السبت، 20 سبتمبر 2008

تلات سلاطين فى البوست تفرح

على حين غره ومن غير ما يتبادر الي ذهنى تاجات وسلطانيات فؤجئت بالعزيزه الجميله sometimes ربنا يجمعها على جوزها على خير ويرضيهم ببعض بعتالى سلطانيه جميله لونها اخضر فسدقى وعليها رسومات ورد وبعديها بشويه ليست بالقليله الزميل الأخ العزيز عايش ولكن ..باعتلى هو كمان سلطانيه بس كبيره شويه فقولت ادمج الاتنين سويا فى جلستا واحده (قصدى سفرتا واحده)...وعليه لسه هقول يا هادى فؤجئت برنا الحبيبه النائمه فى الارياف بعتالى تاج تالت فقولت ادمجهم سوا لقيت الموضوع هيبقا طويل وانا لسه مفوقتش من البوست اليى فات وطوله فهجاوب او بالاصح هشرب السلطانيتين sometimes و عايش ولكن..والبوست القادم يبقى انتى يا رنا ..
وعليه نبدأ وحبايبنا يستعدوا عشان هيشربوها هديه....
تاج منمن sometimes
1.. بدأت تدوين امتى ودخلت العالم دا ازاى ؟
مش فاكره اه والله مش فاكره التاريح بالضبط ممكن لا اكيد ااقل من سنه لأنى عملت كذا مدونه اليى المدونه النهائيه وكلهم بأسماء مشابهه ونفس المغزى والهدف...اما دخلته ازاى وانا على النت وقع تحتت ايدى بالصدفه البحته مدونة خالد الصاوى اعتقد وبعد كده مدونه جابت كتير بعديها بخلاف انى كنت شفت موضوع المدونيين على الجزيره.2.. آيه كان انطباعك فى البدايه ؟
مذهوله من اليى شفته فى المدونات ذات الطابع السياسى ومبهوره من خفة الدم وتناول المواضيع بجاذبيه واسلوب شيق فى باقى المدونات وعجبنى قوى الموضوع وشبطت انى الآقى نفسى على النت ابص الآقى روحى قدامى بصالى مش طالعت.
3.. مين اكتر حد بتهتم بتعليقه على البوست الجديد ؟
أى حد كلف خاطره وخد من وقته عشان يقرالى بوست ويعلق ويبدى رآيه ..تعليقه بالنسبه ليا بيهمنى جدا جدا
..كفايه انه عبرنى.

4.. آيه اهم حاجه اتعلمتها من عالم التدوين ؟
ما اخجلش من انى اعبر عن اليى جوايا واواجه مخاوفى...واخلى ظروفى مهما كانت عتبه اطلع
بيها لفوق مش انزل بيها لتحت.

5.. أيه اكتر حاجه كرهتها ؟
مدونات بلا هدف ولا هويه غير السب فى الدين الأسلامى لأنى لاحظت ان مفيش دين بيسلط عليه اللسان الا الاسلام مع انه الدين اليى احترم كل الاديان ولو كارهينه قوى احترم مشاعر المسلمين وانه دين سماوى من عند اليى خلقك وصنعك بنىآدم تعيش وتتعايش ومستقبلا ممكن تمشى على اربع.
6.. حاسس ان التدوين ليه تأثير ؟
أى نعم ..بيخلينا نقرا بعض صح وعرفنا دماغنا ماشيه فين ..ولو مش بيأثر فى حد كفايه انه بيأثر فيا.
7.. تهدى التاج لمين ؟
آه جاينا بقه للهدايا..فى آخر البوست ههدى التاجين لكل الحبايب..
تاج عايش ولكن ..لكن ايه يا عايش...
1 .. أذكر ستة اسرار لا يكتشفها من يقابلك لاول مره ؟
السؤال ده لخبطنى اسرار محدش بيعرفها من اول مره يقابلنى بيتهيآلى هو او هيا اليى هتقابلنى فهيا او هو اليى هيحكوموا اكتشفو او مكتشفوش ايه عنى مش عارفه بس اعتقد ان اليى هيشوف فيا صفه طبيعى يتوقع عكسها فى الغالب يعنى انا كتومه...بس اليى يعرفنى مش هيكتشف كده لانى فضيحه وبس اى حد يسالنى عن اى شئ يخصنى وتلاقى اسرارى كلها مبقتش اسرارى ..يعنى بلا فخر مبعرفش اكتم سرى ولا حاجه تخصنى ومبحبش كده من اساسه ..انما فى اسرار غيرى فى الحفظ والصون عشان كده كل صحابى بيحكولى اسرارهم عشان عارفين لسانى سايب فيما يخصنى بس ....وعليه اى صفه فى الغالب المقابل بتاعها عندى يعنى مكانى الطبيعى عند دكتور نفسانى.2.. سبع حاجات نفسك تعملهم ؟
1..احفظ القرآن كله انا وابنى ونعمل باليى فيه
2.. احج واعمل عمره انا وماما وابنى كل من احبه جمعاء
3.. اسافر والف العالم كله ولو بدأت بأول دوله هجيب التانيه والتالته والعالم كله وبرضه انا وابنى .
4.. اخلص من المشاكل القضائيه على خيربس لو فيها ثواب وتخفيف ذنوب يبقا اليى ربنا يريده احسن.
5.. حد يا عالم يا هوو يغير وجهة نظره فى الاسلام بسببى .. يا رب اجعلنى سبب فى حاجه عدله.
6.. اعمل فيلم قصير ويكون عن حاجه فى بالى ومجهزاها ...وعلى فكره تسجيلى مش بورنو.
7.. اربى ابنى زى ما بتمنا والبسه بدلة الفرح بأيدى زى ما كنت بلبسه السالوبيت وهو صغير ..ابنى ومحدش يتدخل .
3.. سبع حاجات معرفتش تعملهم ؟
1.. معرفتش اكون اسره سعيده واعيش حياه طبيعيه زوج وزوجه واولاد بس رغم عن ارادتى والحمد لله على كل حال ...اللهم لا اعتراض.
2.. حاولت احفظ القرآن كذا مره ومعرفتش لان مقدرتى على الحفظ صعبه قوى بس بحاول وهحاول علطول بس بحمد ربنا برضه لان اكيد ثواب المحاوله عند ربنا مضاعف.
3.. معرفتش ادرس فى معهد السينما زى ما انا عايزه ولما جاتلى فرصة انى اكون مساعد مخرج محفظتش عليها يعنى تلات اربع شهور وكانسلت.
4.. امسك لسانى شويه دايما مفلوت ..ولو شفت حاجه غلط نفسى مره اسكت واكتف لسانى واشغل التتطنيش.
5.. معرفتش لما ابو ابنى كان بيمد ايده عليا انى أدافع عن نفسى وكل مره ااقول مش هسكت بس اليى كان بيمنعنى خوفى من ربنا يعنى مره مسكت ابريق سلفربلاتيت وقلت ههبده على نافوخه بس قلت ميستهلش ربنا احسن ..ولاا يمكن كنت خايفه على الابريق.
6.. معرفتش احافظ على قلبى ابيض يعنى كنت لفتره طويله والله بجد مكنتش بكرهه حد وكنت عايشه دماغ وروح لوحدى بس دلوقت بقيت بعرف اكرهه واحب والون قلبى بألوان الطيف بس الحمد لله هيا خبططتين على ايدى لما احس ان قلبى حود غلط وبتظبط علطول.
7.. معرفتش اتحكم فى دموعى لغاية دلوقت لو شفت شئ مؤثر او غير مؤثر فكرنى بحاجه مثلا ..الاقى نافوره وبتنزل من عنيه وده شئ مش حلو خالص ...لدرجة انى فكرت انى عندى مشكله فى عنيه.
4.. 7سبع حاجات دايما بتقولهم ؟
عادى ..يا جميله..اتقى ربنا..اى خدمه مش محتاج حاجه لدرجة ان كل اليى بيعرفنى ملاحظها ولما بيتطلب منى خدمه بصراحه مبسدش..بكشوا ...بوكى بيرو ..يا ماما.
5.. سبع مشكلات فى حياتك ممكن تحلهم بالفلوس ؟
بلاش اولا 7 دى هما مش كتير انا مش شكليه..بس الفلوس حاليا مفيش مشكله ليا واقف حلها عليها ..
بس اعرف واحد قريب ماما كان غنى جدا جدا جدا وربنا اصابه فى اولاده بالمرض الصعب وبالتالى فى ماله فلو معايا فلوس كتير بحجم ديونه هقدر اساعده واحلله مشاكله..
وست اعرفها بتربي فى سبعه ولد وست بنات بس كلهم بسم الله ما شاء الله متفوقين دراسيا بصوره رائعه فلو معايا فلوس هساعدها فى تجهيز بناتها.
...اه ليا بقا بس مش مشكله عويصه لو معايا فلوس كفايه هدخل عبدالرحمن مدرسة الغات اليى عايزه ادخلهاله يعنى التعليم الحكومى رائع وفوق مدرسة ابنى مينفعش ابنى يتعلم ااقل من مستوى تعليم ابوه مع ان التجربه اثبتتلى ان العلم فى الراس مش فى الكراس بس المدرسه اليى قدامى وااقدر ااوفر مصاريفها بينى وبينها نص ساعه بالعربيه فهحاول ادخله فيها بس ال200 جنيه هيعملوا ايه دول هيعملوا البدع..انا مش غاويه منظره بس مش عايزه اخلى ابنى قليل قدام عيلته ونفسى اعلمه تعليم كويس مع انى متأكده بس ان الاهم من المدرسه متابعتى انا ليه واهتمامى بيه وبمخه بس اهه ام بقه.
6.. سبع اماكن بتحبها ؟
1.أوضتى وربنا محرمنيش منها ورجعتلها تانى .
2. اى مكان فيه خضره ومايه والوجه الحسن موجود بيرو ابنى.
3. قبر الرسول والكعبه وقبور الانبياء ونفسى ازورهم.
4. المحكمه..لو جابت حق مغتصب لحد.
5. الشيشان وكوسوفو واى مكان فيه مسلم عارف قيمة دينه وبيحافظ عليه بعدين دول حبايب الرسول .
6. رشيد بلد بابا الله يرحمه بلد رائع .
7. كل الوطن العربى بحبه وحبيبى وفلذة كبدى اصلى من اليى هيموتوا عل الوحده ..والامارات بالذات ليها عندى معزه ومكانه خاصه عشنا فيها برهه من الزمن ومشفناش من اهلها الا كل خير .
7.. اشخاص بتحبهم غير بابا وماما واخواتك ؟
ابنى ايه رايك فى الاجابه دى..
اى حد مسكين بحبه وبحب اتمسح فيه كمان اللهم احشرنا معهم وعلى فكره انا اكتر مسكنه منهم.
اى طفل او طفله يتما وحاليا بخاف يكون ابنىمستقبلا منهم وبخاف قوى كمان.
اى حد قريبى عشان صلة الرحم
صحابى صحابى صحابى وصحاب ومعارف بابا وشويه من صحاب ومعارف ماما..
اى حد بقله يا حبيبى يا اخويا يا عزيز عينى يعرف انى بحبه لانى مبقولش كلمة حب لحد مش بحبه بتاتا..يعنى بحب كل المدونيين اليى بيزورونى وبيساندونى ويعلقوا عندى بكلام حلو وموضوعى اه والله العظيم بحبهم بحبهم بحبهم من غير ما اشوفهم وده حب انقىكمان.
اى حد حنين وطيب بحبه علطول طول طول طول وعشرة زمان بقه نها ودعاء عويضه وسماح ونسرين وايمان ومها وسميه ورشا وحنان ومروه .. تانت احلام وورده وهبه عشرة المقطم الغاليه قوى..واى حد بيحب ابنى وبيسأل عليه وبموت فى صحابه اليى مش بيضربوه.

8.. مدونيين بتحب تقرالهم ؟
سؤال غريب لو اتنطط مجاوبش عليه عشان هما كتير كتير كتير ومينفعش حد فيهم ميتذكرش ..
بس كل مدونه فيها احساس صادق وروح حلوه وموضوع مفيد وشيق بحب ااقراها واتابعها ...يعنى اى مدونه مش ملحده او شاذة الفكر عن فكرى يعنى بحبها طبعا وبتابعها ..بس نفسى ااقول بس مش هقدر هذكرهم ازى كلهم دول.
9.. تمرر الواجب لمين ؟
اهلا اهلا وسهلا فينك من زمان..كونتى اكون او لا..قصقوصة حبيبه..اوريجنالتى الجميله..ريموووحبيبتى قلبى ..ايمى الجميله رصيفوو..كيا كيارتى الشقيه.. نيجا نيجار العسوله..مونى مونى مونى اظن خلصنا اليى ورانا..بنوته مصريه اتفضل يا قمر..شمس النهار الدافئه.. شهرزاد الرقيقه..نهر الحب الفياض.. انى احبكم فى الله وانا كمان.. البنت السيناويه.. انت وانا وهما ليه لا.. انا ودماغها الشقيه.. تصويره تصويره حبيبتى ..وكله يوسع فرىكيلر يا مجرم..والباقى التاج الجاى يا نهارى
الرجاله بئه بس مش كتير ...غير ما يكون اخو ماما خالو الصباغ.. الشخصيه اليى زى السكر استاذ احمد سكر..رئيس جمهورة الصدق محمود.. استاذى من غير ما يدرسلى استاذ هانى.. the fuhrer اتفضل يا دوكت.. اخى واستاذى الفاضل طارق الغنام.. وحسام وكلامه الجميل شملولى سابقا..
اما بقه التاج القادم فده من نصيب حبايبنا الباقيين والسبب انى حاساه مناسب ليهم قوى قوى





هناك 185 تعليقًا:

Princesa ... WHiSPeR يقول...

انااااااااااااااااااااا جه يا ولاد

اولا كنت حاطه ايدي على قلبي لو كان اسمي اتكتب هنا
وزعلت لما اسمي مااتكتبش فى الناس اللى بتحبيهم بس قلت اكيد يعني انا فى الحته الشمال هههههههه

انتي بجد بجد حد من جوه شفاف اوى وده واضح من الاجابات

يارب تحققي كل احلامك وعوضي كل حاجه خسرتيها

صحييييييييييييح عجبتني اوى حته الابريق دي
لاني كنت هعملها فى حد قريب بالموبايل
واكتشفت ان الموبايل اصلا اغلى من الحد ده هههههه

يلا تشاااااااو

كـــيــــــــارا يقول...

انا جه تاني تعليق هيييييييييه

كـــيــــــــارا يقول...

اولا

الاجاباااااااااااات عسل عسل وواقعيه وحسه كده اني شيفاكي منها

ثانيا التاج الاولاني وصلي قبل كده يبقي هحل الاج التاني بس هييييييييييييييه

وميرسي ياحبيبه قلبي انك افتكرتيني

وزحلانه عشان مش زرتيني وانا سباكه

عاااااااااااااااااااااا

عاوزه مصاصه بقي وانا مبقاش زحلانه

كمان اه وصلتي البوسه لعبد الرحمن ولا لا

اهو امممممممممممموه ليكي وليه :)

Hossam يقول...

حبيبتىىىىىىى
ازيك والله وحشيتنى واول معملت بوست جريت عليكى عشان اقولك
بس لقيت تاج جميل زيك
اسالتك اجبتها حلوة
اتمنى اشوفك قريب
سلام

أكون أو لا أكون يقول...

حســـــــــــــــــــــونتي...
ازايك ياقلبي... سلطانيتين ولا أروع...
حلوه جداً أجوبتك ... زي العسل... زي قلب اللي جاوبتها عســـــــــــــل ...

ربي يخلي ويحفظ عبد الرحمن... وتلبسيه بدله الزفاف بإيديكي يارب...

شكراً على الإهداء ياحبيبتي...

SHAPE YOUR LIFE (ABOALI) يقول...

طبيعة اقوى الاجابات
ويعنى يعنى اللى عندها فكرك ده
تفتح 1000 بيت
وتسعد زوجها سعاده ابدايه
بس يظهر اما مافيش رجاله حاليا
او ربنا يهدى الجميع

البعض يحلم
والحلم متاح
اجمل الاحلام
انك تعيش مرتاح
ربك معاك
رسولك فى قلبك
يبقى على الدنيا
كل السلام والتحية


شكرا سيدتى على الصراحة الحياتيه

هانى زينهم يقول...

من غير ما اقولك ان الاجابات دى نموذجية " لان هى كدة فعلا " بس هاقولك انها دليل على ان الدنيا نصيب فى كل حاجة وستات كتير لو دى افكارهم بجد يعمروا دنيا بحالها مش بيت واحد بس الدنيا مش على مزاج حد. وما حدش بيشوف النعمة اللى فى ايده الا لما تبقى ذكرى !!
عموما ربنا دايما بيدى الانسان على اد ما بيحتاج مش على اد ما بيعوز وهو اعلم بالصالح وما نملكش الا التسليم بارادته والحمد لله فى الاولى والاخرة .
اما بالنسبة لكلامك عنى فانا بجد اللى باتعلم منك والله مش مجاملة ولو تفتكرى اول مرة ادخل مدونتك قلتلك ايه وانتى قلتى ايه ؟!!
اما التاج فانا والله ما اعرف يعنى ايه وان كان اجابات على الاسئلة زى ما حضرتك عاملة كدة فانا ما اعتقدش ان اجاباتى هتتغير عن كدة كتير بس عموما متشكر جدا جدا جدا وربنا يكرمك فى عبد الرحمن وتفرحى بيه لان هو ده المدرسة اللى بجد وكل سنة وانتو طيبين .

yoyo يقول...

حبيبة قلبى عاملة ايه يا سوسو واخبار عبد الرحمن ايه يارب تكون بالف خير يارب

التاج جالك لوحده اخوا بعيدا عندى عنى يعنى مش انا اللى دبستك اهوا اعرف الجمايل دى هههههههههههههههه

اجابات جميلة اوى اوى وطالعة من القلب بكل تلقائية وعفوية

ربنا يارب يسعدك يارب وتقدرى تحققى كل الا تتنماه وتشوفى بيدو كدا عريش فى الكوشة يارب بس ابقى اعزمنى

ان شاء الله ربنا يريح قلبك وينهى كل المشاكل دى على خير بالفعل والله اعتبريها اختبار من ربنا وربنا هيجازيكى على كل دا خير ان شاء الله

يالا يا قمر عقبال السلطانية الجاية يارب

دمتى بكل خير
تــحياتى
يويو

كلام حسام يقول...

يعني اقولك شخصيتك رائعة طبعا كلمة مكررة اوي واتقالت لك كتير بس مندهش واندهاشي يفوق اي اندهاش عرفتيه في الدنيا
مندهش ازاي حد يبقي معاه انسانة مش بتعرف تكره ويفرط فيها عارفة ربنا ولها اهداف في حياتها عاقلة وفاهمة الدنيا لله الامر من قبل ومن بعد
بكل الاحترام المستحق ليكي مدام محاسن انا بتمني تقبلي اعتذاري عن التاج لأن زي ما حضرتك شايفة مدونتي مش شخصية بالمرة ومش هاتكلم فيها عن نفسي ولا عن علاقتي بالتدوين
اسف مرة تانية
واتمني لك حياة سعيدة ترضيها ليكي ولأبنك

ضــى القمــر يقول...

محاسن

ايه الاجابات الرووعه دى ..
عارفه ميزتها انها طبيعيعه وعفويه منك جداا
صدقك فيها باين جدااا ..
بجد استمتعت جداا وانا بقرأ البوست ده ..
يمكن لنى عرفت عنك حاجات اكثر .. وده حسيت انه فعلا قربنى منك اكثر ...
اجمل تحيه لكِ يا محاسن ..
بجد انتى جميله جدااا فى كل شىء

مصري بالغربة يقول...

بصراحة انا مبقتش عارف اقول ايه

كل الكلام الحلو اتقالك خلاص

وحاسس ان كلامي حيبقى مكرر وانا محبش كده

بس هادعيلك ان ربنا يا رب يوفقك في حياتك , وتقدري باذن الله تحفظي القران انت وعبد الرحمن

وتربي ابنك كويس على طاعة الله عز وجل

وانا في راي ان انت بداتي حياتك بالفعل ومتخليش التجربة السابقة تأثر عليكي بالسلب

في راي اعتبريها ولا كانها حصلت وابدأي حياتك من جديد

مع خالص تمنياتي بالتوفيق الدائم

مهندس / محمود مرسي

مهندس مصري بيحب مصر يقول...

طيب كويس ان الحمد لله التاج ده ما جاش فيا
شيل يا عم محمود 2×1 تاجات متكلفة

اجاباتك بتكشف كتير عنك و كلها حاجات جميلة
بس انا مستغرب موضوع معهد السينما ده؟

Unknown يقول...

السلام عليكم ورحمة الله وبركاته
ربنا يحقق احلامك وتكونى راضية بيها ومقتنعة كمان ويدكى العمر والصحة وتشوفى ابنك عبد الرحمن عريس وملو هدومه بس ما تعمليش زى الستات المجانين( مارى منيب : فيلم الحموات الفاتنات) اياهم وتقولى دا ابنى وانا ربيته وانا نمرة واحد وكده حبيه وحبى اللى يحبه كمان .وخلى دايمآ وكيلك ربنا (انا عارفة انك عامله كده بس بفكرك)وكيلك ربنا سبحانه وتعالى يأخدلك حقك ومستحقك من كل اللى ظلموكى (دعوة المظلوم ليس بينها وبين الله حجاب)
سلامى وشكرآ للوقت الجميل اللى قضيته فى المدونة

غير معرف يقول...

شكلك طيبه اوى بجد

و عاشان قلتى انك بقيتى بتعرفى تكرهى ده دليل انك نقيه و طيبه

مفيش حد وحش بيقول كده

بجد الاجابات عجبانى اوى

ما شاء الله عليكى

mahasen saber يقول...

la princesa...whisber
يا قمر اسمك مكتوب فى قلبى ..اه يا قلبي..بعدين انا سايباكى للتاج الجاى ااقرى اخر سطر فى البوست يا برنسيسا ولاا اعذبك بمج كابتشينو برغاوى من اليى بتحبيه بعد الفطار...
دا انتى قمرى وسميعة بيرو افندى زىى حالاتى انا ااقدر ازعل معجبين بريان ادامز ..دا انا اتشك فى ودانى احسن..
انما الحته اليى فى الشمال تحت الانشاء
اصل اخونا محمود مصرى بالغربه قلى محدش هيعملك الريدر الا انا واهه مشفتش غير المدونات دى بس..
ااقوله محمود حطلى كل حبايبى يتأمر عليا ويقولى بعد الفطار واهه بقاله بيفطر تلات تيام يا منرفزنى..
بس تصدقى بحس داخل كلامه انه بيقولى انتى فاكرانى شريف ولا الصباغ ..
فامرى الى الله اما اشوف اخرت الريد ومصرى بالغربه ايه بالضبط..
بس والله يا جميله انا بموت فيكى وفى روحك الجميله وروشنتك العاقله دى ..
وبعدين تعالى هنا مش عايزه خناق مع اوريجنال بتشدى شعرها ليه...

لؤلؤة الاسلام يقول...

ما شاء الله مدنة جميلة
و بوست تحفففففففففففة

و تحياااااااااتى
رمضان
كريم

mahasen saber يقول...

كيارا...
وانا ااقدر موصلهاش ده حتى امانه..
وبعدين متزحليس خالس خالس انا عنيه ليكى ..قصدى جيبى ليكى .كراتين متبرشمه مصاصه ولا تزعلى نفسك..بس ابقى طالعيهم من تحت ايد ابنى.
وتجاوبى التانى او الاولانى المدونه بسلطانيتها بصاحبتها تحت امرك يا كيارتى
وبعدين انتى دايما على البال والخاطر بس كيار سباكتا يا كوعك يا كوتيى...
منوره يا جميله دايما..

mahasen saber يقول...

hossam...
ازيك انتا يا اجمل مثقف قابلته حتى
الآن ...ايه ده يا رب اشف دماغ ابنى كده ده انا هبقا اسعد ام وهحس انى وصلت للهدف...
بعدين وجودك عندى بيشرفنى وزيارتك بتزيد سعادتى ده على اساس انى سعيده...
بقالك انا فيه تاج تالت لسه هجاوبه ده يلبقلقك زى ما البنانيين بيقولو ..ده بمناسبة اخر بوست عندك..
فلما انزله هتشرفنى وتجاوبه..
منورنى منورنى وهتنورنى كمان وكمان...
سلام يا حسام.

mahasen saber يقول...

اكون او لا اكون...
كونه الجميله حبيبتى الرقيقه..
وحشتينى وحشتينى ومنورانى يا جميله
اخبار لندن ايه سلميلى على ضبابها..
انتىهنا فى بيتك وهسيبلك الباسوورد تحت ماشاية السلم عشان تدخلى وتخرجى براحتك..
شوفتى بقه بحبك بحبك فى الله يا كونتى الجميله..
وطبعا فى فرح بيرو هتنورينى امال مين هيحيى الحفل..

mahasen saber يقول...

aboali...
البعض يحلم
والحلم متاح
اجمل الاحلام انك تعيش مرتاح..
الله ايه الكلام الجميل ده ..
وشاكره رايك وذوقك ودماثة خلقك عن التعليق الحلو ده..
بس حضرتك متعرفنيش ما ممكن اكون وحشه لا بشعه وانا اليى زهقته فى عيشته..
الله يكرمك كمان مره والف شكرا على ذوق حضرتك وكرم اخلاقك.

mahasen saber يقول...

هانى زينهم...
استاذى الفاضل كلامى عن حضرتك دى ااقل حاجه ااقولها حضرتك وموضوعات مدونتك من المدونات اليى تحبب الناس فى التدوين..
وانا ببقا سعيده جدا بزيارتى لمدونة حضرتك واسعد بزيارة حضرتك لمدونتى..
اما الكلام الجميل ده فهقولك ربنا يكرمك ويباركلك فى بنتك ومتشفش فيها اى حاجه وحشه ابدا ابدا..
الف شكر مليون شكر على ذوقك وكرم اخلاقك يا استاذ هانى..
جزاك الله كل خير..
وهقول لحضرتك زى ما قلت لاستاذ ابو على ...
اكيد انا اليى وحشه..انا مش بحزن لما حد بيقولى انى انسانه كويسه بحزن لانى اكيد مش كده..والله اعلم .
بس ربنا يكرمكوا وارجوك يا استاذ هانى واستاذ ابو على تفهموا انا قصدى وخوفى من ايه..

mahasen saber يقول...

yoyo....
يويتى الجميله التاج او السلطانيه
الجايه هنلبسها احنا الاتنيين سوا سوا
ومنورانى يا جميله وبتسعدينى دايما بزيارتك الجميله دى..
ويا رب ربنا يسعدك ويهنيكى مش عارفه ااقولك ايه على كلامك الحلو ده
خدى بوسه امممممممممممم..دى على دماغ مامتك يا قمر ..
عشان ربت بنت بالطعامه دى ..

mahasen saber يقول...

كلام حسام...
اولا وانا بهديلك التاج يا شاعرنا الكبير عارفه رايك مفدما بس قولت واجب لابد منه وكويس ان وجهة نظرى طلعت سليمه مش مدغششه..
اما رايك فيا فربنا يجازيك خير عن حسن نيتك فيا وكلامك الراقىده بس انا وحشه اعتقد بنسبه كبيره انىممكن اكون وحشه..اسفه انى ااقول كده بس مش قادره ان حد يشوفنى كويسه بنبه كبيره مش عايزه اظلم حد معايا ومش قد المسئوليه اليى شيلها من الكلام الجميل ده...
فاهم حاجه مش عارفه ااوصل بس قلبى بيوجعنى.

mahasen saber يقول...

ضى القمر....
انتى ايه النور ده منورانى يا قمر وحشانى قوى يا قموره...
بعدين انتى اليى جميله فى كل شئ عشان كده شوفتينى جميله ...
وبعدين التاج القدم ليكى يا قموره زى ما قلت فى اخر البوست...
شاكرهكلامك الجميل ورقتك يا قمر..
بس مبسوطه قوى انك اتبسطتى.

شمس النهار يقول...

الموضوع طلع كبير هجاوب بعد الفطار
ان شاء الله
بس عايزه اقولك
ان شاء الله ربنا هيعوضك خير وتقدري تعملي اسره جميله سعيده

mahasen saber يقول...

مصرى بالغربه...
محمود اخويا هنا اهه ...لا لا لا ايه الشرف ده ..
نورت المدونه وشكرا على كلامك يا اسكندرانى هما كل الاسكندرانيه كده ايوه...
انا الحمد لله التجربه راحت بحلوها ومرها والحمدلله على كل حال ...
بس تعالالى هنا فين الريدر يا باشمهندس..
لاحظ انك بتقولى ادعيلك وانتا عارف انا ممكن ادعى بشكل تانى..
لا حرام براحتك خالص ده مش لوى دراع ابتا ابتا ..
الا الاسكندرانى.

mahasen saber يقول...

مهندس مصرى...
اهلا بحضرتك بس التاج الجاى
حضرتك هتشيله ودى مش فيها كلام ولا حليته ولا محلتوش ..ولو حليته تحله تانى حتى تكتشف جوانب اخرى فى اجابتك وشخصيتك..
بس موضوع معهد السينما معايا لا تستغرب شئ انا قلت الشئ عندى وعكسه اصلى جوزاء...معانى مش بعترف قوى بصفات الابراج ولا الابراج عامتا .
بس فترة المعهد دى برضه كانت فترة انى عايزه اروح الشيشان عادى عادى عادى هذا انا بس انا بتاعت افلام تسجيليه على فكره مش اكتر من كده.
حضرتك منورنى يا باشمهندس جدا وشرفت المدونه ومبروك عليك العشر الاواخر فى ارض الحرمين الشريفيين.

mahasen saber يقول...

norahaty...
ولا دعوه ولا غيره هيا ربنا يهدى بس
ده ابو ابنى وكان بينا عشره
فيها الحلو والوحش وفيها اليى مكفيها
وبعدين ازاى هقول لابنى يبر ابوه وانا
بدعى عليه..
الحمدلله كله خير وتخفيف ذنوب ...
بس انتى نورتينى يا نور الاهات الجميله
فينك غايبه عن مدونتك ليه انا دايقتك فى حاجه قوليلى وانا ازعلنى قوى..
رمضان كريم عليكى يا حبيبتى ونورتينى لو مش صيام كنت جبت كوباية التمر..

mahasen saber يقول...

magnoilia....
نورنتينى يا حبيبتى عامله ايه
انتى اليى نقيه عشان يطلع منك كلام حلو كده ليا ..
ربنا يكرمك ويسعدك ان شاء الله
وبعدين فيه تاج تالت ده ليكى يا قمر بس صبرا اجاوبه بس..
نورتينى يا جميله وشرفتينى بالزياره يا حبيبتى..

mahasen saber يقول...

خديجة محسن ..لؤلؤة الاسلام....
اهلا وسهلا بيكى يا خديجه
انا بعشق اسم خديجه ولو كان بايدى اختار اسمى كان هيكون خديجه وكان نفسرى ربنا يرزقنى ببنت واسميها
فاطمه..
نورتينى يا حبيبتى بالزياره ومبسوطه ان البوست والمدونه عجبوكى..
رمضان كريم.

mahasen saber يقول...

شمس النهار...
حضرتك بتنورى المدونه علطول بنور طبيعى ومن غير ما احط صنبلوك..
نورتينى يا شموستى الدافئه وواثقه ان الاسئله هتطلع حاجات حلوه من جواكى.
وبعدين ما انا عندى اسره سعيده اهى
ولا انتوا مش اسرتى برضه انا مش بطبخلكم ولا باكلكم ولا بكوى هدومكم بس اسرتى الحبيبه..

مهندس مصري بيحب مصر يقول...

لا لو حليته قبل كده حأوريكي البوست القديم
انما لو جديد من عينيا

mahasen saber يقول...

مهندس مصرى...
ماشى حسيت بهوريكى البوست القديم
بهوريكى العين الحمرا هههههههه.
لا ان شاء الله تكون مجاوبتوش كلها اسبوع افوق من البوست ده وورم صوابع ايدى يخف وانزل التانى علطول قصدى التالت..
وشرفتنى بالزياره وشاكره تواصلك واهتمامك يا باشمهندس.

رئيس جمهوريه نفسى يقول...

تامرى وجارى التنفيذ فيهم تاج متجاوب وتاج التدوين دة متمرر قبل كدة وان شاء اللة حجاوب علية فى ااقرب وقت
اجباتك كلها فى الخير ربنا يوفقك لما فية الخير ليك ولعبدالرحمن ولجميع اهلك ان شاء اللة

Unknown يقول...

لو حسني مبارك شاف البوست ده
هايخلع نفسه
:)

Mona Shereif يقول...

انت يا عم ما جيتش توقع عندى ليه انك جاوبت التاج
جميييييييييييييييل
ولنا عودة ان شاء الله

ريمان يقول...

محاسن حببتى

ام عريسى

وحماتى فى المستقبل

ازيك يا اطيب قلب

كل سلطانيه وتاج وانتى طيبه يا قمر

اجابات جميله وعرفتنا عليكى اكتر وعرفنا معلومات عنك اكتر

وطبعا دبسيتينى انا وحسام فيه

ماشى يا قمر

اموااااااااااه

بوسيلى عريسى بقه كتيييييييير

معلش عارفه انى بجحه حبتين

استحملى بقه عروسه ابنك

ههههههههههه

غير معرف يقول...

تصدقي أنا كنت بحل التاج اللي فات ن وبعدها دخلت على مدونتك ، لقيت البوست ده في وشي ...
كويس إن اسمي ماجاش :) ، علشان أنا لسه بحل اللي قبله ... هههه

" بحب كل المدونيين اليى بيزورونى وبيساندونى ويعلقوا عندى بكلام حلو وموضوعى .... "

الكلام دا كبير علينا ، أنا وشي بقى أحمر :)

يارب تكون ايامك سعادة

في آمان الله

رادار

نـــــور يقول...

تعرفى يامحاسن
والله انا بحبك قوى
مش علشان التاج ولانى طلعت اشبهك حاجات مش قلتا ى تاجى والاختلاف بينى وبينك بسيط
انما من قبل
بجد بحبك فى الله
نفسى اشوفك
ايه رايك تجيلى الجامعه بعد العيد؟
والله هرجعك عيله تانى
ليكى كل الحب منى
اختك الصغنطوطه ومرات ابنك مستقبلا

Princesa ... WHiSPeR يقول...

ههههههه
طب وليه كده والطيب احسن بس

ابوجلال المصرى يقول...

السلام عليكم
مدونه دمها خفيف
تحياتي
متابع

بنت سيناء.. يقول...

ازيك يا محاسن

اولا
لية كدة بس انتى زعلانة منى وللا اية؟؟على فكرة انا قبل كدة جالى تاج من مدونة شيماء مهدى بس انا حقيقى ما اقدر اجاوب بصراحة بعض الاسئلة الخاصة أما العامة فعادى وانا حابة انى اكون صريحة بس

ماعليكى هجاوب بس ادينى مهلة شوية اصل عندى ظروف

أما بجد انتى خلتينى مش عارفة اضحك وللا ابكى فى حكيك لموقف زوجك ومد ايدة عليكى
بس كويس انتى حسمتيها واخترتى الابريق(:
معقول؟؟انتى عن جد صريحة الله يعوض عليكى فى ابنك وتنولى كل امانيكى اللى ذكرتيها فى الرد على التاج والسلطانية(:
انما صحيح
صورة البروفايل عبارة عن اية؟؟انا بس شايفة لون اخضر

صحيح كنت هنسى
وين البــــــــــــــطة الشرقاوى الملظلظة؟؟اشوفك غيرتى رايك

princess يقول...

اجابتك حلوة اوى
ربنا يخلليلك ابنك يارب وتشوفيه فى احسن مكان وتحققى كل اللى انتى عايزاه
وتحلى كل مشاكلك
وتحققى كل احلامك
تحياتى:)

Ahmed Mohamed يقول...

باين من كلامك العفوي خالص ده انك انسانه طيبه
ربنا يسعدك ويخليكي زي ما تحبي

ريمان يقول...

محاسن حبيبتى

انا وصلنى التاج على هاكونا مطاطا انا كلفت حسام يعمله لان جالى تاج على مدونه ملائكيه ولسه مش عارفه احله

ههههههههه

ابقى طمنينى عليكى يا قمر

وكل تاج وانتى طيبه

nona يقول...

اية الناس الاى بتحبك دية يا بنتى تلات سلاطين مرة واحدة
بس اجاباتك ما شاء الله
ربنا يحقق كل احلامك و تنفذى كل الاى نفسك فية لانها احلام بسيطة وجميلة

"عبير النجار "نيجار يقول...

محاسن يا حبيبتي
والله يا أختي صدقتك لما قولتي إن إحنا ذوقنا زي بعض لأوكمان إجاباتك على الأسئله كإن أنا اللي بجاوب بس طبعاً إنت الأصل يا جميل وإنتي الأحسن طبعاً بس بجد فينا كتير من بعض لدرجه مش هتتخيليها بس هسألك سؤال بس ياريت ما تحدفينيش بأي حاجه قدامك وما تقوليش عليا غبيه لاحظي إن أنا لسه جديده يعني إيه السؤال 9 تمرري الواجب لمين ولاحظت إنك قولتي إسمي والنبي والنبي يا أختي إوعي يجيلك الضغط ولا حاجه إبنك عايزك بردوا .

Sourah يقول...

اجاباتك في منتهى الجمال ، مش بعيده ابدا عن شخصيتك الجميلة ، عجبني اوي ردك على السؤال التاني ، لانه نفس انطباعي ..

سامحيني انا كنت مشغولة اوي اليومين اللي فاتوا عشان كده ما علقتش من بدري ..

و على فكرة ماتحرمش على الهدية دي ، و انشاء الله ارد في اقرب فرصة ..

و اخر الكلام لك مني الف سلام

عاشــــــ النقاب ـقــــة"نونو" يقول...

السلام عليكم
ربنا يكرمك ويحقللك كل احلامك يارب
ويبارك لك في ابنك
انتي طيبة اوي يا محاسن ربنا يزيدك من نعيمه يا رب
كل عام وانتم الى الرحمن اقرب

عاشقة القمر يقول...

لاجاباااااااااااات رواعه وجمي حلو اما بالنسبة لقران في اماكن بتاع تحفيظ القران بالتوجيد ياخذه ساعه من زمانيك رواحي
ربنا يكرمك ويحقللك كل احلامك يارب
ويبارك لك في ابنك
كل عام انتي بخير
عاشقة القمر من السودان واتنمي ان تزورني في مدونتي

انسانةعادية فى عالم مش عادى يقول...

السلام عليكم ورحمة الله وبركاته
تعليقاتك واجاباتك على التاج جميلة اوى بسيطة واضحة جدا ربنا يكرك يارب ويحققلك كل اللى بتتمنيه
كل سنة وانتى طيبة

د. مونى يقول...

الله الله الله يا ست محاسن
اجاباتك جميلة ودبلوماسية جدا
وشكرا على التاج هحله اول ما النت يرجع فى البيت علشان اجاوبه بمزااااااج

عايش... ولكن !!!! يقول...

تعرفى انا لما دبستك فى التاج ده
برغم اننا كنا لسه يا دوب مزورناش بعض كتير
بس حبيت اتأكد بس من اللى حصيته ناحيتك
حسيت انك طيبه اوى وغلبانه اوى ومظلووومه اوىىىىىىىىى
وحاجات كتير كويسه جدا حسيتها فيكى
اتأكدت منها فى اجاباتك للتاج ده

انتى أثبتيلى عكس مقوله كنت دايما متمسك بيها
الطيور على اشكالها تقع
اثبتتى انتى عكسها

ربنا يحققلك كل اللى بتتمنيه
على فكره اللى ليه ام زيك ميخافش على نفسه :))

معلش بقا اتأخرت انا كتير بس كنت تعبان شويتين ولسه داخل نت انهارده بالعافيه
دمتى موفقه
علاء

غير معرف يقول...

التاجين جمال أوى


بس اعمل إيه بقى فى ماما
عمالة تقولى تعالى أعملى البيتزا
حروح و آجى أكمل قراية و أرد يا حبيبتى

Empress appy يقول...

اولا ربنا يديلك الخير يا رب
بصى انا فى اخر مدونتى فيه ويب يايت ديزاين للبلوجات انا شايفه هناك اشكال تنفع مدونتك ممكن تاخديها
Blog Design: Made By Lena

غير معرف يقول...

و الله أنتى زى العسل بجد



إجاباتك جميلة أوى أوى

و حسيت أن واحدة شبه الناس كلها بتتكلم زيى و زى غيرى

سعيدة أوى أنى عرفتك و الله

و شكرا أنك قلتى على دماغى شيقة
أنا كدة مش حضربها بالنار :)

مجلة الأم الصغيرة يقول...

أحلى حاجة في التاج إنه بيعرفنا على صاحب المدونة أكتر و بصراحة التاجين دول بيدلوا أد إيه إنت شخصية جميلة أوي بجد و قلبك طيب جدا .. و ربنا يخليلك إبنك و تشوفيه عريس يا رب
و تحفظي القرآن و تخديني معاكي عشان انا كمان نويت أحفظه ;-) .. و يحققلك أحلامك كلها يا رب

دمت بخير

NIDAAL .R يقول...

يا لهوووووى ده انا متأخر جداً كالعادة ... بس تعرفى ان أجاباتك بجد أكثر من أكثر من أكثر من رائعة
أيه الشغل العالى ده و الدماغ الرايقة دى و الاحلام الجميلة جداً جداً دى .. بس احسن جملة عجبتنى جداً و مش عارف ليه توقفت عندها الى هية :
والبسه بدلة الفرح بأيدى زى ما كنت بلبسه السالوبيت وهو صغير .... جملة أكثر من رائعة و بجد مالهاش توصيف روووعة و الله .. انا عارف أنى مقصر جداً جداً بس لما تدخلى على الرابط ده هتعرفى ليه
http://www.elbadeel.net/index.php?option=com_content&task=view&id=32021&Itemid=138
وهتلاقى أسم محمد جمال الدين الى هو انا وشوفى عدد القراء كام لله الفضل و الحمد و الشكر من قبل ومن بعد
عقبال ابن حضرتك يارب ما تشوفيه زى ما بتتمنيه و أحسن كمان.. ومحتاج دعواتك بجد محتاجها

mahasen saber يقول...

رئيس جمهورية نفسى...
ازيك يا محمود منور يعنى انا نشنت التاجين مصابين قبل كده يا فرحتى بيا ..
بس عادى انتا قبلت الهديه برضه الف شكر يا محمود ومنورنى دايما وبتسعدنى بزيارتك ودعمك الجميل ..
ربنا يكرمك ويسعدك..

mahasen saber يقول...

انا انسان...
استاذ احمد منورنى وانتا للمره المليون احسن منى مليون مره انتا ساعدتنى وانا نسيت اذكر كده ارجوك سامجنى بنسا بسرعة البرق..
بس لازم اعدل البوست واذكر مساعدتك ليا ارجوك متزعلش منى واعتبرنى مريضه وادعيلى بالشفا من الزهايمر ده.
نورتنى جدا بالزياره بس مفهمتش ايه مغزى التعليق ده وانا ايه علاقتى بالريس هو انا اطول ...

mahasen saber يقول...

sometims.....
منى هو انا ااقدر ما اوقعش دا انا اوقعلك على ورقه بيضه كمان ..
بس والله نسيت يا منمن فسمحينى بقه
وبعدين لو انتى يا قمر يا ام قلب طيب مش عديتهالى وسامحتينى مين هيسامحنى..

mahasen saber يقول...

ريمان......
ريمانووو انتى اليى اممووووووووووووو
منى ومن بيرو وانتى اليى دبستى نفسك فى ابنى فادبسك فى تاج بقه ياقمر انتى وحسام...
منورانى وبتنورينى يا ملاك يا جميله وبعدين انتى على دماغى من فوق فبجحه او مش بجحه انا والمدونه تحت امرك يا قمرى...
سلام يا ريمو يا ملاك ..

mahasen saber يقول...

رادار...
محمد هنا يا مرحبا يا مرحبا بعدين متستعجلش اسمك فى بالى للتاج الجاى انتا ناسى انهم تلاته ...
وبعدين انتا بالذات هموت وابعتلك تيجان واسئله منورنىيا محمد وبتنورنى علطول وبتشرفنى دايما ...
بعدين انتا عارف انك استسناء وعلى دماغى من فوق ...
ربنا يكرمك ويبارك فى عمرك واستعد للتاج الجاى...
منورنى يا محمد...قوى فوى..

mahasen saber يقول...

habiba....
حبيبتى الصغنطوطه انا اليى بحبك فى الله يا قمر وربنا يكرمك على الكلام الحلو اليى بتقوليه ليا ده ...
متتخيليش كلامك ده اسعدنى ازاى وبسطنى وفرحنى ازاى بالاخص لما قولتى اختك الصغيره ..فعلا فرحتينى انك معتبرانى كده بخلاف بيرو يعنى..
بس بقولك ابنى خطابه كترو اتصافى معاهم ومدخلوش الولد فى خلافاتكو...
نورتينى يا قمر وماشى عايزانى فى الجامعه هحاول ان شاء الله وتبقا فرصه حلوه انى اشوفك يا قمرى يا اجمل زقزوقه فى الشرقيه لا فى الجمهوريه بحالها.

mahasen saber يقول...

la prencea whisper...
يا قمر قول لنفسك ايه الحرب الضروس اليى عاملاها على الغلبانه
اوريجنال دا انتى بتهاجميها هجوم انا قلت دى بتاكل شوكلاتك من وراكى ..
منوره يا برنسيستى الرقيقه والشرسه برضه ليه لا..

mahasen saber يقول...

ابو جلال المصرى...
اهلا وسهلا بحضرتك وشرفتى بالزياره
وشاكره ذوقك ورايك الحلو..
ورمضان كريم وتشرف فى اى وقت..

mahasen saber يقول...

بنت سيناء....
سيناويتى الجميله لو على البطه اطيرهالك من الزقازيق للعريش ولا تحطى فى بالك..
انما الصوره كان فيه صور كتير على الكمبيوتر بس انا حبيت دى اكتر حسيت فيها بالبراءه والون الاخضر لون مفيش حد ممكنيختلف عليه مش بيقولوا ثياب الجنه اخضر ربنا يوعدنا بيه..
اما يا قمر اجوبة التاج فليكى مطلق الحريه احتراما لخصوصياتك تجاوبى من الاسئله اليى مناسب ليكى ...
وبعدين انتى يا حبيبتى تنورينى وتشرفينى وتعملى ما بدا لكى فى المدونه
دا انتى على دماغى من فوق يا جماعة الخير..

mahasen saber يقول...

priencess...
اهلا بسمو الاميره شرفتينى بالزياره
وشاكره ذوقك ورقتك ربا يكرمك ويجازيكى خير...
وبعدين اجوبت التاج انتى شايفاها حلوه عشان انتى بس عنيكى اليى حلوه..
نورتينى يا برنسيس وشرفتينى..

mahasen saber يقول...

ahmed ..a3hlam...
منورنى يا زائرى الكريم المحترم اليى علطول بتقولى كلام مشجع وجميل
بقولك بقه فتحت باب التعليقات ..
ااقولك انا جايه اشوف بنفسى ..
منورنى يا احمد جدا.

mahasen saber يقول...

ريمان...
ريمووو انتى وحسام واحد بس قوليلى انتى بداتى تزوغى ولا ايه..
ماشى يا قمر براحتك انا قلت انتى بالذات براحتك هو انا ااقدر ازعل ملايكه يا ربى ..
وانا كويسه طول ما عبد الرحمن كويس
وطولما سؤالك عليا مبيتقطعش والاهم طول ما بحس ان معنوياتك حلوه..

mahasen saber يقول...

nona......
اهلا يا نونا عامله ايه ان شاء الله تمام
بعدين شوفتى انا ربنا بيحبنى ازاى
الحمدلله..
ويا ستى التاج الجاى مقدما هديه ليكى
ومنورانى ويا نونا وشاكره زيارتك
يا قمر..

mahasen saber يقول...

نيجار...
حبيبتى الجميله قمراسيوط بحاله
لاحظى انا الحال من بعضه يعنى متفتكريش ان احنا متقاربين فى الذوق والاجابات بس يا نيجا
لا الموضوع اعمق من كده بكتير هههههه
انا جاوبتك يا قمر فى مدونتك يعنى تهديه لمين من المدونيين زى ما انا عملت..
بعدين حمدالله على السلامه يا جميله ويا رب تكونىاتبسطى فى القاهره.
وبعدين انتى متاخرتيش ولا حاجه كفايه اهتمامك يا حبيبتى ..
تصدقى بقه انا حبيتك فى الله فعلا وفعلا كمان نفسى اشوفك
ربنا يكرمك ويسعدك يا نيجا ويشرفنى طبعا ويسعدنى اننا متشابهين فى حاجات كتير..
وعلى فكره انا هضيفك عندى على الميل بس لما اعرف بنضيف ازاى..
مش قولتلك الحال من بعضه هههههه
نورتينى يا جميله.

mahasen saber يقول...

sourah......
تصويرتى الجميله منوره يا حبيبتى ومشرفانى وانتى اليى جميله وحشتينى
قوى قوى ...
طمنينى ابنك عامل ايه وكام سنه دلوقت ربنا يباركلك فيه ويحميلك زوجكك ويهنيكوا ببعض ..
انا سعيده بيكى قوى يا صوره بعدين انتى هنا فى مدونتك تيجى وقت ما تيجى يا حبيبتى
البلوج بلوجكك يا قمرى..بوسيلى ابنك وهستنا اجابتك ..
اليى هتكون نقيه زيك انا متاكده.

أكون أو لا أكون يقول...

فينك يابنتي... يومين وانا بدور عليكي... ورمت رجليه من اللف وراكي... ارحميني... ههههههههههه

كلام على بلاطة يقول...

;كل عام وانت بخير

كلام على بلاطة يقول...

;كل عام وانت بخير

Hossam يقول...

hi my dear frind
بصى هو اصلا محدش يعرف مكانة بس اعتقد لو حد عرف مكانة اكيد هيتقتل لكن موضوع انه يتحاكم معتقدش لان مش فى اى جريمة ضدة
سلام حبيبتى وشكرا لمتبعتك لمدونتى
باى

Beram ElMasry يقول...

تاخرتم فجئناكم وكنتم سباقون بالمودة فهل قصرنا ، وان كنا فاين صفحكم وهو من كريم الطبع فيكم
بصراحة لا افهم ما الهدف من لعبة التاج هذه وما الختر فيها
اما الردود قهى كالعادة خيفة الطل وذكية

Beram ElMasry يقول...

هل الاسم محاسن ؟ ولانك بلديات كرباجى فانت اول شريان حياتى ، لقد عرفت سبب خفة الظل

engy يقول...

الف شكر على النصيحه الغاليه
انا رديت على كل التعليقات وممكن تشوفيهم علشان متحسسنيش بالذنب
ان شاء الله تحققى كل الحاجات اللى نفسك فيها
والللى ماقدرتيش تحققيه سيبك منه يمكن يكون ده الاحسن
عسى ان تكرهوا شيءوهو خير لكم
واللى بيهاجم الاسلام دول ناس اما غاويين شهره اما سيطرت عليه معتقدات خاطئه وهما لو سابوا نفسهم لفطرتهم حيؤمنوا بالدين الاسلامى
او هو شعور بالرهبه من الدين الاسلامى الذى جاء كاملا ومكملا لكل الديانات الاخرى
تحياتى

oRiGiNaL HeArT يقول...

اعاااااااااااااااااااااا
اعاااااااااااااااااا
يالهوى يالهوى يالهوووووووووووى
انا لسة مقريتش البوست انا بس قريت العنوان
ولما عرفت انه بوست من اياهم بتوع التدبيسات دول نزلت على السؤال ايااااااه
لاقيتك وبكل شراسة جيبانى من قفايا اول اسم
دة ايه الشراسة دىىى
اعتبر دة شغل حموات بقى ولا ايييييه
انا مصدومة على فكرة
هفوق واجى اقرا البوست _دموووووع_

tarek alghnam يقول...

ياااااااااة انا جى بعد دول كلهم
انا بجد مكسوف من نفسى امام كرم اخلاقك
والله يااخت محاسن مش عارف اقولك ايه
بجد انتى انسانه رائعه ربنا يكتر من امثالك ويصلح كل احوالك
شوفى يااختى العزيزة
انا يشرفنى التاج ورغم انى كتبت قبل كدة لانه اهدى لى من قبل ولكن هذة المرة لها سعادة اكبر
ربنا يكرمك
وقريب قوى الاقيكى محققه كا احلامك
بجد انتى انسانه عظيمه ويشرفنى كلمه اخى التى تزينى بها اسمى
ورمضان كريم

NIDAAL .R يقول...

وتعرفى برده انى من أهم أحلامى تسجيل فيلم تسجيلى عن الهجرة الغير شرعية من اول ما الشاب يخرج من بيته متوجهاً للمركب ولغاية ما بيتحدف فى المية وهو ونصيبه .. بمعنى انه مش هيبقى فيلم تمثيلى عن الهجرة الغير شرعية ولكنه هيبقى تصوير واقعى من على ظهر المركب ومن قلب البحر
نفسى أعمل فيلم تسجيلى عن كل مشكلة فى الدنيا .. واقعى

حياة تستحق الانقاذ يقول...

يعطيكي العافية ، تاج جميل وصاحبة مدونة أجمل :)

Unknown يقول...

اجاباتك
جميلة وتتسم بالصراحة والتلقائية
والله حبيبتى قلبى انا احبك فى الله
وبنا اشياء كتير مشتركة
تعرفت عليها من خلال البوست
دا ان شاء الله نتقابل فى يوم ونتعرف اكثر
اما بلنسبة للواجب
فشاكرة جداا لك
وان شاء الله اقولك ان كنت اقدر اجاوب عليه ام لا
بس ادينى فرصة افكر ههههههه فى الاجابات
تحياتى لك ياقمر

محمد حمدي يقول...

انا عارف انك شخصيه كويسه يا محاسن
بس اول مره اعرف كمان انك نقيه وصافيه والى فى قلبك على لسانك كده

تحياتى ليكى .. ومستنى زيارتك عشان انا نزلت بوست جديد عشان خاطرك اهو

تحياتى

ابن مصر يقول...

عزيزتى هذه أول زيارة للبوست بتاعك وفعلا اسلوبك رشيق وكلماتك بسيطة وربنا يوفقك وأنا فى غاية السرور للبوست بتاعى وان شاء الله يكون عجبك ومنتظر زيارات اخرى وكل عام وانتى بخير وبصحة

Nabil يقول...

ممكن اقول انك حد جميل جدا ونقى ورقيق وشفاف.
فعل زى ما قالوا "تكلم حتى أراك"...وانت واضحه جدا من كلامك.
تحياتى علي التلقائيه والبساطه
كل سنه وانت طيبه

mahasen saber يقول...

عاشقة النقاب نونو....
انتى اليى طيبه وجميله يا نونو...
ربنا يباركلك فى اسرتك وحياتك ويكرمك فيهم ويكرمهم فيكى
بتنورينى دايما بالزياره الجميله..

mahasen saber يقول...

عاشقة القمر....
اهلا اهلا ببلدياتى انا مواليد السودان يا قمربالتحديد الخرطوم بحرى
ووالدى الله يرحمه كان بيدرس فى جامعة ام درمان وانا نزلت من هناك وانا عندى 7 سنيين ووالدى فضل هناك حوالى 8 او تسع سنيين...
يعنى انتى وزيارتك دى على دماغى من فوق يا حبيبتى يا حته من قلبى وده انا يشرفنى ويسعدنى انى ازورك يا زول
بس تعرفى ماما بتقولى لما نزلنا مصر الكلمه اليى كانت لزقه فى لسانى هيا مويا اشرب مويا يعنى مايه لللاخوه المصاروه..
الله فكرتينى بحبايب بابا الله يرحمه وحبايبنا واخواتنا اليى لا يمكن يتنسوا...

mahasen saber يقول...

انسانه عاديه فى عالم مش عادى...
منورانى بزيارتك الجميله
وانتى شايفه اجابات التاج بسيطه وحلوه لان انتى اليى حلوه
شاكره زيارتك ونورتينى يا حبيبتى...

(احمد سكر ) يقول...

السلام عليكم

اولا بعتذر عن التاخير

كنت طريح الفراش والله

ندخل فى الموضوع

اللى بحسدك على طولة بالك فى كتابته
***

الحجات اللى نفسك فيها مشروعه جدا

بداية بحفظ القراان
والحج والعمره ربنا يكتبهملك يارب

اما السفر دا بئه
ههههههه

اساعدك فيه واجيبلك تخفيض

ماانتى هتنفعى شركتنا بئه

وربنا يارب يقويكى وتخلصى من مشاكلك كلها

ونفسى اشوف الفيلم اللى نفسك تعمليه

وياستى بخصوص اللى مش عرفتى تعمليه

قدامك العمر من تانى تبتديه
من تكوين اسره سعيده
او محاولة حفظ القرآن
والباقى كله ان شاء الله
وربنا فعلا مايحجك لحد

وتبقى دايما مش محتاجه غير رضا الله

بجد اجابتك منتهى الروعه

مغيرتش كتير من اللى رسمناه ليكى

ربنا يارب يحقق ليكى امانيكى

ومن عنيا هقبل التاج

بس ادينى يومين بس

احل فيه

سلمى على عبد الرحمن

وبوووثه من خاله

احمد
سكر

mahasen saber يقول...

د.مونى....
مونى الحبيبه الله الله عليكى انتى وعلى تكريمك ونجاحك ربنا يحميكى ويبارك فيكى ان شاء الله
وبراحتك يا قمرى جاوب على ااقل من مهلك انتا ليك معامله خاصه..
والنت لو زاد عن كده مبدهاش اجى اصلحه انا بقا..

mahasen saber يقول...

غير معروف...
انا بشوف تعليق حضرتك فى المدونات وارجوك تكون معروف وبيتهيألى لو عايز توصل فكره او تعلن عن شئ ما ازاى هتوصله وانتا غير معروف..
شخص مجهول اسفه لا يمكن الوثوق فيه دى نصيحه ليك..
مع انى مش عارفه بكلم مين انا..

mahasen saber يقول...

عايش ولكن...
يا خططك الشريره يا علاء بقه مدبسنى
فى التاج عشان كده
هتروح من البوستات فين...
بس انا شاكره ذوقك وكرم اخلاقك وكلامك الجيل ده ويا رب ابقا ام فعلا زى ما بتقول ..
شاكره ليك كمان مره يا علاء تاجكك الجميلاو خطتك الشريره انا بقه هفكرلك فى خطه اشر شرا من ختطك ...
ايه رايك االفلك انا تاج ...

mahasen saber يقول...

انا ودماغى ...
اولا سلميلى على ماما اليى فضلت عليا حتة بيتزا ...الا بايه البيتزا اليى دخلت معايا مقارنه اكيد بالانشوجه.
طيب انا مستنيه بس مفيش دخول من غير حتة بيتزا اهه حتى ااقول رايى فى عمايلك ...
اميره يا برنسيس تدخل وقتما تشاء ببيتزا او بسلطة فواكهه البحر..

mahasen saber يقول...

appyplanet....
رحاب منوره يا جميله
بس المشكله فى آخد دى لو كنتى قريتى البوست اليى فات كنتى هتفكرى مليون مره قبل ما تقوليلى الكلمه دى
كده يا آبي قلبتى عليا المواجع...
الف شكرا يا قمر وهطلع واشوفهم كده الف الف شكر لذوقك ربنا يكرمك ..

mahasen saber يقول...

انا ودماغى....
حضرتى انتى ودماغك ومن غير البيتزا
سيبى حد رهينه روحى هاتى البيتزا...
منوره يا جميله وانتى اليى قمر ربنا يسعدك وتقضى احلى سنين من عمرك فى الجامعه..

mahasen saber يقول...

قطرات من شواطئ الحياه...
فعلا انا بشوف التيجان كده وسله لمعرفة الاخر عن قرب
شرفتينى بالزياره وربنا يكرمك يا رب ونحفظ القرآن سويا ...
شاكره ذوقك ودعمك وفىرعاية الله..

mahasen saber يقول...

niddal pal....
عارف لو مش انتا انتا نضال كنت زعلت وعارف لو مش داخلى بخبر حلو كده عنك
كنت هزعل واعمل نفسى زعلانه ومردش
بس انا النهارده فى قمة سعادتى
بفرحتك ونجاحك ربنا يوفقك ويبارك خطواتك للامام علطول يا نضال...
نورتنى من هنا للبلوج بتاعك انا هروح ااقرا شغلك الجميل ربنا يوفقك..

mahasen saber يقول...

اكون او لا اكون....
كونه انا برضه اليى فين
داانتا اليى مبتسألش ...وبعدين الف الف الف مليون لا باس عليكى على رجلك..
ان شاالله الشيطان وقرايبه بدالك
منورانى وبتنورينى والماسينجر موجود وبيسأل عليكى يا قمر.

mahasen saber يقول...

كلام على بلاطه....
وحضرتك بالف خير
وان شاء الله منورنى دايما...
اتركك فى رعاية الله وامنه.

mahasen saber يقول...

hossam....
يا منورنى ان شاء اله هيتمسك ولو مش فى الدنيا اكيد فى الاخره
وبعدده كله ومفيش محاكمه ليه ااعرف بس السبب وابطل العجب
منورنى وبتنورنى علطول يا حسام يا مشرفنى....

mahasen saber يقول...

berm elmasery....
اهلاوسهلا بحضرتك بسهدغ التاج هو انه يعرفنا ويوضحلينا اكترجوانب جوانا فى التدوين...
وشاكره ذوقك

mahasen saber يقول...

beram elmasery....
اه السودانيين فعلا مشهورين بخفة الدم ده شعب من اجمل الشعوب اليى عشان هياكده
علطزل كظلومه..

بنت سيناء.. يقول...

بردوا يا محاسن ما عرفت صورة البروفايل عبارة عن اية؟؟
انما صحيح قضيتك لسة فى المحكمة؟؟عايزين نعرف اخر الاخبار بما انك حسستينا اننا زى عيلتك وحكتيلنا القصة


وصحيح عملتى كعك العيد؟؟

إبن مصر يقول...

السلام عليكم ورجمة الله

اجاباتك على التاجين بحس فيها بحد كويس وطالع منه معانى حلوه فى كلامه اللى يوصل للقلب لأنه خارج من القلب

تحياتى وسلامى الحار لعبدالرحمن يا أم عبدالرحمن

"عبير النجار "نيجار يقول...
أزال أحد مشرفي المدونة هذا التعليق.
mahasen saber يقول...

engy.....
لا شكر على نصيحه يا جميله ومبسوطه انك عملتى بيها ...
وفعلا صدقتى اليى بيهاجم الاسلام دول غاويين شهره والدليل سلمان رشدى...
انا سعيده بدماغك قوى قوى ربنا يكرمك ويوفقك ...بتفكرينى بنفسى وانا فى سنك كانت دماغى مشابهه لحد كبير...
دول كانوا اجمل ايام حياتى
على راى بريان ادامز..

mahasen saber يقول...

original heart....
مش فاهمه قولى تانى كده ايه اعااااااا
وكمان يا لهوى دا الموضوع كبير بقه
يا سلام يا اوريجنالتى بقه
حتة تاج هديه يعمل فيكى كده
طب ايه رايك نخلى الشبكه كلها تيجان...

mahasen saber يقول...

طارق الغنام.....
حضرتك مجرد دخولك المدونه شرف فا تبقا التعليق الول او الا74 متفرقش
المهم انك شرفتنى بالزياره واسعدتنى بيها
وانا اليى يشرفنى ان حضرتك تقولى اختى وتعتبرنى كده...
انا فعلا والله مش مجامله يا استاذطارق وجودك وزيارتك لمدونتى بيزيدنى شرف وسعاده وحضرتك اليى شخصيه محترمه ومدونتك من ارقى ما يكون
وعلى فكره بقه انا كل يوم وجهة نظرى فى البورسعيديه بتتأكد انهم فعلا رجاله جدعه وناس من انقى ما يكون ..
ربنا يكرمك وشاكره كلامك الجميل ده ربنا يجازيك خير ..

mahasen saber يقول...

niddal pal....
مهو انا غرامى للسينما بحب الخط الواقعى على جدور رقبته فيها وبحب
الافلام التسجيليه بالذات للسبب ده..
وبعدين حلو لينا اهتمام مشترك
طب مين فينا هيبقا مساعد المخرج
طبعا مش انا...
انتا جواك حاجات جميله قوى بس تلاقى الفرصه الصح زيك زى الغالبيه العظمى من شباب مصر..

mahasen saber يقول...

مجموعة حياة...
يعطيكم انتوا العافيه انتوا الاجمل
كيفكم وكيف احوالكم
بتأمل تكونو بخير..
على فكره ده شويه كده سورى مكسر على ريحة لبنانى من بعيد..تأثير المسلسلات بقه..تقبرونى.

mahasen saber يقول...

نهر الحب...
منورانى وانكتقولى ان بينا صفات مشتركه ده شرف ليا وتاج بقه بس فوق دماغى
انا ببقا سعيده بزيارتك قوى يا
ايناس لو تسمحيلى ااقولك ايناس كده
وفعلا انا اليى بحبك فى الله
وااقرب فرصه اعرف اشوف فيها ده يبقى شرف وسعاده ليا
انى ااقابل حد زيك..
ربنا يكرمك ويجازيكى خير ويسعدك فى اسرتك ان شاء الله...

mahasen saber يقول...

mohamed hamedy....
اهلا بحمدى وبدماغه..وشكرا على وجهة نظرك دى جزاك الله كل خير
وحاضر سآتى لآرى جديدك يا دماغ حمدى..

mahasen saber يقول...

ابن مصر....
كل رمضان وحضرتك بالف خير
ومبسوطه طبعا ان البوست عجب حضرتك ده شرف ليا
وزيارة حضرتك برضه شرف كبير
الف شكر ورمضان كريم.

mahasen saber يقول...

nabil....
ممكن ااقولك انا الف شكر على كلامك
الجميل ده
وفعلا الكلمه الطيبه صدقه
جزاك الله كل خير ونورتنى واسعدتنى بزيارتك وكلامك..

mahasen saber يقول...

احمد سكر...
ابو محمود البلوج بلوجكك والبوست تحت امرك وانتا مجرد وجودك فى المدونه بينورها ويحليها
ويزيدها شرف..
بس الف الف الف لا بأس عليك ان شاء الله تكون فى افضل حال دلوقت..
والله قلقتنى عليك ان شاء الله تبقا بصحه جيده وبأفضل حال...
اما بقه التذاكر والافلام والسفر وحفظ القرآن والحياه الجديده
دعواتك ليا وربنا هيسرلى كل الامور..
نورتنى يا ابو محمود والف الف شكر على الزياره ..
والف لا بأس عليك من التعب ان شاء الله ربنا يمتعك بالصحه وتاجها ويبارك فى عمرك وصحتك وتربى اولادك احسن تربيه..

mahasen saber يقول...

بنت سيناء....
يا سيناويه خليها المعنى فى قلب صاحب البروفايل بعدين دى صورة بنوته صغيره بس كارتون
من كوكب الخضر بس لسه متوجدش ده على الكون
اما القضايا فخلاص يا سيناويتى ابتدا المشوار اجازة المحاكم خلصت وهاخد شوط المحاكم تانى وامرى الى الله دعواتك بقه
اما الكعك فوالدى لسه متوفى من حوالى خمس شهور فمعتقدش بتاتا اننا ممكن نعمل جو بهجة العيد من غيره على الاقل السنه دى
ربناا يتغمده برحمته الواسعه
زيارتك يا سيناويه بتسعدنى علطول
دعواتك وربنا يكرمك يا حبيبتى

mahasen saber يقول...

son of egypt...
ابن مصر البار ايه فينك من زمان
مبنشوفكش ليه منورنى ومشرف المدونه
وازيك اخبارك واخبار ياسمين ايه
اكيد عمها مدلعها..
انا شاكره ذوقك وكرم اخلاقك ونورتنى والله واشسعدتنى بالزياره والله يسلمك ويسعدك
سلامى انا بقه لياسمينا وبوسه كبيره ليها..

mahasen saber يقول...

نيجار ....
نيجا جبيبتى انا فهمت وجهة نظرك ومقدره جدا جدا
وبقولك ربنا يوفقها واباركلها قريب ان شاء الله لانى حاسه ان اختك كويسه زيك
من شابه اخته فما ظلم..
وبالنسبه للماسينجر حد فينا لازم يضيف التانى فى ااقرب وقت انا شكلى هعرف بيتضاف ازاى واضيفك لانى فعلا حبيتك قوى وحاسه انك كويسه جدا ويسعدنى قوى اننا نبقا اصحاب
فانتظرى بقه اضافتى بس اوعى ترفضيها هههههه ...وانا مسحة التعليق يا قمر ولا تحطى فى بالك اى شئ..
ربنا يبعدك عنك كل شر واى حد وحش بشره واذيته اللهم امين..

غير معرف يقول...

انتبة اية الاخوة صاحب مدونة عالم الحب ويدع مصطفى يسرق الموضوعات القديمة او الشبة منسية اعتقدا منة ان احد لما يتذكرها وينشرها عندة
البوست هذا مسروق من مدونة
الرابط http://mahmoudriri.blogspot.com/2008/06/blog-post_4472.html
انتبه لموضوعاتكم
تحياتى

بنت سيناء.. يقول...

اولا البقاء لله وان شا الله يتغمده الله برحمتة الواسعة
ثانيا:تتصدقى بئة ان مدونتك فيها عفريت؟؟

ابصم بذلك

انا مش شوية دورت على تعليقى اللى كتبتة بالامس ومالقيتة ورجعت تانى من شوية ولقيتة

وبعدين على اساس انى ملقتش تعليقى اللى كتبتة بالامس رحت كتبت ليكى تعليق ودلوقتى مش لقياة ايش الحكاية؟

عالم ماريونت يقول...

يا محاسن
معلش الكمبيوتر كان فية مشكلة اليومين اللي فاتو
اية يعني لما الكمبيوتر اول ما اكتب اسمك يروح عامل ريستارت؟
اه والله
انا بكتب التعليق على ناس كتير
اول ما اكتب محاسن يروح قافل على طول
هههههههههههههههههه
تلات مرات يا سمسم
اخر مرة طلعت اجري وانا بكتب وحطيت التعليق بسرررررررررررعة
هههههههههههههههههههه
مش عارفة انتي زعلتي ولا اية؟
دي حاجة تضحك والله
عموما ما تزعليش دي ظروف الموبايل بتاعي
مع انه كويس والله ومش زي ويلسون
ههههههههههههههههههههههه
كلب سنة وانتي طيبة
وبعدين نتي هتهدديني يعني وتقوليلي هجيب ابني واجي؟
طب مال تيجي؟
والله تنوري وتأنسي
بجد نفسي اشوفك يا محاسن

مـجـنـووون يقول...

واواواواووا

معلش أنا أتاخرت كتير ، في التعليق
بس والله كنت بدخل ااقراء الكلام وكنت بحسب نفسي علقت عليه

المهم

أولا تشرفت بالتعرف بيكي

ثانيا : متحرميش نفسك من حاجه وكل حاجه بتحلمي تعمليها حولي تعمليها

ثالثا : أنا بعتقد أنك مضربتهش بالبراد علشان خايفه البراد ينكسر ههههه

رابعاً : يا ريت البنات تبقي أحلامها زيك كده كان حالهم أتغير كتير

تقبلي مروري
مجنووون

عاشقة القمر يقول...

هلا فيك تنورين في اوقات بس انتي حفظت كلمتين زول ميه ههههههههههههه مافيش حاجه تاني حفظتزي شنو عليك الله يعني لم احد بيكون مستغرب في حاجه استحلف بالله ههههههههههههههههههه دير معناه عايزايه هههههههههههه ان شاءالله تكون اعجبتكم السودان الا السودان تطور الحمدالله بقي احسن من زمان بكثير
يرحم ابوك ويجعل مع الصدايقين والشهداء ويسكن الجنه

بنت سيناء.. يقول...

ازيك يامحاسن
ظبطى ساعة مدونتك

جنّي يقول...

السلام عليكم

والله انا اللي اسف للتأخير

معلش رمضان كريم ..

تعرفي بحس من التاجات واجاباتها رغم اني لا احبها ان المدونين معجونين من عجينة واحدة ( اقصد المدونين المحترمين طبعا )
يعني انا لو جاوبت ها تلاقي كثر من اجابتك في اجابتي
بس فعلا انتي كتومة .. تاج الاسرار ما خرجناش منه بسر واحد غير انك كتومة

رمضان كريم

غير معرف يقول...

مشكلة الصباغ والدكتور زعبولا
بنظرة حيادية لصديق كليهما
مدون يدعى محمد الجوهري
http://goharyblog.blogspot.com/
شوفوها ضروري

مجلة الأم الصغيرة يقول...

لأ لأ لأ أوعي تسمعي كلام بنت سيناء و تضبطي ساعة مدونتك لا المرادي صباغ و شريف يدخلوا المستشفى بجد ;-)
خليها كدا مافيش مشكلة مش حنبص عليها

"عبير النجار "نيجار يقول...

محاسن شكراً بجد على كل حاجه
وعلى فكره أنا جاوبت على أسئله السلطانية الكبيره إللي هدتهالي وطلعت عيني وأنا بجاوب لإني لسه بطيئه في الكتابه لدرجه إن الساعة دلوقت 9 ولسه ما فطرتش شوفتي بقه .

بنت مصريه يقول...

جمييل التاج يا جمييل
اااصدى التلت تاجات
الله يكون ف عونك تلت تاجات مره واحده دا خبطتين ف الراس توجع
ما بالك تلاته هههههههههههههه

احييكى عالبوست الجميل يا قمر واتمنى
تحققى كل اللى بتحلمى بيه

dodda يقول...

ربنا يكرمك
وكل سنه وانت طيبه
وعيد سعيد عليكى وعلى اهلك
ربنا يتقبل منك رمضان ويكرمك بمكان فى جنة الرحمن
ويكفيكى شر الحرمان
كل من اتبع الرسول باحسان امين يارب يا حنان يامنان

كل سنه وابنك بيكبر قدامك بالبركه والخير وتطمنى عليه

"عبير النجار "نيجار يقول...

كل ده يا محاسن والله بجد مش عارفه أقولك إيه وياستي إذا كان على فنجان القهوه ياريت والله أجبهولك لحد عندك ده إنتي تأمري وشوفتي بقه إحنا زي بعض إزاي بس خدي بالك إنتي اللي خدتي بالك من كده الأول والله يامحاسن ياريت لما تعرفي الإيميل بيتضاف إزاي تعرفيني علشان عندي كلام كتير عايزه أقولهولك
ماشي ياقمر.

Hosam Yahia حسام يحيى يقول...

بجد اجابات حضرتك جميله ماشاء الله

:d

طب وكلمه ابنى يبقا حضرتك بتحبينى ولا لئه

:d

غير معرف يقول...

العزيزه محاسن

كل تاج و انتي طيبه و دول مش تاج واحدو ربنا يزود التاجات
:)

عارفه انا لما قريت ردك في اجابه الاسرار قلت احنا زي بعض لأننا برضه فضيحه في موضوع الاسرار بتاعتي ماعنديش اسرار ليها علاقه بيا اعرف احافظ عليها يعني حياتي كتاب مفتوح و كتير كنت بتعرض ‎لأنتقادات بخصوص الموضوع ده لكن هي مسأله تعود اعتقد

انشاء الله تحققي كل اللي نفسك فيه و تحجي و تعملي عمره انتي و ابنك و ربنا يخاليكم لبعض

و اوعي تنسي من ضمن الأحلام اننا نبقي مخرجات احنا اتفقنا اللي حيبتدي الأول ياخد التاني معاه اوعي تنسي
:)

صدقيني يامحاسن ربنا بيقطع من هنا و بيوصل من هنا و انشاء الله البركه فيكي و في ابنك و يعوضك ربنا خير فيه

و ربنا انشاء الله يرزقك برزق أبنك و تقدري تعلميه احسن تعليم و برافو عليكي انك مهتميه بتعلميه لأن صدقيني التعليم شئ بقي مهم جدا في وقتنا

بشكر التاجات انها عرفتني اكتر علي شخصيتك الطيبه الرقيقه و ربنا يوفقك دايما و كل سنه و انتي طيبه ياقمر و مرسي علي كل كلامك الحلو في حقي و ربنا يديم المعروف

بنت الاسلام يقول...

اجابتك حلوة قوي يامحاسن وبتفسرلنا كتير عن شخصية جميلة زيك

ربنا يقدرك وتحققي كل اللي بتحلمي بيه

تحياتي

وكل سنة وانتي طيبة

عيد سعيد عليكي وعلي ابنك عبده

جنّي يقول...

السلام عليكم


تقبال الله منا ومنكم الصيام والقيام ايمانا واحتسابا لوجه الله الكريم

وعفا الله عنا وعنكم في ليلة القدر

كوارث يقول...

ما شاء الله
جميلة جدًا اجاباتك
بتكفرني باجاباتي في بعض المناطق
بس انا معترف في اجاباتي باني وغد يعني
يا ريت تفضل ده قناعاتك دايمًا

غير معرف يقول...
أزال أحد مشرفي المدونة هذا التعليق.
mahasen saber يقول...

بنت سيناء....
سيناويه اللهم احفضنا انتى متأكده
من الكلام ده ...
يبقى لازم اصرفه هههههه سيناويه حبيبتى
يمكن علقتى فى بوست تانى ...
سيبك انتى وانتى داخله حصنى نفسك بالمعوذتين...

mahasen saber يقول...

يوميات نائمه فى الارياف...
رنا انا هعدى موضوع الريستارت بمزاجى
طبعا عشان منظرى قدام الكمبيوترات التانيه....
بس نورتينى يا رنا يا جميله واستعدى انا جايه بعبد الرحمن اهه
وسعى...

mahasen saber يقول...

مجنون.......
اولا اهلا بيك وبزيارتك وانتا تشرف زى ما تحب
وشكرا على ذوقك وكلامك الجميل بس الابريق مكانش هيتكسر كان هيطبق للاسف
فعلىايه اتطبق انا احسن هههههههه
نورتنى واسعدتنى مرورك قوى..

mahasen saber يقول...

عاشقة القمر....
اهلا اهلا بالبلديات عارفه انا مواليد السودان
وبالتحديد الخرطوم بحرى ووالدى كان بيدرس فى جامعة ام درمان ...يعنى بينا
عيش وملح ...
والله متتخيليش اتبسطت ازاى لما لقيتك كاتبه السودان ياه بلد عزيزه على قلبى...واهلها حتة منى..

mahasen saber يقول...

بنت سيناء....
ههههه سيناويه الجميله...شلتها مش
كده احسن اصلا شريف حطلى ساعه على ذوقه وطبعا ذقه رجالى ....
فجت الفرصه وشلتها مع الشكر ليه طبعا...
وليك يا جميله ..

mahasen saber يقول...

جنى.....
اهلا بيك اخويا العزيز بس
يا سلام مطلعتش بالرغى ده كله غير انى كتومه هههههههه
ماشى مقبوله بس حضرتك شرفتنى
وجدا جدا كمان
يد سعيد ومبارك عليك..

mahasen saber يقول...
أزال المؤلف هذا التعليق.
mahasen saber يقول...
أزال المؤلف هذا التعليق.
mahasen saber يقول...

قطرات من شواطئ الحياه...
لا اطمنك محدش هيدخل المستشفى الا شريف بس
اصله هو اليى حطلى الساعه...
بس ميهونش عليا شلتها خالص ..

الباحث عن الحقيقة يقول...

السلام عليكم ورحمة الله وبركاته
انا جيت كله ياخد ساتر
انا ناوي انفجر
فين اسمي في الليله دي ولا علشان متغرب يعني ولا ايه
مااااشي
انتي ليكي راجل يترد عليه
يا باشمهندس عبد الرحمن
يا بيروووو
يرضيك كده يا عم الحاج

كل سنة وانتم طيبين الاول
كل سنة وانتى طيبة يا محاسن

انا خالتى اسمها محاسن على فكرة
وكل سنة وعبد الرحمن طيب
انا ابني ده لو اتجوزت يعني وخلفت هسميه عبد الرحمن
رمضان كريم عليكم وعيد سعيد للجميع
وربنا يحفظك من اي مشاكل
وخلي رقم تليفوني اهو مع حضرتك اي استشارة قانونية تحت امرك
0107268696
0116098151
واي حد من الزملاء المدونين حابب يسأل يستشير يقول انه من طرف محاسن وإلا مش هعبره
وكل سنة وانتم طيبين
ربنا يحققلك كل ما تتمنيه

mahasen saber يقول...

نيجار ...
للساعه 9 ومفطرتيش يا نيجا
لا يبقا مش ههبعتلك تيجان تانى فى رمضان
بس شوفت اجابتك يا جميله وهيا هيا
نيجارالجميله ربنا يسعدك يا حبيبتى
يا رب..
وانا جايه عندك حالا.. عشان اشوف الحكم..

mahasen saber يقول...

بنت مصريه....
نورتى يا بنت مصر الجميله
وشاكرهزيارتك جدا...
وعلى رايك تلات تاجات فى الراس توجع..
بس استعدى يمكن تاخديه التاج الجاى هديه او خبطه كمان...
نورتى يا جميله...

mahasen saber يقول...

dodda....
لا وحشتينى وحشتينى ونورتينى بالزياره
وجزاك الله كل خير على دعواتك الجميله دى يا حبيبتى يا رب...
وبتسعدينى دايما يا دودا والله بدعواتك الحلوه دى ...
ربنا يتقبل ويكرمك ويسعدك
وعيد سعيد يا جميله عليكى وعلى كل احبابك...

mahasen saber يقول...

نيجار....
نيجا بيبتى اذا كان على فنجان القهوه
هشربه يعنى هشربه واكيد هيبقا
حلو عشان من ايدك...
بس الاضافه انا هحاول اضيفك كده ولو لقيتى جالك ماسيج اعملى اكسبت ..
لان انا اليى عايزه اكلمك وارغى معاكى للصبح يا نيجار يا جميله...
وعيد سعيد يا حبيبتى..

mahasen saber يقول...

حسام يحيى....
يا سلام دا انتا على دماغى من فوق
يا ناس بقه يبقه فيه ولد عنده 18 سنه ومدون وايه مش اى مدونه ولا مدون وميبقاش
على الدماغ من فوق ....
ازاى يعنى...ربنا يحميك ويبارك فى عمرك..

mahasen saber يقول...

اجندا حمرا....
نورتينى وشكرا على ذوقك
وكلامك الطيب والجميل ده...
وعيد سعيد عليكى وعلى كل من تحبين...
فى رعاية الله وامنه..

mahasen saber يقول...

بنت الاسلام.....
بطه الرقيقه البنت الباره اخيرا
نورتنا وحشتينى جدا يا بطه
اخبارك ايه يا حبيبتى
ان شاء الله فى افضل حال ...
عيد سعيد عليكى وعلى كل من تحبين يا بطوطه..

mahasen saber يقول...

جنى.....
اللهم امين اخى الكريم...
وعيد سعيد ومبارك على حضرتك وعلى كل من تحب..

mahasen saber يقول...

كوارث...
اهلا وسهلا بيك باول زياره
اسعدتنى بالزياره بس ايه الاعتراف
الغريب ده انك وغد شئ صعب قوى ...
بس الواحد هيفضل طول عمره بيحارب على المحافظه على ارائئه وقناعته الشخصيه لو ثبتله انها صح...

mahasen saber يقول...

المجهول او المجهوله....
الاخت او الاخ اليى ساب تعليق امبارح كله عدم احساس بمشاعر الغير
انا عملت بنصيحة اليى بيحسوا بمشاعر غيرهم وبيقدروها ....
ومسحته زى ما كونه اقترحت عليا...
ولو مش عاجبك او عجباكى مدونتى اتمنا انك او اىكان النوع اليى ساب التعليق..
اتمنا انك تحرمنى شرف الزياره..
لانى مش مستعده ااقرا كلام لشخصك مش فاهم حاجه عن اى حاجه ومش بيقدر مشاعر حد ..
وعيد سعيد
وربنا يهدى...

mahasen saber يقول...

رادار....
محمد التعليق لسه هقراه لقيته اتمسح
يظهر كلام بنت سينا صح والمدونه فيها عفريت...
يا ماما..

mahasen saber يقول...

الباحث عن الحقيقه....
لا لا انا مش مصدقه صفحة التعليقات
بقه اخيرا شرفتنا بالزياره
فينك قلقتنا عليك...
بعدين انا فاكراك طبعا ولاحظ انهم تلات بوستات يعنى القادم ليك ان شاء الله وابن حجر لا ههههههه
والله نورت المدونه بالزياره اصل دايما عشرة زمان والناس اليى عاصرة بداية المدونه ليهم غلاوه كبيره...
بس ايه اخبار القاهره دلوقت معاك...
يا رب تبقا مبسوط فيها...
وبعدين بتقوم عليا الولد دى اخرتها هههههههه بس مقبوله برضهخاله بقه
بقالك خالتك اسمها محاسن اكيد اسم على مسمى ....وفيها كل الصفات الحلوه وجنميله وطيبه وغلبانه بس ملهاش قضايافى المحاكم ههههههههههههه
انا بهزر انا شكلى عقلى اتلحس من كتر فرحتى انك نورتنى هنا...
ربنا يسعدك وشكرا على ارقام التليفونات شكلك هتجيبه لروحك وهتتهرى معاكسات مش منى طبعا...
بجد والله مش عارفه اشكرك ازاى على دعمك وكرم اخلاقك معايا ربنا يكرمك ويسعدك
ويباركلك فى كل خطواتك ...
انا فعلا ربنا بيحبنى ان بيوقعنى فى ناس محترمه كده...
عيد سعيد عليك وعلى كل من تحب...
ودوشتك صح بس سعيده بزيارتك
قوى والله...
نورتنى وربنا يباركلك....

Maha Omar يقول...

عزيزتي أشكرك على مرورك على مدونتي كل عيد و انتي طيبة و ياعيني على البوستات الولحد مش عارف يقرا ايه و الا ايه

blue-wave يقول...

اولا انا بعتذر تماما انى تغيبت عن الزيارة الفترة اللى فاتت
ثانيا بعتب عليكى لتغيبك عن زيارتى الفترة اللى فاتت برضه:))
ثالثا بقى ما شاء الله على اجاباتك واضحه وصريحه وربنا يكرمك بجد على انك مراقباة فى جميع تصرفاتك
رابعا كل سنه وانتى طيبه وبالف خير

حـــــ الــجــنــة ـــــور يقول...

ماشاااء الله على إجاباتك حبيبتي منطقيه وبدون تكلف جعل الله أخر أعمالك خواتمه تقبلي مروري
رمضان كريم
كل لحضه وأنتم من الله أقرب

أنت...وأنا يقول...

السلام عليكم
كيفك عزيزنى وكيف عبدالرحمن اتمنى انكو بخير ..انا كنت تاركه تعليق بعد ما حطيتى البوست الاخير بس مشكله اكثر من مره تحصل معاى معرفش فين يروح.. فى حاجتين الاولى انا استغربت لمه اجا اسمى مع الاسماء والله ده دليل على طيبه قلبك وانك مبتنسيش حد وزياراتك ليه والله بتفرحنى وان شاء الله حرد على الاسئله لمه شويه الاقى نفسى اصل انا احوالى مش ولا بد... الحاجه الثانيه الى سابت ليكى التعليق ربنا عليها وحسبنا الله ونعم الوكيل بالناس دى محدش بيسلم منهم دول الله مش فى حساباتهم اقول الى انا عايزاه وامشى بس الكلام دا ياثر فى الانسان وله يزعله مش فى حساباتهم ربنا يهدهم اصل انا خبره فى الاشكال دى واحسن حاجه الواحد يقول حسبنا الله ونعم الوكييييييييييييل ... انا امس دعيت ليكى فى ليله القدر ربنا يفرجها عليكى ويفرحك بحياتك وبابنك.. ومتخفيش على موضوع التعليم لعبدالرحمن هوا لو ياخذ طيبتك وبياض قلبك والله ربنا حيوفقوا مش فى اللغات والمدارس الغربيه ... انا بحاول اكتب باللهجه المصريه لو فى حاجات غلط سامحينى ,, ان شاء الله انا عندى موضوع حكتبو يخص المصريين بس شويه كدا اجمع افكارى واكتب الموضوع ان شاء الله ... امانه متزعليش عشان خاطر عيون عبدالرحمن ربنا يخليه ليكى... فى امان الله اترككم مع السلامه فى لقاء اخر...

ريمان يقول...

محاسن يا قمر

ازيك يا احلى محاسن فى الدنيا

واخبار الجو بتاعى ايه

عايزاكى فى العيد تغ1يه كويس وتأكليه بيتى فور وكحك

وبوسيهولى بوسه كبيييييييييييره اوىىىىىىىى

مش هوصيكى

خلى بالك من عريسى كويس

ولازم يتمرجح كويس فى العيد ويلعب كمان وينفخ البلالين

كل سنه وانتى طيبه يا قمر

ويا رب يكون عيد جميل وسعيد عليكى

اموااااااااااااه

"عبير النجار "نيجار يقول...

محاسن
بصي عايزاكي هاديه كده وريلاكس خالص إوعي تعصبي نفسك
هو المسج بتاعك ألاقيه فين في الإيميل بصي أنا دخلت الإيميل ما عرفتش أدور كويس قمت إتخبط في اللي إسمه إيه ده اللي سألتك عليه قبل كده الماسينجر قمت عملت له داونلود ونزل عندي وكل شويه ينطلى على الشاشه زي عفريت العلبه ويشاورلي على حاجه مكتوب عليها
add acontact
ومش عارفه أعمل إيه لو تعرفي ياريت تقوليلي

"عبير النجار "نيجار يقول...

محاسن
معلش كان اللابتوب أو وصلة النت فيهم حاجه علقت أكيد من ذكائي بصي أنا أساساً معنديش الإيميل بتاعك وأجيبه منين بصي صح البتاع ده الماسيجر اللي بينط كل شويه فيه لمبه حمرا منوره إيه دي إوعي يكون الحمام
خليكي فريش إحنا في رحله

"عبير النجار "نيجار يقول...

حرام عليكي يا محاسن ده علاء غلبان بس هو أكيد ما بيستحملش الذكاء الخارق اللي عندي وعندك

mahasen saber يقول...

maha omar....
اهلا وسهلا بيكى بس انا مريت عندك قبل
كده للاسف مش متذكره بس اتشرف بزيارتك طبعا
وده شئ يسعدنى...
نورتينى وعيد سعيد...

mahasen saber يقول...

blue wave...
د. عمرو مشرفنى بالزياره يا مرحبا يا مرحبا...
منورنى يا دكتور وبعدين العتاب بين الاخوات مسموح
بس الزعل مش مسموح بيه..متفقين.
عيدسعيد عليك وعلى والدتك واسرتك وكل من تحب...

mahasen saber يقول...

حور الجنه.....
اهلا وسهلا بيكى ونورتينى بالزياره الكريمه
ورمضان كريم ...وعيد سعيد عليكى
وعلى كل من تحبين..

mahasen saber يقول...

انت وانا....
ايه النور ده انا من سعادتى بالزياره
مش هتكلم ولاا هقول كلام كتير
غير اهلا اهلا اهلا باحبابى فى الله
وانا ببقا سعيده لما بزورك فى مدونتك
يعنى الشرف والسعاده بيبقوا من نصيبى انا
..عيد سعيد على كل احبابك يا جميله..

mahasen saber يقول...

ريمان....
اجمل ريمانووو فى التاريخ حبيبتى وحبيبة قلبى
وحشتينى جدا جدا...
وبعدين انا اديكى عبد الرحمن فترةالعيد واتصافو مع بعض يا ريمان
تأكليه كعك غريبه جبنه وبطيخ انتو احرار مع بعض
وانا مش هعمل حما واتدخل ههههههههه

عيد سعيد عليكى وعلى كل اسرتك وكل من تحبين يا ريمان
والسنه الجايه يكون ربنا رضيكى بكل خيرمن عنده
ان شاء الله ..
انتى تستاهلى كل خير يا ريمان والله..

mahasen saber يقول...

نيجار....
نيجا حبيبتى منورانى...وبتسعدينى بزيارتك
قوى قوى...
وبعدين انا لقيت لينا وسيط فى التعليق الاولانى ...وعرفنا حل المشكله
بس مش عارفهيا نيجار ساعات
الحمد لله يلهمنورهالمدونه وصاحبتها وكل من تحبين..

FreeKiller يقول...

اخدت التاج
اتبطيتي كده يا محاسن؟؟؟


كل سنة و انتي طيبة
و ربنا يعيني عالبلوه اللي حدفتيني بيها دي

mahasen saber يقول...

freekiller...
تعيشى وتاخدى غيرها انا كده بقه
ارتحت وعايزه اجابه نموذجيه والدرجه من خماستاشر ...
يله ورينى الشطاره...
وكل عيد وانتى بالف خير يا قمر..

mahasen saber يقول...
أزال المؤلف هذا التعليق.
Unknown يقول...

السلام عليكم ورحمة الله وبركاته
كل سنة وانتى طيبه
وربنا يهدى قلبك
ويفرحك بأبنك
ويطمنك عليه
ويعوضك عوض
الصابرين

mahasen saber يقول...

norahaty...
كل سنه وانتى منوره وجميله يا نور
وقلبك منور بالخير كده دايما
وعيد سعيد عليكى وعلى كل من تحبين
وان شاء الله دايما من عيد لعيد فى طاعة ربنا...
ان شاء الله وعيد سعيد
عليكى يا حبيبتى يا رب..

هاني سعيد يقول...

كل سنة وانتى طيبة ويارب تحققى كل احلامك الجميلةوتكونى حد ناجح فى خدمة الناس ودا اسمى انواع النجاح الدنيوى والاخروى وانتى بجد مدونه شاطرة قوى وروحك خفيفيةوبصراحة انا كنت داخل اكتبلك تعليق هزلى من اول ما قريت الاسم بس عايزة اتطلق وكنت هقولك انتى طالق بالتلاتة لكن لما قريت المدونة لقيتك بتفرضى علياانى احترمك حقيقى واقدران دا مش مجرد اسم هزلى لمدونة لكن واقع وحلم حقيقى
المهم كل سنة وانتى طيبة مرة تانية

mahasen saber يقول...

هانى سعيد....
اهلا وسهلا بحضرتك ونورتنى وشرفتنى بالزياره وكلام حضرتك وسام على
صفحة المدونه...
وبعدين اكتر شئ عجبنى هو اعتراف حضرتك بانك كنت داخل تدينى كلمتين فى جنابى
وقصدى الجنبين يعنى...بس الحمد لله
المدونه واليى فيها غيره راىحضرتك
الف شكر على صراحتك واليى كتير مش بيتمتع بالصراحه دىحافظ عليها ربنا يكرمك عليها وبيها...
والف شكر على زيارة حضرتك لمدونتى وتشريفك ليها
وكل سنه وحضرتك بالف خير وصحه وسلام
وعيد سعيد عليك
وعلى اسرتك
وعلى كل من تحب...
ونورتنى بالزياره الكريمه كمان مره
وعيد سعيد...

مخنوق كيك يقول...

احييكي علي البوستات بتاعتك .ومعانيه الجميلة اللي احلي من الكيك . اتمنالك مستقبل باهر ومشرق .

mahasen saber يقول...

anaza3lan....
وانا احييك على ذوقك وكرم اخلاقك
ونورت المدونه وشرفتنى جدا
بس ممكن اعرف زعلان ليه...
ربنا يكرمك دايما ويبعد عنك اى شئ بيزعلك ويدايقك...
نورتنى وشرفتنى جداكمان مره ومرات كتير كمان...