الجمعة، 10 أبريل، 2009

(تحديث بالمره).. نها وعمى والاستاذ خالد ولسعة برد الشتا وال art

تحديث وتحفيز ......

ومش فاهمه تحديث يعنى ايه بالضبط فنها بتسألنى قلتلها يعنى اخر الانباء فقالتلى اه يعنى فهمت وانا قلتلها اه انا فهمت كمان...
اولا انا غايبه عن الرد عن التعليقات وعن التمتع والاحساس العالى بالرقى والانبساط والنشوه بزيارت بلوجاتكم البديعه والمريحه واليى حس فيها انى فى عقر دارى وده لسبب قوى والله يعنى لا غتاته ولاا كسل انا بس ربنا اكرمنى واليومين اليى فاتوا اخدت دور مرض محترم بالاحضان جامد يعنى انا افتكرته احتقان الدكتور كدبنى وقاللى حما فيفر يعنى بالازنجليزى ويجى على بالى حاجتين متناقضتتين يعنى مرض الرسول الكريم بالحما ومش عارفه يصح اجمع ذكر الاتنيين سوابس جه على بالى فيلم ساتر داى نايت فيفر يمكن عشان الاسم او عشان بحب جون ترافولتا واليفيا نيوتن جون الظريفه ..الله اعلم بس اكيد كنت بخرف من العيا مش هعرف اعتذرلكم طبعا كفايه بس بجد وفعلا المرض من اوحش الحاجات اليى ممكن يتعرض ليها الانسان يكفى انى مش عارفه ابوس ابنى فى وشه خايفه ليتعدى منى ويكفى انى من تعبى مش عارفه ازوركم ولاا افتح الكمبيوتر من الاساس بس انا الحمد لله حاليا بتحسن بروح شغلى النهارده وبتعايش والحمد لله على الصحه لو بنسبه ا ونص فى الميه البيضا

وثانيا بئه..كان فيه صحفى عزيز عليا جدا ويعتبر اخ غالى وده من ايام ما كنت بتابع كتاباته وبعدين تمر السنون قصدى والله الشهور بس وهو عمل معايا حوار للمجله دى وبعديها بفتره طلب منى انى اظهر معاه فى برنامج هو بيعده اسمه الانسانييه اليوم على قناة الانسانيه والمفروض الحلقه بكره على الهوا من 8 ونص مساء فانا حبيت ااقول واعرفكم عشان اتونس بيكوا وتتفرجوا عليا ومش عايزه تحديف طوب انا فيا اليى مكفيكنى الحقن قامت بالواجب وزياده
انا كنت حابه اعتذر بس انا اعتذرتله كتير قبل كده وقلت ذوق لو اعتذرت تانى وهو خلاص كان ضبط الحلقه واموره
يا رب اكون عرفت اعتذرلكم عن تقصيرى فى زيارتكم ويا رب بكره تسعدوا برؤية وجهى اليى محتاج فورا عملية تجميل بس عاجبنى عشان خلقة وصنع ربنا
بحبكوا جدا وانتوا مصدر قوتى الوحيد فى هذا العالم المتوحش وعبدالرحمن بيسلم عليكم .....
شمس النهار قريت تعليقك يا جميله يا شموستنا بس التحديث اهه بيقلك انا رحت فين من السرير للدكتور ومن الدكتور للسرير واسألى ضد هيا عارفه وفاتيما وحشتينى يا اختى وحبيبتى وقريبة روحى الغاليه بتغيبى وبتغطسى فين يا قمر انتى بجد انا والله بلزق وبربط فى نفسى من التعب وهتعب واعيا اكتر واكيد هموت لو حد زعل منى فيارب محدش يزعل منى عشان ادعيلكوا حاكم دعوتى دلوقتى ايه منها لربنا دعوة مريض بئه
.................................................
انا ليا عشق خاص للسعة برد الشتا
انا ليا عشق خاص لروحى فى جو الشتا
انا بعشق الشتا
وبعشق كمان قفلة بيبان الشتا
والتلج على الاركان والمطر فى كل مكان
وبرغم ذللك
انا المهاجر من برد الشتا
ما انا ملقتش فى الشتا حد يورينى الدفا
كل اللى قابلته فى الشتا ادانى جفا
وخد قسوة الفصل الجميل
ومخدش منه لين شمسه الحنينه
امتى الشتا يبقى معاه
حضن دافئ يعوض ايام القسا
امتى الشتا يحضن دفا وبرد ايام الصبا
.........................................
الغنيه دى على لهجة اخوانا اللبنانيين كاتباها من سنة 2004 وطبعا فى شهر 12
من حوالى 3 اسابيع كده كلمتنى معده جميله قوى اسمها بسمه وقالتلى انها من قناة art وانها عايزانى فى حلقه عن النعدد من حلقات البيوت اسرار ولانها كانت مكلمانى متأخر وبصراحه صحيت على تليفونها فقلتلها لا لانك كلمتينى متأخر ومش هقدر وبعد اه ولا واه ونص وطيب ومينفعش وممكن وجايز واحتمال ووارد بكلم نها صاحبتى اليى هيا صاحبة المدونه الصاعده بلاش فضايح حيث ان كل خطواتى برغيها وبرفها وباخد راى فخامتها فيها حيث انها ودعاء اختها اخواتى وصحباتى الحميميين فى الشرقيه بحالها ..
المهم بعد ما بستفتنى وكلام من نوعية روحى يااختى ولاا بقيتى بتتشرطى وتقولى لا وانا طبعا هههههههههههه بضحك قلتلها اروح وتيجى معايا هيا قالت لا طنط قالت اه وطبعا كلام طنط مشى عليها ورحت انا ونونا واخدت بيرو ظلى الظليل وكلمة باباه وجدته عشان لو يحبو ان بيرو يقعد معاهم الكام ساعه مدة التصوير او اسيبه مع ماما واختى فطبعا رسى الموضوع ان بيرو ياخد جرعة اهتمام وحنان لمدة كام ساعه من باباه وجده وجدته واعمامه وعليه جاتلنا عربية القناه على بيت اختى او قريب منها لاننا معرفناش نديله العنوان صح وركبنا العربيه والرغى طبعا اشتغل مع استاذ خالد اليى طلع صاحب شركة العربيات المتعاقده مع القناه شوفوا بئه واجيبه يمين اجيبه شمال انه يشغلنى سواقةه معاه ابدا الراجل مش مأمنى على عربياته ..بعد كده رحت القناه الاقى مين هناك ضيوف الحلقه د/ عبد الحى عزب وده كان رئيسنا فى الشغل وراجل من اروع الشخصيات اليى قابلتها فى حياتى وهو حاليا عميد دراسات اسلاميه بنى سويف والاقى مين واليى جالى زهول ودموعى انجرفت من عينى لما شفته د/ عبد الحكم عبد اللطيف الصعيدى وده ليه بئه لانه عمى يعنى هو ابن خالت بابا الله يرحمه لزم كما يقال وبابا قبل ما يموت واول ما نزل من الامارات كان نفسه يشوفه جدا وكل شويه يقلى يا محاسن جربى رقم عبد الحكم ابن خالتى كده ااقله يا بابا الارقام اتغيرت وسبحان الله مع ان شغلى فى نفس مجال عمله ومع انه طول النهار بسم الله ما شاء الله فى برامج الفتوى يعنى كل ما افتح برنامج او قناه الاقيه قدامى وبابا طبعا بيبقى مبسوط ده بجانب اننا انا وبابا كنا بنتابع حلقاته فى برنامج مع الدعاء اليى بعد صلاة الفجر فى اذاعة القرآن الكريم وبرغم كل ده فشلت فى انى اجيب رقمه المهم سلمت عليه وقلتله انا محاسن صابرمحمود زهل طبعا وقالى ابوكى فين ده انا تهت على ارقام تليفوناتكوا واخدت ارقام باباكى فى الامارات وارقام الشرقيه من عمك وطلعت غلط طبعا ذهلت تانى وحكيتله ان بابا كان نفسه يشوفه وفضلت احكيله وهو يحكيلى على طفولتلهم وذكريات عن بابا الله يرحمه المهم اخدنا الارقام الصح بعد كده وفضل يسألنى عن اخواتى وعن كل شئ يخصنا وعناوينا والدنيا واخبارها معانا انا عيطة لسببين ان بابا كان بيحبه قوى قوى وكان نفسه يشوفوه وانه شبه بابا جدا جدا وحتى عمى عبدالحكم حسيت فيه بحبه لبابا فعلا وبصلة الرحم بتتوصل من جديد وبعد ما خصنا الحلقه الى طبعا انا ونها ضحكنا فيها كما لم نضحك من قبل روحنا تانى مع استاذ خالد ونها هانم راسها الناشفه والف خنجر انها تروح والساعه ايه 10 بالليل وبعد ما كلمنا طنط وباباها قالها باتى مع محاسن ودى ابدا اغريها اننا نتفسح فى اى مول وهوديها محلات تحف وانتيكات حيث انها مجنونة تحف وانتيكات وناويه تعمل مشروع محل تحف فقلتلها نتفرج وناخد خلفيه واشاركك بالنص ودى ابدا شكلها اصلها صعيدى وعليه قلتلها طب نروح المهندسين حيث اننى بقالى اربع سنيين مشربتش عصير من عند فرغلى ونفسى اعيش الجو ده تانى واهى حاجه ظريفه كده وعليه استاذ خالد فهم انا ااقصد ايه ولف بالعربيه واخدنا على فرغلى وهو اليى عزمنا كمان وانا وهيا نبص لبعض ومكسوفين فوشوشتنى وقالتلى لما نوصل عند اسماء نديله فلوس العزومه دى قلتلها وانا بوشوشها برضه ده راجل راجل وشكله ابن بلد يعنى لو عملنا كده ممكن يرصنا قدام العربيه ويدوس علينا وهيا ههههههههههه وانا هههههههههههههه ويعد ما شطبنا على فرغلى واليى فيه خدنا طريقنا للذهاب الى المنزل وطول الطريق شغاله رغى لما صدعت الراجل وكمل كرمه معايا ورحنا شارع مراد واخدت بيرو من عمه وكان نايم طبعا زى الملايكه ......
اليوم كان من اوله ظريف يعنى بدايته نها وان ده اول سفر لينا مع بعض وهيا صحبه رائعه بصراحه وبيرو قضا كام ساعه دافيين مع باباه واعمامه وجده وجدته وبعدين ااقابل عمى وحبيب بابا الله يرحمه ناهيكم انى حسيت ان بابا مبسوط انى شفتله ابن خالته واخيرا استاذ خالد الراجل ده من اروع واجدع واطيب ما يكون رغى معاه فكرنى برجالة مصر الطيبيبن قوى تحمل المسئوليه والجدعنه ناهيكم اننا من جمايلهانا ونها وبيرو ابنى حتى مش عارفنا نكأفه ازاى بس اعتقد ان ربنا بيحبنا على اننا بنقابل ناس نضيفه ونقيه وجدعه كده فى حياتنا ...ومش عشان عزمنا على العصير يا نها يا مجرمه ابدا والله ههههههههههههه
نها كل شويه نزلى البوست نزلى البوست البوست اهه نزلته استريحتى ...اه انا كنت ااقصد بئه والمغزى من الفسحه وفرغلى انى ااخر نها عشان تبقى مرغمه انها تبات عند اختى معايا يعنى حركة خبث ولئم فلاحين كده ويجعله عامر
..................

هناك 205 تعليقات:

‏1 – 200 من 205   ‏›أحدث   ‏أحدث»
2wzeyad يقول...

انا ليه الشرف انى اتعرف على حضرتك بجد معجبه بيكى جدا..........يارب تكون بداية تعارف واستفاده يارب
عندك حق ملوش لازمه الشتا لو مفيش معاه حضن دافى يخلينا منخافش من برده
ده اجمل مافى الشتا احسسانا بالدفا رغم برده

Soul.o0o.Whisper يقول...

تانى تعليق

حجززززززززززززززز

Soul.o0o.Whisper يقول...

هييييييييييييييييييييييه

هيييييييييييييييه


حجزت حجزت


ياما انت كريم يارب

انا يادوب لحقت اقرا كلمات الاغنية بس

اما اروح اكمل بئا

صوت من مصر يقول...

انا كنت هبقى اول تعليق لولا الظروف
على العموم عجبتنى الغنيه كتير موووووووووت
واخيرا نزلتى بوست

Soul.o0o.Whisper يقول...

ياه يا سنسنتى

ما شاء الله
ربنا يكرمك يارب

دا عشان انتى انسانة جميلة

فربنا كاتب لك تشوفى ناس جميلة زيك

و كمان مبروك على بيرو الكام ساعة دول

الا قوليلى

سلمتيلى عليه؟؟؟؟


طاااااااااااااااايب
لما أشوفك

ههههههههههههههههههههه


سلام يا قمره

Tamer Nabil يقول...

السلام عليكم


الشتاء بحبة

والصيف كمان

وجميع الفصول

بس الاقرب فى الحب الشتاء ومش عارف لية من غير اسباب

دى حاجة كيميائية

ربنا يفرحك ويسعدك

تحياتى

موناليزا يقول...

اذيك يامحاسن ياجميلة
وحشتينى ياحبيبتى
فينك من زمان مابتكتبيش حاجة جديدة ليه
يارب تكونى بخير
==
عايزين نعرف ميعاد الحلقة:)

mohamed ghalia يقول...

مبروك على artظهورك فيها يامحاسن
والحمد لله انك اتعرفتى على الشخصيات دى وياسلام على الصدف الرائعة
دمتِ بكل الود
دمتِ فى سعادة

عمرو يقول...

أدام الله عليكى نعمة السرور و راحة البال يا أم عبد الرحمن و ربنا يخللى الدنيا حلوه فى عينيكى كمان و كمان ..
بس مش كل الفلاحين لؤمه :))
يا ريت كنتى تقولى لنا على ميعاد عرض البرنامج علشان نشوفه ..
أتمنى لك التوفيق دايما ..

ABOALI يقول...

سبحان من وحد القلوب وجمعها
من غير ميعاد ولا حدود كان مكانها
الفه وحب كان عنوانها
الكل عرف وفهم
انى مهما تلف بينا الدنيا واصحابها
لابد تانى نجتمع
ونعيد البسمة والفرحة كعروسه لابسها الطرحة
الله يديم الخير
وننعم برب الخير
هو الوحيد القادر
على تجميع كل الخلايق من مطرحها



جميلة الجوله السياحيه دى يا باشا
ا ر تى وفرغلى وعربيه ليموزين
وحرس شرف
الله الله الله يا ام بيرو يااااااااااا مشهور اووووووووووووووووووووى
ربنا يزيد ربنا يبااااااااااارك


تحياتى

غروب يقول...

ههههههههه

يوم زى السكر بجد

ربنا يسعد

وجميل اوى فعلا انك تقابلي اشخص مش متوقعه تشوفيهم صدفه جميله واكيد والدك كان سعيد فعلا ربنا يرحمه

وكويسه اوى عزومه فرغلى دى مفيش حد يعزمنى انا كمان؟؟؟؟؟؟

هههههه

بجد يوم لذيذ وربنا يسعد كلايامك يا حبيبه قلبي

بنوتة مصرية يقول...

يااااااااااااااااااااجامدة ياواااااااااااااااااااصلة
ايوة يااعم artمرة واحدة
ماشيه معاك اخر حلاوة ياعم محاسن
الشتا طبعا اجمل بس من غير حضن دافى هنحس بالشتا قاسي اوى

بنوتة مصرية يقول...

كنا فى اوخر الشتا قبل اللى فات زى اليومين دول عشنا مع بعض حكايات

هانى زينهم يقول...

انتى طيبة اوى يا محاسن . كل الناس عندك طيبة ورائعة وجميلة
. مع انى ما فيش حد كدة على طول انما لو انتى شايفة كدة يبقى كدة . المهم الحلقة دى هتتذاع امتى عشان نشوفها .

ريمان يقول...

اللسام عليكم

محاسن حبيبتى اجمل محاسن فى الدنيا

ازيك وحشانى موووووووووووووووووت

الكلمات بتاعه الاغنيه اللى فى اول البوست حلوه اوى اوى

وحسيتها

ويا سيدى يا سيدى ايه ار تى مره واحده


طب اعملى بقه حسابك اننا عايزين نشوف الفيديو


امواااااااااه ليكى ولبيرو كمان

اسامه عبدالعال يقول...

هي البلد دي مالهاش كبير اذاى تيجي هنا من غير ما تكلمينى
مدونين اخر زمن

karim يقول...

تشرفت بمعرفة مدونتك, تحياتى

مـجـنـووون يقول...

انا بقي مش بحب الشتا خالص

يمكن علاشن بيبقي طويل وانا ببقي وحيد

ويمكن علشان مبعرفش انام في السقعه

ويمكن بيبقي الفسح والخروج صعب

ويمكن علشان انا مجنووون


ربنا يسعدك يا رب وترفع اسم التدوين عالي في كل مكان

تقبلي مروري أختي الغاليه
مجنووون

شمس النهار يقول...

ربنا يفرح قلبك يامحاسن يارب
بس البرنامج امتي ان شاء الله
الاغنيه حلوه جدا وخصوصا ان انا بحب الشتاء جدا
وايه حكاية لقم الفلاحين دي
عمرو كمان دايما يقولها

Mohamed يقول...

بقى كدا ....
طيب أنا لما هاتجوز هابقى اطلق وافتح مدونة و اجرب حظي يمكن ابقى مشهور أنا كمان ... هههههه
طيب ممكن تشغليني معاكي ، أي حاجة ، لو حتى شنطة في إيدك :)
معاها حق صاحبتك ، كبرتي وبقيتي تتشرطي وتقولي لا ، ( ربنا على المفتري )

تحياتي

رادار

حاجات جوايا يقول...

ازيك يا سنسن يا جميلة اخبارك ايه
وازاى بيرو حبيبى
يارب دايما تكونوا بخير وهنا


ما انا ملقتش فى الشتا حد يورينى الدفا
كل اللى قابلته فى الشتا ادانى جفا

عجبتنى اوى الابيات دى
مفيش اصعب من الاحساس بالبرودة بجد

----------

انا قاعدة اسأل نفسى انتى منزلتيش بوست عن اللقاء ده ليه
وكل شوية ادخل ابص ملاقيش حاجة

بجد شكله كان يوم حلو ده لانك طيبة يا سنسن ونيتك صافية .. الحمد لله انك فرحتى وضحكتى فى اليوم ده يا حبيبتى
عقبال ما تعملى لقاءات فى كل القنوات يا قمر

انتى مسجلتيش اللقاء ولا ايه ؟
ياريت تنزليه لو تعرفى



بس تعرفى انى كنت فاكرة نهى اختك من البانر اللى عملاهولها عندك

بعتلك معاها السلام وصل ولا لسه ؟؟



سلام يا حبيبتى
تصبحى على خير يارب

مسدس صغير يقول...

مسير الحى يتلاقى خاصة فى التليفزيون
بجد احيانا بيبقى فيه صدفه الواحد بيبقى سعيد بيها جدا جدا .
زى الصدفه دى تمام
جميل ان الواحد يشوف حد بيحبه بعد فترة كبيرة من الزمن . بيبقى شعور جميل.

غير كده احييكى على كلماتك :

كل اللى قابلته فى الشتا ادانى جفا
وخد قسوة الفصل الجميل
ومخدش منه لين شمسه الحنينه
امتى الشتا يبقى معاه
حضن دافئ يعوض ايام القسا
امتى الشتا يحضن دفا وبرد ايام الصبا

احييكى على البوست يا محاسن هانم

yoyo يقول...

صباحك سكر يا محاسن

ايه يا جميل الكلمات الرقيقة دى
بصراحة انا من عشاق الشتا رغم انه له جو من الحزن كدا عكس الصيف حركة وحرية و انطلاق بس الشتا له سحره الخاص

بجد يا محاسن انتى انسانة جميلة جدا وطيبة عشان كدا ربنا بيسهل لك كل الامور وكمان بيعرف بناس بتحبك

ربنا يسعدك ويسعد كل ايامك يارب
ماشية معاكى يا ستى عزومة عند فرغلى ههههههههههه
صحيح الحلقة هتتذاع امته ان شاء الله

ياريت تشرفنى بالزيارة فى المدونة لكى حاجة تعالى خديها ماشى يا قمر

دمتى بالف خير يارب
تحياتى
يويو

kalamfady يقول...

الله يسعدك....ويفرحك كمان وكمان ويخليلك بيرو ....

حاسوباتيه يقول...

يوم فعلا ممتع وجميل ربنا يجعل كل ايامك حلوه كده يارب

مصطفي ريان يقول...

طيب هي الحلقة هتذاع امتى ؟

مصطفي ريان يقول...

طبعا مش محتاج اقولك ان ابيات الشعر حلوة قوي
تحياتي ليك دايما

رؤية يقول...

امممم
ياسلام على الحركات
يا حركاتك

عموما الاغنية حلوة
عجبتنى كلماتها


تحياتى

momken يقول...

يا محاسن انتى تستهلى كل خير

ربنا يزيدك ويعوضك انشاء الله

الى عاوز اقوله ان موضوع طلاقك وقضيتك
هى سبب الخير الى انتى فيه

رب ضاره نافعه

وقال تعالى
(عسى ان تكرهوا شياً وهو خيرا لكم)
صدق الله العظيم

فعلا ربنا بيتمنى لينا الخير

اما عن طول غيابك يا ست محاسن فده مافيش فيه اى سماح

انتى منوره بلوجر

تحياتى

nona يقول...

نزلتى البوست يا محاسن؟
شاطرة ايه الحلاوة دى
بتحطينى ليه فيه ؟ انا مش ميت مرة اقولك بلاش فضايح

مقولتيلهومش ليه بالمرة ان انا ... فى العربية واحنا رايحين

ولا بلاش دى

عموما
البوست حلو واسمى منور فيه
ونهى بال( ى) مش نها بال(الالف)

فرحى الأستاذ خالد بئا وقوليله الراجل هينبسط

nona يقول...

اه
دعاء بتقولك كويس انك لسة فاكراها بعد أضواء الشهرة وفرغلى

هههههههههههههههههههههههههه

انتى كويسة يا محاسن وانا بجد مشوفتش ولا اتعرفت على حد زيك
ربنا يوفقك انتى وبيرو ويخليكوا لبعض

romansy يقول...

اهلا يا استاذه
الشتا والدفا عشق مالوش حدود
بفرح لما اشوف شعاع الشمس اخترق الغيوم وظهر واتحدى نفسه
اما بقى يا استاذه يا مشهوره
دايما الدنيا صغيره قوى وانتى تستحقى كل خير
كملى يا استاذه وربنا يوفقك انتى انسانه اسلوبها جميل فى الكتابه

esraa يقول...

ربنا يسعدك علي طول ياحبيبتي

will يقول...

情趣用品,情趣,A片,AIO,AV,AV女優,A漫,免費A片,AIO交友愛情館,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,情色論壇,色情影片,微風成人,嘟嘟成人網,成人,18成人,成人影城,成人圖片區,成人圖片,成人貼圖,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園,視訊聊天室,視訊聊天

麻將,台灣彩卷,六合彩開獎號碼,運動彩卷,六合彩,線上遊戲,矽谷麻將,明星3缺一,橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,遊戲區,電玩快打,cs online

情趣用品,情趣,情趣商品,A片,AIO交友愛情館,AIOAV女優,AV,A漫,免費A片,本土自拍,自拍,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,色情影片,情色網,色情網站,微風成人區,微風成人,嘟嘟成人網,成人,18成人,成人影城,成人圖片區,成人圖片,成人貼圖,成人文章,成人小說,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園,080中部人聊天室,080聊天室,中部人聊天室,080苗栗人聊天室,苗栗人聊天室,免費視訊聊天,免費視訊,視訊聊天室,視訊聊天

情趣用品,情趣,情趣商品,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,AIO交友愛情館,一葉情貼圖片區,情色論壇,色情影片,色情網站,微風成人區,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人文章,成人小說,A片,AV女優,AV,A漫,免費A片,自拍,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園,080中部人聊天室,080聊天室,080苗栗人聊天室

情趣用品,情趣,情趣商品,愛情公寓,情色,情色貼圖,色情小說,情色小說,情色文學,色情,做愛,寄情築園小遊戲,色情遊戲,AIO交友愛情館,AIO,色情影片,情色網,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人文章,成人小說,成人電影,麗的色遊戲,自拍,A片,AV女優,AV,A漫,視訊交友網,視訊,視訊交友,免費視訊聊天室,免費視訊,視訊聊天,視訊聊天室,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園

Nabil يقول...

السلااااام عليكم....

اختى الغاليه العزيزه الطيبه الجميله الرقيقه لو كتبت مليون صفحه مش هعرف اعبر عن احترامى وتقديرى ليكى.

اخبارك ايه؟ يارب تكونى بكل خير

الاغنيه جميله وكلماتها متناسقه فعلا وكلها احساس

بس الصيف حلو برده d: المهم يا رب تكونى مبسوطه دايما

ويارب دايما تملى كل قنوات التلفزيون
احنا الكسبانين لم هنشوفك كتير.

ربنا يوفقك ويخليلك بيرو

سلميلى عليه طبعا

تمنياتى بالتوفيق دايما وسلامى

تامر علي يقول...

طبعاً د/ عبدالحكم الصعيدي من علماء الأزهر الأجلاء وكويس انه طلع قريبكم :)

الشتاء دائماً ما يثير أشجان وأحزان المرهفين :)

تحياتي

محمد فارس يقول...

السلام عليكم يامحاسن صابر
ياام عبد الرحمن
انا قرأت الموضوع وعجبني فيه
اسلوبك الرائع وطيبة قلبك
وادعو الله ان يجعل ايامك
كلها دفء
ان شاء الله

طـــائر الليــــل الحـــــزين يقول...

محاسن صابر
واحشااااااااااااانى جدااااا يا قمر
وجميلة قوى مجموعة الابيات اللى كتبتيها باللهجة اللبنانية
وكفاية انها عن لسعه البرد اللى فى الشتى
بصراحة انا بعشق الشتى
عموما انتى انسانه جميلة واى حد يعرفك بيحبك على طول
واى حاجة بتكتبيها بتكون فى منتهى الجمال
تحياااااااااااتى

جنّي يقول...

السلام عليكم

ازيك اخت محاسن وازي عبد الرحمن بيرو لعلكم بخير والحمد لله ..

الطيور على اشكالها تقع ( ان ربنا بيحبنا على اننا بنقابل ناس نضيفه ونقيه وجدعه كده ) علشان كدا ربنا
بيحبكم وانتم ناس طيبين وانقياء ..

fashkool يقول...

ازيك يا محاسن
تحياتى
يا ترى يامحاسن حتنزلى الفيديو بتاع حلقة الART امتى عشان نشوفها ونشوف بتقولوا ايه فيها
تحياتى لبيروا ... مش بيرو برضه يبقى عبد الرحمن ابنك ولا حد تانى
وتحياتى ليك

شمس النهار يقول...

كده يامحاسن تبقي انت المحرض الرئيس علي البوست وتهربي من المناقشات كده بسهوله فين المشاركه يعني لوائات صبرني يارب نعمل فيهم ايه يرجعوا ايدهم فاضيه

نـــــــــــــور يقول...

ازيك

واحشانى
انتوا عيله اعلاميه من يومكوا بقى
عامله ايه
معنديش تعليق غير ربنا يسعد ايامك دايما يارب:)

ذو الوجه المبتسم يقول...

السلام عليكم
ازيك يا مدام محاسن
انا طبعا قريت البوست وكمان متابع بوستاتك السابقة بالرغم انى احيانا مش باعلق عليها
الاول اقول ربنا يسعدك انتى وابنك الجميل ويوفقك الى ما يحبه ويرضاه

انا لي سؤال بعيدا عن البوست واتمنى اجابته بصراحة اذا حبيبتى تجاوبى طبعا

- هل انتى سعيدة بحياتك حقا ؟ رغم الاحداث والشهرة والتطور اللى بيحصل معاكى ده سواء قنوات فضائية او اعلام او على الطبيعة ؟
على فكرة انا شاهدت لقائك السابق بقناة المحور
وسعدت جدا لان اسلوبك فى الحوار بيدل على ثقافة عالية
لكن سؤالى على الجانب الشخصى ؟
تقبلى تحياتى

بنت الغربة يقول...

محاسن ياحبيبتى..واحشااانى
ايه العسل ده ..د انتى بقيتى مطلوبه من القنوات الفضائيه ياجمييل...بعد كده ان شاء الله هانشوفك مذيعه زى القمر..
ربنا يهديلك ابو ابنك يارب ويفرحك بابنك و...يعوضك عن السنين الوحشه اللى شوفتيها..
فاكره اختى اللى حكيتلك عليها ..؟؟
هتتجوز تانى الحمد لله فى شهر 6 بأذن الله ..والحمد لله ربنا عوضها خير بأنسان كويس وبيعرف ربنا..
وهو اللى اقنعها بالجواز تانى ..بعد ماكانت اتعقدت منه ..
ربنا يعوض صبرها خير.... وعقبالك..
تحياتى ياقمر

إبن مصر يقول...

السلام عليكم


كمان الــ art

ممكن السيده محاسن تتفضل مشكوره بقبول تعليق من مواطن مصرى على قد حاله مش بيطلع فى التلفزيون :)

طيب ممكن حضرتك يعنى تكلمنا حد من المسئولين يشوفلنا عقد فى اى بلد عربى :)

هههههههههههه
ربنا يسعدك يارب يا محاسن ويديلك على قد نيتك


تحياتى اختى الشرقاويه الطيبه

ايوشة يقول...

بيقولوا الدنيا صغيرة وربنا كرمك بشخصيات جميلة تاثر فى حياتك وتعيد البسمة تانى ليكى ربنا يوفقك دايما يارب

♥♥♥♥♥ Jennifer™® ♥♥♥♥♥ يقول...
أزال أحد مشرفي المدونة هذا التعليق.
لجين أبو الدهب يقول...

اجمل شئ فى الدنيا ..

ان حاجة تيجينا على فجأة فتدخل السرور على قلبنا وتفرحنا ..

خاصة لو حاجة بندور عليها من فترة ..

بس حضرتك ما قلتيش ميعاد اذاعة البرنامج امتا ؟؟

دمتِ بخير ..

hasona يقول...

السلام عليكم

الحمد لله علي كل خير يأتين
بجد لما نقابل ناس نقية وروحها جميلة
بنشعر بسعادة
ونحس أن الدنيا لسه بخير

ونستريح لمجرد اننا نشوف أو نسمع أسماء هؤلاء البشر

من غير عنـــوان يقول...

ما انا ملقتش فى الشتا حد يورينى الدفا


كفايه دي


قـــــــــويه

همس الاحباب يقول...

الف مبروك على اليوم
وعلى البرنامج
وعلى مقابلتك لعمك
وسبحان الله
رب صدفة خير من الف ميعاد
وربنا يكرمك ويسعدك دايما
وسلامى لبيرو
تحياتى وتقديرى

قطرات من شواطئ الحياة يقول...

سألتي عليا في غيابي و بجد أسعدتيني أوي
أديني رجعت و لاقيتك أكثر إبداعا و قربا مننا عن الأول

تحياتي لك و لنها و لعمك و للأستاذ خالد و للسعة البرد و الart
;)

فاتيما يقول...

يا عم الفسح و البرامج و الحركات دى كلها ...
مش بحسد أنا بقر و أنق بس
ربنا يسعد كل ايامك و ربنا لما بيحب يجمع الناس بتيجى على أهون سبب و من حيث لا يتوقع و يدرى ...
تعرفى إنى ساعات أروح نقابة الصحفيين احضر مناسبات خاصة بأصدقاء لبابا
ميعرفونيش و لا يفتكرونى بس بحس إن لو بابا كان عايش كان راحها بنفسه
و أل يعنى انا هنا مكانه و بروحها بداله و بحس إنى بعمله حاجة يعنى ...
عبط بس بحس براحة ..
و اكيد دا اللى حصلك لما شوفتى قريبك
بوسيلى بيدو قوى قوى
و بوسة و حضونة يا النص التانى لقلبى
يا محاسن بنت أبيها الغالى

leeno يقول...

ربنا دايما يسخرلك الناس الطيبة و النقية عشان الحياة يفضل ليها طعم حلو

ليلى فى عالم ادم يقول...

ربنا يوفقك ويكتب لك كل خير ان شاء
ومبروك الحلقة
بس قةليلنا هى هتتذاع امتى

GHARAM يقول...

الراجل ده من اروع واجدع واطيب ما يكون رغى معاه فكرنى برجالة مصر الطيبيبن قوى تحمل المسئوليه والجدعنه

=============
هو ده الراجل المصري الأصيل الحقيقي اللي أختفي للأسف من حياتنا وبنحاول نرجعه


أبدعتي ياعزيزتي

mohamed ghalia يقول...

محاسن ألف سلامة عليكى وربنا يحفظك من كل سوء
حاضر هنشوف الحلقة بإذن الله

yoyo يقول...

الف مليون سلامة عليكى يا محاسن
ربنا يشفيكى ويعافيك يا قمر يارب

ابقى طمينينى عليكى
تحياتى
يويو

elsha3er يقول...

السلام عليكم اولا انا جاى اسلم

ثانيا انا جاى اعاتب وبشدة عشان زعلان

ثالثا انا مستنيكى فى مدونتى عشان تقولى رأيك وحتقدرى تعملى اية


تحياتى للى نسونى


احمد الشاعر

إبن مصر يقول...

السلام عليكم

الف مليون سلامه ليكى وان شاالله البطه السوده بتاع الجيران اللى فى الدور الرابع :)

الف سلامه يا ام عبدالرحمن سلامى لعبدالرحمن بس مش دلوقتى تيجى تبوسيه تعديه خليها لما تخفى ابقى سلمى عليه وبوسيه كمان

تحياتى وترجعى بالسلامه ان شاء الله

فاتيما يقول...

سلامتك ألف سلامة يا حبيبتى
ألف سلامة عليكى بجد
على مهلك و براحتك و شدى حيلك كدا
و ما عاش اللى يحدف طوب

Soul.o0o.Whisper يقول...

سنسنتى حبيبة قلبى


عاااااااااااااااا
معلش يا سنسن حصلت ظروف والله
و مش قدرت اعملك سبوورت باى حاجة

و لا طوبة و لا طمطماية وو لا اى حاجة خالص

بس مش تزعلى منى
يارب حد يكون سجلها
و أشوفها

و هأقولك رأيى بصراحة تااااااااااااااامة
:)




تحياتى ليكى يا قمره

مصطفي ريان يقول...

ان شاء الله هتفرج
بس هي معاد فقرتك الساعة كام ؟
يارب بالتوفيق

ابو المفاصل الواصل يقول...

الصعاب كلها تهـــــــــــون ولا يهون التصعيــــب
فقسوة الحياة فى حاجة الى حنــــــــــــية وترطيب
وتعقيد الامــــور قمة الجور والتعــــــنت والترهيب
فيا معقداتى بلاش شـــــــغل القراداتى الغريــــــــب
والباس الحق ثوب الباطل والباطل ثوب الحق الحبيب
بما يقلص الفرحة ويكــــــــتر من البكاء والنحيــــــب
فعد الى عقلك واسلك حســـــن المسلك تجد الترحيب
وبادل الناس حبا بحب بالرغبة الطيبة والترغيـــــــــب

momken يقول...

يابنتى بتروحى فين
وبتغيبى ليه

ربنا يطمنا عليكى


تحياتى

الجواز و سنينه يقول...

يا بنتى انا ماليش حظ اشوفك
يعنى art و الانسانيه و انا مش بعرف إلا متأخر
المهم الف سلامه عليكى يا قمر
و موش تغيبى تانى
و لما يكون فيه لقاء ابقى سيبيلى خبر
و الله نفسى اشوفك
تحياتى

حاجات جوايا يقول...

ألف سلامة عليكى يا قمر
ربنا يشفيكى ويعافيكى يارب ويبعد عنك كل سوء

والله على بالى يا سنسن وبقالى يومين عايزة اطلبك اطمن عليكى ومش عارفة ايه اللى بيعطلنى

هتنورى الحلقة ان شاء الله
ياريت حد يعرف يسجلها بقى

ترجعيلنا بالف سلامة يا حبيبتى يا غالية
بوسة كبيرة ليكى ولبيرو

prince4ever يقول...

سلام عليكم يا استاذتي
متأخرا كعادتي ااتي... بس الحمد لله اني جيت
اولا سلامتك الف سلامه يا استاذتي
و مبروك يا عم ع الكلام الجامد ده...artمره واحده...ده انا لما طلعت في قناة التعليم العالي عملت ليله لله و علقت كهارب ع البيت
بس تستاهلي كل خير يا استاذتي
بس حلوه الغنيه...مش كان حد م الرحبانيه يكتشفها و يلحنها

سلامي لبيرو و اعذريني بجد ع التأخير...لأنه و الله ما بأيدي

دعواتك
سلاااااام

لجين أبو الدهب يقول...

سلامتك الف سلامة ..

بس انا مش عارفة بكرة دى عدى خلاص ولا النهاردة ولا بكرة ولا ايه بالظبط :(

بس ياريت رفع الحلقة علشان كلنا نشوفها ..

شفاكِ الله وعفاكِ ..

ABOALI يقول...

لما قريت انى الجميل تعبان
قولت لازم اجى بسرعة ولا الولهان
لكن فى الطريق الردار منه لله
رصدنى وقال
عليك غرامة طريق يا ولهان
قولت انا رايح زيارة للغاليين
الاصلة المحترمين الشرقاويين
قال هما مين دول
فحكيت عن الخلق الرفيع
ونسمات الربيع
قااااااااااااال
كفاية دول عليا
امشى فى طريقك يا ولهان
ولايهمك غرامة ولا كمين تعبان
وادعى من قلبك
واسئل ربك العظيم رب العرش الكريم
ان يشفى بنت الطيبين



شفاكى الله وعفاكى

تحياتى

مهندس مصري يقول...

ألف سلامة عليكي
ربنا يتم شفاكي على خير يا أم عبد الرحمن

A.SAMIR يقول...

محاسن بلديااااااااتي
ازيك وعاملة ايه
عايزك تخرجي بقى من موضوعاتك التقيلة دي و تدخلي ع المدونة عندي
علشان ليكي حاجة عندي في المدونة خديها بسرعة قبل الزحمة
تحياااااااااتي

غروب يقول...

الف مليون سلامه عليكي

وحشتينى اوى

طمنينى عليكي في اقرب وقت بليز

مواااااااه

magi يقول...

الف سلامه وان شاء الله ربنا يوفقك

AhmeD 3llaM يقول...

كل سنه وانتي بخير وعبد الرحمن بخير والشرقيه بخير والغربيه بخير والمنوفيه بخير
ههههههههههههه
*
محاسن هانم انتي قلتي اهم حاجه في الكلمات
وفعلا انتي مسكتي مربط الفرس
ايه لزمة جمال فصل الشتاء من غير حد يدفيني فيه
من غير حضن يحسسني بالامان وافتح عنيه الاقي الدنيا بتمطر ورعد وبرق وتلج بس انا في امان حد حاميني ومكفيني
بجد معاني الكلمات جميله يا ست الكل
*
سلام يا ست الكل

assafo anaroze يقول...

محاسن
ربنا يشفيكي يا رب و مزلة البرد تتوه عنك الى الابد
مودتي

Heba Sayed يقول...

السلام عليكم

ازيك ياقمر

وحشااااااااااانى

موضوعك جميل ياعسل

صوت من مصر يقول...

غيبه غيبه
فينك فينك
محتاجين نسمع كلامك بجد

جعلوني مريض نفسيا يقول...

السلام عليكم
الف سلامة عليكِ من البرد

واسف علي التأخير والتقصير بس فعلا مشغول بأهم فترة في حياتي وهي الي هيتحدد عليها مستقبلي

عاشــــــ النقاب ـقــــة"نونو" يقول...

السلام عليكم
لف سلامة عليك حبيبتي
ويارب من نجاح لنجاح دوما
وحشاني اعذريني على تاخري في الزيارة
دعواتك

فاتيما يقول...

عاملة إيه دلوقتى يا حبيبتى
يا رب تكونى احسن
إن شاء الله

بنوتة مصرية يقول...

محاسن
انتى فين انامخنوقة اوى
محتاجللك اتصلت بيكى بعداماكلمتينى بيومين ماردتيش
محاسن انا هتجنن
داخلة على مرحلة اكتئاب داخلة اية انا خلاص اكتئبت
الحقينى يامحاسن
انا يااهتجنن
يااهيحصلي حاجة
الحقينى همووت بجد

مصري بالغربة يقول...

ام بيرو ازيك عامله ايه
الف سلامه عليكي والله ما كنت اعرف انك مريضه ابدا

زشافاكي الله وعافاكي

واتمنى اسمع عنك كل خير ان شاء الله

اسف جدا اني مقصر معاكي بالسؤال او الردود والتعليق

بس كان عندي ظروف والله

Heba Sayed يقول...

السلام عليكم

انتى فين يامحاسن؟؟؟ انتى تعبانة اوى ولا ايه ؟؟

يارب ترجعلنا بالسلامة عافية كده و تكون نفسيتك تمام باذن الله

فشكووول يقول...

العزيزه محاسن هانم
تحياتى
اشكرك جدا على التعليق والاولاد والاحفاد كلهم بيسلموا على حضرتك وهم شاكرين جدا لك سؤالك عليهم ويارب ربنا يكرمك ويبقى عندك احفاد زيهم ويرزقك بابن الحلال اللى يستاهلك
تحياتى

عالم ماريونت يقول...

محاسن انتي وحشاني جدا جدا جدا

انتي فين؟
ولية مش بنشوفك؟
متطوليش الغيبة علينا عشان بتوحشينا

اختك رنا

الجواز و سنينه يقول...

ايه يا بنتى فيييييييييييينك
وحشتينا
اعلى صوتى يمكن تسمعينى
محاااااااااااااااااسن
بجد طمنينى ع ليكى يا قمر
اه كل سنه و انتى طيبه
اكيد عيد ميلادك يا اما جه يا قرب
كل سنه و انتى طيبه يا جميل
برج جوزاء زيك
ههههههههههههه

الازهرى يقول...

لقيتك مستخبية
قلت اسأل
يمكن تكونى هربانة من حكم او تأبيده والا حاجة
صدقينى انفعك قوى فى الموضوع ده وعندى مخابىء
انما ايه عجب

فشكووول يقول...

العزيزه محاسن هانم صابر
تحياتى
احسن حاجه انك تتخيلى وتعملى تمثيليه للموضوع فى دماغك وتبتدى تصورى بدماغك ايه اللى حصل وايه اللى كان ونعمة التخيل دى مش كل واحد يقدر يعملها ومش كل واحد يملك هذه النعمه
انا وانا باكتب البوستات اقعد اتخيل بينى وبين نفسى واعمل سيناريوهات لأى موضوع وبعدين اكتبه ويطلع والحمد لله زى ما انا عايز.
اشكرك على التعليق ودايما بتشرفينى وتنورينى فى فشكول
تحياتى

غير معرف يقول...
أزال أحد مشرفي المدونة هذا التعليق.
my dream يقول...

اولا وحشاااااااااااااااااااااااااااني قوي قوي
انا زعلانه وعايزه اتصالح
ماليش دعوه ولا باقيتي تزوريني ولا تعلقيلي ولا حاجه

انت فين ليه مافيش جديد
بوسيلي بيرو وام بيرو

ماما أمولة يقول...

سلامتك ألف سلامة حبيبة قلبي

ألف لابأس عليك

ربنا يشفيك ويعافيك اللهم أمين

شكرا لزيارتك وتعليقك الحلو وأنت والله وحشاني أكتر

على فكرة أنا ضفتك على الياهو وان شاء الله اكلمك علشان اطمن عليك

سلام يا أم بيرو

marmar يقول...

ميسوووووووووووووو
الف سلامه عليكي يا حبيبه قلبي
ولله انا كنت كمان تعبانه بس الحمدلله اتعافيت ولله بدعيلك من قلبي يا جميله
شدي حيلك كده يا حبيبتي وطمنيني عليكي
واشربي عسل بليمون كتييييييير عشان تخفي
يااااااارتني كنت اتفرجت عليكي ياميسو بس ولله غصب عني معرفتش انتي اي يوم هتروحي ولا اي حاجه انا متأخره كتير عليكي وعلى كل المدونين بس ربنا يعلم اللمذاكره اللعينه اللي انا بذاكرها دي
ربنا يستر
خلي بالك من نفسك اوي وابقى طمنيني عليكي يا حبيبتي
اموااااه

marmar يقول...

حبيبه قلبي الرقيقه الجميله ام بيرو
ولله يا ميوووستي انا كويسه وتمام جدا
جدا مش ناقصني الا اني اشوفك واعد اتكلم معاكي كتير اوي بجد نفسي اشوفك اوي اوي اوي لاني برتحلك جدا في الكلام ييا اختي الرقيقه
انا كنت تعبانه نفسيا وجسديا وتعب مذاكره وقرف بقى فكان عامل كوكتيل غم
ومكنتش برد عند حد خالص عشان لما بكون كده مش بعرف اتكلم خالص
بس الحمدلله والشكر له وحده بقيت كويسه وخفيت يارب انتي كمان تخفيلي بقى يا ميسووو
طمنيني عليكي يا حبيبه قلبي وعلى صحتك ونفستك والبرد اللي عندك وعلى بيرو وعلى قلبك الجميل ده
امواااااااااااااااااااااااااااه
بوسه مني لاجمل محاسن صابر في الدنيا كلها ولاجمل بيرو حبيبي
مش تشغلي بالك بماسنجر ولا حاجه يا حبيبتي اهتمي بنفسك انتي بس وخفيلنا وخفيلي انا كمان بالذات حبتين
بحبك في الله يا ميسو

mohamed ghalia يقول...

أنا جاى أسلم
مش ناوية تنزلى جديد ولا ايه
؟؟؟؟؟؟؟؟؟؟؟؟

قوس قزح يقول...

الف سلامة عليكى
و يارب تكونى بقيتى احسن

ميلة الغنية
مع انى مش بحب الشتا
يمكن علشان مفيهوش دفا

ابقى حطى الفيديو بتاع الحلقات نفسنا نشوفك


سلامتك مرة تانية

سمكه واحده يقول...

اذيك يا سنسنه
الف سلامه عليكي ياقمر
معلش انا مقصره معاكي
الف سلامه وانتي وحشاني جدا
يارب تكوني بخير
سلميلي علي بيرو

نـــــــــــــور يقول...

سلامتك من كل شر ياقلبى

عامله ايه دلوقت؟
يارب تكونى احسن ويكون المحروس خطيبى رجع لاحضانك سالم -يعنى سليم مش قصدى سالم جاركوا-

والله وحشتينى تصدقى من يوم ماشفتك؟
ممكن تدعيلى كتير؟

كلامك عن الشتا حلو اوى اصلى انا كمان بحبه:)

MaNoOoSh يقول...

انا كمان بحب الشتا بشكل يعجز عنه خيالى عن الوصف من شده حبى فيه
ويارب تلاقى الحضن الدافى اللى يعيش معاكى الشتا ويكون أمان
(انا عارفة على فكرة انى معنديش دم ومقصرة فى التعليقات بس انا ساعات وربنا مبلاقيش حاجة أقولها.. وعلى فكرة التاج وصلك يا سمسمة.. ينفع أقولك سمسمة؟)

عرفة فاروق السيوطى يقول...

السلام عليكم

الأستاذة محاسن
والله انا تعبت من كتر البرامج
للأسف شكلى مش هحضر البرنامج اللى هيتذاع ولا البرامج اللى تمت اذاعتها
الجيش بقى
بس والنبى طالما بتتكلموا فى برامج ما تحاولى تعملى تلخيص للحلقة عن ايه وقولتوا فيها ايه
ولو أمكن يكون فيديو الحلقة موجود
حالص تحيتى

عرفة فاروق السيوطى يقول...

الاستاذة محاسن

آسف جدااا
نسيت أقولك ألف سلامة عليكى وربنا يديكى الصحة يارب ويتمم شفاكى

حاجات جوايا يقول...

حمدا لله على السلامة يا قمر
نورتى بلوجر من تانى
يارب دايما تكونى بكل الخير والصحة والهنا
انتى وبيرو وماما وكل اللى تحبيهم ويحبوكى يارب العالمين

أخبارك ايه دلوقتى يا حبيبتى
احسن الحمد لله ؟
وازاى بيرو ؟ عامل ايه فى الحضانة ؟


يارب تكونوا دايما بخير

خالص ودى يا جميل
سالى

assafo anaroze يقول...

محاسن اتمنى تكوني بالف خير
لقيت خبر عيد ميلادك عند عاشقة الرومانسية و جيت اجري الحق اقول لك الف مبروك و عيد ميلاد سعيد و كل عام و انت بالف خير
و اسف ما جبتيش معايا هدية لكن اظن ان حب الناس لك و ان من بينهم اكبر هدية حتتقدم لك
مودتتي

همس الاحباب يقول...

كل سنة وانتى طيبة
وعقبال 100 سنة
وربنا يسعدك ويكرمك دائما
وسلا مى لبيرو باشا
تحياتى

غير معرف يقول...

http://rebellious-girl88.blogspot.com/

التكعيبة للتنمية الفنية و الثقافية يقول...

سيسعدنا ان تشاركينا بابداعاتك الادبية
________________________________
مهرجان النشر الجماعى الاول

تقيم التكعيبة للتنمية الفنية و الثقافية مهرجان سنوي للنشر الجماعي للقصة و القصة القصيرة و الشعر بالعامية و الفصحى، سيكون موسمه الأول هو عام 2009.

و مفهوم النشر الجماعي هو مجموعة قصصية أو مجموعة شعرية لأكثر من مؤلف بين ضفتي كتاب واحد يجمع تلك الأعمال التي سيتم اختيارها عن طريق لجنة تحكيم في كل مجال على حدا، و يتم تحديد أعضاء اللجنة لكل دورة مهرجان.
و يصدر بتلك الأعمال مطبوع/ كتابين أحدهما للقصة و الآخر للشعر سيتم نشره في عامه الأول بالتعاون مع دار دَون، و يتم توزيعه و بيعه في الأسواق
لمساعدة الكتاب أصحاب العمل الواحد و كذا الكتاب الجدد الذين لم تتكون لديهم مجموعة قصصية أو شعرية بعد، في نشر أعمالهم المميزة بدون مقابل مادى

و ترسل الأعمال مرفق بها اسم الكاتب، عنوانه,رقم تليفونه,ايميله، وظيفته، سنه، سابقة نشره للعمل المقدم من عدمه او فوز العمل فى اى مسابقات ادبية
و ذلك في رسالة إلكترونية معنونه باسم المجال الذي يريد المشاركة في مسابقته مرفق بالرسالة العمل بصيغة وورد، و يفضل أن تكون تلك الأعمال مسجلة باسم أصحابها لكنه ليس شرطا لقبول العمل

ترسل الاعمال على ايميل
nashrgama3y@gmail.com

لمزيد من المعلومات حول المهرجان
http://eltak3eiba.blogspot.com
او
http://www.facebook.com/group.php?gid=94334335985#/group.php?gid=94334335985

مزيد من المعلومات حول التكعيبة
http://www.facebook.com/groups.php?ref=sb#/group.php?gid=29491316206

ملاحظات :
الاعمال المشاركة بالمهرجان هى فقط التى ترسل عبر الايميل او تسلم باليد
مسموح بالاشتراك بأكثر من عمل فى اى مجال
اخر موعد لتلقى الاعمال 15-7-2009

مع تمنياتنا للجميع بفرصة عادلة فى النشر
احمد حسن
0193953620
رقم محمول داخل جمهورية مصر العربية

afnng يقول...

هل يمكنكم مساعدة المتزوجين اللي عندهم مشاكل وعلى حافة الطلاق؟

afnng يقول...

هل المطلقة لا تريد الزواج مرة أخرى إذا كان لديها أبناء؟

mona ali يقول...



nile7seo

nile7

nile7


شركة تخزين اثاث بالرياض


شركة تنظيف بجدة


شركة نقل اثاث بمكة


عزل خزانات بالرياض

جراح تصغير المعدة

شركة رش مبيدات بالرياض

شركة الصالحي لكشف التسربات


شركة تنظيف منازل بالمدينة المنورة

شركة تنظيف


شركة مكافحة حشرات بالرياض

نقل عفش تبوك

شركة تنظيف بالرياض



nile7

mahasen saber يقول...

2wzeyad ......


يا حبيبتى اشرف ليا انا ولمدونتى بزيارتك الكريمه وكلماتك الطيبه دى

mahasen saber يقول...

Soul.o0o.Whisper ......

سولو حبيبتى انتى تحجزى التعليق التانى والتالت والمدونه بحالها تحت امرك يا غاليتى

mahasen saber يقول...

صوت من مصر ......

حتى انتا يا كيمو زى نهى هتقول نزلتى البوست

mahasen saber يقول...

Soul.o0o.Whisper .....


يا حبيبتى يا سولو انتى الاجمل والاحسن يا حبيبتى وتسلميلى ويسلم ذوقك يا غاليتى

mahasen saber يقول...

Tamer Nabil .......


الشتا كنت بحبه زمان بس بئا بيقلب المواجع بس طبعا كل فصول ربنا كويسه العيب فينا ممكن بس احنا بنلزق احزانا ومواجعنا فى الفصول

نورتنى يا فندم

mahasen saber يقول...

موناليزا ......

تسلميلى يا مونا يا غاليه

mahasen saber يقول...

mohamed ghalia ......


فعلا يا غاليه رب صدفه خير من الف معاد
تسلم يا غاليه كلك ذوق

mahasen saber يقول...

عمرو ........


ربنا يرحمك ويجعل مثواك الجنه ويبدل سيئاتك حسنات يا استاذ عمرو


بحزن لما برد على التعليقات متأخر والاقى تعليق لاستاذ عمرو لم يسعفنى الوقت للرد عليه

mahasen saber يقول...

ABOALI .......


شفت يا ابو على كله كوم وفرغلى ده لوحده كومين تلاته تانى

mahasen saber يقول...

غروب ........


سبحان الله يا غروب الحياه دى غريبه فعلا واللقا فعلا نصيب بمعاد او من غير معاد

خالص مودتى يا حبيبتى

mahasen saber يقول...

بنوتة مصرية .......


ههههههه يا جميله يا نشوى

mahasen saber يقول...

هانى زينهم .......


انتا الاطيب والاجمل يا استاذ هانى بس زمان وقت كتابة البوست كنت شايفاهم كدا فعلا دلوقت كبرت وعقلت شويه وبقيت اشوف الناس على قدى كويس شويه شويه

بس برضه مبتعلمش قوى .. منورنى يا استاذنا الغالى

mahasen saber يقول...

ريمان .....


مبسوطه ان الزجل او شبه الشعر الليى بكتبه عجبك يا ريمان يا حبيبتى

mahasen saber يقول...

اسامه عبدالعال ......

منورنى يا اسامه بعد السنيين دى برد على التعليقات عذرا

mahasen saber يقول...

karim .....

الشرف ليا يا فندم
خالص مودتى

mahasen saber يقول...

مـجـنـووون ......

ايوه هى مشكلة الشتا فى كل الليى ذكرته ده متلزقهاش فى جنونك ده انتا عاقل جدا جدا


خالص مودتى

mahasen saber يقول...

شمس النهار ......


تسلميلى يا شموستنا ومبسوطه ان الاغنيه عجبتك واما لئم الفلاحين فدى حكايه تطول يا شموستنا

mahasen saber يقول...

Mohamed ......



هههههههه طيب افهمها دى تشتغل شنطه ازاى

منورنى يا محمد

mahasen saber يقول...

حاجات جوايا ......


سالى يا حبيبتى تسلميلى يا غاليه ومبسوطه قوى ان الشعر عجبك وان كمان فى ابيات بعينها شدت احساسك

نهى صحبتى وحبيبتى زيك كدا يا سالى يا غاليه

mahasen saber يقول...

مسدس صغير ......

منورنى يا مسدس ومبسوطه ان الابيات حازت اعجابك وفعلا رب صدفه افضل من اى معاد


دمت بكامل الود

mahasen saber يقول...

yoyo ......


يا يويو يا غاليه انتى الاجمل والاحسن يا حبيبتى عشان كدا شايفانى كدا


تسلميلى يا حبيبتى ويسلم ذوقك

mahasen saber يقول...

kalamfady ......


ويسعدك يا عزيزتى ويهنيكى ويفرحك بكل من تحبين

mahasen saber يقول...

حاسوباتيه .....


ربنا يكرمك يا حاسوباتيه يا غاليه وايامك تكون اجمل واجمل

mahasen saber يقول...

مصطفي ريان .......

شكرا على اهتمامك يا درش كلك ذوق

mahasen saber يقول...

رؤية ......

يا حبيبتى مبسوطه ان الابيات نالت اعجابك


تسلميلى يا رؤيه يا غاليه

mahasen saber يقول...

momken .......


ده من ذوقك ودماثة خلقك يا مممكن شكرا على كلماتك الطيبه والخلوقه

وفعلا لعله خير

mahasen saber يقول...

nona ......


ههههههه بس يا نجمه

mahasen saber يقول...

romansy .......


كلك ذوق يا احمد شكرا بجد
وفعلا اجمل شئ فى الشتا الشمس وهى بتخترق الغيوم احسنت التعبير بجد

mahasen saber يقول...

esraa ......


يا حبيبتى يا اسراء ويسعدك ويهنيكى يا غاليه

mahasen saber يقول...

Nabil ......


ياه يا نبيل كلماتك دى تاج على راسى
يا رب دايما اكون عند حسن ظنك كدا

mahasen saber يقول...

تامر علي ......


اه هو ابن خالت بابا يا تامر

mahasen saber يقول...

محمد فارس .......


ربنا يرحمك يا استاذ محمد ويجعل مثواك الجنه انتا ووالدى ووالدتى واستاذ عمرو وجميع امواتنا

mahasen saber يقول...

طـــائر الليــــل الحـــــزين......


ده من كرم اخلاقك بس يا عزيزتى

تسلميلى يا غاليه

mahasen saber يقول...

جنّي ......

ربنا يكرمك ويعزك ده من ذوقك بس

mahasen saber يقول...

fashkool ......

عمنا الغالى فشكول منورنا كالعاده

mahasen saber يقول...

شمس النهار ......


شموستنا شايفه برد على التعليقات بعد كام سنه

mahasen saber يقول...

نور .......


ههههههه الاعلام يجرى فى دم العيله

mahasen saber يقول...

ذو الوجه المبتسم .......


السعاده نسبيه يا استاذى الغالى والانسان ربنا خلقنا كل يوم فى حال فميش سعاده على طول الخط ولاا حزن على نفس المده كل شئ فى الدنيا من مشاعر حزن او سعاده بتتغير فى التو واللحظه

والحمد لله الواحد بيكلبش فى بصيص السعاده او ظهرت قدامه

خالص مودتى وتقديرى

mahasen saber يقول...

بنت الغربة ......

يا حبيبتى شفتى ربنا مبيكتبش الحزن على حد من عباده ابدا الا بيعوضه خير اكيد

ربنا يكتبلا فى زوجها العوض والخير ويتسندوا ويتعكزوا على بعض
ربنا يديم عليها السعاده والفرح والرضا والاستقرار

فرحتينى ليها قوى قوى بلغيها مباركتى وسلامى

mahasen saber يقول...

إبن مصر ......


ههههههه اضحك الله سنك .. نورتنى اخونا الغالى

mahasen saber يقول...

ايوشة ......


وانتوا من الشخصيات دى يا ايوشه يا غاليه بجد يا حبيبتى

mahasen saber يقول...

لجين أبو الدهب .....


بالضبط كدا يا لجين بتكون هديه جميله من ربنا سبحانه وتعالى

خالص مودتى

mahasen saber يقول...

hasona .....

فعلا يا استاذ حسونه وفعلا الدنيا حلاوتها فى ناسها الحلوه


خالص مودتى استاذى الكريم

mahasen saber يقول...

من غير عنـــوان ......


مبسوطه ان الابيات حازت اعجابك وبالذات الجمله دى

mahasen saber يقول...

همس الاحباب .....

ربنا يكرمك يا ابو همس ودايما لطيف فى زيارتك ودماثة خلقك وكلامك الطيب

mahasen saber يقول...

قطرات من شواطئ الحياة .....


تسلميلى يا غاليتى وده ااقل شئ لذوقك

mahasen saber يقول...

فاتيما ..........

فعلا يا طمطم بعد وفاة آبائنا بنتشعبط فى اى حاجه من ريحتهم نطمن قلبنا بيها

تسلميلى يا طمطم كلك ذوق ودماثة خلق يا ام يوسف يا غاليه

mahasen saber يقول...

leeno ......

الحمد لله وفعلا ساعات كتير بيكون فى حاجات جميله زى دى عوض عن اى الم مرينا بيه


خالص مودتى

mahasen saber يقول...

ليلى فى عالم ادم .....

ربنا يبارك فيكى يا غاليتى ودمتى بكامل الود

mahasen saber يقول...

GHARAM ......

فعلا يا استاذتى من الرجال المحترمين رجل مصرى اصيل شهم ومحترم وكريم

mahasen saber يقول...

mohamed ghalia .......

تسلم يا غاليه

mahasen saber يقول...

yoyo ......


تسلميلى يا يويو يا غاليه

mahasen saber يقول...

elsha3er ......


حاضر علم يا شاعر

mahasen saber يقول...

إبن مصر ......


هههههههه هما الجيران عندكوا مربين بط لا ده انا كدا اجى اخطفلى بطتين بئا


تسلم يا اخونا الغالى على ذوقك واهتمامك

mahasen saber يقول...

فاتيما ......


تسلميلى يا فاتيما يا غاليه شكرا على اهتمامك بالسؤال يا ام يوسف الغاليه

mahasen saber يقول...

Soul.o0o.Whisper .....

ياه يا سولو يا حبيبتى تسلميلى يا حبيبتى وانتى كمان حبيبة قلبى يا غاليه

mahasen saber يقول...

مصطفي ريان .....

شكرا على اهتمامك يا درش

mahasen saber يقول...

ابو المفاصل الواصل ......

جميل قوى قوى الشعر ده يا استاذنا

mahasen saber يقول...

momken .......



شكرا يا ممكن على سؤالك الغالى دايما دمث الخلق

mahasen saber يقول...

الجواز و سنينه ......


هههههههه ده من حظى السيئ بئا يا حبيبتى ..تتعوض ان شاء الله

mahasen saber يقول...

حاجات جوايا .....


تسلميلى يا سالى يا حبيبتى ويسلملى سؤالك الغالى يا حبيبتى الغاليه

mahasen saber يقول...

prince4ever .......


هههههه كهارب مره واحده على ايه بس


منورنى دايما واتمنى تكون بافضل حال

mahasen saber يقول...

لجين أبو الدهب .....


شكرا على سؤالك ودعائك الغالى اخونا الكريم

دمت بكامل الود

mahasen saber يقول...

ABOALI ......


ايه الشعر الجميل ده يا ابو على .. دايما مبدع فى كلماتك اخونا الغالى

mahasen saber يقول...

مهندس مصري ......


شكرا على سؤالك الغالى .. دمت بكامل الود

mahasen saber يقول...

A.SAMIR .....


يا ربى يا بلدياتى ليا حاجه عندك فى المدونه طيب بعد السنيين دى لسه موجوده

mahasen saber يقول...

غروب ........


انتى وحشتينى اكتر يا غروب يا حبيبتى

mahasen saber يقول...

magi .......


تسلميلى يا ماجى يا حبيبتى

mahasen saber يقول...

AhmeD 3llaM ......


تسلم يا احمد انتا قريت البوست بطريقه جميله وطلعت اجمل ما فيه بجد

دمت دائما رائع

mahasen saber يقول...

assafo anaroze .....


شكرا اسافو اخونا الغالى دمت بكامل الود

mahasen saber يقول...

Heba Sayed .......


تسلملى يا عزيزتى ده من ذوقك بس

mahasen saber يقول...

صوت من مصر.......

نحن هنا يا كيمو

mahasen saber يقول...

جعلوني مريض نفسيا .......


ربنا يسعدك وتكون الفتره دى كانت زى ما تمنيت وافضل

mahasen saber يقول...

عاشــــــ النقاب ـقــــة"نونو"....


تسلميلى يا نونو يا حبيبتى يا غاليه كلك ذوق

mahasen saber يقول...

فاتيما ......


تسلميلى يا ام يوسف على سؤالك الغالى يا حبيبتى

mahasen saber يقول...

بنوتة مصرية ......


الف لا بأس عليكى يا نشوى يا حبيبتى
انا تحت امرك اى وقت

mahasen saber يقول...

مصري بالغربة......


متقلش كدا يا محمود دايما اخ عزيز وشكرا على اهتمامك وسؤالك الغالى

mahasen saber يقول...

Heba Sayed ......


تسلميلى يا هبه يا حبيبتى على ذوقك وسؤالك الغالى ده

mahasen saber يقول...

فشكووول ......


عمنا الغالى فشكووول ده شرف ليا كبير سلامهم الجميل ده

ربنا يخليكوا لبعض اسره جميله وسعيده دايما

mahasen saber يقول...

عالم ماريونت ......


رنا حبيبتى الغاليه تسلميلى يا حبيبتى على سؤالك واهتمامك الغالى

mahasen saber يقول...

الجواز و سنينه .....


اه منه برج يا حبيبتى برج يتعب الاعصاب بس اصحابه طيبين هههههه

شكرا على سؤالك الغالى يا حبيبتى

mahasen saber يقول...

الازهرى ......


هههههههه ماشى يا زهر

mahasen saber يقول...

فشكووول .......


زيارة مدونة حضرتك وتبادل التعليقات مع حضرتك بما فيها من تجارب وخبرات دسمه من جانب حضرتك شرف كبير ليا

خالص مودتى

mahasen saber يقول...

my dream .....

تسلميلى يا حبيبتى الغاليه وزيارتى لمدونتك شرف ليا كبير

mahasen saber يقول...

ماما أمولة ......


الله يسلمك من كل شر يا ماما اموله الغاليه

mahasen saber يقول...

marmar ......


مرمر يا حبيبتى يا غاليه تسلميلى ويسلم سؤالك الغالى والف لا باس عليكى يا حبيبتى

mahasen saber يقول...

mohamed ghalia ........


زياره وخطوه عزيزه يا غاليه

mahasen saber يقول...

قوس قزح ......


تسلميلى يا داليا يا غاليه على ذوقك

mahasen saber يقول...

سمكه واحده .........


تسلميلى يا سمكمك يا غاليه

mahasen saber يقول...

نـــــــــــــور ......


تسلميلى يا نور يا حبيبتى وربنا يسعدك ويرزقك الرضا ها حلوه الدعوه دى

mahasen saber يقول...

MaNoOoSh ......


تسلميلى يا حبيبتى انتى كلك ذوق تسلمى ويسلم سؤالك الغالى

‏«الأقدم ‏‹أقدم   ‏1 – 200 من 205   ‏›أحدث ‏أحدث»