الأحد، 31 مايو، 2009

عمرى راح ولاا بيشاور عقله

نعكشه جوه روحى ..عشان انفض جروحى
واشوف ينفعنى ايه
بناغش انا فى عمرى
واصاحب ساعات عمرى
عشان ااقدر اعيش انا بيه
.................................
انا دخلت فى التلاتينات من اوسع ابوابها الشهر ده وبعد ما كان عندى امل انى لسه بعافر فى العشرينات وممكن اعمل حاجه بقيت فى مفترق طرق الحياه انا يوم ميلادى من سن 18 سنه وهو بيبقى يوم نكد عندى لانى بشوف انا عملت ايه ولاا وصلت لايه بلاقى نفسى صفر اليدين ومن سن 25 قررت انى الغى موضوع العمر من حياتى يعنى ابقى ماشيه لاغيه من تفكيرى انا عندى كام سنه وااقيس عمرى باليى هقدر اعمله فى حياتى يفيد غيرى ويفيدنى وعليه انا معنديش 30 سنه ولاا عندى 25 سنه انا ماشيه فى الحياه كده بالبركه
.....بس يوم زى ده برضه قلب فيا المواجع انا عملت ايه فى حياتى عدل يمكن الحاجه الكويسه انى ربنا رزقنى بابنى يعنى خلفت بيرو وانا فى اول شهرين من ال 26 سنه واخدت اهم قرار فى حياتى بأن مينفعش اكمل حياتى او اضيع الباقى منها كزوجه لمجرد انى احافظ على اللقب الجميل ه وانا حاسه انى راضيه عن نفسى ولاا عن المعامله اليى بتعامل بيها فممكن ده من اهم قرارات حياتى وربنا ايدنى فيه لان ابو ابنى طلقنى بالفعل وقتها
.......عملت المدونه ولو ساهمت فى ان وجهة نظر اى شخص تغيرت بالنسبه للست اليى بتطلب الطلاق او المطلقه بصوره ايجابيه طبعا فاكيد اكيد ده حاجه هايله
.......اهم حاجه انا لما فضلت ادعبس واشقلب مخزن احداث حياتى لقيت ان اهم حاجه ممكن اكون عملتها لابنى انى قدرت انى اديله العيله اليى ربنا مكتبلوش انه يستمر فى حياته وسطها يعنى قدرت انى اخليه يعيش مع باباه وجده وجدته واعمامه حتى مع مرات باباه بدون اى حساسيه او احساس بأن فيه شئ ناقص او غلط يعنى كون ان ابنى بيتربى بينى وبين والده بالشكل ده فحاسه ان دى افضل حاجه عملتها فى حياتى
يعنى برضه كون بيرو يحب اخوه وكل ما نشترى حاجه يجيب زيها لاخوه من حبه فيه فاعتقد ان ده شئ هايل ربنا وفقنى ليه
...........يمكن واكيد ماانجزتش كل اليى نفسى فيه يعنى الراديو معملتوش فى العشرينات ولاا الوقفه ضد ثغرات القانون ولاا حاسه انى اثرت فى حياة كتير بشكل ايجابى بس اعتقد انى هحاول انجز بسرعه فى اليى باقى من عمرى لانى اعتقد ان مش باقى كتير ونفسى اطلع من الدنيا بشئ ايجابى حتى يترحم عليا من قلبه بجد
................
حاجه كده بئه على الهامش الاسبوع اليى فات كلمتنى معده فى برنامج انا والحياه بتاع حسين فهمى وانا اعتذرتلها عشان مش فاضيه بجد وكان من قبلها ب 4 شهور اعتقد مكلمنى حد من نفس القناه لبرنامج لرولا خرسا والمفروض ان اول حلقه كانت هتبقى معايا وحلقه كامله المهم قلت ماشى من 4 شهور مكلمنيش تانى نسيت نسيت بجد ..المعده بئه وسطت واحده صحفيه علاقتى بيها اخت ومقدرش ااقولها لا ناهيكم انها قالتلى سبب يخصها مهم جدا فبتالى من منطلق انى ممكن اعمل حاجه عدله لحد رحت الحلقه دى واخدت بيرو معايا عشان كنت براجعله فى الطريق وسجلت الفقره وكان معايا رئيس مأذونية مصر ومأذون مصر الجديده وسيحان الله قالى انه يعرف والدى وعمى شفته الدنيا وحسين فهمى ظريف جدا وراجل ارستقراط قوى والمعده اتبسطت واول مره اخد فلوس اه والله ادونى 400 جنيه راح نصهم لحد كنت حاسه انه محتاج فلوس ولان مفيش علاقه بينا اديتهمله على اساس ان حد سابهمله والباقى بئه جبت سويتس لكل حد اعرفه بنية ادخال السرور على قلب مسلم يعنى علبة شوكلاته مكنتوش وفت بالغرض ههههههههههه والعلبه اصلا بالباقى من الفلوس
معد رولا زعل منى شويه بس لما شرحتله ووضحتله مزعلش منى واعتقد اننا قفلنا مع بعض بشكل راضى لكل الطرفين
الشئ بئه اليى دايقنى بجد حاجتين اولا اختلفت فى الراى مع واحده كانت هناك فى ان موضوع الرؤيا لا من حقها ولاا من حق طليقها عشان نمنع ولادنا من رؤية ابهاتهم وان ده حق لاولادنا واحنا ما علينا غير اننا بنحققلهم الحق ده ..بس الكلام معجبهاش بصوره رفعتلى الضغط
حاجه تانيه انى قرفت من نفسى اه والله قرفت من نفسى يعنى مش كل ما حد يكلمنى على برنامج اروح طب انا بروح ليه ما خلاص وجهة النظر اليى كنت عايزه اوصلها اعتقد وصلت والصوره اليى بتمنى تتاخد صح اعتقد برضه اتعدلت شويه يبقى انا كل ما حد يكلمنى ويطلب انى اروح برنامج بروح ليه حب ظهور ولاا عايزه اثبت لنفسى ايه ..المهم فضلت قرفانه من نفسى مده طويله واخدت عهد انى افرمل الموضوع ده وعليه من يومين معده لبرنامج زينه على القناه التانيه كلمتنى وقلت لا مش هقدر
مدون زميلنا كان بيكلمنى يهنينى على عيد ميلادى وهو اخ اكتر من عزيز كمان رغيت معاه فى الموضوع ده قالى تفسير خلا حالة القرف النفسى اليى كانت عندى تروح هو قالى ليه بتاخدى الامور كده خديها ان معرفش ايه شافك يبقى القناه التانيه الفين يشوفوكى وهكذا انا مش متذكره الكلام بالضبط بس فاكره انه كلامه بسطنى واسعدنى وجبر بخاطرى قوى ربنا يحبر بخاطره هو كمان
.................................
انا فضفضت وقلت اليى جوايا اصل مخى كان ملغوش كده وروحى مش مستريحه قوى بس كده خلاص اعتقد انى استعدت ما فيا من توازن
بس وحشتنى المدونه قوىىىىىىىىىىىىىىىى ووحشتونى قووووووووووووووى اكتر من المدونه وانا كمان..........يا رب مكنش دوشتكم معايا
اه بيرو خلص ثانويه عامه على راى شموسه ههههههههههه الحمد لله ونجح حد يزغرط
وابراهيم العدوى اخويا الصغير بالنسبه لمشاركتى فى مجلة رؤيا انا بعتذرلك على الملأ اهه انتا شايف بكتب بوست جديد كل قد ايه
بس يا جماعه عالم التدوين فيه مجلتين من اجمل ما يكون وعايزين نقف على بابهم كل يوم رؤيا ..وميكانو
يعنى دول مجلات مدونيين مصر كلهم فعايزين مننا دعم جامد على الاقلل بزيارتنا واطلاعنا عليهم
ارجو يا ابراهيم انك متزعلش من اعتذارى انتا اكبر منى ومن اعتذارى بكتير

هناك 180 تعليقًا:

ABOALI يقول...

ياااااااااااااااه
اول تعليق
هييييييييييييييييييييه

ABOALI يقول...

رحلة العمر
ههههههههههههههه
والله يا ام بيرو
هى دى الحياه
بيكون فيها محطات ووقفات
بس احلى ما فيها اننا لازلنا انسان
يمتلك الكثير والكثير من مستودعات الموهبة
فاءن كان اليوم بدون بسمات
فغدا ستعلو بالتاءكيد الضحكات
ولكن فى وسط خضم الحياه
ستقابل كل منا بعض التحديات وهى اختبارات نوضع فيها لتستخرج ذلك المعدن الجميل الذى بداخلنا
مثلما حدث معكى يا سيدتى
لذا حالة الوعى واللاوعى التى اسميتها قرف او قرفة
هى نوع من التوابل التى نتعرض اليها
لندرك ان البسمة والسعادة غاليه
يجب ان نصنعها لا ان نبحث عنها


لذا ارى ان الجو كهرمانى جميل مضىء ومشرق
ويزاد بريقا بوردة بلغت اجمعل فترات عمرها
فليكن لك دعوات من هنا حتى الممات
بصلاح الحال والتوفيق فى كل خير
وان تسعدى براحة البال
وترى ابنك ميسور الحال
ذو قلب وجل مملؤ بالحنان
عليكى وعلى من يقابله فى الحال

لك التوفيق
ولك كل الشكر
تحياتى

ABOALI يقول...

كمان تعليق بقى لاءنها فرصة لوزعية جوية محورية جوية

لاجمل ريحانة فى عالم المدونات
ولالالالالالالالالالالالالالالالالالاايه

smilyrose يقول...

السلام عليكم ورحمة الله وبركاته

وحشتينى جدا يا ام بيرو

وبجد ويعلم الله اننى افتقدتك كثيرا

وافتقدت كل المقربين الى قلبى الضعيف

واعتذر ان طال غيابى عنك وعنهم

وعقبال يارب مليون سنة

وانتىفى سعادة وفرح وراحة بال

وطمأنينة قلب تحت راية الله

وادعو الله ان يكرمنى برؤيتك انتى وشموسة وباقى الاخوات قبل ...........

وكل عام وانتى بالف خير وعيد ميلاد سعيد

عيد ميلاد سعيد يا محاسن عيد ميلاد

سعيد يوم ميلادك القلب غنى وصار فرحان

سعيد دا يوم لقاكى دا فى الجنة عيد

ميلاد سعيد كل سنة وانتى طيبة يا اجمل

ام واطيب قلب

اختك

وردشان

smilyrose

روح الحب الصادق

حكاية لا تنتهي يقول...

في حد ذاته التفكير ومحاسبة النفس بهذا الاسلوب يعتبر انجاز يضاف اليك انا مثلا مازلت احيا وانا شبه متعادل لا انظر ماذا حققت وماذا اضعت فقط هي ايام تمر حتي لايبقي منها شئ فتتوقف
لذا فابشري فات بالفعل قد فعلت الكثير من الاشياء الجيده
ثم ان العمر لا يقاس بالسنين العمر يقاس بمقدرا الخبرات واعتقد انك تمتلكين الان الكثير من الخبرات لذا فانت شابه في الثلاثين من عمر الزمن وكهله في عمر الخبرات ثم ان الثلاثين ليس بالكثير علي الاطلاق
اما من جهة البرامج فذلك لا يعبر حب ظهور وانما هو محاوله لايصال الفكره لاكبر عدد ممكن فليس كل من نعرفهم يتابعون المدونات

romansy يقول...

ليه بس كده يا اجمل استاذه محاسن فى الدنيا
العمر بيعدى اه بس بقى انا سعيد انه بيعدى بعد ما اتعرفت على اخوات زيك وزى كل المدونين بزمتك مش كده احلى اننا نلاقى حاجه تسعدنا وكفايه بيرو دا دنيتك بحالها

romansy يقول...

بعد اذنك بقلى مش عاوز اسمع النغمه دى تانى يا استاذه
انتى لسه قمر وصغيره جدا

معلشى بقى بعاكسك اعمل ايه يا ام بيرو

MaNoOoSh يقول...

والله يا سنسن.. (ينفع اقولك يا سنسن) وللا أقولك يا ايه؟

احنا ليه نقيس العمر أساسا.. احنا المفروض نعيش ونعمل الضحكة فى حياتنا وحياة اللى حوالينا.. ومنفكرش احنا عندنا كام سنة.


طب عندك أنا مثلا.. مش انا فى الشهادة عندى 25 سنة بس انا بعتبر ان عندي 15 بس.. هع هع هع

وبجد انتى طريقة تربية ابنك فعلا انجاز كبير.. لان الموقف دة مش سهل على النفس.. بس نتيجته بتخلى الطفل نفسيتة سليمة.. وعلاقتة بأهله سوية.. بجد ربنا يكرمك ويوفقك يا قمر.

وبعدين على فكره لا العمر راح ولا بيشاور عقله حتى.. لسة موجود وان شاء الله الحلو فيه هيظهر ويبان وتيجي أحلى ايام.

شمس النهار يقول...

كل سنه وانت طيبه يامحاسن ياحوريه
معلش ماكلمتكيش يومها عشان كنت تعبانه جدا
بس بعت لك رساله علي الموبيل
وكمان كتبتها في مدونتي تحديث

شوفي ياحوريه
الانسان بيحاول في كل خطوه في حياته انه يكون صح ويعمل الخير وينتقي ماهو من وجهة نظره صح
كون انه ينجح او يفشل ده من عند ربنا بس اهو بنحاول
المهم ان طول الرحله البايخه دي رحلت العمر ماننساش ماخلقنا من اجله تقوي الله وعبادته عباده صادقه

انت انسانه جميله كون انك تعلمي بيرو انه يحب اخوه واهله ده اكبر دليل
والحمد لله انك اخدتي القرار الصح في الوقت الصح واوقفتي نزيف الكره والمحاكم اللي كان موجود
عشان بيرو لو كان كبر والحاجات دي شغاله كان صعب توصلي للنتايج دي اللي مفرحاكي دلوقتي

رينا معاكي ويحميكي انت وبيروا
امين
عايزه اشوووووووووفك

همس الاحباب يقول...

كل سنة وانتى طيبة
وعقبال 100 سنة يا ستى
وبعدين هما اللى فوق الثلاثين راحت عليهم ولا ايه
ربنا يطمنك هههههههههه
حمدلله على السلامة ونورتى المدونة من جديد
وربنا يوفقك ويسعدك ببيرو
تحياتى وتقديرى

صبرني يارب يقول...

ايييييييييييييه بقى


ايه يعنى بقيتى تلاثين ما انا سبقتك تقصدي ايه بالظبط

وايه تانيب النفس الى مالوش لازمه ده

ما انتى فله اهو

وعندك مشروع مهم اوي بس انتى كفيه

هو ابنك طبعا

وان شاء الله ربنا يكرمك وبتدأي حياه من جديد
فى زيك واكبر منك لسه اساسا ما بدأوش حياتهم

بلاش عبط يا لولو
هههههههههههه

Manamino يقول...

كل سنة وانت طيبة وعقبال عيد ميلادك ال120
بيتهيالي اهم حاجة طلعتي بيها من مشوارك ده هم حاجتين
اولا ابنك بيرو ربنا يخليهولك
ثانيا هو انت
محاسن نفسها
الانسان كل لما العمر بيتقدم بيه كل مابتوسع مداركه وبيفهم الدنيا اكتر
بيتهيألي محاسن دلوقتي انضج بكتير واكبر ومخها اوسع بكتير من ماكانت عندها 26
وفي الاخر خبرة الحياه دي هاتسيبيها لولادك زيها زي اي ميراث ممكن تسيبيهولهم
وولادك مش شرط اللي خلفتيهم بس
ولادك ممكن يكون حد اكبر منك اتعلم حاجة مفيدة من كلمة سمعها منك في يوم من الايام
كل سنة وانت طيبة يا ام بيرو

أكون أو لا أكون يقول...

حمداً لله على السلامه ياحسونتي... ياااه انتي فين يابنتي؟ ههههههههههه
يله المهم إننا شفناكي تاني... وماتزوديش الأمور على حالك كتير... يعني ماتدايقيش حالك على مواضيع بسيطه كده... خدي الأمور ببساطه كلها مهما كانت...

بالنسبه لموضوع العمر والإنجازات... أنا كمان بسأل حالي كتير أنا حققت إيه في حياتي... وياترى أنا عمري ضاع في إيه وليه؟
ده كلها اسأله طبيعيه وكلنا بنسأل نفسنا بيها...

لكن المهم والأهم هو: إننا نستمتع بالحياه برضى ربنا... نستمتع بحياتنا على قد ما نقدر... وناخد كل الأمور ببساطه... وبدون تعقيدات...

ربنا يخليلك عبد الرحمن... ويعينك على تربيته... تربيه صالحه ومتوازنه... تخلي منه رجل حقيقي... وهو ده الأهم...

مع السلامه ياحبيبتي...

أكون أو لا أكون يقول...

أه صحيح... أنا دخلت في الكلام على طول كده من غير ما أعايدك...
كل سنه وأنتي بألف خيـــــــــــــــــــــــــــــxxxــــــــــــــــــــر يا أحلى وأرق محاسن...

أنا ححاول أتصل وياريت يطلع الخط اللي مجنني...
بس على فكره أنا بتصل على بنت خالتي هي في مصر والخطوط فل الفل ويطلع بسرعه ومافيش مشاكل... بس ليه على موبايلك مش بيطلع...؟
: (

MaNoO يقول...

أول مرة اتشرف بزيارة مدونتك على سبيل الصدفة وبجد انبسطت جدا وكمان زعلت انى مدخلتش المدونة من زمان البوست وضحلى فكرك فى المدونة واسمها كمان اللى كان سبب انى ادخل المدونة مع انى مقراتش اسبابك ولا مبرراتك ولا سمعتك فى برنامج تليفزيونى بس اتى قلتى كلمة فى البوست انك اخدتى اهم قرار فى حياتك انك مينفعش تكملى حياتك عشان مجرد لقب زوجة احيييك مش لنك اتطلقتى لا لانك اخدتى قرار مهم زى دا بارادتك كتير من الناس فى الدنيا مش بيقدروا ياخدوف وبيظلموا نفسهم وبيضيعوا حياتهم وحياة اولادهم
عندى نصيحية صغنطوطة خالص يارب تتقبليها من اخ صغير ليكى
رأيى انك زى مابتقولى حققتى ووصلتىا لفكرة اللى انتى عايزاها ودا خلاكى تزهقى او تقرفى طيب ليه ارادتك اللى خليتك تقتنعى بفكرة معينى متخليكيش تغيرى حياتك تماما اختارى حاجة بتحبيها جديدة وغيرى كل حاجة فى حياتك على اساسها انتجى ساعدى اتقدمى هتحسى بالوقت الجاى من عمرك وكمان هتحسى بالتجديد اللى هوا من اجمل متع الحياة
تقبلى احترااامى التام وتحياتى
واسف علىا لاطالة

كاتب مصري يقول...

خدي الصورة دي صغريها وظبطيها بمعرفتك وحطيلها لينك المجلة
http://www.roaua.com/filemanager.php?action=image&id=89
مودتي

موناليزا يقول...

ياااه ياسونا وحشتيييينى جدا فينك من زمان وايه الغيبة دى كلها

وكل سنة وانتِ طيبة ياجميلة وعقبال 110 سنة وان شاء الله يكون القادم اجمل بمراحل

تامر علي يقول...

أولاً العمر ما بيروحش إلا لما إحنا نقنع نفسنا إنه راح ... ساعتها بيروح بجد ..

ثانياً مفيهاش حاجه لما تروحي تشرحي وجهة نظرك وتبلغي قضيتك وتنشري الحلول من وجهة نظرك ...يمكن كلمة منك تنفع واحد بس ويكون في ميزان حسناتك

خليك مؤتنسة بالله وان شاء الله يجعل لك فرجاً من كل هم :)

تحياتي :)

صوت من مصر يقول...

اه حسين فهمى وهو موزه وعمرك مش بيتحسب بالسنين لا بالعمل بصراحه
غيابات كترت والمفروض شموسه النهار تاخد قرار من الناس دول ولا ايه
عموما الموضوع هايل فى اخره واوله ونصه

بلاش فضايح يقول...

اولا كل سنة وانتى طيبة وعقبال متفرحى ببيرو
ثانيا انت هتحزنينا على عمرنا ليه
متسيبينا ادينا عايشين
على كدة اللى وصلوا التلاتين يروحوا يحرقوا نفسهم ولا ايه

وبعدين الشباب شباب القلب

ريمان يقول...

يا حبيبه قلبى

كل سنه وانت طيبه وبالف خير يا رب


وكل سنه وانتى احلى ام فى الدنيا


روق يا قمر

هى الدنيا كده

بس انتى بس بطلى تفكير كتير يا قمر


يا سيتى ما انا كلها تسع سنين ويبقى عندى تلاتين سنه


ههههههههههههه

بجد وحشانى

ربنا يحقق لك كل ما تتمنيه يا رب


ويقر عينك ببيرو ابنك حبيبك

امواااااااااااااااااه

ماما أمولة يقول...

كل سنة وانت طيبة حبيبة فلبي

العمر كله والفرح ان شاء الله مستنيكي

انت لسه صغيرة والعمر ان شاء الله قدامك

وربنا يبارك لك في بيرو يارب

على فكرة انا بعتلك نمرة التليفون على الميل بتاع المدونة
ياريت أسمع صوتك يا حبيبتي
وحشتيني

أنت...وأنا يقول...

كل سنه وانتي بخير يا طيوبه

TAFATEFO يقول...

الثلاثين دي النهاية ؟؟!! ربنا يديكي الصحة وطولة العمر

نهاية ايه بس؟؟

كل سنه وسيادتك طيبه

عاشقة القمر يقول...

;\كل سنه انتي طيبه عقبال مائة سنه كل سنه تكوني في احسن حال
يامحاسن نحنا في دنيا عشان ربنا بعمل لنا امتحان بشوف نحنا ماشية زي
انا شافيكي نجحت نجاح هايل جدا عرفتها زي تخليه عبدالرحمن يحي اخوان يتربها بين وبين باباه عارفه في حاجات كثير انتي بتعمليها بقول والله فعلا محاسن سودانيه
ربنا يسعدك دايما

hager za3bal يقول...

انا داخله اقولك بس
وحشتيني

وكل سنه وانتي طيبه

ويارب يباركلك في بيرو :)

عاشقه الرومانسيه يقول...

مين دى اللى عجزت ومين اللى ماانجزتش حاجه
امال انا اعمل ايه؟
اروح اموت نفسى؟
فرق بينى وبينك 3 سنين ومش باعمل فى نفسى كده

سيبيها على الله
ربنا يبارك لك فى اهم انجازاتك بيرو حبيبى

انتى افضل من غيرك كتير يامحاسن

الف الف مبروك لبيرو على الثانويه العامه وعقبال الدكتوراه

وتربيه كويس خدى بالك علشان اتجوزه
ويبقى من همه اخد قد امه
(:

بحبك يامحاسن جدااااااااا

Mo7ammed يقول...

ازيك يا ام بيرو

ياستى بصى للحاجات الكويسة فى حياتك
ومتركزيش اوى عالوحش
هتحسى انك عملتى حاجة حلوة

واول زيارة للمدونة وان شاء الله مش الاخيرة

مع السلامة

ضــى القمــر يقول...

هو كل ما ادخل ليكى يا قمر
الاقى ردى بعيد اوى كده
يلا مش مهم .. المهم انى عندك وبس

اولا : كويس جداا انك نزلتى بوست جديد أخيرا .. مش تغيبى عننا كده تانى ابداا

ثانيا : عمر ايه يا محاسن .. كل عمر وليه جماله وبريقه وزهوته .. حتى لو بنكبر .. لكن احساسنا بيكبر وبينضج وفكرنا بيكبر واحلامنا بتكبر .. ونقدر وقتها نحققها أكثر

بلاش تبصى للسن بالنظرة دى .. وبصى ليه أن جالك علشان خلاص تبدأى فى تنفيذ احلامك وبسرعه .. وتبدأى فعلا. لأنك بقيتى اكبر واعقل وانضح فكرا .

سلام كبييييير جداا لبيرو من قلبى والله .

بس قوليلى انتى سجلتى حلقة انا والحياة ولا لأ ؟؟
وهتتذاع امتى يا قمر .. ولو اتذاعت اشوفها ازاى ؟؟ لأنى بصراحه مشوفتش البرنامج ولا مرة لنى كل مرة بنساه تماما .
منتظرة ردك يا قمرى
كل سنه وانتى بألف صحه وسلامه :)

kareem يقول...

ايه الامل و التفائل ده يعني نروح نولع في نفسنا ولا ايه

momken يقول...

ياستى كل سنه وانتى طيبه وعقبال تلتميت سنه

خالى بالك التلاتين ليها طاله عند الست
بتخليها اكثر جاذبيه واكثر رقى واكثر تحضر

ياستى وجودك على البرامج ده دليل نجاح
وانتى كده بتوصلى رائيك بسرعه وبشكل مباشر

المهم انك تكونى عارفه عاوزة تقولى ايه ومتخليش المعد يأثر على كلامك ورائيك

وتخلى الحوار كل ا يبعد عن موضوعك توجهيه انتى للموضوع بتاعك لتوضيح رسالتك لكن بحرفيه وذكاء

الحقيقه انا شوفتك مرتين بس
ماشوفتش كل الحجات دى

فانا شايف انه بزياده ظهورك بتزودى عدد المشاهدين
وعلى فكره نوعيه الناس الى بتدخل المدونه اتغيرت بعد البرامج

فى ناس كتير جديده
وناس مش مدونين اصلا

صح ؟؟؟

بيوحشنى بوستاتك جداً

وتوحشنى فضفضتك


وكل سنه وانت تنعمين برضا الله




تحياتى

مسدس صغير يقول...

ربنا يبارك فيكى وفى عمرك وفى ابنك
وعقبال 100 سنة طاعة وعمل يرضيكى ويرضى الله
احييكى على البوست

عبد من عباد الله يقول...

ايه ده !! انا بجد استمتعت جداً بكلامك ..

انا مش عارف ازاي انا مكنتش متابعك قبل كده ، عموماً انا مش عارف اعلق على ايه بظبط بس لازم اقولك اني حقيقي اعجبت بكلامك و بطريقه تفكيرك ... و في الاخر يا رب كله يبقى في ميزان حسناتنا

و بخصوص السن و يا ترى احنا عاملنا حاجه عليها القيمه ولا لأ ..

* علمتني الحياه انه لا يهم اين انت الان ،ولكن المهم هو الى اين تتجه في هذه اللحضه

يمكن اول مرة ازورك بس اكيد حتابعك .

ريمان يقول...

حبيبه قلبى

لولولولوولللللللللىىىىىى


مبرووووووك لبيرو حبيبى


لولولولولىىىىىىى


عقبال يا رب اما يخلص الجامعه عشان نجوز بقه



بقولك ايه


اللينك ده فيه هديه لبيرو

http://www.u20u.com/vb/t11818.html


فيه هنا فى اللينك ده اكتر من 157 فيلم كارتون مدبلج


يلا هو بس يختار وانتى تحملى على طوووووووول


دى هديتى

احفظى بقه اللينك عندك يا قمر



وسلمى عليه وخليه يتفرج ويتبسط

سبهللة يقول...

كل سنة وانتى طيبة
وماتفكريش فى اللى فات
بصى على اللى الجاى
وان شاء الله القادم اجمل

طـــائر الليــــل الحـــــزين يقول...

تعرفى احلى حاجة عملتيها انك فضفتى بكل اللى جواكى
وموضوع انك تشوفى انتى عرفتى تحققى ايه
ده جميل جدااااا
عشان نقدر نعرف العمر بيعدى بفايدة والا من غير اى لزمة او اهمية
محاسن انتى واحشانى جداااااا
وبصراحة دايما بلاقى عندك الشجاعة اللى بتخلينى مخفشى من المجتمع اللى حوالية
تسلمى يا قمراية

سمكه واحده يقول...

عمر مين اللي راح ده وبيشاور عقل مين ده!!!
طب ده انا ادبحه
ال راح ال
كل سنه وانتي جميله وسعيده ومبسوطه وربنا راضي عنك وابنك في حضنك وتحققي كل اللي تتمنيه يارب
وبعدين العمر مش بالسنين خالص والله كل سن له طعمه وله مذاقه الخاص



وقوليلي انهي برنامج عشان انط اقعد اتفرج عليه ياقمر
كل سنه وانتي طيبه
وحشتيني موت اوي خالص جدا كتير
متبقيش تغيبي علينا كده تاني

Soul.o0o.Whisper يقول...

السلام عليكم و رحمة الله و بركاته

هلااااااااااااا سنسنتىىىىىىىى

ايه البوست الفظيع دااااااااا؟؟

بجد جميل أوى
عجبنى جدااااااااااا

فعلا يا سنسن والله
الواحد لازم يقف مع نفسه كل شوية يعرف هو عمل ايه حلو
و ايه وحش

و يحاول يصلح من الوحش
و يكتر من الحلو

و فى كلا الاحالتين شاكر لربنا
و بيحمده


بالنسبة لموضوع البرامج فعلا
انتى اقعدى مع نفسك
و حددى هدف من ظهورك دا

فى مثل بيقول الزن على الودان مش عارفة بيعمل ايه

يعنى لما تتكلمى مرتين احسن من مرة
و عشر مرات احسن من خمس مرات

بس خدى نية
و توكلى على الله

و ربنا ييسر لك الحال يا قمر يارب


دمتى لى بكل خير
و دى زغرووووووووووووووووووووووووووطة لبيرو
ههههههههههههههههههه

و سلميلى عليه اوىىىىىىىىىى



خالص ودى يا جميل

نـــــــــــــور يقول...

كل سنه وانتى طيبه ياحبيبتى
ربنا يباركلك فى عمرك يارب
انتى طيبه وتستاهلى كل خير ياام بيرو

بخصوص محسابه نفسك دى حاجه كويسه جدا لكن الشملكه انك تقريبا من النوع اللى دايما مش راضى عن نفسه مهما عمل علشان كده هتفضلى متعذبه يبقى انسى وعيشى سبهلله احسن :)

وبخصوص البرامج اعتقد وجهة نظر صديقك او اخوكى المدون صح جدا
واخيرا عيله بيرو ربنا يباركله فيهم ويهديهم ليه يارب ويقر عينك بيه ياام بيرو

وحشانى اوى
زعلانه منى ليه؟ مقدرش على زعلك
ادعيلى انتى بس والله مطحونه
وبوسيلى خطيبى

ابو صهيب ( الجمعاوي الاصيل)سابقاً يقول...

السلام عليكم ورحمة الله

بداية كل عام وانتم الى الله اقرب وعلى طاعته ادوم

ثانياً بارك الله فيك بجد انا اول مرة في حياتي اشوف حد طيب لهذه الدرجة

انت فعلاً مثال جيد جداً

وجايز الظروف مخدمكيش شوية لكن اكيد ربنا يشيلك الاحسن دايماص لان انت حد كويس جداً ويستاهل كل خير

ودمتم بخير

reem يقول...

يا حبيبة قلبي ماله سن 30 ما انا اهو عديت 30 ولسا يعنى عادي حاسة انى مش بعدي 18 هههههههههه

انتى عملتي حاجات حلوة كتير وزى ما قلتى كونك قدرتى تخلى ابنك يعاملك انتى وباباه ومرات باباه واخوه بالطريقة المتوازنة دي يبقى انتى فعلا عملتي كتير...

لان دا شي مش سهل ابدا ومحتاج حد قوي وذكي وعنده اخلاق فرسان عشان يعمله

كونك بتحاسبي نفسك على شي ممكن الكثيرين يتهافتو عليه زى وجودك في البرامج يبقى انتى فعلا حد فيه كم كبير من الخير والضمير ودا في ذاته كمان انجاز في ايامنا دى

وبعدين انتى بتطلعى في برامج بتقولى شئ مفيد وكتير اتعلمو منه واكتر بيتعلمو من تجربتك مع بيرو وازاى عيشتيه في توازن وكتير سيدات في ظروفك اتعلمو يحاولو يعملو كدا مع اولادهم منك يعنى ظهورك شي جميل ومفيد مش العكس

وبعدين ياقمر انتى جميلة في سن ال30 وال40 وال50 ولحد 100 بقلبك واخلاقك

ربنا يخليلك بيرو العسول ويخليلكى له

akeed يقول...

هى الحياة دائما ً تتغير ولا كن لابد اذا تغيرنا نتغير لللافضل نكون مثل الحديد كلما ازداد طرقاً عليه ازداد قوه.

وعلى فكرة شكلك شخصية مشهورة قوى

تحياتى

akeed يقول...

نسيت اقولك كل عام وانتى بخير وعقبال 100سنة

من غير عنـــوان يقول...

18 ايه
و25 ايه و 30 ايه

صلي على حبيبك النبي محمد صلى الله عليه وسلم

ربنا يديك العمر
كل سنه وإنت بخير
___
طيبه ودمك خفيف يا بنيه
بتحبي الخير
وربنا يبارك لك في ابنك

Heba Sayed يقول...

السلام عليكم

عيد ميلاد سعيييييييييييييييييد

ويلا بقى عشان ننفخ البالونات

ونطفى الشمع

عشان كده عاوزانى احجزلك الجاتوهههههه

طيب مش تقولى ان عيد ميلادك قرب عشان نحتفل بيه مع بعض على المدونة

انتى وحشة

ربنا معاكى وتكونى سعيدة دايما باذن الله

انا حرة يقول...

اولا كل سنة و انتى طيبة :)
ثانيا انا فاكرة انى علقت على موضوع عندك قبل كدا بس نسيت احييكى فيه على شجاعتك فى انك تتكلمى بالوضوح دا فى مجتمع عنده من الثوابت و اثار الجهل و التخلف مما يجيب الضغط و السكر و القولون :)

بجد انا مبسوطة بيكى اوى و ربنا يخليلك ابنك و يباركلك فى عمره يا رب

نهــــــــــار يقول...

السلام عليكم...
أختي أم عبدالرحمن كل عام وأنتي إلى الله أقرب...
إن عمر الإنسان لا يقاس بالسنوات...
........
طبعا إنتي شخص جميل جدا ...
وطيب اللأخلاق ...
عشان كده كل الناس تحب تستظيفك يا قمر...
بس المهم إنك تختاري البرنامج إلي فعلا تحسيه ممكن يوصل إلي إنتي عيزاه بصوره صحيحه ..
........
وإنتي وحشتيني جدا جدا...
...
تحياتي لبيرو وألف مبروك النجاح...
...
في امان الله

yoyo يقول...
أزال المؤلف هذا التعليق.
yoyo يقول...

صباحك سكر يا سنسن

كل سنة وانت طيبة يارب
وعقبال 10000000 مليون سنة وانتى فى عز وهنا يارب
لا يا حبيبتى انت حققتى حاجات حلوة فى حياتك وان شاء الله لسه الحياة قدامك تحققى فيها كل احلامك يارب

عارفة موضوع الظهور فى التليفزيون مش حب شهرة لا فعلا فيه استفادة يعنى ممكن ناس مش تشوةف على قناة معينة فتقدر تشوفك على غيرها وهكذا
وبعدين لما يكون فى لقاء ياريت تعرفينى عشان اشوف القمر

yoyo يقول...

لولولولولولولولولولولولولى

دا عشان خاطر بيرو نجح فى الثانوية الجيكيوية العامة
ههههههههههه
ربنا يبارك لك فيها يارب
ومش يحرمكوا من بعض ابدا ولا يحرمنا منك ابدا ابدا

وحشتنى جدا جدا جدا
دمتى بالف خير
تحياتى
يويو

yoyo يقول...
أزال المؤلف هذا التعليق.
ســـــــهــــــــــر يقول...

هو انا اول مره اعدى هنا
جايه ف احتفالية عيد ميلاد
طب اهنى و لا اعمل ايه و انتى اصلا زى حالاتى من اللى مش بيحبوا الاحتفاليه دى
المهم باه
انا قريت البوست و كنت مشدوده لحاجه انك حد صادق اوى و بيتكلم من قلبه من غير حدود و لا حواجز
و على فكره انتى عملتى انجاز كبير جدا جدا و جدا كمان
و هو ( بيرو ) و كل يوم بتخطى بيه ف طريقه و بتعلميه حاجه جديده هو انجاز ف حياتك

ف مش هقولك كل سنه و انتى طيبه
لكن
هقولك
كل يوم و انتى ف انجاز جديد

Nabil يقول...

السلام عليكم

اختى الغاليه جدا جدا جدا جدا

كل سنه وانت طيبه

واسف على تاخيرى بس امتحانات مش عايزه تخلص .

وياستى انت اكيد اثرتى فى ناس كتير لانك ايجابيه ولو كل حد فى مشكله عمل زيك كان الوضع اختلف كتير جدا

والف مبروك لبيرو على النجاح

وان شاء الله تحقى كمان كمان على كل المستويات

تحياتى ليكى واسف مره تانيه على التاخير بس دعواتك بقه

نيجار يقول...

أنا مش عارفه أوريلك وشي إزاي (وش مكسوف موووت) بس غصب عنى والله العظيم لما هكلمك هتعرفي ، المهم
كل سنه وإنتي طيبه وعقبال
10000000000000000000سنه
ويارب تحققي كل إللى بتحلمي بيه يا سنسنتي يا جميله :))
سلميلي أوي على طنط وبيبو :)لحد ما أكلمك .

سبهللة يقول...

محاسن
دة الميل بتاعى
raniarachad@yahoo.com
ابعت لى الميل بتاعك وقولى فيه انك محاسن عشان ابعت لك دعوة لقراءة مدونتى لانها اتقفلت للعامة وبقت مفتوحة للى عندهم دعوات بس
سلام عليكم

الازهرى يقول...

اولامبروك للباشا الكبير بيرو على الامتحانات
وانا للاسف مش باعرف لكن قلت لوالدتى تزغرط له وزغرطت كتير من غير ما تعرف السبب

اما بخصوص لسن فانا سمعت زمان ان الانثى لها خمس راحل فى حياتها
الطفولة والصبا والشباب والشباب والشباب

لا صحيح
العمر هو فقط ما تحسبيه انت فقط فالعمر لي سنوات واشهر وايام ولا يخضع لذلك
العمر هو ما تقررين انت ان يكون
وعمرك بالنسبة للناس يقاس بالبصمة التى تتركينها فى حياتهم
وانا اجد ان كل بصماتك جميلة وتخديك لمفاهيم سخيفة وغير جميلة شىء رائع يوضع لصالحك ولا تهتمى بما يقولون فهم لن يفعلوا شيئا سوى ان يقولوا

ومش فاكر كنت ناوى اقول ايه تانى
ارجع وقت تانى
***************************
وكل لحظة وانت طيبة

حلـم،، يقول...

اجمل الكلمات هي تلك التي لم تكتب بعد.. واجمل الايام هي تلك التي لم نعيشها بعد..تقبلي اول مرور ع امل التواصل..حلم..

فشكووول يقول...

محاسن هانم سنسنه
تحياتى
اشكرك على كلامك الطيب فى فشكول ويارب يخليكى لكل المدونين اخت وابنه فاضله
تحياتى الى بيروا وربنا يخليه ليكى ويخليكى ليه وبرضه يخلى له ابوه ومراة ابوه

طبعا انت بقى بقيتى نجمه والبرامج بتجرى وراك

انا ممكن بقى اجى معاك اعمل لك سكرتير واخد من ال400 جنيه 10 جنيه وآهى كله رزق ربنا ويكفى والحمد لله

المجلتين اللى قلتى عليهم ميكانوا ومش عارف التانيه اسمها ايه كل ما اروح الاقيها مقفوله فى وشى ومش عارف ادخل عليها عشان الدخول بدعوات خاصه وكان مفروض بما انهم بتوع مدونين يكونوا مفتوحين لكل المدونين ومن غير دعوات ولا حاجه زى اى مدونه ما عليهاش بلوك
وياريت اذا كنت تعرفى حد منهم تقولى له افتح المدونه لكل الناس عشان هى بتاعة كل الناس اللى بيدونوا وحاولت ادخلها ما امكنش
تحياتى يا محاسن هانم وربنا يقدرك على اللى انت فيه

mahasen saber يقول...

aboali..........

بدايتا قبل اى رد وردود واشهد كل الشهود والقيام والقعود

ان ابو على منور التعليقات ومنور المدونه بكلامه المعسول بالاخلاق والفضيله
واليى كله ذوق وشعور

فاهلا اهلا اهلا وسهلا باخويا الكبير ولاا الصعير اليى يختاره يعنى ..هو ونظريته بئه..

نورتنى يا اخويا الكريم

mahasen saber يقول...

aboali.........

هيا فعلا رحله يا ابوعلى بس ساعات توابل الرحله دى بتبقى حرائه شويه

فبتتعبنا شويتين وممكن فى النادر تفتح نفسنا على الحياه

هقولك ايه بستمتع وبستمتع وبفكر وبتدبر فى كلامك

شكرا على تواجدك وزيارتك الكريمه يا اخويا الغالى

كيــــــــــــارا يقول...

حلوه الفضفضه دي ياوحشه

زحلانه منك هه بس

************

نوجا رجعت تاني شفتي بقي انا مبسوطه انها رجعت

prince4ever يقول...

صباح الفل يا استاذتي العزيزه
انا بحترمك فعلا من زمان بس بجد احترمتك دلوقتي اكتر بما لا يقاس
انتي لحد دلوقتي شايفه حياتك لسه محتاجه شغل و انك معملتيش حاجه...ده رغم ان الدنيا كلها شاهده انك فعلا عملتي إنجاز حقيقي و الناس كلها مستوعباه
معنى كده انك انسانه طامحه دايما للأفضل و ده يخليكي دايما ع الطريق الصح
ربنا يا رب يبارك فيكي
عايزين نتفرج عليكي مع حسين فهمي هو اتزاع ولا لسه و لا هيتزاع امتى ولا ايه النظام
عشان امي لما تشوفك معاه اقولها اختي الكبيره اهه
كل سنه وانتي طيبه اخر حاجه و يارب دايما على طول بخير انتي و بيرو القمر
سلاااااااام يا استاذتي

عمرو يقول...

كل سنه و أنتى طيبه :)
مجرد وقوفك مع نفسك و تردد كل هذه الأسئله فى ذهنك هو بالفعل دليل أنك قادره على اٍنجاز الكثير فى حياتك ..
يا محاسن الاٍنسان فى مشوار حياته مش قطار ماشى على قضبان مش المفروض أنه يخرج عنها .. لأ .. الاٍنسان بيضع خطط مستقبليه و ربما تغير من وقت لآخر على حسب الأحوال و مسارات الحياه و ظروفها و لكنه بيعمل ما فى مسعه على اٍنجازها فى التوقيتات المناسبه اللى وضعها بنفسه .. بيحاول يحقق أكبر قدر منها و مش بالضرورى كلها ..
أطيب تمنياتى و بأتمنى لك كل سعاده :)

أ / أحمد عبد المنعم يقول...

بسم الله الرحمن الرحيم
الأخت الفاضلة : محاسن صابر
أولا كل عام وأنت بخير
وإن شاء الله تحققين آمالك كلها وتحظين برضا ربك سبحانه وتعالى فى كل عمل تؤدينه
ما أعظم التفكير المحترم حيت تكون مصلحة الأبناء واضحة جلية مقدمة على مصلحة الآباء وهذا ما تفتقده التربية فى مجتمعنا المصرى غالبا
لم أعرف من قبل أنك ظهرت فى بعض البرامج وإلا كنت أسرعت لمشاهتها لذا أرجو أن تخبرينى بأسمائها وطريقة مشاهدتها إن أمكن
أختى الفاضلة :
حاولى أن تضعى خطط واضحة لمستقبلك الشخصى خطط لها أهداف واضحة يمكن قياس مدى نجاحها بمؤشرات واقعية
حينها ستشعرين بالسعادة الدائمة وتكونين على استعداد للقاء ربك راضية عما قدمته لنفسك ولابنك ولمجتمعك

!!! عارفة ... مش عارف ليه يقول...

كل سنة وانت طيبة

وعلى فكرة كل سن وله طعمه الجميل

وإنت ماشاء الله حد متصالح مع نفسه اووي

وده واضح من كلامك

وإن شاء الله ربنا دايماً يوفقك للخير بإذن الله

وكل سنة وانت طيبة مرة تانية


تحياتي
وليد

صوت من مصر يقول...

اولا انا كده بجد هزعل من نفسى قبل ما هزعل منك
الغيبه مش حلوه
خليكى معانا دايما

حاجات جوايا يقول...

حبيبى
أنا جيت متاخرة اووووووووى

من يوم ما نزلتى البوست وانا عايزة ادخل اشوفه .. مفيش مرة دخلت وقريته كامل على بعضه
مش عارفة ايه اللبخة اللى انا عايشة فيها دى
يا أقوم اعمل حاجة ومكملش
يا أحمد يقيمنى عشان يتابع البورصة
بدى والله أحوش وأجيب كمبيوتر تانى واسجله باسمى فى الشهر العقارى واكتب عليه ممنوع الاقتراب او اللمس ههههههههههههههههه

وحشتينى جدااااااااااااااااا جداااااااااااا جداااااااااااااااااا

حاجات جوايا يقول...

بالنسبة للبوست عجبنى اوى انك طلعتى اللى جواكى .. بس معجبتنيش حالة اليأس اللى حسيتها فى كلامك

حسستينى انك بتتكلمى على اساس انك كملتى 60 مش 30

الثلاثين ده اجمل عمر والمراة بعد الثلاثين بيبدأ عمرها يتعد بالعكس

يعنى السنة الجاية ان شاء الله 29
واللى بعدها 28
وهكذاااااااا
هههههههههههههههههههه

يعنى انا السنة الجاية هابقى داخلة عالتلاتين وانتى راجعة للـ 29
بزمتك مش انا اللى المفروض ازعل عااااااااااا



بس احلى حاجة عجبتنى فى البوست السطرين دول

انا فضفضت وقلت اليى جوايا اصل مخى كان ملغوش كده وروحى مش مستريحه قوى بس كده خلاص اعتقد انى استعدت ما فيا من توازن


الحمد لله يا حبيبى انك ارتاحتى واستعدتى توازنك ودى اكبر ميزة فى التدوين والصداقة :)

حاجات جوايا يقول...

بالنسبة للتاج بقى

::
::
::
::
::
::

معلش بقى سامحتك وامرى لله .. ربنا بيعفو عن السهو والنسيان انا اللى هحاسب عليه هههههههههههه

لا بجد
براحتك يا جميل
وقت ما تحبى تجاوبيه جاوبيه
وادينا مستنين
هنروح فين يعنى
هههههههههههههه


ولا اقلك جاوبيه بقى بسرعة
محدش ضامن عمره
يا عالم هالحق اشوف اجابته ولا لأ
هههههههههههههه

حاجات جوايا يقول...

المهم انتى اخبارك ايه ؟
وأخبار مزاجك ؟
واخبار بيرو ؟
أنا عمالة لوك لوك لوك من الصبح ومسألتش ..؟؟
حاجة تكسف والله

عايزة اتطمن عليكى وعلى بيرو
انتى مش بتدخلى عالنت ليه
؟؟؟؟؟؟؟؟

مش بيرو خلاص خلص مدرسته وبدا الاجازة ؟
ولا النت فاصل ؟
ولا انتى مسافرة ؟
ولا ايه النظام ؟

لو دخلتى ابقى رنى عليا .. لو كنت فى البيت والكمبيوتر فاضى هقعد

وحشتينى اووووووووووى بجد

بوسيلى بيرو ومامته مليون بوسه
يعنى نص مليون ليكى
ونص مليون لبيرو
محدش يجور على حق حد
أنا بقولك اهه
وانتى ضميرك بقى
ههههههههههههههههههههههههه

سلام يا جميلة
وصباح الفل على عيونك وعيون بيرو

mira يقول...

اولا انت لسه صغيرة يمكن تكونى حسيتى بالسن عشان الهموم اللى شوفتيها
بس عادى كلنا عندنا هموم وعايشين فيها
وتقريبا ما بقناش عارفين نعيش من غيرها
انتى مادام بتعملى حاجة مقتنعه بيها يبقى انت ماشية صح وربنا يوفقك فى حياتك المقبلة ويخليلك ابنك ويبارك لك فيه ويعوضك خير ان شاء اللة
دمتى بخير
ميرا

حلـم،، يقول...

ارجوكي تزورني حلا وبعدين بتشاوري عقلك راح تلاقي لاعمرك راح ولاحاجة بستناكي هي تاني مرة ازورك وانتي طناش طب لية ياست الستات

حلـم،، يقول...

اعجبني جداااااااااااااااااا جداااااااااااا تعليقك........وزيارتك اكثر..نورتينا اختي الغالية ........انا ما بعتب ولا بلوم عارف الظروف والمزاج للزملاء المدونين وكل الناس مختلف..ونا جريمتي انني لااستوي ولا التوي الا اذا مختلف منشق عن المالوف حتي لو كان الثمن اخسر الالوف واخسرت اكتر بس اكسبت نفسي والناس الطيبة العصبية النمرودة شوية زي...ك زي انا...شاكر ياستي عالزيارة وفعلا بعد الفجر بيجي انهار وعصر وبعدين مغرب ولو مش عاجب ردي للة في خلقة.....حلو شعارك..انا حلم..

ذو الوجه المبتسم يقول...

السلام عليكم

اولا كل سنة وانتى طيبة
وان شاء الله عقبال 101 سنة
تفتكرى هتعيشي لحد 101 سنة
ههههههههههههههه
ثانيا :
مش عارف اقول لك ايه
انا بادخل مدونتك كتير
وباقرا البوستات
واحيانا مش باعلق
لكن بيعجبنى بجد اسلوبك فى الفضفضة
ويمكن هو ده فعلا الهدف من التدوين
نقول اللى جوانا

ربنا يوفقك وتقدرى تحققى اللى تتمنيه

قولى لى
انتى مش ناوية تتجوزى تانى ولا ايه
هههههههههههههه

عاوزينك تغير اسم المدونة او تعملى لنا واحدة جديدة وتسميها زوجة سعيدة ومبسوطة ومفرفشة
ونشوف عليها برده ابتسامتك الحلوة دى

تقبلى تحياتى

صوت من مصر يقول...

يا نهار الوان
انا كان نفسى ابقى التعليق ال 10000000 بجد

ابو المفاصل الواصل يقول...

شهادة ميلادى
ولدت لاكون سنـــدان لمطرقة الزمـــــن
واستقر فى اكبر ميدان من ميادين المحن
واسدد فواتير الحماقة بلا سبب او تمــن
واحرم من رائحة الورود واشم العفـــن
وصنعوا من ثيابى سجن او قل كفـــــن
فلم اعانى فقط ولكنى كنت انا المعانــاة
وما عشته من الالام صعب علىّ انساه
ولم اجد من يجفف دمعى ويقدم المواساة
فنحن قساة الطباع وللظلم حرس وحماه
وقسوتنا غالبا من باب الفضـــل لاسواه
ونعيش للظلم والهم والكدر رعاة ودعاة
ولا نفيق من ظلم الاخرين مهما قالوا اه

micheal يقول...

قولي اللي في نفسك واطرحي وجهة نظرك ع البلوج زي ما أنتي عاوزة وتأكدي أنها وجهة نظر جديرة بالاحترام
سعيد أنك طلعتي أنتي كمان من حزب ميكانو
:))
تحياتي

فشكووول يقول...

نفسى اعرف اللوجو بتاع المدونه دا يبقى ايه هى دى خريطة الكره الارضيه ولا الجنين فى بطن امه .. كل مره اقعد اتطلع للوجو عشان افك رموزه مش عارف

اصل النهارده بلف على كل المدونين عشان اسلم عليهم واسلم عليكى انت كمان
تحياتى

فشكووول يقول...

نفسى اعرف اللوجو بتاع المدونه دا يبقى ايه هى دى خريطة الكره الارضيه ولا الجنين فى بطن امه .. كل مره اقعد اتطلع للوجو عشان افك رموزه مش عارف

اصل النهارده بلف على كل المدونين عشان اسلم عليهم واسلم عليكى انت كمان
تحياتى

قطرات من شواطئ الحياة يقول...

كل ده كان جواكي و شايلاه عننا ؟؟؟
بجد ببقا سعيدة أوي لما أقرا كلامك و أحس بمدى حبك لابنك و بأمومة مفيش منها اتنين
بالمناسبة بئا هو بيرو اسمه الحقيقي إيه ؟ و عنده كام سنة ؟؟
من كتر كلامك عنه نفسي أشوفه

و كل سنة و انت طيبة و جميلة و يخليلك بيرو و يديكي طولة العمر مع حسن العمل و يخليكي لينا آمين :)

كلام على بلاطة يقول...

نحن والحق
نحن قوم تخللى عن الحق طواعيةلا بياخده ولا يحب يديه/
ونعادى من يطـــلبه ونعادى اى مكان اتوجد على اراضــيه/
نتكلم عنه كثيرا ولكن لا ندركه ولا نفهم معانيه/
ولنا فيـــــه فهم خاص لا حق الا ما نقــبله وما نرتضيـــــــه/
فالحق نبت صغير يحتاج لمن يعتنى بيه ويرويه/
والتدريب عليه من الصغرلاعطائه لاصحابه والاعتراف بـــيه/
وجعله ثقـــــافة بدل الحماقة التى تستطيع جر اضخم عربيــــه/
وتحطم فى طريقها كل من ينادى بارجاع الحق لاهاليــــــــــه/
=============
ناجح يوسف فهمى

ايوشة يقول...

نورتى المدونة من تانى ياقمر انا من اخر بوست بقول منزلتش جديد ليه والنهاردة لقيت الريدر بيسهبل عنجى وظهر البوست الجديد اخيييييرااا

ربنا يبارك فيكى يارب ويباركلك فى بيرو دايما علشان انتى بجد ماشاء الله عليكى قلبك نقى بشكل فظيع والله العظيم من غير اى مجاملات واكيد مدونتك افادت ناس كتير اوى ولسه فى ناس عايزين ييستفيدوا كمان وكمان
ايه اللى يمنع بس انك تتطلعى فى اكتر من برنامج تفيدى غيرك من خلال كلامك داانتى هتنورى الشاشة ياقمر :)


ربنا يوفقك فى كل حياتك يارب واجمل حاجة عبجبتنى بجد اننا مش نفكر فى عدد سنين عمرنا لا نفكر فى احنا عملنا ايه خلال سنين عمرنا اللى بتمر دى كلها

ghorBty يقول...

ربنا يوفقك ويصلح لك الاحوال دائما


الدنيا محطات تمر علينا ولا تبقي علي حال

واهم شئ الصبر والاحتساب ورضي رب العباد


اسعد الله قلبك بما تحبي

دمت بكل خير

قوس قزح يقول...

كل سنة و انتى طيبة و عقبال 100 سنة
و مبروك لبيرو و لتسجيل البرنامج
وانا مش شايفة ان فيها مشكلة انك تظهرى بالعكس دى فرصة ان مش سمع قصتك و نصايحك يسمعها
بدام هدفك خير يبقى تروحى عادى

و حمدلله على السلامة

تحياتى

yoyo يقول...

صباحك سكر يا قمر

الساعة 11 كدا حسيت انى فى ضوء قمر شدي على شاشة الحياة
قولت اشوف ايه ياترى
لقيت سنسن القمر منورة مع حسن فهمى فى البرنامج
و الله يا محاسن انا كنت فخورة جدا بيكى و بشخصيتك الجميلة
ومشاء الله عليكى قمر

دمتى اختى بالف خير وصحة
تحياتى
يويو

Hossam يقول...

heyyyyyyyyyyyyyyy
وحشتينى وحشتينى وحشتينى
شفتك انبارح على التلفزيون مصدقتش نفسى وكان اهلى قاعديين معايا قلتلهم دى صحبتى انا اعرفها
وبكلمها وعارف ابنها وفرحت فرح الدنيا ان صديقتى على التلفزوين
وكلامك كان رائععععععععععععع وكنتى شيك جدا مش بس فى اللبس ولكن فى اسلوب الحوار
شرفتينى صديقى كعادتك
----------------------------------
بالنسبة للبوست انا كمان عندى نفس المشكلة بتاعة ان يوم عيد ميلادة بزعل لانى مش عارف انا وصلت لايه
فى حجات كتير كان نفسى اعملها ولسة معملتهاش
ادعيلى انى اقدر انجز مشاريعى وسلميلى على بيرو
تحياتى صديقتى

mahasen saber يقول...

smilyrose......

يا حبيبتى ازيك يا ورد شان فينك يا بنتى بتختفى وبتروحى فين

انتى بتوحشينى جدا جدا
وبفتقدك قوى قوى

المهم انى اتطمنت عليكى خلاص ومتغبيش تانى لو سمحتى يا قمر
بتوحشينا

وبعدين الجزء الاخير من التعليق ده
بيدل على رقتك فعلا
وانك بجد روح الحب الصادق

ايه بجد الرقه دى
ربنا يبارك فى عمرك يا سمايلى
وشاكره لذوقك وكلماتك الجميله اليى ادخلت السرور على قلبى

ربنا يسعدك فى الدارين ويفرحك بكل من تحبين
با حبيبتى ان شاء الله

mahasen saber يقول...

حكايه لا تنتهى.....

ليس كل ما نعرفهم يتابعون المدونات ..
بجد الله يكرمك ويفتح نفسك
اسعدتنى بجد وريحت ضميرى ونفسى من التوبيخ المستمر

تعليقك ورأيك دقيق قوى وشامل لكل جزء فى البوست
ااقدر ااقول عليك بجداره قارئ واعى وفوق الممتاز

نورتنى يا اخونا الكريم
وزيارتك ليا شرف كبير لمدونتى يا رب تنورنا دايما وتسعدنا يزبارتك الجميله والكريمه دى

mahasen saber يقول...

romancy.........

دسوقى اخويا الغالى كل كلمه قلتها صح يا احمد
فعلا معرفتنا ببعض من اجمل الحاجات اليى حصلتلنا فى حياتنا وانك تعرف ناس يحبوك فعلا فى الله من غير اى مصالح ولاا اى غرض تانى للمعرفه
فده مكسب حقيقى من مكاسب الحياه

اما المعاكسه فعاكس يا سيدى براحتك ههههههههههه اختك الكبيره وبتجبر بخاطرها شويه

نورتنى يا اخويا الجميل والرومانسى والطيب
والغير عادى

mahasen saber يقول...

man0o0sh........

اولا يا منوشه ابوس ايدك بلاش سنسن ده اصلى بيجيلى منه حالة هرش فى احاسيسى منه
نخليها ماسى زى ما واحده صحابتى بتدلع بنتها اليى ربنا كتبلها الاسم العجيب ده

ندخل بئه على ثانيا
انتى ياقمر تقولى اليى عايزه تقوليه هو انا ااقدر ااقولك لا

منوش انتى روحك جميله والدليل كلامك المشجع ده
وكملن احساسك العالى بعمرك ده
بس انتى بجد منووشه قوليلى ازاى
ااقولك بحسك قمر ودلوعه كده

ربنا يسعدك يا حبيبتى فى كل من تحبين

mahasen saber يقول...

شمس النهار......

شموسه الف مليون لا باس عليكى يا جميله
وبعدين كانك كلمتينى وزياده يا شموستناالرقيقه

كل كلامك صح طبعا وخبرة حضرتك فى الحياه تحترم وبلا شك مينعش ااقول على اليى قولتيه اى كلمه يا شموسه
لانك كعادتك فى كلامك دايما وفيتى وكفيتى

نورتينى يا شموستنا
وانا اليى نفسى اشوفك جدا جدا جدا
واشوف اجمل واصغر شموسه فى الدنيا

mahasen saber يقول...

همس الاحباب........

هههههههههه لا يا ابو همس مهو مش اى حد فوق التلاتين برضه

ها كده اتطمنت هههههههههه

كل سنه تمر عليك وعلى همس ومامتها وانتوا بالف خير وصحه وسلام وستر

ربنا يسعدلك كل ايامك ويفرحك بكل من تحب
يا ابو همس
نورتنى يا اخويا الغالى

mahasen saber يقول...

صبرنى يا رب.........

ههههههههههههههه صبرنى انا كنت فاكراك لسه فى السبعتاشر يا قمر

كده تعرفى ابو الولاد سنك الحقيقى هههههههههههه
انتى جميله بس لولو اليى هيا انا عبيطه فعلا
بس كلامك عقلنى شويه يعنى نركن الضمير على جنب وجنب منه بالضبط السن وانا هبقى فل الفل كمان ههههههههههه
ماشى يا صبرنى لما اخلص التلاتين مش هقولك

نورتينى يا حبيبتى
وكل سنه وانتى وكل من تحبين بالف خير يا حبيبتى
ربنا يسعدك يا اجمل صبرنى فى الدنيا بحالها

mahasen saber يقول...

manamino.........

منامينو منامينو اخيرا رجع من تانى
عودا حميدا يا جميل
ببعتلك السلام من فتره مع كيارا وبسالها عليك دايما

كلامك صح طبعا وخبرة الحياه مبتتوقفش الا مع انتهاء عمرنا
وربنا يقدرنى بس على تربية بيرو التربيه اليى امناها

وربنا يسعدك يا منامينو ويفرحك بكل من تحب

بجد نورتنى جدا جدا بزيارتك الجميله دى

mahasen saber يقول...

اكون او لا اكون.........

كونتى كونتى كونتى حبيبتى اختى الغاليه
تدخل فى الكلام زى ما تحب
ومن اى باب تدخل منه

وحشتيييييييييييييييييينى انتى بجد فينك من زمان
اختفيتى عن البلوجر ليه كده

عملتى ايه فى دراستك يا رب خير يا كونه

وحشتينى جدا جدا يا حبيبتى

وكل سنه وانتى بالف خير يا جميله
وبكل سعاده ان شاء الله
انتى وكل من تحبين

والله وحششششششششششششششششانى يا كونه
فوق ما تتخيلى

وحشانى بجد يا جميله

mahasen saber يقول...

اكون او لا اكون.........

كونتى انا اليى بحاول اكلمك وموبايلك مخاصمنى ليه

لازم نعمل صلح للاجواء الاتصاليه دى

طب حتى اشوفك على الماسينجر طيب
ههههههههههههه

والله وحشانى جدا جدا على فكره مش ملاحظه ان الصوره اياها مش هتتبعت ابدا باين
ولاا ايه

mahasen saber يقول...

mano0.......

مانو اخويا الصغير انا اليى اتشرفت بزيارتك الكريمه دى وبفكرك الراقى ده وتحليل العاقل للامور

بجد انا كسبت اخ جديد وده شئ بيسعدنى وبيطمنى فى الدنيا

نصايحك غاليه ومنطقيهواكيد لازم اخدها بمحمل الجد

نورتنى يا اخويا الجديد والغالى والراقى التحليل والفكر

نورتنى يجد يا مانو

على فكره انا مشرويى المفضل القهوه اكاد اكون مبشربش غيرها اساس
ماباللك لو مانو بئه ههههههههههه

mahasen saber يقول...

كاتب مصرى.......

حادر يا ابراهيم بس صبرك عليا لما الاقى حد يعملى اليى قلت عليه ده

ان شاء الله مجلة رؤيا تنور المدونه هيا وميكانو

mahasen saber يقول...

موناليزا.........

مونا الجميله الحبيبه
ياحبيبتى وانتى بالف خير وسلام

انتى اليى وحشانى جدا جدا يا مونا

وربنا عالم من جوايا بحبك ازاى وبحسك خفيفه على قلبى وروحى كده

نورتينى يا حبيبتى يا غاليه

mahasen saber يقول...

تامر على .........

اولا دى عجبتنى بجد فعلا تصدق يا تامر شكله مبيرحش الا لو احنا اليى ضيعناه او اقنعنا نفسنا انه راح

واحنا لو مش بنأتنس بالله يا تامر كنا هنبقى كده
كان زمانى سكنت فى الرخاوى من زمان

نورتنى يا تامر يا اخويا العزيز

mahasen saber يقول...

صوت من مصر........

ههههههههههه ماله حسين بك فهمى بئه يا كيمو

اه انا فعلا بقيت باندا خالص وغلبتها كمان فى الكسل

ان شاء الله ااقرب اجتماع هبقى معاكوا وعشان اتعرف على اجمل اخوات فى الدنيا

نورتنى يا اجمل كيمو فى البلوجر بحاله

mahasen saber يقول...

بلاش فضايح.......

نونا وانتى طيبه يا قمر الشرقيه يا جميل انتا

ويا رب يا نها افرح ببيرو بجد وتكونى عماله تحضرى معايا لفرحه وطبعا احمل عليكى كل الضغط والشغل ما انتى خالته بئه

منورانى يا قمر
وبعدين تعالى هنا لما تبقى توصلى التلاتين نبقى نتكلم
اسيب الليائه بئه

نورتينى يا جميل
سلميلى على دودو

mahasen saber يقول...

ريمان.........

ههههههههههههه تسع سنيين ويبقى عندك تلاتين سنه ماشى يا ريمو
انتى لسه قدامك العمر ربنا يبارك فى عمرك وبعدين فى التسع سنيين دول تكونى كونتى نفسك كويس عشان تتجوزى بيرو
واهه يكون شد حيله برضه وخلص ابتدائى ولاا حط رجله فى الاعداديه هااااا زمن ههههههههههههه

ربنا يبارك فى عمرك يا ريمو انتى صغنططه وجميله
ربنا يسعدك ويحميكى يا حبيبتى
ويعوضك خير

mahasen saber يقول...

ماما اموله.........

ربنا يبارك فى عمر حضرتك ويباركلك فى امانى واخواتها وكل من تحبين

وربنا يطمنا على امانى ان شاء الله

انا اليى يسعدنى انى اسمع صوت حضرتك واتطمن على امانى كمان ان شاء الله

mahasen saber يقول...

انت وانا........

وانتى بالف خير يا جميله
فينك من زمان ليكى وحشه جامده يا حبيبتى

يا رب تكونى بالف خير

mahasen saber يقول...

tafatefo.........

اه يا درش دى بداية النهايه ههههههههههه

وانتا بالف خير يا مخرج ومصور البلوجر الاول

نورتنى يا مصطفى وشرفتنى بزيارتك الجميله

mahasen saber يقول...

عاشقة القمر..........

سوما فعلا انا سودانية المنبع هههههههههههههه والمصب كمان يا ريتنى ابقى سودانيه فعلا
ده السودانيين معروف عنهم الطيبه والاخلاص

ربنا يسعدك يا حبيبتى ويا اختى العزيزه كمان

mahasen saber يقول...

hager za3bal.........

وانتى طيبه يا حبيبتى

وانتى اليى وحشتينى جدا يا هاجر
واسفه يا حبيبتى لو قصرت معاكى فى السؤال او الزياره

انتى اختى الصغيره بئه فاكيد هتقدرى مشاغل اختك الكبيره

منورانى يا قمر

حاسوباتيه يقول...

انا شفتك في برنامج انا والحياه ودي كانت اول مره اشوفك انا فوجات اصلا وفرحت جدا جدا وبقيت اقولهم في البيت دي محاسن ده انا اعرفها والله وعماله بقى افتخر بيكي بجد انتي عسوله خالص وعمرك ماراحش ولا حاجه كفايه بس انك عرفتينا بيكي وبجد كلامك كان رائع وعجبني قوي وانا اصلا معجبه بيكي وبافكارك من ساعه مادخلت مدونتك ومن تصرفك مع ابنك ةموقفك من والده حتى قعدت اقولهم في البيت دي ممتازه وعسوله جدا وعملت مع ابنها كزا وكزا وقعدت احكي بقى

ربنا يوفقك يارب وكل سنه وانتي بالف خير

mahasen saber يقول...

عاشقة الرومانسيه.........

اه كنت هغلط واكتب الاسم ههههههههههههه ربنا ستر

من همه اخد قد امه طب اقترح عليكى ااقتراح تكانسلى جوازتك من بيرو ونجوزه لبنتك ان شاء الله

الواد صغمطط يا ريرى ولاحظى فرق السن هههههههههه

بطلى بئه ترفعى من روحى المعنويهوالمعدنيه كده اصل اغلط وااقول اسمك للبلوجر كله ههههههههههههههه

منورانى يا حبيبتى
والله انتى قلبك مفيش اطيب منه

mahasen saber يقول...

mo7ammed...........

يا اهلا وسهلا بمحمد وبزيارته الكريمه والجميله

نورتنى يا محمد وانا سعيده بزيارتك الكريمه دى جدا جدا
وان شاء الله زى ما قلت متكنش الاخيره

وحاضر هبص بشوية النظر اليى فاضلى..
نورتنى يا اخويا الغالى

blue-wave يقول...

مكسووووووووووووووووف منك جدااااااااااا
ارجو انك تسامحينى على تقصيرى فى الزيارة يا اختى الكبيرة

MaNoOoSh يقول...

شكل المدونة الجديد عثللللللل يا ماسي

ايوة كده
انا بمووووووووت فى اللون البمبي

أحــوال الهـوي يقول...

بتسالي عملت ايه في عمرك

لا عملت الكثير و كفايه عملت عبد الرحمن هيكون راجل يفيد الناس و المجتمع
والاكتر خلتيني ارجع التدوين و ساعتها يا هدعيلك
يا طبعا ادعيلك

تحياتي

حياة يقول...

مبروك الشكل الجديد للمدونة

ومبروك للوقفة مع النفس

تحياتى

magi يقول...

ازيك عمله ايه
يعنى اظن ان يوم عيد ميلادنا بيكون يوم منراجعه لشغل السنه كلها بس مش مهم انتى وصلت لفين اد ممهم الطريق انت ضحكتى وفرحتى شفتى ناس وقابلتى ناس وجبت بيرو للدنيا وعملت مدونه جميله زى دى وحققت نفسك واتخذت قررات شجاعه
كل سنه وانت طيبه
وربنا يسعدك ويفرحك يا رب

hager za3bal يقول...

الحوار جميل اوي يامحاسن..:)

بس قافله التعليقات علابوست ليه :@ :@

اه نسيت
مبروك الشكل الجديد للبلوج
حلو اووووووووووي

ahmedshazly يقول...

انا اول مرة ادخل مدونتك استاذة محاسن
بس بجد احسن مافيها انها من الحياة والكلام فيها بتلقائية.وربنا يباركللك فى عمرك.وباذن الله اكون من متابعين مدونتك دائما

hasona يقول...

السلام عليكم

جميل أن نجعل أيام في حياتنا كل فترة دورةي نحاسب أنفسنا علي ما قدمنا
وهل تقدمنا أم تأخرنا
وهل حققنا ما حلمنا به
أم تقهقرنا وتحقق كوابيس


رحلة ومشوار نبدأه
وتصادفنا فيه بعض الطرق والسبل قد ننعطف بها
لكن لا نعلم أين تأخذنا
ومتي سترسوا بنا
،،،،
الحمد لله علي ما وهبك اياه
وعلي ما استطعتي تنفيذه حتي الان

وحوارك مع اسلام أون لاين

جميل والاسئلة كانت في الصميم
ومتنوعة ومن أشخاص من كل حدب وصوب

كل سنة وانت بخير

تحياتي

جنّي يقول...

السلام عليكم

ازيك اخت محاسن لعلك بخير والحمد لله وازي بيرو ..

كنتي رائعة في برنامج انا والحياة ..

تحيتي

Yasmine Madkour يقول...

العمر بالتجارب مش بالسن اللي ف البطاقه :)

كل سنه و انتي طيبه
مع إنها متأخره :)

جريدة الصباح العربي يقول...

انتهينا من اختيار الفائزين في مجالي الشعر والقصة القصيرة وذلك لعددنا الأول ولكن مازلنا نرحب بكل الأعمال لأن المسابقة دورية , من يريد أن تصل أعماله من مدّونته الى جمهور القراء فى مصر والوطن العربي , ارسل لنا أعمالك من قصة وشعر وخواطر الى البريد الألكتروني التالي
arabicsabah@yahoo.com
كما نرحب بمقالاتكم التي ستنشر فور ارسالها على جروب الجريدة وستصبح مفتوحة لمناقشتها بين القراء ... تابعونا على جروب الجريدة
http://www.facebook.com/group.php?gid=78080770039
انتظرونا قريباً في الاسواق
تحياتي
الصباح العربي

mahasen saber يقول...

حاسوباتيه


يا حبيبتى يا حاسوبه تسلميلى يا حبيبتى على كلامك الطيب ده وانا بحبك اكتر من ما انتى بتحبينى كمان
ايه بس الكلاك الجميل والمشاعر الطيبه دى كلها تسلميلى يا حبيبتى تسلميلى

mahasen saber يقول...

ضى القمر


تسلميلى يا ضى يا حبيبتى وفعلا العمر لا يقاس بالسنيين وكل سن وليه جماله بس ساعات علينا كستات اننا نتقبل فكرة دخولك فى مرحله اكبر فى العمر اعتقد

نورتينى يا غاليتى

mahasen saber يقول...

kareem


هههههههه بعض ما عندكم بنستمد منك التفاؤل يا كريم

منورنا طبعا

mahasen saber يقول...

momken


دايما ارائك بتأخذ على محمل الجد يا ممكن

mahasen saber يقول...

مسدس صغير


ربنا يكرمك ويعزك ويفرحك دايما بكل من تحب
شاكره لذوقك وكلامك الطيب ده

mahasen saber يقول...

عبد من عباد الله


نورتنى بالزياره والكلام الطيب ده يا استاذنا

mahasen saber يقول...

ريمان


ريمو حبيبتى دى اكيد هديه مقبوله يا غاليتى

mahasen saber يقول...

سبهلله


ان شاء الله يا غاليتى شكرا لتهنئتك الجميله ولكلامك الطيب

mahasen saber يقول...

طائر الليل الحزين


كلامك ده نفسه بيمدنى بالشجاعه كون انك بتلاقى هنا فى المدونه شجاعه تعينك على المجتمع ده كلام كبير قوى قوى عليا واسعدنى جدا جدا يا حبيبتى

شاكره ليكى ذوقك ودماثة خلقك وروحك

mahasen saber يقول...

سمكه واحده


تسلميلى يا سمكمك يا حبيبتى تسلميلى يا غاليه

mahasen saber يقول...

Soul.o0o.Whisper


فعلا يا سولو يا حبيبتى كلامك صح تسلميلى يا سولو ومبسوطه ان البوست حاز اعجابك يا حبيبتى

mahasen saber يقول...

نور


تسلميلى يا حبيبه يا غاليه ربنا يسعدك يا حبيبتى

mahasen saber يقول...

ابو صهيب ( الجمعاوي الاصيل)سابقاً


الله يكرمك ويعزك وشكرا على تهنئتك الجميله وكلامك الطيب يا فندم

mahasen saber يقول...

reem



ريمو الغاليه حبيبتى تسلميلى يا ريم دايما كدا كلامك فيه دفء وذوق ورقه مستمده من روحك الجميله يا ريمو

mahasen saber يقول...

akeed


هههههه كل واحد مشهور فى محيطه ومجاله يا اكيد يعنى الشهره شئ نسبى مش اكتر

حزت شرف زيارتك

mahasen saber يقول...

من غير عنوان


ههههههه وحضرتك بالف الف خير وسعاده يا فندم
دايما كلام حضرتك بيدخل السرور على قلبى

mahasen saber يقول...

Heba Sayed


تسلميلى يا هبه يا غاليه وكل عام وانتى بكل خير وسعاده يا حبيبتى

mahasen saber يقول...

انا حره


كالامك ده اسعدنى جدا جدا وادخل السرور على قلبى
شكرا على ذوقك وكلامك الطيب وشاكره ليكى جدا وجهة نظرك الايجابيه فى المدونه وفى ما اقدم

دمتى بكامل الود يا عزيزتى

mahasen saber يقول...

نهار


تسلميلى يا نهار يا حبيبتى ويسلم ذوقك يا غاليتى

mahasen saber يقول...

yoyo


تسلميلى يا يويو يا غاليه دايما بتأسرينى بذوقك يا حبيبتى وبتشريفك الغالى

mahasen saber يقول...


سهر



يا غاليتى تسلميلى وشكرا على ذوقك وكلامك الطيب ده

بجد نورتينى واسعدتينى جدا

mahasen saber يقول...

nabil


اتمنى يكون التأثير فعلا ايجابى يا نبيل ويكون حد قدر يستفيد من تجربه ما خضتها او مريت بيها

خالص مودتى اخونا الغالى

mahasen saber يقول...


نيجار


حبيبتى الغاليه بيرو دايما غاليه على قلبى يا صديقتى الجميله

mahasen saber يقول...

سبهلله


حاضر يا عزيزتى بس شايفه انك فتحتيها

mahasen saber يقول...

الازهرى


ههههههه عجبتنى المقوله دى قوى ضحكتنى يا زهر

mahasen saber يقول...

حلم

واجمل الناس بيقولوا كلام من القلب شكرا لذوقك ولمرورك الكريم

mahasen saber يقول...

فشكووول


عمنا الغالى فشكول حضرتك بتسعدنى بكلامك الطيب وكلماتك اللطيفه والطيبه يا عمنا الغالى

mahasen saber يقول...

كيارا


مبسوطه ان الفضفضه عجبتك يا كوكو

mahasen saber يقول...

prince4ever



مش عارفه اشكرك ازاى على كلامك الايجابى والطيب ده واتمنى دايما اكون عند حسن ظنك بيا وتشوفنى بالشكل الايجابى ده

خالص مودتى وتحياتى ليك ولمامتك الغاليه ربنا يجعلك ابن بار بيها

mahasen saber يقول...

عمرو


رحمك الله رحمه واسعه ربنا ينير قبرك يا استاذنا ربنا يغفرلك ويبدل سيئاتك حسنات حضرتك ووالدى ووالدتى وكل امواتنا

mahasen saber يقول...

أ / أحمد عبد المنعم


استاذى الغالى شكرا لكلامك الايجابى وعارف حضرتك يا استاذ احمد انا دايما كنت بقدر مدونتك بس محستش بيها قوى قوى الا بعد وفاة ماما عرفت فعلا قيمة ما اسست عليه

خالص مودتى

mahasen saber يقول...

عارفة ... مش عارف ليه

شكرا يا وليد على كلامك الطيب ده كلك ذوق ودماثة خلق

mahasen saber يقول...

صوت من مصر


مين يقدر على زعل كيمو الطيب

mahasen saber يقول...

حاجات جوايا



سالى حبيبتى الغاليه عجبنى قوى العد التنازلى ده يعنى النهارده 29 السنه الليى بعدها 28 هههههه اضحك الله سنك يا سالى

تسلميلى يا غاليتى يا حبيبتى الغاليه

mahasen saber يقول...

mira


تسلميلى يا ميرا يا غاليه على كلامك الطيب وفعلا الحياه لا تخلو من الهموم

اسعدتينى يا غاليتى

mahasen saber يقول...

حلم


شكرا على ذوقك وملوش لازمه الشكر على زيارتى لمدونتك لانه ده شرف ليا كبير يا فندم

mahasen saber يقول...

ذو الوجه المبتسم


فعلا الهدف من التدوين الفضفضه ونقل التجارب الانسانيه للاخر

وبالنسبه لتغيير اسم المدونه فشئ صعب حتى يقدر يتخلى عن تاريخ ما من حياته لانه تعدى المرحله دى معتقدتش لو كل واحد فينا محى من حياته مرحله ما بأستيكه معتقدتش حد فينا هيكون ليه جذور يقف عليها
ولاا ايه

mahasen saber يقول...

صوت من مصر


كيمو اشمعنا الرقم ده

mahasen saber يقول...

ابو المفاصل الواصل


الابيات دى جميله قوى يا استاذنا دمت مبدع

mahasen saber يقول...

micheal


شكرا يا مايكل على ذوقك وانتا انسان فعلا جدير بالاحترام

خالص مودتى

mahasen saber يقول...

فشكووووول


انا نفسى معرفش الصوره دى ايه واخترتها ازاى بس اعتقد افتكرتها شخصية كرتون وعجبنى اللون الاخضر قال يعنى تفاؤل ههههههه

mahasen saber يقول...

قطرات من شواطئ الحياة


تسلميلى يا حبيبتى يا غاليه وشكرا يا قطره على كلماتك الطيبه دى

بيرو اسمه عبدالرحمن ودلوقتى عنده 10 سنيين بس وقت كتابة البوست كان عنده خمس سنيين
شفتى السنيين يا قطره

mahasen saber يقول...

كلام على بلاطه

على بلاطه الشعر جميل فعلا يا استاذ ناجح

mahasen saber يقول...

ايوشه


عاجزه عن شكرك على كلامك الطيب ودماذة خلقك تجاهى دايما يا ايوشه يا حبيبتى

mahasen saber يقول...

ghorBty


واسعد الله قلبك انتى كمان يا غاليتى دايما بتمدينى بالسعاده بكلامك الطيب

mahasen saber يقول...

قوس قزح

تسلميلى يا داليا يا جميله كلك ذوق يا غاليه

mahasen saber يقول...

yoyo



ههههههه بئا ضوء القمر الليى شدك يا يويو ماشى يا جميله ده من ذوقك بس يا يويو يا حبيبتى

mahasen saber يقول...

hossam


كلامك اسعدنى يا حسام جدا لانك عارف انى باخد كل كلمه ليك بمحمل الجد المطلق شكرا لذوقك ولكلامك الجميل ده وارجوك بلغ مامتك خالص مودتى وسلامى

mahasen saber يقول...

blue-wave


ملوش داعى الكلام ده والاعتذار على ايه بس كل المدونون اصدقاء واخوه

mahasen saber يقول...

MaNoOoSh

مبسوطه ان الشكل الجديد عجبك يا منوشه ده شغل ايد ضد التيار شيكو

mahasen saber يقول...

احوال الهوى


ههههههه لا ان شاء الله تدعيلى التدوين نعمه يا دكتورنا الغالى

mahasen saber يقول...

حياه


شكرا يا حياه كلك ذوق يا ايهاب

mahasen saber يقول...

magi

ياه يا ماجى كلامك اسعدنى جدا يا غاليتى
تسلميلى يا حبيبتى على الدفعه الايجابيه دى

mahasen saber يقول...

hager za3bal

تسلميلى يا هاجر مبسوطه ان الشكل الجديد عجبك وبالنسبه للتعليقات انا ساعات بقفلها لان بيكون عندى تعليقات كتير مردتش عليها فبتفادى انى اوقع نفسى فى نفس الحكايه دى

mahasen saber يقول...

ahmedshazly


ده شرف كبير ليا يا استاذنا زيارتك الكريمه وكلامك الطيب ده

mahasen saber يقول...

hasona

جميله كلماتك وفحوى ابياتك الشعريه يا استاذ حسونه

mahasen saber يقول...

جنى


اخونا الغالى جنى شكرا لذوقك والحمد لله احنا بخير

mahasen saber يقول...

Yasmine Madkour


اكيد يا ياسمين يا عزيزتى