فى ظل موج الحياه المليئه بالصخب والكفاح
وتحت وطأة موجها الثائر ...دائما يطل علينا
شعاع من نور ويدا صادقه أمينه
ومحبه دافئه بريئه لأنها ... محبه فى الله ..
( انهم الأخوه المدونون والمدونات )
عيد سعيد عليكوا وعالم التدوين مليئ بيكوا وبوستاتكو محسسانا بيكو..
.. كل عيد وانتو بألف خير..
تهنئه منى ومن الحب كله عبد الرحمن ...اهه نخفف حدتت النكد شويه
.. هيا حدتت دى مكتوبه صح ولاا بتتكتب كده حدت بس..
وتحت وطأة موجها الثائر ...دائما يطل علينا
شعاع من نور ويدا صادقه أمينه
ومحبه دافئه بريئه لأنها ... محبه فى الله ..
( انهم الأخوه المدونون والمدونات )
عيد سعيد عليكوا وعالم التدوين مليئ بيكوا وبوستاتكو محسسانا بيكو..
.. كل عيد وانتو بألف خير..
تهنئه منى ومن الحب كله عبد الرحمن ...اهه نخفف حدتت النكد شويه
.. هيا حدتت دى مكتوبه صح ولاا بتتكتب كده حدت بس..
هناك 248 تعليقًا:
«الأقدم ‹أقدم 201 – 248 من 248الاجتماعي
\على خيرة الله
منا شاطرة ف النشاط الاجتماعي
مش طلعت الطالبة المثالية على جامعات مصر بقى
هههههههههههههه
و طب ايه اللي انت جاي تقول عليه
ده انت مش عارف معنى الاجتماعي ايه
و طبعا انا فارق معيا الكي
ده اللي يفرط ف حرف من النيك نيم بتاعه و اسم مدونته يبقى فرط ف شررررررررفه
و بعدين ماما و هيا صغيره ايه يا حاجه
ماما بنت البنات
دي حتى اصغر مني
اه
هتخلي الست عجوزة ظلما و افتراءا و عدوانا
خسئتِ
و ادعي ان بابا يوافق اجي
لحسن معاكس خالص و النمهارده جاي يقول لي مفيش مرواح
الاجتماعات دي بتبقى متراقبه من المخابرات وقمل الدولة
ناقص يقول لي الاف بي اي و السي اي ايه و الطابور الخامي و الاسكوتلاند يارد و الكي جي بي مع انهم حلوه من زمان و الموساد و الشاباك
ربنا يهدييييييييييييه
و كمان سحب ورق الترسيح للانتخابات يوم الحد
ربنا يستر
حبيبتىىىىىىىىىىىىىى
اجمل عيد يا رب تكونى قضيتيه
انا والله كان نفسى اكتب بوست عن العيد بس ملقتش العيد عدل فمحبتش اغم الناس
وحشتينى جدا بجد
عيد سعيد
محاااااااااااااااااااسن
حمااااااااااااااااااااااااتى
اهىء اهىء
اهىءاهىء
اهىء اهىء
الحقينى هطق من كتر العياط
هطق خلاص هعيييييط همووووووت
هموووووت من الغيييييييييييييظ
انتى بتقولى انك عيدتى على حسام على الماسنجر
وقولتى انك بعتيى ليا امانه معاه
والله مش وصلنى اى حاجه
ولا قالى حاجه خالص
ولا قالى انك عيدتى عليه
اهىء اهىء
وماخدتيش ليه اميلى من عنده
اهىء اهىء
طب خدى بقه اميلى اهو
عشان نتكلم مع بعضينا
ولازم تضربى حسام بقه لانه مش قالى ولا وصلى الامانه
لازم تقطعيه تقطيع
ده اميلى
theprophetlove@yahoo.com
كل سنة وانت طيبة وبألف خير يا رب يا ست محاسن وبعدين ليه بتقولي عقبالي الفرح مستقبلا قولي قريب يا ستي خليها تمشي وتتحل الواحد معدش طايق أنا قلبي محروق جدا ونفسي أرتاح وأركز بأه..ادعيلي ربنا ييسرلي معاها
كل ودي
محاسن
فينك يا حبيبتي وحشتيني موووووووووت
كل سنه وانتي طيبه
اية يا محاسن
انتى فين بوستاتك؟؟
وعلى فكرة انا موقع شريف دة مش راضى يفتح معايا خالص مش عارفة لية..دة الموقع الوحيد اللى بيعمل كدة فى وسط المدونات كلها
كل سنة وانتى طيبة يا قمر انتى وابنك وبوسيهولى امانة انما هو اسمة اية؟؟
بالرغم من اي احساس قابلك سواء منك او مني ما تتصوريش سعادتي و انا بكتسب صديقة جديدة تشاركني احساسها و فرحها و المها و خوفها ، انا شوفت من خلال الموضوع ده رزق جديد ربي ساقهولي , و هو انت ، و عطية من ربي على بيها ، اللي بيرضى بيحس بيها بس ... الحمد لله
نرجع بأة لتعليقك ، و اسمحيلي ارد عليكي هنا في مدونتك ولو سمحتيلي كمان انشره في مدونتي عشان اللي يحب يستفاد من الحوار ده ، اكيد حد بيحس بالخوف ده و حتاج يحس انه مش لوحده ..
بصي يا ستي ،، اللي انت فيه ده طبيعي جدا ، عشان طبعا ظروفك ، و عشان هو الطفل الوحيد اللي معاكي الوقتي ، لكن يوم ما ربنا يكرم و تعرفي تخاويه انشاء الله ، و تعدي الفترة دي من حياتك عموما ، و تلاقي حياة جديدة مليانة حب و عوض من الله ليكي ، صدقيني كل ده هيتغير ،و لا حتى ان كان ربنا بس مقدرلك بعبد الرحمن بس ، فده برضه خير و فضل ومنه من الله ، بكره يكبر باذن الله و يجعل منه الكترة - زي ما امي دايما بتدعي لعمرو ابني- ، بصي من جوانا لازم يبقى فيه رضا بقدر الله بمعني اننا مش بس مستسلمين للقدر ده لكن كمان مبسوطين بيه ، يمكن التجربتين اللي قبل كده و اللي انت مريتي بيها مسببين عندك رعب شوية ، بس و الله كلنا كده ، عارفة انا قعدت 5 سنين على بال ما ربنا كرمني بعبد الرحمن ، و قبله بسنه حصل حمل ، سقطت يوم ما عرفت اني حامل من الفرحة، كان نفسي احمل بس لمجرد اني احس ان فيا امل ، لكن ربنا ما اردش و كرم بعبد الرحمن بعدها بسنة بالظبط ، طبعا انا مهما وصفتلك مش هتتقدري تتخيلي الامل و الخوف و الدعاء اللي كنت عايشة فيه ، و الالم اللي كان بيعتصر قلبي لما كنت اشوف طفل بيبوس مامته ، ببقى هتجنن ، بس اقول الحمد لله ، اكيد ربي مع دعائي هيعطيني ، و فعلا الحمد لله ربنا كرم ، قضيت معاه سنتين من اسعد ايام عمري ، و بعدها هو تعب اوي و قضى السنتين التانيين من عمره و هو تعبان و متألم - أسال الله العلى القدير انه يعوضه عن كل ما شافه من ألم بنعيم في جنات الخلد آمين - ماتتصوريش بأه مدي المي عليه اد ايه .
بس انا عاوزاكي تجمدي قلبك شويه ، لان العاطفة اللي جواكي دي و الخوف ، اخشى انه ياثر عليكي في علاقتك مع ابنك ، بمعنى ،، خوفي من فقدان ابني عبد الرحمن مخللي عندي زي ما بيقولوا هسهس على عمرو , و مخلليني في رعب بس لمجرد اني بشوفه بيرجع و لا بيقع و هو بيجري ، على طول افتكر بيدو و الموضوع بدا معاه ازاي ، و على فكره الهسهس ده عند جوزي كمان ، فكان ترجمتي للموضوع ده اننا بس قلقانين ، و ربنا يستر ..
ساعات و الله يا محاسن ، اقول طب لوحصل وربنا يعني استرد امانته ، ماحدش عارف ربك مخبيلنا ايه في علم غيبه الواسع ، قلبي يتقبض اوي ، ويوجعني و احس اني انا اللي روحي بتطلع ، لكن ارجع واقول ما كل شيء بقدر ، و مهما احنا اردنا شيء ، ارادة الله هي الاولى و الاخيرة ، و امره نافذ نافذ ، المهم الواحد يصبر و يؤجر على صبره ، و يخرج من اي موقف مؤلم يمر بيه شايل حسنات في يمينه مش سيئات - اعوذ بالله- على يساره ، زي ماربك بيقول (( خسر الدنيا و الاخرة )) ..
فاانا عاوزاكي عموما ، لما يجيلك الاحساس ده ، استعيذي بالله من الشيطان الرجيم ، وقولي يا رب احفظهولي و خلليهولي و باركلي فيه ، و اجعله عون وسند ليا في الدنيا و الاخرة ، ودايما ادعي كده في صلاتك ساعة السجود ، ربي اصلح لي في ذريتي ، ده دعاء سيدنا ابراهيم لاولاده .. و كمان فكري في حاجه كويسة مشرقة في علاقتك بيه ،، وادعي دايما ربنا انه يثبت قلبك و يبعد عنك الحزَن ، و عن قلبك ..
انا بعمل كده دايما و الحمد لله ماشية معايا زي الفل الحمد لله ..
طولت عليكي اوي ، انا عارفه اني رغاية على الاخر ، بس الحتة اللي اتكلمنا فيها ، بتاعة القضاء و القدر ، من الحاجات اللي حساسة اوي في الايمان بالله عز وجل ، و اللي للاسف فيه ناس كتير بتفرط فيها ، فحبيت اسجل تعليقي كامل في النقطة دي يمكن الموضوع ده يساعد غيري في فهم النقطة دي ..
وعلى فكرة الكلام عن ابني عبد الرحمن مش بيألمني اوي، لدرجة انه موضوع و عاوزة اقفله ، لكن هو دايما بيفكرني بأن ربي رحيم اوي بعباده ، وان قضاؤه عدل و رحمة ، فلو عاوزة تتكلمي فيه او اي حاجه تخص الموضوع ده مش هضايق ابدا و الله ..
و اسعدني جدا كلامنا سوا ، و بدعيللك من كل قلبي ان ربنا يباركلك في ابنك ، و تشوفي معاه اسعد ايام عمرك ، و يثبت فؤادك ، و يذهب عنك و عن قلبك الهم و الحزَن .. آمين
على فكرة انا مش هنشر التعليق ده عندي الا لو اذنتيلي ، زي ما قولتلك .. عشان كده هستنى ردك ..
و اخر الكلاااام سلاااااااام
عاشقة القمر....
ازيك يا زول كيفكك والله وحشتينى جدا انا قلت هيا راحت فين بس
لاكون بوضت العلاقات وانا مش واخده بالى هههههههه...كل سنه وانتى
واسرتك والسودان
وام درمان
وكل من تحبين بالف خير وسلام...
وحبابك عشره..يعنى ايه بقه ههههههه
شهرزاد...
يا حبيبتى نورتينى وانتى اليى صديقه عزيزه بجد انا بس كنت قلقت عليكى
بس الحمد لله اتطمنت كل سنه وانتى واسرتك
وكل من تحبى بالف خير وسلام
وجاوبى من التاج ما يحلو ليكى كل الاسئله تحت امرك انتقى منها ما يعجبك
نورتينى بالزياره يا شهر قوى
وارجو انك تكونى فى افضل حال ان شاء الله ...
وعيد سعيد عليكى
وعلى كل من تحبين
ان شاء الله تعالى...
freekiller....
انتى وقعتينى على نفسى من الضحك
امن دوله ايه يا بنتى امن الدوله ولاا قملها هيفرق معاهم واحده عايزه تطلق فى ايه ...اه اه ليه حق ابوكى يخاف برضه انتى ناسيه اسمك اليى يودى فى داهيه من غير اى ادله
لا ليه حق يخاف عليكى بس متخفيش انا لو اى امين سألنى عليكى هديله عنوان بيتكوا علطول هههههه
عارفه لو مش حضرتى ........
النقط دى تهديد .......انا كمان مش هحضر هههههههه
لا هستناكى هناك وبعدين الطالبه المثاليه حته واحده ماهما لو شافو مدونتك مكنتيش خدتى حرف من القلب
هههههههه كنتى شرفتى فى السجن اليى عند الكوبرى القديم عارفاه دخلتيه قبل كده
هستناكى يعنى هستناكى لاما مش
هتعتع من مكانى واروح فى حته...
hossam....
اهلا اهلا بحس اكثر الشباب ثقافتا وذكائا ...عامل ايه
كل عيد وانتا بالف خير
نورتنى قوى ووحشتنى جدا
ان شاء الله تكون فى افضل حال يا صاحب اكتر المواضيع تشويقا وجذبا..
وتغم ايه يا حس ما العيد موجود اهه مش لقيتهانفخ بالونتين وهات بمبتين وهتحس بيه علطول هههههههه
منورنى منورنى وبتسعدنى كل ما بتدخل عندى.. ...
وعيد سعيد على اجمل حسام فى الدنيا...
ريمان.....
ريمانو حبيبة قلبلا بتعيط وقعتك مخططه يا حسام انتا والهاكونا ماطاطا
ده انا كل ما ااقابله على الماسينجر اول حاجه اساله عليها انتى وغلبت ااقوله قلها تضفنى يقولى حاضر يا حسام ضافتنى يقولى لسه..خدى بالك انا بهدى النفوس بس...
يا حسام يقولى يا ماما خلاص لدرجة انى افتكرت انك مش عايزه تضفينى
بس انتى اصلا متضافه فى قلبى وهتشرفى فى الماسينجر عندى
اما حسام لو مش صالحك مش هكلمه على الماسينجر لمدة عشر دقايق ...
دا انتى حبيبتى
وبعدين فيه حد يزعل ملاك منه ملاك هيا الملايكه حد بيزعلها الايام دى كمان
اممممممممممموه منى ومن بيرو
ومتزعليش ابدا انا هضيفك يا قمرى
بس اقبلى الاضافه ههههههه..
كاتب مصرى...
انا كنت بقول مستقبلا على اساس انى معتقده ان مفيش حد على قارعة طريق قلبك
انما حيس كده وطالما فيه يبقى يا رب احضر فرحك النهارده قبل بكره
وقريب نلاقيك مغرق المدونات دعوات فرحك وكلنا نحضر ونعملك احلى جو ولاا تزعل نفسك
انتا غالى علينا قوى يا كاتبنا الواعد
ربنا يجمعك على من تحب بكل خير
ان شاء الله..
ونورتنى بالزياره ومستنيين كتاباتك وتكملت القصه بسرعه...
وعيد سعيد..
نيجار....
حبيبتى وحشتينى وانتى اليى فينك
انا امبارح كنت فى مدونتك وفضلت
ااقرا فيها شويه وشوفت تعليق صبغ
بس الماسينجر امبارح كان بيعلق واصلا كمان مش لقيتك اون لاين وبيرو صحى متاخر فقضينا الوقت ما بين النت والعب والكارتون سوا سوا لما جالى استبحس ...
بس ااقابلك النهارده ان شاء الله عشان وحشتينى قوى قوى موت...
بنت سينا....
انا اهه يا سيناويتى وهنزل بوست جديد قريب بس انا بطيئه فى اغلب الاشياء...
بقولك يا قمرى بتقولى موقع شريف مش بيفتح معاكى بصى ادخلى على الريدر عندى فى الشمال وهتلاقى مكتوب اسم مدونته شريف سيبو فى حاله
اعملى كليك هيفتح معاكلى بسهوله..
لحد لما نشوف الموضوع ده
بس مدونته هتعجبك جدا تحفه ومنتهى خفة الدم...
sourah....
ام عمرو حبيبتى ...تصويرتى الجميله
ربنا يريح قلبك زى ما ريحتيلى قلبى
ويطمنلك بالك زى ما طمنتيلى بالى..
انا مش عارفه اشكرك ازاى على اهتمامك
بيا وبكلامى وبمهاتراتى دى
جزاكى الله كل خير على تقديرك ده
وانا اليى كسبت اخت وصديقه عزيزه من التدوين..
وربنا يديم معرفتنا على طاعة ربنا
والحب فيه ان شاء الله...
وبالنسبه للتعليق اه طبعا يا حبيتى انشريه عندك لعل وعسى يريح قلب وبال حد عنده نفس مخاوفى...
جزاكى الله كل خير
وربنا يباركلك فى ابنك وزوجكك واسرتك
وكل من تحبين يا اختى الحبيبه...
فى تجمع بجد
طيب ما تعرفينى امتى وفين
وهتحضرى ولا لا
لو هتحضرى عرفينى وانا هاجى ان شاء الله
متنسيش انى دقهليه مش شرقيه :)
بس هاجى علشانك بس وعلشان بردو اعرف التجمعات دى بتبقى عامله ازاى واهو يمكن نستفيد بكلمتين :)
لو هتحضرى عرفينى بقا
عايش ولكن....
اه يا لول بحق وحقيق فيه اجتماع بكره الاحد الساعه اربعه العصر
فى النادى الاجتماعى اليى فى شارع المدير
وهو لكل مدونى الشرقيه وغير الشرقيه
وبعدين هيا الدقهليه بقة بلد مستقله
شرقيه دقهليه نفس مشكلة قشالرز
هستناك بكره عشان اشوفك
اه ده النادى الاجتماعى خليك فاكر وشارع المدير الحلو اليى كله شجر قديم ده..
ماشى هستناك انا عايزه اشوفكوا كلكم...
كل سنه وإنتي طيبه
أدام الله عليك الخير واليمن والبركه ولجميع أهلك
تقبلي مروري
عيد مبارك
الكل بيقولكم:
كل عام وانتم بخير
بس أنا مش هقول زى الكل ولكن هقول:
أنتم خير لكل عام
وأهديكم عطر الورد وألوانه
أرسل خطاب أنتم عنوانه
أهنيكم بقدوم عيد الفطر
وأيامه
والود ودى.. اجمع كل ورد العيد
وأكتب على كل وردة :
يارب أشوفك سعيد
ارجو ان تقرىء ردى عليك تعليقك عندى
تحياتى
الصراحة يأم عبد الرحمن بن عوف ...الواحد لما يدخل هنا بيحس كأنه رايح يمضى أوتوجراف من حسن شحاته بعد كاس الأمم ... لقد غلب مريدو المدونه _اللهم لا حسد- طابور العيش اصطفافا وعددا وعده مئات يتبارون على المثول أمام المربع الصغير بتاع التعليقا وما ذلك إلا لمودة يكنها الجميع لك وشهرة بلغت الهند والسند فكل عام وانت بخير ودمت حبلا للموده
كل عام وانتي الى الله أقرب
و كل سنه وعبد الرحمن سكره وبخير
معلش جات متأخره اوي بس انا مسافره من قبل العيد والله
:)
الاخت الفاضلة / mahasen saber
كل عام وانت فى صحة وسلامة وجميع الاهل
معتقدش ان انا اعرف اجي يا محاسن
مش راضي خالص خالص و الله
وانا مكتئبة و مخنوقة جدااااااااااااااا
اسمحيلي يا محاسن ارد ع عايش و لكن
ده نص الدعوة اهو
الزميل المدون المحترم
بعد التحية
ندعوكم لحضور ملتقى مدوني الشرقية الأول
يوم الأحد 5-10 الساعة الرابعة مساءً
مقر النادي الإجتماعي الخاااص بشركة مطاحن شرق الدلتا
أمام مقر الوفد بشـــــارع مدير الأمن - ميدان القومية - الزقازيق - محافظة الشرقية
و كل المدونين من كل حتة ف مصر مدعوين
وللمزيد من التفاصيل يرجي زيارة اللينك التاااااالي
http://goharyblog.blogspot.com/
لكم جزيل الشكر و كل عام و أنتم بخير
أنا جاية اسلم عليكى و اقولك حتوحشينى و أوعى تنسينى
و ابقى أقرى بوستى الجديد لانى محتاجة الدعاء أوى
اية يا مدام
اشمعني انتي اللي من دون الخلق اللي ردو في الموضوع اللي الجلالة اخدتك ورديتي علي
الله يصلح حالك ملكيش دعوة بية وخليك في بلاويكي وجوزك وابنك
وروحي شوفيلي حل بدل ما انتي عاملة زي البيت الوقف انا مش ناقص وجع دماغ
Wonderful, bblog!...and for you...
"love is the one who masters all things."
Mawlãnã Rumi.
الاخت الغاليه او الابنه العزيزه محاسن
ام عبد الرحمن انتهي شهر رمضان وكذلك
العيدوكل ما ارجوه من الله لنا ولجميع
خلق الله ان يجعل ايامنا كلها اعياد
كنت طلبتي من رابط مدونتي
اولا انا اسف علي التأخير
ثانيا:هذا هو الرابطhttp://alhiahaml.blogspot.com
اتمني زيارة المدونه والتعليق
بكل صراحه بلا خجل وساتقبل
وكل عام وانت وعبد الرحمن وجميع الاهل والاقارب والاحبه بالف خير
سلااااام عليكم
اولا انا مش عارف اشكرك ازاي على رايك الجميييييل ده في مدونتي المتواضعه والله دي حاجه على ادي حالها اوي
ثانيا انا اتشرفت جدا بالتعرف على حضرتك وعلى كل حد كان هناك النهارده و عبد الرحمن العسول اللي زي القمر ده
انا بس للاسف مبعرفش اندمج خالص في التجمعات وصوتي واطي وبكسف وحالتي بتبقى كرب... وكمان اضطريت امشي بدري لاني كنت صايم و برده الجوهري منظمهاش صح فان شاء الله يتم التعارف بين جميع الاخوه المدونين في ظروف افضل من كده بكتير
تحياتي والف شكر و سلامي لعبده اللي زي العسل ده
رامي
كلاكيت تاني مره
اسف السلام عليكم اولا
ثانيا: انا مش عارف فيه ايه
الظاهر ان انا وبنت سينا
فيه حاجه في مدونتك مش
بلعلنا كلمه او زي ما حضرتك قلتي
قبل كده فيها عفركوش
عموما حضرتك طلبتي رابط مدونتي
واناارسلت لك الرابط
وكالعاده بعدما شاهدت التعليق
واطمئن قلبي بل وانتظرت الزياره
لاحظت ما لم يكن في الحسبان
برغم حدوثه من قبل وهو اختفاء
التعليق
عموما في شاعر بيقول
كن سئ الظن فان سؤ الظن من حسن
الفطن
وربنا سبحانه وتعالي قال
ان بعض الظن اثم ***مش كله يعني
مما جعلني افكر بان هناك يد خفيه وراء
وراء هذا الموضوع
عموما يسعدني زيارتك وهذا هو الرابط
http://alhiahaml.blogspot.com
اسف للازعاج والسلام عليكم
أما الرابط فهو سهل جدا
http://maxbta3zaman.blogspot.comويشرفنا أن نكون ضمن الذين يفعص زرار رابط بلوجاتهم من عندكم فيطل البلوجاتيه عليهم... بس البلوج بعنى كده ولا فيه نجوم بتنزل زى الشتا ولا لون فاتح يسر الناظرين إنما يمكن الحكاوى..أهه يعنى تعمل منظر
حور الجنه.....
وانتى بالف خير وصحه وسلام ولاا ااقول وانتوا ...على اساس انكوا حور..
جزاكى او جزاكم الله كل خير
وشكرا على ذوقك وتهنئتك الرقيقه
الف الف شكرا ربنا يكرمك
ونورتينى بالزياره الكريمه واسفه يا حبيبتى قوى على التأخير فى الرد بس انا برد بالزياره فى الغالب قبل ما ارد على التعليق
وتشرفت بزيارتك قوى واليى اسعدنى كمان انك اخت جزائريه يا اهلا وسهلا بكل اخواتنا العرب ..
حسن محمد توفيق.....
كل سنه وحضرتك واسرتك الكريمه بالف خير وصحه وسلام...
واى كلام وحروف حضرتك تقولها سواء تهنئه بالعيد او لا فهيا شرف ليا وبتسعدنى يكفى وجود حضرتك لمدونتى وتشريفك ليها...
وكل سنه وحضرتك بالف خير...
ABOALI...
ابوعلى شاكره اهتمامك انك اصلا ترد على تعليقى فما بالك انك تيجى وتشرفنى وتقولى انك رديت على التعليق
الف الف شكر وربنا يديم عليك نعمة الاحساس والذوق...
maxbeta3zaman.....
ارد ااقول ايه بس ده اسمه ايه الحسد الجميل هههههههه..انا بهزر طبعا انا فضلت محتاره قدام التعليقاولا ضحكنى جدا واسعدنى جدا الله يكرمك ويسعدك
وبعدين افتكرت طوابير العيش اتغميت
بس حتة حسن شحاته بسطتنى قوى اصل واحد صاحبتى بتموت فيه فكده هتعاملنى بقه معاملة الملوك والفضل لحضرتك..
انا سعدت قوى بكلام حضرتك تاجميل ده
واتشرفت واتبسطت بتشريف حضرتك لمدونتى
وحمدلله على سلامة الكمبيوتر بتاع حضرتك
حمدالله على خروجه من المستشفى
ونورتنى واسعدتنى يا فندم بالزياره
وتعليق حضرتك من التعليقات اليى هتتاخد كوبى وتتعلق عندى على الحيطه...
دعوة الفردوس....
الاهم حمدالله على سلامتك ويا رب تكونى استمتعتى بالسفر واستفدتى منه
وانتى تنورى فى اى وقت يا حبيبتى مفيش حاجه اسمها متأخره او بدرى
المدونه مدونة اختك اهلا بيكى فى اى وقت
وتشريفك وزيارتك بتسعدنى جدا...
beram elmasry...
وحضرتك بالف خير وصحه وسلامه
ومنورنا دايما ومشرف البلوج...
freekiller....
ادينا رحنا بالسلامه وشوفنا بعض بالف سلامه
وجينا بلوجاتنا بسالسلامه برضه
بس انتى ارق كيلر شفته فى حياتى
يا مجرم...يا متوحش..
انا ودماغى...
مالك فيه ايه وهوحشكانتى رايحه فين
طب انا جايه اشوف مالك
انتى خدتى عين عشان النيولوك بتاع المدونه ولاا ايه ولاا ده ذنب مرات خالك...
انا جايه يا جميله اتطمن عليكى..
sherif abdallah....
اولا انا بشكرحضرتك جدا انك مش قلتلى
..وانتى مال اهلك...
فعلا وقوى كمان الف الف شكر على ذوقك
بس انا رديت لان كان تعليقك يستاهل الرد تخيل بقه ومينفعش الاقيك بتكتب
حاجه عذرا يعنى وتعليق بتفترى بيهعلى مدونه كويسه واسكتلك
يعنى برد غيبة مدونه زميله ومدون محترم
ولو انتا كان حد بعتلك تعليق كده كنت برده هرد
ففهمت ليه انا بقه تعبت نفسى ورديت...
وبعدين والله كتر خيرك انا عارفه انى زى البيت الوقف مش محتاجه حد يفكرنى
وبحاول اشوفلى حل وحله وغطا كمان وبرضه مش محتاجه حد يفكرنى
بس كتر خيرك على التذكره وجزاكم الله كل خير.....على التنبيه
ولا اراكم الله مكروها فى عزيزا لديكم
وللمره التانيه يا شريف لو برضه حد ساب عندكتعليق وحش وانا عارفاك وعارفه مدونتك كويس مش هتاخر عن انى ارد غيبة مدونتك..
حتى وانا عامله زى البيت الوقف...
وشكرا جزيلا...
rosa e olivier....
wonderfull words thanks 4 your
sweet and tender comment
and i hope 2 see you in my blog again...
it.s maekes me happey
thank you...
again and again..
محمد فارس...
استاذ محمد الينك وصل بالسلامه
والريدر هينور بمدونة حضرتك...
prince4ever.....
رامى انا سعيده بيك فوق الوصف وربنا يكرمك ويسعدك يا ابنى يا رب بس انا زعلانه من حاجتين ...
اولا: انك مش عرفتنى بنفسك انت كنت شايف انا كنت ملخومه مع عبدالرحمن ازاى وكل شويه اجرى وراه وعينى وتركيزى كان عليهفكان المفروض تقولى يا عالم يا هو انا رامى ده انا كنت بجد هموت واشوفك نفسى اشوف الشخصيه المحترمه دى ...
ربنا يحميك لاهلك ويباركلهم فيك..
وثانيا: بقه انتا تبقا صايم ومش تدينى شرف انى افطرك ولو بكوباية مايه واخد الثواب والشرف ده انتا طالع لمين بخيل بقه انا بجد زعلت قوى
ووفرحت انك بالثقافه والعقل والاخلاق دى
ربنا يحميك ويباركلك ويحفظك لاهلك...
بس لازم لازم اشوفك تانى وتانى وتالت ان شاء الله...
محمد فارس....
استاذ محمد ليه طيب الظن من اساسه
هههههههه بس فعلا حاجه غريبه المدونه دى مش عارفه مالها شكلى لازم اغير العتبه ولاا ايه اصل حضرتك بتقول نفس كلام بنت سينا والادهى ان مصرى بالغربه بيقولى ان الريدر والحاجات اليى فى المدونه مش بتظهر عنده
هو ده سؤء قالب
ولاا سؤء طالع
ولاا سؤء نازل ولاا ايه الموضوع ده
بس نورتنى جدا وانا حالا هاجى البى الزياره هو انا ااقدر اتاخر
ورابط مدونة حضرتك هيزين مدونات
الريدر ...
واسفه انا على التاخير فى الرد...
والزياره برضه...
maxbeta3zaman....
هو تعليقات حضرتك كده علطول لازم تطبع الضحكه على قلبى وتترسم بسمه على وشى والله فعلا تعليقات حضرتك بستناها
لانها بتفرحنى جدا جدا
ويسعدنى انى ابقا من الى حضرتك بتزور وتحب مدوناتهم ده شرف وسعاده ليا ما بعده شرف وسعاده
والينك وصل بالسلامه
وهحطه ينور فى الريدر
الف شكر على ذوق حضرتك وكرم اخلاق حضرتك....
إرسال تعليق