الثلاثاء، 10 مارس 2009

شبه خريف المطلقات

بقت مشاعرى ضعيفه

بقت مشاعرى ورق

من كتر ما دقت قسيه

خلاص قلبت غلط

بقيت بحب على روحى

عشان انسا كل جروحى

خلاص بحلم صاحيه

وانام وااقوم عايشه فى وحده

وااقول يا ريت ابقا مراهقه

عشان احب تانى كتير

اشوف فلان اعشق خلان

وادوب ادوب فيك انسان

يقيت مشاعرى ضعيفه

بقت حياتى ورق

يا ترى دى عيبه

ولاا احساس غلط

............................
ساعات اى ست قلبها وحياتها خاليه من العنصر الادمى بتحس كده ساعات ساعات بس ..ملوش اى داعى انى كل ما ااكتب حاجه او اعبر عن شئ انى اابرر انى مش بمر بيها ايه العيب لو مريت بيها مع انى مبمرش بيها دلوقت وللاسف ويا خساره..
وشاكره افضالكوا يا قطع قلبى النابضه بالحب


هناك 184 تعليقًا:

نـــــور يقول...

لا مش احساس غلط
انتى عندك حق
بس افتكرى ربنا علشان توجهى دايما مشاعرك صح

نـــــور يقول...

نسيت اقولك انا اول كومنت عندك
عمرى ماعملتها دى
قال وايه كنت هعلق باسمك لانى مكنتش سجلت خروج من عندك هههههههههه

mahasen saber يقول...

habiba...........

طليقة المحروس بيرو اول كومنت وتعيشى وتاخدى غيرها هههههههههههههههه

هو انا قلت انى ماشيه فى سكه بطاله يا ظالمه انا بقول شعر مجرد كلمات عن مجرد خزعبلات مشاعريه

وقعتك على الماسينجر بالالوان
ان ماخدت حق الغلبان ادم منك هههههههههههههههههههههه

موناليزا يقول...

ولذلك وجب الحذر والحرص الاف المرات
تمنياتى لكِ دائما بكل الخير

نـــــور يقول...

هههههههههههههه يالهوتى
شرديتنى
انا مش قصدت كده ابدا انا فاهماكى وحاسه بيكى وفاهمه قصدك ايه

بس انا قصدت انك تفتكرى ربنا دايما علشان تقولى الحمد لله على اى حال وكمان تسيبى المشاعر كلها لربنا وهو يتحكم فيها ويعملك الخير

فهمتى ياام نيه سوده؟
وبعدين ورينى هتعملى ايه بقى
هه
هاتى اخرك وآدم مش بتهدد بيه ولا بيكى وشكلى فى الاخر هخطف الواد P:

mahasen saber يقول...

موناليزا .......

وتحياتى لكى يا موناليزا ملايين المرات يا ام ابتسامه حلوه

بس انا بعبر عن حاجات بس كلامك مظبوط

غير معرف يقول...

فى حد يعيش من غير حب برضه
هتدهولى لو مسكتى نفسك
خليها على الله ياقمر

dodda يقول...

الحمد لله انها ساعات ساعات بس

انا كمان ساعات كتير بيبقى نفسى اخدك فى حضنى واخبيكى
حاسه ان التجربه قاسيه عليكى اوى
بس اللى اقدر اعمله دلوقتى انى ادعيلك
واقولك الجئى لله
ربنا يصلح حالك ويجبر بخاطرك

ومتسيبيش المشاعر دى تتسرب منك
وربنا كريم يمكن يجى اللى يستحقها
وخدى بالك كفايه اوى الصنف اللى ما يستاهلش...

ربنا يكرمك

جنّي يقول...

السلام عليكم

ما شاء الله الكلمات جميلة واجمل منها الحالة النفسية التي تعيشينها الآن ..

ادام الله عليكي السعادة وراحة البال ..

الحب فطرة فطر الله الناس عليها ..

ولكن هل بالحب وحده يحيا الانسان اسيب لك الاجابة ..

تحيتي

mahasen saber يقول...

habiba..........

هههههههههههههه انتى يا بنتى واخده حبوب شجاعه ولاا ايه ادم هتشحوريه وانا هتنسفينى والواد فلذة روحى هتخطفيه ومن ثم تتزوجيه بالاكراه ههههههههههههه ايه ايه الحكايه عافيه ههههههههههههههه

ده كله عشان بلديات وبحبك وعشان غلطت غلطت غلطت وفسخت الخطوبه على الملأ طب بقلك بكل انكسار يا حبوبتى
بيرو بعينك ههههههههههههه

انتى جميله انا فاهمه قصدك ايه يا سكر ولو فهمتك غلط كنت هطربئها على نافوخ انتى وادم بالمره

يله السيئه بتعم بئه ههههههههههههه

mahasen saber يقول...

اسامه عبد العال..........

لا ما انا مدهوله اهه يعنى ماسكه نفسى ههههههههههههه

منورنى يا فيلسوف

mahasen saber يقول...

dodda..........

يا حبيبتى يا دودا ربنا يكرمك على مشارعرك الرقيقه دى بس انا والله مستقره نفسيا وقلبيا الايام دى خالص ومفيش اى تطورات نفسيه خالص ولاا عاطفيه خالص

بس ربنا يكرمك يا حبيبتى يا رب على مشاعرك الرقيه دى
بجد الف شكر لرقتك دى يا دودا يا حبيبتى

غير معرف يقول...

متسمعيش كلام دودا هتغرقك
هههههههههههههههه

mahasen saber يقول...

جنى...........

اولا نورتنى يا اخونا الغالى ويا رب تكون بالف خير وسلام

اما السؤال فاكيد الحب من اساسيات الحياه لانك بتحب يعنى بتحب كل شئ ربنا ودينك واتجاهك واسرتك وحبيبك واصدقائك وكل شئ

نورتنى يا اخونا الغالى ومتأكده انك تعرف الاجابه كويس وافضل منى كمان

mahasen saber يقول...

اسامه عبد العال..........

اصلا انا غرقانه طبيعى فى بحر من الحياه الحلوه المره
حلوه ببيرو ومشاغله ومره بشوية المشاكل بتاعتها والمنعلقه ببيرو برضه

بس فى المجمل انا مرتاح كده ههههههههههه
الفيلسوف ودودا منورنى دايما

أ / أحمد عبد المنعم يقول...

بسم الله الرحمن الرحيم
الأخت الفاضلة : محاسن صابر
الحب مشاعر إنسانية
هبة من الرحمن لخليقته
منة منه ليشعروا بقيمتهم
عطاء يشعر المرء بإنسانيته ورقيه عن باقى المخلوقات
فمن امتلأ قلبه بالحب سمت إنسانيته وارتقت قيمته
" لن تدخلوا الجنة حتى تؤمنوا ولن تؤمنوا حتى تحابوا ...."
عين الصواب أن يشعر المرء بالحب يسرى مع نبضات قلبه و ينساب بين ثنايا جوارحه ويفيض على الكون حوله
عين الصواب أن يبقى الحب إحساسا فى القلب ظاهرا فى السلوك الإنسانى يفيض رحمة على الناس وشفقة على الصغار والطاعنين فى السن
.......معذرة أطلت .....إن أردت أن أستفيض فأخبرينى

SHAPE YOUR LIFE (ABOALI) يقول...

كلام جميل كلام معقول
ماقدرش اقوووووووووووووول حاجة زيه

حكيم روحانى حضرتك
لاء انا ابوعلى اقرء اشعار رومانسية فى زمن كله ضغوط نفسية مع ضعف ارادة وطنية



واه واه

بس هو يعنى ايه
بحب على روحى ؟
فسر ثم علل ثم قول لماذا يا هذا
والبشر لسه موجودين
والحياه فيها محبين
قووووووووووووووووووووووول يا هذا لماذ ؟


تحياتى

مـجـنـووون يقول...

مش عيب أن الواحد يحس بالوحده

مش عيب أن الواحد يحتاج يحب ويتحب

مش عيب أن الواحد يتمني يرجع مراهق ويجدد حياته

ولكن العيب أن الواحد يمنع هذا الشعور بحجة العادات والتقاليد وكلام الناس


بالنسبه للشعر

بداية طيبة وممكن تنميها بالقاريه الكتير ويا ريت تقري للرافعي وانتي بجد هتتحسني قوي

تقبلي مروري سيدتي الفاضلة

مجنووون

محمد فارس يقول...

السلام عليكم ورحمة الله وبركاته
يااختي الغاليه محاسن صابر(ام عبد الرحمن)
الكلمات كاشعر انا مش هاقول رأي بل سأتركه للشعراء
ولكنها تحمل في معانيهامشاعر واحاسيس
طبيعيه وبالاخص بعد الفراغ العاطفي الذي تعيشينه الان
والا ما كنتي عدتي لكلمات كتبتيها منذ زمن بعيد
اختي الغاليه ضعي عبد الرحمن في اولاويات
حياتك ولا تحرمي نفسك من نعمة الحب
ولكن بحذر
اسف جداان كنت اسأت التعبير
مع تمنياتي لك بمن يملاء حياتك هنا وسرور

هانى زينهم يقول...

والله يا محاسن يا اخنى كلنا بنحب على روحنا من غير طلاق ولا دياولو . المشاعر لمجرد المشاعر شئ انسانى جدا . بس انا مش عايزك كل ما تكتبى بوست تأكدى وتحلفى بالطلاق انك ما بتحبيش وما بتتفهميش غلط وكأنك بترتكبى جريمة . هو فى ايه ؟!!. انتى فى النهاية انسانة وما حدش له عندك حاجة . اللى يقدر ده يقدر واللى ما يقدرش ان شالله ما عنه قدر .
الكلام بقى كشعر هو اقرب للخواطر المنسقةالاقرب للروح الشعرية . المعانى اجمل بكتير طبعا وبتعبر عن انسانية عالية اوى فيكى . ربنا يوفقك يا محاسن ويعوضك خير ان شاء الله .

MaNoOoSh يقول...

مشاعر محدش يقدر ينكر انه مر بيها
بس تصدقى انا حرمت نفسى طول عمرى من انى اسيب نفسى احب واتحب ويا عالم هقدر اخرج مشاعرى دي وللا لأ.
مين فى الدنيا ميتمناش انه يحب ويتحب ويحس بالحنية.. ومش شرط ابدا مطلقة طب منا اهو فاضلى شوية سنين واخد لقب عانس وكمان اعرف ستات كتير متجوزين وعمرهم محسوا بحب ولا حنية من ازواجهم

اما الشعر والكلمات جميلة
تحياتى يا عثل وتقبلى مرورى

EMMY BABY يقول...

محاسن بجد احساسه حلو اوى

لان فعلا محدش بيقدر يعيش من غير حب

قدام الحب كله بيحس انه انسان ضعيف مهما كانت قوته

تحياتى

ايمى

أمل حمدي يقول...

ازيك يا محاسن

عاملة ايه حبيبتي انت بيرو وماما ان شاء الله بخير يارب

بوست جميل بيعبر عن احساس ممكن يمر بيه اي انسان

نفسي اتكلم معاكي كتييييييييييير

ربنا معاكي حبيبتي

في حفظ الله

طـائر الليــل الحـزين يقول...

لاء عايزة اقولك ان مجموعة الابيات دى عندك حق جداااا فيها كتير بتحس كده الست المطلقة او اللى اتأخر بيها سن الجواز فعلا زى ما قولتى بتحس انها ضعيفة ومحتاجة تسمع اى كلمة حلوة . محتاجة تحس بأنوثتها وبمشاعرها انها لسة حية وممتتش
بجد انتى كلامك دايما صح وبيعجبنى كل مرة اكتر من اللى قبلها
تحيااااااااااتى

V.Hayat يقول...

إن الإنسان قبـل الحب شيء وعنـد الحب كل شيء وبعـد الحب لا شيء

تحياتى

mohamed ghalia يقول...

الحمد لله إنى المدونة اتظبطت
طبعا معاكى حق
هرجع تانى

صوت من مصر يقول...

الحمد لله انى مبفكرش فى جواز اصلا عشان ابقى مطلق
بوست ولا اجمل ولا اروع ولا احلى
تحياتى

حاسوباتيه يقول...

طبعا هو ككلام وكشعر واحاسيس رائع بس انا حابه اقول حاجه ان الاحساس ده انتي ليه حصرتيه في المطلقه بس انا حاسه ان هو احساس عادي وحق مشروع ممكن يجي لاي انسانه محتاجه للحنان وبتشعر بالوحده ممكن تكون بنت ممكن ارمله ممكن مطلقه
بس هو احساس صدقيني ممكن اي واحده تحس بيه لان احنا بشر والمرأه ربنا خلقها فطرتها انها دايما محتاجه للرجل مهما وصلت لمناصب ومهما قالت انا ماعنتش محتاجه الرجل ومهما حاولت انها تكون زيه لايمكن تكون زيه او تستغنى عنه فطبعا كلمات جميله بتعبر عن احاسيس كتير

ريمان يقول...

طب اقول انا ايه بقه

؟


مممممممممممم

اقول ايه

مش عارفه اعلق

انتى طبعا معاكى حق

بس الواحده بقى لازم تفكر الف مره قبل ما تفكر فى حاجه زى دى

وانا عن نفسى كده مرتاحه اوى

الحمد لله

بلا ارتباط بلا حب بلا بتاااااع

والله يا حبيبتى اهم حاجه راحه البال
بجد يا محاسن

ده الشى ء اللى لو ناله اى انسان هيعيش فى سعاده كبيره جدا

اخبار خطيبى ايه


لمى عليه

وبوسيه بوووووووسه كبيييييييييره اوى اوى

وردشان smilyrose يقول...

الاخت الحبيبة الغالية محاسن

اولا نفسى اشوفك بجد

ثانيا حبيبتى الحياة لم تنتهى

ابدئى من جديد

اجعلى قلبك ينبض يحب

يعيش الاحساس

لم تحكمين عليه بالوحده

لم تحرمين عليه ان يعيش هذا الاحاس

اذا كان خالقنا احله

لما نحرمه

احبى واملئ دنياكى حبا

واسعدى واسعدى قلبا طالما تعذب


smilyrose

وردشان

روح الحب الصادق

م/ الحسيني لزومي يقول...

الانسان بطبعه فطر علي الحب والحب لا يعترف بحدود الزمان او المكان انه حالة قدرية تهبط علينا دون تحسب او توقع إذا ما خلت منه النفس انه عنصر رئيس للحياة والنفس تحتاجه بكميات مختلفة واوجه متعدده...فتري هل يأتي يوما يصبح فيه الحب عقيدة باقة ورد أو قصيدة.
زري مدونة دقات قلب بعد الخمسيت لتري كيف وصل انعدام الحب بصاحبها قيس وهو في هذا السن المتأخر ...
عزيزتي
الحب كالماء والهواء

حياة تستحق الانقاذ يقول...

انتي اللي قلب نابض بالحب
انتي اللي من حقك تعشيها بالطول والعرض وما تبقيش تحت راية معينة ولا تتظلمي كرمال اي مسمى
لأننا مهما نكبر ومهما نكون جوانا اطفال بقلوب تتمنى تركض وتتنطنط لما توقع وتدوخ
لا تخجلي من مشاعرك واصرخي لو تحبي لأن في دايما ناس بتسمعك

دمتي بخير
أم المييس

غير معرف يقول...

هههههههههههههههههههههههههه
والله انتو الاتنين عايزين الضرب
بس انا صعيدي انتوا عارفين عيب عندنا أوي نضرب الستات بس انا مش حسكت وحكلم الجمعيات المناصرة للرجالة ونشوف حنعما ايه فيكي انتي وحبيبة

السؤال بقي وانا مالي مداخليني وسطكواليه عموما انا بقي اللي حقولها السيئة تعم فعلا

ومقاطعة انتي وحبيبة

وبيرو كمان علشان خاطرك

يارب ترتاحي ياستي
ومشعلق علي الموضوع
مقاطعة بجد المرادي اما اشوف حتعملو ايه

شخـا بيــط مـحـجـوب يقول...

بجد كليمات جميلة اوى

ربنا يكرمك بس اكيد مع الصبر

تحياتى ليكى

شخابيط mahgoub

إيمان قنديل يقول...

الحب ياحبيبتي أحتياج وليس كما يعتقد البعض رفاهية


والإنسان في حاجه دائما للحب والعاطفة والتقدير من الآخرين وتلك المشاعر ليست قاصرة على المطلقة فقط فطلاقها ليس سببا في ضعفها ، فتلك المشاعر أيضا تمر بها كل أمراة تشعر بأنها تفتقد الحب والحنان والجنس أيضا حتى ولو كانت متزوجه، فهناك زوجات بالأسم فقط وهن يعشن حالات من الطلاق الصامت ، ويعشن في بيوت باردة خالية من العواطف


تحياتي

غير معرف يقول...

كأن العواطف شئ نخجل منه .. لماذا؟

هى كالهواء نتنفسها ولانحيا بغيرها .. لكنه هنا اكثر تدفقا .. ووضوحا .. وهذا مايقدمه فى ثوبه الطبيعى

يخسر كثيرا من لايبوح .. فيقنع بالحرمان .. وضياع الوقت والعمر أيضا

Remas يقول...

محاسن الجميلة اللى نفسي اشوفها واتعرف عليها
انا متابعة مدونتك دائما يمكن مش علقت عندك بس متابعاكى باستمرار
بوست جميل وفيه احاسيس رائعة ودا مش مقصور بس على المطلقة كل انسان بيحتاج للحب دائما
عارفه احيانا كمان بيكون الاشتياق لاحساس الحب نفسه مش للحبيب فاهمنى يعنى الانسان بيحس انه محتاح يعيش حالة الحب نفسها ويحسها اكثر من احتياجه لحبيب
تحياتى وقبلاتى وسلامى لبيرو ربنا يخليه لكى

غير معرف يقول...

لا عيب ولا غلط ولا انتي محتاجة تبرري حاجة لحد
ةدي حاجة كلنا بنحس بيها رجالة وستات
انا عن نفسي وغيري كتير ساعات بنحس بيها
ربنا يكرمك يا محاسن بالخير دايما

الشموع البيضاء يقول...

ده احساس طبيعى جدااا ومش محتاج تبرير واى حد معترض سيبك منه
ربنا خلقنا ادم وحواء وخلق بينا الموده والرحمه والالفه ده حتى الطيور خلقهم ذكر وانثى حتى الورود والنباتات
ربنا يرزقك بالمشاعر الجميله والحب الحقيقى

شمس النهار يقول...

في ايه يامحاسن انت ليه بقيتي حساسه كده كلام وكتبتيه هو لازم كل حاجه يكتبها الشاعر يكون عدي بيها
وبعدين حتي لو انت حاسه بالكلام ده ايه المشكله
الوحده بعد شويه لما بيطول عشرتك ليها بتبقا واحده من العيله
مالها الوحده دي حتي لطيفه
طب ده حتي الوحده خير من جليس السوء
ومن الطبيعي ان الوحده بتخللي الناس تاتش شويه
ماتخافيش كل ده طبيعي وانت كده انساسه طبيعيه بس حساسه شويه
ربنا يحفظك

عمرو يقول...

كلمات بتعبر بمنتهى البساطه عن مشاعر أنثى طبيعيه و سويه
يعنى أيه العيب فى أن يشعر الواحد منا سواء كان رجل أو اٍمرأه بحاجته اٍلى وجود الطرف الآخر فى حياته
أنا شايف الموضوع طبيعى جدا :)

princess يقول...

مفيش حاجة اسمها احساس صح واحساس غلط كلها احاسيس
حتى الاحاسيس نستكترها على نفسنا
:))

جارة القمر يقول...

دة مش احساس غلط ولاحاجة
كل انسان بتكون جواه مشاعر متلخبطة لما بيحس بالوحدة
لكن خدي بالك من نفسك علشان متديش مشاعرك لاي حد بصي انا مش عارفة اوصلك الكلام اللي جواية
تحياتي لكي

عالم حبيب يقول...

آنس الله وحدتك به سبحانه وتعالى .. قد نأنس بفلان او علان لكن ما أجمل ان نأنس بالله ونرضى بما قدره سبحانه وتعالى ونكون على يقين أنه الأفضل لأن من اختاره هو الله

marmar يقول...

احساسك مش غلط ابدا يا ميسو دي احاسيس جميله طالعه من قلب اجمل وارق وعشان انتي طيبه ورقيقه وجميله اوي قلبك بيحس بسرعه اوي اوي
سيبي قلبك اوعي تمسكيه بأيدك
سيبيه خالص
وربنا هيكرمك بجد يا حبوبتي
لانك تستاهلي كل خير بجد يا ميوستي

marmar يقول...

نسيت اقولك يا حبيبتي
تسلميلي بجد على كلامك الجميل والرقيق لريانووو بجد حسيت بكلامك الحلو ده اوي عشان طالع من قلب ارق ام واطيب واحن ام بيرو في الدنيا
بحبك في الله

Ahmed Mohamed يقول...

سعات والله بزعل قوي من عناوينك او بعض كلماتك الحزينه
يا ست الكل يا محاسن هانم
ولا اقولك
يا ملكة الشرقيه للجدعان
ربنا يكرمك يارب وتكوني زي ما تحبي

أكون أو لا أكون يقول...

جميله جداً الكلمات... وفيها فكره جديده جداً...

مشاعر ورق... أحب على روحي... ياريت أبقى مراهقه...

ياسلام عليك ياحسونتي... تعبير رائع...
والبوست تحفه... بس ناقصه إن تكتبي من غير تبربر... ده مدونتك مش معقول تفضلي تتكلمي فيها رسمي...
: ) أو تفكري بنوعيه الموضوع المطروح...
مش ضروري نكتب عن حاجه نكون عايشينها... ممكن يكون احساس...
ولو كنا عايشين الحاله مش غلط... مش عيب... مش حرام...
ده احساس... وده كلمات... وده ورق هههههه...

مع السلامه حبيبتي... سلامي لـ عبد الرحمن النسمه... حبيب قلبي.

من غير عنـــوان يقول...

قوية جدا....

أقوى ما يكتب الكاتب حينما يبوح بصدق عن مشاعره... التي قد يعتقد البعض أنها خاصة أو عامة.. أو ما يصحش...

... أدام الله لك قلبا...
... يحب...


أمنياتي

م/ الحسيني لزومي يقول...

الاخت الفاضلة / ام عبد الرحمن
اسمحي لي ان اعود الي موضوع اليهود مرة اخري ..نعم نحن بيننا وبين اليهود معاهده سلام اسما لكن الصهاينة مازالوا يعتبرون انفسهم في حالة حرب مع مصر انظري الي الحرب البيلوجية وكيف اخترقوا قطاع الزراعة ووردوا لنا المبيدات المسرطنة...هل تعلمين انه منذ اتفاقية كامب ديفيد حتي الان تم ضبط 69 جاسوس وهو عدد يفوق ما ضبط في ما قبل الاتفاقية وفي حالة الحرب.
الرسول كان يعاملهم بما امر به الاسلام نعم وقد وقف عندما مرت جنازة يهودي وحين قيل له انه يهودي قال : اليست نفس.
لكن انظري عندمااقام الرسول دولته في المدينة وعقد معهم المعاهدات ماذا كان منهم.
بعد ثلاث سنوات من المعاهدة وبعد ان انتصر الرسول علي قريش في غزوة بدر ولاحظي ان اليهود لم تكن بينهم وبين قريس احلاف او معاهدات اغتاظ يهود ببني قينقاع وقالوا للمسلمين:- لا يغرنكم انكم قابلتم قوما ليس لهم دراية بالحرب لو قابلتونا لعلمتم انا نحن الناس)..ليس هذا فحسب فقد راود احد تجارهم- وكانوا تجار حلي -امرأة مسلمة علي كشف وجهها فرفضت فما كان منه إلا ان ربط اسفل ثوبها بأعلاه فلما قامت انكشفت عورتها وضحكوا وهم يقولون انها تغطي وجهها وتكشف عورتها كان بالسوق احد المسلمين فهجم علي اليهودي فقتله فتجمع اليهود وقتلوا المسلم.فماذا فعل الرسول ....حاصرهم في حصونهم خمسة عشرة ليلة ونزلوا علي حكمة وخرجوا الي اذراعات ببلاد الشام وهلك اغلبهم في الطريق.
انظري اليهود هم اليهود خانوا العهود وحقدوا علي كل ما سواهم كانوا يشعلون الحروب بين الاوس والخزرج ليبيعوا لهم السلاح انظري حتي الي تاريخهم الحديث اشعلوا الحروب في كل بقاع الارض.
هل تعلمي ان النازي هتلر قال:-كان بامكاني قتل اليهود جميعا ولكني تركت بعضا منهم لكي يعلم العالم لماذ فعلت بهم ما فعلت"
الي اللقاء مع يهود بني النضير وقصتهم مع الرسول والدولة الاسلامية حتي تعرفي كيف عاملهم الرسول.

romansy يقول...

ضعيفه ممكن لكن ضعفك سر جمالك
شوفى عيونك حلوه ازاى
لما يبان ضعفك فى عيونك
حبى وعيشى غيرى حالك
اقرى كتاب عن حب وعاش
هى حياتنا وهتتعاش

kalamfady يقول...

مش اى ست بس واى راجل كمان..بس لازم الواحد يحكم عقله مش اى حد يحبه والسلام ويطلع فى الاخر مجرد فراغ عاطفى

ghorBty يقول...

الله يعوضك خير ان شاء الله

وابنك اكيد واخد منك معظم المشاعر الحلوه ديه

طبيعه البشر هكذا ولكن تفريغ هذه المشاعر يجب ان يكون في المكان الصحيح

والتعبير عنها بالكلام احسن من كبتها

تحياتي وتقديري

غربتي

Nabil يقول...

السلام عليكم.......

اختى محاسن صابر اختى الغاليه اخبارك ايه؟؟
يارب تكونى وبيرو بخير

انت ولا غلطانه ولا اى حاجه معاكى حق تماما

ده احساس صحى جدا ومبشر بجاله نفسيه مستقره دايما كمان

*******
حقا .. حقا .. إن الحب يطيل العمر ! !

حين نحس كأن العالم باقة زهر

حين نشف كما لو كنا من بللور

حين نرق كبسمة فجر

حين نقول كلاما مثل الشعر

حين يدف القلب كما عصفور ..

يوشك يهجر قفص الصدر ..((نجيب سرور))

تحياتى وسلامى

Abu ShoSho يقول...

الأستاذة أم عبد الرحمن

يا ملكة الشعور و الإحساس
يا من بين جوانحك قلب من الماس
و في كل حرف تكتبينه أمل
يزيل اليأس من قلوب الناس

و مادمنا في مزاج الشعر أعجبتني قصيدة ناجي

أحقّاً كنت في قربي = لعلي واهمٌ وهما
تكلَّمْ سيدَ القلبِ = وقل لي: لَمْ يكن حُلما
دنوتَ إِليَّ مستمعا = فُبحْتُ، وفرطَ ما بحْتُ
بعادك والذي صنعا = وهجرُك والذي ذقتُ
أرى في عمق خاطركَ = جلالاً يشبه البحرا
وألمحُ في نواظركَ = صفاء الرحمة الكبرى
وأنت تَهَلُّلُ الفجرِ = وبسمتُه على الأفق
وحيناً أنَّهُ النهر = وحزان الشمس في الغَسقِ
وأنت حرارةُ الشمسِ = وأنت هناءةُ الظلِّ
وأنت تجاربُ الأمسِ = وأنت براءةُ الطفل
وأنت الحسنُ ممتعاً = تحدَّى حصنه النجما
وأنت الخيرُ مجتمعاً = وعندك عرشهُ الأسمى
وعندك كل ما أحيا = وشدَّد عزمه الواهي
حنانُكَ نضرة الدنيا = وقربُكَ نعمةُ اللهِ!
سناكَ صلاة أحلامي = وهذا الركنُ محرابي
بهِ ألقيت آلامي = وفيه طرحت أوصابي
هوىً كالسحر صيّرني = أرى بقريحة الشهبِ
وطهَّرني وبصَّرني = ومزَّق مغلقَ الحجبِ!
سموت كأنما أمضي = إلى ربٍّ يناديني
فلا قلبي من الأرض = ولا جسدي من الطين!
سموت ودق إِحساسي = وجُزتُ عوالم البشر
نسيت صغائر الناسِ = غفرت إِساءَة القدرِ!

تحياتي

Abu ShoSho يقول...
أزال المؤلف هذا التعليق.
عاشقه الرومانسيه يقول...

من حق كل انسان يحب ويتحب
ايه الغلط فى كده
وبتبررى ليه؟
المهم تكونى مرتاحه
وقلبك راضى

ريمان يقول...

بقولك ايه يا قمر

معلش كنت عايزه الموقع اللى فيه قوالب المدونات ده اللى كنت انا وانتى بنختار منه قبل كده قالب مدونتك

معلش ابعتى الرابط على مدونتى

معلش هتعبك معايا حبيبتى

بس عايزاه ضورورى

قوس قزح يقول...

ايه اللى غلط ؟
الحب عمره ما كان غلط
المهم الاختيار الصح

و الاحتياج للحب شىء طبيعى و عادى
كل واحد لازم يكون فى حياته حد قريب من قلبه اوى و الا هيكون وحيد جواه و ده لوحده سبب لموته ببطىء

انسى اللى فات و عيشى حياتك بكل احلامها
و اظن التجربة اللى مرتى بها هتخليكى تعرفى تختارى المرة دى

قوس قزح يقول...

عارفة يا محاسن احلى حاجة فيكى ايه ؟
ان برغم الظروف اللى انتى مريت بها
الا انى اكتر حاجة فاكرها هى ضحكتك :)

بنت الغربة يقول...

حبيبتى محاسن
انا عارفه انى مقصرة معاكى ...
مافيش زعل ماشى ياقمر...
كلامك حلو قوى يامحاسن ياحبيبتى ...ومعاكى حق اى ست فى الدنيا محتاجه تحس بمشاعر جميله ...وتحس بحد يطبطب عليها ..ويحسسها بالحنيه...ويتكلم معاها ...صديق قبل مايكون حبيب...
كلنا بنى ادمين يامحاسن ...ولو ماقلتيش كده تبقى حجر..
بس الواحد دايما بيخاف يتكسر تانى او يفشل تانى ...
المرة التانيه بتبقى اصعب من الاولانيه
بس مش لازم نيأس ابدا ..
انا قلت الكلام ده لأختى لما قلبها بدأ يدق تانى وكانت خايفه من الفشل تانى ....ادي نفسك وقت اكتر...
واستخيرى ربنا ...وكونى حذرة جدا (مع ان الحذر لا يمنع القدر)
بس دايما بقول الاحتياط واااجب ...
دايما خلى ربنا معاكى وان شاء الله ربنا هيكرمك المرة دى
تحياتى ياقمر

فاتيما يقول...

محاسن يا النص التانى لقلبى
إيه لازمته آخر سطرين دول
و إفرضى يعنى إن فيه زى نغبشة على خفيف فى الحتة الشمال ...
جرى إيه يعنى ؟!!
المهم بس يكون حد يستاهل و يقدر
و بعدين يا بنتى اللى بتقوليه دا نسخة بالكربون و حصل عندى ...
من زمان من كام شهر كدا ...
بس الأستاذ طلع خواف
و عاوز يحب من غير ما يتحمل مشاكل و مسئوليات ...
أنا طبعا عذرته لأن حملى تقيل
تفتكرى عملت إيه لما تراجع هوه
و بكل شجاعة ...
لما لسه القلب اللى واقف بقاله سنين هيبتدى يدق تانى أهو
قوم إيه ... الأستاذ مدينى إستمارة 6
أعمل إيه فى هذوها الموقف ؟؟
ازعل ...لأ
أتضايق ...لأ
أضحك ... من قلبى
و الله ضحكت
و الحب اللى كنت ناوية اديهولوا وزعته على قلوب كتيييييير غيره
على كل حد حواليا من أصدقاء و احباب و شلت حتى شوية كتييييييير ليوسف لما يرجع جنب نصيبه الأساسى
و قولت الحمدلله
عجبنى قوى تعليق الغالى الأستاذ شريف
العمر مبقاش فيه كتير عشان نحسب الحسابات و نخجل من مشاعرنا البريئة
و نحرم روحنا حتى من التعبير
مجرد التعبير حتى عن مشاعرنا دى
و بلاش يا ستى نحطها فى حيز التنفيذ
حبى و قولى زى ما نتى عايزة
و متفقة جدااااااااا مع داليا قوس قزح الرائعة ...
إن إبتسامتك لا تمحى من ذاكرة العين
و القلب أبداً
بوسيلى الواد بيدو إبن اختى
آه و كلمة كمان
بحبك يا محاسن يا بنت أبيها الغالى

barbie girl يقول...

كل انسان جواه احساسي تخصه.. فى احاسيس بينفع نعبر عنها وفى احاسيس الناس بيفهموها غلط

Zika يقول...

بتعجبني في الخواطر لما تكون بتعبر عن نفسها
مش شرط يعني تكون زي صلاح جاهين
المهم تكون بتعبر عن نفسك وخلاص
حلوه

M.a.r.y.o.o.o.m يقول...

بصي المشكلة ان حتي لو كتبنا احساسنا بيبقي برضه مش زي البركان اللي جوانا بس كويس انك بتقدري تعبري عنها انا بقي والحمد لله انتهي من عندي الاحساس ولما كنت بقدر اكتب كنت بكتب وبرتاح دلوقتي مش عارفه اعمل حاجه خالص انا مش بحبطك ولا حاجه بس ربنا يوفقك ويكرمك يارب

elsha3er يقول...

الانسان مش حجر لازم يحس بدة ومش عيب ومش لازم تبررى كل حاجة لان دة من حق اى انسان

ولا اية رأيك


تحياتى

احمد الشاعر

همس الاحباب يقول...

احساس جميل ورائع
ومفيش داعى نبرراحساسنا ومشاعرنا
طالما احساس ومشاعر صادقة
ربنا يوفقك دائما
تحياتى وتقديرى

Unknown يقول...

على فكره المشاعر الضعيفى دى يا جميله مش جوه المطلقات بس
لا والله المشاعر دى فى قلب كل انسان محتاج للرحمة والحب من الى حواليه
انتى طيبة وجميله اوى وربنا هيكرمك واعرفى ان الحب مش لازم يكون فى المراهقه بس الحب فى كل وقت وف اى عمر ومن اى حد
تقبلى كلماتى على فكره وحشتينى جداااااااااااااااااا

maxbeta3zaman يقول...

كل شىء نرجوه يأتى فى ميعاده المكتوب هناك اغنية ومع انها أجنبية وقديمة بعض الشىء انما تقول معنى جميلا جدا فى هذا السياق : انك تصحو فجاة
فتجد نفسك فى حالة حب ...لا أذكر باقى الكلمات فقط هذه اللزمة مع لحنها الجميل هى كل ما أذكره
you wake up suddenly
and you'r in love
بس خلاص كما قال هيكل

Make money يقول...

تقريبا حسيت بكل كلمة انتى بتقوليها
لانى عايشة فيها بردو :(....



.........
سبحان الله انا قريت فى مدونتك شوية حسيت انها تشبه تجربتى كتير عشان كدة حسيت اوى وبسرعة بكل كلمة بتقوليها
ربنا معانا ..

تامر علي يقول...

من أجمل الأشياء أن يصارح الإنسان نفسه ولا يتصنع الأحاسيس فيتصالح معها ومع المحيطين به ثم مع الكون كله ... إن شاء الله ربنا سيجعل لك من كل همومك فرجاً قريباً عاجلاً جميلاً كما تحبين ...

دمت بخير وسعادة:)

أم فريده يقول...

شبه خريف المطلقات

عنوان غريب اوى
عمر الاحساس ما كان حرام عادى لما نحب
بس المهم لما نحب نحب حد يستاهل الحب دة

تحياتى انا جيت ارد الزيارة :)

حاجــ عيال ــات يقول...

السلام عليكم
الجميلة محاسن صابر أنا جيت هنا قبل كده وقلتلك انك وحشتيني ..مش عارفة الكلام ماوصلش ولا ايه
عموما مش هزهق ..وحشتييييييييييييني
وكمان كنت غايبة وماسألتيش عني ..انا سحلانة

عموما ..كل سنة وانت طيبة ويارب تكون دايما في خير وسعادة وحب

جهاد مشالي

Unknown يقول...

الله الله الله
على فكرة انتي إنسانة رائعة ورمانسية بحق
ربنا يكرمك يارب ويعوضك خير
عارفة أحلى حاجة في الدنيا المشاعر والأحاسيس فيها ايه لما تحبي على روحك المهم انك عندك طاقة الحب..
ربنا يكتبلك الخير فين ما كان
وحشتني المدونة دي وكلامها وروحها العالية..
معذرة على التأخير وأديني رجعت تاني ..
مودتي وخالص تحياتي

عالم ماريونت يقول...

حبيبتي محاسن

مش عايزة ارد على البوست ده لأسباب شخصية بس هقولك انك وحشاني مووووووووت
وبجد ميرسي ليكي جدا جد
رنا

zainab يقول...

عزيزتى محاسن

الحب احساس جميل فى حياتنا
صعبه الحياة من غيره و طبعا الست أكيد محتاجه ليد حنونه
ادعى ربنا دايما و خليكى معاه ان شاء الله يحقق لك كل اللى بتتمنيه

ربنا يسعدك و يوفقك

تحياتى

Dr.Mohammed Gohary يقول...

ربنا يهدينا جميعا

وربنا معاكي يا محاسن
أتمنالك كل خير

وانتي عارفة
***********

صحيح بوسيلي الواد بيرو على ما أشوفو

***************


وحشاني والله

momken يقول...

ياعم الشعر ياعم

ايه الجمال ده
وايه الحلاوة دى

سيبك انتى
انتى حد جامد اوى اوى

مين قال ان الحب فى المرهقه بس
الحب فى كل المواسم...وابشرى فانت الان فى مواسم الحب

وطبعاً انتى دائماً فى مواسم التالق

حلو اوى البوست ده

تحياتى

romysaa يقول...

ااه جيتى ع الجرح يا استاذة محاسن . بس ده مش خاص بالمطلقات بس ده احساس الست عموما لما بتقابل حد مش مناسب وتكتشف كدة بعد العشرة الطويلة للاسف . شكلى هاحب مدونتك دى اوى .

لجين أبو الدهب يقول...

والله فعلا ساعات بتمر الواحدة بالشعور ده لغاية الاستقرار ..

بس انا بحس الفترة دى اللى بتمر على اى بنت بتكون من عدم الاستقرار وعاملة زى الريشة تطير وتقع على مكان وتطير على حتة تانية لغاية ما تستقر وهكذا ..

قصيدة بتعبر عن حالة ..

جزاكِ الله خير محاسن ..


دمتِ بخير ..

غروب يقول...

ازيك يا حبيبه قلبي وازيك عبد الرحمن؟؟؟؟

يا قمر فعلا مش محتاجه تبرير خالص لان فعلا حتى لو مريتى بالمشاعر دى فده طبيعي وحقك

بس ايه الكلام الكبير ده؟

دده احنا شعراء بقه

ربنا يسعدك ياااااارب وينعم عليكي بالحب

Soul.o0o.Whisper يقول...

سنسنتى العسل

وحشااااااااااااااااااااانى بجد

فينك؟؟؟ مش باشوفك خالص؟؟
طيب يا ستى الاول بس أعتذر عن التأخير معلش
سامحينى

عندك حق يا سنسن
و اعتقد أى انسان كدا
مش شرط واحدة يعنى

اى انسان لما بيكون فحياته وقت فراغ
و كمان مش بيلاقى حد يشاركه حياته و يفهمه
بيدور على الشخص دا حتى فى خياله
فى احلامه
المهم يلاقيه

و بيتخيله معاه فى كل مكان
بس اهم شئ انه مش يغرق فى الافكار و التخيلات دى
عشان مايحصلوش حاجة
ههههههههههههههههههه



ربنا يكرمك يارب يا سنسنتى
و يكتب لك الخير
و يرضيكى بيه




خالص ودى يا قمر

hasona يقول...

السلام عليكم

مش احساس غلط ولا حاجة
بس
ليس الحب للمراهقين فقط
الا اذا كنتي تقصدي الحب الغير مسئول
وكل يوم بقلب وكل يوم مع حب جديد

لكن عندنا ننضج
تنضج مشاعرنا
ونحب بعمق
وعندما نُجرح (نَجرح) يكون الجرح أعمق
لذا نهرب الي ما كان
ونفتش عن الذكريات



تحياتي

حاجات جوايا يقول...

سنسنة يا جميلة
اخبارك ايه يا حبيبتى
وازاى بيرو حبيبى عامل ايه فى حضانته
يارب تكونوا بخير وصحة وهنا وراحة بال دايما يارب

......................
بالنسبة للبوست
كل إنسان له لحظة ضعف
خصوصا لما يكون خارج من ازمة

زى المريض اللى يدوب بدأ يفوق من تعبه ودخل فترة النقاهة ونفسه راحت لكل الاكلات اللى كان ممنوع عنها عشان يعوض فترة تعبه

ده مش شبه خريف ولا حاجة يا حبيبتى
دى بس فترة لخبطة هتاخد وقتها وتستقرى ان شاء الله وترجعى افضل من الاول بكتير

يارب دايما جميلة وسعيدة وشفافة وفرحانة بنفسك وببيرو يااااااااارب

حاجات جوايا يقول...

كل سنة وانتى طيبة يا قمر

يا أجمل وأحن وأرق أم فى الدنيا كلها

بمناسبة عيد الام

ربنا يباركلك فى بيرو ويفرحك به ياااااارب

...............
ويارب اقابلك بقى عالنت
رسايلك مش بتوصل يا حبيبتى .. ده لو بعتى قريب يعنى اخر حاجة كانت من زمااااان


طمنينى عليكى يا قمرى

رؤية يقول...

عزيزتى...
سؤال يدوى فى العقل كجرس الانذار...
ترى لما نشعر بالضعف كلما مر بنا الزمن وقست علينا الاقدار؟
على الرغم من هشاشتنا وبراءتنا السابقة الا اننا كنا اكثر صمودا؟

تلقيت جوابا غريبا...
انه كلما نكبر نشعر باحتياجنا لمن حولنا لادراكنا لقيمة مشاعرنا تجاه الاخرين والعكس...
اما فى الصغر نزعة الانا وهوس اثبات الذات يجعلنا فى غنى عمن حولنا..

خلاصة الكلام علشان ما اطولش عليكى...
وماله...؟
دا احساس طبيعى.... وكلما تقسوا علينا الدنيا نشعر بالوحدة والحاجة لمن يحتضنا....
بس المشكلة اننا نسيب نفسنا كتير لعالم الاحلام
لاننا ببساطة .... على ارض الواقع..

العراف يقول...

كلمات جميله حلو الخزعبلات دى ههههههههههه

شفـقــة و إحســــان يقول...

الأخت العزيزة محاسن
كلماتك صادقة سلسة
تدخل القلب والعقل معا
بوست رائع ومؤثر

بس أنا ليا تعليق على العنوان
مليان شوية غموض على حبتين تشاؤم

وكمان السطرين اللي في الآخر دول
أنا بصراحة مش مقتنع إنك مش عارفة إجابة سؤالك
وكمان مش مقتنع إنك محتاجة مننا تصريح بالحب
ليه مستكترة على نفسك إنك تحبي أو تتحبي ؟؟
بحجة إنك مطلقة ؟؟
بيتهيألي إن المرأة تملك قلبها ولا يستطيع أحد أن يحجر على مشاعرها
إلا إذا كانت متزوجة فالأمر هنا يختلف

محاسن
مافيش حاجة إسمها إحساس صح وإحساس غلط
فيه حاجة إسمها تصرف صح أو غلط
أما المشاعر والأحاسيس فهي ملك صاحبها وبس

آسف للإطالة
بس الموضوع إستفزني بجد


تحياتي
إحســـان

SHAPE YOUR LIFE (ABOALI) يقول...

الجميل غايب ليه


بمناسبة عيد الام
كل سنة وانتى فى افضل حال
لو قولت امى
مش هاتبقى غربية
لاءن حواء هى امى بالفعل



تحياتى

قلب ينبض بالحب يقول...

دايما ليا راي ان المشاعر قابلة للتجدد في شخص اخر وليس في الاسنان نفسه وعلشان كده بنقدر نحب مرة واتنين وعشرة دمتي بكل الخير

فشكووول يقول...

محاسن هانم صابر
وايه المشكله لما تكون دى مشاعرك الطبيعيه ... هو انت مش انسانه ولا ايه والا انت محكوم عليكى بالموت وانت حيه .. شوفى يا بنتى .. العواطف ما هياش عيبه ولا حرام ..بس لو كانت كما امر الله ورسوله..

من حقك تحبى ومن حقك تحلمى ولك كل الحقوق

ربنا يهدى لك الحال يا بنتى ويرزقك باللى يستاهلك.
تحياتى

mahasen saber يقول...

احمد عبد المنعم.......

اخويا الكريم احمد كلامك وفكرك سديد جدا جدا

وافض واستفض كما يحلو لك لان المدونه بيتك وزى ما هو بيت اختك

منورنى ومشرفنى دايما
انا الحمدلله كسبت اخ جديد

mahasen saber يقول...

aboali.........

ابو العقل والذوق والفكر الراقى ابو على ....


ههههههههههههه ااقول ايه بئه
قول انتا وانا ااقول
نورتنى يا شاعر المشاعر فى الالفيه الجديده

mahasen saber يقول...

مجنون .......

نورتنى يا محمد وشكرا على نصيحة الرافعى دى اكيد هتفيدنى كتير كنتير يا اخينا المجنون بالشعر

mahasen saber يقول...

محمد فارس.........

اخويا الغالى محمد انتا مااساتش التعبير ولاا حاجه

وكلامك صح ابنى اكيد طبعا اول اهتماماتى امال لو مش هو اول اهتماماتى مين وايه هيكون

نورتنى يا اخويا الغالى وسلامى لملكك الصغير البرئ

mahasen saber يقول...

هانى زينهم........

طيب يا ابو ملك المعنى وصل هههههههههه ومش هحلف بالطلاق تانى ابتا ابتا

نورتنى ومنورنى وبتشرف المدونه علطول

خلى بالك من عروسة بيرو وبالراحه على ابنى شويه

mahasen saber يقول...

mano0osh.........

يا حبيبتى انتى مرورك على دماغى من فوق
ونورتينى وشرفتينى بزيارتك الجميله دى وكلامك من اجمل ما يكون

وبعدين الالقاب دى البشر اليى بيحطوها فنلغيها احنا يا منوشه يا جميله ونشطب كلمة عانس من قانون حياتنا

نورتينى يا جميله
ويا رب تشرفينى علطول البت بيتك وبيت اختك طبعا يا قمر

mahasen saber يقول...

emmy baby........

يا بيبى يا رقيقه انتى بتقولى كده عشان طبيعى كل البيبهات الملايكه يفكروا كده

منورانى يا ايمى يا حبيبتى يا غاليه

mahasen saber يقول...

ماما اموله.......

ماما اموله ده شرف ليا ان حضرتك تقولى انك نفسك تتكلمى معايا

انا اليى بجد نفسى اتكلم مع حضرتك اكتر

يا رب اشوف حضرتك فى ااقرب اجتماع مدونيين

mahasen saber يقول...

طائر الليل الحزين.....

بجد انتى اليى نورتينى وبتسعدينى بزيارتك كل مره عن المره اليى قبلها

ونقول ايه يا جميله ستات بئه وبتحس ببعضها

منورانى يا جميله

mahasen saber يقول...

حياه.......

وده دليل ان الحب طاقه مدمره يا حياه

نورتينى بزيارتك الكريمه والجميله يا جميله

mahasen saber يقول...

mohamed ghalia........

منورنى يا غالى وضبتطها انا والباشمهندس حبيبه وفق الله خطاها لما فيه خير البلوجر كله

mahasen saber يقول...

صوت من مصر........

يا مفرحنى دايما يا كروان مصر هههههههه

نورت كالعاده يا صوت المحروسه العذب

mahasen saber يقول...

صوت من مصر........

يا مفرحنى دايما يا كروان مصر هههههههه

نورت كالعاده يا صوت المحروسه العذب

mahasen saber يقول...

حاسوباتيه.....

حاسوبه الرقيقه كلامك مضبوط يا قمر وفى محله

وهو كده الانسان دايما حيران وموجوع وقلبه بياكله

نورتينى يا حبيبتى ومنورانى دايما يا غاليه

mahasen saber يقول...

ريمان...........

ربمو يعنى بتعلنى انك مش عايزه ارتباط امال بترتبطى بابنى ليه واقفه حال المحروس ضنايه ليه


والله يا ريمو بحزن لما بنت فى رقتك وجمالك وسنك الصغير ده يكون احساسها كده

والله ربنا هيعوضك خير وهتشوفى وبكره تقولى حماتى قالت

mahasen saber يقول...

smilyrose.........

سمايلى حبيبتى الغاليه واختى الجميله
انا اليى نفسى اشوفك جدا جدا وجدا كمان

وبعدين الحياه لو فاتحالى دراعاتها انا فاتحاهم ليها قبلها انا كلى امل وحياه على راى الست

منورانى يا ارق روح قلب وحب صادق

mahasen saber يقول...

م/ الحسينى لزومى.......

فعلا يا باشمهندس كلام حضرتك مضبوط

وبعدين المدونه اكيد هتابعها ويا ريت اتابعها وانا فى الخمسين وما فوق كمان

حضرتك شرفتنى بالزياره الكريمه

mahasen saber يقول...

مجموعة حياه.......

ام الميس يا غاليه انتى اليى كل شئ حلو بجد
اخبارك ايه بقالنا زمن مزرناش بعض
يا رب تكونى بالف خير وصحه وسلامه يا غاليه

نورتينى وشرفتى مدونتى بزيارتك الجميله والكريمه

mahasen saber يقول...

afew good men.........

صاحب الاجنحه المكسوره هنا يا مرحبا يا مرحبا

ههههههههههه هيا البحيره بئوا صعايده يا ادم طب من امتى قولى يا صعيدى

وبعدين دخلت الغلبان ابنى فى الموضوع المتوحش ده ليه

انا قلت انتا مشروع مجرم مبكر مش محامى

mahasen saber يقول...

شخابيط محجوب........

زيارة حضرتك الاجمل وتعليق حضرتك الارق

نورتنى يا استاذنا الغالى بالزياره الكريمه دى

mahasen saber يقول...

gharam.........


غرام البلوج كله منوره يا جميله بس انا مقصدتش ان الاحساس ده قاصر على المطلقات بس وانما هو احساس بيمر بيه اى ست وراجل مروا بتجربه ما مريره فى السابق او بيمروا بحالة تخبط وفراغعاطفى

والمطلقه ابدا ابدا ابدا عمرها ما كانت ضعيفه دى هشه بس هههههههههه بهزر طبعا

mahasen saber يقول...

sherif.......

اكيد طبعا يخسر طالما استاذنا شريف قال يخسر يبقى مفيش جدال واكيد هيخسر

كلام حضرتك صح بس ساعات كتير بيبقى الانسان متخبط المشاعر ومشوش الفكر بالتالى ليس الا

نورتنا يا استاذنا الغالى

mahasen saber يقول...

reem........

يا حبيبتى الله يكرمك انا اليى يسعدنى انى اشوفك واتعرف على روح الشخصيه الجميله دى

وصدقتى يا ريم فعلا ساعات بيبقى احتياج الانسان للحب لمجرد بس انه يحب

نورتينى يا حبيبتى وشرفتى المدونه بزيارتك الرقيقه زى قلبك يا جميله

وانا نفسى اشوفك اكتر

mahasen saber يقول...

مصطفى ريان........

ربنا يكرمك يا د
رش منورنى يا اديبنا الكبير

ويا رب تكون بالف خير وسلام دايما

mahasen saber يقول...

الشموع البيضاء.......

الشموع البيضاء محلله البوست وبتتكلم عنه صح

نورتينى ايتها الشموع الرقيقه وبجد اسعدتنى الزباره جدا جدا وفوق الوصف كمان

اهلا اهلا وسهلا

mahasen saber يقول...

شمس النهار........

لا يا شموسه مفيش اى حاجه كله تمام
بس الاحساس ده مريت بيه زمان مش دلوقت بس قلت انزل البوست والشعر ده لانى حاساه قوى قوى وحاسه ان كتير بيمروا بحالات من النوعيه دى

نورتينى يا شموستنا الدافئه

سمكه واحده يقول...

ايه الحلاوه دي
يارت ترجع زمان والناس تحب علي نفسها وتتهد شويه من المشاكل مهو لو كل واحد حب هيفضل سرحان مش هيفكر في حاجه مؤذيه لا سمح الله

كلامك جميل يا سنسنه وربنا يسعد ايامك
بجد كلام حلو ومش محتاجه تبرري ايتها حاجه ولا محتاجه سيبك انت يا جميل
انتي فينك غيبه بقالك فتره؟

mahasen saber يقول...

عمرو.....

وانا شايفه ان الورد دايما كلامه وتحليله للامور فى محله

نورتنا يا استاذ عمرو كزياراتك للمدونه اليى بتشرفنا دايما

mahasen saber يقول...

princess........

ساعات كتير يا برنسيستى بنستخسر فى نفسنا حاجات كتير وكاننا بنعاقبها مثلا

نورتينى يا برنسيس البلوجر كله

mahasen saber يقول...

جارة القمر........


اكيد الانسان بيركز فى خطواته القادمه يا جاره بس الانسان اليى بيعرف يحسب خطزات مشاعره اعتقد انهانسان عاقل قوى

نورتينى يا ام اسم شاعرى ويا رقيقه
بجد اسعدتنى زيارتك فوق الوصف

mahasen saber يقول...

عالم حبيب.......

ونعم بالله نورتنا يا اخونا الغالى بس يا حبيب ربنا شرع لنا ان نانس بغيرنا برضه طالما فى رضاه عز وجل

نورتنى يا حبيب ومبسوطه انى اتطمنت عليك اصلك كنت غايب فتره عن البلوجر

mahasen saber يقول...

marmar.........

مرمورتى الحبيبه اليى مدلعانى دايما ومغرقانى محبه واهتمام

ربنا يبارك فى عمرك ويبارك فى ابن اخوكى ده جميل جميل ربنا يبارك فى عمره

وحشتينى جدا يا جميله
يا رب تكونى بالف خير

mahasen saber يقول...

ahmed 3allam.........

احمد باشا علام بيه منورنى يا علام افندى اخبارك ايه

بع الشر عليك من الزعل وانشاله اتشك فى عناويين مواضيعى ولاا تزعل ابدا يا علام يا اخويا انا استجرا ازعلك

mahasen saber يقول...

اكون او لا اكون.........

كونتى الحبيبه وحشتينى جدا جدا جدا

لاخبارك ايه يا رب تكونى بالف خير

وبالنسبه لان البوست عاجبك كلماته كده هقولك اى حاجه بكتبها متجيش جنب ابداعك حاجه يا جميله

وحشتينى فعلا ونفسى نتكلم قريب كتير

mahasen saber يقول...

من غير عنوان........

ادام الله على حضرتك نعمة الذوق والرقه

حضرتك نورتنى وشرفتنى بزيارتك الكريمه

mahasen saber يقول...

م/ الحسينى لزومى.......

اولا اهلا وسهلا بحضرتك دايما

وللمره المليون انا بقول نعامل اليهود وغيرهم زى ما الرسول الكريم عاملهم فى السلم والحرب

حضرتك بتنورنى وبتشرف المدونه دايما بزيارتك الكريمه

mahasen saber يقول...

romancy.........

اذا حضر دسوقى وشعره بطلت محاسن وشعرها الركيك

منورنى يا دسوقى وكلماتك معجونه بموهبتك يا رومانسى

mahasen saber يقول...

kalamfadey........

مهو اليى احنا بنقول فيه ده سببه الفراغ العاطفى

نورتنى يا كلام وشرفتنى بزيارتك الجميله

mahasen saber يقول...

ghorbty.........

يا حبيبتى ربنا يكرمك ويسعدك على ذوقك

ونورتينى يا غربه بزيارتك الرقيقه زيك

mahasen saber يقول...

nabil........

اخويا الصغير الباشمهندس نبيل صاحب فوح الياسمين

منورنى يا نبيل

وكلماتك الجميله دى امتعتنى دمت مبدع يا باشمهندس يا بلدياتى

mahasen saber يقول...

abo sho sho.......

دايما اعجز قدام تعليقك يا ياسر ومعرفش اعلق وااقول ايه او ارد عليك ازاى

ودايما نظرتك ليا اكبر من حجمى واكتر من حقى بكتير بكتير

مش هعرف ارد ولاا ااقول حاجه غير ادعيلك بظهر الغيب

وربنا يباركلك فى ملايكتك وميحرمهمش منك ولاا من مامتهم

والشعر طبعا اجمل من الكلاكيع اليى انا كاتباها بكتير

mahasen saber يقول...

عاشقة الرومانسيه........

انظر من يتكلم طبعا عاشقة الرومانسيه لازم تقول كده ولو قالت غير كده متبقاش هيا ويبقى حد تانى بيتكلم

نورتينى يا جميله يا ام مشاعر حلوه

mahasen saber يقول...

ريمان..........

ريمو الملاك حبيبتى اليى اعتمدت على حيطه مايله
ِ
الموقع يا ريمو فى اخر البلوج يعنى هتلاقيه فى اخر الصفحه الرئيسيه لانى مش عارفه اللينك يا قمر

الا قوليلى تحبى اختار معاكى التامبلت هههههههههه فاكره طبعا ربنا يبارك فى عمرك وروحك الجميله يا ارق البشر قاطبتا

mahasen saber يقول...

قوس قزح..........

دوللى اختار ايه يا داليا مفيش حاجه اصلا متاحه على الساحه عشان اختار دى مجرد خواطر وبس وطبعا للاسف يعنى لو فيه هكره هههههههههههههه

منورانى يا جميله
عارفه كل ما افتكر انى دخلت حمام غلط وانتى دخلتى حمام صح افطس على نفسى من الضحك

mahasen saber يقول...

بنت الغربه........

يا حبيبة قلبى انتى فى بيت اختك تزوريه وتزوريها وقت ما تحبى وبمزاجكك يا قمر
وبعدين مفيش زعل بين الاخوات والاحبه ابدا ابدا ان شاء الله كفايه عليكى غربتك يا حبيبتى

اما كلامك فصح طبعا بس بيفضل شئ مهم اننا لازم نعيش الحياه ونخوضها تانى بس بناخد من تجاربنا خبره كبيره ليس الا

ربنا يصلح لها الحال ويسعدها ويسعدك ويسعد الجميع

نورتينى يا حبيبتى وشرفتينى بزيارتك يا اختى الحبيبه

mahasen saber يقول...

فاتيما........

انا نص قلبك التانى انتى يا طمطم قلبى كله يا حبيبتى وربنا عالم طالعه من قلبى المعصور عليكى

يا حبيبتى يا ارق خلق الله واطيبهم على الاطلاق ربنا يطمنك على قرة عينك يا فاتيما يا رب

يا حبيبة قلبى والله وحشانى وحشانى وحشانى ونفسى دايما ابقى مطمنه عليكى
يا رب ربنا يصلحلك الحال يا ملاك يا طيبه يا احن ام فى الدنيا

طمطم والله اليى كاتباه محض افكار وخواطر ليس الا بس انا كاتبه الشعر دهمن زمان من حوالى تلات سنيين فممكن يكون فى بداية مشاكلى حصلى كده او فى دوامتها

بس يا ملاك بالنسبه لليى حصل معاكى هو الخسران وللابد طبعا اصله اكيد مكنش فيه خير ليكى ولاا كان هيعرف يقدرك فربنا صرفه بعيد عنك

ربنا يرزقك باليى يستاهل تراب رجليكى يا غاليه يا توائم قلبى يا ملاك

mahasen saber يقول...

barbie girl.......

يا حبيبتى يا باربى مرحبا بالاحاسيس كلها سواء اليى بتتفهم صح او اليى بتتفهم غلط

ومنورانى يا جميله عارفه يا باربى دايما اسمك بيفكرنى بفريق اكوا يمكن لان ليهم اغنيه بالاسم ده

mahasen saber يقول...

zika.......

زيكا زيكا زيكا المخرج القادم


وعجبنى كلامك قوى يا زيكا يا فنان

منورنى يا اخويا الغالى والصغير طبعا

غير معرف يقول...

يشرفنى ان ادعوك لحضور حفل توقيع أول كتاب لى فى عالم الادب " لست الا بعض الاوراق" والذى يقام باذن الله يوم الاحد 5 ابريل 2009

المكان : مكتبة ديوان بمصر الجديدة
العنوان : 105 شارع ابو بكر الصديق مصر الجديدة – مقابل نادى ضباط الجلاء بمصر الجديدة
التاريخ : الاحد 5 ابريل 2009
الميعاد : 7 مساءا

فى انتظار تشريفك

mahasen saber يقول...

فتاه ضائعه فى زمن الاوهام والاحلام...

ليه كده بس مالك يا حبيبتى ليه بس الاحباط اليى بتعانيه ده

شوفى هقولك على حاجه ودهعن تجربه مش بيقولوا ياما دقت على الراس طبول لما تدق ارقصيلها والله بتكلم بجد فشويه بشويه هتبطل تدق

ربنا يصلحلك الحال ويسعدك ويشرح لكى صدرك

وااقول امين

ونورتينى واسعدتينى بزيارتك الكريمه يا جميلهتى يا شقيقة القلب يا نونتى

mahasen saber يقول...

elsha3er.........

اكيد طبعا يا شاعر يعنى فيه حد يقدر يقول غير كده

بس منورنى يا احمد وقلى اخر اخبار المجله ايه يا رب خير

mahasen saber يقول...

elsha3er.........

اكيد طبعا يا شاعر يعنى فيه حد يقدر يقول غير كده

بس منورنى يا احمد وقلى اخر اخبار المجله ايه يا رب خير

mahasen saber يقول...

همس الاحباب.......

استاذنا العزيز خالد اى احاسيس صادقه بتبقى جميله ورائعه زى اخلاق حضرتك الدمثه كده

نورتنى وشرفتنى بزيارة حضرتك الكريمه

mahasen saber يقول...

ا سماء جمعه بنت الشمس........

سمسم الجميله منورانى يا حبيبتى اخبارك ايه يا جميله يا رب تكونى بالف خير

وبعدين شكلنا بنمر بحاجه حلوه ولاا ايه

قلتلك انى سالت عليكى كتير وتليفونك اتمسح من عندى كان على التليفون اليى اتفشفش

طمنينى عليكى يا حبيبتى

mahasen saber يقول...

maxbeta3zaman.........

استاذنا الغالى استاذ ماكس حضرتك نورتنى وشرفت المدونه طبعا وده شعور لازم اعبر عنه

وبعدين انا اعتقد انى سمعت الاغنيه دى قبل كده دى ديفيد بوى ممكن انا مش فاكره بالضبط برضه

يا رب احنا الاتنيين نفتكر

حضرتك نورتنى وشرفتنى جدا جدا

mahasen saber يقول...

مقهوره........

يا حبيبة قلبى ربنا ما يقهرك ابدا ويعزك قدام اى حد يفكر يقهرك او يذلك
انا سعيده انك حسيتى بالمدونه واليى فيها بس حزينه انك تكونى مقهوره او حزينه كده

ربنا يصلحلك الحال
وانتى نورتينى وشرفتينى يا حبيبتى بزيارتك الجميله والغاليه دى

mahasen saber يقول...

تامر على.......

ربنا يكرمك يا اخونا الغالى ويا رب ربنا يكرم الجميع بكل خير ان شاء الله

حضرتك نورتا واسعدتنا بزيارتك الجميله

mahasen saber يقول...

زوجه عنيده.......

هو انا ازورك ااقول برد الزياره وانتى تزورينى تقولى بتردى الزياره هو احنا هنقضيها رد ههههههههه انتى تنورى فى اى وقت يا زوجه

العنوان مش غريب قوى يعنى لانه بيعبر عن حالة مشاعر معينه

نورتينى يا زوجه واسعدتينى بزيارتك قوى

mahasen saber يقول...

حاجات عيال........

جهاد جهاد يا جهاد انتى اليى وحشتينى اكتر اكتر اكتر يا حبيبتى وبعدين انتى الارق والاجمل يا حبيبتى

انتى كنتى فين دعبسى فى التعليقات فى مدونتك وهتعرفى انى سالت عليكمى كتير
عشان بس تبطلى زعل ملوش اساس من الصحه

نورتينى يا جميله
وربنا ميجبش اى زعل خالص اصل ازعل انا

mahasen saber يقول...

كاتب مصرى.......

يا الف مرحب والف الف مليون اهلا وسهلا بكاتب المستقبل المدونه وصاحبتها افتقدوك جدا كنت غطسان فى اى محيط ادبى

وانتا وكتاباتك اليى اجمل وارقى يا صاحب الموهبه الفذه

نورتنا يا كاتبنا الغالى

mahasen saber يقول...

عالم ماريونت........

رنا يا حبيبتى براحتك يا جميله

بس انتى وحشانى اكتر وقوى كمان

ربنا يسعدلك ايامك يا رنا يا رب

mahasen saber يقول...

zainab........

حبيبتى زوزه ام اسم غالى على قلبى قوى قوى لدرجة انى كان نفسى يبقى اسمى زينب

نورتينى يا جميله
وربنا يسعدنا جميعا ويرزقنا بما نتمنى من خير

نورتينى يا زوزه يا جميله

mahasen saber يقول...

dr.mohamed ghory.........

مالك يا جوهرى انتا اتغلبت فى ماتش ملاكمه ولاا ايه حاسه انك مش طبيعى وحاجه مزعلاك

ربنا يصلح حالك روق كده وحاضر ههرى عبدالرحمن بوس ولاا تزعل نفسك

ربنا يكرمك يا محمد ويبارك فى عمرك يا دوكتور

mahasen saber يقول...

dr.mohamed ghory.........

مالك يا جوهرى انتا اتغلبت فى ماتش ملاكمه ولاا ايه حاسه انك مش طبيعى وحاجه مزعلاك

ربنا يصلح حالك روق كده وحاضر ههرى عبدالرحمن بوس ولاا تزعل نفسك

ربنا يكرمك يا محمد ويبارك فى عمرك يا دوكتور

mahasen saber يقول...

momken.........

ميجيش من بعد اشعارك يا ايها الممكن

فينك من زمان مبتكتبش حتى بوستات جديده يا رب يكون المانع خير

وبعدين سيبك انتا انتا اليى حد جامد ورائع ومبدع وانسان راقى جدا كمان

نورتنى يا ايها السهل الممكن

mahasen saber يقول...

romaysaa.......

مدونتى سعيده بزيارتك قوى قوى قوى وبعدين انا محاسن بس من غير استاذه حتى لو انتى ستاشر سنه انا اختك محاسن بس

نورتينى يا حبيبتى وشرفتينى بزيارتك الجميله واحساسك العالى يا غاليه

mahasen saber يقول...

لجين ابو الدهب.........

الله عجبنى قوى قوى قوى تعبير الريشه ده بجد جميل جدا وفكرتينى بصاحبتى اصل ليا واحده صاحبتى اسمها رشا وبدلعها دايما ريشه

نورتينى يا لجين واسعدتينى بكلامك الجميل وتعبيراتك الذيذه دى يا جمبله

mahasen saber يقول...

غروب........

حبيبتى الجميله الغاليه غروبتى الحمد لله انا وبيرو تمام يا حبيبتى انتى اليى اخبارك ايه يا رب تكونى بالف خير

بس يا غروبتلاى بلاش مجامله قال شعر قال ده شعر حلبنتيشى يعنى معدوم الوزن والقافيه والضمير هههههههههه شلفطت الشعر بتاعى

نورتينى يا حبيبتى حبيبتى حبيبتى الغاليه كمان

mahasen saber يقول...

soul000..whisper.........

سولو الحبيبه انا اهه يا قمر والحمدلله تمام بس مشاغل الدنيا والله برجع البيت انا وابنى الساعه 5 مساء كل يوم فمش بلحق اعمل اى حاجه تانيه غير الاهتمام ببيرو وده اليى ماخر زيارتى عنكم يا حبيبتى

انتى المهم كويسه يا رب تكونى بالف خير يا سولو يا رقيقه

وهو الفراغ اليى بيخلق جوانا حاجات كتير لاما وحشه لاما كويسه كل واحد حسب فراغه هههههههههه

نورتينى يا حبيبتى يا غاليه

mahasen saber يقول...

hasona........

استاذ حسونه ااقصد الحب كحب يعنى بالتدقيق الحب الناتج عن تجربه صعبه يعنى باقة المشاعر المتخبطه والمختلطه الناتجه عن تجربه ما

حضرتك نورتنى واسعدتنى زيارتك جدا جدا جدا وبتسعدنى دايما

بس ممكن اعرف ليه مدونة حضرتك مقفوله لعل السبب خير

mahasen saber يقول...

حاجات جوايا.........

سالى اختى الحبيبه والغاليه قمر دمياط بحاله
عامله انتى ايه يا حبيبتى وبوده اخباره ايه يا رب تكونوا بالف خير وسلام يا حبيبتى

بجد وحشتينى جدا جدا ونفسى ااقابلك بئه ونرغى ونتكلم كتير كتير كتير

وكل سنه وانتى اليى بالف خير وصحه وسلام يا اجمل وارق ام فى دمياط والدنيا بحالها

ربنا يباركلك فى ابنك وفى زوجك وكل من تحبين يا سالى يا رب يا حبيبتى

نورتينى وشرفتى بيت اختك وبيتك يا غاليه

mahasen saber يقول...

رؤيه........

اهلا برؤيه ثاقبة الرؤيه رايك موضوعى بشكل كبير يا رؤئه بس ده مش وحش طبعا

نورتينى يا جميله
وطولى براحتك لان كلامك ممتع فعلا

نورتينى يا حبيبتى واسعدتنى زيارتك الجميله جدا جدا جدا

mahasen saber يقول...

العراف.........

خزعبلات ماشى ماشى ماشى وسعلى جايه انتقم فى مدونتك يا بورسعيدى

بجد نورتنى اخبارك ايه بقالك فتره وبرهه وزمن مختفى لعله خير

يا رب تكون بافضل حال دايما يا عراف

mahasen saber يقول...

شفقه هانم واحسان بيه........

ياالفالف مليون اهلا وسهلا اولا واخيرا

حضرتك يا استاذ احسان نورت المدونه وشرفتنى بزيارتك الكريمه

اسفه قوى والله ان اول زياره من حضرتك لمدونتى الموضوع يستفزك
بس بالنسبه لعنوان البوست فده الوصف الطبيعى للمرحله النفسيه والعاطفيه اليى بتمر بيها الست اليى مرت بتجربه ما فاشله

اما الحب والعواطف فاعتقد نى لو بمر بمرحله من دى مش هخبيها ده انا فضيحه وهعلنها على الملا بس

حضرتك نورتنى وشرفتنى بالزياره الجميله والكريمه دى واتمنى ان مواضيعى متستفزش حضرتك تانى

فشكووول يقول...

اقترح تغيير اسم المدونه الى اسم
(ام عبد الرحمن)
متهيأ لى ان الغرض من الاسم الحالى انتفى سببه
يبقى (ام عبد الرحمن احسن)
ايه رأيك؟
تحياتى

mahasen saber يقول...

aboali.......

ابو الذوق كله الجميل ده اليى هو انا الهى ربنا ينور بصيرتك ويصلح حالك فتحت نفسى ههههههههههههه

انا بخرج من البيت 6 ونص مبرجعش الا 5 مساء انا وابنى طبعا بينهم فواصل حوالى ساعه فى البيت بس مبقدرش ااقعد كتير على الجهاز بنشغل مع ابنى ادعيلى ربنا ييسر الامور

بس شكرا شكرا من قلبى على التهنئه بعيد الام انا سعيده قوى قوى قوى انى ام

مليون الف شكر لذوقك وسؤالك الغالى يا ابو على يا ابو كرم الاخلاق كله كله كله

mahasen saber يقول...

قلب ينبض بالحب........

ودمتى بالف خير وسلام وصحه وستر

وكلامك صح المشاعر دايما متجدده بس جمالها لو تجدد وتكرس فى شخص واحد بس نجيبه منيين بئه

ربنا يسعدك نورتينى بالزياره الجميله والكريمه دى

mahasen saber يقول...

fashkoool........

عمنا الغالى والحبيب والكريم متتخيلش بحب كلمة بنتى من حضرتك قد ايه ربنا يكرم حضرتك ويبارك فى عمرك وعمر اولادك واحفادكويفرح حضرتك بكل من تحب

انا عارفه ان من حقى اعيش واعيش واعيش انا وكل ست مرت بتجربه مره تانى وتانى بس انا حاليا مفيش اى اهتمامات اخرى غير بيرو افندى سوليفان
بس يوم ما يحصل هعلنها على الملا يعنى نكدت عليكم معايا يبقى لازم افرحكم برضه معايا بس انا البوست ده قديم عندى من كذا سنه

نورتنى يا عمنا الغالى وشرفتنى بزيارتك وربنا ما يحرمنى فعلا من سؤال حضرتك عليا واليى بيسعدنى جدا جدا جدا

طوبه فضه وطوبه دهب يقول...

ربنا يكرمك ياحبيبتى ويعوض صبرك خيرك فى ابنك وتشوفيه احسن الناس اللهم امين

mahasen saber يقول...

سمكه واحده........

سمكمك سمكمك سمكمك وحشتينى وحشتينى وحشتينى يا قمر

بشتقالك كتير كتير وبالذات وانتى مقليه هههههههههه

فين انا يعنى بتسالى اسكتى اسكتى خلينى مسدوده عشان منفجرش فيكى ههههههههههه

وحشتينى يا قمر الاسكندريه والمتوسط كله مع انى زعلانه برضه
شفتى استعباطى عليكى ..من حبى بس..

mahasen saber يقول...

ا/احمد عبد المنعم........

حاضر دعوه مقبوله يا اخونا الكريم

وتعيشى وتهادى الست الوالده ربنا يباركلك فى عمرها

mahasen saber يقول...

shrief........

استاذنا الراقى والعالى الفكر جداجدا استاذ شريف
ده هيبقى يوم عيد لينا كلنا وفرحه لينا كلنا مش لحضرتك بس

هنتشرف بحضور توقيع الكتاب وهيحصلنا السعاده كمان

ربنا يوفق حضرتك دايما ان شاء الله

mahasen saber يقول...

beram elmasrey.........

استاذنا العزيز بيرم المصرى كل سنه وزوجة حضرتك ووالدة حضرتك وكل من تحب بالف خير وسلام

والف مليون شكر للفتة حضرتك الكريمه دى

كل لحظه وحضرتك بالف خير وصحه وسلام

mahasen saber يقول...

fashkool..........

حضرتك بتقلى نقطة ضعفى يعنى هههههههههه طب ايه قول حضرتك ان عبدالرحمن نفسه عاجبه عايزه اتطلق و ههههههههههه
واد مناضل زى والدته

كل عيدام وزوجة حضرتك ووالدة حضرتك بالف خير وصحه وسلام

mahasen saber يقول...

طوبه ذهب وطوبه فضه........

يا حبيبة قلبى ربنا يكرمك على دعوتك الجميله دى

ويسعدك ويهنيكى بكل من تحبين
اللهم امين

نورتينى يا حبيبتى يا غاليه

hasona يقول...

السلام عليكم

mahasen saber

حبيت أنوه أني لست مدون ولا أملك مدونة
لكني أحب القراءة
لذلك أتابع القراءة الحية (المدونات ) من آن لأخر
واذا حبيت أن أضيف تعليق-أكتب اميلي(علي جوجل) واكتب ما يجول بخاطري وأرسله

والمفاجأة أني ما أعرفش مين حسونة اللي بيظهر ده-لأن أسمي محمد
احتمال أكبر انه عيب من الموقع نفسه
مع ذلك وجدت انها لن تفرق كثيرا

تحت أي أسم
،،،
شكرا لك كتير
لكن علي الاقل عرفت انك زورتيني وانا ماكنتش موجود-الباب مفتوح دائما

المحاولة لا تندرج تحت جناحي النجاح أو الفشل -لكنها تعني الاصرار والامل

بصراحة مافيش وقت لأكون صاحب مدونة ودي مسئولية كبيرة

وفي نفس الوقت مش أحب أنافق أحدا أو حد يجاملني أو يهاجمني

ما أقوله من القلب الي القلب

وسأُتابع قدر الامكان

بأعتبر نفسي عابر سبيل

وأتمني أن تراجعي (أو تغيري) الاسم الظاهر لمدونتك لكي لا تعتبر دعوة مطلقة للطلاق

تحياتي لك وشكرا

هذا تعليق مكرر

mahasen saber يقول...

كلام على بلاطه.......

اهلا وسهلا بحضرتك

mahasen saber يقول...

hasona..........

يعنى حضرتك متابع للتدوين ده شرف كبير لينا ان يبقى فيه حد بيتابع كتابتنا وبيهتم بانه يحط رايه الفاضل عليها

نورت البلوجر بحاله وشرفتنا جدا جدا وشرفتنى بالذات واسعدتنى وبتسعدنى بزيارتك الكريمه جدا جدا جدا

وعلى فكره اسم حسونه ظريف وخفيف الظل جدا جدا والنطق كمان

نورتنا يا استاذ محمد ويا رب تلاقى وقت وتزورنا وتسعدنا بالزياره علطول

غير معرف يقول...

وحتى لو مريتى بيها
انتى انسانة وبشر
وربنا خالقنا كدة
مش احنا اللى بنولد الأحاسيس والمشاعر جوانا بالعكس دة هيا بتيجى كدة

كلامك جميل اوى يا ام بيرو

mahasen saber يقول...

بلاش فضايح.........

منورانى يا نونتى يا جميله

وبعدين ما الكلام ده مكتوب على ايدك هننكر ونعمل نفسنا بنعرف بعض لاول مره

طب اخبار دودوا ايه

منورانى يا جميل

غير معرف يقول...

المدونة منورة بصاحبتها طبعا
دودو تمام وبتسلم عليكى

ربنا يوفقك يا قمر تستاهلى كل خير والله

mahasen saber يقول...

nona..........

والله اليى يستاهل الخير انتوا يا ولاد الناس الطيبين المحترمين

ربنا يبارك فيكوا ونفضل اخوات كده علطول

وبلاش فضايح منوره بصاحبتها

mahasen saber يقول...
أزال المؤلف هذا التعليق.