تحديث تحديث خلاص انا بقيت عكس زعلانه......
اولا ربنا يبارك فى اعماركوا على ارائكم الجميله اليى قريتها فى التعليقات ايهاالاخوه والاخوات فعلا ربنا كرمه كبير وبيعوض الانسان بحب فى الله عنده اهم من حاجات كتير فى الدنيا فمش عارفه ااقولكم ايه ولاا اشكركم ازاى غير انى ادعيلكم بظهرالغيب دعوه دعوه لكل فرد فيكوا
ثانيا بئه ..وكمان مره ثانيا بئه... انا مبقتش زعلانه اصل احمد مهنى اتصل بيا يبررلى ما حصل وطبعا انا من مجرد ما قال الو انا احمد مهنى وانا خلاص ولاا كأنى كنت مئموصه ولاا زعلانه ولاا اى حاجه تزعل اصلا مهنى بررلى وبررلى وطبعا شعللنى وشعللنى من ناحية احمد سلامه وابسط حاجه وصانى بيها انى اخنئه يا عينى عليك يا غلبان يا سلامه انا طبعا قلتله مش هتفرق اهه دكتور وهيعرف يعالج نفسه ....بجد انا مجرد ما بس سمعت احمد بيقول انا احمد مهنى وانا ولاا كأنى كنت واخده على خاطرى ولاا غيره وكأن اخويا اتصل بيا يطمن عليا مثلا وبعدين هو بررلى وقالى انه داخ على رقم تليفونى وان احمد كان عيان فتره طويله وان وان وان وبخلاف اى ان يكفى انه اتصل وبررلى وجبسلى خاطرى يعنى جبر بخاطرى كده وطبعا بستفنى وقالى بئه انا اتكلم عليكى فى صباحك سكر زياده وانتى تزعلى قلته ده اولى انى ازعل بتجيب فى سيرتى ليه ..طبعا بغتت.. انا طبعا هتجنن واروح حفلة التوقيع عشان اشوف كل المدونات اليى بموت فيهم وبكنلهم كل احترام ومحبه بس طبعا حظى ااقل ما يوصف انه زى وشى وحدث ولاا حرج يعنى عندى مشاغل ومشاكل صغننه كده الاسبوع ده وكلها تدور فى فلك بيرو افندى سوليفان وحضانته وباص حضانته فمش هقدر ااجل حلها ولاا هعرف اروح الحفله بس هتابعها اكيد ان شاء الله..
ااحمد سلامه واحمد مهنى يعنى الاحمدين اليى اسمهم على اسم اخويا انتوا زى اخويا فعلا وانا مش زعلانه بتاتا انا زعلى كان من ايه زى ما قلت واخدت على خاطرى لانى بحترمكوا وبعزكوا جدا وكنت ومازلت بقول عليكوا ولاد طيبين ومحترمين وغلابه ..على فكره غلابه مش شتيمه دى يعنى طيبين قوى وعلى الفطره..
المهم انا فرحانه بتليفونك يا مهنى ونشمر بئه ونسلم على سلامه طبعا بالضرب..احمد عقابه انه يتحرم من القهوه ده العذاب المناسب ليه
شكرا يا جماعه على كل اليى تعاون فى البوست ده فى ترميم معنوياتى وفى رعاية الله ااقوم اصلى الفجر بئه واسفه على التاخير فى التحديث انشغلت مع بيرو كالعاده نمت وانا بنيمه
مش عايزه اكون زى اليى بيضرب كرسى فى كلوب فرح انما انا هتكلم مع اخواتى وعايزه رايهم هل انا مزوداها ولاا وجهة نظرى صح وزعلى فى محله
كتاب انا انثى..الموضوع متعلق بيه انا اتبعتلى ميل من احمد سلامه وكان بيقلى ان المسئولين عن الكتاب عاملين فكرة العدد الجاى من الكتاب عن الستات وقضاياهم وانهم عايزين بوست من مدونتى ينزل فيه وانه هيزعل لو قلت لا انا احمد بحترمه جدا جدا برغم انى مشفتوش غير مره واحده فى مدونى الشرقيه وعليها بعتله رد على ميله وقلتله موافقه هو كان قالى انه رشح بوست ثغرات قوانيين الاسره لحد كده تمام انما الغير تمام خالص معايا ان بعد ما قلت موافقه لا حس ولاا خبر فقلت يمكن فكره واتلغت وطنشت انما بئه مربط الفرس كما يقال واليى زعلنى ودايقنى وبالأحرى جرحنى انى اعرف بالصدفه البحته ان الكتاب نزل واتحددله معاد حفلة توقيع فى معرض الكتاب طب ازاى افهم انا قدرتكوا وبعت وقلت موافقه ااقل شئ انه يتبعت يتقالى بوست ايه اليى اخترتوه البوست نزل كامل ولاا متمنتج ومتشال منه يتبعت يتقالى معاد حفلة التوقيع ده ميل مبياخدش ساعات فى بعتانه ...انتوا طلبتوا بمنتهى الذوق وانا رديت عليكوا بنفس الذوق وقدرتكوا يبقى اولى ان سلسلة الذوق تكمل يا جماعه تبعتوا تعرفونى ايه من مدونتى اخترتوه تبعتوا تعرفونى نزل ازاى كامل ولاا غير تتعطفوا وتعرفونى بمعاد حفلة التوقيع مش خلاص اختوا الموافقه فخلاص التقدير لا يقابل الا بتقدير مش باهمال وتجاهل ومسح اى ذوقيات انا اعتبرونى عيله بس الحاجات الصغيره دى بتفرق معايا قوى قوى وهو ايه اصلا اليى بين البشر غير المعامله..
وحاجه تانيه لقيت فى اعلان الكتاب فى المدونات اسمى نازل محاسن بس لو سمحتوا شيلوا محاسن وحطوا صابر لان اسمى ملوش اى لازمه ولاا قيمه من غير اسم والدى الله يرحمه انا مبعترفش باسمى الا مزينه اسم ابويا الله يرحمه
انا اسفه لو كلامى ممكن يدايق حد بس دى النقط اليى انا اخدتها ونقطتنى وزعلتنى وبالأحرى جرحتنى
اعتبرونى عبيطه خفيفه مغلوشه انما اصغر الاشياء وارقها واذوقها بتفرق معايا كتير قوى قوى
ويا جماعه يا اخواتى البلوجر بما اننا اخوات ومن حقى عليكوا انكوا ترشدونى للصح لو انا محبكاها او واخده الامور بحساسيه او الامور مش لازملها حتة التقدير اليى بقول عليها دى ارجو ارجو منكم انكوا تنبهونى انا اختكم برضه
اوقات اخطئ وساعات اصيب واسفه اسفه اسفه لو كلامى ممكن يدايق حد بس انا بحب اعبر عن اى شئ جوايا اصل لو معملتش كده هتنقط وافطس و اموت يعنى فعلى ايه..واسفه كمان لو حد ممكن يدايق مع انى مش عارفه ايه بقوله ممكن يدايق ولاا مين يدايق اصلا بس اسفه وخلاص..
محاسن صابر بنت ابويا الله يرحمه
الاشتراك في:
تعليقات الرسالة (Atom)
هناك 144 تعليقًا:
مش عارفة انا شايفة ان ده من حقك طبعا انك تتضايقى وتزعلى من الموقف ده
محاسن صابر بنت ابوكى الله يرحمه
و يرحم جميع المسلمين ان شاء الله
مفيش حد فى الدتيا ممكن يمنع حد انه يعبر باللى جواه و يطلعه
حتى لو محدش حيقراه المهم انه طلع
ياريت يا محاسن امشى ورا عقلك
لانه الوحيد اللى صح
------------------------
كان معكى من امام الكيبورد
واحد مخه لاسع شويه
شبــ اون لاين ــاب
الاسكندريه
------------------------
سنسنتى
بصى .. هو بغض النظر انتى محبكاها ولا لا
بس فعلا هى الحياة ايه غير تعاملات
و شخصيات الناس بتختلف
و فعلا الانسان مش بيزعل اوى من حد
إلا لو كان بيعزه
و أكتر شئ اهتم بيه رسولنا انه ينزع اى سبب للضغينة بين اتنين
فحتى لو هما عملوا كدا من غير قصد
و كانوا شايفين انك مش هتزعلى
والوقتى شافوا انك زعلانة
اعتقد يبئا الاعتذار واجب
و بس انتى بردوا مش تحبكيها ساعتها و تقبلى منهم أعتذارهم .. :)
يارب يا سنسن دايما سعيدة و راضية
و مافيش حاجة مضيقاكى أبداااااااااا
خالص ودى يا قمرتى
الله يرحم الحاج الوالد
بس دا جزء بسيط من حقك بس طالما انك بتقولى انك بتقدرى الاستاذ احمد
اكيد برضه حصل لبس ولا حاجه مش مضبوطه مقدرش يقولك واعتمد على متابعتك انتى بقى
معلش
انتى قلبك كبير
محاسن حبيبتي الجميله الرقيقه صاحبه اجمل قلب ماسي وصاحبه اجمل وارق شخصيه بجد قابلتها في حياتي
انتي مش انثى بس انتي اجمل واحن واطيب بنوته شوفتها ولله يشهد على كلامي
معلش يا ميسووو يا حبيبتي الزمن وحش وهتقابلي ناس يارب متقابليهم في حياتك لان رقه قلبك مش هتستحملهم
فعلا حاجة تضايق اوي انهم مش يلكموكي عل اقل ويشكروكي بنفسهم ويبلغوكي بالميعاد بس بصراحه يا ميسو قلبك الجميل ده هو السبب بقى
مكنتيش توافقي يا حبيبتي من الاول وتقوليلهم لا دي كتابات شخصيه واحب احتفظ بيها لنفسي كنت هتريحي بالك جدا ومش تضايقي نفسك وقلبك
بس هتعملي ايه في قلبك الجميل ده بقى ؟؟ اقولك انا تعملي ايه
تشكري ربنا انه ادالك احلى واجمل وارق صفات في الدنيا اللي الناس بتحارب كتيييير عشان تحصل عليها او على ربعها وانتي بجد فيكي كل الصفات اللي في الدنيا الجميله والرقيقه والطيبه والحلوة والملاك زيك بجد
ربنا يباركلك فيكي وفي بيرو وتفرحي فيه قريب وتجوزيه بنوته جميله زيك بجد يا ارق ميسوووو ..
عايزة اضيفك بس مش عارفه ايميلك بجد ابعتهولي يا سكره عندي عشان اضيفك
بحبك في الله
نسيت اقولك بجد يا ميسو
احلى ما في البوست بجد
محاسن صابر بنت ابويا الله يرحمه
بجد قلبك جميل اوي وبتحبي كل الناس
انا حسيت بكل كلمه كتبتيها ومضايقتك
وبالجمله دي بالزات
حسيت فيها الوفاء بجد في حبك لاهلك
مش عارفه اقول ايه بجد
الكلام راح من جمال قلبك
ربنا يبارك فيكي يا ميسو بجد
سلامتك من الزعل ياحسونتي...
بالنسبه لإختيار الموضوع وإن كان حصل فيه تغييرات أو لا ...أنت ممكن تبعتي رساله للسيد أحمد سلامه وتسأليه أيه اللي حصل... وليه ماحصلش متابعه بخصوص الموضوع... وتعرفي يمكن فيه ضروف...
أما الإسم... فهذا شيء لا يكمن تجاهله وهو الأهم من موضوع البوست... لا أريد أن أحرّض... لكن الإسم الثاني لكل شخص هو أهم من الأسم الأول... وهذا معروف في كل المجتمعات...عربيه كانت أو أوروبيه... حتى أذكر في المدرسه ونحن أطفال كانوا ينادوننا بأسماء آباءنا فقط... وهو نوع من التقدير لنا...
فياريت يفسروا لك ولنا لماذا يدرج إسمك الأول وتجاهل الإسم الثاني وهو الأهم... ولو أنني لا أجد أي تفسير... فأنتي لست الفنانه فلانه لينزل أسمك الصغير فقط.
بصى هو انتى من حقك طبعا تضايقى بس ممكن انتى تقولى للمسئولين عن كده على اللى مضايقك ببساطه والموضوع يتفض على الاقل ممكن كلمه اعتذار منهم او تبرير على اللى حصل تريحك وتخليكى مش زعلانه كده يا ستى.......
وهم تقريبا باعتبار يعنى ان الكتاب انثوى من الدرجه الاولى قالوا بقى يبقى بلاش ندخل اى عنصر رجالى فيه ولا حتى اسم والدهاااااااااا...
تفكيرهم كده هنعمل ايه يعنى فيهم
استحملى يا ستى ومتزعليش نفسك خااااااااااااالص.
إزيك يا سنسن يا جميلة
شوفى يا قمر الاول مبروووووووك عشان نزلك بوست فى الكتاب
وده طبعا الجانب المشرق من الموضوع
أما بخصوص اللى زعلك فممكن يكون حصل بدون قصد او انشغال فمتزعليش نفسك وافرحى بنجاحك
الحياة فيها اللى مكفيها بجد مش مستاهلة
مبروووووك يا قمر
سالى
ضحكوا عليكى يا ام بيرو
كمااااااااااان محاسن بس
ياااااااااااااااااااه
الناس دى ايه جبااااااااره
على العموم انا من راءيى
انك تتصلى بالمسئولين عن الكتاب
ويتم رد اعتبارك
على الاقل حفظ" لاءسم والدك
وحفظ لحقوقك
و ده يعلمنا اننا لازم نتابع ما يجرى
ولا نفكر لغيرنا ونقول انهم نسوا او هكذا
الاستفسار وسماعة التليفون سهل
بس بيعلموا راحة كبيرة وتوفر حاجات ممكن انها توترنا وتزيد من الحزن
تحيتى
سلام عليكم
انا آسف على الدخول على الخط بدون سابق معرفة او تنبيه لكن
بالنسبة الى موضوع اسمك واسم والدك فهذا حق بحقيقة وحق مكتسب ايضاً من واقع ما قمتي بشرحه .
اما السؤال الثاني :ولكي الحق بان تجاوبي او لا ... وانا اسأله بكل ادب وبكل احترام وهو مجرد فضول عقلي
المقولة التى تقول اذا لم يوجد الامان في الحياة الزوجية فمرحباً بالطلاق كحل وهو ابغض الحلال
ومن واقع كلامك انك تتمتعين بعقلية واعية جداً وشخصية قوية واحياناً حادة فانا افهم هذا التفكير وقد يكون هذا يسبب مشاكل كثيرة في الحياة
السؤال فهل انت مطلقه واذا كان فانا اظن انه لم يستطيع هذا الرجل ان يتعامل معك ويفهمك
لان الرجال الذين يفهمون هذه الشخصية والعقلية ويقدرون وجهة النظر هذه التى تتمتع بالواقعية الى درجة كبيرة ويغلب عليها التوقعات هم قله في واقعنا المعاصر
فهل انا محق
طبعا ليكي حق تضايقي ده حقك مش بس زوق واحترام
تحياتي واعتذر عن الغياب غير المقصود
طبعا عندك حق . كل اللى قلتيه صح بس انتى اشتكيتى بس ايه اللى عملتيه بقى عشان حقك ده يرجعلك ؟؟
اللى يزعلك هعضه
شوفى ياستى زعلك فى محله
بس انتى كنت اعملى ميل لاحمد سلامه واتكلمى معاه فى الحكايه دى
ممكن الناس بتوع دار النشر متعرفش طريقه اتصال بيكى
لكن انتى كلمى احمد سلامه واعرفى منه ايه الى حصل
وبعدين اتصلى بالعلاقات العامه فى دار النشر وقولى رئيك زى ما يعجبك
طبعا ظهور اسمك بالشكل الى يدل عليكى ده من حقك تحت البوست بتاعك كمان لو فى حاجه اتشالت من البوست من حقك تعرفى وترجعى البوست لان الى هيقرا هيقول دى وحده بتعرف تقرا او لاء
وعجبنى اوى انك بتزينى اسمك باسم باباكى
جعلك الله مليئه بالمحاسن
وجملك بوابل من الصبر الخير ( كشيمه ابيكى رحمه الله )
تحياتى
محاسن اخبارك وحشاني
انا عايز اتكلم وأقول
اخبطي دماغك في الكيبورد
أولا انا لا اعرف احمد سلامة ولا أي حد تاني
علشان مش تقول منحاز في الرأي
لكن انا حوضح وجهة نظر عملية
=============================
انتي رديتي علي الميل بالقبول بدون شروط او ذكر تفاصيل
لذلك لا يحق لك المطالبة بشيء لانك موافقة فعليا وهناك مستند يدين سعادتك
افتكر انتي اكتر واحدة عارفة يعني ايه مستندات
اما عن اسم الوالد فربما يكون الحرج هنا من انهم لم يعرفوا الاسم الثاني
ثانيا
محاسن انتي خلاص مشهورة انا اتبعتتلي الدعوة وعرفت ان انتي محاسن صابر من غير ماحد والله يغششني
التمسي لهذا الفريق الاعذار ربما لانشغالهم باشياء اخري مهمة وهي التنسيق والتنقيح واختيار الغلاف وترتيب المواضيع
لا تنكري حقهم ولا تضيعي مجهودهم
ودليل علي احترامهم انهم ارسلوا لكي بريدا في البداية وهذا يدل انهم حقا يتفهمون طبيعة التعاملات
وانا اشعر انهم ارادو مكالمتك للاستفسار وسعادتك طبعا كان موبايلك في الحضانة فأكيد مش رديتي وكان هناك انسانة رقيقة تخبرهم الهاتف في الحضانة
او كنتي بجوار والدتك في المستشفي فلم تستقبللي الرسالة
عموما يا محاسن الحفلة بعد بكرة انا والله لو فاضي لكنت اروح علشان خاطرك عموما ياستي من غير زعل الناس دي محترمة وانا واثق من كدا بلاش زعل
واعتبريهم اخواتك لاننا في كل الحالات لازم نتقبل الظروف
فهماني ولا اقول تاني
روحي الحفلة وشوفي هما مبسوطين ازاي وحيكلموكي ازاي
يالا سلام
أختي الغاليه
دي ااقل حاجه ممكن تطالبي بيها
الإنسان بيحس بضيق قوي لما يلاقي الناس مش مقدراه
وبالنسبه لموضوع الاسم فبجد انا فعلا زعلت لأن لأزم الإنسان يتمسك بأصله وبأهله وكونك عايزه تربطي اسمك باسم والدك الله يرحمه فدي لفتة جميلة منك وتعبير كبير عن حبك لأهلك ووالدك
بس علي فكرة ممكن يكون إلي حصل ده مكنش مقصود فياريت تشوفي الناس وتتكلمي معاهم يمكن حصل سوء تفاهم
تقبلي مروري
مجنووون
لا طبعا انتى عندك حق
كل كلامك صح
بس انتى كان المفروض ترفي التليفون وتكلميهم وتقوليلهم الكلام ده عادي
وكمان تلتمسي لهم العذر يمكن انشغلوا او كده
لكن تنبيهيهم بقى انهم ما يعملوش كده تاني ويتداركوا خطأ الاسم فى الطبعات الجايه ان شاء الله
هاتي بووووووووسه
وعقبال كتابك لوحدك يا جميل
سلام عليكم يا أستاذتي العزيزه
و اسف اوي ع التأخير
لأ طبعا معاكي كل الحق انك تتدايقي و انتي مش مزوداها و لا حاجه
اولا هما ما احترموش الدييل اللي بينكم...و بعدين هما اللي طلبوا و انتي كتر خيرك اصلك انك وافقتي ... يورحوا ما ينشروش...لأ طبعا معاكي حق في زعلك... و طبعا اسم الوالد الواحد من غيره ميسواش... انا متضامن معاكي جدا في موقفك ده... مش بس عشان انتي اختي الكبيره و ليكي معزه خاصه.. و مش بس عشان انتي عندك حق.. انا اساسا شايل من كل دور النشر و الكتب بتاعة المدونين و الحوارات دي ..يمكن انا بكتب في الظل بس بحاول كتير اني اظهر بكتاباتي بس مش عارف... انا مبسعاش لمجد شخصي بس اي حد بيكتب بيحب ان كلامه يوصل لأكبر عدد... ما هو على رأي نور الشريف في المصير..انا بكتب ليه و لمين؟! مادام اللي بكتبه مبيوصلش لحد.... و معلش ع التطويل... و سلامي لبيرو القمر
سلااااااام
بصراحة يا محاسن واحقاقا للحق يعنى انتى معاكي حق من حقك تعرفى اية اللى حيتنشر ليكى واية طريقة العرض بتعته وتعرفى ميعاد الحفلة بتاعت التوقيع علشان تحضري وتشوفي اسمك كامل دة كلة لا غبار علية ومحدش يقدر يناقشكى فيه
انا طبعا معرفش الاخ العزيز اللى انتى قلتى عليه بس كل اللى حقولك عليه افتكري حديث الرسول عليه افضل الصلاة والسلام اللى ارشدنا فيه اللى التماس الاعذار للاخرين وياريت تعذريهم وانا عارف انك قلبك كبير وحتسامحي
محاسن محدش يقدر يلومك على حاجة من حقك
دى كتاباتك وكان لازم تتبلغى بالتفاصيل
طيب ممكن اقول انك محبكاها (:
طبعا انتى معاكى الحق ياقمر لكن انتى مش عارفه ايه الظروف اللى حصلت
يعنى المفروض كده اول لما عرفتى الموضوع و ميعاد الكتاب و الاسم اللى نازل لوحده كده من غير اى محرم .. كنتى يااما تبعتى ميل استفسار و عتاب او تتكلمى فى التليفون ياقمر و تعرفى اللى حصل بردو .. اكيد ليهم عذروهم ياقمرايه
مش تزعلى بقى و بوسه كبيره ليك كمان
اممممممممممممموة
أنا شايف ان كل كلمة انتى بتقوليها صح مليون فى المية
وحقك طبعاً تزعلى .
أينعم أكيد هتلاقى أعذار كتير .
ونصيحتى أنك تسامحى وتكبري .. انا عارف ان ده يعتبر تجاهل .. والتجاهل بيبقى حاجة مستفزة جداً .
بس أنك تسامحى دى حاجة اكبر من كل حاجة
وحكاية السم دى بالذات الى لازم تصري عليها وتتمسكى بيها .
بس تعرفى .. انتى لو تسامحتى هتبقى بكدة خدتى حسنات وكسبتى مواقف و ناس أكتر بكتير من الحروف المكتوبة فى الكتاب .
ممكن تفتكرينى أنى بتكلم بسلبية، و ماعنديش موقف محدد .
بس التسامح مش سلبية ولو حصل وتسامحتى وطبعاً انا عارف كويس ان ده الى هيحصل .. هتشوفى انتى هتكسبى قد ايه من ورا التسامح ده .
تحياتى ليكى بجد .. علشان انتى انسانة رائعة وبرغم المواقف دى كلها لم تفقدى أعصابك .
عن نفسى كنت هفقد اعصابى وممكن اتحول لمستوى وحش جداً فى لحظة .. بس بعد الموقف ما بيعدى خلاص برجع تانى لمستواى الأخلاقى بنفس السرعة الى اتنرفزت بها
تسامحـــــــي
وسلامي لبيرو
هو الموقف شكله سيء فعلا
بس لازم برضه نفكر من الناحية التانية
متعرفيش ظروف اللي سألك ده
يمكن كان ملخوم وعليه يتصل بعشرين واحدة ويختار وينسق
هو غلطان طبعا
بس يعني نلتمس لبعض الأعذار
طبعا حقك
زي ما كل الناس دي قالت
حقك جد جدا جدا كمان
وانا بجد بزعل جدا من اللي يتناسي اسم والدي
اشطه
هضيف مدونتك
اوكيه
سلامووووووووووز
اممممم شوفي يا سنسنه يا جميله
اولا طبعا ليكي حق تتقمصي حبتين وتزعلي شويتين مفيش خلاف علي كده بس انا عارفه انك هتيجي علي ما فيش عشان انتي طيوبه خالص واول ما تشوفي اي حد ولا كأن حاجه حصلت عارفه والله كمان بقي انتي مش مكبره الموضوع بس ردنا احنا المدونينين هو اللي هيكبر الموضوع ههههههه اه وربنا
المهم انا متفقه معاكي ان عندك حق بس في نفس الوقت مش عارفين ظروف الطرف الاخر ايه يمكن حاولوا الاتصال بيكي وانتي كنتي مشغوله وبردو معاكي حق في موضوع وضع اسم والدك الله يرحمه لانها حاجه مهمه جدا بالنسبالك وبالنسبه لاي حد ودي حاجه بحترمها فيكي جدا
وهما من وجهه نظرهم محاسن انها مشهوره ومعروفه في وسط المدونين فبمجرد قول اسم محاسن خلاص هي محاسن واحده هو احنا عندنا كام محاسن يا سنسنه فمتزعليش والتمسي العذر وده طبعا معروف من كرم اخلاقك وزوقك
بصي سيبك من ده كله
انتي تروحي الحفله وهتلاقي اد ايه ناس كتير نفسهم يشفوكي ويتعرفوا علي الشخصيه الجميله دي من قريب وهما مبسوطين وبيكنوا ليكي كل احترام وتقدير وصدقيني محدش منهم قصده اهانه او عدم اهتمام هو كله دون قصد والله وهتشوفي
وبعد كل اللي قلته بردو ليكي كل الحق انك تزعلي شوفتي بقي
انا لئيمه ازاي؟
واحلي حاجه في الكلام اللي كتبتيه ده كله
محاسن صابر بنت ابويا الله يرحمه
احلي كلمه تختمي بيها البوست وتوضحي وجهه نظرك وانتي زعلتي ليه حتي لما جيتي تزعلي مش عشانك مش بقلك قمر يا خواتي
يخرابي هاتي بوسه بقي
مهو كل الرغي بتاعي ده عشان البوسه بس(وش بيغمز)
بصي حقك نزعلي علشان ماحدش قالك على ميعاد حفلة التوقيع.. لكن انهم اخدوا الموافقه وما بعتوش ده بيحصل كتير
لما بناخد موافقة على نشر مقال من حد ممكن مايكونش فيه وقت علشان نرجع نقله خدناه وعملنا كذا وكذا
كمان نقطة اسم والدك حقك جدااااااااا فيها.. لان اصلا المدونة اسمك فيها محاسن صابر
انا باجي كتير هنا.. وانتى ما بتزرونيش ولا حتى بترودي عليا :(((
ده حتى احنا شرقوه زي بعض
وكلامك مايزعلش حد خااااااااااااالص لانه حقك انك تقوللي اللي جواكي
سلااااااااام
الاخت الغاليه
محاسن صابر(ام عبد الرحمن)
انتي فعلا ضايقتي ناس كتير بموضوعك بس ضيقة الناس ديه كان علشانك مش منك
انت صاحبة حق ولوكان فيه قانون ملكيه فكريه لاصحاب المدونات لنصحتك
برفع قضيه وخصوصا الموضوع يمس خصوصياتك
ونحن جميع المدونون نأسف لهذا العمل
ادام الله صبرك
محاسن العزيزة
مش تزعلي ولا حاجة
وأكيد من حقك تعرفي كل التفاصيل وكل المعلومات المتعلقة بالبوست وكيف سيتم نشره وأن يتم نشر اسمك كاملا وبالبنط العريض كمان..
المهم أنك توضحيهلم وتوصلليلهم وجهة نظرك..
ومش تزعلي أبدا
تقبلي مروري ومودتي
انتى معاكى حق فى كل اللى انتى بتقوليه طبعا .
واللى انتى طلبتيه اقل حقوقك
تحيااااااااااتى
ما هى دى فلسفة و ثقافة التعامل مع الآخر بلا مباله و لا اٍهتمام و باٍستهتار مطبق
و ده فى مختلف و يمكن فى كل مناحى الحياه يعنى مش معاكى بس أو حتى فى المجال الثقافى اللى هو من المفترض أن يكون من أرقى الأشياء فى حياتنا
بصى كده على سلوكيات الأفراد و من طبقات مختلف حتلاقيها كلها اٍستهبال و اٍستهتار بكل شىء
الحكايه كبيره يا أم عبد الرحمن
كبيره أوى أوى
هو شيء جميل إن ينزلك كتاب طبعاً ... بس أعتقد إن في شيء اسمه حقوق ملكية فكرية .... والملاحظ في الفترة الأخيرة إن المدونين حقوقهم الفكرية مستباحة ....يعني ممكن تلاقي جريدة زي الشروق ناشره حاجة ليكي من غير ما تعرفي .... جورنال زي الدستور منزل حاجه خفيفة كده من غير خبر .... أعتقد إن ده لان مفيش جهة بتمثل المدونين حتى الآن ..... وطبعاً عندك حق تزعلي طبعاً .... إيه رأيك نعمل نقابة للمدونين ؟؟؟:)
في حاجات بتبان انها صغيرة بس فعلا مهمة
انا عن نفسي كان نازل لي بوست في العدد اللي فات واسمي كان مكتو غلط....مكتوب المسلماني بدلا من المسلمي
طبعا تضايقت جدا....بس ما باليد حيلة
عموما معلهش.....التمسي لهم العذر
تحياتي
السلام عليكم
الله يرحم ابوكى وجميع المسلمين يارب
-
ليكى حق تزعلى
كان المفروض يتبعت ليكى وتعرفى ميعاد الحفلة منهم
وكلامك مش فى حاجة غلط
دة حقك
والغلط عليهم
تحياتى
بخخخخخخخخخخخخخخخخ
انا جه طبحا انا قلتلك رايي اول واحده في المخل اللي علي شمال بلوووجر اللي هو الميييييييييييل
طبعا معاكي كل الحق
اممممممممم بصى ياستى
انا شايفه انك كان ممكن تراسلى احمد سلامه من غير كل الزعل وتعب الاعصاب ده
وتقوليله على كل اللى انتى قلتيه فى البوست ده وتشوفى رده والاكشن اللى هياخده علاشن يعملك اللى انتى عايزاه بخصوص اسم باباكى
اما بخصوص المعاد فلوميه وشوفى رده هو والفريق ايه؟
وبلاش زعل ياقمر امممممممم
ربنا يرحم باباكى وبابايا يارب واموات المسلمين
ازيك يا محاسن عاملة ايه
انا شايفة ان ده من حقك وانا بالعكس بحب اللى يزعل يقول انا زعلت فى كذا وكذا
وانا شايفة ان ده ميزعلشى حد
تحياتى
ايمى
ازيك يا محاسن؟؟؟
انا معرفش اية اللي حصل بس اعرف ناس على الفيس بوك من مؤلفين الكتاب وهما اعتقد ناس كويسين وبيتهيألي انهم ميقصدوش كدة
اهدي بس كدة وان شاء الله لو في غلط يتصلح
تحياتي ليكي ويارب دايما تكوني بكل خير
اختك رنا
السلام عليكم
دى اول مرة اتشرف بزيارة مدونتك الجميلة وكنت جاية اباركلك على الكتاب ..الاقيكى زعلانة كده برده!!!؟
ان شاء الله الغلطة دى ممكن تتصلح فى الطبعة الثانية ..ماهو اكيد حيكون فى طبعة تانية طالما انك منورة الكتاب بتدوينة مهمة جدا
:)
طب انا حأقولك على حاجة
انا قبل ماشترى الكتاب سمعت احمد مهنى فى لقاء "صباحك سكر زيادة " وفى حواره استشهد بتدوينتك وتدوينتين أخريتين ليوضح ان الكتاب يحمل افكار قد تتشابه فى ظاهرها ولكن تختلف وجهات النظر داخلها ..والكل حس ان موضوع الطلاق من اهم الافكار اللى طُرحت فى الكتاب
وكفاية اهتمامهم بنشر احدى موضوعاتك بالأخص وده يدل على تقديرهم لكتاباتك وافكارك
عشان كده شايفة انه خطأ غير مقصود..وأكيد هم افتكروا انك تقصدى اظهار اسم محاسن وحده لما مأرسلتيش ايميل بالبيانات اللى تطلبى نشرها ..
قلبك طيب يا عزيزتى ومن اسلوبك فى طرح المشكلة حسيت ان قلبك طيب ...هم الطيبيبن كده دايما بياخدوا على خاطرهم بسرعة ويتسامحوا برده بسرعة
:)))
أتمنى أشوفك فى حفل التوقيع واتمنى انى اقدر اجى برده لانى من اسكندرية ..وأسعدتنى مشاركتى ليكى وللمجموعة الجميلة فى الكتاب
ان شاء الله ليا تعليق تانى على تدوينتك لكنى لسه مقريتش معظم الموضوعات عشان مأحرقش الكتاب كله مرة واحدة..واستمتع بيه على مراحل
ماهو مش كل يوم حيكون فيه كتاب مميز بالشكل ده...ولا ايه!!!
حالا حأصلح اسم محاسن عندى فى المدونة واضيف له اسم الوالد رحمة الله عليه
رحم الله والدك ووالدى واموات المسلمين
تشرفت بزيارة مدونتك ومعرفتك حقا
ومبروك علينا كلنا
ماتضحكى بقى
:)))))
خالص تحياتى محاسن
سامحيني انا حاسة انك محباكي حبتين
هم كان عندهم 27 تدوينة تخلص فى وقت قياسى
وبعدين هم أكيد عارفين ان كل الى كلموهم هيكونوا متابعين الأخبار
هم عملوا كده معانا كلنا اكتفوا انهم يستأذنوا قبل ما ينزلوا التدوينة
وانتى لو كان ليكي اى شروط أو تحفظات كنت قلتيها او بعتيها ميل
متخليش الزعل يأثر عليكي وافرحي ان أفكارك هتتنشر على طبقة اعرض
أشوفك على خير ان شاء الله:)
طيب ماتبعتى ليهم وتشوفى ليه اتصرفوا كده؟
فى ايه يا بنتى
اسمك مكتوب صح فى معظم المدونات وعندى بالأخص .. ولا انتى ما بقيتيش تدخلى عندى
وبعدين الكتاب موجود فى السوق من اكتر من اسبوع وبوستك منور فيه .. وجميل جدا باعتراف الجميع
انا بصراحة مش عارف انتى زعلانة ليه
مش معنى ان فى مدونات كتبت محاسن من غير صابر انك تزعلى
انا شخصياً لو اعرف اسمع رباعى كنت كتبه
:))
خلاص بقى .. بتبقى وحشة اوى وانتى مكشرة
منتظر اشوفك يوم الثلاثاء ان شاء الله
أحمد
محاسن هانم
انتظرك فى مدونتى لأبداء الرأى واتمنى قبول العرض
تحياتى
احمد الشاعر
يا نهار ابيض
هو سلامه متصلش بيكى
انا لو منك اتخانق معاه بجد مش هزار
شوفى مش انا اللى مسئول عن تحرير الكتاب
وانا وسلامه اللى اتكلمنا مع بعض عشان ناخد موضوع من عندك
لكن لو منك اتخانق معاه
-------
بصى يا ستى المفروض ان اللى بيشترك معانا بيبعت بياناته
وانا كنت ناسى اسمك ومش عارف اوصلك لتلفون وخفت اكتب الاسم غلط
يرضيكى يعنى كنت اكتب محاسن ابراهيم
او محاسن عمر
انا اكتفيت انى اكتب محاسن
اللى حصل ان سلامه تعب جامد ورقد فى السرير فتره طويله وبعد كده كان عنده امتحانات فى كلية الطب زى مانت عارفه فتره طويله ومكانش قاعد فى البيت
وبالتالى فقدنا الاتصال بيكى
لكن نرمين سابتلك تعليق من فتره بمعاد حفلة التوقيع دورى عليه هتلاقيه وفى ايميل جالك اكيد من ايناس او نرمين دورى عليه ممكن يكون جه فى الجنك
تصدقى بالله انا لسه مكلم ايناس فى التلفون من ساعتين وقايلها فكرينى بكره اتصل بالصباغ يجيبلى تلفون محاسن من تحت الارض
احمد مهنى
0102298603
0121479391
ابقى تعالى الحفلة عشان نردلك العزومه ومتنسيش تتخانقى مع سلامه الله يسامحه هو السبب لو منك مسيبوش
:)
http://www.petitiononline.com/ttwpdi/petition.html
هذه عريضه تفكيك اسرائيل... ياريت توقع جزاك الله خيرا...
ولا تحسب أنها غير مجديه... ولا تحسب أن صوتك لن يغير شيئاً...
سيغير الكثير... طالما أننا عازمين على التغيير.... وبكل الوسائل.
انا دايما متاخر كده ولا ايه
احلف بايه مش لاقى تعليق
وبالنسبه لردك فى التعليق الى فات بجد
يارب دعواتك تتحقق
وكمان بالنسبه لمعنى شاب ابن بلد اه لانى مصرى
شكرا يا اكثر بلوج لقيت فى تعليقات
مش بحسد
محاسن طبعا من حقك تزعلي
وخصوصا في موضوع الإسم
ولو ممكن تكلمي المشرفين عن الكتاب
ويوضحولك أسبابهم
فلربما لو عرف السبب بطل العجب
وربما يكون موضوعك نزل كاملا بدون مونتاج
لكن لو تمنتج فكان لابد من أخذ موافقتك
ده من البديهيات
وتقبلي خالص تحياتي وتقديراتي
سوف ننظر الي ماحدث بمنظورين
الغايه و الوسيله
الغايه من موافقتك نشر و جهة نظرك بصورة اوسع امام الراي العام
و من وجهة نظرهم الحصول علي بيانات مختلفه توضح حال المراة المصريه
الوسيله ارسال ايميل للحصول علي الموافقة و تم بموافقتك وانتهي الامر بالسؤال و بالايجاب
و لم تشترطي في جوابك بموضوع معين او تاكيد الاشتراك
الخطأ من جانبهم عدم اعلامك بميعاد الحفل و التوقيع و هذه غلطة لا يجب اغفالها مثل دعوة الفرح بدون عروسه
مع اني قد رايت اسمك اكثر من مرة في مدونتين علي الاقل
اخيرا لك كل الحق باعلان غضبك و لكن لابد من حضور الحفل لانها تحقق الغايه الاسمي مع ذكر ماحدث من اخطاهم علي حضور خفل التوقيع
تحياتي
إزيك يا جميل النهارده ؟؟
لسه زعلانة ؟؟
روقى بقى وافررررررررحى
ربنا يجعل كل ايامك نجاح وافراح يارب
صباح الفل يا قمر
من حقك انك تزعلى
لكن برضه لو فى صداقة واخوة يبقى العتاب
يمكن وسط كل المشاغل الموجودة اسمك سقط سهوا منهم او فى أى تفسير تانى
تسمعيهم
وو الكلام ما عجبش يبقى تجربة كويسة وبعد كده تشترطى فى الموافقة كل حاجة علشان تحفظى حقوقك
يا ريت تحضرى الحفلة انا بحارب عندى علشان اقدر احضر وباذن الله اقدر
ولو عايزة تخانقى نخليهالك ضلمة ولا يهمك
محاسن هانم
الفكرة الحمد لله انها عجبتك اما عن الحزب فا دة بقى انا عمله مخصوص عشان لو حصل حاجة نقول محاسن رئيسة الحزب وبتحاول تخطط لانقلاب بس احنا قولنلها لا يامحسن والبب انك عايزة تأمنى مستقبل ابنك وتعمليه رئيس جمهورية
اية رأيك
ندالة بندالةهههههههههههههه
بصى يا محاسن ما فيش حزب بيدخل فيه جنسيات اخرى
فا انا لم قلت حزب لم اقصد حزب بمعنى الكلمة انا قصدت مش اكتر من تجمع دليل على كدة احنا معانا ناس من الكويت والعراق وعناصر اساسية فى التكوين فا بكدة احنا فقدنا مفهوم الحزب
ومتخافيش حتربى عبد الرحمن وان شاء الله يطلع مهندس قد الدنيا ماتقلقيش دة انا محمل نفسى مسؤلية وبقول احقيتى فى الفكرة اكيد يعنى خايف على نفسى ولو فى حاجة مش حقول كدة
تحياتى
احمد الشاعر
يا ست محاسن يا بنت أبيها الغالى
الأول بعتذرلك لأنى مش باجى هنا كتير
و إحنا خلاص بقينا جيران فى كتاب واحد و دا يشرفنى
مش عارفة ارد اقولك إيه بخصوص زعلك
بس طبعا عندك حق فى إنك تتوقعى شىء و لا يحدث كما تريدى
بس بصفتى شريكة زيك تمام فى الكتاب
فعاوزة أقولك إنى أنا كمان معرفتش معاد صدور الكتاب و لا معاد الحفلة غير من التدوينات اللى طلعت عند الصباغ و عند إيناس لطفى
و عاوزة أقولك أنى لما قريت إسمك كان محاسن صابر فى كل التدوينات فيما عدا تدوينة و لا إتنين ...بس لما قريتهم برضو معروف إنها إنتى ...هوه إنتى شوية و لا فيه كام محاسن زيك فى التدوين
إنتى ليكى قدرك و إسمك و متفكريش إن حد عمل غير كدا
خصوصااااااااااااااا
بقى أحمد سلامة ...لأنك إن شاء الله هتشوفيه فى الحفلة شاب زى الفل و مهذب و خجول و اخلاق و صعب تفكرى او تتخيلى إن يكون قصده تجاهلك او التعامل معاكى بشكل أقل من قدرك
و لما تشوفيه هتفتكرى كلامى دا
بس إمسكى فى رقابته برضو زى ما احمد مهنى العزيز ما بيحرضك ...هاااااا
و يا عزيزتى إفرحى قدر ما تستطيعى ..
الفرحة عزيزة و الواحد بيدور عليها بمنكاش ...
أتمنى أشوفك يوميها إن شاء الله فى احسن حال
و ربنا يكرمك و يعلى من مقام الوالد فى الجنة بدعواتك الطيبة
خالص تحياتى و حبى
محاسن
انتي عندك حق في كل كلامك وماحدش يقدر يغلطك
بس الصح انك تبعتلهم اوتكلميهم في التليفون وتقولي حصل منكم كذا ودة مزعلاني
بس ارجع واقولك ان لم تجد لأخيكعذرا فالتمس له سبعين
ربنا يكر مك يا محاسن دايما
لك كل تحيتي واحترامي
السلام عليكم
ازيك عاملة ايه؟؟
انا شايفة انك معاكى حق ومغلطيش فى حاجة بصراحة بس مش عارفة ايه الاجراءات الى ممكن تعمليها عشان يرجعلك حقك
Hello my sister Mrs.Mahasen Saber
وحشانى جدا بجد
انا اشيف ان كل اللى انتى قلتيه صح جدا
من حقك كل ده لان الموضوع اللى هيتنشر انتى اللى كتباة يعنى افكراة من حقك انتى وكل حاجة خاصة بالموضوع بتاعك لازم تتقالك من اقل حاجة الى اكبر حاجة
على فكرة انا رايح حفل توقيع الكتاب بكرة فى المركز التقافى الدولى
واتمنى اشوفك هناك
سلام
ايه ده ايه ده!
ازعل من مين يا جميل وازعل لييييه
هو انا اقدر ازعل ولا انتي تزعلي حد لا طبعا يا جميله والله ما اقدر ازعل منك اصلا ده كتييييير عليا اصلا انك تفتكريني ده كل ما اتمني يا جميل كفايه اني علي بالك ده والله كتير عليا انتي متعرفيش غلوتك عندي اد ايه وانامش عبيطه عشان ازعل انتي كده بتشتميني لا خالي بالك انا بقدر وبقدر اوي كمان
لا ده احنا جدعان اوي ونعجبوكي(وش بيغمز)
وبنقدروا الظروف
والله يا سنسنه لما بسال عليكي او بحب اطمن عليكي ما بستني واتقمص لو بتنشغلي غصب عنك انتي ماشاء الله حبيبك كتير وعارفه ربنا يكون في عونك انما انا ليا مين غيرك ياقمر وكل الناس الجميله دي بردو بس انا اقصد الايميل والتليفون انا قليل جدا فهترضي مين ولا مين انا مقدور عليا ولا ايييييه؟
كل اللي عيزاه اني اطمن عليكي وعلي بيرو وفي الوقت اللي تبقي فاضيه فيه فقط لاغير ومتقلقيش انا مش بزعل خالص ده انا رزله وسئيله جدا (وش غتيت جدا)
وخدي البوسه بتعتك اهه كمان ياله
احسن تفكريني طمعانه ولا حاجه
وبلاش شد الشعر كفايه اللي عندي في البيت
السلام عليكم.....
اخبارك ايه؟؟ يارب تكونى بخير
انا بصراحه معاكى تماما تماما والحاجات اللى زى كده بتزعلنى فعلا وانت معاكى حق
بس ممكن برده تسمعى المبررات .
اطيب نحيه ليكى ويارب دايما بخير
ومتنسيش سلامى لاخويا الصغير وابن اختى
اكيد ده حقك
واكتر حاجه مهمه هو ان اسمك يتكتب
بالشكل اللى يرضيكى
بس منغير ما تزعلى نفسك
ومبروك على اول عمل ليكى
افرحى يا حبيبتى الفرح بقى عزيز اوى
وانتى تستاهلى تفرحى
ماشى؟
لا معاكي حق في كل الي بتقوليه
لازم يكون فيه اشراف منك علي الي هيتاخد منك
وبعدين دي تعتبر من ضمن حقوق الملكيه الفكريه
لا مينفعش وبعدين سيبك من ده كله
ايه محاسن بس من غير عمي صابر
طب ما فيه مليون بنت او ست اسمها محاسن
محاسن الحلو مثلا
هههه
بهزر معاكي عشان تفكي التكشيره دي وبعيد الشر عنك ال تفتطسي ال طب مين الي هيتسكع في المدونه غير حضرتك
مين اللى يجرأ يزعل حبيبة هارتي
معلش يا حبيبتي اكيد هم هيبررو موقفهم بعد البوست ده
بس مش تزعلي نفسك
بسم الله الرحمن الرحيم
الأخت الفاضلة : محاسن صابر
بعيدا عن تهدئة النفوس بمفهومها المضحك
من المؤكد أن لك الحق فى وسيلة عرض موضوعك أو اسمك وهذا أمر بديهى ولكن يجب أن يعرف المرء منا إلى أى طريق سيذهب بكلامه؟ ومع من ستعرض موضوعاته؟ وما الصورة النهائية للفكرة لحظة ظهورها ؟؟
فكل منا يعتبر كلامه جزءا منه فأين يذهب بنفسه سيذهب بكلامه .
أسعدنى العرف عليك وإن كنت لم تردى على تعليقى السابق لكن يبقى قرابة الجيرة .
أتمنى أن أتعرف عليك بصورة أكبر . إن كان هذاممكنا فبريدى
gor1sed@yahoo.com
جايز نطلع أقارب فكلانا شرقاوى
أنا المرة دى جاى لأقوم بدورى المفضل ألا وهو تهدئة النفوس
زى ما مهنى قالك بالظبط
انا لو منك ما سيبش سلامة ده الا اما اخد فيه اربع سنين سجن ( وهو نبقى خلصنا منكم انتوا الاتنين ) ههههههه
صوتك عالى فى المدونة ومش عارف انام وصوت الزعيق واصلنى لغاية اودة المسافرين
:))
والله انا قلت انك طيبة ومش حتعرفى تفضلى زعلانة
ماتيجى اسكندرية بقى مادام مش عارفة تسافرى القاهرة ونعد انا وانتى نعيط على حفل التوقيع اللى مرحناهوش ..انا اعرف اتنين كمان مش رايحين نوصيهم يعيطوا من هناك
معايا ولا اشوفلى حد تانى يشاركنى وجدانيا ويجيبلى معاه مناديل بالمرة!!!!؟
انا جيت متاخر اوى ياااااااااااه
بس معلش بقى انتى عارفة ظروفى يا جميلة
طب انا جيت لقتيك مجبس معنوياتك اعمل ايه بقى دلوقتى ههههههه كنت عايزة اساعد:))
أنا آسف جدا عشان اللي حصل وعشان تاخيري في الرد على البوست لكن أنا معرفتش غير في الحفلة اناهردة واللي قلبتها عليكي لاني بردو معرفتش إنك مش جاية
بس هقولك شوية حاجات - مش مبررات - يمكن يطيبو خاطرك شوية
أنا عرفت ميعاد الحفل بعدك على فكرة مش قبلك حتى
والبوست اللي أنا عملته عنها كان بتاريخ البوست ده تقريبا
ومدونتي مدخلتهاش من اكتر من تلات شهور لظروف ادعي ربنا متمريش بيها انتي ولا اي حد من اخواتي المدونين والمدونات ابدا
مفيش اي تجاهل من اي نوع لان بوستك دخل الكتاب بعد ما الكتاب كان قرب بخلص تقريبا ويتقفل لانه كان معلق معايا جدا وكذلك جملة المدونة المشهورة اللي على غلاف الكتاب ومش حابب يحصل اي تحيز مني لحد من مشاركات العدد بس بوستك وبوست فاتيما من الرسايل اللي يوم ما اسيب الدنيا هبقى فخور اني شاركت في ظهورهم على صفحات كتاب في يوم من الايام وصعب ان ده يصاحبة في نفس الوقت تجاهل مني ليكي
لكن بردو الغلط كله علي لكن باقي فريق العمل بريء من ذنبك تماما لاني كان لازم اتابع الناس اللي بعتلهم استاذنهم في الكتاب بتافصيل البوست لكن العشم انك مدونة أعرفها ومعندكيش أي اعتراض حجب الموضوع ده شوية وحصل السهو الغير مقصود تماما
بكررلك اسفي مية مرة وموضوع الاسم انا واخد حتى بوست الاعلان عن الحفل من مدونة تانية زي ما هو وان شاء الله يتعدل في الطبعة التانية وهو حقك تماما بدون جدال
سلامي ليكي وربنا يسعد ايامك كلها وتذكرينا في صلاتك بالدعاء بظاهر الغيب
الحمد لله يا قمر انك صفيتى
افتحى قلبك بقى للفرح
لا زعل بعد اليوم :)
صباحك هنا يا قمرى انا
هو فى ايه
محاسن
مين زعلك ده
انا شم فاهمه حااااااااجه
بس انا لقيتك كاتبه فى التحديث انك مبسوطه
وده المهههههههم
ربنا ما يجيب زعل ابدا يا رب
ده مين ده اللى يقدر يزعل محاسن الجميله الملاك
تحياتى وحبى ليكى حبيبتى
سلمى على بيرووووووووو عريسى كتييييييييير
امواااااااااااااه
مش قلتلك يا جميله
افرحى...
الفرح عزييييييز
وجبر الخواطر على الله
الحمدلله ياجميله انك بقيتى كويسه و فرحانه (:
ايوشه.......
شكرا على قوة بصيرتك يا ايوشه ونوررتينى يا جميله
شباب اون لاين.........
ههههههههههههه امشى ورا عقلى عشان هو اليى صح
طب يا جوكر شكرا على المجامله الرقيقه دى هههههههههه
منورنى يا اخويا الصغير والغالى
soulo0o whisper.........
سولو الجميله والحبيبه والرقيقه وام عقل كبير
كلامك صح واكيد يكون كده طالما منك انتى يا قمر
نورتينى يا حبيبتى
يا ارق سولو فى البلوجر كله
romancy.......
اللهم امين يا دسوقى
وبعدين تصدق بئه محدش قلبه كبير ولاا طيب ورومانسى الا انتا
ربنا يطمن قلبك يا دسوقى يا غالى
marmar........
يا حبيبتى يا غاليه يا برىئه انتى كلامك طوق على رقبتى لانى اكيد مش كده ولاا بالطيبه دى
بس يا رب اكون كده زى ما انتى شايفانى بعنيكى الجميله دى
مرموره دايما بتسعدينى بكلامك وبترعبينى لانى بجد معتقدش بتاتا انى كده
نورتينى كعادتك دايما واسعدتينى يا حبيبتى
وهستنى نزولك مصر بفارغ الصبر يا غاليه يا جميله
اكون او لا اكون..........
كونتى حبيبتى كونتى حبيبتى
حاضر كما تقولين ينفذ
بس سيبك من كل شئ واحشانى جدا جدا جدا يا غاليه
طمنينى عليكى يا كونتى دايما
فليسيتى........
اولا كده منورانى منورانى يا فيليستى
بس ايه فليسيتى ده
وانا مش مزعله نفسى خالص حد يزوره فيبسيتى ويزعل
نورتنيى با جميله
واحة الفكر والقلم........
سالى الجميله قمر دمياط صدقتى يا جميله
والله فيها اليى مكفيها فعلا يا سالى
المهم انتى ودوده اخباركوا ايه يا حبيبتى
aboali..........
ابو على اليى منورنى دايما
انا حد يضحك عليا برضه ههههههههههه
دى سيادتى تضحك مع بلد مش على بلد مع
ههههههههههه
فارس عبد الفتاح........
ابدا ابدا لا اسف على زياره كريمه وتعليق اخ كريم
انتا نورتنى وكلامك افادنى جدا جدا
نورتنى يا اخويا الغالى
وبجد اتبسطت بكلامك قوى يا فارس
حنان الشافعى........
يا حبيبتى انتى فى مدونتك ومدونة اختك يعنى تنورى وقت ما تحبى يا حنان
وبعدين متعتذريش ابدا ابدا عن غيابك انتى منوره دايما
وتشرفنى هنا براحتك يا قمر
حنان الشافعى........
يا حبيبتى انتى فى مدونتك ومدونة اختك يعنى تنورى وقت ما تحبى يا حنان
وبعدين متعتذريش ابدا ابدا عن غيابك انتى منوره دايما
وتشرفنى هنا براحتك يا قمر
حنان الشافعى........
يا حبيبتى انتى فى مدونتك ومدونة اختك يعنى تنورى وقت ما تحبى يا حنان
وبعدين متعتذريش ابدا ابدا عن غيابك انتى منوره دايما
وتشرفنى هنا براحتك يا قمر
حنان الشافعى........
يا حبيبتى انتى فى مدونتك ومدونة اختك يعنى تنورى وقت ما تحبى يا حنان
وبعدين متعتذريش ابدا ابدا عن غيابك انتى منوره دايما
وتشرفنى هنا براحتك يا قمر
هانى زينهم........
ابو ملك ما انا اشتكيت اهه فى المدونه
هههههههههههههه
منورنى يا حما ابنى
اسامه عبد العال.........
هههههههههههههههه طب يا رب بيرو ميزعلنيش ابدا
هههههههههههه منورنى يا فيلسوف
momken.........
ممكن ممكن
ممكن ااقولك انك علطول منورنى
وبستنى زيارتك بجد لانها بتسعدنى جدا جدا جدا
afew good men.........
ادم انتا تقول اليى تحب تقوله لانك متأكد انى عمرى ماهعترض بس خلاص كده
نورتنى يا ادم كالعاده يعنى
مجنون..........
ما انا قلت كده يا مجنون هو الاسم ده اليى جاب عليها اعلاها سافلها او سافلها ههههههههههه هو تحتها يعنى انا ااقصد
بس عارف الا الاسم ده بابا الله يرحمه برحمته الواسعه يا رب
نورتنى يا اخويا الغالى
صبرنى يا رب..........
صبرنى كلامك صح
يعنى التمس لاخيك عذرا بس يا صبرنى
حتة الاسم هيا اليى جنننتنى بس يعنى كانت البنزين والكبريت معا
نورتينى يا جميله يا غاليه
prince4ever..........
رامى الغالى اخويا البار بيا بجد
انتا تنورنى وقت ما تحب ومفيش لا اسف ولاا الكلام ده بينا ابدا احنا اخوات يا دكتور
نورتنى بجد يا رامى
ربنا يطمنى عليك دايما يا رب
رئيس جمهورية نفسى........
محمود كل اليى شعللنى جزئية الاسم اكتر شئ المنى هو الاسم
بس حاضر اليى تقول عليه مقدرش ااقولك حاجه
نورتنى يا ريس يا غالى
mohamed ghalia..........
محمد اخويا الغالى يعنى عندى حق
المهم انتا اخبارك ايه
يا رب تكون بافضل حال
sweet violet.........
ضد طب ارجعى باسم المدونه الاولانى وبعدين نتكلم ههههههههههههه
انا محبكاها ماشى يا جميل اليى تقولى عليه
nidaal.r..........
نضال اى كلمه انا بقولها بتبقى صح ميه فى الميه
روح يا محمد ربنا يصلح حالك ههههههههههه
نورتنى يا نضال يا اخويا الغالى
وبلاش ابنى دلوقتى
حسام غانم..........
اولا وثانيا واخيرا ولاا نهايه نورتنى وشرفتنى جدا جدا جدا يا حسام
وبجد اسعدتنى بكلامك وزيارتك جدا جدا
د/ حالد امين........
نورتنا يا دكتور
وشرفتنا بزيارتك الكريمه والجميله بجد
يا شرقاوى اعتقد انك بلدياتى صح
سمكه واحده..........
سمكمك يا سمكمك يا حبيبتى انتى
بعد كل الكلام اليى قلتيه ده
بقلك والله منورانى
وكلامك لابد اخده بمحمل الجد
بحبك يا جميله
ونورتينى يا غاليه
فتافيت.........
فتفوته وفتفوته بيعملوا فتافيت طعمه وجميله
حقك عليا فى تقصيرى فى الزياره انا شرقاويه وحشه متزعليش منى ابدا يا فتفوته
ووسعيلى كده اصلى جايالك فى السكه اهه
اه اه هزورك اهه يا قمر
نورتينى يا غاليه بجد
محمد فارس..........
الله يرحمك الله يرحمك
مكنتش اعرف انه هيجى يوم ارد على التعليقات متأخر وارد على تعليقك كده
ربنا يتغمدك برحمته الواسعه
وربنا يجعل حبنا ليك فى ميزان حسناتك يا اخويا الغالى
ربنا يرحمك
اللهم امين
شهرزاد.........
شهروزه الجميله ارق شاعرات البلوجر على الاطلاق
خلاص يا شهر من ساعة ما نورتينى وانا بطلت ازعل
نورتينى يا حبيبتى يا غاليه
بجد نورتينى يا شهر
طائر الليل الحزين........
الله يكرمك ويسعدك يا حبيبتى
نورتينى يا جميله
يا اجمل طيورالليل كمان
عمرو..........
والثقافه دى ممسوحه من تعاملاتنا وتفكيرنا الحياتى طبعا يا استاذنا
بالرغم ان اهم اساسيات وتعاليم دينا وجميع الاديان فى التعامل والمعاملات الانسانييه
نورتنى جدا جدا يا استاذنا الغالى
وده زى عادتك دايما
تامر على..........
تامر اخوبا الغالى نورتنا جدا جدا بالزباره الكريمه
وكلامك مضبوط جدا جدا
بجد اسعدتنى بزيارتك الكريمه جدا جدا جدا
a. samir.........
اه يا بلدياتى انتا كمان
شكلنا يا شراقوه بنتاخد ملطشه ههههههههههه
بس ولاا يهمنا برضه
نورتنى يا سمير
نورتنى يا بلدياتى بجد
tamer nabil........
اللهم امين يا تامر
ربنا يرحمه ويرحمنا اموات المسلمين
نورتنى يا تامر بجد
واسعدتنى زيارتك جدا جدا
يا اخويا الغالى
كيارا.........
نورتينى يا جميله
والبلوجر والميل منور بيكى دايما يا كوكه
habiba.........
حبيبتى الغاليه حبوبتى حبيبه
نورتينى يا جميله
وحاضر يا هندسه سنرى يا جميل
emmey baby..........
يا حبيبتى نورتينى يا جميله يا بيبى بجد
اسعدتينى يا جميله بزيارتك ياحبيبتى
الغاليه
بجد نورتينى يا بيبى
يوميات نائمه فى الارياف........
رنا الحبيبه نورتينى يا غاليه
بجد يا حبيبتى انا مش زعلانه الا من اكتر شئ موضوع الاسم يس
نورتينى يا رنا
ووحشتينى يا حبيبتى جدا جدا جدا
gana........
اولا نورتينى يا حبيبتى نورتينى بجد
واسعدتنى زيارتك جدا جدا وفوق الوصف بجد
وانا شرف ليا انك تنورينى يزبارتك الجميله دى يا حبيبتى وبكلامك وتعليقك الاجمل
بجد اسعدتنى زيارتك جدا جدا جدا
همسات دافئه.........
انا مسمحاكى يا حبيبتى اولا
بس صدقينى صعب قوى قوى قوى انك تكونى معتزه باسم والدك الله يرحمه وفى الاخر تلاقى الاسم ينزل كده
بس نورتينى يا حبيبتى جدا جدا جدا
واسعدتينى يا همسات بزيارتك الكريمه دى
موناليزا.........
مونا حبيبتى
ازيك يا جميله نورتينى يا قمر
بجد ليكى وحشه يا مونا
ahmed al-sabagh........
انا مبدخلش عندك برضه مش عيب يا اخ يا صباغ انتا
الاسم مكتوب محاسن بس يا صبغ وانا محاسن من غير صابر ملهاش اى لازمه
نورتنى يا صباغ يا اخونا الغالى
يا رويتر ومجلة المدونات الشامله
بجد نورتنى يا صبغ
elsha3er........
انتا تأمرنى يا شاعرنا الكبير
تقلى يله بسرعه على مدونة الشاعر يا محاسن
تلاقينى جريت عليها علطول
نورتنى يا احمد وحاضر من عنيه
حزين.........
اه اه اضرب سلامه مين بئه وانتا بذات نفسيتك جيتلى هنا بالكيبورد بتاعك
تعالى هنا يعنى انتا شريك سلامه فى الجريمه ههههههههههههه
عفا الله عما سلف
ونورتنى يا حزين وعيبى انى بخاف على اخواتى قوى فمش هقدر اعمل حاجه لا ليك ولا لسلامه ولا مهنى
ممكن مره تانيه هههههههههه
نورتنى بجد واسعدتنى زيارتك جدا جدا جدا
اكون او لا اكون.......
كونتى ربنا يباركلك على مجهودك الجميل ده
صوت من مصر..........
هههههههههههههه لا احسد براحتك هههههههههه
نورتنى يا كيمو
ويا رب دايمات مبسوط كده بجد
وانتا لا متاخر ولاا حاجه انتا فى بيت اختك يعنى ادخل براحتك خالص
ahmed k.........
ازيك يا غردقاوى
نورتنى يا احمد وهو الاسم طبيعى بيدايق اى حد وده من البديهيات برضه
نورتنى يا غردقاوى
بزيارتك الجميله
احوال الهوى.........
اولا هبص لتعليق حضرتك بمنظرتين برضه
اولا ان حضرتك شرفتنى بالزياره جدا جدا جدا
وثانيا ان حضرتك يكلامك وتحليلك المنطقى اسعدتنى وافدتنى جدا جدا برضه
نورتنى يا استاذنا الغالى
واحة الفكر والقلم.......
سالى حد سالى تشرفه بالزياره الجميله ويزعل
نورتينى يا حبيبتى بجد
الازهرى........
ازهرى هههههههههه ضلمه من اولها
منورنى يا زهر يا طيب انتا
elsha3er.........
عادى خالص يا شاعرنا الجميل
انتا تحبسنا يا احمد وملكش دعوه بس
اتوصى بالعيش والحلاوه وخلاص على كده
نورتنى يا شاعر
فاتيما.........
طمطم فاتيما ام الغالى يوسف
نورتينى وشرفتينى يا حبيبتى بزيارتك الجميله دى
وكل اليى تقولى عليه يمشى يا طمطم
هاتى بوسه كبيره وحضن اكبر يا اختى وحبيبتى الغاليه
مصطفى ريان..........
درش درش اخويا الغالى ازيك يا مصطفى اخبارك ايه
حاضر يا درش زى ما تأمرنى انفذ
نورتنى يا اخويا العزيز والغالى
barbie girl........
الله يكرمك يا حبيبتى ونورتينى يا باربلى بجد
ايعدتنى زيارتك قوى قوى يا جميله
hossam........
حس الغالى انتا جميل وطيب ومثقف وواعى
وانا بحرتم رايك وكلامك جدا جدا جدا
نورتنى يا غالى واسعدتنى يزيارتك الجميله جدا جدا جدا
سمكه واحده........
سمكمك حبيبتى انا بناكشك بس يعنى بجر شكل هزارك بس يا قمرى انتا
انتا اختى الصغيره وحبيبتى
وربنا ميجبش اى زعل بينا ابدا
ان شاء الله
نورتينى يا جميله بجد
سمكه واحده........
سمكمك حبيبتى انا بناكشك بس يعنى بجر شكل هزارك بس يا قمرى انتا
انتا اختى الصغيره وحبيبتى
وربنا ميجبش اى زعل بينا ابدا
ان شاء الله
نورتينى يا جميله بجد
nabil........
اخويا الغالى
الحمد لله فى افضل حال
انتا المهم كويس
يا رب دايما فى افضل حال يا نبيل
dodda........
يا حبيبتى يا دودا ربنا يكرمك ويا رب اكون استاهل افرح فعلا
نورتينى يا حبيبتى يا غاليه
ahmed 3lam.........
علام اخويا الغالى ازيك ازيك ازيك
يا علام باشا وبيه كمان ههههههههههه
مدونتك المتسكعين فيهاكتير دى قيمتها عندنا كبيره قوى قوى
منورنى يا جميل
والله فعلا بحبك من قلبى وفى الله يا لمض انتا
حاساك اخويا الصعير بالضبط
la princesa..whisper.......
راقصة الفلامنكو الغاليه ازيك يا برنسيس يا حبيبتى
انا مزعلش طول ما انتى بكل خير ومنورانى يا جميله
وحشتينى ونورتيتى يا حبيبتى يا جميله
la princesa..whisper.......
راقصة الفلامنكو الغاليه ازيك يا برنسيس يا حبيبتى
انا مزعلش طول ما انتى بكل خير ومنورانى يا جميله
وحشتينى ونورتيتى يا حبيبتى يا جميله
ا/احمد عبد المنعم.........
اخويا الغالى انتا نورتنى بكلامك واسفه لو مردتش على تعليقك وده اكيد سهو منى ليس الا
انتا اخ عزيز ويشرفنى لو اضفتنى جدا جدا
ويشرفنى طبعا لو طلعنا اقارب
نورتنى يا اخويا الغالى واسعدتنى بكلامك الطيب
ahmed al-sabagh.......
ههههههههههههه تخلص مننا احنا الاتنيين يا ساتر على دى تهدئه ههههههههههه
مش هنديك تلكما الفرصه هههههههههه
منورنى يا صبغ وروح نام براحتك خالص
بس ربع ساعه وهجيبلك فرقة خسبالله تعملك عزف منفرد ده بس عشان تنام على انغام ايقاعات هاديه
ههههههههه
منورنى يا صبغ بجد
jana........
هههههههههه خلاص ثوانى اركب رجلى واجيلك هوا نعيط على الحفله للصبح
نورتينى يا جانا وتتعوض يا جميله
princess........
برنسيستى تيجى وتروح بمزاج مزاجها
نورتينى يا جميله
وكانك قمتى بالواجب وزياده حبيتين كمان ههههههههههه
احمد سلامه.........
مش هقول اى حاجه غير انه محصلش اى حاجه
ونورتنى يا احمد يا سلامه يا اخويا الغالى
وحصل خير
وانتا عارف لو بس مكنتش لازم احل مشكلة الباص بتاع حضانة بيرو كنت جيت علطول طبعا
نورتنى يا سلامه يا اخويا الصغنن
حاجات جوايا.........
سالى الحبيبه صباحك ورود وزهور وهنا وصباح من اجمل ما يكون
نورتينى يا حبيبتى
ريمان........
ريمو ريمو ريمو حبيبتى الغاليه
الحمد لله يا قمر كل شئ تمام
وحححححححححشانى اخبارك ايه
يا رب تكونى بافضل حال يا حبيبتى
يا غاليه
dodda..........
ههههههههههههه يا حبيبتى يا دودا ما انا عملت بالنصيحه اهه
نورتينى يا جميله بجد
sweet violet..........
ضد نورتنا بالاسم المستعار تانى ههههههههههه
يا حبيبة قلبى حد يشوف ضد ويزعل
معقول كده
نورتينى يا حبيبتى
إرسال تعليق