم كل هذا لا تنسي
هدية المولي سبحانه وتعالي
لا تنسي البرءاة
وكتلة الحب التي بين يديك

تحياتي

حـــــ الــجــنــة ـــــور يقول...

السلام عليكم ورحمة الله

غاليتي محاسن وحشتيني وبجددد أعذري إنقطاعي قلبي معاك يا قمر

حكاية جميلة والاسلوب رائع

فكرة الإذاعة حلوة جداا ربنا يسهل

دمتي بخير وحب غاليتي ربنا يعوضك سنين الشقى

في امان الله

أمل حمدي يقول...

ربنا معاكي يا محاسن

مالك مش مركزة ليه

على ما اعتقد البوست ملئ بالذكريات المؤلمة

ياريت تنسيها

قدامك عبد الرحمن بالدنيا واللي عليها

ربنا يصلح حالك ويفرج كربك اللهم امين

NIDAAL .R يقول...

كانت فيت بوستاتك دى من زماااان
اكتر ما عجبنى بصراحة .. الأسلوب الجامد جداً ده

اسلوب مترابط ومتواصل ومميز وغير ممل
بجد حلو اوى البوست ده

وأيه ده ؟ أنتى بتعملى أذاعة وانا معرفشى ؟
تصدقى كدة عيب العيب ..
ماااااااااااااااااااشي

بس الأسم هيساهم كتير فى أنتشارها
بس لازم يتفكس فيه اكتر من كدة
يعنى لازم الاسم ذات انفاسه مش يتغير ولكن يتعدل فيه .. بحيث يكون خفيف ومؤدى لنفس المعنى

سلام

حسام يحى يقول...

شكرا جزيلاااا

سعدت بسؤال حضرتك عليا ربنا يكرم حضرتك يارب ويسعدك

انا كويس الحمد لله

ادعيلى .. زيارتك نورتنى بجد ربنا يخليكى يارب

غير معرف يقول...

الزواج اما امساك بمعروف اوتسريح باحسان هذه شريعة الله جل شأنه
واتفق معك في رأيك عن معاملة اليهود

*****************
سؤال مهم جدا
ليه بتقولي انك زعلانة مني ؟
تحياتي ليكي ودمت بكل الخير ومتظر ردك
لأني بجد ماحبكيش ابدا تزعلي مني

مصطفي ريان يقول...

محاسن انا صاحب التعليق السابق بس نسيت اكتب الاسم

مصطفي ريان يقول...

محاسن انا صاحب التعليق السابق بس نسيت اكتب الاسم

عاشقه الرومانسيه يقول...

ليكى عندى تاج اتفضلى خديه ياقمر
اجابه التاج ده ليكى انتى بالذات اجبارى
(:

سمكه واحده يقول...

ال قوليلي يا سنسنه
هو ليه الدنيا كده بجد وليه البني ادمين كده وليه الدنيا مليانه مش بني ادمين وحاجات تانيه كتير غير انهم بني ادم يعني انا مش عارفه يمكن اعرف
بس تعرفي انا مش عايزه اعرف!
الحكايات اللي بتحكيها والحكايات اللي بنسمعها تحسي بجد ان مفيش امان ومفيش ثقه في اي حد ومعرفش فين الحل او ايه سبب المشكله من الشخص نفسه انه اختار غلط ولا من تمثيل الشخص الاخر ولا من الدنيا وبلدنا واللي بقينا فيه
هي منظومه متكامله والسبب مشترك فيه جهات كتير اوي
بقلك ايه الموضوع كبير وعايز قاعده
والواحد قرفنان اصلا والحمد الله
بجد حاجه تخلي الواحد يتنيل اكتر
والحمد الله ربنا يرحمنا ويصلح حال المسلمين
اسلوبك تحفه ايه الحلاوه دي

prince4ever يقول...

سلام عليكم يا استاذتي
و الله انا مفتقدك جدا و اسف جدا على تأخيري بس و الله انا داخل على مطحنة امتحانات و اسألي حبيبه
ازاي حضرتك و عامله ايه و اخبار بيرو ايه
انا متفق معاكي جدا في الفصل بين اليهوديه كدين سماوي و الصهيونيه ككيان طبعا
مش كل يهودي صهيوني و في يهود كويسين جدا لدرجه انهم بيعارضوا اساسا فكرة الكيان الصهيوني و عنفه على العرب بصفه عامه... و متفق معاكي في زعلك لان مش كل كلمه نقولها الناس تحسبها بدماغها و تفسرها على مزاجها
اهم حاجه انك بخير و طمنينا عليكي دايما.... و ادعيلي
سلام يا ام عبد الرحمن

Yasmine يقول...

عجبتنى اوى طريقة كتابة الموضوع و بحيي صاحبته على شجاعتها و اصرارها على مبدأها..الجملة اللى بتوصف المدونة صح جدا على فكرة..مع انها كفكرة بعيدة تماما عن الفكر المنتشر فى مجتمعاتنا الشرقية..لكن حقيقي فى الجون

شمس النهار يقول...

تسلم ايدك يامحاسن البوست حلو بس انت كسلانه كملي بسرعه
وكمان ردك في موضوع اليهود كان كويس
واعتقد ان كل واحد حر في تفكيره
ويانختلف بلطف ونتحاور بلطف ونحترم الرأي والرأي الاخر والا الاحسن ان لانتحاور

نور الدين (محمد الجيزاوى) يقول...

الكريمة الفاضلة محاسن
.......................
اعتذر بشدة عن عدم التعليق الا نادرا لكن انا اتابعك باستمرار حتى لو مررت دون تعليق
..
اسمحى لى أن اعلق على أمر اخر وهو التحديث

حقا ان التعامل بالحسنى من شيم نبينا صلى الله عليه وسلم
ولكن الرسول نفسه أمر بقتل بعض الافراد ولو تعلقوا باستار الكعبة
واليهود أصحاب الجنسية الاسرائيلية كلهم فى حكم العدو المحارب والعدو المحارب ليس له ذمة ولا عهد ولا يتقيد المجاهدون بالاتفاقيات المتهافتة شرعا وواقعا مثل كامب ديفيد
وبهذا يصبح كل يهودى اسرائيلى واؤكد اسرائيلى يصبح هدفا مباحا لكل من يملك رصاصة
لأنه عدو محارب معتدى ومعروف سياسية ان اسرئيل دولة عسكرية اى كل مواطنيها رجالا ونساءا جنود ولذا فأهلا بقتل كل يهودى اسرائيلى
أما اليهود غير الاسرائيليين فينطبق عليهم رايك لأنهم غير محاربين


اعتذر للاطالة
ولك كل تحية ايتها الاخت الفاضلة
..
نورالدين محمود

تامر علي يقول...

أهم شيء ان لاتفقدي الأمل في وسط كل هذه الأجواء المشحونة بالتوتر ... يعني لابد من المقاومة والثبات على المبدأ مهما كان . فعلاً في كتير لازم يتعدل في حياتنا مش القوانين بس .
أعانك الله ووفقك في نضالك
ألف مبروك على الإذاعة ولازم ناخد عنوانها علشان نتابع

دمت بخير

تحياتي دائماً

shoshta_ joker يقول...

السلام عليكم.........
سمعت عن مدونتك كتير بس اول مرة ادخلها وعلق فيها .....اسلوبك فى روى الحكاية عجبنى اوى....... موقفك حلو اوى مع الستات وربنا يقويكى علشن مشكلهم كتير اوى ويارب نحلها مع بعض باذن الله بتحدنا كلنا.......حستنى بقيت الحكاية وحرجع تانى علشان اشوفها وان شاء الله مش حتبقى اخر زيارة حاجى على طول........وياريت اشوف حضرتك عندى واعرف رايك فى المدونة هى لسه صغيره وانا مش بقالى كتير فى التدوين حوالى خمس شهور بس فالمدونة لسه فى اللفة .......دومتى ....بخير فى رعاية الله.....تحياتى shemo.

إيمان قنديل يقول...

فيما يخص اليهود فأنا أوافقك الرأي تماما



أما الجزء التاني


بصراحه أنا قلبي بيتقطع لما اسمع عن النماذج المقهوره كده

Soul.o0o.Whisper يقول...

سنسنتىىىىىىىىىىىىىىىىى


ايه يا بنتى دا ؟؟؟
ايه المواهب اللى انتى مخبياها عننا دى؟؟؟


بصى يا سنسنتى ...
بربش منه كتير
و فريحة اعتقد انه مش غلطت لما شافت واحد اعتقدت انه هيحبها و يحميها

يا سنسن اصلا ماعدتش رجالة اصلا قلنا
اختفوا ..و بيدوروا عليهم الوقتى

ماشفتيش صفحة ابحث مع الشرطة؟؟؟
كان مكتوب فيها مواصفات الرجل اللى المفروض يكون رجل

بس الظاهر فقد الذاكرة فمش عارف يرجع تانى



المهم

نخرج بئا من الموضوع دا




و نيجى لموضوع يهودى وصهيونى
انا ماتبعتش الحوار اوى بينك و بين استاذناالعزيز بيرم

بصى يا سنسن مش تزعلى
أكيد استاذنا مش يقصد كدا خالص

بلاش سوء التفاهم اللى بيوقعنا فى بعض دا


تحياتى ليكى يا جميلةو يارب اسمع قريب انكم حليتوا سوء التفاهم دا




بيج هج فور يووووووو
و مستنية تحنى عليا و نتكلم مرة
عااااااااااااااااااااا

my dream يقول...

هههههههههه
محاسن حبيبتي
انا بموت في الف ليله وليله والاسلوب ده تحفه بجد رائع الحكايه في منها كتير
وفي الف فريحه وفريحه
فاعليه ربنا يهد او يهدي كل بربش عامل زيه كده وهستنى الباقي وكمل تعليقي
رائع موضوع الاذاعه دي لو محتاجاني في حاجه انا معاكي حتى لو مذيعه ربط
ما انا خلاص عاطل عن العمل
بجد ربنا معاكي
بوسي بيرو اوكي

سلام

yoyo يقول...

صباحك سكر يا سوسو
وحشتينى اوى اوى اوى يا قمر
يارب تكونى بالف خير يارب

مش عارفة احيانا بيكون الاختيار من الاول فى بعض الاخطاء اللى مش بتظهر اللى بعد فترة يعنى يكون الطرفين اتخدعوا فى بعض من هنا بقى تظهر الطرايح مش طريحة واحدة ههههههههههه

اسلوبك كالعادة ذى السكر يا محاسن انت نصيرة المرأة يا بنتى اعملى جمعية وانا معاكى بدافع عنا احنا الغلابة هههههههههههه

سلم ليا على بيرو و بوسيه من هنا ومن هنا
تحياتى
يويو

Magi Mostafa يقول...

الحقيقه يا محاسن دلوقتى الى بتجوز هى الى بتظلم نفسها

لما القانون يتعدل والمصريين يتعدلو يبقى الواحد يفكر


فكره الاذاعه فكره ممتازه واى مساعده يا قمر

مدونتك ممتعه جدا على فكره احجزيلى كرسى هنا

akeed يقول...

البوست جميل والمدونة رائعة وفعلاً المفروض ان الشخص يتفهم وجة النظر والمقصود من الموضوع ويجب ايضا عليكى ان توضح المفهوم .


تحياتى

أكيـــــــــــــــد

hasona يقول...
أزال المؤلف هذا التعليق.
صبرني يارب يقول...

ليكى تاج عندي يا جميل


وكلمة على جنب ما تزعليش نفسك اوي ولا حد فاهم حاجه

ذو الوجه المبتسم يقول...

السلام عليكم ورحمة الله
احب احييكي مرة اخري على مدونتك المفيدة
انا قريت الكلام فى البوست
اسف لو تدخلت بخصوص النقاط الاول عن م / الحسينى
اعتقد اننا كلنا مصريين ومسلمين ووطنيين ولكن كما قلتى هناك البعض من يريد الكلام على مزاجه وكذلك فكر الاخرين ايضا يكون على مزاجه وده شئ صعب جدا ان لم يكن مستحيل
اما بخصوص البوسن نفسه
فاعتقد ان اي علاقة قائمة على روح التفاهم والحب والصدق من البداية اعتقد بتكون قوية ومستحيل زحزحتها مهما كانت الظروف
مش عارف اقول نصيحة ولا اقول عنها ايه لان اكيد كتير عارفها
وهى ان الرجل هو العامل الاساسي لصناعة القرار والمرأة بدورها تساعده على صنع هذا القرار طبعا ده فى كل امور حياتهم
وباكرر تانى وتالت والف
العلاقة القائمة على الحب والتفاهم والاحترام المتبادل ناجحة .. ناجحة بكل المقاييس مهما حصل فيها
تقبلى تحياتى

Tamer Nabil Moussa يقول...

السلام عليكم

حكاية مهمة

والعائد منها رائع

تحياتى

nona يقول...

واضح ان الاخ بيرم المصرى مش مقتنع برأيك اللى هو أساسا رأى الرسول
ولزقها فى انك شرقاوية

اذا كان ربنا قال ان المفروض منحاربش غير اللى بيحاربونا فى الدين مش لمجرد ان دينهم مختلف

الدين دة ربنا اللى بيحاسب عليه مش احنا

عموما انتى مسلمة مؤمنة بالله ورسوله ومتبعة ليهم قبل متكونى شرقاوية

اما عن بربش وفريحة بئا

ربنا ينتقم من كل بربش اللى فى الدنيا
ويريح بال كل فريحة فى العالم

ربنا يقويكى على الاذاعة الجدية يا سكر

♥♥♥♥♥ Jennifer™® ♥♥♥♥♥ يقول...
أزال أحد مشرفي المدونة هذا التعليق.
تامر علي يقول...

إنا عاوز سيادتك تشاركينا في قصة التاج اللي ماشية في البلد دي :)

ياريت سيادتك تشاركينا وفي انتظار المشاركة :)

Beram ElMasry يقول...

ياريت تقولى لا للتاج عرفت وانا ارد على تامر على انت اكبر ومعذرة للتدخل لكنها الغيرة على الاهل الشراقوة

هاني سعيد يقول...

جميل ان يكون دا رايك فى البرت اينشتين
فى الوقت اللى فيه ناس واخدين موقف عدائى وخلاص مع كل الذميين واهل الديانات الاخرى اى نعم احنا ضد التطبيع لكن دا مش معناه اننا فعلا لما نشوف يهودى مسالم نضربه بطوبة او نقتله وخلاص وكل ذنبه انه يهودى ومش اذانا من قريب او بعيد
ياريت الناس يفهمو صح يعنى ايه اسلام الاسلام دين السلام مش الارهاب وعدم التطبيع مش معناه انى اكون جزار بس للبنى ادميين الابرياء ياريت نفهم دا كويس
شكرا ليكى وتقبلى تحياتى

غير معرف يقول...

لا تعليق
لكن الرد لــــــ
ممــــــــــــكن
ممكن انت مستغرب ازاى الشخص لما بيتقدم لواحدة ويطلع عنه انة انسان محترم وكويس بيطلع فى الاخر مش كويس خالص
الموضوع سهل جدا
للاسف انا شفتها كتيرة جدا تلاقى نثلا واحد جايلها عريس تسال حارتة تقوولك دة مافيش زية دة اخلاقة 10 ع 10 دة عمرة ماساب فرض ولا مسك سيجارة
هووبه الموضوع يتفشكل تقابل جارتة تقوولك دة انتى اللى ربنا بيحبك ومش وقعك فية دة انسان اخلاقة زباله
ولاعمره ركعها
فهمتنى ولاافهماللك اكتر
دلوقت انا مثلا جالى عريس سالت حد يعرفة لو الحد دة مش بيحبة هيقوولك كلام وحش لو الحد دة مكسوف ليوصل كلام للعريس انك شتمت فيه هيقوولك دة قمة ف الاحترام
وفى ناس رايها ومبدئها انها عمرها متغلط فى فلان ولا علان عشان ماتشلش ذنب
وانا واحدة من الناس لو حد سئلنى عن عريس او عروسه هشكر فيهم
لان لو شفت العروسة دى بتقابل ولد من فترة هااقول جايز تابت ورجعت لربنا وحرام انى اكون سبب فى بوظان الجوازة
لان سترة البنت خير
وحرام انى اغلط فى بنت فى اخلاقها او طباعها
كما تدين تدان
وللاسف عمر ماحد يقدر يحكم على شخصية حد
خدللك جمب ياعم ممكن وسيبنى ااقول كلمتين لمحاسن
انتى وحشتينى موت ياسنسن امووووووواه ليكى ولمودى

momken يقول...

بنوتة مصرية

ــــــــــــــــــ

سورى يا محاسن هارد على بنوته عندك

انا عارف انه بيت اختى واخد رحتى فيه يعنى (العشم واكلنى)

شوفى يا بنوته
انتى كلامك ممكن جداً يكون صح بس فى حاجه انا بعتبر رأى الشخص عن عن اخر فى مسائل الزواج هى بمسابه شهاده حق اكنه قدام قاضى

عارفه ليه

لانها هيتعلق بكلمته دى مصير شخص وحياه انسان هتكون فى رقبته ليوم الدين

يعنى لو انا بسال عن وحده وكل معارفها عارفين انها سيئه السمعه ومشيها استغفر الله العظيم بطال
وجيتى انتى علشان تخلصى منها وتغوريها من قدامك تقومى تقولى دى ملاك وعينها فى الارض وخجوله وفوق ده وده بنت بنت بنوت

وانا اشربها واكتشف العكس واعرف ان مراتى مخدعتنيش لكن انتى الى ضلليلتينى اكيد ربنا مش هيسمحك

مش كده ولا ايه

متشكر على اهتمامك وردك عليا

تحياتى ليكى يا بنوته وطبعا للسيده الكريمه الى استضافت تعليقى


تحياتى

غير معرف يقول...

ممكن
لا طبعا لية مثلا تكون جارتى انسانة قذرة وربنا اداها انسان كويس وجايز بعد كدة تتوب وتعرف ربنا لية احرمها من الفرصة دى دة يبقى حرام لان ستر البنت كويس جدا
وجايز هى تكون معدنها كويس وتغير

طوبه فضه وطوبه دهب يقول...

ربنا يكرمك فى مشروع الاذاعه مستنيه ويعوضك خير يارب عن كل معاناه وحاجه تعبتى فيها وشوفتيها ويردهولك فى ابنك وتشوفيه احسن انسان فى الدنيا ليكى وحشه والله

ليلى فى عالم ادم يقول...

لا حول ولا قوة الا بالله
يا ستى بجد حالك صعب اوى
بجد بهدلة المحاكم دى ربنا مايحكمش بيها على حد
ربنا يعوضك خير ويفرحك بابنك

على فكرة انا عندى فكرة بوست من زمان وهو القانون المتحيز جدا والرجولى لاقصى درجة
اد ايه فيه ثغرات لصالح الرجل طبعا
وحتى لو كسبتى القضية بعد وقت طويل ومصاريف وجلسات هيتحكم ليكى بايه يعنى؟

كلها ملاليم

حسبى الله ونعم الوكيل

Ahmed Mohamed يقول...

انا جاي مخصوص بس
عشان اسلم علي احلي واجدع ناس عرفتهم
تحياتي يا ست الكل بدون منازع

mohamed ghalia يقول...

محاااااااااااااااااااسن
لا ده أنا بنادى بس هههههههههههه
قولت أجى أسلم
وبالمرة لقيت التحديث
بصى أنا عملت بحث كامل فى الموضوع
وهقلك الى توصلتله من الناحية الدينية والشرعية
وهو البحث كان متعلق بأحداث غزة والحسين
وهو تقريبا متوافق على كلامك
بس برده هقولهولك عشان تعرفى التفاصيل ولو حبيتى تردى على أى حد

بسم الله

إن ما حدث بالأمس فى حى الحسين أكبر دليل على مدى الجهل عند هؤلاء عن الإسلام
وأنهم لم يقرأوا يوما كتاب واحد حول عقيدة المسلمين وانهم يعملون من مجرد دافع حماسى لا أكثر ولا أقل
يريدون أن ينتقموا للمسلمين فى أنحاء الأرض ولكن بطريقة خاطئة فهل حقق كل منهم النصر فى نفسه كى ينصرنا الله على الأعداء . نعوذ بالله من سوء الفهم فإنها لا تعمى الأبصار ولكن تعمى القلوب التى فى الصدور
ولأمثال هؤلاء نقول أجمع علماؤنا على أن الكافر له ستة أحكام من ناحية كونه حلال الدم أو غير حلال،
أولا: كافر محارب: وهو من جاء إلى أرضك كى يحاربك أو يحتلك أو يخرجك منها فهذا حلال الدم مثل ما يحدث مع المسلمين فى فلسطين والشيشان والعراق وغيرهم فمثل هؤلاء يحل لهم القتال بل هو فرض عليهم الجهاد فى هذا الوقت ..
ثانيا: كافر مستضعف :وهو الكافر المنتمي لدولة أو بلد يقاتل المسلمين . وهو من المستضعفين الذين لا يستطيعون القتال، والذي نهى الإسلام عن قتلهم، مثل الشيخ الكبير في السن، والقسيس أو الراهب العابد المنقطع للعبادة الذي لا يحرض على المسلمين. والأطفال والنساء.
وهذا بنص حديث النبى (لا تقتلوا شيخا فانيا ، ولا طفلا ، ولا امرأة ) وذك لا يحل للمسلمين التعرض له.
فالله الله على رحمة هذا الدين .
ثالثا:كافر معاهد: وهو الكافر الذي يكون بينه وبين المسلمين عهد أو اتفاق أو هدنة، تلتزم فيها دولة المسلمين بعدم القتال أو التعرض لهم والذى أخذ عهدا بالدخول إلى بلادنا وذلك لا يحل لمسلم أن يتعرض له وذلك بنص حديث النبى صلى الله عليه وسلم من قتل معاهدا لم يرح رائحة الجنة، وإن ريحها ليوجد من مسيرة أربعين عاما. أخرجه البخاري.
وعن النبى أنه قال (......وذمة
المسلمين واحدة، فمن اخفر مسلما فعليه لعنة الله والملائكة
والناس أجمعين».. يقول الحافظ بن حجر العسقلاني: «ذمة المسلمين
واحدة، أي أمانهم صحيح، فإذا أمَّنَ الكافرَ واحدٌ منهم حرم على
غيره التعرض له».. وتباً تباً لمن توعده الرسول باللعنة بسبب
نقضه لعهد الامان لغير المسلمين.
رابعا كافر مستأمن : وهو من أمنته الدولة المسلمة بأي شكل من أشكال الأمان، ومنها الفيزا التي يدخل بها العمال أو السياح أو الديبلوماسيون أو التجار أو الصحفيون أو غيرهم لبلاد المسلمين، أو حتى الذي يؤمنه واحد من المسلمين ويقبل ولي الأمر بتأمينه، مثلما أمنت أم هانئ أحد المشركين فقبل رسول الله - صلى الله عليه وسلم - تأمينها إياه وقال قد أجرنا من أجرت يا أم هانئ...
وهذا الأمان يعطى بتأشيرة الدخول الى البلد أو بدعوة من اى شخص من المسلمين بخلاف العهد فيكون من ولى الأمر .
قال رسول الله صلى الله عليه وسلم (من أمن رجل علي دمه ثم قتله فأنا بريء من القاتل وإن كان المقتول كافراً)
فإنظروا إلى حال وسماحة هذا الدين العظيم وهذه الحالة تمثل الأحداث الأخيرة فلو تعلم هؤلاء أو علموا شىء عن دينينا ما فعلوا ما فعلوه.
خامسا : كافر ذمى: هم أهل الكتاب وغيرهم ممن يعيشون فى بلاد المسلمين فهؤلاء يؤمنون مقابل دفعهم الجزية
غير أن الجزية توقف دفعها لدخولهم ومشاركتهم فى الجيش مثل الحال هنا فى مصر بين المسلمين والمسيحين يسود دائما البر والسماحة وهذا هو الحق. ولا يجوز التعرض لهم بأى حال من الأحوال
قال الله تعالى:( لا يَنْهَاكُمُ اللَّهُ عَنِ الَّذِينَ لَمْ يُقَاتِلُوكُمْ فِي الدِّينِ وَلَمْ يُخْرِجُوكُمْ مِنْ دِيَارِكُمْ أَنْ تَبَرُّوهُمْ وَتُقْسِطُوا إِلَيْهِمْ) وهذا فى حال الجميع إلا الكافر المحارب
سادسا: الكافر غير المعترض: وهو الكافر المنتمي لدولة لم تعترض المسلمين ولا اعترضوها وليس بينها وبينهم أي مشاكل أو حروب، مثل بعض دول أمريكا الجنوبية هذه الأيام كالبرازيل وفنزويلا وغيرها، فهؤلاء ليسوا محاربين ولا يجوز التعرض لهم ولو حتى بالكلمات.

هذا فى حال دماء غير المسلمين ناهيك عند دماء المسلمين قال الله تعالى({وَمَن يَقْتُلْ مُؤْمِناً مُّتَعَمِّداً فَجَزَآؤُهُ جَهَنَّمُ خَالِداً فِيهَا وَغَضِبَ اللّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً }النساء93
وقال الله تعالى{مِنْ أَجْلِ ذَلِكَ كَتَبْنَا عَلَى بَنِي إِسْرَائِيلَ أَنَّهُ مَن قَتَلَ نَفْساً بِغَيْرِ نَفْسٍ أَوْ فَسَادٍ فِي الأَرْضِ فَكَأَنَّمَا قَتَلَ النَّاسَ جَمِيعاً وَمَنْ أَحْيَاهَا فَكَأَنَّمَا أَحْيَا النَّاسَ جَمِيعاً}المائدة32
فما أعظم حرمة الدماء عند الله عز وجل.
حقوق الطبع محفوظة لمحمد غالية ههههههههههههههه

غروب يقول...

ازيك يا سنسن

وحشانى

وازاى بيدو ؟؟؟؟؟؟؟

بوسيهولى

كبعا كلامك في معامله اهل الكتاب صح مفيش نقاش

اما اللى يفسر كلامك غلط فجايز مش استوعبه

القصه اللى كتبتيها مفيده فعلا

وعلى راى ابو على ممكن تفتحتى مكتب ارشادات

انا بهزر بس اقصد فعلا ان دايما كلامك مهم لاى بنت وست

ربنا يصلح حالك يا حبيبه قلبي

الازهرى يقول...

الموضوع جميل جدا
والقفة الاحتجاجية انا مش بوافق عليها كتير وخصوصا فى المكن ده
لان الكل عاف ان شغله مجرد منظرة فى اغلب الاحيان لكن ممكن تكتبى سواء لجهات مختصة او للصحافة وبكده تقدى توصلى الموضوع وتربى ابنك

وبالمناسبةوصلتى لايه فىموضوع باص الحضانة بتاعه ؟

momken يقول...

انتى فين من زمان؟

تحياتى

assafo anaroze يقول...

سيدتي
سعيد بزيارتك
*******
سيدتي
اولا حعلق على موضوع اليهود
سيدتي مشكلة القدس و فلسطين ليست مشكلة ديانات بتحارب بعضها البعض
لا ابدا ديه مشكلة كيان عنصري حاول يستغل الدين من اجل مصالحه السياسية و الصهيونية
المشكل مش في الديانة اليهودية لا ابدا بل المشكل في ايديولوجية صهيونية تسعى للسيطرة على المنطقة
ابغي اني احيل الاخوين اللي قالوا بان قتل اليهود صدقة الى المسيرات التضامنية للحاخامات اليهود بانجلترا مع غزة و ضد اليهود بل يقولون بعدم شرعية الكيان اليهودي
كما احيلهم الى احزاب يسارية يهودية ضد سياسات الكيان الصهيوني
سيدتي
التعايش و السلام بين مختلف الديانات هو المطلوب من اجل ان نعيش بسلام
و ده لن يتحقق في بلداننا الا باعتماد دول علمانية يتعايش فيه مختلف التوجهات و الاثنيات و الايديولوجيات و الديانات
******
ثانيا
المراة ديه لازم تاخد حقها و مش لازم تستسلم و تناضل من اجله بالرغم ان الترسانة القانونية في اغلب الاحيان مع الرجل عشان كده انا متفق معاك على النضال علشان تغييرها
اتمنى انك توصلي بس لا تنسي ان طريق النضال مفروشة بالاشواك و ليس الورود
مودتي

Zika يقول...

ايه الخناقه اللي في الاول دي

هو انا هسال سؤال غبي حبتين
هي القصه بتاعة بربش دي حقيقيه ولا لأ
رجالة اخر زمن دي والله اللي بتتشطر علي ولايا :)
بوست دسم
تحياتي يا محاسن

بحب الصراحة والوضوح أوي يا جدعان يقول...

السلام عليكم ورحمة الله وبركاته

اني مش فاهمانا حاجه في الموضوع بتاع اليهود

مش اي يهودي يحلل قتله

في الحروب ممنوع قتل الاطفال والسيدات وكبار السن

وكمان مش ينفع نتقتل اي روح وقت السلم

اسلامنا مش قال كدا

كدا كدا اخدتوني علي ماشمى ودخلتوني في اليهود ومش قولتلي اتفضيييييلي بيتك ومطرررررررررررحك

ازيييييكييييييي يابتش


هو الالوان دي معموله ازاي حد يعرفني عاوزه اعمل حبشتكنات زيكوااااااا

فشكووول يقول...

محاسن هانم
احنا مش خلصنا بقى المشاكل وخدنا حقنا ... اديها هاف تايم شويه وخدى نفسك شويه عشان تعرفى تفكرى.
والحمد لله ان فريحه ربنا كرمها وفك اسرها

امامن ناحية الموضوع الاول فى البوست بتاع عم بيرم والمهندس الحسينى.
سيبيهم دى وجهة نظرهم .. وانت اعملى وجهة نظرك وكل له وجهة نظره.

المشكله اننا دائما فى خصام مع الآخر وبناخد العاطل فى الباطل ودى ثقافه 55 سنه بيغونا بيها بالرغم من انهم عملوا معاهدة سلام وهما مع بعض زى العسل والسكر كمان بس اما ييجى الكلام لينا يغذونا بهذه الروح العدائيه عشان يستميلوا عطفنا ويستميلوا مشاعرنا تجاه كراسيهم المدهونه بالغراء اللاصق.

انا حارجع تانى اقرأ البوست السابق
تحياتى

فشكووول يقول...

الواجد بيحتاس على الاخر
اتارينى رحت للبوست اللى فات
على العموم ما يضرش
تحياتى

غير معرف يقول...

سجل المزورين

إلى مدوني مصر الأحرار
السيد الفاضل صاحب مدونة /

تحية طيبة وبعد

شباب مصر الأوفياء
أمل الحرية وبناة المستقبل
ندعوكم للمشاركة معنا في
التحالف الوطني ضد التزوير
تحالف يضم كافة القوى الوطنية الموجودة على الساحة المصرية
نهدف إلى فضح وتوثيق كافة أشكال التزوير التي تتم في الانتخابات المصرية
نهدف لنشر الوعي الانتخابي وثقافة المشاركة و مبدءا المساواة والحرية
ندعوكم للمشاركة معنا بالإدلاء بشهادتكم و أرائكم حول تزوير الانتخابات وما هو منشور
ندعوا كل صاحب كلمة حرة للتعبير معنا عن رأيه في هذا الداء وطرح صور للدواء
ندعوا كل شريف حر يستطيع مساعدتنا للمشاركة معنا بما لدية من إمكانيات ومواهب ووقت
و نرجوا منكم المساهمة معنا في نشر إعلانات الموقع والجروب والقناة على مدوناتكم الشخصية في سبيل نشر الحق والعدل ومن باب المشاركة في التوعية والتوثيق لحقيقة هذا النظام المزور لإرادة الشعب
نرجوا ممن يضع الإعلان لدية إبلاغنا عبر أيميل الموقع لوضع أسم موقعة او مدونتة ضمن قائمة المواقع الصديقة لدينا
شاكرين لكم حسن تعاونكم معنا

موقعنا www.sgelalmozwreen.com سجل المزورين

لتحميل إعلانات الموقع هنا
http://sgelalmozwreen.com/images/e3lan-1.gif
أو
http://sgelalmozwreen.com/images/e3lan-2.gif
أو
http://sgelalmozwreen.com/images/e3lan-3.gif

لتحميل إعلانات قناة سجل المزورين على اليوتيوب
رابط القناة http://www.youtube.com/Sgelalmozwreen

الاعلانات
http://sgelalmozwreen.com/uploads/you tube.jpg
أو
http://sgelalmozwreen.com/images/1.gif
أو
http://sgelalmozwreen.com/images/1%5C%27%5C%27%20copy.gif
أو
ولتحميل إعلان جروب الفيس بوك
رابط الجروب http://www.facebook.com/group.php?gid=57329097688
الاعلانات
http://sgelalmozwreen.com/images/11%5C%27%5C%27.gif
والسلام عليكم ورحمة الله وبركاته
سجل المزورين

غير معرف يقول...

بسم الله الرحمن الرحيم
السلام عليكم ورحمة الله وبركاته
hello my friend,
how are you?sister
I from Türkiye
from Ankara
very beautiful your blog's
في أمان الله

Hossam يقول...

Helloooooooo My Best frin Mrs.Mahasen Saber
وحشتينى جدا جدا جدا جدا حبيبة قلبى
على فكرة انا مؤيدك بنسبة مية فى المية فى مضووع اليهود واعتقد ان مستر بيرم بالغ اوى فى راية لان دينا عمرة مقال ان قتل اى انسان مهما كانت جريمتة صدقة.انا مش عارف ارد على قصة بربش لانى بصراحة مش فاهمها.
وشحتينى حبيبة قلبى
سلام

Hossam يقول...

Helloooooooo My Best frin Mrs.Mahasen Saber
وحشتينى جدا جدا جدا جدا حبيبة قلبى
على فكرة انا مؤيدك بنسبة مية فى المية فى مضووع اليهود واعتقد ان مستر بيرم بالغ اوى فى راية لان دينا عمرة مقال ان قتل اى انسان مهما كانت جريمتة صدقة.انا مش عارف ارد على قصة بربش لانى بصراحة مش فاهمها.
وشحتينى حبيبة قلبى
سلام

صوت من مصر يقول...

البن التقيل حاجه بجد بحس انها بتسعدنى دايما وانها مانو لانى بحب طعم القهوه اكتر من اى حاجه
عمومااااااااااااااا كويس اننا نشترك فى شىء واحد

mahasen saber يقول...

هانى زينهم .........

ليا السبق يعنى يا ابو ملك ده من حسن حظى طبعا


كلامك صح بس احنا بنعرض عاليى كوناه من سماعنا من الطرفين بس ليس الا

اما الاذاعه فطبعا وجهز نفسك اعملنا برنامج رجولى فى اجواء نسائيه كده

mahasen saber يقول...

صوت من مصر.........


ههههههههههه دى عشان انتا بتضحكنى بشكل يا كيمو فى تعليقاتك يعنى بتلخص الموضوع بمنتهى الذكاء وبتدينى تعليق كله موضوعيه وخفة دم

منورنى يا اجمل اصوات مصر

mahasen saber يقول...

afew good men.........

ادم يا ادم اوعدك اول ما نعمل الثوره هتبقى على دماغك الرجولى الرائع ده هههههههههههه

بقالك المهم اخبار خطيبتك ايه بعرفك انها من مجلس قيادة الثوره ههههههههههه

mahasen saber يقول...

هانى زينهم..........

هههههههههههههه ايه الشرف المهيب ده


طب دى مش حكاية اتنيين دى تأليفه بس كلامك صح اكيد

والاذاعه طبعا طبعا لازم ااقولكوا الخطوات والتنفيذ

امال مين يا ابو ملك اليى هيسمعنى ههههههههههه

نورتنى يا حما ابنى

mahasen saber يقول...
أزال المؤلف هذا التعليق.
mahasen saber يقول...

صوت من مصر.......

كيمو هههههههههه تسلم خفة دمك ضحكتنى يا كيمو بجد

منورنى يا صوت مصر العالى

mahasen saber يقول...

afew good men........

ماشى يا ادم انتا شفتحتى وقفه لما تقول ثوره

بس خلى بالك لو فيه وقفه انتا اول الواقفيين فيها يعنى المدفع والدرع فى آن واحد

بذمتك مش روحك فدا ستات مصر والعالم هههههههههه

mahasen saber يقول...

afew good men........

ماشى يا ادم انتا شفتحتى وقفه لما تقول ثوره

بس خلى بالك لو فيه وقفه انتا اول الواقفيين فيها يعنى المدفع والدرع فى آن واحد

بذمتك مش روحك فدا ستات مصر والعالم هههههههههه

mahasen saber يقول...

من غير عنوان........

مبسوطه انها عجبت حضرتك

حضرتك شرفتنى بزيارتك الكريمه

mahasen saber يقول...

nabial........

يا حبيبى والله بقولها من قلبى لان احساسى بيك اخويا الصغير بالضبط
وبعدين خوفك وقلقك عليا يا نبيل حسسنى انى اختك الكبيره فعلا

ربنا ما يحرمنى من مشاعرك الطيبه والنبيله دى يا نبيل
فعلا والله انتا اسم على مسمى

mahasen saber يقول...

aboali........

ابو على اليى منور البلوجر بحاله فما باله بيعمل ايه فى البلوج بتاعى

نورتنى يا ابو مخ راقى وروح ساميه واسلوب شعرى وادبى رائع

mahasen saber يقول...

عمرو..........
استاذنا الغالى عمرو ولوردنا المهيب بيسعدنى كلام حضرتك ليا جدا جدا
لانى بقدر عقلية حضرتك جدا جدا وبتقبل كلامك بمنتهى الاهتمام والتدقيق فيه لانه لو مدح هيفيدنى وينبهنى انى عملت حاجه صح
ولو نقد اكيد هيبقى بناء وهيفيدنى برضه وهينبهى للشئ الصح يرضه

حضرتك نورتنى وافدتنى واسعدتنى بزيارتك الكريمه وكلامك الطيب

mahasen saber يقول...

عمرو..........
استاذنا الغالى عمرو ولوردنا المهيب بيسعدنى كلام حضرتك ليا جدا جدا
لانى بقدر عقلية حضرتك جدا جدا وبتقبل كلامك بمنتهى الاهتمام والتدقيق فيه لانه لو مدح هيفيدنى وينبهنى انى عملت حاجه صح
ولو نقد اكيد هيبقى بناء وهيفيدنى برضه وهينبهى للشئ الصح يرضه

حضرتك نورتنى وافدتنى واسعدتنى بزيارتك الكريمه وكلامك الطيب

mahasen saber يقول...

عصفور المدينه........

استاذنا محمد ازي حضرتك يا رب تكون بالف خير وصحه

الحمد لله انا تمام وبدعى لخضرتك كل بوست لانك صاحب فكرة انى انقل للبلوجر ربنا يكرم حضرتك
ويديمك ناصح امين ومحب لحال الغير دايما
البلوج ده بلوج حضرتك قبل ما يكون بلوجى

mahasen saber يقول...

masrey.........

خضرتك نورتنى وشرفتنى بالزياره واتمنى حضرتك لو مهتم انك تقرا شويه فى المدونه وهتفهم الامور كويس

ومفيش حد بيبقى عايز الطلاق بس ده حق ربنا شرعه وبنلجأله وقت الحاجه ومش معناه ان الحرب تقوم بين الطرفين بالعكس ممكن يكون بود زى ما ربنا امر

حضرتك نورتنى وشرفتنى بالزياره جدا

mahasen saber يقول...

mogamed.........

رادار عشان انتا عارف غلاوتك عندى بتتريق براحتك

خد راحتك على الاخر يا دكتور يا مشرح الضفادع الاول فى الجمهوريه ..ااقول تانى ولاا كفايه كده
ليك عندى هديه بلاغ فيك لجمعيات حقوق الحيوان

منورنى منورنى وليك وحشه جامده قوى قوى يا اخويا الصغنن

mahasen saber يقول...

مسدس صغير........

تعالا هنا بئه يا استاذ انتا ليا عندك حق عرب وافرنج كمان
انتا مش متابع المدونه ولاا ايه اوعى تكون بتعمل كده فى قضايا موكلينك

بس الدعوه لو كانت بدرى عن كده كنت هقول شكلها اتقبلت
منورنى يا مسدس يا كبير

mahasen saber يقول...

mohamed ghalia........

محمد ياما فى الجراب يا حاوى مش بيقولوا كده برضه

بس انا مش حاوى ولاا معايا جراب

بخرف عادى

منورنى يا غاليه اخبارك ايه يا غالى
يا رب تكون بافضل حال

mahasen saber يقول...

kareem..........

ههههههههههههه اعمل ايه فى لسانك بس
بعدين مش فرجينا اتحرقت فى الفيلم حاططها فى دماغك ليه

وبعدين اذاعة مطلق واذاعة مطلقه من الاستديو للاسلاك الهوائيه يا راديو لا تحزن

متزعلش نفسك كده ربنا يهديلك كل حال

mahasen saber يقول...

لجين ابو الدهب.........

يا حبيبتى منورانى يا لجين وهحاول اكمل الجزء التانى

وان شاء الله الاذاعه تعجبك وتفيدك

منورانى يا لجين جدا

mahasen saber يقول...

momken.........

بخلاف انك منورنى وانك غالى عندى جدا جدا جدا وبستنى زيارتك وتعليقك

هرد عليك وااقولك
روح اتجوز وانتا هتعرف الرجاله بتتحول بعد الجواز تلقائيا ولاا بفعل فاعل

اكيد دى من الطبيعه والاخلاق والنشأه يا ممكن

ولاا ايه

mahasen saber يقول...

smilyrose..........

سمايلى انتى هتحملينى الذنب ليه بس يا جميله

وردشان صوابعك وبصمات ايادى البشر مش زى بعضيها

ربنا يرزقك بالزوج الصالح ويجعل حياتك مليانه سعاده يا جميله

mahasen saber يقول...

طائر الليل الحزين..........

ربنا يفتح نفسك يا طائر يا حبيبتى هههههههههه يعنى بتستمتعى اهه بس متعقديش

الدنيا ياما فيها والبشر زى الزهور الوان واشكال وساعات كتير بيجرحوا زى شوكها

منورانى يا حبيبتى بجد

mahasen saber يقول...

ريمان.............

ريمو يا حبيبتى انتى لسه صغيره على الكره والتعقيد

وبعدين بعد البوس ده كله فى بيرو كرهتى الجواز برضه مليش دعوه اتصرفى واكتبى على الواد ههههههههههههههه

وحشتينى جدا جدا وانتى عارفه انى بزعل لما بتقولى اتعقدت وكرهت دى
لانك لسه اصلا فى بداية حياتك يا قمر

mahasen saber يقول...

صبرنى يا رب..........

ههههههههههه بعد الشر عليكى يا قمر
استاذ رضا لا يستمر من غير صبرنى وصبرنى لا تستمر بدون استاذ رضا

هتنورينى مش تزورينى يا قمر انتى

وكلامك عن القانون صح بذمتك يا صبرنى مش عايز وقفه انا بقول نقفله وقفه القانون ده ايه رايك

mahasen saber يقول...

اكون او لا اكون..........

كونتى كونتى كونتى وحششششششششششششششششششانى

جدا جدا جدا
ومش هقلك اى تفاصيل الا لما نتقابل ونرغى براحتنا زى زمان

يا رب الحياه تكون معاكى تمام يا كونتى يا رب
وتكون الدراسه مرت بخير

mahasen saber يقول...

زوجه عنيده........

انتى هتنورينى مش تشاركينى ودى اذاعتنا كلنا مش اذاعتى انا يا زوجه

وان شاء الله تكون حاجه بتعبر عننا

منورانى يا حبيبتى بجد

mahasen saber يقول...

همس الاحباب..........

استاذنا الغالى خالد ابو همس
منورنى وزودت المدونه شرف بزيارتك الجميله

ربنا يباركلك فى كل من تحب

mahasen saber يقول...

ahmed k...........

ازيك يا غردقاوى منورنى

وطبعا هتشارك ايه رايك تبقى مراسلنا فى الغردقه يعنى ايه
حيث البحر والشمس والوجوه الحسنه

منورنى يا غردقاوى بجد

mahasen saber يقول...

حاجات جوايا.........

سالى سالى اختى الحبيبه وقمر دمياط بحاله

الاذاعه اولا اذاعتنا كلنا وكلنا هنبقى فيها ان شاء الله

وبعدين مقال الدستور تصدقى مشفتوش اصلا
بس الله يبارك فيكى يا حبيبتى يا رب

بوسيلى بودا بوسه كبيره كبيره من خالته

ربنا عالم بحبك فيه ازاى يا سالى
انتى مكسب لاى حد يعرفك يا حبيبتى بجد

mahasen saber يقول...

leeneo.......

لينو منورانى يا جميله
والاصرار لو مش هيبقى لشئ بخصك ممكن يكون لشئ يفيد غيرك
وفى الحالتين الثواب واحد

منورانى يا جميله
واسعدتنى زيارتك قوى يا حبيبتى

mahasen saber يقول...

عالم ماريونت.........

يا حبيبتى وحشتينى يا رنا قوى يا جميله

وبعدين اجوزك الاول هههههههههههههه

والاذاعه دى بتاعتنا كلنا يا ستات وبنات وجنس حوا بحاله وممكن نزق ادام بربع ساعه ولاا حاجه

منورانى يا رنا قوى يا حبيبتى
الا اخبار ويلسون ايه

mahasen saber يقول...

hasona..........

منورنى جدا جدات جدا طبعا وشرفت المدونه بزيارتك الكريمه وتعليقك الجميل

بس البوست مش فضفضه ده عرض لمشكله ما من المشاكل
انما مش فضفضه بالمره

منورنى يا استاذنا الغالى

mahasen saber يقول...

حور الجنه..........

يا حبيبتى انتى تشرفى وقت ما تحبى دى بيت اختك المدونه دى يعنى بيتك بالضبط

وان شاء الله الاذاعه تعجبك يا حبيبتى

منورانى يا حور بجد وانتى اليى وحشتينى قوى قوى قوى

يا رب تكونى فى افضل حال

mahasen saber يقول...

ماما اموله.........

مامااموله حضرتك منورانى بجد وشرفتينى بزيارتك الجميله

بس لا مفيش عدم تركيز ولاا حاجه اصل ده الطبيعى بتاعى

بس مفيش اى ذكريات كله راح فى حصالة الذكريات

منورانى يا ماما اموله بجد

mahasen saber يقول...

niddal .r...........

نضال ذات انفاسه شكلنا واحد صاحبنا هتتقطع انفاسه اهه هههههههههههههه

انا مقلتلكش يا نكار انتا
ماشى جهز نفسك ببرنامج حبس شو

هههه منورنى يا محمد بحب اناكشك اعمل ايه يا ابنى
روح اضرب آبى بئه

mahasen saber يقول...

حسام يحيى.........

حسام انتا اخ صغير ليا لو مكنتش فى مقام ابنى كمان
فسؤالى عليك واجب عليا

المهم يا رب تكون بافضل حال دايما ان شاء الله

mahasen saber يقول...

غير معروف..........

لو انتا غير معروف اليى فى بالى مقدرش ازعل منك طبعا

ولو انتا مش اليى فى بالى وده تعليقك الجميل ده فمقدرش ازعل منك طبعا

منورنى يا غير معروف ومنور المدونه

mahasen saber يقول...

مصطفى ريان.........

هههههههههههههه عرفت متأخر بس مقدرش ازعل منك برضه يا درش

mahasen saber يقول...

عاشقة الرومانسيه...........

تاج يا قمر ماشى يا نبضات هحاول اجى اسكندريه اخده

انتى تؤمرى يا قمر الرومانسيه بحاله

mahasen saber يقول...

سمكه واحده.........

سمكمك الدنيا جميله والبشر متنوعيين وكل واحد واليى ربنا كتبه عليه

متلاقيش ده زريعه عشان تزعلى وتكتئيى كل شئ حلو ووحش ربنا مقدره للانسان صح يا قمر

وحشتينى جدا جدا
ونورتينى يا سمكمك

mahasen saber يقول...

prince4ever.........

اخويا الصغير الجميل الطيب الوديع لمثقف الدكتور رامى
ازيك يا رامى منورنى يا طيب انتا

اخبارك ايه يا رب تكون بافضل حال

وانا يسعدنى انك تتفق معايا فى الراى يا رامى
ده شئ يزيدنى شرف ورقى فكرى

منورنى بجد يا رامى

mahasen saber يقول...

انا حره.........

نورتينى يا حبيبتى بجد
وعلى فكره انا بحب رواية انا حره قوى قوى قوى

نورتينى يا جميله واسعدتنى زيارتك قوى يا حبيبتى

mahasen saber يقول...

شمس النهار.........

شموسه الجميله حاضر هحاول اشيل الكسل ده شويه

ومبسوطه ان البوست عجبك يا شموستنا بجد نورتينى يا برنسيس البلوجر الجميله

mahasen saber يقول...

نور الدين........

انتا نورتنى وتنورنى فى اى وقت يا اخويا الغالى

ورايك يحترم ورايى يحترم
وراى اى حد يحترم طالما لا يعتدى على دين وشريعه سماويه

نورتنى يا نور واسعدتنى زيارتك قوى قوى

mahasen saber يقول...

تامر على.......

الحمد لله يا تامر ومفيش اى ضغوط خالص

وربنا يبارك فيك واكيد هحط لينكها على المدونه عشان تشرفونا فيهها

نورتنى يا تامر

mahasen saber يقول...

shemeo.........

يا حبيبتى نورتينى وشرفتينى بالزياره الكريمه دى

وبجد يا رب تكراريها
وحاضر هزورك وده شرف ليا واكيد مدونتك هتكون جميله ورائعه وراقيه زى تعليقك كده

ربنا يبارك فيكى يا شيمو
نورتينى يا جميله بجد

mahasen saber يقول...

gharam.......

غرام الجميله ازى حضرتك نورتينى بجد

وفعلا القهر بيوجع قلب اليى بيسمع عنه وبيموت اليى بيعيشه

نورتينى يا غرامنا الرقيقه

mahasen saber يقول...

soul0o0..whisper.......

سولو الحبيبه اولا نورتينى يا جميله
ومبسوطه ان اسلوب كتابة البوست عجبك

وبالنسبه لاستاذ بيرم فده خلاف فى وجهات النظر بس للاسف اتاخد من تجاههم بمحمل اخر
بس استاذى ومقدرش افتح بئى

نورتينى يا سولو بجد يا حبيبتى

mahasen saber يقول...

dream........

يا حبيبتى انا مبسوطه انى كتبت شئ بسطك واسعدك

وبجد نورتينى ياحبيبتى

وانتى الاذاعه كلها تحت امرك وخلاص استعد يا جميله هنوليكى مهمة الربط والحزم
نورتينى يا حبيبتى بجد يا دريم

وعاطله عن العملليه خير طمنينى
يا رب كل شئ يكون تمام

mahasen saber يقول...

yo yo..........

يويو حبيبتى وحشتينى وصباحك انتى كله الوان الطيف وكل السويتس اليى فى الدنيا

اتفقنا نعمل الجمعيه ونربى ظوافيرنا لاول اجتماع
اتفقنا

نورتينى يا يويو
وطمنينى عليكى يا حبيبتى علطول

mahasen saber يقول...

magi.........

ماجى اولا منورانى وانتى صحبة كرسى ومطرح كمان

بس الجواز ده نصيب بجد بغض النظر عن القوانيين يا جميله

نورتينى يا حبيبتى
وشكلها الاذاعه هتبقى صوت المراه الحر فعلا ههههههههههه

نورتينى يا جميله بجد

mahasen saber يقول...

akeed.......

اكيد انتا نورتنى واسعدتنى بزيارتك الكريمه لمدونتى

واكيد كلامك صح طبعا
واكيد هتسعدنى جدا جدا لو الزياره الكريمه اتكررت تانى

نورتنى يا اكيد

mahasen saber يقول...

صبرنى يا رب.........

يا حبيبة قلبى حاضر يا صبرنى هنشوف موضوع التاج ده
مهو لو كان فيه جواهر والماظ كنت جيت خطفته خطف هههههههههه

وحاضر سمعت الكلمه اليى على جنب دى والكل خد باله على فكره

منورانى يا قمر

mahasen saber يقول...

ذو الوجه المبتسم........

ازيك يا اخونا الكريم بجد وحشتنا الصوره الجميله دى ربنا يحمى ويبارك يا رب

واسعدتنى زيارتك الفاضله والكريمه قوى قوى

mahasen saber يقول...

tamer nabil.......

زيارتك اليى رائعه يا تامر
نورتنى جدا واسعدنى قوى ان البوست عجبك

نورتنى يا اخونا الكريم

mahasen saber يقول...

nona..........

ايوه يا نونتى وضحى ودافعى يا نونا
ووضحى اكتر واكتر يا جميله

امال احنا اصحاب كده هباء

والاذاعه قال يعنى هعملها لوحدى شمر ايدك يا نونه يله
ياهادى مترميش عليا الجنب التقيل

نورتينى فى بيتك يا قمر وبيت اختك كمان

mahasen saber يقول...

تامر على .......

حاضر يا استاذ تامر والله هحاول التاج ده جالى من اخواتى المدونيين كلهم وانتا اكدتلى انى لازم اخده

حاضر هحاول يا تامر ان شاء الله

ونورتنى يا تامر يا اخويا الكريم
وشكرا على الهديه

mahasen saber يقول...

bearem elmasery.........

ليه بس يا استاذ بيرم ماله التاج

ده حاجه ظريفه بينا وبتخلينا نعرف بعض بصوره اوضح كمان

بس حضرتك نورتنى وشرفتنى بالزياره على كل حال

mahasen saber يقول...

هانى سعيد..........

انا سعيده بزيارتك الكريمه دى جدا جدا جدا ونورتنى بجد يا هانى

ومبسوطه انك بتوافقنى الراى

بجد نورتنى واسعدتنى زيارتك جدا جدا جدا

mahasen saber يقول...

نهر الحب........

حاضر يا نوسه ربنا ييسر

وربنا يباركلك على جهودك الجميله دى يا جميله

mahasen saber يقول...

بنوته مصريه.........

نشوى انتى وممكن احرار بس بلاش ضرب

اخبارك ايه يا نشوى واحشانى جدا جدا يا جميله

mahasen saber يقول...

momken.........

اتفضل طبعا ده بيت اختك يعنى بيتك
بس بلاش ضرب لان البوليس مش هياخد حد غيرى

منورنى يا ممكن

mahasen saber يقول...

بنوته مصريه.........

نشوى مع انك محتده فى الراى بس كلامك فى اغلبه صح
استمرا
وبلاش ضرب

mahasen saber يقول...

طوبه ذهب وطوبه فضه.........

يا حبيبتى وحشانى بجد اخبارك ايه يا رب تكونى بافضل حال

وان شاء الله الاذاعه تكون حلوه ومفيده بيكوا

منورانى يا حبيبتى
وبجد وحشتينى جامد جامد

mahasen saber يقول...

ليلى فى عالم ادم.........

اهلا بيكى يا جميله بس البوست مش عنى انا برصد فيه حاله ما يعنى قصه بس بعبر بيها عن لب القضيه

انتى نورتينى جدا جدا بزيارتك الجميله دى

وشرفتينى جدا بانى اعرفك مدونتك اليى اكيد مفيده

ربنا يكرمك وشرفتينى يا ليلى يا غاليه

mahasen saber يقول...

ahmed 3allam..........

سلامى لاجمل واجدع اخ صغير فى العالم البلوجى بحاله

منورنى يا علام يا غالى
ليك وحشه جامده اخبارك ايه يا علام يا رب تكون بافضل حال ان شاء الله

mahasen saber يقول...

mohamed ghalia........

محمد محمد يا محمد لا ده انا بنادى برضه بس

بعد التعليق والايضاح الطويل ده ااقلك نورتنى بجد وحطه فى بوست لانه يستاهل بجد

نورتنى يا غالى يا اسم على مسمى

mahasen saber يقول...

غروب.........

فعلا يا غروب مهو لازم كده يا حبيبتى دينا امرنا بده

وحشانى وحشانى وحشانى يا حبيبتى اخبارك ايه
يا رب تكونى بافضل حال

ونورتينى بجد يا جميله

mahasen saber يقول...

الازهرى.........

هههههههههه ما انتا راجل فمش مأيد الوقفه فعلا ههههههههههه

ازيك يا زهر اخبارك ايه يا غالى

مش هقلك عملت ايه مع الباص الا لما تقلى عملت ايه فى مسرحيتك
خالصين كده

mahasen saber يقول...

momken..........

انا اهه ربنا ما يحرمنى من سؤالك الغالى ابدا عنى ولاا عن المدونه

فعلا المدونه فى ايدى امينه

منورنى يا ممكن

mahasen saber يقول...

asafo anaroz...........

نورتنى يا اخ اسافو واسعدتنى زيارتك جدا جدا جدا

واتمنى تكرار الزياره الكريمه دايما

نورتنى بجد يا اخويا الكريم

mahasen saber يقول...

zika........

زيكا زيكا زيكا ازيك اخبارك ايه

لا القصه كده وكده يعنى حقيقه اغرب من الخيال

نورتنى يا زيكا بجد
وشكرا ليك على زيارتك الكريمه

نورتنى يا زيكا بجد

mahasen saber يقول...

بحب الصراحه والوضوح.........

نعلمك يابنتى وليه لا
ههههههههههههههه

نورتينى يا جميله بجد وبيتك ومطرحك طبعا

نورتينى يا جميله بالزياره الكريمه دى

mahasen saber يقول...

fashkool.......
عمى الغالى بتحتاس فى ايه بس ولتتلخبط فى المدونه ليه بوستاتها متوهش ولاا حاجه

نورتنى يا عمى الغالى
وكلامك على دماغى وعلى بوستات المدونه من فوقكمان

نورتنى يا عمى الكريم

mahasen saber يقول...

سجل الزورين........

طب مفيش احم طيب

mahasen saber يقول...

hayatcemresi.........

نورتينى ويا اهلا باهل تركيا وانقره وكل ما هو اسطنبولى

you are welcom...

mahasen saber يقول...

hossam..........

حس الغالى الجميل الراقى ازيك يا ابو دماغ حلوه

عامل ايه منورنى بجد
ويا رب تكون بافضل حال

منورنى يا حسام

mahasen saber يقول...

صوت من مصر..........

كبمو يعنى طلعنا اهوجيه زى بعض هههههههههههههه هايل اليى يشوف التانى يعزمه على قهوه مانو
اتفقنا ولاا ايه

منورنى يا كيمو
ومشرفنى بزيارتك الجميله بجد

mahasen saber يقول...
أزال المؤلف هذا التعليق.