السبت، 26 يوليو 2008

عايزين يتجوزوا

بنات كتير ده كل بنات الدنيا هيموتوا ويتجوزواوده احساس طبيعى وفطرة البشريه ونادرا لما تلاقى بنت مش عايزه تتجوز.
انما الشئ الغالب ان معظمهن ده لو مش كلهن بعد الجواز هيموتوا برده ويتطلقوا وده طبعا من اليى
بيشوفوه يعنى شوية ضرب على شتيمه على كبت عاطفى ونفسى على رمى المسئوليه بكاملها
على دماغها ودماغ اهلها على طغط من اهله واهلها برضه ما هى ملطشه (الست اليى بايداها تصلح حياتها وبايداها تخربها..اصل فيه واحده فى الدنيا عايزه بيتها يتخرب)..الست بايداها تصلح حال جوزها ..واخدين بالكوا اصلها مصلح اجتماعى..
الست تقدر وتقدر وتقدرده على اساس ان الراجل بيبى طفل ومش بيقدر على حاجه ) وهو فعلا مش بيقدر غير فى طولة اللسان والايد والرجل..وقصر الطيبه والاحتواء وحاجات تانيه


اهه بعد الضغوط دى ودى يادوب عينه من قاموس معاناة المراه فى المجتمع المتعصب على دماغى ودماغها..
هتلاقيهم طبيعى عايزين يتطلقوا...
على فكره الطلاق مش امله..بالعكس ده من اسوا الحاجات اليى ممكن يتعرضلها راجل او ست
فى الدنيا لان كله حرمان سواء حرمان عاطفى او معنوى او مادى من الاخر مفيش حاجه تساوى حضن راجل بس لو
بس لو الراجل ده وحضنه يستاهل وانتوا عارفين يعنى ايه يستاهل ..يعنى على بلاطه ومن غير فذلكه...يتقى ربنا فيكى..

ساعتها بس مااعتقدش ان حد هيبقا عايز يتطلق......

هناك 20 تعليقًا:

dodda يقول...

من واقع وجهة النظر اللى طرحتيها
شايفه انك اتعذبتى
ومع انى ينت وست وامرأه وانثى ومش عندى الاحساس بالاضطهاد ده خالص..الحمد لله
والنسبه اللى قولتى انها عايزه تتطلق مبالغ فيها جدا..
مطلوب من البنات التأنى وحسن الاختيار والصبرفى حالة ما كان الزوج مختلف عنها
اما اذا كان همتك تجاوز فان لها مطلق الحريه ان تصبر على الابتلاء فتؤجر او الطلاق الذى تحدثتى عن مساؤه
ارجو ان يكون اللجوء لله اكثر والتصالح مع النفس اكبر
فيكون الحكم من منطلق اعم واشمل
اما عن كلام الاهل..وما تسميه ضغوط
فهو ما قال الله عنه اصلاح
وهو ليس بعيد عن الصحه..فوالله المرأ÷ اقدر على كل ذلك ان كانت حكيمه وعاقله تكظم غيظها ...فقد خلقها الله لتكون له سكن
اسأل الله ان يصلح حالك ويهديك للخير

mahasen saber يقول...

الخت الفاضله دعاء قوليلى ازاى تتجسد حكمة المراه قدام راجل بيرفع عليها سكينه المطبخ ولا ابسط الامور لو مد ايده عليها وضربها بيسيبها سايحه فى دمها ويطلع يجرى عشان متعملوش محضر ولا يوم ما تصبر زى ما بتقولى على امل التغيير تلاقى جنونه وسوداويته وساديته وصلت للحاجه الوحيده اليى طلعت بيها من الدنيا ابنها ...مع احترامى ليكى اليى بيعوم فى المايه مش زى اليى مرمى فى النار انا لسه شايفه التعليق وحزنت ان لسه ست بتحمل ست المسئوليه بالشكل ده ومش لازم الواحد يعرى نفسه والامه ومخاوفه عشان يوضح وضعه هناك الاحساس ان الانسانه دى او غيرها مش هتوصل تقول انا عايزه اتطلق اعتباطا ...وشكرا ..فى رعاية الله وامنه..

أحمد (زوج مخنوق ). يقول...

طب و لو ست هي اللى رفعت سكينة المطبخ على جوزها ؟؟؟
و لا لما تتخانق معاه تروح متصلة باهلها يجوله و اختها تكسر قزازة و ترفع على جوزها رقبة القزازة ؟؟
الست دي يتعاش معاها ازاي ؟؟

mahasen saber يقول...

زوج مخنوق..
تحياتى ليك وربنا يفك خنقتك بالطريقه دى اتعدم التفاهم والموده والرحمه اتمسحوا باستيخه فلو مفيش تفاهم بما يرضى الله بينكوا ان حياتكوا تبقى ليكوا بحلوها ومرها من غير ما اى طرف يهين التانى سبا او ضربا اعتقد يبقى التسريح باحسان افضل للطرفين بس حاولوا مع بعض مره واتنين والف مره لعل وعسى انما الامان لو راح مره ممكن عشان البيت والاولاد نرجعه تانى وتالت انما لو انعدم خلاص مفيش مفر من ..ربنا يفك كربك على خير انما حاول وبعدين انا عذراك عارفه ان زى ما فيه رجاله لا تحتمل فيه ستات لا تطاق ...ربنا يهديكوا لبعض ويزرع الحب والطمانينه بينكوا ويبعد عنكوا شياطين الانس والجن اللهم امين ...نورتنى واحزنتنى علشانك ورجاء تطمنى على حالك وان شاء الله يبقى خير..فى رعاية الله وامنه..

غير معرف يقول...

مدونة جميلة وجهد واضح وعمل جميل ..أتمنى لك التوفيق والسدادد

mahasen saber يقول...

غير معروف....
جزاك الله كل خير على كلامك مع انى كنت اتمنا انى تتشرف بمعرفت حضرتك
بس اعتقد انى عرفت حضرتك
بس حضرتك اكثر الغير معروفين دماثة خلق
وده لان لو حضرتك مدون هتعرف قد ايه متعبين الغير معروفين
مره تانيه شاكر لحضرتك ذوقك وكرم اخلاقك وده اكيد مش غريب على حضرتك

غير معرف يقول...

عزيزتى المدونة الرائعة جدا الأستاذة محاسن أشكرك كثيرا على هذه المجاملة الرقيقة وأتفق مع سيادتك فى وجهة النظر التى تطرحينها تجاه الرجال ولكن التعميم فى مثل هذه الأمور كثيرا مايجانبة الصواب فهناك الكثير من الرجال فى ظل الظروف التى نعايشها يتمنى ولو كلمة بسيطة من شريكة حياته التى هى فى معظم الأوقات يعلو التعبيس على وجهها وكأنه قفل ضاع مفتاحه وليل غاب صباحه ،ويتمنى أن يجد المفتاح ويطلع على ليل وجهها الصباح..وتصبحيين كل خير ..وإن شاء الله إلى لقاء آخر.وسلامى الكبير جداااا إلى مدون المستقبل الصاعدالواعد عبدالرحمن..

mahasen saber يقول...

استاذى الراق الغير معروف....

شاكره اهتمام حضرتك بمدونتى وده شرف بيزيدها وبيجملها
.....
اما الزوجات فهما ماتور الحياه الزوجيه وبيور فى فلك اهتمامات جمه من اهتمام بالبيت والاولاد والشغل والزوج فاذا عطل الماتور شويه فعلى الزوج اصلاحه مش الضجر منه لانه الحياه الزوجيه متستقمش من غيره
.......
حضرتك نورتنى وزينت المدونه بقدومك...

زوجة بتحب ومش محبوبة يقول...

للاسف الست هي اللى بتتحمل كل حاجة وتقول علشان خاطر ولادي ليه هو مايقولش كدة فين الرحمة والسكينة اللي قال عليها ربنا والرسول عليه الصلاة والسلامانا الحمد لله جوزي مش وحش او بمعنى اصح احسن الموجودين على الاقل مش بيمد ايده عليا ولا بيشتمني مفيش ايذاء جسدي و الحمد لله بس فيه برده ايذاء نفسي لما الست تحس ان جوزها مش خايف عليها اهم حاجة طلباته وبس وهي تتحرق بجاز
فين الامان اللي لبنت متجوزة علشان تلاقيه مع اللي بتحبه انتو عارفين انا متجوزة جوزي عن حب
ولينا 4 سنين متجوزين بس حياتي بقت عذاب قربت اكرهه كل حاجة عاوزها بالخناق علشان اشتري حاجات لابني بالخناق علشان اخد مصروف ليه بالخناق يقولي اجيب منين كنت الاول بشفق عليه وكنت اخد الفلوس اللي انا محتاجاها من بابابس بعد كده لقيته بيجيب لامه ويصرف على اخواته برغم ان هم مش محتاجين طبعا بقيت خلاص مفيش شفقة عليه لان الفلوس بتطلع لاهله لكن مراته وابنه لا يبقى احساسي ايه لما جوزي يبخل عليا انا وابنه
تخيلوا بيديني كام في الشهر مصروفي الشخصي اللي المف5روض اصرف منه وادخر منه 25 جنيه انا كنت متخيلة اني هعيش في نفس المستوى اللي كنت فيه في بيت بابا انا مكنتش مرفهة قوي في بيت بابا بس على الاقل مصروفي كان بيكفيني و بيزيد منه كمان انا اتمنيت انا لو مكنتش اتجوزت كان اكرملي انا حاسة اني خدامة في بيته وياريت باجر حتى لو كلمة تقدير او شكر ربنا يهديهم ويصبرنا على ما بلانا

بنوته يقول...

ليه كدا محاسن انتى كدا خوفتينا من الجواز وخصوصا انا بحبك خطيبى بقالى تسع سنين وخايفه ليطلع زى جوزك معدش عندى امان فى الرجاله

Unknown يقول...

انا رايى ان الراجل اللى زوجته تطلب الطلاق مرة واتنين وتلاته - وهو متمسك بيهايبقى عامل زى الطفل الصفير الانانى كمان- ولو اعترض وقال : انا راجل - طيب ومن الرجولة انه يحبس حرية انسانة كل اللى عملته فى حياتها انها حبته فى يوم من الايام - طيب حاولت وفشلت - خلاص بقى - اعتقها لوجه الله - ارحمها يربنا يرحمك - خللى عندك دم واحساس - دور على حد يفهمك - طيب تحب تتمسك بيها وانت عارف انها مش بتحبك -يعنى تعذبها وتتعذب معاها انت كمان - طيب ايه مبررك - طيب تحب هى تخلعك والناس تشاور عليك وتقول المخلوع اهوه المخلوع اهوه -ياراجل يامخلول

غير معرف يقول...

بمناسبة الخلع انا من الزوجات اللى عانوا لمدة عشرين سنه من البخل وطولة الايد واللسان حتى وصلت لمرحله الانهيار اصبحت لا استطيع النوم الا بالمهدئات والاهل والاصدقاء ليس عندهم شئ يقدموه الا كلمة الصبر حتى فاض بى وتركت البيت وابتدات حياتى من الصفر بدون بيت او مال وظللت اطلب الطلاق لمدة 6سنوات وهو يرفض البخل حتى فى ابسط الحقوق واخر الامر لجات للخلع اللى استمر لمدة سنتين بهدله فى المحاكم وعند حصولى عليه ابتداحرب اخرى علي وهوانه كره الاولاد فى بكل الوسائل الممكنه لديه...هذا الرجل الذى طلب فى امحكمة الاسرة مبلغ اربعين الف جنيه حتى يوافق على الطلاق مع الابراء كل كلامه قال الله وقال الرسول___ياترى ايه راى بنى جنسه--ورأى اصحاب نظرية الصبر حتى تؤجر

Aymanasu يقول...

أري أن الموضوع فيه مبالغة من جهتين
أولا المعاملة الحسنة أو السيئة نجدها من الطرفين
فليست كل النساء ضعيفات مجبورات مقهورات ولا كل الرجال أنبياء و صالحين

فمن الخطأ التعميم أولا

ولكن لننتقل للنقطة الأهم

فلنرجع للوراء قليلا

هل أدرك الشاب والشابة (المتزوجين حاليا أو سابقا) ما هو الزواج ؟
هل تعلم الشاب كيف يختار زوجته ؟ وهل سمعت هي أيضا شيئا عن ذلك ؟
هل مر علي أحدهم كتاب خاص بالزواج و السعادة الزوجية ؟

هل الحياة الزوجية السعيدة شئ تافه لهذه الدرجة ؟
هل معاملة الطرف الأخير شئ هين للدرجة أم هو شئ فطري أم ماذا ؟


طبعا فترة الخطبة تمر بين الهدايا و الزيارات و عبارات الحب الرنانة المنقولة من أشهر الأفلام الرومانسية

إذاً فالمشكلة لدي الطرفين معاً (الزوج و الزوجة)
وذلك لجهلهما أو تجاهلهما لهذا الكلام بحجة أنه كلام نظري و مثالي وغير قابل للتطبيق

فلا حرج أن أضحك ويضحك الناس من شاب(ـة)عابث(ـة) تريد السعادة الزوجية و قد بدأت حياتها بتلك العبثية

فقانون الحياة لن يحمي هؤلاء المغفلين أبداً

mahasen saber يقول...

زوجه بتحب ومش محبوبه.....

يا حبيبتى انتى بتتكلمى فى نقطه مهمه جدا وهيا بخل الزوج على بيته او بالاصح استخساره فى مراته وابنه ودى مشكله عويصه وبتجرح لان فعلا مبتحسسش الزوجه بالامان مع زوجها

عارفه هقلك حاجه عن تجربه بالصبر فعلا كل شئ بيتحسن
وربنا هيكرمك انا حاسه وجوزك هيتغير للاحسن بكتير ده اليى انا بتمناه ليكى من قلبى

تعليقك وزيارتك اسهدتنى جدا جدا وشرفتنى كمان

ربنا يخفف عنك وبكرمك ويسعدك انتى وابنك وزوجك

mahasen saber يقول...

بنوته .........

لا ليه يا حبيبتى بتقولى كدا الرجاله مش كلهم وحشيين ولاا الستات اغلبهم ملايكه

الانسان وحش او حلو بترجع لطبيعة الانسان نفسه وتركيبه مش عشان هو راجل او ست

ربنا يكرمك فى خطيبك ويسعدكوا ويكون ليكى كما تتمنى واكثر

نورتينى يا بنوته يا جميله

بس خطوبة ايه اليى بتفضل تسع سنيين دى
ده انتوا كدا عشرة عمر..ربنا يسعدكوا

mahasen saber يقول...

سامى البلشى.....

اولا نورتنى يا فنان يا رائع
وثانيا كلامك صح وكأن صوت المنطق بيتكلم
بس للاسف الشديد اغلب الرجاله تفكيرهم فى اللحظه دى مبيبقاش كدا
وده اليى مخلى محكمة الاسره مكتظه بملايين من الستات والرجاله على حد سواء

mahasen saber يقول...

غير معرف .........

لا حول ولاا قوة الا بالله عارفه للاسف الدين بئا عند الناس منظر وواحد زى ده هيحاسب مليون مره عن ما ارتكبه فى حقك وحق اولاده وحق الدين اليى بيتمنظر بيه

انتى انسانه شجاعه غيرك كتير مبيقدرش ياخد القرار ده مع نفسه

وصدقينى ربنا هيكرمك زى ما كرمك بأنك خلصتى من اسمه المربوط فى رقبتك

واولادك صدقينى مفيش ولد ولاا بنت بيكره امه عاطفة الام واولادها اكبر من اى وقيعه وكلام يتقال لهم
حاولى بس تتقربى ليهم وتشرحيلهم وجهة نظرك والدافع لكدا

ربنا يصلحلك حالك ويحنن قلب اولادك عليكى

ارجو انك تطمنينى عليكى وده رجاء من احت ارجوكى ارجوكى طمنينى عليكى وعلى احوالك

mahasen saber يقول...

ayman.......

اولا اهلا وسهلا بيك وبوجهة نظرك اليى فى الغالب سبيمه بس نستسنى لو سمحت كلمة مغفليين لانه لفظ لا يليق لا براجل ولاا ست

بس شكلك يا استاذ ايمن لسه متجوزتش
شوف الحياه الزوجيه شئ تانى وعارف مفيش ست بتهرب للطلاق من جوزها الا للضروره القصوى وده الغالب
ومفيش راجل بيطلق برضه الا للضروره القصوى برضه
وما بين ده وده بيفضل الاستسنائات

شكرا على زيارتك الكريمه وتعليقك اليى بيفتح نقاشات كتير

Unknown يقول...

صراحة أنا مش من البنات يلي بتتكنى الجواز لإني ما بميل للرجل عاطفيا ولا جسديا ..
وبحمد ربي فعلا إني كدة وراضية باللي انكتب
لكن فعلا كلامك صحيح اللي ايده بالمية غير عن يلي بالنار

اغلب البنات لما تقوليلهم هاكلام بينكروا .. يعني مستحيل يقتنعوا إنه الفارس دة وهم ومافيش احلام وردية خالص .. لكن بعد الجواز بتشوف بعينها وبتتندم

ده كله واقع
انا بحييكي لإنك صادقة مع نفسك ومع القراء والمعلقين

بحييكي على وقفتك .. ربنا يفرجها عليكي
امييييييييين يارب

mahasen saber يقول...

rawan....

بشكرك على ذوقك ورايك الغالى ده وسام على راسى بجد

التعليق من 2009 واسفه لسه شايفاه ... اتمنى يكون المولى عز وجل اسبغ عليكى من نعمه واتم عليكى السعاده والرضا

خالص مودتى وحبى وتقديرى يا روان الغاليه